<a href="https://kyzylorda-news.kz/">Kyzylorda-news.kz.</a>&nbsp; Аудандық орталық кітапханада 23 сәуір - Дүниежүзілік кітап және авторлық құқық күніне орай &nbsp;«Кітап әлемінің сиқырлы түні» атты құпия сырға толы кітапхана түні &nbsp;өткізілді.&nbsp;Кітапхана түнінің мақсаты – кітапты насихаттау, кітап пен оқуға деген қызығушылықты қолдау, қоғамның интеллектуалды әлеуеті мен мәдени құндылықтарын арттыру, кітап оқуға тарту, өскелең ұрпақтың рухани-адамгершілік білімін арттыру, жастардың кітап оқуға, көркем әдебиетке деген құштарлығын ояту. &nbsp;Құпия сырға толы кітапхана түнінде «Кітапхана шақырады, кітаптар шақырады» жас кітапханашылар флешмобы, «Дәмді кітаптар» библиокафе, «Түнгі кітаптар сыры» кітаптар айтысы, &nbsp;«Мені оқы» кітап аукционы, &nbsp;«Ретро стилінде» фотоалаң, «Жастардың жалынды алаңы» Ретро кеші, «Елестер лабиринті», дәмді фуршеттер оқырмандарға көтеріңкі көңіл күй сыйлап, жанға жайлы демалыспен қатар &nbsp;рухани нәр берер кітаптармен кеңінен танысуға мүмкіндік берді.&nbsp;Фестивальді Арал ауданы әкімінің орынбасары К. Бержанов алғы сөзбен ашып, рухани және мәдени дамудың басты құралы кітап оқудың өміршеңдігін жеткізе келе, бүгінгі кітапхана түніне сәттілік тіледі. Әр бөлімде ерекше форматта өткізілген, оқырманға рухани білім мен демалыс &nbsp;сыйлаған тағылымды шаралар өз оқырмандарын қызықтырып, ерекше көңіл күйге &nbsp; бөледі.&nbsp; Кітапхана түнінің қызыққа толы бағдарламасының бірі – «Түнгі кітаптар сыры» кітаптар айтысы болды. Аталған бағдарламада ерекше құпияға толы, тарихқа кенен, мол ақпарат беріп, адамзат баласын жан жақты біліммен сусындатып, рухани &nbsp;кемелдендіретін &nbsp;жаратылыстану, көркем әдебиет ,техника және балалар әдебиетінің өкілдері өзара айтысып, кім мықты екенін, &nbsp;оқырмандарға &nbsp;өздерінің қаншалықты қажет екенін, адам өміріне әкелер пайдасын &nbsp;айтып &nbsp;айтысты.&nbsp;Сиқырлы кітапхана түнінің қонақтары, кітапхананың оқырмандары Сырға толы өткен шақтың жалынды естелігін еске алып, &nbsp;сол кезеңдегі көркем әдебиетке деген ерекше махаббаттың &nbsp;куәсі болды.&nbsp;&nbsp;Өнерлі кітапханашылар ұсынған «Тақиялы періште» көркем фильмінің үзіндісі көпшіліктің көңілінен шығып, керемет әсер сыйлады. Қойылым барысында кітапты сүйіп оқитын қыздар сол дәуірдегі әдебиеттің құндылығы, адам өмірінде әсері &nbsp;жайлы &nbsp;әңгімеледі. &nbsp;Десе де, бізден кейін де адам баласы цифрлық-нанотехнологиялар дәуірінде отырып та көркем шығарманы іздей береді дегім келеді. Себебі, келешекте адамзат өзінің көркем әдебиетсіз ешкім емес екенін анық түсінетін болады. Ия, бәрі өзгереді, тек қана классикалық әдебиеттегі жазушылар жеткізетін армандар мен қиялдар, эмоциялар, қарапайым &nbsp;адамға тән сезімдер ғана &nbsp;бұрынғыша қала бермек, - деп сол кезеңдегі &nbsp;қырағы жастар болашақты болжады.&nbsp;Себебі &nbsp;сол дәуірдегі көркем әдебиетте, махаббат та, нәзік сезімде, адалдықта, қоғамды түзейтін күш те болды. Жастар әдебиетті сүйіп оқыды, әрбір &nbsp;жазушының жазған әр кейіпкеріне ұқсап өсті. Осы кездегі қоғамның &nbsp;мықты қаруы қалам болды. Өткен шақтағы аға ұрпақтың &nbsp;көркем әдебиетке деген ыстық ықыласын, жас ұрпаққа өнеге ете отырып, сол заманғы адамдардың пейіліне де бір уақыт &nbsp;көңіл бөлу арқылы, аңғал да &nbsp;адал &nbsp;адамдардың &nbsp;мінезін аңғартатын коммедиялық кино «Тақиялы періштедегі» қалындық &nbsp;іздеген &nbsp;Тана мен &nbsp;комендант &nbsp;Жамал, &nbsp;сол кітапхана қыздарының ішінен &nbsp;қалындық &nbsp;таңдады. Жас кітапханшылардан &nbsp;құралған жатақхана ішіндегі оқымысты қыздар өз өнерлерін көсетіп, қалындық болуға таласқан &nbsp;қылықтарымен &nbsp;мазмұнды шараға өздерінше әр бере түсті.&nbsp;Сырға толы кеш &nbsp;барысында «READ MЕ» жобасы аясында кітапқұмар оқырмандар қатарын көбейтіп, олардың еңбегін насихаттау мақсатында кітапхананың оқырмандары арасында «Мені оқы» кітап аукционы өткізілді.&nbsp;Кештің басы кітаптағы ең құнды тарихи дастандардағы, ұлы тұлғалардың өмірі мен шығармашылығы жайында жазылған асыл мұраларын түрлі түсті кітап арқылы жеткізе білетін оқырмандардың кітаптар шеруімен басталды.Кітапқа құмар жандар үшін ерекше кітап аукционы - озық оқырманды анықтау және тамаша шығарманы оқуға кеңес беруге арналған алаң. Бұл алаңға шыққан әр аукцион қатысушыларының ұсынған кітаптарымен танысып, үздік таныстырылымын бағалау мүмкіндігі осы кештің қонақтарына бұйырды. Кітап аукционы арқылы ауданымыздағы кітапханалардың тұрақты оқырмандарының кітап таңдаудағы талғамын, кітап оқуға деген сүйіспеншілігін тамашалауға жақсы мүмкіндік болды. Барлық аукцион қатысушыларының ұсынған кітаптары көрермен жүрегіне жол тауып, кітап оқуға деген қызығушылықтарын оята білді.Кітапхана - кітап беру, алу ғана емес, қазіргі таңда оқырмандардың демалыс орнына, жастардың бос уақытын тиімді пайдалана отырып, жаңа орта қалыптастыру &nbsp;аймағына айналып отыр. Кітап оқу заманға, уақытқа, мансапқа, жасқа, кәріге қарамайды. Кітапханада ұйымдастырылған осы бір мәнді шара соның айғағы спетті.<figure class="image"><img src="https://knadmin.beoblood.kz/uploads/106f12aa_785f_4b1f_b7eb_7e6ccbee2755_df1d3b3b8f.jpg" alt="106f12aa-785f-4b1f-b7eb-7e6ccbee2755.jpg"></figure>

