<a href="https://kyzylorda-news.kz/">Kyzylorda-news.kz.</a> Химия – күрделі ғылымның бірі саналатыны баршаға аян. Бұл пәннің қыр-сырына қаныққан ұстаздар шәкіртінің білімін тереңдете түсетіні жасырын емес. Менделеев кестесіндегі элементтерді оқушыға ұғындыру өмір заңдылығынан туындайтыны тағы бар. Осындай ерекше пәннің сан алуан бағыт-бағдарын балаларға оқытуға сырдариялық ұстаз Баян Қалыбаева 38 жылын арнап келеді.Ұлағатты ұстаз Баян Қалыбаеваның балалық шағы қазіргі Нағи Ілиясов ауылында өрбіген. Әкесі Сұлтанғазы мен анасы Аманкүлдің шаңырағында 8 бала үлкен өмірге қанат қаққан. Ауыл шаруашылығы саласында еңбек еткен ерлі-зайыптының балалары білімге құштар, өз алдына зеректігімен танылған болатын. Мәселен, кішкентай кезінен Баянның аңсары химия пәніне ауғанына көпшілік тәнті болатын. Бейнеткеш әке-шешенің үмітін ақтау үшін тек үздік оқушы болуға талпына білді. Нәтижесінде, мектепті алғыр ойлы оқушы «Алтын медальмен» бітіргені зор мақтаныш.<blockquote>– Мен отбасында ата-анамның үлкен перзентімін. Өзімнен кейінгі бауырларыма әркез қамқор едім. Әке-шешемнің барлық тәрбиесін санамызға тоқып өсе білдік. Химияға деген қызығушылығым мектеп қабырғасында жүргенде оянғандығын айта кетейін. Сабақ үстінде химия пәнінің мұғалімі Күләйхан Досжанованың шәкірттерін оқытудағы өзіндік әдісіне қызығып қарайтынмын. Әрбір элементтің шығу тарихын түсіндіре білген ұстазымның жолын қуып діттіген мақсатыма қол создым. Ауыл мектебінен түлеп ұшқан мені әсем қала Алматы жылы қарсы алды. Мұнда С.М.Киров атындағы Қазақ мемлекеттік университетіне оқуға түстім. 5 жыл бойы химия ғылымын зерттеуге өлшеусіз өмірін арнаған ұстаздардан дәріс алдым. Осылайша, жүрек қалаған мамандықты меңгеріп, Қызылорда қаласындағы №12 І.Қабылов атындағы орта мектепке химия-биология пәнінің мұғалімі болып жұмысқа орналастым, – дейді Баян Сұлтанғазықызы.</blockquote>Алғашқы еңбек жолында жас ұстаз түрлі қиындықтарға кездеседі. Бала бағбаны атану үшін әр жылдары білімін жетілдіре түсті. Оқушының өзіндік әлеміне үңіліп, білім деңгейін саралады. Кейіннен өзі туған ауылға қоныс аударып, Күләйхан апайдың ізбасары атанды. №132 Түймебай Айтбаев атындағы орта мектебінің білікті ұстазы атанған Баян Қалыбаева әр жылдары жоғарғы марапаттарға қол жеткізе білді. Мәселен, облыстық химия пәні мұғалімдері мен оқытушыларының қауымдастығының мүшесі Баян Қалыбаева «ХХІ ғасыр педагогы» сертификатымен, облыстық білім басқармасының «Құрмет громатасымен» марапатталған. Және де білікті маман халықаралық, республикалық, облыстық байқаулардың жеңімпазы атанған. Ізденімпаз жан бүгінде бірнеше оқу құралының авторы саналады.<blockquote>– Химия пәні өзіндік ерекшеліктерімен басқа ғылымнан бәсі биік. Күнделікті өмірде қолданып жүрген ұсақ-түйек дүниелер химияның құбылыстарына ұқсайды. Біздің кезімізде білім беру саласында бір ғана жүйе қолданылатын. Қазіргі уақытта жаңартылған мазмұнда шәкірт тәрбиелеу айрықша рөлге ие. Заманауи бағытта оқушының қабілетін ашуға мүмкіндік көп. Ұстаздар жаңа заман ағымына қарай бейімделіп, негізгі реформаларға дайын болғаны абзал. Сондықтан біздер оқушымен бірге білім деңгейімізді саралап отырамыз, – дейді білікті маман.</blockquote>Бізбен әңгімесінде Баян Сұлтанғазықызы анасының ісмерлігін, кезінде кілем тоқығандығын айтып берді. Әркез &nbsp;анасының ақылын тыңдап, жиі дидарласатын ұстаздың өзі де екі қызынан 5 немере сүйіп отыр. Қыздары Айдана мен Ақмарал түрлі салада қызмет етіп келеді.&nbsp;&nbsp;

