<a href="https://kyzylorda-news.kz/">Kyzylorda-news.kz</a> Қызылорда қаласындағы Зияткерлік мектепте ата-әжелер арасында «Баталы сөз – балаға азық» бата беру байқауы өтті.Ұлыстың ұлы күні – Наурыз мерекесі қарсаңында бастау алған шараның шымылдығын Абай ауылынан келген «Ақ ниетті» әжелер ансамблі ашты. Ақ жаулықтылар ұмыт болған салт-дәстүрлерді жаңғыртып, халық әндерін насихаттап келеді. Биыл 10 жылдығын атап өткелі отырған шығармашылық топ NIS сахнасында қазақ әуендерін шырқап, көрермендердің ыстық ықыласына бөленді.Бата беру байқауында 16 қария ата-бабаларымыздан қалған бай мұра – ақ баталарын ұсынды. Асыл сөздің құдіреті барлық көрермендерді орнынан тұрғызды. Оқушылар ақсақалдар мен ақжаулықты әжелердің жүректерінен шыққан әр сөзін ықыласпен тыңдап, қабыл алды.<blockquote>«Бата – тәрбиелік мәні зор, қазақ халқының асыл қазынасы. Оның адам санасына әсер ететін үлкен күші бар. Бата алған халық жақсылыққа сеніп, ырыс-ынтымақ, бақ-береке болады деп ырымдайды», – дейді Құдайберген Мұхамедияров.</blockquote>9-сынып оқушысы Ақтілек Қосановтың атасы Оразбай Қосанов ғасырлар бойы ұрпақтан ұрпаққа жалғасып келе жатқан салт-дәстүрді ерекше құрметтейді және бүгінгі байқауда өзінің шығарған бата тілектер мен өсиеттер жинағын мектеп кітапханасына тарту етті.<blockquote>«Бата халқымыздың өшпес мұрасы, ұлттық қазынамыз. Сондықтан мұны кейінгі буынның санасына сіңіріп, жетесіне жеткізіп, көкірегіне құйып, жүрегіне ұялату біз сияқты үлкендердің парызы», – дейді қария.</blockquote>Жас ұрпақты иманды, мейірімді, зерделі, арлы болып өсуіне баулу мақсатында еткізілген додада қариялар әртүрлі тақырыптарда баталарын беріп, ұлағатты сөздерін кішіге арнады. Барлығын да бөліп жармай әртүрлі номинацияларға лайықты деп танылып, Әкелер кеңесінің арнайы сыйлығы табысталды.<img src="https://knadmin.beoblood.kz/uploads/431475519_3578073349189240_6677767353178232666_n_77c464425c.jpg" alt="431475519_3578073349189240_6677767353178232666_n.jpg"><img src="https://knadmin.beoblood.kz/uploads/431498941_3578074205855821_5168638368684841549_n_e06aebd220.jpg" alt="431498941_3578074205855821_5168638368684841549_n.jpg"><img src="https://knadmin.beoblood.kz/uploads/431551859_3578072785855963_1734199839650912098_n_0a5783d9b2.jpg" alt="431551859_3578072785855963_1734199839650912098_n.jpg">

Зияткерлік мектепте «Баталы сөз – балаға азық» бата беру байқауы өтті

<img src="http://degdar-news.kz/wp-content/uploads/2024/03/64DFC43E-6A55-4365-BAB8-F09842E9E636-920x425.jpeg" alt="" loading="lazy"><a href="https://kyzylorda-news.kz/">Kyzylorda-news.kz</a> &nbsp;Биыл 2600-ден аса студент Қазақстан халқына қорының оқу грантын иеленді. Қоғамдық қордың шәкіртақысы мүмкіндігі шектеулі және әлеуметтік жағдайы төмен отбасының балаларына берілетінін еске саламыз, деп хабарлайды <a href="https://kaz.zakon.kz/kogam-tynysy/6039846-2600den-asa-student-azastan-khalyna-oryny-ou-grantyn-ielend.html">Zakon.kz.</a> Олардың кейбірі оқуын аяқтап, маман иесі атанды. Әсел Мұсаева церебральды сал ауруына бала кезде шалдыққан. Соған қарамастан өмірге құштар. 5 жылдан бері паралимпиядалық спорт түрімен айналысады. Ол арбадағы спорттық биден Азия біршіліктерінің бірнеше дүркін жүлдегері. Қоғамдық қор қаракөздің отбасылық жағдайы мен жетістіктерін ескеріп қайырымдылық грантын ұсынды.<blockquote>"Біздің үйде мүгедек 2-3 адам болғандықтан кішкене маған оқу жағы өте қиынырақ болды. Ал осы грантты ұтып алған кезде ата-анамда қуанышты болды, мен де қуандым. Осындай грантта бізге оқуға мүмкіндік туғызған Қазақстан халқына қорына шын жүректен алғысымды білдіргім келеді. Әрі қарай жақсы оқып жақсы маман атанып ең үздік маман болуға тырысамын". Әсел Мұсаева, студент Қоғамдық қор студенттердің оқу ақысын 2021 жылдан бері төлеп келеді. Бүгінде тегін білім мен шәкіртақы алушылар саны 3117-ге жетті. Олардың 160-қа жуығы - тараздық жастар.</blockquote><blockquote>"2023-2024 оқу жылы бізде 89 ЖОО-да 824 грант тағайындалды. Яғни бұл бірінші курс абитуриенттері. Аз қамтылған отбасылар, мүгедектері бар отбасылар, көп балалы отбасылар. Яғни осындай 7 категория бар", - дейді "Қазақстан халқына" қорының орталық басшысы Бауыржан Оразғалиев.</blockquote>"Қазақстан халқына" қоры қайырымдылық бағытында "Самұрық-Қазына" қорымен бірігіп мүмкіндігі шектеулі балаларға арналған қамқорлық орталықтарын ашуда. Соңғы 3 жылда еліміз бойынша 30-дан аса ерте араласу, аутизм және оңалту мекемелері қолданысқа берді. Мәселен Тараздағы орталықта жылана мыңға жуық жеткіншек тегін ем қабылдауда.&nbsp;Сурет: Zakon.kz

