<a href="https://kyzylorda-news.kz/">Kyzylorda-news.kz.</a> Қызылордадағы NIS оқушылары «Ахмет. Ұлт ұстазы» телехикаясының сценарисі Ұларбек Нұрғалыммен кездесті.Оқушылар арасында сұранысқа ие жобалардың бірі – «Даналық бейсенбі» аясында Қызылордадағы Зияткерлік мектепке белгілі қазақ жазушысы және ақыны, Ахмет Байтұрсынов туралы алғашқы телехикаяның сценарий авторы Ұларбек Нұрғалым келді.Тікелей эфирге NIS желісіндегі барлық мектеп оқушылары мен ата-аналары, мұғалімдері қосылды. Ұларбек Нұрғалым Ахмет Байтұрсынұлының өмірі мен шығармашылығы туралы тарихи деректермен бөлісті.<blockquote>«Фильм түсіру барысында 6000-ға жуық мұрағаттық материалдар зерттелді. Режиссермен тығыз командалық жұмыстың арқасында біз ұлт мұғалімінің өз еліміздің дамуына қосқан үлесін жеткізіп, көрерменнің жоғары бағасын алдық», - Ұларбек Нұрғалым.</blockquote>Кездесу барысында жазушы жастарды тәрбиелеудегі ұлттық құндылықтардың, ал патриотизмді қалыптастыруда қазақ халқының тарихы мен мәдениетінің рөлін ерекше атап өтті. Ұларбек Нұрғалым Зияткерлік мектептерді Тәуелсіздік жылдарында құрылған бірегей жоба деп атады.<blockquote>«Өте таңдаулы мектепке сапалы білім алып, ғылымда шыңдалып, бірнеше тілді жетік меңгеруге мүмкіндік алдыңыздар. Сол білімдеріңізді келешекте пайдалана білу керек. Қазірден бастап болашақ мамандыққа деген көзқарасты айқындап алу қажет. Бүгінгі дайындаған іргетастарыңыз әрі қарай табысқа апарады», - Ұларбек Нұрғалым.</blockquote>Оқушылар Ахмет Байтұрсынов туралы алғашқы телехикаяны ата-аналарымен бірге тамашалады.<figure class="image"><img src="https://knadmin.beoblood.kz/uploads/Whats_App_Image_2022_11_16_at_12_41_08_7d4de22ac6.jpeg" alt="WhatsApp Image 2022-11-16 at 12.41.08.jpeg"></figure><figure class="image"><img src="https://knadmin.beoblood.kz/uploads/Whats_App_Image_2022_11_16_at_12_41_10_8187864746.jpeg" alt="WhatsApp Image 2022-11-16 at 12.41.10.jpeg"></figure>

NIS оқушылары «Ахмет. Ұлт ұстазы» телехикаясының сценарисі Ұларбек Нұрғалыммен кездесті

<a href="https://kyzylorda-news.kz/">Kyzylorda-news.kz.</a> 17 қараша – Халықаралық студенттер күні. Бүгінде білімі мен шығармашылық өнерін &nbsp;ұштастыру арқылы биіктерді бағындырып жүрген сырбойылық студенттер аз емес. Студенттердің төл мерекесіне орай Өңірлік коммуникациялар қызметінде өткен баспасөз конференциясында «Қазақстан студенттер Альянсының» Қызылорда облысы бойынша филиалының төрағасы Сабыржан Қуандық аталмыш ұйымның атқарған жұмыстарына тоқталды.&nbsp;<blockquote>«Қазақстан студенттер Альянсы ұйымы – жастардың құқықтық, әлеуметтік-экономикалық мәселелерін шешуге және кәсіби бағыт-бағдар беруге ықпал ететін алдыңғы қатарлы республикалық ұйым болып табылады. Қазіргі таңда облыстық штабқа қарасты 3 бөлімше жұмыс істейді. Атап айтқанда, Қорқыт ата атындағы Қызылорда университетінде, М.Мәметова атындағы Қызылорда педагогикалық жоғары колледжінде және Қызылорда медициналық жоғары колледжінің белсенділерінен құрылған топ өкілдері студенттердің әртүрлі бағытта дамуына өз үлестерін қосуда. Біздің ұйымда 150-ге жуық студент мүше ретінде тіркелген. &nbsp;Белсенді жастардың қатысуымен жыл басынан бері 200-ден астам мәдени-көпшілік, спорттық, интеллектуалдық шаралар өткізілді», - деді ұйым төрағасы Сабыржан Қуандық.</blockquote>Қорқыт ата атындағы Қызылорда университетінің студенті, «Халық» республикалық газетінің тілшісі Ердәулет Қалиев пен М.Мәметова атындағы Қызылорда педагогикалық жоғары колледжінің студенті Диляра Ақылбек өздерінің жеткен жетістіктерін баяндап, алдағы жоспарларымен бөлісті.<blockquote>«Жақында өткен Ұлттық мереке Республика күні қарсаңында ҚР ғылым және жоғары білім министрлігі ұйымдастырған «Менің арманымдағы Қазақстан» атты эссе байқауына қатысып, еліміздің түкпір-түкпірінен жиналған студенттер арасында бірінші орынға ие болдым. Одан бөлек түрлі байқаулар мен ғылыми жобаларда жеңіс төрінен көрдім. Осындай мүмкіндіктерді сыйлаған университеттегі барша ұстаздарыма алғыс білдіремін», - деді Қорқыт ата атындағы Қызылорда университетінің студенті Ердәулет Сәрсенұлы.&nbsp;</blockquote>М.Мәметова атындағы Қызылорда педагогикалық жоғары колледжінің студенті Диляра Ақылбек оқу орнында студенттерді қолдауға арналған ауқымды шаралар жиі өткізілетінін айтты.<blockquote>«Қазіргі таңда біздің колледжде жас студенттерді қолдауға арналған ауқымды шаралар жиі өткізіледі. Соның бірі – жақында өткен қайырымдылық шарасында колледж студенттері өздері дайындаған тағамдарын сатып, жиналған қаржы көмекке мұқтаж жандардың игілігіне жұмсалды. Одан бөлек, «Жастар рухы» жастар қанаты ұйымы еркін форматта &nbsp;басқосулар ұйымдастыру арқылы білім алушылар уақыттарын тиімді пайдаланады. «Жас толқын» шығармашылық ұйымы да студенттердің шығармашылыққа бейімділігін одан әрі дамытуға бағытталған ұйым. Мінекей, біздің колледжде осындай ұйымдар арқылы студенттер жан-жақты дамуда. Барша студенттерді мерекелерімен құттықтаймыз», - деді М.Мәметова атындағы Қызылорда педагогикалық жоғары колледжінің студенті Диляра Ақылбек.</blockquote><figure class="image"><img src="https://knadmin.beoblood.kz/uploads/315843821_1667141130348059_6023337643474602001_n_33e3f442fb.jpg" alt="315843821_1667141130348059_6023337643474602001_n.jpg"></figure>

