<a href="https://kyzylorda-news.kz/">Kyzylorda-news.kz</a> Биыл өңірде 500-ге жуық студент мемлекеттік тапсырыс негізінде жоғары оқу орындарын аяқтайды.Осыған орай ҚР Мемлекеттік қызмет істері агенттігінің Қызылорда облысы бойынша департаменті мемлекеттік қызмет басқармасының басшысы Ж.Шынтасов, Қорқыт Ата атындағы Қызылорда университетінің Рекрутинг және мансап басқармасының басшысы Ж.Оразмаханов және әдіскері А.Жұмалғұлованың қатысуымен мемлекеттік тапсырыс негізінде оқуын бітіруші, GPA көрсеткіштері 3,33 төмен емес нәтиже көрсеткен түлектерімен кездесті.Кездесу барысында ҚР «Мемлекеттік қызмет туралы» Заңына енген өзгірістермен тоқталып және осы Заңда берілген мүмкіндіктері пайдалануға шақырды.&nbsp;Сондай-ақ аталған Заңның 15-бабының 6-тармағына сәйкес Жоғары және (немесе) жоғары оқу орнынан кейінгі білім беру бағдарламалары бойынша мемлекеттік тапсырыс шеңберінде білім беру ұйымдарында уәкілетті орган белгілеген мәннен (GPA 3,33) төмен емес оқу нәтижесімен оқуын бітіргендер, осы оқуды бітіргеннен кейін бір жыл ішінде конкурс өткізілместен “Б” корпусының төмендегі мемлекеттік әкімшілік лауазымдарына орналаса алатындығын атап өтті.Атап айтқанда, облыс ауданының немесе облыстық маңызы бар қаланың (облыстың әкімшілік орталығы болып табылатын қаладан басқа) әкімі және мәслихаты аппараттарының төменгі лауазымына; – жергілікті бюджеттен қаржыландырылатын облыс ауданы және облыстық маңызы бар қала (облыстың әкімшілік орталығы болып табылатын қаладан басқа) атқарушы органының басшылық емес лауазымына; – аудандық маңызы бар қала, ауыл, кент, ауылдық округ әкімі аппаратының басшылық емес лауазымына; – орталық мемлекеттік органның және оның ведомствосының облыс ауданындағы немесе облыстық маңызы бар қаладағы (облыстың әкімшілік орталығы болып табылатын қаладан басқа) аумақтық бөлімшесінің басшылық емес лауазымына орналаса алатындығын айтылды.Сонымен қатар, аудандық немесе ауылдық жерлерде жұмыс жасауға ниет білдірген жастарға бұндай мүмкіндікті жіберіп алмауға шақырды. Кездесу соңында студенттер көкейлеріндегі сұрақтарды қойып, нақта жауаптар алды. &nbsp;

Қызылордада биыл 500-ге жуық студент мемлекеттік тапсырыс негізінде диплом алады

<a href="https://kyzylorda-news.kz/">Kyzylorda-news.kz</a> Қызылорда қалалық орталықтандырылған кітапханалар жүйесіне қарасты&nbsp; № 1, 13, 20 кітапханалар С.Майханова атындағы мәдениет үйінде 23 сәуір – Дүниежүзілік кітап және авторлық құқық мерекесіне орай&nbsp;«BOOKКРУИЗ»&nbsp; жобасы аясында&nbsp; «Кітап дәуір айнасы»&nbsp; атты мерекелік кеш өткізді.&nbsp; &nbsp;Шараны Тасбөгет кентінің қоғамдық кеңесінің мүшесі, еңбек ардагері Тобағабылов, «Кәсіпкер келбеті»газеті редакторы, ҚР Жазушылар одағының мүшесі Ж.Таңрықбаев, ҚР құрметті ұстазы А.Тіллеуова кіріспе сөзбен ашып, кітаптың рухани құндылығына тоқталып, оқырмандарды кітап мерекесімен құттықтады.&nbsp;Іс-шара барысында&nbsp;мәдениет үйі фойесінде&nbsp; «Coffee Book», «Қоржын ВООК» бұрыштары ұйымдастырылып оқырмандар арасында түрлі қызықты сұрақтар бойынша ойындар жүргізілді. Кітап мұқабасын киген екі оқырман жыр дискіге арнайы жазылған ұлағатты сөздер айтып, «Шаттық» би үйірмесінің&nbsp; бишілері «Құпия кітап» биімен&nbsp; кешті түрлендірді.Оқырмандар кең көлемді кітап көрмесі бойынша қазақ, әлем жазушыларының әдебиеттерімен қатар жас толқын ақын-жазушыларының шығармаларымен таныстырылды. Кітапхананың тұрақты оқырмандары белгілі ақындар Адырбек Сопыбеков «Кітап», Әбілда Тәжібаев «Сырдария», Фариза Оңғарсынова «О, туған жер», Сазанбаева Динара «Кітап білім бұлағы», Досболат Санат «Кітаптың қадірі» өлеңдерін мәнерлеп жатқа оқыды.&nbsp; Сонымен қатар оқырмандар арасынан оқыған 5 кітаптың&nbsp;үзіндісінен көрініс жасап, «Дарын» ән үйірмесінің өнерпазы Жолдасбай Ерасыл «Мен қазақтың баласы» әнін шырқады. Шараны Қалалық кітапханалар жүйесінің директоры Рахметова Гулмира Шамсутдинқызы қортындылап, белсенді қатысқан оқырмандарға алғысын білдірді.

