&nbsp;<a href="https://kyzylorda-news.kz/">Kyzylorda-news.kz</a>&nbsp; &nbsp;Қостанай мектептері “Күнделік” электронды журналынан бас тартты.&nbsp;Бұл туралы <a href="https://alau.kz/kundelik-otmenili-v-kostanajskih-shkolah/">Alau.kz</a> порталына сілтеме жасап&nbsp;хабарлайды.Қостанай облысы әкімдігі білім басқармасының баспасөз қызметі бұл ақпаратты растады. Ведомство&nbsp;облыстың барлық білім беру ұйымдарында 2024 жылдың 1 қыркүйегінен бастап “BilimClass" электронды журналы мен күнделік модулі&nbsp;енгізілетінін мәлімдеді.<blockquote>“Шілде айында Қостанай облысының білім басқармасы мен "Bilim Land" ЖШС арасында ынтымақтастық туралы меморандумға қол қойды. "BilimClass" жүйесіне ауысқан кезде барлық білім беру ұйымдары мұғалімдер, оқушылар мен ата-аналары тегін цифрлық ресурстармен қамтамасыз етіледі. Аудандық, облыстық деңгейде мектептердегі, сыныптардағы және пәндер бойынша білім сапасын бақылауға мүмкіндік бар. Деректерді “Күнделік” жүйесінен алып,&nbsp;BilimClass жүйесіне жүктегеннен кейін құжаттарды қоймада тегін сақтауға болады”, –&nbsp;делінген хабарламада.</blockquote>Bilimcenter.kz модулі қолжетімді болмақ. Бұл цифрлық портал біліктілікті арттыру курстарынан өту кезінде мониторингі мен сертификаттауы бар PISA, TIMSS, PIRLS, МОДО халықаралық зерттеулеріне дайындық кезінде функционалдық сауатты қалыптастыруға және бағалауға арналған.Сондай-ақ басқарма платформаның жарнамасыз жұмыс істейтінін атап өтті.&nbsp;Фото: Ашық дереккөзден

Мектептерде "Күнделік" электронды журналы алып тасталды

Kyzylorda-news.kz. Құрылысшылар күніне орай облыс әкімі Нұрлыбек Нәлібаевтың қатысуымен &nbsp;Қызылорда қаласында Инновациялық- шығармашылық орталығының іргетасын қалау рәсімі өтті.Салтанатты шараға ҚР Парламенті Сенатының депутаттары Руслан Рүстемов, Наурызбай Байқадамов, &nbsp;Мәжіліс депутаттары Мархабат Жайымбетов, &nbsp;Мұрат Ергешбаев, облыстық мәслихат төрағасы Мұрат Тілеуімбетов, «Қазмұнайгаз» ҰК» АҚ тәуелсіз директоры Серік Қожаниязов, зиялы қауым өкілдері мен сала басшылары қатысты.Аймақ басшысы құрылысшылар қауымын &nbsp;кәсіби мерекемен құттықтап, өңірдегі жобалар мен жаңа орталықта атқарылатын жұмыстарға тоқталды.<blockquote>«Сыр елі Мемлекет басшысының және Үкіметтің қолдауының арқасында құрылыс жұмыстары көлемінің көрсеткіші бойынша республикада үздіктер қатарындамыз. Құрылысы қарқынды елдің экономикасы қай уақытта да қуатты. Аймағымыздың ажарын айшықтап, сәулетіне сән қосатын, өңіріміздің өсіп-өркендеуіне жаңаша серпін беретін саланы дамытуда құрылысшылардың үлесі орасан зор.Екі жыл бұрын облыс бюджеті 364 млрд. теңге болса, бүгінде 733 млрд. теңгеге жетіп, 101,4 пайызға өсті. Оның ішінде, құрылыс саласына &nbsp;мемлекеттік бюджет есебінен &nbsp;133 млрд. 400 млн. теңге қаржы бөлінді. Қаржыландыру көрсеткіші 2022 жылмен салыстырғанда 5 есе артты. Облыста 187 нысан &nbsp; бой көтеруде.Мемлекеттік қолдау мен ұлттық жобалар аясында, қаржыландырудың барлық көзінен &nbsp;869 300 шаршы метр тұрғын үй пайдалануға беріледі. &nbsp;Соңғы екі жылда 4 мыңға жуық пәтер табысталып, 17 мың тұрғынның баспана мәселесі шешілді. Осылайша, тұрғын үй құрылысы көлемі 126 пайызға өсті. Мемлекеттік бюджеттен бөлінген 34 млрд. 100 млн. теңгеге 2,5 мыңнан астам пәтер пайдалануға беріледі. Өңірде жыл басынан бері 750-ден астам отбасы қоныс тойын тойлады. Ерекше атап өту қажет, өткен жылдан бері қаламызда 7, 9, 12 қабатты тұрғын үйлер бой көтеруде.Бүгін Шығармашылық- инновациялық орталығының іргетасын қалаймыз. Орталықта балаларға спорттық сауықтырудан бөлек, көркем-эстетикалық, ғылыми-техникалық, тарихи-өлкетану, гуманитарлық бағытта қызмет көрсетіледі. Бұдан бөлек, футбол, баскетбол, волейбол, воркаут алаңдары, бассейн, соңғы үлгідегі материалдық-техникалық базамен жабдықталған кабинеттер қарастырылған. Мемлекеттің гүлденуі жолындағы абыройлы істеріміз және өскелең ұрпақ тәрбиелеудегі бастамаларымыз табысты болсын!», - деді Н.Нәлібаев.</blockquote><img src="https://knadmin.beoblood.kz/uploads/FB_IMG_1723843139472_da564fbb1c.jpg" alt="FB_IMG_1723843139472.jpg">Жаңа нысанның іргетасын қалау рәсімінде ҚР Ұлттық Ғылым Академиясының академигі, профессор, &nbsp;Қызылорда облысының Құрметті азаматы Бақберген Досманбетов тұрғындарды құттықтап, ізгі тілек білдірді.Айта кету керек, орталықты «Bi Global» ЖШС салуда. Бас жобалаушы - «TEHNIKALIQ BAQILAU» ЖШС, техникалық қадағалаушы - «Алатау Сапа Құрылыс» ЖШС. Жаңа нысан 2026 жылы пайдалануға беріледі.<img src="https://knadmin.beoblood.kz/uploads/FB_IMG_1723843155978_5a2b3e40c3.jpg" alt="FB_IMG_1723843155978.jpg">