Қызылордалық студенттердің мерейі асқақ

<a href="https://kyzylorda-news.kz/">Kyzylorda-news.kz.</a> «Білекті бірді жығады, білімді мыңды жығады» демекші, бүкіл әлем жұртшылығы білім мен ғылымға бет бұрған заманда бәсекеге қабілетті ұрпақ тәрбиелеу, білімімен мыңды орайтын жастарды қалыптастыру мемлекет болашағы үшін аса маңызды. Кез келген елдің экономикасы әр салаға жетекші бола алатын білікті мамандардың жетерлік болуымен дамиды. Ал білім шыңына шыға алған мемлекет қана әлемдік деңгейде еркін самғап, өз бағытын дұрыс таңдай алады. Сондықтан елдің келешек тұтқасын ұстар ұрпақтың білімді де білікті болуы ең алдымен ұстазға байланысты.&nbsp;Жалағаш ауданына қарасты Таң ауылындағы №118 орта мектептің мұғалімдері бала бойына білім дарытуда, заманның өзгерісіне бейімделе алатын, бәсекеге қабілетті тұлға қалыптастыруда бар білім біліктерін аяған емес. Ұстаздық жолдың жауапты әрі қиын екенін жете түсінген мектеп ұжымы қай істе болмасын ауызбіршілікпен жұмыс жасайды.&nbsp;1981 жылы пайданалуға берілген 624 орындық білім ошағы өткен жылы күрделі жөндеуден өтіпті. Типтік жобадағы мектеп ғимараты қазір заманауи жабдықтармен жабдықталып, талапқа сай білім беруде.&nbsp;<blockquote>«Мұғалімнің негізгі мақсаты – оқушылардың шығармашылық қабілетін, өзіндік таным біліктілігін дамыта отырып, алған білімдерін өмірде қолдана білуге үйрету. Әрине, оңай жұмыс емес. Дегенмен, қанша жылдан бері көптеген шәкірттің қанатын қатайтып, өміріне жететін рухани азық пен тәрбие беріп, үлкен өмірге аяқтандыру ұстаздардың еңбегінің ақталғаны деп білемін. Мектеп мұғалімдері өз іс-тәжірибелерінде күн сайын білім берудегі жаңаша түрлі әдіс-тәсілдерді қолданып, оқушыларды оқу-танымдық, шығармашылық іс-әрекетке ынталандырып және әр оқушының нәтижеге жетуі үшін жағдайын жасауды басты орынға қойып келеді. Сондықтан болар, шүкір, жыл сайынғы нәтижеміз жаман емес. Негізі бүгінгі жас ұрпақ білімді болса, елдің келешегі кемел болары ақиқат. Жастардың білімді болуы жаһандық дәуірде бәсекеге қабілетті мемлекеттің негізін қалауына жол ашады. Мұндағы негізгі ой – білім бәйгесінде биіктен көрінетін білікті маман, уақыт талабына сай, кез келген кезеңде бәсекеге дайын тұлға қалыптастыру», – деген мектеп директоры Бүркітбай Доспанов компьютерлік сауаттылық, шет тілдерін білу әркімнің алға басуына жол ашатын заманауи талаптар екенін айтады.&nbsp;</blockquote>Аталған мектепте қазір 250 оқушы білім алуда. Былтырғы оқу жылының қорытындысы бойынша 11 сыныпты бітірушілердің саны 11 болса, ұлттық бірыңғай тестілеуге 10 түлек қатысып, орташа балл 89,5 пайызды құраған екен. Мемлекеттік грант иегерлерінің саны 7, облыс әкімінің грант иегері 1, ақылы оқу орнына түсушілер саны 3. Ал «Алтын белгіге ие болған» Гүлнафиз Әзілханқызы ұлттық сынамада 125 балл жинап, мектеп мақтанышына айналған. 9 сыныпты бітірушілер саны 20 болса, оның 8-і арнаулы орта оқу орындарына түсіп, қалған 12 оқушы 10 сыныпты жалғастыруда. 9 сыныпты бітірушілердің 2-еуі негізгі орта білімін «Үздік аттестатпен» аяқтаған.&nbsp;Былтырғы жылдың ең басты жетістіктерін республикалық білім сайыстарында сынға түскен Гүлім Алматқызы, Мұхамедали Атымтаев, Нұрдидар Жасұланұлы иемденген. Бұдан бөлек Таң ауылдық №118 орта мектепте аяулы ұстаздарының еселі еңбегін нәтижесіз қалдырмай, мектептің абыройын асқақтатып, жүлделі орындарды еншілеп жүрген оқушылар жетерлік. Биылғы оқу жылының өзінде Толғанай Әуезхан, Ұлмекен Сахи сынды білімді жастар түрлі байқауларда жеңімпаз атанып үлгерген.&nbsp;Осындай білім бәйгесінде талайды артқа тастап кіл мықтының ішінен дараланып, жемісті, жеңісті сәттерді қанжығасына байлап жүрген жүйріктерді баптап, білім нәрімен сусындатып, күш-жігерін білім жолында сарп етіп келе жатқан ұстаздардың да еңбегі қашанда құрметке лайықты екені даусыз. Еселі еңбегі еленген педагогтардың қатарында «Үздік тәлімгер – 2022» атанған мектеп тәлімгері З.Жәнібекова, &nbsp;«Үздік сынып жетекші &nbsp;– 2022» номинациясына ие болған бастауыш сынып мұғалімі Б.Тажмакова, «Үздік қоғамдық – гуманитарлық пәндер бірлестік жетекшісі – 2022» ағылшын тілінің мұғалімі Ж.Нағашыбек, «Үздік бейіндік оқыту жөніндегі орынбасар – 2022» Ж.Есжанов бастаған бірқатар білікті маман иелері бар.&nbsp;Жалпы ауданға қарасты қай білім ошағын алып қарасақ та, нәтижелері көңіл көншітерліктей. Жыл сайын ұлттық тестілеуден де аудан абыройы төмендеген емес. Білімді жастарды қалыптастыруда күш салып жүрген білікті мамандардың да жұмысында жүйе бар.&nbsp; &nbsp;<img src="https://knadmin.beoblood.kz/uploads/21_b4ddb04f61.jpeg" alt="21.jpeg"><img src="https://knadmin.beoblood.kz/uploads/20_4192241656.jpeg" alt="20.jpeg">