Сырдариялық ұстаз бірнеше оқу құралының авторы

<a href="https://kyzylorda-news.kz/">Kyzylorda-news.kz.</a> Қызылорда қаласы бойынша білім бөлімінің басшысы Ерлан Теңізбайұлы мен қалалық кәсіподақ комитетінің төрағасы Орынша Міржақыпқызы С.Толыбеков атындағы №3 ІТ мектеп-лицей ұжымымен кезектен тыс пед кеңес өткізді. Жиынның басты мақсаты үш ауысым үш ауысымды мектеп мәселесін жою.Жалпы 2022-2023 оқу жылында мектепте 3 ауысымда 67 сынып кешенімен 1991 оқушы білім алуда. Мектеп құрамында барлығы 185 мұғалім, соның 168-і қазіргі таңда сабақ беретін сағатпен қамтылған. Педагог қызметкерлердің санаттары бойынша Педагог-шебер – 1; Педагог-зерттеуші – 60; Педагог-сарапшы-50; Педагог-модератор – 25; Педагог – 43. Жоғары санатты – 1 мұғалім; І санатты – 1 мұғалім; ІІ санатты – 5 мұғалім.Педагогикалық кеңесте мектеп директоры Ляззат Утегенқызы атқарылған жұмыстар мен мектептің даму жоспары жайында баяндама жасады.Жалпы білім беретін пәндер бойынша пәндік олимпиада бойынша 2022-2023 оқу жылында 22 оқушы жүлделі орынға ие болып, қала мектептері арасында «Ең үздік олимпиадалық команда» номинациясы бойынша ІІ орынды иеленген. 5-6 сыныптардан қатысқан барлық 14 оқушы жүлделі орынға ие болды.Жалпы білім беретін пәндер бойынша ғылыми жоба конкурсының облыстық кезеңінде 11 оқушы жүлдегер атанса, екі жыл қатарынан ғылыми жоба конкурсының республикалық кезеңінде екі оқушы (физика -2022 жыл және информатика-2023 пәндері бойынша ІІІ орынды) иеленуі осы бағыттағы жұмыстың жүйелі, нәтижелі екенін көрсетеді. Биылғы оқу жылында информатика секциясы бойынша Әнуарбек Димаш республикалық ғылыми жоба конкурсында ІІІ орынды иеленді. Сонымен қатар,әр түрлі конкурстар мен байқаулардың республикалық кезеңінде былтырғы оқу жылында 6 оқушы жеңімпаз атанса, биылғы оқу жылында 2 оқушы жеңімпаз атанды. Атап өтетін болсақ, «Мен репортермін» республикалық байқауында 8 В сынып оқушысы Оңалова Жансая І орынды иеленсе, “Буктрейлер” республикалық байқауынан 10 В сынып оқушысы Жұматай Азат І орынды иеленді.«КазРобоспорт-2022» байқауының облыстық кезеңінде 8 сынып оқушылары Файзуллин Арман, Жалғас Мансұр І орынды, «Хакатон» ІТ идеялар байқауында да мұғалімдер мен оқушылар қатысып,ІІ орын және 300 мың теңге сыйақы жеңіп алды.&nbsp;Халықаралық «ФЛЕКС» конкурсына қатысып,Министрліктің қолдауымен Қазақстанда білім алмасу бағларламасы бойынша 10 сынып окушысы Балғабаева Аянат АҚШ-та 1 жыл тегін білім алу грантына ие болды.11 сынып оқушысы Есенбаева Жанель Халықаралық Әл-Фараби олимпиадасына қатысып, жүлделі ІІІ орынды иеленіп,Әл-Фараби атындағы қазақ ұлттық университетінің 100 пайыздық грантын жеңіп алды.&nbsp;11 сынып оқушылары Орынбай Дінмұхаммед және Алданазар Ақерке Қазақстан инженерлік университеті ұйымдастырған ағылшын тілі мен география пәні бойынша пәндік олимпиадаға қатысып, Димаш 100 пайыздық грант иеленсе, Ақерке 30 пайыздық грантты иеленді.&nbsp;Ұстаздардың да осы оқу жылында алған жетістіктері біршама. Қала дегейінде 15 мұғалім, облыстық деңгейде 10 мұғалім жүлдегер атанды. «Гуманитарлық бағыттағы үздік бірлестік жетекшісі -2022» конкурсында Байманова Анар Манасовна облыстық деңгейде І орын,Пирмаганбетова Асел Шаймағанбетқызы «Мектеп парламенті»байқауының облыстық деңгейде І орын,”Өрлеу” БАҰО ұйымдастырған «Педагогикалық идеялар фестивалі» конкурсынан 4 мұғалім облыстық деңгейде,ал 2 мұғалім республикалық деңгейде жүлдегер атанды. 2 мұғалім “Болашақ” бағдарламасы бойынша Мнажев Берік пен Ердібек Маржан АҚШ-та тегін білім алуда.&nbsp;Сонымен қатар жиында мұғалімдердің сағат жүктемесі мәселесі талқыланды. Ерлан Теңізбайұлы мектеп ұстаздарымен кері байланыс жасап,ұсыныс-пікірлерін білдірді. С.Толыбеков атындағы 3 ІТ мектеп-лицейіне қосымша 375 орындық бастауыш сыныпқа арналған қосымша құрылыс жұмыстарының жүргізіліп жатқанын айта кету керек.

Қызылорда қалалық білім бөлімінің басшысы С.Толыбеков атындағы №3 ІТ мектеп-лицей ұжымымен кездесті

<a href="https://kyzylorda-news.kz/">Kyzylorda-news.kz.</a> &nbsp;Ата-бабаларының ізін жалғап, халқының қасиетті сөз өнерін ұрпағына үлгі етіп қалдырған өнегелі әке, белгілі журналист Жұмабек Әбжәмиловтың шығармашылығын насихаттау, өмір жолын ұрпаққа таныту, зерттеп-зерделеу мақсатында Жалағаш ауданында аудандық кітапхана және Халықаралық «Қазақ тілі» қоғамы Жалағаш аудандық филиалының ұйымдастыруымен «Халқы сүйген қаламгер» атты ғылыми жоба байқауы өтті.&nbsp;Жобаға Жалағаш ауданына қарасты білім ошақтарынан 13-16 жас аралығындағы оқушылар қатысты. Олар II кезең бойынша сынға түсті. I кезеңде оқушылар қарымды қаламгердің өмір жолы мен шығармашылығын зерттесе, II кезеңде белгілі журналистке арнаған арнау өлеңдері мен эсселерін оқып, бақ сынады. Шараға қара сөздің қаймағын қалқып, қоғам өмірімен етене араласып, ел аманатын арқалап өткен журналист Жұмабек Әбжәмиловтың көзің көрген, кезінде әріптес, дос-жаран &nbsp;болған жақындары мен туыстары, редакция ардагерлері мен баласы Мансұр келді. Іс-шара барысында елім деп еміренген азамат туралы тың пікірлер &nbsp;мен естеліктер айтылды.&nbsp;Сыр өңірінің руханиятына өзіндік үлес қосқан белгілі азамат, ақын, қаламы қарымды журналист, ауданға қарасты Жаңаталап ауылының тумасы Жұмабек Әбжәмиұлы 1956 жылы 15 маусымда дүниеге келді. 1963 жылы сол ауылда 8 жылдық мектептің табалдырығын аттаған. 1971-1973 жылдары №117 орта мектепте 9-10 сыныпты бітіріп, ауылда жұмысшы болып еңбек еткен. 1974-1976 жылдары аралығында Совет армиясында болды.Әскерден келген сон Алматы қаласындағы Қазақ Мемлекеттік университетінің журналистика факультетін бітірді. Туған жерге оралып, Жалағаш аудандық «Жаңадария», қазіргі «Жалағаш жаршысы» газетіне тілші болып жұмысқа орналасты. 1977 жылдың маусым айынан 1978 жылдың мамыр айына дейін аудандық газетте әдеби қызметкер, 1978-1987 жылдары аралығында аудандық радиохабардың ұйымдастырушысы қызметін атқарды. 1982 жылы СССР Журналистер одағының, 1988 жылдың шілде айынан бастап Совет Одағы Комунистік партиясының мүшесі болды. 1984-1989 жылдары Жалағашта еңбекші хаттары, ауыл шаруашылығы бөлімінің меңгерушісі болып қызмет атқарды. 1989 жылдан өмірінің соңына дейін Жалағаш аудандық газеттің жауапты хатшысы қызметін абыроймен атқарды.Жұмабек &nbsp;Әбжәмилов жары Ақалмаш апай екеуі бір қыз, үш ұл тәрбиелеген. Қазіргі таңда олардан он үш немере бар. Газетте жүріп, радио хабарларды ұйымдастыру жұмыстарының басшысы бола білген Жұмабек Әбжәмилов 1991 жылдың 7 мамырында «Радио күні» дүниеден озды.&nbsp;Тумысынан тұлғасы бөлек, артына елеулі қазына қалдырған қаламгердің шығармашылығына арналған жобада бақ сынаған жастардың барлығыдерлік зерттеу жұмыстарын кең көлемде жүргізгені көрініп-ақ тұр. Алайда білім бәйгесінде үздіктер лайықты бағасын алатыны анық. Рухани ордадағы тағылымды шараға қазылық еткен азаматтардың шешімімен жүлделі І орынды аудан орталығындағы Т.Жүргенов атындағы №123 мектеп-лицейінің 8 сынып оқушысы Мархабай Оралхан алды. Сонымен бірге Ә.Оңалбаев атындағы №117 орта мектептің 8 сынып оқушысы Нұрай Әпір мен З.Жарқынбаев атындағы №202 орта мектептің 8 сынып оқушысы Жаңыл Әбдімәлікқызы ІІ орынды иеленсе, ІІІ орынмен №188 мектептің 7 сынып оқушысы Балнұр Қыпшақбай, Әл-Фараби атындағы №201 мектеп-лицейінің 8 сынып оқушысы Зере Қайрулла, Ш.Ермағанбетова атындағы №246 мектептің 7 сынып оқушысы Дильназ Төлекова марапатталды.&nbsp;Шара соңында жобаға қатысушылар қарымды қаламгердің өнегеге толы өмірі мен өнер жолын кейінгі ұрпақ санасында жаңғыртып, дәріптеу мақсатында аудан мектептерінің біріне немесе аудан орталығындағы көшеге Жұмабек Әбжәмиловтың есімі берілсе, сонымен қатар қаламгердің өмірбаян, өлеңдерін, қолжазбаларын жинақтап, «Халқы сүйген қаламгер» атты кітап шығарылса деген ұсыныстарын білдірді.

