<a href="https://kyzylorda-news.kz/">Kyzylorda-news.kz.</a> Қызылорда облысында Балалар жылына орай «Дүниетану» мультсериалы дайындалды. Бұл туралы бүгін Өңірлік коммуникациялар қызметінде өткен брифингте Қорқыт Ата атындағы Қызылорда университетінің докторанты Сымбат Абдрахманова мәлімдеді.&nbsp;БҰҰ балалар қорының ұлттық тренері, психолог, «Қазақстандағы 100 жаңа есім» жобасының жеңімпазы, Қорқыт Ата атындағы Қызылорда университетінің докторанты Сымбат Абдрахманова мен Қорқыт Ата атындағы Қызылорда университетінің профессоры, педагогика ғылымдарының докторы Шарбан Майгельдиева ғылыми жетекшілігімен дайындалған «Дүниетану» атты жаңа анимациялық әдістемелік құрал таныстырылды.&nbsp;«Қазақстандағы 100 жаңа есім» жобасының жеңімпазы Сымбат Абдрахманова педагог-психолог қана емес, бірнеше тілді меңгерген аудармашы. Ол баланың ақыл-ойын, танымдық әрекетін дамытуға арналған мультфильмдер дайындаумен айналысады.<blockquote>«Мультсериал 10 бөлімнен тұрады. Анимациядағы әр тақырып мектептегі 4-сыныптың «Дүниетану» пәнінен алынған. Бұл құрал Қызылорда қаласының мектептерінде арнайы апробациядан өткен. Мультфильм ютуб желісіне ашық қолданыс үшін салынды. Еліміздің кез-келген тұрғыны мультфильмді қолдана алады. «Дүниетану» мультсериалы жас ұрпақтың бәсекелік қабілетін арттырып, өмірлік дағдыларын дамытып, прагматикалық көзқарасын қалыптастырады. Мультфильм балаларға түсінікті тілмен және түрлі-түсті бояулармен дайындалған», - дейді Сымбат Абдрахманова.</blockquote>Сымбат Нұртазақызы Абдрахманова «Рухани жаңғыру» бағдарламасы аясында өткізілген «Қазақстандағы 100 жаңа есім» жобасының жеңімпазы. 2017 жылы желтоқсан айында Елбасы Н.Ә.Назарбаев жоба жеңімпаздарымен кездесті.&nbsp;«Қазақстандағы 100 жаңа есім» жобасының мақсаты – табысқа жеткен тұлғаларды таныту, олардың өмір жолын, жетістігін үлгі ету. &nbsp;Биыл жобаға 5 жыл толды. Сымбат Абдрахманова бірнеше тілді меңгерумен қатар, қаржы талап етпейтін жобаларды жүзеге асыру, балалар психологиясын зерттеуге байланысты шетелдік басылымдарға мақалалар жазып, түрлі семинарлар өткізеді. Еуропа психологтар қауымдастығының мүшесі, БҰҰ балалар қорының ұлттық тренері.Айта кетейік, осы уақытқа дейін «Қазақстандағы 100 жаңа есім» жобасының жеңімпазы Сымбат Абдрахманова 20 аса қазақ тілінде мультфильмдерді әзірлеген.&nbsp;

Қызылордада «Дүниетану» жаңа анимациялық әдістемелік құрал таныстырылды

<a href="https://kyzylorda-news.kz/">Kyzylorda-news.kz.</a> Жақында Сыр елінің ұстаздары Астана қаласында өткен «Үздік педагог-2022» республикалық байқауында жеңіпаз атанды. Еліміздің түкпір-түкпірінен қатысқан 123 педагогтың арасынан топ жарған &nbsp;сырбойылық 4 ұстазға ҚР Оқу ағарту министрі Асхат Аймағанбетов «Қызылорда облысының білім беру саласын дамытудағы еңбегі үшін» төсбелгісін тағып, 3 миллион теңгенің сертификатымен марапаттады. Бүгін Өңірлік коммуникациялар қызметінде өткен брифингте үздік атанған қызылордалық ұстаздар барша Сыр жұртшылығына алғыстарын білдіріп, алдағы жоспарларымен бөлісті.<blockquote>«Мен 17 жылдан бері Жалағаш ауданы №123 мектебінде қазақ тілі мен әдебиеті пәні бойынша мұғалім болып қызмет атқарып келемін. Жақында Елорда төрінде өткен республикалық «Үздік педагог-2022» &nbsp;байқауына қатысу мүмкіндігі туды. Биылғы &nbsp;байқаудың ерекшелігі – әр аймақтан жиналған ұстаздар Астана қаласындағы мектептердің бірінде ашық сабақ өткізіп, тың әдістерімен бөліседі. Әрине, өзіміз танымайтын ортада сабақ беру сәл қиындық тудырса да, оқушылармен қызықты дәріс өткіздік. Сабақ аяқталғаннан кейін әділ қазы алқалары &nbsp;барлық сабақ құрылымына өте жақсы деген баға берді. Осы уақытқа дейін оқушыларым да республикалық, облыстық, ауданаралық жарыстарда жүлделі орындармен марапатталып келеді. Сол тәжірбиемнің арқасында республикалық байқауда өзім де «үздік педагог» атандым деп ойлаймын», - деді &nbsp;Жалағаш ауданы №123 мектебінің мұғалімі Салтанат Қосжанова.</blockquote>Брифинг барысында №9 дарынды балаларға арналған облыстық «Білім-инновация» лицей-интернатының мұғалімі Ләззат Құлымбетова еңбектің жоғары дәрежеде бағаланғанына ризашылығын білдірді.&nbsp;<blockquote>«Мен 20 жылдан астам білім саласында еңбек етіп келемін. Қазіргі таңда №9 дарынды балаларға арналған облыстық «Білім-инновация» лицей-интернатында география пәнінен сабақ беремін. Елордада өткен республикалық байқауға қатысқаныма өте қуаныштымын. Онда еліміздің әр аймағынан келген педагогтармен етене жақын танысып, мол тәжірбие алмасып, еркін пікірлестік. Бұл байқауда білім саласында қажырлы еңбек еткен ұстаздардан бөлек, балабақшада бала тәрбиесіне айрықша үлес қосып жүрген тәрбиешілерде қатысты. Сол үздіктердің арасында сырбойылық 4 ұстаз марапат төрінен көріндік. Еңбегіміздің жоғары дәрежеде бағаланғанына сеп болған барша жандарға алғысымыз шексіз», - деді №9 дарынды балаларға арналған облыстық «Білім-инновация» лицей-интернатының мұғалімі Ләззат Құлымбетова.</blockquote><figure class="image"><img src="https://knadmin.beoblood.kz/uploads/318772237_1683438878718284_5412029837268099859_n_795df681a0.jpg" alt="318772237_1683438878718284_5412029837268099859_n.jpg"></figure>

