<a href="https://kyzylorda-news.kz/">Kyzylorda-news.kz.</a>&nbsp; Қорқыт ата атындағы Қызылорда университетінде «Мамандығым – болашағым» өңірлік жобалық кеңсесінің ашылу салтанаты өтті.&nbsp;«Мамандығым – болашағым» жобасы Қазақстан Республикасы Үкіметінің қаулысымен қабылданған «Халық табысын арттырудың 2029 жылға дейінгі бағдарламасы» аясында жүзеге асырылуда. Оның негізгі мақсаты – аймақтағы еңбек нарығындағы өзгерістерді болжау және студенттерге ерте кәсіптік бағдар беру.Кеңсенің тұсау кесерін Қазақстан Республикасының Ғылым және жоғары білім министрі Саясат Нұрбек жасады. Министр кәсіптік-техникалық білім беру жүйесін кадр қажеттілігіне неғұрлым нақты бағдарлау үшін жұмыс берушілермен диалогта болып, кадрларға қажеттілікті алдын ала болжау маңыздылығын атап айтты. Сонымен қатар, жастарды ғылымға баулу, жоғары білімді интернационалдандыру және цифрлық экожүйені қалыптастыру қажеттілігінің маңыздылығына да тоқталды.<blockquote>«Қазіргі таңда ең үлкен мәселенің бірі – еңбек нарығы мен жоғары кәсіптік білім беру жүйесінің ұштасуы болып тұр. «Жоғары білімді адамдар неліктен жұмыссыз, білім беру мазмұны жұмыс берушілердің көңілінен неге шықпайды» деген сұрақ бар. Бұл мәселе бойынша бірнеше жыл қатарынан ауқымды жұмыстар атқарылды. Нәтижесінде, тек салалық &nbsp;атластар емес, өңірлік атластар жасалуы керек екені белгілі болды. Әр өңірдің өз ерекшелігі бар. Сондықтан 2021 жылы алдымен Павлодарда мамандықтардың өңірлік картасы жасалды. Нәтиже өте жақсы, өңірге қажет ең негізгі 40-қа жуық мамандық анықталды. Мұнан кейін Маңғыстауда өңірлік атлас жасалып, өңірлік экономиканың талабына сай 39 жаңа мамандық айқындалды. Қазір бұл жұмыстар басқа қалаларда да жалғасуда. Бұл жұмыстар бойынша жобалық офистар – өңірлік жоғары оқу орындары», – деді министр Саясат Нұрбек.&nbsp;</blockquote>Іс-шараға «Мамандығым – болашағым» бағдарламасы жобалар тобының жетекшісі Самғат Ермекбаев, Қызылорда облысының білім басқармасы басшысының орынбасары Бағдат Бердаулетов, Қорқыт ата атындағы Қызылорда университетінің Басқарма төрағасы – Ректоры Бейбіткүл Кәрімова, Жоғары білім беруді дамыту ұлттық орталығының жобалық кеңсесінің өкілдері және университеттің оқытушы-профессорлық құрамы қатысты.Университет ректоры Бейбіткүл Кәрімова жобаның маңыздылығына тоқталып, 2022 жылы Ғылым және жоғары білім министрі С.Нұрбектың қатысуымен &nbsp;Қорқыт ата атындағы Қызылорда университеті және облыстық білім басқармасының ұйымдастыруымен «Мамандығым – болашағым» тақырыбында І облыстық форум өткенін атап өтті.«Мамандығым – болашағым» жобасы шеңберінде университет қызметкерлері 5 күн бойы интенсивті режимде форсайттық зерттеу әдістемесі бойынша сертификаттау курсынан өтеді. Тренинг нәтижелері бойынша университет қызметкерлері аймақтық жобалық кеңсе командасына қосылып, Қызылорда облысының кадр қажеттілігінің өңірлік картасын жасауға бағытталған аймақтағы негізгі сала мамандарының қатысуымен форсайттық зерттеу жүргізеді. &nbsp;<figure class="image"><img src="https://knadmin.beoblood.kz/uploads/5be7d37f_ebff_4f25_9824_3c942606e0db_99ce15fc12.jpg" alt="5be7d37f-ebff-4f25-9824-3c942606e0db.jpg"></figure>&nbsp;<figure class="image"><img src="https://knadmin.beoblood.kz/uploads/5d64b966_1da3_4275_9742_2855ab2f488c_18551ea190.jpg" alt="5d64b966-1da3-4275-9742-2855ab2f488c.jpg"></figure>

