<a href="https://kyzylorda-news.kz/">Kyzylorda-news.kz.</a> 1 қыркүйектен бастап елордада арнаулы орта білім беру саласында жаңа жүйе іске қосылады. Бұл туралы Астана қаласы білім басқармасының басшысы Қасымхан Сенғазиев толығырақ айтып берді.<blockquote>«Биыл алғаш рет колледждерде 10-11 сынып оқушыларына арналған эксперименттік білім беру бағдарламалары бойынша қабылдау жүргізілді. Нәтижесінде 270 оқушы қабылданды. Олар 1,5 жылдан кейін білім туралы аттестатпен қатар жұмыс біліктілігі бар диплом алып шығады», - деді Қасымхан Сенғазиев Астана қаласы коммуникациялар қызметі алаңында өткен баспасөз мәслихатында.</blockquote>Білім басқармасы басшысының мәліметінше, елордада 33 колледж бар. Онда 75 мамандық және 122 біліктілік бойынша кадр даярланады. Биыл елорда колледждерінде оқуға 11 937 өтініш тсүкен.Айта кетейік, бүгін елордада жаңа оқу жылына дайындық барысы пысықталды. Қалалық білім басқармасының басшысы білім беру ұйымдары <a href="https://www.inform.kz/kz/elorda-mektepteri-100-beynebakylau-kameralary-zhane-turniketpen-kamtylgan_a4101755">қауіпсіздік құралдарымен</a> толық қамтылған деп сендірді.

Оқушыларға аттестатпен қатар жұмыс біліктілігі дипломы беріледі

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университетіне Корея Республикасы Шинхан университетінің өкілдері жұмыс сапарымен келді.&nbsp;Делегация мүшелері – Шинхан университеті Ғылыми-зерттеу орталығының директоры Ким Чжонгкью, Зерттеу орталығы бөлімінің басшысы Ли Янгкей Қорқыт ата атындағы Қызылорда университетінің Басқарма төрағасы – Ректорының міндетін атқарушы, Әлеуметтік және тәрбие жұмыстары жөніндегі проректор Жандос Базартаймен және құрылым басшылары, профессор-оқытушылармен кездесті.&nbsp; Кездесуде экология, электр энергетикасы, ауыл шаруашылығы салалары бойынша жаңа жобаны жүзеге асыру талқыланды. &nbsp;Алдағы уақытта бірлескен білім беру бағдарламаларын оқыту, материалдық-техникалық базаны нығайту бойынша жұмыстар атқарылатын болады.&nbsp;Жиында Корея Республикасы Шинхан университетінің Өнеркәсіптік және академиялық ғылыми-зерттеу қызметінің ынтымақтастық қоры мен Қорқыт ата атындағы Қызылорда университеті арасындағы өзара түсіністік туралы меморандумға қол қойылды.Университеттің Басқарма төрағасы – Ректорының міндетін атқарушы, Әлеуметтік және тәрбие жұмыстары жөніндегі проректор Жандос Базартай білім ордасының академиялық және ғылыми әлеуеті, стратегиялық даму барысымен таныстырды.&nbsp;Кездесу барысында университеттердің екі жақты келісімшарты негізінде «Kazakhstan – Republic of Korea joint Laborаtory for E³ convergence technology &amp; Carbon Neutral Support» қазақ-корей біріккен ғылыми зерттеу зертханасының ресми ашылуы болды.&nbsp; Қонақтар «Физика-химиялық талдау әдістері» инженерлік бейіндегі зертханамен, ҚР еңбек сіңірген гидротехнигі М.Нәлібаев атындағы су шаруашылығы музейімен танысты. Сонымен қатар, Корей халқының ұлттық қаһарманы Хон Бом До мемориалына барып, тағзым етті. Айта кету керек, 2023 жылдың мамыр айында университеттің басшылығы бастаған арнайы делегация Оңтүстік Кореяның бірқатар жетекші ЖОО-ларында, сонын қатарында Шинхан университетінде болып, кездесу нәтижесінде өзара ынтымақтастық келісімге келген болатын. Кері байланыс ретінде, 5 шілдеде Шинхан университетінің Президенті Кан Сон Чжон (Kang Seong Jong) бастаған арнайы делегация Қорқыт ата университетінде болып, зерттеу және білім беру саласындағы бірлескен ғылыми-зерттеу жобаларын әзірлеу, біліммен, тәжірибемен және басқа да тиісті ақпаратпен алмасу мақсатында екі жақты меморандумға қол қойылған болатын.

Шинхан университеті мен Қорқыт ата атындағы Қызылорда университеті бірлескен жобаларды іске асырады

<a href="https://kyzylorda-news.kz/">Kyzylorda-news.kz.</a> Қызылорда қаласында 5-30 тамыз аралығында «Мектепке жол» жалпы республикалық акциясы аясында оқушылардың мектеп формасына арналған жәрмеңке өткізіліп жатыр.&nbsp;Ал аудандарда аталмыш акция 16-21 тамыз аралығында жалғасады. Бұл жәрмеңкеге жергілікті «Ас-Ка» ЖШС, «Ақжүрек мүгедектер қоғамы» ҚБ, «Айша-бибі» тігін цехы және тағы да басқа кәсіпкерлер өз өнімдерін облыс тұрғындарына ұсынбақ ниетте. Жәрмеңкеде мектеп формалары нарық бағасын төмен әрі жоғары сапада сатылымға шығады. Сондай-ақ, әлеуметтік жағдайы төмен отбасыларына да арнайы жеңілдіктер қарастырылған.

Қызылордада мектеп формасына арналған жәрмеңке өтуде

<a href="https://kyzylorda-news.kz/">Kyzylorda-news.kz.</a> Жаңа оқу жылынан бастап колледж студенттерінің стипендсиясы тағы 50 пайызға өседі. Бұл туралы Оқу-ағарту министрі Ғани Бейсембаев хабарлады.<blockquote>«Мемлекет басшысының тапсырмасы бойынша техникалық және кәсіптік білім беруге мемлекеттік тапсырысты ұлғайту жұмыстары белсенді жүріп жатыр. Биыл аталған салаға 133 мың грант бөлінді. Оның 60% техникалық мамандықтарға бағытталды. Сондай-ақ, 1 қыркүйектен бастап колледж студенттерінің стипендиясы өткен жылғы деңгейден 50%-ға артады», - деді Ғани Бейсембаев Үкімет отырысында.</blockquote>Министрдің мәлімдеуінше, бәсекеге қабілетті кадрларды даярлау мақсатында, міндетті жұмысқа орналастыру талабымен 10 мың орын бөлінді.<blockquote>«410 колледжді кәсіпорындар өз қамқорлығына алып отыр. Айта кетсек, бірқатар өңірде техникалық және кәсіптік білім беруді дамытуда оң нәтиже бар. Мәселен, Алматы қаласында техникалық және кәсіптік білімді дамыту бойынша 2023-2030 жылдарға арналған «Жол картасы» әзірленді. 600 колледж педагогы шетелдік тағылымдамадан өтеді. Дуалды оқыту шеңберінде тәлімгерлік институтын дамыту, 1200 орындық екі колледж және жатақхана салу жоспары бар», - дейді ведомство басшысы. &nbsp;</blockquote>

