<a href="https://kyzylorda-news.kz/ru/">Kyzylorda-news.kz.</a> 2022 жылы тек «Құқық» білім беру саласы бойынша шекті балл өзгертіліп, оқуға қабылдану үшін кемінде 75 балл жинау қажет етіледі.
Қалған білім беру салалары бойынша шекті балл деңгейі өзгеріссіз қалды.
«Педагогикалық ғылымдарға» – кемінде 75 балл, 
«Денсаулық сақтау» білім беру саласына – кемінде 70 балл, 
«Ауыл шаруашылығы және биоресурстар»,&nbsp;<img src="https://static.xx.fbcdn.net/images/emoji.php/v9/tf0/1.5/16/1f468_1f3fb_200d_2695.png" alt="??‍⚕️" />«Ветеринария» білім беру салалары бойынша – кемінде 60 балл.
Сондай-ақ Ұлттық ЖОО-ларға – кемінде 65 балл, ал басқа ЖОО-ларға – кемінде 50 балл.
ӘР ПӘН БОЙЫНША ШЕКТІ БАЛЛ – 5 БАЛЛ.
Әр Жоғары оқу орны білім беру бағдарламалары тобы бойынша өз шекті балын белгілейді.
ЖОО-лардың белгіленген шекті балдарымен UTO Telegram арнасында таныса аласыздар.

Бакалавриатқа оқуға түсудің шекті балы қанша?

<a href="https://kyzylorda-news.kz/ru/">Kyzylorda-news.kz.</a>&nbsp; Өңірлер қимасында олимпиада жеңімпаздарының саны Қызылорда облысында жылдан жылға артып, көш басында келеді. Екінші жыл қатарынан облысымыздың ауыл мектептеріндегі 5-6 сыныптың жүзге жуық оқушысы еліміздің жетекші мектептерінде білімін жалғастыруға мүмкіндік алуда.
Биылғы оқу жылында «Мың бала» олимпиадасына қатысу үшін ауыл мектептерінің 5-6 сынып оқушыларынан 11 255 қатысушы тіркеліп, ең көп балл жинаған 903 жеңімпаз іріктелді. Олимпиаданың екінші кезеңде дарынды оқушылар академиялық білімге баға беретін компьютерлік тестілеуге қатысып, 209 бала олимпиада жеңімпазы атанды.
Министрліктің арнайы квоталарына сәйкес 6-сыныпты аяқтаған 28 жеңімпаз оқушы дарынды балаларға арналған мамандандырылған мектептерінде білімдерін жалғастыру мүмкіндігіне ие болды. Олар Республикалық физика-математика мектебінде, «Білім-Инновация» лицейлерінде, «Дарын» мамандандырылған мектептерінде оқуға жолдама алып, еліміз бойынша қатысудың жоғары көрсеткішімен аймағымыз үздік үштіктен көрінді.
Ал 8-9 сыныптар арасында өтетін «IQanat» олимпиадаcына аудандар бойынша 3 847 оқушы тіркеліп, бақтарын сынады. Олимпиаданың II кезеңіне 697 оқушы өтіп, нәтижесінде Республикалық кезеңге 35 бала жолдама алып, оқушылар Нұрсұлтан қаласындағы Назарбаев университетінде Оқу-ағарту министрі Асхат Аймағамбетовтың қатысуымен өткізілген слетке қатысты.
Олимпиада қорытындысы бойынша аймағымыздың 3 дарынды оқушылары «Iqanat High School of Burabay» мектебіне жолдама алса, 2 оқушы тарих пәні бойынша жүлделі орындарға ие болды.

 Қызылордалық оқушылар «Мың бала» және «IQanat» олимпиадаларында үздік нәтиже көрсетті

