<a href="https://kyzylorda-news.kz/">Kyzylorda-news.kz</a>&nbsp;&nbsp; Бүгінгі «Ауыл аманаты» айдарындағы біздің кейіпкерлеріміз Ақсуат ауылдық округінің тұрғындары Аралбаевтар әулеті. Олар өздерінің алғашқы отбасылық кәсіптерін «Ауыл аманаты» ұлттық жобасы арқылы ашып, шұлықтар өндіруді қолға алған. Бұл туралы «Байқоңыр» әлеуметтік-кәсіпкерлік корпорациясының баспасөз қызметі хабарлады.&nbsp;Анасы Сәрсенкүл мен баласы Нұрболат «Байқоңыр» әлеуметтік-кәсіпкерлік корпорациясы арқылы ұлттық жоба аясында өткен жылдың қараша айында 5 млн теңге көлемінде несие алып, оған соңғы үлгідегі шұлық дайындайтын құрылғы сатып алған. Бүгінде цехта жыл мезгілдеріне арналған шұлықтың бірнеше түрлері дайындалып, сатылымға шығарылуда.Ашылғанымызға көп болмаса да, халықтың сұранысы арта бастады. Бүгінде цехта әзірге күніне 300-400 дана шұлық әзірлеудеміз. Ол өнімдерді өзіміздің ауылдық округта және қаламыздағы дүкендерге өткізудеміз. Сондай-ақ, базардан арнайы сауда нүктесін жалға алып, шұлықтарымызды сол жерден сатудамыз, – деді Нұрболат Әбдіраман.Кәсіпкердің айтуынша биыл да аталмыш бағдарлама арқылы тағы да несие алып, кәсібін кеңейтпекші. Сол мақсат жүзеге асса, арнайы тігін фермасын ашуды көздеп отыр.Фото: Ашық дереккөз

«Ауыл аманаты» жобасы арқылы шұлық шығаратын цех ашты

<a href="https://kyzylorda-news.kz/">Kyzylorda-news.kz</a> «Ауыл аманаты» жобасы – Мемлекет басшысының сайлауалды бағдарламасын жүзеге асыру аясында қолға алынған маңызды бастама және ауыл тұрғындарының тұрмысын жақсартып, табысын арттыруға бағытталған.Осы орайда «AMANAT» партиясы ауыл халқының еңбек табысын арттыру мақсатында Үкіметпен бірлесіп «Ауыл аманаты» жобасын іске қосқан болатын. Бастапқыда пилоттық жоба ретінде қолға алынған жоба бүгінде ел көлімінде жүйелі жүзеге асып келеді. Халықтың жартысынан астамы ауылдық жерде тұратын Сыр өңірі үшін бұл жобаның маңызы зор.Ауылдағы ағайынның кәсіп көзін тауып, табысын жақсартуы үшін жобаны жүзеге асыруға өткен жылы облыста 3,0 млрд. теңгеге 406 жоба несиелендіріліп, нәтижесінде 713 жаңа жұмыс орны ашылған болатын. Жоба аясында - 33 ауыл шаруашылығы өндірістік кооперативтері - 716 млн. теңгеге; - 373 жеке кәсіпкерлер - 2 млрд. 284 млн. теңгеге қаржыландырылды.Басымдық өндірістік жобаларға, яғни шағын цехтар, жылыжай өндірісі, омарта, балық және құс шаруашылығы секілді жеке қосалқы шаруашылықтардың жұмысын дамытуға бағытталды.Бүгінгі күні өңірімізде жобаның жемісін көре бастаған азаматтар қатары артып келеді.Жаңақорған кентінің тұрғыны Азамат Кеңесбекұлы «Азамат» ДК – гін ашып, жиһаз жасаумен айналысып жүргеніне 15 жылдың шамасы болған. «Ауыл Аманаты» жобасы арқылы 2,5 пайызбен 8,5 млн несие алып, шағын кәсібін ілгерілетуге мүмкіндік алған. Жеңілдетілген пайызбен несие алған кәсіпкер бүгінде ас үй гарнитурларын, шкафтар мен басқа да жиһаз түрлерін өндіруде.Ал, Жосалылық Джабеков Даурбек жоба аясында фибробетон құрылыс материалын шығару (құрал-жабдықтар алу) үшін 3,0 млн теңге несие алып, қазіргі таңда аудан тұрғындарына қызмет жасауда.Қызылжарма ауылдық округінде «Бажак» жеке кәсіпкерлігінің иесі Бажакова Айнұр бүгінде «линарлы панель» өндірісін бастаған. Жоба аясында 7 миллион теңге несие алып, кәсіпкерлікке қажетті құрал жабдықтардың 8 түрін сатып алып, жұмыстарын жүйелі жүзеге асыруда.2024 жылға «Ауыл аманаты» жобасын іске асыру үшін 575 жобаны қаржыландыру және 610 жаңа жұмыс орындарын ашу көзделуде.Бағдарлама шеңберінде барлық елді мекенді бірдей қатыстыру мақсатында қаралған қаржы әр аудан және Қызылорда қаласы бойынша халық санына қарай тепе-тең (пропорционально) бөлініп, облыстың 146 (2 шағын қала, 12 кент және 269 елді мекен) ауылдық округтерін қамту жоспарлануда.Мемлекет басшысының тапсырмасымен ауылды дамытудың барлық ұйымдастырушылық, қаржылық тетіктері жасалып жатыр. Ең бастысы, партия өкілдері, жергілікті атқарушы органдар осы маңызды жобаны халыққа жан жақты жеткізіп, насихаттауда.&nbsp;Тұтас қоғамды жобаның төңірегіне жұмылдыруымыз керек.