Тасбөгетте «Кітап дәуір айнасы»  атты мерекелік кеш өтті

<a href="https://kyzylorda-news.kz/">Kyzylorda-news.kz</a> Жуырда, «Академик С.А.Джиенкулов атындағы Байқоңыр жоғары колледжі» білім беру мекемесінің 20 жылдығына орай ұйымдастырылған «Жас өнертапқыш – 2024» халықаралық байқауында Қазалы көлік-техникалық колледжінің СОБ 22/9 тобының студенті Даяна Жолбарыс жүлделі үшінші орын иеленді. Даянаның жетекшісі СОБ 22/9 тобының өндірістік оқу шебері Қуандық Ерімбетов.Аталған байқаудың мақсаты – техникалық мамандықтардың әлеуетін арттыру, Қазақстан Республикасы мен Ресей Федерациясының талантты студенттерінің ғылыми тәжірибелерімен бөлісе отырып, ынтымақтастықты нығайту.&nbsp;Өндірістік оқу шебері Қуандық Ерімбетов пен шәкірті Даяна Жолбарыс дайындаған «Теміржол өмірінің сұлбасы» атты жоба көзге ерекше түсіп, жүлделі жобалар қатарына ілікті. Шәкірттеріне бар білгенін үйретіп, шығармашылық жұмыстарға баулып жүрген Қуандық Ерімбетовті мүсіндеу өнерінің де шебері десе болады.&nbsp;Қуандық Қайрбайұлы Арал ауданына қарасты Қамыстыбас станциясында дүниеге келген. Әкесі теміржол саласында аға механик болып еңбек еткен. Әке жолын қуған Қуандық мектеп бітірген соң Ақтөбе теміржол көлігі колледжінде «Темір жол көлігіндегі қозғалысты басқару, автоматика және телемеханика» мамандығын меңгереді. Бұдан кейін Қазақ қатынас жолдары университетін, автоматтандыру және басқару бакалавры мамандығы бойынша бітіріп шықты.&nbsp;– Әкем сияқты Теміржол саласында жұмыс жасағым келді. 2006 жылдан бастап Қазалы көлік-техникалық жоғары колледжінде «Сигналды орталықтан басқару» мамандығы бойынша оқыту шеберімін. Оған қоса техникалық шығармашылық жұмыс үйірмесімен айналысамын. Халық тұтынатын тауарларды мүсін, ғимарат макеттерін жасаймын. Студенттердің бос уақытын тиімді өткізу үшін әр кезде түрлі макеттер дайындатамын. Шығармашылыққа жақын шәкірттер аз емес. Оларды бағыттап, бағдар беріп отырамыз. Нәтижеміз де жаман емес. Жарыстарға қатыстық. Жүлдесіз де емеспіз, – дейді Қуандық Ерімбетов.