Қызылордалық үздік педагогтар жерлестеріне алғыс білдірді

<a href="https://kyzylorda-news.kz/">Kyzylorda-news.kz.</a>&nbsp;&nbsp; Қазақстанда халықаралық және пилоттық мектептер оқу жылының басталу және аяқталу уақытын өздігімен белгілеуді сұрап отыр, деп хабарлайды Оқу-ағарту министрлігінің баспасөз қызметі.&nbsp;<blockquote>«Бұл мектептердің басшылары бұған дейін Оқу-ағарту министрлігіне осындай өтінішпен жүгінген болатын. Бұл жалпы білім беретін мектептерге қатысы жоқ екенін еске сала кетейік. Себебі онда оқу мерзімі өзгеріссіз қалады», - деп түсіндірді министрліктен.</blockquote>Ұсыныста халықаралық және бірқатар пилоттық жекеменшік мектептің өкілдері қысқы каникул мерзімін, сондай-ақ оқу жылының басталу және аяқталу мерзімін дербес реттеуге мүмкіндік беруді сұраған. Мәселен, ЖРВИ (жіті респираторлық вирусты инфекциялар) ауруы өршіп, аяздар күшейетін қысқы мезгілде оқушылар көбірек демалып, оның орнына жазда ұзағырақ оқиды. Яғни оқу жылын 1 қыркүйекте емес, 20 тамызда бастау ұсынылады.ҚР Оқу-ағарту министрлігі Орта білім комитетінің төрағасы Гүлмира Кәрімованың айтуынша, халықаралық мектептерге қойылатын жеке талаптар мен нормалар қазірдің өзінде бар.<blockquote>«Сол себепті академиялық еркіндік шеңберінде шешім қабылдау – бұл бұрыннан бар тәжірибе. Кейбір халықаралық және пилоттық жекеменшік мектептер оқу жылын өз бетінше 20 тамызда бастайтынын білеміз. Бірақ олар оны жазғы мектеп немесе дайындық кезеңі деп атайды, алайда олар сол кезден бастап бағдарлама бойынша оқиды. Осы күндер есебінен олар қыста балаларға екі аптаға ұзағырақ демалыс береді.36 апталық оқу жылы қандай болмасын, міндетті демалыс күндерінің саны және оқу жылының басталуы мен аяқталуының жалпы мерзімдері әлі де халықаралық мектептер үшін әрекет етеді. Ал жалпы тәсілдер шеңберінде жекеменшік және халықаралық мектептердің өздері мерзімдерді реттеу мүмкіндігін қарастыруға болады. Бұл ұсыныс қоғамдық талқылауға шығарылды. Қалған мектептің барлығы үшін оқу жылының басталу және аяқталу мерзімі өзгеріссіз қалады», - деді Гүлмира Кәрімова.</blockquote>

