<a href="https://kyzylorda-news.kz/">Kyzylorda-news.kz.</a>&nbsp; Бұл туралы Сыбайлас жемқорлыққа қарсы қызметтің брифингінде агенттіктің ресми өкілі Арман Тілеукенов айтты, деп хабарлайды <a href="https://baq.kz/mektep-direktory-men-buhgalter-242-mln-tenge-zhymqyrgan-321055/">BAQ.KZ тілшісі.</a> 11 желтоқсанда Алматы қаласының Әуезов аудандық соты «№122 жалпы білім беретін мектеп» КММ директоры Смағұлова және мекеменің бухгалтерлері Тілеуқабылова мен Иргебаеваны бюджет қаражатын жымқырғандары үшін кінәлі деп тапты.Бюджет ақшасын жымқыру жалақыны «Өлі жандар» шоттарына аудару және сотталғандардың карточкалық шоттарына артық белгіленген жалақыны есептеу арқылы жүзеге асқан. Аталған адамдардың қылмыстық әрекеті нәтижесінде мемлекетке 242 миллион теңгеден астам шығын келтірілді, – деді ол.Сот үкімімен Смағұлова пен Тілеуқабылова әрқайсысы 7 жыл 6 ай мерзімге бас бостандығынан айыруға сотталды, Иргебаеваға 7 жыл бас бостандығынан айыру жазасы тағайындалды.Сотталғандар мемлекеттік қызметте және квазимемлекеттік секторда қызмет атқару құқығынан өмір бойы айырылды.Сот үкімі заңды күшіне енген жоқ.

Мектеп директоры мен бухгалтер 242 млн теңге жымқырған

<a href="https://kyzylorda-news.kz/ru">Kyzylorda-news.kz.</a>&nbsp; Литвада мектеп оқушыларына орыс тілін үйрету тоқтатылуы мүмкін, деп хабарлады <a href="https://sn.kz/sn-akparat-agyny/108932-endi-mektepterde-orys-tilinde-okytuga-tyiym-salynuy-mumkin">Skifnews.kz </a>ақпарат порталы Литваның білім министрі Гинтаутас Якштастың сөзіне сілтеме жасап.Ол Литвада орыс тілін оқытуды тоқтатуға болады деп есептейді. Елдегі ЕО тілдері оқытылатын ұлттық азшылық мектептері жұмысын жалғастырады.Литва Республикасының үкіметі мемлекеттік мектептерде оқыту тілі ретінде орыс тілін кезең-кезеңімен алып тастауға дайын.Егер оны заң тұрғысынан қабылдамау мүмкін болса, «біз бір нәрсені өзгерткіміз келетінін түсінуіміз керек, содан кейін бұл өзгерістердің қандай болуы мүмкін екенін анықтауымыз керек, – деді министр LRT ұлттық радиосында.Якштастың пікірінше, Литва көршілес Латвия мен Эстониядан үлгі алуы керек, олар орыстілді мектептерден бас тартып қана қоймай, оны шет тілі ретінде де оқытудан бас тартып отыр.<blockquote>Біз Еуропалық Одақ тілдеріне назар аударуымыз керек, сондықтан аз ұлттарды оқыту олардың тілінде жүргізілсін. Егер Украина сияқты достас ел болса, басқалармен екіжақты келісімдер жасауға болады, – деп нақтылады ол.</blockquote>Фото: Нұрболат Нұржаубай

