<a href="https://kyzylorda-news.kz/">Kyzylorda-news.kz.</a> Ауданның орталық алаңда Арал қаласының 95 жылдық мерейтойы аясында мұғалімдер күні мерекесі кең көлемде аталып өтті. Ұстаздар қауымының мерейі өсіп, көңілдеріне шаттық орнаған шараға тұрғындар көптеп жиналды.
Ұрпақ тәрбиелеуде өзінің уақытын аямай, шәкірттерінің бақытын аялай білген жандарға арналған салтанатты шараға аудан әкімі Серік Сермағамбетов қатысып, мұғалімдерді төл мерекелерімен құттықтады.
<blockquote>«Ұстаз - жоқ жерге бардың шырағын алып барған, шәкірт зердесіне асыл қасиетті дарытқан, білімнің бағдары, ұрпақтың бағбаны болған киелі мамандық иесі. Бүгінде мемлекет тарапынан жасалып жатқан қолайлы жағдайлардың нәтижесінде көптеген жетістіктерге қол жеткізіп келеміз. Жыл сайын білім саласын қаржыландыру көлемінің &nbsp;артуымен ауданымыздағы оқу ордаларын жаңартудамыз. Мәселен, үстіміздегі жылы ауданымызда 4 жеке балабақша және жаңа оқу жылы қарсаңында №71 мектеп-интернаты оқушылар игілігіне пайдалануға берілді», - деп білім саласындағы жаңалықтарды атап өтті.</blockquote>
Өңірдегі 3 ауысымдық &nbsp;мектептерді болдырмау мақсатында 2025 жылға дейін ауданда 8 жаңа мектеп салуды жоспарлануда. Бүгінде ауданымызда 3000-нан аса педагог мамандар түрлі білім беру ұйымдарында қызмет етуде. Биылғы жылы түлектердің 77 пайызының жоғары оқу орындарының грант иегері атануы балаларымызды білім нәрімен сусындатып отырған аудан ұстаздарының кәсіби шеберлік сапасын көрсетеді.
Салтанатты шара барысында қажырлы еңбегімен танылған бірқатар мәртебелі мамандық иелері марапат төрінен көрінді. Атап айтар болсақ, білім саласының ардагері Үргенішбай Қуатов «Арал ауданының Құрметті азаматы» атанды. Сонымен бірге сала ардагерлері Сапарғали Мастетбайұлы мен Лепес Қожабайұлына Қазақстан Республикасының Оқу-ағарту министірлігінің «Еңбек ардагері» медалі табысталса, №81 орта мектебінің оқу ісі жөніндегі орынбасары Айгүл Таушерқызы аталған министрліктің «Мейірім-әлемге махаббатпен» медалін кеудеге тақты. Сондай-ақ бірқатар білім беру саласының озық қызметкерлері облыс, аудан әкімінің алғыс хаты мен Құрмет грамотасына ие болды. Мұнымен қоса «Алтын белгі» иегерлерінің бастауыш сынып жетекшілеріне «Біркөлік» шипажайына жолдама берілді.
Ұстаздар күні тарихы теңізбен ұштасқан Арал қаласының 95 жылдық мерейлі мерекесін атап өтудің алғашқы шарасы болды. Аудан мұғалімдерінің мерекелік кешінде аудан өнерпаздарымен қатар, эстрада жұлдыздары Бақыт Шадаева, Дастан Сағынжан және Төреғали Төреәлі арнайы келіп құттықтап, аралдықтарға мерекелік көңіл күй сыйлады.&nbsp;
Кеш соңы әсем от шашумен аяқталды.
<figure class="image"><img src="https://knadmin.beoblood.kz/uploads/310677991_3382258748769154_8239795681772110570_n_42da00a388.jpg" alt="310677991_3382258748769154_8239795681772110570_n.jpg"></figure><figure class="image"><img src="https://knadmin.beoblood.kz/uploads/311169267_3382260198769009_8277842905797108010_n_69c9ab6e7f.jpg" alt="311169267_3382260198769009_8277842905797108010_n.jpg"></figure>

Ұстаз деген - жарық күні ғаламның...

