<a href="https://kyzylorda-news.kz/">Kyzylorda-news.kz</a> &nbsp;Қорқыт ата атындағы Қызылорда университетінде 5-6 қазан күндері жастар арасында ғарыштық технологиялар тақырыбындағы Nasa Space apss challange хакатоны өткізілді.Хакатонға 270 қатысушы тіркеліп, 72 жобалық топ қатысты. Оның 40 жобасы оффлайн, 32 жобасы онлайн форматта бақ сынады.Қатысушылар 48 сағат бойы ғарыштық саладағы инновацияларды көздейтін Nasa тақырыптарына сай жобалар жасады. Бұл жобалардың мақсаты - болашақтағы Жер мен ғарыштың зерттеу технологияларына серпіліс беру.&nbsp;Жоба Kyzylorda Hub бизнес-инкубаторы, Kazakhstan Smart Space мекемесі, Атамекен ҰКП және Қорқыт Ата атындағы Қызылорда университетінің ұйымдастыруымен өтті. Ал демеушлілер қатарында Ерлан Раимов, Венера Даулетбаева, БанкЦентр Кредит бар.Сайыстың нәтижесі 15 қазан күні эксперттер комиссиясының жобаларды бағалау процессінен кейін шығады. &nbsp;Қазақстанның ең үздік жобасы Nasa space apps challange хакатонының халықаралық этапына жолдама алады.

Қызылордада алғаш рет Nasa Space apss хакатоны өтті

<a href="https://kyzylorda-news.kz/">Kyzylorda-news.kz</a> Сынып жетекшілеріне 3 есе көп үстемақы қашан қосылатыны туралы сауалға Оқу-ағарту министрі Ғани Бейсембаев жауап берді, деп хабарлайды <a href="https://kyn.kz/36870/o-u-a-artu-ministri-synyp-zhetekshilerini-ayly-yna-sh-ese-stema-y-ashan-osylatynyn-aytty">KYN.KZ&nbsp;</a><blockquote>«Жақында жиындардың бірінде сіздің «сынып жетекшілерінің үстемақысы үш есе көтеріледі» деп айтқан видеоңыз тарады. Оның алдында бұл мәселе Қаржы министрлігімен бірге шешілетінін мәлім еткен едіңіз. Сынып жетекшілеріне үш еселік үстемақы қашаннан бастап қосылады? Бұл мақсатта бюджеттен қанша ақша керек? Министрліктің есебі бар ма? Қаржы министрлігіне осы жөнінде ұсыныс (бюджеттік өтінім) жолданды ма? Қазақстанда қанша сынып жетекшісінің айлығына үстемақы қосылады?» – деп сұралды министрден.</blockquote>Ғани Бейсембаевтың жауабы толыққанды болмады. Атап айтқанда, бұл бағытта қанша қаражат керектігін министрлік нақты атамады.<blockquote>«Қолданыстағы Азаматтық қызметшілерге еңбекақы төлеу жүйесімен (бұдан әрі-Еңбекақы төлеу жүйесі) сынып жетекшілігі (топ жетекшілігі) үшін базалық лауазымдық айлықақыдан (бұдан әрі-БЛА) 50% және 60% мөлшерінде (1-4 сыныптар үшін БЛА-дан 50%, 5-11 сыныптар үшін БЛА-дан 60%, техникалық және кәсіптік, орта білімнен кейінгі білім беру ұйымдарында БЛА-дан 50% мөлшерінде) қосымша ақы қарастырылған. Қазіргі уақытта педагогтерге сынып жетекшілігі (топ жетекшілігі) үшін Еңбекақы төлеу жүйесімен белгіленген қосымша ақының қолданыстағы мөлшерін ұлғайту мәселесі пысықталуда. Өз кезегінде министрлік ұсынылған бастамаға бюджет қаражатының қосымша қажеттілігін айқындап, бюджеттік жоспарлау жөніндегі уәкілетті органға заңнамада белгіленген тәртіпте ұсыныстар енгізуді жоспарлап отыр. Сынып жетекшілігі (топ жетекшілігі) үшін белгіленген қосымша ақының қолданыстағы мөлшерін 3 есеге ұлғайту мәселесі әзірше талқылануда», –&nbsp;делінген жауапта.</blockquote>Қазіргі уақытта Қазақстанда сынып жетекшілігі үшін мұғалімдердің тек 10 мың теңге үстемақы қосылады.Сурет: © iStock.com / Nikada