1 қыркүйектен бастап колледж студенттерінің стипендиясы 50 пайызға артады

<a href="https://kyzylorda-news.kz/">Kyzylorda-news.kz.</a> Оқушылардың қауіпсіздігін сақтау мақсатында ел мектептерінде рұқсаты бар күзетпен қамту шаралары қолға алынып жатыр. Кейбір өңірде мәселеге баса назар аудару қажет. Бұл туралы Оқу-ағарту министрі Ғани Бейсембаев мәлім етті, деп хабарлайды <a href="https://www.inform.kz/kz/mektepter-84-licenziyalangan-kuzetpen-kamtylady_a4101249">ҚазАқпарат</a>.<blockquote>«Білім беру ұйымдарында балалардың қауіпсіздігін қамтамасыз ету мәселесі бойынша келесі жұмыстар жүргізілді. Алдымен мектептерді ішкі істер органдарының жедел басқару орталықтарына қосу. Ұлттық білім беру деректер базасына сәйкес бұл көрсеткіш 12 тамызда 83% болды. Егер жыл басында 1 673 мектеп қосылған болса, қазір бұл көрсеткіш 3 103 мектепке артып отыр. Алайда Алматы, Атырау және Қарағанды облыстарының әкімдіктері бұл жұмысты баяу жүргізіп жатыр. Сондықтан аталған өңірлер өзіңіздің тапсырмаңызға сәйкес жедел басқару орталықтарына қосылу бойынша жұмысты 25 тамызға дейін аяқтауы қажет», - деді Ғани Бейсембаев Үкімет отырысында.</blockquote>Сондай-ақ министр мектептердегі күзет мәселесін қозғады.<blockquote>«Лицензияланған күзет агенттіктерімен жасалған келісімшарттар негізінде жұмыс жүріп жатыр. Қазір бұл бағытта 84% жұмыс жүргізілді. Дегенмен Түркістан және Алматы облыстарының бұл бағыттағы жұмысы баяу екенін атап өткім келеді. Сонымен қатар дабыл түймелерін мектептердің 89%-ы орнатты. Егер жыл басында дабыл түймелері бар 1 789 мектеп болса, бүгінгі күні 1,9 есе (3 327 мектеп) өскенін атап өткім келеді.</blockquote>Оның айтуынша, Түркістан облысы, Ақтөбе және БҚО әкімдіктері аталған мәселені жүйелі түрде қатаң бақылауда ұстауы қажет.

Мектептер 84% лицензияланған күзетпен қамтылады

<a href="https://kyzylorda-news.kz/">Kyzylorda-news.kz.</a> Балабақша тәрбиешілерінің жалақысы тағы көтеріледі, деп хабарлайды оқу-ағарту министрлігі.Мектепке дейінгі білім беру депаратментінің басшысы Наталья Жұмаділдаеваның айтуынша, соңғы үш жылдың ішінде білім беру қызметкерлерінің жалақысы жыл сайын 25 пайызға көтеріліп тұрды. 2023 жылы қыркүйектің 1-інен бастап тағы 30 пайызға артады. Осылайша, 97 мыңнан астам мұғалімнің жалақысы 2,5 есеге өседі.<blockquote>«Мектепке дейінгі, орта, техникалық және кәсіптік білім беруді дамытудың 2023-2029 жылдарға арналған тұжырымдамасы қабылданды. Әдістемелік кабинеттер жанынан мектепке дейінгі тәрбие мен оқыту педагогтарына әдістемелік көмек көрсету үшін мобильді топтар құрылды», - дейді Жұмаділдаева.</blockquote>Айта кетері, бүгінде 39 жоғары оқу орны мен 119 колледжде «Мектепке дейінгі тәрбие және оқыту» бағыты бойынша маман даярланады. Оған қоса, колледждер мектепке дейінгі ұйымдармен бірлесіп өңірлік ерекшеліктерді ескере отырып, «Педагог» кәсіби стандарты негізінде білім беру бағдарламаларын әзірлейді және оқу бағдарламалары мен жоспарларын жаңартып отырады.Сондай-ақ, педагогикалық колледждерге қойылатын біліктілік талаптары қайта қаралды. Биыл мектепке дейінгі білім беру мекемелерінің 20 мыңнан астам педагогы біліктілікті арттыру курстарынан өтеді.

Тәрбиешілердің жалақысы өседі

<a href="https://rus.azattyq-ruhy.kz/society/47533-stroitelstvo-shkol-na-dengi-korruptsionerov-na-spetsschet-postupili-120-mlrd-tenge">ФОТО</a><a href="https://kyzylorda-news.kz/">Kyzylorda-news.kz.</a> Биыл тамыз айының соңына дейін 460 мыңға жуық оқушыны мектеп формасымен, кеңсе заттарымен қамтамасыз ету бағытында отбасыларға көмек беріледі. Бұл туралы Оқу-ағарту министрлігі жеткізді. &nbsp;<blockquote>«Жыл сайын Қазақстан Республикасы Үкіметінің 2008 жылғы 25 қаңтардағы № 64 Қаулысына сәйкес, жергілікті бюджет қаражаты есебінен аз қамтылған отбасылардағы оқушылар 100% мектеп формасымен және кеңсе тауарларымен қамтамасыз етіледі. 2022 жылдан бастап материалдық көмек көрсету мектеп формасы мен кеңсе тауарларын сатып алу үшін ата-аналардың карта-шоттарына ақша аудару арқылы жүзеге асырылады. Сондай-ақ, бұл тәсіл әр балаға көмек көрсету қаражатының көлемін реттеді (ең төменгі күнкөріс деңгейінен төмен емес, 2023 жылы - 40 567 теңге)», - делінген Оқу-ағарту министрлігінің «ҚазАқпарат» агенттігіне берген жауабында.</blockquote>Жергілікті атқарушы органдардың ұсынған ақпаратына сәйкес, биыл жалпыға бірдей білім беру қоры 65 млрд теңгеден астам соманы құрады. Оның ішінде киіммен, аяқ киіммен және кеңсе заттарымен қамтамасыз етуге 18 млрд теңге бөлінді.<blockquote>«Бұл қаражатқа 458 299 оқушыға материалдық көмек беру жоспарланған. 2023 жылғы 10 тамыздағы жағдай бойынша өңірлер 313 150 баланы (68,3%) қамти отырып, ата-аналар шотындағы картаға 12 млрд теңгеден астам қаржы аударған. Биылғы тамыз айының соңына дейін өңірлерде жергілікті бюджеттен ата-аналардың шоттарына 100% қаражат аудару ескерілген», - деп аталып өткен министрлік ақпаратында.</blockquote>