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университетінің оқытушысы Эльмира Тойлыбекова Біріккен Араб Әмірліктерінің Дубай қаласында өткен «ХІІ Global Teashing Dubai» атты халықаралық шараға қатысты.
«Ашық аспан астындағы 72 дәріс» тақырыбында өткен семинар бес күнге созылып, білім беру саласындағы өзекті тақырыптар талқыланды.
Халықаралық шарада білім беру саласының өкілдері «Педагог мәртебесін көтеру», «Сабақтағы проблемалық оқыту әдістері», «Педагогтардың БАҚ-пен жұмысы», «SMM және педагог» бағыттары бойынша тәжірибе жинақтады.
Семинарға қатысқан педагогтер өзара тәжірибе алмасумен қатар, өз саласы бойынша жоба қорғады. Мен халықаралық жиында «Абайдың саяси-құқықтық ойлары және ХХІ ғасырдағы Қазақстан» тақырыбындағы зерттеуімді ұсындым. Презентация барысында Абайдың этникааралық және құқықтық ойлары, заңгер ретіндегі шешімдеріне көпшілік назарын аударттым. Мемлекет басшысы Қасым-Жомарт Тоқаев «...шетелдіктердің бәрі бірдей Қазақстан дегенде бірден Абайдың есімін атайтындай дәрежеге жетуіміз керек» деген болатын. Қазір Scopus деректер базасында Абай Құнанбаев туралы 19 жарияланым бар. Меніңше бұл өте аз көрсеткіш, сондықтан әлемдік деңгейде Абай мұраларын насихаттау жұмыстарын күшейту керек. Қазіргі уақытта мектепте «Абайтану» курсы 9-сыныпта басталады. Бірақ, «Абайтану» курсын 1-сыныптан бастау керек деген ойдамын, – деді Эльмира Орынтайқызы. &nbsp;
Айта кету керек, біздің елімізден семинарға 30-ға жуық оқытушы қатысып, арнайы сертификат иеленді.
<img src="https://knadmin.beoblood.kz/uploads/uni_aae2f8ec6e.jpg" alt="уни.jpg"><img src="https://knadmin.beoblood.kz/uploads/univer_e583e1cdf7.jpg" alt="универ.jpg">

Университеттің Біріккен Араб Әмірліктерімен халықаралық байланысы кеңейді

<a href="https://kyzylorda-news.kz/">Kyzylorda-news.kz.</a> Қазалы ауданында «Шәкірттерге жан жылуын сыйлаған, Барша жұрттың, құрметтісі, сыйлы адам» атты мерекелік шара өтті. Ұстаздар күні мерекесінде көпшілік мұғалімнің мерейін өсірген бірнеше игілікті істің куәсі болды.
Әйтеке би кентіндегі №266 мектеп-лицейде өткен шарада алдымен сахна төріне аудан әкімі мен облыстық білім басқармасы басшысының ықылас гүлі шығарылып, ұлағатты ұстаздарға құрмет көрсетілді.
Салтанатты шарада аудан әкімі Мұхтар Оразбаев мұғалімдерді мерекемен құттықтап, игі тілегін жеткізді.
<blockquote>«Ұстаз – ұлағатты есім. Кез келген қоғамдағы, барлық кезеңдегі ұстаздың ұлы міндетіне баға жетпейді. Ұстаздар жайлы ұлы Абай «Адам бойындағы барлық жақсылық мұғалімнен дариды» деп баға берсе, қазақ әдебиетінің көрнекті өкілі Мағжан Жұмабаев «Алты алаштың баласы бас қосқанда, қадірлі орын – мұғалімдікі» деген болатын. Егемен еліміздің шәкірттерін тәрбиелеудегі сіздердің еңбектеріңіз зор. Расында, ұстаз – шәкірт бойына асыл ой, адамгершілік, ұлттық сана-сезімді сіңіре білетін тәрбиеші. Ел болашағын сеніп тапсырар, Тәуелсіз Қазақстанның әрі қарай нығаюына үлес қосар өскелең ұрпақты тәрбиелейтін беделді тұлға. Сондықтан да, ұстаздық – қай кезде де сый-құрметке лайық әрі сұранысқа ие қадірлі де қастерлі мамандық болып қала береді. Себебі, қарапайым жұмысшы да, ел басқарып отырған тұлға да, ғалымдар мен өнертапқыштар да, әлемді бағындырып жүрген өнерпаздар да ұстаз алдынан өтіп, мұғалімнің тәлім-тәрбиесін алатыны сөзсіз. Сондықтан ұстаздар күні – қоғамдағы орны ерек мерекелердің бірі», – деген аудан басшысы білім саласының дамуына лайықты үлес қосқан бірқатар жандарды марапаттады.</blockquote>
Мұнан соң Қызылорда облысының құрметті азаматы, «Құрмет» орденінің иегері Самұрат Имандосов, облыстық мәслихаттың депутаттары Мнажадин Өтеев пен Ібайдулла Тілеп, аудандық білім бөлімінің басшысы Әділхан Жөлекешов құттықтау сөз сөйлеп, ұстаздарды марапаттады.
Мерекелік шарада әртүрлі сала өкілдері де сахна төріне көтеріліп, жылы лебіздерін білдірді. Мәселен, теміржол саласының атынан ардагер Кемал Аманов, денсаулық саласынан Қазалы ауданаралық ауруханасының бас дәрігері Бақыткүл Әлішева, энергетика саласынан «Энергомеро» ЖШС директоры Бекетай Мұқашев, ауыл шаруашылығы саласынан «Мерей» шаруа қожалығының төрағасы Медеу Есқожаев, өнер саласынан Қорқыт ата атындағы балалар өнер мектебінің директоры Сәуке Әліш, білім саласынан «Қазақстанның еңбек сіңірген ұстазы» атты ерекше белгісінің иегері Жәмилә Әбжан ізгі тілектерін айтып, бірқатар ұстаздарға марапаттарын табыстады.
Салтанатты шарада Жанқожа батыр атындағы №70 орта мектептің директоры Төребай Шермаханов «Ыбырай Алтынсарин» төсбелгісімен марапатталады.
Сонымен қатар, бірқатар ұстаздарға ҚР Оқу-ағарту министірлігі, облыс әкімі мен облыстық мәслихат хатшысы, аудан әкімі облыстық білім басқармасының «Алғыс хаты», ҚР Оқу-ағарту министірлігі, Қазалы ауданы мен Қызылорда облыстық білім басқармасының «Құрмет грамотасы», ҚР Оқу-ағарту министірлігінің «Еңбек ардагері» төсбелгісі, «Білім және ғылым қызметкерлерінің кәсіподағына сіңірген еңбегі үшін» төсбелгісі және тағы бірқатар марапаттар тапсырылды.
Ал, бірқатар ардагер ұстаздар мен «Алтын белгі» түлектерінің алғашқы ұстаздарына «Таң – Нұры» және «Біркөлік» шипажайларына жолдамалар табысталды.
Ұлағатты ұстаздардың мерейін үстем еткен көңілді кеште өнерпаздар ән-күйден шашу шашып, көпшіліктің көңілін бір серпілтіп тастады.&nbsp;
Мерекелік шара барша мұғалімдердің орындауындағы «Ұстазым» әнімен қорытындыланды.
<img src="https://knadmin.beoblood.kz/uploads/Kazaly2_14a165b35c.jpg" alt="Казалы2.jpg"><img src="https://knadmin.beoblood.kz/uploads/kazaly_9397b0fec7.jpg" alt="казалы.jpg">
<img src="https://knadmin.beoblood.kz/uploads/ustaz_d09689d5a8.jpg" alt="устаз.jpg">