Қазалылық жас өнертапқыш халықаралық байқаудан жүлдемен оралды

<a href="https://kyzylorda-news.kz/">Kyzylorda-news.kz</a> Жанкент ауылындағы «Аққоян» бөбекжай-балабақшасы 2009 жылдың желтоқсан айында ашылды. Сол жылы 50 бала қабылданды. 2013 жылы балабақша ғимараты күрделі жөндеуден өтіп, жаңадан екі топ қосылды. Бұл кезде бала саны 90-ға, қызметкер саны 32-ге жетті.Балабақша әр жаңа оқу жылынан бастап жазғы сауықтыру шараларына дейін түрлі мерекелік іс-шаралар өткізеді. Мұнда «Ақжүрек», «Балбөбек», «Балдырған», «Балдәурен» топтары бар. Ересек топтағы тәбиеленушілер «Сиқырлы қалам» сурет, «Мен әнші боламын» ән, «Шебер қолдар» қолөнер үйірмелеріне қатысып, шығармашылық қабілеттерін шыңдайды.Балабақша меңгерушісі Шаттық Сапарбайқызы бұл салада 15 жылдан бері басшылық қызметте. Жүзі жылы, жайдарлы мінезді жан алдымен балабақша жұмысының жоғары өрлеуіне аянбай үлес қосып отырған жұмысшы-қызметкерлердің еңбегін айрықша айтып өтті.Бірлік пен ынтымақты, тәртіп пен тазалықты сүйетін ұжымдағы әрбір жанның орны ерекше. Есепші Бақытгүл Құтжанова еңбек ақының дер кезінде қызметкерлердің қолына тиюін, шаруашылық меңгерушісі Айнагүл Баймағанбетова күнделікті балалардың тамағы уақытылы әрі сапалы берілуін, жылу жүйесінің сапалылығын қатаң қадағалайды. Ал, техникалық қызметкерлер Гауһар Қалманова, Бейбігүл Игілік, Гүлзира Бөлегенова, Қайрат Көбегенов, Еркебай Медетовтер ғимарат ауласына егілген тал, жеміс-жидектер мен гүлдердің жайқалып, өсіп, жанға сая сыйлауына үлес қосады. Психолог Жеңіскүл Меңдібаева өткізген түрлі тренингтер бүлдіршіндерге сергіту сәтін сыйлайды. Мейіркеш Мадира Сағындықова таңертең балаларды қабылдап, тазалықтары мен дене қызуын тексереді. Тамақтың сапасы мен оның қалай дайындалып жатқандығын қадағалау да мейіркештің міндетіне кіреді.Светлана Сырманова, Жанна Аязбаевалардың еңбегін балабақша ішіндегі мұнтаздай тазалыққа қарап-ақ аңғарасыз. Тәрбиешілердің көмекшілері Әсия Қалжанова, Ғалия Аралбаева, Гүлзат Есмаханова, Ұлболсын Мырзалиевалар бала жанының нағыз бағбаны. Дәмі тіл үйіретін тәтті тағамдармен тәрбиеленушілерді үнемі таңғалдырып отыратын аспазшы Задаш Абзалова, Гүлжайна Қалқамановлар балдырғандардың ең сүйікті апайлары.Баланы бастан өнер-білімге баулитын тәрбиешілер аудандық облыстық, республикалық жарыстарға балдырғандарды үнемі қатыстырып отырады. Әрі жүлдемен оралады. «Тәуелсіздік – мәңгілік елдің тұғыры» атты республикалық байқауда үздік шығармашылық жұмысымен тәрбиеленуші Айзере Мырзамұрат және Ақкербез Әбілқайыр бірінші дәрежелі дипломды жеңіп алды. Оларды өнерге баулыған жетекшілері Гүлназ Әбдікемалова мен Шаттық Көбеген. Осы сайысты Аяулым Бимырзақызы екінші дәрежелі дипломға қол жеткізді. Жетекшісі Нұргүл Айзақова. Республикалық «Жас дарын» дарынды балалар орталығы ұйымдастырған «Самға Самұрық VIII» байқауында «Бейнелеу өнері» аталымы бойынша Айзере Дінислам бірінші орын, «Қолөнер» номинациясында Айдәулет Қозыбағар бас жүлдені иеленді. «Елін сүйген, елі сүйген Елбасы» атты республикалық байқауда «Қолөнер» аталымы бойынша Әдеміай Серіктің туындысы бірінші орынға лайық болды.Тәуелсіздіктің 30 жылдығына орай Мемлекет басшысы Қасым-Жомарт Тоқаевтың «Тәуелсіздік бәрінен де қымбат» атты бағдарламалық мақаласын педагогтер мен білім алушылар арасында кеңінен насихаттау мақсатында «Білім беру саласының көшбасшысы» атты республикалық байқауда тәрбиеші Ақмарал Кадирова бірінші дәрежелі дипломмен марапатталды. Білім беру саласына қосқан елеулі еңбегі үшін Зияш Өмірзақова облыстық кәсіподақ комитеті төрайымының «Құрмет» грамотасын иеленді. Республикалық «Үркер» зияткерлік орталығының директоры Данагүл Құрақбаеваға жас өреннің бойына білімге құштарлық нәрін себе білгені үшін «Алғыс» хат берді. «Бақытты бала әлемі» екінші республикалық байқауында шәкірті ерекше дарынымен көзге түскен Мөлдір Сарман «Үздік тәрбиеші» атанды. Халықаралық «ПОНИ» сайысында жеңімпаздар мен жүлдегерлерді дайындаған Дәметкен Жиенбаева, Бақыт Аязбаева арнайы диплом иеленді. А.Байтұрсынұлы атындағы республикалық педагогикалық шығар­машылық олимпиадасында Нұргүл Айзақова екінші орын алды. Тәрбиеші Аманкүл Өтепбергенова білім басқармасының Алғыс хатын алды. Тәуелсіздіктің 30 жылдығы аясында республикалық балалар арасында мәнерлеп оқу сайысында Ақнұр Әлиева дайындаған тәрбиеленуші Нұрсәуле Нұрлан бірінші орын иеленді.Өткен жылы балабақшада ашық есік күні өткізіліп, «Ойын – бала үшін өмірлік тәжірибе» тақырыбында іс-тәжірибемен бөліскен Мөлдір Сарман, Ақнұр Әлиева, Ақмарал Кадирова, Бақыт Аязбаева, психолог Жеңісгүл Меңдібаева аудандық білім бөлімінің Алғыс хатымен марапатталды. Аймақтық «Ертегілер әлемі» сайысында екінші, «Қазақстан үміті» республикалық байқауында балабақша бүлдіршіндері бас жүлдені жеңіп алды. Қазалы ауданының 95 жылдық мерейтойы кезінде балабақша ұжымы аудан әкімінің арнайы Алғыс хатын иеленді.Ал, биыл аққояндық балдырғандар «Балапан» телеарнасының ұйымдастыруымен өткен «iBars-kids» зияткерлік ойынына қатысып, бірінші орынмен оралды. Тәрбиеші Бақыт Аязбаева «Құрмет» грамотасы берілді. 8 наурыз – халықаралық әйелдер мерекесіне орай балабақша меңгерушісі Шаттық Көбеген, музыка жетекшісі Аманкүл Өтепбергенова, облыстық білім басқармасының «Құрмет» грамотасымен марапатталды.– Жанкент ауылында өтетін түрлі іс-шаралардан біздің ұжым қалыс қалмайды. Атап айтар болсақ, «Ауылым – ақбоз мекенім», «Өнердің қайнар көзі – ауылымда» атты сайыстарда әріптестерім белсенділік танытты. «Таза Қазақстан» республикалық экологиялық акциясына үн қосу мақсатында балабақша ауласына гүлдер, жеміс ағаштарын отырғызып, күтімге алдық. Ұлттық жоба «Туған өлкем – тұнған шежіре» тақырыбында отбасындағы әже тәрбиесі және ертегімен сусындаған тәрбие мектебін қалыптастырудағы «Ертегі айтып беремін» және «Шешендік өнер – ұрпаққа мұра» сайыстарын өткізді. Біздің мақсатымыз балаларды ерте жастан ұлттық құндылықтарды бойына сіңірген тәрбиелі, тәлімді ұрпақ етіп тәрбиелеу, – дейді балабақша меңгерушісі Ш.Сапарбайқызы.Жіпке тізсек, жетістіктер жетерлік. Тәрбиешілер де тәрбиеленушілер де талаптың тұлпарын мініп, талай белесті бағындырарына бек сенімді. Бар білімнің баспалдағына баланған балабақшада басты талап – тәрбие мен тәртіп екенін аққояндықтар ерекше атады.

