6 сәуірден бастап қазақстандық мектептер қашықтан оқытуға көшеді. Бұл туралы бүгін Орталық коммуникациялар қызметіндегі брифингте ҚР Ақпарат және қоғамдық даму министрі Дәурен Абаев айтты, деп хабарлайды <a href="https://www.inform.kz/kz/6-sauirden-bastap-kazakstandyk-mektepter-kashyktan-okytuga-koshedi-dauren-abaev_a3628603">ҚазАқпарат</a>.
<blockquote>
 «2020 жылдың 6 сәуірінен бастап қазақстандық мектептер қашықтан оқытуға көшеді. Қазір Білім және ғылым министрлігі ұйымдастыру тетіктерін пысықтауда. Бұл жөніндегі барлық жаңалықтарды жақын уақытта хабарлаймыз. Сондықтан түсіністік танытып, ресми мәлімдемені күтуді сұраймыз. Қазір мектептер мен мұғалімдерді сұрақтың астына алып, айыптаудың реті жоқ. Бұл мәселе Үкіметтің құзіретінде. Біз барлығын алдына ала хабарлаймыз», – деді Дәурен Абаев.
</blockquote>
Оның атап өтуінше, осыған орай қосымша шара ретінде «Еларна» мен «Балапан» теле арналарынан оқушыларға арналған видео сабақтар көрсетіледі.
<blockquote>
 «Бірақ, бұл негізгі емес, қосымша шара. Осыны қайталап айтқым келеді. Аталған видео сабақтарды Білім және ғылым министрлігі дайындаған. Олар «Балапан» телеарнасында қазақ тілінде, ал «Еларнада» орыс тілінде көрсетіледі», – деді министр.
</blockquote>

6 сәуірден бастап қазақстандық мектептер қашықтан оқытуға көшеді &#8211; Дәурен Абаев

<a href="https://kyzylorda-news.kz/">Kyzylorda-news.kz.</a> Қызылорда қаласындағы Назарбаев Зияткерлік мектебінің оқушылары күнделікті өмірде нақыл сөздер мен мақал-мәтелдерді қолданудың ерекше әдісін ойлап тапты. Оқушылар «Менің өмірімдегі қолданылатын мақал-мәтелдер» жобасы аясында өзлері пайдаланатын &nbsp;шкаф-локерлерді отбасының өмірлік ұстаныма айналған мақал-мәтелдермен&nbsp; безендірген.
Білім, ғылым, достық, еңбек және адамгершілік секілді түрлі тақырыптағы тәрбиелік мәні зор нақыл сөздер бүгінде мектептің ішкі келбетін ерекше әсемдей түскен.&nbsp; Әрбір оқушы отбасымен бірге мақал-мәтелдердің шығу тарихын зерттей отырып, өздерінің өмірлік ұстанымдары ретінде&nbsp; таңдап алған мақалдарды оқушылардың мектептегі жеке шкафтартарына іліп, өзгелерге таныстыруда.
<blockquote>
 «Бұл өте жақсы бастама. Себебі мақал-мәтелдер жастардың&nbsp; тіл байлығын дамытып, ұлттық құндылықтарды дәріптеуге үйретеді.&nbsp; Келелі ой мен кең мазмұнды нақыл сөздерді&nbsp; өмірде қолдана біледі», – дейді жобаға қатысушы ата-ана Зауре Абуова.
</blockquote>
Мектеп ата-аналарының белсендісі – Ақпановтар әулеті&nbsp; «Отбасы – тәрбиенің басты ұясы» деген халық даналығын&nbsp; ұран ретінде пайдаланады екен.&nbsp; Олардың айтуынша жанұядағы келісім мен мейірім адам бойындағы жақсы қасиеттердің қалыптасуына үлкен септігін тигізеді.
<blockquote>
 «Баланың алғашқы тәрбие алатын орны – ол,&nbsp; әрине, отбасы.&nbsp; Анам мен әкем маған үнемі&nbsp; қамқорлық көрсетіп, менің қызығушылықтарыма көңіл бөледі. Соның арқасында мен өмірде үлкен жетістіктерге қол жеткізіп, жан-жақты тұлға болып қалыптасудамын», – дейді 10-сынып оқушысы Нұрай Амангелді.
</blockquote>
<img src="https://kyzylorda-news.kz/wp-content/uploads/2020/03/img_1567-min-scaled.jpg" alt="" />
<img src="https://kyzylorda-news.kz/wp-content/uploads/2020/03/img_1559-min-scaled.jpg" alt="" />

