<a href="https://kyzylorda-news.kz/">Kyzylorda-news.kz.</a> Бүгін магистратура бойынша мемлекеттік білім гранты иегерлерінің есімдері белгілі болды.&nbsp;Мемлекеттік гранттар республикалық комиссия отырысының қорытындысы бойынша берілген. Комиссия құрамына мемлекеттік органдардың, үкіметтік емес ұйымдардың өкілдері, журналистер және Қазақстан Студенттер альянсының өкілдері кірді.Білім беру гранттарын тағайындау конкурсына барлығы 2029 адам қатысса, коммиссия қорытындысы бойынша 1774 үміткер мемлекеттік білім беру грантының иегері атанды. Оның ішінде бейіндік магистратура бойынша – 100 грант.Оқуға құжат қабылдау 10 қаңтарға дейін жүзеге асырылады, ал оқу ЖОО-ның академиялық күнтізбесіне сәйкес басталады.Грант иегерлерінің толық тізіммен <a href="https://www.inform.kz/download/2022/magistr292022.pdf">мына</a> сілтемеге өту арқылы танысуға болады. &nbsp;

Магистратура бойынша комиссия отырысының қорытындысы шықты

<a href="https://kyzylorda-news.kz/">Kyzylorda-news.kz.</a>&nbsp; Танымал әнші, отандасымыз Димаш Құдайберген халықаралық «Болашақ» стипендиясына ие болды, деп хабарлайды <a href="https://www.inform.kz/kz/dimash-kudaybergen-bolashak-stipendiyasyna-ie-boldy_a4017815">ҚазАқпарат.</a>Бүгін «Болашақ» халықаралық стипендиясы иегерлерінің тізімі жарияланды. Республикалық комиссия шешімімен биылғы халықаралық стипендия 178 адамға тағайындалды.Оның ішінде 60 адам әлемнің үздік жоғары оқу орындарының магистратурасына, 8 адам докторантурасына түсті. Сондай-ақ, 110 стипендиат «Тағылымдама» бағдарламасы бойынша біліктілігін арттырады.Аталған стипендияға ие болғандардың тізімінде белгілі әнші Димаш Құдайберген де бар. Бірақ қандай оқу орнына түскені белгісіз.Айта кетсек, «Болашақ» стипендиясының иегерлері әлемнің 20 елінде академиялық білім алады және тағылымадаман өтеді.Мемлекет басшысының тапсырмасы аясында «Болашақ» бағдарламасын қайта бағдарлау процесі іске қосылды. Енді басымдық инженерлік-техникалық кадрларды даярлауға беріледі.

Димаш Құдайберген «Болашақ» стипендиясына ие болды

<a href="https://kyzylorda-news.kz/">Kyzylorda-news.kz.</a> Тарих қойнауына енгелі тұрған барыс жылы білім саласы үшін табысты болды. Ұстаздар түрлі деңгейдегі байқауларда топ жарып, оқушыларымыз үздіктер қатарынан көрінді.Бүгін облыстық білім басқармасы мен кәсіподақ комитетінің ұйымдастыруымен жылдың қорытынды кеші өткізілді. Салтанатты шараға білім саласында жемісті еңбек етіп, саналы ғұмырын ұстаздық қызметке арнаған білім саласының ардагерлері мен білім жанашырлары, педагогтер қатысты. Мерекелік кеште басқарма басшысы М. Шермағанбет әріптестерді жаңа жылмен құттықтап, жыл бойы атқарылған жұмыстар мен жетістіктерге тоқталды.<blockquote>«Биыл ұстаздарымыз үлкен белестерді бағындырды. Атап айтқанда, дәстүрлі өтетін «Үздік педагог-2022» республикалық байқауына қатысқан 4 ұстазымыз үздіктер қатарынан көрініп, жеңімпаз атанды. «WorldSkills» ұлттық чемпионатында колледж студенттері 2 алтын, 1 күміс, 1 қола медаль олжалап, жетістігімізді еселеді. Әрине, мұның барлығы да ұстаздарымыздың маңдай тер еңбегінің, күн-түн демей, уақытпен санаспай жасаған ерен жұмысының арқасы», - деді басқарма басшысы.</blockquote>Жылжабар тұста ардақты мамандық иелеріне құрмет көрсетілді. Биыл сала ардагерлері Ермағамбетова Күләй Сағындыққызы – 75 жасқа, Оспанова Гүлзия Жұмағалиқызы – 70 жасқа, Жанибеков Назир Мадемханұлы – 70 жасқа толып отыр. Салтанатты шарада басқарма басшысы М. Шермағанбет абыройлы қызмет етіп, салада өзіндік қолтаңбасын қалдырған ұлағатты ұстаздарды мерейлі мерекелерімен құттықтап, ілтипат көрсетті.Жиында «Білім және ғылым қызметкерлерінің кәсіподағына сіңірген еңбегі үшін» белгісін, ҚР Кәсіподақтар Федерациясының Құрмет грамотасын, Қазақстандық оқу-ағарту, ғылым және жоғары білім қызметкерлерінің салалық кәсіподағының Құрмет грамотасын табыс етті. Мұнан соң жыл бойы зор жетістікке жеткен білім беру ұйымдарына «Үздік әлеуметтік әріптес»,​ «Озық идеялар мен технологиялар ордасы», «Ынтымағы жарасқан ұжым» номинациялары табысталды. Бұдан бөлек, республикалық байқауларда топ жарып, үздік атанған білім ордалары «Үздік білім беру ұйымы -2022» номинациясымен, халықаралық, республикалық кәсіби байқауларды бағындырған және жеңімпаз шәкірт даярлаған ұстаздар «Жыл үздігі»​ номинациясымен марапатталды.<figure class="image"><img src="https://knadmin.beoblood.kz/uploads/322258222_686251616336657_2777681677089972713_n_138a67cd2f.jpg" alt="322258222_686251616336657_2777681677089972713_n.jpg"></figure>&nbsp;<figure class="image"><img src="https://knadmin.beoblood.kz/uploads/322318368_5824614007624683_2239817503066250780_n_1897d3184d.jpg" alt="322318368_5824614007624683_2239817503066250780_n.jpg"></figure>