Аралда кітапхана түні ұйымдастырылды

<a href="https://kyzylorda-news.kz/">Kyzylorda-news.kz.</a>&nbsp;"Монтессори жаттығуы", "Монтессори ойыншықтары", "Монтессори әдісі" деген терминдерді әсіресе жас ата-аналар көп еститін шығар. Бір ғасыр бұрын негізі қаланған бұл әдістің мәні – баланы жазаламай, бәрін жасауға мүмкіндік беру. Әлемде осылайша білім беретін 60 мыңнан астам мектеп бар.&nbsp;Табысты адамдарға келетін болсақ, бізді бірінші кезекте олардың өмір жолы қызықтырады. Мысалы, жазушы Габриэль Гарсиа Маркес, әнші Тейлор Свифт, Google негізін салушылар Ларри Пейдж және Сергей Брин және атақты аспаз Джулия Чайлдда не ортақ қасиет бар. Олардың барлығы Монтессори мектебінде оқыған.Мария Монтессори деген кім?Монтессори 1870 жылы итальян коммунасындағы Чиаравалледе дүниеге келген. Оның отбасы өз дәуірінің ғалымдары мен ойшылдарымен жиі кездесетін зиялы қауым өкілдері еді. Бұл Марияға қатарластарына қарағанда артықшылық берді.Марияны анасы үнемі қолдап отырған, бұл оның бастауыш мектептен кейін техникумға түсуге, кейінірек медицинаның ер адамдардан тұратын саласын оқуға шешім қабылдауынан көрінеді.Монтессори 1896 жылы оқуын аяқтағаннан кейін көп ұзамай Рим университетіндегі психиатриялық клиникада ерікті ассистент болып жұмыс істей бастады. Онда Монтессори оқуда қиындықтары бар балалармен жұмыс істейді. Монтессори жұмыс істейтін бөлме біраз жиһазды қоспағанда бос еді. Бір күні ол балалардың еденге түскен нан қиқымымен ынтамен ойнап жүргенін байқады. Сонда ол: "кедейлік кейбір ақыл-ой кемістігінің себебі болуы мүмкін және дұрыс құрастырылған оқу материалдарымен тәрбиелеуге болады" деп ойлайды.Осыдан кейін Монтессори балалық шақтың нәзік кезеңінде баланы оңтайлы ынталандыруға бағытталған жаңа әдісті әзірлейді.Бұл әдістің негізгі принципі барлық материалдар балаға қолайлы болуы және оның барлық сезімін тартуы керек деген ережеге негізделген. Әрбір балаға қозғалыс еркіндігі беріліп, олардың шығармашылық қабілеттері мен проблемаларды шешу дағдыларын пайдалана білуі керек. Мұғалімдер балаға бағыт береді, бірақ ешқандай бақылаусыз немесе мәжбүрлеусіз қолдау көрсетеді.Монтессори 1907 жылы Италияда алғашқы балалар үйін ашты. Ол атақты адамдармен, соның ішінде Махатма Гандимен қарым-қатынас орнатады. Нацистер 1922 жылы Италияға келгенде, олар Монтессори жұмысын алғашында қабылдады. Алайда, балаларды оқытуда сөз бостандығына баса мән берілгенін байқаған олар Монтессориге қарсы шыға бастады. Монтессори құндылықтары бойынша балалар мен әйелдердің құқықтары маңызды еді. Ол 1934 жылы нацистер Монтессори мектебінің оқу бағдарламасын өзгертуге әрекеттене бастағанда, Италиядан кетіп қалады. Ал 1952 жылы 81 жасында өмірден озғанша жазумен, стилін дамытумен өмір сүреді.Жауапкершілік балалардың өздеріне жүктеледіБүгінгі таңда Монтессори мектебінің түрлері көп, бірақ олардың барлығын Монтессори әдісі негізінде жұмыс істейтін Опера Монтессори ұйымы мойындамайды. Монтессори мектебі айқын негізгі принциптерді сақтайды. Бұл идеялардың бірі - мұғалімнің жұмсақ болуы, балаларға мүмкіндігінше ересектердің араласуынсыз әрекеттерді өздері орындауға мүмкіндік беру.Сицилиядағы Монтессори мектебінің бас мұғалімі Мириам Ферро: "Біздің балаларымыз өзін-өзі басқаруды үйренеді", - дейді.Бұл мектептегі музыка және математика сияқты пәндер басқа жалпы білім беретін мектептердегідей, бірақ Монтессори көзқарасын көрсететін практикалық өмірлік пәндер де бар. Олардың мақсаты – балаларды тәуелсіздікке үйрету. Мектепте сыныптастарына сусын тарату сияқты шынайы тапсырмалар да бар. Мұғалім қауіпсіздік үшін суды қайнатады, ал қалғанын балалар жасайды. Мектептегі таңғы ас пен түскі асқа балалардың өздері дастарқан жаяды.Мұндай іс-әрекеттерде балалар тек тәуелсіздікке ғана емес, сонымен бірге бірлесіп жұмыс істеуге де үйренеді. Әр сабақ 3 сағатқа созылады, бұл балалардың не істеп жатқанын түсінуі үшін жеткілікті. Ал оқу материалдары барлық сезім мүшелерімен жұмыс істеуге арналған: мысалы, әріптер мен сандар ағаштан жасалған. Оны ұстау арқылы бала саусағының сезімін пайдаланады.Монтессори әдісіне келіспейтіндер де барБірақ Монтессори мектептерінің жетістігін, оның қанша оң және теріс жақтары бар екенін ғылыми негіздеу қиын. Себебі, білім беруде сынақтарды қатаң енгізу қиын. Мысалы, Монтессори мектептерінің көпшілігі ақылы және бай ата-ананың балалары оқиды. Бұл ата-аналар балаларымен үйде де жұмыс істейді және олардың табысқа жетуі үшін үйде көңіл бөлу маңызды болуы мүмкін.АҚШ-тағы Монтессори мектептерінің біріне қабылданған 5 жасар балалар кездейсоқ таңдалып, олардың дамуы зерттелді. Балалардың сауаттылығы, есептеуі, үлгерімі, әлеуметтік дағдылары қарапайым мектептегі балаларға қарағанда жақсы екені анықталды. 12 жаста оқушылардың әңгіме айту қабілеті жақсы дамыған. Бірақ бұл зерттеудің өзінде Монтессори білімі өте жақсы деп айтуға жеткіліксіз, бұл үшін қосымша зерттеулер қажет.Тағы бір зерттеу Монтессори мектебінің оқушыларының шығармашылық қабілеті күшті екенін көрсетті.Балаларға жас кезінен бастап әртүрлі әрекетті өз бетінше орындауға мүмкіндік беру кейін оларды мәселелердің шешімін табуға, қателерден қорытынды жасауға, икемді ойлауға үйретеді. Бір сөзбен айтқанда, Монтессори білімінің тартымдылығы ерекше – баланы тәуелсіз болуға үйрету.Ақпарат дереккөзі: <a href="https://massaget.kz/layfstayl/zhadnama/81930/?fbclid=IwAR0aLUVbaUL4lwnSVQBTQ2NC701zKWMvhCe5zw-QDZde07ajra2T6VY9TUk">MASSAGET</a>

Баланы жазаламай оқытуға бола ма?  