Мұхтар Оразбаев: Ұстаздар күні – қоғамдағы орны ерек мерекелердің бірі

<a href="https://kyzylorda-news.kz/">Kyzylorda-news.kz.</a> М.Мәметова атындағы Қызылорда педагогикалық жоғары колледжінде Кеңес Одағының батыры М.Мәметованың туғанына 100 жыл және оқу орнының құрылғанына 90 жыл толуына орай «ЖАСТЫҚ ЖАЛЫНЫМЫЗ – СҮЙІКТІ ОТАНЫМЫЗҒА!» атты әскери-патриоттық сайыс ұйымдастырылды.
Патриоттық шараға Қарулы күштерінің Құрметті ардагері, «Қарулы Күштерінің ардагерлері» Республикалық қоғамдық бірлестігі Қызылорда облыстық филиалының төрағасы, запастағы подполковник Мыңділда Ршауов, Қызылорда облыстық ауған соғысы ардагерлер ұйымының төрағасы Қайраддин &nbsp;Баймағанов, Қызылорда облыстық тәжік ауған соғысы ардагерлер ұйымы төрағасы Марат Орынбайұлы, Тәрбие, идеологиялық және әскери патриоттық жұмыстар басқармасының бастығы, департамент бастығының орынбасары Алмат Жакипов, 66597 әскери бөлім командирінің тәрбие және идеологиялық жұмыстары жөніндегі орынбасары, подполковник Арслан Абиев, облыстық «Жастар ресурстық орталығы» КММ-нің директоры Талғат Тілес, «Жас Сарбаз» әскери патриоттық РҚБ-нің Қызылорда облыстық филиалының төрағасы Әкімжан Төлебай және әскери оқытушылар қатысты.
Мәншүк атын аялап, ерлігін ұрпақ жадына ұран етіп келе жатқан, бірлігі мен тірлігі жарасқан оқу орны басшысы Жақсыгүл Қоханқызы сөз алып ұлағат ұясы ұжымын мерейтоймен құттықтады. Колледж ауласында орналасқан «Мәншүк» ескерткішіне естелік гүл қойылып, батыр қыз рухына тағзым жасалды. Сонымен бірге концерттік бағдарламаны тамашалап, 66597 әскери бөлімінің әскери іс-қимылдар мен жауынгерлік дайындықтың түрлерінен көрініс көрсетілді.
Бүгінде жас өрендердің әлеуетін көтеру, салауатты өмір салтын ұстанып, туған жер мен Отанға деген патриоттық сезімді арттыру мақсатында Мәметова атындағы Қызылорда педагогикалық жоғары колледжінің «Жас сарбаз» әскери-патриоттық клубының жетекшісі, запастағы аға-лейтенант Оңдасын Жолдасбайұлының ұйымдастыруымен техникалық және кәсіптік білім беру ұйымдарының студенттері арасында әскери-патриоттық сайыс өткізілді.
Жылдамдық пен ептілік, төзім мен күш сыналатын бәсеке осы жылы да өз жалғасын тауып, сайысқа қатысушылар саптық қадам басу, Калашников оқу қаруын шашып-құрау, оқжатарға патрондар жарақтаудан және нысанаға дәлдеп тигізуден бақ сынасты.
Сайыс нәтижесінде төрешілер шешімімен:
М.Ықсанов атындағы Қызылорда политехникалық колледжі – I орын
Абылай хан атындағы жоғары колледжі – II орын
М.Мәметова атындағы Қызылорда педагогикалық жоғары колледжі – III орын
И. Әбдікәрімов атындағы Қызылорда аграрлық техникалық жоғары колледжі –IV орын
Көпсалалы «Болашақ» колледжі – V орын иеленді.
Сайыс қорытындысына сәйкес, үздік атанған колледж жастары марапатталып, сыйлықтар табысталды.
<img src="https://knadmin.beoblood.kz/uploads/311231269_1356991238408865_316818324430037545_n_a0b6ebc7fe.jpg" alt="311231269_1356991238408865_316818324430037545_n.jpg"><img src="https://knadmin.beoblood.kz/uploads/311160798_1356992261742096_4480498967148162684_n_0b3be44d52.jpg" alt="311160798_1356992261742096_4480498967148162684_n.jpg"><img src="https://knadmin.beoblood.kz/uploads/311297251_1356992328408756_539392514307527343_n_037db4acf8.jpg" alt="311297251_1356992328408756_539392514307527343_n.jpg"><img class="image_resized" style="width:100%;" src="https://knadmin.beoblood.kz/uploads/311290416_1356991098408879_4129644429994088372_n_776e1c108d.jpg" alt="311290416_1356991098408879_4129644429994088372_n.jpg"><img src="https://knadmin.beoblood.kz/uploads/311061249_1356992131742109_5155936841571479231_n_b12854ff32.jpg" alt="311061249_1356992131742109_5155936841571479231_n.jpg">