Қызылордада инновациялық- шығармашылық орталықтың іргетасы қаланды

Kyzylorda-news.kz. Қазір еліміз бойынша дәстүрлі “Мектепке жол” акциясы жүріп жатыр. Бұл науқан 1 тамыз бен 30 қыркүйек аралығында жалғасады. Акцияның мақсаты - аз қамтылған және көп балалы отбасылардан шыққан оқушыларға, жетім балаларға, сондай-ақ ата-анасының қамқорлығынсыз қалған балаларға оқу жылының басталуына дайындық кезінде материалдық қолдау көрсету және әлеуметтік себептер бойынша балалардың мектепке келмеуінің алдын алу. Қазіргі таңда көмекке мұқтаж отбасыдан шыққан мемлекеттік мектептердегі 36 652 бала есепке алынды. Мемлекеттік мектептердегі бір балаға бір реттік қаржылай көмек мөлшері 43407 теңгені құрайды. Бүгінгі күнге есепке алынған отбасы балаларының 98,6 пайызы қаржылай көмекпен қамтылды. Бұл туралы облыстық білім басқармасы Өңірлік коммуникациялар қызметіне берген ақпаратында айтты.Жалпыға бірдей білім беру қоры аясындақаржылай және материалдық көмек ата-ана қамқорлығынан айырылған, жетім балалар мен жан басына шаққанда табысы ең төменгі күнкөріс деңгейінен аз және әлеуметтік көмекке құқылы отбасыларға беріледі. Сондай-ақ, төтенше жағдай салдарынан жәрдемді талап ететін отбасылардан шыққан &nbsp;балалар қаржылай көмек ала алады. Акция аясында әлеуметтік осал топ отбасы балаларын анықтау мақсатында рейд шаралары ұйымдастырылады. Рейд қорытындысымен анықталған көмекке мұқтаж отбасы балаларын демеушілер тарапынан көмек көрсету мүмкіндігі қарастырылуда. Қызылорда облыстық білім басқармасы өмірлік қиын жағдайға тап болған отбасылар мен балаларға бей-жай қарамайтын, жүрегі кең азаматтардың аталған акцияға белсенді қатысуға шақырады.

