<a href="https://kyzylorda-news.kz/">Kyzylorda-news.kz.</a> Бүгін Назарбаев Зияткерлік мектебі мен Педагогикалық шеберлік орталығының ұйымдастыруымен «Оқыту мен оқудағы STEAM білім берудің ерекшеліктері» тақырыбында қалалық семинар өтті.
Оқытудың заманауи технологиясы бойынша педагог қызметкерлердің кәсіби дамуына ықпал етуге бағытталған шарада Қызылорда қаласының жалпы білім беретін мектептерінің 55 пән мұғалімі тәжірибе алмасты.
Алдымен педагогтердің STEAM білім беру бойынша түсініктерін және олардың қажеттіліктерін анықтайтын сауалнама жүргізіліп, соның негізінде шара барысында қажеттіліктер ескерілді.
Педагогикалық шеберлік орталығы тренері «Оқу және оқыту үдерісінде STEAM білім берудің тиімді жолдары» интерактивті таныстырылым арқылы STEAM білім беруді теориялық тұрғыда талдап, STEAM негізінде білім берудің картасы, оның артықшылығы жайлы құнды ақпараттар берді. 
Теориямен қаруланған мұғалімдерге келесі бөлімде облыс мектептерінің тәжірибесі таныстырылды. №9 мектеп-гимназиясының информатика пәні муғалімі Калдыгул Ембергенова «STEAM білім беру мектеп тәжірибесінде», №3 мектеп-гимназиясының IT бағдарламашысы Оразбахов Айбек «Сабақтағы жаңаша IТ приложениялар» тақырыптарындағы шеберлік сағаттарда мектепте STEAM технологиясын тиімді қолдану жолдарын өз тәжірибелері негізінде көрсетті.
Зияткерлік мектептің мұғалімдері «Дизайнды ойлау» негіздері» тренингін өткізіп, жаратылыстану ғылымдары мен технологиялар, инженерия, өнер мен математиканы кіріктіріп оқытудың кешенді тәсілдің аспектілерін меңгертуге бағытталған практикалық жұмыстар жүргізді.
Соңғы бөлімде қатысушылармен пәндер бойынша көлдеңен жоспарлау үдерісі ұйымдастырылып, кері байланыста мұғалімдер STEAM білім беру жайлы толық ақпараттанғандарын айтып, өз тәжірибелеріне енгізуде жаңаша тәсілдерді алғандарын атап өтті.
<img src="https://kyzylorda-news.kz/wp-content/uploads/2020/02/25mugalimder2.jpg" alt="" />
<img src="https://kyzylorda-news.kz/wp-content/uploads/2020/02/25mugalimder3.jpg" alt="" />

Қызылорда қаласының мұғалімдері «Steam» білім беру тәсілін меңгерді

<a href="https://kyzylorda-news.kz/">Kyzylorda-news.kz.</a> Қызылорда қаласындағы Назарбаев Зияткерлік мектебінде Қамқоршылық Кеңестің кезекті отырысы өтті.
Қамқоршылық кеңеске Қорқыт ата атындағы ҚМУ-нің және «Болашақ» университетінің ректорлары, М.Мәметова атындағы гуманитарлық колледж директоры, мемлекеттік орган басшылары, бизнес өкілдері мен ата-аналар комитетінің төрайымы мүшелік етті.
Биылғы оқу жылындағы Қамқоршылық кеңестің алғашқы отырысында мектеп директоры Баxыт Жұматайдың 2018-2019 оқу жылы бойынша есебі тыңдалды. Оқушылар контингенті, педагогикалық құрамы, оқыту бағдарламасының ерекшелігі, оқушылардың білім сапасы, облыс мектептерімен байланыс, қоғамдастықпен ынтымақтастық, айтулы оқиғалар мен оқушы-ұстаздар жетістігі туралы баяндаған Бахыт Әмірханұлы 2020 жылға арналған мектептің даму жоспарымен бөлісті. Осы ретте Кеңес мүшелері түлектердің жоғары оқу орындарына түсу көрсеткіші мен таңдаған мамандықтар бойынша сауалдар қойып, пікір алмасты.
Сонымен қатар, Қорқыт ата атындағы мемлекеттік университеті және «Болашақ» университеті NIS-programme оқу бағдарламасы мен 12-сынып сертификатын мойындау туралы ұсыныс айтып, Зияткерлік мектеп түлектерін қысқартылған 3-жылдық оқуға қыбалдауға дайын екендіктерін жеткізді.
Күн тәртібінде қаралған үшінші мәселе – Абай Құнанбайұлының 175-жылдық және Әл-Фарабидің 1150-жылдық мерейтойларын өткізу барысы. Бұл айтулы даталарды атап өту үшін мектепте көптеген әдеби-танымдық шаралар, зияткерлер мен педагогтер арасында интеллектуалды сайыста және шығармашылық кештер ұйымдастыру жоспарланған.
Кездесу соңында мектептің қызметін жақсартуға бағытталған ағымдағы мәселелер қаралып, Қамқоршылық кеңес мүшелерінің зияткерлік әлеуетті қалыптастыру мен дамытуда өзге де ұсыныстары тыңдалды.
<img src="https://kyzylorda-news.kz/wp-content/uploads/2020/02/24kamkorkenes2.jpg" alt="" />
<img src="https://kyzylorda-news.kz/wp-content/uploads/2020/02/24kamkorkenes3.jpg" alt="" />