Оқу-ағарту министрі:  Сынып жетекшілерінің айлығына үш есе үстемақы қосу мәселесі талқылануда

Бүгін облыс әкімі Нұрлыбек Нәлібаевтың қатысуымен «Ұстазым-ұлағатым!» атты Мұғалімдер күніне &nbsp;арналған салтанатты шара өтті. Жиынға сала басшылары, облыс педагогтері, зиялы қауым өкілдері мен ардагерлер қатысты. Аймақ басшысы ұстаздарды мерекемен құттықтап, білім саласындағы жетістіктерге тоқталды. "Мемлекет басшысы Қасым-Жомарт Кемелұлы халыққа Жолдауында: «Ұстаздар – ұлттың зияткерлік қуаты. Олар білімді ұрпақ тәрбиелеу арқылы еліміздің өркендеуіне жол ашады», - деп атап өтті.&nbsp; Шәкірттеріне заманауи білім мен өнегелі тәрбие беріп, ұлттық құндылықтар мен адамгершілік ізгі қасиеттерді бойына дарытатын ұстазға деген халқымыздың құрметі қашан да ерекше.&nbsp; Білім, ғылым, мәдениет және өнер саласының дамуы – өркениеттің өлшемі, қоғам дамуының басты көрсеткіші. Биыл білім саласының жалпы бюджеті 262,1 млрд теңгеге жетіп, өткен жылмен салыстырғанда 8,8 % артты. Жыл басынан бері 10 білім беру нысаны пайдалануға берілді. Мемлекет басшысының бастамасымен қолға алынған «Жайлы мектеп» ұлттық жобасы аясында аймағымызда 12 300 орынға арналған 21 мектеп құрылысы жоспарланып, биыл 10-ы салынуда. &nbsp;Ұстаздар мерекесі қарсаңында республикамыздағы алғашқы 900 орындық жайлы мектеп Қызылорда қаласының сол жағалауынан пайдалануға берілгеніне өздеріңіз куә болдыңыздар.&nbsp; Әділетті, жаңа, жасампаз Қазақстанның болашағы сіздердің қолдарыңызда, қадірлі ұстаздар! Шәкірттеріңізбен бірге шығармашылық жетістіктерге жете беріңіздер!" , - деді Н.Нәлібаев. Салтанатты шарада білім саласында қажырлы еңбек етіп, жетістіктерге жеткен бірқатар ұстаздар &nbsp;Оқу-ағарту министрлігінің Ы. Алтынсарин, «Білім беру ісінің құрметті қызметкері» &nbsp;төсбелгілерімен, &nbsp;Құрмет грамотасымен, министрліктің және Қызылорда облысы әкімінің «Алғысымен» марапатталды. Жақында балалардың бос уақытын тиімді ұйымдастыру, жан-жақты дамыту мақсатында «ҚазГерМұнай» компаниясының демеушілігімен салынған 350 орындық заманауи Оқушылар сарайы ел игілігіне табысталды. Онда соңғы үлгідегі материалдық-техникалық базамен жабдықталған кабинеттер қарастырылған. Спорт,қолөнер және қолданбалы өнер, музыка-хореография, техникалық- шығармашылық,әлеуметтік ғылымдар негізінде 50-ге жуық үйірме өз жұмысын бастады. Өскелең ұрпақтың салауатты өмір салтын ұстануына, бос уақытын тиімді өткізуіне арналған заманауи үлгідегі үстел теннисі орталығы қолданысқа берілді. Жаңа спорт кешенінде 16 үстел теннисі, 350 орындық көрермендер және жаттығу залы бар. Жыл соңына дейін «Жайлы мектеп» ұлттық жобасы аясында 5 мектеп, «Білім беру инфрақұрылымын қолдау» қоры арқылы &nbsp;физика-математика &nbsp;мектеп-интернаты, жеке инвесторлар есебінен Арал ауданы, Ақшатау ауылында 60 орындық, Тоқабай ауылында 100 орындық мектептер, 2 мектеп жанынан қосымша ғимарат, Жаңақорған ауданында 1 қосымша білім беру ұйымы пайдалануға берілмек. Сол жағалауда «Саутс Ойл» компаниясының демеушілігімен &nbsp;музыкалық колледж ғимаратының құрылысы қарқынды жүруде. Балалар мен жасөспірімдердің шығармашылығын шыңдау мақсатында биыл облыс орталығынан Инновациялық- шығармашылық академиясының құрылысы басталды.Әлемдік қауымдастықтан ойып орын аламыз &nbsp;десек, жастарымыз білімді, озық ойлы, интеллектуалды болуы керек. Мемлекет басшысының басты талабы – заманауи білім беру ошақтарын көбейту, мұғалім мен оқушыға барынша жағдай жасау. Бұл ретте, жаңа құрылыс нысандарынан бөлек, тозығы жеткен мектептерді де жаңарту жұмыстары қарқынды жүруде. Биылдың өзінде 3,1 млрд теңгеге 8 мектеп күрделі жөндеуден өтіп, «Білім беру инфрақұрылымын қолдау» қоры арқылы Шиелі, Жаңақорған аудандарындағы 2 мектепке 375 орындық қосымша құрылыс, жергілікті бюджет есебінен Қызылорда қаласындағы №4 мектепке 300 орындық оқу корпусы мен 100 орындық асхана, Қармақшы ауданында №284 мектеп-интернатына спорт залы, Жаңақорған ауданында №255 мектепке спорт залы мен 20 орындық асхана салынды.&nbsp; Балалардың қауіпсіздігі де басты назарда. Облыс аумағындағы мектептердің барлығы 100% бейнебақылау камерасымен қамтылған.Фото: Қызылорда облысы әкімінің баспасөз қызметі