Бала тәрбиесі: Ата-аналар кеңесі белсенді жұмыс атқаруда

<a href="https://kyzylorda-news.kz/">Kyzylorda-news.kz.</a> Мамандық таңдау – мектеп бітіруші түлектер үшін аса жауапкершілік жүктейтін міндеттердің бірі саналады. Себебі, адам баласының күнделікті атқаратын жұмысы өмірінің айнымас бөлігі екені айдан-анық. Уақытты қуанышпен өткізу, бақытты болу, абыройға кенелу де өмірлік маңызы зор мамандық таңдауға тікелей қатысты десек қателеспейміз. Ал, бір-екі айдан кейін мектептен түлеп ұшып, үлкен өмірге қанат қағатын қазіргі оқушылардың арман-мақсаты қандай? Олардың мамандық таңдауына ата-аналары қаншалықты ықпал етеді? Жалпы, қазіргі таңда қаншалықты мамандықтар сұранысқа ие? Міне, бүгінгі мақалада осы сұрақтарға жауап іздейтін боламыз.Мамандық таңдау – болашақты таңдау«Мамандықтың жаманы жоқ». Бұл дәлелдеуді қажет етпейтін нақты философия. Себебі кез келген мемлекеттің дамуы бір ғана мамандыққа байланысты емес екені сөзсіз. Елдің өсіп-өркендеуіне дәрігер, мұғалім, құқық қорғаушы, заңгер, мұнайшы, спортшы, журналист т.б барлығы өз үлестерін қосады. Алайда, олар өз мамандықтарын жүректерімен қалап таңдамаған болса, ел дамуын тежеуі мүмкін еді. Оған дәлел ретінде күнделікті өмірден мысал келтіруге болатыны жасырын емес.Негізінен, спортшы болуды қалаған азамат ата-анасының ықпалымен немесе отбасылық жағдайға байланысты дәрігер болды дейік. Ол өз мамандығын меңгеру жолында ізденіс танытпай оқуын бітіретіні сөзсіз. Одан кейін жұмысқа орналасады. Демек, тапсырылған жұмысқа салғырт қарап, бос уақытын спорт залдарында өткізуді қалайтыны бар. Бұдан нені ұғуға болады?! Әрине, адам өмірінің маңызды кезеңдері босқа өткенін, уақыттың зая кеткенін, мамандыққа деген сүйіспеншіліктің жоқ екенін. Сол себепті, психологтар мамандық таңдау барысында адамның икемділігі мен ішкі жан дүниесінің қалауына ерік берген жөн дегенді алға тартатыны мәлім. Себебі, мамандық таңдау – келешек зор қадам жасау болып табылады.Жаңа мамандықтар һәм жаһандану процессіЖасыратыны жоқ, осыдан он жыл бұрынғы ең таңдаулы мамандықтарға қазіргі таңда сұраныс жоқтың қасы екені өмір дәледеп беруде. Бұл технология мен техниканың сандық жүйеге көшуінің тым жылдам жүріп жатқанын білдірсе керек. Оның үстіне жаһандану процесі мен ғылымның күн санап қарыштап дамуынан бұрын-соңды кездеспеген жаңа мамандықтар пайда болуы нақты дәлел.Мәселен, біздің бала кезімізде робот жасауды меңгеру елес, ертегі, орындалмайтын арман секілді көрінетін еді. Ал қазір мектеп қабырғасында жүріп-ақ кішігірім роботтарды құрастырып, ғылыми жобаларда бақ сынап жүрген оқушылар аз емес. Әйтсе де баяғы сарынмен мұғалім, дәрігер, құқық қорғаушы болуды мақсат тұтқандардың саны да көп. Өз кезегінде аталған мамандық иелерінің қоғамдағы орнына нұқсан келтіру ойда жоқ кені қыңжылтады. Тек Мемлекет басшысының алға қойып отырған мақсат-міндеттерін орындау үшін бізге бұл үш мамандықтан да басқа жүздеген мамандық иелері ауадай қажет екенін түсінуіміз дұрыс секілді.Нақтысын айтқанда, алдағы он жылдықта Үшінші жаңғыруда айқындалған жоспарларды орындау үшін қоғамға молекулалық диетолог, киберпротездер жасаушы, интеллектуалды меншіктерді бағалаушы, электронды киім-кешек рецептілерін жобалаушы, энергия жүйелерінің дизайнері, интеллектуалды энергия желілерінің инженері, «ақылды жолдар» салушылар, ғарыштық туризм менеджері, ғарыш жолдарының инженері, роботтарды басқаратын нейроинтерфейстерді жобалаушы секілді мамандық майталмандарының еңбегі қажетті. Демек, жаңа заман талаптарына сай бұл мамандықтарға да уақыт өте келе қажеттілік бәсеңдеуі мүмкін. Бір дәлелі, замана көшінен қалмау, әлемнің дамыған елдерінің қатарына қосылу білім мен біліктілікке келіп тіреледі. Оның үстіне, зерттеушілердің мәліметі бойынша, бүгінде маңызды болып саналатын құзыреттіліктердің 35 пайызы енді бес жылдан кейін толықтай өзгеріске ұшырайтын көрінеді. Айталық, бірқатар мамандықтардың мазмұны мен сапасы трансформацияға ұшыраса, кейбір мамандықтар толықтай жойылып кетуге жақын. Осылайша, олардың орнына мүлде жаңа мамандықтар пайда болып шыға келеді.Ата-ана ықпалы, түлек таңдауыКез келген ата-ана баласының өмірден өз орнын тауып, жемісті еңбек етіп абыройға кенелгенін қалайды. Сол себепті мамандық таңдауына баса мән береді. Осы ретте, «Ба¬ланың мамандық таңдауына араласу дұрыс па?» деген сұрақ туындайды. Аталған сұрақты мектеп бітіруші түлектердің ата-аналарына жолдағанымызда пікірлер тоғысы екіге жарылды. Бір топ ата-ана балаға еркіндік берген жөн дегенді алға тартса, екінші топ «ол мамандықты меңгеріп, қазір жұмыссыз жүргендер көп...» деп баласын райынан қайтарғандарын жасырған емес. Сонда қайсысы дұрыс?Біздің бұл тақырыпқа тоқталуымызға мектеп бітіруші түлектер мен 9-сынып оқушылары арасында республика бойынша жүргізілген сауалнама түрткі болды. «Қай мамандықты таңдайсың?» деген сұ-рақ негізінде жүргізілген сауалнамаға қатысушылардың 63%-ы «Ата-анам біледі» десе, 9%-ы таңдаған мамандықтарын жазған. Сәйкесінше, қалған 28%-ы «Тұрмыс жағдайыма байланысты әлі нақты шешім қабылдамадым» деп жауап берген екен. Демек, бүгінгі таңда баланың мамандық таңд¬уына, қазіргі тілмен айтсақ «өмір жолына түсуіне» ата-ананың ықпалы жоғары екенін аңғарамыз…Зерттеушілердің айтуынша, бұл үрдіс &nbsp;мұлдем &nbsp;емес. Анығында бала өзі қалаған оқуды оқымаса ол сапалы, білікті және өзі еңбек ететін сала бойынша тиімділігі мол реформа жасайтын сұранысқа ие маман бола алмайтыны тағы бар. Сондықтан әлемнің алдыңғы қатарлы Жапония, Қытай, Малайзия, Швейцария секілді елдеріндегі білім беру жүйесі балаға еркіндік беруге лайықтандырылған. Түптеп келгенде, жұмыссыздықтың белең алуы да мамандықты дұрыс таңдамауға тікелей байланысты.Осы ретте, түлектерге мамандық таңдау тұрғысында кәсіби бағыт-бағдар беру жұмыстары білім ордаларында жүргізіліп келеді. Мәселен, №35 И.Тоқтыбаев атындағы мектеп-лицей директорының бейіндік оқыту жөніндегі орынбасары Жанна Сәркееваның айтуынша, аталған білім ошағында «Мамандық таңдау – табысты өмірдің кілті», «Әр түлек өмірден өз орнын табуға тиіс», «Мамандықтың бәрі жақсы, таңдай біл!», «Мамандығым – мақтанышым» тақырыптарында кездесулер, дөң¬гелек үстелдер, ашық сабақтар және пікірталастар ұйымдастырылған. Іс-шаралар барысында жаһандану кезеңінде сұранысқа ие мамандықтар туралы мағлұматтар беріліп, түлектерді алдағы ҰБТ сынағына психологиялық тұрғыда дайындау жұмыстары жүргізілген. Мектеп қабырғасындағы осы тектес тағылымы мол іс-шаралардың нәтижесінде мектеп түлектері жыл сайын жоғары және орта арнаулы оқу орындарына түсіп, кейін кедергісіз жұмысқа орналасып, бүгінде ұстаздар сенімін, ата-ана үмітін ақтап, ел дамуының әр алуан саласында еңбек етуде. Бұл педагогикалық ұжым қызметкерлерінің жемісті еңбегінің бір көрінісі және қоғам үшін пайдасы зор іс-шаралардың нәтижесі деп білеміз.Мен сәулетші боламын…Сұлушаш Әлтаева Шаған ауылындағы №37 мектеп-лицейінің 11-сыныбында оқи¬ды. География пәнін таңдаған оқушы &nbsp;болашақта сәулетші болуды мақсат тұтқан. Мектеп бітіруші түлек жыл сайын зәулім ғимараттар салынып, сәулеті мен дәулеті артқан еліміздің құрылыс индустриясы саласына өз қолтаңбасын қалдырғысы келеді.<blockquote>– Париж дегенде көз алдымызға Эйфель мұнарасы елестейді. Сол секілді Қазақстан десе, жұртшылық Астана қаласындағы Бәйтеректі еске алады. Әрине, елімізде Бәйтеректен басқа керемет нысандар бар. Бірақ көп емес. Ал Ел Президентінің туризмді дамыту бағдарламаларында әлем жұртшылығын кескін-келбетімен тартатын, заманауи кешендердің алар орны ерекше. Сондықтан құрылыс нысандарының жобасын әзірлейтін, аудан, қалалардың бас жоспарын нақтылайтын сәулетші болғым келеді, – дейді Сұлушаш Дүйсенбекқызы.</blockquote>Мектеп оқушысы бізбен әңгімесінде ата-анасының дәрігер немесе мұғалім болуға үгіттегенін жасырмады. Бірақ ол қоғамның даму бағытын ой елегінен өткізіп, таңдауды өзіне қалдырыпты. Оған бала күнгі қызығушылық пен жүрек қалауы әсер еткен. Жас түлек отандық сәулет саласында өзіндік қолтаңбасын қалдыруды армандайды.Аудан мектептерінің басым бөлігіне хабар¬ласып, түлектер таңдауы туралы мәліметтерге қанықтық. Ұстаздардың айтуынша, оқушылардың арасында дәрігер, мұғалім, заңгер, тарихшы, құқық қорғаушы және журналист болуға ұмтылғандардың саны басым. Ал құрылысшы, механизатор, инженер мамандығын меңгеруге жастар әлі де болса жүрексінетін көрінеді. Бірақ ынталары бар. Осы ретте, ұстаздар қауымы мен үйдегі ата-ана бірлесіп жұмыс жасап, оқушының қоғамдағы сұранысы жоғары мамандықты таңдауына ықпал етуі қажет... Қалғаны уақыттың еншісіндегі іс.Екі бірдей жоғары оқу орнын бітірген досым бар. Бірақ, жұмыссыз. Кезінде ата-анасының ақшасына қоғамдағы «ең таң-даулы» деген заңгер мамандығы бойынша колледжді де, университетті де бітірген. Бірақ, қазіргі таңда оған сұраныс жоқтың қасы. Сұраныс әрине бар, бірақ талап екі есе қатаң. Әрі заңдар мен ережелер, қаулы-қарарлар жиі өзгереді. Сол досым кейде күріш даласында жемісті еңбек етіп, көлік мініп, үй салып, бала-шағасын оқытып жатқан азаматтарды көріп, «Неге ауылшаруашылық саласына қажетті мамандықты меңгермедім. Енді бәрі кеш» деп күйінеді. Себебі, ол өмірінің ең қымбат кезеңі – жастық шағында мамандық таңдаудан қателескен. Ендеше, құрметті жас түлек, мамандық таңдауға мән беріңіздер. Сіздерде уақыт бар. Бастысы, қоғамға қажетті мамандықты меңгеруге ұмтылыс жасау керек. &nbsp;

