<a href="https://kyzylorda-news.kz/">Kyzylorda-news.kz.</a> Жаңақорған аудандық балалармен мәдени-тәрбиелік жұмыстар орталығының ұйымдастыруымен &nbsp;«Zhanakorgan Robotics-2023» атты аудандық робототехника чемпионаты өтті. Оған аудандағы 12 мектептен 50-ден астам ізденімпаз қатысты.«Ордакент» ардагерлер және жастар ресурстық орталығында өткен шараны ашқан сала басшысының орынбасары Мейірхан Оспанов:<blockquote>«Ауданда робототехниканы дамыту бағдарламасы жолға қойылып, 15 мектепте робототехника сыныбы ашылды. Бүгінде тағы 15 мектепте жасақталуда. Оқушының робо-тотехникаға байланысты жинаған ілімін тексеріп отыратын сайыстар қажет-ақ. Бұл – оқушының инновацияға, роботтехникаға деген қызығушылығын арттырып, тәжірибе алмасатын алаң болады», – деді.</blockquote>Орталық директоры Әлімжан Ержанов робототехника сайысының ауданда тұңғыш рет өткізіліп отырғанын, оның мақсаты – жасөспірімдер арасында инженерлік-техникалық есептерді іс жүзінде шеше білу және техникамен жұмыс жасау дағдыларын дамыту, оқушылардың инновация мен жоғары технологиялар саласына деген қызығушылығын арттыру, робототехниканы дамытушы білім беру ұйымдарын және робототехникаға қызығушылығы бар тәлімгерлерге қолдау көрсету екенін айтты.Аудандық чемпионаттың төрешісі Дастан Қадиров «Қазроботикс» білім беру және спорттық робототехникасының Қазақстандық Федерациясы республикалық қоғамдық бірлестігі ережесімен өткізілетінін түсіндірді. Яғни робсумо сайысында бағдарламаланған роботтар қара сызықпен сызылған шеңбердің ішінде 3 кезең бойынша бір-бірін итеріп, сыртқа шығаруы тиіс. Екіншісі, «Сызық бойымен жарыс» санатындағы роботтар жарысы. Жарыстың негізгі бөлігінде ата-аналар, ұстаздар, оқушылар бір-бір роботқа жанкүйер болды.– Әттең, бағдарламасын дұрыс бермепті.– Жоқ-а, бәрі дұрыс. Тек салмағы аздау екен.– Міне, осылай. Төңкер-төңкер.– Қап, сәттілік жетіспеді.Осы іспеттес пікірді қолдағандардың дауысы әр жерден естіледі.Дәл сумо секілді.Диаметрі 25×25, салмағы бір келіден аспайтын роботтар айқасы қызықты өрбіді. Үш раундтан тұратын робосумо бойынша №125 мектептің 8 сынып оқушысы Мейіржан Нұрдәулетұлының (жетекшісі Дастан Кадиров) «Тайсон» атты роботы дара шықты. Тәрбие орталығында тәлім алатын оқушы роботын сайысқа әбден дайындапты.Екінші орыннан №168 мектеп оқушысы Ислам Мұзаппар мен Нұрсұлтан Маматтың (жетекшісі Замира Муслимова) дайындаған роботы көрінді. Үшінші орынды Ерсұлтан Өндірбектің роботы еншіледі.Ал «Сызық бойымен жарыс» роботтар сайысында тәрбие орталығының тәлімгерлері озық екенін көрсетті. Бірінші орын алған Заңғар Алиасқар мен Алижан Қожабайұлының роботы сызықтан мүдірмей өтті. Екінші сатыдан Мағжан Абдилла, Азамат Аблаитов көрінді. Үшінші орынды №3 мектеп-интернатының оқушысы Дәулет Мәмедалі, Өркен Өмірбайұлы (жетекшісі Қаламқас Тұрганбаева) алды.Цифрлық әлемнің бір бөлшегіне айналған робототехника ғаламдық проблемаларды шешудің жолына айналды. Озық елдер білім беру, денсаулық сақтау, өндіріс, ауылша¬руашылығы, қызмет көрсету саласында роботтың игілігін пайдалануда. Әлемдік робототехника олимпиадасы жолға қойылды. Осы көштен лайықты орын алуда мектептерде робототехника сыныбын жасақтап, оқушылардың білімін шыңдайтын сайыстарды жолға қою керек-ақ. Ауданда алғашқылардың бірі болып №110 мектеп-лицейде ашылды. Информатика пәнінің мұғалімі Нағима Шәдібекова лицей сыныптарға робототехниканың қыр-сырын үйретіп жатқаны, тәлім алатын 200-ге тарта оқушының роботқа қызығушылығы жоғары екенін сөз етті.Роботтар сайысына ауыл мектептерінің оқушылары да қатысты. Кейден ауылындағы №208 мектепте информатика пәнінен сабақ беретін Айгүл Ерсінова екі оқушысын әкеліпті.<blockquote>«Бүгінде 20 оқушыға робот құрастыруды үйретудемін. Сайыста жолымыз болмады. Роботты бағдарламалауды терең меңгеріп, ендігі жолы орын алатын боламыз», – деді Айгүл Ерсінова.</blockquote>Айта кететіні, тұңғыш рет ұйымдастырылған сайыстың жоғары деңгейде өтуіне аудандық білім бөлімі әдіскері Әбілғазы Үйсінбаев, №195 мектебінің информатика пәнінің мұғалімі Оспан Ахмедов атсалысты.