Таң ауылдық орта мектебінің жұмысы жүйелі

<a href="https://kyzylorda-news.kz/">Kyzylorda-news.kz.</a> 15 қарашасында республика көлеміндегі барлық техникалық және кәсіптік, орта білімнен кейінгі білім беру ұйымдарында бір мезгілде «Жұмыс беруші күні» аталып өтілуде.Осы орайда Қызылорда облысының білім басқармасының ұйымдастыруымен И.Әбдікәрімов атындағы Қызылорда аграрлық техникалық жоғары колледжінде «Жұмыс беруші күні» ұйымдастырылды.Мақсаты - техникалық және кәсіптік, орта білімнен кейінгі білім беру ұйымдарында кадрларды даярлау сапасын арттыру және жұмыс берушілермен одан әрі тиімді өзара іс-қимыл жасау.Тұжырымдама аясында жұмыс берушілер күні 3 бағыт бойынша жүргізілді. Олар:Академиялық дербестік шеңберінде жұмыс берушілермен өзара іс-әрекет;&nbsp;Дуалды оқыту жүйесіндегі жұмыс берушімен өзара әрекеттесу;&nbsp;Кәсіпорындардың колледждерге қамқорлығы шеңберінде жұмыс берушімен өзара іс-қимыл жасау.Жұмысқа орналасудың, кәсіби құзыретті маман даярлаудың оңтайлы жолы – жұмыс беруші кәсіпорындармен, мекемелермен ынтымақтастық меморандумын жасау.Осы орайда колледж директоры Бахытхан Әбдікәрімов пен «РЦКУ - Қызылорда» Қызылорда коммуналдық қызмет көрсетуді есептеу орталығы» жеке шаруашылық серіктестігінің директоры Асланбек Қалменов және «ҚазСушар» шаруашылық жүргізу құқығындағы республикалық мемлекеттік кәсіпорны Қызылорда филиалының директоры Роллан Ахметов арасында меморандумға қол қойылды. Сонымен қатар тағыда 6 мекемемен оқу орындары арасында меморандум жасалды.Іс-шара нәтижесінде Қазақстан Республикасы Оқу-ағарту министрлігінің Алғыс хатымен 8 мекеме өкілі, облыс әкімдігінің Алғысымен-11 мекеме өкілі, Қызылорда облысы кәсіпкерлер палатасы марапатымен -10 мекеме өкілі,колледж директорының марапатымен 7 мекеме өкілі марапатталды.<figure class="image"><img src="https://knadmin.beoblood.kz/uploads/315775239_1271686993613464_8806025163826125588_n_45b664b653.jpg" alt="315775239_1271686993613464_8806025163826125588_n.jpg"></figure><figure class="image"><img src="https://knadmin.beoblood.kz/uploads/315862877_1271686913613472_4854848786854057070_n_f7116de23b.jpg" alt="315862877_1271686913613472_4854848786854057070_n.jpg"></figure><figure class="image"><img src="https://knadmin.beoblood.kz/uploads/315738308_1271689820279848_5248548354110222016_n_51131d4713.jpg" alt="315738308_1271689820279848_5248548354110222016_n.jpg"></figure><figure class="image"><img src="https://knadmin.beoblood.kz/uploads/315722275_1271689776946519_11249069297454223_n_6f93be7e70.jpg" alt="315722275_1271689776946519_11249069297454223_n.jpg"></figure><figure class="image"><img src="https://knadmin.beoblood.kz/uploads/315670293_1271687083613455_1647074049075332760_n_72d985966f.jpg" alt="315670293_1271687083613455_1647074049075332760_n.jpg"></figure>