Енді мектептерде орыс тілінде оқытуға тыйым салынуы мүмкін

<a href="https://kyzylorda-news.kz/">Kyzylorda-news.kz.</a> Сыбайлас жемқорлыққа қарсы қызмет тергеу жұмыстары барысында бұрынғы мәдениет және спорт министрі, сондай-ақ Ұлттық музейдің экс-басшысы Арыстанбек Мұхамедиұлына қатысты жаңа эпизодты хабарлады, - деп хабарлайды <a href="https://kaz.tengrinews.kz/kazakhstan_news/muhamediulyi-kazakstandagyi-mektepterdn-brn-iemdenbek-bolgan-356989/">Tengrinews.kz </a>тілшісі.<blockquote>"Арыстанбек Мұхамедиұлына қатысты 221 миллион теңге бюджет қаражатын жымқыру эпизоды бойынша сот үкімі шықты. Қазіргі уақытта бюджет қаражатын аса ірі мөлшерде жымқыру және жоғары спорт шеберлігі мектебін заңсыз жекешелендіру бойынша қосымша эпизодтар бар.Келесі эпизод – "Дипломат" қонақүйін рейдерлік жолмен басып алу және пара беру әрекеті. Бұл істердің барлығы қазір сотта қаралып жатыр", - деді Сыбайлас жемқорлыққа қарсы қызметтің ресми өкілі Арман Тілеуқанов.</blockquote>Бұған дейін бұрынғы мәдениет және спорт министрі, Ұлттық музейдің бұрынғы директоры Арыстанбек Мұхамедиұлы басқа қылмыстық іс бойынша сот алдына қайта келген болатын. Бұл жолы бұрынғы шенеунікке астаналық "Дипломат" қонақүйін рейдерлік жолмен басып алды деген айып тағылып отыр.Фото: Нұрболат Нұржаубай

Мұхамедиұлы Қазақстандағы мектептердің бірін иемденбек болған - Антикор

<a href="https://kyzylorda-news.kz/ru">Kyzylorda-news.kz.</a>"Анам ыстық сумен күйдіріп, ұрып-соқты" деген тоғыз жастағы қыздың видеосына қатысты асырап алған шешесі жауап берді. Әйел асырауындағы қызға "қол ұшын тигізбедім" дегенімен, полиция тергеуді бастап кеткен. Бұл туралы <a href="https://stan.kz/istik-sumen-kuydirip-yrip-sokti-almati-oblisinda-azapta-393520/">Stan.kz </a>ақпарат агенттігі КТК арнасына сілтеме жасап хабарлайды.Әйелдің сөзінше, жеткіншекті бұрынғы әріптестерінің бірі жалған сөйлеткізіп, бейнекамераға жазып алған. Өзі асырауындағы қызға "қол ұшын тигізбедім" дейді. Бірақ көптің жағасын ұстатқан жағдай бойынша полиция қылмыстық іс қозғап, тергеуді бастап кетті.Елдің жағасын ұстатқан видеода шашының жартысы түсіп қалған, мойны мен құлағы жара-жара қызды аңғаруға болады. Мұнда кішкентай қыз өзін асырап &nbsp;алған анасынан көрген қорлығын тізбектеп айтып беріп отыр.Тоғыз жастағы Раминаны асырап алған әйел Еңбекшіқазақ ауданы Ташкенсаз ауылындағы мектептің бірінде география пәнінен сабақ береді. Жеткіншекті қолына биыл жазда алыпты. Бізді көрген бойда бірден қызының мәлімдемесін жоққа шығарды.<blockquote>“Ыстық сумен күйдірсем, денесі күлдіреп тұратын еді. Құлағындағы жара мен шашының түсіп қалуы теміреткімен ауырғанынан. Ал оның ұрды-соқты деп зудыратқанына тоқталсақ, оған біреудің жаттатқызғанын көруге болады. Менің ойымша, бұл – маған қас адамдардың әрекеті”, – деп ақталады қыздың асыраушысы Айдам Ниязова.</blockquote>Өзіне қас адамдардың көп болуын ол кезінде мектепте оқу ісінің меңгерушісі болуымен байланыстырды. Раминаны осыдан үш күн бұрын аулада ойнап жүрген жерінен бұрынғы әріптесім алып кетіп, маған қарсы пайдаланды деп отыр. Сондай-ақ асырап алған қызының психологиялық ауытқуы бар екенін жасырмады.<blockquote>“Оның өзіндік қиялы бар. Өмірге басқа көзқараспен қарайды. Мұны психологтар дәлелдеген. Жазда үйге алып келген күні ылғи бір нәрседен қорқып жүрді. Не болып қалды деп сұрасам, "маған тиісетін ер адамнан қорқамын" деп айтады. Психолог болса, мұның бәрі оның қиялында деді. Рамина өте көп алдайтын”, – дейді Айдам Ниязова.</blockquote>Бірақ жәбір көрдім деген қызды ауруханаға апарған аудандық білім бөліміндегілер дәрігерлердің берген қорытындысынан кейін баланы отбасынан тартып алған.<blockquote>“Сол кезде дәрігермен сөйлестім. Балада гематома іздері болды. 4-5 күн бұрын орын алған жарақаттар екенін айтты. Сөйтіп, ол кісілер бізге қорытынды жазып берді. 1 күнге ауруханаға жатқыздық. Келесі күні патронаттық тәрбиешісінен баланы тартып алу әрекетін жасап, жанұяға қайтадан апарып орналастырдық”, –дейді Еңбекшіқазақ аудандық білім бөлімінің сектор меңгерушісі Зарина Бөлекбаева.</blockquote>Қазір бұл жағдай бойынша қылмыстық іс қозғалған. Полицейлер тергеу жүргізіп жатыр.<blockquote>“Қазіргі уақытта іс бойынша барлық қажетті сараптамалық зерттеулер тағайындалды. Олардың кейбіреулері бойынша қорытындысы дайын. Сондай-ақ мүдделі адамдардың тізімі белгілі болды. Жақын арада қылмыстық іс бойынша тергеу аяқталады”, – деп түсіндірді Алматы облысы ПД бастығының орынбасары Рүстем Әбдірахманов.</blockquote>Тоғыз жастағы қызды асырап алған әйел де абыройыма нұқсан келді деп полицейлерге арыз жазған екен. Жала жапқандарды анықтауын сұрап отыр. Жеткіншек шын мәнінде азапталды ма, әлде айтып отырғаны жаттанды сөздер ме, оны енді полицейлер анықтайды. Қазір бұл істі Бала құқықтары жөніндегі уәкіл Динара Зәкиева бақылауына алған.Еске салайық, бұған дейін Алматы облысында 9 жасар жетім баланы асырап алған мұғалім оны кез келген әрекеті үшін аяусыз ұрып-соғып, азаптап келгені жазылған.Фото: Нұрболат Нұржаубай