Қызылордада қамқоршылық кеңесінің отырысы

<a href="https://kyzylorda-news.kz/">Kyzylorda-news.kz.</a> Жамбыл облысының әкімі Бердібек Сапарбаев Қордайдағы қақтығыстан кейін мектеп директорларын сынға алды, деп жазады <a href="https://sputniknews.kz/">«Спутник Қазақстан»</a>.
Облыс әкімінің баспасөз қызметі хабарлағандай, мектеп директорлары өзін менеджер емес, сол мекеменің қожайыны сияқты сезінеді. Жамбыл облысының әкімі Бердібек Сапарбаев: «Оқу орындарының кейбір басшылары «менің мектебім», «менің ұстаздарым», «менің шәкірттерім» деген сияқты тіркестерді қолданып, өздерін ұйымдастырушы емес, меншік иесі секілді сезінеді. Мектеп – мемлекеттікі, ал директор – ауысып отыратын басқарушы болуы тиіс», – деді Сапарбаев.
Әкім білім беру ұйымдарындағы жемқорлық мәселесіне де тоқталды.
<blockquote>
 &nbsp;«Директор жұмысқа орналастырғаны үшін мұғалімнен ақша алса, одан сапалы жұмысты қалай талап етеді? Ол мұғалім кейін өз ақшасын ата-аналар арқылы қайтара бастайды, сыбайлас жемқорлық тізбегі осылай жалғаса береді», – деді әкім.
</blockquote>
Сапарбаев Масаншы ауылындағы мектептен он жыл бойы бірде-бір «Алтын белгі»&nbsp; немесе үздік аттестат иегері шықпағанын, тек бір ғана түлектің грантқа қол жеткізгенін мәлімдеді.
<blockquote>
 «Міне, Қордайдағы оқиғаның түпкі себебін осыдан іздеу керек. Бұл сапалы білім мен жас ұрпақты тәрбиелеу, ұлттық дәстүрлерден алшақтау, мәдени-бұқаралық іс-шараларды ұйымдастыру деңгейінің төмендігін көрсетері сөзсіз», – деді ол.
</blockquote>
Әкімнің айтуынша, тәрбие отбасы мен мектептен басталады, алайда соңғы уақытта осы әлеуметтік институттар арасындағы байланыс үзілген.
Сапарбаев мемлекет мұғалімдердің әлеуметтік және еңбек жағдайын жақсарту үшін маңызды қадамдар жасап жатқанын, ал қоғам олардан сапалы білім беруді талап ететінін атап өтті.
Кездесу соңында әкім жауапты басшыларды БАҚ пен әлеуметтік желілердегі сыни ескертпелерге жедел жауап беруді, мәселені дер кезінде шешуді тапсырды.

