<a href="https://kyzylorda-news.kz/">Kyzylorda-news.kz</a>&nbsp; Биыл Қорқыт ата атындағы Қызылорда университетінің бизнес-инкубаторы және Қызылорда облысының ақпараттық технологиялар орталығының базасында стартаптар мен инноваторларды қолдау және дамытуға арналған Kyzylorda Hub стартаптар технопаркі ашылғанына 1 жыл толмақ. Орталық тиімді стартаптарды құруда, инвестиция тартуда көмек беретін бизнес-инкубатор Astana Hub халықаралық стартаптар технопаркінің облыс бойынша өңірлік хабы ретінде жұмыс істейді.&nbsp;Осы аралықта орталық жас стартаперлердің жұмысына қолдау білдіріп, ауқымды шараларды ұйымдастырды.<blockquote>– Мемлекет басшысының тапсырмасы бойынша барлық өңірдегі жоғары оқу орындарында өңірлік хабтар ашылғаннан бастап жұмыс істеу мүмкіндіктері айтарлықтай үлкейді. Бір жыл төңірегінде Kyzylorda Hub 150-ге жуық іс- шара ұйымдастырды. 4 бағдарлама өткізіп, 5000- нан астам аудиторияны қамтыды. 2 локацияда орналасқан коворкингте жұмыс істеп, жуырда 3-ші жаңа коворкинг ашылу туралы жоспарлап отырмыз. Орталықтың резиденттері іс-шаралар мен байқауларда жүлделі орын иеленіп, республикалық және әлемдік нарыққа шығуды бастады.&nbsp;Орталықтың резиденті атану үшін өтінім жіберіп, іс-шаралар мен бағдарламаларға қатысу қажет. Өтінімдер ерікті түрде www.kyzylordahub.kz сайтында немесе kyzylordahub инстаграм парақшамызда қабылданады. Іріктеу критерийлері жоқ, біз кез келген идеяға ашықпыз. Бастысы – қатысушының жігері мен ынтасы, – деді орталық жетекшісі Жанарыс Түбекбаев.</blockquote>Өткен жылы орталықтың бастамасымен «Startup joly» инкубациялық кезеңі екі мәрте ұйымдастырылды. &nbsp;Бағдарламаға қатысқан 46 жобаның арасынан 13 жоба жұмыс істеп жатыр. Оның ішінде 4 жоба «QazInnovations» қаржыландыру бағдарламасына өтінім беруде.Орталық жетекшісі резиденттердің бизнесін қолдау үшін қандай көмек көрсете алатынын да айтып берді.<blockquote>– Бизнес-инкубатор резиденттеріне алдымен білім мен тәжірибе алмасу алаңын жасаймыз. Орталықта түрлі бағыт бойынша оқыту курстары бар. Қатысушылар өзіне ұнаған сала бойынша кез келген бағыттағы курстарға қатыса алады. Сонымен қатар бағдарламаға қатысып, жобаларын дамытады. Әрі қарай инвестиция тартуға және демеушілік алу мүмкіндігіне ие болады. Себебі біздің алаңда жақсы жоба жасау арқылы республикалық деңгейге жол ашылады. Ең бастысы жастарға жұмыс жасауға арналған тегін 2 коворкинг бар. Алдағы уақытта біз арнайы зертханалар салуды жоспарлап отырмыз.Жақында бейне ойындарын жасайтын лаборатория ашылады. Оған қосымша жасанды интеллект, бағдарламалау, инжиниринг лабораториялары да қосылады. Менің ойымша біздің ең басты жұмысымыз әрі міндетіміз – жастарды ояту, табысты болуға ынталандырып, Қызылорда аумағындағы мүмкіндіктерді көрсету. Білім көзін беріп, әрі қарай табысты маман, кәсіпкер болуға мүмкіндік жасау. Жастар арасында Қызылордадағы мүмкіндіктер мен перспективаларға сенім жоқ, біз сол сенімді оятуға жұмыс істейміз.&nbsp;Сәтті стартаптар көбіне білімді жастармен бірге жасалады. Расымен де, стартапты бастау үшін мықты интеллект қажет. Сол себепті білім беру ұйымдарымен тығыз жұмыс істейміз. Стартаптар әлемінде аутсайдерлерге орын жоқ. Бұл нағыз бәсекелестіктің мекені, сол себепті барлық күшімізді бәсекелестікке менталды тұрғыда төзе алатын жастарды тартуға жұмсаймыз. Сыр елі мықты жастарға толы, тек олардың зейінін ашу керек. Алайда жастардың басым бөлігі арзан әрі тез дүниеге құмар, ойын күлкіге жақын болып барады. Ал стартап жасау – бірінші кезекте ауыр еңбек және тоқтаусыз білім алу, – деді ол.</blockquote>Сондай-ақ ақпараттық технологиялар саласында жақсы табыс табу үшін қандай дағдылар қажет екеніе де тоқталды.Орталық жетекшісінің айтуынша, ақпараттық технологиялар саласында мамандар көп. Бірақ көбісінің мәселесі – өз мамандығын дұрыс білмеуі.<blockquote>– Сізде екі жол бар: мықты менеджер ретінде жобаны басқарасыз немесе мықты технолог болып жобаны жасайсыз. Әр адам өзіне жақынын таңдап, сол бағытта дамуы қажет. Егер сіз технология саласына жақын болсаңыз арнайы бағдарламалау тілдерін үйреніп, инженерия негіздерін меңгеруіңіз керек. Сол бағытта дағдыларды дамыта аласыз. ІТ саласында жоғары білім алу мол табысқа алып келеді деген заң жоқ. Заман және технологиялар тез ауысуда, сол себепті жаңа технологияларды жылдам меңгеруге тырысу қажет.Біздің орталық – Tech Orda республикалық гранттық бағдарламасының үйлестірушісі. Бұл бағдарламада жастар ІТ саласының арнайы бір бағытын таңдап, тегін білім жетілдіруге мүмкіндік алады. Ал егер сіз менеджер болғыңыз келсе, жобаның тиімді түрде жүзеге асуына жауапты боласыз. Менеджмент, қаржы, басқару, құқық деген секілді бағыттар сізге тиесілі болады. Осы бағыттардағы негізгі білімге назар аудару қажет. Басты шарттардың бірі – цифрлы және soft дағдылардың жақсы дамуы, – деді ол.</blockquote>IT хаб сәуір айынан бастап ақпараттық жұмыстар жүргізбек. Өңірдегі мектеп, колледж, университет білім алушыларымен митап өткізуде. Ал семинарлар жыл бойы үздіксіз, тіпті күніне бірнеше семинар өтеді. Осы айда әйелдер қауымына ІТ және цифрлы дағдыларды дамыту бойынша Tech girls бағдарламасын ұйымдастырылмақ.Айта кету керек, өткен аптада Kyzylorda Idea Battle облыстық стартап жобалар байқауы аяқталды. Келесі байқау – Kyzylorda Hub Hackathon облыстық ІТ жобалар хакатоны. Сонымен қатар, облыстық мектеп және колледж түлектері арасында Startup Talapker стартап жобалар байқауы дәстүрлі түрде жыл сайын өтуде. Бұл байқауда үздік түлектерге ЖОО білім гранты табысталады. Интеллектуалды кештер, бизнес таңғы астар, чемпионаттар, воркшоптар жыл соңына дейін жалғасады. Ал жылдың қорытынды байқауы, Innofest Kyzylorda инновациялық жобалар фестивалі биыл да өз ретімен ұйымдастырылады.&nbsp;Ә.Жанәбілқызы