2600-ден аса студент Қазақстан халқына қорының оқу грантын иеленді

<a href="https://kyzylorda-news.kz/">Kyzylorda-news.kz</a>&nbsp; &nbsp; Педагогтердің жауапкершілігіне қойылатын талаптар қатаңдатылмақ.Бұл туралы&nbsp;Сенат депутаттарының сауалына Премьер-Министр Әлихан Смайыловтың жауабында айтылған, деп хабарлайды<a href="https://inbusiness.kz/kz/last/okushyny-tarbieleu-mindetin-oryndamagan-mugalimge-kylmystyk-zhazalau-sharasy-engizilmek"> inbusiness.kz&nbsp;</a>сайты.<blockquote>"Педагогтерді іріктеуге қойылатын талаптарды арттыру мақсатында "Педагог мәртебесі туралы" Заңда бірқатар шектеу қарастырылған. Мәселен, сот үкіміне сәйкес педагог қызметін жүзеге асыру құқығынан айырылған, психиатриялық, наркологиялық есепте тұрған, соттылығы бар және тағы басқа психикалық, мінез-құлық бұзылыстары (аурулары) бар адамдар педагогикалық жұмысқа қабылданбайды. Бұдан басқа, "Қазақстан Республикасының кейбір заңнамалық актілеріне әйелдердің құқықтарын қамтамасыз ету және балалардың қауіпсіздігін қамтамасыз ету мәселелері бойынша өзгерістер мен толықтырулар енгізу туралы" заң жобасында педагог кәмелетке толмағанды тәрбиелеу жөніндегі міндеттерді орындамағаны немесе тиісінше орындамағаны үшін әкімшілік және қылмыстық жазалау шаралары (екі мың айлық есептік көрсеткішке дейінгі мөлшердегі айыппұл, түзеу жұмыстары, екі жылға дейінгі мерзімге шектеу не бас бостандығынан айыру) енгізіледі. Педагогтердің жауапкершілігіне қойылатын талаптарды қатаңдату білім беру ұйымдарындағы балаларды барынша қорғауға мүмкіндік береді", - деп атап өтеді Үкімет басшысы жауабында.</blockquote>Үкімет басшысының айтуынша, Мемлекет басшысының тапсырмасына орай қоғамдық ұйымдардың, тәуелсіз сарапшылардың қатысуымен қазақстандық білім беру сапасын арттыру үшін "Баршаға қолжетімді сапалы білім беру" Ұлттық баяндамасының жобасы әзірленді.<blockquote>"Жалпы, ол білім беру сапасын бағалаудың ұлттық жүйесін енгізе отырып, білім берудің барлық деңгейінің сапасын жақсарту жөніндегі жүйелі шараларды көздейді. Қазіргі уақытта Ұлттық баяндаманы іске асыру үшін барлық өңірлерде мектептер бөлінісінде білім беру сапасын арттыру бойынша Жол карталары дайындалды", - деді Әлихан Смайылов.</blockquote>

Оқушыны тәрбиелеу міндетін орындамаған мұғалімге қылмыстық жазалау шарасы енгізілмек

<a href="https://kyzylorda-news.kz/">Kyzylorda-news.kz</a>&nbsp; Кім-кімнің де бала кездегі арманы ұстаз болудан басталады емес пе? Кейіпкеріміз Әсем Пірімова да ұстаз болып шәкірт тәрбиелеуді қалаған еді. Бұл күнде ол арманына қол жеткізді. Қаладағы білікті ұстаздардың қатарынан көрініп «Үздік педагог» атанды. Бүгінде ол Қосшыңырау ауылдық округіне қарасты Абай ауылындағы&nbsp;№138 орта мектепте еңбек етеді.&nbsp;&nbsp;&nbsp;&nbsp;&nbsp;&nbsp;&nbsp;&nbsp; Қармақшының Тұрмағанбет ауылында қарапайым отбасында дүниеге келген Әсем Әбдірахманқызы жастайынан зерек болды. Сабақ үлгерімі де жақсы, қоғамдық іс шараларға да белсене араласты. Кітап оқуға деген құштарлығы оның ауыл кітапханасының тұрақты оқырманы етті. Ол әу бастан-ақ ұстаз болуға бекінген.&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; – 6 сыныпта болашақта ағылшын тілі пәнінен сабақ беремін деген мақсат қойдым. Осылайша ағылшыннан күніне 30 сөз жаттап, дайындықты бастадым. Алайда сол кезде қазақ тілі мен әдебиеті пәнінен сабақ беретін ұстазым пәндік олимпиадаға қатысатынымды айтты. Аудандық олимпиададан 1 орынды иеленіп, артынша Абай оқулары байқауына қатысып, одан да 1 орынды жеңіп алдым. Байқаудың облыстық кезеңінен өтіп, республикалық кезеңде де 1 орынды иемдендім. Осыдан соң менің ағылшын тілі мұғалімі боламын деген ойым қазақ тілі мен әдебиеті пәніне өзгерді. Мектеп бітірген соң Қорқыт ата атындағы Қызылорда университетіне оқуға түстім. Алғашқы еңбек жолымды Алматы қаласындағы №26 орта мектептен бастадым. Кейін білімімді әрі қарай жетілдіру мақсатында аталған оқу орнында магистратура оқыдым, – дейді Әсем Пірімова бізбен әңгімесінде.&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Қандай мамандық иесі болсаң да өз ісіңе деген сүйіспеншілік пен адалдық ғана алға жетелейді. Еңбегін жемісін береді. Ал ұстаздық тек 45 минут сабағыңды өткізумен ғана шектелмеуі тиіс. Бүтін ұрпақтың білімі мен тәрбие жауапкершілігін арқалаған мұғалімдердің еңбегі ерен. Кейіпкеріміз қажырлы еңбегі мен таудай талабының арқасында бұл сыннан да сүрінбей өтіп келеді. Шәкірт тәрбиелеуде әрбір баланы жұлдыз санап, оның жарқырауын міндет еткен Әсем Әбдірахманқызының бұл басты ұстанымы.– Бала алдындағы жауапкершілікті сезініп әрбір сабағыма тиянақты дайындалу, нәтижелі білім беру мен адамдыққа баулу – мұғалімдік міндетім деп білемін. Біз шәкірт тәрбиелеуде білімімізбен,&nbsp; мәдениетімізбен, сөзімізбен, ісімізбен мүдделіміз. Ұстаздық қызметте кәсіби жетістіктерге қол жеткізумен қатар оқушыларды да түрлі байқауларға дайындап, жеңіс тұғырынан көрінуге аянбай еңбек етіп келеміз. Оқушыларымның қалалық, облыстық, республикалық деңгейде түрлі білім бәйгелерінде топ жаруы соның жемісі. 2020 жылы оқушым Айша Жетпісбай XV республикалық «Зерде» конкурсында 2 орынды иеленсе, 2021 жылы 9 сынып оқушысы Айжан Серікқызы республикалық Мағжан оқулары конкурсында 3 орынды иеленді. Ал 2022-2023 оқу жылында 10 сынып оқушысы Әбдіғапбар Сабина жалпы білім беретін пәндер бойынша республикалық олимпиадада қазақ тілі мен әдебиеті пәнінен 1 орынды және алтын медальді иеленді. Олимпиада қорытындысымен мектебіміз ҚР Оқу-ағарту министрлігінің «100 үздік олимпиадалық мектеп» рейтингісіне енді. Бұл – ауыл мектебі үшін үлкен жетістік. Сабинаның Сыр елінің білім қоржынына қосқан үлесін бағалап, облыс әкімі «Сыр дарыны» медалімен марапаттап, алғыс білдірді. Біліммен көтерілген биік тұғыр оқушыма үлкен серпін, жалынды жігер берді. Баланың шырағын жағып, оның болашағына даңғыл жол салғанымды мамандығыма адалдықтың өлшемі деп ойлаймын, –дейді ол.&nbsp;Жуырда Әсем Пірімова «Үздік педагог» атанды. &nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;<blockquote>– Еңбек жолымдағы жетістіктерімді саралай келе осы байқауға қатысуды жөн көрдім. Конкурсқа қатысу үшін электронды портфолионы министрліктің ақпараттық платформасына жүктедік. Байқаудың қалалық кезеңінде жеңімпаз атанып 150 мың көлемінде қаржылай сыйақыға ие болдық. Облыстық кезеңде де облыс әкімі «Үздік педагог» конкурсының жеңімпазы және 1 035 000 теңгенің қаржылай сертификатын табыстады, – дейді үздік ұстаз.</blockquote>Кейіпкеріміз жолдасымен бірге&nbsp; ұстаздық қызмет пен отбасын қатар алып жүрген жан. Жауапты қызметте, қым-қуыт тірлікте үш бала тәрбиелеп отырған аяулы ана, ата-енесінің бабын тапқан адал келін, сүйікті жар. Бүгінде жеткен жетістігін шаңырақтағы үлкендердің қолдауының арқасы деп біледі.