«Ауыл аманаты»: Сыр өңірінде жоба қарқынды жүргізілуде

<a href="https://kyzylorda-news.kz/">Kyzylorda-news.kz</a> &nbsp;Қазалылық кәсіпкер Орынбасар Бақбергенұлы 2021 жылдан бастап Қызылорда қаласында пластикалық бөтелке шығаратын жеке кәсіпкерден дайын пластикалық бөтелкелерді алып, сатып алу-сату саудасымен айналысып келген.2023 жылы ауыл халқының табысын арттыру мақсатында «Ауыл аманаты» жобасы аясында осы кәсіпті ауданымызда жүзеге асыруды жоспарлап, қажетті құрал-жабдықтарды алуға «Байқоңыр» ӘКК» АҚ арқылы жеңілдетілген несиеге қол жеткізеді.Осылайша Орынбасар Бақбергенұлы пластикалық бөтелкені шығаруға қажетті құрал-жабдықтарын Алматы қаласынан алдыртып, бүгінде өзінің жаңадан бой көтерген ғимаратында ең бірінші сүт өнімдеріне арналған 0.5, 1 және 1.5 литр, ерекше дизайнда, құты қақпағы брондалып жабылатын пластикалық құтыларды шығаруда.Негізгі тұтынушылары: Қазалы, Арал ауданы, Сексеуіл және Төретам кенті.