Қазақстанда жекеменшік мектептер каникул уақытын өздігімен белгілеуі мүмкін

<a href="https://kyzylorda-news.kz/">Kyzylorda-news.kz.</a> Сыр Ұландары «Жас Ұланның жұлдызды жылы» акциясында балалар &nbsp;жылы &nbsp;аясында қаншама &nbsp;игілікті істерде өз қолтаңбаларын қалдырды. Бұл туралы облыстық «Жас Ұлан» ББЖҰ қоғамдық бірлестігінің &nbsp;төрайымы Гүлайым Ақмырзаева мәлімдеді. &nbsp;Жақсылыққа құмар &nbsp;ұландар түрлі шараларға &nbsp;белсене араласып, өздері өмір сүріп жатқан қоғамға бей-жай қарамайтындарын &nbsp;көрсетті.&nbsp;<blockquote>«Ай сайын «Ақылды бейсенбі» жобасында тәлімгерлер жас ұландарға танымдық сағаттар, соның ішінде туған өңірдегі ақын-жазушы, өнер майталмандары мен еңбек ардагерлері, қоғам белсенділерімен, әр саладағы үздік мамандармен &nbsp;кездесулер ұйымдастырды.&nbsp; «Оқуға құштар ұлан» акциясы «Оқуға құштар мектеп» жобасы аясында балаларды кітап оқуға дағдыландыру, насихаттау дағдыларын сіңіріп, қызығушылықтарын арттырды. «Әкем &nbsp;үйреткен» жобасында әдет-ғұрыптарды түсіндіру бойынша іс-шаралар, әке тәрбиесінің мектебін қалыптастыру өнегесі айтылды. Әкеден үйренген өнегелерін желіде жариялап, бейнероликтер арқылы әке тәрбиесін насихаттады. «Менімен &nbsp;бірге &nbsp;арманда» акциясында &nbsp;ұландар арнайы есепте тұратын, мінез-құлқы қиын &nbsp;балалармен жұмыс жүргізу шараларын ұйымдастырса, «Көңілді &nbsp;үзіліс» балалардың ең қызықты &nbsp;да дәстүрлі шараларына айналды.Сабақ арасындағы үлкен үзілісте балаларға &nbsp;пайдалы шаралар &nbsp;ұйымдастырып, &nbsp;қимыл-қозғалыс ойындары мен спорттық ойындар өткізді. Балалардың &nbsp;көңіл-күйін көтеріп, «Жиырма минут кітап оқы» акциясын өткізді», - дейді облыстық «Жас Ұлан» ББЖҰ қоғамдық бірлестігінің &nbsp;төрайымы Гүлайым Ақмырзаева.&nbsp;</blockquote>Сонымен қатар жасұландықтар «Жас Ұлан-Шын Дос» акциясында әрбір мектептегі инклузивті сыныптағы балаларды шефтік көмекке алып, &nbsp;олармен бірге шаралар өткізді. Ерекше қабілеттегі достарға кедергісіз кеңістік &nbsp;орнатуға үлес &nbsp;қосты.&nbsp; «Мен сияқты жаса» акциясында аудандық, қалалық &nbsp;«Жас Ұлан» ұйымдарының әлеуетін пайдалана отырып, білім беру ұйымдарында еріктілер штабтарының жұмыстарын &nbsp;жалғастырды. Қайырымдылық &nbsp;шаралар жасап, Қостанай қаласындағы өрт салдарынан болған апатқа көмек беруде өз үлестерін қосып, «Дармарка» сый жәрмеңкесін ұйымдастыру арқылы мұқтаж достарына көмек жасады.&nbsp;<blockquote>«Сыр ұландары «Балалар &nbsp;әлеміндегі &nbsp;игі &nbsp;істер» жобасы аясында &nbsp;қайырымдылық шараларын дәстүрге айналдырып отыр. Сонымен &nbsp;қатар, көшбасшы қасиеттерін дамытып, тұлға қалыптастыру шараларын ұйымдастыру. Өзі жүрген ортадағы әлеуметтік жағдайларды талқылып, мәселені шеше білу дағдыларын &nbsp;үйрету &nbsp;мақсатында «Азаматтық алаң» диалог алаңы, Ұрпақтар сабақтастығын жалғастыру жобасы «Даналық &nbsp; дәні» күндері өткізілді. Достары үшін сый жәрмеңке &nbsp;ұйымдастырылды. Мектепішілік, аудандық сый жәрмеңкеге өзіне қолданып болған, бірақ әлі де қолдануға жарайтын заттарын сый жәрмеңкесіне апарып, достарын қуанту &nbsp; мақсатында &nbsp;«Дармарка» өткізілді.&nbsp; Ұлттық &nbsp;құндылықтарды балалардың бойында дамыту бағытындағы шараларды жоспарлап, «Құндылық–асыл қасиеттер қазынасы» тақырыбында ашық алаң ұйымдастырылды», - дейді Гүлайым Ақмырзаева.</blockquote>«Мың &nbsp;бала» акциясы аясындағы тәлімгер сағаттарында әр айдың бір аптасында тарихы-танымдық кино көрсетілді. &nbsp;Қазақ елінің тәуелсіздігі мен ел тұтастығы үшін күрескен қазақ зиялылары, батырлары, ағартушылары, хандары &nbsp;т.б &nbsp; &nbsp;кинолары арқылы дәріптелді. Апталық &nbsp;мектеп театрында сахналау жұмыстарымен жалғасты.&nbsp;«Жақсылық жасап жарыс» акциясында ардагерлерге, қарттарға, мүмкіндігі &nbsp;шектеулі достарына &nbsp;барып &nbsp;газет, кітап &nbsp;оқып беру. Отбасылық оқуды жалғастыру. Үйдегі кіші бауырларымен, ата-аналарымен, ата-әжелерімен &nbsp;кітап оқуды &nbsp;трендке &nbsp;айналдырды. Ахмет Байтұрсыновтың 150 жылдығына орай оқушылар арасында викторина &nbsp;ұйымдастырылып, ұлт ұстазының еңбектерін тануда «Ахмет &nbsp;бізбен» олайн викторина өткізіліп «Ең белсенді мектепті» анықталды. Балалар жылында батырлар жырын жатқа оқу «Бабалар Үні» акциясы жалғасты. Мектептегі өнерге, оқуға құштар оқушылар &nbsp;арасында жас ерекшеліктеріне орай &nbsp;іс-шаралар ұйымдастырылып, ұландарды көпшілік &nbsp;шараларға &nbsp; тарту мақсатында «Жас Ұлан» көктемі шығармашылық &nbsp;фестивалі өткізілді.Ұлттық құндылықтардың бірі-домбыра күні Наурыз мерекесіне орай ұйымдастырылып, «Қасиетті &nbsp;домбыра» домбырашылар күнінде &nbsp; жас домбырашылар бас қосты. Қарттар мен үйден оқитын балаларды, үлкен кісілер мен достарын ашық хаттармен құттықтау күні &nbsp;«Наурыз поштасы» өткізілді. Мектеп театрын жүргізу арқылы балалардың шығармашылығы дамытылып, оқыған кітаптары арқылы шығармаларды сахналау шараларын дамытуда «Театр тәлімі» жобасы іске асырылды. Отбасылық тәрбие арқылы отбасылық &nbsp;дәстүрлерді сақтауға және отбасының әлеуметтік –мәдени құндылықтарын қалыптастыруға бағытталған &nbsp; «Отбасым-бақыт мекені &nbsp;акциясына отбасы мүшелері қуана қатысты. &nbsp; Жыл құстарына арнап ұялар жасап, оларды парктердегі, мектептердегі, үйдегі талдарға &nbsp;орналастырған &nbsp; &nbsp;балалар «Қанатты достар» акциясын дәстүрлі шараға айналдырды.Экологиялық білім мен дағдыларды патриоттық сезімді, өз жеріне, өз ауылына қаласына деген сүйіспеншілігін арттыруға &nbsp; арналған сенбіліктер ұйымдастырылып, арықтарды тазалау, тал отырғызу шараларын «Эко boom» жобасында іске &nbsp; &nbsp;асырды.Оқуға құштар мектеп жобасы аясында ұландар А.Байтұрсыновтың шығармашылығын насихаттау &nbsp;мақсатында «Ахмет оқуларына» белсене &nbsp;қатысты.«Оқуға құштар Ұлан» акциясыда &nbsp;ұландар демалыс уақытында кітап оқып, &nbsp;арнайы күнделіктер жүргізіп, мақала жазды. Кітапханаларға &nbsp;саяхттады. «Бес тас», «Асық &nbsp;ату» ұлттық &nbsp;ойындарының фестивалі &nbsp;балалардың &nbsp;сүйікті шараларының &nbsp;біріне айналды. Фестивальде балалар &nbsp; ұлттық &nbsp;ойындарды насихаттау арқылы үздіктерді анықтады. Балалар &nbsp;арасында &nbsp;«Бес тас», «Асық » ойындарын дамытты. Ауыл &nbsp;тәлімгерлерінің &nbsp;басын &nbsp;қосып, «Тамыры терең-тәлімгерлік» конференциясында олардың тәжірибелерін тарату &nbsp;мақсатында тренингтер ұйымдастырылды.Балалардың басын қосып ортақ мақсаттарға арналған шаралар ұйымдастырып, пайдалы істермен айналысатын күн, «Офлайн өмір» акциясы. Бұл күнді &nbsp;ұландар телефонсыз өткізді. Балалардың экологиялық білімдері &nbsp;мен мәдениеттерін дамыту мақсатында «Eco Alem» үстелді эко-ойыны &nbsp;жыл бойы ұйымдастырылды. «Жомарттық &nbsp;мекені» қайырымдылық акциясында балалардың көшбасылық қасиеттері дамытылып, өздерінен ауысқан ойыншықтар мен кітаптарын &nbsp;достарына сыйға тарту шараларында белсенділік көрсетті. Туған тарихын тереңнен тану мақсатында &nbsp;ұландар ай сайын «Музей &nbsp;сағатына» белсене қатысты. Балалар &nbsp;жылы аясында өткен «Жас Ұланның жұлдызды жылы» акциясы осындай игілікті шаралармен мәреге &nbsp;жетті. Аталған шараға облыс бойынша 50 000-ға жуық Сыр ұланы атсалысты. Түрлі жобаларды іске асырды. Құндылықтарды бойына сіңіріп, кішіге қамқор болып, үлкендерге қолқанат &nbsp;болды. Жыл қорытындысы бойынша &nbsp;«Жұлдызды Жас Ұлан» Жас ұландардың балалар жылына &nbsp;арналған Х облыстық слеті Қызылорда қаласы мен аудан орталықтарында &nbsp;ұйымдастырылып, белсенділер марапатталды.<blockquote>«Ұйымның жұмыс бағыттары &nbsp;бойынша &nbsp;белсенді &nbsp;ұландарды эл. құрмет &nbsp;тақтасына шығарылып, мектеп теледидарында үзілістерде насихаттау шаралары ұйымдастырылды.&nbsp; Балалар &nbsp;жылы &nbsp;аясында &nbsp;«Жұлдызды жас Ұлан» өңірлік ұланбасылардың байқауы нәтижесінде жылдың &nbsp;үздік &nbsp;ұланбасы &nbsp;«Жұлдызды &nbsp;Жас Ұлан» номинациясын &nbsp; иеленді. Аталған жылдық акцияда өз өңірінің ұландарын игілікті шараларға жұмылдыра &nbsp;білген, Шиелі &nbsp;аудандық «Жас Ұлан» ұйымының ұланбасы үздік шығып &nbsp;«Жұлдызды Жас Ұлан» &nbsp;номинациясымен , Қармақшы &nbsp;аудандық «Жас Ұлан» ұйымының ұланбасы Орынбасаров Ердаулет «Зерделі Жас Ұлан» номинациясымен,Қазалы аудандық «Жас Ұлан» ұйымының ұланбасы Сахит Еңлік «Дарынды Жас Ұлан» номинациясымен, Жалағаш аудандық «Жас Ұлан» ұйымының ұланбасы Мырзахан Ақжүніс «Зейінді Жас Ұлан» номинациясымен, Қызылорда &nbsp; қалалық «Жас Ұлан» ұйымының ұланбасы &nbsp;Алдаберген &nbsp;Ақжүніс «Жаңашыл Жас Ұлан» номинациясымен &nbsp;марапатталды! Ұландарға, алар асуларың биік болсын, деген &nbsp;тілегіміз бар! Қарапайымдылық пен қайырымдылықты қатар бойына сіңіріп өскен Сыр Ұландары келер жылды Алаш қозғалысына арнамақ», - дейді облыстық “Жас Ұлан” ББЖҰ қоғамдық бірлестігінің &nbsp;төрайымы Гүлайым Ақмырзаева. &nbsp;</blockquote><figure class="image"><img src="https://knadmin.beoblood.kz/uploads/269887318_1995040447323065_5348783721420108003_n_c85342a28e.jpg" alt="269887318_1995040447323065_5348783721420108003_n.jpg"></figure>

