Білім беру ұйымдарының жай-күйі қалай?

<a href="https://kyzylorda-news.kz/">Kyzylorda-news.kz</a>. Қорқыт ата атындағы Қызылорда университетінің «Шоқайтану» орталығында қазақ-ағылшын, ағылшын-қазақ тіліне аударылған «Oxford Qazaq Dictionary» сөздігінің тұсаукесер салтанатты рәсімі өтті. Басқарма Төрағасы – Ректор, филология ғылымдарының кандидаты Каримова Бейбіткүл Сәрсемханқызы кітапқа қатысты пікірін білдірді.<blockquote>– 2024 жылдың 26 қаңтарында Ұлыбританияның Oxford университеті ғимаратында тұңғыш қазақ-ағылшын, ағылшын-қазақ Oxford Qazaq Dictionary сөздігінің халықаралық таныстырылымы өткізілген болатын. Бүгінгі конференция жұмысына Халықаралық «Қазақ тілі» қоғамының президенті Рауан Кенжеханұлы қатысып отыр. Рауан Кенжеханұлы – белгілі қоғам қайраткері, Қазақша Уикипедияның негізін қалаушы, 100 жаңа кітап ауқымды жобасының жетекшісі болған. 2023 жылдан бастап Халықаралық «Қазақ тілі» қоғамының президенті болып сайланды. Осы қаңтарда Ұлыбританияда өткен сөздік презентациясына ҚР Ғылым және жоғары білім министрі Саясат Нұрбек, Қазақстан Республикасының Ұлыбритания және Солтүстік Ирландия Біріккен Корольдігіндегі Төтенше және Өкілетті елшісі Мағжан Илиясов, Freedom Holding Corp. негізін қалаушы Тимур Турлов, Оксфорд университетінің профессорлары мен студенттері қатысқан болатын. Өздеріңізге белгілі, Oxford Qazaq Dictionary – Oxford Languages желісі мен Ұлттық аударма бюросының бірлескен жобасы.</blockquote><blockquote> Осы сөздік негізінде қазақ тілі Оксфорд Жаһандық Тілдер (Oxford Global Languages) платформасына қосылды. Соның нәтижесінде қазақ тілі әлемнің іргелі 100 тілінің лексикалық қорымен өзара байланысып, ортақ ғаламдық тіл корпусына енуде. Бүгін міне біздің университетіміздің кітапхана қорына 65 дана сөздік сыйға тартылды. Ең бастысы, еліміздің қазақтілді азаматтарына, сонымен қатар жалпы ағылшын тілін үйреніп, қолданып жүрген Қорқыт ата университетінің ғалымдары мен білімалушыларына, 60 000 сапалы аударылған сөз қорын игеруге мүмкіндіктер ашылды, – деді Бейбіткүл Сәрсемханқызы.</blockquote>Сонымен қатар, аталған іс-шарада Халықаралық «Қазақ тілі» қоғамының президенті Рауан Кенжеханұлы, Қызылорда облысының қоғамдық даму басқармасы басшысы Есмаханов Алмасбек Әбілқасымұлы, Халықаралық «Қазақ тілі» қоғамының Қызылорда облыстық филиалының төрағасы Аңсат Сәдуақас Әбдіқадырұлы баяндама жасады және де қазақ тілі мен әдебиеті және журналистика білім беру бағдарламасының аға оқытушысы, филология ғылымдарының кандидаты Боранбай Болат Елтайұлы, Шетел тілдері және аударма білім беру бағдарламасының аға оқытушысы, педагогика ғылымдарының магистрі Изтлеуова Жанна Бахытжанқызы мемлекеттік тілдің төңірегінде арнайы пікірлерін жеткізді.Бұл жобаның қазақ тілі үшін, қазақ елі үшін маңызы зор. Осы сөздік негізінде Оксфорд Университетінің баспасымен басталған серіктестік нәтижесінде қазақ тілі әлемнің Топ-1 университеті Оксфорд Университетінде оқытылып, қазақ тіліне деген қызығушылық артады. Қазақ тілін оқыған Оксфорд Университетінің студенттері еліміздің тарихы мен мәдениеті, салт-дәстүрлерін білуге құштарлық танытары сөзсіз.