Қазалыда пластикалық бөтелке өндірісі қолға алынды

<a href="https://kyzylorda-news.kz/">Kyzylorda-news.kz</a>&nbsp; Сыр өңіріне жұмыс сапарымен келген ҚР Премьер-министрінің орынбасары Тамара Дүйсенованың қатысуымен «Ауыл аманаты» жобасын жүзеге асыру және кәсіпкерлікті дамыту мәселелері талқыланған мәжіліс өтті. Жиынға Парламент Сенатының депутаттары Руслан Рүстемов, Наурызбай Байқадамов, Ауыл шаруашылығы вице-министрі Ербол Тасжүреков, Үкімет аппаратының қызметкерлері қатысты.Сондай-ақ, Алматы, Түркістан, Батыс Қазақстан облыстарының кәсіпкерлері тәжірибе алмасу үшін арнайы келді. Мәжіліске «AMANAT» партиясы Қызылорда облыстық филиалы, облыстық басқарма, департамент, инспекция басшылары, қала, аудан әкімдері мен ауыл шаруашылығы, кәсіпкерлік, экономика және қаржы, жұмыспен қамту мекемелерінің басшылары, ауылдық округ және кент әкімдері қатысты.Облыс әкімі Нұрлыбек Нәлібаев саладағы негізгі мәселелердің шешілуі жолында осындай жиындардың маңызын атап өтті.<blockquote>«Өздеріңізге белгілі, Мемлекет басшысы Қасым-Жомарт Кемелұлы 2022 жылғы қараша айында Қазақстан Республикасы Президенті лауазымына кіріскеннен кейін «Қазақстан Республикасының ауылдық аумақтарын дамытудың 2023-2027 жылдарға арналған тұжырымдамасы туралы» Жарлыққа қол қойды. Жарлық бойынша елімізде «Ауылда денсаулық сақтауды жаңғырту» ұлттық жобасы, «Ауыл – ел бесігі», «Ауыл аманаты», «Дипломмен ауылға» мемлекеттік бағдарламалары сәтті жүзеге асуда. Президентіміздің тапсырмасымен ауыл тұрғындарының табысын, тұрмыс сапасын арттыру, кәсіпкерлікті дамыту бағытында Сыр өңірінде де ауқымды жұмыстар атқарылуда. Биыл кәсіпкерлікті қаржылай қолдауға әртүрлі көздерден 34 млрд. 500 млн.теңге қарастырылған болса, оның ішінде Бірыңғай кешенді бағдарлама аясында субсидия және кепілдіктер беру үшін 9 млрд. теңге бөлінді. Мемлекеттік гранттар беруге 73 млн. 100 мың теңге қаралды. Биылғы 6 айда облыстағы шағын және орта кәсіпкерлік субъектілерінің саны 64 мың 478 болды. Жыл соңына дейін 3 мыңға жуық жобаны қаржыландыру көзделген. Кәсіпкерлер санының өсуі жастар және «Ауыл аманаты» жобасы аясында алынған микрокредиттер есебінен қамтамасыз етілді. Ауыл-аймақты дамыту үшін шағын шаруашылықтарды қолдау өте маңызды», - деді Нұрлыбек Машбекұлы.</blockquote>Еске салсақ, «Ауыл аманаты» жобасының басты мақсаты - ауыл халқының әл-ауқатын жақсарту және әлеуметтік мәселелерін шешу. Жылдық 2,5 пайызбен берілетін жеңілдетілген несие азаматтарға идеяларын жүзеге асыруға, өз ісін ашуға және ауылдағы жұмыссыздықты азайтуға мүмкіндік берді. Аймаққа өткен жылы республикалық бюджеттен жобаны қаржыландыруға 3 млрд. теңге бөлінсе, биыл 4 млрд. 600 млн. теңге қаржы қаралуда. Барлығы 411 жоба несиелендіріліп, ауылдың әлеуметтік-экономикалық дамуына айрықша үлес қосты.Іс-шарада Ауыл шаруашылығы вице-министрі Ербол Тасжүреков, облыс әкімінің орынбасары Ардақ Зебешев, Сырдария, Шиелі аудандарының әкімдері «Ауыл аманаты» жобасын іске асыру барысы мен артықшылықтары туралы баяндады.Мұнан бөлек, Алматы облысынан арнайы келген «Дәулет Бекет» ЖШС бас директоры Сыдық Дәулетов, Батыс Қазақстан облысы Қоскөл ауылдық округінің әкімі Әділет Мұсағалиев, Түркістан облысынан келген жеке кәсіпкер Данияр Қалымбетов өз тәжірибелерін бөлісті.Мәжілісті қорытындылаған ҚР Премьер-министрінің орынбасары Тамара Дүйсенова бағдарламаны іске асыру бағытында бірқатар ұсыныс айтты.<img src="https://knadmin.beoblood.kz/uploads/14_645c8b09f0.jpg" alt="14.jpg"><img src="https://knadmin.beoblood.kz/uploads/13_e42ffd0a83.jpg" alt="13.jpg">Фото: Қызылорда облысы әкімінің баспасөз қызметі