Kyzylorda Hub стартаптар технопаркі биыл да ауқымды шараларды жүзеге асырмақ

<a href="https://kyzylorda-news.kz/">Kyzylorda-news.kz</a>&nbsp; Дүниежүзілік кітап және авторлық құқық күніне орай облыстық жастар ресурстық орталығының ұйымдастыруымен Қорқыт ата атындағы Қызылорда университеті open space кітапхана залында поэзия кеші өтті.Кеш қонақтары Сыр өңірінің белді ақындары Айдар Сайлауов, Аружан Оралбай, Ақжол Түменбай жастарға кітаптың маңыздылығы туралы айтып, кітап оқуды дағдыға айналдыруды, қымбат мұрамызды бағалау керектегін жеткізді.Кеш барысында ақындар өз шығармашылықтарынан өлең оқып, ән де шырқалды. Сондай-ақ, білім алушылар ақындарға сұрақтарын қойып, пікір алмасты.Айта кету керек, кітап – адам баласы ақыл-ойынан туған рухани байлықты сақтап, оны ұрпақтан ұрпаққа жеткізіп отыратын құрал, білім мен тәрбие көзі. Ол – адамзат жасаған ең ұлы кереметтердің бірі.Халықаралық кітап күнінің 23 сәуір күні тойлануына себеп болған, көптеген белгілі жазушылар (М.Сервантес, В.Шекспир, И.Вега, М.Дрюон және тағы басқалар) бұл күні дүниеге келіп, дәл осы күні дүниеден озған.Мереке Халықаралық кітап баспа қауымдастығының қолдауымен 1969 жылдан тойланып келеді. 1995 жылдың 16 қарашасында өткен ЮНЕСКО-ның Бас конференциясының 28 сессиясында мереке туралы Қарар қабылданып, 23 сәуір «Дүниежүзілік кітап және авторлық құқық қорғау күні» болып жарияланды.Арабтың «кітап» деген сөзі қазақша «жазу», «жазба» деген мағынаны білдіреді.&nbsp;Кітаптың шығу мен дамуы сол жазу өнерінің пайда болуымен тығыз байланысты. Ол қажетті материалдардың ойлап табысуына және техниканың дамуына сәйкес жетілдіріле берді.Ежелгі заманда Мысыр мен Шығыс елдерінде, Греция мен Римде кітап қыш тақталарға жазылды. Кітап тас бетіне де қашалып жазылды.Түркі халықтарының көне жазба мұрасы болып табылатын «Орхон – Енисей жазба ескерткіштерін» (7-9 ғ.) ашық аспан астында тұрған тас кітаптар, деуге болады.Көпшілікке арналған алғашқы баспа өнімдері, яғни, діни уағыздар, қолжазба кітаптар ағаш қабығына, теріге, кейіннен қағазға қолмен көшіріліп жазылған. Ірі қалаларда қолжазба кітапты мәнерлеу өнерімен шұғылданатын арнайы маман-көшірмешілер, түптеушілер, миниатюрші суретшілерді топтастырған орталықтар жұмыс істеген.Біртекті мәтінді көп данамен тарататын Баспа тарихы Қытайда кітап көбейтудің жаңа әдісі – ксилографияның (ағаштан ойылған қалыппен басу) пайда болуынан басталады. Осы әдіспен ең алғаш будда дінінің «Жақұт сутра» (868) деген кітабы басылды.1040-1048 жылдары Би Шен жылжымалы қаріптерді, құйма әріптермен теру процесін ойлап тапты. Ал, Еуропаға бұл жаңалық 4 ғасырдан кейін ғана келді.&nbsp;Фото: &nbsp;freepik.com