Қызылордада әскери-патриоттық сайыс өтті

<a href="https://kyzylorda-news.kz/">Kyzylorda-news.kz.</a> Бүгін Корея Республикасы Ғылым және Білім Министрлігі жанындағы Корея тарихы және мәдениет орталығының бас хатшысы Чонг Кёнгвон бастаған делегация &nbsp;Ә.Мүслімов атындағы №101 мектеп-лицейінің жұмысымен танысты.&nbsp;
Делегацияны &nbsp;Қызылорда қаласы әкімінің орынбасары Ақзира Бақтыбайқызы қарсы алып, «жасыл мектеп» жылыжай жобасы аясында жүзеге асып жатқан ұстаздар мен оқушылардың бірігіп жасаған жылыжай жұмысымен және жылыжайда өсірілген өнімдерімен таныстырды.&nbsp;
Айта кетейік, Оңтүстік Кореядан келген делегация Кванджу облыстық білім басқармасының үшжақты меморандумын жасау үшін Қызылорда облысы Қоғамдық даму басқармасының «Қоғамдық келісім» коммуналдық мемлекеттік мекемесімен, «Қазақстан корейлер қауымдастығы» Қызылорда облыстық қоғамдық бірлестігі және Қорқыт Ата атындағы Қызылорда университетімен ынтымақтастық мәселелері талқыланып, бірлескен жобаларды жүзеге асыру туралы келісімге қол қойған еді.&nbsp; Меморандум жасасу нәтижесінде аталған мекемелер ынтымақтастық білім, тарих, мәдениет, жалпы білім алмасу саласындағы жобаларды бірлесіп атқаруға мүдделі.&nbsp; Делегация мектепті аралап «жасыл мектеп» жобасын жандандырып, оқушыларды қоршаған ортаны таза ұстап, көгалдандыруға, табиғатты сүюге баулып отырған, жылыжай жұмысына, жас экологтар шоғыры қалыптасқан мектептің жарқын жұмыстарымен танысып, жоғары баға берді.
Ұлт сапасын арттыру үшін білім беруді дамытудың маңызы зор. Мемлекет басшысы Қасым-Жомарт Кемелұлы Тоқаев биылғы Жолдауында білім сапасын арттырып, ел игілігіне бағыттаудың маңыздылығына тоқталып, бірқатар міндеттерді атап өтті. Адамның өркениеттегі орны тәрбие-біліммен өлшенеді. Білім - жалпыадамзат қоғамы үшін маңызды құндылық. Білім беруді дамыту үшін өзгерістің қажет екені сөзсіз. Өзге мектептермен, өзге елдермен тәжірибе алмасу - кәсіби қажеттілік.&nbsp;
<figure class="image"><img src="https://knadmin.beoblood.kz/uploads/korej2_b9865a0475.jpg" alt="корей2.jpg"></figure>
<figure class="image"><img src="https://knadmin.beoblood.kz/uploads/korej1_a80841437a.jpg" alt="корей1.jpg"></figure>