Жалағаш ауданында ғылыми жоба байқауы өтті

&nbsp;<a href="https://kyzylorda-news.kz/">Kyzylorda-news.kz.</a> «Білім саласының үздігі», 2019 жылғы «Дарын» номинациясының иегері, саналы ғұмырын білім саласына арнап, бүгінде бейнетінің зейнетін көріп отырған ардақты жан Ләззат Палымбетовамен сұхбат құрдық. Ләззат апай зейнетке шықса да, қоғам өмірінен бір сәтке қалыс қалмаған. Ардақты ана, аяулы ұстаз Ләззат Әуезханқызымен болған шағын сұхбатымызды назарыңызға ұсынамыз.– Ләззат Әуезханқызы, бірден өзіңізден, қызметіңізден бастасақ.– Мен 1960 жылы Оңтүстік Қазақстан облысында дүниеге келгенмін. Кейін Сыр өңіріне қоныс аударып, Шіркейлі ауылында мектеп қабырғасын тәмамдадым. Кейін Қызылорда қаласындағы Н.В.Гоголь атындағы педагогикалық институтты физика-математика мамандығы бойынша оқып, білімімді жалғастырдым. Алғашқы білім жолымды №129 мектепте мұғалім болып бастадым. Кейін отбасы құрып, бала тәрбиесімен біраз жыл демалыста болдым. Араға алты жыл салып, қызметке қайта оралдым. Алғашқыда оқушылар үйінің директоры болып, кейіннен аудандық білім бөлімінде бас маман қызметтеріне дейін көтерілдім. 2004 жылдан бастап №35 мектепте директор болып жұмыс атқардым. Бұл менің қажырлы жұмыс жасаған жылдарым болды. 2011 жылдан бастап екі жыл Қалжан ахун ауылдық округіндегі №126 мектепте, 2013 жылдан бастап Қызылдихан ауылдық округіндегі білім ордасы №131 мектепте директор болдым. Осы жерден биылдан бастап зейнет демалысына шықтым.– Ел ертеңі шәкірт тәрбиелеу жолында ұзақ жыл еңбек еттіңіз. Шәкірттеріңіз бүгінде ұстаздан озып, биік белестерден көрінуде. Үздік шәкірттеріңіз туралы айта кетсеңіз.– Баланы мен жалғыз тәрбиелемеймін. Оның ата-анасы берген білімі бар, өзге ұстаздардың еңбегі орасан. Десек те, үздік шәкірт дегеніңізде, менің есіме Досжан Елеусінов деген оқушым түсіп отыр. Ол сондай білімді, әрі тоғызқұмалақшы. Және бір мақтан тұтарлығы, Досжан біздің аудан бойынша тұңғыш рет «Болашақ» бағдарламасы аясында шетелде білім алған. Өзі мектепті үздік аяқтап, Қазақ-Британ университетіне оқуға түсті. Қазір елордада мұнай-газ саласында жұмыс жасайды. Дәл қазіргі уақытта келісімшартпен Данияда жұмыс жүргізіп жатыр екен. Өмірге деген көзқарасы бөлек, алға қойған мақсаты айқын жігіттің әлі талай белесті бағындыратынына сеніміміз мол.– Ел Тәуелсіздігіне, Қазақстан Республикасының азаматы, өз елінің ұлтжанды перзенті ретінде қандай үлес қостым деп ойлайсыз?– Мен мынадай нәрсе жасап, еңбек сіңірдім деуден аулақпын. Білім саласында ұзақ жыл еңбек еттік. Қызметте болған жылдарымызда білім саласын, мектеп өмірін жандандыруға, жас ұрпақтың саналы білім алуына ықпал етуге тырыстық. Нәтижесін де көрдік. 2008 жылдары №35 И.Тоқтыбаев атындағы мектепке «лицей» дәрежесіне көшіру туралы жұмыстар жүргіздік. Бір жылда бес бірдей «Алтын белгі» иегерін бітірткен жылдар да болды. Мұның бәрі ел үшін, халық үшін, келешек ұрпақтың жарқын келбеті үшін жасалған дүниелер деп білемін. Десек те, бұлар жалыз менің еңбегім емес. Бетке ұстар, үлгі тұтар ұстаздарымыз болды. Жаңашыл жас мамандарымыз болды. Есесіне, маңдай тер елеусіз қалмады. Министрліктің Құрмет грамотасын, әр жылдары облыс, аудан әкімдерінің алғыс хатына ие болдық. Ерен еңбектің үлгісін көрсеткеніміз үшін бір іссапармен де, демалысқа да шетелдерге жіберді. Бұның бәрі мәртебе. Десек те, атқарылған жұмыстың барлығы ұжымның бірлесе жасаған еңбегі. Жастар, шәкірттеріміз сәлем беріп, ауылдастарымыз құрметтеп тұрса, бұл да менің қоғамға пайдалы адам болғаным ғой деп марқайып қалып жатамын. Азды көпті осындай еңбегіміз бар. Алда әлі де қосар үлесіміз мол деп ойлаймын.– Сіздің ойыңызша, Тәуелсіздігіміз тұғырлы болып, егемендігіміз мәңгілік болуы үшін не істеу керек?– «Бірлік бар жерде – тірлік бар» деген ұстанымды жадында сақтаған дана халқымыз біртұтастық пен ауызбіршілікті – бірлігі бекем мемлекеттің негізі деп санаған. М.М.