Сырдариялық оқушылар қандай мамандық таңдауға әуес?

<a href="https://kyzylorda-news.kz/">Kyzylorda-news.kz.</a> &nbsp;Мемлекет басшысы Қ.К. Тоқаевтың бастамасымен елімізде 2025 жылға дейін 800 мың баланың заманауи мектепте білім алуына жағдай жасау мақсатында «Жайлы мектеп» ұлттық жобасы қолға алынған болатын. Облыс әкімі Нұрлыбек Нәлібаевтың ұсынысы негізінде алдағы 3 жылда Қызылорда облысында 15100 орынға арналған заманауи 21 мектеп салынады деп жоспарлануда. Жобаның жалпы құны – 100 млрд. теңге. Атап айтқанда: Қызылордада - 8, Аралда - 4, Қазалыда - 2, Қармақшыда - 2, Жалағашта - 1, Сырдарияда - 1, Шиеліде – 1 және​ Жаңақорған ауданында заманауи 2 мектеп бой көтереді.Облыстық білім басқармасының басшысы жоба аясында биыл өңірде 10 мектептің құрылысы басталатынын айтып, олардың өзге мектептерден айырмашылығын сөз етті.<blockquote>«Мамыр-маусым айында &nbsp;10 мектептің құрылысын бастаймыз. Бүгінде барлығының жері рәсімделді. Сметалық құжаттары дайындалды. Жалпы ерекшелігіне келсек, бастауыш және жоғары сынып оқушылары мектеп ғимаратының жекелеген блоктарында оқитын болады. Сәйкесінше, олардың өз оқу кабинеттері, әжетханалары, спортзалдары болады. Сондай-ақ бейнебақылау, дыбыстық дабыл сияқты қауіпсіздік нысандары орнатылады, заманауи физика, химия, биология, робототехника сияқты кабинеттермен қамтамасыз етіледі. Арнайы білімді қажет ететін балалар үшін қажетті жағдай жасалады», - деді М. Шермағанбет.</blockquote>Жалпы, 2023 жылға &nbsp;білім саласына 260 млрд. теңгеге жуық қаржы бөлініп отыр. Алдағы 3 жылда облыстағы үш ауысымды және апатты мектептердің жағдайы толық шешіледі деп күтілуде, &nbsp;ауылдық елді мекендердегі мектептер жаңғыртудан өтеді.&nbsp;Былтыр апатты деп танылған 6 мектептің үшеуінің мәселесі шешімін тапты, ал қалған 3 мектеп «Жайлы мектеп» жобасы аясында салынатын болады. Бұдан бөлек, биыл 5 мектепті пайдалануға беру жоспарлануда. Сондай-ақ ағымдағы жылы жоспарға сәйкес ауылдық елді мекендегі 47 мектеп жаңғыртудан өткізіліп, 51 мектепке пәндік (физика, химия, биология) кабинеттер алынатын боладыБілім саласындағы тағы бір қуанышты жаңалық, аймақ басшысының тапсырмасына сәйкес, биыл 1-4 сынып оқушылары мектепте тегін ыстық тамақпен қамтылуда. Бұл облыс бойынша алғаш рет жүзеге асырылып отыр.&nbsp;&nbsp;

Жайлы мектеп: Биыл Қызылорда облысында 10 мектептің құрылысы басталады

<a href="https://kyzylorda-news.kz/">Kyzylorda-news.kz.</a> Сыр өңіріндегі Назарбаев Зияткерлік мектебінде химия-физика пән бірлестігінің апталығы аяқталды. Оқушылар түрлі сайыстарда бақ сынасып, жаратылыстану ғылымдары бойынша білімдерін арттырды.&nbsp;9-сынып арасында өткізілген «Тәжірибелік кабинеттер» байқауында оқушылары қызықты экперименттер көрсету арқылы сыни ойлауын дамытса, 7-сынып білім алушылары «Game drive» ойынында түрлі логикалық тапсырмаларды орындап, үздік команда атағына таласты. Ал 8-сынып өрендері ғажайыпқа толы ғылыммен физикалық және химиялық тәжірибелер арқылы танысты.Таңертеңгі «Жұлдыз жорамал» акциясында оқушылар ұстаздарын алдағы күтілетін жаңалықтармен қуантты. Сондай-ақ, түрлі ғарыш апппараттарын құрастырып, &nbsp;көпшілікке таныстырды және ұстаздарымен бірге мектеп ауласында 5 зымыранды көкке ұшырып, бақылап көрді. &nbsp;«Сұрақ бізден, жауап Сізден!» викторинасында оқушылар пән бойынша білімдерін сынап, қызығушылықтарын арттырды. Сондай-ақ, «Қызық екен» сайысында мектеп қызметкерлерімен бірге топтарда проблемалардың шешу жолдарын қарастырды.&nbsp;«Netflix-тегі химия» шарасында қатысушылар ақпараттық технологияларды қолдана отырып, ғылыми негіздегі фильмдерді тамашалады және түрлі деңгейдегі сұрақтарға жауап іздеді.&nbsp;Апталық соңында барлық жеңімпаздар мен жүлдегерлер арнайы Дипломдармен марапатталды.<figure class="image"><img src="https://knadmin.beoblood.kz/uploads/337416493_619100859707013_1992857474141370846_n_75255d410a.jpg" alt="337416493_619100859707013_1992857474141370846_n.jpg"></figure><figure class="image"><img src="https://knadmin.beoblood.kz/uploads/337722631_211829801543345_6322259910549999001_n_196ded35e3.jpg" alt="337722631_211829801543345_6322259910549999001_n.jpg"></figure><figure class="image"><img src="https://knadmin.beoblood.kz/uploads/337717017_1629695407452281_2687051424699245661_n_a472408e28.jpg" alt="337717017_1629695407452281_2687051424699245661_n.jpg"></figure>