"Өте көп алдайтын": Өгей қызын азаптады деп айыпталған мұғалім мән-жайды айтты

<a href="https://kyzylorda-news.kz/">Kyzylorda-news.kz.</a> Қыс мезгілінде оқушылардың мектепке қауіпсіз қатынауы – басты мәселелердің бірі екендігі белгілі. Осыған орай, Қызылорда облысының Өңірлік коммуникациялар қызметінің ақпарат алаңында облыс әкімінің орынбасары Мейрамбек Шермағанбет өңірдегі білім беру ұйымдарындағы оқу процесінің басталу уақыты туралы БАҚ өкілдеріне брифинг өткізді.<blockquote>2022-2023 оқу жылынан бастап жалпы білім беретін мектептердегі ұстаздар бес күндік жұмыс аптасына көшті. Осыған сәйкес, білім салалары және оқу пәндерінен сыныптар бойынша апталық сағат сандары бес күндік сабақ кестесімен бекітілді. Бұдан бөлек, ҚР Оқу-ағарту министрінің бұйрығында жалпы білім беру ұйымдарында сабақтың ұзақтығы 45 минуттан жоспарланатындығы көрсетілген. Облыстағы бір ауысыммен білім беретін мектептердегі сабақ процесі сағат 08.30-да басталса, екі ауысымдық мектептерде сабақ үдерісі сағат 08.00-ге бекітілген. Дегенмен, қыс мезгілінде күн ерте қысқаратындықтан балалардың қауіпсіздігін қамтамасыз етуге, мектептердегі кіші қызметкерлердің жұмыс уақытын ескере отырып таңертеңгі сабақтың уақыты өзгереді. Яғни, республика көлемінде екі ауысымда оқытатын мектептерде бірінші ауысым сабақтары 08:00-де басталады, - деді Мейрамбек Зинабдинұлы.</blockquote>Өз кезегінде облыстық білім басқармасының басшысы Асқарбек Есжанов балалардың күн тәртібін жоспарлап, оқушылардың сабақ процесіне белсенді қатысуын қамтамасыз ету керектігін айтты.<blockquote>Бала денсаулығының жақсы болуы, толық білім алуы, ақыл-ой сергектігі сапалы ұйқының қамтамасыз етілуі арқылы жүзеге асырылады. Осы ретте әрбір ата-ана өз балаларының күн тәртібін жоспарлап, уақытылы тынығуын қадағалауы керек. Сонда ғана бала миы тынығып, білім алу қабілеті қалыптасады. Бала болашағымыз десек, олардың денсаулығы үшін барлығымыз жауаптымыз. Осы брифингті пайдалана отырып, барлық ата-аналардан балалардың күн тәртібін жолға қоюды, түннің бірінші кезеңінен кешікпей тынығуын, смартфон-гаджеттерді пайдалануын белгілі бір уақыт аралығына сыйдыруды сұраймыз, - деді басқарма басшысы Асқарбек Темірбекұлы.</blockquote>Фото: Нұрболат Нұржаубай