Отбасыларға бір реттік көмек ретіндегі қаражат айдың соңына дейін аударылады

Kyzylorda-news.kz. Таяуда мемлекет басшысы Қасым-Жомарт Тоқаев Түркістанда өткен Ұлттық құрылтайда біршама мәселелерге тоқталып өткен болатын. Соның ішінде мектеп оқушылары арасындағы білім мен тәрбие жөнінде де айтып өтті. Мектеп оқушылары арасында жалпыадамзаттық және ұлттық құндылықтарды дәріптеу туралы да міндет қоя отырып, Мемлекет басшысы «Отаншылдық және мемлекетшілдік қасиет әр баланың бойынан табылуы керек» деп атап көрсетті. Оған қоса балалар мен жасөспірімдерді тәрбиелейтін патриоттық ұйымдардың жұмысын жандандыру керек деп те тапсырма берді.Асқақ арманмен баласын мектеп қабырғасына сенімді түрде тапсырған әр ата-ананың көкейінде «тентек оқушылар балама әлімжеттік жасамайды ма екен?» деген сынды сауал туындары анық. Тіпті бүгінгі күні оқушылар арасындағы жайсыз жағдайларды көз көріп, құлақ естіп те жүргені рас. Мұндай жаңалықтан ақпараттанып жүрген барлық ата-ана өз баласының жүріс-тұрысына аса назар аударатыны белгілі.Иә, әр сыныпта ашушаң, мінез-құлқы өте ауыр бір оқушы болады. Ондай оқушылар өз қатарластарын сөзбен келемеждеп, кемсітсе, кей кездері күш жұмсап замандасына психологиялық қысым келтіріп жатады. Мұндай жағдайды көбіне «bullying» деп атайды. Яғни, бұл қорқыту деген мағынаны білдіреді екен. Негізінен ата-ана баласын жаман болып, қисық жолмен жүрсін деп тәрбиелемейді. Смартфонға телмірген бүгінгі қоғам бүлдіршіндерінің психологиясы мүлдем бөлек десек те болады. Себебі кішкентай көгілдір жәшік ішіндегі түрлі ұрып-соғу мен атыс ойындарын ойнайтын бала, қатарласы түгілі ересек адамды да аямасы анық. Міне, осындай ойындардың кесірінен мектеп қабырғасында ер балалар арасындағы әлімжеттік оқиғалары көбеймесе кемімесі белгілі. Расымен, әлімжеттік әрекеттер ертеден бар дүние. Дегенмен ол кезде бүгінгідей қатыгездік пен жауыздық әрекеттерге бара бермейтін. Өкінішке орай, қазіргі баланы смартфон құрылғысы тәрбиелеп отырғаны рас.Бүгінгі мәселеге орай мектеп психологын әңгімеге тартқан болатынбыз. Бұл жөнінде М.Жаңабайұлы:<blockquote>– Балалардың барлығы мектеп қабырғасында орын алып жатқан жағдайларды ата-анасына айта бермейді. Тіпті оған әлімжеттік көрсеткен балалар «егер біреуге тісжарар болсаң, сені жайдан жай қалдырмаймыз» деп қорқытуы да мүмкін ғой. Сол үшін әлімжеттіктің құрбаны болған бала психологиясы өзгеріп, қатты тұйықталып кетеді. Кей кездері сабақ үлгерімі де нашарлап, қатарластарымен ойнап-күлуден қалып жатады. Бұл жағдай әрі қарай жалғасын таба беретін болса, баланы өз-өзіне қол жұмсауға дейін апарады. Мұндай жағдайда баламен ашық түрде сөйлесіп, оған сенім білдіргеніміз жөн. Осы жағдайға байланысты бізде мектепте оқушылардан түрлі психологиялық тест сынақтары алынып, кері байланыс орнатып отырамыз,–дейді.</blockquote>Психологтың айтуынша, өз отбасында әлімжеттіктің құрбаны болған бала сыртқы ортада жанындағыларға соны қайталайды екен. Яғни, өзінің әлсіздігін байқатпау үшін, өзінен әлсізді тауып алады. Сол үшін отбасындағы бала тәрбиесіне келгенде бей-жай қарамау керектігін айтты.<blockquote>– Мен баламмен күнделікті кешкі ас уақытында бүгінгі мектептегі күні қалай өткендігін сұрап, қандай жағдайда болмасын баламен барынша ашық сөйлесуге тырысамын. Сол кезде ғана оның қай тұстан абдырап, не айтарын білмей қалғанынан-ақ оның қысым көріп жүргендігін аңғаруға болады. Негізінен мектепте оқушыларға өз құқығын қорғау жөнінде сабақтар өткізіліп, көмек көрсетілсе жақсы болар еді. Себебі әлімжеттікке ұшырап, кімнен көмек сұрарын білмей қалған балаға бұл әлдеқайда пайдалы болар еді. Сол себептен атаулы мәселені осы бастан қолға алар болсақ, толықтай жоюға да негіз болары сөзсіз,–дейді ата-ана Г.Өтепқызы.</blockquote>Дана халқымыз «Қызға қырық үйден тыйым, ұлға отыз үйден тыйым» деп бекер айтпаса керек-ті. Яғни, халқымыз ерте кезден бала тәрбиесіндегі шектеулер мен тыйымдарды нақты айтып отырған. Бүгінде атадан қалған асыл сөздің ешқандай мәні қалмаған секілді. Бала тәрбиесіне келгенде кей ата-ана оны шектен тыс еркелетіп, сұрағанын алдына әкеп беріп отырады. Таңның атысынан кештің батысына дейін «осы бала тыныш болсын» деп қолына ұялы телефонды ұстатып, артық мәселе туындатқысы келмейтін жандар да жоқ емес. «Ашығын айтсақ, қазір жас ұрпақ әлеуметтік желі арқылы тәрбие алып жатыр. Баланы дұрыс бағытқа бұрып, жол көрсетіп отырмасақ, бұл – өте қауіпті үрдіс. Ғаламтор арқылы жат діни ағымдардың құрығына түскен жастар да бар. Ұрпақтың бойында жаман әдет болса, бұл – ең алдымен, үлкендердің кінәсі. Біз жастарды жаһанданудың қатерлі ықпалынан барынша сақтауға міндеттіміз»-деген болатын мемлекет басшысы Қасым-Жомарт Тоқаев. Сол себептен «Тәрбие тал бесіктен» демекші, баланы шаңырақ басынан бастап тәрбиелеп, мектеп қабырғасында балаларға Отаншылдық қасиетті үлгі ете білген жөн.