Қызылорда: NIS алаңында 5 зымыран көкке ұшырылды

<a href="https://kyzylorda-news.kz/">Kyzylorda-news.kz.</a>&nbsp;Заман дамыған сайын адамзаттың ой-өрісі мен ойлау қабілеті, көзқарасы да ілгерілейді. Адам ғылым, білімге тереңінен бойлаған сайын бір-біріне деген бәсекелестік қалыптасады. Біліммен, жаңашыл идеямен біреу-біреуден, ал осындай тыңнан түрен салатын жаңа идеяны туғызатын ерекше қабілетті тұлғалардың көптігімен мемлекеттер арасында бәсекелестік туады. Өзгемен иық тіресіп, басқалар бағындырған белесті алу үшін де олар секілді болу азырақ, тіпті сол бәсекелесіңнен озық болуың керек.&nbsp;Бүгінгінің талабы сол, көпті білекпен емес, біліммен жығасың. Көп білген сайын, қадірің артады, көзің ашылады, қоғамға пайдалы боласың. Білім жиған сайын адами болмыс та биіктеп, рухани кемелдене түсесің. Елдегі білім саласының мақсаты да осы – бүгінгі ұрпақтан білімді, бәсекеге қабілетті, қоғамға пайдасын тигізетін азамат қалыптастыру. Жастардың елде, шетелдерде білім алуына жағдай жасалуының, жастар саясатының дамуына қолдау мен көмектің жалғасып келе жатқанының да себебі осы. Жастар болашақты жасайтын бүгініміз демекші, бүгінгі буынның білімді болмағы елдің мәңгілік елге айналуының негізгі қазығы деуге болады. &nbsp;Жаһандану заманында білекпен емес, біліммен ғана мыңды жыға аласың. Білімнің дамуы – адамзат өркениетінің өлшемі. Сондықтан бұл сала үнемі жетіліп, жаңарып отыруды талап етеді. Жаңа көзқарасты, жаңашылдықты қажет ететін кезеңде жас ұрпақты бәсекеге қабілетті етіп қалыптастыруда негізгі сын да, салмақ та ұстаздар қауымына түсетіні анық. Ал осындай білікті де білімді ұстаздар жұмыс істейтін білім ошағының қашанда мерейі үстем. Гүлзира Құлмаханова басқаратын Аққұм ауылындағы №38 орта мектепте қолға алынған жобалар көп-ақ екен.&nbsp;Жалпы 1929 жылы негізі қаланған №38 орта мектеп &nbsp;1973 жылы мектеп жаңа ғимаратқа көшіріліп, кейіннен Социалистік Еңбек Ері Алдаберген Бисеновтің есімі беріледі. Еңбек Ерінің есімі берілген тұста ұрпақтары ауылдағы мектептен А.Бисенов атындағы мұражайын ашып, онда осы кісінің көзі тірісінде тұтынған заттарын, шапанын және портфелін де қойылған. Біз мектепке бас сұққаннан ондағы тыныс-тіршілікті көріп, балаларға барлық жағдайдың жасалғанын түсіндік. Білім ошағындағы дәстүрлі түрде өткізілетін және үнемі оқушылармен бірге өтетін жобалардың барлығы дерлік жастардың тұлғалық дамуына септігін тигізеді. Мәселен «Ұшқыр ой алаңы» жобасы аясында пікір-сайыс алаңдары мен «Дебат» турнирлері өткізіліп, оқушылар аудандық, облыстық сайыстарда орындар иеленіп жүр екен. Сонымен бірге «Құқықтық мәдениет» жобасы бойынша АІІБ қызметкерлерімен кездесулер, «Мен салауатты өмір салтын қолдаймын» жобасы бойынша бірнеше спорттық сайыстар, «Өнерлі өрен» жобасы бойынша мектепте «Мектеп театры» үйірмесі, «ECO &nbsp;START» &nbsp;жобасы бойынша мектепте &nbsp;«Жасыл бұрыш», «Жақсылық жаршысы» жобасы бойынша &nbsp;мектеп ардагерлерімен әр мерекеде кездесулер мен &nbsp;«Сыр сұхбат», «Аялы алақан» жобасы бойынша &nbsp;ауылдың қарт және жалғыз басты аналарына көмек көрсетілсе, «Дәстүр мен ғұрып» жобасы аясында қазақы бұрыш, домбыра сыныбы ашылып, қазақтың ұлттық ойыны тоғызқұмалақ үйірмесі &nbsp;және домбыра үйірмесі жұмыс жасауда. Сондай-ақ мектепте жаңа модификациялы &nbsp;кабинетпен &nbsp;химия, биология &nbsp;кабинеттері &nbsp;жабдықталған. &nbsp;Қазіргі таңда мектепте 20 оқу кабинеті, оның ішінде мультимедиалық кабинет, компьютерлік сынып, &nbsp;шеберхана, мұражай, кітапхана, спорт зал, медициналық кабинет пен акт залы да бар. Осы тұста тағы бір көпке үлгі боларлықтай дүниені айтқымыз келеді. А.Бисенов атындағы №38 орта мектептің түлегі, ақын, «шабыт» шығармашыл жастар фестивалінің лауреаты, халықаралық «Алтын асық» сыйлығының, Президент стипендиясының иегері Асылзат Арыстанбек те өзі түлеп ұшқан алтын ұясына келіп, шәкірттік басын иіп, ұстаздарына деген ерекше алғысын білідіріп, өзінің артынан ерген іні-сіңлілеріне арнап домбыра сыныбын ашыпты. Бұл сыныпта мектептегі бірнеше бала домбыра тартуды, күй ойнауды үйренеді. Тіпті Асылзат мектеп ұжымына өз қолынан шыққан түрлі қазақы нақыштағы костюмдерді, көйлектерді сыйға тартыпты.– Қазақтың қас батыры Бауыржан Момышұлының «Ұстаздық – ұлы құрмет. Себебі &nbsp;ұрпақтарды ұстаз тәрбиелейді. Болашақтың басшысын да, данасын да, ғалымын да, еңбекқор егіншісін де, кеншісін де ұстаз өсіреді» дегеніндей, ертеңгі ел тұтқасы болатын жас буынды тәрбиелеу міндеті бүгінгі ұстаздар қауымының мойнында. Мектептің басты тұлғасы, жүрегі – мұғалім. Шәкірттерін білім нәрімен сусындатып, тәлім-тәрбие беру, жақсы қасиеттерді бойына дарытып, адамгершілік рухта бағыт-бағдар беруде ұстаздың еңбегі зор. Сондықтан да ол әрдайым қасиетті тұлға ретінде ерекшеленеді. Қиын да маңызды міндеттерді жүзеге асыра алатын, тек ұлағатты ұстаз. Осындай ауыр жүкті алып жүріп, барша адамзатты терең біліммен қаруландырып, үлкен өмірге дайындау тек білікті ұстаздардың қолынан келмек, – дейді мектеп директоры Гүлзира Мұханбетқұлқызы.Мектеп ұжымының әр жетістігінде әр ұстаздың еңбегі мен оқушының қарым-қабілеті жатқанын білеміз. Аққұмдағы алтын ұяның тыныс-тіршілігімен таныса отырып, жетістіктер легін айтпай кетуге болмас. Тіпті аталған мектепте дарыны мен даралығын, таланты мен табандылығын ұштастыра білетін шәкірттер өте көп. Олардың әрбірі білім бәйгелерінде топ жарып, өзі білім алатын алтын ұясының абыройын асырып, мерейін өсіріп те жүр. Мұны мектеп ұжымы да, педагогтер қауымы да зор мақтанышпен айта алады. Мәселен аудандағы Т.Жүргенов атындағы №123 мектеп-лицейінің үздік түлегі, Қорқыт Ата атындағы Қызылорда университетінің профессоры, педагогика ғылымдарының кандидаты, Халықаралық педагогикалық білім беру ғылымдарының корреспондент – мүшесі, Ы.Алтынсарин атындағы төсбелгі иегері Рабиға Игенбаева атындағы ұлттық тәрбие оқу-әдістемелік кабинетінің ашылуына орай өткізілген &nbsp;«Туған жердің тұғырлы тұлғалары» атты оқушылардың ғылыми жоба байқауында 1 «А» сынып оқушысы Бисен Нұрсұлтан I орын, 10 «Б» сынып оқушысы Жолдасбай Қымбат «Ізденімпаз оқушы» номинациясымен, 8 «А» сынып оқушысы Омарбекова Назым нәтижелі зерттеу жұмысын көрсеткені үшін Алғыс хатпен марапатталған. «Жеңісті жақындатқан жауынгер-ұстаз» тақырыбындағы ғылыми жоба байқауында Болатбекқызы Гүлбақыт &nbsp;II орын иеленсе, «Ауған соғысы суреті көзімен» тақырыбында өткізілген сурет байқауында 7 «А» сынып оқушысы Бекқожа Каусар &nbsp;III орынмен, 10 «А» сынып оқушысы Сабыр Гүлсая Ұлттық пікірсайыс турнирінің облыстық кезеңінде «Ең сенімді ойыншы» номинациясымен, &nbsp;«Арғымақ» тобы «Темірбек Жүргенов – тарихи тұлға, ұлт жанашыры» мектеп театрларының аудандық кезеңінде II орынмен, &nbsp;«Әбіш оқулары» байқауының «Сахналық қойылым» бағыты бойынша облыстық кезеңінде &nbsp;III орынмен, 10 «А» сынып оқушысы Абдраман Мұхаммед 8-11 сынып оқушылары арасында өткізілген «Әбіш оқулары» байқауының облыстық кезеңінде II орынмен, &nbsp;«Мамандықтар әлемін ашамыз» &nbsp;республикалық форумынының &nbsp;аудандық кезеңінде «Болашақтың мамандығы» номинациясы бойынша II орынмен, 8 «Б» сынып оқушысы Абдраман Дарын «Мамандықтар әлемін ашамыз» &nbsp;республикалық форумынының &nbsp; аудандық кезеңінде &nbsp;«Менің кәсібім – менім бизнесім» &nbsp;номинациясы бойынша II &nbsp;орынмен марапатталған. Бұдан бөлек Мектепалды даярлық сынып оқушысы Қуантай Каусар «Мен зерттеушімін» &nbsp;тақырыбындағы аудандық байқауында II орынды, «Жарқын болашақ» олимпиадасында 10 «А» сынып &nbsp;оқушысы &nbsp;Сұлтанбек Айдана, &nbsp;9 «Б» сынып оқушысы Шәкір Гүлзира II орынды, 10 «А» сынып оқушысы Сабыр Гүлсая III орынды, 7 «Б» сынып оқушысы Серік Дидар 7-8 сынып оқушылары арасында өткізілген ресрубликалық олимпиаданың аудандық кезеңінде Химия пәні бойынша I орынды алса, 5-8 сынып оқушыларына арналған «ProEco» экологиялық жобалар конкурсының облыстық кезеңіне қатысып, белсенділік танытқаны үшін 8 «Б» сынып оқушысы Алмат Жансұлу алғыс хатпен марапатталған. Спорттық шараларда да мектеп оқушылары аудандық, облыстық, республикалық деңгейде топ жарып, абырой биігінен көрініп келеді.&nbsp;Айта кету керек, «Алтын белгі» мен &nbsp;«Үздік аттестат» иегерлері де жоқ емес. 2020-2021 оқу жылында мемлекеттік емтихан және ҰБТ қорытындысы бойынша Ақжан Төлеген, Жасұлан &nbsp;Алдияр «Алтын белгі», 2021-2022 &nbsp;оқу жылында Ақбота Әбілқасым «Үздік аттестат» иегері атанған. Осы жылы 30 оқушының 20-сы жоғары оқу орындарының &nbsp;грантын &nbsp;жеңіп алып, 10 оқушы арнаулы оқу орындарына грант арқылы оқуға түскен.&nbsp;Бұл жетістіктердің барлығы мектеп ұжымы үшін зор мақтаныш, ұстаздардың тынымсыз еңбегінің, оқушылардың қабілетінің жемісі деуге болады. Мектептің мұғалімдері бала бойына білім дарытуда, заманның өзгерісіне бейімделе алатын, бәсекеге қабілетті тұлға қалыптастыруда бар білім біліктерін аяған емес. Ұстаздық жолдың жауапты әрі қиын екенін жете түсінген мектеп ұжымы қай істе болмасын ауызбіршілікпен жұмыс жасайды. Талай таланттың талабын шыңдаған білім ордасының алар асуы, шығар биігі, бағындырар белесі әлі алда деп ойлаймыз.