Жуырда Әсем Пірімова «Үздік педагог» атанды

<a href="https://kyzylorda-news.kz/">Kyzylorda-news.kz</a>&nbsp; Қызылорда қаласы бойынша білім бөлімінің ұйымдастыруымен М.Сужиков атындағы №6 орта мектебінде «Біртұтас тәрбие бағдарламасы: Тұлға қалыптастыруда ұлттық құндылықтар негізінде білім мен тәрбие берудің маңызы» тақырыбында қалалық семинар өтті.&nbsp;Семинарға «Тәрбие, спорт және қосымша білім беру» орталығының директоры Фархад Лиясұлы, Қызылорда қаласы бойынша білім бөлімінің бас маманы Самат Алашбайұлы, мектеп директорының тәрбие ісі жөніндегі орынбасарлары мен сынып жетекшілері қатысты.&nbsp;Тәрбие – ұрпақты биік мұратқа жетелейтін сапалы білімнің тұғыры. Ұлттық құндылықтармен сусындап өскен ұрпақ ұлағатты болмақ. Дәл осы өскелең ұрпағымыз ұлттың сапасын құрайды. Сондықтан да қадір-қасиет, ар-намыс, адалдық, патриотизм, жауапкершілік, әдептілік, мейірімділік, сүйіспеншілік, үлкенге ізет, кішіге құрмет сияқты қасиеттерге ие шығармашыл азаматты тәрбиелеу маңызды. Ұрпақ тәрбиесіне барлығымыз жауаптымыз. Мемлекет бала тәрбиесі мен біліміне ерекше көңіл бөліп, үнемі қолдау көрсетіп келеді. Біз балаларымызды біліммен ғана емес, олардың адами құндылықтарға негізделген берік ділін, заманауи дүниетанымын келешек елдің мүддесіне адал қызмет ететіндей азаматтық мінезін қалыптасуға атсалысуымыз керек. Осы мақсатта семинар барысында «Мәтін есептер шығару», «Тізбек бөлігі үшін ОМ заңы» тақырыбындағы ашық сабақтар, «Твое окружение на улице. Как совершаются правонарушения и преступления? » тақырыбындағы тәрбие сағаты, «Ата-аналарды педагогикалық қолдау орталығы» жұмыс бағыты бойынша «Жақсы бала – ата-ана қуанышы» тақырыбындағы сынып сағаты, «Ұлттық құндылықтарды оқыту пәндеріне қалай кіріктіреміз?тақырыбындағы коучинг, «Бес минут – бес асыл іс» тақырыбындағы көңілді үзіліс, «4 тоқсан – 4 өнер» жобасы аясында «Ұлттық ойындар – рухани байлығымыз» тақырыбындағы асық ату және бес асық ойындары, «Оқуға құштар мектеп» жобасы аясында «Жақсы кітап – жан азығы» оқу сағаты, «Әкелер мектебі» жобасы аясында «Әкем – бәйтерегім, ұлым –мұрагерім» тақырыбындағы әкелермен жүздесу сағаты сынды бірқатар шаралар өтті.Өскелең ұрпаққа саналы тәрбие беру бағытындағы жаңашыл жоспарлар қызу талқыланып, сарапшы мамандар тарапынан пайымды пікірлер мен ұтымды ұсыныстар айтылды.&nbsp;

«Тұлға қалыптастыруда ұлттық құндылықтар негізінде білім мен тәрбие берудің маңызы» тақырыбында қалалық семинар