Мектеп қабырғасындағы тәрбие басты назарда

Kyzylorda-news.kz. Президент Қасым-Жомарт Тоқаевты «Мен сайлауалды сөздерімде ауылды өркендету ісіне баса назар аудардым. Бүгінде Қазақстан халқының 40 пайызға жуығы ауылда тұрады. «Ауыл – ел бесігі» деп халқымыз бекер айтқан жоқ. Сондықтан ауылдағы жағдайды жақсарта алмасақ, бәрімізге сын.Сол үшін мен бүгін ауылды дамыту мәселесі туралы Жарлыққа қол қоямын. Осы құжат арқылы Үкіметке ауылды дамытудың 5 жылға арналған нақты жоспарын әзірлеуді тапсырамын. Бұл менің жаңа президенттік мерзімдегі бірінші Жарлығым болады. Үкімет ауылды дамытуға арналған барлық жобаны жүйелі түрде реттеп, жи-нақтауға тиіс. Содан кейін мақсатты түр¬де тиімді жұмыс жүргіземіз, – деген болатын.Қырға мойын бұрсаңыз тіршілігі тұрақты, еңбегі ырғақты ағайынды көресіз. Шөбі шүйгін, жері жайлы мекеннің бүгінде жағдайы қалыпты. Сондай елдің бірі – Қосаман ауылдық округі. Орталығы – Қосаман. Округке &nbsp;Ақеспе қарайды. Теңіз бен жерді қатар емген Қосаманда жергілікті атқарушы органдарының басты қызметі Президентіміз Қасым-Жомарт Кемелұлы Тоқаевтың кезекті Жолдауынан туындайтын мәселелерді және бағдарламаларды іске асыру негізінде ауылдың әлеуметтік-экономикалық дамуына, білім берудің, денсаулық сақтаудың, ауыл шаруашылығын дамыту мемлекеттік бағдарламалардың орындалуы басты назарда ұстау болса, бұл үдеден ауыл әкімі Әлібек Ізбасаров ұдайы шығып келеді.Ауыл әкімдерінің құзыреттілігін нығайту үшін жергілікті өзін-өзі басқару және ауылдық аймақтарды дамыту бағыттары бойынша ауылдық округ әкімінің аппараты жергілікті мекеме басшыларымен және қауымдастық кеңестерімен, яғни ауыл тұрғындарымен бірлесіп түрлі сала бойынша халыққа қызмет көрсетіп келеді. Жыл көлемінде ауыл әкімшілігі, мектеп, клуб, медпункт, ветпункт ұжымдарымен бірлесіп қайырымдылық акциялары кезінде қамқорлықты қажет ететін отбасыларға ақшалай, заттай түрлі көмектер көрсетуде елмен бірге етене жұмыс жүргізген. Біз елдегі әр саланың тынысы мен тіршілігін, қалыпты жұмысы мен көрсеткіштерін білмекке ауылдық округ әкімі Ә.Ізбасаровпен тілдестік. 2005 жылы құрылған Қосаман ауылдық округі аудан орталығынан 120 шақырым қашықтықта орналасқан киелі мекен. Киелі деуіміздің себебі бұл ауыл осы маңда өмір сүрген Қосаман бабаның есімімен аталады. Тұрғызылған кесенесінің өзі тарихтан сыр тартатын көне жәдігердің құнды нысан екенін бірі білсе, бірі білмес. Сондай-ақ сіз бен біз тұтынатын сапалы әрі алтын суымыздың бастауы осы өңірден. Еліміз бойынша теңдессіз тіршілік нәрі пайда болатын өңір ендеше қасиетті емей немене?! Хош... Түгін тартсаң майы шығатын шұрайлы жердің көк майса алқабы бүгінде ауыл халқына тұтастай нәр. Иен даланың иірімінде, тағдырлы теңіздің солтүстік бүйіріне орын тепкен өлке жайында айтпағымыз әлі алда. Жер көлемі жағынан 10 144 гектар алқапты алып жатқан ауылда қазіргі таңда 120-дан астам түтін бар. Оның 70-тейі Қосаманда болса, қалғаны Ақеспе ауылына қарайды. Мыңның үстінде халқы бар. Барлығы да экономикалық белсенді халық санатында. Өйткені әрқайсысының өз тіршілігі бар. Жұмыссыз ретінде тіркелген 6 азамат демесеңіз, олардың өзі бүгінде өз тіршіліктерімен айналысып, ел қатарлы өмір кешуде. Әлеуметтік нысандар да бұл елдің қалыпты өмірінің кепіліне айналған. Себебі ауыл халқының көпшілігі 1 орта және 1 негізгі мектепте жұмыс жасайды. Одан бөлек 2 ФАП, 2 ауылдық клуб, 1 ветпункт, 2 кітапхана және «Нұра топтық су құбыры» РМК, «Арал» СЖКБД филиалының №1 су айдау станциясы жұмыс жасайды. Бұл мекемелерде жұмыс істейтін жұмысшылардың қатарында осы елдің азаматтары бар. Бүгінде ауыл халқының өзін-өзі жұмыспен қамтуына, кәсіппен айналысып, шағын және орта бизнес субъектілерінің санын арттыруға жұмыс жасау ауыл әкімі Ә.Ізбасаровтың ізгі ұстанымына айналған. Өйткені кәсіп бар жерде береке барын ел жете ұғынған. – Қазіргі таңда Қосаман ауылдық округінде 8 шаруа &nbsp;қожалығы және 41 жеке кәсіпкер тіркелген. Сонымен қатар округте кәсіпкерлікті дамыту бағытында қосымша шаралар қолға алынып, жұмыстар жасалуда. Ауылдық округ бойынша 2 азық-түлік дүкені, 1 қоғамдық монша жұмыс жасауда. Кәсіпкерлікті дамыту менің басты ұстанымдарының бірі десем болады. Сол үшін де округ бойынша жыл басынан бастап түрлі қаржы ұйымдарына жобалар ұсынылып, қолдау күтілуде. Бұл жұмыстар бұған дейін де қолға алынып келеді.Мәселен, 2023 жылы округте кәсіпкерлікті дамыту мақсатында «Бастау-Бизнес» бағдарламасымен 3 азамат &nbsp;оқып, қайтарымсыз қаржы алуға тиісті жұмыстар жүргізілуде. Қазіргі таңда кәсіп ашуға ниетті азаматтар тізімі жасақталды. Сонымен бірге алдағы уақытта «Ауыл аманаты» жобасы аясында төмендетілген пайызбен несие алуға ниетті азаматтарға құжат тапсыруға сүйемелдеу жұмыстары жүргізілуде. Жоғарыда айтып өткендей, бұған дейін кәсіпкерлікті дамыту бойынша округте 4 адам «Бизнес Бастау» арқылы қайтарымсыз несиеге қол жеткізіп, кәсіптерін бастады. Оның ішінде қоғамдық монша, тігін цехы, кондитерлік өнімдер шығару жобалары бастау алды, – дейді ауылдық округ әкімі Ә.