Қызылордада “Мектепке жол” акциясы жалғасып жатыр

<a href="https://kyzylorda-news.kz/">Kyzylorda-news.kz</a> Қызылорда облысының әкімі Нұрлыбек Нәлібаев жиналыс өткізіп, кәмелетке толмаған қызды жезөкшелікпен айналысуға мәжбүрлеу фактісіне уақытында кедергі келтірмеген уәкілетті тұлғаларға қатаң шаралар қабылдауды қарамағындағылардан талап етті, деп хабарлайды Қызылорда облысы әкімдігінің баспасөз қызметі.Облыс әкімі атап өткендей, бірнеше күннен бері әлеуметтік желілер мен бұқаралық ақпарат құралдарында кәмелетке толмаған қызды жезөкшелікпен айналысуға мәжбүрлеген Қызылордадағы мектеп түлектерінің әрекеті талқылануда.Аймақ басшысы бұл атышулы қылмыстан жарты жылға жуық уақыттан бері полиция департаментінің ұйымдасқан қылмыспен күрес басқармасы мен қызға сабақ беретін мұғалімдер бейхабар болғанын қатаң сынға алды.<blockquote>- Әлеуметтік желілерде учаскелік полиция инспекторы мен мектептің ювеналды полиция қызметкері мәселеден хабардар болғандығы жөнінде ақпарат тарады. Негізгі салғырттық осы қызметкерлерден басталған. Өздеріне бекітілген аумақтағы ахуалды алдын- ала зерделеп, әр тұрғынды бақылауы тиіс еді. Бірақ, ондай жұмыс мүлде жүргізілмеген. Білім саласының мамандары да қызметтеріне немқұрайлы қараған. Мектеп басшылығы, педагогтер, мектеп инспекторы, өз міндеттеріңізді орындамағансыздар! Мектеп психологі, сынып жетекшілері, әлеуметтік педагог, мектеп директорының тәрбие ісі жөніндегі орынбасары және директор заң аясында қандай да бір нақты қадамға бармаған, - деді Н.Нәлібаев.</blockquote>Облыс әкімі оқушының сабақтан жиі қалатынына тиісті мамандардың назар аудармағанын, ата-анасымен тиісті деңгейде профилактикалық жұмыс жүргізбегенін, тек мәселені жасырып-жабуға тырысқандарын айтты.<blockquote>- Бүгіннен бастап №7 мектеп – лицей директоры, тәрбие ісі жөніндегі орынбасары, психологі, әлеуметтік педагогі, сынып жетекшілері жұмыстан босатылсын. Қызылорда қаласы әкімінің осы салаға жауапты орынбасарына, қалалық білім бөлімінің басшысына қатаң сөгіс, бөлімнің тәрбие жөніндегі жауапты маманына жұмыстан босату шарасы қолданылсын. Білім басқармасының басшысына өз міндеттерін тиісті деңгейде орындамағаны үшін қызметіне толық сәйкес еместігі туралы ескерту беремін. Өзіне жүктелген міндетті тиісті деңгейде орындамаған мектеп инспекторы мен учаскелік полиция инспекторы, оны бақыламаған кәмелетке толмағандар ісі жөніндегі ювеналды полиция бөлімшесі, қалалық полиция басқармасы мен облыстық жергілікті полиция қызметі ұйымдасқан қылмысқа қарсы күрес басқармасы тікелей кінәлі. Осы орайда, жауапты мамандардың жауапкершілігін қарап, қызметінен босатуға дейінгі кадрлық шешімдер қабылдансын. Қабылданған шешімдер туралы жұмыс аяғына дейін баяндаңыз, - деді Н.Нәлібаев.</blockquote>&nbsp;<figure class="media"><div data-oembed-url="https://www.youtube.com/watch?v=gEPfDaUztK0"><div style="position: relative; padding-bottom: 100%; height: 0; padding-bottom: 56.2493%;"><iframe src="https://www.youtube.com/embed/gEPfDaUztK0" style="position: absolute; width: 100%; height: 100%; top: 0; left: 0;" frameborder="0" allow="autoplay; encrypted-media" allowfullscreen=""></iframe></div></div></figure>&nbsp;<figure class="image"><img src="https://knadmin.beoblood.kz/uploads/455290032_801517705502809_3541811199451827338_n_1b10729d99.jpg" alt="455290032_801517705502809_3541811199451827338_n.jpg"><figcaption>Қызылорда облыстық білім басқармасының басшысы Асқарбек Есжанов</figcaption></figure>&nbsp;Бала құқықтарын қорғау жөніндегі облыстық уәкіл Жақсыгүл Тоғановаға облыстың білім беру ұйымдарындағы жұмыстарға талдау жүргізіп, дереу жұмыс тобын құру тапсырылды. Бұл ретте алдын алу шараларын қолданып, қолайсыз отбасыларды және тәулікке жалға берілетін пәтерлерді аралау қажет екені айтылды.Аймақ басшысы оқиғадан зардап шеккен отбасына жан-жақты көмек көрсетуді, тергеудің барынша объективті жүргізілуін талап етті.<blockquote>- Қозғалған қылмыстық іс бойынша тергеп-тексеру амалдарының объективті жүргізілуі міндеттеледі. Қылмысқа қатысы бар адамның барлығы заң аясында тиісті жауапкершілікке тартылатын болсын! Бұл мәселені тікелей бақылауымда ұстаймын, - деп түйіндеді Нұрлыбек Нәлібаев.</blockquote><figure class="image"><img src="https://knadmin.beoblood.kz/uploads/455646375_801517772169469_8762818396603800770_n_8c9dd24628.jpg" alt="455646375_801517772169469_8762818396603800770_n.jpg"><figcaption>Бала құқықтарын қорғау жөніндегі облыстық уәкіл Жақсыгүл Тоғанова</figcaption></figure>&nbsp;<figure class="image"><img src="https://knadmin.beoblood.kz/uploads/455675221_801518152169431_5085053878057160124_n_477324621d.jpg" alt="455675221_801518152169431_5085053878057160124_n.jpg"><figcaption>№7 мектеп – лицей директоры Анжела &nbsp;Садыкбекова және қалалық білім бөлімінің басшысы Жанат Сәдуақасова.</figcaption></figure>&nbsp;<figure class="image"><img src="https://knadmin.beoblood.kz/uploads/455705689_801517938836119_5939566178010691829_n_4c4b5c2a11.jpg" alt="455705689_801517938836119_5939566178010691829_n.jpg"><figcaption>Қызылорда қаласы Полиция басқармасының бастығы &nbsp;Дәулет Беркімбаев және Қызылорда облысы полиция департаменті жергілікті полиция қызметінің бастығы Ердаулет Жаукеев. &nbsp;</figcaption></figure>&nbsp;<figure class="image"><img src="https://knadmin.beoblood.kz/uploads/455771492_801518055502774_2926592572801979357_n_ded26ce83d.jpg" alt="455771492_801518055502774_2926592572801979357_n.jpg"></figure>&nbsp;<img src="https://knadmin.beoblood.kz/uploads/455838266_801517985502781_5401381897545429706_n_986cb31b06.jpg" alt="455838266_801517985502781_5401381897545429706_n.jpg">