Жалағаштағы талай таланттың талабын шыңдаған білім ордасы 

<a href="https://kyzylorda-news.kz/ru/">Kyzylorda-news.kz</a>. Ұлттық болмысты дәріптеу, өнер асылын ардақтау – бірлікке бастайтын басты құндылық. Әсіресе ұлтаралық ынтымақ пен келешек кепіліне айналған мәдени байланыс арқылы халықтар қатынасын нығайту кезек күттірмейтін қадамға айналуда. Сыртқы күштің ықпалын тежеу, ішкі алауыздықты тыюда да аталған істің берері мол. Бұл бағытта Орталық Азияның өзара мәдени қарым-қатынасын баса айту жөн секілді. Жыл сайын көптеген халықаралық байқау ұйымдастырып, халықтар достығын дәріптейтін өнер фестивалін өткізу бәсеңдеген емес. Сыр жастары да түрлі додаларда топ жарып, ұлттық өнерді дәріптеуге көшкен. Сондай дарынды жастардың бір шоғыры М.Мәметова атындағы Қызылорда педагогикалық жоғары колледжінде шоғырланған.Колледж студенттері шетелдегі жарыстардан қапы қалмай, үнемі бақ сынап жүреді. Мәселен, жуырда түркі әлеміне танымал «Бала чак» конкурс-фестиваліне қатысып, бірнеше студент жүлдеге кенелді. Байқау қатысушылары қобыз, домбыра, баян музыкалық аспаптары мен вокалдық шеберлік, би бағыты бойынша сынға түсіп, өзара мықтыны анықтайтын. Үздік деп танылған жас қатысушылар тек өз елінде емес, Орталық Азия көлемінде шеберлігін шыңдауға мүмкіндік алғаны бар. Сол жылы қызылордалық өнерпаз Дінмұхаммед Әуелхан күй домбыра аталымы бойынша I орынды еншілеп, Сыр елінің абыройын асқақтатқаны есімізде.Байрақты бәсеке биыл да жалғасын тапты. Бұл жолы дәстүрлі форматта ұйымдастырылып, таланттарға жүзбе-жүз пікір алмасуға жол ашылды. Халықаралық дәрежедегі байқауда Сыр елінің намысын қорғау үшін қос үміткер – Марлен Смағұлұлы, Ерсұлтан Қайболла аттанды. Өнер додасында үмітті ақтаған оғландар олжалы оралып, домбыра аталымы бойынша бас бәйге мен II орынды еншіледі.<blockquote>– Өнерсүйер кауым мен күй тыңдаушысы барда өнердің аласармасы анық. «Бала чак-2022» байқауы кәсіби шеберлікті арттыруға көп көмегін тигізіп, таным көкжиегімді кеңейтті десем артық емес. Себебі жан-жақтан жиылған жас өнерпаздардың жеңіске ұмтылысы мен білімін жетілдіруге деген құлшынысы ерекше шабыт сыйлады. Оған қоса қазақтың күйшілік дәстүрін, дәулескер күйшілер мұрасын әлемге танытудың өзі – үлкен бақыт, – дейді Ерсұлтан Қайболла.</blockquote>Расында, жас күйшілердің алға қойған арман-тілегі асқақ, қадамы нық. Бауырлас қырғыз еліне барғанда да еңсесін тік ұстап, ұлық өнердің лайықты ізбасары екенін дәлелдей білді. Марлен Смағұлұлы «Науаи», «Қатпартас» күйін нақышына келтіре орындаса, Ерсұлтан Қайболла «Шаттанамын, “Қара жорға” күйін орындауда шеберлік көрсетті. Осылайша 2 кезеңнен тұрған жарыста алдына қара салмай, сырбойылық дарындар оза шапқан еді.Бас бәйгені иеленген Марлен Смағұлұлы – бұған дейін күй сайысымен қатар ән байқауында да олжалы оралып жүрген талант. Бала кезінен музыкаға үйір жас домбыра аспабы бойынша алғаш сынға түсіп, бағы жанды. Өнердің жаттығы жоғын аңғарған дарын өзге де халықаралық жарыстарға қатысып, ұлттық аспапты дәріптеуге ниетті. Бұл бағытта жүйелі жоспар құрып, кезекті биікті бағындыруды көздеуде.<blockquote>– «Бала чак-2022» жаңа мүмкіндік есігін ашты. Бұған дейін түрлі деңгейдегі вокалдық жарыстарда қарым-қабілетімді көрсетуге шамам жетсе, енді күй жанрында сынға түсуге мүмкіндік алдым. Аталған конкурс домбыра аталымы бойынша қатысқан алғашқы өнер додасы болғандықтан қобалжу болғаны шындық. «Үмітті ақтай аламын ба?» деген сұрақ мазалап, дайындықты күшейтуге тырыстым. Орындаған шығармам көркемдік көрсеткіш, техникалық ерекшелік тұрғысынан салмақты екені мәлім. Сондықтан байқауға қатысу мойынға түскен жүкті еселеді. Дегенмен қазақ халқының ұлттық құндылығын жеткізуге деген ұмтылыс нәтиже беріп, лайықты өнер көрсете білдік, – дейді жас талант Марлен Смағұлұлы.</blockquote>Сырбойылық дарындардың ұлттық мұраға деген адалдығына тәнті болғанымыз жасырын емес. Әйтсе де мұндай табанды талпыныс пен мақсаттың іргетасы ұстаз тағылымында жатыр. М.Мәметова атындағы Қызылорда педагогикалық жоғары колледжінде білім алатын жас күйшілер өнерге баулыған ұстазына алғысын білдіруден жалыққан емес. Қос дарынның жетекшісі Нұрбек Жүзбенбетов жас өреннің бойындағы қабілетті дөп басып, бабын келтіре додаға қосуда кәсібилік таныта білген. Байқауда орындайтын шығарманы талдау, шәкірт санасына тарихын сіңіру ісін негізгі ұстын еткен ұстаздың өз жетістігі де аз емес. Көптеген халықаралық, республикалық байқауда топ жарып, орындаушылық қырын мойындата білді.<blockquote>– Қадыр ақынның «Нағыз қазақ қазақ емес, нағыз қазақ – домбыра» пайымы аспаптың мән-маңызын жеткізе білді деп ойлаймын. Себебі сан тарау қазақ күйлері елдің өткені, қиындығы, береке-бірлігі, мәртебесін бойына тоғыстыра білді. Ұлттың жадына, сана-сезіміне айналып, өнер мен халықтың бір ұғымға айналуына әкелді. Домбыраның қасиетін таныған дауылпаз күйшілер халықтың басынан өткен тарихты сөзсіз жеткізу шеберлігін игерді. Бұл – екінің біріне беріле бермейтін құндылық. Осындай құндылықты еркіндік, азаттық күресінде, жаңа заманды қалыптастыру жолында ту етіп, ұлтты ұйыстыра алды.Шәкірт даярлау барысында да осы ұстанымды назарға алуға тырысамын. Музыка – тек өнер емес, халықтың болмысы, өткеннің сарқыншағы. Егер шәкірт алдымен домбыраның қазақ өміріндегі алар орнын, мазмұнын бағамдай алса, шеберлікке жету жолы жеңілдей түседі. Күйлердің мінез-құлқы, қағыс ерекшелігі де мазмұнда жатыр. Сондықтан болар қазақ қуанса немесе қапаланса, домбыраға қол созған, күймен жұбанған, – дейді жетекші.</blockquote>