<a href="https://kyzylorda-news.kz/">Kyzylorda-news.kz.</a>&nbsp;Қорқыт ата атындағы Қызылорда университетінде 13-14 шілде күндері бітіруші түлектерге салтанатты түрде диплом табыстау шарасы өтті.
Сыр еліндегі ғылым мен білімнің қарашаңырағы, сексен бес жылдық тарихы бар оқу орнында қазір 8 мыңға жуық білім алушы бар.
Биыл университетті Гуманитарлық-педагогикалық институты, Жаратылыстану институты, Экономика және құқық институты, Дәстүрлі өнер институты, Инженерлі-технологиялық институты бойынша 2159 түлек бітіріп, оның 200-ге жуығы үздік диплом иеленді.
Салтанатты жиынға Басқарма Төрағасы – ректор Бейбіткүл Кәрімова қатысып, түлектерге сәттілік тіледі.
<blockquote>
 – Ғылым мен технологияның дамуы қоғамда жаңа мамандық иелеріне сұраныс туғызуда. Сондықтан елімізге қажетті маман даярлау ісіне басымдық берудеміз. Білім алушылардың мықты маман, жан-жақты тұлға болып қалыптасуы ерекше назарда. Университетте ғылым саласын дамыту, жас ғалымдарды қолдау жұмыстары кең қанат жайды. Ғылыми зерттеу жұмысын жалпы қаржыландыру көлемі 20%-ға өсті.
 Биыл Қорқыт ата атындағы Қызылорда университетін 2159 түлек бітіруде. Біз үшін әр шәкірттің өмірден өз орнын тауып, сапалы маман атануы өте маңызды, – деді Бейбіткүл Сәрсемханқызы.
</blockquote>
Жиында «Қазақстан барысы» турнирінің жеңімпазы, университет түлегі&nbsp; Мақсат Исағабыловқа «Қорқыт ата атындағы Алтын медаль» табысталды. Сыр елінің абыройын асқақтатқан Мақсат Исағабылов – университет мақтанышы.
Сондай-ақ, салтанатты шарада білім сыналатын байқаулар мен қоғамдық шараларға белсене қатысып, оқу орнының мақтанышына айналған түлектер университет ректорының алғыс хатымен марапатталды.
Осы кезге дейін мыңдаған түлектің жарқын болашағына жолдама берген Қорқыт ата атындағы Қызылорда университеті еліміз бойынша үздік университеттердің қатарында. Қазақстанның үздік көпбейінді жоғары оқу орындарының рейтингісінде 7-ші орында.
Жыл сайын университетті таңдайтындар саны да артып келеді. 2019-2020 оқу жылында оқу жылында жалпы білім алушылар саны 5 мыңды құраған, осы оқу жылында 8 мыңға жетті. Оның ішінде грант негізінде білім алатындар саны 2500-ге көбейді.
Қорқыт ата атындағы Қызылорда университетінде 62 бакалавр, 36 магистратура және 13 докторантура білім беру бағдарламалары бойынша мамандар даярланады.
Оқу орны 170 шетелдік университетпен ынтымақтастық байланыс орнатқан. Бүгінде білім алушылар «Академиялық ұтқырлық», «Қос диплом» бағдарламасы бойынша АҚШ, Түркия, Польша, Бельгия, Словакия және отандық оқу орындарында білім алып, тәжірибе жинақтауда. Соңғы үш жылда «Ішкі академиялық ұтқырлық» бағдарламасы арқылы 200-ге жуық студент білім алды.
Салтанатты жиынға облыс әкімі аппаратының басшысы Шахмардан Байманов, қала әкімінің орынбасары Ақзира Қасымова, Қызылорда облысының білім саласында сапаны қамтамасыз ету департаментінің директоры Ғалия Дәулетова, техника ғылымдарының докторы, профессор Қылышбай Бисенов, ауыр атлетикадан Қазақстан Республикасының еңбек сіңірген спорт шебері Илья Ильин, «Қазақстан барысы-2022» республикалық турнирінің жеңімпазы Мақсат Исағабылов және университеттің профессор-оқытушылары мен ата-аналар қатысты.
<img src="https://kyzylorda-news.kz/wp-content/uploads/2022/07/b48e54f0-776f-461b-88ad-85b0dac5b4dc-scaled.jpg" alt="" />
<img src="https://kyzylorda-news.kz/wp-content/uploads/2022/07/2b4c2d24-2ff8-4e77-95ec-8cb5613149aa-scaled.jpg" alt="" />
<img src="https://kyzylorda-news.kz/wp-content/uploads/2022/07/imgl3447-scaled.jpg" alt="" />
<img src="https://kyzylorda-news.kz/wp-content/uploads/2022/07/imgl2611-scaled.jpg" alt="" />
<img src="https://kyzylorda-news.kz/wp-content/uploads/2022/07/imgl2925-scaled.jpg" alt="" />