Жаңақорғанда робототехника чемпионаты өтті

<a href="https://kyzylorda-news.kz/">Kyzylorda-news.kz.</a> ХХІ ғасыр - технология ғасыры. Заман көшінен қалмау үшін оны игілікке икемдеп, дамудың жолын табу маңызды. Әсіресе робот технологияны меңгеріп, экономиканы дамытуды басшылыққа алу керек-ақ. Осы мақсатта Жаңақорған ауданында да осы сала қарқынды дамып келеді. Арнайы робототехника үйірмесі жұмыс жасауда. Оны үйірме жетекшісі Қадыров Дастан Абламитұлының өз аузынан естідік.Ауданда ІТ сынып ашылып, робототехника үйірмесі жұмыс істеуде. Бүгінде аудандық балалармен мәдени-тәрбиелік жұмыстар орталығында және ауылдағы мектептерде робототехнология үйірмесі жұмыс істейді. 2019 жылғы 22 желтоқсанда тұңғыш аудан чемпионаты өтті. Әрине оқушылардың роботқа қызығушылығын арттыруда мектептің информатика пәнінің ұстаздарының еңбегі айырықша. Әсіресе Дастан Кадировтың еңбегін бөліп жарып айту керек.<blockquote>«Робототехника үйірмесінің ашылғанына 3 жыл болды. Балалар лего конструктормен жұмыс жасайды. Оның ойлау қабілетін дамытуға ықпалы зор. Үйірмеге қатысушы 36 бала жарыстардан жүлделі орындарды алып жүр. Бір жылдан бері IT, 3D үйірмелері ашылды. 3D үйірмесі 3 өлшемді сызба сызады. Өлшемді сызбаны пластмасса түрінде құйып шығаратын аппаратпен жабдықталған. Smartlab үйірмесінде балалар IT программалық тілдерді үйренеді», - деді маман өз сөзінде.</blockquote>Осы үйірменің қатысушысы №125 С.Сапарбеков атындағы орта мектептің 8 сынып оқушысы Мейіржан Нұрдәулетұлы:&nbsp;<blockquote>Мен үйірмеден көп нәрсені үйрендім. Ой өрісіңді дамытып, қабілет қарымыңды ұштайтын үйірмедегі әрбір минутымызды пайдалы дүниелерге арнаймыз. Әлі де үйренеріміз көп. Конструктормен жұмыс жасап, геометриялық сызбаларды дәл сызуға қол жеткіздік. Сондай-ақ компьютермен вебсайт жасау, математикалық дәлдік барлығын осы үйірмеден ойын арқылы үйренуге болатынына көз жеткіздік», - деді.</blockquote>Адамның сауаттылық туралы түсінігі күн сайын өзгеріп отыр. Осыдан 10 жыл бұрын адамның сауаттылығы оқу мен жазу көрсеткіштері арқылы бағаланатын болса, казір компьютермен жұмыс істеу тәжірибесі маңызды. Ал ертеңгі күні әр сауатты адам роботпен жұмыс жасай білу қажет. Бұл - заман талабы.

Жаңақорғанда ІТ сыныбы ашылып, робототехника үйірмесі жұмыс істеуде

<a href="https://kyzylorda-news.kz/">Kyzylorda-news.kz.</a> Қазалы қаласындағы «Өрімтал» бөбекжай-балабақшасында наурыз мейрамы ерекше аталып өтуде. Бұнда осы айдың 14 жұлдызынан бастап түрлі іс-шаралар ұйымдастырылып, бүлдіршіндердің қуанышы еселене түсуде. Жүздері бал-бұл жанған балғындардың бірі ән салып, енді бір тобы мың бұрала билеуде. Өнер мен тәрбиені бойына тел сіңіріп жатқан тәрбиеленушілердің әр күнін қызықты өткізуде тәрбиеші апайлардың еңбегі орасан.Көрерменнің көңілінен шыққан керемет кештің бірі – «Балдәурен» тобындағы балақайлардың «Қош келдің, әз наурыз» атты ертеңгілігі еді. Топ тәрбиешілері Нұргүл Жолдасова мен Құралай Жүсіпова кеш барысында балаларға қазақ халқының бірнеше салт-дәстүрін көрсетіп, әдет-ғұрпын таныстырды. Шара барысында сөз алған балабақша меңгерушісі Рабиға Қарымсақова ата-аналар мен балақайларды мерекемен құттықтап, лебізін білдірді.<blockquote>«Біздің бақытымыз да, байлығымыз да осы балаларымыз. Әрқайсыңыздың үкілеген үмітіңіз ұл-қыздарыңыздың болашағы жарқын, келешегі кемел болғай. Жыл сайын түрлі мерекелерді керемет көңіл-күймен қарсы алып, тек қуаныш, тойда бас құрайық. Есігімізден еніп, төрге озған жаңа жыл құт-береке алып келсін. Міне, біз жаңа ғимаратта ең алғашқы наурыз мейрамын тойлаудамыз. Заманға сай жабдықталған ғимаратымызда балаға қажеттінің барлығы бар десек болады. Бүлдіршіндеріміздің жан-жақты өсіп, дамуына да қолайлы жағдай жасалған. Лайым балаларымыз бейбіт аспан астында осындай шуақты күндерде өсе берсін», – деді балабақша меңгерушісі.</blockquote>Ертеңгілік шымылдығы көрініспен ашылды. Алдымен Алдар көсе кейпіне енген тәрбиеші балалармен бірге қыз қуу, арқан тартыс, асық ату ойындарын ойнады. Аталған ойындарға ерекше қызғушылық танытқан бүлдіршіндер белсенділікпен атсалысты. Бұдан соң кішкентай Мединаның тұсау кесер рәсімі өтіп, жиналған көпшілік тағы бір дәстүрдің куәсі болды. Тұсау кескен әжеге балақайдың анасы сый-құрмет көрсетті.Бұдан соң балалар мен ата-аналарға Наурыздың басты тағамы – наурыз көже ұсынылды.<blockquote>«Әрбір үйдің еркесін тәрбиелеп, оларды өнерге баулып жүрген балабақша ұжымына алғысым шексіз. Менің балаларымның барлығы «Өрімталда» өсті. Қазір оқушы атанған ұлым мен қызым балабақшадан талай дүниені үйреніп шықты. Апайлардың еңбегіне ризамын. Енді ғана тәт-тәй басып, қоршаған ортаны тани бастаған балаға білім мен тәрбие беру оңай жұмыс емес. Әр істің қиындығы мен қызығы қатар жүреді. Бала жанының бағбанына айнала білген ұжым мүшелеріне ата-аналар атынан алғыс білдіремін. Мереке баршаңызға құт-береке әкелсін», – дейді ата-ана Әсемгүл Сәрсембаева.</blockquote>

Қазалылық өрендер өнер көрсетті

<a href="https://kyzylorda-news.kz/">Kyzylorda-news.kz.</a> Бүгін Ұлыстың ұлы күні – Наурыз мейрамына орай Қазалы ауданындағы білім бөліміне қарасты мектеп оқушылары мен ұстаздары қазақтың қара домбырасымен күмбірлете күй шертті.&nbsp;Бүгін сағат 11.00-де аудандағы 37 мектептің оқушылары әлеуметтік желі арқылы бір уақытта тікелей эфирге шығып, мерекелік челленджге үн қосты.&nbsp;<blockquote>«Қазақтың жаңа жылы қарсаңында ұлтымыздың қасиетті аспабы домбыраны төрге шығарып, күй ойнаудың маңызы орасан. Елімізде Домбыра күні белгіленгенін білеміз. Десек те, қадірлі аспапты бүгінгідей айтулы күні күмбірлетпеу қазақылығымызға сын болар еді. Оның үстіне керемет әуен мен тарихи жырды үйреніп, санасына сіңірген жас буынның бұдан ұтары көп», – деді білім бөлімінің басшысы Әділхан Жөлекешов.&nbsp;</blockquote>Айта кетейік, мектеп оқушылары елге белгілі «Кісен ашқан», «Құрманғазы», «Ақсақал» секілді жырларды орындады.&nbsp; Ұлыстың ұлы күні қарсаңында ұйымдастырылған бұл челлендж алдағы уақытта да өз жалғасын табатыны сөзсіз.&nbsp;Жалпы ауданда Наурыз мейрамын мерекелеуге байланысты түрлі шаралар ұйымдастырылуда. Аудандағы барлық мектептерде мұғалімдер мен оқушылар қазақы нақыштағы киімдерді киіп, ұлттық тағамдардан дастархан жайып, асық ату, арқан тарту сынды ұлттық ойындардан сайысқа түсіп, бір-біріне ақ тілектерін жаудыруда.&nbsp;<figure class="image"><img src="https://knadmin.beoblood.kz/uploads/Bezymyannyj_27f514ba02.jpg" alt="Безымянный.jpg"></figure>

