<a href="https://kyzylorda-news.kz/">Kyzylorda-news.kz</a> &nbsp;Алматы облысындағы мектеп директоры қызмет бабын пайдаланып сеніп тапсырылған мүлікті ұрлағаны үшін сотталды, - деп хабарлайды <a href="https://massaget.kz/">Massaget.kz</a> тілшісі облыстық соттың баспасөз қызметіне сілтеме жасап.Сотталушы 2022 жылғы тамызда Балқаш ауданындағы мектептердің бірінің директоры бола тұра ұлын осы мекемеге лаборант ретінде жалған жұмысқа орналастырған. Оның әрекеті нәтижесінде мемлекет бюджетіне жалпы сомасы 902 мың теңге материалдық шығын келтірілген.Сотталушы өз кінәсін толық мойындап, жасаған әрекетіне өкінетінін айтты.Сот істің барлық мән-жайын зерделей келе, сотталушыны өзіне айыпталған әрекетті жасағаны үшін кінәлі деп танып, ұрланған мүліктің 10 еселенген сомасында, яғни 9 миллион теңге айыппұл салды, сондай-ақ, мемлекеттік қызметте, жергілікті өзін-өзі басқару органдарында, қаржы ұйымдарында лауазымдарды атқару немесе белгілі бір кәсіптік немесе өзге де қызметпен айналысу құқығынан өмір бойына айыру туралы шешім қабылдады.&nbsp;Сотталған адам айыппұлды үкім заңды күшіне енген күннен бастап үш айдан кешіктірмей төлеуге міндетті. Айыппұл белгіленген мерзімде төленбесе, айыппұл түріндегі жаза бас бостандығынан айырумен ауыстырылады.Фото: Нұрболат Нұржаубай

Мектеп директоры ұлын жұмысқа заңсыз орналастырғаны үшін сотталды

<a href="https://kyzylorda-news.kz/">Kyzylorda-news.kz</a> &nbsp;Ұлттық тестілеу орталығы «көпбалалы отбасы» квотасы туралы <a href="https://kaz.inform.kz/news/kopbalali-otbasi-balalari-arnayi-kvotamen-okuga-tuse-aladi-71c4e8/">ақпарат ұсынды</a>.Кәмелетке толмаған төрт және одан көп бала тәрбиелеп отырған отбасынан шыққан балалар квотасы – 5%.Яғни, жалпы мамандыққа бөлінген гранттың 5%-ы осы квотамен беріледі. Мысалы, 2024 жылы «Педагогикалық ғылымдар» бағыты бойынша 13 735 грант бөлінген. Оның ішінде 687 грант немесе 5%-ы көпбалалы отбасынан шыққан балаларға арналған.«Көпбалалы отбасы» квотасы бойынша грант конкурсына қатысу үшін талапкер 18 жасқа толмауы керек.Отбасында кәмелетке толмаған төрт бала, оның ішінде 23 жасқа толмаған күндізгі бөлімде оқитын жоо немесе колледж студенті болуы керек.Мысалы, талапкердің өзі (18 жасқа толмаған) + 1 бала (18 жасқа толмаған) + 1 бала (18 жасқа толмаған) + 1 бала (23 жасқа толмаған күндізгі бөлімде оқитын жоо немесе колледж студенті).Қосымша сұрақтарыңыз болса, жоғары оқу орындарының қабылдау комиссиясына жүгінуге болады. Олардың байланыс нөмірі мына <a href="https://t.me/uto92/2206">сілтемеде</a> жарияланған.Фото: Нұрболат Нұржаубай