Оңтүстік Кореядан келген делегация №101 мектеп жұмысымен танысты

<a href="https://kyzylorda-news.kz/">Kyzylorda-news.kz.</a>&nbsp;Қорқыт ата атындағы Қызылорда университетінің 85 жылдық мерейтойы аясында, ұстаздар күніне орай «Ұстазым, бір өзіңе бас иемін!» атты салтанатты жиын өтті.&nbsp;
Мерекелік шарада университет ректорының міндетін атқарушы Нұрлан Уразбаев профессор-оқытушылардың елеулі еңбегіне тоқталып, кәсіби мерекемен құттықтады.&nbsp;
<blockquote>«Қазіргі таңда университет еліміздегі үздік оқу орындарының қатарында. «Қазақстан Республикасының сұранысқа ие жоғары оқу орындары Ұлттық Рейтингі – 2022» бойынша үздік ондыққа ендік. Тарихы терең оқу орнының жыл сайын дамуына, еліміздегі сұранысқа сай мамандардың даярлануына педагогтердің қосқан үлесі зор»,-деді Нұрлан Жеткергенұлы.</blockquote>
Жаңа оқу жылында өз саласының кәсіби шебері саналатын &nbsp;университеттің бірқатар қызметкерлері марапат төрінен көрінді. Жоғары білікті мамандар даярлауда еңбек етіп жүрген оқытушы-профессорлар Қызылорда облысы әкімінің Алғыс хатымен, облыстық білім кәсіподағының марапатына ие болса, оқу орнының стратегиялық дамуына үлес қосқан қызметкерлерге басқарма төрағасы-ректордың арнайы марапаттары &nbsp;табысталды.&nbsp;
Жиынға зиялы қауым өкілдері, университет ардагерлері, оқытушы-профессорлар және білім алушылар қатысты. Салтанатты шара Инженерлі-технологиялық институтының профессор-оқытушылары мен білім алушыларының мерекелік концертімен қорытындыланды.
Айта кетейік, бүгінде Қорқыт ата атындағы Қызылорда университетінде 470 профессор-оқытушы жұмыс істейді. Олардың қатарында 27 философия докторы, 22 ғылым докторы, 176 ғылым кандидаты, 11 профессор, 48 доцент, 185 магистр қызмет етуде. Биыл оқу орнында білім алушылар саны 9 мыңнан асты.
<img src="https://knadmin.beoblood.kz/uploads/photo1665036285_99c3121ef2.jpeg" alt="photo1665036285.jpeg">

Қызылордада профессор-оқытушыларға құрмет көрсетілді

<a href="https://kyzylorda-news.kz/">Kyzylorda-news.kz.</a> Корея Республикасы Ғылым және Білім Министрлігі жанындағы Корея тарихы және мәдениет орталығының бас хатшысы Чонг Кёнгвон бастаған делегация Достық үйіне келді. Кездесуде тараптар ғылым, білім, мәдениет және тарих саласындағы үшжақты меморандумға қол қойды.
Кванджу қалалық білім басқармасының үшжақты меморандумын жасау үшін Қызылорда облысы Қоғамдық даму басқармасының "Қоғамдық келісім" коммуналдық мемлекеттік мекемесімен, "Қазақстан корейлер қауымдастығы" Қызылорда облыстық қоғамдық бірлестігі және Қорқыт Ата атындағы Қызылорда университетімен ынтымақтастық мәселелері талқыланып, бірлескен жобаларды жүзеге асыру туралы келісімге қол қойылды.
Меморандум жасасу нәтижесінде аталған мекемелер ынтымақтастық білім, тарих, мәдениет, жалпы білім алмасу саласындағы жобаларды бірлесіп атқаруға мүдделі.
Атап айтқанда, серіктес елдің білім алмасу делегацияларының сапарларындағы, білім беру және стипендияларды басқару саласында Ақпарат және тәжірибе алмасу, оқу орындары арасындағы қарым-қатынасты нығайтуға және екі жақтың да білім алуын дамытуға байланысты басқа салалардағы ынтымақтастық.
Мазмұнды кездесуде "Қоғамдық келісім" КММ директорының орынбасары Айбек Дайрабай, Қызылорда облыстық корей этномәдени бірлестігінің төрағасы Ким Елена, Корея Республикасы Білім және ғылым министрлігі жанындағы Корея тарихы және мәдениет орталығының бас хатшысы Чонг Кёнгвон және Қорқыт Ата атындағы Қызылорда университеті ректорының міндетін атқарушы Нұрлан Оразбаев сөз сөйлеп, үшжақты қарым-қатынасты дамытуға белсенді түрде атсалысуға дайын екендерін жеткізді.
Айта кететіні, бұған &nbsp;дейін үстіміздегі жылдың тамыз айында Сыр өңірінің тарихы, мәдениетімен танысу ниетінде Оңтүстік Кореядан 100-ден аса студент, оқушылар келді. Олар өңірлік корей этномәдени бірлестігінің өкілдері және жастармен кездесіп, Корея және Қызылорда арасындағы үлкен дәрежедегі достықты, жан-жақты байланысты сөз еткен болатын. &nbsp;
<img src="https://knadmin.beoblood.kz/uploads/311015469_3321885741463916_3856280853374534837_n_4e3141448f.jpg" alt="311015469_3321885741463916_3856280853374534837_n.jpg">
<img src="https://knadmin.beoblood.kz/uploads/311290625_3321885821463908_2141966022527579633_n_4342e4fc8e.jpg" alt="311290625_3321885821463908_2141966022527579633_n.jpg">