Қызылорда: Колледж студенттері шетелдік додада топ жаруда

<a href="https://kyzylorda-news.kz/">Kyzylorda-news.kz.</a> Президент Қасым-Жомарт Тоқаев табиғатқа зиян келтіріп, қоршаған ортаны ластағандарға айыппұл көлемін арттыруды және еліміздегі мектептерде экология пәнін енгізуді тапсырған болатын. Осыған орай, соңғы жылдары «Эко мектеп» жобасы аясында Қазалы ауданында экологиялық шаралар ерекше қарқын алуда. Жергілікті білім бөлімінің қызметкерлері жобанының негізгі мақсаты – педагог қызметкерлердің, оқушылардың, ата-аналардың қатысуымен оқытудың экологиялық бағыты саласына тиімді білім беру моделін енгізуді көздейді. Сонымен бірге, экологиялық табиғатты қорғау бағытында практикалық дағдысы бар тұлға қалыптастыру жобаға қатысатын мектептердің басты бағыты саналады. Қазіргі таңда жобамен жұмыс істейтін оқушылар қатары артып, өнертапқыш өрендердің тобы «Жасыл мектеп» жобасы аясында айтулы тірлік атқарып отыр.Оқу жылы басталғаннан бері мектеп ғимаратының ішінде жылыжай жасауға арнайы бөлме бейімделген. Алғашында оқушылар мұнда бөлме өсімдіктерін, көкөністер өсіріп, тәжірибе жасауды бастап кетті. Ең қызығы сол, мектеп оқушылары пән мұғалімдерімен бірлесіп, бірнеше айға созылған зерттеу нәтижесінде өсімдікке қажетті тыңайтқыштарды қолдан жасап шығарды.&nbsp;<blockquote>«Қазіргі таңда өзіміздің мектепте өндірілетін тыңайтқышты биология пәнінің мұғалімдері мен дүниетануға қызығушылығы мол оқушылар ойлап тапты. Оған құнарлы «Биогумус» деген атау беріп, білім ордасының эмблемасын жапсырдық. Наурыз айында демеушілер арқылы 6\3 шаршы метр көлеміндегі жылыжай сатып алдық. Онда оқушыларымыз зертханалық жұмыстар жасап, ғылымға бет бұрып келеді. Әзірге жылыжайға қызанақ, қияр, декоротивтік бөлме гүлдерін отырғыздық. Өзіміздің тыңайтқышпен күтіп-баптаймыз. Бұдан бөлек, көктем айларында мектеп ауласына жеміс ағаштарынан тұратын бірнеше аллея жасалды. Аталған жұмыстарға ата-аналар да қол ұшын созып, барынша жан-жақты шамасы жеткенше атсалысып жатыр», – дейді Сәкен Сейфуллин атындағы №165 орта мектеп директоры Қымбат Сермахан.&nbsp;</blockquote>Осыған орай, Қазалы аудандық білім бөлімінің басшысы Әділхан Жөлекешов эко жоба аясында ашылған жылыжайдың жұмысымен, оқушылардың ашқан жаңалықтарымен арнайы уақыт бөліп, танысып қайтты. Бас ұстазға мектептің 10-сынып оқушысы Нұржан Теңізбай информатика пәнінің мұғалімі Гүлнар Айгелдиеваның жетекшігімен жасап шығарған «Субұрқақ» құрылғысын көрсетті. Бұл технология ауладағы бақшалықты автоматты түрде суғара алады. Құрылғының «миына» тіршілік нәрін барынша үнемдеуді қамтамасыз ететін бағдарлама орнатылған.&nbsp;Бұдан бөлек, 10-сыныпта білім алатын Нұрбек Амангелді бөлме өсімдіктерінің топырақтарының ылғалдылық деңгейін анықтайтын «Шөлдедім» деп аталатын құрылғы ойлап тапты. Арнайы құрылғы топырақ құрғаған жағдайда «Шөлдедім, су ішемін» деп хабар берсе, суарылған соң «Су қандай дәмді! Рахмет» деп алғысын білдіреді. Бөлме өсімдіктерінің уақытылы суғарылуын реттеп отыруға арналған «Шөлдедім» информатика пәнінің мұғалімі Бағымкүл Баймаханованың жетекшілік етуімен ойлап шығарылды.&nbsp;<blockquote>«Оқушылардың бойында өнертапқыштық құзіреттілікті қалыптастыру, кіші ғылыми жобаларға бейімдеу мақсатындағы жұмыстар әр мектепте осылай жүйелі ұйымдастырылса, технократ шәкірт тәрбиелеуіміз әлдеқайда жеңілдейтіні анық. Балалардың қоршаған ортаны сақтау, оны зиянды әрекеттерден қорғау туралы түсінігі кеңейіп, туған жеріміздің дамуы жеделдейді. Осы жасында таңғаларлық құрылғы жасап шыққан шәкірттеріміз келешекте сумен жүретін көлік ойлап табатынына күмәндана алмаймыз. Құмның ортасында орналасқан мектеп ауласын жасыл-желекке айналдыру да, директордың жұмысқа деген ынтасын суреттейді деп ойлаймын. Тек, осы бағыттағы қарқынды бәсеңдетіп алмай, балаларға нәтижелі бағыт-бағдар көрсетуден жаңылмауымыз керек», – деді Қазалы аудандық білім бөлімінің басшысы Әділхан Жөлекешов.</blockquote>Ұлағатты ұстаздар «Жасыл мектеп» жобасына орай сынып сағаттарын өткізу арқылы тұтас экологиялық дүниетанымды қалыптастыруда. Бұл бағдарлама алдына бірнеше міндеттер қояды. Дегенмен, соның барлығы табиғатпен үйлесімді өмір сүруге қабілетті, жан-жақты дамыған тұлғаны тәрбиелеуге бағытталған. Ең алдымен балалардың санасына жауапкершілікті, экологиялық мәдениетті қалыптастыру Сәкен Сейфуллин атындағы №165 орта мектептің мұғалімдері үшін өте маңызды.Айта кету керек, «Жасыл мектеп» жобасы аясында ауданның білім беру ұйымдары бірқатар бағытта жұмыс істеп келеді. Атап айтқанда, оқушылар мен ұстаздар биоалуантүрлілік, баламалы энергия көздері, су ресурстарын үнемдеу, қалдықтарды өңдеу, ақпараттық-экологиялық шаралар, дұрыс тамақтану және мектеп жылыжайын баптау ісіне ізденіс жасау арқылы жаңашылдық әкелуде.