Қызылорда облысында «Мамандығым-болашағым» жобасы іске қосылды

<a href="https://kyzylorda-news.kz/">Kyzylorda-news.kz.</a>&nbsp; Қорқыт ата атындағы Қызылорда университетінің студенттері Өзбекстан Республикасында «Академиялық ұтқырлық» бағдарламасы бойынша білім алуда.&nbsp;2023 жылдың қыркүйек айынан бастап «Ташкент ирригация және ауыл шаруашылығын механикаландыру инженерлері институты» Ұлттық зерттеу университетінде 15 студент оқуын бастады.&nbsp;Білім алушылар көршілес мемлекетте «Су ресурстары және суды пайдалану», «Кадастр және жерге орналастыру» білім беру бағдарламасы бойынша 1 семестр оқитын болады.Айта кету керек, ҚР Президенті Қасым-Жомарт Тоқаев халыққа Жолдауында «Жалпы, біз – трансшекаралық су көздеріне тәуелді елміз. Еуразия құрлығындағы өзендер мен каналдар – баршамызға ортақ табиғат байлығы. Осы су көздері біздің халықты, экономикамызды жақындастырады. Сондықтан көршілес әрі достас елдермен бұл мәселе бойынша әрдайым өзара түсіністікке және келісімде ынтымақтаса жұмыс жасауымыз керек» деп атап өтті.&nbsp;Аталған Жолдау еліміздегі барлық ЖОО үшін де аса маңызды. Білім алушылар қазіргі уақытта су шаруашылығы бойынша екі елдің оқу үдерісімен және ғылыми жетістіктерімен танысуда.&nbsp;Осы ретте студент Дильяра Асанбек шетелде оқудың артықшылықтары туралы айтты.<blockquote>«Академиялық ұтқырлық» бағдарламасы екі елдің білім беру жүйесімен танысуға мүмкіндік берді. Әр университеттің өз ерекшелігі болатыны рас. Біз сабақ барысында өзбекстандық ғалымдардың зерттеу нәтижелерімен, кітапханадағы құнды еңбектерімен таныстық. Апта сайын практикалық жұмыстарға қатысып, жаңа әдіс-тәсілдерді үйренудеміз. Ғылыми жетістіктер – адамзат баласына ортақ игілік. Басқа мемлекеттерде тәжірибемізді шыңдау арқылы ғылымға деген құлшынысымыз одан әрі артатыны анық», – деді Дильяра Есболқызы.</blockquote>Айта кету керек, Қорқыт ата атындағы Қызылорда университетінде «Академиялық ұтқырлық», «Қос диплом» бағдарламалары бойынша студенттер жаңа оқу жылында Қытай Халық Республикасы, Польша, Түркия Республикасы, Оңтүстік Корея Республикасында білімін жетілдіреді.&nbsp;

«Академиялық ұтқырлық» бағдарламасы бойынша студенттер Өзбекстанда білім алып жатыр

<a href="https://kyzylorda-news.kz/">Kyzylorda-news.kz.</a>&nbsp; «AMANAT» партиясы облыстық филиалы жанындағы «Miras» аймақтық кеңесінің отырысы өтті.Жиынға партияның облыстық филиалының Атқарушы хатшысының орынбасары Алтынбек Жарылқасынов, кеңес төрағасы Баймырза Қожамберлиев, аймақтағы кітапхана меңгерушілері мен кеңес мүшелері қатысты.Кеңестің күн тәртібінде өңірдегі кітапханалардың жай-күйі қаралып, «Кітап-AMANAT» жобасы туралы кеңінен айтылды.<blockquote>«Отанын сүйетін, жан-жақты дамыған адамды тәрбиелеу, бәсекеге қабілетті адами капиталы бар білімді және кітап оқитын ұлтты қалыптастыру мақсатында жастарды жүйелі түрде кітап оқуға баулу партия міндеттерінің бірі болып табылады. &nbsp;Тұжырымдама «AMANAT» партиясының «Халықпен бірге!» сайлауалды бағдарламасының Жол картасының «Құндылықтары ортақ, біртұтас қоғамның мүшесі болу» атты 7-бөліміне сәйкес, сондай-ақ «Білімді ұлт» сапалы білім беру» ұлттық жобасын жүзеге асыру контекстінде басталып, іске асырылуда. «AMANAT» партиясы 2024 жылды «Отбасылық кітап оқу жылы» деп жариялауға бастамашылық етеді.»-деді Атқарушы хатшының орынбасары Алтынбек Жарылқасынов.</blockquote>Мұнан соң аймақтағы кітапханалардың жай-күйі туралы Ә.Тәжібаев атындағы облыстық әмбебап ғылыми кітапханасының директоры Нұрлыбек Мыңжас баяндама жасады.Кеңестің отырысына ұсынылып қаралған мәселелер бойынша қатысушылар тарапынан ұсыныстар айтылып, хаттамаға енгізілді.<figure class="image"><img src="https://knadmin.beoblood.kz/uploads/2d427f66_e5a5_4c17_8955_66b503fe9506_870eaa4628.jpg" alt="2d427f66-e5a5-4c17-8955-66b503fe9506.jpg"></figure>