Сыр ұстаздары - құрмет төрінде

&nbsp;<a href="https://kyzylorda-news.kz/">Kyzylorda-news.kz</a> Ұстаз – ұлағатты тұлға, шәкірт жүрегінде есімі алтын әріппен жазылатын асыл жан. Оның берген білім мен тәрбиесі тек бір адамның емес, тұтас қоғамның өркендеуіне ықпал етеді. Еліміздің әр түкпірінде мұғалімдер мерекесі әртүрлі форматта тойлануда. Біздің облыста да айтулы күн аясында&nbsp; 420 шара ұйымдастырылып, оған 29 650 білім алушы қатысқан. Бұл туралы Өңірлік коммуникациялар қызметі ұйымдастырған көшпелі брифингте облыстық білім басқармасы басшысының орынбасары Бекжан Есенбаев айтты.<blockquote>&nbsp;– Қазақта “Ұстазы жақсының – ұстанымы жақсы” деген қанатты сөз бар.&nbsp; Қандай ұрпақ болмасын олардың білімді, білікті болуы біздің ұстаздарымыздың бүгінгі еңбегіне тікелей байланысты. Мереке қарсаңында 20 қыркүйектен бастап облыстағы барлық білім беру ұйымдарында мәдени іс-шараларымыз өтіп жатыр. Осы орайда, “Еңбек адамы” айдарымен әр білім ордасының техникалық қызметкерлерін басқарма басшысының марапаттау кештері болды. Мұғалімдердің құрметіне орай түрлі челленджер мен ашық тәрбие сағаттар, кездесу кештері де ұйымдастырылса, бүгін “Ұстазым - ұлағатым” атты салтанатты шарамен қорытындыланатын болады, – деді Бекжан Шәкизатұлы.</blockquote>Фото: Қызылорда облысының Өңірлік коммуникациялар қызметі