Қызылордалық оқушылар нақыл сөздерді қолданудың ерекше әдісін ойлап тапты (ФОТО)

<a href="https://kyzylorda-news.kz/">Kyzylorda-news.kz.</a> Білім және ғылым министрі Асхат Аймағамбетов мұғалімдер өз үйінде қашықтан жұмыс істей алатынын мәлімдеді.
<blockquote>
 «Жалпы, елімізде 7300 мектеп бар. Сол мектептерде балаларды каникулға ертерек шығардық. 16 наурыздан 5 сәуірге дейін каникул жалғасады. Каникул кезінде мұғалімдердің мәселесі бар. Мұғалімдерге үйлерінде болып, қашықтан жұмыс істеуіне болады. Біз осыны ұсынып, барлық білім беру бөлімдеріне және мектеп директорларына осы ақпаратты жеткіздік», -деді министр ОКҚ-да өткен баспасөз мәслихатында.
</blockquote>

Қазақстанда мұғалімдер қашықтықтан жұмыс істейтін болды

<a href="https://kyzylorda-news.kz/">Kyzylorda-news.kz.</a> Білім және ғылым министрі Асхат Аймағамбетов еліміздегі балабақшалар әзірге жұмысын тоқтатпайтынын мәлімдеді.
<blockquote>
 «Білім және ғылым салаларында алдын алу шаралары қабылданды. БҒМ тиісті бұйрығы шығып, оны барлық білім беру ұйымы мен облыстардың білім басқармаларына жеткіздік. Сол бұйрықта ең басты тапсырмалар берілді. Ең біріншіден, балабақшаларға тоқталар болсақ, алдын ала ақпарат бергендей, балабақшалар әзірге жұмысын тоқтатпайды. Бірақ біз ата-аналардың мүмкіндіктеріне қарай, балабақшаға бармауды (апармауды – авт.) ұсынамыз. Мұның алдында бұйрыққа сәйкес бала бірнеше күн бойы балабақшаға келмесе, шығарылатыны туралы норма бар еді. Біз қазір ол норманы алып тастадық», – деді Асхат Аймағамбетов.
</blockquote>
Білім және ғылым министрі қазіргі уақытта баланы балабақшаға әкелмесе де орны сақталатынын жеткізді.

Министр: Балабақшалар әзірге жұмысын тоқтатпайды

<a href="https://kyzylorda-news.kz/">Kyzylorda-news.kz.</a> Балабақшаға мемлекеттік тапсырысты орналастыру құқығы ата-анаға беріледі. Бұл жайында ҚР Премьер-Министрі Асқар Маминнің Мәжіліс депутаттарының сауалына берген жауабында айтылған, деп хабарлайды <a href="https://lenta.inform.kz/kz/balabakshaga-memtapsyrys-ornalastyru-kukygy-ata-anaga-beriledi_a3622215">ҚазАқпарат</a>.
<blockquote>
 «Қазіргі уақытта 10 583 мектепке дейінгі ұйым, оның ішінде жекеменшік 3 809 балабақша (36 пайыз) жұмыс істейді. Бұл 2018 жылдың көрсеткішімен салыстырғанда 520 бірлікке көп және ол жекеменшік мектепке дейінгі ұйымдар желісінің артқандығын дәлелдейді. Мектепке дейінгі ұйымдармен 892,2 мың бала, оынң ішінде жекеменшік балабақшамен 351,1 мың бала қамтылған. Мемлекеттік бағдарламаға сәйкес, білім берудің барлық деңгейіне, оның ішінде мектепке дейінгі тәрбие мен білім деңгейіне арналған білім беру қызметтерін тікелей алушылардың дербестендірілген қаржыландыруға көшіру көзделген», – деп атап өтеді Үкімет басшысы
</blockquote>
Премьер-Министрдің айтуынша, осыған орай Білім және ғылым министрлігі Мемлекеттік тапсырыс орналастыру ережесіне өзгертулер мен толықтырулар енгізу жұмысын жүргізіп жатыр.
<blockquote>
 «Атап айтқанда, мектепке дейінгі ұйымға мемлекеттік тапсырыс орналастыру туралы шешім қабылдау барысында бұл құқықты ата-анаға беру жоспарланған. Бұл «әр балаға қаражат» принципін жүйзеге асыруға мүмкіндік береді», – деді Асқар Мамин.
</blockquote>

