<a href="https://kyzylorda-news.kz/">Kyzylorda-news.kz</a> Халықаралық көлік-гуманитарлық университетінің Ақтөбедегі филиалы басшысының әйелі абитуриенттерден оқуға түсу үшін ақша алған.&nbsp;Бұл туралы&nbsp;<a href="https://stan.kz/aktobede-zhoo-basshisinin-ayeli-talapkerlerden-okuga-tu-406436/">Stan.kz</a>&nbsp;ақпарат агенттігі хабарлады.Университет студенті болғысы келгендер әйелге 100 мыңнан бір жарым миллион теңгеге дейін ақша берген. Ол өзі университетте жетекші маман болып жұмыс істепті.&nbsp;Әйел&nbsp;алаяқтық жасағаны үшін үш жылға бас бостандығынан айырылды, бірақ кейін облыстық сот сотталушының бала тәрбиелеп отырғанына байланысты үкімді бас бостандығын шектеуге өзгертті.47 жастағы Гүлмира осы схемамен 25 рет ақша алған. Айыпталушы Instagram желісінде университет қызметін жарнамалап салады, талапкерлер хабарласып, оған оқу ақысын төлеген. Бұл ақшаны ол өзіне алып қалған.Алғашқы сот отырысында айыпталушы күйеуінің бұдан хабардар екенін және бұл ақшаға отбасын асырап отырғанын айтты. Сондай-ақ&nbsp;Гүлмираның енесі өз анасы мен ағасын ЖОО-ға техникалық қызметкер, электрик ретінде тіркеген, ал екі адамның жалақысын Астанадағы жеңгесі алып отырған.Сотта сотталушының енесі куәгер болды. Ол өз ақшасы бар екенін алға тартты. Сонымен қатар келінінің талапкерлерден&nbsp;ақша алатынын білмегенін айтты. Сөзінше,&nbsp;қылмыстық іс қозғалған кезде ол келініне&nbsp;5 миллион теңге берген. Қайын атасы да келінінің ақша алатынын білмегенін растады. Ол да зейнетке шыққанға дейін университеттің сол филиалын басқарған, содан кейін ұлы директор болып тағайындалған.Сот ЖОО-ның бұрынғы жетекші маманын екінші рет алаяқтық үшін кінәлі деп тауып, 4 жылға бас бостандығын шектеу жазасын берді. Сондай-ақ&nbsp;қосымша жаза ретінде жыл сайын ол 100 сағат мәжбүрлі жұмысқа тартылады.Еске салсақ, бұған дейін&nbsp;Ақтөбе гуманитарлық-техникалық колледж директоры студенттерден пара алды деген күдікпен ұсталған еді.Фото: Pixabay.com

4 жыл бас бостандығынан шектелді: Ақтөбеде ЖОО басшысының әйелі талапкерлерден оқуға түсу үшін ақша алған