Қызылорда облысында білім беру саласының жауапты тұлғалары жұмыстан босатылды

<a href="https://kyzylorda-news.kz/">Kyzylorda-news.kz</a> &nbsp;Партияның облыстық филиалының Атқарушы хатшы Ләйлә Төрешова «AMANAT» партиясы жанындағы Білім беру мен денсаулық сақтау мәселелері жөніндегі республикалық кеңестің отырысына қатысты.Кеше «AMANAT» партиясы жанындағы Білім беру мен денсаулық сақтау мәселелері жөніндегі республикалық кеңестің отырысы өтіп, онда өңірлердегі жаңа оқу жылына дайындық жұмыстары пысықталды.Нақты айтқанда партияның 2023-2027 жылдарға арналған «Халықпен бірге!» Сайлауалды бағдарламасын жүзеге асыру аясында алдағы оқу жылына жаңа оқушы орындарын құру және білім беру сапасын жақсарту жөніндегі шаралар кеңінен қаралды.Отырысқа Параламент депутаттары, жауапты органдар өкілдері, сонымен бірге «Zoom» конференциясы арқылы өңірлердегі жауапты сала басшылары қатысты.Облыста ағымдағы оқу жылы 1 сыныпқа 17 450 бала барады деп жоспарлануда. 1 – сыныпқа қабылданатын балалардан бүгінгі күні 15 848 өтініш қабылданған.Өткен жылы облыс орталығындағы 4 мектептің орын тапшылығы мәселесі қосымша ғимарат салу арқылы шешімін тапты. Сонымен қатар, 1 170 орынды құрайтын 4 мектеп , биыл жыл басында 550 орындық 2 мектеп ел игілігіне берілді.«Жайлы мектеп» ұлттық жобасымен «AMANAT» партиясының Сайлауалды бағдарламасы аясында өңірде 6900 орынды құрайтын 10 мектептің құрылыс жүруде. Жақын күндері алғашқысы пайдалануға беріледі деп жоспарланып отыр. Бұл жұмыстар нәтижесінде аймақта апатты және орын тапшылығы бар мектептер мәлелесі толық шешілетін болады.Оқушыларды оқулықтармен қамту үшін 1,8 млрд.тг. қаржы да қаралған.&nbsp;

«AMANAT»:  Республикалық кеңестің отырысы өтті

<a href="https://kyzylorda-news.kz/">Kyzylorda-news.kz</a> Мектеп мұғалімі Астанада өткен&nbsp;педагогтер форумында&nbsp;Оқу-ағарту министрі Ғани Бейсембаевқа жүгініп, мектептегі жемқорлық мәселесін көтерді,&nbsp;деп хабарлады <a href="http://ulysmedia.kz/">Ulysmedia.kz</a>.<blockquote>– Мен өзім Ақмола облысына келіп, өзіме жұмыс таптым. Өзімді жұмыспен қамтыдым. Бірақ інілерім, сіңлілерім бар. Бірақ олар бір жерге жұмысқа тұру үшін өтірік емес, кемі 1 немесе 2 млн теңгеге дейін ақша сұрайды. Ол кәдімгі жемқорлық. Мен тек педагог мамандықта демеймін, негізі оңтүстікте көп жемқорлық тараған. Бірақ соның мұғалім мамандығы бізге керек қой!? Қашан мен сияқты ақшасыз өзі жұмысқа тұра ала ма? –&nbsp;деп сұрады министрден бойжеткен.</blockquote>Бұл&nbsp;Оқу-ағарту министрі Ғани Бейсембаевқа Астанада өткен ауыл мектептеріндегі педагогтердің республикалық форумында айтылған. Журналистер кейін Бейсембаевқа осы сұрақ жөнінде пікірін білді.<blockquote>– Әріптесіміздің қойған сұрағы қай мектепте, қай ауданда болғаны нақты айтылған жоқ. Облысты бірден қаралауға болмайды ғой. Бұл сұрақты сол себепті көпшіліктің алдында қаужағаным жоқ. Жалпы ол ақпараттың себебін анықтаймыз. Ақпарат нақты болса, тексеру қиындық туғызбайды деп ойлаймын, –&nbsp;дейді ол.</blockquote>Министр өз ведомствосы антикормен бірлесіп, тығыз жұмыс атқарып жатқанын, соның арқасында 15 млрд теңгеден артық сома жымқырылғаны анықталғанын айтады.&nbsp;Жалпы Қазақстанның өңірлерінде мектептегі жемқорлық жайлы бұқаралық ақпарат құралдарында жиі жазылып тұрады.

«Қашан жастар ақша бермей жұмысқа тұра алады»: Мұғалім министрден ашық сұрады?