Сырбойылық жас ақындар студенттермен кездесті

<a href="https://kyzylorda-news.kz/">Kyzylorda-news.kz</a> &nbsp;Аймақта ІТ сала бағытында ауқымды жұмыстар атқарылып, ғалымдар жаңа жобаларды іске асыруда. Оның ішінде робототехника саласында тың бастамаларды жүзеге асырған білікті мамандар бар. &nbsp;Қорқыт ата атындағы Қызылорда универсиеті,&nbsp; "Компьютерлік бағдарламалар" бөлімінің басшысы, ғалым Арыстанбек Тұяқбаев білім саласындағы жұмыс процесін цифрландыру мақсатында платформа құрастырып, онлайн және виртуалды зертханалар әзірлеуде.<blockquote>– Бүгінде қай саланың да болашағын цифрландырусыз елестету мүмкін емес. Елімізде де көптеген жұмыс атқарылуда. Өйткені дамыған елдерге жету үшін тоқтаусыз еңбек қажет. Бірақ көп жағдайда жобалар авторлық деңгейден әрі аспай жатыр. Басым бөлігіне мемлекеттік қолдау қажет. Қазір үш бағытта еңбек етудемін. Алғашқысы, e-univer платформасы. Бұл – университеттегі оқытушылар мен студенттерді бір-бірімен байланыстыру, жұмыс процесін автоматтандыруға арналған жүйе. Екінші бағыт – виртуалды зертхана жасау.&nbsp;Елімізде қашықтан оқыту енгізілгенімен, зертханалық жұмысты қашықта отырып орындау мүмкіндігі аз. Қазір Қорқыт ата атындағы Қызылорда университетіне арнап, 3Д форматтағы онлайн зертхана жасаудамыз. Онлайн зертхана бойынша жұмысты пандемиядан бұрын, 2019 жылы бастағаныммен, облыстық білім басқармасынан да, қалалық білім бөлімінен де қолдау болмады. Тек пандемия кезінде М.Мәметова атындағы Қызылорда педагогикалық колледжі ғана өз серверіне қойғызып, бүкіл мектептерге тегін ұсынды. Бірақ ол кезде де білім ордаларынан қолдау болмады. Кейін колледж оны алып тастап, орнына басқа жүйе орнатты. 2023 жылға дейін онлайн зертхана бойынша платформаны интернетке өз қаржыммен орналастырдым. Бірақ ай сайын қаржы төлеп отыру маған оңай емес. Сондықтан жүйені алуға тура келді.&nbsp;Қазір Жасанды интеллект бағыты бойынша С.Толыбеков атындағы №3 мектеп-гимназиясына жаңа құрылғы әзірледік. Бұл жүйе Face ID арқылы мектеп қызметкерлері мен оқушыларының қашан келгенін, сабақта кім барын, тіпті басқа келушілердің қай уақытта оқу орнына кіргенін анықтай алады. Құрылғы пайдалануға дайын, дегенмен жауапты мекемелерден қолдау байқалмайды. Айта кету керек, бұл жоба сол оқу орнында қызмет ететін ұлым Асқар Әбудің идеясымен жасалды, – деді ғалым.</blockquote>Е-univer платформасында ЖОО-дағы әрбір оқытушының ізденістері мен атқарған жұмысы, яғни, біліктілігі, ғылыми дәрежесі, әдістемелік құралдары мен зерттеу еңбектері, авторлық жұмыстары, қай пәннен дәріс өткізетіні сынды ақпараттар бар. Әр оқытушының рейтингін анықтауға, қай мамандық, қазіргіше айтсақ, білім беру бағдарламаларына қандай оқытушылар жетіспейтіндігін де саралауға мүмкіндік бар.Сондай-ақ, ғалым виртуалды емес, цифрлы зертхана жасады. Мұндағы датчиктер кернеу, температура сынды физикалық құбылыстарды дәлме-дәл өлшейді.Ғалым роботехника жоғары деңгейге көтерілгенін, бұған бір себеп мектептерде осы салаға арнайы пән енгізіліп, кабинеттер ашылғанын атап өтті.<blockquote>– Білім беру ұйымдары қазір Arduina қосымшасы арқылы, миккроконтроллер, яғни кішкентай компьютер арқылы робототехниканы үйретуде. Соның арқасында робототехника мамандығын үйрену жеңілдеді. Бұл тек механикалық басқару арқылы жұмыс істейді. Бірақ бұл – төменгі деңгей. Енді келесі деңгейге өту үшін Arduina арқылы жасалған роботты жасанды интеллект арқылы басқару қажет. Робот қоршаған ортаны, адамдарды танып, кедергілерден өте алса, әлемдік құрылғылармен бірдей бола алады, – деді ол.</blockquote>Сондай-ақ, еліміздегі ІТ саланың дамуы туралы да атап өтті.<blockquote>– Жобалар конкурсы ІТ саласын дамытуға белгілі бір деңгейде көмектеседі. Бірақ бұл жеткіліксіз. Олар мемлекет тарапынан қолдау таппаса, әлемдік деңгейден қалып қоюы мүмкін. Қорқыт ата атындағы Қызылорда университетінің жанынан Оңтүстік Кореялық университеттің филиалы ашылмақ. Бұл дәл уақытында жасалған бастама деп ойлаймын. Осы арқылы Қазақстандағы жасанды интеллект жобаларын әлемдік деңгейде дамытуға болады. Әйтпесе, жоба, бастама деңгейінде әлемдік биікті бағындыру мүмкін емес, – деді ғалым.</blockquote>Ғалым 1989 жылы Мәскеудің авиациялық инстиутының аспирантурасында оқып, физика-математика ғылымдарының докторы К.Леонодовичтың жетекшілігімен теориялық механика бағытындағы орнықтылық теориясы, ғарыш мәселелері бойынша кандидаттық диссертация қорғады. Одан кейін университетте аға оқытушы, 2001 жылдан бастап кафедра меңгерушісі, 2003 жылы "Компьютерлік бағдарламалау" бөлімін бсқарып, Қазақстанда алғашқы болып университетте автоматтандыру жүйесін енгізді.&nbsp;А.НҰРТАЙҚЫЗЫ Фото:avatars.dzeninfra.ru

Қызылордалық ғалым онлайн зертхана әзірлеуде

<a href="https://kyzylorda-news.kz/">Kyzylorda-news.kz</a>&nbsp; Қорқыт ата атындағы Қызылорда университетінің білім алушылары республикалық хакатонға қатысып, платформалардың қатарын көбейтті. «Necodetau» командасы 2 күн ішінде «Bytebook» жобасын әзірледі. Bytebook – бейнеконференциялар, онлайн тақта және ішкі байланысты қамтамасыз ететін корпоративті әлеуметтік желінің озық платформасы. Авторлардың айтуынша, бұл жоба тиімді командалық жұмыстың кілті. Себебі кәсіпкер немесе жұмыс берушінің шығынын азайту әрі тәжірибе алмасу мүмкіндігі қарастырылған. Жалпы 7 функция қосылған.Платформаға енгізілген «мессенджер» қызметі тиімді, жылдам және қауіпсіз байланысты қамтамасыз етеді. «Тапсырмаларды басқару» функциясы басшының жұмысты ұйымдастыруға, прогресті бақылауға және команданың мақсаттарына тиімді жетуге көмектеседі. Байланысу үшін бейнеконференциялар да бар. Тіпті қызметкерлердің үлгерімін бақылау мүмкіндігі қосылған. Аталған функция арқылы әр топ мүшесінің жұмысы бағаланады. Платформадағы «оқиғалар күнтізбесі» маңызды іс-шараларды үйлестіруге, тапсырмаларды жоспарлауға және жобалардың уақытылы орындалуын қамтамасыз етуге көмектеседі. Сондай-ақ топ құру, бірлесіп жоспарлау мүмкіндігі, геймификация мен білім базасы бар.<blockquote>– Біздің платформа арқылы қолданушылар тәжірибе мен идея алмасу мүмкіндігіне ие болады. Қызметкерлерді белсенді қатысуға және нәтижелі жұмыс істеуге ынталандырамыз. Бейнеконференциялар мен онлайн тақтасы бар корпоративтік әлеуметтік желі платформасы ресурстарға жылдам қол жеткізу және сараптамалық қолдау арқылы жаңа қызметкерлерді жұмысқа қабылдау шығындарын азайтуға көмектеседі, – деді команда мүшесі Ғұбайдулла Орынбеков.</blockquote>Республикалық байқауға Сыр елінің намысын қорғау үшін барған «Necodetau» командасының құрамында Саят Урикбаев, Хасен Зейнулла мен Ғұбайдулла Орынбеков бар. Жас стартаперлердің айтуынша, байқауда 10 тақырып берілген. Осылайша тез арада шешім қабылдап, хакатонның алғашқы күнінде платформаның тең жартысын әзірлеп үлгерген.<blockquote>– Жоба әзірге MVP сатысында тұр.&nbsp;Команда платформаны әрі қарай дамытуда. Алдағы уақытта қолданысқа берілетін болады, – деді стартапер.</blockquote>Студенттерден құралған команда байқаудан жүлдемен оралмаса да, қазылар алқасының назарын аударған. Кәсіпкерлер тарапынан алдағы уақытта инвестор ретінде жобамен бірге жұмыс істеу туралы ұсыныс түскен.&nbsp;Ә.Жанәбілқызы