Көпбалалы отбасы балалары арнайы квотамен оқуға түсе алады

<a href="https://kyzylorda-news.kz/">Kyzylorda-news.kz</a> Атырау облысындағы балабақшаның бірінде 4 жасар бала септикке батып көз жұмды, деп хабарлайды&nbsp;<a href="http://ulysmedia.kz/">Ulysmedia.kz</a>.Қайғылы оқиға Құрсай шағын ауданындағы "Чебурашка” жеке балабақшасында болды. Серуендеу кезінде төрт жасар бала кәріз шұңқырына, яғни, септикке құлаған. Қазіргі уақытта құзыретті органдар барлық мән-жайды анықтап жатыр.Мәйітті септиктен балабақша қызметкерлері алып шыққан. Атырау облысы полиция департаменті қылмыстық іс қозғалғанын хабарлады.<blockquote>“Кешенді тергеу амалдары жүргізіліп жатыр. Сот-медициналық сараптамасы тағайындалды”, — делінген хабарламада.</blockquote>Фото: Нұрболат Нұржаубай

Жекеменшік балабақшада 4 жасар бала септикке түсіп көз жұмды

<a href="https://kyzylorda-news.kz/">Kyzylorda-news.kz</a> Қызылорда облысында прокуратура мектептер мен балабақшаларда жалған дипломмен жұмыс істеп жүргендерді анықтады, деп хабарлайды <a href="http://ulysmedia.kz/">Ulysmedia.kz</a>.Тексеру барысында Байқоңырдағы 2 мектепте – 3, Қазалыда 3 мектепте – 4, Қармақшыда 1 мектепте – 2 қызметкердің жалған дипломмен жұмыс істегені белгілі болды.&nbsp;<blockquote>«Сондай-ақ Сырдария ауданының балабақшаларында жалған дипломмен 11 тәрбиешінің жұмыс жасау дерегі тіркелді. Материалдар тергеу әрекеттерін жүргізу үшін полиция органдарына жіберілді. Одан бөлек, Қызылорда қаласындағы мектептерде 50-ден астам мұғалім заңсыз конкурссыз қабылданған. Қызылорда қалалық білім бөлімінің басшысы құзыреттілігі жоқ болса да мамандарды тікелей мектепке мұғалім ретінде тағайындаған», - деді облыстық прокуратура өкілдері.</blockquote>Ведомство мәліметінше, тексеру нәтижесінде 56 қадағалау акті енгізіліп, 1100 (353 тәртіптік, 747 әкімшілік) адам түрлі жауаптылыққа тартылған. Оның ішінде Қызылорда қалалық білім бөлімінің бұрынғы басшысы қызметінен босатылған.Фото: edu.mcfr.kz

Қызылорда қаласында 50-ден астам мұғалім мектепке заңсыз қабылданған

<a href="https://kyzylorda-news.kz/">Kyzylorda-news.kz</a> &nbsp;Әлеуметтік желіде "арықтағысы келген әйел ажал құшқаны" туралы ақпарат тарады. Бұған қатысты Алматы полиция департаментінің ресми өкілі түсінік берді, - деп хабарлайды <a href="https://massaget.kz/basty-zhaalytar-438/111475/">Massaget.kz</a>.Аталған дерек бойынша Бостандық аудандық полиция басқармасы іс қозғады. Адам өлімінің себеп-салдарын анықтау мақсатында сот-медициналық сараптама тағайындалды. Содан кейін процессуалдық шешім қабылданады", - деді Салтанат Әзірбек Massaget.kz тілшісіне берген жауабында.Әлеуметтік желіде "арықтағысы келген әйел ажал құшқаны" туралы ақпарат тарады. Бұл туралы белгілі журналист <a href="https://massaget.kz/basty-zhaalytar-438/111471/">Гүлмира Әбіқай жазды.</a>Еске салайық, бұған дейін журналист Гүлмира Әбіқай "арықтағысы келген әйел ажал құшқаны" туралы жазған еді. Оның сөзінше, марқұмның артында екі бала қалған.<blockquote>&nbsp;"Арықтаймын деп ажал құшты. Алматылық 47 жасар әйел іштегі майды алдырамын деп арты қайғылы жайтқа ұшырады. Отадан кейін көзін ашып, туыстарына селфи фото жіберген әйелдің жағдайы кешке күрт нашарлайды. Ақыры жүрегі тоқтап, қайтыс болды. Артында 2 баласы, жары қалды", - деді журналист.</blockquote>Сонымен қатар, көз жұмған әйел ұзақ жылдық еңбек өтілі бар мұғалім болып шықты.<blockquote>"25 жыл мектепте жұмыс істеген марқұм "Ұлағатты ұстаз" деген медаль иесі. Операция жайлы ұзақ зерттеп, таңдаған клиникамен 1,6 айдан бері үздіксіз кеңес жүргізіп отырған. Отаға барлық анализдері лайық болған. Пластикалық хирургтер липоксациядан соң денсаулықтың асқынуы мүмкін екенін ескертпедік деп мойындап отыр. Сонда қалай?" - деді Гүлмира Әбіқай.</blockquote>Фото: Гүлмира Әбіқай