Бүгінге&nbsp;дейін 15 мектеп тексерістен өткен.Абай облысы мектептеріндегі тамақтану сапасын бақылау мақсатында құрылған ведомствоаралық сараптамалық топ өз жұмысын қайта жалғастыруда, деп хабарлайды&nbsp;<a href="https://ru.qaz365.kz/">Qaz365.kz</a>.Арнайы топ: қалалық мәслихат өкілдері, ата-аналар қоғамдастығының мүшелері, білім бөлімі қызметкерлері, санитарлық-эпидемиологиялық қызмет мамандары және үкіметтік емес ұйымдардың өкілдерінен құралған. &nbsp;Сараптамалық топтың жұмысына сәйкес бүгінге&nbsp;дейін 15 мектеп тексерістен өткен.<blockquote>"Абай облысында қазіргі таңда мектептерде ведомствоаралық комиссия жұмыс атқаруда. Яғни, барлық мектептердің асханаларына тексеріс жүріп жатыр.&nbsp;Қазіргі уақытта облыста 65 мектеп тексерілді, оның ішінде Семей қаласы бойынша 15 мектеп тексерістен өтті. &nbsp;Тексеріс мектеп асханаларының бекітілген мәзіріне сәйкес тамақтануына, азық-түлік пен дайын өнімдердің мақсатты түрде пайдалануына, олардың сапасына байланысты жүргізілуде. Өткізілген тексеріс нәтижелері бойынша талап бұзушылықтар&nbsp;болмады. Алайда мониторинг барысында ас блоктарында, жергілікті жерлерде &nbsp;санитариялық талаптар сақталмаған бұзушылықтарды жою мақсатында комиссия мүшелері &nbsp;өздерінің ұсыныстарын білдірді", - деп атап өтті Абай облысы білім басқармасының мектепке дейінгі, жалпы орта білім беру бөлімінің басшысы Макия Әмірханова.</blockquote>Қазіргі күні өңір бойынша 275 мектепте ас блогы, тамақтану залдары бар (91 %). Сонымен қатар интернатық тұрмыспен 3 облыстық мектепте (БИЛ, МММИ, Жас Ұлан) ас блоктары бар, ыстық тамақ ұйымдастырылған. 23 шағын жинақты мектептерде (Семей қ., Ақсуат, Аягөз, Бородулиха, Жарма, Көкпекті, Үржар ауд.) асхана жоқ. Аталған мәселені шешу мақсатында бұл мектептерде оқушылардың тамақтануына бейімделген кабинеттер дайындалып, 362 оқушыға 20 мектепте кейтерингтік қызметтер арқылы тегін ыстық тамақ ұйымдастырылса, 8 мектепте кейтерингтік буфеттік тамақтану жағдайы қарастырылған.<blockquote>"Мектеп оқушыларының рационын нормаларға сәйкес келтіру мақсатында 2024 жылы жергілікті бюджеттен тегін тамақтандыруға қосымша қаражат бөлініп, облыс бойынша тегін тамақтандырудың орташа құны 620 теңгеге (2023 жылы - 565 тг.), буфеттік тамақтандырудың құны 430 теңгеге (2023 жылы – 384 тг.) өзгерген. Бұл тамақтану құнына мектептегі бір реттік тамақтандыру нормаларына сәйкес өнімдер кіреді. Бір реттік тегін тамақпен 54 594 оқушы (5,5 млрд. теңге бөлінді), оның ішінде 1-4 сыныптың 40 491 оқушысы, 5-11 сынып аралығындағы әлеуметтік осал топ санатынан шыққан 14103 оқушы қамтамасыз етілуде", - дейді Макия Әмірханова.</blockquote>Сапалы теңдестірілген тамақтандыруды ұйымдастыру мақсатында облыстық Білім басқармасы тарапынан білім беру ұйымдарындағы балалардың тамақтану стандарттары қаралып, бақылануда. Өңірлерде шығарылатын отандық өнімдерді пайдалана отырып, ас мәзірін әзірлеуге қатысты қағидалар мен бракераждық комиссиялардың, ведомствоаралық сараптамалық топтардың мүшелері үшін мониторинг топтары қызметінің тәртібі туралы заңнамалық нормалар басшылыққа алынған. Сондай-ақ қалалық/аудандық білім бөлімдерінен 10 ведомствоаралық сараптамалық топ жұмыс істейді.<blockquote>"Бүгінгі таңда Семей қаласының жалпы орта білім беретін мектептерінің басты мақсаты білім алушылардың мектепте жайлылықты сезіне алуы. Осы тұрғыда біз мониторингтік&nbsp;топпен бірлесе отырып,&nbsp;ас мәзіріне тексеріс жұмыстарын жүргізіп жатырмыз. Дәл қазір жалпы орта білім беретін №18 мектепте мониторинг шаралары жүргізілуде. Негізгі дүние балалардың тұтынып жатқан ас мәзірі, оның табиғилығы және санитариялық талаптарға сай екендігі &nbsp;маңызды. Сараптамалық топтың жұмысы алдағы уақытта барлық мектепте жалғаспақ", – деп атады Мониторингтік топтың мүшесі Алмас Айтмұқаш.</blockquote>Фото: qaz365.kz