Қорқыт ата атындағы Қызылорда университетінің түлектері диплом алды

<a href="https://kyzylorda-news.kz/ru/">Kyzylorda-news.kz.</a> Биылғы оқу жылында жалпы білім беретін пәндер бойынша 101 оқушы халықаралық және республикалық олимпиадалар мен ғылыми жобалар конкурсында жүлделі орындарға ие болды. Сыр дарындары аймақ қоржынына 16 алтын, 29 күміс, 56 қола әкелді.
Тарқатып айтар болсақ, халықаралық олимпиада мен ғылыми жобаларда 4 оқушы күміс медальға, 9 оқушы қола медальді иеленді. Олар математикадан қашықтан өткен халықаралық Азия-Тынық мұхиты олимпиадасы, математикадан халықаралық «Жібек жолы» олимпиадасы, Халықаралық Жәутіков, Түймаада олимпиадасы мен халықаралық «Ғылым әлеміне жол ашамыз» және Ө.Жолдасбеков атындағы математикадан және механикадан зерттеу жұмыстары конкурсы сияқты беделді олимпиадаларда облыстың намысын қорғады.
Жалпы білім беретін пәндер бойынша республикалық олимпиадалар мен ғылыми жобаларда 88 дарынды оқушыларымыз оқ бойы оза шауып, 16 алтын, 25 күміс, 47 қола медальді иеленді. Оқушылар жалпы білім беретін пәндер бойынша республикалық олимпиада мен ғылыми жобаларға, жаратылыстану-математика циклы пәндері бойынша Президенттік олимпиадаға, жасөспірімдер олимпиадасы, «Зерде» конкурсы және Қ.Бітібаева атындағы республикалық олимпиадаларға қатысып, үздіктер атанған. Сондай-ақ, 2-4 сыныптан басталатын «Бастау» математикалық турнирінде аймағымыз командалық есепте ІІІ орынға ие болды.
Естеріңізге сала кетейік, Мемлекет басшысының тапсырмасы бойынша дарынды балаларды қолдау мақсатында алдағы уақыттан бастап халықаралық зияткерлік олимпиадалардың жеңімпаздары қазақстандық ЖОО-да білім алу үшін ақшалай сыйлықтар мен гранттарға ие болады. Алтын медаль алған оқушыға 1 500 АЕК, күміс медальға 1 000 АЕК, қола медальға 500 АЕК көлемінде ақшалай сыйлық беріледі. Сонымен қатар оқушыларды байқауға дайындаған ұстаздарға да біржолғы сыйақы төленеді.

Сыр дарындары аймақ қоржынына 16 алтын медаль салды

<a href="https://kyzylorda-news.kz/ru/">Kyzylorda-news.kz.</a> Заманауи ақпараттық технологиялар мемлекеттік қызмет түрлерін онлайн режимде алу мүмкіндігін кеңейтуде. Пандемия жағдайында университетке бетпе-бет байланыссыз құжаттарды тапсырудың бірнеше тәсілдері әзірленіп, сынақтан өтті.
Жоғары оқу орындарының талапкерлерді виртуалды қабылдауы ең сенімді тәсілдерінің біріне айналып отыр. Өткен жылы шалғайдағы ауылдардың мыңдаған түлектерінің құжаттары қабылданды. 
Биылғы жылы жоғары оқу орындары виртуалды кеңселерін қайта ашты және қабылдау комиссиялары алғашқы жұмыс күндерінен бастап өтініштерді онлайн қабылдауға әзір. Мұнда университет қызметкерлері кеңес береді және бейне байланыс арқылы құжаттарды қабылдайтын болады.
Қызмет көрсетудің тиімділігі мен жылдамдығын арттыру мақсатында сондай-ақ, ауа райының аптап ыстығы жағдайында қызметкерлердің штаты кеңейтілді. Қызмет көрсетуге студенттер қатарынан еріктілер тобы тартылуда. ЖОО-ның басшылығы қабылдау комиссиясына толық дайындығы туралы мәлімдеді.
Биыл білім беру гранттарын тағайындау конкурсына қатысу үшін құжаттарды қабылдау 2022 жылдың 13-20 шілде аралығында жүзеге асырылмақ. Сондықтан Egov электронды үкімет порталындағы уақытша олқылықтар талапкерлердің қызмет көрсету сапасына және құжаттар тапсыруына еш кері әсерін тигізбейді.
Университеттер мен виртуалды қабылдау комиссиялары үшін барлық қажетті байланыс ақпараттары Ұлттық тестілеу орталығының <a href="http://www.testcenter.kz/?fbclid=IwAR11QdTNqd1z_3LzcgeHQ_2EBolNACKV78sI3VK2uFO9egkJCZXe5xXuTsY">www.testcenter.kz</a> сайтында орналасқан.