Қазалыда «Жасыл мектеп» жобасы аясында айтулы тірлік атқарылып жатыр

<a href="https://kyzylorda-news.kz/">Kyzylorda-news.kz.</a> ҚР Оқу-ағарту министрлігі мемлекеттік қызметкерлерге, бюджет қаражаты есебінен ұсталатын ұйымдардың қызметкерлеріне, қазыналық кәсіпорындардың қызметкерлеріне еңбекақы төлеу жүйесіне түзету жобасын әзірледі.Түзетулер Мемлекет басшысының 2022 жылғы 1 қыркүйектегі «Әділетті мемлекет. Бір халық. Гүлденген қоғам» Қазақстан халқына Жолдауын жүзеге асыру шеңберінде білім беру қызметкерлерінің әлеуметтік жағдайы мен жалақысын өсіру мақсатында әзірленген.&nbsp;Жобаны іске асыруға республикалық бюджеттен 27 799 880 мың теңге қаражат қажет.Сондай-ақ «Мектепке дейінгі тәрбие мен оқытуды, орта білім беруді жан басына шаққандағы нормативтік қаржыландыру әдістемесін бекіту туралы» Қазақстан Республикасы Білім және ғылым министрінің 2017 жылғы 27 қарашадағы &nbsp;№597 бұйрығына бірқатар өзгеріс енгізіледі.&nbsp;Жоба 2023 жылдың 5 мамырына дейін қоғамдық талқылау үшін «Ашық НҚА» порталында орналастырылған.2023 жылғы 16 қаңтарда Қазақстан үкіметі азаматтық қызметшілерге, мемлекеттік бюджет есебінен ұсталатын ұйымдардың қызметкерлеріне, қазыналық кәсіпорындардың қызметкерлеріне еңбекақы төлеу жүйесіне өзгерістер енгізді. Нәтижесінде аталған санаттағы қызметкерлердің жалақысы өсті.

Балабақша тәрбиешілерінің жалақысы өседі

<a href="https://kyzylorda-news.kz/">Kyzylorda-news.kz.</a> Жуырда №36 Ә.Тәжібаев атындағы мектеп-лицейі жанындағы «Балапан» орталығының тәрбиеленушілері республикалық «Жібек жолы» байқауында топ жарып, ауданның абырой-мерейін тасытты.«Балапан» шағын орталығының өнерлі балғындары эстрадалық және аспапта орындау жанры бойынша байқаудың жүлдегері атанып отыр. Кішкентай бүлдіршін Шахназ Өтеш «Біз бақытты баламыз» әнін орындап, Гран-При жүлдесін қанжығасына байлады. Бүлдіршінді байқауға дайындаған жетекшісі Әлия Тоқшылыққызына «Үздік жетекші» номинациясын иеленді.Алайда байқауда ерекше өнер көрсетіп, «Аспаптар әнін» нақышына келтіріп, ұлттық аспапта ойнау арқылы әнді үздік орындап шыққан сырдариялық балапандар да байқаудың бас жүлдесін жеңіп алған болатын.<blockquote>Бүлдіршіндерді өнерге баулып, республикалық деңгейдегі байқауға дайындаған орталықтың әуез жетекшісі Индира Қодарованың еңбегі жеткілікті. Кез келген &nbsp;баланың шығармашылық қабілетіне қарай аспап таңдап, оны меңгертіп, үйреткен ұстазға алғысымыз шексіз мол. Қызым Маржан 5 жаста. Биылғы оқу жылында орталыққа барған еді Республикалық байқауда қызым сылдырмақта ойнады. Сахнадағы өнерлерін тамашалап, тәнті риза болдық. Жетекшіге орасан рақмет, – дейді ата-ана Жамиля Молдахметова.</blockquote>Құрамында 7 өнерпазы бар шағын ансамбльде 4-5 жастағы Рамазан Төлебай, Айлин Ғалымжан, Айбын Алиасқар, Маржан Жармағанбетова, Арманжан Әшімов, Таңшолпан Әділбек, Бағжан Ибрагим өздерін үлкен сахнадағы өнерін жоғары деңгейде орындап шыға білді. Олардың әрқайсысы домбыра, шаңқобыз, сазсырнай, сылдырмақ, асатаяқ, даңғыра, тұяқтас секілді аспапта сәтті ойнап, қосыла ән айтқаны ұйымдастырушыларға аян. Өнер тобының жетекшісі И.Қодарова да «Үздік жетекші» номинациясымен марапатталған.Бүлдіршіндердің жетістігіне орай мектеп-лицей директоры Ж.Төреқұлова қабылдау жасап, құттықтады.<blockquote>Балғындардың республикалық де¬гейдегі байқауда топ жаруы – үлкен жетістік. Бұл – әрине, ұстаздарының еңбегі саналады. Жас дарынды өнерге баулып, шығармашылық қабілеттерін шыңдап, өнерге деген қызығушылықтарын арттырып, бәйгеге қосып, қос бірдей жүлдемен оралу – керемет жетістік. Шағын орталықтағы бүлдіршіндердің болашақта қазақ өнеріне деген сүйіспеншілігі одан сайын артатын болады, – дейді мектеп-лицей директоры.</blockquote>50 жуық өнерлі бүлдіршін қатысқан байқаудың жеңімпазы Шахназға Гран-При жүлдегері ретінде Астана қаласында өтетін байқауға жолдама тапсырылды. Жас өнерпаздың ән қанатындағы биік белесіне сәттілік тілейміз!&nbsp;

Сырдариялық бүлдіршіндердің жеңісі

<a href="https://kyzylorda-news.kz/">Kyzylorda-news.kz.</a> Қызылорда облысында 1 сәуірден бастап жалпы орта білім беретін мектептерге бірінші сыныпқа құжаттарды қабылдау басталды. Бүгінде 6289 баланың құжаты қабылданған. Оның ішінде, &nbsp;90 пайызы мемлекеттік тілде оқуды таңдаған. Бұл туралы Өңірлік коммуникациялар қызметінің ақпарат алаңында өткен брифингте облыстық білім басқармасы басшысының орынбасары Бағдат Бердаулетов мәлімдеді.Сала маманының айтуынша, құжаттарды қабылдау уақыты 1 сәуір мен 1 тамыз аралығында жүргізіледі. Сондай –ақ жаңа оқу жылында 1 сыныпқа 17 615 оқушы қабылданады деп күтілуде.&nbsp;<blockquote>«Құжатты үйде отырып тапсыруға болады. Ол үшін «Электрондық үкімет» Egov.kz порталы арқылы электронды түрде тапсыруға болады. Электронды түрде тапсыруға мүмкіндік болмаған жағдайда қағаз түрінде қолма-қол жүзеге асырылады. Бірінші кезекте өтініштерді осы мектептің жанында тұратын ықшамаудан тұрғындары береді. Баланың жасы мектепке қабылданар уақытта алты жасқа толуы міндетті. Ал жасы жетпесе тек ата-анасы немесе заңды тұлғалары қалаған жағдайда мектепке бару мүмкіншілігі бар. Мектепке қабылдану кезінде балалар ешқандай емтихан тапсырмайды. Сондай-ақ, мектептерде «Өз-өзіне қызмет көрсету» бұрыштары ұйымдастырылған», - деді Бағдат Камбозұлы.</blockquote>

Қазақстан және Қызылорда облысының жаңалықтары: Білім