Қызылордада «Oxford Qazaq Dictionary» сөздігінің тұсаукесері өтті

<a href="https://kyzylorda-news.kz/">Kyzylorda-news.kz</a>.Әлеуметтік желіде байқаудың марапаттау рәсімі ақылы түрде өтетіні, құны 25 мың теңге тұратыны туралы хабар тарап, ата-аналардың наразылығын тудырды, деп жазады <a href="https://egemen.kz/">Egemen.kz</a>.Желіде тараған ақпаратқа сәйкес, олимпиадада жеңіске жеткен оқушылар 25 мың теңгеден өткізуі керек. Бұл ақшаға жеңімпаздың дипломы, төсбелгісі, оған қоса оқушыны дайындаған мұғалімге, ата-анасына алғыс хат жіберілетіні жазылған. Демек, марапаттың бәрін оқушы «сатып алуы қажет».Оқу-ағарту министрлігінің баспасөз қызметі бұл ақпаратқа байланысты пікір білдірді.&nbsp;Ведомство өкілдері ұсынған деректерге қарағанда, Қазақстанда ресми түрде ауыл оқушыларына арналған келесі олимпиадалар бар:<ul><li>ауыл мектептерінің 9-11(12) сынып оқушыларына арналған жалпы білім беретін пәндер бойынша республикалық олимпиада;&nbsp;</li><li>ауыл мектептеріне арналған «Мың бала» ұлттық зияткерлік олимпиадасы және&nbsp;IQanat Олимпиадасы.</li></ul>Министрлік тізімде көрсетілген байқаулар тегін өткізілетінін алға тартты. Айта кетсек, желіде дау тудырған «Дарынды 1000 бала» атты республикалық байқау тізімнен көрінбеді.<img class="image_resized" style="width:1057.3px;" src="https://inbusiness.kz/uploads/2024-3/Grtrcu33.jpg" alt="">Фото: Kozachkov Telegram-арнасы<blockquote>«Ауыл оқушылары арасындағы «Дарынды 1000 бала» олимпиадасы № 514 бұйрыққа енбеген және ресми іс-шара емес екенін хабарлаймыз. Облыстық білім басқармаларына мұғалімдер мен ата-аналарға түсіндіру жұмысын жүргізу тапсырылды», ведомство хабарламасында.</blockquote>

«Марапатты сатып алу қажет»: оқушылар олимпиадасы әділ өтпей ме?

&nbsp; <a href="https://kyzylorda-news.kz/">Kyzylorda-news.kz.</a>&nbsp;Көктем келіп, күн жылығанда күллі адамзаттың жүрегі жылынады. Неге десеңіз, көңіл жадыраған тұста ардақты ана, аяулы жар, әпке-қарындастар мен қыз-келіншектердің төл мерекесі – Халықаралық әйелдер күні қатар келеді. Әдемілік үйлесім тапқан мызғымас сәтте ер азаматтар нәзік жандылардың көңілін көкке жеткізу үшін, қолдан келгеннің бәрін жасауға бар. Осындай ұмтылыс бүгін білім саласы қызметкерлері мен ардагерлерінен бастау алды. Нақтырақ айтсақ, аудандық Оқушылар үйінде батыр ана, ардагер ұстаздар құрметіне «Армысың ару, гүл көктем» атты мерекелік кеш ұйымдастырылды.&nbsp;Бір қолымен бесікті, екіншісімен әлемді тербеген, алтын құрсақты аналарды құттықтау үшін аудандық білім бөлімінің басшысы Әділхан Жөлекешов, білім саласы ардагерлер кеңесінің төрағасы Серік Қуанышбаев пен аудандық білім қызметкерлері кәсіподағы ұйымының төрағасы Әбілқасым Раман сахнаға көтерілді.&nbsp;– Құрметті ару-ана, аяулы ұстаздар! Сіздерді 8 наурыз – халықаралық әйелдер күнімен шын жүректен құттықтаймын. Ардагерлеріміз салған сара жол, ізгі ізбен білім саласы қарыштап дамып келеді. Балаларымыз бен ұстаздарымыздың жекелей шапқан, топпен олжалаған жетістіктері жайында сағаттап айтуымызға болады. Бұған арамызда отырған ошақ басы мен ел келешегін тәрбиелеуді қатар алып жүрген көпбалалы аналарымыздың да айтарлықтай үлесі бар.&nbsp;Құрметті, ұлы мамандық иелері! Мереке қарсаңында сіздерге зор денсаулық, мол бақыт тілеймін! Ажарларыңыздан тараған әсем күлкі әлемге сұлулық сыйлайды. Сондықтан, бүгін сіздердің жүздеріңізге күлкі ұялату үшін аянып қалмаймыз, – деді ауданның бас ұстазы Әділхан Оңдасынұлы.&nbsp;Бұдан кейін марапаттау рәсіміне кезек берілді. Бірқатар ұстаз облыстық білім басқармасы мен облыстық кәсіподақ ұйымының Құрмет граматосына ие болса, ұзақ жылдар бойы білім саласынан табан аудармай, ғұмырын бала тәрбиесіне арнаған ардақты ардагерлерге сый-сыяпат көрсетілді.&nbsp;Мерекелік кеш Оқушылар үйі мамандары дайындаған «Ана бақыты» қойылымымен жалғасты. Шараға қатысушылар спектакльден ерекше әсер алып, көтеріңкі көңіл күймен қайтты.&nbsp;