Талапкерлер ЖОО-ға түсу үшін құжаттарды үйден шықпай-ақ тапсыра алады

<h4 id="kyzylordanewskzhttpskyzylordanewskzru2022202373nbsp"><a href="https://kyzylorda-news.kz/ru/">Kyzylorda-news.kz.</a> Бакалавриатқа түсу үшін 2022-2023 оқу жылында 73 мыңнан астам грант бөлінді.&nbsp;</h4>
Бұл туралы &nbsp;Ғылым және жоғары білім министрлігінің баспасөз қызметі мәлімдейді.
Гранттардың басым бөлігі «Инженерлік, өңдеу, құрылыс салалары» білім беру бағдарлама топтарына бөлінді, олардың саны 17 794 грантты құрайды. Ал «Педагогикалық ғылымдарға» – 10 810 грант, «Ақпараттық-коммуникациялық технологиялар» саласына – 9 103 грант, «Жаратылыстану ғылымдары, математика және статистика» бағытына– 6 288 грант тиесілі. Осылайша, техникалық бағыттар бойынша мемлекеттік тапсырыстың үлесі 60% – ға дейін ұлғайды.
ҰБТ қорытындысы бойынша кемінде 65 балл жинаған талапкерлер ұлттық жоғары оқу орындарына, кемінде 50 балмен басқа жоғары оқу орындарына түсе алады. Бұл ретте «Педагогикалық ғылымдар» және «Құқық» білім беру салалары бойынша шекті балл кемінде 75 балл, «Денсаулық сақтау» − кемінде 70 балл, «Ауыл шаруашылығы және биоресурстар», «Ветеринария» – кемінде 60 балды құрайды.
Биыл білім беру гранттарын тағайындау конкурсына қатысу үшін құжаттарды қабылдау 13 шілде күні басталып, 20 шілдеге дейін жалғасады. Қабылдау жоғары оқу орындарының қабылдау комиссиялары арқылы жүзеге асырылатын болады. Алыс аймақтарда тұратын талапкерлердің ыңғайы үшін жоғары оқу орындарында виртуалдық қабылдау комиссиялары жұмыс істеп, талапкерлерге бейне байланыс арқылы кеңес береді. Сонымен қатар құжаттарды қабылдау кез келген жоо (орналасқан жері бойынша) арқылы жүзеге асыруға болады.&nbsp;&nbsp;&nbsp;&nbsp;
Оқуға түсушілер 16 мамыр мен 5 шілде аралығында өткен ҰБТ-ның екі нәтижесінің біреуін конкурсқа ұсына алады.
Мемлекеттік білім беру гранттарын тағайындау конкурсына қатысуға құжаттарды электронды түрде тапсыру үшін талапкерлерге келесі құжаттар қажет: &nbsp;
<ol>
<li>жеке куәлік;</li>
<li>ҰБТ сертификаты;</li>
<li>3х4 көлеміндегі фото;</li>
<li>орта білім туралы аттестат (техникалық және кәсіптік білім беру (ТжКБ) ұйымдарының түлектері үшін диплом);</li>
<li>№ 075/у нысанындағы медициналық анықтама және № 063/у нысанындағы профилактикалық екпелер картасы;</li>
<li>ер жігіттер үшін әскери тіркелу куәлігі;</li>
<li>жеңілдетілген санат бойынша конкурсқа қатысу үшін растайтын құжаттар.</li>
</ol>
Егер талапкер «Алтын белгі» иегері немесе отансүйгіштік және белсенді азаматтық ұстанымы үшін ерекшелік белгісімен марапатталған болса, онда ол басқа үміткерлермен балдары тең болған жағдайда басым құқыққа ие болады. Олимпиадалар мен спорттық жарыстардың жеңімпаздары үшін де осындай басымдылық қарастырылған.&nbsp;
Биыл алғаш рет Мемлекет басшысының тапсырмасы бойынша білім беру грантының жаңа түрі анықталды: «Халықтың тығыз орналасқан және батыс өңірлерінің жастарының жетекші жоғары оқуорындарында оқуға&nbsp;арналған мақсатты білім беру гранты». Бұл Атырау және Маңғыстау облыстарының 10 мың талапкеріне жоғары оқу орындарында білім алу үшін мақсатты гранттар алуға мүмкіндік береді. Мақсатты «Атырау-Маңғыстау» грантына конкурсқа ағымдағы жылдың мектеп түлектері қатыса алады. Бұл ретте олар бір уақытта жалпы конкурсқа, оның ішінде «Серпін» байқауына қатыса алмайды.
Сонымен қатар халықтың әлеуметтік осал топтарына бөлінетін гранттар саны көбейтілді. Кәмелетке толмаған төрт және одан көп бала тәрбиелеп отырған отбасылардағы балалар үшін гранттардың жалпы санының 5%-ы, кемінде үш жыл толық емес отбасы мәртебесі бар отбасылардан шыққан балаларға – 1%, І, ІІ топтағы мүгедек балаларды тәрбиелеп отырған отбасылардан шыққан түлектерге білім беру гранттарының 1%-ы көзделген. Жетім балалар және ата-анасының қамқорлығынсыз қалған балалар мен I, II топтағы мүгедектер, бала кезінен мүгедектер, мүгедек балалар арасынан шыққан азаматтар үшін квота гранттар санының&nbsp;1%-ын құрайды. Жыл сайын Қазақстан Республикасының азаматы болып табылмайтын ұлты қазақ адамдарға (қандастарға) гранттардың&nbsp;4%-ы беріледі.