Қазалы ауданындағы 37 мектеп бір уақытта күй ойнады

<a href="https://kyzylorda-news.kz/">Kyzylorda-news.kz.</a>&nbsp;Қызылорда қаласында жастар ресурстық орталығы «Qosyl kenes» жобасы арқылы жастарға үздіксіз кеңес беруді ұйымдастырады. Оның ішінде мемлекеттік бағдарламаларды жастар арасында насихаттау, болашаққа деген таңдау жасауда көмектесу және тағы басқа маңызды шаралар жүзеге асырылады.&nbsp;Мысалы, Қызылорда қаласы әкімдігінің жанындағы мемлекеттік бағдарламаларды насихаттау тобы өз жұмысын бастап, М.Мәметова атындағы Қызылорда педагогикалық жоғары колледжі мен С.Ысқақов атындағы Қызылорда құрылыс және бизнес колледжінің бітіруші түлектерімен кездесті. Жастарға «Qosyl kenes» телеграм бот қызметі таныстырылып, қажетті ақпараттарды оңай алу мүмкіншіліктері көрсетілді. «1.2.3 Старт» жобасы аясында дұрыс мамандық және оқу орнын таңдау кезіндегі негізгі критерийлер бойынша әл-Фараби атындағы Қазақ Ұлттық Университетімен, Л.Н.Гумилев атындағы Еуразия Ұлттық Университетімен, Қорқыт ата атындағы университетімен мектеп бітіруші түлектерді кездестіру мақсатында тікелей эфирлер өткізілді. Жалпы тікелей эфирге 1200 жас қатысқан.&nbsp;Облыстық атамекен кәсіпкерлер палатасының заң және мемлекеттік сатып алу бойынша кеңесшісі Әмір Анельмен тікелей эфир өткізіліп, бағдарлама бойынша орын алған өзгерістер туралы толық ақпарат берілді. Ал тұрғын үй мәселесіне қатысты жастарға арналған мемлекеттік бағдарламалар бойынша «Отбасы банкі» АҚ Қызылорда филиалының қаржы кеңесшісі Нұрлыбек мырзамен «qosyl.mrc» инстаграм әлеуметтік желісінде тікелей эфир өткізілді.&nbsp;Қалалық жастар орталығының инстаграм, фейсбук және телеграм желілерінде ресми парақшалары үздіксіз жұмыс істеп, маңызды оқиғалар мен жаңалықтар легі уақытылы ақпараттандырылуда.&nbsp;Жастарға мемлекеттік бағдарламалар мен жобалар бойынша онлайн кеңес беруге арналған Telegram бот ақпараттандыру жұмыстары жүргізілуде. Жастар бот қызметі арқылы өздеріне қажетті ақпараттарды үздіксіз (24/7) және онлайн алу мүмкіндігін иеленуде. Қазіргі уақытқа дейін бот қызметін онлайн түрде 5 мыңға жуық жас пайдаланған.&nbsp;«Өмірлік маңызды дағдылар» жобасы арқылы жастардың құзыреттері мен дербестіктерін дамыту да үздіксіз жүргізіліп келеді. Бағдарлама аясында жастарға бейресми білім беру бағытында «Болашақ» университетінің белсенділеріне «Өмірлік маңызды дағдылар» курсын ұйымдастырды. Курс аясында «Командадағы ынтымақтастық», «Сыни ойлау», «Креативті ойлау» және «Шешімдер қабылдау» модулдерінен семинар-тренингтер өткізілді.&nbsp;Орталық қызметкерлерінің бастамасымен жастар ресурстық орталықтарының жастар қызметкерлеріне арналған 2 күндік семинар-тренинг өткізілді. Тренингке аудандық және қалалық жастар орталықтарының қызметкерлері қатысты. Оқыту барысында бейресми білім беретін ортаны қалыптастыратын арнайы тетіктермен жұмыс жасау механизміне байланысты тәжірибелік жұмыстар жүргізілді.&nbsp;Астанада қаласында «Жастарды әлеуметтік бағдарлау» жобасының бірінші циклінің қорытындысы өтті. Отырысқа орталық кеңесшісі Нұрасыл Бекматов қатысып, Самғау жобасын жастар орталықтарына енгізу тәжірибесімен бөлісті. Сондай-ақ, сәтті жобалар жиынтығы ретінде орталық қызметінің жұмысы арнайы бейнероликке түсірілді.&nbsp;Шығармашыл жастарға қолдау білдіру және оларға қолайлы орта қалыптастыру мақсатында А.Тоқмағамбетов атындағы Мәдениет үйінде облыстық жайдарман ойындарының ақтық кезеңі өтті. Оқу жылының басында бастау алған маусымға барлық аудандардан, білім ордалары мен оқу орындарының шығармашыл жастарынан құралған 40-тан астам құрама қатысуға мүмкіндік алып, соның ішінен үздік деп танылған 6 команда аталмыш финалда бақ сынады.&nbsp;Облыстық жайдарман ойындарының финалдық 2 кезеңі өткізілді. «Бастау» және «Супер» лигалар бойынша финалдық ойындар өтіп, 20-дан аса команда бақ сынасты. Нәтижесінде тұрақты түрде іске асырылып отыратын жайдарман ойындарына 500-ден аса жас қамтылды.&nbsp;Жастардың бейресми орталарын және жұмыс беру ошақтарын қалыптастыру аясында «Qosyl» жастар орталығы және «Қыз Жібек» мейрамханасының ұйымдастыруымен Қызылорда қаласында жас аспаздар сайысы өтті. Сайыс мақсаты – жас таланттарды анықтап, олардың кәсіби ортасын қалыптастыру, сонымен қатар үздіктерін алдағы уақытта тұрақты жұмыстарға орналастыру. Байқауға тіркелген 42 қатысушы үш кезең бойынша бақ сынады. Финалға үздік деген 14 қатысушы өтіп, аспаздық және кондитерлік бағыттар бойынша сайысқа түсті.&nbsp;Жас аспазшылардың ортасын қалыптастыру мақсатында жас аспазшылардың «Үздік аспаз» байқауы өткізілді. Байқауға аспазшы болып қызмет атқаратын қала жастары қатысты. Аспазшылар түрлі тағамдарды әзірлеуден жарысқа түсіп, авторлық және европалық тағам түрлерін әзірледі. Нәтижесінде үздіктер топ жарып, жүлделі орындарға ие болды. Сонымен қатар сайысқа қатысқан 5 жас тұрақты жұмыспен қамтылды.&nbsp;Кәсіптік-техникалық мамандықтарды насихаттау барысында «Самғау» жобасы «Жас тас қалаушылар» мен «Жас дәнекерлеушілер» байқауы өткізілді. Байқауға осы саланың түлектері қатысты. Олар кірпіш өруден және дәнекерлеу ісі бойынша бұйымдар жасаудан жарысып, үздіктері анықталды.&nbsp;Сонымен қатар, жоба аясында «Жас тігіншілер» байқауы да ұйымдастырылды. Байқауға 40 жас тіркеліп, іріктеу кезеңінен 8 жас екінші кезеңге жолдама алды. Байқаудың екінші кезеңі «Dalatex» тігін шеберханасында өткізіліп, жеңімпаз анықталды. Жеңімпаз жыл соңында қала әкімінің «Самғау» жастар сыйлығымен марапатталады. Жоба аясында алдағы уақытта жас электриктер және жас автомеханиктер байқауларын өткізу жоспарлануда.&nbsp;Жастар қажеттілігін қанағаттандыру және жастардың бос уақытын тиімді пайдалану мақсатында техникалық және кәсіптік білім беру ұйымдарының бірінші курс студенттері арасында «Кроссфит» жарысы, Халықаралық балаларды қорғау күніне орай Бәйтерек және Титов мөлтек аудандарында «AULA SPORT» мәдени-спорттық шара, ҚР Мемлекеттік рәміздері күніне орай орталығымызда Қызылорда қаласына қарасты кент және ауылдық округ жастары арасында волейбол сайысы, ауқымды стритбол турнирі өтті, турнирге Алматы, Тараз, Түркістан облысы және Қызылорда облысының жастары да келіп қатысты.&nbsp;Жастар арасында отбасы құндылықтарын насихаттау мақсатында аясында «Qoldau» волонтерлер тобы қала тұрғыны жалғыз басты ардагер Василий Геннадьевичтің үйіне барып, қол көмек көрсетті, Белкөл кенті клубының ұйымдастыруымен №189 орта мектебінде «Жасөспірімдердің денсаулығы мен өмірлік дағдыларын қалыптастыру және суицидтің алдын алу» тақырыбында кент жастарымен кездесуі, «Ізденіс жолы» қоғамдық қорымен бірлесе отырып, орталығымызда жас аналармен «Балалық шақтағы психологиялық соққы салдары» атты кездесу шаралы өткізілді.&nbsp;25 мамыр күні бітіруші түлектерге арналған мерекелік кеш ұйымдастырылды. &nbsp;Кеш қонақтары ретінде қала жастары арасында танымал диджей шақырылды. Үш сағаттан астам уақытқа созылған шара би кешіне ұласып, шараға 3000-нан аса жас қатысты.&nbsp;12 тамыз – Халықаралық жастар күнінде «Qosyl» жастар орталығының базасында жастардың қала әкімімен кездесуі өткізілді. Кездесуге белсенді жастар, ҮЕҰ өкілдері, сала басшылары мен белсенділер қатысты. Жастар шаһар басшысына ұсыныстары мен пікірлерін білдірді.&nbsp;Қала күнінде жастар арасында «Мобилография» фестивалі ұйымдастырылды. Фестивальге 100-ден аса жас мобилографтар қатысты. Фестивалді Қазақстандағы мобилографияның негізін қалаушылардың бірі Қыран Талапбек жүргізіп, жастармен кездесті. Шара нәтижесінде қаладағы жас мобилографтардың ортасы қалыптасты.&nbsp;Жастар сұранысына сәйкес «PING PONG» үстел теннисінен сайыс үздіксіз ұйымдастырылды. Екі ай көлемінде 8 мәрте сайыс ұйымдастырылып, сайысқа 80-ге жуық жастар қатысты. Әр сайыстың үздіктері анықталып, гранд финалға 10 жасқа жолдама берілді. Финал &nbsp;жеңімпаздары қаржылай сыйлықтармен марапатталды.&nbsp;«Qosyl» жастар орталығының тұрақты жобаларына айналған «Qosyl acoustic» шығармашыл жастардың ән кеші әр ай сайын өткізіліп келеді. Жаз мезгілнде ән кеші қаламыздың көрнекті жерлерінде, әдемі локацияларда ұйымдастырылды. Әр кешке кемінде ән айтатын топтың 25-ке жуық әншісі мен 150-ден астам тұрақты көрермен қатысты.