Қатаң тексеріс: мектеп асханаларына мониторинг қалай жүргізіліп жатыр

<a href="https://kyzylorda-news.kz/">Kyzylorda-news.kz</a> Алматының білім басқармасы оқушылардың қазасына байланысты мәлімдеме жасады, деп хабарлайды&nbsp;<a href="https://qaz.ulysmedia.kz/news/19766-shatyrdan-ku-lap-kazap-tapkan-okushylar-bilim-baskarmasy-m-limdeme-zhasady/">Ulysmedia.kz</a>.Алматы қаласының білім басқармасы оқиғаның мән-жайын зерделеу үшін арнайы комиссия құрылғанын хабарлады.<blockquote>"Комиссия оқиғаның себептері мен жағдайларын анықтау үшін тиісті мемлекеттік органдардың қызметкерлерін тартып, жұмыс істейді", — делінген ведомствоның ресми мәлімдемесінде.</blockquote>Тұрғын үй кешенінің маңындағы асфальттан оқушы қыздардың мәйіті табылған. Оқиға куәгерлері төтенше жағдайлар қызметіне хабарлаған. Қайғылы оқиға орнына жедел-жәрдем дәрігерлері мен полиция қызметкерлері жеткенімен, балаларды аман алып қала алмаған.Аталған жағдайға Алматы облысы Полиция департаментінің баспасөз қызметі жауап берді.<blockquote>Бұл дерек бойынша Алмалы аудандық полиция Басқармасы қылмыстық іс қозғады. Оқиғаның себебі мен мән-жайы анықталып жатыр, - деді Алматы қаласы полиция департаментінің ресми өкілі Салтанат Әзірбек.</blockquote>Қайтыс болған қыздардың бірі эко-сарапшы Евгений Мұхамеджановтың қызы екені анықталды.<blockquote>Біздің қызымыз қайтыс болды. Шатырдан құлады. Бұған дейін қала бойынша көптеген баланың шатырдан құлағаны белгілі. Біз оқиғаның видеосын күтеміз. Қаладағы үйлердің шатырына шығу ашық-шашық жатыр, - деді ол Ulysmedia-ға.</blockquote>Евгений Мұхамеджанов – Қазақстандағы танымал эко-сарапшы, ECO Network жобасының негізін қалаушы және азаматтық белсенді.Фото: Ulysmedia.kz.

Шатырдан құлап қазап тапқан оқушыларға қатысты Білім басқармасы мәлімдеме жасады

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев Шиелі ауданына жұмыс сапары кезінде №252 мектеп-гимназияның 375 орындық қосымша оқу ғимаратының құрылысымен танысты.Аудан орталығындағы мектеп-гимназия 1967 жылы салынған, екі қабатты, газбен жылытылады. Наурыз айында 375 орындық, үш қабатты қосымша оқу ғимаратының құрылысы басталған. Бас мердігер «Ахат+ГС» ЖШС, жоба құны – 625,6 млн. теңге. Аймақ басшысы құрылысты сапалы әрі жылдам жүргізуді тапсырды.Айта кетейік, жаңа оқу жылында Шиелі ауданының «Жансейіт» елді мекенінде 100 орындық жаңа мектеп ел игілігіне берілді. Аудан орталығында 200 орындық оқушылар үйі мен 50 орындық өнер мектебінің құрылысы жақын арада басталмақ. Мемлекет басшысының бастамасымен қолға алынған «Жайлы мектеп» ұлттық жобасы аясында 900 орындық мектеп салынады.Шиелі кентінде 30 төсектік жұқпалы аурулар бөлімшесі мен көпбейінді орталық аудандық ауруханаға қосымша ғимарат қосылып, қайта жаңғырту жұмыстары басталды. Өткен жылы Бала би, Досбол датқа, «Бұланбай бауы» елді мекендерінде медициналық амбулаториялар пайдалануға берілді. Биыл облыс аумағында қолға алынған 11 дәрігерлік амбулаторияның 5-уі «Алмалы», Тәжібаев, «Ортақшыл», «Тартоғай», «Бестам» ауылдарында бой көтермек.Шиеліде «Руханият» орталығының құрылысы қарқын алды. Атап өту қажет, дәл осындай ғимараттар өңірдің барлық ауданында салынуда. Орталықтар жыл соңына дейін қолданысқа беріледі.<img src="https://knadmin.beoblood.kz/uploads/Shieli_bilim_m_alim_453e71c3fe.jpg" alt="Шиелі білім мұғалім.jpg"><img src="https://knadmin.beoblood.kz/uploads/Shieli_bilim_o_ushylar_a26e1330db.jpg" alt="Шиелі білім оқушылар.jpg"><img src="https://knadmin.beoblood.kz/uploads/Shieli_o_ushylar_2f93df0cf5.jpg" alt="Шиелі оқушылар.jpg">Фото: Қызылорда облысы әкімінің баспасөз қызметі