Қазалылық бүлдіршіндер «Балапан» телеарнасындағы  «iBars-kids» зияткерлік байқауына қатысты

<a href="https://kyzylorda-news.kz/">Kyzylorda-news.kz</a>&nbsp; &nbsp;Сырдария аудандық білім бөлімінің айлық жоспарына сәйкес №35 И.Тоқтыбаев атындағы мектеп-лицейде «Жазғы маусымда балалардың демалысын, сауықтыруды тиімді ұйымдастыру» тақырыбында семинар-кеңес өткізілді. Семинар-кеңеске Сырдария ауданы бойынша білім бөлімінің басшысы Берік Жәнібеков, аудандық төтенше жағдайлар бөлімі, аудандық санитарлық-эпидемиологиялық бақылау басқармасының мамандары, аудандық аурухана медбикесі, мектеп директорларының тәрбие ісі жөніндегі орынбасарлары мен лагерь басшылары және мектеп медбикелері қатысты.Іс-шара «Балдырғанның бал күні» сахналық қойылымымен ашылды. Аудандық білім бөлімі басшысы Берік&nbsp;Жәнібеков алдағы тынығу маусымында «Жалын» сауықтыру лагерін және мектеп жанындағы жазғы тынығу лагерлерінің жұмысын сапалы ұйымдастырудың маңыздылығын айтып, семинар жұмысына сәттілік тіледі.Сырдария аудандық төтенше жағдайлар бөлімінің инженері, азаматтық қорғау лейтенанты А.Мұхтар жазғы тынығу лагерьлеріндегі өрт қауіпсіздігі ережесімен таныстырып, өрт болған жағдайда атқарылуы тиісті жұмыстар жайлы айтты. Сонымен қатар, судағы қауіпсіздік шаралары, суға кеткен адамды құтқару тәсілдері, алғашқы медициналық көмек көрсету, төтенше жағдай орын алғанда автоматты дабыл қондырғысын қағу ережесін түсіндірілді.Сырдария аудандық санитарлық-эпидемиологиялық бақылау басқармасының бас маманы А.Құлмағанбетов «Балалардың сауықтыру және санаторий обьектілеріне қойылатын санитарлық –эпидемиологиялық талаптар туралы» хабарлама жасап, санитарлық қағидаларын бекіту туралы бұйрығымен таныстырды. Семинар барысында жазғы сауықтыру лагерьлердегі санитариялық қағида талаптарын сақтау, атап айтқанда, тамақтану, медициналық қызмет көрсетуді ұйымдастыру бойынша айтылды.Сонымен қатар, семинар кеңес барысында №35 мектеп-лицейдің шығаршашыл ұжым ұстаздары түрлі тақырыптарда сыныптан тыс жұмыстар мен шебер сынып сағатын, қызықты коучинг және оқушылардың танымдық қабілеттерін ашу сабақтарын көрсетті. Қолөнер үйірмесі мүшелерінің «Жүннен сурет салу», «Тігіссіз құрақ» өнері, өру техникасы, «Мозайка» техникасы арқылы жасаған өнімдерін таныстырса, дене шынықтыру пәнінің мұғалімдері «Жазғы лагерь көңілді» тақырыбында &nbsp;спорттық эстафеталық ойын ұйымдастырды.

Сырдарияда оқушылардың жазғы демалысы қалай ұйымдастырылады?

&nbsp;<a href="https://kyzylorda-news.kz/">Kyzylorda-news.kz</a> Сырдария ауданына қарасты Қалжан ахун ауылдық клубында «Үйірмеден үйрендім өнер түрін» атты аудандық семинар өтті. Аудандық мәдениет және тілдерді дамыту бөлімінің ұйымдастыруымен, сондай-ақ аудандық мәдениет үйінің қолдауымен өткізілген семинар кент, ауылдық мәдениет үйлері, клуб кәсіпорындары әдіскерлері және мәдени ұйымдастырушылары арасында іс-тәжірибе алмасу мақсатында ұйымдастырылды.Аудандық семинар ауылдық клуб жанындағы «Ақ әжелер» ансамблі әжелері шашу шашып, әуезді әнімен қарсы алды. Ауылдық клуб меңгерушісі Д.Разақов клубтың тыныс-тіршілігін және «Адал адам» мәдени-тәрбие орталы­ғының бұрыштамаларын таныс­тырып өтті. Ал кәсіпорынның мәдени ұйымдастырушысы Г.Иманқұл жеті бағыт бойынша тоқталып, атқарылып жатқан жұмыстар жайлы ақпараттармен бөлісті. Семинарда «Сұхбат-ТІМЕ» жобасы аясында ауылымыздың, ауданымыздың, облысымыздың мақтанышы, жай­дар­­ман­ның түлегі, «Әзіл әлемі» театры­ның әртісі Қ.Әлжаппаровпен көңілді сұхбат болды. Конақпен сұх­бат бастамас бұрын семинарға қатысу­шылардың көңілдерін көтеру мақсатында «Сергіту сәті» ойыны ойнатылып, қонақтарға сый-сия­пат пен тәттілер таратылып көтеріңкі көңіл-күй сыйлады. Одан кейін семинардың басты мақсатының бірі үйірме жұмыс­тарына тоқталып, кәсіпорын әдіскері Г.Сырғабаева баяндама жасады.Өз кезегінде семинарға қаты­су­шылар жақында жаңадан ашылған «Қуыршақ» үйірме мүшелерінің көр­сеткен өнерін тамашалап, үйір­ме мүшелерінің ұйымдастырған кон­церттік бағдарламасына куә болды. Іс-тәжірибе алмасу мақсатында өткізілген мәдени іс-шаралардан дайын­далған әдістемелік нұсқаулық кітапша қонақтарға таратылды. Семинар соңында аудандық мәдениет үйі директорының орынбасары А.Садықов сөз сөйлеп, аудандық мәдениет үйінің әдіскері Г.Сәрсенбаева қорытын­дылап, аудандық семинар жұмысына оң баға берді.