Қызылордада жастармен жұмыс жүйелі жүруде

<a href="https://kyzylorda-news.kz/">Kyzylorda-news.kz.</a>&nbsp; &nbsp;Қызылорда қаласындағы№9, 10 дарынды балаларға арналған «Білім-инновация» лицейлерінің базасында жас мамандарға арналған «Жас мұғалімдердің кәсіби құзіреттілігін қалыптастыру: ізденіс және тәжірибе» тақырыбындағы облыстық семинар өтті.Оқу үдерісінде жас маманға көмек көрсетіп, оқытудың тиімді әдіс-тәсілдерін меңгерту және тәжірибелерін дамытуды мақсат еткен облыстық семинарға республикалық, өңірлік форумдардың жеңімпаздары, оқушылары пәндік олимпиадалар мен ғылыми жобалар сайыстарында жүлдегер атанған 40-тан астам жас педагогтер қатысты.Семинарда ең алдымен жас мамандар жаратылыстану бағытындағы пәндер бойынша ұйымдастырылған «Білім және денсаулық» көрмесімен танысты. Мұнан соң мұғалімдерге «Жоба негізінде оқыту» әдісінің тиімділігі түсіндіріліп, түрлі зертханалық жұмыстар арқылы білім алушыларды ғылымға бағыттау және функционалдық сауаттылығын арттыру жолдары практика жүзінде көрсетілді.Үздік жас мұғалімдердің басын қосқан жиын соңында олимпиада нәтижесі бойынша көш бастап тұрған білім ордаларының ұстаздары «Оқушыларды олимпиадаға дайындаудың тиімді әдіс-тәсілдері», «Әдіс-тәсілдер қоржыны», «Айда тірі қалу», «Құндылықтарға негізделген мектеп» тақырыптарында коучингтер өткізіп, тәжірибелерімен бөлісті.<figure class="image"><img src="https://knadmin.beoblood.kz/uploads/335888474_212639958100508_7184265099911096173_n_085fa2449a.jpg" alt="335888474_212639958100508_7184265099911096173_n.jpg"></figure>&nbsp;<figure class="image"><img src="https://knadmin.beoblood.kz/uploads/335892691_191541900248453_5276819462926911136_n_dab64915b4.jpg" alt="335892691_191541900248453_5276819462926911136_n.jpg"></figure>&nbsp;<figure class="image"><img src="https://knadmin.beoblood.kz/uploads/335869170_922105715582676_3878524487315780898_n_1105cdf667.jpg" alt="335869170_922105715582676_3878524487315780898_n.jpg"></figure>