Балалар   жылы   аясында  Сыр Ұландарының жылдық   акциясы мәреге жетті  

<a href="https://kyzylorda-news.kz/">Kyzylorda-news.kz.</a> Ә.Молдағұлова атындағы №173 орта мектептің 60 жылдық мерейтойына арналған кезекті шарамыздың бірі ардагер ұстаздармен кездесу өткізілді.&nbsp;Кездесу шарасы ардагерлерді салтанатты түрде күтіп алумен басталды. Мектеп мерейтойына орай батыр қыз Әлия Молдағұловаға арналған кабинеттегі құнды жәдігерлермен бастауыш сынып мұғалімі, Әлия мұрасын зерттеуші Тұрсынкүл Саматова таныстырды. Сонымен қатар заман талабына сай жабдықталған ұл балаларға, қыз балаларға арналған оқу кабинеттерінде оқушылардың өз қолдарымен жасалған қолөнер бұйымдарын тамашалады. Мектеп кітапханашысы Ләззат Омарованың «Оқуға құштар мектеп» жобасы жұмысының нәтижесін көріп, оқушыларға ардагер ұстаздар батасын берді. &nbsp;Мектеп жаңалықтарына шолу жасап болғаннан кейін, акт залда ардагер ұстаздарға арналған «Ардагерлермен жарқын жүздесу» атты кездесу &nbsp;сазды әуенмен басталды.&nbsp;Мектеп директоры Гүлмира Расилқызы Қоңырбаева ардагерлерді мектеп мерейтойымен құттықтап, ыстық лебізін жеткізді. Ардагер ұстаздардың өткен өмірінің естеліктерінен жинақталған бейнебаянды тамашалап, жаратылыстану, математика, информатика пәні мұғалімдері ұйымдастырған &nbsp;көңілді ойын, сұрақ-жауап, ән-шашуларына ризашылықтарын білдірді. Ардагер ұстаздар ұжымға рахметтерін айта отырып, мерейтойымен құттықтап, өз естеліктерімен бөлісті.&nbsp;Шара соңында ардагерлерге ақ дастарқан жайылып, құрмет көрсетілді. Мектеп ұжымына, ұйымдастырушыларға ақ батасын берді.<img src="https://knadmin.beoblood.kz/uploads/318595051_823744312290597_2093597183479365227_n_821824b6ca.jpg" alt="318595051_823744312290597_2093597183479365227_n.jpg"><figure class="image"><img src="https://knadmin.beoblood.kz/uploads/Whats_App_Image_2022_12_07_at_10_21_44_ab9d27d8dd.jpeg" alt="WhatsApp Image 2022-12-07 at 10.21.44.jpeg"></figure>