«Ауыл аманаты» жобасын іске асыру мәселелері қаралды

<a href="https://kyzylorda-news.kz/">Kyzylorda-news.kz</a> ҚР Премьер-министрінің орынбасары Тамара Дүйсенова жұмыс сапары аясында «Ауыл аманаты» бағдарламасының аймақта жүзеге асу барысымен танысып, ауыл тұрғындарымен кездесті.Былтыр бағдарлама шеңберінде республикалық бюджеттен 3 млрд. теңге қаралып, 406 жобаға несие берілді. Соның арқасында 700-ден астам жұмыс орны құрылды.Несие алғандар жеңіл өнеркәсіпті де игеруде. Мәселен, Махамбетов ауылының тұрғыны Сәрсенгүл Аралбаева «Ауыл аманаты» арқылы қол жеткізген 5 млн теңгеге шұлық өнімдерін шығаратын құрал-жабдықтар сатып алды. Қазір күніне 200-250 дана шұлық сатуда. Жобаға дейін тұрақты табысы болмаған Сәрсенгүл Аралбаева бүгінде жеке кәсіпкер.<blockquote>«Өнімге деген сұраныс өте жақсы. Енді кәсіпті кеңейту жағын ойластырудамын. Әзірге екі адам жұмыс істейміз. Кәсібім кеңейіп жатса, жұмыс орындары да көбейеді. Қолдау білдіргендерге алғысым шексіз!», - деді ол.</blockquote>Осы ауылдың тұрғыны Алтынкүл Дүйсенғазиева жүн мен мақтадан көрпе тігіп, кәсібін дөңгелетіп отыр. Ол үшін «Ауыл аманаты» жобасы аясында 3 млн теңгеден астам несие алды. Қазір ауыл, ауданнан бөлек, Астанадан да тапсырыстар келіп, айына 20-25 көрпе тігуде.<blockquote>«Өзімнің ерекше балам бар. Оны да осы кәсіпке үйретудемін. Алғашқыда өтініш бергенде жобамның мақұлданатынына сенбедім. Алайда, талап қылған адамға жол ашық екеніне көзім жетті. Осындай төмен пайызбен несие беру бастамасын көтерген азаматтарға ризашылығымды білдіремін», - деді ол.</blockquote>Ал Сырдария ауданының Айдарлы аулында көне кәсіпті жаңғыртқан кәсіпкер бар. Зейнеткер Марияш Әлжанова киіз басып, түкті кілем, сырмақ тігеді. «Ауыл аманаты» жобасы арқылы алған қаржыға цех ашып, 6 адамды жұмыспен қамтуда.<blockquote>«Ұлттық бұйымдарға сұраныс қашан да жоғары болады. Өндіріске қажетті жүннен тапшылық жоқ. Өзіміздің ауылдан, көршілес Қоғалыкөлден қой мен түйе жүнін аламыз. Кәсіп өз алдына, ең негізгі мақсатым – жастарға ұлттық қолөнерді таныту», - дейді ол.</blockquote>Тамара Дүйсенова қолға алынған жобаларды жоғары бағалады. Ауыл тұрғындарымен кездесу кезінде мемлекеттік қолдау шараларымен таныстырды. Жастарға 2,5 пайызбен ұсынылатын жеңілдетілген несиелер, әлеуметтік жағынан осал топтағы азаматтарға берілетін қайтарымсыз гранттар жайлы айтты.<blockquote>«Ауыл аманаты» бағдарламасының негізгі мақсаты – ауыл тұрғындарының табысын арттыру. Мемлекет тарапынан түрлі қолдау шаралары қарастырылған. Ол туралы ауыл әкімдері түсіндіру жұмыстарын күшейтуі қажет», - деп атап өтті Тамара Дүйсенова.</blockquote>Фото: Қызылорда облысы әкімінің баспасөз қызметі