Қызылордада білім саласының үздіктері марапатталды

<a href="https://kyzylorda-news.kz/">Kyzylorda-news.kz.</a> Бас санитария дәрігер - Денсаулық сақтау вице-министрі Айжан Есмағамбетова балалар арасында тұмаудың өршуіне байланысты Қазақстан халқына үндеу жолдады, - деп хабарлайды&nbsp;<a href="https://kaz.tengrinews.kz/">Tengrinews.kz</a>&nbsp;порталы.Вице-министрдің айтуынша, эпидемиялық маусым басталғалы, яғни 1 қазаннан бері Қазақстанда 2,2 миллион жіті респираторлық вирустық инфекциялар және 2 284 тұмау жағдайы тіркелген, аурудың 65 пайызы 14 жасқа дейінгі балаларда кездескен.Бас санитария дәрігері Қазақстан халқына балаларды адам көп жиналатын жерлерге апармауды сұрап үндеу жолдады.<blockquote>"Ата-аналарға өтініш айтқым келеді. Бүгінгі күні барлық әлеуметтік желілерде балалардың дене қызуы көтеріліп, оны түсіру қиынға соғатыны туралы ақпарат толып жатыр. Өтініш, қазіргі жағдайды ескеріп, балалардың денсаулығына абай болыңыздар. ЖРВИ және тұмау балаларда асқынып тұр. Жаңа жыл мересі кезінде және қаңтарда аурушаңдықтың жоғарылауына байланысты балаларды мектеп пен балабақшаға, сауда орталықтарына және басқа да адам көп жиналатын орындарға апармаңыздар", - деді Айжан Есмағамбетова.</blockquote>

Бас санитария дәрігері қазақстандық ата-аналарға үндеу жасады

<a href="https://kyzylorda-news.kz/">Kyzylorda-news.kz.</a> 6 жасқа толған жеткіншектер балабақшадан шығарылмайды. Олар оқу процесі толық аяқталғанға дейін мектепке дейінгі ұйымда тәрбие алады. Бұл туралы ҚР Оқу-ағарту министрі Асхат Аймағамбетов айтты, деп хабарлайды ҚазАқпарат.<blockquote>«Мектепке дейінгі ұйымда бала 6 жасқа толған күннен бастап қаржыландырудың тоқтатылуы, жеткіншектерді мектепке дейінгі ұйымнан және мемлекеттік білім беру тапсырысынан шығаруға ведомствоның нормативтік-құқықтық актілерінде ондай заңнамалық негіз жоқ екенін хабарлаймыз» делінген Асхат Аймағамбетовтің Мәжіліс депутаттарының сауалына берген жауабында.</blockquote>Оның айтуынша, балабақшадағы тәрбие мен оқыту саласындағы қызмет нақты реттелген.Балалар контингентін мемлекеттік тапсырыспен қамтамасыз ету және заңнама талаптарын сақтау мәселесі биыл ақпан, тамыз айларында өткізген кеңестерде қаралды.Білім беру қызметін көрсету және мектеп жасына дейінгі балаларды тәрбиемен және оқытумен қамту бөлігінде нақты тапсырмалар мен ұсынымдар берілді.<blockquote>«Жергілікті атқарушы органдар немесе балабақшалар жағынан мектепке дейінгі тәрбиемен және оқытумен қамту немесе қаржыландыру бөлігінде заңнама нормаларының бұзылғанын растайтын фактілер болған жағдайда, Министрлікке хабарлауды сұраймыз. Балалар құқықтарын бұзу және оларды мектепке дейінгі ұйымдардан шығару жөніндегі депутаттық сауал үшін негіз болған фактілер анықталғанда, Министрлік қатаң шаралар қабылдауға әрі баланың білім алу құқығын қалпына келтіруге дайын», - деп жазды министр.</blockquote>