Ұстаздар ардагерлермен кездесті

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университетінің 85 жылдық мерейтойы аясында техника ғылымдарының кандидаты, профессор Анипа Тапалованың 70 жылдық мерейтойына орай «Жалпы және бейорганикалық химия» оқу-зерттеу лабораториясы ашылды. Сондай-ақ, университет Ғылыми кеңесінің салтанатты мәжілісі өтті.&nbsp;Салтанатты шарада Басқарма төрағасы – ректор Бейбіткүл Кәрімова ғалымның ғылым мен білім саласына қосқан еңбегіне тоқталды.<blockquote>«Анипа Сейдалықызы – Қорқыт ата атындағы Қызылорда университетінде ұзақ жылдар бойы қажырлы еңбек етіп, Сыр өңірінің жоғары білімі мен ғылымына өзіндік үлес қосып келе жатқан ұлағатты ұстаз, ізденімпаз ғалым. Профессор ұсынысымен «Жалпы және бейорганикалық химия» оқу-зерттеу лабораториясының ашылуы білім алушылардың жарқын болашағына жасалған ізгілікті қадам.Анипа Сейдалызы – 12 ғылыми және оқу-әдістемелік&nbsp; құралдың авторы. Ғалым 1990 жылдан университетте аға оқытушы,&nbsp; доцент қызметін, 2008 жылдан бастап академиялық профессор қызметін атқарып келеді», – деді Бейбіткүл Сәрсемханқызы.</blockquote>&nbsp;Профессор студенттер мен магистранттарға «Химияның теориялық негіздері», «Элементтер химиясы», «Аналитикалық химия», «Химиялық технология», «Зат құрылысы», «Күрделі есептер шығару» пәндерінен дәріс беріп, оқытудың жаңа технологияларын оқу процесіне енгізуде.<blockquote>«Анипа Сейдалықызы – әрбір шәкіртінің сапалы маман, өнегелі тұлға болып қалыптасуы үшін барын салатын ұстаз. Химияны үйретіп қана қоймай, ауылынан жырақта жүрген студенттерге аналық мейірімін төгіп, қамқорлық танытатын. Бүгінде Анипа Сейдалықызынан білім алған мамандар елге тек жақсы атпен танылып, биіктерден көрінуде.Біз студент кезімізде теориялық тұрғыда білім алғанымызбен, практикалық жағынан мүмкіндіктеріміз шектеулі болды. Бүгін міне, ұстаз ұрпақтарының демеушілігімен «Жалпы және бейорганикалық химия» оқу-зерттеу лабораториясы ашылды. Мұндай зертханада білім алған студенттер болашақта жаңа ғылыми зерттеулермен айналысып, ел игілігіне қызмет етеді деген сенімдемін», – деді химия ғылымдарының кандидаты, профессор-зерттеуші Нұрбол Аппазов.</blockquote>Ғалым «Сандық анализ практикумы», «Бейорганикалық химия. Есептер мен жаттығулар», «Жалпы және бейорганикалық химия практикумы», «Элементтер химиясы. Есептер мен жаттығулар» атты оқу құралдары және «Бейорганикалық химияның теориялық негіздері», «Элементтер химиясы», «Аналитикалық химия», «Минералды шикізаттарды өңдеу технологиясы», «Химиядан есептер шығару әдістемесі» т.б. оқу-әдістемелік кешендерінің авторы.2003 жылдан бастап мұнайлы аймақтардың химиялық экологиясын зерттеу жолында ғылыми жұмыстар жүргізілуде. Анипа Сейдалықызы 3 аспиранттың және 10 магистранттың «Мұнаймен ластанған топырақты химиялық тазарту» бағытындағы ғылыми жұмыстарының консультанты болған. Магистранттар мен студенттердің, мектеп оқушыларының ғылыми жұмыстарына жетекшілік жасап, үлкен жетістіктерге қол жеткізді.Салтанатты шарада оқу орнының стратегиялық дамуына қосқан үлесі үшін ғалымның ұлы&nbsp; Жайсаң Сыздықов&nbsp; «Қорқыт Ата атындағы Алтын медальмен» марапатталды.Айта кету керек, ғылыми кеңеске облыстық ардагерлер Кеңесі төрағасының орынбасары Өмірбек Шаменов, университеттің құрметті ректоры, техника ғылымдарының докторы, профессор, Қазақстан Республикасы Ұлттық Ғылым Академиясының академигі, Қазақстанның еңбек сіңірген қайраткері Қылышбай Бисенов,&nbsp;Абай атындағы Қазақ Ұлттық педагогикалық университетінің Ардагерлер Кеңесінің төрағасы,&nbsp; педагогика ғылымдарының докторы, профессор Жұмаділ Шілдебаев, Ресей Федерациясы Ғылым Академиясының Сібір бөлімінің Новосибирск геология және минералогия институтының жетекші ғылыми қызметкері, Токио университетінің құрметті профессоры, геология-минералогия ғылымдарының докторы, профессор Сергей Кривоногов, Қызылорда &nbsp;облыстық &nbsp;Білім &nbsp;және ғылым қызметкерлері &nbsp;кәсіподақ &nbsp;комитетінің төрайымы&nbsp;Гүлнар Есқалиева қатысты.<figure class="image"><img src="https://knadmin.beoblood.kz/uploads/316678514_639203861282483_4883964202862337528_n_7e89ae48ca.jpg" alt="316678514_639203861282483_4883964202862337528_n.jpg"></figure>&nbsp;<figure class="image"><img src="https://knadmin.beoblood.kz/uploads/318020259_639203954615807_5912581075462503146_n_3008e353d0.jpg" alt="318020259_639203954615807_5912581075462503146_n.jpg"></figure>&nbsp;<figure class="image"><img src="https://knadmin.beoblood.kz/uploads/318021700_639203811282488_6597777638583357958_n_cc86265afe.jpg" alt="318021700_639203811282488_6597777638583357958_n.jpg"></figure>&nbsp;<figure class="image"><img src="https://knadmin.beoblood.kz/uploads/317996301_639203707949165_7191461009711936638_n_7e32e9d804.jpg" alt="317996301_639203707949165_7191461009711936638_n.jpg"></figure>&nbsp;<figure class="image"><img src="https://knadmin.beoblood.kz/uploads/Whats_App_Image_2022_12_06_at_17_36_35_b4a490c9ea.jpeg" alt="WhatsApp Image 2022-12-06 at 17.36.35.jpeg"></figure>&nbsp;<figure class="image"><img src="https://knadmin.beoblood.kz/uploads/Whats_App_Image_2022_12_06_at_17_36_34_93eeb4536b.jpeg" alt="WhatsApp Image 2022-12-06 at 17.36.34.jpeg"></figure>

«Жалпы және бейорганикалық химия» оқу-зерттеу лабораториясы ашылды

<a href="https://kyzylorda-news.kz/">Kyzylorda-news.kz.</a> Қызылордада «Үздік жас маман - 2022» байқауы ұйымдастырылды.Қызылорда қаласы бойынша білім бөлімінің ұйымдастыруымен С.Лапин атындағы №261 орта мектеп базасында «Үздік жас маман – 2022» облыстық байқауының қалалық кезеңі өтті.&nbsp;Білім бәйгесінде қатысушылар 5 кезең бойынша өзара мықтыны анықтады.&nbsp;Байқауға қатысқан жас мамандар &nbsp;өз білімдерін, өнерлерін, шығармашылығын іздемпаздылық қасиетін сынға салды. Сайыстың бағалау критерийлері іс-тәжірибесінде жаңашылдық идеяларын іске асыру, жас маманның &nbsp;кәсіби шеберлігі, педагог жұмысының жүйесі, педагог қызметінің тиімділігі мен нәтижелілігі, педагогтің оң әлеуметтік және кәсіби имиджін қалыптастыру, педагогикалық тәжірибені жинақтау нысандарын жетілдіру, шығармашылық іздемпаздылық &nbsp;негізінде жасалды.&nbsp;Қазылар алқасына үзіктерді анықтау қиынға түсті. Себебі жас мамандар үлкен дайындықпен келген. Олардың әкелген тың идеясы жоғары бағаланды.&nbsp;Байқаудың нәтижесінде жүлделі ІІІ орынға С.Сейфуллин атындағы №4 ІТ-мектеп-лицейінің мұғалімі Өркен Останов, №11 мектеп-лицейдің мұғалімі Самат Серікбаев және №178 орта мектептің мұғалімі Арман Жексенбаев лайық деп танылды. Ал, ІІ орынды Т.Жүргенов атындағы №136 мектеп-лицейдің мұғалімі Сұлтан Аяпов пен №176 орта мектептің мұғалімі Мөлдір Раушанбек жеңіп алды. Жүлделі І орын және облыстық кезеңге жолдама Б.Шалғынбаев атындағы №217 ІТ-мектеп-лицейдің мұғалімі Ақерке Болатбековаға бұйырды.&nbsp;Айта кетейік, байқау дене шынықтыру пәні мұғалімдерінің арасында өтті. Спортшы ұстаздар практикалық икемділігін көресете білді. Байқаудың мақсаты дене шынықтыру пәні мұғалімдерінің озық іс-тәжірибесін, шығармашылықпен жұмыс жасайтын мұғалімдерге қолдау көрсету.&nbsp;<img src="https://knadmin.beoblood.kz/uploads/318304148_1262566621138110_9167350726772775705_n_bdf5163356.jpg" alt="318304148_1262566621138110_9167350726772775705_n.jpg"><img src="https://knadmin.beoblood.kz/uploads/318203816_1262566301138142_5999662604074374522_n_044036e23e.jpg" alt="318203816_1262566301138142_5999662604074374522_n.jpg">