Сперанский: «Қазақтар шөлейтте өсетін балтамен ұрып сындыра алмайтын сексеуіл ағашы сияқты. Сексеуілді тек бір-біріне ұрып сындыруға болады. Қазақтарды да бір-біріне айдап салып, әлсіретіп барып бастарына құлдықтың қамытын кигізе аламыз» деген тұжырымға келген. Бірақ біздің дана халқымызтарих қойнауынан талай теперішті көрсе де, бірлік пен ынтымақты бәрінен биік қойып, жетімі мен жесірін жылатпай, өзге ұлттарды да өз бауырына басқан. «Сыйлағанға құшақ ашар дос, Жау болғанға қиып түсер қылыш» болған қазақтүрлі ұлт пен ұлысты бір шаңырақ астына жинап, тату тірліктің үлгісін көрсетіп келеді. Бұл туралы Қасым-Жомарт Кемелұлы өз Жолдауында «Біз қашанда алауыздыққа қарсы тұра білген елміз. Қоғамдағы бірлік пен келісімді көздің қарашығындай сақтауымыз керек» деді. «Бірлік бар жерде – тірлік бар» деген.Бізді осы Тәуелсіздікті алып берген де, одан әрі елдің елдігін нығайтатытын да &nbsp;– бірлік, татулық, бір жағадан бас, бір жеңнен қол шығарып жұмылған жұдырықтай әрекет ету деп ойлаймын. Алдағы уақытта мемлекетіміз одан әрі дамып, бәсекеге қабілетті озық елдер қатарына қосылуды көздейді. Бұл тұста, бейбітшілік пен ауызбішілікті қолдаған елдің ертеңі жарқын болатыны сөзсіз. Және білім мен ғылым саласына аса көңіл қойылу керек деп ойлаймын. Дарынды, білімді жастарымыз жетерлік. Соларға жеткілікті жағдай жасалса, өз елімізді дамытуға тарта білсек, өндіріс, ауылшаруашылығы сынды маңызды салаларды дамытсақ, бізден мықты ел болмайды деп ойлаймын.– Аудан халқына қандай жүрекжарды тілек арнайсыз?– Шекарамыз бар, ұлттық құндылықтарымыз бен еліміздің елдігінің көрінісі мемлекеттік рәміздеріміз бар. Төл теңгеміз бар. Егемен елміз. Аллаға Шүкір! Ендігі тілек – сол Тәуелсіздіктің баянды болуы. Ел аман, жұрт тыныш болса екен деймін. Ұрпағымыз мың жасап, мылтық даусын естімесе екен. Теледидардан кей елдердегі жойқын сұрапылды көріп, көңіліме қаяу түседі. Ондайдан Алла сақтасын. Ел-жұртымыз аман, бейбітшілік заман болсын.– Әдемі әңгімеңізге рақмет.&nbsp;&nbsp;&nbsp;

Сырдариялық ұстаз елдік мүддені жоғары қояды

<a href="https://kyzylorda-news.kz/">Kyzylorda-news.kz.</a>&nbsp;Қорқыт ата атындағы Қызылорда университетінде «Ғылым мен білімнің цифрлық трансформациясы тұрақты және инновациялық даму жолында» атты ХХV дәстүрлі студенттік &nbsp;ғылыми конференция өтті.Конференцияға Басқарма мүшесі – Ғылыми жұмыстар және халықаралық байланыстар жөніндегі проректор Майнұр Бөрібаева қатысып, жас ғалымдарға қолдау қарқынды екенін атап өтті.<blockquote>Университетте студенттерді ғылымға тарту жұмыстарына ерекше көңіл бөлініп келеді. Оларды сан-салалы инновациялық жобалар мен технологияларды игеруге, жаңа білім мен идеяларды жүзеге асыруға бейімдеу – басты мақсатымыз.&nbsp; Жыл сайын аймақ экономикасының өзекті проблемаларына арналған жастардың ғылыми ізденістеріне қолдау көрсетілуде. Өткен жылы университеттің жас ғалымдарына арнайы 6 грант (10 млн теңге) тағайындалды. Биыл осы гранттар игерілген соң, жас ғалымдарға арналған жаңа конкурс &nbsp;жарияланбақ, – деді Майнұр Әбілтайқызы.</blockquote>Шарада студенттердің шығармашылығы мен жетістіктер көрмесі таныстырылды. Ал, пленарлық мәжілісте білім алушылар ғылыми-зерттеу жұмыстарының барысын баяндады.Айталық, студент Әбекен Айбек «Dark Maze атты қазақша компьютерлік ойын түрін ойлап тапса, Айсағали Әмірғалиұлы жұмыссыздық мәселесінің шешімін ұсынды. Ал, студент Оңғар Қарақат дәрумендермен байытылған емдік «Сарысу» сусынының адам ағзасына пайдасы туралы баяндады.Сондай-ақ, білім алушылар Алмас Мирланұлы «Тригонометриялық теңдеулер мен теңсіздіктерді шешудің тиімді әдістерін интерактивті бағдарламалар арқылы үйрету», Бақытәлі Жамбыл «Қазақ тілді әдеби сайттар мен порталдар: тақырып және &nbsp;проблема» тақырыбында баяндама оқыды.&nbsp;Айта кету керек, университетте студенттерінің ғылыми-зерттеу жұмысын үйлестіру мақсатында «Зерде» студенттер ғылыми қоғамы жұмыс істейді.Өткен жылы білім алушылардың қатысуымен ҚР БжҒМ Ғылым комитетінің гранттық қаржыландыруы негізінде 9 жоба, халықаралық бағдарламалар бойынша 3 &nbsp;жоба, облыстық бюджеттен 3 жоба орындалды. Ірі бизнес-құрылымдармен өзара тиімді ынтымақтастықтың нәтижесінде «ПетроҚазақстанҚұмкөлРесорсиз» және «ҚОР» компаниялары ғылыми-зерттеу және тәжірибелік – конструкторлық жұмыстары (НИОКР) орындалды.&nbsp;Конференция соңында Басқарма мүшесі – Ғылыми жұмыстар және халықаралық байланыстар жөніндегі проректор Майнұр Бөрібаева ғылыми жетістікке жеткен білім алушыларға Басқарма Төрағасы – Ректордың марапаттарын тапсырды.<figure class="image"><img src="https://knadmin.beoblood.kz/uploads/27_2f1e37fc7b.jpg" alt="27.jpg"></figure>