«Директор мұғалімнен ақша алса, одан сапалы жұмысты қалай талап етеді?» – Сапарбаев

<a href="https://kyzylorda-news.kz/">Kyzylorda-news.kz.</a> Қызылорда облысы Төтенше жағдайлар департаментінің ғимаратында орналасқан азаматтық қорғау органдарының музейіне арнайы келген №222 орта мектептің 10-11 сынып оқушылары жауапкершілігі мол абыройлы да қауіпті қызметтің тыныс тіршілігімен танысты.
Мұнда ардагер Өрт сөндірушілер мен құтқарушылардың қолданған заттарын өз көздерімен көріп, қлолдарымен ұстап, ерекше сезімге бөленген жастар әрбір экспонаттың тарихи жәдігер екеніне көздері жетті. Талайы таңданысын жасармай, көкейдегі сұрақтарын қойып, саланың қыр сырына қанық болды. Шара барысында арнайы дайындалған видео ролик көрсетіліп жастардың азаматтық қорғау саласына деген қызығушылығын арттырды.
Сонымен қатар Төтенше жағдайлар департементінің бастығы азаматтық қорғау полковнигі Омар бержанов және өрт сөндіру қызметінің бастығы азаматтық қорғау подполковнигі Нұрсұлтан Ибрагимов оқушылармен кездесіп, азаматтық қорғау саласында қызмет етуге шақырды.
Расында, Халық қауіпсіздігі үшін өз өмірін қиюға әзір төтеншеліктердің өмірі бейнеленетін музей ішінде өткен кездесуде Омар Бержанов Көкшетау техникалық института оқуға шақырып, қойылатын талаптармен бөлісті. Жастар үшін өмірі ерлікке толы басшылардың арнайы келіп олармен жеке әңгімелесуі ерекше әсер қалдырып, бірі кездесуден соң азаматтық қорғау саласында қызмет етуді мақсат етсе, енді бірі көкейдегі сауалдарын жолдап, қызығушылықтарын арттырды.
<img src="https://kyzylorda-news.kz/wp-content/uploads/2020/02/24muzeichs2.jpg" alt="" />
<img src="https://kyzylorda-news.kz/wp-content/uploads/2020/02/24muzeichs3.jpg" alt="" />
<img src="https://kyzylorda-news.kz/wp-content/uploads/2020/02/24muzeichs4.jpg" alt="" />

Қызылордалық оқушылар ТЖД-ның жұмысымен танысты

<a href="https://kyzylorda-news.kz/">Kyzylorda-news.kz.</a> ҚР Білім және ғылым вице-министрі Бибігүл Асылова студенттік жатақханаларды құрылысына қатысты түсінік берді, деп хабарлайды <a href="https://www.inform.kz/kz/bilim-ministrligi-studenttik-zhatakhana-kurylysy-zhospardan-asyra-oryndalyp-keledi_a3616812">ҚазАқпарат</a>.
<blockquote>
 «2019 жылдың қорытындысы бойынша берілген тапсырманы орындау деңгейі 186 пайызға қамтамасыз етілді. Жоспар бойынша 5 мың орын тапсырылу керек болса, жатақханаларда 9166 жаңа орынды пайдалануға бердік. Елбасының Бес әлеуметтік бастамасын жүзеге асыру аясында 2022 жылдың соңына дейін 75 мыңнан кем емес орынға арналған жаңа студенттік жатақхана салу тапсырылған еді», – деді вице-министр.
</blockquote>
Осы орайда ол аталған бастаманы іске асыру бойынша арнаулы құрылысты қамти отырып, сондай-ақ мемлекеттік-жекешелік әріптестікті пайдалану тұрғысында шаралар кешені қарастырылғанын еске салды.
<blockquote>
 «Аталған мақсатты шешу үшін жатақхана құрылысын кезең-кезеңмен жүргізу ескерілген. Жоспар бойынша 2019 жылы 5 мың орыннан, 2020 жылы 20 мың орыннан, ал 2021 жылы 45 мың орыннан кем емес болды. Осы арқылы 2022 жылы біз осы мақсатты толықтай орындауға тиістіміз, яғни 75 мың орын пайдалануға беріледі. Бастаманы жүзеге асыру басталғалы 34 нысан тапсырылды, бұл өз кезегінде жатақханаларда 9 166 орынды құрады», – деп нақтылады Бибігүл Асылова.
</blockquote>

Білім министрлігі: Студенттік жатақхана құрылысы жоспардан асыра орындалып келеді

<a href="https://kyzylorda-news.kz/">Kyzylorda-news.kz.</a> Майра Мелдебекова Білім және ғылым министрлігінің Мектепке дейінгі&nbsp;және орта білім&nbsp;комитетінің төрайымы болып тағайындалды, – деп хабарлады ҚР Премьер-министрінің баспасөз қызметінен.&nbsp;
Айта кетейік, Майра Тұрғанбайқызы бұған дейін Қызылорда облыстық білім басқармасының басшысы қызметін атқарған еді.