Қазалылық Ұстаз аналар ардақталды

<a href="https://kyzylorda-news.kz/">Kyzylorda-news.kz</a>&nbsp; Енді талапкер бейіндік пәндер бойынша жоғары балл алады.ҚР Ғылым және жоғары білім министрі Саясат Нұрбек биыл елімізде ұлттық бірыңғай тестілеу қалай өтетінін түсіндірді, деп хабарлайды <a href="https://sn.kz/sn-akparat-agyny/110637-ministr-biyl-ubt-da-kandai-ozgerister-bolatynyn-aitty">Skifnews.kz</a> ақпарат порталы.<blockquote>«Биыл біз түбегейлі өзгерістер жасамаймыз. Енді ҰБТ тапсырудың бес кезеңі бар. Естеріңізде болса, бұрын бәрі бір күнде өтетін. Осының салдарынан балалар күйзеліске түсетін, үлкен жүктеме болды. Биыл тестілеу бес рет болады, яғни екеуі ақылы түрде ұйымдастырылады. Қаңтар айындағы тестілеуге 130 мыңға жуық адам қатысты. Енді наурыз айындағы тестілеу бар. Екі ақылы тестілеу кезінде бала өз күшін сынап көреді, өзінің әлсіз жақтарын түсінуге мүмкіндігі бар. Екі негізгі тест мамырдан шілдеге дейін созылады және бала тіркелген осы екі кезеңнің ішінде ең жоғары балл арқылы грантқа үміткер бола алады. Тамыз айында бесінші кезең де бар. Бұл ақылы оқуға түсетін немесе тапсыруға үлгермегендерге, сондай-ақ халықаралық университеттердің нәтижесін күтіп жүргендерге арналған. Жалпы, кейінгі кезде ҰБТ-ға қатысты келеңсіз жағдайлар, суицидтер кездесіп жатқан жоқ», – деді С. Нұрбек Парламент Мәжілісінде тілшілер сұрағына жауап бере отырып.</blockquote>Бұл ретте министр биылғы ҰБТ-да қандай нақты өзгерістер болатынын айтты.<blockquote>«Осы жылы түбегейлі ештеңені өзгертпейміз, бірақ ұпайлар аздап қайта бөлінді, енді біз негізгі жүктемені негізгі мамандық пәндеріне беріп жатырмыз. Енді талапкер бейіндік пәндер бойынша жоғары балл алады», — деп түсіндірді Саясат Нұрбек.</blockquote>Фото: Нұрболат Нұржаубай