«Miras»: Аймақтағы кітапханалардың жай-күйі қаралды

<a href="https://kyzylorda-news.kz/">Kyzylorda-news.kz.</a> 1 қазан – Халықаралық қарттар күніне орай Қызылорда қаласындағы Зияткерлік мектеп оқушылары ата-әжелеріне мерекелік көңіл-күй сыйлады.Жас өрендер қарияларға ретро әндерді орындап, &nbsp;жастық шағын еске түсірді.Шараға қонақ болған Шіркейлі ауылдық округінің «Ақ дариға» әжелер ансамблі мен Қоғалыкөл ауылынан аталар ансамблі өнер көрсетіп, екі ұрпақ арасындағы сабақтастықты нығайтуға сеп болды. &nbsp;Шара соңында оқушылар жылы лебіздерін жеткізіп, естелік сыйлықтарын үлестірді.<img src="https://knadmin.beoblood.kz/uploads/Whats_App_Image_2023_10_02_at_14_04_54_d5a592e902.jpeg" alt="WhatsApp Image 2023-10-02 at 14.04.54.jpeg"><img src="https://knadmin.beoblood.kz/uploads/Whats_App_Image_2023_10_02_at_14_04_56_1_ac9f71018f.jpeg" alt="WhatsApp Image 2023-10-02 at 14.04.56 (1).jpeg"><img src="https://knadmin.beoblood.kz/uploads/Whats_App_Image_2023_10_02_at_14_04_54_1_0311ce5341.jpeg" alt="WhatsApp Image 2023-10-02 at 14.04.54 (1).jpeg">

НЗМ оқушылары қарттар күнімен құттықтады

<a href="https://kyzylorda-news.kz/">Kyzylorda-news.kz.</a> Информатика пәні бойынша жасөспірімдер арасындағы ең беделді олимпиададан С.Шаухаманов атындағы №9 дарынды балаларға арналған облыстық «Білім инновация» лицей-интернатының 9 сынып оқушысы Мансұр Мамадахунов алтын жүлдені иеленді. Биыл European Junior Olympiad in Informatics (EJOI) олимпиадасына 24 мемлекеттен 96 оқушы қатысқан. Әлемнің үздіктерін басып озып, алғырлығымен дараланған сырбойылық өрен Қызылорда облысының Өңірлік коммуникациялар қызметінің баспасөз алаңында байқаудың қалай өткені жайында айтты.<blockquote>- 7 сыныптан бастап информатика пәніне қызығушылығым артты. «Білім инновация» лицей-интернатына түскелі біраз уақытымды осы пәнге арнадым. Екі жыл бойы тереңдетілген сабақтарға қатысып, лагерьлерге бардым. Грузия мемлекетінің Кутаиси қаласында өткізілген жетінші Еуропалық жасөспірімдер олимпиадасында қажырлы еңбектің нәтижесін көрсете алдым деп ойлаймын, - деді жеңімпаз атанған Мансұр Асхатұлы.</blockquote>Шәкіртке бағдар беріп, тұлғалық дамуға жетелейтін адам – ұстаз. Бұл жетістікке жетуге де елулі үлес қосқан жетекші екені сөзсіз. Мансұр Асхатұлын олимпиадаға дайындаған С.Шаухаманов атындағы №9 дарынды балаларға арналған облыстық «Білім инновация» лицей-интернатының информатика пәнінің мұғалімі Батыр Жарқынұлы оқушысының жетістігі жайлы айтты.<blockquote>-Бұл олимпиада Еуропа елдерінен келген жас бағдарламашылар арасындағы байқау болып табылады. Жарыс информатика бойынша халықаралық олимпиаданың (IOI) ережелері мен форматы бойынша өтеді. Осы жылы Қазақстаннан 4 оқушы барды. Барлығы жүлделі оралды. Алтынды менің оқушым алса, екі күміс пен бір қоланы басқа өңірдің оқушылары иеленді. Біз бұл олимпиадаға алғаш рет қатысқан жоқпыз. Өткен жылы да қатысып, күміс жүлдені қанағат тұтқан едік, - деді Батыр Жарқынұлы.</blockquote>