Ізбасаров.Ауыл шаруашылығы бұл елдің негізгі ата кәсібі десек, мал басын еселеп арттыру ауыл халқының әл-ауқатына тікелей әсер етеді. Мыңғырған малы бар ауылды кім бай ауыл деп айтпас. Сондықтан төрт түлігі сай өңірді түтіні түзу деуге негіз жоқ емес. Сандарды сөйлетсек, ауылдық округ бойынша 2023 жылдың 1 шілдесіне түсетін мал басының жалпы саны 7 мыңға жуықтайды. Оның ішінде мүйізді ірі қара – 852 бас, уақ мал – 1 271 бас, жылқы – 2 679 бас болса, түйе 2 081 басты құрайды. Биылғы жылдың тиісті мезгілдерінде мал басын бірдейлендіру жұмыстары толық жүргізіліп, тиісті дерекқорларға енгізілген. Сонымен қатар мүйізді ірі қара тұқымын асылдандыру бойынша жұмыстар күн тәртібінен түскен емес. Осы орайда, биылғы жылы 2 бас бұқа алынды. Теңіз қолтығында тіршілік кешкен ауыл үшін балық шаруашылығы әсте алыс емес. Бұл кәсіпке әсіресе ақеспеліктер пейіл. Ауылдың азаматтары ара-тұра теңіз бетіне шығып, ау салып, жылым майлайды. Сондықтан бұл ауылда теңіз тіршілігіне бейім азаматтар тұрады деуге болады. Қазіргі таңда Ақеспе елді мекенінде 2 балық қабылдайтын тоңазытқыш цехы жұмыс жасауда.Осы кезге дейін халықты қос бүйірден қысып, құлақ кесті халге түсірген байланыс құрылғысының жоқтығы еді. Бүгінде бұл мәселе де өз шешімін тауып келеді. Қазір Қосаман ауылдық округінде 158 телефон нүктесі жұмыс істейді. Халықтың 100 пайызы отандық «Отау ТВ» спутниктік телехабармен қамтылған. Сонымен бірге тұрғындар «KCell» ұялы байланыс операторы қызметін пайдалануда. Ал округте интернет жылдамдығы өте төмен болғандықтан, қазіргі таңда ЖК «Ырыс» арқылы тұрғын үйлеріне «Транстелеком» АҚ-ның қызметін орнату бағытында жұмыстар жүргізілуде.Әңгіме барысында ауыл әкімі ауылдық округ бойынша атқарылған жұмыстарды тағы бір мәрте тілге тиек етті.&nbsp; – Үстіміздегі жылы аудандық бюджеттен Ақеспе елді мекенінде электр желісін жаңарту мақсатында 6 млн 272 мың теңгеге тиісті жұмыстар атқарылды. Қазіргі таңда округ халқының саны артып келеді. Осыған байланысты округте балабақша ашу бойынша сұраныс бар. Ауыл халқының сұранысына орай, үстіміздегі жылы Қосаман елді мекенінде жеке кәсіпкердің бастамасымен 40 орындық балабақша ашу жоспарлануда. Округке қарасты Ақеспе елді мекенінде халық арасында «Ыстық су» аталған демалыс орны қызмет жасауда. Жүргізілген зерттеулер нәтижесінде арнайы экспедиция көмегімен 1986 жылы ашылған аталмыш бұлақтан -62˚ су шыққан. Қазіргі таңда бұл шипалы суға елдің түкпір-түкпірінен ем қабылдауға адамдар ағылып келуде. Бүгінгі күні ыстық бұлақ маңында арнайы демалыс орны қызмет етіп келеді. Демалыс аймағын заман талабына сай жабдықтау және тынығушыларға (емделушілерге) сапалы қызмет көрсету бойынша талап жоғары.Осы орынның туристтік әлеуетін арттыру басты мақсаттың бірі. Қазіргі таңда аталмыш аймақта электр желісі мен ауызсу жүргізілген болса, ендігі маңызды мәселе – жол қатынасы болып тұр. Осыған орай, аудандық бюджеттен Ақеспе елді мекеніне кіреберіс (3 шақырым) және елді мекендегі «Ыстық су» бұлағына барар (6 шақырым) автомобиль жолының құрылысының ЖСҚ әзірлеуге тиісті қаржы қаралып, жұмыстар жүргізілуде, – дейді Қосаман ауылдық округ әкімі Ә.Ізбасаров. Иә, бұл аталмыш демалыс орнында кәсіп жасауға ниетті азаматтардың да бар екенін айта кеткен жөн. Айталық, осы жылы «Ыстық су» маңына тынығушыларға қызмет көрсету мақсатында &nbsp;ЖК «Сақтағанов» құны 5,0 млн теңге болатын жобасын әзірлеуде. Мұндай бастамалардың септігі елді мекенге тиіп, кәсіпкерлік көкжиегі кеңейіп, халықтың әл-ауқатын арттыруға сеп болып жатса нұр үстіне нұр емес пе?!Ел болған соң, тіршілік болған соң кейде төтенше жағдайлардың орын алып тұратыны белгілі. Жердің шалғайлығына байланысты мұндай жағдай орын ала қалған кезде аудан орталығынан көмек келуі қиындау. Осы мәселені ескеріп, 2022 жылы ауылдық округте ерікті өрт сөндіру жасағы қоғамдық бірлестігі құрылып, мемлекеттік тіркеуден өткен болатын. Биылғы жылы аудан әкімі С.Сермағамбетовтің қолдауымен ауылдық округке 1 дана өрт сөндіру техникасы табысталған.Қай уақытта да жақсы іс жан семіртеді ғой. Мұндайда елдің бірлігі, ағайынның өзара ымыраластығы үлкен істерге сеп болады. Ауыл әкімі осындай жұмыстардың да үйлестірушісі. Жас болған соң тындырымды іс жүргізуге пейіл Әлібек елдің бірлікте жұмыс істеуін басты орынға қояды. Елдегі ауызбіршіліктің үлгісіндей болған елеулі істі сөз еткен ауыл әкімі:<blockquote>– «Төртеу түгел болса төбедегі келеді» деген қанатты қағидаға сүйеніп, ауыл ақсақалдарының ақыл-кеңесін алып, ауылымыздың ауызбіршілігі мен ынтымағын артыру мақсатында тұрғындар тарапынан да жұмыстар атқарылуда. Соның бірі Қосаман ауылының тұрғыны, мүмкіндігі шектеулі жанға алыс-жақындағы ағайын болып тұрғын үй тұрғызып, пайдалануға берілді. Бұл ауылымыздағы жұмыла атқарылған жұмыстардың бірқатары, – дейді.&nbsp;</blockquote>&nbsp;