Министр биыл ҰБТ-да қандай өзгерістер болатынын айтты

Қаладағы М.Мәметова атындағы Қызылорда педагогикалық жоғары колледжінің тоқсан екі жылдық тарихы бар. Білім саласында ғасырға жуық уақыт ұрпақ тәрбиелеген білім ордасының жеткен жетістіктері де аз емес. Заманауи білім беру мен кәсіптік даярлауды бағдар тұтқан, қазіргі жаһандану ғасырындағы қоғамдық-әлеуметтік өзгерістерге сай бәсекеге қабілетті, кәсіби білікті маман даярлауды басты межесіне айналдырған, білім саласындағы бірегей іргелі оқу орынның бірі деуге болады. Бұл білім ордасы 1932 жылы Қызылорда педагогикалық техникумы болды. Одан соң 1935-1936 жылдары Қызылорда педагогикалық училищесі болып аталды. 1937 жылы қысқа мерзімді факультативтік курстарда бастауыш мектеп және жеті жылдық мектептерге әдебиет, физика, математика, тарих, география пәндерінен мұғалімдер даярлана бастады. Ал 1948-1949 жылдары аралығында 10 қазақ, 4 орыс класында бастауыш сынып мұғалімдері даярланды. 1952 жылдан бастап Алматы қазақ қыздар педагогикалық училищесі мен Қызылорда педагогикалық училищесі біріктіріліп, М.Мәметова атындағы қыздар педагогикалық училищесі құрылды. 1986 жылы Қызылорда педагогикалық училищесі болып қайта құрылды. Он жылдан соң Қорқыт ата атындағы гуманитарлық университет колледжі болса, 1997 жылы Қызылорда музыкалық колледжімен біріктіріліп, М.Мәметова атындағы Қызылорда гуманитарлық колледжі аталды. 1999 жылы облыс әкімінің қаулысымен М.Мәметова атындағы Қызылорда гуманитарлық колледжі мемлекеттік қазыналық кәсіпорын болса, 2014-2017 жылдары облыстық білім басқармасының «М.Мәметова атындағы Қызылорда педагогикалық жоғары колледжі» коммуналдық мемлекеттік қазыналық кәсіпорны болып бекітілді. Тәуелсіздік жылдарында колледж республикада ең алғашқылардың бірі болып, болашақ мамандардың кәсіби біліктілік деңгейін халықаралық стандарттарға сәйкестендіру, қажетті мамандар даярлау ісін аймақтың индустриялық-экономикалық стратегиясына сәйкес бейімдеу, білім беру саласындағы жаңа технологиялар мен тың идеяларды оқу-тәрбие процесіне енгізу жұмыстарын қолға алған болатын. Оқу ордасы өзінің даму стратегиясын нақтылап, басты бағыттар бойынша атқарылатын жұмыс ауқымын кеңейте түсті. – Әрбір жетістігін өткен күннің еншісіне санайтын, жаңа істің бастау бұлағы ретінде білім мен өнер саласына білікті де білімді жас мамандар даярлайтын оқу ордасы 2023-2024 жаңа оқу жылын жаңа белестермен қарсы алды, – деді колледж директоры Жақсыгүл Тоғанова. Үш ғимараттан тұратын оқу орнының материалдық-техникалық базасы озық елдердің тәжірибесіне сүйене отырып, заманауи, дизайнерлік үлгіде толық жабдықталған. Сол сияқты колледжде студенттер жатақханасы, әскери-спорт кешені, электронды кітапхана, дыбыс жазу және фото-видео студиялары, «Технология» шеберханасы, «Робототехника», «Цифрлық 3D», «Цифрлық білім беру» және «Мектеп физикасының цифрлық зертханасы», «Студенттерге электрондық қызмет көрсету» және Coworking орталықтары, «Схематехника», «Электроника және электротехника» кабинеттері мен асхана білім алушылар игілігіне қызмет етеді. Оқу ордасының соңғы жылдары қол жеткізген жетістіктері ретінде «Құзіреттілік орталығы» мен «Мектепке дейінгі тәрбие және оқыту» мамандығының «Дуалды оқыту алаңының» және Кеңес Одағының батыры М.