6 жасқа толған жеткіншектер балабақшадан шығарылмайды

<a href="https://kyzylorda-news.kz/">Kyzylorda-news.kz.</a>&nbsp; Бүгін Қарауылтөбе ауылындағы А.Хангелдин атындағы №179 орта мектеп базасында алғашқы әскери және технологиялық дайындық пәні мұғалімдері арасында «АӘТД БАРЫСЫ » турнирі өтті. Ашылу салтанатына Қызылорда қаласы бойынша білім бөлімінің әдіскері Бағлан Аманбекұлы, мектеп директоры Асқар Ануарұлы, Қызылорда қаласының қорғаныс істері жөніндегі басқарма бастығының міндетін атқарушы Мұхтар Нұрханов және қазақша күрестен Әлем чемпионы, «Евразия барысы» Нұрым Сәлімгерей қатысып, балуандарға сәттілік тіледі.<blockquote>«Ұлттық спорт түрлері – ата-бабаларымыздан келе жатқан асыл мұрамыз. Біз оны көзіміздің қарашығындай сақтап, дамытуымыз керек. Бұл бағыттағы жұмыстарымыз аз емес. Оның айғағы ретінде қазақ күресінен Әлемдік деңгейде биік тұғырлардан көрінген, әлем чемпионатының жеңімпазы, әлем барысының күміс жүлдегері, Евразия барысы жеңімпаздарын айта аламыз. Бүгінгі жарыс барысында балуандарға сәттілік тілеймін», – деді Асқар Ануарұлы.</blockquote>Ұлттық қазақ күресін бұқара арасында кеңінен насихаттап, дамыту мақсатында ұйымдастырылған турнир биыл тұңғыш рет өтті. Қазақ спортын, оның ішінде ұлттық күресті насихаттауға бағытталған бірігей жоба елдің көңілінен шығып, сүйікті жарысына айналды. Кім мықтыны анықтайтын сайысқа қала мектептерінен сайдың тасындай тізілген 32 палуан қатысты.Иығына қасқыр терісін ілген балуандар боз кілемге өз қарсыластарын «соқыр» жеребе арқылы анықтады.«АДС» тобы рухты әндерімен балуандарға дем берді. Әр белдесуі жан алып, жан беріскен айқаспен өткен турнир айта жүрерліктей болғанын жанкүйерлердің қолдауынан көрінді.«Күш атасын танымас» деген балуандар өзара мықтыны анықтап, бабы мен бағы келіскен қатысушылар финалда белдесті. Делебені қоздырып, көңіл көркін қыздырған белдесулер қызыққы толы болды.Турнир нәтижесінде 80 кг дейін салмақта «Көрермен көзайымы» болып Б.Момынбаев атындағы №278 ІТ-мектеп-лицейінің мұғалімі Әлмұрат Исмайлов атанды. Жүлделі ІІІ орын Ә.Молдағұлова атындағы№173 орта мектебінің мұғалімі Асхат Даужановқа, ІІ орын А.Байтұрсынов атындағы №211 орта мектебінің мұғалімі Бауыржан Қобылановқа бұйырды. Жауырыны жер иіскемей, топ жарған №145 орта мектебінің мұғалімі Еркеғали Мырзахметов жүлделі І орынға жайғасты.Ал, 80 кг жоғары салмақта «Көрермен көзайымы» болып №282 орта мектебінің мұғалімі Нұрсұлтан Ниязов атанды. Ал, жүлделі ІІІ орын №138 орта мектебінің мұғалімі Ерболат Усаев, ІІ орын С.Толыбеков атындағы №3 ІТ-мектеп-лицейінің мұғалімі Нұрлан Бекжанға бұйырды. Жеңіске жеткен және қарсыластарына мүмкіндік бермеген Ж.Қизатов атындағы №23 мектеп-лицейінің мұғалімі Нұржан Әбілдаев І орын иеленді.Жүлдегерлерге Қызылорда қаласы бойынша білім бөлімі мен қалалық кәсіподақ комитетінің дипломдарымен мен сыйлықтары табысталды.Турнирге қатысушылар Қызылорда қаласы жастар ресурстық орталығы мен Қызылорда қаласының қорғаныс істері жөніндегі басқармасының «Алғыс хатымен» марапатталды.«Қазақстан барысы», «Әлем барысы» секілді дүбірлі додалар көптеген апайтөс алыптарды шыңдап, ұлттық спортымыз әлем жұртшылығының назарын аударғанын айта кеткен жөн. Әрине, осындай ғажап күресі бар қазақтан әлем мойындаған күш атасы Қажымұқандай талай даңқты балуандардың шығатынына сенеміз. 2011 жылы ұйымдастырылған алғашқы "Қазақстан барысы" турнирінде қызылордалық Ұлан Рысқұловтың топ жаруы Сыр елі жыр елі ғана емес, қасқыр жүректі балуандар туғызған қастерлі топырақ екенінің айқын дәлелі. Ұланның жеңісті жолын жалғаған Еламан Ерғалиев, Нұрым Сәлімгереев, Мақсат Исағабыловтар бүгінде үлкен ареналарда ел намысын абыроймен қорғап жүр.<img src="https://knadmin.beoblood.kz/uploads/321445929_1861785957517303_400341917032854847_n_5ce39f427d.jpg" alt="321445929_1861785957517303_400341917032854847_n.jpg"><img src="https://knadmin.beoblood.kz/uploads/321750936_535496001961968_4330622528638609573_n_6d8a96dd3c.jpg" alt="321750936_535496001961968_4330622528638609573_n.jpg"><img src="https://knadmin.beoblood.kz/uploads/321247263_1213539242921759_9072366975600623896_n_9f07338181.jpg" alt="321247263_1213539242921759_9072366975600623896_n.jpg"><img src="https://knadmin.beoblood.kz/uploads/320723306_1641068679629339_2718271139065512208_n_8c109d8882.jpg" alt="320723306_1641068679629339_2718271139065512208_n.jpg">