Білім беру гранттарына құжат қабылдау 13 шілдеде басталады

<a href="https://kyzylorda-news.kz/">Kyzylorda-news.kz.</a> Қызылорда облысында 2013 жылдан бастап халықтың осал топтарынан шыққан студенттерге облыс әкімінің гранты тағайындалып келеді. Бұл бастама мұқтаж отбасылары балаларының жоғары білімді мамандық иесі болып, әлеуметтік жағдайының жақсаруына айтарлықтар септігін тигізуде.
Бүгінгі күні еліміздің алдыңғы қатарлы жоғарғы оқу орындарында оқитын 1249 студент облыс әкімінің грантын иеленіп, оның 764-і оқуды бітірді. 24-і жұмыспен қамту шараларына тартылған.
Өзге студенттер бала күтіміне, басқа өңірге көшуіне және магистратураны жалғастыруына байланысты есепте.
<blockquote>
 «Биылғы жылы тағы да 170 студент оқуды аяқтап жатыр. Дегенмен, 2021-2023 жылдарға жасалған облыстың еңбек ресурстарының балансына сәйкес мамандар тапшылығын ескере келе, мәслихат депутаттары тарапынан аймақ басшысы Нұрлыбек Мәшбекұлына 2022 жылға 100 маман даярлауға ұсыныс берілді. Қазіргі таңда ұсыныс мақұлданып, алдағы уақытта 100 студенттің оқу ақысын төлеуге және әлеуметтік көмек көрсетуге қаражат бөлінетін болады», – деді облыстық мәслихат депутаты&nbsp;Гүлнәр&nbsp;Есқалиева.
</blockquote>