Аймақ басшысы Шиелі ауданындағы мектеп құрылысымен танысты

<a href="https://kyzylorda-news.kz/">Kyzylorda-news.kz</a>&nbsp; Алматыда 7-сынып оқушысы&nbsp;сегізінші қабаттан құлап қаза тапқан оқиғаның куәгерлері жаңа деректерді бөлісті. Бұл туралы <a href="https://stan.kz/yyiktatatin-dariler-pishaktar-bar-dayindalip-kelgen-alm-406370/">Stan.kz </a>ақпарат агенттігі КТК телеарнасына сілтеме жасап хабарлайды.Тұрғындар жеткіншектер секіріп кеткен жерден&nbsp;адамның бұлшық етін босатып, ұйықтататын әсері бар бірнеше дәрі тауып алған. Қазір оқиғаға қатысты полиция тергеу жүргізіп жатыр. Әзірге белгілісі екі оқушы сабақ ортасында мектептен шығып кеткен екен.Тоғыз қабатты тұрғын үй қазір құқық қорғау органдарының ерекше бақылауында. Мектеп формасын киген екі қыз үйдің бейнебақылау камерасына түсіп қалған. Таңғы сағат 10 шамасында жасөспірімдер көтеріңкі көңіл-күймен подъездердің біріне кіріп кеткен.<blockquote>“Біреуінің беті&nbsp;төмен қарап жатты. Екіншісі былай. Мен оларды танымаймын. 25 мектептен дейді. Біреуі күрте киген, екіншісі рюкзакпен болды”, &nbsp;–&nbsp;дейді оқиға&nbsp;куәгері&nbsp;Галина Васильева.</blockquote>Куәгерлердің айтуынша, қыздар шатырда жарты сағаттай болған. Қайғылы жағдайдан кейін тұрғындар шатырдан белгісіз препараттарды тауып алған.<blockquote>“Ұйықтататын дәрілер, пышақтар, аяқ киімдер бар. Қысқасы, қыздар дайындалып келген.&nbsp;Оның үстіне олар құлаған кезде ешкім айқайлаған жоқ. Түсінесіз бе? Олар бірдеңе тұтынған”, –&nbsp;дейді оқиға куәгері.</blockquote>Бұл уақытта оқушы қыздардың неліктен сабақта болмағаны әзірге белгісіз. Қыздар оқитын гимназия әкімшілігі түсініктеме беруден бас тартты. Ал қалалық білім басқармасы мектепте тексеріс жүргізіп жатыр, арнайы комиссия құрылған.<blockquote>“Бүгін Алмалы ауданында екі қыздың өмірін қиған қайғылы оқиғаға байланысты Алматы қалалық білім басқармасы істің барлық мән-жайын зерделеу үшін тиісті мемлекеттік органдардың қызметкерлерін тарту арқылы комиссия құрды”, –&nbsp;деді Алматы қалалық білім басқармасының басшысы Сайран Сайфеденов.</blockquote>Сондай-ақ Алматыдағы&nbsp;барлық тұрғын үйлердің шатырлары мен шатырларға&nbsp;кіру жолдары тексерілетін болады.<blockquote>“Алмалы ауданы полиция басқармасы қылмыстық іс қозғады. Оқиғаның себеп-салдары мен мән-жайы анықталып жатыр”, –&nbsp;деді&nbsp;Алматы ПД ресми өкілі Салтанат Әзірбек.</blockquote>Еске салсақ, бұған дейін&nbsp;Алматыда екі оқушы қыз тоғызыншы қабаттан құлап мерт болғаны туралы жазған едік.&nbsp;Фото: Stan.kz&nbsp;