 Қызылордада мұғалімдер арасында қазақ күресінен турнир өтті

<a href="https://kyzylorda-news.kz/">Kyzylorda-news.kz.</a> Қаңтар айында өтетін ҰБТ-ға қатысу үшін өтініш қабылдау 20 желтоқсанда басталып, 6 қаңтарға дейін жалғасады. Бұл туралы ҚР Ғылым және жоғары білім министрлігі хабарлады.ҰБТ-ға тіркелу Ұлттық тестілеу орталығының <a href="https://app.testcenter.kz/">app.testcenter.kz</a>. сайтында жүргізіледі. Тестілеудің өзі 10 қаңтар мен 10 ақпан аралығында өтеді. Азаматтар тестілеу өткізілетін орынды, күнді және уақытты өздері таңдайды. ҰБТ-2023 форматында өзгерістер жоқ. Алайда, «Қазақстан тарихы» (20 сұрақ) және «Оқу сауаттылығы» (15 сұрақ) пәндерінің тест тапсырмалары санына өзгерістер енгізілді.<blockquote>«Қаңтардан бастап «Информатика мұғалімдерін даярлау», «Ақпараттық технологиялар», «Ақпараттық қауіпсіздік» білім беру бағдарламалары топтарына түсушілер ҰБТ-ны «Математика-Информатика» комбинациясы бойынша тапсырады. Тестілеуге дайындықты жақсарту мақсатында біз оқу жылының басында информатика бойынша ҰБТ-да кездесетін терминдер тізімін жарияладық», – деді ҚР ҒЖБМ Ұлттық тестілеу орталығының директоры Руслан Емелбаев. &nbsp;</blockquote>