Балабақшаға мемтапсырыс орналастыру құқығы ата-анаға беріледі

Алтын жүректі ұстаз – Гүлшара Дәрібаева

<a href="https://kyzylorda-news.kz/">Kyzylorda-news.kz.</a> Ресейдің «Молодой ученый» журналының арнайы 25-ші нөмірі түгелдей Қызылорда облысына арналып жарық көрді. Ғылыми басылымның бұл нөміріне, әсіресе, «Болашақ» университетіне ерекше басымдық берілген.
«Болашақ» университеті 2013 және «Болашақ» Ғылыми-зерттеу институты 2017 жылдан бастап Қазан қаласында орналасқан «Молодой ученый» баспасымен ынтымақтастық орнатып, байланыс жасап келеді. Келісім-шарт негізінде екі тарап мүмкіндіктеріне қарай бірлескен ғылыми зерттеулер жүргізу, бірлескен семинарлар, конференциялар мен арнайы нөмірлерді шығаруды ұйымдастыру, ынтымақтастық шеңберінде ғылыми жарияланымдармен алмасу сынды жұмыстар жүргізуде.
«Болашақ» ғылыми-зерттеу институты «Болашақ» университетінің 25 жылдығы қарсаңында «Қазіргі ғылым және инновациялар» атты V Халықаралық ғылыми конференциясы аясында өзінің «Молодой ученый» журналының 25-ші арнайы нөмірін жарыққа шығарды. Ескеретін жәйт, арнайы нөмірге тек Қызылорда «Болашақ» университетінің профессор-оқытушылар құрамы, магистранттары және студенттерімен қатар өңірдегі мектептер мен колледж оқытушылары, еліміздегі өзге оқу орындарының қызметкерлері жарияланды.
Бүгінгі таңда Халықаралық ынтымақтастық бағытындағы «Молодой ученый» журналының арнайы нөмірлерінің 25 санында 563 ғылыми мақала жарық көрген. Халықаралық ынтымақтастық бағытындағы бұл нөмірлер2018 жылғы Қызылорда «Болашақ» университетінің институционалдық аккредиттеуі кезінде Білім сапасын қамтамасыздандыру бойынша тәуелсіз агенттігі (БСҚТА)&nbsp;сарапшылары жоғары бағасын беріп, жоғары оқу орындары үшін оң тәжірибе екендігіне назарын аударды.
Айта кетейік, Ресейдің «Молодой ученый» журналы осыдан 12 жыл бұрын 2008 жылы жарық көрді. Журнал «Ulruch’s Periodicals Directory» халықаралық каталогтар базасына енеді және «Google Scholar» мен «<a href="https://elibrary.ru/">elibrary.ru</a>» Ғылыми электронды кітапхана базаларында индекстеледі. Баспа аталмыш журналдан бөлек 10 журналды баспадан шығаруды қолға алып отыр. Сонымен қатар, ай сайын түрлі ғылымдар саласы бойынша Халықаралық ғылыми конференциялар материалдарын ұйымдастырады.

Ресейдегі «Молодой ученый» журналының арнайы нөмірі «Болашақ» университетіне арналды

<a href="https://kyzylorda-news.kz/">Kyzylorda-news.kz.</a> Елімізде мектепте оқу кезінде смартфондарды, планшеттерді пайдалануға тыйым салу енгізілуі мүмкін. Бұл жайында ҚР Премьер-Министрі Асқар Маминнің Сенат депутатының сауалына берген жауабында айтылған, деп хабарлайды <a href="https://lenta.inform.kz/kz/okushylardyn-mektepte-smartfon-paydalanuyna-tyyym-salynbak_a3622199">ҚазАқпарат</a>.
<blockquote>
 «Білім беру ұйымдарында түрлі гаджеттерді (смартфондарды, планшеттерді және т.б.) пайдалануға тыйым салуды енгізу мүмкіндігі туралы мәселені пысықтау бүгінгі күні осындай шараларды іске асыру үшін құқықтық жағдайлар іс жүзінде бар екенін (8 өңірде кәдімгі кнопкалы телефондар пайдаланылады) көрсетті. Сонымен қатар, білім беру саласындағы қолданыстағы заңнама бойынша білім алушылар мен олардың ата-аналарының смартфондарды пайдалануына тыйым салуды жалпы білім беретін мектептерде оқу орнының ішкі тәртібін реттейтін нормативтік құқықтық актілер, білім беру ұйымының ішкі тәртіп ережелері және білім беру қызметін көрсету шарттары аясында реттеу жоспарлануда», – деп атап өтеді Асқар Мамин.
</blockquote>
Айта кетейік, Мәжіліс депутаттары Үкімет басшысының атына жолдаған сауалдарында ұлттық ақпараттық кеңістіктің үйлесімді дамуын қамтамасыз ету және ақпараттық ортада балалардың құқықтарын қорғау жөніндегі шаралар кешенін іске асыру жөнінде мәселе көтерген болатын.