Көп дәрі, пышақ табылған: Алматыда шатырдан құлаған қыздардың өліміне қатысты куәгерлер жаңа деректерді бөлісті

<a href="https://kyzylorda-news.kz/">Kyzylorda-news.kz</a> Қаланың Алмалы ауданында 16 қыркүйек күні ек қыз көпқабатты үйдің терезесінен құлап кеткен, деп хабарлайды <a href="https://qaz.ulysmedia.kz/kogam/19749-almatyda-eki-okushynyn-m-iiti-tabyldy/">Ulysmedia.kz.</a>Тұрғын үй кешенінің маңындағы асфальттан оқушы қыздардың мәйіті табылған. Оқиға куәгерлері төтенше жағдайлар қызметіне хабарлаған. Қайғылы оқиға орнына жедел-жәрдем дәрігерлері мен полиция қызметкерлері жеткенімен, балаларды аман алып қала алмаған.Аталған жағдайға Алматы облысы Полиция департаментінің баспасөз қызметі жауап берді.<blockquote>Бұл дерек бойынша Алмалы аудандық полиция Басқармасы қылмыстық іс қозғады. Оқиғаның себебі мен мән-жайы анықталып жатыр, - деді Алматы қаласы полиция департаментінің ресми өкілі Салтанат Әзірбек.</blockquote>Фото: Ulysmedia.kz.

Алматыда екі оқушының мәйіті табылды

<a href="https://kyzylorda-news.kz/">Kyzylorda-news.kz</a> 2024 жылы 18 қыркүйек күні сағат 15.00-де Ғылым және жоғары білім вице-министрі Ахмед-Заки Дархан Жұмаханұлының ғылым және жоғары білім саласын дамыту мәселелері бойынша Қызылорда облысының тұрғындарымен кездеседі.Кездесу Қызылорда қаласы, Ыбырай Жақаев көшесі 11, Қорқыт ата атындағы Қызылорда университетінің студенттер сарайы мекенжайы бойынша өткізіледі.Кездесу өткізілгеннен кейін азаматтарды жеке мәселелері бойынша қабылдау ұйымдастырылады.Жеке қабылдауға жазылу 8 (7172) 74-19-42 нөмірі бойынша жүргізіледі.Ғылым және жоғары білім саласындағы өтініштерді r.asanova@sci.gov.kz электронды поштасына жіберулеріңізді сұраймыз.