Тамара Дүйсенова "Ауыл аманаты" жобасының Сыр өңірінде жүзеге асу барысымен танысты 

<a href="https://kyzylorda-news.kz/">Kyzylorda-news.kz</a> &nbsp;Күн санап кәсіпкерлікке ден қойғандардың қатары артуда. Бірі мемлекет берген мүмкіндікті тиімді пайдаланып тың идеясымен жаңа кәсіп бастаса, енді бірі дөңгелетіп отырған кәсібін одан әрі ұлғайтып, көкжиегін кеңейтуде.Бір сөзбен айтқанда кәсіпкерлік басқармасы атқарып жатқан жұмыстар, салаға бет бұрғандар үшін мол мүмкіндік. Бүгінде бұл сала түрлі жобалар арқылы даму үдерісінде. Жүйелі жұмыстар да жемісін беруде.&nbsp;Өңірлік коммуникациялар қызметінің ақпарат алаңында облыстық кәсіпкерлік және өнеркәсіп басқармасының басшысы Бекболат Шәріпбеков алты айда атқарылған жұмыстарға қорытынды жасады.<blockquote>– Мұнай өндіру көлемінің төмендеуіне қарамастан, өнеркәсіп өндірісінің көлемі – 5 пайызға, өңдеу өнеркәсібі – 37,5 пайызға, сауда – 3,6 пайызға, негізгі капиталға тартылған инвестиция – 41,4 пайызға артты. Жұмыс жасап тұрған кәсіпкерлер саны –64478 бірлікке, осы секторда жұмыспен қамтылғандар саны 114,5 мың адамға жетті. Сондай-ақ, биылғы жылы 100 мың тоннаға төмендеуі болжамдалуда. Мұнай-газ саласын дамыту және инвестициялар тарту бағытында қолайлы жағдайлар жасау мақсатында тиісті жұмыстар атқарылуда. Тағы бір айта кететін жайт газ өндіру және қайта өңдеу көлемін ұлғайту мақсатында облыс әкімдігі салалық министрлікпен бірлесіп, «Қазгермұнай» серіктестігінде тауарлық газ өндірудің екінші желісін іске қосты. Шикізатпен қамтамасыз ету мақсатында басқа компаниялардың кен орындарынан газ ресурстары тартылатын болады. Биылғы 6 айдың қорытындысымен өңдеу өнеркәсібінің өсу қарқыны бойынша облыс өңірлер арасында 1 орында.Алдағы 5 жылда облыста Жалпыұлттық инвестициялық жобалар пулы аясында 46 жобаның іске қосылуы жоспарланған, – Бекболат Жүнісәліұлы.</blockquote>Фото: Өңірлік коммуникациялар қызметі