Жас педагогтерге арналған семинар-тренинг өткізілді

<a href="https://kyzylorda-news.kz/">Kyzylorda-news.kz.</a> Тасбөгет кентіндегі №176 орта мектепте ардагер ұстаз, білім ошағын абыроймен басқарған азамат Аманжол Байманұлының 80 жылдық мерейтойына орай «Ұстаз жолы – парасат» апталығы ұйымдастырылды. «ҚР білім беру ісінің үздігі» Аманжол Байманұлының 80 жасқа толу мерейтойына арнап мектеп қабырғасында бірнеше шара ұйымдастырылды.Мерейтой иесінің құрметіне орай қалалық білім бөлімі әдіскерлерінің ұйымдастыруымен 7-8 сыныптар арасында химия, биология пәндерінен аймақтық олимпиада, үстел теннисінен мұғалімдер арасында сайыс ұйымдастырылды. Олимпиада мен сайысқа 14 мектептен барлығы 53 оқушы мен ұстаздар қатысты. Білім мен спорт сынға түскен сайыстарда жеңіске жеткендерді ардагер ұстаз Аманжол Байманов өзі марапаттады.Апталықтың қорытынды күнінде ұлағатты ұстаздың «Өртеңде өскен өр-кенбіз» кітабын «Оқуға құштар мектеп» жобасының &nbsp;мүшелері талдады. Сондай-ақ мерейтой қонақтары мектеп музейінен ашылған «Ұстаздық – ұлы қызмет» экспозициясының ашылуын тамашалады.«Үлкеннің жолы – ұлылық, ұрпақтар жүрер ұғынып» тақырыбындағы қорытынды кешке облыстық ардагерлер кеңесі төрағасының орынбасары, облыстық кәсіподақ комитеті төрайымының орынбасары, облыстық білім саласы ардагерлер кеңесінің төрағасы, қала әкімінің кеңесшісі, Тасбөгет кентінің әкімі, қалалық ардагерлер кеңесінің төрағасы, Қызылорда қаласы бойынша білім бөлімінің басшысы, ардагер ұстаздар мен шәкірттері қатысты.Кент әкімі Семсер Сыздықов ардагер-ұстаз, «ҚР білім беру ісінің үздігі» Аманжол Байманұлының 80 жасқа толу мерейтойына арналған шарада өзінің ізгі лебізін білдіріп, мерейтой иесіне сый-сыяпат табыстады. Одан бөлек ардагердің өзі ұзақ жылдар бойы қызмет еткен №176 орта мектептің ұйымдастыруымен өткізілген шара барысында қатысушыларға мектептің тарихы, мерейтой иесінің еңбек жолы, оның білім ордасына сіңірген еңбегі баяндалып, жас ұрпаққа өнеге боларлық жақсы әңгімелер айтылды.

Ардагер ұстаз құрмет төрінде

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университетінде Coursera халықаралық білім беру платформасы бойынша 500-ге жуық студент білім алуда. Қазіргі уақытта олардың 150-ден астамы сертификат иеленді.ҚР Ғылым және жоғары білім министрлігінің қолдауымен халықаралық Coursera білім беру платформасындағы алғашқы 50 курс қазақ тіліне аударылды. Бүгінде білім алушылар үшін қазақ тіліндегі курстар қолжетімді.Қорқыт ата атындағы Қызылорда университетінің білім алушыларына 1 жылға 500 лицензия берілген.Академиялық дәрежесі бойынша бакалавриаттан 19 білім беру бағдарламасы, магистратурадан 4 білім беру бағдарламасы бойынша қатысушылар курстан өтуде.Статистика бойынша білім алушылар осы кезге дейін «Programming for Everybody», «Эффективное решение проблем и принятие решений», «Инновациялық ұйымдарды құру және дамыту», «Кәсіпкерлік негіздері: ойлау және әрекет», «Using Python to Access Web Data», «Инженерлерге арналған матрицалық алгебра», «Жоба басқару: табыс негіздері», «Иженерлерге арналған дифференциалдық теңдеулер» курстарына көп тіркелген.Coursera-дан қазақстандық студенттер үшін үздік тегін бағдарламалар&nbsp;1. Global Warming I курсы: University of Chicago профессоры Давид Арчердің The Science and Modeling of Climate Change курсы жаһандық жылыну мәселелеріне және адамның Жер климатына әсерін болжауға қызығушылық танытқандар үшін қызықты. Курс физика, химия, биология, жер және атмосфера ғылымдары, тіпті кейбір экономикалық пәндердің идеялары мен перспективаларын біріктіреді — барлығы қарапайым математикаға (алгебра) негізделген.&nbsp; Толығырақ <a href="https://www.coursera.org/learn/global-warming">https://www.coursera.org/learn/global-warming</a>2. Strategic Innovation курсы. Иллинойс университетінің бұл курсы инновацияларды басқару бастамалары инновацияларды басқаруға көзқарас қалыптастыруға көмектеседі. Курс өзекті құрылымдар, құралдар мен тұжырымдамалар жиынтығын ұсынады.&nbsp; Сіз мыналарды үйренесіз: - инновацияларды және олардың ұйымдарға әсерін талдау, - инновацияға зерттеуге негізделген көзқарасты тұжырымдау, - инновация процесінде туындайтын мәселелерді шешу үшін кадрларды, құралдарды және тұжырымдамаларды пайдалану&nbsp;Бұл курс Giles College of business онлайн бағдарламасының бөлігі болып табылады, соның ішінде iMBA және imsm. Courserа-дағы бұл курс дәреже алу үшін пайдаланылуы мүмкін.Толығырақ <a href="https://www.coursera.org/.../strategic-innovation…">https://www.coursera.org/.../strategic-innovation…</a>3. Мичиган университетінің Python Data Structures курсы Python бағдарламалау тілінің негізгі деректер құрылымдарымен таныстырады. Курс процедуралық бағдарламалау негіздерін қамтиды және барған сайын күрделі талдауды орындау үшін Python-ға енгізілген тізімдер, сөздіктер және кортеждер сияқты деректер құрылымдарын пайдалануды қарастырады.&nbsp; Сіз мыналарды үйренесіз: - деректер құрылымын құру принциптерін және олардың қалай қолданылатынын түсіндіріңіз, - файлдардан деректерді оқуға және жазуға қабілетті бағдарламалар жасаңыз, - Python сөздіктерін қолдана отырып, деректерді кілт/мән жұптары ретінде сақтаңыз, - көп сатылы тапсырмаларды орындау.&nbsp; Бір қызығы, осы курстан өткендердің 18%-ы жаңа мансапты бастап, ал 29%-ы маңызды артықшылықтарға ие болды. Толығырақ <a href="https://www.coursera.org/learn/python-data">https://www.coursera.org/learn/python-data</a>4. Macquarie University Excel Skills for Business: Essentials курсы Microsoft Excel негіздерімен таныстырады. Электрондық кесте бағдарламалық құралы-бүкіл әлем бойынша жұмыс орындарында қолданылатын ең кең таралған Бағдарламалық құралдың бірі. Бұл бағдарламалық жасақтамамен сенімді жұмыс істеуді үйрену жұмысқа орналасу портфолиосына өте құнды актив қосуды білдіреді. Алты апталық курс Сізге Excel пайдаланушы интерфейсін шарлауды, формулалар мен функциялар арқылы Негізгі есептеулерді орындауды, электрондық кестелерді кәсіби түрде пішімдеуді және диаграммалар мен графиктер арқылы деректерді визуализациялауды үйретеді.&nbsp; Толығырақ <a href="https://www.coursera.org/learn/python-data">https://www.coursera.org/learn/python-data</a>5. Materials science: Калифорния университетінің атақты профессоры Джеймс Шакелфордтан 10 Things Every Engineer Should know курсы инженерлік мамандықтар үшін қызықты. Курс заманауи инженерлік қолданбаларда қолданылатын материалдардың маңызды аспектілерін зерттеуге, термиялық белсендірілген процестердің рөлін анықтауға және т.б. көмектеседі.Толығырақ <a href="https://www.coursera.org/learn/materials-science">https://www.coursera.org/learn/materials-science</a>&nbsp;