<a href="https://kyzylorda-news.kz/">Kyzylorda-news.kz</a> Жеңімпаздарға 3 миллион 450 мың теңге көлемінде сыйақы беріледі.&nbsp;Білім күні қарсаңында елімізде "Үздік педагог" байқауы басталды, деп хабарлады Оқу-ағарту <a href="https://kyn.kz/36091/syya-y-3-mln-450-my-te-ge-zdik-pedagog-bay-auyna-kimder-zh-ne-alay-atysatyny-aytyldy">министрлігі.</a>Байқауға мектепке дейінгі, орта, техникалық және кәсіптік білім беру ұйымдарының педагогтері қатыса алады.Конкурс үш кезеңнен тұрады:I кезең – аудандық, қалалық деңгей (8-21 тамыз);II кезең – облыстық деңгей (22 тамыз- 10 қыркүйек);III кезең – республикалық деңгей (11 қыркүйек – 18 қазан).Екі кезеңнің қорытындысы бойынша ең жоғары ұпай жинаған педагогтер республикалық деңгейге өтеді.Байқауға қатысуға өтінімдер&nbsp;uzdikustaz-nobd.edu.kz&nbsp;веб-порталында қабылданады."Үздік педагог" республикалық конкурсы 2012 жылдан бері өткізіліп келе жатыр. Осы уақытқа дейін 700-ге жуық жүзден жүйрік, мыңнан тұлпар атанған мықтылар анықталды.<blockquote>"Үздік педагог" атағына білім беру ұйымдарында жұмыс істейтін және құжаттарды тапсыру кезінде кемінде бес жыл үздіксіз педагогикалық өтілі бар педагогтер үміткер бола алады. Бұл - балабақша, мектеп, колледж мұғалімдері. Байқау аясында мұғалімнің білім саласын дамытуға қосқан үлесі, ұстаз қызметінің тиімділігі мен оның кәсіби шеберлігі ескеріледі", - деді Оқу-ағарту министрлігі Орта білім беру комитетінің төрағасы Қаныбек Жұмашев.</blockquote>Айта кетері, "Үздік педагог" атағының иегерлеріне 1 мың АЕК көлеміндегі ақшалай сыйақы ғана емес, төсбелгілер де беріледі.Фото: kyn.kz

"Үздік педагог": Жеңімпаздарға 3 миллион 450 мың теңге көлемінде сыйақы беріледі

<a href="https://kyzylorda-news.kz/">Kyzylorda-news.kz</a> &nbsp;Маңғыстау облысының білім басқармасы тарапынан білім ошақтарында жұмыс істеп жүрген &nbsp;қызметкерлердің дипломдарына мониторинг жұмыстарын жүргізілді. Бұл туралы<a href="https://kaz.inform.kz/news/mangistauda-zhalgan-diplommen-zhumis-stegen-60-mugalm-zhumistan-bosatildi-9b12d3/"> KAZINFORM </a>хабарлады.&nbsp;Былтыр және биыл жүргізілген осы жұмыстардың нәтижесінде 60 мұғалімнің жалған дипломмен бірнеше жылдар бойы жұмыс істеп келгені анықталған. Облыстық білім басқармасының хабарлауынша, олардың барлығы жұмыстан босатылды.<blockquote>«Облыста педагогтердің дипломдарын анықтау мақсатында жоғарғы оқу орындарына және техникалық, кәсіптік білім беру ұйымдарына сұраныс жолданды. Сонымен қатар мұғалімдердің жұмыс кезеңіңдегі қаражатты мемлекеттік бюджетке кері қайтару үшін сот органдарына шағым жолданды. Бұл бағыттағы жұмыстар жалғасып жатыр», - делінген білім басқармасы таратқан ақпаратта.</blockquote>Еске сала кетейік, бұған дейін Атырау облысында жалған дипломмен жұмыс істеген 80-нен астам мұғалім анықталған болатын.Ал, ҚР Ғылым және жоғары білім министрлігінің Жоғары және жоғары оқу орнынан кейінгі білім комитеті жоғары білім туралы жалған дипломдарға қатысты қандай жаза қарастырылғанын түсіндірді.Фото: Мухтор Холдорбеков/Kazinform