«Bytebook» жобасы – идея мен тәжірибе алмасудың тиімді құралы

Мобильді қосымшалар уақыт пен қаржыны үнемдеуге елеулі көмектесетін рас. Осы орайда қызылордалық оқушылар жасаған «Еasier together» жобасымен таныстырмақпыз.Қызылорда қаласындағы №264 мектептің 11 сынып оқушысы Жансая Ержанқызының «Еasier together» жобасы бүгінде керемет нәтиже көрсетуде. Еasier together – сабақ беруге арналған онлайн платформа. Иә, бір қарағанда ерекшелігі жоқ, кезекті жоба болып көрінуі мүмкін. Алайда Жансаяның ақпараттық технологиялар саласындағы бұл жобасы еріктілер мен білімге құштар аз қамтылған отбасыларды бір алаңға біріктіреді. Репетитор мен оқушыны қосатын онлайн платформаның ұстаздары Назарбаев зияткерлік мектебі, Республикалық физика математика мектебі, Білім инновация мектебінің үздік оқушылары мен жоғары оқу орындарының білім алушылары.<blockquote>– Бүгінде біз 5 оқу ағынын жүргіздік. 13 мемлекеттің оқушыларын 3 тілде STEM бағытында оқыттық. Атап айтсам, Қазақстан, Ресей, Украина, Түркия, Германия, Оңтүстік Корея, Қырғызстан, Өзбекстан, Қарақалпақстан, Латвия, Тәжікстан, Испания және Белорусь мемлекеті. Ал біздің қызметті пайдаланған оқушылар саны 2500-ге жуық, – деді Жансая Ержанқызы.</blockquote>Онлайн білім беру командасындағы еріктілер айырбастау негізінде жұмыс істейді.<blockquote>– Волонтерлер оқушыларға сабақ береді, ал біз олардың ерікті екенін растайтын сертификат табыстаймыз, ресми сайтта көрсетеміз. Сондай-ақ, шетелдік жоғары оқу орындарына түсуге дайындық және халықаралық емтихандарды тапсыру бойынша құнды ресурстар жиналған жабық телеграм арнасына кіруге мүмкіндік береміз. Шетелдегі университеттер үшін студенттерінің еріктілер тобында болғаны өте маңызды, – дейді жоба авторы.</blockquote>Бағдарламаға кез келген бала тіркеле алады. Ең бастысы – қолжетімділік. Жансаяның айтуынша, егер Қазақстанда орташа есеппен айына бір пәнді репетитормен оқу 28 000 теңге болса, онлайн платформада 3000 теңге. Оқуға қабылдау үшін оқушыларға қойылатын арнайы критерийлер жоқ. Бағдарламаға қатысушылар 5 пән бойынша білімін жетілдіре алады. Нақтырақ айтсақ, биология, математика, бағдарламалау, физика және химия бағыты.<blockquote>– Шетелдік еріктілер және студенттермен байланысуда ешқандай мәселе жоқ, себебі әлеуметтік желі немесе Zoom арқылы хабарласамыз.Сайтты өзім жасадым. Себебі IT саласы бойынша түрлі курстардан өттім. Сондықтан қиындықтар болған жоқ. Менің қолдаушым – ата-анам. Веб-сайтты алғаш құрған сәтте отбасым қатты қуанып, бұл жоба қоғамға оң әсер етіп, пайдалы болса, соңына дейін жалғастыруымды қалады.Алдағы уақытта жобаға қосымша бағдарлама жасау бойынша жұмыстар жүргіземіз. Сонымен қатар, аудиториямызды кеңейткіміз келеді, – деді кейіпкер.</blockquote>Айта кетейік, Жансая жақында ғана Kyzylorda Hub бизнес-инкубаторы ұйымдастырған Idea Battle байқауында жүлделі II орын иеленді.&nbsp;Ә.Жанәбілқызы

Қызылордалық оқушы "Еasier together" қосымшасын жасады

<a href="https://kyzylorda-news.kz/">Kyzylorda-news.kz</a>&nbsp; Аймақтағы жастар ІТ салада оқ бойы оза шауып, тың идеялары мен бастамаларын жарыққа шығаруда. Олардың арасында студенттермен қатар мектеп оқушылары да бар.Стартаперлердің жаңа жобалары өңірдің экономикалық дамуына әрі өзекті мәселелерді шешуге жағдай жасайды. Осындай жобалардың бірі – «SAYGAQ AI». Бұл – жасанды интеллектінің көмегімен өрт сөндіруші роботтарды қашықтан басқаруға бейімделген стартап жоба. Мұны жасаған мектеп оқушылары Гафур Шайхы мен Асылжан Абдуллаев. Қазір жоба mvp сатысында. Яғни прототипі бар. Жобаны дамыту үшін оқушылар Idea Battle инкубациялық бағдарламасына қатысқан. Семинарлар арқылы білікті мамандардан тәжірибе жинап, финалға өткен. Олар тынымсыз еңбектің нәтижесінде стартап жобалар байқауында I орын иеленді. Стартаперлердің айтуынша, алдағы уақытта инкубациялық және акселерациялық жобаларға қатысуды жоспарлауда.Сондай-ақ, оқушылар ел игілігі үшін тағы бір маңызды жобаны ойлап тапты. Олар жасаған «ReDabyl» жобасы – цифрлық саланың жаңа жетістігі. Түркістанда өткен «Recodetau» республикалық хакатонында қызылордалық жастардан құралған «NeoNomad» командасы I орын иеленіп, Үндістан мемлекетінде 10 күндік тағылымдамадан өту мүмкіндігіне ие болды.ReDabyl – су тасқыны секілді табиғи апат кезінде жұмыс істеуге арналған мониторинг және алдын ала болжаудың кешенді жүйесі. Жобаның міндеті – сенсорлар өзен арналарының бойында орналасқан су деңгейін және қосымша параметрлерді үздіксіз бақылайды.<blockquote>– Су тасқыны шекті мәннен асқан жағдайда сенсорлар автоматты түрде жауапты органдарға дабыл қағып, ақпарат жібереді. Осылайша мамандандырылған ұжымды қажет нысанға жіберу арқылы жұмыс күшін азайтуға көмектеседі. Біздің зерттеуіміз бойынша, осы секілді цифрланған кешенді жүйе Қазақстан аумағында жоқ және ашық түрде ақпараттың базасы мен анализін бере алмайды. Ал біз пайдаланған сервер мен телефонға дабыл жіберу ашық түрде болады, – деді команда мүшесі Ж.Мұңайтбасова.</blockquote>Dárumen – онлайн және офлайн сатып алу мүмкіндіктерін біріктіретін медициналық қамтамасыз ету саласындағы қолайлы жоба. Яғни, медициналық заттар сататын вендинг дәріхана. Кез келген уақытта сатып алушыларға ыңғайлылық пен қолжетімділікті қамтамасыз ететін дәріхана арқылы медициналық өнімдердің кең ауқымына тәулік бойы қол жеткізуді ұсынады. Бұл жоба онлайн және офлайн режимінде таңдау еркіндігі мен сатып алу ыңғайлылығын қамтамасыз ете отырып, кезекте тұру қажеттігін жояды. Бұл идея бойынша Алтынай Әубәкір жұмыс істуде. Бұған дейін «Syrlax» жобасы арқылы командасымен бірге «InnoFest » инновациялық жобалар байқауында II орын иеленген. Жобаның мақсаты – облыстағы туризмді цифрландыру, маркетинг бағытын дамыту және туристік нысандардағы сервисті жақсарту.Дарынды балаларға арналған «Бәйтерек school» мектеп интернатының оқушылары Нұрсана Серікқызы, Гүлдерайым Тәжібай, Назгүл Жұмағалиева «Literabot: Жарқын болашаққа үміт» жобасын әзірлеуде. Бұл – ерекше білімді қажет ететін балаларға арналған инновациялық жоба. Жасанды интеллектінің көмегімен жазылған комикстер арқылы теңсіздік пен буллингті түбегейлі жоюға бағытталған.<blockquote>– Осы мәселелерді азайту мақсатында «Inclusive. people» мен «Ана үйі» қоғамдық қоры демеушілік жасауға дайын, – деді жоба жетекшісі Гүлнар Серікболова.</blockquote>IT, инновация саласында тәжірибе жинап, жобалармен айналысатын мектеп оқушылары технологияның керемет әлеуетін көрсетуде. Олардың күш-жігері мен жетістіктерінің арқасында заманауи индустрия бір орында қалмайтыны анық.&nbsp;Ә.ЖАНӘБІЛҚЫЗЫ