Қызылордалық 100 студентке облыс әкімінің гранты бөлінбек

<a href="https://kyzylorda-news.kz/">Kyzylorda-news.kz.</a> Биыл 4 350 орынға арналған 9 білім ұясы пайдалануға беріледі. Аталмыш мектептердің 2-уі апаттық жағдайдағы мектептер орнына ашылады. Бұл туралы аймақ басшысы Нұрлыбек Нәлібаев облыстық мәслихат депутаттары алдында аймақтың әлеуметтік-экономикалық дамуы туралы есебінде мәлімдеді.
Жаңадан ашылатын мектептердің 6-уы мемлекет қаржысына, ал қалған 3-уі жеке инвесторлар есебінен салынады. Облыста пайдалану мерзімі 30 жылдан асқан 6 мектепке күрделі жөндеу, 13 білім беру нысаны қазандықтарын газға ауыстыру және 2 мектептің бу қазандығын ғимараттан шығару жұмыстары жүргізіледі.
Сапалы оқу процесін қамтамасыз ету мақсатында облыс бойынша 8 негізгі мектептер орта мектептерге ауыстырылуда, яғни 10-11 сыныптар ашылуда.
<blockquote>
 «Президент Жарлығымен белгіленген «Балалар жылына» тарту ретінде қаламызда 1 млрд.теңгеге 50-ге тарта спорт алаңдарын, аудандарға 30-дан астам спорт-ойын алаңдарын саламыз. Бұл жұмыстар демеушілер есебінен іске асырылады», – деді Нұрлыбек Нәлібаев.
</blockquote>

Биыл Қызылорда облысында 9 мектеп пайдалануға беріледі

<a href="https://kyzylorda-news.kz/">Kyzylorda-news.kz.</a> Бүгінгі білім беру жүйесінің басты мақсаты бәсекеге қабілетті маман дайындау. Осы тұрғыда, Шиелі индустриалды-аграрлық колледждің тынысы жаңа бағытқа өзгеріп, еңбек нарығы мен заман талабына сай дамып келе жатырған білімнің қара шаңырағы.
Бүгінде колледж аграрлық бағытта ауыл шаруашылығының кең профильді білім ордасы ретінде 64 жылдан бері қызмет етіп келеді. Аталмыш колледж болашақ мамандарды жоғарғы деңгейдегі білім сапасымен қамтамасыз етуде. Сондай-ақ, техникалық және кәсіптік білім беру кадрларының бәсекеге қабілеттілігін көтеруді мақсат тұтқан білім беру ұйымы жастарды еңбекке құрметпен қарауға тәрбиелеп, білім нәрімен сусындатуда. Сондықтан болар, бұл оқу орны қоғам сұранысын өтеп, өндіріс орындарына 20 түрлі мамандық пен 33 біліктілік бойынша мамандар дайындауда.
Колледждің тарихына жүгінсек, аты аңызға айналған 2 мәрте Социалистік Еңбек Ері Ы.Жахаев, Социалистік Еңбек Ерлері З.Ержанова, Ұ.Алтайбаева, Ш.Қазанбаева, Ж.Таспамбетова және орденді механизаторлер Р.Мауленов, С.Айтасов, облыстық маслихат депутаты Ж.Ахметов т.б. көптеген азаматтарымыз түлеп ұшып, ел мақтанышына айнала білді.
Соңғы жылдары Шиелі индустриалды-аграрлық колледждің материалдық-техникалық базасы жаңарып, аграрлық сала мамандарын даярлауда көшілгерілеп тұр. Сонымен қатар, колледж өз түлектерінің толық жұмыспен қамтылуына үлкен мән беріп, басты назарда ұстауда. Келешекте оқу ордасы биік белестерден көріне беруді мақсат тұтады.

Аграрлық колледж &#8211; білікті мамандар мекені

<a href="https://kyzylorda-news.kz/">Kyzylorda-news.kz.</a> Ресейдегі Саха Республикасының астанасы Якутск қаласында 30 маусым мен 10 шілде аралығында онлайн режимде «Туймаада» халықаралық олимпиадасы өтті.
Әлемнің 7 елінен қатысқан білімділер байқауына Қызылорда облысының 14 оқушысы қатысып, математика, физика, химия және информатика пәндері бойынша бақтарын сынады.
Халықаралық олимпиаданың қорытындысы бойынша физика пәнінен №9 дарынды балаларға арналған облыстық «Білім-инновация» лицей-интернатының 10 сынып оқушысы Бақытов Арман жүлделі ІІІ орын иегері атанып, Қола медальға ие болды.