Сырдарияда «Үйірмеден үйрендім өнер түрін» атты аудандық семинар өтті 

<a href="https://kyzylorda-news.kz/">Kyzylorda-news.kz</a>&nbsp; Қызылорда облыстық оқу орталығы (әдістемелік) және Қазалы аудандық білім бөлімінің ұйымдастыруымен қазақ халқының мақтанышы, тұңғыш академик, тау-кен ғылымының негізін қалаған ғалым Қаныш Имантайұлы Сәтбаевтың туғанына 125 жыл толуына орай «Сәтбаевтың ұлылығы» тақырыбында облыстық вебинар өтті.Академик Қ.И.Сәтбаев – энциклопедиялық білімі бар ХХ ғасырдың көрнекті ғалымы. Ол өз заманының сан алуан салалар мен тарауларға бөлініп, жоғары дамыған ғылымының бәрінен хабардар болды. Әр ғылым саласының заңдары мен байлығын ашып, халық игілігіне пайдалануға қалтқысыз еңбек етті. Қазақ КСР Ғылым академиясын ұйымдастырушы және оның тұңғыш президенті, Қазақ КСР академиясының академигі, Кеңес Одағының және Қазақстанның металлогения мектебінің негізін қалаушы, қазақтан шыққан тұңғыш академик.Вебинарға облыстың география пәні мұғалімдері қатысып, тәжірибе алмасты. Ұстаздар қазақ халқының біртуар азаматы, академик, геолог Қаныш Имантайұлы Сәтбаевтың мұрасын насихаттау, жаңа буынның көшбасшылық, интеллектуалдық әлеуетін дамыту турасында тәжірибе алмасты.&nbsp;Атап айтсақ, «Ұлтының ұлы перзенті» тақырыбында 17 орта мектебінің география пәнінің мұғалімі Бекжанова Жақсыгүл, «Қаныш Сәтбаев» тақырыбында №95 орта мектебінің география пәнінің мұғалімі Сәдуақасова Назира, «Қасиет қонған Қ.Сәтбаев салған жол – ұрпаққа ұлағат» тақырыбында №216 орта мектептің мектеп директорының м.а Бектов Бектас, "Жезқазған мыс кенді аймағы және оның минералды ресурстары" тақырыбында №16 мектеп-лицейінің география пәнінің мұғалімі Өтепбергенов Рахымжан, «Қазақтың Қанышы» тақырыбында №91 орта мектебінің география пәнінің мұғалімі Мусаева Гаухар баяндама жасады. «Қаныш Сәтбаев – ғалым, азамат, патриот» атауымен Жакей Фарида №170 орта мектебінің география пәнінің мұғалімі сахналық қойылым жасап, «Қара алтынның қаламгері-Қанекем» тақырыбында №276 орта мектебінің география пәнінің мұғалімі Аймішова Гүлшахар мәнерлеп өлең оқыды. «Найзағай ғұмыр» тақырыбында №78 орта мектебінің география пәнінің мұғалімі Шертай Ерхан арнау өлең оқыды.Жиын соңында педагогтер тың ақпаратпен бөліскен пән мұғалімдеріне, &nbsp;вебинарды ұйымдастырушыларға ризашылықтарын білдірді.&nbsp;&nbsp;Қорлан САРЫ Фото:akademik-satpaev.madsteed.ru

Ғалымға арналған тағылымды жиын өтті

<a href="https://kyzylorda-news.kz/">Kyzylorda-news.kz</a>&nbsp; Арал ауданы бойынша білім бөлімінің басшысы Санира Жанназарованың төрағалығымен аудандық білім бөлімі кеңесінің кезекті отырысы өткізілді. Жиынға бөлімге қарасты барлық білім беру мекемелерінің басшылары қатысты.&nbsp;Шара Арал ауданының білім саласында еселі еңбек еткен Ғайни Кенжебайқызын еске алу мақсатында бір минут үнсіздікпен басталды.Күн тәртібінде келесідей мәселелер қаралды: білім сапасы, ІІІ оқу тоқсанының қорытындысы, ҰБТ-ға дайындық жұмыстары, педагогтарды аттестау, сыбайлас жемқорлыққа қарсы күрес, құқық бұзушылық, жазғы маусымға дайындық, оқушылардың ыстық тамақпен қамтамасыз етілуі, білім алушыларды «Қазақ тілі», «Қазақ тілі мен әдебиеті» пәндерінен 5-8,10 сыныптарда аралық аттестаттау. Ал ағымдағы мәселелер – қаржының уақытылы әрі заңдылығына сәйкес игерілу мәселесі, мектептердің конкурсқа қатысу деңгейі, көгалдандыру және тазалық жұмыстары.Келелі кеңесте бөлім басшысы Санира Нұрқожақызы әр мектептің қаңтар-ақпан және наурыз айларындағы ақылы Ұлттық біріңғай тесттілеу нәтижелеріне жеке-жеке тоқталып, көрсеткішті көтеру үшін жүйелі жұмыстар жүргізілу керектігін жеткізді. Сондай-ақ оқушылардың пәндік олимпиада мен ғылыми жобаға қатысуы және нәтижеге жетуі мен педагогтардың кәсіби біліктілігін үздіксіз арттырып отыру керектігінде тілге тиек етті. Қаржы игеру, жасөспірімдер арасындағы құқық бұзушылықтың алдын алу және тазалық пен көгалдандыру жұмыстары да назардан тыс қалмай, тиісті жұмыстар үздіксіз жүргізілу керектігі тапсырылды.&nbsp;Жиын соңында қатысушылар тарапынан пікірлер айтылып, ұсыныстар назарға алынды.&nbsp;Қорлан САРЫ