Кореямен білім саласындағы ынтымақтастық артады

<a href="https://kyzylorda-news.kz/">Kyzylorda-news.kz.</a> Сырдария аудандық мәдениет үйінде аудандағы білім беру қызметкерлерінің кәсіби мерекесіне арналған салтанатты жиын өтті.
Салтанатты жиынды аудан әкімі Мұрат Ергешбаев ашып, еркін елдің ертеңі - бүгінгі жас ұрпаққа кемел білім мен кенен ғылым нәрін сусындатқан ұстаздар қауымын төл мерекелерімен құттықтады.
<blockquote>«Дамудың жаңа дәуіріне қадам басқан сайын, соған сай білім беру саласы да үздіксіз жетілдіріп отыруды қажет етеді. Мемлекет басшысы Қасым-Жомарт Тоқаев білім мен ғылымның дамуына аса мәнберіп, жастарды оқуға, жаңа ғылым-білімді игеруге үндеп келеді. Қазіргі уақыт – білектінің емес, білімдінің заманы. Рухани өресі биік, ұлттық құндылықтарды ұлықтай білетін азамат тәрбиелеу – ұстаздардың қолында. Бүгінгі күнгі білім саласындағы реформалар – жаңартылған білім мазмұны, бес күндік оқуаптасына көшу ұстаздардан өз білімдерін үздіксіз жетілдіріп отыруын талап етеді. Мерейлі мереке күні ауданның білім саласының барлық қызметкерлері мен ардагер-ұстаздарына ризашылығымды білдіремін. Төл мерекелеріңізбен құттықтай отырып, Сіздерге зор денсаулық, отбасыларыңызға амандық, еліміздің келешегін қалыптастыратын, дамуына үлкен үлес қосатын білімді ұрпақ тәрбиелеудегі еңбектеріңізге зор шығармашылық табыстар тілеймін», - деді аудан басшысы құттықтау сөзінде. &nbsp;</blockquote>
Осындай ұлты ұлықтаған ұстаздарды мереке қарсаңында аудан басшысы Тәуелсіз еліміздің әлеуетін көтеруде, жас ұрпақты оқыту және тәрбиелеу ісінде елеулі табыстары үшін №36 Ә.Тәжібаев атындағы мектеп-лицейінің химия-биология пәнінің мұғалімі Батишева Үміткүл Жағыппарқызын "Ы.Алтынсарин" төсбелгісімен марапаттады.
Сонымен қатар, жиында бірқатар мұғалімдер «Білім беру ісінің Құрметті қызметкері» &nbsp;төсбелгісімен, Оқу-ағарту министрлігінің «Еңбек ардагері» медалімен, ҚР Оқу-ағарту Министрлігінің Алғысымен, ҚР Салалық Білім және ғылым қызметкерлерінің кәсіподағы «Құрмет грамотасымен», облыс әкімінің, аудан әкімінің «Алғыс хатымен» марапатталды.&nbsp; Салтанатты шарада бірқатар білім беру саласының қызметкері 2021-2022 оқу жылының қорытындысымен №37 мектеп-лицейдің &nbsp;бастауыш сынып мұғалімі Сейтасқарова Роза Айнашқызы "Үздік педагог" &nbsp;атағымен, «Үздік білім беру ұйымы» номинациясымен №42 мектеп-лицей ұжымы, «Білім бәйтерегі» &nbsp; номинациясымен №35 мектеп-лицей ұжымы, «Үздік жаңашыл мектеп» номинациясымен №139 орта мектеп ұжымы марапатталып, үздіктерге қаржылай сыйлықтар табысталды.
Мерекелік шара аудандық мәдениет үйі, əуез мектебі көркемөнерпаздарының, мектеп оқушыларының концерттік бағдарламасына ұласты.
<img src="https://knadmin.beoblood.kz/uploads/Syrdariya_dffb5b661e.jpg" alt="Сырдария.jpg">