Ертең ҰБТ-ға өтініш қабылдау басталады

<a href="https://kyzylorda-news.kz/">Kyzylorda-news.kz.</a> Бүгін Жалағаш ауданы әкімі Асқарбек Есжанов Ш.Ермағанбетова атындағы №246 орта мектепте білім, спорт, өнер саласында жетістікке жетіп жүрген дарынды оқушылармен кездесті. Кездесуде аудан басшысы оқушылардың сапалы білім алуы үшін ауданда барлық мүмкіндіктер жасалғанын атап өтті.<blockquote>«Балалар жылы аясында мемлекеттік бағдарлама қолдауымен («Ауыл-Ел бесігі») Жалағаш кентінен құны 420 млн. теңгені құрайтын 200 орындық Оқушылар үйі мен 50 орындық Өнер мектебі пайдалануға берілді. Мектептердің барлығы интернет желісіне қосылған. Компьютерлер паркі 100% жаңартылған. Мектептердің 85 пайызы жаңа модификациялық кабинеттермен қамтамасыз етілсе, 2022 жылы 40 млн 766 мың теңге қаржы қаралып, 5 мектепке жаңа модификацялық кабинеттер берілді», - деді Асқарбек Есжанов.</blockquote>Асқарбек Есжанов сонымен бірге бабалардың жолын үлгі ете отырып, өзін-өзі басқару мектептерін жетілдіру қажет екендігін де атап өтті.&nbsp;<blockquote>«Аға буын бізге тәуелсіздігімізді тұғырландырып, алпауыт елдер санасатын мемлекеттің негізін қалап берді. Ендігі кезек Сіздердікі жас достар. Мемлекет Сіздерге үлкен сеніммен қарайды. Қабылданып жатқан бағдарламалар, жүргізіліп жатқан реформалардың барлығы тек қана Сіздер үшін. Біздер бабаларды үлгі ете отырып, өзін-өзі басқару мектептерін жетілдіруіміз қажет», - деді аудан басшысы.&nbsp;</blockquote>Кездесуде білім бағыты бойынша №118 орта мектептің оқушысы Алматқызы Гүлім, спорт бағыты бойынша №38 орта мектеп оқушысы Тілеуғабылұлы Нұрсұлтан, өнер бағыты бойынша Боранбай Арайлым сөз сөйлесе, №33 орта мектеп оқушысы Сейдуллақызы Інжу «Жалағаштың жайсаң жақсылары» атты арнауын айтты. Асқарбек Темірбекұлы кездесуде оқушылардың сауалдарына жауап беріп, білім, спорт, өнер саласында жетістікке жетіп жүрген дарынды оқушыларға Алғыс хат табыстады. &nbsp;<img src="https://knadmin.beoblood.kz/uploads/4_46a218c746.jpg" alt="4.jpg">

«Тәуелсіздік ұрпақтары» атты аудан әкімінің дарынды оқушылармен кездесуі өтті

<a href="https://kyzylorda-news.kz/">Kyzylorda-news.kz.</a> Облыс әкімі Нұрлыбек Нәлібаев заманауи жаңғыртудан өткен Смағұл Ысқақов атындағы Қызылорда құрылыс және бизнес колледжінің материалдық-техникалық базасымен танысып, ұстаздармен пікірлесті.Колледжді сенімгерлік басқару негізінде алған меценат Сейітқали Алшынбаев оқу ордасының базасын жаңартуға 1,7 млрд. теңге қаржы салған.Іс-шараға ҚР Парламенті Сенатының депутаты Мұрат Бахтиярұлы, кәсіптік білім беру саласының ардагерлері мен ұстаздар қауымы қатысты.Жиында аймақ басшысы колледждердің әлеуетін жетілдіру үшін «Жас маман» жобасы қолға алынып, білім алуға ынталы жастардың мүмкіндігі кеңейгенін тілге тиек етіп, қайта жаңарған білім ордасының студенттеріне сәттілік тіледі.<blockquote>«Келешек жастар арасынан еңбек адамын дайындауды біз бүгіннен бастауымыз қажет. Бұл бағыттағы жұмыстар Сыр өңірінде жоспарлы түрде жүргізіледі. Сейітқали Бегманұлы бұған дейін облыс орталығы Қызылорда қаласынан «Шұғыла», «Нұр-Шұғыла» балабақшаларын, «ZERDE» интеллектуалды мектебін ашты. Өткен жылдан бастап Қызылорда құрылыс және бизнес колледжін сенімгерлік басқаруға алып, оқу орнын заманауи талаптарға сәйкестендірді. Аймақтың еңбек нарығына оның ішінде құрылыс саласына қажетті, сұранысқа ие кадрлар даярлайтын оқу орнының алдағы атқаратын жұмыстар легі ауқымды»,-деді Н.Нәлібаев.</blockquote>Шарада сөз алған Парламент Сенатының депутаты Мұрат Бақтиярұлы білім саласына жанашыр азаматтың оқу ордасының дамуына инвестиция салуы игілікті іске екенін алға тартты.Ал, оқу орнын сенімгерлік басқаруға алу жобасын іске асырған, «Парасат» орденінің иегері Сейітқали Алшынбаев шара қонақтарына алғыс білдіріп, жерлестерін шын ниетпен туған жерге қызмет етуге шақырды.Бүгінде оқу орнында 100-ден аса педагог қызмет етеді. Биылғы жылдың өзінде 500-ге жуық студент білім алуда.Алдағы жылы колледж жанынан қосымша оқу-өндірістік шеберхана, зертханалар ашылып, спорт алаңы және жатақхана құрылысы жүргізіледі.Айта кетейік, соңғы 2 жылда «Жас маман» жобасы аясында өңіріміздегі 9 колледждің оқу өндірістік шеберханалары мен зертханаларын жабдықтауға 2,7 млрд. теңге қаржы бөлінді. 284 қажетті техника мен құрал-жабдықтар алынды. &nbsp;<img src="https://knadmin.beoblood.kz/uploads/3_b3436104d5.jpg" alt="3.jpg"><img src="https://knadmin.beoblood.kz/uploads/5_878bc93dbf.jpg" alt="5.jpg"><img src="https://knadmin.beoblood.kz/uploads/6_1c850ff22a.jpg" alt="6.jpg">