Мектептердегі оқу процесінің басталу уақыты өзгереді

<a href="https://kyzylorda-news.kz/">Kyzylorda-news.kz.</a>&nbsp; Алматы мектептерінде оқушыларға берілетін тегін ас мәзіріне ұлттық тағамдар енгізілуі мүмкін. Пилоттық жоба үш мектепте жүзеге асады, деп хабарлайды<a href="https://kaz.inform.kz/news/almatida-mektep-as-mazrne-ulttik-tagamdar-engzlu-mumkn-768de5/"> Kazinform.</a>Жоба бастамашысы – Алматы сервистік қызмет көрсету колледжі. Білім мекемесі пилоттық жобаны «Ұлттық салауатты тамақтану орталығы» республикалық қоғамдық бірлестігімен бірлесіп жүзеге асырады.<blockquote>«Бүгінгі таңда зерттеу жүргізу үшін №135, №153, №201 үш мектеп таңдалды. Сонымен қатар, аталған мектеп оқушыларының ата-аналарынан рұқсат алынды. Мектептерде антропотологиялық зерттеу өткізілді. Оқушыларымен сауалнама жүргізілді, асхана қызметкерлері оқытылып, тексеріліп, салауатты тамақтануды насихаттайтын іс-шаралар ұйымдастырылды. Айта кетейік, бұл – әзірге тек пилоттық жоба», - деп хабарлады қалалық білім басқармасынан.</blockquote>Зерттеу жұмыстары 2024 жылдың мамырына дейін жалғасады.Бүгінде Алматыдағы мемлекеттік білім беру мекемелерінде 134 мыңнан астам бастауыш сынып оқушысы тегін тамақпен қамтылған.&nbsp;Фото: Нұрболат Нұржаубай

 Мектептің ас мәзіріне ұлттық тағамдар енгізілуі мүмкін

<a href="https://kyzylorda-news.kz/">Kyzylorda-news.kz.</a> Жаңаөзенде кешкі мектеп директорына сот үкімі шықты, - деп хабарлады <a href="https://aikyn.kz/260392/zhan-aozende-70-myn--ten-ge-para-alg-an-mektep-direktoryna-ukim-shyk-ty">Aikyn.kz.</a>Жаңаөзен қалалық сотында пара алған мектеп директорына қатысты қылмыстық іс қаралды. Сотта анықталғандай, сотталушы Жаңаөзен қаласындағы кешкі мектептің директоры қызметін атқара отырып, орта білімді аяқтау туралы аттестатын беру үшін 70 мың теңге көлемінде пара алған.2023 жылы 1 қарашада прокурор мен сотталушы арасында кінәні мойындау туралы мәміле түріндегі процестік келісім жасақталған.Сот сотталушының жағдайын жеңілдететін мән-жай ретінде оның кінәні толықтай мойындауын, бұрын сотты болмағанын ескерген, ал жағдайын ауырлататын мән-жайлар анықталмаған.<blockquote>Сот үкімімен директор ҚК-нің 366-бабы 2-бөлігімен кінәлі деп танылып, оған мемлекеттік қызметте лауазымдарды атқару құқығынан өмір бойына айыра отырып, 2 млн 100 мың теңге айыппұл жазасы тағайындалған, – делінген сот хабарламасында.</blockquote>Үкім заңды күшіне енді.Фото: Нұрболат Нұржаубай