Қызылордада «Үздік жас маман - 2022» байқауы өтті

<a href="https://kyzylorda-news.kz/">Kyzylorda-news.kz.</a> Қызылордада «Жастары белсенді елдің ертеңі жарқын» тақырыбында &nbsp;дебат турнирі болып өтті.&nbsp;Қызылорда қалалық білім бөлімінің ұйымдастыруымен Әли Мүсілімов атындағы №101 мектеп-лицейің базасында «Жастары белсенді елдің ертеңі жарқын» тақырыбында дебат турнирі өтті.Ашық пікірсайыс турнирінің мақсаты - жастар қатарынан шешендік шеберлігі бар, өзінің көзқарасын сауатты және нақты қорғай алатын жас көшбасшыларды іздеу және оларға қолдау көрсету, нақты мәселелерді шешу, жастар мен жасөспірімдердің бос уақытын тиімді ұйымдастыру, патриотизмді дамыту жұмыстарын кеңінен насихаттау.Дебат турниріне 12 фракция қатысып, бақ сынады. Нәтижесінде І орынға №7 мектеп-лицейдің «ХХІ ғасыр дебатёр» фракциясы лайық деп танылды. Ал, ІІ орынды Сәкен Сейфуллин атындағы №4 IT &nbsp;мектеп-лицейдің «Жас Алаш» фракциясы, ІІІ орынды №233 орта мектептің «Тесла» фракциясы мен Абылай хан атындағы №140 қазақ орта мектебінің «Тас түйін» фракциясы жеңіп алды. &nbsp;«Үздік спикер» номинациясын Ілияс Қабылов атынағы №12 ІТ-мектеп-лицей оқушысы Раушанбек Зере иеленді.Пікірсайысқа қатысушы барлық фракция мүшелеріне Әли Мүсілімұлының «Біз де бала болғанбыз» кітабы сыйға берілді және арнайы кофе-брейк ұйымдастырылды.<figure class="image"><img src="https://knadmin.beoblood.kz/uploads/318511759_1262486697812769_3210550614709293995_n_9754782da7.jpg" alt="318511759_1262486697812769_3210550614709293995_n.jpg"></figure>

Қызылордада жастар арасында дебат турнирі өтті

<a href="https://kyzylorda-news.kz/">Kyzylorda-news.kz.</a> Бiлiм беру жүйесi қоғамның әлеуметтiк-экономикалық дамуында жетекшi рөл атқарады. Жалпы, білім беру саласының мақсаты бәсекеге қабілетті маман дайындау болып табылады. Ал мектеп білім үйрететін орта болса, оның жүрегі мұғалім екендігі сөзсіз. Білім мен ғылым алға басқан заманда бәсекеге қабілетті, білімді, іскер азаматтарды дайындау қоғамның басты міндеті және мақсаты бола бермек.Осы орайда, Жалағаш ауданының білім саласы соңғы жылдары серпін алғанын білеміз. Аудан жыл сайынғы Ұлттық біріңғай тестілеудің нәтижесімен, республикалық, қала берді халықаралық білім бәйгелерінде топ жарып жүрген талапты шәкірттерімен қашан да алдыңғы қатардан көрініп келеді. Жалпы, Жалағаштың жыл қорытындысымен облыстағы білім беру орындарының ішінен озық шығып, үздік атануында ауданға қарасты Жаңадария ауылдық №203 орта мектебінің еңбегі орасан зор.Алғашында бастауыш сыныптық, одан кейін сегіз жылдық, негізгі білім беретін, ал 1970 жылдан бастап орта білім беретін білім ошағы әр жыл сайын жаңалыққа қол жеткізді. Мектеп қабырғасында 25 балаға арналған «Береке» шағын орталығы ашылды. Содан бері мектеп ұжымы бүгінгі күн талабына сай ел болашағын тәрбиелеу жолында мақсатты жұмыс істеп келеді. Аталған білім ошағында ғылыми жоба, олимпиадаларда жүлдегер атанғандардың үлесі өсім алыпты. Биыл да алтын ұядағы білімді жастар бірнеше жеңіс тұғырын бағындырып, ұстаздарының еңбегін еселей түсті. Атап айтар болсақ, мектептегі 9 сынып оқушысы Ұлпан Амандық облыстық «Жыл оқушысы» сайысының аудандық кезеңінде ІІІ орынды, 6 сынып оқушысы Гүлсезім Мұрынбаева «Менің отбасымдағы дәстүрлер» тақырыбындағы бейнероликтер байқауында ІІ орынды, 7 сынып оқушысы Гүлім Жанболатқызы &nbsp;«Зерде» конкурсының І кезеңінің аудандық секциясында ІІІ орынды, 2 сынып оқушысы Аңсатқан Естай «Менің отбасым» аудандық сурет байқауында І орынды, 5 сынып оқушысы Нұржан Қартаңбай «Отбасы өнегесі» бейнероликтер байқауында ІІ орынды, 11 сынып оқушысы Әбілқайыр Айтмағанбет «Театрдың ғажайып әлемі» театр өнерінің республикалық фестиваль-байқауының облыстық кезеңінде «Үздік ер адам рөлі» номинациясы бойынша үздіктер қатарынан көрінгенін айта кету керек.Ал спортта жүрген ауыл балаларының жеңісті сәттері өз алдына бір бөлек. 8-11 сынып оқушылары арасында өткен «Қол күресі» спорт түрінен 60 келі салмақта жүлделі ІІ орынды Нұртөре Жақсыбай, Мардан Зәкір 65 келіден жоғары салмақта жүлделі ІІ орынды, Әбіш Батыржан лингвистикадан республикалық олимпиаданың аудандық кезеңінде ІІІ орынды иеленсе, Шерхан Сауранбек асық атудан аудандық жарыста үздіктер қатарынан көрінді.Әрине, осындай жетістіктерге жету үшін оқушылармен бірге күні-түні ізденіс үстінде жүріп, олардың кішігірім жүлдесінің өзіне шын жүрегімен қуана білетін ұстаздардың еңбегін де елеусіз қалдыруға болмайды. Ерлан Жүсіпбеков басқаратын білім ошағында түрлі бағыттағы байқауларда, білім сайыстарында жүлделі орындарды иеленіп жүрген Ғалия Ильясова, Қанат Тұрғанов, Жазира Нұрмаханова, Жарқынбек Бостанов сынды мұғалімдер бар. Мектеп мұғалімдері білім бәйгелеріне шәкірт баптап қана қоймай, өздері де кәсібіи жарыстарда үздіктер қатарынан көрініп келеді. Атап айтсақ, Әсия Тұрмаханова тәрбиелік шараларда белсенділік танытса, Бағжан Есенова өз шығармашылығын дамытуда «Үздік мұғалім-2021» номинациясын иеленген. Мұғалімнің кәсіби жетістіктері сараланып, Қалжан Бақтыбаева үздік педагогикалық идеялар фестивалі аясында «Шығармашыл толқын» номинациясы бойынша ІІІ орынды, Айнұр Мұрынбаева «Үздік бастауыш пәні мұғалімі-2021» атанып ІІ орынды алса, облыстық «Өрлеу» орталығынан да ІІ дәрежелі дипломға ие болды. Тағы сол сияқты мектеп мұғалімі Шолпан Мұрынбаева «Үздік авторлық бағдарлама-2021» байқауында І орын, Әлия Тұрмаханова «Үздік қазақ тілі мен әдебиеті пәні мұғалімі-2021» ІІІ орын, «Үздік дене шынықтыру пәні мұғалімі-2021» байқауында мектеп мұғалімі Әуесхан Тұрғанов «Жаңашыл мұғалім» номинациясымен марапатталған.Мектеп ұжымы жас мамандармен толығып, бүгінде ұжымдық еңбектің нәтижесінде &nbsp;білім беру ошағындағы білім сапасы артқан. Мектептегі тәрбие бағытында да жасалып жатқан жұмыстар ауқымды. Кешегі жыл қорытындысымен мектеп мұғалімдері Бағжан Есенова «Шығармашыл мұғалім-2021», Шолпан Мұрынбаева «Жылдың үздік мұғалімі-2021», Әсия Тұрмаханова «Сынып жеткші-көшбасшы-2021» атанды. Ал мектеп ұжымының биылғы жетістігінің қатарында мектеп мұғалімі Б.Есенованың «Құрмет» грамотасы мен «Педагогикалық идеялар панорамасы» облыстық байқауының аудандық кезеңінен алған ІІ орны, мектеп мұғалімі Ш.Мұрынбаеваның осы байқаудың аудандық кезеңінен алған І орны, мектеп мұғалімі А.Жұматаеваның ІІІ орны бар. Айта кету керек, аталған мектепте жыл сайынғы «Мектепке жол» аясындағы қайырымдылық шарасын өткізу де дәстүрге айналған. Бұл игі істе белсенділік танытып, көмек қолын созатын демеушілердің қатарында «Айбатыр» ЖШ, «Маулен» ЖШ бар.Сонымен қатар, мектеп тарапынан жастардың бос уақытын тиімді пайдалану, салауатты өмір салтын ұстануға бағытталған шаралар ауылда жиі ұйымдастырылады. Бұл үшін 2018 жылы мектеп жанынан дзюдо үйірмесі ашылып, мақсатты түрде жұмыс істеуде. Спорт және жастар ісі жөніндегі мамандардың ұйымдастыруымен мектеп қабырғасында кешкілік спорттық ойын түрлерінен жарыстар өтіп &nbsp;тұрады. Ауыл жастарын аудандық сайыстарға қатыстыру, оларды ынталандыру, жаттықтыру жұмыстары күнделікті мектептің спорт залында жүргізіледі. Бұл спорт үйірмесі 45 баланы &nbsp;қамти алады. Дзюдо күресіне қатысушы балалардың дені республика, облыс, аудан көлемінде турнирлерге қатысып, жүлделі орындарға ие болып жүр. &nbsp;<img src="https://knadmin.beoblood.kz/uploads/316110981_871081774075027_3750472015479645123_n_53b8c9ff3b.jpg" alt="316110981_871081774075027_3750472015479645123_n.jpg"><img src="https://knadmin.beoblood.kz/uploads/317066714_872217370628134_4332057784015102179_n_94c9bc7a94.jpg" alt="317066714_872217370628134_4332057784015102179_n.jpg">