Облыс әкімі колледждің материалдық-техникалық базасымен танысты

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университетінің 85 жылдығына орай Қазақ тілі мен әдебиеті және журналистика кафедрасы жанындағы «Журналист» үйірмесінің ұйымдастыруымен қаламгер, ҚР Журналистер одағының мүшесі Жүзбай Таңрықбаевтің шығармашылығына арналған «Үздік эссе» байқауы өтті.&nbsp;«Үздік эссе» байқауының &nbsp;мақсаты – болашақ жас журналистердің шығармашылық қабілетін дамыту және жазу шеберлігін шыңдау, тұжырым жасап, ақпаратты сараптай алуға үйрету.&nbsp; Байқауға «Журналист» үйірмесінің мүшелері қатысты.Сайыста білім алушылар қаламгер Жүзбай Таңрықбаевтың шығармашылығына байланысты тақырыптар бойынша эссе жазды.Нәтижесінде І орынды 3-курс студенті Ердәулет Қалиев иеленді. Байқауда І орынға – 50000 теңге (1-еу), ІІ орынға – 20000 теңге (2-еу), ІІІ орынға – 10000 теңге (3-еу),&nbsp; ынталандыруға – 5000 теңгеден екі адам жүлдегер атанды.Таңрықбаев Жүзбай Ибрагимұлы 1950 жылы 10 мамыр күні бұрынғы Құмсуат қазіргі Бірлестік ауылында дүниеге келген. 1968 жылы Орджонокидзе атындағы қазақ орта мектебін бітіргеннен кейін 1968-1971 жылдары Қызылорда қаласындағы политехникумға түсіп, техник-механик мамандығын алады. Еңбек жолын «Казсельхозтехника» автобазасында жүргізушіліктен бастаған. Бірнеше автокөлік мекемелерінде басшылық қызметтер атқарған. «Казсельхозтехника» автобазасында директор, облыстық автоуправление басқармасында партком хатшысы қызметін атқарған. «Астана-моторс» ЖШС-де атқарушы директор, «Дорстой» ЖШС-де бас директордың кеңесшісі қызметтерін атқарған. 2020 жылы Шиелі ауданының «Құрметті азаматы» атағымен марапатталған. Қызылорда облыстық сотының жанындағы соттармен өзара іс-қимыл жөніндегі кеңес мүшесі. Бүгінде ол&nbsp; облыстық «Кәсіпкер келбеті»&nbsp; газеті мен республикалық «Кәсіпкер және мәдениет»&nbsp; журналын 10 жылдан астам уақыт шығарып,&nbsp; сол басылымдарға басшылық жасап келеді. Бүгінге дейін 10-нан аса кітап жазған.<figure class="image"><img src="https://knadmin.beoblood.kz/uploads/Whats_App_Image_2022_12_15_at_15_33_18_2_a1ac3387ed.jpeg" alt="WhatsApp Image 2022-12-15 at 15.33.18 (2).jpeg"></figure>&nbsp;<figure class="image"><img src="https://knadmin.beoblood.kz/uploads/Whats_App_Image_2022_12_15_at_15_33_18_1_6b7b0bbc33.jpeg" alt="WhatsApp Image 2022-12-15 at 15.33.18 (1).jpeg"></figure>