Мәметованың 100 жылдығы мен ұлағат ұясының 90 жылдық мерейтойы аясында жаңартылған «Білім нұры» педагогикалық сабақтастық галереясы, «Заманауи педагогикалық концепция: креативті идея. Инновациялық тәжірибе, жетістіктер шыңы» және «Ерлік» залдары жаңа оқу жылына жұмысын бастады. Колледждің оқу-тәрбие процесі толық автоматтандырылған, ол «College SmartNation» электронды платформасы арқылы іске асырылады. Жыл сайын оқу орнының материалдық-техникалық базасы заманауи техникалармен толықтырылды. Оған дәлел, қазіргі күні оқу процесінде 444 компьютер қолданылады, яғни бір компьютерге 6 студенттен келеді. Соңғы үлгідегі интерактивті тақталар және панельдер, мультимедиялық-сандық подиум, «BILIMBOOK» жеке мультимедиялық компьютерлері оқу процесінде тиімді қолданылуда. Оқу кабинеттерінің саны 43-тен 90-ға көбейді. «Кітапхана – мәңгілік парасаттың ең киелі ғимараты» демекші, жаңа оқу жылына кітап қоры 4031 данадан 133535 данаға артқан. Жетістіктер жеткілікті Қазақстанның Ұлттық бизнес рейтинг одағының сараптау қорытындысы бойынша ҚР кәсіпорындар арасында «Даму динамикасы» аталымы бойынша алтын рейтингке, «Өсу қарқыны» аталымына келсек, күміс рейтингке ие болды. Білім сапасын қамтамасыздандыруға орай тәуелсіз агенттігінің «Қазақстандағы педагогикалық колледждердің рейтингі – 2019» қорытындысы бойынша 4-орын, облыстық «Үздік идеялар жаршысы – 2021», 2022-2023 жылдары «Үздік білім беру ұйымы» аталымын екі рет иемденді. Шәкірттерін білім нәрімен сусындатып, тәлім-тәрбие беруде, балалардың бойына жақсы қасиеттерді сіңіріп, келешегіне бағыт-бағдар сілтеуде ұстаздың еңбегі орасан зор. Баланың қиялын көкке көтеретін де жақсы ұстаз. Сондай ұлағатты ұстаздардың ұясы – Қызылорда педагогикалық жоғары колледжі. Иә, білікті маман дайындауда бірінші кезекте оқытушылардың орны ерекше. Заман талабына сай әрбір ұстаздың шеберлігі мен жетістігі – сапалы білім мен саналы тәрбие алған шәкірттерінде болмақ. Мамандар мәселесіне аса мән беретін оқу орнында бүгінгі күні 200-ден астам оқытушы қызмет етеді. Сондай-ақ бүгінгі жас мамандарға ғылым докторлары, кандидаттар мен магистрлер, «Ы.Алтынсарин» және «ҚР Білім беру ісінің құрметті қызметкері» төсбелгісінің иегерлері, ҚР Мәдениет ісінің үздігі, ҚР Суретшілер, Хореографтар одағының мүшелері және республикалық «Үздік педагог» байқауларының грант иегерлері, халықаралық және республикалық кәсіби байқаулардың жеңімпаздары дәріс беретінін атап өткеніміз артық болмас. Соңғы жылдардың үлесінде колледж оқытушыларының халықаралық «Шоқан оқулары» байқауында, «Менің инновациялық сабағым» конкурсында, ағылшын тілі мұғалімдерінің «Modern English teacher» сайысында, облыстық «Үздік топ жетекшісі» және «Үздік оқу-әдістемелік кабинет» байқауларында жеңімпаз атанып, облыстық «Жыл ұстазы» аталымын иемденуі колледж мерейін асырды. – М.Мәметова атындағы Қызылорда педагогикалық жоғары колледжі сонау 1932 жылы негізі қаланған кезеңнен бастап оқу орнының ұстаздары үздіксіз кәсіби білім берумен, ғылыммен айналысып, Оқу-ағарту министрлігі ұйымдастыратын республикалық байқауларға тұрақты түрде қатысып келеді. Соның нәтижесінде жыл сайын өтетін тартысты бәйгеге айналған, еліміздегі педагогтардың арасынан ең мықтысын анықтайтын республикалық «Үздік педагог-2022» байқауында сараптамалық комиссиясының шешімімен ұжымымыздың мүшесі, колледждің озат оқытушысы Ұлжан Есмаханова оқ бойы озық шығып, «Үздік педагог-2022» атанды. Сонымен қатар «Филология» бөлімінің оқытушысы Тұрар Дүйсенова республикалық «Үздік педагогикалық эссе» байқауының III орын иегері атанды. Еліміздің білім беру мен ғылымды дамытудың жаңа деңгейге көтерілуі, білім саласындағы жеткен жетістіктеріміз¬ – ұстаздарымыздың нәтижелі еңбегі деп білеміз, – деді колледж директоры Жақсыгүл Тоғанова. Колледж түлектері арасында бірнеше спорт түрлері бойынша олимпиада чемпиондары, халықаралық деңгейдегі спорт шеберлері, республикалық және облыстық байқаулар мен пәндік олимпиадалардың жеңімпаздары бар. Ал өнерімен аймаққа аты белгілі «Нұргүл» халық ән-би ансамблі қазақ өнерін халықаралық деңгейде дәріптеп жүрген шығармашыл ұжым. Сонымен қатар колледждің «Япурай» хор ұжымы «Жұбановтар әуені-2022» халықаралық хор музыкасы фестиваль-байқауында арнайы дипломға ие болды. Білім саласы бойынша жылдың қорытындысымен үшінші жыл қатарынан облыстық білім басқармасы басшысы Асқарбек Есжанов пен облыстық кәсіподақ комитетінің төрағасы Гүлнар Есқалиеваның «Үздік білім беру ұйымы – 2023» аталымымен М.