Арықтаймын деп ажал құшты: Алматы полициясы түсінік берді

<a href="https://kyzylorda-news.kz/">Kyzylorda-news.kz</a> &nbsp; Ұлттық тестілеу орталығы педагогтердің білімін бағалайтын тест қашан өтетінін хабарлады.&nbsp;2024 жылғы 9-12 шілде аралығында&nbsp;<a href="https://web.telegram.org/a/app.testcenter.kz">app.testcenter.kz</a>&nbsp;сайтында (сондай-ақ UTO қосымшасында) мұғалімдердің білімін бағалауға өтініш қабылданады.ПББ-ның өзі 10 шілде-13 тамыз аралығында өтеді.Бұл тестілеуге санаты жоқ үміткерлер, біліктілік санатын өсіретін және растайтын педагогтер (барлығы) қатыса алады.Білім мекемесінің педагогтері ПББ-ға 12 айда екі рет өтініш бере алады: бір рет тегін, бір рет ақылы.Фото: freepik.com

Мұғалімдердің білімін бағалайтын аттестация қашан басталатыны белгілі болды

<a href="https://kyzylorda-news.kz/">Kyzylorda-news.kz</a> 1-сыныпқа өтінімдер қабылдау 2024 жылғы 31 тамызға дейін жалғасады, <a href="https://kaz.inform.kz/news/biil-kazakstandiktardan-1-sinipka-kabildauga-270-minnan-astam-otnm-tust-097c00/">деп хабарлайды</a> ҚР Оқу-ағарту министрлігінің баспасөз қызметі.Бүгінге дейін 275177 өтінім келіп түсті. Бірінші сыныпқа оқушыларды қабылдау бойынша Ақмола, Алматы, Жетісу, Павлодар облыстары 100 пайыз көрсеткішке қол жеткізген.Алдын ала болжам бойынша, 2024 жылдың 31-желтоқсанына дейін 6 жасқа толатын балалар саны 370 мыңнан асады, осылайша олардың бірінші сыныпқа баруға толық мүмкіндігі бар.Азаматтарға қолайлы болу үшін қызмет көрсету толығымен автоматтандырылды. Ата-аналар мен балалардың заңды өкілдері өз өтінімдерін еgov.kz электронды порталында, сондай-ақ жергілікті атқарушы органдардың ақпараттық жүйелері арқылы тапсыра алады.Бірінші сыныпқа балалар 6 жастан бастап ата-анасының немесе баланың заңды өкілінің өтініші негізінде қабылданады. Өтінімдер демалыс пен мереке күндерінен басқа, дүйсенбіден жұмаға дейін қабылданады.Фото: Нұрболат Нұржаубай