Кезек күттірмейтін мәселелер кеңес отырысында қаралды

<a href="https://kyzylorda-news.kz/">Kyzylorda-news.kz</a>&nbsp; «Оқуға құштар колледж» жобасы аясында «Саналы ұрпақ» еріктілер клубы және «ОRDА» колледждің кітапхана қызметкерлерінің ұйымдастыруымен кітап көрмесі өтті. «Саналы ұрпақ – ұлт болашағы» деп аталатын көрмеге 1-курс студенттері қатысты.&nbsp;Көрмемен танысу барысында білім алушылар заңдық талаптар, әр тұлғаның өзіне жүктелген құқықтық міндеттерді дұрыс орындау қажеттігі, Қазақстанның құқықтық даму жағдайы, азаматтардың құқықтық білім деңгейі, заң мен құқыққа деген құрмет жайында ақпараттар алды.Заң дегеніміз –&nbsp;қоғамның негізгі тірегі. Қоғам деп отырғанымыз-мына біздер.&nbsp;Ата Заңымыз- еліміздің рәміздерінің бірі. Сондықтан әрбір адамның заң талабына бағынып жат қылықтар, өрескел тәртіп бұзушылыққа бармауы, өзіне жүктелген міндетті уақытылы орындаудың өзін еліміздің Ата Заңын, халықты құрметтеуі деп білуімізге боладыАзаматтардың құқықтық мәдениеті&nbsp;заңдылық білімінің негізімен сиптталады, яғни құқыққа, заңға деген құрметі, саналы түрде құқық нормасын сақтау, әлеуметтік заңдылық жауапкерішілігін түсіну, құқық бұзушылыққа жол бермеумен, онымен күресуді білдіреді.Олардың мемлекет және қоғам алдындағы жауапкершіліктері және құқықтары мен бостандықтары құқықтық мәдениеттің құрамдас бөлігі екенін түсінуі, құқықтық санасында мемлекет және оның органдары арқылы өз құқығының қорғалуына сенімділік сезімі қалыптасып, заңдылық мүдделерін қолдануға және мемлекеттің алдына қоятын міндеттерінің әділдігі және ол басқа азаматтармен құқықтық теңдігі, яғни ол басқа азаматтармен заң және сот алдындағы тең екендігіне сенуі. ол өмірдің әр тетігіне үңіліп, тығырықтан шығар жолға даяр болуы қажет.Қоғамның талабына сай жастарды жан-жақты тәрбиелеу үрдісіндегі мемлекет алдында тұрған маңызды міндеттердің бірі – оқу-тәрбие жұмысының барлық құрылымында құқықтық білім беру мен тәрбиеге айрықша мән беріп, оны ұйымдастырудың тиімді жолдары мен тәсілдерін үнемі жетілдіру, жаңарған қоғамның саяси құқықтық сана сезімдерін қалыптастыру. Отбасы тәрбиесінде де әр ата-ана балаға құқықтық сауаттылықты үйретіп, тәртіпке бағыну керектігін қадағалағаны жөн. Сол кезде ғана болашақта бала шалыс баспай, келешегі жарық болары сөзсіз.Біздің еліміз саяси дамудың күрделі жолынан өтті, оның тамыры ғасырларға кетеді. Сондықтан көрме ежелгі дәуірден ХХІ ғасыр зерттеулеріне дейінгі еліміздің заңнамасын дамытуға тарихи экскурсия жасауға мүмкіндік берді.Кітап көрмесіне «ОRDА» жоғары колледжі кітапхана қорындағы құқық саласына қатысты кітаптар, заңды құқықтық-нормативтік актілер мен оқулықтар қойылды, әдебиеттерге шолу жасалынды.&nbsp;Қорлан САРЫФото: freepik.com