 70 мың теңге пара алған мектеп директорына үкім шықты

Фото: Центр национального тестирования<a href="https://kyzylorda-news.kz/">Kyzylorda-news.kz.</a> Қаңтар айындағы ақылы тестілеуге өтініш беру мерзімі тағы ұзартылды, деп хабарлайды ұлттық тестілеу орталығы.8 қаңтарда сағат 17:00-де қосымша орындар ашылды.<blockquote>"Сондай-ақ ҰБТ-ға өтініш беру 11 қаңтарға (қоса алғанда) дейін жалғасады. Мұқият болыңыздар! Сәттілік!", - деп жазылған орталықтың ресми парақшасында.</blockquote>Ұлттық тестілеу орталығы ақылы ҰБТ-ға өтініш беру мерзімін осымен екінші рет ұзартып отыр. Бұған дейін қаңтардың <a href="https://sputnik.kz/20240106/qantardagy-ubt-ga-otinim-beru-uaqyty-uzardy-41402429.html">9-ына дейін өтініш қабылданады</a> деген хабарлама жарияланған.Ал желі қолданушылары сайттың жиі істемей қалатынын жазып жатыр. Соның салдарынан мектеп оқушылары тіркеліп үлгермейді.<blockquote>"Бұлай орын ашқанша, ашпай-ақ қойыңдар! Не сұмдық мынау, сайт мүлдем жұмыс істемейді, кірмейді, "403" деп шығып тұр! Тегін емес, сонша ақша төлеп қатысып жатырмыз ғой!", - деп <a href="https://www.instagram.com/p/C11UZ7Js91o/">жазды</a> қолданушылар.</blockquote>Олардың арасында мектеп мұғалімдері де бар.<blockquote>"Тағы орындар ашыла ма? Біздің мектептегі 11-сыныптардың тек 30%-ы тіркеліп үлгерді. Сайттарыңыз таңның атысы күннің батысы қатып тұрады, орын ашыңыздар! Не сұмдық, біресе орын жоқ, біресе сайт жұмыс істемейді. Оқушылар онсыз да күйзелісте жүр, жеткілікті орын бөліп, сайтты дұрыстаңыздаршы", - дейді олар.</blockquote>