Қызылордада «Жұмыс беруші күні» ұйымдастырылуда

<a href="https://kyzylorda-news.kz/">Kyzylorda-news.kz.</a> Облыстық білім басқармасының басшысы Мейрамбек Шермағанбет кезекті жеке қабылдау өткізді. Барлығы 11 тұрғынның талап-тілегін тыңдап, мәселелеріне жауап берді.Келушілердің басым бөлігі жұмысқа орналасу бойынша мәселені көтеріп, сауалдарын қойды.2022 жылдың 1 қаңтарынан бастап педагогтерді жұмысқа қабылдаудың жаңа тәртібі енгізілді. Ережеге сәйкес, бос орындарға толық жүктеме қалыптасқан жағдайда, ұстаздар ашық конкурстық іріктеу арқылы қабылданады. Бос лауазымға конкурс ресми интернет-рессурстарда және облыстық білім басқармасының, қала, аудан бөлімдерінің әлеуметтік желілерінде хабарланады. Бұл ең біріншіден, ашықтықты қамтамасыз етуге бағытталған. Жаңа тәртіппен осы уақытқа дейін 148 маман жұмысқа алынды. Басқарма басшысы жаңа ережеге егжейлі-тегжейлі тоқталып, тиісті түсіндірме жүргізді.Бұдан бөлек, Мейрамбек Шермағанбет қабылдауға келген азаматтардың білім саласы бойынша мемлекеттік қызметке орналасу және колледждерде оқып жатқан студенттердің оқу ақысына байланысты мәселелерін тыңдап, тиісті бөлім басшыларына тапсырма берді.Айта кетейік, басқарма басшының жеке қабылдауы ар аптаның бейсенбі күні, сағат 16:00-ден 18:00 аралығында өткізіледі.<figure class="image"><img src="https://knadmin.beoblood.kz/uploads/313441398_1483753672127833_7824308376637002669_n_66dc66bad7.jpg" alt="313441398_1483753672127833_7824308376637002669_n.jpg"></figure><figure class="image image_resized" style="width:99.18%;"><img src="https://knadmin.beoblood.kz/uploads/314915766_1483753488794518_3345261999880133920_n_c9ae7ffce9.jpg" alt="314915766_1483753488794518_3345261999880133920_n.jpg"></figure>&nbsp;

Педагогтерді жұмысқа қабылдаудың жаңа тәртібі: Қызылордада 148 маман жұмысқа орналасты

<a href="https://kyzylorda-news.kz/">Kyzylorda-news.kz.</a>&nbsp; Қызылорда облыстық білім басқармасының басшысы Мейрамбек Шермағанбет Байқоңырда Төретам кенті, Ақай ауылдық округі және қала тұрғындарымен кездесіп, жеке қабылдау өткізді. Қызылорда өңірінде ел Президентінің "Халық үніне құлақ асатын мемлекет" қағидасы жаңа форматтағы жеке қабылдау барысында көрініс тапты.Келушілер Байқоңыр қаласында орналасқан Қазақстандық білім мекемелерінің Ресей әкімшілігіне төленетін​ коммуналдық төлем бағасы, қала ішінде Қазақстандық балабақшалар санын көбейту, Ақай ауылындағы балаларға арналған оқу түзету орталығын ашу және жұмысқа орналасу бойынша мәселелерін айтты.Жеке қабылдаудан соң Мейрамбек Зинабдинұлы Байқоңыр қаласы Ресей әкімшілігінің орынбасары Николай Адасев және қалалық білім бөлімінің басшысы Елена Киммен кездесіп, білім саласындағы мәселелерді талқылады.Бұдан соң басқарма басшысы қаладағы бірнеше білім беру мекемелерін аралады. №19 «Ивушка» және «Василек» балабақшаларында болды. №274 орта мектебінің материалдық-техникалық базасымен танысты. Сондай-ақ, Төретам кентінде орналасқан №85 орта мектептің күрделі жөндеу жұмысын көріп, сапалы түрде аяқтау үшін тиісті тапсырмалар берді.<figure class="image"><img src="https://knadmin.beoblood.kz/uploads/314337860_1482894165547117_6713737789202045545_n_ec135929fe.jpg" alt="314337860_1482894165547117_6713737789202045545_n.jpg"></figure><figure class="image"><img src="https://knadmin.beoblood.kz/uploads/313202048_1482894125547121_3641691190209591639_n_1331bbcbf1.jpg" alt="313202048_1482894125547121_3641691190209591639_n.jpg"></figure>