Қызылордада ХХV дәстүрлі студенттік ғылыми конференция өтті

<a href="https://kyzylorda-news.kz/">Kyzylorda-news.kz.</a>&nbsp; Сырдария ауданы әкімінің орынбасары Димаш Байдушев республикалық жарыстарда озық шығып, аудан абыройын көтеріп жүрген оқушылармен кездесті.Аудан әкімінің орынбасары жоғары жетістікпен ауданның білім беру саласының дамуына үлес қосып жүрген дарынды, озат, қабілетті жастарға және ұстаздар қауымына ризашылығын жеткізді.Кездесуге XVIIІ республикалық «Зерде» конкурсының ІІ орын иегерлері №42 мектеп-лицейінің 4 сынып оқушылары Төлеген Асылзат, Жұмабайқызы Гүлсезім, №35 мектеп-лицейінің 7 сынып оқушысы Әскербекова Еркежан; Павлодар қаласында өткен «Ұлттық мектеп лигасы» жарыстарының тоғызқұмалақ спорт түрі бойынша республикалық кезенінің І орын иегерлері №36 мектеп-лицейінің 8 сынып оқушылары – Дарын Нұрланұлы, Айым Ақылбек, Әсет Молдабек, Низара Аубакирова.Астана қаласында өткен «Ұлттық мектеп лигасы» жарыстарының тоғызқұмалақ спорт түрі бойынша ІІ орын иегерлері №36 мектеп-лицейінің 9 сынып оқушылары Жансұлу Ермағанбетова, Зере Алдамұратова, Берік Серікбай, Нұржан Ақылбек; «Яссауитану» халықаралық байқауының республикалық кезеңінің Алғыс хат иегері №42 мектеп-лицейінің 8 сынып оқушысы Гүлім Дүйсенбай, жас музыканттар байқауының республикалық кезеңінің ІІІ орынмен өнер мектебінің фортепиано сыныбының оқушысы Даниил Семенов; республикалық «Домбыра-дастан» дәстүрлі күй тартыс байқауының Бас жүлде иегері өнер мектебінің домбыра сыныбының оқушысы Дінмұхамед Алмасұлы және жалпы білім беретін пәндер бойынша олимпиаданың республикалық кезеңінің ІІІ дәрежелі диплом иегері №37 мектеп-лицейінің 11 сынып оқушысы Айжан Рамазан қатысты.Білім бәйгесінде жеңіске жеткен оқушыларға аудан әкімінің «Алғыс хаты» және естелік сыйлығы табысталды.<img src="https://knadmin.beoblood.kz/uploads/62b23542_1944_4a45_86d0_dd293141ebba_0ece27d147.jpg" alt="62b23542-1944-4a45-86d0-dd293141ebba.jpg">

Сырдария ауданында жүлдегерлер марапатталды

<a href="https://kyzylorda-news.kz/">Kyzylorda-news.kz.</a> Мектепті тәмамдап, студент атанудың алдындағы белес ҰБТ-ның маңызы – жоғары оқу орнына түсу ғана. Тестілеуден төмен балл жинап, оқуға түсе алмай қалса, баланың психологиялық күйзеліске ұшырап, тіпті, өз-өзіне қол жұмсаған оқиғаларды көз көрді, құлақ естіді. Биыл министрлік осыны ескеріп, ҰБТ-ны 5 рет тапсыруға мүмкіндік берді. Анығында, ақылы ҰБТ – қаңтар, наурыз, тамыз айларында өтсе, мемлекеттік грант байқауына арналған ҰБТ – мамыр мен маусым аралығында 2 рет өтеді.Биыл облыста 8048 оқушыға соңғы қоңырау соғылады. Соның 7044-і Ұлттық бірыңғай тестті тапсыруға ниетті. Еліміз бойынша 10 қаңтарда ақылы тестілеу өтті. Аудандық білім бөлімінің дерегінше, оған талапкерлердің 87 проценті қатысып, бағын сынап үлгерген. Қаңтар айында өткен ақылы тестілеуде ең жоғары 139 баллды №45 Ақ орда мектеп-гимназиясының түлегі жинаған. Айта кеткен жөн, 2023 жылғы ҰБТ өзгеріссіз қалды. Сонымен қатар тестілеу кезінде калькулятор, Менделеев кестелері компьютер экранында қолжетімді. Ал 14-31 наурыз аралығында өткен ақылы тестілеуге бітіруші түлектердің 73,1 проценті қатысқан. Шекті баллды №46 А.С.Пушкин атындағы мектеп-лицейдің түлегі алған.&nbsp;<blockquote>– Мектеп бітіруші түлектерден ҰБТ-ға өтініш қабылдау 28 сәуір мен 14 мамыр аралығында жүргізіледі. Ақылы тестілеуді І кезеңінде аудан бойынша 834 оқушы, ІІ кезең бойынша 701 оқушы тест тапсыруға өтініш білдірді. Облыс бойынша 3 ұлттық бірыңғай тестілеу орталығы жұмыс істеуде. Олар – Қызылорда қаласы, Қазалы ауданы, Әйтеке би кентінде және Жаңақорған кентінде орналасқан. Шиелілік түлектер Жаңақорған кентіндегі тест орталығына барып бақтарын сынайды. Биылғы оқу жылының қорытындысымен 960 мектеп бітіруші түлек ҰБТ-ға қатысады деп ¬жоспарлануда, – дейді Шиелі ¬ауданы бойынша білім бөлімінің сектор меңгерушісі Марат Ақпанбетов.</blockquote>ҰБТ-дан қанша балл жинай аламын? Биыл 11-сыныпты аяқтайтын Бекмұхамед Сағымбайұлын мазалап жүрген басты сұрақ осы. Ол түсінікті де. Мектеп бітіретін әрбір оқушы үшін қазір нағыз сыналатын шақ. Сондықтан күн-түн демей дайындалуға тура келеді. Уақыт аз қалды.&nbsp;№159 Еңбекші қазақ мектептің түлегі соңғы ақылы тесттен – 113 балл жинаған.– Мен үшін Ұлттық бірыңғай тестілеу – өмірімнің бір кезеңі, тағы бір баспалдағы десе де болады. 11 жыл бойы оқыған орта білімнің бағасын алып, жоғары білімге қадам басатын бағыт. Өмірімнің әр кезеңінен абыроймен өткім келеді. ҰБТ-да химия-биология пәнін таңдадым. Болашақта өз саласының мықты маманы болғым келеді, – дейді Б.Сағымбайұлы.Талай түлектің түн ұйқысын ұрлап, еркін жүруден тыйған ұлттық тестілеуге де санаулы күндер қалды. Ендеше, әрбір талапкердің осы бір сынақтан сүрінбей өтуін тілейміз.