<a href="https://kyzylorda-news.kz/">Kyzylorda-news.kz</a>&nbsp; Қазақ ұлттық мәдениетінің ең байырғы, аса құнды салаларының бірі - қолөнер. Бүгінгі ұрпақ өзінің ұлттық кодын, ұлттық сезімдерін, өнерін жоғалтпауы қажет. Өнер адамға жақсы әсер ететін және оны тәрбиелейтін нәзік дүние. Оның құндылығы орасан зор.Осы орайда, Қызылорда қаласы бойынша білім бөлімінің ұйымдастыруымен Ахмет Байтұрсынов атындағы №211 орта мектебінде «Қазақ қолөнер туындылары – ұлттық құндылық пен дәстүр жалғастығы» тақырыбында көркем еңбек пәні мұғалімдерінің қалалық семинары өтті.&nbsp;Өнерлі балақайлар мен шығармашыл ұстаздардың әуезді әні мен күмбірлеген күйі, бастауыш сынып оқушыларының әсерлі хоры, жоспарлы шаралар, шебер ұстаздар мен талантты шәкірттердің әзірлеген қолөнер көрмесі, лайфхакқа толы «Шеберлік сағаттар», мектепте жүргізіліп жатқан «ІСКЕР АНА» жобасы бойынша қыз балалардың аналарымен бірлескен жұмыстары семинарға келген қонақтарға ұсынылды.Бұл мектепте республикалық, облыстық байқаулардың жеңімпазы, көркем еңбек пәнінің мұғалімдері Таңатарова Дәрігүл мен Жусупова Ұлдана жетекшілік ететін «ІСКЕР АНА» жобасы 2022-2023 жылдан бастап қарқынды жұмыс жасап келеді. Жоба аясындағы ата-аналармен бірлескен жұмыстар өз нәтижесін беруде.&nbsp;Талантты қылқалам шебері Азиз Әуезханұлы өзіндік қолтаңбасымен ерекшеленетін туындыларының қалай жарыққа шыққанын айтып, тәжірибесімен бөлісу арқылы әріптестерінің бейнелеу өнеріне деген ерекше құрметін арттыра білді.

Қазақ қолөнер туындылары – ұлттық құндылық пен дәстүр жалғастығы

<a href="https://kyzylorda-news.kz/">Kyzylorda-news.kz</a>&nbsp; Қызылорда қаласы бойынша білім бөлімінің ұйымдастыруымен Ж.Қизатов атындағы №23 мектеп-лицейінде «Біртұтас тәрбие бағдарламасы: Ұлттық тәрбие-ел болашағы» тақырыбында қалалық семинар өтті.&nbsp;Бұл алқалы басқосуға Қызылорда қаласы бойынша білім бөлімінің бас маманы Самат Алашбайұлы, қала мектептерінің директорларының тәрбие ісі жөніндегі орынбасарлары мен сынып жетекшілері және мектеп психологтары қатысты.&nbsp;Қалалық білім бөлімі тәрбие бөлімінің бас маманы Күнқожаев Самат Алашбайұлы: Тәрбие – ұрпақты биік мұратқа жетелейтін сапалы білімнің тұғыры. Ұлттық құндылықтармен сусындап өскен ұрпақ ұлағатты болмақ. Дәл осы өскелең ұрпағымыз ұлттың сапасын құрайды. Сондықтан да қадір-қасиет, ар-намыс, адалдық, патриотизм, жауапкершілік, әдептілік, мейірімділік, сүйіспеншілік, үлкенге ізет, кішіге құрмет сияқты қасиеттерге ие шығармашыл азаматты тәрбиелеу маңызды. Ұрпақ тәрбиесіне барлығымыз жауаптымыз, - деп өз пікірін білдірді.Семинар барысында «Төрт тоқсан төрт өнер» жобасы аясында «Ұлттық өнер» көрмесі, «Ұлттық тағамдар» көрмесі, «Ата-аналарды педагогикалық қолдау орталығы» кабинетінің ашылу салтанаты, «Тоғыз айға тоғыз іс-шара жобасы» аясында Ұлттық аспаптар оркестрінің өнері, «Әлем балалар көзімен» сурет көрмесі, «Ерлікке тағзым» Жәлел Қизатов мұражайының таныстырылымы, «Өзін-өзі басқару»мектеп парламенті және Жас Ұлан ұйымы жұмыстары, кофе-брейк сергіту сәттері ұйымдастырылды.&nbsp;Ал мектеп театры жобасында «Сахналық қойылымдар арқылы оқушыларды жан-жақты тәрбиелеу және тұлға қалыптастыру» тақырыбы сараланды. Сонымен қатар «Ұлттық лига жобасы» бойынша волейбол спорт түрінен шеберлік сағаты өткізілсе, «Төрт тоқсан – төрт өнер» жобасы аясында «Ұлттық спорт – ұлттық құндылықтарымыз» асық ату және бес асық ойындарын насихаттау, «Оқуға құштар мектеп» жобасы аясында «Кітап оқуды дамыту:әдістер мен идеялар» тақырыбы қамтылды.&nbsp;Өскелең ұрпаққа саналы тәрбие беру бағытындағы жаңашыл жоспарлар қызу талқыланып, сарапшы мамандар тарапынан пайымды пікірлер мен ұтымды ұсыныстар айтылды.