Ақылы ҰБТ-ға өтініш беру уақыты тағы ұзартылды

<a href="https://kyzylorda-news.kz/">Kyzylorda-news.kz.</a>&nbsp; ҚР Парламенті Мәжілісіндегі «AMANAT» &nbsp;партиясының фракция мүшесі Мұрат Әбенов &nbsp;Сыр өңіріндегі іс-сапары аясында &nbsp;Қорқыт ата атындағы Қызылорда университетінің жұмысымен танысты.Жиынға «Amanat» &nbsp;партиясының өкілдері, университет ұжымы мен жас стартаперлер қатысты.Кездесу барысында Қорқыт ата атындағы Қызылорда университетінің базасында ашылған Жасанды интеллект және информатика жоғары мектебі мен Kyzylorda Hub орталығының жұмысы, іске асырылған жобалары әрі алдағы жоспарлары талқыланды.Бизнес-инкубатор резиденттері &nbsp; Айбек Оразбақов «TechAI мұғалім көмекшісі», «Онлайн паркинг», &nbsp;Асылжан Абдуллаев «QazaqGPT», Әбекен Айбек «Dark maze», Жанарбек Бекарысов «Time Batyr», Жұмабек Темірлан мен Есенбек Бақдаулет «Жалған ақпаратты анықтайтын детектор», Мырзабек Еркебұлан мен Сәдібеков Ербол &nbsp;әкімшілік жұмыстарды автоматизациялау мақсатында жасалған «AiDOS» атты жобаларын таныстырды.&nbsp;<blockquote>«Сыр елінің жаңалықтарымен, өзгерістерімен &nbsp;танысу мақсатында жоспарланған іс-сапар барысында &nbsp;Қорқыт ата атындағы Қызылорда университетінің ұжымымен, білім алушыларымен арнайы кездестім. Бүгінгі күні оң өзгерістерге жол ашатын, IT бойынша &nbsp;жұмыс жасап қана қоймай, жүйені басқаратын және құратын жастардың Қызылордада көбейіп жатқанын көріп, қуанып отырмын»деді Мұрат Әбенов. Сонымен бірге Қорқыт ата атындағы Қызылорда университетінің Басқарма &nbsp;Төрағасы - Ректор Бейбіткүл Сарсәмханқызы жоба аясында Жоғары мектеп ашу ғана емес, Қорқыт ата университетінің базасында Сеул Ұлттық Ғылым және технологиялар университетінің бизнес-инкубаторын құру көзделіп отырғанын атап өтті.&nbsp;</blockquote>Айта кетейік, Мемлекет басшысы Қасым-Жомарт Кемелұлы Тоқаевтың үш ЖОО базасында жасанды интеллект саласындағы кадрлар даярлау және осы салада зерттеу жүргізетін орталықтар ашу жөніндегі тапсырмасы шеңберінде өткен жылдың қараша айында Жасанды интеллект және информатика жоғары мектебі ашылды. Жоғары мектеп жасанды интеллект, киберқауіпсіздік және информатика саласында кадрлар даярлайтын болады.Ал сырбойылықтардың &nbsp;инновация мен кәсіпкерлік саласына қызығушылығын арттыру, IT жобаларды дамыту, аталмыш бағыттар бойынша кадрлар даярлау және білім беру мақсатында Қорқыт ата атындағы Қызылорда университетінің бизнес-инкубаторы жұмыс істейді. Орталықтың жалпы жұмыс барысында 139 резидент пен 7 600 жас қамтылып, 80 млн теңгеден астам инвестиция тартылды. <img src="https://knadmin.beoblood.kz/uploads/Obshhij_foto_87cf330f19.JPG" alt="Общий фото.JPG">