Қызылордада ұстаздар күніне орай 450 шара ұйымдастырылды 

Қасым-Жомарт Тоқаев ұстаздар қауымын кәсіби мерекесімен құттықтап, аса жауапты әрі қастерлі міндетті абыроймен атқарып жүрген педагогтерге алғыс айтты. Сонымен қатар еліміздегі оқу-ағарту саласын дамыту жолында жүзеге асырылып жатқан ауқымды жұмыстарға тоқталды.<blockquote>– Менің тапсырмаммен «Педагог мәртебесі туралы» арнайы заң қабылданды. Бұл құжат ұстаздардың заңды мүддесі мен құқықтарын қорғауға ықпал етті. Қазір мұғалімдер мен тәрбиешілердің жалақысы айтарлықтай көбейді. Олар негізгі қызметіне кедергі келтіретін артық міндеттерден босатылды. Осы заңға сәйкес «Қазақстанның еңбек сіңірген ұстазы» атағы енгізілді. Бұл – жай атақ емес, мәртебелі мемлекеттік награда. Оның иегеріне қомақты сыйақы беріледі. Республика бойынша 46 мұғалім осы наградаға ие болды. Сондай-ақ қазір ұстаздарға академиялық дәрежесіне сәйкес үстемеақы төленіп жатыр. Халықаралық олимпиада жүлдегерлерін дайындаған мұғалімдерге қаржылай қолдау көрсетіледі. Педагог мамандығы бойынша оқып жатқан студенттердің шәкіртақысы 2,5 есе көбейді. Биыл болашақ ұстаздарды даярлау үшін 16 мыңға жуық грант бөлінді. Соның ішінде шамамен 1800 «Алтын белгі» иегері педагогика мамандығын таңдады. Бұл – өте жақсы үрдіс, – деді Мемлекет басшысы.&nbsp;</blockquote>

Президент мұғалімдерді кәсіби мерекесімен құттықтады

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінің 26 студенті Қазақстан Республикасы Президентінің стипендиясына ие болды. Президенттік стипендия биылғы қыркүйек айынан бастап оқу үлгерімі «өте жақсы» және университеттің қоғамдық жұмыстарында белсенділігімен ерекшеленген білім алушыларға тағайындалды.&nbsp;&nbsp;Білімді әрі белсенді жастарға қашанда жүйелі қолдау бар. Президенттік стипендия иегерлерінің бірі – «Қазақ тілі мен әдебиеті» мамандығының 4-курс студенті, «Жауқазын» студенттік театрының төрағасы Ақниет Мәулен.<blockquote>“Оқу орнына алғаш қабылданғанда Президенттік стипендия иегерлерімен танысудың сәті түсті. Сол кезде «мен де осындай үздік студент боламын» деген мақсат пайда болды. Бұл маған ғылыми және қоғамдық жұмыстарға көбірек уақыт бөлуге, түрлі олимпиадаларға қатысуға мүмкіндік береді. &nbsp;Ең бастысы жоғары білікті маман болуға ынталандырады. Қазір 81 мың теңгеден астам шәкіртақы аламын”,– деді Ақниет Қайратқызы.&nbsp;</blockquote>Стипендия күндізгі оқу нысаны бойынша оқитын студенттерге 3-курстан бастап мемлекеттік білім беру тапсырысы бойынша және ақылы негізде тек «өте жақсы» (А, А-) оқитын студенттерге беріледі. Дарынды жастарды шабыттандыруға арналған үлкен қолдау.<img src="https://knadmin.beoblood.kz/uploads/Korkyt_6346053754.jpg" alt="Коркыт.jpg">