«Ұлттық тәрбие – ел болашағы» тақырыбында қалалық семинар өтті

<a href="https://kyzylorda-news.kz/ru">Kyzylorda-news.kz</a> &nbsp;Мұғалім – бала жанының бағбаны. Иә, ұлылардан қалған сөз осылай дейді. Әсілінде бұл саланы таңдаған жан уақытпен санаспайды, бар уақытын шәкірттің шыңдалуына арнап, мектеп бағдарламасынан тыс өмір мектебінің де дәрістерін оқушы санасына сіңіруге еңбектенеді. Ол үшін ізденіс пен қажырлы еңбек керек.Сырдариялық жас маман Тұрар Жағыпаровтың бойынан осы қасиеттер табылып, тыңнан түрең салуға ерекше талаптанып жүр. Ол таяуда ғана аудан әкімінің «Өрлеу» жастар сыйлығын иеленді.Жас маман №44 орта мектепте информатика пәнінің мұғалімі болып жұмыс істейді. Білім ошағында еңбектеніп жүргеніне де көп болды. Әйтсе де, ол мұғалім деген ұғымның астарында не жатқанын және нағыз ұстаздың қандай болуы керек екенін жақсы түсінеді.<blockquote>«Мұғалім болу тек бала оқытудан тұрмайды. Оның мойнында ұшан-теңіз жауапкершілік бар. Қазіргі балалар ерекше. Жай ғана сабақ барысында таңғалдыра алмайсыз. Сондықтан мақсат үдесінен шығу үшін мұғалім күнделікті ізденіп, сабақ өту процесінде өзінің идеясымен ерекшелену керек. Әйтпесе, жүрдім-бардым қарап, көптің бірі болсаңыз, уақытыңыздың босқа өтіп жатқаны. Жатпай-тұрмай еңбектеніп, ізденгеннің арқасында ғана ұстаз баланың жүрегіне жол таба алады», – дейді Тұрар.</blockquote>Жас мұғалім аудандық, облыстық деңгейдегі көптеген іс-шараларда белсенділік танытып келеді. Алақандай ауылдағы мектептің аясынан шығып, жұмыстан тыс уақытында аймақтың белсенді жастарымен бірге уақытын тиімді өткізіп, республикалық іс-шараларға дейін ат басын бұрып жүр. Онысын өзін-өзі дамытуға балайды. Әрине еңбегі қай кезде де жемісін беріп келеді. Ол «Қазақстанның үздік ұстаздары – 2020» респуб­ликалық бай­қауының жеңімпазы атанды. «Жалын­даған жастық – жаңа белесі» жас педагогтардың жазғы лагерінде «Үздік топ басшысы» атағын жеңіп алды. «Жастар жылы» аясында аудан мұға­лімдері ара­сындағы «Жай­дарман» сайы­сында І орынды олжалады. Спорттық сайыста да мектеп қызметкер­лерінен құралған команданың белсенді ойыншысы ретінде сан мәрте марапат мінберіне көтеріліп жүр.<blockquote>«Менің ойымша, жас мұғалім еңбек демалысын күтіп, уақыт өткізуге асығатын адам болмау керек. Иә, ауыл баласымын. Менің де ауладағы ұсақ-түйек тіршілігім бар. Бірақ соның бәрінің қиюын келтіріп, уақытты үйлестіре білуім керек. Сондықтан еңбек демалысымды өзімді-өзім да­мытуға арнаймын. Түрлі форумдарға қатысамын, аймақтың белсенді жастарымен бірге түрлі іс-шараларда белсенділік танытамын. Әсіресе жазғы лагерьден көпшілігі басын алып қашады. Мен керісінше, соған атса­лысуға асығамын. Өйткені жұмыс ортаңнан ғана емес, түрлі ортадан мамандар келеді. Түрлі сала өкілдерімен бас қосатын форумдардан да алатыным көп. Өзімді-өзім дамытамын дегенім сол. Пікір алмасамыз. Мұғалім жан-жақты болу керек. Кез келген мәселеде пікір білдіре алатын, ойын айта алатын және соған сай білімі мен тәжірибесі бар адам болған жөн. «Мұғалімнің өмірі оқумен өтеді» деген сөздің жаны бар. Осылайша тәжірибелі ұстаз деңгейіне ұялмай жете аламын», – дейді жас ұстаз.</blockquote>Әлбетте, мұғалім еңбегі бір жапырақ қағаз емес. Сан алуан жетістіктерге қол жеткізіп, әркез марапат мінберіне шығып жүрген Тұрар осы бір жапырақ қағаздың артында еселі еңбек, маңдай тер тұрғанын айтты.&nbsp;<blockquote>«Әрбір жеткен жетістігім – маңызы жоғары, мен үшін құнды құрмет. Өйткені сол құрметке лайықты болудың өзі үлкен бір деңгей. Сегіз сағаттық жұмысты қиынсынатындар бар, ал тәулігіне жиырма төрт сағат жұмыс, ол мұғалімге тиесілі. Қоғам мұғалімнің мойнына көп жұмыс артып қойды. Бірақ соған қарамастан артылған жауапкершіліктің үдесінен шығу табандылық пен қажырлы еңбек.&nbsp;Қазіргі мұғалім осыған талпынып келеді», – дейді Тұрар Жағыпаров.</blockquote>&nbsp;