Майра Мелдебекова жаңа қызметке тағайындалды

<a href="https://kyzylorda-news.kz/">Kyzylorda-news.kz.</a> Білім және ғылым министрі Асхат Аймағамбетов Қазақстандағы жоғары оқу орындары оқытушыларының жалақысы көтерілетінін айтты, деп хабарлайды <a href="https://www.inform.kz/kz/kazakstanda-zhogary-oku-oryndary-okytushylarynyn-zhalakysy-osedi_a3616628">ҚазАқпарат</a>.
Асхат Аймағамбетов БҒМ-де өткен аппараттық кеңесте жоғары оқу орындары оқытушыларының жалақысының төмендігін айтты. Және білім гранттары құнының артуы нәтижесінде профессорлық-оқытушылық құрамының еңбекақысының артатыны туралы мәлімдеді.
<blockquote>
 «ЖОО оқытушыларының жалақысы төмен. Сондықтан, Мемлекет басшысы алға қойған міндеттерге сәйкес 2020-2025 жылдарға арналған білім мен ғылымды дамытудың мемлекеттік бағдарламасы шеңберінде мемлекеттік гранттардың құны осы жылдың қыркүйегінен бастап ұлғайтылатын болады. Бұл қандай нәтиже береді? Ол оқытушылардың жалақысын көтеруге мүмкіндік беретін болады», – деді Министр.
</blockquote>
Асхат Аймағамбетов университет басшыларына әртүрлі форумдар мен тиімсіз іс-шараларға жұмсалатын шығындарды азайтуды тапсырды. Сондай-ақ, жалақы мәселесі бойынша тиісті жұмыстарды жүргізу керектігін айтты.
Министр ҚР БҒМ Жоғары және жоғары оқу орнынан кейінгі білім департаменті директорына университет басшыларының штаты мен оқытушылардың жалақы мәселесін қайта қарауды тапсырды.
Жоғары оқу орындарының басшылары да тиісті тапсырмаларды алды.
<blockquote>
 «Мемлекеттік университеттер тиімсіз шығындарды қайта қарауы тиіс. Әртүрлі тиімсіз форумдарды, шараларды қысқарту керек. Президент қаңтар айында Үкіметтің кеңейтілген отырысында осындай тапсырма берген болатын. Ол тек министрліктің аппаратына қатысты емес, квазимемлекеттік мекемелерге де қатысты мәселе», – деді Асхат Қанатұлы.
</blockquote>
Естеріңізге сала кетейік, бұған дейін ҚР БҒМ жоғары оқу орындарының профессорлық-оқытушылық құрамының жалақысын арттыру туралы тапсырмасы аясында оқу жылының басынан бастап білім және ғылым министрлігіне қарасты 25 ЖОО-да жалақы 20-дан 50%-ға дейін арттырылды.

Қазақстанда жоғары оқу орындары оқытушыларының жалақысы өседі

<a href="https://kyzylorda-news.kz/">Kyzylorda-news.kz.</a> Бүгін Қызылорда облысының әкімі Қуанышбек Ысқақовтың халық алдындағы есеп беру кездесуінде Call-орталыққа келіп түскен сауалдар легі де толастамады. Солардың бірі колледждердегі жатақхана мәселесіне арналды.&nbsp;
«Менің балам Қызылорда қаласындағы М.Ықсанов атындағы политехникалық колледжде оқиды. Өзіміз ауылда тұрғандықтан, ұлымыз пәтер жалдап жүр. Жатақхана мәселесі қашан шешіледі?», – деп сауал жолдады Амангелді ауылының тұрғыны Жұлдызай Маханалиева.
Жатақхана жайы – бүгінгі күннің өзекті мәселесіне айналған. Осы мәселеге байланысты ҚР Тұңғыш Президенті – Елбасы Нұрсұлтан Назарбаев өткен жылы Үкіметке де, облыс әкімдеріне де тиісті тапсырмалар берді. Жоғары және орта оқу орындарында оқитын студенттердің барлығы 2022 жылға қарсы жатақханамен қамтамасыз ету керектігі айтылды.
«Қызылорда облысы бойынша ЖОО жатақхана мәселесі туындап отырған жоқ. Бірақ 10 колледж бойынша бұл проблема бар. Жақын арада жоғарғы медициналық колледжге 330 орындық жатақхана берілді. М.Ықсанов атындағы колледжге Сұлтан Бейбарыс көшесінен келер жылы 200 орындық жатақхана берілетін болады. Жатақхана құрылысы қыркүйек айына дейін аяқталып, пайдалануға берілетін болады», – деді облыс әкімі.