Биыл 26 студентке ҚР Президентінің  стипендиясы тағайындалды

<a href="https://kyzylorda-news.kz/">Kyzylorda-news.kz</a>&nbsp; Полиция аталған факті бойынша тергеу бастады.Астана маңындағы ауылда 14 жастағы жасөспірім өзіне қол жұмсады, деп хабарлайды <a href="http://skifnews.kz/">Skifnews.kz</a> ақпарат порталы. Желіде Астана маңындағы Жібек жолы ауылында жасөспірім қыздың асылып қалғаны туралы ақпарат тарады. &nbsp;Ақмола облыстық полиция департаменті ақпаратты растады.<blockquote>"1 қазанда Аршалы аудандық ішкі істер бөліміне Астана қаласының тұрғынынан өзінің&nbsp;Жібек-Жолы ауылындағы үйінің гаражында 2010 жылы туған немере қарындасының&nbsp;өз-өзіне қол жұмсағаны туралы хабарлама келіп түсті.&nbsp;Полиция департаменті бұл факті бойынша сотқа дейінгі тергеу амалдарын бастады", –&nbsp;делінген полиция хабарламасында.&nbsp;</blockquote>Полиция іске қатысты басқа ақпараттардың тергеу мүддесіне байланысты&nbsp;жариялауға жатпайтынын атап өтті.&nbsp;<blockquote>"Полиция тағы да ата-аналарды балаларының интернет пен әлеуметтік желілер арқылы қауіпті іс-әрекеттерге араласу қаупіне байланысты&nbsp;олардың қауіпсіздігіне ерекше назар аударуға шақырады", –&nbsp;делінген полиция хабарламасында.</blockquote>Фото: unsplash

Астана маңындағы ауылда 14 жастағы қыз өзіне қол жұмсады

<a href="https://kyzylorda-news.kz/">Kyzylorda-news.kz</a> Қазақстандық ата-аналар соңғы кезде оқушылар мен мүғалімдерді видеоға түсіріп, челленджерге қатыстыру үрдісінің көбейіп кеткенін айтып шағымдануда.&nbsp;Парламенті мәжілісінің депутаты, бұрынғы білім&nbsp;және ғылым министрі Асхат Аймағамбетов мұндай тенденцияға қарсы екенін мәлімдеді. Бұл туралы&nbsp;<a href="https://stan.kz/akilga-konimsiz-aymagambetov-mygalimderdin-sabak-barisi-407271/">Stan.kz</a>&nbsp;ақпарат агенттігі хабарлайды.Аймағамбетов мұғалімдердің негізгі міндеті білім беру екенін алға тартты.<blockquote>«Жақында, тіпті КВН-да осы туралы қалжың көріп қалдым. &nbsp;Бұл видео түсіру, оны желіге жүктеу қалыпты жағдайға айналғанын көрсетеді. Сабақтарды немесе тәрбиелік іс-шараларды түсіріп, өңдеп, әлеуметтік желілерде жариялап жатады. Бұл қаншалықты дұрыс?&nbsp;Біріншіден, мектеп оқушыларының түрін&nbsp;рұқсатсыз жарияланып жатады. Мысалы, менің балаларымның түрі жарияланғанын қаламаймын, өйткені бұл балалардың жеке&nbsp;құқығы. Мұғалім балаңыздан оның фотосын&nbsp;немесе видеосын әлеуметтік желіде жариялау үшін рұқсат&nbsp;сұрауы керек. Екіншіден, бұл мұғалімнің негізгі міндетіне кері әсерін тигізеді. Мұғалім сабақты өткенін түсірумен, оны монтаждап, бөлісумен айналыспауы керек», –&nbsp;деп атап өтті Асхат Аймағамбетов.</blockquote>Аймағамбетов мұғалімдер&nbsp;уақыты мен күш-қуаты сабақ беруге және оқушыларды тәрбиелеуге бағыттау&nbsp;тиіс екенін айтты. Әрине, қосымша шараларға қатысуға ниет білдірген мұғалімдер де болуы мүмкін, бірақ бұл міндеттелмеуі керек дейді ол.<blockquote>“Күн сайын 100 шақты мектеп өткізіп жатқан іс-шарасын желіде бөлісіп, менің парақшамды белгілейді.&nbsp;Бірақ бұл көбіне формальді&nbsp;түрде жүзеге асып жатқан үрдіс&nbsp;сияқты.&nbsp;Мұғалім сабақ беруі керек, оның өз міндеттері бар. Бұл ақылға қонымсыз және қажетсіз идея», –&nbsp;деді Асхат Аймағамбетов.</blockquote>Сурет:gov.kz