Сырдария ауданында мұғалімдер марапатталды

<a href="https://kyzylorda-news.kz/">Kyzylorda-news.kz.</a>«Алты алаштың баласы бас қосқанда, төр мұғалімдікі» деп ақын Мағжан Жұмабаев айтқандай, шәкірттерін білім нәрімен сусындатып, адамгершілік асыл қасиеттерді, тәлім-тәрбиені &nbsp;бойына дарытатын ұстаздар қауымы барлық алғыс пен құрметке қашанда лайық.
Осы орайда Шәмшат Төлепова атындағы Қармақшы аудандық мәдениет үйінде «Ұстаз деген –ұлылардың ұлысы,қасиетіңе бас иелік мәңгілік» тақырыбында &nbsp;Ұстаздар күніне орай мерекелік концерт өтті.&nbsp;
Мерекелік шараға аудан әкімі Әділбек Ерсұлтанов қатысып, білім саласында аянбай еңбек етіп жүрген барша ұстаздар қауымын кәсіби мерекесімен құттықтады.
<blockquote>«Ұстаз – ұлы ұғым, ұлағатты есім. Халқымызда «Ұрпақ болашағы – ұстаздардың қолында» деген тағылымы мол сөз бар. Яғни, жас ұрпаққа сапалы білім, саналы тәрбие беретін мұғалімдер – мектептің жаны, руханияттың шамшырағы, білім мен ғылымның жанашыры. Сіздерді мерейлі мерекелеріңізбен &nbsp;шын жүректен құттықтаймын және дендеріңізге саулық, шаңырақтарыңызға шаттық тілеймін», – деді аудан әкімі.&nbsp;</blockquote>
Сондай-ақ Әділбек Бөрібайұлы &nbsp;ауданымыздағы &nbsp;білім саласында атқарылып жатқан игі істермен, жетістіктерді атап өтіп,бұл оңды көрсеткіштер бала өмірінің бағбаны бола білген ұстаздарымыздың маңдай тері мен еткен еңбегінің нәтижесі екендігін айтты.
Салтанатты шарада бірқатар ұстаздар ҚР Білім және ғылым министірінің Құрмет грамотасы, және облыс, аудан әкімдерінің Алғыс хаттарымен марапатталса,бүгінгі мерекенің мейманды қонақтары бола білген &nbsp;білім саласының ардагерлеріне де &nbsp;айрықша &nbsp;құрмет көрсетіліп, &nbsp;сый-сияпат жасалып, ақжарма тілектер арналды.
Кеш соңы аудан өнерпаздарының ән шашуымен жалғасын тауып,ұстаздар қауымына &nbsp;керемет &nbsp;мерекелік көңіл күй сыйлады.
<img src="https://knadmin.beoblood.kz/uploads/karmakshy1_49edb7d11f.jpg" alt="кармакшы1.jpg"><img src="https://knadmin.beoblood.kz/uploads/karmakshy2_96ed35d528.jpg" alt="кармакшы2.jpg">

Қармақшыда ұлағатты ұстаздар ұлықталды

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университетінің студенті Жансая Мирамбекқызы цитрустық жеміс ағаштары мен құлпынай өсіруді қолға алды. Ол «Бизнестің жол картасы – 2025» бизнесті қолдау мен дамытудың мемлекеттік бағдарламасы аясында жоба ұсынып, 5 миллион теңгеге дейінгі қаржылай қолдау тапты.&nbsp;
Жансая Мирамбекқызы Қызылордада цитрустық жемістерді патенттеп, жерсіндіруді бастаған алғашқы кәсіпкерлер қатарында. Осыған дейін өз тәжірибесінде лимонды жерсіндіру мақсатында эксперимент жасап көрген.
&nbsp;«Ең алдымен жылыжайда құлпынай өсіріп көрдік. Жаңа жеміс түрін егіп көрудегі алғашқы мақсат – жерсіндіру. Оны зерттеп, қала ішінде егіп көрдік те, өсетініне көз жеткіздік. Жылыжайда қажетті технологияны сақтай отырып, әртүрлі өнімдерді өсіріп көруге болады. Температу¬расын, ылғалдылығын бақылап, қажетті дәрумендер мен қорегін уақытылы өз мөлшерімен беріп, заңдылықтарын сақтаса, жақсы нәтиже беруі мүмкін. Әрине, бұрын егілмеген жаңа жеміс түрлерін еккенде, Қызылорда облысының топырағы бойынша тәжірибе болмағандықтан түрлі қиындық кездесті. Алайда, қиындықтың бәрі – тәжірибе, білім. Бүгінгі күні жылыжайда лимон түйнек салып тұр», – деп атап өтті Жансая Мирамбекқызы.
Алдағы уақытта ол цитрустық жеміс ағаштары мен құлпынай көшеттерін өсіріп, жылыжай жабдықтарын алуды жоспарлап отыр. Жансая Мирамбекқызы – «Биология» мамандығының 4-курс студенті, «Президенттік стипендия» иегері. Жансаяның ата-анасы да аталмыш университеттің жылыжайында жұмыс істеген агрономдар. Бүгінде бұл жоба отбасылық кәсіптің жалғасы болмақ.
<img src="https://knadmin.beoblood.kz/uploads/310763576_134491852668352_3688118869929398688_n_b4a119aa09.jpg" alt="310763576_134491852668352_3688118869929398688_n.jpg"> &nbsp;