Тұрар Жағыпаров: Әр жеткен жетістігім – құнды құрмет

<a href="https://kyzylorda-news.kz/">Kyzylorda-news.kz</a>&nbsp; Дүниедегі баға жетпес мамандықтың бірі – мұғалім. Себебі ұстаз барлық&nbsp; мамандық&nbsp; &nbsp;иесін&nbsp;тәрбиелеп,&nbsp; оқытып&nbsp; үйрететін мейірімді абзал&nbsp; жан. Жас ұрпақтың жарқын болашаққа барар жолын айқындап беретін, жүрегі жылулық пен мейірімге толы, шәкіртіне екінші анасындай бола білген ұстаздың бірі – Гүлжанат Кенжалиева.Ол 1963 жылы Қармақшы ауданындағы Ақай елді мекенінде дүниеге келген. 1970 жылы аудандағы Шоқан Уәлиханов атындағы №26 мектептің бірінші сыныбына барған. Кейін Қармақшы ауданына қарасты Қуаңдария ауылындағы № 186 мектепті тәмамдаған.&nbsp;Жастайынан білімге құштар кейіпкеріміз оқушы кезінде үздіктер қатарында&nbsp;болған.&nbsp; Білім үйреткен ұстаздарына қызыға қарап, әдеби шығармаларды жаны сүйген кейіпкеріміз&nbsp; ұстаздық жолының&nbsp; қалай бастау алғанын айтып берді.– Орыс тілі мен қазақ тілі және әдебиет пәнінен беретін ұстаздардың әрбір жүріс-тұрысына мән беретінмін. Оның ішінде Шегебай Құндақбаев есімді ұстазға тәнті едім. Ол сыныпқа кіріп келе жатып жаңа тақырыпты айтып, Абайдың өлеңдерін оқитын. Сонда сыныптағы оқушылар ұстаздың өлең оқып болғанынша тік тұрып, тыңдайтын. Міне, осы кісінің оқушылар алдындағы ерекше әдіс тәсілдері менің жадымда мәңгі сақтаулы. Сонымен қатар сынып жетекшім Күлия Каленова апайымнан мәдениетті үйрендім. Мен осы ұстаздарға еліктеп, солардай болғым келді. Бүгінде осы ұстазымның жолын жалғастырып келе жатырмын деп ойлаймын, – дейді кейіпкеріміз.Осылайша ұстазының жолын қуған шәкірт Әл-Фараби атындағы қазақ мемлекеттік университетінде филология мамандығын оқып, бітірген.&nbsp;Алғаш еңбек жолын Қармақшы ауданындағы Кекірелі елді мекеніндегі №254 мектептен бастаған. Кейін отбасын құруына байланысты Ақтөбе&nbsp;ауылындағы №109 мектепке ауысқан. Онда аз уақыт жұмыс істеп,&nbsp; Иіркөл елді мекеніндегі № 106 мектепке ауысып, ұзақ жыл қызмет атқарған.&nbsp;– Бір күні нағашыма қыдырып келгенде оның балалары №7 мектепті мақтанышпен айтып отырғанын құлағым шалды. Сөйтсем наға­шымның балалары сол мектептен білім алады екен. Содан қалаға көшкенде менде осы мектепте мұғалім боламын деген мақсат қойып, 1999 жылы құжатымды қалалық білім бөліміне тапсырып, №7 мектепке барғым келетінін айттым. Сөйтіп, қыркүйек айында сол мектепке қазақ тілі мен әдебиеті пәнінің мұғалімі болып жұмысқа орналастым, – дейді Гүлжанат Кенжалиева.Арман-мақсатына жеткен мұғалімнің бұл&nbsp; мектепте қызмет атқарып келе жатқанына жиырма төрт жыл болған. Осы 24 жылдың ішінде әріптестеріне сыйлы болып ғана қоймай, оқушы­ларының да сүйікті ұстазына айналды.– Гүлжанат апай менің сынып жетекшім бол­маса да ол кісіні қатты құрметтеймін. Апай бізге қазақ тілі және әдебиеті пәнінен білім беретін. Кейде сабақтан бөлек түрлі шығармалардағы әңгімесін, өмірге қатысты мысалдар келтіре оты­рып сабақты қызықты өткізетін. Тіпті оқушыларға сұрақ қоюының өзі ерекше еді. Бірде әдебиет сабағы болуы керек, сонда апай «менен кім қорқады?» деп сұрақ қойды. Сол кезде бірнеше оқушы қолымызды көтердік. Қол көтерген оқушыларды орнынан тұрғызып: «Менен неге қорқасыңдар? Адам адамнан қорықпайды, адам Жаратушыдан қорқады, ал адамдар бір-бірін сыйлап, құрметтейді», – деген еді. Міне, осы сөз менің жадымда мәңгі қалды. Әрдайым көпшілік арасында&nbsp; бойымды қорқыныш билейтін сәтте, апайдың айтқан сөзін есіме түсіріп, сол сөзді қайталап көпшілік арасында өзімді еркін ұстауды үйрендім. Қазір адамдар арасында тез тіл табысатын,&nbsp; ашық жарқын адаммын, – дейді оқушысы Айгүл.Оқушысы айтқандай, мұғалім сыныпта сабақ оқытумен қатар түрлі әңгіме мен шығарманы айта отырып, балалардың білімге деген қызығушылы­ғын арттыра білген.– Пәнге қызығушылығымның арқасында әрі мамандығымның қыр-сырын меңгеру үшін әдеби шығармаларды көп оқитынмын. Тіпті 1 аптада он шақты кітап оқыған кездерім болды. Соны оқушыларыма үлгі болсын деп&nbsp; айтып, кітап алма­сатынбыз. Жалпы балалармен емін-еркін ашық&nbsp;сөй­лесемін, сол кезде балалардың бойында еркіндік пен жауапкершілік пайда болады, – дейді Гүлжанат Кенжалиева.Оқушыларының алғысын естіген ұстаз өмір жолының текке өтпегенін&nbsp;жеткізді.&nbsp;Ұстазының жолын қуған кейіпкеріміз оқу­шылар мен мұғалімдер арасында сыйлы болып,&nbsp;құрметке бөленіп жүр. Сондай-ақ облыс әкімінің бастамасымен мұғалімдер арасындағы сайысқа қатысқан кейіпкеріміз «Миллионер ұстаз» атағын алса, 2019 жылы қала әкімінің ұйымдастыруымен өткен «Үздік мұғалім» сайысынан сыйақы алған. 2018 жылы облыс әкімінің қолдауымен шыққан&nbsp; «Өлкетану» оқулығының авторының бірі екенін де айтып өткен жөн.