ҚР Парламент Мәжілісінің депутаты Мұрат Әбеновпен кездесу өтті

Білім бері ұйымдарының еркіндігі кеңейтіледі. Бұл туралы Мәжілістің жалпы отырысында «Қазақстан Республикасының кейбір заңнамалық актілеріне білім беру және тәлімгерлік мәселелері бойынша өзгерістер мен толықтырулар енгізу туралы» заң жобасын талқылау кезінде депутат Асхат Аймағамбетов мәлім етті.<blockquote>«КЕЛЕСІ БАҒЫТ – БІЛІМ БЕРІ ҰЙЫМДАРЫНЫҢ ЕРКІНДІГІН КЕҢЕЙТУ. ҚАЗІР БІЛІМ БЕРУ ҰЙЫМДАРЫ ҮШІН ТИПТІК ШТАТТАР БЕКІТІЛГЕН, ЯҒНИ СЫНЫПТАРДЫҢ САНЫНА БАЙЛАНЫСТЫ МЕКЕМЕДЕ ОСЫНШАМА ОРЫНБАСАР, ЕСЕПШІ БОЛУЫ КЕРЕК ДЕП БЕКІТІЛЕДІ. БІРАҚ МЕКЕМЕ БАСШЫСЫНДА ОСЫ ШТАТТАРДЫ ТИІМДІ ПАЙЛАЛАНУ ҮШІН ҚАЖЕТІ ЖОҚ ЛАУАЗЫМДЫ БАСҚАСЫНА АЛМАСТЫРУҒА ЕШҚАНДАЙ ДЕРБЕСТІГІ ЖОҚ. СОНДЫҚТАН ЗАҢ ЖОБАСЫНДА БЕКІТІЛГЕН ШТАТ САНЫНЫҢ АЯСЫНДА ШТАТ КЕСТЕСІНІҢ ЛАУАЗЫМДАРЫН АУЫСТЫРУ ҚҰҚЫҒЫ БЕРІЛЕДІ», – ДЕДІ А. АЙМАҒАМБЕТОВ.</blockquote>Депутаттың айтуынша, типтік штатқа байланысты мектеп директорында 7 орынбасар болуы керек болса, диектор олардың санын өз еркімен азайтуға мүмкіндік алады.<blockquote>«МӘСЕЛЕН, 4 ОРЫНБАСАРЫН ҚАЛДЫРЫП, ҮШЕУІНІҢ ОРНЫНА ПСИХОЛОГ, ӘЛЕУМЕТТІК ПЕДАГОГ НЕМЕСЕ БАСҚА ДА ҚАЖЕТ ҚЫЗМЕТКЕРЛЕРІНІҢ ЛАУАЗЫМДАРЫН ЕНГІЗЕ АЛАДЫ. БІЛІМ БӨЛІМІМЕН ШТАТ КЕСТЕСІН КЕЛІСКЕНДЕ, БҰНЫ ЖЫЛЫНА БІР РЕТ ЖҮЗЕГЕ АСЫРА АЛАТЫН БОЛАДЫ», – ДЕДІ ДЕПУТАТ.</blockquote>Бұл тұрғыда А. Аймағамбетов директорларға берілетін бұл дербестік мектептегі әкімшілік қызметтерге ғана қатысты болатынын нақтылады.<blockquote>«БҰЛ ӨЗГЕРІСТІҢ МҰҒАЛІМДЕРГЕ ҚАТЫСЫ ЖОҚ. ЯҒНИ МҰҒАЛІМДЕР НЕГІЗГІ ПЕРСОНАЛ БОЛҒАННАН КЕЙІН, ДИРЕКТОРЛАР МҰҒАЛІМДЕР САНЫН АЗАЙТА АЛМАЙДЫ. ТЕК ОРЫНБАСАРЛАРЫНА ҚАТЫСТЫ ӘКІМШІЛІК ЛАУАЗЫМДАРДЫ БАСҚА ҚЫЗМЕТКЕ АУЫСТЫРА АЛАДЫ. АТАП АЙТҚАНДА, ӘКІМШІЛІК ҚЫЗМЕТТЕГІ ОРЫНБАСАРЛАРЫНЫҢ САНЫН АЗАЙТЫП, ОНЫҢ ОРНЫНА МЕКТЕПКЕ КЕРЕК МҰҒАЛІМДІК ҚЫЗМЕТТІ ҚОСА АЛАДЫ. ӨЙТКЕНІ БІРАЗ МЕКТЕПКЕ ПСИХОЛОГТАР МЕН ӘЛЕУМЕТТІК ПЕДАГОГТАР ЖЕТІСПЕЙДІ. СОНДЫҚТАН ҮЛКЕН МЕКТЕПТЕРДЕ 7 ОРЫНБАСАР ҚАРАСТЫРЫЛСА, ОНЫҢ ТӨРТЕУІН ҚАЛДЫРЫП, ҚАЛҒАНЫНЫҢ ОРНЫНА МҰҒАЛІМДЕРДІ ТАРТА АЛАДЫ. ДИРЕКТОРЛАРҒА ОСЫНДАЙ МҮМКІНДІК БЕРІЛІП ОТЫР, БІРАҚ ОЛ – МІНДЕТ ЕМЕС», – ДЕДІ АСХАТ АЙМАҒАМБЕТОВ.</blockquote>Айта кетейік, бүгін Мәжілістің жалпы отырысында «Қазақстан Республикасының кейбір заңнамалық актілеріне білім беру және тәлімгерлік мәселелері бойынша өзгерістер мен толықтырулар енгізу туралы» Заңы <a href="https://kaz.inform.kz/news/sabak-ustnde-telefon-karauga-shekteu-engzld-deputattar-zandi-kabildadi-5ec15c/">қабылданды.&nbsp;</a>Құжат аясында сабақ үстінде телефон қарауға шектеу енгізілді.Сондай-ақ аталған заң бойынша мектеп пен аурухана салынбаған аудандарда көпқабатты тұрғын үйлерді тұрғызуға <a href="https://kaz.inform.kz/news/mektep-pen-auruhana-salinbagan-audandarda-kopkabatti-uyler-saluga-tiyim-salinadi-3be618/">тыйым салынады.&nbsp;</a>Дереккөз: <a href="https://kazbilim.kz/?p=16095">kazbilim.kz</a>Фото: Нұрболат Нұржаубай