Ауыл мектебі үздіктер қатарында

Kyzylorda-news.kz. Қорқыт ата атындағы Қызылорда университетінің 85 жылдығына орай «Ұлттық руханияттың ұлы ордасы» атты салтанатты жиын өтті. Жиынға ҚР Ғылым және жоғары білім министрі Саясат Нұрбек, Қызылорда облысы әкімінің орынбасары Нұрымбет Сақтағанов, ЖОО-ның басшылары, қоғам қайраткерлері мен зиялы қауым өкілдері қатысты.&nbsp;Салтанатты шарада ҚР Ғылым және жоғары білім министрі Саясат Нұрбек Қорқыт ата атындағы Қызылорда университетінің 85 жылдығымен құттықтап, оқу орны еліміздегі білім саласының дамуына елеулі үлес қосқанын жеткізді.Ал облыс әкімінің орынбасары Сақтаған Нұрымбетов батыл бастамалар, тың ізденістер мен кәсіби жетістіктердің арқасында университет отандық жетекші жоғары оқу орындарының арасында лайықты &nbsp;орын алып отырғанын атап айтты.Қорқыт ата атындағы Қызылорда университетінің басқарма төрағасы – ректоры Бейбіткүл Кәрімова бірегей білім ордасы осы кезге дейін мыңдаған шәкірттің жарқын болашағына жолдама бергеніне тоқталды.«Қасиет құндақтаған қара шаңырақ» атты білім ордасының 85 жылдық тарихын баяндайтын бейнероликтен басталған салтанатты жиын «Таным тұмары» атты хореографиялық театрландырылған қойылымға ұласты. Шарада ұлағатты ұстаздар мен ғалымдарға құрмет көрсетіліп, оқу орнының тәуелсіздік жылдарындағы жетістігі баяндалды.Жиында бірқатар профессор-оқытушылар Қазақстан Республикасы Ғылым және жоғары білім министрінің «Құрмет Грамотасы» және Алғыс хаттарымен, Қызылорда облысы әкімінің Құрмет грамотасымен, ҚР ЖОО қауымдастығының «Ахмет Байтұрсынов атындағы Орденімен», Қазақстандық салалық білім және ғылым қызметкерлері кәсіподағының «Білім және ғылым қызметкерлерінің кәсіподағына сіңірген айрықша еңбегі үшін белгісі», «Құрмет грамотасымен» &nbsp;марапатталды.&nbsp;Ал, Қазақстан Республикасы Парламенті Сенатының депутаты, саяси ғылымдар докторы, профессор Мұрат Бақтиярұлына, Екі мәрте Мемлекеттік сыйлықтың иегері, Қазақстанның еңбек сіңірген қайраткері, биология ғылымдарының докторы, профессор Аманкелді Садановқа, &nbsp;Қазақстанның еңбек сіңірген қайраткері, филология ғылымдарының докторы, профессор Бағдат Кәрібозұлына &nbsp;«Қорқыт Ата атындағы Қызылорда университетінің Құрметті профессоры» атағы табысталды.<img src="https://knadmin.beoblood.kz/uploads/FB_IMG_1670082103850_8efc7102c3.jpg" alt="FB_IMG_1670082103850.jpg"><img src="https://knadmin.beoblood.kz/uploads/FB_IMG_1670082118957_87929c35d6.jpg" alt="FB_IMG_1670082118957.jpg"><img src="https://knadmin.beoblood.kz/uploads/FB_IMG_1670082110041_434f79e3fd.jpg" alt="FB_IMG_1670082110041.jpg">&nbsp;<figure class="image"><img src="https://knadmin.beoblood.kz/uploads/FB_IMG_1670082115406_0cfe770e67.jpg" alt="FB_IMG_1670082115406.jpg"></figure>&nbsp;<figure class="image"><img src="https://knadmin.beoblood.kz/uploads/FB_IMG_1670082123217_d823a0edd2.jpg" alt="FB_IMG_1670082123217.jpg"></figure>&nbsp;<figure class="image"><img src="https://knadmin.beoblood.kz/uploads/FB_IMG_1670082126010_00673ab81e.jpg" alt="FB_IMG_1670082126010.jpg"></figure>