Жалған дипломмен жұмыс істеген 60 мұғалім жұмыстан босатылды

<a href="https://kyzylorda-news.kz/">Kyzylorda-news.kz</a> &nbsp;Бүгін партияның облыстық филиалының төрағасы Алмасбек Есмахановтың қатысуымен «Білім және Денсаулық сақтау мәселелері» жөніндегі аймақтық кеңесі мен Партиялық бақылау комиссиясының бірлескен отырысы өтті. Онда жаңа оқу жылына дайындық, білім беру сапасын жақсарту шаралары, балалардың жазғы демалысын, бос уақытын мазмұнды ұйымдастыру мен сауықтыру мәселелері бойынша атқарылған жұмыстар, сонымен қатар облыс орталығындағы №3 ІТ мектеп–лицейінің оқушылар қауіпсіздігі бойынша атқарылған жұмыстары талқыланды.Санаулы күндерден кейін жаңа оқу жылы басталады. Жаңа оқу жылына мектептердің дайындығы өзекті мәселе. Жиында осы бағытта атқарылып жатқан жұмыстар бойынша облыстық білім басқармасының бөлім басшылары Нұрлан Дәулетәлиев пен Парасат Жаңабергеновтер хабарлама жасады.Жалпы өңірдегі 330 мектепте 181 804 бала білім алуда. Ағымдағы оқу жылы 1 сыныпқа 17 450 бала барады деп жоспарлануда. 1 – сыныпқа қабылданатын балалардан бүгінгі күні 15 848 өтініш қабылданған.Өткен жылы облыс орталығындағы 4 мектептің орын тапшылығы мәселесі қосымша ғимарат салу арқылы шешімін тапты. Сонымен қатар, 1 170 орынды құрайтын 4 мектеп, ағымдағы жылы жыл басында 550 орындық 2 мектеп ел игілігіне берілді.<blockquote>«Мемлекет басшысының «Жайлы мектеп» ұлттық жобасымен «AMANAT» партиясының Сайлауалды бағдарламасы аясында өңірде 12 300 орынды құрайтын 21 мектеп салу жоспарланса, бүгінде 6900 орынды құрайтын 10 мектептің құрылыс жүруде. Жақын күндері 1 «Жайлы мектеп» пайдалануға беріледі деп жоспарланып отыр. Қалған 5400 орынды құрайтын 11 мектеп 2025 жылы пайдалануға берілмек. Бұл жұмыстар нәтижесінде аймақта апатты және орын тапшылығы бар мектептер мәлелесін толық шешетін болады», -деді хабарлама барысында облыстық білім басқармасының бөлім басшысы Нұрлан Дәулетәлиев.</blockquote>«Білім беру инфрақұрылымын қолдау» қоры есебінен дарынды балаларға арналған 400 орындық физика-математика бағытындағы мектеп-интернат, Шиелі ауданында 100 орындық мектеп пен 2 мектепке 750 орындық қосымша құрылыс жүргізілуде.Жергілікті бюджеттен Жаңақорған ауданы 150 орындық, Қызылорда қаласы мен Қармақшы, Жаңақорған аудандарында қосымша спорт зал және асхана ғимарат құрылыстары салынуда. Демеушілік есебінен Арал ауданындағы Тоқабай және Ақшатау ауылдарындағы мектептер құрылысы жүргізілуде. 285 мектепке ағымдағы жөндеу, 8 мектеп ғимаратына күрделі жөндеу жұмыстары жүргізілуде.Балаларды қосымша біліммен қамту үлесін арттыру мақсатында өңірде мұнай компанияларының демеушілігімен 350 орындық заманауи Оқушылар сарайы, музыкалық колледж ғимаратының іргетасы қаланды. Жергілікті бюджеттен Жаңақорған ауданында 200 орындық Оқушылар үйі және 50 орындық Өнер мектебі салынуда.Балалар мен жасөспірімдердің шығармашылығын шыңдау мақсатында биыл облыс орталығынан «Шығармашылық академиясының» құрылысы басталған.Оқушыларды оқулықтармен қамту үшін 1,8 млрд.тг. қаржы да қаралған.<blockquote>«Аймақта биыл алғаш рет облыс әкімінің кубогы үшін «Сыр лигасы» жобасы бастау алды. Жоба аясында мектеп оқушылары командалық есепте дебат, Жайдарман, Жігіт сұлтаны, жас мобиолограф конкурсы, үлкен футбол, баскетбол, мектепішілік хор сайыстарына қатысады. Жобаның мақсаты - оқушылардың бос уақытын тиімді ұйымдастыру, салауатты өмір салтын насихаттау, балалардың интеллектісін дамыту, оқушылар арасында достық қарым қатынас орнату. Жобаға 130 мыңға жуық оқушы қатысады. Бұл жұмыстар жаңа оқу жылында өз жалғасын табатын болады»,- деді облыстық білім басқармасының бөлім басшысы Нұрлан Дәулетәлиев.</blockquote>Партия филиалының төрағасы Алмасбек Есмаханов жаңа оқу жылына дайындық мәселесі өте өзекті екенін тілге тиек етіп, балалар қауіпсізді үшін тапсырыс беруші ретінде жаңа білім ошақтарының құрылыс сапасын қатаң бақылауда ұстауды атап өтті. Сонымен қатар, жаңа оқу жылы алдында әлеуметтік аз қамтылған отбасылар мен қиын жағдайға тап болған отбасы балаларын қолдау үшін «AMANAT» партиясының «Баланы мектепке даярлайық» акциясы бастау алғандығын айтып, қатысушыларды аймақта акцияны ерікті түрде қолдауға шақырды.Партияның облыстық филиалы жанындағы Партиялық бақылау комиссиясының төрағасы Нұркен Бақытбекұлы №3 ІТ мектеп – лицейіннің қосымша оқу ғимаратына кіріп шығуы Жанқожа батыр көшесі №5 Д жағындағы мектепке келуші азаматтар мен мектеп оқушыларының қауіпсіздігіне алаңдатушылық туғызып отырған электр сымы орнатылған бағананы алшақтау жерге жылжытуға, электр сымдарын қалпына келтіруге, сонымен қатар балалардың қауіпсіздігі үшін жасанды кедергі с қондырғысын орнату бойынша берілген ұсыныстар төңірегінде жауапты мамандардың есебін тыңдады.Жиынды қорытындылаған «Білім және денсаулық сақтау мәселелері» жөніндегі аймақтық кеңес төрағасының орынбасары Гүлнар Есқалиева мектептердің жай-күйі, сыныптардың дайындығы, кітаптардың жетіспеушілігі, ыстық тамақты ұйымдастыру, мектеп оқушыларының қауіпсіздігі және балалардың сапалы әрі жайлы білім алуы бәрімізге ортақ жұмыс болғандықтан жауапкершілікпен қарау ортақ парызымыз екенін айтты.&nbsp;

Жаңа оқу жылына дайындық жұмыстары мен оқушылар қауіпсіздігі бірлескен отырыста талқыланды