Қызылордалық оқушы халықаралық олимпиададан алтын жүлдені иеленді

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университетінде «Қазақстан халқына» ҚҚ Басқарма төрағасының орынбасары Ләззат Шыңғысбаева білім алушылармен кездесті.&nbsp;Жаңа оқу жылында «Қазақстан халқына» қоғамдық қоры «Қазақстан халқына» білім беру гранттары» қайырымдылық бағдарламасы аясында 818 білім беру грантын тағайындады. Бүгінде Қорқыт ата атындағы Қызылорда университетінде 60-тан астам 1-4 курс студенті «Қазақстан халқына» қорының гранты негізінде тегін білім алуда.&nbsp;Жиында Ләззат Алтынбекқызы «Қазақстан халқына» қоры арқылы ауқымды жұмыстар атқарылғанын, сапалы білім алып, мықты маман атану әрбір студент үшін маңызды екеніне тоқталды. Сонымен қатар, қордың еліміз бойынша алдағы уақытта жүзеге асыратын жаңа жобаларымен таныстырды.Кездесуде университеттің әлеуметтік және тәрбие жұмыстары жөніндегі проректоры Жандос Базартай қордың гранты халықтың әлеуметтік осал топтарынан шыққан талапкерлер үшін үлкен қолдау екенін атап өтті. Студенттер мен ата-аналар тегін білім алу мүмкіндігі үшін қор басшылығана алғысын білдірді.<blockquote>«Әлеуметтік жағдайыма байланысты «Қазақстан халқына» қорының білім грантына ие болдым. «Халықпен халықты, адам мен адамды теңестіретін нәрсе – білім» деп Мұхтар Әуезов айтқандай, жас кезде білім алып, ғылымға ден қою қажет. Сондықтан тегін білім алуымызға қолдау көрсеткен қорға үлкен алғыс білдіреміз, – деді «Құқықтану» мамандығының 1-курс студенті Айшабибі Тоқтарбаева. &nbsp;</blockquote>