Қызылордалық оқушы халықаралық олимпиаданың қола жүлдегері атанды

<a href="https://kyzylorda-news.kz/">Kyzylorda-news.kz.</a> Оқу-ағарту министрі Асхат Аймағамбетов мектепке дейінгі кезеңде баланы ерте дайындау мен дамытудың маңыздылығы туралы ойымен бөлісті.
Министрлің пайымынша, ерте дамудың маңызды екенін елеусіз қалдыруға болмайды. Баланың миы тез дамып, негізгі дағдылар мен мінез-құлық қасиеттері қалыптасады, сонымен қатар ол баланың денсаулығына негіз болады. Мектепке дейінгі мекемеге бару баланың бойында өзін-өзі реттеу, жаңа ортаға бейімделу және топта жұмыс істеу сияқты бірқатар пайдалы машығын дамытуға көмектеседі.
Асхат Қанатұлы о сы машықтың барлығы баланың мектепте үлкен жетістікке жетуіне ықпал ететіні дәлелденген&nbsp;<a href="https://dx.doi.org/10.1787/f9b2e53f-en">ерте оқыту әдебиетіне</a>&nbsp;шолуды ұсынған.
«Халықаралық зерттеулердің нәтижелері балабақшаға барған және ерте жастан жазу мен санауды үйренген балалар мектепте үлгерімі бойынша өз қатарластарынан басым болатынын көрсетеді. Мысалы, PISA-2018 деректері бойынша үш жылдан астам балабақшаға барған оқушылар мектепке дейінгі ұйымдарға бармағандарға қарағанда жоғары нәтиже көрсетеді: оқу сауаттылығы бойынша 20 ұпайға және математика мен жаратылыстану сауаттылығы бойынша 16 ұпайға.
Сонымен қатар TIMSS зерттеуінің нәтижелері де балабақшаға барған оқушылардың жақсы нәтиже көрсеткенін дәлелдеді. Мысалы, балабақшаға бармаған 4-сынып оқушылары мен оған үш жылдан астам барғандар арасындағы айырмашылық математикадан 16 балл, ал жаратылыстану пәні бойынша балабақшаға барғандарда 23 балл болды. Ал ата-аналары мектепке дейін жазуды, оқуды және санауды үйреткен 4-сынып оқушылары ата-аналары анда-санда ғана оқуына көңіл бөлген балаларға қарағанда математикадан 15 ұпайға және жаратылыстану пәнінен 25 ұпайға жоғары алған», – деп жазды министр.
Ерте дамыту мен мектепке дейінгі білім берумен қамту еліміздің экономикалық көрсеткіштеріне әсері жағынан да маңызды.
Нобель сыйлығының лауреаты Д. Хекманның әлеуметтік осал отбасылардан шыққан балалардың мектепке дейінгі біліміне жұмсалған бір доллардың экономикалық қайтарымы туралы тұжырымдары кең таралған. Ол мемлекетке 8 (6) доллар пайда әкеледі.
Зерттеулерге сәйкес, болашақта баланың көрсеткіштеріне әсер ететін маңызды критерий – ол мектепке дейінгі ұйымның сапасы.
«Яғни мектепке дейінгі кезеңдегі баланың жағдайы мен білім берудің кейінгі кезеңдерінде дамуы үшін оның ерте жастан дамуына назар аудару маңызды екенін көріп отырмыз», – деп түйіндейді Асхат Аймағамбетов.

Асхат Аймағамбетов: Ерте жастан жазу мен санауды үйренген балалардың мектепте үлгерімі жақсы болады