<a href="https://kyzylorda-news.kz/">Kyzylorda-news.kz</a>&nbsp; Қызылорда қаласы бойынша білім бөліміне қарасты Абай атындағы үш тілде оқытатын дарынды балаларға арналған мамандандырылған сыныптары бар коммуналдық мемлекеттік мекемесінің директоры қызметіне &nbsp;Өткелбаева Айгүл Алтынбекқызы тағайындалды.Жоғары білімді. Жұбанов атындағы Ақтөбе педагогикалық институты, кәсіби қазақ тілі мен әдебиеті факультеті, қазақ тілі мен әдебиеті пәні мұғалімі;Педагогика ғылымдарының магистрі;2000-2003 жылдар аралығында Қазалы ауданындағы Ыбырай Алтынсарин атындағы №204 орта мектебінде қазақ тілі мен әдебиеті пәні мұғалімі.2003-2008 жылдар аралығында Қызылорда қаласындағы Әлия Молдағұлова атындағы №173 орта мектебінде қазақ тілі мен әдебиеті пәні мұғалімі.2008 жылы БжҒМ жанындағы республикалық білім сапасын бағалау орталығында сарапшы маман.2008 жылдан 2019 жылға дейін Қызылорда қаласындағы Үш тілде оқытатын сыныптары бар мамандандырылған дарынды балаларға арналған «Мұрагер» мектебінде директордың оқу тәрбие ісі жөніндегі орынбасары.2019 жылдың қаңтар айынан күні бүгінге дейін Қызылорда қаласындағы Әли Мүсілімов атындағы №101 мектеп лицейінің директоры қызметін абыроймен атқарып келді.

Абай атындағы дарынды балаларға арналған мектепке жаңа директор тағайындалды

<a href="https://kyzylorda-news.kz/">Kyzylorda-news.kz</a> Қазақстанның бұрынғы білім (қазір Оқу-ағарту) министрі, парламент депутаты Асхат Аймағамбетов университеттегі ішкі және ректорлық гранттардың не себепті аз бөлінетінін түсіндіріп, бос білім гранттары туралы айтты.&nbsp;Бұл туралы&nbsp;<a href="https://stan.kz/ishki-granttar-men-rektorlik-granttar-shakirtakimen-kam-404628/">Stan.kz</a>&nbsp;ақпарат агенттігі хабарлайды.Депутат <a href="https://t.me/aimagambetov/946">Telegram-арнасында</a>&nbsp;"Грант алмаған жағдайда не істеу керек?" деген жазбасынан кейін, оқырмандардан толассыз сауалдар мен өтініштер келіп түскенін айтты. Асхат Аймағамбетов өзіне жиі қойылаған негізгі сұрақтарға толыққанды жауап берді.“Жоғарғы оқу орындардағы&nbsp;ішкі гранттары немесе "ректорлық" гранттардың иесіне,&nbsp;әдетте, шәкіртақы берілмейді. Тек тегін оқуға құқық береді. Олар конкурс негізінде және университеттердің сайттарында көрсетілген нақты критерийлер бойынша бөлінеді. Университеттер мұндай гранттарды көптеп бере алмайды. Өйткені бұл университеттің бюджетіне қосымша жүктеме болып, оқытушылардың жалақысын көтеру немесе құрал-жабдықтар мен зертханалар сатып алу мүмкіндігін азайтады”, – дейді Асхат Аймағамбетов.Ол бірінші семестрдің қорытындысы бойынша бос білім гранттары барын еске салды. Айтуынша,&nbsp;әр семестрден кейін мемлекеттік гранттар босайды. Сәйкесінше студенттер оқу үлгерімі бойынша оқудан шығарылады немесе гранттан бас тартып жатады.&nbsp;<blockquote>“Бұл гранттар әр семестрдің соңында ішкі конкурс нәтижелері бойынша ақылы бөлімде оқитын студенттерге тағайындалады. Сондықтан сіздер өз GPA көрсеткіштеріңізге және басқа да критерийлерге назар аударуларыңыз керек — сіздің үлгеріміңіз бен белсенділігіңіз қаншалықты жоғары болса, бос грант алу мүмкіндігіңіз де соншалықты артады. Тамызда гранттарды тағайындау нәтижелері жарияланғаннан кейін белгілі бір бөлігі игерілмей қалады (негізінен "Серпіннің" гранттары), ал тағы бір бөлігі студенттердің өздерінің бас тартуына байланысты бос қалады (негізінен бұл студенттердің 2, 3, 4-ші таңдаулары бойынша жеңіп алынған гранттары). Бұл гранттар әдетте қыркүйек айында қайта бөлінеді”, –&nbsp;дейді депутат.</blockquote>Ол министрлік гранттарды өз қалауымен немесе "кімге жетпеді" деген принцип бойынша емес, еңбек нарығының қажеттілігі мен жиналған баллдарға сүйене отырып бөлінетінін айтады. Демек&nbsp;бұл гранттарды квоталарға байланысты грант ала алмағандарға ғана қайта бөлуге болмайды. Сондықтан басқа мүмкіндіктерді де қарастыруға кеңес береді.“Облыс әкімдіктерінің гранттарына қатысты, мұнда да гранттарды бөлу және тағайындау ережелері нақты белгіленген. Әкімдіктер белгілі бір облыстың кадр қажеттіліктеріне баса назар аударады және оқу аяқталғаннан кейін осы аймақта міндетті түрде жұмыс істеу шартын қояды. Әртүрлі коммерциялық ұйымдардың гранттарына келер болсақ, олар ең алдымен, осы мекемені білікті кадрлармен қамтамасыз етуге бағытталады. Олар компаниялардың ішкі іріктеу ережелері бойынша беріледі. Гранттарды іріктеу және тағайындау ережелері туралы ақпаратты осы компаниялардың сайттарынан біле аласыздар”, –&nbsp;дейді Аймағамбетов.Депутат әлеуметтік жағынан аз қамтылған санаттағы азаматтар үшін оқу ақысын төмендету бойынша жеңілдіктер алу мүмкіндіктері де қарастырылғанын айтты.&nbsp;Университеттер өз деңгейлерінде түрлі жеңілдіктерді ұсынады, бірақ бұл шешімдер қатаң реттеліп, коллегиалды түрде қабылданатынын ескертті. Бұл туралы ақпаратты&nbsp;тікелей университеттерден сұрау керегін айтты.Асхат Аймағамбетовтың айтуынша, мемлекетаралық келісімдер аясында шетелдік мемлекеттерден бөлінетін гранттар&nbsp;көп бөлінеді.&nbsp;Ақпаратты "Болашақ" сайтынан табуға болады: <a href="https://bolashak.gov.kz/">bolashak.gov.kz</a>. Бұл гранттар оқу және/немесе тұру шығындарын қамтуы мүмкін. Мысалы, гранттарды Венгрия, Түркия (250 орын), Қытай (155 орын), Оңтүстік Корея, Польша тб. береді. Гранттар сондай-ақ ТМД елдерінің кейбір елдерінен де беріледі.Сондай-ақ&nbsp;29 жасқа дейінгі тұлғалар, яғни жетім балалар, аз қамтылғандар, ерекше қажеттіліктері бар тұлғалар және алты жеңілдік санатының біріне жататын тұлғалар "Қазақстан халқына" гранттарына ие бола алатынын айтты. Бұл туралы ақпаратты қордың ресми сайтынан білуге болады.&nbsp;<blockquote>“Кадрларды даярлауға 1% шеңберінде жер қойнауын пайдаланушылар бөлетін гранттар да бар. Олар гранттарды тұрақты түрде береді, бірақ, өкінішке қарай, бұл процедура жиі ашық емес және сыбайлас жемқорлыққа бейім болады. Ақпаратты олардың сайттарынан табуға болады.&nbsp;Шынтуайында гранттардың негізгі бөлігі бөлініп болды. Ал әлі де бөлінетін гранттар бойынша (олар көп емес) қатаң тағайындау ережелері бар. Сондықтан грант алмағандардың барлығына да грант беріледі деп үміттенудің қажеті жоқ”, –&nbsp;деп жазды депутат.&nbsp;</blockquote>Ол гранттарды тағайындау ережелері көрсетілген сайттың <a href="https://adilet.zan.kz/rus/docs/V2300033345">сілтемесін</a> қалдырды.&nbsp;Фото: Ашық дерекөзден