Қызылордалық стартаперлер «SAYGAQ AI» жобасын дайындады

<a href="https://kyzylorda-news.kz/">Kyzylorda-news.kz</a>&nbsp; «Оқуға құштар колледж» жобасы аясында И.Әбдікәрімов атындағы Қызылорда аграрлық техникалық жоғары колледж кітапхана қызметкерлерінің ұйымдастыруымен 24 сәуірде Коворкинг орталығында «Ақындар жырлаған туған өлке» атты әдеби қонақжай өтті.Іс-шараның мақсаты Қазақстандағы және өлкедегі әдебиеттің танымал тұлғалары мен ақын-жазушылар шығармашылығын оқырмандарға таныту. Туған өлкеге деген сүйіспеншілігін арттыру, білім алушылардың өлеңді мәнерлеп оқу шеберлігін, кітап оқуға деген қызығушылықтарын арттыру, сөйлеу мәдениетін қалыптастыру. «Туған жер» құндылықтарының маңыздылығы туралы түсініктерін кеңейту.&nbsp;Жиында Асқар Тоқмағамбетов, Әбілда Тәжібаев, Зейнолла Шүкіров және өзге де көптеген ақындар туралы сөз қозғалды..&nbsp;Асқар Тоқмағамбетов – сексеннен астам кітаптың авторы. Оның жұмысы жанрлардың жан-жақтылығы мен кеңдігімен ерекшеленді. Ол кино мен драматургияда белсенді жұмыс істеді. Оның "егер әрқайсымыз болса" фильмінің сценарийі бойынша Сұлтанахмет Ходжиков фильм түсірді. Республика театрларының сахналарында оның пьесалары бойынша "Арман азабые" ("Муки мечты"), "Токсан толғау" ("тоқсан сөз") және басқа да спектакльдер қойылды.Әбілда Тәжібаев ХХ ғасырдағы қазақ көркем сөз өнерінің өсіп толысуына, қарыштап дамып, әлемдік өркениетті әдебиеттердің қатарынан орын тебуіне ірі үлес қосқандардың бірі, сыр елінің саңылақ ұлы.&nbsp;Ә.Тәжібаев поэзияда лирика мен поэма жанрын қатар алып жүрген ақын. Оның қаламынан туған 30-дан астам поэма мен өте көп сандағы өлеңдері сыршылдық, ойшылдығымен, шыншылдық, оттылығымен ерекшеленеді.З. Шүкіров – батылдық пен табандылықтың бейнесі. Сегіз жасында түйеден құлап, ауыр жарақат алды, бұл оны өмірінің соңына дейін төсекке байлады. Бала арбаға таңылса да өмір сүруге деген құлшынысы еш өшпеген. Ол кітаптардан жұбанышын тапты, оны оқуға ұзақ уақыт жұмсады, білім мен өзін-өзі жетілдіруге ұмтылды. Ақындық пен жазушылықты қатар ала жүріп, сан түрлі тақырыптардағы туындыларын өскелең ұрпаққа мұра етіп қалдырды.&nbsp;Әдеби қонақжайға «Геология және сандық техника» бөлімінің ЦТ-23о/1 оқу тобы топ жетекшісі Н .Ибрагимова қатысты. «Ақындар жырлаған туған өлке» әдеби қонақжайда жергілікті ақын,жазушылар «Сырдың сұңқар ақыны» Ә.Тәжібаев, «Сырдың қайсар қаламгері» З.Шүкіров, «Сырбаз сыншыл, әдебиет майталманы» А.Тоқмағамбетовтың шығармашылықтарына арналды.Іс-шара барысында оқырмандар үш топқа бөлініп төрт кезеңнен тұратын Отан, туған жер, туған елге қатысты шығармалары бойынша мәнерлеп оқу, түрлі әдістерді орындау тапсырмалары ұсынылды.&nbsp;Қорлан САРЫ Фото: &nbsp;freepik.com

Білім алушылар «Ақындар жырлаған туған өлке» атты шараға қатысты

<a href="https://kyzylorda-news.kz/">Kyzylorda-news.kz</a> Қызылорда қаласындағы Назарбаев Зияткерлік мектебінің 11-сынып оқушысы Алдияр Аппаздың «Изовалериан қышқылының моноглицеридтер синтезін микротолқынды белсендіру және оның микробқа қарсы белсенділігі» тақырыбында жүргізілген зерттеу нәтижелері әлемдегі ең ауқымды Scopus дерекқор жүйесіне енетін «Bulgarian Chemical Communications» болгариялық журналда жарияланды.Бұл жұмысты Алдияр әкесі – химия ғылымдарының кандидаты, профессор Нурбол Аппазов, мектептегі ұстазы Марат Сыздыкбаев және басқа да университет оқытушыларымен бірігіп дайындаған. Жұмысшы топ құрамында ол химиялық заттардың микротолқындық сәулелендіру арқылы синтездеу жолын қарастырып, алынған өнімді физика-химиялық талдау әдістері көмегімен зерттеді және оның ауру қоздырғыш бактериялар мен зең саңырауқұлақтарына қарсы белсенділігін анықтады. Алынған антибактериалды препараттың әлемдік медицинаға тигізер пайдасы туралы мақалада жан-жақты көрсетті.<img src="https://syrboyi.kz/wp-content/uploads/2024/04/nzm-1-1024x668.jpg" alt="" srcset="https://syrboyi.kz/wp-content/uploads/2024/04/nzm-1-1024x668.jpg 1024w, https://syrboyi.kz/wp-content/uploads/2024/04/nzm-1-300x196.jpg 300w, https://syrboyi.kz/wp-content/uploads/2024/04/nzm-1-768x501.jpg 768w, https://syrboyi.kz/wp-content/uploads/2024/04/nzm-1-1536x1002.jpg 1536w, https://syrboyi.kz/wp-content/uploads/2024/04/nzm-1.jpg 1775w" sizes="(max-width: 1024px) 100vw, 1024px" width="1024" loading="lazy">Айта кетейік, Scopus – бұл жаратылыстану- ғылыми және медициналық бағыттағы ғылыми еңбектер жинағына бай мұрағат. Бүгінге оның құрамында әлемдік деңгейдегі 22 000 басылымдар бар және 2004 жылдан бері бұл жүйеде 40 миллоннан астам ғылыми мақалалар жарық көрді.<blockquote>– Қазіргі заман талабына сай ғылыми зерттеу нәтижелерін осындай басылымдарда жариялау сұралады, тек осындай мақаласы бар ғалымдар ғылыми дәреже алуға диссертациясын қорғай алады немесе ғылыми атақтар (қауымдастырылған профессор, профессор) ала алады. Бұл оқушы үшін үлкен жетістік, – дейді ғалым Нұрбол Аппазов.</blockquote>Алдиярдың ғылымға деген қызығушылығы әкесінен дарыған. Мектеп зерттеушілік дағдыларды одан әрі дамытуға септігін тигізді. Химия ғылымымен қатар Алдияр IT саласында да үздік өнертабыстарымен ерекшеленіп жүр. Жақында ғана Қорқыт ата атындағы Қызылорда университеті кәсіпкерлік орталығының ұйымдастыруымен өткен «Kyzylorda Idea Battle» стартап жобалар байқауында Алдияр Аппаз сыныптасы Дінмұхаммед Абдиев екеуі жүлдегерлер қатарынан көрініп, «Мүмкіндігі шектеулі жадарға арналған қолғап» жобасын дамыту үшін қаржылай сыйақыға ие болды.