Биыл қазақстандықтардан 1 сыныпқа қабылдауға 270 мыңнан астам өтінім түсті

&nbsp;<a href="https://kyzylorda-news.kz/">Kyzylorda-news.kz</a>&nbsp; Бүгінгі күнге дейін облыс бойынша 30, 20 оқушылары 100 балдан жоғары жинаған мектептер бойынша аралық ақпарат берген болатынбыз. Ал тестілеудің соңғы күндерінің нәтижесімен жүздеген оқушы 100 ұпайдан жоғары жинап, ұстаздары мен ата-аналарының үкілі үмітін ақтады. Ал бүгін өңір бойынша ең жоғары ұпай Қазалы ауданында тіркелді.Нақтырақ айтсар болсақ, Ы.Алтынсарин атындағы №204 мектептің түлегі, «Алтын белгі» иегері Нұрболат Жұбатқан 139 балл жинады.Фото: Қазалы ауданы

Қызылордалық түлек ҰБТ-дан 139 балл жинады

&nbsp;<a href="https://kyzylorda-news.kz/">Kyzylorda-news.kz</a> Әлеуметтік желіде Ақтаудағы балалабақшалардың бірінде балаларға тамақ толыққанды берілмейтіні жайлы ақпарат тарады. Маңғыстау облыстық білім басқармасы Sputnik Қазақстан редакциясының осы мәселеге қатысты сауалына жауап берді.Әлеуметтік желіде тараған ақпарат бойынша Ақтаудың 9-ықшам ауданында орналасқан №29 балабақшада бүлдіршіндерге тамақ дұрыс берілмейді.<blockquote>"Видеоға қарағанда таңғы асқа 12 балаға тек бес порция тамақ, ал кешке 4 порция ғана ботқа берді. Тамақты кім алып үлгереді сол жейді, ал үлгермегені тамақ жеген баланың бетіне қарап отырады. Балабақшаға тексеру жүргізуді талап етеміз", - деп жазды ата-аналар әлеуметтік желіде.</blockquote>Бұл мәселеге қатысты Маңғыстау облыстық білім басқармасы түсініктеме берді.<blockquote>"28 маусымда ата-ананың шағымына байланысты бөбекжайдың бейнежазбасын қарау барысында 7-топтың тәрбиешісі таңғы ас мезгілінде тамақты жеткіліксіз салғандығы анықталды. Топтың тәрбиешісінен түсініктеме алынды. Тәрбиеші таңғы асты балалар жемейтінін, тамақ қалып қоятындықтан азғантай салғандығын айтты", - дейді облыстық білім басқармасы.</blockquote>Ведомствоның айтуынша, тәрбиешіге тәртіптік шара қолданылған. Бөбекжай әкімшілігі ата-анамен кездесіп, кешірім сұраған.<blockquote>"Алайда білім бөлімі жанынан арнайы комиссия құрылып, дүйсенбіден бастап зерделеу жұмыстары жүргізіліп жатыр. Зерделеу комиссиясының қорытындысы бойынша тиісті шаралар қабылданады", - дейді Маңғыстау облысының білім басқармасы.</blockquote>Фото: Нұрболат Нұржаубай