Асхат Аймағамбетов: Барлығына да грант беріледі деп үміттенудің қажеті жоқ

<a href="https://kyzylorda-news.kz/">Kyzylorda-news.kz</a> Оқу жылы 2024 жылдың 1 қыркүйегінде басталып, 2025 жылдың 25 мамырында аяқталады.Биыл алғашқы қоңырау жексенбіге қарамастан 1 қыркүйекте өткізіледі, деп хабарлайды <a href="https://kyn.kz/36010/biyl-1-yrk-yek-zheksenbi-k-ni-tkiziledi">KYN.KZ</a> ақпарат агенттігі.Оқу-ағарту министрлігінің мәліметінше, 1 қыркүйек жексенбіге дәл келеді. Министр Ғани Бейсембаев алғашқы қоңырау күнін ауыстыра ма, жоқ па деген сұраққа жауап берді.«1 қыркүйек - дәстүрлі түрде оқушылар үшін айтулы күн. Сондықтан 1 қыркүйекте білім күніне арналған жиын өткізіледі», - деді министр.&nbsp;Оқу жылы 2024 жылдың 1 қыркүйегінде басталып, 2025 жылдың 25 мамырында аяқталады. Оқу тоқсандары мен демалыстардың ұзақтығы келесідей болады:<ul><li>I тоқсан: 8 оқу аптасы, күзгі демалыс – 7 күн (2024 жылғы 28 қазаннан 3 қарашаға дейін).</li><li>II тоқсан: 8 оқу аптасы, қысқы демалыс – 10 күн (2024 жылғы 30 желтоқсаннан 2025 жылғы 8 қаңтарға дейін).</li><li>III тоқсан: 10 оқу аптасы, көктемгі демалыс – 11 күн (2025 жылғы 21-31 наурыз).</li><li>IV тоқсан: 8 оқу аптасы. Бірінші сынып оқушылары үшін қосымша демалыс - 7 күн (2025 жылғы 10-16 ақпан).</li></ul>Сурет: kokoro.com.ua

Қазақстан және Қызылорда облысының жаңалықтары: Білім