Оқушылардың мектепте смартфон пайдалануына тыйым салынады

<a href="https://kyzylorda-news.kz/">Kyzylorda-news.kz.</a> Қызылорда облыстық білім және ғылым қызметкерлері кәсіподақ комитетінің Жастар кеңесінің ұйымдастыруымен облыстағы барлық орта білім беру ұйымдарында &nbsp;кіші қызметкерлерге жәрдем беру акциясы өткізілді.
«Шын жүректен алғыс айтамын!» деп аталған акция «Волонтерлер жылы» және «1 наурыз – Алғыс айту күніне» орай ұйымдастырылды.
<blockquote>
 «Аталған акцияның басты мақсаты – облысымыздың оқу орындарындағы кіші қызметкерлердің еңбектерін бағалау, оларға құрметпен қарауға дағдылану, қоғамдағы рөлін арттыру, жастар арасында табыстың еңбекпен келетінін кең көлемде дәріптеу», – дейді шараны ұйымдастырушы &nbsp;Қызылорда облыстық білім және ғылым қызметкерлері кәсіподақ комитеті Жастар кеңесінің төрайымы Жанар Сағындықова.
</blockquote>
Сыр елінде алғаш рет өткізілген акцияға облыстық білім қызметкерлері кәсіподақ жанынан құрылған Жастар Кеңесінің мүшелері, орта білім беру ұйымдарының еріктілер тобы қатысты.
Шара барысында Жастар кеңесі мүшелерінің бір тобы қала, аудан аумағындағы орта мектептерді аралап, кіші қызметкерлерге жылы лебіздері мен ықыластарын білдіріп, гүл шоқтарын табыстады.
<img src="https://kyzylorda-news.kz/wp-content/uploads/2020/02/img_20200229_121348.jpg" alt="" />
<img src="https://kyzylorda-news.kz/wp-content/uploads/2020/02/img_20200229_121227.jpg" alt="" />
<img src="https://kyzylorda-news.kz/wp-content/uploads/2020/02/img_20200229_110002.jpg" alt="" />
<img src="https://kyzylorda-news.kz/wp-content/uploads/2020/02/img_20200229_110147.jpg" alt="" />
<img src="https://kyzylorda-news.kz/wp-content/uploads/2020/02/img_20200229_115750.jpg" alt="" />
<img src="https://kyzylorda-news.kz/wp-content/uploads/2020/02/img_6197-scaled.jpg" alt="" />
<img src="https://kyzylorda-news.kz/wp-content/uploads/2020/02/img_6210-scaled.jpg" alt="" />
<img src="https://kyzylorda-news.kz/wp-content/uploads/2020/02/img_6219-scaled.jpg" alt="" />

Қызылорда облысындағы барлық мектепте кіші қызметкерлерге жәрдем беру акциясы өткізілді (ФОТО)

<a href="https://kyzylorda-news.kz/">Kyzylorda-news.kz.</a> ҚР Білім және ғылым министрі Асхат Аймағамбетов мұғалімдердің жалақысын кешіктіргендерді тәртіптік жауапкершілікке тартуды тапсырды. Бұл туралы министрліктің аппараттық кеңесінде айтылды, деп хабарлайды <a href="https://www.inform.kz/kz/ministr-mugalimderdin-zhalakysyn-keshiktirgenderdi-zhauapkershilikke-tartudy-tapsyrdy_a3618838?fbclid=IwAR1kQFyBJsl3j7UPCCcni-UrRj09ar4ILi-ckRopEbvcm5pXAOXeR5UkZjM">ҚазАқпарат</a>.
Министрдің айтуынша, кей өңірлерде педагогтер өз жалақыларын толық әрі уақытылы ала алмай отыр. Осыған орай, ведомства басшысының тапсырмасына сәйкес, апта соңына дейін барлық аймақтарда қызметтік тексеріс жүргізіліп, тиісті шаралар қолданылады.
<blockquote>
 «Жалақы төлеуде не себепті кешіктірулер тіркеліп жатыр? Министрліктің комитеттері әр өңірде тексеріс жүргізуі тиіс. Мән-жайды анықтап, жауаптыларды тәртіптік жауапкершілікке тарту керек. Мәселені бақылауда ұстаңыз», – деді Асхат Аймағамбетов вице-министр Бибігүл Асыловаға қарата айтқан сөзінде.
</blockquote>
Айта кетсек, жалақыны есептейтін онлайн-калькулятор іске қосылғалы бір ай ішінде мектепке дейінгі және орта білім беру мекемелерінің өкілдері шамамен 1 500 000 рет жалақыларын өздігінен есептеп, тиісті қаражатын анықтаған.