Сындарлы сәтке санаулы күндер қалды

<a href="https://kyzylorda-news.kz/">Kyzylorda-news.kz.</a> Қызылорда қаласы бойынша білім бөлімінің басшысы Ерлан Теңізбайұлы мен қалалық кәсіподақ комитетінің төрағасы Орынша Міржақыпқызы Абай атындағы дарынды балаларға арналған үштілді сыныбы бар мамандандырылған мектеп ұжымымен кезектен тыс педагогикалық кеңес өткізді.&nbsp;Жалпы 2022-2023 оқу жылында мектепте 158 сынып комплектісі бойынша ІІ-ауысымда 4236 оқушы білім алуда. Бүгінде мұнда 1 Педагог-шебер, 81 зерттеуші, 110 сарапшы, 147 модератор және ІІ санатты 1 мұғалім оқушыларға білім беруде.&nbsp; Жиында мектеп директоры Жанат Мылтықбайқызы өткен жылы атқарылған жұмыстармен мектептің даму жоспары туралы баяндама жасады.&nbsp;<blockquote>«2022-2023 оқу жылындағы жалпы білім беретін пәндер бойынша 9-11 сынып оқушыларына арасында республикалық олимпиаданың екінші (қалалық) кезеңіне 37 оқушы қатысты, соның ішінде І орын – 4 оқушы, ІІ орын – 8 оқушы, ІІІ орын – 9 оқушы және 4 оқушы Алғыспен марапатталды. Сонымен қатар, облыстық кезеңіне 4 оқушы қатысып, 2 оқушы –ІІІ орын алып келді. Жалпы білім беретін пәндер бойынша 9-11 сынып оқушылары арасында республикалық зерттеу жобалар конкурсына &nbsp;27 оқушы қатысты, соның ішінде І орын – 2 оқушы, ІІ орын – 5 оқушы, ІІІ орын – 7 оқушы және 13 оқушы Алғыспен марапатталды және 2 оқушы республикалық кезеңнен ІІІорын алып келді. 2-7 сынып оқушыларының зерттеу жобалары мен шығармашылық жұмыстары «Зерде» республикалық байқауына 67 оқушы қатысты. Соның ішінде І орын – 1 оқушы, ІІ орын – 12 оқушы, ІІІ орын – 13 оқушы және 9 оқушы Алғыспен марапатталды. Сонымен қатар, бір оқушымыз облыстық кезеңінен І орын &nbsp;алып, республикалық кезеңнен ІІ орынды &nbsp;иеленіп келді. 7-8 сынып оқушыларына арасында республикалық Юниорлық &nbsp;олимпиаданың қалалық кезеңіне 14 оқушы катысты, соның ішінде І орын – 2 оқушы, ІІ орын – 6 оқушы, ІІІ орын – 4 оқушы иеленді және облыстық кезеңге 2 оқушы барады», – деді мектеп директоры.</blockquote>Сонымен қатар, педагогикалық кеңесте мұғалімдердің сағат жүктемесі мәселесі де талқыланды. Ерлан Теңізбайұлы ұстаздармен кері байланыс жасап, сауалдарына жауап берді.Бүгінде Абай атындағы дарынды балаларға арналған үштілді сыныбы бар мамандандырылған мектепке қосымша 375 орындық бастауыш сыныпқа арналған қосымша құрылыс аяқталуға жақын. Бұл өз кезегінде сынып жетіспеушілік мәселесін шешетін болады.<img src="https://knadmin.beoblood.kz/uploads/342733835_150936764604476_9031317559309893452_n_944d8ac4b9.jpg" alt="342733835_150936764604476_9031317559309893452_n.jpg">