Ғылым және жоғары білім вице-министрі қызылордалықтармен кездеседі

<a href="https://kyzylorda-news.kz/">Kyzylorda-news.kz</a> А.С.Пушкин атындағы орталық кітапхана С.Ысқақов атындағы&nbsp;құрылыс және бизнес колледжімен бірлесіп, XX ғасырдағы Қазақстан мен Орталық Азияның көрнекті мемлекет және&nbsp;қоғам қайраткері &nbsp;Сұлтанбек Қожановтың 130 жылдық мерейтойына арналған «Болмысы бөлек, біртуар тұлға» атты тарихи танымдық кеш өткізді.Рухани шараның негізгі мақсаты – өскелең ұрпаққа мемлекет қайраткері С.Қожановтың өмір жолы мен қызметі туралы ақпарат беру, кітап қорындағы әдебиеттерді насихаттау, кітапханаға оқырман тарту. Бүгінгі кейіпкеріміз қазақ елінің тұтастығы, тәуелсіздігі жолында тер төккен тұлға. Қазақ халқы атынан сөйлеген, жұрттың жоғын жоқтаған арлы да алғыр азамат. Оның өмір жолы, көзқарасы, ұстанымы әлі күнге ескірген жоқ. Қазіргі кезде де өскелең ұрпақ үшін – Тәуелсіздік мұратына қызмет етудің көрнекті үлгісі.Іс-шарада колледждің тарих пәнінің оқытушылары Сұлтанбек Қожановтың өмірі мен қызметі туралы, оның ішінде Сыр өңірінің астана аталуына көп еңбек сіңіргеніне ерекше тоқталды. Сонымен қатар «Рухы күшті, биік азамат» атты слайд &nbsp;көрсетіліп, кітапханашы &nbsp;Назерке Асқарова С.Қожанов туралы баяндалған әдебиеттерге шолу жасады.Тарихи кеш соңында жас буын өкілдері қоғам қайраткерінің ескерткішіне тағзым етті.

 «Болмысы бөлек, біртуар тұлға» атты тарихи танымдық кеш өтті

<a href="https://kyzylorda-news.kz/">Kyzylorda-news.kz</a> Қасым-Жомарт Тоқаев Оқу-ағарту министрі Ғани Бейсембаевты қабылдады,&nbsp;деп хабарлайды&nbsp;<a href="https://qaz.ulysmedia.kz/news/19665-mekteptegi-tragediialar-tokaev-beisembaevka-okushylardyn-kamtamasyz-etudi-zhuktedi/">Ulysmedia.kz.</a>Ғани Бейсембаев еліміздегі мектепке дейінгі, орта, техникалық және кәсіптік білім беру салаларын дамыту мақсатында қабылданып жатқан шаралар жөнінде мәлімет берді. Оның сөзінше:былтыр 137 мың оқушыға арналған 154 жаңа мектеп ашылған. Бұл 29 үшауысымды, 12 апатты мектептің мәселесін шешкен; жаңа оқу жылында 365 мың оқушыға есептелген 221 білім ошағын пайдалануға беру жоспарланып отыр; мектептерді пәндік кабинеттермен жабдықтау көрсеткіші 2 есе артып, интернеттің сапасы жақсарған; тәрбие жұмыстары басым бағыттардың бірі болып қала береді. «Адал адам – Адал еңбек – Адал табыс» жалпыұлттық құндылықтарына негізделген «Біртұтас тәрбие» бағдарламасы қолға алынған;Орта білім сапасын арттыру жайлы министр&nbsp;мектеп оқулықтары толықтай цифрлық форматқа көшірілгенін, Қазақстан атынан халықаралық олимпиадаларға қатысқан әрбір екінші оқушы жүлделі орындарға ие болып жүргенін атап өтті. Былтыр ел оқушылары 58 алтын медаль жеңіп алған. Техникалық және кәсіптік білім беру жүйесін трансформациялау, инклюзивті және арнайы оқытуды дамыту жөніндегі жобаларды таныстырды.Мемлекет басшысы Оқу-ағарту министріне саланы одан әрі жетілдіру және балалардың қауіпсіздігін қамтамасыз ету бойынша бірқатар тапсырма берді.Оқу-ағарту министрі Ғани Бейсембаев білім саласында қордаланған мәселелерге байланысты отставкаға кетесіз бе деген сұраққа жауап берген еді.Кейінгі кездері білім саласында көбейіп кеткен оқыс оқиғаларға Маңғыстауда оқушылардың улануы қосылды. Жаппай улану себебінен еліміздің барлық мектептері&nbsp;тексерілетіні&nbsp;жазылған. Оның алдында&nbsp;Қопа мектебінің оқушылары арасында төбелес болып, салдарынан тоғызыншы сынып оқушысы өлгені&nbsp;белгілі болды.&nbsp;Қызылордада сексуалды құлдыққа түскен оқушы қыздың да оқиғасы бүкіл елде&nbsp;үлкен резонанс туғызған.Коллаж: ulysmedia.kz.