«Саналы ұрпақ – ұлт болашағы» кітап көрмесі

<a href="https://kyzylorda-news.kz/">Kyzylorda-news.kz</a> Орда жоғары колледжінде өтіп жатқан “Тілдер” бөлімінің апталығы аясында ҚР «Өрлеу» біліктілікті арттыру ұлттық орталығы» Қызылорда облысы бойынша кәсіби даму институтымен бірлескен «HOW TO LEARN ENGLISH EFFECTIVELY» тақырыбында 9 сынып оқушыларының арасында қалалық ғылыми жобалар байқауы өтті.Байқау – зерттеушілік, ғылыми ойлау қабілеттерін дамыта отырып, ағылшын тілінде еркін қарым-қатынас жасауға үйрету, өз бетімен жұмыс істеуге дағдыландыруға бағытталған. Ғылыми жоба – белгілі бір салада бірегей өнім мен қызметті құруға ба­ғыт­талған ғылыми ізденіс жұмысы. Мектептегі ғылыми жоба – ғылыми жарыс, яғни жобадан әр салаға байланысты тың идеялар күтеді. Жалпы ғылыми жобалар оқушылардың ғылыми-зерттеу және оқу-танымдық жұмыстарын ынта­лан­дыру; сыни ойлауын дамыту және еліміздің интеллектуалды әлеуетiн қалыптастыруға үлес қосу мақсатында ұйым­дас­ты­рылады.&nbsp;Қазіргі ғылымдағы және қоғам өміріндегі&nbsp;ғылыми&nbsp;зерттеулердің рөлі зор.&nbsp;Ғылыми&nbsp;зерттеулер жаңа нәрсені дамытуға арналған. Бұл&nbsp;ғылыми&nbsp;еңбектер теориялық негіз, жаңа технологиялар мен өнертабыстарға арналған өзіндік "нұсқаулық" болып табылады. Осындай&nbsp;жобалардың&nbsp;нәтижелерінің көмегімен ғалымдар ең арзан бағамен ең жақсы сапалы тауарлар мен өнімдерді, ауруларды емдеудің жаңа әдістерін, табиғи апаттарға қарсы тұру жолдарын және т.б. жасай алады.«Қазақстан Республикасының 2015 жылға дейінгі білім беруді дамыту тұжырымдамасының» басты мақсаты оқушылардың талдау, синтездеу, әрі логикалық ойлау қабілеттерін дамыту, яғни оқушылардың сабақ бойы ой еңбегімен шұғылдануын қамтамасыз ету, оқушыны ізденуге, өз бетімен қорытынды жасауға үйрету болып отыр. Білім - ел қазынасы, халқымыздың білімділігі еліміздің байлығының ең маңызды бөлігі десек, білімнің негізі мектепте, яғни бар ғылымның бастауы – мектеп, «Елдің келешегі бүгінгі жастардың қолында, ал жас ұрпақтың тағдыры – ұстаздың қолында» деп Елбасы бізге үлкен міндет артып отыр. Егемен еліміздің болашағы, оның әлемдік өркениеттегі өз орны, ең алдымен білім мен тәрбиенің бастауы болатын – ұстаз қолында, сондықтан да біздің басты мақсатымыз – білім сапасын жақсарту.&nbsp;Сондай-ақ байқау ағылшын тіліне қатысты болып өтті. Ағылшын тілін оқыту оқушылардың коммуникативті даму біліктілігін арттырады, оқушылардың қызығушылығын оятуға мүмкіндік береді, бірден көп тілдерде сөйлеуге мүмкіндік алады.Қазір ағылшын тілін білу — уақыт талабы. Оқу бағдарламасының&nbsp;мақсаты: оқушыларды әр түрлі соңғы әдістемелер арқылы еркін де сенімді сөйлеуге үйрету, коммуникативті тәсіл арқылы алған білімін өз ортасында, қоғамдық орында қолдануға дағдыландырып, білім деңгейін тереңдету, ағылшын және қазақ елдері туралы ауқымды мағлұмат беру, таныстыру.Оқушылар ғылыми жобаға үлкен дайындықпен келген. Олардың еңбегін төмендегі мына критерийлер бойынша талдады:&nbsp;<ul><li style="text-align:justify;">тақырыптың өзектілігі мен жаңашылдығы;</li><li style="text-align:justify;">дәйексөздердің сенімділігі;</li><li style="text-align:justify;">тәжірибеде қолдану мүмкіндігі;</li><li style="text-align:justify;">ғылымилығы;</li><li style="text-align:justify;">тақырыптың зерттеу тереңділігі бойынша бағаланды.</li></ul>Нәтижесінде:І орын - № 101 мектеп-лицей оқушысы Жандосова Меруерт және Т. Есетов атындағы № 264 мектеп-лицей оқушысы Еркінқызы Алтынайға;II орын - № 222 Т.Рысқұлов атындағы орта мектеп оқушысы Орынбаева Балғын мен № 101 мектеп-лицейінің оқушысы Жусипова Меруертке;ІІІ орын - С.Сейфуллин атындағы № 4 ІТ мектеп-лицейінің оқушысы Аманжол Назерке, Н.А. Ахмадеева атындағы № 112 орта мектебінің оқушысы Ермаганбет Айнур және Қ. Мұхамеджанов атындағы №1 мектеп-гимназиясының оқушысы Нысанбек Ерасылға тиесілі болды. &nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;Білім мен ғылым – өркениетке бастар алғышарт. Төзімділік пен батылдылықты қажет етті, ғылымға көңіл бөлу тәуелсіз елімізде мемлекеттік деңгейге көтерілген басты әрі негізгі мәселе. Еліміз бойынша ғылыммен айналысуға жан-жақты алғышарт жасалған. Қазірде елімізде интеллектуалдық дүмпу қажет екендігін өмірдің өзі алға тартып отыр. Өйткені ғылымды өндіріспен байланыссыз қарастыру мүмкін емес. Адамның мүмкіндіктері үнемі кеңейіп отырады. Заманауи ғылым оны құрастырушы, дамытатын және пайдаланатындардың барлығынан жоғары жауапкершілікті, саналы тәртіпті талап етеді. Ғылым нағыз сиқырға, әлемді керемет ғажайып түрлендіруге қабілетті. Ғылым – адам өміріндегі ең әдемі, ең қажетті нәрсе. Ғылым мен білім үндестігі – бәсекеге қабілеттіліктің қайнар көзі. Жастайынан ғылымға ұмтылған оқушыларымызға алдағы уақытта тәуелсіз еліміздің дамуы мен өсуіне өлшеусіз үлес қосады деп сенім білдіреміз.Ұйымдастырушы - Д.Романкулова&nbsp;Қорлан САРЫ