Басқарма басшысы Байқоңыр қаласындағы білім беру мекемелерін аралады

<a href="https://kyzylorda-news.kz/">Kyzylorda-news.kz.</a> «QS Asia University Rankings – 2023» рейтингінің нәтижесі бойынша Қорқыт ата атындағы Қызылорда университеті ТОП-551-600 Азияның үздік жоғары оқу орындарының қатарына енді. Рейтингті Quacquarelli Symonds (QS) британдық компаниясы өткізді.&nbsp;2023 жылғы Asia Rankings – осы кезге дейін ең ауқымды түрде өткен рейтинг. Биыл рейтингке 23 елдің 760 университеті енді. Олардың қатарында Қытай, Жапония, Оңтүстік Корея, Тайвань, Гонконг, АӘА, Сингапур, Пәкістан, Иран, Үндістан, Малайзия, Вьетнам, Қазақстан, Өзбекстан, Қырғызстан, Тәжікстан және Түрікменстан және т. б. елдердің оқу орындары бар. Рейтинг нәтижесінде Азияның ең үздік 100 университеті қатарына еліміздің екі университеті кіріп, &nbsp;Қазақстан &nbsp;Орталық Азиядағы жетекші жоғары білім беру жүйесіне айналды. Сонымен қатар, Қазақстан – Орталық Азияның басқа елдері арасында университеті ең көп ұсынылған ел. Рейтингке еліміз бойынша 32 жоғарғы оқу орны енді.&nbsp;Биыл рейтингте университеттердің академиялық білім беру сапасы, жұмыс берушілер арасындағы беделі, ғылыми педагогикалық құрам мен студенттердің арақатынасы, бір қызметкерге шаққандағы жарияланымдар саны, халықаралық ғылыми байланыстар бойынша көрсеткіштері сараланды. Сондай-ақ, университеттің интернеттегі имиджі, PhD дәрежесі бар қызметкерлердің үлесі, бір мақаладағы дәйексөздер саны, шетелдік қызметкерлер және шетелдік студенттер үлесі де ескерілді.Қорқыт ата атындағы Қызылорда университетінің Asia Rankings әлемдік рейтингіне енуі қазақстандық жоғары оқу орындары арасында да, әлемдік білім беру кеңістігінде де университеттің бәсекеге қабілеттілігі мен имиджін нығайтады. Айта кету керек, 2019-2020 оқу жылымен салыстырғанда университетте білім алушылар саны 70%-ға артып, 9014 адамды құрады.Бүгінде білім ордасында 5 институт, 24 кафедра, 5 ғылыми орталық қызмет етеді. Жалпы профессор-оқытушылар құрамы 560 адамды құрайды. Оның ішінде 22 ғылым докторы, 176 ғылым кандидаты, 37 философия докторы (PhD) бар.<figure class="image"><img src="https://knadmin.beoblood.kz/uploads/Korkyt_e681bf60f3.jpg" alt="Коркыт.jpg"></figure>

Қорқыт ата атындағы Қызылорда университеті Азияның үздік жоғары оқу орындарының қатарына енді

<a href="https://kyzylorda-news.kz/">Kyzylorda-news.kz.</a> Жалпы білім беретін пәндер бойынша NIS оқушылары арасында өткен желілік ғылыми жобалар байқауында қызылордалық зияткерлер жеті ІІІ орын және бір І орын жеңіп алды.Қола жүлдегер атанған 10-сынып оқушылары Сания Мұратова мен Жансая Өтепбергенова егін алқаптарын суаруда автоматтандырылған жүйені қосуды ұсынады. Жас ғалымдар жасаған агроплатформа егіс алқаптарын оңтайлы суару мәселесін шешеді және ең бастысы су ресурстарын үнемдейді.Ал 11-сынып оқушысы Еңлік Мұратбек пен Назгүл Ыдырыс егін алқаптарының өнімділігін бақылау және өнім көлемін болжау технологиясын ойлап тапты. Бұл автоматты жүйе егіншілердің жұмысын оңтайландырып, өнімділігін арттыруға мүмкіндік береді.<blockquote>«Автоматты қондырғымыз топырақ пен ауа температурасын анықтап, судың мөлшері бойынша ақпарат жинауға мүмкіндік береді. Бұл мәліметтерді радио арқылы қабылдағышқа жеткізіп, ауыл шаруашылық саласын жандандыруға септігін тигізеді», – дейді жоба жетекшісі, информатика пәнінің мұғалімі Әділжан Науан.</blockquote>Мал шаруашылығын цифрландыру бағытында тың идеяларымен үздік танылған Нұрдаулет Әділбек пен Аружан Мұхамбетия ауланы тазарту, қалдықтарды нығыздау, жемді ұнтақтау және тарату қызметтерін адам басқаруынсыз автоматты түрде орындайтын бағдарлама ойлап тапты.Жалпы еліміздің түкпір-түкпірінен 150-ге жуық жоба авторлары бәйгеге түскен сайыста сырбойылық зияткерлер IT саласы, қоршаған ортаны қорғау, техника, механика, қолданбалы математика және «Туған елге тағзым» бағытында өнертабыстарын таныстырып, сегіз жүлделі орынға ие болды.Атап айтқанда, Сания Мұратова, Жансая Өтепбергенова – ІІІ орын (жетекшілері: Мұхтар Әбілмаев, Айбек Қиянбеков), Еңлік Муратбек, Назгүл Ыдырыс – ІІІ орын (жетекшілері: Әділжан Науан, Серік Ахметов, Мади Жұматаев), Жанайым Сәлімжанқызы – ІІІ орын (жетекшілері: Сәндігүл Сүлейменова, Сәкен Сүлейменов), Бекжан Бектұрған – ІІІ орын (жетекшісі: Нұрбол Уақбаев), Даяна Хегай – ІІІ орын (жетекшісі: Мақпал Cерікбол), Нұрдаулет Әділбек, Аружан Мұхамбетия – ІІІ орын (жетекшілері: Анар Кенесары, Серік Ахметов), Жанар Сабихан Жанар – І орын (жетекшілері: Женісбек Жалмұрзаев, Сәкен Сүлейменов), Айхан Орынбай – ІІІ орын (жетекшісі: Күлжақан Өксікбаева, Қуандық Әскербеков).<figure class="image"><img src="https://knadmin.beoblood.kz/uploads/313425363_3239990032997575_6552215497266769438_n_c513d1255c.jpg" alt="313425363_3239990032997575_6552215497266769438_n.jpg"></figure><figure class="image"><img src="https://knadmin.beoblood.kz/uploads/314318246_3239989842997594_3103537833095019017_n_a39ad2fc58.jpg" alt="314318246_3239989842997594_3103537833095019017_n.jpg"></figure><figure class="image"><img src="https://knadmin.beoblood.kz/uploads/313412810_3239989999664245_607056592667168572_n_81887d5cba.jpg" alt="313412810_3239989999664245_607056592667168572_n.jpg"></figure>