Миллионер мұғалім

&nbsp;Ұстаз мәртебесін көтеру, лайықты сый-құрмет көрсету – білім беру саласын ілгерілетудің бірден-бір жолы. Мұны егемендік алғалы әлеуметтік мәселесі мәз болмаған мұғалімдер қауымы жақсы біледі. Жалақы аз, кадр тапшы болған кезді де бастан өткерді. Тек соңғы бесжылдықта «Педагог мәртебесі» туралы Заң күшіне еніп, еңбекақы да біршама өскен. Осылайша, ұстаздарды қаржылай демеу, сапалы жұмыс істеуге ынталандыру үзілмей келеді. Қала әкімінің үздік педагогтарға сыйақы беруі де сол үрдістің жалғасы еді. Осы орайда құрмет төрінен көрінген Мөлдір Дәуренбекқызымен сұхбаттасқан едік.– Мөлдір Дәуренбекқызы, саладағы еңбегіңіз ескеріліп, өткен жылы марапат төрінен көрінген едіңіз. Сіз үшін марапаттың мән-маңызы қандай?&nbsp;&nbsp;&nbsp;&nbsp;&nbsp;– Әрбір белес қажырлы еңбекті талап етеді. Аталған байқаудың жеңімпазы атану да осы ұстаным нәтижесінде қол жеткен жетістік. Әріптестерімнің ұсынысы бойынша «Үздік педагог» байқауына қатыстым. Жеткен жетістік, шәкіттерімнің білім көрсеткіші ескеріліп, сайыс жеңімпазы атандым. Жылдар бойы жинаған тәжірибе, шәкірттерімнің түрлі конкурс, олимпиада мен ғылыми жобалардан алған марапаты және қала, облыс, республика көлеміндегі кәсіби байқаулардағы нәтижем жеңіске жетеледі десем, артық емес. Осылайша, Қызылорда қаласы әкімінің сыйақысын иеленуге мүмкіндік туды. Әрбір педагог байқау үшін ғана емес, кәсіби қабілетін шыңдау үшін де үнемі ізденіс үстінде болуы қажет. Жаңа бағдарламаларды меңгеру, басылымдарға мақала беру, тәжірибе алмасу қашанда оң өзгеріске бастайды. Байқаудың жеңімпазы атануым ұстаздық жолымда оқушыларыма сапалы білім беріп, ұстаздық ұстанымды дәріптегенімнің жемісі деп білемін.&nbsp;– Педагогикалық, ғылыми жетістіктеріңізді айта кетсеңіз.&nbsp;– Бәрі кәсіби білімнен басталады. Сондықтан алған білімім алға жетеледі. Салада сапалы жұмыс істеу мақсатында педагогика ғылымдарының магистрі дәрежесін иелендім. Ғылыми айналымға үлес қосу мақсатында ІІ томдық ІТ сыныптарға арналған үйірме бағдарламалары (көмекші) оқу-құрал шығардым. «Жасыл мектеп» жобасын іске асыруға бағытталған әдістемелік ұстанымдар мен нұсқауларды да дайындадым. Оған қоса, «ONLINE MEKTEP» жобасы аясында информатика пәнінен телесабақтардан түсірілім жасағанымды да баса айтқым келеді. Телесабақтар Ы.Алтынсарин атындағы ұлттық білім академиясының сараптама қорытындысымен мақұлданған.&nbsp;Сондай-ақ байқауларға қатысып, керекті мағлұмат пен тәжірибе жинағанды ұнатамын. Мәселен, жуырда «Педагогикалық идеялар» республикалық конкурсының жеңімпазы атансам, «Үздік информатика пәні мұғалімі» қалалық байқауынан бас жүлде иелендім.&nbsp;– Ұстаздың басты жетістігі – шәкірт нәтижесі. Байрақты бәсекелерде топ жарған қай шәкіртіңізді атар едіңіз?&nbsp;– Оқушыларым жыл сайын пәндік олимпиадалар мен ғылыми жобалар конкурстарына қатысып келеді. Ерекше бәсекелерде топ жарған шәкіртім – Евгений Демиденко. Евгений Корей мемлекетінде халықаралық «Жас ғалым» ғылыми сайысынан алтын медаль, Алматы қаласында өткен халықаралық «Infomatrix Asia» ғылыми сайыстарының күміс медаль, Ресей федерациясы Мәскеу қаласында өткен «АдамЖер-Ғарыш» ғылыми конкурсының І орын иегері атанды. Н.Назарбаев Қорының оқушылар арасындағы байқау жеңімпазы. Қалалық «Мультимедиалық фестивалінің» жеңімпазы. Қазақстан-Британ техникалық университетінің грант иегері. Ал Думан Әскербек – информатика пәнінен қалалық, облыстық пәндік олимпиада жеңімпазы. Білімбілігінің нәтижесінде Сүлеймен Демирел университетінің грант иегері атанды. Осы екі шәкіртімді ерекше атағым келеді.&nbsp;– Ұстаз болудың қиындығы мен қызығы неде?&nbsp;– Ұстаз таудан арқырай аққан тау өзені секілді. Айналасына қуат беріп, жолындағыны нәрлендіріп, таудай қиындықты тастай домалатып, білім даласында тыныштық орнатады. Ұстаз – Жер деген әлемнің бетін көркейткен, шәкірттеріне шуақ төккен Күн-Ана. Ұстаз – ақылдың тозбайтұғын асылы. Қасиетті мамандық иелерінің ішіндегі жауһары. Өзге мамандық атаулысы түр-сипатын мың құбылтып жатса, бәз баяғы қалпында адамгершілік қасиет еккен диқаншы. Қиындығы мен қызығы мол мамандықты бала күнімнен армандадым. Адам баласына көмектесу игілікті істердің бастамасы деп білемін. Мамандығыңды шын сүйсең, оның еш қиындығы жоқ деп ойлаймын.&nbsp;– Ата-анамен байланыс орнату үшін қандай әдіс тиімді? Бүгінгі ата-ана-ұстаз-шәкірт үштігінің байланысы қай деңгейде деп ойлайсыз?&nbsp;– Замануи технологиялар дамыған заманда ана-ұстазшәкірт үштігінің байланысы маңызды. Ақпараттық ағымның көптігінен оқушылар пайдалы ақпарат пен зиян ақпаратты сүзгілемейді. Салдарынан оқуға ынтасы болмай, әлеуметтік желілерге көп уақыт бөледі. Ата-ана мұғаліммен әрдайым байланыс орнатып, баланың оқуы мен дамуындағы өзгеріске хабардар болса, бәрі оңалар еді. Ата-ананың мектеп шарасына қатысуы да балаға пайда әкеледі. Мұғалім ата-ананы баланың білімі мен тәрбиесі жайында хабардар етуі тиіс. Сонда ғана үштіктің тиімді байланысын ұйымдастыруға болады. Сондықтан білімді де саналы ұрпақ тәрбиесі ата-ана, ұстаз байланысына тәуелді екенін ұмытпаған жөн. Абай атамыздың: «Ақырын жүріп анық бас, еңбегің кетпес далаға. Ұстаздық еткен жалықпас, үйретуден балаға», – деген қасиетті қағидасы әрқашан ұстаздың жүрегінде ұстайтын ұстанымы болса екен.&nbsp;– Әңгімеңізге рақмет!&nbsp;

Мөлдір Дәуренбекқызы: Кәсіби қабілетін шыңдау үшін де үнемі ізденіс үстінде болуы қажет 