Аймағамбетов мұғалімдердің сабақ барысын видеоға түсіріп, желіде бөлісуін сынады

<a href="https://kyzylorda-news.kz/">Kyzylorda-news.kz</a>&nbsp; Басқа кішкентай баланың ұлының басынан темір орындықпен ұрып жатқан сәті видеоға түсіп қалған.&nbsp;Астанада балабақшада төрт жасар баланың басы зақымдалып, ауруханаға жеткізілген. Деректерге сүйенсек, оның басынан өзге тәрбиеленуші бүлдіршіннің &nbsp;орындықпен ұрған, деп хабарлайды<a href="https://sn.kz/"> Skifnews.kz </a>ақпарат порталы.Оқиға «Медина» балабақшасында болған. Сәбидің анасының айтуынша, ол 24 қыркүйекте таңертең ұлын балабақшаға апарған. Ал 9:41-де тәрбиеші ұлының басын ұрып алғанын айтып хабарласқан.Анасы балабақшаға келгенде, ұлының басындағы ашық жарақатты көріп, шошып кеткен. 10-15 минуттан кейін «жедел жәрдем» келіп, баланы ауруханаға жеткізіп, жарақаттанған жерін тіккен.&nbsp;Кейін ұлдың анасы бейнебақылау камераларынан қарауды талап еткен. Басқа кішкентай баланың ұлының басынан темір орындықпен ұрып жатқан сәті видеоға түсіп қалған.&nbsp;Бұдан соң әйел видеодан тәрбиешілердің дөрекі және қатыгез қарым-қатынасын да көргенін айтты.&nbsp;<blockquote>«Анасы бастапқыда жағдайды түсінуге тырысты. Бірақ видеоны көргеннен кейін әділеттілікті талап етті», - делінген хабарламада.</blockquote>Балабақша өкілдері оқиғадан соң ақшалай көмек ұсынып, кешірім сұраған. Бірақ анасы кінәлілердің жауапқа тартылғанын қалайтынын айтады. Ол материалдық көмектен бас тартқан. Сондай-ақ соққының салдары ұлының денсаулығына әсер етуі мүмкін екенін жеткізді. Себебі бала бұған дейін сөйлемей, тек ым-ишарамен түсіндіріп жүрген.Келесі күні баланың атасы тәрбиешілерге ашуланған. Ал баланың інісін балабақшадан шығарып алды деп болжануда.<blockquote>«Бүгінгі таңда балабақша тәрбиешісі Қазақстан Республикасы Еңбек кодексінің 49-бабына сәйкес 25 қыркүйектен бастап жұмыстан шығарылды», - деп түсіндірді ведомство.</blockquote>Фото: видеодан алынды

Астанада 4 жасар баланың басынан темір орындықпен ұрған

<a href="https://kyzylorda-news.kz/">Kyzylorda-news.kz</a> Әлеуметтік желіде елордадағы №32 мектеп мұғалімі жетінші сынып оқушысына тиіскені туралы ақпарат тарады. Ата-аналар оқу орнына келіп, педагогты жауапқа тартуды талап еткен. Бұл туралы <a href="https://stan.kz/astanadagi-mektepte-mygalim-7-sinip-okushisina-tiisip-t-407241/">Stan.kz а</a>қпарат агенттігі хабарлайды.Мәліметтерге сенсек, қыз бала ата-анасына 1981 жылы туған мұғалімнің оған тиіскенін және WhatsApp арқылы түнде жазып тұрғанын айтқан.<blockquote>“Егер…&nbsp;Жаман ойлап қал ма? Сен, түсініп тұрсың ғой, иә. Мен сенікі, ал сен мендік&nbsp;боласың. Жақсы ма?&nbsp;Мұны&nbsp;барлық мағынада айтып тұрмын”, –&nbsp;деп мұғалім оқушы қызға хабарлама жіберген.</blockquote>Мектеп директоры оқиғадан кейін мұғалімді жедел түрде жұмыстан шығарып, басқа оқу орнына орналасуына мүмкіндік берген.Елордадағы білім басқармасының баспасөз қызметі мұғалімнің 2024 жылдың 2 қыркүйегінен бастап мектепте сынақ мерзімінде жұмыс істегенін мәлімдеді.Осылайша 30 қыркүйекте мектептің тәртіптік комиссиясының шешімі бойынша педагог ҚР Еңбек кодексінің 52-бабының 14-тармағы "Тәрбиелік қызметтерді атқаратын қызметкердің осы жұмысты жалғастыруға жарамсыз моральдық теріс қылық жасауы" бойынша жұмыстан шығарылды.Сондай-ақ қазіргі уақытта қала полиция департаменті бұл факті бойынша қылмыстық іс қозғағанын, тергеу жүргізіліп жатқанын атап өтті. Басқа ақпарат берілмеді. Себебі бұл қылмыстық процестік кодекстің бабына сәйкес құпия ақпарат.Фото видеодан скриншот жасалған