«Қазақстан халқына» қорының гранты негізінде 60-тан астам студент білім алуда

<a href="https://kyzylorda-news.kz/">Kyzylorda-news.kz.</a> «Startup Joly» инкубациялық бағдарламасының алғашқы ағынын қорытындылау үшін «Demo Day» инновациялық жобалар байқауы ұйымдастырылды.Қорқыт ата атындағы Қызылорда университетінің кәсіпкерлік орталығы «Startup Jolу» инкубациялық бағдарламасы бойынша білім беру жұмыстарын 14 тамызда бастады. Бағдарламаға қатысу үшін 135 адам өтінім беріп, &nbsp;бағдарламаның алғашқы легіне 57 жоба қабылданды. Инкубация қатысушылары менторлармен жеке жұмыс жасау &nbsp;мүмкіндігіне ие болып, маңызды тақырыптар бойынша &nbsp;тегін 16 семинарға қатысты.&nbsp;«Startup Joly» – инновациялық стартаптар мен кәсіпкерлік бастамаларды қажетті ресурстармен қамтамасыз ету, кәсіпкерліктің әртүрлі аспектілері, соның ішінде идея, маркетинг, сату және құқықтық мәселелер бойынша дағдыларды арттыруға бағытталған бағдарлама.Бағдарламаға қатысқан 57 жоба іріктеуден өтіп, Demo Day-ге 26 жоба қатысты. Ұсынылған жобалардың қатарында QR көктас, VR-платформадағы киберспорт, ақылды тоңазытқыш, көмір күлінен бағалы металдарды алу және өндіру, органикалық косметика, Digital Oner Academy, Оpen garden тәрізді жобалар бар.&nbsp;Байқауда &nbsp;Раушанбек Бейбарыс “Educopter” жобасы бойынша 500 мың теңге иеленді. Ал, “Dmenu” жобасын таныстырған Тұрсынбай Елдос пен Ахметов Бауыржанға 300 мың теңге &nbsp;табысталды. Мұңайтбасова Жұлдызай мен &nbsp; Тұрғанбай Раушан “ecoDabyl” жобасымен 200 мың теңге жүлдені қанжығаларына байлады.“Demo Day жоғары деңгейде өтті. Көп адамдармен танысып, жаңа жобалар туралы ақпарат алдым. Қазір елімізде робототехника қарқынды дамуда және техникалық үйірмелер, мамандықтар ашылып жатыр. Оқушылар, студенттер дайын заттарды пайдаланбай, өз қолдарымен құралдар жасағанын қалаймын. Осы мақсатпен мен Demo Day-ге “Educopter” атты оқу-жаттығу дрон &nbsp;жиынтығын әзірлеп әкелдім. Осы жиынтық арқылы кез келген адам өзінің алғашқы дронын құрастырып, бағдарламалай алады”, - деді І орын иегері Раушанбек Бейбарыс. Жобалар сайысында Қызылорда облысы кәсіпкерлер палатасының директоры Пірмұхамед Сыздықов, Қызылорда облысы әкімі аппараты цифрлық технологиялар бөлімінің басшысы Сәбит Ибадулла, Қызылорда облысы кәсіпкерлер кеңесінің төрағасы Ерлан Райымов, Байқоңыр жобалық басқару департаментінің директоры Индира Сансызбайқызы, кәсіпкер, Қорқыт ата атындағы Қызылорда университетінің аға оқытушысы &nbsp;Мұрат Смайлов, Байқоңыр ӘКК АҚ жобалық басқару департаментінің бас сарапшысы Олжабай Айдын, кәсіпкер, Қорқыт ата атындағы Қызылорда университетінің оқытушысы &nbsp;Абай Шайнуров &nbsp;және “Мансап” мектебінің директоры &nbsp;София Абдуразакова қатысушылардың жобаларын бағалады. “Қаржылай сыйлықтан бөлек бағдарламаны толық меңгерген үздік &nbsp;қатысушыларға сертификат табыстадық. Жеңімпаздар сертификат арқылы “QazInnovations” инновациаларды дамыту жөніндегі ұлттық агенттігі” және Astana Hub халықаралық технопаркінің гранттық бағдарламаларына қатыса алады, - деді Қорқыт ата атындағы Қызылорда университеті кәсіпкерлік орталығының басшысы Жанарыс Алтынбекұлы.Бас серіктестер: Цифрлық даму, инновациялар мен аэроғарыш өнеркәсібі министрлігі, «QazInnovations» инновацияларды дамыту жөніндегі ұлттық &nbsp;агенттігі, «Astana Hub» халықаралық технопаркі, Қорқыт Ата атындағы Қызылорда университеті. Серіктестер: &nbsp;Қызылорда облысының «Атамекен» Ұлттық кәсіпкерлер палатасы, Қызылорда облысы әкімі аппаратының «Ақпараттық технологиялар орталығы».Айта кетейік, Startup Jolу инкубациялық бағдарламасы жалғасады. Қыркүйек айының соңына дейін бағдарламаның екінші ағынымен жұмыс жасау басталады. Инновациялық жобаларды дамытуды қолға алған орталық қазан айында тағы Demo Day &nbsp;ұйымдастырады.&nbsp; &nbsp;