Кәсіпкерлікті дамыту – ел игілігін еселеу

<a href="https://kyzylorda-news.kz/">Kyzylorda-news.kz</a> &nbsp;Соңғы жылдары кәсіпкерлік саласында нәзік жандылардың үлесі артып келеді. Әсіресе, шағын және орта бизнес саласындағы қаншама қыз-келіншектер жоғары жетістікке жетіп жүр. Оған мемлекет тарапынан қабылданған түрлі қолдау бағдарламалардың көбейіп, адамдарды кәсіпке баулу мен нәтижелі еңбекпен қамту бағытындағы жұмыстың жолға қойылуы да әсер етуде. Бұл туралы «Байқоңыр» әлеуметтік-кәсіпкерлік корпорациясының баспасөз қызметі хабарлады.&nbsp;Бүгінгі біздің «Ауыл аманаты» айдарындағы кейіпкеріміз де мемлекеттің қолдауының арқасында өз кәсібін жандандырып отыр. Арал қаласының тұрғыны Кушжанова Жұлдыз өткен жылы «Ауыл аманаты» ұлттық жобасы аясында жеңілдетілген несие алып, жартылай дайын өнімдерді өндіретін «Адал ас» шағын цехын ашқан болатын.Бұл бизнесін бастағанына көп болмаса да цехтан шығарылатын Жұлдыздың өнімдеріне сұраныс бірден арта түскен. Қазір Аралдағы қай дүкенге бара қалсаңыз сөрелерінде Жұлдыздың жартылай дайын тамақтары тізіліп тұрады. Нәзік жанды кәсіпкеріміздің айтуынша, жұмыс басты отбасылар, сондай-ақ, студенттерге бұл таптырмайтын мүмкіндік. Тек қана дайын дүниені үйге барып, пісіре саласың. Сондықтан да бұл өнімдерге сұраныс жоғары дейді.«Адал ас» шағын цехында түшпара, манты самса, жайма және басқа да 15 түрлі өнімдер дайындалады. Өндіріс орнында бүгінде 3 адам тұрақты жұмыспен қамтылған. Айта кету керек, кәсіпорын өндіретін өнімдер қазіргі таңда Арал қаласындағы барлық дүкендер арқылы тұрғындарға төменгі бағада сатылуда.Фото: Байқоңыр ӘКК

Аралдық кәсіпкер жартылай дайын өнім өндірісін өркендетуде

Кәсіп қылып тіршілік бастаймын деген адамға бүгінде мүмкіндік көп-ақ. Әсіресе, өз өнімін шығарумен айналысамын дейтін жандарға мемлекеттің қолдауы жетерлік. Сондай қолдауға ие болып, кәсібінің қарқыны алға өрлеп, кәсіптен дәулет пен бақ-береке тапқан кейіпкеріміз Төретам кентіндегі СПК «С-тройка» басшысы Көптілеу Тлекешов.Көптілеу мырза 10 жылдан бері пластикалық есік және терезе өндірумен айналысып келе жатырған кәсіпкер. Кәсіпті нәсіп қылған ағамыз өз өндірісін кеңейтіп, жаңа бағытта кәсіп бастау мақсатында былтырғы жылы «Байқоңыр» әлеуметтік кәсіпкерлік корпорациясынан «Ауыл аманаты» жобасы арқылы жеңілдетілген несие алған.Жоба арқылы алған несие қаржысына кәсіпкер брусчатка және термопанель, пластикалық есік пен терезе жасайтын стоноктар сатып алған. Бүгінде цехта 4 маман жұмыс жасап, күніне шамамен 15-20 дана есік пен терезе, брусчаткадан 30 квадрат метрге дейін шығаруда.Негізі кәсіппен 2002 жылдан бастап айналысып келемін. Түрлі салада жұмыс жасап көрдім. Осы кезге дейін терезе мен есік пластикті шығарумен айналысып келдім. Жаңаша бағыттағы кәсіп түрімее айналысу ойымда болые келген. Осы ойымды «Ауыл аманаты» жобасы арқылы жүзеге асырдым. Кәсіп жасаймын деген жанға бұл таптырмас жоба екен, – дейді Көптілеу Тлекешов.Көптілеу мырзаның цехынан өндіріліп жатырған есік, терезе мен брусчаткалар, термопанельдер бүгінде ауданның тұрғын үйлері мен ғимараттарына пайдаланылуда. Тіпті, көршілес аудан мен қаладан да тапсырыстар түсуде.«Байқоңыр» әлеуметтік-кәсіпкерлік корпорациясының баспасөз қызметіФото: ашық дереккөз