Қызылордалық студент цитрустық жеміс ағаштарын өсірмек

<a href="https://kyzylorda-news.kz/">Kyzylorda-news.kz.</a> Шиелі ауданында білімнің бағдары, ұрпақтың бағбаны болған ұлағатты мамандық иелері - ұстаздар қауымының кәсіби мересіне орай салтанатты шара өтті.
Шарада аудан әкімі Нұржан Ахатов құттықтау сөз сөйлеп, барша &nbsp;білім саласының қызметкерлері мен ардагерлерін мерекемен құттықтады.
<blockquote>«Білім атты теңдессіз күшті ұрпақ бойына сіңіретін, қоғамның алғы шебінде жүретін ұстаздар қауымы - қазіргі күн санап өзгеріп жатқан дүбірлі дүниеде &nbsp;жас ұрпақтың санасы мен дүниетанымының қалыптасуына &nbsp;ықпал ете алатын мәртебелі тұлға. Сондықтан, ұстаздық қай кезде де сый-құрметке лайық әрі сұранысқа ие қадірлі де қастерлі &nbsp;мамандық &nbsp;болып &nbsp;қала &nbsp;бермек. Ұстаз еңбегінің нәтижесі шәкірт жетістігімен өлшенеді. Оған халықаралық, республикалық,облыстық &nbsp;олимпиадалар мен конкурстарда оза шауып, байрақты бәсекелерден жеңіспен оралып жүрген шәкірттеріңіз дәлел. Сонымен бірге білім беру ісіне инновациялық технологияларды ендіріп, кәсіби шеберлік деңгейін үздіксіз көтеріп, ізденіс жолында жүрген ұстаздар қатары да жыл санап көбейіп келеді. Жаһандану заманында жалт еткен жаңалықты жатсынбай, жас ұрпақтың адами тұлғасын қалыптастыруда болашағына бағдаршам болған өздеріңіздей ұстаздарға &nbsp;алғысым шексіз» - деп атап өтті аудан басшысы.</blockquote>
Мәртебелі мамандық иелеріне арналған шара одан әрі марапаттау рәсіміне жалғасып, сый-сыяпаттар табысталды. Б.Қабылұлы атындағы аудандық мәдениет үйінде өткен мерекелік іс-шараның көркін ұстаз тағылымына бас иіп, ән арнаған жас бүлдіршіндердің өнері аша түсті. Салтанатты кеш аудан өнерпаздарының концертімен аяқталды.
<img src="https://knadmin.beoblood.kz/uploads/Shieli1_450b106d62.jpg" alt="Шиели1.jpg">

Нұржан Ахатов ұлағатты мамандық иелерін марапаттады

<a href="https://kyzylorda-news.kz/">Kyzylorda-news.kz.</a> Ел игілігі үшін еңбекпен етене араласып, жарқын болашаққа қарымды қадам жасап жүрген ұлағатты ұстаз есімі – қашан да ардақты.
Жалағаш аудандық Қ.Қазантаев атындағы мәдениет үйінде аудандағы білім беру қызметкерлерінің кәсіби мерекесіне арналған салтанатты жиын өтті.
Салтанатты жиынды аудан әкімі Асқарбек Есжанов ашып, еркін елдің ертеңі - бүгінгі жас ұрпаққа кемел білім мен кенен ғылым нәрін сусындатқан ұстаздар қауымын төл мерекелерімен құттықтады.
<blockquote>«Жүрек қағысы соғып тұрған әрбір пенденің «Ұстаз» деген есімді естіген кезде өзін шәкірт сезініп кетері хақ. Сондықтан да бүгін ұстаздардың алдына шығып, сөз сөйлеу оңай болмай тұр. Кемшілігі болса, шәкірт ретінде кешірерсіздер. Әрине, қазақта керемет сөз бар. «Ұстазы жақсының ұстамы жақсы» деген. Себебі, &nbsp;ұстаз - қасиетті де киелі есім. Жалпы ұстаз атауымен біз өмірдегі адалдық пен имандылықтың, парасаттылық пен өнегеліліктің қайнар көзін ұштастырамыз. Ұстаз болу өміріңнің мәні мен мағынасы десек артық айтқандығымыз емес», - деді аудан басшысы құттықтау сөзінде. &nbsp;&nbsp;</blockquote>
Жиында саналы ғұмырын ұрпақ тәрбиесіне арнап, біліммен сусындатқан бірқатар мұғалімдер «Білім беру ісінің Құрметті қызметкері» төсбелгісімен, Оқу-ағарту министрлігінің «Еңбек ардагері» медалімен, ҚР Оқу-ағарту Министрлігінің Алғысымен, ҚР Салалық Білім және ғылым қызметкерлерінің кәсіподағы «Құрмет грамотасымен», облыс әкімінің, аудан әкімінің «Алғыс хатымен» марапатталды.&nbsp;
Салтанатты шарада бірқатар білім беру саласының қызметкері 2021-2022 оқу жылының қорытындысымен шебер, тәлімгер, ізденімпаз, білікті, парасатты, зияткер, жаңашыл, шығармашыл, креативті мұғалім номинацияларымен, ізденімпаз меңгеруші, шығармашыл әдіскер номинацияларымен марапатталды.&nbsp;
Кәсіби мереке иелеріне аудан әкімінің ықылас гүлі табысталды.
Мерекелік шара аудандық мәдениет үйі, əуез мектебі көркемөнерпаздарының, мектеп оқушыларының концерттік бағдарламасына ұласты.
<img src="https://knadmin.beoblood.kz/uploads/Zhalagash_90d85a789a.jpg" alt="Жалагаш.jpg">
<img src="https://knadmin.beoblood.kz/uploads/mugalim_4e90740a6c.jpg" alt="мугалим.jpg">

Қазақстан және Қызылорда облысының жаңалықтары: Білім