Ақтаудағы балабақшалардың бірінен шу шықты – білім басқармасы түсініктеме берді

&nbsp;<a href="https://kyzylorda-news.kz/">Kyzylorda-news.kz</a> 10 маусымда Оралда 10 жасар бала мен оның әпкесі "Атамекен" балалар лагеріне жіберілген. Қалалық білім бөлімі оларға су тасқынынан зардап шеккендер ретінде жолдама берген. Бұл туралы <a href="https://stan.kz/balani-direktordin-ozi-shigarip-salgan-oraldagi-balalar-402663/">Stan.kz </a>ақпарат агенттігі хабарлайды.Баланың әкесі лагерь басшылығы жауапкершілікті өз мойнына алса дейді.<blockquote>“Балаларға лагерге барған соң телефон ұстауға тыйым салынған. Қызым балалардың бірінің&nbsp;телефонын алып, 14 маусымда маған қоңырау шалып, баламды лагерде ұрып-соғып жатқанын айтты. Кешке барып балаларды алып кеттім. Себебі ол жақта балаларға ұнамайды деп ойладым. Сол кезде балаларды лагерь директорының өзі шығарып салды. Үйге келген соң ұлым денесіндегі&nbsp;көгерген жерлерін&nbsp;көрсетті. Ұлымның аяғы, қолы мен денесі көгерген.&nbsp;Айтуынша, оны 8-10 шақты жігіт спорт залда, көшеде ұрып-соққан. Балаларға айтарым жоқ, өйткені олар әлі бала ғой. Ал балаларды қабылдап, оларға қарауға уәде берген лагерь басшылығына және осының барлығын ұйымдастырған министрлікке сұрағым бар. Неге мұндай жағдай орын алды? Бұған қалай жол бердіңіздер? – дейді баланың әкесі.</blockquote>15 маусымда ер адам баласымен бірге травматологқа барған. Ол гематомаларды жазып алып, полицияға арыз жазған. Алайда полиция бұл істі мүлде қозғамаған көрінеді. Ер адам&nbsp;адвокат жалдаған соң ғана іске кіріскен.Сөйтіп, небәрі 11 күннен кейін полицейлер сот-медициналық сараптамаға жолдама беріпті.<blockquote>“Олар жолдаманы 26 маусымда кешкі уақытта берді.&nbsp;Біз барған кезде тексеру 16.00-ге дейін жүргізілгені белгілі болды. Үлгермей қалдық. Сараптаманы келесі күні өткіздік. Менің түсінуімше, олар бұл мәселені жасырғысы келеді", – дейді әділдік іздеген әке.</blockquote>Батыс Қазақстан облысы полиция департаменті аталған жағдайдың 2024 жылдың 15 маусымында Орал қаласының полиция департаментінде тіркелгенін хабарлады.<blockquote>“Аталған іс аясында полиция қызметкерлері оқиғаға қатысы бар тұлғалар мен оқиғаның себебін анықтауға бағытталған іс-шаралар жүргізіп жатыр. Қазіргі уақытта іс бойынша сот-медициналық сараптама тағайындау туралы шешім шығарылды. Оның қорытындысы бойынша аталған оқиғаға құқықтық баға беріледі. Тексеруді ұйымдастыру мақсатында Орал қалалық білім бөліміне ұсыныс енгізілді", –&nbsp;делінген хабарламада.</blockquote>Бұл оқиғаға қатысты Батыс Қазақстан облысының білім басқармасы да түсініктеме берді.<blockquote>“Кәмелетке толмағандар арасында тәрбие жұмысын дұрыс жүргізбегені үшін тәлімгер мен тәрбиешіге тәртіптік жаза қолданылды. Тәлімгер жұмыстан босатылды. Орал қалалық білім бөлімінің бұйрығымен қызметтік міндеттерін орындауға немқұрайлылық танытқаны, балалардың жазғы демалысын ұйымдастыру және қауіпсіздігін қамтамасыз ету кезінде ішкі тәртіп ережелерін бұзғаны үшін "Атамекен" Қалалық балалар мен жасөспірімдер туризмі және экология орталығы директорына "сөгіс" түріндегі тәртіптік жаза қолданылды", –&nbsp;делінген хабарламада.</blockquote>Бірақ баланың әкесі ұлын&nbsp;лагерден директордың шығарып салғанына, яғни оқиға болған кезде оның жұмыста болғанына, сөйте тұра жәй ғана қызметкерге&nbsp;сөгіс жарияланғанына таңданысын білдірді.&nbsp;Фото: Мой Город

"Директордың өзі шығарып салған": Оралдағы балалар лагерінде 10 жасар бала соққыға жығылды