Мектеп директоры штатты өз еркімен өзгерте алады – заң

Цифрлық даму, инновациялар және аэроғарыш өнеркәсібі министрі Бағдат Мусин Starlink интернетіне қосылған Ақмола мектебіне барды. Бұл&nbsp;— әйгілі Илон Масктің интернет тарту жобасы, деп хабарлайды <a href="https://kaz.inform.kz/">Kazinform.</a><blockquote>«Жаңа жыл қарсаңында Ақмола облысындағы Майшұқыр ауылына бардым. Мұндағы жергілікті білім ордасы еліміздегі 2000 ауылдық мектепті интернетке қосу жобасы аясында Starlink желісіне қосылған. Ауылға барғанда интернет сапасын тексердім, мұғалімдермен және оқушылармен кездесіп, сөйлестім. Мұғалімдер мектеп Starlink интернет желісіне қосылғаннан кейін заманауи оқу материалдарына қол жеткізгенін, бұл балалардың оқу процесіне оң әсерін тигізгенін айтты», — деп жазды Цифрлық даму министрі өзінің Telegram парақшасында.</blockquote>Министр кез келген ақпаратқа қолжетімділік артқанда мұғалімдер де&nbsp;өз сабақтарын барынша тиімді өткізетінін, оқушылар қажетті білім беру ресурстарына қол жеткізетінін айтты.<blockquote>«Бұл оқушылардың цифрлық сауатын арттыруға да көмектеседі. Себебі ол қазіргі заманда айрықша маңызды. Жоғары жылдамдықты (шамамен 200 Мб/сек) және тұрақты интернетпен қамтамасыз ететін Starlink желісі — ауылдық жерде білім беру тетігін жақсартудың маңызды құралы. Болашаққа салынған бұл инвестиция оқушылардың тұрғылықты жеріне қарамастан, оларға тең білім алу мүмкіндіктерін ұсынады», — дейді Бағдат Мусин.</blockquote>Айта кетейік, Ақмола облысындағы 270 мектепке Starlink интернеті <a href="https://kaz.inform.kz/news/akmola-oblisindagi-270-mektepke-starlink-internet-tartiladi-e9b55a/">тартылады</a>.&nbsp;Фото: Нұрболат Нұржаубай

Ауыл мектептері Илон Маск интернетіне қосыла бастады

Шығыс Қазақстан облысының әкімдігі Алтай ауданындағы мектептің мүшкіл жағдайы туралы әлеуметтік желіде тараған ақпаратқа қатысты жауап берді, деп хабарлайды <a href="https://kaz.inform.kz/">Kazinform.</a>Алтай ауданы Феклистовка ауылындағы мектеп Өскемен қаласынан нәбары 40 шақырымдай жерде орналасқан.Таяуда Instagram желісінде осы мектепке қатысты ақпарат жарияланды.Онда терезе сынғаны, мектептің іші суықтығы және интернеттің жоқтығы туралы жазылған.ШҚО әкімі баспасөз қызметінің мәліметіне сүйенсек, бұл ақпарат шындыққа мүлде жанаспайды.Мектеп басшылығы осындай жалған мәлімет таратқан желі қолданушысын сотқа да&nbsp;бермек.<blockquote>«Қазіргі таңда онда 43 бала білім алып жүр. Мектеп 1976 жылы салынғанына қарамастан онда балалардың білім алуына барлық жағдай жасалған. Іші таза, жылы. Сондықтан халықты жалған ақпаратқа сенбеуге шақырамыз», — делінген ақпаратта. &nbsp;</blockquote>

Қазақстан және Қызылорда облысының жаңалықтары: Білім