Мектептегі трагедиялар: Тоқаев Бейсембаевқа оқушылардың қауіпсіздігін қамтамасыз етуді жүктеді

<a href="https://kyzylorda-news.kz/">Kyzylorda-news.kz</a> Түркістан облысында тұрғындар&nbsp;Ханарық ауылындағы мектеп директорна наразылықтарын білдіруде. Айтуларынша 14 жыл бойы қызметінен тапжылмаған директор мектепке тек өз туысқандарын алған. Конкурстан өтсе де жұмысқа тұра алмаған жас мамандар директордың бұл әрекетіне ашулы екендерін жеткізді. Бұл туралы <a href="https://stan.kz/tuis-bolganda-agamnin-balasi-karindastarim-sinlilerim-b-406219/">Stan.kz</a> ақпарат агенттігі 31 арнаның <a href="https://www.youtube.com/watch?v=cb2QLTUOc_U">“Информбюро”</a> жаңалықтар бағдарламасына сілтеме жасап хабарлайды.Оқиға Төлеби ауданына қарасты Ханарық ауылында болып отыр. Тұрғындардың айтуынша ауылдағы мектеп бүгінде директордың меншігіне айналып барады. Басшы&nbsp;жұмысқа тек өзінің туыстарын тартумен әлек екен. &nbsp;Динара Расулова күні кеше конкурстан өтіп, жоғары балл жинаған. Педагогты комиссия жұмысқа қабылдауға шешім қабылдапты. Алайда мектепке келгенінде жұмысқа кірмейтінін білген.<blockquote>“Барлығыңыздың балдарыңыз бірдей деген. Содан бізден әңгімелесу тестін алады. Сол әңгімелесуден озып шығамын. Мені аудан басшылығынан келген адам тағайындап кетті. Ал екі күннен кейін басқа бала жұмысқа кіреді. Өзінің туған ағасының баласы”, –&nbsp;деді Дина Расулова.</blockquote>Дипломын алып ауылға келген өзге де жас мамандар ұзақ жылдар бойы жұмысқа орналаса алмай жүргендерін айтып шағымданды.<blockquote>“Бұл жерде барлығының тектері бірдей,&nbsp;туысқан, жора-жолдас. Бәрі бір жерде. Бұл құдды бір әулеттің корпарациясы секілді. Мемлекеттік мекеме емес, тіпті жеке меншікке айналғандай”, –&nbsp;деді&nbsp;Ханарық ауылының тұрғыны Малика&nbsp;Бердібаева.</blockquote>Ал басы дауға қалған директор мектепте туыстарының жұмыс істейтінін жасырмайды. Бірақ көбі "мен келмей тұрып орналасты" деп ақталды.<blockquote>“Туыс болғанда, ағамның баласы. Бірақ ол өткен болғанмен, бұлар сол күні шағым жасайды. Одан кейін мен асықпадым. Ешқандай бұйрық та шығармадым. Менен алдын кірген қарындастарым бар, інілерім бар. Осы жылы директор болғаныма 14-ші жыл болады. 80 пайыз менің қарындасым болады. Менен бұрын кіргені бар, басқасы бар”, –&nbsp;деді Ханарық жалпы орта мектебінің директоры&nbsp;Юсупжан&nbsp;Қорғанбаев.</blockquote>Аудандық білім бөлімінің басшысы директордың мәселесі жуырда басқармада қаралатынын айтты. 14 жылдан бері жылы орнынан жылжымаған басшының ротациялық ауысуына уақыт жеткенін тілге тиек етті. Ал конкурсты өткізерде кемшіліктер жіберген комиссия мүшелеріне шара қолданылмақ.<blockquote>“Басқа мектептерден маман алады. Сөйтіп комиссия құрамыз. Енді үш мұғалімдік қайтадан конкурсқа кіреді. Сол кезде жаңағы үміткерлердің біреуінің сертификаты, біреуінің құжаты қап кетті деп жатыр, енді өткізіп үлгереді бәрін”, –&nbsp;деді&nbsp;Төлеби ауданы білім бөлімінің басшысы Бекайдар Тойлыбаев.</blockquote><figure class="media"><div data-oembed-url="https://www.youtube.com/watch?v=cb2QLTUOc_U"><div style="position: relative; padding-bottom: 100%; height: 0; padding-bottom: 56.2493%;"><iframe src="https://www.youtube.com/embed/cb2QLTUOc_U" style="position: absolute; width: 100%; height: 100%; top: 0; left: 0;" frameborder="0" allow="autoplay; encrypted-media" allowfullscreen=""></iframe></div></div></figure>Фото: Stan.kz