Малын өрісті еткен ауыл

<a href="https://kyzylorda-news.kz/">Kyzylorda-news.kz.</a> Биыл облыс әкімінің қолдауымен 2023-2024 оқу жылына арналған 100 оқу гранты бөлінді. Атап айтқанда, білім беру саласына – 49, денсаулық сақтау саласына – 15, су шаруашылығына – 8, ауыл шаруашылығы саласына – 8, инженер саласына – 4, электр энергетика саласына – 4, хореография – 3, құрылыс, жерге орналастыру, ақпараттық технологиялар және дін саласына – 2 грант, ал азық-түлік өнімдерін өндіруге – 1 оқу гранты тағайындалды. Облыс әкімінің оқу грантына әлеуметтік жағдайы төмен және халықтың осал топтарынан шыққан талапкерлер ғана үміткер бола алады. Бұл жөнінде Қызылорда облысының өңірлік коммуникациялар қызметінде өткен брифингте облыстық жұмыспен қамтуды үйлестіру және әлеуметтік бағдарламалар басқармасының басшысы Ғабит Жаңабаев хабарлады.<blockquote>– Өздеріңізге белгілі, мемлекеттік грант конкурсына өтінім қабылдау шілде айында аяқталған болатын. Конкурс нәтижесі тамыз айының басында жарияланды. Осы мемлекеттік грантқа іліге алмай қалған әлеуметтік жағдайы төмен және халықтың осал топтарынан шыққан талапкерлер облыс әкімінің арнайы грантына үміткер бола алады. Биыл өңірге қажетті мамандықтардың тізімі жинақталып, нәтижесінде 146 мамандыққа сұраныс бар екені анықталды. Сондай-ақ, жыл басынан бері облыс әкімінің грантын бөлуге тек Қорқыт ата атындағы Қызылорда университетінен ұсыныс келіп түскен болатын. Дегенмен, 2021-2023 жылдарға жасалған облыстың еңбек ресурстарының балансына сәйкес, маман тапшылығын алдын алу және алдағы уақытта өңірде жүзеге асырылатын бірқатар инвестициялық жобаларды ескеріп, осы жылы жүз оқу гранты бөлінді. Оның 83 гранты – Қорқыт ата атындағы Қызылорда университетіне, 15 грант – С.Ж. Асфендияров атындағы Қазақ Ұлттық медицина университетіне, 2 грант – Нұр-Мүбарак Египит Ислам мәдениеті университетіне берілді. Ал қала және аудандар бойынша Арал ауданына– 10, Қазалы ауданына – 8, Қармақшы ауданына – 12, Жалағаш ауданына – 4, Сырдария ауданына – 9, Шиелі ауданына – 8, Жаңақорған ауданына – 9, Қызылорда қаласына – 40 грант. Оқуға құжаттарды қабылдау қалалық және аудандық жұмыспен қамту орталығындағы тіркеу бөлімдерінде тамыз айының 10 нан бастап жүргізіледі, – деді басқарма басшысы Ғабит Жаңабаев.</blockquote>Айта кетейік, соңғы он жылда еліміздің жоғары оқу орындарында білім алу үшін 1 303 студент облыс әкімінің грантын иеленген болатын. Оның 881-і оқуды бітіріп, 406-і жұмыспен қамтылған, Биыл облыс әкімінің 100 оқу грантына облыстық бюджеттен 85,2 млн.теңге қаражат бөлініп, қала және аудан бюджеттеріне аударылды.&nbsp;&nbsp;&nbsp;