Қызылорда облысындағы колледждердің жатақхана мәселесі қашан шешіледі?

<a href="https://kyzylorda-news.kz/">Kyzylorda-news.kz.</a> «Әлеуметтік сала – облыс басшылығы үшін ең басым салалардың бірі». Бұл туралы Қызылорда облысының әкімі Қуанышбек Ысқақов Н. Бекежанов атындағы облыстық қазақ музыкалық драма театрында өтіп жатқан облыстың 2019 жылғы әлеуметтік-экономикалық даму қорытындылары туралы тұрғындар алдындағы есепті кездесуінде баяндады. Бұл туралы Baq.kz хабарлады.
Облыста 2019 жылы 19 әлеуметтік нысанның құрылысы салынып, олардың 11-і іске қосылған. Ал, қалғандары – осы жылы аяқталады. Алайда аймақта әлі күнге едйін апаттық нысандардың бар екендігі де жасырын емес.
Қазіргі таңда анықталған үш апаттық мектептің екеуінде, атап айтқанда, Жалағаш ауданының Мөрәлі Шәменов атындағы елді мекенінде және Жаңақорған кентінде құрылыс жұмыстары жүргізілуде. Арал қаласындағы №71 апаттық мектептің жобалық-сметалық құжаттамалары әзірленуде.
Өңірде бүгінде 3 ауысымда оқытатын мектептер болмағанымен, үш ауысымға өту қаупі қалыптасқан жеті мектеп бар.
<blockquote>
 «Бұл – түсінікті жағдай. Облысымыздың дамуы негізінде халық саны артып жатыр, қосымша мектептер талап етілуде. 2019-2020 оқу жылында екі мыңнан астам бала бірінші сыныпқа артық барды. Бала санының артуы көңілімізге қуаныш ұялатады. Мектеп салу мәселелерін бюджет арқылы, сондай-ақ, мемлекеттік-жекешелік әріптестік бойынша шешудеміз», – деді аймақ басшысы Қ. Ысқақов. Айта кетейік, 2019 жылы жеке инвесторлар есебінен 1450 орынға арналған 3 мектеп салынған. Тағы да 3 инвестор жеке мектеп салуды жоспарлауда.
</blockquote>

Қызылорда облысында үш ауысымға өту қаупі туындаған 7 мектеп бар

<a href="https://kyzylorda-news.kz/">Kyzylorda-news.kz.</a> Қызылордалық оқушы Айзат Ербол Сыр еліне Қиыр шығыстан жер аударылған кәріс этносының өкілдерінің кешегі мен бүгінін өз еңбегіне арқау етіп, Алматы облысында өткен республикалық ғылыми жобалар байқауынан бірінші орынды жеңіп алды.
Білімге құмар жасқа Қорқыт ата атындағы ҚМУ-нің «Қазақстан халқы Ассамблеясы» кафедрасының меңгерушісі Айтжан Оразбақов және №212 мектеп-гимназиясы Тарих пәнінің мұғалімі Зейнеш Атеева жетекшілік етіп, зерттеу жұмыстарына қолдау білдірді.
Тақырыпты зертеу барысында жас ғалым Достық үйіне келіп, өзін қызықтырған корей этносы жайлы тың деректер мен мағлұматтар алды. «Қазақстан-2050» стратегиясындағы Қазақстан дамуының экономикалық және әлеуметтік мәдени модельдері» тақырыбында өткен байқаудың төрт бағытынан сүрінбей өтіп, жүлделі орынды ие болды.
<img src="https://kyzylorda-news.kz/wp-content/uploads/2020/02/17aizat2.jpg" alt="" />