Министр мұғалімдердің жалақысын кешіктіргендерді жауапкершілікке тартуды тапсырды

<a href="https://kyzylorda-news.kz/">Kyzylorda-news.kz.</a> ҚР Білім және ғылым министрлігінің аппараттық кеңесінде ведомство басшысы Асхат Аймағамбетов енді каникул уақытында пәндік олимпиадалардың өткізілмейтінін мәлімдеді, деп хабарлады <a href="https://massaget.kz/okushyilarga/mektep_omiri/61045/">Massaget</a>.&nbsp;
Бұл өзгеріс биылдан бастап күшіне енеді.
<blockquote>
 “Олимпиадалар енді каникул кезінде өткізілмейді. Өйткені оған сабақта өте белсенді, жақсы оқитын оқушылар қатысады. Біз оларды каникул уақытындағы демалысынан айырмауымыз керек, балалар демалуы қажет. Сондықтан биылдан бастап олимпиадаларды басқа уақытта өткіземіз”, – деді Асхат Аймағамбетов.
</blockquote>
Министр республикалық олимпиадаға қатысу үшін, облысқа баратын балаларға жақсы жағдай жасалуы тиіс екенін айтты. Сондай-ақ ЖОО басшыларына оқушылармен кездесу жұмыстарын жүргізуді тапсырды.&nbsp;
<blockquote>
 “Республикалық олимпиадаға кем дегенде 1,5 мың &nbsp;дарынды, білімді бала қатысады. Дайындық барысын бөлек қарастырамыз, дегенмен Қарағанды мен Алматы облыстарында балалардың қауіпсіздігі, жататын жері, тамақтануы бойынша барлық жағдай жасалсын. Екіншіден, университет басшыларына тапсырма: олимпиадаға келген 1,5 мың оқушымен университеттер де жұмыс істеуі қажет. Жаз айларында ғана емес, мұндай жұмыс ұдайы жүргізілуі керек”, – деді министр.
</blockquote>
&nbsp;Сөз соңында министр мектеп бітірушілерге университет тарапынан 50 грант бөлген ТарМПУ-ды өзге ЖОО-ларға үлгі ретінде атап өтті.&nbsp;
<blockquote>
 “Мысалы, Тараз мемлекеттік педагогикалық университетінің ректоры еріктілерге, дарынды балаларға 50 грант бөлді. Мұны үлгі ретінде айтуға болады. Сондықтан кәсіптік бағыт-бағдар беруге бейжай қарамау керек”, – деді Асхат Аймағамбетов.
</blockquote>
Естеріңізге сала кетейік, 2020 жылдың 6 қаңтарында ҚР БҒМ Түркістан облысының білім беру саласындағы сапаны қамтамасыз ету департаменті оқушылар арасындағы республикалық олимпиаданың облыстық турын өткізіп жатқан Түркістан облысының адами әлеуетті дамыту басқармасында жоспардан тыс тексеру жүргізді. Нәтижесінде бірқатар өрескел бұзушылық анықталды. Осыған орай, Асхат Аймағамбетов олимпиада, ғылыми жоба байқаулары әділ, таза өтуі керек екенін баса айтты.