Қорқыт ата атындағы Қызылорда университетінің 85 жылдығына орай салтанатты жиын өтті

<a href="https://kyzylorda-news.kz/">Kyzylorda-news.kz</a>. Қорқыт ата атындағы Қызылорда университенің білім алушылары ҚР Ғылым және жоғары білім министрі Саясат Нұрбекпен кездесті.Қазіргі таңда оқу орнында 1490 студент &nbsp;жұмылдырылған 22 жастар ұйымы жұмыс жасайды. Биыл &nbsp;білім алушылардың қатысуымен 873 мәдени іс-шара ұйымдастырылды.Оқу орны білім және ғылым саласында ғана емес, спортта да ауқымды жетістіктерге жетіп келеді. Университетте 9-Әлем чемпионатының, 27-Азия чемпионатының, 120-Қазақстан чемпионатының жеңімпазы мен жүлдегері бар. Қазіргі таңда университетіміздің спортшы студенттері арасында 7-Халықаралық дәрежедегі спорт шебері, 32-Қазақстан Республикасының спорт шебері, 56-Қазақстан Республикасының спорт шеберлігіне үміткер, 33-Қазақстан Республикасының Ұлттық құрама командасының мүшелері білім алады.Жалпы Қорқыт ата атындағы Қызылорда университетінде білім алушыларға арналған 10 оқу корпусы, «Сейхун» спорттық кешені, 4 студенттік жатақхана, Ғалымдар үйі, Әскери кафедраның әскери-тактикалық полигоны бар.Кездесу барысында белсенді жастар министр Саясат Нұрбекпен пікір алмасып, естелік суретке түсті.Айта кетейік, Сыр еліне жұмыс сапарымен келген ҚР Ғылым және жоғары білім министрі Саясат Нұрбекпен бірге Қорқыт ата университетінің 85 жылдық мерейтойына арналған кездесулерге <a href="https://kyzylorda-news.kz/kogam/khyzylorda-khr-ghylym-zhaene-zhoghary-bilim-ministri-sayasat-nurbek-okhytushy-ghalymdarmen-kezdesti-03-12-2022">қатысты.</a><figure class="image"><img src="https://knadmin.beoblood.kz/uploads/317509815_149726047811599_8763147106441174999_n_9b04371143.jpg" alt="317509815_149726047811599_8763147106441174999_n.jpg"></figure>

Министр Саясат Нұрбек көшбасшы жастармен кездесті

<a href="https://kyzylorda-news.kz/">Kyzylorda-news.kz.</a> Қызылордадағы №112 орта мектебінде «Сан түлекті самғатқан алтын ұя» тақырыбындағы мектептің 70 жылдығына арналған рухани-танымдық кеш өтті.Рухани-танымдық кештің мақсаты - Сыр елі білім саласының дамуы мен өркендеуінде өзіндік қолтаңбасы бар, іргетасы сонау 1952 жылы қаланған білім ордасының 70 жылдағы қол жеткізген табыстары мен жетістіктерін жұртшылықпен бөлісу. Оқу орны тарихының жарқын беттерін насихаттау арқылы жас ұрпақ бойында өздері білім алып жатқан мектебі үшін мақтаныш сезімдерін қалыптастыру. Әр кезеңдерде мектепке еңбегі сіңген ардагер ұстаздарға, табысты түлектерге құрмет көрсету.&nbsp;Аймақ тарихымен сабақтас шежірелі білім шаңырағы - №112 орта мектебінің алғашқы іргетасының қалануы ертеректен бастау алған. 1950 жылы - оқу бөлімінің қаулысына сәйкес Ташкент темір жол мектебі Қызылорда қаласындағы білім ошағы ретінде пайдалануға ұсынылады. Екі жыл уақытты артқа қалдырып 1952 жылдың 2 желтоқсанында 520 оқушы қабылданып, оларға &nbsp;24 мұғалім білім берген. Осы кезеңде білім ордасының жандануына қызмет қылған Нағима Абдулқызы өмір жолының 26 жылында мектепке басшылық етті.Мерекелік шара бағдарламасы үш блокты қамтыды. Бірінші блок жылдармен жаңаланған білім мекені деп аталды.&nbsp;«Жылдармен жаңаланған мектеп» - мектептің тарихына, жетістіктеріне арналған фотоальманах, танымдық көрме ұйымдастырылып, «Оқуға құштар мектеп» жобасы аясында «Білімнің бәрі кітапта» атты оқырмандар &nbsp;сағаты; «Дебат клубы» жобасы бойынша ашық алаң: «Жеке меншік мектептің болғаны дұрыс па?»; «Мектеп театры» жобасы негізінде оқушылар театры қойылымы: «Ертегілер еліне саяхат»; «Мектеп парламентарийі» жобасы аясындағы «Aqyl-battle» мектеп тарихына негізделген интеллектуалдық сайыс жүргізілді.Іс -шараны қалалық кәсіподақ ұйымының төрайымы Әлімбетова Орынша Міржақыпқызы ашып беріп, мектеп ұжымына арнайы құттықтау хат табыстады. Мерекелік бағдарламада алтын ұя мектебіне арнаған әсерлі шәкірттер арнауы, мектеп тарихынан сыр шертетін бейнеролик көрсетіліп, концерттік бағдарлама ұйымдастырылды. &nbsp;Арнайы шақырылған мектептің ардагер ұстаздары, қонақтар, әр жылдағы мектеп түлектерінің құттықтауы мен естеліктері мерекеге ерекше сипат берді. Сонымен қатар бірнеше ұстаз марапатқа ие болды.&nbsp;<figure class="image"><img src="https://knadmin.beoblood.kz/uploads/ab8d8812_2a5b_48a1_a4ff_b35dee945164_512851ea7e.jpg" alt="ab8d8812-2a5b-48a1-a4ff-b35dee945164.jpg"></figure>

Қазақстан және Қызылорда облысының жаңалықтары: Білім