Астанада 43 жастағы мұғалім оқушы қыздарға тиісіп, жұмыстан қуылды

Бас прокурор балалардың өзіне қол жұмсауы қоғамда резонанс тудырғанын айтты.Балаларды суицид жасауға итермелейтін 15 мың сайт пен сілтеме бұғатталған, деп хабарлайды<a href="https://kyn.kz/36781/balalardy-suicidke-itermeleytin-15-my-sayt-pen-silteme-b-attaldy"> KYN.KZ&nbsp;</a>Бұл жағдайды еліміздің Бас прокуроры Берік Асылов балалар арасында өз өзіне қол салу дерегінің жиілеп&nbsp;кетуіне байланысты жасаған мәлімдемесінде айтты.<blockquote>«Балалардың өзіне қол жұмсауы қоғамда резонанс тудырды. Прокурорларға әр фактіні тергеуді ерекше бақылауды тапсырдым. Жалпы әлеуметтік желі балалардың суицид белсенділігіне әсер ететіндіктен, прокурорлар 15 мың зиян сайт пен сілтемені бұғаттауға қол жеткізді. Тұрмысы ауыр отбасылармен жұмыс істеп жатырмыз. Мемлекеттік органдармен суицидтің алдын алу үшін шұғыл шара кешенін әзірлейміз», - дейді ҚР Бас прокуроры Берік Асылов.</blockquote>Сурет: Павел Хацаюк/«Вечерняя Казань»

Балаларды суицидке итермелейтін 15 мың сайт пен сілтеме бұғатталды

<a href="https://kyzylorda-news.kz/">Kyzylorda-news.kz</a> Үзіліс уақытында болған оқиға туралы облыстық білім беру басқармасы мәлім етті.Павлодар облысында оқушы сыныптасын тапаншамен жарақаттады. 13 жасар бала ауруханаға жатқызылды, – деп хабарлайды <a href="https://aikyn.kz/">Aikyn.kz</a>&nbsp;1 қазанда Железин ауданындағы мектептердің бірінде 5-сынып оқушысы ойыншық тапаншаны сөмкесінен шығарып, сыныптастарына көрсетіп жатқан кезде байқаусызда ойыншық оқты 6-сынып оқушысының көз аймағына тигізген.Үзіліс уақытында болған оқиға туралы облыстық білім беру басқармасы мәлім етті.&nbsp;<blockquote>"Аталған факті бойынша дереу қызметтік тергеу ашылды. Нәтижесінде, оқушылар және ата-аналармен әңгіме жүргізілді. Балаларыңызды мектепке жібермес бұрын сөмкесіндегі қалталарда тыйым салынған заттардың бар-жоғын тексеруді сұраймыз!" – деп хабарлады басқарма.</blockquote>Зардап шеккен оқушы алдымен аудандық ауруханаға, кейіннен облыстық ауруханаға жеткізілді. 13 жасар баланы травматология бөлімшесінің кезекші офтальмолог дәрігері қарап шықты.&nbsp;<blockquote>"Көз алмасының көгеруі диагнозы қойылды, жағдайы тұрақты", – деп хабарлады облыстық балалар ауруханасы.&nbsp;</blockquote>Оқушының тұрғылықты жері алыс екенін ескере отырып, динамикалық бақылау үшін офтальмологиялық бөлімшесіне жатқызылды.Фото: aikyn.kz

Қазақстан және Қызылорда облысының жаңалықтары: Білім