Қызылордада инновациялық жобалар байқауы өтті

<a href="https://kyzylorda-news.kz/">Kyzylorda-news.kz.</a>&nbsp; «Ауылдық аймақтардағы тірек мектептердің әлеуетін арттыру» әлеуметтік жобасы аясында Қызылорда қаласындағы Зияткерлік мектептің мұғалімдері Қармақшы ауданы Жосалы кентіндегі Т.Көмекбаев атындағы №250 мектеп-лицей ұстаздарына әдістемелік қолдау көрсетті.NIS-тің пән мұғалімдері ауылдағы әріптестерінің сабақтарына қатысып, сабақты жоспарлау, оқушыларды бағалау, кері байланыс беру іс-әрекеттеріне бақылау жүргізді. Сондай-ақ, ұстаздардың қиындықтары бойынша жеке кездесіп, кеңестер берді. &nbsp;<blockquote>«Бүгінгі кездесу білім беру үдерісіне диагностика жасап, қажеттіліктерін айқындауға бағытталды. Соның нәтижесінде алдағы уақытта ұстаздарымыз арнайы шеберлік сыныптар ұйымдастырып, қажетті дағдыларымен бөлісетін болады. Сонымен қатар, бірнеше оқу тағылымдамалары өткізіліп, ауыл мұғалімдерінің біліктілігін көтеру, жаңартылған материалдық-техникалық базаның мүмкіндіктерін көрсету бойынша үздіксіз жұмыс жасайтын боламыз», – дейді Қызылордадағы Зияткерлік мектеп директоры Жаңбыржан Бекболатов.</blockquote>Қала мен ауыл мектептерінің білім жүйесіндегі алшақтықты азайту және білім сапасын көтеру мақсатында облысымызда бірнеше тірек мектептер таңдалып алынды. Өткен жылы Арал ауданындағы №62 мектеп-лицейінде жүзеге асқан бағдарламаға биыл Қармақшы ауданындағы Т.Көмекбаев атындағы №250 мектеп-лицейі мен Жаңақорған ауданындағы №286 жалпы білім беретін мектеп қосылды. Олар «Қазақстан халқына» және «Білім беруді тұрақты дамыту» қорлары арқылы толықтай жаңғырудан өтуде. Аталмыш білім ордаларында барлық оқу кабинеттері мен зертханалар заманауи техникалармен жарақтандырылып, &nbsp;оқушылар үшін жаңа мүмкіндіктер алаңдары ашылуда.«Алдағы уақытта NIS ұстаздары мектебіміздің мұғалімдерімен тығыз бірлескен жұмыс жасап, қолайлы оқу ортасын құруға өз септігін тигізетін болады», – дейді ауыл мектебінің басшысы Гүлжахан Мұнарбаева.<figure class="image"><img src="https://knadmin.beoblood.kz/uploads/1792ca53_aaa0_4668_9632_4a266d68cb2f_3a79b0b0c2.jpg" alt="1792ca53-aaa0-4668-9632-4a266d68cb2f.jpg"></figure>&nbsp;<figure class="image"><img src="https://knadmin.beoblood.kz/uploads/617e72e0_64aa_443a_ac67_88c6ff30aff0_6b0375e4ff.jpg" alt="617e72e0-64aa-443a-ac67-88c6ff30aff0.jpg"></figure>

NIS ауыл мектептерінде қолайлы оқу ортасын құруда   

<a href="https://kyzylorda-news.kz/">Kyzylorda-news.kz.</a> 8-14 қыркүйек аралығында қазақстандық құрама Грузияда өткен EJOI-2023 информатикадан еуропалық жасөспірімдер олимпиадасына қатысты. Мұнда әлемнің 24 елінен 96 қатысушы өзара бәсекеге түсті, деп хабарлайды ҚР Оқу-ағарту министрлігінің баспасөз қызметі.EJOI халықаралық IOI информатика олимпиадасының ережелері мен стандарттарын ұстанады. Бұл маңызды оқиға, Еуропа Кеңесінің мүше- мемлекеттерінде IT-индустрия элитасының даму сатысы.Оның қорытындысы бойынша Қазақстан құрама командасы төрт медаль жеңіп алды:Алтын - Мамадахунов Мансур - Қызылорда қаласындағы С. Шаухаманов атындағы №9 дарынды балаларға арналған «Білім-Инновация» облыстық лицей-интернатының 9-сынып оқушысы; Күміс - Серікбай Сұңғат - Тараз қаласындағы «Білім-Инновация» дарынды жасөспірімдерге арналған мамандандырылған лицей-интернатының 10-сынып оқушысы; Күміс - Аменов Әлем - Семей қаласындағы «Білім-Инновация» дарынды ұлдарға арналған мамандандырылған лицей-интернатының 9-сынып оқушысы; Қола – Алдамжаров Әлішер - Алматы қаласындағы Республикалық физика-математика мектебінің 10-сынып оқушысы. Құрама жетекшілері: Сатылханов Темірлан Қайратұлы-Astana IT университетінің оқытушысы және Нұрмаш Айдос – халықаралық олимпиадалардың жеңімпазы.