Қызылордалық зияткердің мақаласы халықаралық Scopus базасында жарық көрді

<a href="https://kyzylorda-news.kz/">Kyzylorda-news.kz</a> &nbsp;Орда жоғары колледжінің ұйымдастыруымен «Тілдер» бөлімінің апталығы аясында «Өрлеу» біліктілікті арттыру ұлттық орталығы АҚ Қызылорда филиалы бойынша кәсіби даму институтымен бірлескен І.Жансүгіров, С.Сейфуллин, Б.Майлиннің 130 жасқа толуына орай «Үш бәйтерек – үш алып» тақырыбында аргументативті эссе байқауы ұйымдастырылды. Байқауға қала мектептерінің &nbsp;9-сынып оқушылары қатысты.Оқушылардың сөз саптауына, стилистикалық және орфографиялық сауаттылығына, көркем ой мен шығарма мазмұнына, сыни тұрғыдан ойлауы мен өз тұжырымдарының болуына назар аударған қазылар алқасы байқау нәтижесін төмендегіше бағалады:Бахытжанова Жанель – І орын, С.Әлжіков атындағы&nbsp; №144 орта мектептің 9-сынып оқушысы; Қанатқызы Надира – ІІ орын, Н.Ильясов атындағы №9 мектеп-гимназиясының 9-сынып оқушысы; Саматқызы Аяна – ІІ орын, Қ.Мұхамеджанов атындағы &nbsp;№1 мектеп-гимназиясының 9-сынып оқушысы; Зейнуллақызы Айзере - ІІІ орын, №253 орта мектептің 9-сынып оқушысы; Әнтай Кәусар – ІІІ орын, И.В.Панфилов атындағы №5 мектеп-лицейінің 9-сынып оқушысы; Шадитөре Инабат – ІІІ орын, Т.Есетов атындағы №264 мектеп-лицейінің 9-сынып оқушысы.Қатысқан оқушылар «Өрлеу» біліктілікті арттыру ұлттық орталығы АҚ Қызылорда филиалы бойынша кәсіби даму институтымен бекітілген дипломдармен марапатталды.&nbsp;Ұйымдастырушы – Г.М.Фазылова&nbsp;Қорлан САРЫ

«Үш бәйтерек – үш алып» байқауы өтті

<a href="https://kyzylorda-news.kz/">Kyzylorda-news.kz</a>&nbsp; Оқушылар қазірдің өзінде маусымдық лагерьлерді сағынып жүр. Мектеп жанынан ашылған түрлі үйірмелер мен көңілді орталықтар дайындық жұмысын бастап кетті. Жалпы лагерьде балалар коммуникативтік дағдыларға, кәсіби бағыт беру кездесулеріне және салауатты өмір салтын насихаттауға, соның ішінде психологиялық денсаулық пен дұрыс тамақтануға ерекше назар аударып, көшбасшылықты, эмоциялық интеллектіні дамытады. Бұл туралы Жанқожа батыр атындағы №269 орта мектеп директорының тәрбие жұмыстары жөніндегі орынбасары Света Жалмағанбетова мәлімдеді.Биыл лагерьде біз ішкі жан дүниені тануға, шығармашылық әлеуетті дамыту резервтерін ашуға, құрбы-құрдастармен қарым-қатынас құру дағдыларын жақсартуға баса назар аудардық. Бұл мектеп оқушыларына кәсіби бағдар беруде өте маңызды. Тиімді оқыту қағидасын бірнеше жыл бойы іске асырып келеміз.Баланы лагерьге жіберу – ата-ана үшін өте жауапты іс. Әрине, олар баласының тынығып, демалыстан жақсы әсер алып қана қоймай, қауіпсіз және үлкендердің қатаң бақылауында болатын, мейлінше жайлы жерді таңдауға тырысады. Бүгінгі күні балалар лагерінің алуан түрі бар. Олар дәстүрлі сауықтыру лагері, спорттық-туристік, театралды болып бірнеше топқа бөлінеді.Лагерьде балалар бос уақытын тиімді пайдалануы тиіс. Яғни жаңа нәрсе біліп, үйреніп қайтуы қажет. Мысалы, олар лагерьде өз мүмкіндіктерін анықтай алады. Күнделікті мектеп жағдайында оқушылардың сабаққа келіп-кеткенін ғана аңғарамыз. Баланың қандай өнері бар, қандай іске бейім оны мұғалімдер байқай бермейді. Ал лагерьде балалар басқа қырларынан танылып, ашылып, өз өздерін жақсы жағынан көрсете алады.&nbsp;Фото: Нұрболат Нұржаубай