Қызылорда қалалық білім бөлімінің басшысы мұғалімдермен кездесті

Ауыл мектебінің жұмысы жүйелі

<a href="https://kyzylorda-news.kz/">Kyzylorda-news.kz.</a> Бүгінде елімізде тіл мәселесі көп талқыланып, өзекті мәселенің біріне айналды. «Өзге тілдің бәрін біл, өз тіліңді құрметте» демекші, қазақ тілімен қоса орыс, ағылшын тілін меңгерудің артықтығы жоқ. Керісінше, дәл қазіргі уақытта пайдасы мол.&nbsp;Оның ішінде орыс тілін оқыту мектеп бағдарламасының негізгі бөлімдерінің бірі. Мәселен, орыс, ағылшын пәндері 11-ші сыныпқа дейін оқытылады. ЖОО бағдарламасында да, кез келген мамандық студенттері орыс тілін оқып, осы пәннен емтихан тапсырады. Жалпы, орыс тілі – әлемдегі ең көп таралған тіл. Әсіресе, ғылым-білім, медицина, әдебиет салаларында орыс тілді шығармалардың орны ерекше. Толстойдың «Война и мир» шығармасын, әлемдегі көптеген мәртебелі адамдар оқуға ұсынада. Менделеевтің кестесі ғылым тарихындағы ең маңызды ашылу болып саналады.&nbsp;Орыс тіліне ұлы ақын Абайдың да көзқарасы жақсы болған. Әдебиетке көз жүгіртетін болсақ, ақын орыс тілін өз бетінше оқып үйренді. Сөйтіп, орыс әдебиетінің А.С.Пушкин, М.Ю.Лермонтов, Л.Н.Толстой, В.Г.Белинский, Н.А.Добролюбов, М.Е.Салтыков-Щедрин, И.А.Крылов т.б. ойшыл- ақындардың шығармаларымен танысып, аударма жасаған. Орыс тілі арқылы әлемге есімдері мәлім ұлы ойшыл-философтар Сократ, Платон, Аристотель, Спенсер, Дрэпер, Милль еңбектеріне қол жеткізді. Сондай-ақ И.В.Гете, Джордж Байрон, А.Мицкевич сияқты ақындар жырларынан сусындады. Ұлы ақын Абай Құнанбаев үшін тіл білу – адамгершілік өлшемі. Сондықтан да ол орыс тілін өз бетінше үйреніп алды.Қазақ тілін дамыту, оның мәртебесін көтеру, баршамыздың алдымызда тұрған басты – міндеттің бірі. Десе де, ұстаз ретінде менің көзқарасым – қазақ тілін дамытатын, ол қазақ тілді ақылды адамдар. Білімді, талапты қазақ азаматтардың көбеюі, қазақ тіліндегі әлемге маңызды ғылыми еңбектер, әдеби шығармалар, заманауи жобалардың көбеюі қазақ тілінің мәртебесін көтереді.&nbsp;Қарап отырсаңыз, қазір де ақпараттық технологиялар саласында, орыс, ағылшын тілін білетін мамандардың орны ерекше. Сонымен қатар әлемде орыс, ағылшын тілді программисттер жоғары бағаланады. Сондықтан өзге тілді меңгеріп, қазақ тілін ұмытып кетесін деген оймен мүлдем келіспеймін. Білімді жас қашанда, қай жерде де жоғары бағаланады. Ал білімді, сауатты, жан-жақты болуы үшін адам ең алдымен көп тілді меңгеруі қажет. Сонда ғана қазақ тілін дамытуға, әлем деңгейіне көтеріп, насихаттауға жұмыс істей аламыз.&nbsp;Жасыратын несі бар, қазақ балалары мектеп жасында орыс, ағылшын пәндеріне мән бермейді. Кейін өзге тілді үйрену үшін мықты мамандар іздейді. Өкінішке қарай, интернетті аша қалсаң, жастардың орыс, ағылшын тілін үйренгім келеді деген жазбалардан көз сүрінеді. Менің мақсатым – өзге тілді мақтап, оны дәріптеу емес, тек қазақ жастарының санасын, ой-өрісін, білімін арттырып, кеңістігін ұлғайту.&nbsp;Маржан ОМАРОВА, Қызылорда қаласындағы&nbsp; №271 Б.Ермекбав атындағы&nbsp; орта мектептің орыс тілі мен әдебиеті&nbsp; пәні мұғалімі

Өзге тілдің бәрін біл, өз тіліңді құрметте

<a href="https://kyzylorda-news.kz/">Kyzylorda-news.kz.</a> Қызылорда қаласы бойынша білім бөлімінің ұйымдастыруымен Әли Мүсілімов атындағы №101 мектеп – лицейі базасында химия және биология, география &nbsp;пән мұғалімдерінің қатысуымен қалалық семинар өтті. Семинарға қалалық білім бөлімінің әдіскері Нұрқанат Ақылбайұлы қатысып, сәттілік тіледі.&nbsp;Семинардың мақсаты &nbsp;биология және химия, география сабақтарында және сабақтан тыс іс-шараларда оқытудың заманауи тәсілдерін қолдана отырып, оқушылардың білім алуға қызығушылығын арттыру, ой-өрісі мен таным белсенділіктерін жан-жақты жетілдіру. Функционалдық сауаттылықтарын қалыптастыру тәсілдері бойынша тәжірибе алмасу.&nbsp;Экологиялық білім беру және табиғатты қорғау бағытында теориялық, практикалық дағдылары бар экологиялық сауатты тұлғаны қалыптастыру.&nbsp;Семинар барысында бірлескен жұмыстар, ерекше сабақтар, шеберлік палитрасы, агробиологиялық кешен, жаңа модификацияланған жылыжай таныстырылды. &nbsp;Биология пәні бойынша жаратылыстану ғылымдарының магистрі &nbsp;Ұлболсын Сабитқызы мен Әсел Нәрзілдақызы «Вешенка» саңырауқұлағын өсіру технологиясы. STEM оқыту әдісі» тақырыбында &nbsp;шебер сынып сағатын сәтті өткізді. Шебер сыныпта «Вешенка» саңырауқұлағының өсіру технологиясы көрсетілді.География пәні бойынша педагогика ғылымдарының магистрі Жайна Әбдімәлікқызы мен Асия Бикбаевна «Зерттеу жұмысын тиімді ұйымдастыру Scientific research» тақырыбындағы шебер сабақта оқушылардың ғылыми – зерттеу жұмыстарын тиімді ұйымдастыру жолдарын көрсетті.&nbsp;Химия пәні бойынша Ақерке Қазыбайқызы мен Мөлдір Нәсімханқызы «SCIENCE LAB» - шебер сынып сағатында ұстаздарға адыраспаннан хош иістендіргіш пен мия тамырынан тұнба жасау және экобор жасауды көрсетті.&nbsp;География пәні мұғалімдері Жанар Абибуллақызы мен Гүлнұр Алмаханқызы «Тиімді оқытудағы «EDUCATION SCRUM» тәсілін қолдану» тақырыбында &nbsp;тренинг өткізді.&nbsp;Семинарға келген жаратылыстану пәндерінің мұғалімдері кері байланыс беріп, өз әсерлерімен бөлісті.Айта кетейік, Мемлекет басшысы «Әділетті мемлекет. Біртұтас ұлт. Берекелі қоғам» атты Қазақстан халқына Жолдауында «Жаһандық ғылыми-техникалық даму барысын ескерсек, жоғары сыныптарда жаратылыстану-математика пәндерін және ағылшын тілін оқытуды барынша күшейту маңызды. Қоғамда қазақ және орыс тілін мектепте оқыту мәселесі жөнінде пікірталас болып жатыр. Нақты айтайын: біз қазақ тілін де, орыс тілін де жақсы білетін балаларды &nbsp;тәрбиелеуіміз қажет. Себебі, бұл ұрпақтың мүддесі үшін керек. Оқу-ағарту министрлігі популистердің жетегінде кетпей, балалардың мүддесін қорғауға тиіс. Білімді және бірнеше тілді меңгерген ұрпақ болашаққа сеніммен қадам басады. Біздің күшіміз – жастардың білімінде» деген болатын.<img src="https://knadmin.beoblood.kz/uploads/343336045_780157583521869_7424127626844174251_n_e605fb35f8.jpg" alt="343336045_780157583521869_7424127626844174251_n.jpg"><img src="https://knadmin.beoblood.kz/uploads/336041302_883459732749343_1068982101377707762_n_5b59345069.jpg" alt="336041302_883459732749343_1068982101377707762_n.jpg"><img src="https://knadmin.beoblood.kz/uploads/342347949_544300470963350_3019493376150907543_n_58a2625ea6.jpg" alt="342347949_544300470963350_3019493376150907543_n.jpg"><img src="https://knadmin.beoblood.kz/uploads/343083783_1446676939416728_4753258852559878368_n_8849209dea.jpg" alt="343083783_1446676939416728_4753258852559878368_n.jpg">