Төретамдық кәсіпкер бірнеше кәсіпті игеріп отыр

<a href="https://kyzylorda-news.kz/">Kyzylorda-news.kz</a> &nbsp;Бүгін Үкіметтік емес ұйымдарға арналған сыйлықақы алу үшін, жыл сайын өтетін конкурсқа өтінім қабылдау басталды. Конкурстың мақсаты – ҮЕҰ әлеуетін нығайтуға және қоғамдық пайдалы жобаларды іске асыру үшін, олардың мотивациясын арттыруға бағытталған маңызды институционалдық қолдау көрсету.Сыйлық 16 әлеуметтік маңызды бағыт бойынша беріледі, ал бір салаға арналған сыйлықақы мөлшері 2000 АЕК құрайды.Айта кетейік, соңғы 7 жылда 420 ҮЕҰ қоғамдық мәселелерді шешуге өз үлесін қосып, осы беделді марапатқа ие болды.Қоғам өміріне белсенді араласатын, өз саласында көшбасшы атанған, әлеуметтік мәселелерді шешуге елеулі үлес қосқан және инновациялық идеяларды іске асырған ұйымдар конкурсқа қатысуға өтінім бере алады. Өтінімдерді қабылдау 2024 жылғы 2 қыркүйекте Астана уақыты бойынша сағат 18:30-да аяқталады.Қатысу шарттары туралы толық ақпарат мына сілтеме бойынша қолжетімді: www.gov.kz/memleket/entities/mam/documents/details/685056?lang=kkҚосымша ақпарат алу үшін мына телефондарға хабарласуға болады: +7 (7172) 74-09-97, 74-13-41, 74-02-17.&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; ҚР Мәдениет және ақпарат министрлігінің баспасөз қызметі

ҮЕҰ-ға арналған сыйлықақы үшін өтінім қабылдау басталды

&nbsp;<a href="https://kyzylorda-news.kz/">Kyzylorda-news.kz</a> &nbsp;Мемлекеттік қолдау шараларының және өзінің қарым-қабілетінің арқасында кәсібін жүргізіп, халыққа қызмет көрсетіп отырған кәсіпкерлер саны жыл санап артуда.&nbsp;Бұл қатарға соңғы жыл­дары сұлулық салондарының егелері де қо­сылды. Осы ретте таза, ұқыпты және талап­қа сай қызмет көрсетуге бейімделген Гүлзихан Төремұратованың есімі Арал ауданының қыз-келіншек­те­ріне етене таныс. Ол өткен жылы «Ауыл аманаты» жобасы аясында жеңілдетілген несие алып, өзінің «Still» сән салонын ашты. Бұл туралы&nbsp;«Байқоңыр» әлеуметтік-кәсіпкерлік корпорациясының баспасөз қызметі хабарлады.Ашылғанына біраз уақыт болмаған нысан бүгінде өз тұтынушыларын жинап та үлгерген. Іші жинақы, шағын болса да шашаусыз, жиһаздары ерекше талғаммен орналастырылған. Гүлзихан Атабайқызы Аралдың тумасы. Ұзақ жылдар бойы кәсіппен айналысып, бірнеше кәсіптің иесі атанып үлгерген ол көптен бері осы іспен айналысуды мақсат тұтқан екен. Осы ойын жүзеге асыруы үшін «Байқоңыр» әлеуметтік-кәсіпкерлік корпорациясы арқылы 2,5 пайызбен 8 млн теңге несие алып, сән салонын ашып отыр.Әйелдерге сұлулық сыйлау – бір ғанибет. Осы орайда жеке ісімді дөңгелету үшін былтыр «Ауыл аманаты» жобасы арқылы несие алып, сұлулық салонын аштым. Сөйтіп сән салонымның ішін керек құралдар мен жиһаздарға толықтырдым. Бүгінде тұрақты тұтынушыларым да бар. Оларды әр уақытқа жазып қойып, сол бойынша қызмет көрсетемін. Салонда 3 адам жұмыс жасайды. Қолға алған ісім жақсы нәтиже беріп жатса, кейін үлкейту ойда бар, – дейді Гүлзихан Атабайқызы.Кешегіге дейін аудан орталығында мұндай сән орталықтары өте аз болатын дейді кәсіпкер. Енді сұлулыққа құмар қыз-келіншектер үшін осы сән салоны шаш, кірпік, макияж, тырнақ әрлеу мен косметологиялық бет күтімі бойынша қызмет көрсететін болады.Фото:freepik.com