"80 пайызы менің қарындасым": Мектеп директоры 14 жыл бойы өз туысқандарын жұмысқа алған

<a href="https://kyzylorda-news.kz/">Kyzylorda-news.kz</a> &nbsp;Өскеменде&nbsp;№10 мектептің 3-сынып оқушысы анасына&nbsp;асханада берілген тары ботқасынан құрт шыққанын айтқан. Ата-аналар енді балаларының асханадан тамақ ішуіне қарсы, деп хабарлайды <a href="http://skifnews.kz/">Skifnews.kz</a>&nbsp;Анасы оқушының&nbsp;жіберген суретінен ботқаның ішінен шыққан ақ құртты көрген. Сөйтіп бірнеше ата-ана жиналып мектеп директорымен бірге асханаға барды. Сонда ботқа салынған ыдыста құрттардың барына көзі жеткен.&nbsp;Қалалық білім бөлімінің сайтында №10 мектептің күнделікті ас мәзірі бар. Мәзірге&nbsp;қарағанда&nbsp;дүйсенбі күні тары ботқасының әзірленгені&nbsp;белгілі болды. Мәзірмен бірге жүретін&nbsp;бір парақ қағазда жеткізушінің деректері жоқ. Сондай-ақ сайттың құжаттарға арналған бөлімінен де 2023 және 2024 жылдарға арналған келісімшарттар табылмады.Ата-аналар балаларын мектеп асханасына жіберуден бас тартуда. Олар енді балаларға тамақты үйден жасап, беріп жібермек.&nbsp;Фото: Yk.kz

Өскемендегі мектеп асханасында оқушылардың тамағынан құрт шықты

<a href="https://kyzylorda-news.kz/">Kyzylorda-news.kz</a> Бүгін №1 кітапхана қызметкерлерінің ұйымдастыруымен қазақ әдебиетінің негізін қалаушы, ақын І.Жансүгіровтің туғанына 130 жыл толуына орай «Қазақ поэзиясының Құлагері» атты әдеби кеш өтті.Танымдық шараның басты мақсаты – қазақ сөз өнерінің дүлдүлінің өмір жолы мен шығармашылығын жас буынға насихаттап, ұрпақ жалғастығын жаңғырту.«Мен өзім тауда туып, тасында өстім» деп жырлаған ақынымыз Ілияс Жансүгіров – ақын, драмашы, прозашы, оның поэзиясы ұлттық әдебиеттің классикалық байлығының қатарына жатады. Олар қалың оқырманның ойына ой, сезіміне сезім қосады, қиялына қанат бітіреді, эстетикалық ләззат беріп, гуманистік адамгершілік идеяларды толғайды. Әсіресе, поэзияда әдебиеттің алтын қорына айтулы туындыларды дүниеге әкеліп, артына мол көркем мұра қалдырды.Бүгінгі іс-шараға №11 мектеп-лицейінің 8-ші сынып оқушылары қатысты. Кейіпкер туындысынан арнайы кітап көрмесі жасақталып, &nbsp;оларға шолу жасалды.

Қазақстан және Қызылорда облысының жаңалықтары: Білім