Kyzylorda-news.kz. Теміржол – ел экономикасының локомотиві. Халықаралық және қалааралық жүктер мен жолаушылар тасымалын жүзеге асыратын ең басты транспорт түрі – осы. Ал бұл саланы таңдап, «мамандығым – мәртебем» дейтіндер жайлы не білеміз? Табиғаттың тосын мінезіне қарамай, айшылық алыс жерлерден тасымалды ұйымдастыратын мамандарға қандай жауапкершілік жүктеледі? Біз бүгін болашақ теміржолшы мамандарын даярлайтын Қазалы көлік-техникалық жоғары колледжін сөз етеміз.
Ел тарихында шойын жолда шыңдалған нағыз еңбек адамдары жетерлік. Саналы ғұмырларын сол салаға арнап, теміржол тіршілігімен тағдыры біте қайнасқан тұлғалардың өмірі жастарға үлгі.
Ғасырға жуық тарихы бар Қазалы көлік-техникалық жоғары колледжі – кәсіби мамандар шоғыры қалыптасқан іргелі оқу ордасы. Бүгінде 
11 мамандық, 18 біліктілік бойынша білім беретін колледжде студенттерге барлық жағдай жасалған. Мұнда жаңа оқу-техникалық құралмен жабдықталған 36 кабинет, 10 шеберхана, 3 полигон, 100 орындық ғылыми-әдістемелік кабинет, ауыл балалары үшін 100 орындық жатақхана бар.
Білім ордасы 2020 жылы «Жас маман» жобасы аясында оқуға қажетті заманауи құрал-жабдықтар алынды. Бұл студенттердің сапалы білім алуына, білікті маман болып қалыптасуына мол мүмкіндік беруде.
Бүгінде колледж көлік-логистика бағытында өзге оқу орындарымен әріптестік байланыс орнатқан. Міне, осының нәтижесінде үздік студенттер жоғары оқу орындарында грантта оқуда.
Еңбек нарығында сұранысқа ие білікті маман ғана бәсекеге қабілетті бола алады. Оқу орнында бұл бағыттағы жұмыстар жүйелі жүргізілуде. Студенттер дуалды оқыту жүйесі бойынша бірнеше мекемелерден тәжірибеден өтуде. Мәселен, аудандағы Қазалы вагон жөндеу депосы, Қазалы локомотив жөндеу зауыты, Қызылорда жол бөлімінің Қазалы станциясы, «LCІ-MK», «Намыс-Құрылыс», «АЭS and Limited», «РЗА Нан» серіктестіктерінде білімдерін шыңдауда.
Еліміз бойынша темір жол мамандарын дайындайтын санаулы оқу орындарының бірі – Қазалы көлік-техникалық колледжі уақыт көшінен қалыспай, сала кадрларын даярлау ісін одан әрі де жандандыра бермек.

Қазақстан және Қызылорда облысының жаңалықтары: Білім

Бакалавриатқа оқуға түсудің шекті балы қанша?

Қызылордалық оқушылар «Мың бала» және «IQanat» олимпиадаларында үздік нәтиже көрсетті

Қорқыт ата атындағы Қызылорда университетінің түлектері диплом алды

Сыр дарындары аймақ қоржынына 16 алтын медаль салды

Талапкерлер ЖОО-ға түсу үшін құжаттарды үйден шықпай-ақ тапсыра алады

Білім беру гранттарына құжат қабылдау 13 шілдеде басталады

Қызылордалық 100 студентке облыс әкімінің гранты бөлінбек

Биыл Қызылорда облысында 9 мектеп пайдалануға беріледі

Аграрлық колледж – білікті мамандар мекені

Қызылордалық оқушы халықаралық олимпиаданың қола жүлдегері атанды

Асхат Аймағамбетов: Ерте жастан жазу мен санауды үйренген балалардың мектепте үлгерімі жақсы болады

Кәсіптік білімнің ұстаханасы

Қазақстан және Қызылорда облысының жаңалықтары: Білім

Бакалавриатқа оқуға түсудің шекті балы қанша?

Қызылордалық оқушылар «Мың бала» және «IQanat» олимпиадаларында үздік нәтиже көрсетті

Қорқыт ата атындағы Қызылорда университетінің түлектері диплом алды

Сыр дарындары аймақ қоржынына 16 алтын медаль салды

Талапкерлер ЖОО-ға түсу үшін құжаттарды үйден шықпай-ақ тапсыра алады

Білім беру гранттарына құжат қабылдау 13 шілдеде басталады

Қызылордалық 100 студентке облыс әкімінің гранты бөлінбек

Биыл Қызылорда облысында 9 мектеп пайдалануға беріледі

Аграрлық колледж &#8211; білікті мамандар мекені

Қызылордалық оқушы халықаралық олимпиаданың қола жүлдегері атанды

Асхат Аймағамбетов: Ерте жастан жазу мен санауды үйренген балалардың мектепте үлгерімі жақсы болады

Кәсіптік білімнің ұстаханасы

Аграрлық колледж – білікті мамандар мекені