Қызылорда: 150-ден астам студент Coursera сертификатын алды

<a href="https://kyzylorda-news.kz/">Kyzylorda-news.kz.</a>&nbsp; Қызылорда облысында тұңғыш рет “Жас мамандар” лигасы құрылады. Құрамына қала, ауыл мектептерінен белсенді жас мұғалімдер енгізіліп, түрлі бағыттағы жобалар бойынша жұмыс жасайтын болады. Бұл туралы облыстық білім басқармасының басшысы Мейрамбек Шермағанбет бүгін жас ұстаздармен өткен кездесуінде мәлімдеді.Білім саласында үлгілі қызмет атқарып, жетістікке жүрген 40-тан астам жас мұғалімдердің қатысуымен өткен жиында басқарма басшысы білім саласын қолдаудың жыл өткен сайын артып келе жатқандығын айтып, алдағы жоспарларымен бөлісті.<blockquote>«Жас келсе-іске» деген дана халқымыз жастарымызға әр қашанда сенім артып, қолдау көрсетіп отырған. Алдағы уақыттарда аймағымызда жас мамандар резервін жасақтап, болашағынан үміт күттірер басқарушылар іріктеледі, - деді Мейрамбек Зинабдинұлы.</blockquote>Кездесу барысында басқарма басшысы жас мамандармен емін-еркін сұхбаттасып, олардың өтініш-тілектерін, білім саласына қатысты ой-пікірлерін тыңдады. Арал ауданындағы мамандандырылған мектеп-лицей интернатының жас мұғалімі Қараман Садықов облыстың жас ұстаздарының лигасы құрылса деген ұсынысын білдірді. Сала басшысы мұндай бірлестіктер, лигалар жаңа идеялардың пайда болуына және тәжірибе алмасуға жол ашатынын айтып, жас ұстаздардың лигасы құрылатындығын жеткізді.Жиын соңында басқарма басшысы әр аудан мен қаладан жиналған үздік жас мамандарды алғыс хатпен марапаттап, Ел болашағы үшін аянбай еңбек етуге шақырды.<figure class="image"><img src="https://knadmin.beoblood.kz/uploads/335832189_220144643915045_8377691434084564788_n_539ba39add.jpg" alt="335832189_220144643915045_8377691434084564788_n.jpg"></figure>&nbsp;<figure class="image"><img src="https://knadmin.beoblood.kz/uploads/335864301_1242282973057774_7643658855389869658_n_7c3360a901.jpg" alt="335864301_1242282973057774_7643658855389869658_n.jpg"></figure>&nbsp;<figure class="image"><img src="https://knadmin.beoblood.kz/uploads/335880235_229180379679762_1559447343500274307_n_81c3f1e8df.jpg" alt="335880235_229180379679762_1559447343500274307_n.jpg"></figure>&nbsp;<figure class="image"><img src="https://knadmin.beoblood.kz/uploads/335906603_900540190997992_2450179610146781472_n_6a16633c7f.jpg" alt="335906603_900540190997992_2450179610146781472_n.jpg"></figure>

Қызылордада жас мамандар лигасы құрылады

<a href="https://kyzylorda-news.kz/">Kyzylorda-news.kz.</a> Қорқыт атындағы Қызылорда университетінде Франция елінен келген профессор-оқытушылар білім алушыларға дәріс өткізуде.&nbsp;Шетелдік ғалымдардың қатысуымен өткен арнайы жиында университеттің Басқарма Төрағасы – Ректордың м.а, Академиялық мәселелер бойынша Басқарма мүшесі – проректор Дана Абдрашева тәжірибелі ғалымдардың дәріс өткізуі білім алушылардың сапалы білім алуына үлкен мүмкіндік екенін атап айтты.Франциялық ғалымдар әр түрлі тақырыпта дәріс жүргізбек. Атап айтсақ, «Ірі компаниялардың даму стратегиясы: мемлекеттермен қарым-қатынас – Экономика – Тұрақты даму – РМК» тақырыбында профессор Жан-Пьер Кордье, «Климаттың өзгеруі және энергияның ауысуы» тақырыбында профессор Ксавье Лимпенс, «Мұнай және газ өнеркәсібінде еңбекті қорғау, тәуекелдерді қалай басқаруға болады?» тақырыбында профессор Франсуа Фурни, «Дағдарысты басқару және дағдарыстық коммуникация» тақырыбында профессор Филипп Гай, «Өнімділік пен ұқыптылық туралы ойлар: орындау мәдениетін дамыту» тақырыбында профессор Ив Яссо білім беретін болады.Ал «Инженерлер үшін негізгі басқару және бизнесті дамыту дағдылары» тақырыбында профессор Жан-Пьер Лоиза онлаин дәріс өткізуде. Айта кету керек, білікті мамандардың сабақтары «TotalEnergies EP Kazakhstan» компаниясы қолдауымен жүргізілуде.&nbsp;TotalEnergies тұрақты даму мектебінің (TESS) негізгі мақсаты –компания сарапшыларының сала бойынша тәжірибесін қазақстандық оқу орындарына тарату.Шетелдік профессор-оқытушылар дәрісті 13-17 наурыз аралығында өткізеді.<figure class="image"><img src="https://knadmin.beoblood.kz/uploads/P2155181_f84eb0d1c0.JPG" alt="P2155181.JPG"></figure>&nbsp;<figure class="image"><img src="https://knadmin.beoblood.kz/uploads/P2155246_2c51601ed3.jpg" alt="P2155246.jpg"></figure>&nbsp;<figure class="image"><img src="https://knadmin.beoblood.kz/uploads/P2155229_172aac5fdc.jpg" alt="P2155229.jpg"></figure>&nbsp;