Олимпиадалар енді каникул кезінде өткізілмейді

<a href="https://kyzylorda-news.kz/">Kyzylorda-news.kz.</a> Бүгін Назарбаев Зияткерлік мектебі мен Педагогикалық шеберлік орталығының ұйымдастыруымен «Оқыту мен оқудағы STEAM білім берудің ерекшеліктері» тақырыбында қалалық семинар өтті.
Оқытудың заманауи технологиясы бойынша педагог қызметкерлердің кәсіби дамуына ықпал етуге бағытталған шарада Қызылорда қаласының жалпы білім беретін мектептерінің 55 пән мұғалімі тәжірибе алмасты.
Алдымен педагогтердің STEAM білім беру бойынша түсініктерін және олардың қажеттіліктерін анықтайтын сауалнама жүргізіліп, соның негізінде шара барысында қажеттіліктер ескерілді.
Педагогикалық шеберлік орталығы тренері «Оқу және оқыту үдерісінде STEAM білім берудің тиімді жолдары» интерактивті таныстырылым арқылы STEAM білім беруді теориялық тұрғыда талдап, STEAM негізінде білім берудің картасы, оның артықшылығы жайлы құнды ақпараттар берді. 
Теориямен қаруланған мұғалімдерге келесі бөлімде облыс мектептерінің тәжірибесі таныстырылды. №9 мектеп-гимназиясының информатика пәні муғалімі Калдыгул Ембергенова «STEAM білім беру мектеп тәжірибесінде», №3 мектеп-гимназиясының IT бағдарламашысы Оразбахов Айбек «Сабақтағы жаңаша IТ приложениялар» тақырыптарындағы шеберлік сағаттарда мектепте STEAM технологиясын тиімді қолдану жолдарын өз тәжірибелері негізінде көрсетті.
Зияткерлік мектептің мұғалімдері «Дизайнды ойлау» негіздері» тренингін өткізіп, жаратылыстану ғылымдары мен технологиялар, инженерия, өнер мен математиканы кіріктіріп оқытудың кешенді тәсілдің аспектілерін меңгертуге бағытталған практикалық жұмыстар жүргізді.
Соңғы бөлімде қатысушылармен пәндер бойынша көлдеңен жоспарлау үдерісі ұйымдастырылып, кері байланыста мұғалімдер STEAM білім беру жайлы толық ақпараттанғандарын айтып, өз тәжірибелеріне енгізуде жаңаша тәсілдерді алғандарын атап өтті.
<img src="https://kyzylorda-news.kz/wp-content/uploads/2020/02/25mugalimder2.jpg" alt="" />
<img src="https://kyzylorda-news.kz/wp-content/uploads/2020/02/25mugalimder3.jpg" alt="" />

Қазақстан және Қызылорда облысының жаңалықтары: Білім

6 сәуірден бастап қазақстандық мектептер қашықтан оқытуға көшеді – Дәурен Абаев

Қызылордалық оқушылар нақыл сөздерді қолданудың ерекше әдісін ойлап тапты (ФОТО)

Қазақстанда мұғалімдер қашықтықтан жұмыс істейтін болды

Министр: Балабақшалар әзірге жұмысын тоқтатпайды

Балабақшаға мемтапсырыс орналастыру құқығы ата-анаға беріледі

Алтын жүректі ұстаз – Гүлшара Дәрібаева

Ресейдегі «Молодой ученый» журналының арнайы нөмірі «Болашақ» университетіне арналды

Оқушылардың мектепте смартфон пайдалануына тыйым салынады

Қызылорда облысындағы барлық мектепте кіші қызметкерлерге жәрдем беру акциясы өткізілді (ФОТО)

Министр мұғалімдердің жалақысын кешіктіргендерді жауапкершілікке тартуды тапсырды

Олимпиадалар енді каникул кезінде өткізілмейді

Қызылорда қаласының мұғалімдері «Steam» білім беру тәсілін меңгерді

Қазақстан және Қызылорда облысының жаңалықтары: Білім

6 сәуірден бастап қазақстандық мектептер қашықтан оқытуға көшеді &#8211; Дәурен Абаев

Қызылордалық оқушылар нақыл сөздерді қолданудың ерекше әдісін ойлап тапты (ФОТО)

Қазақстанда мұғалімдер қашықтықтан жұмыс істейтін болды

Министр: Балабақшалар әзірге жұмысын тоқтатпайды

Балабақшаға мемтапсырыс орналастыру құқығы ата-анаға беріледі

Алтын жүректі ұстаз – Гүлшара Дәрібаева

Ресейдегі «Молодой ученый» журналының арнайы нөмірі «Болашақ» университетіне арналды

Оқушылардың мектепте смартфон пайдалануына тыйым салынады

Қызылорда облысындағы барлық мектепте кіші қызметкерлерге жәрдем беру акциясы өткізілді (ФОТО)

Министр мұғалімдердің жалақысын кешіктіргендерді жауапкершілікке тартуды тапсырды

Олимпиадалар енді каникул кезінде өткізілмейді

Қызылорда қаласының мұғалімдері «Steam» білім беру тәсілін меңгерді

6 сәуірден бастап қазақстандық мектептер қашықтан оқытуға көшеді – Дәурен Абаев