Green school: Қызылорда мектебіндегі жаратылыстану ғылымдарының жаңалығы

<a href="https://kyzylorda-news.kz/">Kyzylorda-news.kz.</a> Талантты оқушыны тани білу – жарты ерлік. Себебі оның өнерін өрістетуге жол ашып, көмек қолын созу орасан зор еңбекті талап етеді. Әсіресе, бастауыш сынып оқушыларының тұмдай тұнық болмысын аялай білу, бағыт-бағдар беру кезек күттірмейді. Осы орайда «Bilim-Orkenieti» Ұлттық Инновациялық ғылыми-зерттеу орталығы ұйымдастырған «ҚР 100 үздік өнерлі оқушысы» атты республикалық байқауын ерекше атап өткен жөн.Елдегі өнерлі жастар арасында байланыс орнату және оқушылардың шығармашылық әлеуетін күшейту, инновациялық идеясын дамыту бағытындағы байқаудың көмегімен &nbsp;танылған таланттар аз емес. Олардың қатарында «Orda School» жеке мектебінің оқушылары да бар.Білім және Ғылым министрлігінің ақпараттық қолдауымен ұйымдастырылған сайыс биыл да тартысты өтті. Екі кезеңнен тұратын байқауға Қазақстанның түпкір-түпкірінен 400-ден астам мектеп оқушы бақ сынап, ішінен 100 оқушы топ жарды. Жүзден жүйрік шыққан балалар елордада өткен марапаттау рәсіміне қатысып, жеңіс тұғырынан көрінген. Соның ішінде өңірдегі «Orda School» жеке бастауыш мектебінің 2 сынып оқушылары – Сая Нұрболатқызы, Айзере Ғалымжанқызы, Ернұр Серік те байқау жеңімпаздары атанды.Жеңімпаздарды «Bilim-Orkenieti» ҰИҒЗО директоры Әзірет Сатылғанов, ҚР Мемлекеттік Елтаңбасының авторы Жандарбек Мәлібекұлы, тарих ғылымдарының докторы Мақсат Алпысбесұлы секілді сала мамандары мен қоғам қайраткерлері марапаттады. Сырбойылық оқушылар I дәрежелі диплом және «Мен Қазақстанның Патриотымын» төсбелгішесін иеленген.<blockquote>– Баланың бойындағы табиғат берген ерекше қабілетті, дарынды тани білу, дамуына бағыт-бағдар беру қажетін әр мұғалім жете түсінуі керек. Ол үшін дарынды оқушымен жұмыстың әлеуметтік қажеттілігін сезіну, нәтижелі әдіс-тәсілдерді талмай ізденуі, жоғары нәтижелерге жетуге ұмтылу, ата-анасымен тығыз байланыс маңызды. «Orda School» жеке бастауыш мектебінің оқушылары да ізденіс пен білімді қатар алып жүруде. Оларға лайықты жол сілтеу үшін үнемі ізденісте болуға тура келеді. «ҚР 100 үздік өнерлі оқушысы» байқауына балаларды қатыстырудағы мақсаттың бірі – танымды кеңейту, шығармашылық байланысты нығайту. Бұл тұрғыда оқушылардың талпынысы көңіл көншітеді, – дейді оқушылардың жетекшісі Нұрай Марқабатқызы.</blockquote>Сонымен қатар дарынды оқушылар туралы мәлімет байқау аясында жарық көрген «100 үздік өнерлі оқушы» атты кітап-жинаққа шыққан. Талапкерлер жүлдемен қатар «Мәңгілік Ел» кітабы сыйға алып, ұйымдас¬тырушыларға алғысын айтуда. Өз кезегінде «Bilim-Òrkenieti» ұлттық инновациялық ғылыми-зерттеу орталығының директоры Әзірет Сатылғанов мұндай жобаның маңызы зорын атап өтіп, білім беру ісіндегі ілгерілеу байқалатынын қуана жеткізген.<blockquote>— Жалпы мемлекетіміздегі білім беру ұйымдарының мұғалімдері мен оқытушыларының инновациялық әдістері мен шығармашылық әлеуетін қалыптастыру – маңызды міндет. Әсіресе, педагогтердің біліктілігін арттыру, олардың тәжірибе алмасуына ықпал ету үшін мамандандырылған орталық барынша мүмкіндік алаңын әзірледі. Мұнда кәсіби жетік, креативті, білікті мамандардан құралған команда қызмет атқаруда. Сол секілді «ҚР 100 үздік өнерлі оқушысы» атты республикалық байқауын ұйымдастыру да ерекше жауапкершілік артты. Сайыста басымдық дарынды, өнерлі, білімді жастардың үздік жобаларына қолдау көрсету, сол арқылы Қазақстанның тұрақты дамуына үлес қосу идеясы назарға алынды, – дейді орталық басшысы.</blockquote>Ұстаз ретінде білім берген оқушының ерекшелігін, танымын зерттеп, даму деңгейіне орай әдіс-тәсілдерді іріктеу нағыз кәсіби маманға тән қасиет екені анық. Бұл орайда «Orda School» мектебінің ұстаздары көпке үлгі болып келеді. &nbsp; &nbsp;

Қазақстан және Қызылорда облысының жаңалықтары: Білім