Аралдық кәсіпкер «Ауыл аманаты» жобасы арқылы сән салонын ашты

<a href="https://kyzylorda-news.kz/">Kyzylorda-news.kz</a> Кеше мәжіліс депутаты Мұрат Әбенов Шиелі ауданына арнайы жұмыс сапарымен барып, «Ауыл аманаты» жобасының игілігін көріп отырған кәсіпкерлермен кездесті.Кездесу барысында депутат Шиелі кентінде орналасқан «Шиелі құс еті» кәсіпорнына барды. Құс өсіруші Құрманбаева Гүлзада ауыл шаруашылығы кооперативін ашып, 27,8 млн теңгеге жеңілдетілген несие алған. Бүгінгі таңда 3 құс үйі орнатылып, онда 4500 дана тауық бар. Сонымен қатар, ауданды тауық етімен тиімді бағада қамтамасыз етіп отыр.Мұнан соң Мұрат Әбенов СПК «Айдын 777» қабырға блоктарын өндіру зауыттының жұмысын көрді. Өнім қазіргі таңда аудан орталығында тиімді бағада нарыққа шығарылуда. Жоба аясында ауданда СПК «Айдын 777» құрылып, мемлекет тарапынан қолдау тауып, 27,2 млн (жиырма жеті миллион екі жүз мың) теңге қаражат бөлінген болатын. Мәжіліс депутаты жоба аясындағы жұмыстарды оң бағалап, кәсіпті дамытуды, үздік тәжірибелерді батыл жасауды тапсырды.Сондай-ақ, кенттегі көркейту-көгалдындару жұмыстары барысында қолданылған тамшылатып суғару әдісін көрген мәжіліс депутаты таңданысын жасырмады.Мұнан бөлек, Мұрат Әбенов жеке кәсіпкер Бағлан Сейітмұратов ашқан ауданымыздағы алғашқы кинотеатрға барып, кәсіпкердің алдағы жұмысына сәттілік тіледі, әрі ел үшін жасаған еңбектің міндетті түрде қайтарымы болатындығын айтты.Келесі кезекте мәжіліс депутаты гидротехник, су саласының ардагері Әлияр Сейітовтың №21 бекетте орналасқан алма бақтың жұмысымен танысты.«Бағбан болсаң бақ өсір, балама деп тағы өсір» деген нақылды өмірлік ұран еткен ағамыздың бау-бақшасы жайқалып өсіп келеді. Әкесінің ізімен осынау кәсіпті жанына серік еткен кейіпкеріміз «Р-7» каналының 245-ші бекетінде орналасқан алма бақты 2014 жылы еккен. Жарты гектар жерді өңдеп, 135 түп көшет отырғызған.2014 жылдан Р-7 каналының 245 бекетіне 0,5 га жерге 135 алма ағашының 4 сортын егіп, қазіргі таңда 100 пайызы өсіп тұр. Атап айтқанда, «Крепсн», «Голден», «Белый налив», «Достар» жер аумағына 135 түп алма ағаштарының сорттарын «Клен», «Қараағаш», «Ясина» ағаштарды және «Панская роза», «Кан», «Гвоздика» гүлдерін жылда егеді.

Мәжіліс депутаты Мұрат Әбенов Шиелі ауданындағы тың жобалармен танысты

&nbsp;<a href="https://kyzylorda-news.kz/">Kyzylorda-news.kz</a> Кәсіпкерлердің назарына4-ші шілдеде сағат 16:00-де Қызылорда облысының прокуратурасында кəсіпкерлер мен инвесторлар үшін «Ашық есік күні» өткізіледі. Осыған орай Сіздерді аталған іс-шараға қатысуға шақырамыз. &nbsp; Өтетін орны: Қызылорда қаласы, Нұрмақов көшесі №1.

Қазақстан және Қызылорда облысының жаңалықтары: Кәсіпкерлік