<a href="https://kyzylorda-news.kz/">Kyzylorda-news.kz</a>&nbsp; Бастауыш сынып мұғалімдеріне арналған «Алтын тұғыр» республикалық олимпиадасында облыс намысын қорғаған №111 қазақ орта мектебінің бастауыш сынып мұғалімі Шұғыла Шайманалиева олимпиада жүлдегері атанды. Педагогтердің кәсіби құзыреттілігін арттыру, мұғалім тұлғасының шығармашылық әлеуетін дамыту мақсатында ұйымдастырылған сайыста жерлесіміз 160-тан астам мұғалімнің арасынан оза шауып, І орынды иеленіп, Дубайға жолдама ұтып алды.<blockquote>− Олимпиада тапсырмалары бастауыш сынып бағдарламаларын негізге ала отырып құрастырылған авторлық, басым бөлігі логикалық есептерден тұрды. Республиканың түкпір-түкпірінен келген мұғалімдермен бәсекеге түсіп ең жоғары балды жинадым. Бұл – үлкен мерей әрі зор жауапкершілік. Маған сенім білдірген жандарға алғысым зор. Аталған конкурс&nbsp; – шынымен де мамандар тәжірибесін шыңдап, ынталандыратын айрықша жоба. Мұғалімдердің кәсіби дағдыларын жетілдіру, бәсекеге қабілеттілігін арттыру мақсатында өткен сайыстан мол тәжірибе жинадым. Заманауи мұғалім әрқашан ізденіс үстінде жүріп, өзін жетілдіріп отыруы керек. Басты мақсат – шәкірттерімнің саналы азамат болып қалыптасуы, − деді Шұғыла Қанибекқызы.</blockquote>Айта кету керек, Астана қаласындағы жарыс «Дарын» РҒПО мен&nbsp; «Зерделі» ақыл-ой дамыту орталығының ұйымдастыруымен өтті. Оған облыстық іріктеу кезеңінің жеңімпаздары қатысты.

Ауыл мұғалімі Дубайға жолдама ұтып алды

<a href="https://kyzylorda-news.kz/">Kyzylorda-news.kz</a>&nbsp; Қызылордада өткен «Innofest Qyzylorda – 2023» облыстық инновациялық жобалар фестивалі жеңімпаздарының бірі – №285 мамандандырылған мектеп-лицей-интернатының 9 сынып оқушысы Жайылхан Бекзат Маратұлы. Ол «Цифрлық сабақ жоспары» жобасын әзірлеп, таныстырған болатын. «Біздің платформа болашақта Kundelik.kz-тен кейін екінші орында болады» дейді жетекшісі Дархан Совет бізбен әңгімесінде.<blockquote>«Анам – мұғалім. Сабақ жоспары әзірленіп, ол бекітіліп, қолданысқа енгізілемін дегенше қанша уақытын жұмсайды. Әрине, оған қосымша қағаз шығынын да айту керек. Бұл жоба арқылы мен екі нәрсені үнемдейтінін айттым. Біріншісі – уақыт, ол қазіргі сәтте бәрінен құнды. Екіншісі – қағаз, сия тәрізді түрлі шығындар. Иә, осы күні мұғалімдер көптеген кедергілерді бастан өткеруде. Қалған уақытын өзінің кәсіби біліктілігін арттыруға, балаларға сапалы білім беруге жұмсар еді», – дейді жеңімпаз Бекзат.</blockquote>Бекзат осы сайыста Қорқыт ата атындағы Қызылорда мемлекеттік универ-ситетінің білім грантын жеңіп алды. Аламанның бас бәйгесі де осы болатын. Бекзатпен бірге оның жетекшісі Дархан Совет те қуанды. Әрине, шәкірт жетістігі – ұстаз еңбегінің көрінісі.<blockquote>«Бар шаршағаныңды ұмытып, қуанатын кезеңің – жеңіске жеткен сәт. Мәселен, диқан егінді аман-есен жинап болғанда қалай қуанып, аптығын басса, біз де сол сезімде болдық. Бір айырмашылығы, біздің егін жинау науқаны толастамайды. Күзде бітті, болды деген жоқ. Мойындағы үлкен жауап-кершілік пен әріптестердің артқан сенімі қай кезде де алға жетелейді. Біздің білім ошағының ашылғанына да көп уақыт бола қойған жоқ. Бірақ соған қарамастан шәкірттерімізбен бірге бұл оқу орнына түсудің өзі жетістік екенін танытқымыз келді. Біздің мақсат білім грантын ұтып алумен шектелмейді. Алда талай аламанның көркін қыздырамыз, талай биікті бағындырамыз. Білім айдынында талай мықтының қанатын қатайтатын деңгейімізді танытамыз», – дейді техника ғылымдарының магистрі Дархан Жамалханұлы.</blockquote>Бекзат Маратұлы осындай мықты ұстаздардан білім алып, алда да өзінің шеберлігін шыңдай түсетініне сенімді. Тоқмейілсу адамды тежейтініне біледі.<blockquote>«Білімдінің күні – жарық» дейді халық даналығы. Әлемдегі қай мамандықты меңгеремін десеңіз де, алдымен білім керек. «Білімсіз күнің жоқ, оқусыз білім жоқ» деген ата-бабамыз да осы ерекше құндылықтың қадірін бағамдаса керек. Мен әкемді үлгі тұтамын, мақтан етемін. Әкем тәрізді азамат болғым келеді. Кісі ақысын жемейтін, тура жолдан тайқы¬майтын, мықтымын деп көкірек ұрмайтын қазақтың бір баласы болсам жеткілікті. Мамандыққа келсек, әлі тұрақты мақсат қойғаным жоқ, өйткені, кім болатынымды шешпедім. Мүмкін, ІТ саласының өкілі, бәлкім жеке кәсіпкер болармын. Қайткен күнде де тәуелсіз еліміздің тұғырын нықтап, әлем төріндегі даңқын асқақтататын азамат болсам жеткілікті. Ал бүгінгі жобама келсем, сәтін салса, қолданысқа еніп, ұстаздарыма тигізген пайдам болар еді», – дейді дарынды Бекзат.</blockquote>Cайыста бақ сынаған 600 баланың ішінен аламанның алдына шығып, биіктерді еңсерген Бекзаттың бұл жетістігі Сыр өрендерінің өресі биік екенін тағы бір байқатты. Бекзат тәрізді ондаған бала жүйрік атанып, жетістік желкенін керді. Мұндай жастардың қалыптасып келе жатқанын көру – біздің де басқа жазған бақ екені рас.&nbsp;Фото: Нұрболат Нұржаубай

Қазақстан және Қызылорда облысының жаңалықтары: Білім