 Қызылорда: Облыс әкімінің 100 гранты бөлінді

<a href="https://kyzylorda-news.kz/">Kyzylorda-news.kz.</a>&nbsp; «Қазақта «Ел боламын десең бесігіңді түзе» деген сөз бар. Сондықтан мектепке дейінгі тәрбие жұмысы басты назарда болуы керек. Алайда бізде 2-ден 6 жасқа дейінгі балалардың жартысынан астамы ғана балабақшаға барады. Мұндай олқылыққа жол беруге болмайды. Оған қоса тәрбиешілердің әлеуметтік мәртебесін арттырып, жалақысын көбейту керек. Осы саладағы мамандарға қойылатын нақты талаптар бекітілуге тиіс. Олардың жұмыс жүктемесін де біртіндеп азайтқан жөн. Өз ісіне адал ұстаздар білім беру саласының дамуына зор үлес қосады», деді Мемлекет басшысы Қасым-Жомарт Кемелұлы. Осы ретте Арал қаласындағы Шағала балалар-бөбекжайының бір күндік жүмысымен танысып қайтқан едік.Таңертеңгі 8:30 шамасы. Бұл уақыт балабақша қызметкерлері үшін қайнаған жұмыс қызатын сәт. Ата-аналар легі балаларын балабақшаға әкеліп жатыр. Тәрбиешілер олардың әрқайссысын қабылдап алып, сырт кейімдерін шешіп, өз топтарына орналастыруда. Менде балабақшаның бір күнімен таныспақ болып «Шағала» балабақшасына келдім. Мұндағы мұнтаздай тазалық, қызметкерлердің жылы шырайы мені баурап әкетті. Балабақшаның психологы Гүлбану Ташаова қарсы алып, таныстыра бастады.&nbsp;Балалар бақшасы. Іші ерекше әсемделген. Ғажайып ортаға түскендей әсер қалдыратын көріністер. Бала қиялын дамытатып, қоршаған ортаны танып білуге тәриелейтін түрлі құралдар мен көрнекіліктер бәрі де қолдан жасалған. Жайлап мұндағы топтармен таныс бастадым. «Шағала» балабақшасына балалары 3 жаста бастап қабылдайды. Ең төменгі топ та 3 жастағы балалар тәрбиеленеді. Мұнда әлі сөйлеу тілі қалыптаспаған, ұғыну, түсіну қабілеті де жетіле қоймаған балалар да бар. &nbsp;Тәрбиешілер оларды ойнатып, сурет салдырып, жаттығулар жасатуда. Тіпті кей балалар «апалап» жылап жатыр. Оларды да жұбатып, топқа қосқан тәрбиешіге қарап қайран қалдым.&nbsp;Бұдан әрі 4- 5 жастағы балалар тәрбиеленіп жатқан «Күлше қыз» тобына аялдадық. Қызықтың бәрі осында екен. Кәбинет іші бала қабілетін дамытатын құралдармен жабдықталған. Табиғат бұрышында бөлме гүлдер өсірілген. Балалар күнделікті осы гүлдердің шаңын сүртіп, су құйып, топырағын ауыстып үйренеді. Осы арқылы табиғатты аялауға тәрбиеленіп келеді. Және жол ережелерін үйертенін бағдаршам, жол жолағы белгіленген бұрыш, баланың интеллектуалдық қабілетін дамытатын ойыншық түрлері бар. Ең қызығы арнайы дүкен бұрышы мен балаларды кір жауға, үй жинауға үйретенін ойыншық түрлерімен қамтылған.<blockquote>– Біз баланы ойната отырып, қоршаған ортаны танып білуге үйретеміз. Мәселен мына затқа назар аударсаңыз. Мынау қарапайым кір жаятын орын. Ілгіштер. Бұл ілгіштерді қыстыру, ашып, жабу саусақтардың қимылын көбейтеді. Тиісінше саусақтың бойында бала тілінің шығуын жетілдіретін нүктелер бар. Ал мына жерде балалар театры деп айтуға болады. Қолға киілетін қуыршақтар арқылы балалар саханлық қойылым қойып үйренеді , - деген Гүлбану осындағы әр бұрыштың қызметін таныстырып берді.&nbsp;</blockquote>&nbsp;Біз келгенде балалар тегіс дастарқан басына отыр екен. Әдептілік танытып орындарынан тұрып амандасты. Сонан соң таңертеңгілік астарын ішіп, бата қайырды. Мұнан әрі әр бала өзінің орынына жайғасты. &nbsp;Олар алтын күз мерекесіне әзірлік үстінде екен. Топ ішінде бірі ән айтып, би билеп, тақпақтарын жаттап дайындалып жатыр.&nbsp;<blockquote>– Қараңызшы балалар сондай керемет жандар ғой. Олар үйдің айнасы. Бұлардың қызығы да, шыжығы да таусылмайды. Балалы үйдің ұрлығы жатпас демекші баладан ештеңені жасыра алмайсың. Сондай тәтті қылықтарымен, білдірлаған тілдерімен бізді де көңілдендіріп жүреді. Біз балаларға 3 тілде амандасуды, санауды тағыда басқа көптеген қарып қатынаста қолданылатын сөздерді үйретеміз. Балалардың мінезі сан-алуан. Оларды баурап әкету оңай емес. Десе де біз әрбірін жеке зерттеп тілін табуға тырысамыз, - дейді тәрбиеші.</blockquote>Топ баланың ішінде Нұрислам есімді кішкентай балақай ерекше көрінді. &nbsp;Бүгін оның туылған күні екен. Бес жасқа толған Нұрислам аталмыш балабақшаға 3 жасынан бастап келген. Апайларының бір баласындай болып кеткен баланың ұстаздарының да танымдық қабілетін барынша ашқандығы анық байқалады. Тілі анық, шығармашылық қабілеті жоғары. Ол алтын күзде жапырақтар биін билейді екен. Бұған қоса хорда ән де айтады. Бәріне үлгеріп жүрген өнерлі балақай апайларын да досарында жақсы көретіндігін айтты.&nbsp;Балалар бір сәт таза ауамен тыныстап, балабақша ауласындағы ойын алаңында ойнап та қайтты. Әне міне дегенше түскі ас та дайын болды. Қолдарын жуып, үстел басына жайғасқан оларға бір-біріне астарының дәмді болуын тілесті. &nbsp;Мұнан соң жатын бөлмеге бет алдық. Жылы, жайлы бөлмеде әр баланың өз орыны бар. Нөмірлеген керуеттерде мұнтаздай етіп жиналған төсек жылы көрпеше мен жұмсақ жастық. Балабақша тәрбие мен тәртіпті өскелең ұрпақ бойына қатар сіңіретіндігінің дәлелі болар әр бала өз орнына жатын киімдерін киіп жайғасты. Апайлары оларға ертегі оқып берді. Балалар біртіндеп ұйқыға кетіп жатыр. Одан соң тәрбиешілер мен олардың көмекшілері балаларға жаңа ойын түрлері мен сабақтарын әзірлеп қойды. &nbsp;Ұйқысынан тұрып, жуынып, тамақтанып болған соң балалардың ата-аналары да қылаң бере бастады. Біртіндеп апайларымен «сау болыңыз» дескен балалар үйлерін қайтып жатыр.&nbsp;Кейде біз өз балаларымыздың ерелігімен тосын мінезіне шыдамсыздық танытып жатамыз. Ал &nbsp;бала жанының бағбаны болған бұл жандардың жұмыс күні осылай өтеді. Таңнан бастап кешке дейін әрбір үйдің еркесін аман –сау ата-анасына табыстау олардың мойынына артылған ең басты жауапкершілік. Бала бойына тал бесіктен тәрбиені сіңірген жандардың еңбегі құрметтің ең жоғарысына лайық екендігіне көзім жетті.