Франциялық оқытушылар дәрістер сериясын жүргізуде

<a href="https://kyzylorda-news.kz/">Kyzylorda-news.kz.</a> Жыл бастауы қарсаңында Аралдағы білім саласы қуанышты жаңалықпен басталды. Арал ауданындағы Ж.Әбдірашев атындағы №62 мектеп-лицейі «Ауылдық аймақтардағы тірек мектептерінің әлеуетін арттыру» жобасы аясында «Қазақстан Халқына» қоғамдық қоры мен «Білім беруді тұрақты дамыту» қоры арқылы 250 млн. теңге қаржы бөлініп, білім ұясының базасы толықтай жаңғыртылды.Атап айтар болсақ, мектептегі 33 оқу кабинеті мен қосымша білім беру шеберлік сыныптары, STEM-лабораториялар, арт-студия мен интеллектум-кабинет ашылып, акт залы мен кітапхана заманауи техникамен жарықтандырылды.Бұдан бөлек Арал ауданындағы осы лицейде мектеп телестудиясы да жасақталады. Бұл келешекте мектеп тәжірибесін аудандағы шағын комплектілі мектептерге көрсету мүмкіндігін береді.Айта кетейік, мұндай бағдарлама жеңімпазы атанған әр облыстан бір мектептен болса, оның бірі алғаш болып Арал ауданында жүзеге асуда.Кездесуде аудан әкімі Серік Сермағамбетов аудандағы білім беру сапасының жылдан жылға артып келе жатқандығын айтып, оқушылар жан-жақты білім алу үшін материалдық-техникалық базаларды нығайту бойынша қажетті шаралар жасалынып жатқандығын жеткізді.<blockquote>«Мемлекет басшысы Қасым-Жомарт Кемелұлы Тоқаев өз сөзінде: «Өскелең ұрпақтың үйлесімді дамуы мен бақытты балалық – бұл біздің жалпыұлттық міндетіміз»,-деген болатын. Президент тапсырмасын орындау біздің өңірде де сәтті жүзеге асуда. Урбанизация және демографиялық процестерге байланысты 2025 жылға дейін аудан бойынша 12 мектеп салынса, оның 4-еуі «Жайлы мектеп» бағдарламасы аясында жүзеге асады. Бұған қоса алдағы 2 жылда 4 орта мектепке күрделі жөндеу жұмыстары жүргізілетін болады»,- деді С. Сермағамбетов.</blockquote>Арал ауданындағы білім саласы деңгейі артып келеді. Мәселен, былтыр аудандағы ұлттық бірыңғай тестілеуге қатысқан 532 оқушының 410-ы жоғарғы оқу орнының, 6-ы облыс әкімінің грант иегері атанды. Бұл көрсеткіш алдыңғы жылғымен салыстырғанда 8 пайызға артып отыр.<figure class="image"><img src="https://knadmin.beoblood.kz/uploads/335408641_1294933937724109_3446308134352228014_n_6e7c7d5584.jpg" alt="335408641_1294933937724109_3446308134352228014_n.jpg"></figure>&nbsp;<figure class="image"><img src="https://knadmin.beoblood.kz/uploads/335154134_132006916477433_7902779707938151119_n_b5dc1c42aa.jpg" alt="335154134_132006916477433_7902779707938151119_n.jpg"></figure>&nbsp;<figure class="image"><img src="https://knadmin.beoblood.kz/uploads/335491602_164851676379401_7282927471604996353_n_076d4406c8.jpg" alt="335491602_164851676379401_7282927471604996353_n.jpg"></figure>&nbsp;<figure class="image"><img src="https://knadmin.beoblood.kz/uploads/333618583_1560679174410719_274339724656359489_n_06156f9e83.jpg" alt="333618583_1560679174410719_274339724656359489_n.jpg"></figure>