Қызылордалық оқушы ғылыми жобалар байқауының жеңімпазы атанды

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаевтың Жолдауында білім саласындағы өңірлік басқару жүйесі мен қаржыландыру механизмінің тиімсіздігіне ерекше тоқталып өткен болатын.
Білім саласын басқарудың жаңа жүйесіне көшу нақты мақсатты көздейтін әрі толықтық пен бірлікке негізделген инновациялық менеджментті енгізуге мүмкіндік бермек. Ұсынылған басқару тетігі әрбір деңгейде сапалы және тиімді орындалған жағдайда, қазақстандық білім саласы жаңа сапалық деңгейге көтерілмек.
<blockquote>
 «Мемлекет басшысы білім саласын басқарудағы теңсіздікті жою бойынша тапсырма берген болатын. Бұл ретте сәйкесінше шешімдер қабылданып, Заңға өзгерістер енгізілді және 2020 жылдың 1 қаңтарынан бастап нақты шаралар іске асырылуда. Өз кезегінде мектептер мен балабақшалар аудандық білім бөлімдеріне бағынышты. Бұрын-соңды аудандық білім бөлімдері облыстық білім басқармаларына емес, жергілікті әкімдікке ғана бағынатын. Ал, облыстық білім басқармалары болса, арнайы мектептер мен колледжердің ғана жұмысын реттейтін», – деді министр.
</blockquote>
Ол аудандық білім бөлімдерінің жұмысын өз тәжірибесінен білетінін айтты.
<blockquote>
 «Өз еңбек жолымды ауылдық жерден бастап, облыстық білім басқармасында жұмыс істегендіктен, аудандық білім бөлімдерімен жұмыс істеу қаншалықты күрделі екендігін білемін. Өйткені аудандық білім бөлімдерінің басшылары «біздің бюджетіміз бөлек, әкімнен ондай тапсырма келген жоқ» дейді. Бұл мемлекеттік саясатты біркелкі жүзеге асыруда айтарлықтай қиындықтар тудыратын. Бүгінде бұл жүйеге айтарлықтай өзгертулер енгізіліп, 1 қаңтардан бастап аудандық білім бөлімдері облыстық білім басқармаларына бағынышты болып отыр. Ал, 2021 жылғы 1 қаңтардан бастап бюджет аудандық деңгейден облыстық деңгейге беріліп, туындаған барлық мәселелерді облыстық бюджет есебінен қамту мүмкін болады», – деді Білім және ғылым министрі А.Аймағамбетов «Қазақстан» ұлттық телеарнасына берген сұхбатында.
</blockquote>
<a href="https://baq.kz/news/othernews/bilim-audannan-oblys/">BAQ.KZ</a>

БҒМ: Білім бөлімдері ауданнан облысқа берілді

<a href="https://kyzylorda-news.kz/">Kyzylorda-news.kz.</a> Солтүстік Қазақстан және орталық өңірлерде директорлар мен олардың орынбасарларының тапшылығы мәселесі туындап отыр. Бұл туралы ҚР Білім және ғылым министрі Асхат Аймағамбетов айтты, деп хабарлайды <a href="https://lenta.inform.kz/kz/mektep-direktorlary-zhalakysyn-2-esege-arttyru-mumkindigine-ie-ministr_a3614557">ҚазАқпарат</a>.
<blockquote>
 «Директорлар үшін жай ғана мұғалім болып істеген ыңғайлы. Директорлардың жауапкершілігі жоғары және қағазбастылық көп, балалармен жұмыс істеу деңгейі де өзгеше. Бар мәселе – ынталандыруда, яғни директорлардың айлығы мұғалімдердің айлығынан төмен. Осы орайда жалақыны 2 есеге арттыру директорлар мен олардың орынбасарларына да қатысты болмақ. Ендігі кезекте директорлар өз шеберліктеріне байланысты санаттарға бөлініп, өз жалақыларын 2 есеге, яғни 100 пайызға арттыру мүмкіндігіне ие. Директорларды да қолдайтын боламыз»,- деді А. Аймағамбетов журналистерге берген сұхбатында.
</blockquote>

Қазақстан және Қызылорда облысының жаңалықтары: Білім