«Үздік эссе» байқауының жеңімпаздары марапатталды

<a href="https://kyzylorda-news.kz/">Kyzylorda-news.kz.</a> «Сыртқы академиялық ұтқырлық» бағдарламасы бойынша РФ Ғылым академиясы Сібір бөлімінің, Новосибирск геология және минералогия институтының жетекші ғылыми қызметкері, г-м. ғ.д., профессор Сергей Кривоногов Қорқыт ата атындағы&nbsp;Қызылорда университетінің білім алушыларына дәріс өткізуде.Ғалым қараша айынан бастап Жаратылыстану институтының «Биология, география және химия» кафедрасына қарасты&nbsp; 6В01517, 7М01517, 8D01517 – «Биология», 6В01518 – «География», 6В01515, 7М01515, 8D01515–«Химия» білім беру бағдарламасының білім алушыларына&nbsp; дәріс өткізіп, бірнеше бағытта ғылыми жұмыстар жүргізуде.«Биология», «География», «Химия» БББ &nbsp;білім алушыларына &nbsp;«Изменения в масштабе орбитальных циклов земли», «Казахский сектор Евразии: «Природные изменения современной межледниковой эпохи и предшествующего оледенения», «Основы полеоклиматологии», «Изменения в масштабе тысячелетий», «Изменения тектонического масштаба», «Исторические и будущие климатические изменения» тақырыптары бойынша білім берді.Ал 7М01517, 8D01517 – «Биология», 7М01515, 8D01515–«Химия» БББ магистранттары мен докторанттарына&nbsp; магистрлік және докторлық диссертация тақырыптары бойынша &nbsp;жан-жақты бағыт-бағдар беруде.Профессор «Биология, география және химия» кафедрасының профессор-оқытушылар құрамына «Современная климатическая теория и изменения окружающей среды. &nbsp;Голоценовая история Аральского моря: уроки прошлого для понимания его современного состояния»&nbsp;&nbsp; тақырыбында семинар трениг өткізуде.Сондай-ақ, «Биология, география және химия» кафедрасының профессор-оқытушылар құрамы мен докторанттарына Scopus және Web of Science &nbsp;базаларына кіретін басылымдарда мақалалар &nbsp;жариялау бойынша әдіс тәсілдерімен ой бөлісуде.Ғалымның өткізген дәрістері мен семинар тренигтері әрбір тыңдаушыға кәсіби құзыреттіліктерін кеңейтуге, дағдыларының деңгейін жақсартуға және қызмет жүргізудің заманауи үрдістеріне бейімделуге мүмкіндік беруде.<figure class="image"><img src="https://knadmin.beoblood.kz/uploads/85d8348a_3e9a_4e5e_bfa0_c19265637a7d_8fe55781ee.jpg" alt="85d8348a-3e9a-4e5e-bfa0-c19265637a7d.jpg"></figure>