Қызылордалық оқушы еуропалық жасөспірімдер олимпиадасында алтын медаль жеңіп алды

<a href="https://kyzylorda-news.kz/">Kyzylorda-news.kz.</a> Астанада PRO.NRG FEST – балаларға және ересектерге арналған ғылым, өнер және технологиялар фестивалі өтті.PRO.NRG FEST –бұл танымдық отбасылық уикенд форматында өткізілетін ауқымды ғылыми-көпшілік іс-шара. PRO.NRG FEST екінші жыл қатарынан Қазақстандағы ең ірі ғылыми-көпшілік фестивалдерінің бірі болып келеді.Оқушылар сарайында күні бойы лекциялар, интерактивті шоулар мен қойылымдар өткізілді, бұл отбасыларды ғылым мен технологиялар, қызықты ашылымдар мен жаңа білім әлеміне апарды. <a href="https://ttjk.info/wp-content/uploads/2023/09/3ebeba24-ef85-43e5-992e-6c7e56b9b007.jpeg"><img src="https://ttjk.info/wp-content/uploads/2023/09/3ebeba24-ef85-43e5-992e-6c7e56b9b007-150x150.jpeg" alt="" loading="lazy"></a> PRO.NRG FEST Қазақстанда STEAM-білім беруді дамытып келе жатқан «Caravan of Knowledge» білім беру қорының бастамасымен өткізілді. Фестивалді екінші жыл қатарынан «Шеврон» компаниясы серіктес ретінде қолдап отыр. Бұл компания ғылымға, жаңа технологияларға және тиімді білім беру шешімдеріне деген қызығушылықты ұлғайтатын бағдарламаларға жүйелі түрде қолдау көрсетеді.PRO.NRG FEST-те іс-әрекеттегі ғалымдар мен зерттеушілерді кездестіріп, оларға сауалдар қойып және тіпті эксперименттерге де қатысу мүмкіндігі болды. Фестиваль балалар мен ересектерге ғылымды жаңа қызықты жағынан қабылдауға көмектесетін ұмытылмас тәжірибе сыйлады.<a href="https://ttjk.info/wp-content/uploads/2023/09/fae07833-1e49-46a4-8605-fe8d1210b563.jpeg"><img src="https://ttjk.info/wp-content/uploads/2023/09/fae07833-1e49-46a4-8605-fe8d1210b563-150x150.jpeg" alt="" loading="lazy"></a>“Отбасылық фестиваль екінші жыл өткізіліп жатыр және екінші жыл барлық жас ерекшелігіндегі адамдар біздің миссиямызға қосылып жатыр. Біз білімге деген ынтаны қолдауға тырысамыз және зор кері байланыс алып отырамыз. Осы жолы біз еліміздің барлық аумақтарынан іздеген көбірек қазақстандық бірегей спикерлерді шақырдық – еліміздің әртүрлі жерлерінен келген 50-ден астам ұстаздар өздерінің инновациялық тәсілдерімен бөліседі. Сонымен қатар, біз басқа қалалардан, елдерден келген көптеген қонақтарды да көріп отырмыз, білім мен ғылымға деген ұмтылыс адамдарды соншалықты шабыттандыратыны қуантады”, – деп, «Caravan of Knowledge» білім беру қорының жетекшісі Зарина Биюмбаева атап өтті. PRO.NRG FEST – бұл сондай-ақ STEAM ұстаздарына арналған білім беру және нетворкингтік платформа. S – science (ғылым), T – technology (технология), E – engineering (инженерия), A – art (шығармашылық) и M – mathematics (математика). Бүгінде STEAM-білім беру пәнаралық және қолданбалы тәсілдерді қолдануға, сонымен қатар, барлық бес пәнді біріңғай білім сұлбасына интеграциялауға негізделген.“1993 жылы «Шеврон» Қазақстанға келген бірінші халықаралық энергетикалық компаниялардың бірі болды. 30 жылдан астам уақыт біз мемлекеттің мұнай-газ секторының дамуын қолдап келеміз. Сол уақыттан бері біз елдің басты ресурсы – адамдардың, әсіресе, жастардың энергиясын дамытудамыз. Олардың тапқырлығына, шығармашылығына және шексіз мүмкіндіктеріне біз сенеміз. Біздің әлеуметтік жобаларымыз адам капиталын дамытуға, дәулеттілікке және қоршаған ортаны қорғауға бағытталған. PRO.NRG FEST-ті қолдай отырып, біз STEAM білім беру аясында экожүйе қалай қалыптасатынын көрсеткіміз келеді”, – деп, ашылымда «Шеврон» компаниясы Еуразиялық бөлімшесінің бас директорының орынбасары Дилан Морган мәлімдеді.Фестиваль қатысушыларды сабақта өнер мен зерттеулерге арналған кеңістікті жасап отырған ұстаз-новаторлармен таныстырды. Олар оқу қызықты және тиімді болу үшін ең алдыңғы қатарлы білім беру технологияларын қолданады. “Біз PRO.NRG.FEST ғылыми отбасылық фестивалін біздің STEAM-бағдарламаларымызды іске асыру нәтижелерін көрсету және аудиторияны мұғалім-новаторлардың сәтті кейстерімен таныстыру үшін де өткіземіз. Фестиваль ғылым мен мектеп пәндері қызықты әрі көңілді бола алатынын көрнекі көрсетеді. Біз осындай фестивалдер өткізуді басқа қалалар мен компаниялар қостап әкететін трендке айналдырғымыз келеді”, – деп «Шеврон» компаниясындағы Еуразиялық бөлімшесінің әлеуметтік инвестициялар жөніндегі кеңесшісі Лейла Айтмуханова атап өтті.Биылғы жылы PRO.NRG FEST-тің бөлігі Science on Stage Europe ұлттық кезеңінің финалы болды. Бұл нетворкингке арналған халықаралық алаң және әлемнің түкпір-түкпірінен келген мұғалімдер ғылыми пәндерін оқытудағы өздерінің озық тәжірибелерімен бөлісуге арналған сайыс. Фестивальде 2024 жылы Финляндияның Турку қаласында өтетін Science on Stage Europe жаһандық финалында біздің оқытушылар қауымдастығы атынан қатысатын жеңімпаздар анықталды.