Жазғы лагерь шығармашылық қабілетті шыңдайды

<a href="https://kyzylorda-news.kz/">Kyzylorda-news.kz</a> &nbsp;Сейсенбі күні Қазалы аудандық орталық кітапхананың оқырмандарға қызмет көрсету бөлімінің ұйымдастыруымен «Үздік оқырман – 2024» жас оқырмандар байқауы өтті.&nbsp; Қазалы ауданы әкімдігінің қолдауымен, аудандық қоғамдық даму бөлімінің демеушілігімен өткен байқаудың мақсаты – оқырмандарды кітап оқу мәдениетіне, дүниетанымын кеңейтуге, көркем шығармалардың мән-мағынасын сезінуге, оқыған шығармаларын дұрыс бағалай білуге тәрбиелеуді көздейді. Сондай-ақ тарихи-мәдени және рухани мұрамызды сақтау, жастарды отаншылдыққа, адамгершілікке тәрбиелеуде кітап оқуға үндеу, көркем шығарманы оқыту арқылы әдебиеттің құндылығын арттыруды діттейді.&nbsp; Бүгінгі заманда кітапсыз, сондай-ақ, кітапханасыз адамның ойдағыдай дамуы мүмкін емес. Бүкіл әлемдегі кітапханалар – білім мен мәдениеттің ошағы, жаңа ойлар мен тың пікірлердің мекені. Электронды форматтың қарқынды дамып жатқанына қарамастан дәстүрлі кітапхананың ағартушылық рөлі ешқашан мәнін жоғалтпайды, – деді Мемлекет басшысы Қасым-Жомарт Кемелұлы Тоқаев.&nbsp; Жас ұрпақтың бойына ұлттық құндылықтарды сіңіре отырып, жаһандық өзгерістерге бейім әрі патриоттық рухта тәрбиелеу қашанда өзекті мәселе болып келген. Қай кезеңде де тәрбие және білім берудің негізгі міндеттері – ең алдымен, дені сау, ұлттық сана сезімі ояу, рухани әлеуеті биік, ар-ожданы мол, парасатты, іскер адамды қалыптастыру. – Тәуелсіз еліміздің болашағы – жастарымыздың интеллектуалды көрсеткіштері олардың білім деңгейімен тікелей байланысты. Білім – ұлттық жаңғырудың басты алғышарты. Өйткені ой жүйесі терең, алыстан пайымдап, тереңнен тамырланған дүниетанымы кең адам ғана бәсекеге төтеп береді. Осыған орай "Үздік оқырман – 2024" байқауы жыл сайын ұйымдастырылып келеді. Байқаудың атынан белгілі болып тұрғандай, қай оқушы кітапханамен жақсы қарым-қатынас жасайды, кім көп кітап оқығанын, кітап оқу арқылы кімнің білімі мен білігі артық екенін бүгін анықтайтын боламыз, – деді Қазалы аудандық орталық кітапхананың оқырмандарға қызмет көрсету бөлімінің маманы Нұргүл Әжіғұлова. Білім мен біліктілік тартысына арналған сайыс 4 кезеңге бөлінді. Оның әр кезеңі 5 ұпайлық жүйемен бағаланды. Алғашқы кезең "Кітап – білім бұлағы" деген тараумен басталды. Бұл кезеңде сайыскерлер оқыған кітаптарын алдын ала әзірленген электронды слайд арқылы таныстырды. Талапкер өзіне ұнаған &nbsp;қызықты кітабына қысқаша тоқталып, шығарма желісі бойынша шағын мазмұнды мәлімет берді.&nbsp; Келесі "Өлең – сөздің патшасы" атты кезеңде сайыскерлер ақын-жазушылардың шығармаларынан образға ене отырып, жатқа монолог немесе өлең оқыды. Үшіншісінде «Мақал – сөздің азығы» ұранымен аталған кезеңде қатысушы «Кітап», «Отан», «Достық» сынды тақырып төңірегіндегі және &nbsp;тағы басқа да мақал-мәтелдердің басын бастап, аяқталмай қалған бөлігін жалғастырады. &nbsp;Соңғысы «Кім тапқыр?» кезеңіне арналды. Онда ақын-жазушылардың әдеби-көркем шығармаларынан арнайы конвертте әзірленген сұрақтарды таңдап, жауап беру шарт етілді.&nbsp; Тартысты жарыста аудандағы білім ордаларынан қатысқан 10 оқушы өзара бақ сынасты. Байқауда өзінің оқыған кітаптары жайында &nbsp;жақсы дайындықпен &nbsp;келген, сондай-ақ, сұрақтарға дұрыс жауап беруі жағынан көзге түскен үздіктер әділ қазылардың төрелігімен анықталды. – Кітапхана – білімпаздар мекені, біз кітапханаға барып, кітап алып оқып, кітаптан берілген тапсырмаларға дайындалып, білімдерімізді жетілдіреміз. Жазушы және қоғам қайраткері Әбіш Кекілбаев: «Мен кітапханаларды ақыл-білім, адамгершілік, парасат ордасы деп білемін. Ал кітапханашыларды сол ешқашан жоғалмауға тиісті асыл қазынаның сақшылары деп санаймын» деген. Кітап – руханият бағының баға жетпес жемісі. Ол қай ғасырда да адамзат тарихында ерекше ардақталып келе жатқан ең басты мәдени құндылық. Ал кітапхана – бір ұрпақтың екінші ұрпаққа парыз бен парасат өсиетін жеткізіп отырған қасиетті орталық. Ғасырдан ғасырға адамзат тарихының керуенін сүріндірмей әкеле жатқан, шырағы биік білім мен біліктіліктің, әділет пен адамгершіліктің &nbsp;киелі ордасы.&nbsp; Қазіргідей ұялы телефон, әлеуметтік желі мен ғаламтордың дамыған кезінде арнайы кітапханаға келіп, кітап оқуға құштар жастардың барлығы көңілді көншітеді. Көз алдымызда ақыл мен ойды іске қосқан ізденімпаз жасөспірімдер бір-бірімен білім сайысына түсіп, өз қарым-қабілеттерін көрсетті. Бірінің актерлік шеберлігі мықты болса, бірі қоған сұраққа мүдірмей жауап берді. Араларынан шын мықтыны анықтадық. Жеңімпаздарды жеңісімен құттықтаймыз, – деді «Қызылорда облысының тілдерді оқыту» орталығы КММ Қазалы ауданы бойынша мемлекеттік тілдің оқытушысы Жұбатқан Таңжанов. «Үздік оқырман – 2024» жас оқырмандар байқауының қорытындысы бойынша Азат Қыстаубай бас жүлдені жеңіп алса, Әнел Амангелді бірінші орынды қанжығасына байлады. Екінші орынды Назым Нақыш пен Айзере Оразғали иемденді. Ал Балауса Қадірбек және Жаннұр Абдулла үшінші орынды қанағат тұтты. Қалған қатысушылар – &nbsp;Азамат Әбдібай, Сая Бақберген, Балнұр Боздан мен Зарина Амангелдіге "Дарынды оқырман", "Оқу шебері", "Белсенді оқырман" және "Үлгілі оқырман" бағамы бұйырды.&nbsp; * Қазалы аудандық орталық кітапхана қызметкерлерінің ұйымдастыруымен "Табиғатты аялайық" атты мектеп оқушылары арасында көркемсурет байқауы өткізілді. Мұндағы мақсат – жасөспірімдерді табиғатты қорғауға тәрбиелеу, танымдық ой-өрісін кеңейту, қоршаған ортаны қорғау жұмыстарына баулу, экология және табиғатты қорғау саласындағы танымдық деңгейін арттыру болды. Байқау қатысушыларын шынайы бағалаған Қазалы аудандық мәдениет және тілдерді дамыту бөлімінің әдіскері Индира Ағлепесова және Қ.Күлетов атындағы №92 орта мектептің көркем еңбек пәнінің мұғалімі Ғалымбек Жылқыбай әділқазылар алқасында төрелік етті. Байқау нәтижесі бойынша Жаннұр Байдәулет пен Айя Мақсұт бірінші орын иегері атанды. Екінші орынды Жанна Қосанова мен Айнара Нағымет және Жания Серікова, Бейбарыс Хамза жеңіп алды. Үшінші орындар Инабат Кәмілжан мен Раушан Жаңабайға тиесілі болды. Шараны Қазалы аудандық мәдениет және тілдерді дамыту бөлімінің басшысы Болат Әбенұлы қорытындылады. Байқауға қатысқан барша оқырмандар мен қылқалам шеберлерін марапаттап, сый-сыяпат көрсетті. * Қазалы ауданы әкімінің қолдауымен, «Қазалы аудандық мәдениет және тілдерді дамыту бөлімі аудандық орталықтандырылған кітапханалар жүйесінің» ұйымдастыруымен Қазалы ауданы әкімдігінің орталық алаңында 23 сәуір – Дүниежүзілік кітап және авторлық құқық күніне орай «КІТАПшоу – 2024» кітап фестивалі өткізілді. Фестиваль бағдарламасы бойынша «Кітап – ғасыр мұрасы» атты тақырыпта кең көлемді кітап көрмелері ұйымдастырылды. Тақырыпқа сай маңайы &nbsp;безендіріліп, түрлі-түсті шарлар ілініп, жалаушалар қадалынды.&nbsp; Бағдарламадағы Ахмет Байтұрсынов «Оқуға шақыру», &nbsp; &nbsp; &nbsp;Сұлтанмахмұт Торайғыров «Қараңғы қазақ көгіне», Абай «Әсемпаз болма әрнеге», Мағжан Жұмабаев «Мен жастарға сенемін», Жетіскен Мәкеналы «Мен Ғанимын», Рүстем Жанай «Қазақпыз ұлы халықпыз», Алмагүл Қаржаубаева «Қазалым», Жұмабек Табынбаев «Қазалы» сынды ақын шығармаларынан әдеби монтаж №266 мектеп-лицей 9 сынып оқушылары орындады.&nbsp; Сонымен қатар «Кітаптар сөйлейді» тақырыбында Қазалы қалалық балалар кітапханасының жас оқырмандары Қ.Нұрмаханов атындағы №95 орта мектептің 6-сынып оқушысы Совет Нұрдәулет, Ғ.Мұратбаев атындағы №17 орта мектептің 6-сынып оқушысы Қанибай Нұрдәулет &nbsp;балалар кітабынан диалог ұсынды. Ауқымды шараны Қазалы ауданы әкімінің орынбасары Дәурен Оңғарбайұлы ашып берді. Кітап фестивалінің басты мақсаты – аудандық, қалалық, кенттік, ауылдық кітапханалар бойынша «Кітап – ғасыр мұрасы» атты өз өлкемізден шыққан ақын – жазушылардың өмірі мен шығармашылығын насихаттау. Әрбір кітапхана өз ауылынан шыққан белгілі тұлғалары, олар жайында жазылған кітаптар немесе баспасөз материалдарынан жинақталған кітапшалардан тұратын кітап көрмелері мен «Адал адам» –мәдени-тәрбие орталығы» тұжырымдамасына сәйкес «Сұхбат-TIME», «Әлем ВООК» жобасы аясында тағы басқа да түрлі тақырыпта өлкемізден шыққан ақын-сазгерлердің шығармаларынан рухани танымдық-тағылымдық іс-шаралар өткізілді.&nbsp; Кештің төрінен орын алған ауданның зиялы қауым өкілдері, ақын-жазушылар қатарында Шәмшия Жұбатова, ақын Едіге Кішкенеевтің жары Бағдагүл Кішкенеева, ақын Жетіскен Мәкеналының жары Мәрияш Марданова, Күләш Мергенбаева, Қадірбек Бекетов, Төлепберген Тілеуқабылұлы, Сахи Қапаров, Айжаһан Ысқақ, Ұлдай Рәшова, Бақытжан Түменбаев, Серік Қуанышбаев қонақ болды. Қазалы ауданының ақыны, ұстаз Сағыныш Утеулиеваның түрік тілінде жарық көрген «Сырұя» кітабының тұсаукесер рәсімі өткізілді. Сонымен бірге шара барысында «КІТАПшоу – 2024» фестиваліне арналып пісірілген тәтті торт кесілді. Фестиваль аясында «Үздік оқырман – 2024» &nbsp;байқауы, «Табиғатты аялайық» республикалық көркемсурет сайысы, «Ұлт денсаулығының кілті – саламатты өмір салты» атты спорттық ойындар сайысы өткізілді. Сонымен қатар «Білімдар ағашы» деп аталатын әдеби-викториналық сұрақтар жасырылған шара ұйымдастырылып, бақ сынаған оқырмандарға бағалы сыйлықтар табысталды. Іс-шара «Кітап – адамзаттың асыл қазынасы» атты мерекелік концертке ұласты. Кітап мерекесіне арналған рухани-мәдени шараны Қазалы аудандық мәдениет және тілдерді дамыту бөлімінің басшысы Болат Жолтаев қорытындылап, шараға қатысушыларды марапаттап, сый-сияпат табыстады. <img src="https://knadmin.beoblood.kz/uploads/fc24dc32_dda1_47c3_9b2e_98f6a8828e57_99e7bc7c96.jpg" alt="fc24dc32-dda1-47c3-9b2e-98f6a8828e57.jpg"><img src="https://knadmin.beoblood.kz/uploads/d6770018_7024_4382_ab4c_037a4aa5eb62_5b831a29d6.jpg" alt="d6770018-7024-4382-ab4c-037a4aa5eb62.jpg">Айнұр ҚАЗМАҒАМБЕТОВА