Мектепке дейінгі білім жүйелі

<a href="https://kyzylorda-news.kz/">Kyzylorda-news.kz.</a>&nbsp; Мемлекет басшысы Қасым-Жомарт Тоқаев «Кәсібилік пен еңбекқорлық қоғамымызда ең жоғары орында тұруы қажет. Тағы да қайталап айтамын. Елімізде еңбекқор адам, кәсіби маман ең сыйлы адам болуға тиіс. Осындай азаматтар мемлекетімізді дамытады. Мен Ұлттық құрылтайда және «Жастар рухының» съезінде бұған арнайы тоқталдым. Біз қарапайым еңбек адамына құрмет көрсетуіміз керек. Қандай кәсіппен айналыссаң да, оны сапалы атқару маңызды. Жастар нақты бір мамандықтың қыр-сырын жетік білуге ұмтылғаны жөн. Өз саласының шеберіне әрдайым сұраныс болады. Өскелең ұрпақ Қазақстанда ғана емес, өзге елдерде де бәсекеге қабілетті болуы керек. &nbsp; Көрші мемлекеттің азаматтары шетелге барып, жұмыс талғамай еңбек етіп жатыр. Олар біздің елде де өте жақсы табыс тауып жүр. Шын мәнінде, ең бастысы – адал еңбек. Біз мұны жете түсінетін ұрпақ тәрбиелеуге тиіспіз. Идеология жұмысында осыған баса мән берген жөн» - деген болатын елге арнаған Жолдауында.&nbsp;Дәл қазіргі сәт те мектеп бітірген түлектер үшін таңдау мүмкіндігі тұрған айрықша кезең екені белгілі. Бірі дәрігер болам десе, енді бірі ұстаз, әнші немесе актер боламын деп әуре-сарсаңға түсуде. Қалай дегенмен қай түлектен сұрасаң да ешкімнің елде қалғысы жоқ. Бұл өзі жаппай науқанға айналып бара жатққан жанталас болып барады. Мамандыққа мән беріп, баланың талабы мен талғамына талас қылып жатқан ешкім жоқ. Біреудің атағы өз саласында аспандап жатса баласын сол биіктен көргісі кеп қиялдайтын ата-ана көп. Сол қиялдың жетегінде жүріп, дизайнер болсам деп армандап жүрген баланы ұстаз немесе дәрігер қылып жіберіп жатқан ата-аналаға қандай өкпе артарсыз?! Тіпті ол баланың оқу оқып, білім алуға қарағанда қазірден кәсіп істеп, өз қиялындағы жобаны жүзеге асыруды көздейтін шығар.Онымен санасып жатқан да ешкім жоқ. Жарайды, бала оқимын десе талабын ескеріп, мүмкіндік жасау жөн шығар. Бірақ елдің баласы өйтті, біз одан кембіз бе деп бақталастыққа бой алдыру арқылы бір оқудың соңына барын шашуға дайын тұратын ата-аналарды естігенде таңқалмасқа шара жоқ. Негізі оқимын деген бала жағдай жасамасаң да оқиды. Ал студенттік өмірдің қиын кездеріне шыдай алмайтын балаға астына көлік мінгізіп, оқуының қасынан үй алып берсең де оқуға құлқы болмауы мүмкін. Міне, біздің айтпағымыз да осы еді. Мәселе білім алуда болса бәрі басқаша болған болар ма еді. Алайда елге көрінгісі келіп көлгірситіндер «құрсын кімнен кембіз, айналдырған бір баланы оқыта алмасақ несіне отырмыз. Ешкімге жалтақтамасын» деп оқуға түскен қаласынан пәтер сатып алып беретін ата-аналар қатары артып келеді. Сөйтіп оқытқан баласы үмітті ақтаса қане?!Мәселен, біз пәтер жалдап, таңертең бір үзім нанмен шығып, кеш батқанша нәр сызбай жүріп сабақ оқыдық. Білімге бас қойдық деп асыра айтпай-ақ қойайық. Бірақ оқу орнының белгілі бір тәртібіне бағынып, уақыт таңдамай барлық курстарына қатысуға тырыстық. Тойып тамақ ішпеген күндер көп болды. Бірақ сол алған дипломның жемісін көріп жатырмыз десек болады. Ал сіздің барды шашып, абыройды асырып оқытқан балаңыз дипломын сандыққа салып қойып, өзі басқа салаға кетсе не болмақ?! Онсыз да ондай жағдайлар қазіргі қоғам өмірінен көптеп орын алуда. Сондықтан баланың болашағы үшін таңдау жасап, кесімді ой айтарда келешегіне де көз тастап қойыңыз. Оқитын бала мектеп кезінен-ақ білімді әрі ізденімпаз болады. Сонысымен де ол үлкен жетістіктерге жетіп, қатарластарынан оқ бойы озық шығады. Әрі қарай білім аламын десе соған күш салу керек. Ал керексіз мамандыққа қинап түсіріп, ертең одан мықты маман шықпаса балаға өкпелеп керегі жоқ. Нан тауып жей алатындай мамандықты орта деңгейлі колледж немесе лицейлер де бере алады. Бастысы баланың талабында. Ақыры оқу керек болса өзіміздің Аралда да қос бірдей колледж бар. Түрлі мамандық бойынша түлектер қабылдайтын оқу орындарының бүгінде басымдық беретін мамамндықтары кәсіптік мақсатқа негізделген. Осы оқу орнын бітіріп, үлкен жетістіктерге жетіп жатқан жандар көп.&nbsp;Иә, көксегеніңіз көл-көсір байлық, шексіз абырой-атақ болса оны сізге балаң жасап береді деп айту қиын. Сондықтан баланың ертеңіне бүгіннен бастап инвестиция құйыңыз. Сіздің оқуға түсер уақытта пәленбаймыңдап шашқын ақшаңыздың ертең қайыры болмауы мүмкін. Қазақта «балаңды аясаң – аяма» деген жақсы тәмсіл бар. Түсінген жанға осы астарлы сөздің астында үлкен мағына жатыр. Кір-қожалақ болса да өзгенің баласы, сіздің креслода отырған балаңыздан артық ақша тауып, үлде мен бүлдеге оранып жүруі мүмкін. Сондықтан балаға білімді байлық болсын деп емес, азық болсын деп беріңіз. Бастысы білімді сатып алып бермеңіз. Өйткені «Тәрбиесіз берілген білім – адамзаттың қас жауы». Мұны мен емес әл-Фараби бабамыз айтқан...

Қазақстан және Қызылорда облысының жаңалықтары: Білім