Шетелдік ғалым білім алушыларға дәрістер сериясын жүргізуде

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университетінің ғалымдары күріш сабанынан Терра Прета биотыңайтқышын алудың инновациялық технологиясын әзірлеп, ауыл шаруашылығында қолданудың тиімділігін дәлеледеді.«Тұрмағамбет» шаруа қожалығында өткен тәжірибелік жұмыс барысында Терра Прета биотыңайтқышын қолдану арқылы өсірілген дақылдардың өнімділігі 30-40 пайызға дейін артты. Бұл туралы ғалымдар ауылшаруашылық саласы мамандарының қатысуымен өткен жиында хабарлады.Биыл 019 «Инновациялық тәжірибені тарату және енгізу жөніндегі қызметтер» бюджеттік бағдарламасы бойынша «Күріш қалдықтарын өңдеумен алынған биотыңайтқышты топырақ құнарлылығын арттыруда қолдану арқылы ауылшаруашылық дақылдарының өнімділігін арттыру» жобасы жүзеге асырылды.Қызылорда облысының ауылшаруашылығы және жер қатынастары басқармасы, Қорқыт ата атындағы Қызылорда университеті, «Тұрмағамбет» шаруа қожалығы арасындағы келісім-шартқа сәйкес жоба бойынша жұмыстар жүргізілді.Жиында университеттің инженерлік бейіндегі зертхана жетекшісі, химия ғылымдарының кандидаты, жоба жетекшісі Нұрлыбек Ахатаев «Тұрмағамбет» шаруа қожалығында жүргізілген жұмыстар туралы айтты.<blockquote>«Күріш сабаны мен қауызын биотыңайтқышқа өңдеуге арналған орын әзірленіп, демонстрациялық учаскеге қажетті биотыңайтқышты өндіру жұмыстары жүргізілді. Егіс алқаптарын дайындау және егіс жұмыстарын жүргізу бойынша «Тұрмағамбет» ЖШС-нан ауданы 2 гектар атыз таңдап алынды. Көктемде атыз тегістеліп, егістік жер жыртылды, қарықталды, тазартылды. Технология енгізілетін учаскені биотыңайтқыштар көмегімен өңдеуде биотыңайтқыш 10 тонна/гектар нормада өңделді. Топырақ ылғалдылығын және басқа параметрлерді физика-химиялық талдаудың заманауи әдістерімен бақылау жасалды», – деді Нұрлыбек Ахатаев.</blockquote>Сондай-ақ, жиында «Физика-химиялық талдау әдістері» инженерлік бейіндегі зертхананың бас ғылыми қызметкері, профессор, жобаның бас ғылыми орындаушысы Нұрбол Аппазов Терра Прета тыңайтқышын өндіру идеясының қайдан туындағаны, артықшылығы туралы атап өтті.<blockquote>«Бұл биотыңайтқышты жүгері қауызынан, басқа да дақылдар қалдығынан алу халықаралық тәжірибеде болғанымен, Қазақстанда бірінші рет жасалды. Оның ішінде Қызылорда облысында көп мөлшерде өсірілетін күріш қауызынан алуды басты мақсат еттік. Жыл сайын күріш қауызы мен сабаны қажетсіз зат ретінде арнайы аумақта өртеледі. Нәтижесінде түтіннен адам ағзасына зиянды қоспалар бөлінетін. Университет ғалымдары мыңдаған тонна ауылшуаруашылық қалдықтарын тиімді пайдаланудың ең тиімді технологиясын жасап шығарды.Жаңа биотыңайтқыштың артықшылығы оның құрамындағы гумустың мөлшері жоғары, топырақтың бірқатар көрсеткіштерін арттыратын қасиеті бар. Атап айтсақ, топырақ тұздылығын төмендетеді. Ылғалдылықты сақтайды, топырақ құрамындағы гумусты жоғарылатады. Соның нәтижесінде дақылдың өнімділігі 40%-ға дейін артады. Басқа тыңайтқыштарды егіс аумағына артық мөлшерде қолдансаң, кері әсерін тигізеді. Ал, Терра Претаны көп мөлшерде қолдану егінге еш залалын тигізбейді. Сондай-ақ, күріш қауызынан алынған биочарды мал бордақылау. бетонның мықтылығын арттыру мақсатында қолдануға болады», – деді Нұрбол Аппазов.</blockquote>Айта кету керек, Терра Прета тыңайтқышын қолдану арқылы өсірілген қауын – 25 тен 33, қызанақ – 60 тан 75, сәбіз – 50 ден 65, картоп – 40 тан 50, қарбыз – 100 ден 128, қияр – 30 дан 37 тоннаға дейін өнім беретіні дәлелденді.Шарада зертхананың ғылыми қызметкері, жаба қатысушысы Рахметулла Жаппарбергенов тыңайтқышты жасау, өңдеу технологиясымен таныстырды.Бүгінде дақылдардың өнімділігін арттыруға үлкен ықпал ететін биотыңайтқыш – Терра Претаның тиімділігі ғылыми түрде дәлелденді. Ғалымдар егін шаруашылығымен айналысатын кәсіпкерлерге аталған тыңайтқышты қолдануға ұсынды.<figure class="image"><img src="https://knadmin.beoblood.kz/uploads/319513139_600135055445611_7654003001667423497_n_55179774f4.jpg" alt="319513139_600135055445611_7654003001667423497_n.jpg"></figure>&nbsp;<figure class="image"><img src="https://knadmin.beoblood.kz/uploads/photo_5249236779687592852_y_0cc3c01f55.jpg" alt="photo_5249236779687592852_y.jpg"></figure>&nbsp;<figure class="image"><img src="https://knadmin.beoblood.kz/uploads/photo_5249032867525280760_y_27b9c317ab.jpg" alt="photo_5249032867525280760_y.jpg"></figure>

Қазақстан және Қызылорда облысының жаңалықтары: Білім