Қызылордалық зияткерлердің егін шаруашылығын цифрландыру жұмыстары республикалық додада үздік деп танылды

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университетінде 31 қазанда Оңтүстік Кореядан келген делегациямен кездесу өтті. Жиында екі елдің білім беру саласындағы ынтымақтастығын нығайту мәселелері талқыланды.Кездесуде Қорқыт ата атындағы Қызылорда университетінің Басқарма Төрағасы – Ректоры Бейбіткүл Кәрімова қазіргі уақытта университет 170-тен астам шетелдік оқу орны, мәдени және ғылыми орталықтармен ынтымақтастық байланыста екенін атап өтті. Бұл елдердің ішінде Корея Республикасы ерекше орын алады.<blockquote>«Өткен жылы Корея университеттерімен ынтымақтастықты дамыту жобасы бойынша Корея Республикасы Білім министрлігі делегациясының қатысуымен онлайн кездесу өтті. Жиында университет Кореяның Білім министрлігіне ақпараттық технология мамандықтарын жаңғырту және динамикалық роботтық жүйелер зертханасын құру туралы ұсыныс жіберген болатын. Корея Республикасының Білім министрлігі Корея мен Қазақстан арасындағы жоғары білім саласындағы екіжақты ынтымақтастықты ілгерілету үшін 2023 жылы халықаралық ынтымақтастық бойынша жетекші университет (LUPIC) жобасын бастауды ұсынды. Бұл жобаны үйлестіруші университет ретінде Сеул ұлттық ғылым мен технология университеті таңдалды. Сеул ұлттық ғылым және технологиялар университетінің информатика және инжиниринг департаментімен бірлесіп «Жасанды интеллект және информатиканың жаңа мектебін және бизнес-инкубациялық орталықты құру» жобасы әзірленді», – деді Бейбіткүл Сәрсемханқызы.</blockquote>Университетте өткен кездесуде бюджет жөніндегі арнайы комиссияның төрағасы, Кореяның ұлттық қаһарманы, генерал Хон Бом До қоғамының төрағасы У Вон Сик Қорқыт ата атындағы Қызылорда университетінде Сеул ұлттық ғылым және технологиялар университеті &nbsp;инженерлік мектебінің филиалын кезең-кезеңімен ашу жоспарлануда екенін айтты.Бірінші кезеңде дайындық процесі жүргізіледі. Педагогикалық ұжымды, үш білім беру бағдарламасы бойынша студенттер контингентін (киберқауіпсіздік, информатика, жасанды интеллект), материалдық-техникалық және оқу-әдістемелік материалды базаны қалыптастыру (2022 жылғы желтоқсан – 2023 жылғы қазан).Екінші кезеңде бірлескен бағдарламалар тіркеліп, инженерлік мамандарды даярлау басталады (2023 жылдың қазаны – 2026 жылдың желтоқсаны).Сондай-ақ, 1937 жылы КСРО аумағынан Қызылордаға жер аударылған Кореяның ұлттық батыры Хон Бом Доның құрметіне университетте мұражайдың ашылатыны туралы келісім жасалды. Генерал Хон Бом До 1943 жылы 25 қазанда 75 жасында Қызылордада қайтыс болды. Айта кетейік, Қазақстан Республикасының Президенті Қасым-Жомарт Тоқаев 2021 жылғы 17 тамызда Оңтүстік Кореяға ресми сапары барысында Корей халқының ұлттық қаһарманы Хон Бом Доны еске алуға арналған рәсімге қатысты. Өз сөзінде Кореяның ұлттық қаһарманы генерал Хон Бом До сүйегінің тарихи отанына қайтарылуы Қазақстанның корей халқына деген шынайы құрметінің көрінісі деп атады.Сеул ұлттық ғылым және технологиялар университетімен бірлесіп жұмыс жүргізу Қызылорда облысының және жалпы еліміздің экономикалық және цифрлық дамуына үлкен үлес қосады.Кездесу барысында Кореядан келген делегация университет кітапханасындағы «Қолжазбалар және сирек кітаптар» бөлімінің қорымен танысты. Корей тіліндегі сирек кітаптар мен қолжазбалар қонақтардың үлкен қызығушылығын тудырды.Айта кету керек, университетте 1992 жылдан бері Корея Республикасы Елшілігінің Білім беру орталығы мен Корея халықаралық ынтымақтастық агенттігінің волонтер оқытушылары жұмыс істейді. Корей тілі бағдарламасы ашылғаннан бері Кореядан келген 20-дан астам оқытушы 2 жыл жұмыс істеп, студенттерге корей тілі мен мәдениетін үйретті. Қазіргі уақытта «Шетел тілдері және аударма» кафедрасында 2 волонтер оқытушы жұмыс істейді. <img src="https://knadmin.beoblood.kz/uploads/313973469_3272644289618750_2524924202688675397_n_9ef5f8a233.jpg" alt="313973469_3272644289618750_2524924202688675397_n.jpg"><img src="https://knadmin.beoblood.kz/uploads/313404662_3272644316285414_6282083756553580855_n_8d2d971cfd.jpg" alt="313404662_3272644316285414_6282083756553580855_n.jpg"><img src="https://knadmin.beoblood.kz/uploads/313406261_3272644469618732_774568477103548352_n_a74425d28a.jpg" alt="313406261_3272644469618732_774568477103548352_n.jpg"><img src="https://knadmin.beoblood.kz/uploads/314111524_3272644309618748_2114240518547152680_n_cbb85038d3.jpg" alt="314111524_3272644309618748_2114240518547152680_n.jpg"><img src="https://knadmin.beoblood.kz/uploads/313425060_3272644482952064_3454866960048653188_n_4a9531c2d6.jpg" alt="313425060_3272644482952064_3454866960048653188_n.jpg"><img src="https://knadmin.beoblood.kz/uploads/313216557_3272644502952062_7595878026329340189_n_4868174431.jpg" alt="313216557_3272644502952062_7595878026329340189_n.jpg">