Қазалыда рухани танымдық-тағылымдық іс-шаралар легі өткізілді

<a href="https://kyzylorda-news.kz/">Kyzylorda-news.kz</a> Сырдария аудандық орталық кітапхана мен Тереңөзек кенті мәдениет үйінің қызметкерлерімен бірлесіп,&nbsp;"Дүниежүзілік кітап және авторлық құқық қорғау күніне" орай «Ашық кітапхана – адал оқырман» тақырыбында кітап фестивалін өткізді. Кітапфестке кітапхананың тұрақты әрі белсенді оқырмандары мен Сырдария агро-техникалық колледж студенттері қатысты.&nbsp;Мәдени іс-шараның ашылуында Халықаралық «Қазақ тілі» ҚБ Сырдария ауданы филиалының төрағасы Шахарбек Нұрсейітов сөз сөйлеп, кітап рухани қазына екенін, жас ұрпақ кітапқұмар болу керектігін айтты.Кітапфестте дана ақын Абай Құнанбайұлы мен белгілі жазушы Мұхтар Әуезовтің кітап жайлы айтылған нақыл сөздері оқылды. Мұнан соң «Бір ел – бір кітап» акциясы бойынша жыл бойына насихатталатын қазақ әдебиетінің классигі Бердібек Соқпақбаевтың «Менің атым – Қожа» атты шығармасынан үзінді көрсетілді.&nbsp;Сонымен қатар, тағылымды іс-шарада жерлесіміз, театр анасы атанған Сәбира Майханованың туғанына 110 жыл толуына орай «Ана - Жер - Ана» трагедиясындағы Толғанай бейнесі сомдалып, Қоғалыкөл ауылының ақыны Байрон Есенбайдың «Майхантөбе» атты өлеңі назарға ұсынылды.Іс-шара барысында&nbsp;аудандық әуез мектебінің қобызшысы Сәрсенкүл Түгелбаева мен Тереңөзек кенті мәдениет үйінің әдіскері Ербол Сағымбайұлы «Саранжап», «Балбырауын» күйлерін орындады.&nbsp;

Қазақстан және Қызылорда облысының жаңалықтары: Білім