&nbsp;<a href="https://kyzylorda-news.kz/">Kyzylorda-news.kz</a>&nbsp; Түркістандағы Машат-Арасан лагерінде балаларға әжетхана тазалатып, еден жуғызған. Сондай-ақ тәлімгерлер жалақыны қиып тастайды деп шағымданды.&nbsp;Бұл туралы<a href="https://stan.kz/turkistandagi-lagerde-balalarga-azhethanaga-tazalatkan-402643/">&nbsp;Stan.kz&nbsp;</a>ақпарат агенттігі хабарлайды.&nbsp;<a href="https://t.me/kozachkow/9386">Kozachkov</a>&nbsp;Telegram-арнасында жекеменшік лагерде балалар әжетхананы тазалап жүрген видео жарияланды. Видео авторының сөзінше, балаларды мұндай тірлікке мәжбүрлеп жатыр. Видео авторы бұл жағдай 1 жыл бұрын болғанын айтыпты.Түркістан облысының білім басқармасы бұл лагерде балалар&nbsp;«Қазақстан халқына» қоры есебінен демалатынын мәлімдеді. Олар аталмыш видеоны бақылауға алып, арнайы комиссия құрғандарын түсіндірді.“Аталмыш жерге тексеріс жүргізілді. Сауықтыру лагерінің жалпы аумағы – 4 гектар. Екі бассейн, екі спорт алаңы,&nbsp;асхана, 450 орындық екі жатақханасы бар. Дәретхана ғимараттардың ішінде орналасқан. 30 маусымда облыстың алты ауданынан жиналған 450 балаға 5-маусым басталды. Ата-аналар тарапынан шағымдар түскен жоқ”, –&nbsp;деп мәлімдеді білім басқармасының баспасөз хатшысы Нұрлан Сұлтанбек.Лагерь директорының хабарлауынша, видеоны лагерде төрт күн&nbsp;жұмыс істеп, төрт рет ескерту алған тәлімгер жариялаған. Ол жұмыста ішкі еңбек тәртібін сақтамағаны үшін соңғы ескерту алған екен. Соған кектенді деп түсіндірді.“Ол арам пиғылмен ғимарат ішінде тазалық жұмыстарын ұйымдастырып, балаларды видеоға түсірген. Ол жұмыстан шығасың дегенге ашуланып осындай қадамға барыпты.&nbsp;Лагерь жұмысы бақылауға алынды, балалар әдеттегідей демалып жатыр”, – делінген ведомоствосында.Сурет: Видеодан скриншот

Балалар лагерде әжетхана тазалап, еден жуған

<a href="https://kyzylorda-news.kz/">Kyzylorda-news.kz</a> Ақтаудағы балабақшада 12 балаға бар-жоғы төрт тәрелке тамақ берілген. Бұл туралы <a href="https://stan.kz/aktaudagi-balabakshada-12-balaga-bar-zhogi-4-tarelke-ta-402583/">Stan.kz </a>ақпарат агенттігі хабарлайды.Ақтау қаласындағы №29 балабақша тәрбиелеушілерінің балаларды тамақтандырып жатқан сәті бейнебақылау камерасына түсіп қалған.&nbsp;Видео әлеуметтік желіде жарияланды.Ата-аналарының айтуынша, 12 бүлдіршінге таңғы асқа тек бес порция, ал кешкі асқа төрт порция тамақ берілген."Үлгергендер тәрелкені алып алды, ал үлгермегендер басқалардың тамақ ішіп жатқанына қарап отырды", –&nbsp;дейді ата-аналар. Сондай-ақ&nbsp;тағы&nbsp;бір ана&nbsp;басшылық ауысқан соң мекемедегі балаларға деген көзқарас өзгеріп, баласын&nbsp;басқа балабақшаға ауыстыруға мәжбүр болғанын атап өтті.Қалалық білім басқармасы бұл факті бойынша арнайы комиссия құрылып, дүйсенбі, 1 шілде күні тексеру жүргізетінін мәлімдеді.&nbsp;Фото видеодан алынған

Қазақстан және Қызылорда облысының жаңалықтары: Білім