Қызылордада Сеул ұлттық ғылым және технологиялар университетінің инженерлік мектебі филиалын ашу жоспарлануда

<a href="https://kyzylorda-news.kz/">Kyzylorda-news.kz.</a> «Дарын» республикалық ғылыми-практикалық орталығының ұйымдастыруымен өткен «Менің кіші Отаным» атты республикалық байқауда Қызылорда қаласындағы Зияткерлік мектептің оқушысы Зухра Өмірзақ ІІ дәрежелі дипломмен марапатталды.Үздіктердің үздігі атану үшін Қазақстанның барлық облыстарынан, Астана, Алматы және Шымкент қалаларынан 100-ге жуық оқушы бәсекеге түсіп, бақтарын сынады. Туған елдің тарихына аса қызығушылық танытқан өрендер «Менің кіші Отанымның тарихы», «Кіші Отанымның символы», «Менің кіші Отанымның болашағы» және «Менің туған өлкем» секілді төрт бағытта зерттеу жұмыстарын ұсынды.Сыр бойынан NIS құрамында сынға түскен Зухра Өмірзақ еліміздегі көрікті ауылдардың бірі – Нағи Илиясов елді мекені туралы зерттеу жүргізіп, ауыл тарихын, даму үдерісін арнайы бейнефильм арқылы таныстырды:<blockquote>«Нағи Ілиясов – «Ауылдардың астанасы» атағын бекерден алған жоқ. Елім деп ерен еңбек еткен аға-буындарымыз бен жергілікті тұрғындардың қолдауының арқасында Нағи Ілиясов ауылы гүлденген, берекелі ауылға айналып отыр. Менің мақсатым – елін сүйер ер азаматтарды үлгі-өнеге ету және ауылдарды дамыту арқылы еліміздің дамуына үлес қосу.</blockquote>Еліміздің үздік жас тарихшыларын анықтауға бағытталған байқау бірнеше кезеңде өтті.<blockquote>«Алдымен қатысушылар «Қазақстан тарихы» пәні бойынша білімдерімен сынға түсіп, шығармашылық кезеңде жүлделі орындарға таласты. Шәкіртімнің жетістігімен мақтанамын», – дейді жетекшісі, тарих пәнінің мұғалімі Айгүл Зейнулла.</blockquote>