Орда колледжінде ғылыми жобалар байқауы өтті

<a href="https://kyzylorda-news.kz/">Kyzylorda-news.kz</a> «Еркін елдің ертеңі – кемел білім мен ана тілінде» тақырыбындағы «Тілдер» апталығы аясында облыстық арт терапиялық сурет байқауы өтті. Сайысқа 9 сынып оқушылары қатысты.&nbsp;Арт терапияның маңызына келсек, дәстүрлі емес сурет балаларға көптеген жағымды эмоциялар береді. Олар жақсы таныс заттарды көркемдік материалдар ретінде пайдаланудың жаңа мүмкіндіктерін ашады. Арт-терапия&nbsp;әртүрлі жоспардағы мәселелермен жұмыс істеуге мүмкіндік береді. Бұл адамға ішкі тепе-теңдікті қалпына келтіруге және қолдауды сезінуге, басылған эмоцияларға қауіпсіз жол беруге, шығармашылық ойлауды дамытуға және мазасыздық деңгейін төмендетуге көмектеседі. Әрбір клиент үшін&nbsp;арт-терапия&nbsp;әртүрлі сұраулар мен мәселелерге байланысты жеке болып табылады.Бұл әдіс баланың психоэмоционалды жағдайын жақсартуға, шиеленісті жеңілдетуге (эмоционалды және физикалық), қорқынышты қайта өңдеуге және жоюға, күрделі Оқиғалармен күресуге көмектеседі (көшу, балабақшаны немесе мектепті ауыстыру, шығындар және т.б.). Сонымен бірге баланың дамуы ынталандырылады, өйткені жұмыс барысында өзіндік рефлексия дамиды (олардың сезімдерін түсіну және оларды атай білу) және мазасыздық пен шиеленісті азайту арқылы танымдық белсенділікке ресурстар бөлінеді. Әдістің тағы бір артықшылығы-жұмыс кезінде баланың жағдайын тікелей диагностикалау мүмкіндігі.Балаларға арналған арт-терапия нәтижеге назар аудармайды. Шығармашылық процестің өзі және баланың осы процесте не сезінетіні және не бастан кешіретіні маңызды. Нәтиже бағаланбайды және бұл жаман және қате жасаудан қорқуды жеңілдетуге көмектеседі. Жаңа нәрсе жасай отырып, бала бір нәрсені ойлап табуға, өз идеясын жүзеге асыруға және оны қуана-қуана жасауға қабілетті екенін біледі. Жұмыстың міндетті элементі - баламен оның сезімдерін талқылауКөркем сурет сабақтары моториканы жақсы дамытады. Сурет салу – ойлауды, сөйлеуді, көруді және мидың екі жарты шарларын, яғни, мидың екі бөлігін дамытады. Сурет салу кезінде мидың екі жарты шарлары да қатысады, нейрондық байланыстар белсенді түрде пайда болады. Бала сурет салған сайын, миындағы шығармашылық, өнерпаздық &nbsp;нейрондар бір-бірімен байланысады. Сөйтіп, кеңістіктік ақыл-ой мен қиялды дамытады. Сурет салу процесінде, нақты нәтиже алады, яғни, бала алдына мақсат қоюды, сол қойған мақсатына қадам арқылы жетуге үйретеді. Біз емес, сурет салу! Сонымен қоса, сурет салу — баланы тыныштыққа үйретеді. Әсіресе мынау, қырсық-қыңыр болудан сақтайды. Депрессияға және неврозға бейім балаларға сурет салу өте пайдалы. Кескіндеме арқылы балалар қоршаған әлемді шығармашылық тұрғыдан түсінуге үйренеді және әр адамның өзінің шындықты қабылдауы, объектілер мен құбылыстарды өзіндік көзқарасы бар екенін түсінеді.Қылқаламсыз және қарындашсыз түпнұсқа сурет баланы босатады, түстерді, олардың мінезін, көңіл-күйін сезінуге мүмкіндік береді. Өздері де байқамай, балалар байқампаз болуға, ойлауға, қиялдауға үйренеді.Қала мектептерінен 7 топ қатысқан байқауға Қызылорда қалалық Жастар ресурстық орталығының кеңесші маманы - Төлеген Гүлдархан Жансерікқызы, «Абылай хан» атындағы жоғары колледжінің психологы - Ержанова Эльвира Алтайқызы, «Орда» жоғары колледжінің «Дизайнер» мамандығы бойынша арнайы пән оқытушысы - Куздибаева Жадыра Болатбекқызы төрелік етті.Колледжде кәсіби бағдар беру жұмыстары үздіксіз жүргізіліп отыратын болғандықтан, қазылар шешіміне дейінгі уақытта қатысушылар оқу орнының материалдық базасымен танысты.Ұйымдастырушылар - Д.Асанова, П.РзахметоваБайқау нәтижесінде:І орын - Ә.Жәмішев атындағы №129 орта мектеп;ІІ орын - А.Хангельдин атындағы №179 орта мектеп және «Ұлағат» мектебі;ІІІ орын - №287 орта мектеп пен №178 орта мектеп оқушыларына бұйырды.&nbsp;&nbsp;Қорлан САРЫ

Арт терапиялық сурет байқауы өтті

<a href="https://kyzylorda-news.kz/">Kyzylorda-news.kz</a> Қалалық орталықтандырылған кітапханалар жүйесіне қарасты №13 балалар кітапханасының ұйымдастыруымен Дүниежүзілік денсаулық сақтау күніне орай «Ұлт саулығы – ұлы міндет» атты денсаулық сағаты өтті. Денсаулық шарасына қалаға қарасты Тасбөгет кентінде орналасқан №11мектеп- лицейінің 7 «А» сынып оқушылары қатысты.Шараға №4 қалалық емхананың салауатты өмір салтының қалыптастыру маманы Махмутова Жәмиля Әнуарбекқызы қатысып, оқушыларға денсаулық адамзаттың ең құнды байлығы екендігін, денсаулықты еш байлықпен салыстыруға келмейтінін түсіндірді. Денсаулықтың негізі қимыл, спорт, дұрыс тамақтану, таза ауада жүру керек екендігін, жаман әдеттерден сақтанып, темекінің жас ағзаға зиянды екенін түсіндіріп, оқушыларға денені шынықтыру, сергіту сәтінде дене жаттығулары жасатылды.Сонымен қатар, салауатты өмір салтын насихаттау тақырыптарында ақпараттық материалдар таратылды. №11 мектеп – лицейінің кітапхана меңгерушісі Байымбетова Шолпан, 7 «А» сынып жетекші Исмайлова Айсұлу денсаулық адамның ең қасиетті де құнды, қайталанбас қазынасы екенін айтып, денсаулықтың қадірін ерте жастан ұғыну керектігін жеткізді. Зиянды әдеттерден аулақ болып, «Денсаулықтың кепілі – салауаттылық» деген ұстаныммен шараны қорытындыланды. Шара барысында оқушыларға «Дені сау ұрпақ – ұлт болашағы» атты кітап көрмесі ұйымдастырылды.

Қазақстан және Қызылорда облысының жаңалықтары: Білім