Арал ауданында мектеп базасы жаңғыртылды

<a href="https://kyzylorda-news.kz/ru/">Kyzylorda-news.kz</a>. Назарбаев зияткерлік мектебінің оқушысы Бекжан Бектұрған математикадағы күрделі тақырыптың келесідей шешімін тапқан. Ол Безье қисығының моделін қарастыра отырып, соның көмегімен көлемі өте аз болатын векторлық кескін алудың жолын жасады.Жас математиктің айтуынша, Безье қисығын алғаш ХХ ғасырдың 60 жылдары француз инженері Пьер Безье «Рено» автокөлігінің сызбасын жасау кезінде қолданысқа енгізген. Қарапайым түрде жеткізер болсақ, Безье қисығы – векторлық қуу немесе аңду сызығы деп түсіндіріледі. Әрі бұл сызық вектордың қуалау бағытындағы нүктелер жиынтығынан құралады екен.<blockquote>«Вектор бағыты қуалау нүктесіне жеткенше өзгеріп отырады. Мысалы, қасқыр қоянды қуады, ал қоян болса, өз ініне қарай қашады. Сонда қасқырдың бағыты әр қадам сайын өзгеріп отырады. Безье қисығын осылай сипаттауға болады. Осы моделдің арқасында интернеттен сурет іздеу мүмкіндігі жеңілдей түседі. Тіпті алдағы уақытта интернеттен сурет көшіруге тосқауыл қоюды, яғни плагиатқа жол бермеуді ұйымдастыруға болады. Сонымен қатар сайт жылдамдығын арттыруда векторлық суреттер таптырмас ресурсқа айналуда. Мен Безье қисығының көмегімен әртүрлі кескіндердің математикалық моделін құру арқылы векторлық кескінін ала алдым. Бұл кескінді басқа әдіспен салынған суретпен салыстыра отырып, нәтиженің дұрыстығына көз жеткіздім. Алдағы уақытта осы тақырыпты кеңейте отырып, python (питон) тілінде математикалық анимациялардың моделін зерттеп, компьютерлік математика саласына өз үлесімді қосқым келеді», ‒ дейді Бекжан Бектұрған.</blockquote>Ол ең алғаш информатика сабағында озат оқушыны «векторлық суреттер неге олай аталады және оның математикамен қандай байланысы бар?» деген сұрақтар ойландырған. Содан соң ғылыми жетекшісімен кеңесе отырып, ғылыми жоба тақырыбы ретінде таңдаған екен.<blockquote>«Жоба барысында мультимедиа және компьютерлік анимация, сонымен қатар векторлық графикаларды жасау мақсатында қолданылатын adobeanimate программасын пайдаландым. Осы орайда маған бағыт-бағдар беріп, қолдап жүрген ұстазым Мұхтар Талғатұлын ерекше атап өткім келеді. Бұл жоба менің ғана емес, ұстазымның да еңбегі, сол кісінің маған артқан үміті деп білемін», ‒ дейді есепке жүйрік оқушы.</blockquote>Бекжан бұған дейін тың жобасын Назарбаев Зияткерлік мектептері арасында өткен желілік ғылыми жобалар сайысында қорғап, жеңімпаз атанған. Осы орайда жоба жетекшісі Мұхтар Талғатұлы оқушы жұмысын тәжірибеге енгізуді ұсыныпты.<blockquote>«Растрлық графикадан векторлық графикаға өту – қазір ең &nbsp;өзекті тақырыптың бірі. Векторлық графика мен математика пәніндегі вектор ұғымы арасындағы байланысты көпшілігі түсіне бермейді. Бекжан өз жұмысында осы байланысты ашық көрсеткен. Векторлық суреттерді тек Corel Draw секілді бағдарламалармен салатын болсақ, Бекжан мұны Geogebra бағдарламасында модельдеп, салу жұмысын анимациялаған. Сонымен қатар .svg форматында векторлық кескіннің салу этаптарын көрсете отырып, Безье қисығы көмегімен әртүрлі кескіндерді алған. Векторлық графикадағы салу әдістері келесідей бөлінеді: доғалық, алтын қима әдісі, т.б. Соларға қосымша ретінде ұсынылған Бекжанның әдісі басқа әдістерге қарағанда өте қарапайым және жадыда өте аз орын алады. Ғылыми жобада растрлық кескін 3,1 Мб. Ал «Алтын қима» әдісімен салынған векторлық кескін 238 кб болса, өзі қарастырған Безье қисығы көмегімен бар-жоғы 745 байт орын алған. Бұл компьютерлік графика саласында үлкен жаңалық, егер мұны практикаға енгізетін болса, жадымен жұмыс жасау кезінде серверлерді үнемдеуге көп көмегін тигізеді. Сонымен қатар сайттағы суреттерді Бекжан жасаған әдіспен салатын болса, сайт жылдамдығы 3-4 есеге артады. Мұның дәлелі ретінде fontawesome.com сайтындағы қолданыстағы векторлық иконкаларды Безье қисығымен салып көргенде, суреттің коды бұрынғысынан 4-5 есеге аз екенін байқауға болады. Geogebra бағдарламасы көмегімен әртүрлі математикалық модельдер мен анимацияларды жасауға болады. Geogebra бағдарламасында Безье қисығының моделі, &nbsp;ондағы бағыттауыштардың жылжуы және жүрген траекториясы көрсетілді. Бір жағынан алғанда, бұл да бұрын-соңды болмаған жаңалық десе болады. Дегенмен, мұнымен шектеліп қалу практикада, яғни компьютерлік графикада қолайсыз болды. Сол себепті коды .svg форматында жазылды. Бұл жұмыстың соңғы кезде зерттеліп жүрген жұмыстардан өзгеше екенін ескере отырып, алдағы уақытта практикаға енгізуді қолдаймын», ‒ дейді Мұхтар Бегайдаров.</blockquote><blockquote>«Жобаның тиімділігін қарапайым ғана мына мысалмен түсіндіруге ‒ Безье қисығы арқылы оптимальді векторлық кескін алу әдісі «Алтын қатынас» әдісінен тиімдірек. Мысалы, менің әдісім арқылы жасалған Назарбаев зияткерлік мектебінің (НЗМ) логотипі 7 байт қана орын алса, «Алтын қатынас» әдісі арқылы жасалған логотип 244 кб алды. Логотип жасаушылардың көпшілігі суреттің идеялдығы мен оған жұмсалған кодтың, тірек нүктелердің, манипуляторлардың аздығына және суреттің көлеміне мән береді», ‒ дейді Бекжан.</blockquote>Айта кетейік, Бекжан дәрігерлер отбасында дүниеге келген. Сондықтан әкесі ұлының ата жолын жалғап, дәрігер болғанын қалайды.<blockquote>«Меніңше, математиканы мектептегі оқу пәні немесе қиын есептердің жиынтығы ғана деп қарау қате секілді. «Математика ‒ даңғазаны қажет етпейтін, саясат пен идеологияға қатысы жоқ, мәңгі де ұлы ғылым» дейді профессор Асқар Жұмаділдаев. Менің ойымша, қай салада да жетістікке тынымсыз еңбекпен жетуге болады. Бірақ адам бойында бейімділік, табиғи қабілет те болу керек. Жалпы өзім барлық пәнді жақсы көріп оқимын. Нақты ғылымдарға басымдық беремін, алайда гуманитарлық пәндерден де &nbsp;алыс емеспін. Тарих пен әдебиетке де ерекше қызығушылықпен қараймын, кейде өлең де жазамын. Ал математика ғылым атасы болған соң, оған қызықпау мүмкін емес секілді. Осы тұста аннам айтқан мына әңгіме есіме түсіп отыр. Менің жасым екіден асқан уақытта әжемнің ауылына, Атырауға қыдырып барған екенбіз. Сол жерде ойнап, жүгіріп жүрген мені бір ер кісі ұстап алып, басымнан ұзақ сипап тұрып, анама: «Қашан айтты, кім айтты дерсің, мына балаңнан өскенде мықты математик шығады, сен тек бейімде, бағыт бер» деген екен. Қазір аз да болса, жетістікке жетсем, соның бәрі ата-анамның маған берген тәрбиесі, дұрыс бағыт-бағдары мен артқан сенімінің нәтижесі», ‒ дейді Бекжан.</blockquote>

Қазақстан және Қызылорда облысының жаңалықтары: Білім