Сырбойылық зияткер Зухра Өмірзақ жас тарихшылар сайысында күміс медаль алды 

Kyzylorda-news.kz. Қорқыт ата атындағы Қызылорда университетінің 85 жылдық мерейтойы аясында І Түлектер форумы өтті. Жиында әр салада табысты еңбек етіп жүрген көшбасшы түлектер бас қосты.&nbsp;Жиында ҚР Парламент Мәжілісінің депутаты, университет түлегі Ғалым Әміреев білім ордасы жаңа даму деңгейіне көтерілгенін және алдағы уақытта да ауқымды бастамалардың жүзеге асуына үлес қосатынын жеткізді.&nbsp;Ал, Қызылорда облысы әкімі аппаратының басшысы Шахмардан Байманов университет көптеген жастың тұлға болып қалыптасуына үлкен ықпал еткеніне тоқталды. Сондай-ақ, енді үздік түлектер студенттермен жиі кездесіп, «жетістіктер формуласы» атты шеберлік сағатын өткізіп, байланыс орнату керегін айтты. Шарада университеттің Басқарма Төрағасы – Ректор Бейбіткүл Кәрімова &nbsp;оқу орнының стратегиялық дамуына түлектердің қосқан үлесі ерекше екенін атап өтті.<blockquote>«Университетте 2005 жылдан бастап Түлектер қауымдастығы жұмыс жасайды. Түлектеріміздің қамқорлығымен үнемі материалдық-техникалық базаны нығайту және университетті дамыту мақсатындағы жұмыстар атқарылуда. Әсіресе, ғылыми-зерттеу бағытындағы лабораторияларды ашуға үлкен демеушілік жасалуда. Қазіргі таңда университетіміз түлектермен жұмыс жасаудың жаңа кезеңіне қадам басқалы тұр. Халықаралық және отандық үздік оқу орындарының тәжірибесі зерттелді. Болашақта өздеріңіз секілді Отанымызға қажетті мықты кадрларды тәрбилеу үшін университеттің жан-жақты стратегиялық дамуы өте маңызды және осы бағытта бірлесіп жұмыс атқаруға шақырамын» – деді Бейбіткүл Сәрсемханқызы.</blockquote>Түлектер қауымдастығының тең төрағасы, И.Әбдікәрімов атындағы Қызылорда аграрлық-техникалық жоғары колледжінің директоры, физика-математика ғылымдарының докторы, профессор Бахытхан Әбдікәрімов, қауымдастықтың тең төрағасы, техника ғылымдарының докторы, профессор Мақсұт Досжанов ұйымның осы кезге дейінгі жұмысына тоқталып, қауымдастық университет пен түлектер арасындағы мықты байланыстың орнауына ықпал еткенін айтты.Форумда «Мансап» ЖШС бас директоры, іскерлік әкімшіліктендіру магистрі(MBA), ағылшын тілі мамандығының түлегі София Абдуразакова, «First Heartland Jysan Bank» АҚ Қызылорда облысы филиалының директоры, іскерлік әкімшіліктендіру докторы(DBA), халықаралық қатынастар мамандығының түлегі &nbsp;Роман Цой, филология ғылымдарының докторы, профессор, университет түлегі Жеңіс Сәдуақасұлы пікір білдірді.&nbsp;Айта кету керек, университетте 2021 жылдан бастап Эндауменд қоры құрылды. Алдағы уақытта университет дамуына үлес қосқан шәкірттерге арнайы «Алтын түлектердің тақтасы» және «Біздің түлектер» атты электронды кітабы әзірленеді.Жиында Түлектер қауымдастығының жаңа жетекшісі болып университеттің корпоративтік хатшысы, «Экономикалық теория және мемлекеттік басқару» кафедрасының аға оқытушысы, экономика ғылымдарының кандидаты Гүлшат Дүзелбаева сайланды.&nbsp;Сондай-ақ, бірқатар түлектер Қорқыт ата атындағы Қызылорда университетінің «Үздік түлек» медалімен марапатталды. Форум соңында түлектер еркін форматта пікір алмасып, университеттің стратегиялық дамуын талқылады. Алдағы уақытта университет пен Түлектер қауымдастығы оқу ордасын дамыту бойынша бірлескен жол картасын даярлау жөнінде келісімге келді. <img src="https://knadmin.beoblood.kz/uploads/312555283_613083067227896_8840067617201305309_n_b6ddfbc83d.jpg" alt="312555283_613083067227896_8840067617201305309_n.jpg"><img src="https://knadmin.beoblood.kz/uploads/313421585_613082910561245_2697374380013127543_n_49574b5e98.jpg" alt="313421585_613082910561245_2697374380013127543_n.jpg"><img src="https://knadmin.beoblood.kz/uploads/313422780_613082653894604_3993459136787059234_n_ed5f1a09b1.jpg" alt="313422780_613082653894604_3993459136787059234_n.jpg">

Қызылордада І Түлектер форумы өтті

<a href="https://kyzylorda-news.kz/">Kyzylorda-news.kz.</a> NIS оқушылары арасында өткізілген волейболдан желілік спартакиаданың аймақтық кезеңі өз мәресіне жетті.Спартакиаданың жабылу салтанатында Назарбаев Зияткерлік мектептерін дамыту департаменті директорының орынбасары Аида Ағаділ қызықты ойын өрнегін көрсеткен ойыншыларға барлық жанкүйерлер атынан &nbsp;алғысын білдірді.<blockquote>«Спартакиада барлығымыз үшін тәжірибе алаңы болды деп ойлаймын. NIS атты жанұяның 100-ге жуық оқушысы бір-бірімен дос болып, әртүрлі дағдыларды меңгере алды. Бұл үш күнде мектептер арасында ынтымақтастық орнатуға жол салынды. Ақтық кезеңге жолдама алған оқушыларға алдағы додада сәттілік тілеймін», - дейді Аида Ағаділ. &nbsp;</blockquote>Оңтүстік өңірлердің басын қосқан үш &nbsp;күндік тартысты додада қыздар арасында сырбойылық команда жеңіске жетсе, тараздық ер балалар бірінші орынды иеленді. &nbsp;Алматыдағы Зияткерлік мектеп қыздары &nbsp;мен &nbsp;қызылордалық ұлдар командасы күмістен медаль тағып, жүлдегерлер қатарынан көрінді. Ал жеңімпаздар тұғырының үшінші сатысына Тараздағы NIS сұлулары мен Алматыдағы Зияткерлік мектептің ұлдар тобы орналасты.Спорттық сайыста ерекше көзге түскен Арнұр Бақытжан (Түркістан) мен Мадина Рүстемова (Шымкент ХББ ) «Үздік ойыншы», Ерасыл Сәдуақас (Шымкент ХББ) мен Амина Исабек (Шымкент ФМБ) «Үздік қорғаушы», Семен Матвеев (Алматы ХББ) пен Алема Абдухамит (Тараз) «Үздік шабуылшы», Қанат Абдуашим (Шымкент ФМБ ) мен Аделя Жайлаубаева (Алматы ХББ) «Үздік үйлестіруші» номинацияларымен марапатталды.<figure class="image"><img src="https://knadmin.beoblood.kz/uploads/Whats_App_Image_2022_11_03_at_20_07_09_a9526cb06b.jpeg" alt="WhatsApp Image 2022-11-03 at 20.07.09.jpeg"></figure><figure class="image"><img src="https://knadmin.beoblood.kz/uploads/Whats_App_Image_2022_11_03_at_20_07_07_1ed9364bd6.jpeg" alt="WhatsApp Image 2022-11-03 at 20.07.07.jpeg"></figure><figure class="image"><img src="https://knadmin.beoblood.kz/uploads/Whats_App_Image_2022_11_03_at_20_07_08_21d9246094.jpeg" alt="WhatsApp Image 2022-11-03 at 20.07.08.jpeg"></figure>

Қазақстан және Қызылорда облысының жаңалықтары: Білім