Астанада ғылыми отбасылық фестиваль өтті

<a href="https://kyzylorda-news.kz/">Kyzylorda-news.kz.</a> Маңғыстау өңірінде өткен халықаралық "Біз күн перзентіміз" конкурсынан Қармақшы ауданының тұрғыны Шыңғыс Алтайұлы бас жүлдені иеленіп, барша Сыр жұртшылығының мерейін үстем етті.&nbsp;

Қармақшылық жас халықаралық конкурстан бас жүлде иеленді

<a href="https://kyzylorda-news.kz/">Kyzylorda-news.kz.</a> Білім басқармалары білім ұйымдарындағы оқу-тәрбие процесіне бақылауды күшейтуі қажет. Бұл туралы Оқу-ағарту министрлігі Орта білім беру комитетінің төрағасы Қаныбек Жұмашев айтты, деп хабарлайды <a href="https://www.inform.kz/kz/oku-agartu-ministrligi-bilim-baskarmalaryna-oku-tarbie-procesine-bakylaudy-kusheytudi-tapsyrdy_a4109585">ҚазАқпарат</a>.<blockquote>«Министрлік білім ұйымдарындағы барлық жағдайларды бақылауда ұстап отырғанын ескертеміз. Білім басқармалары басшыларына функционалдық міндерттеріңізді тиісті деңгейде атқаруды және білім ұйымдарындағы оқу-тәрбие процесіне бақылауды күшейтуді; жоғары деңгейдегі тәрбие мен білім сапасын және балалардың қауіпсіздігін қамтамасыз етуді; қоғамдық ұйымдармен тығыз байланыста болуды тапсырамыз», - деді ол Оқу-ағарту министрлігіндегі кеңесте.</blockquote>Сонымен қатар ол өңірлердегі Білім саласындағы сапаны қамтамасыз ету департаменттеріне де бірқатар тапсырма берді.<blockquote>«Білім ұйымдарында оқу-тәрбие процесінің ұйымдастырылуына бақылау күшейтілсін. Оның ішінде үш ауысыммен оқитын мектептерге ерекше назар аударылсын. Қалалық, аудандық білім бөлімдері және мектеп директорларымен кеңестер өткізілсін. Мектепішілік бақылаудың жүзеге асырылуына мониторинг жүргізсін. Мониторингі нәтижесі бойынша тәуекелдерді анықтап, білім басқармаларына шара қолдануға ұсыныстар жолдансын»,- деді комитет төрағасы.</blockquote>

Қазақстан және Қызылорда облысының жаңалықтары: Білім