Мәметова атындағы Қызылорда педагогикалық жоғары колледж ұжымы марапатталды. Сондай-ақ колледж базасы жаңа 2 мамандықпен толықты. «Логопедия» және «Сандық технология» мамандықтары бүгінгі таңда сұранысы артып келе жатқан мамандық қатарында. Колледж бітірушілері еңбек нарығында үлкен сұранысқа ие. Сонымен қатар бітірушілердің 98 пайызының жоғары оқу орындарына түсуі мен жұмысқа орналасуы колледж абыройын асқақтатып отыр. Бітірушілердің нарықтық кәсіпкерлік қызметті меңгеруі үшін колледж жанынан арнайы ашылған студенттік бизнес-инкубатор арқылы 120-дан астам түлек өз бизнестерін ашып, кәсіптерінің жемісін көруде. Білім ордасы – талантты жастардың өзіндік айқындамасы бар, нағыз азамат болып қалыптасуына ерекше еңбек сіңірген оқу орны. Оған дәлел, түлектер қатарында ғалым-академиктер, жиырмадан астам ғылым докторлары, 200-ден аса ғылым кандидаттары мен қоғам және мәдениет қайраткерлері бүгінгі 90 жылдан астам тарихи шежіресі бар кемел колледжіміздің мақтаныштары. «Әркім отаншыл, білімпаз, еңбекқор, тәртіпті, адал, әділ, үнемшіл әрі жанашыр болса, алынбайтын асу жоқ. Абайдың «Толық адам» ілімінен бастау алатын «Адал азамат» тұжырымдамасының түпкі мәні – осы», – деген Мемлекет басшысының сөздерін кәсіби маман даярлауда басты қағида етіп ұстанған, ынтымағы ұйыған, мықты ұжым өркениетті қоғамның заманауи сұраныстары мен талаптарына сай еңбектеніп, көш басынан көріне бермек. Тәуелсіздік жылдарында сындарлы сыннан абыроймен өтіп, әлемдік озық тәжірибелерді қолдана отырып, кәсіптік білім беру жүйесін жаңғырта білген ұжымның бүгінгісі – байыпты, келешегі – кемел. Бұл – жыл бедерінде колледж бағындырған белестердің бір парасы ғана. Төрімізге енген 2024 жыл да бізге үлкен жауапкершілік жүктеп отыр. Ол – осы жеткен жетістіктер жолын одан әрі жаңғырту, жаңа асулардан асып, жаңа белестерді бағындыру, қазақ даласындағы әр шаңырақтың өзімізге аманатталып табысталған үкілеген үміттерін қоғамда орны болатын маман етіп даярлау міндеттемелерін мүлтіксіз орындау, – деді колледж директоры. Табысты түлектер 1932-2023 жылдары аралығында колледжді 26016 түлек бітірсе, оның ішінде тәуелсіздік жылдарында бітіргені – 19072. Ал олардың қатарында ҚР Білім және ғылым министрі, Парламент сенатының депутаты – Ш.Беркімбаева, ҚР Ұлттық ғылым академиясының академигі, география ғылымының докторы, профессор – Ә.Бейсенова, Қазақстанның еңбек сіңірген өнер қайраткері, халық ақыны – Н.Лушникова, Қазақстанның халық әртісі – Б.Әшімова, Қазақстанның еңбек сіңірген әртісі – М.Ералиева секілді майталмандар шыққан. Білім ордасы – талантты жастардың өзіндік айқындамасы бар, нағыз азамат болып қалыптасуына ерекше еңбек сіңірген оқу орны. Оған дәлел, түлектер қатарында ғалым-академиктер, жиырмадан астам ғылым докторлары, 200-ден аса ғылым кандидаттары мен қоғам және мәдениет қайраткерлері бүгінгі 90 жылдан астам тарихи шежіресі бар кемел колледжіміздің мақтаныштары.

Ғасырға жуық тарихы бар үздік колледж

<a href="https://kyzylorda-news.kz/">Kyzylorda-news.kz.</a>&nbsp; &nbsp;Қаладағы білім сапасы жөнінен үздік жеті мектептің бірі – Тәкей Есетов атындағы №264 мектеп-лицейі. 1248 балаға арналған білім ордасы өткен жылға дейін үш ауысымдық мектептер қатарында болды. Былтыр аймақ басшысының қолдауымен мектеп жанынан 550 орындық қосалқы ғимарат салынып, қыркүйек айында пайдалануға берілді. Үздік білім ошағында өткен жылы өзінде мектеп бітірген 25 түлек алтын белгі иесі атанды. Сапалы білім беруді мақсат тұтқан білім ордасының директоры Бек Сұлтанбекұлымен сұхбаттасқан едік. – Сіз басқаратын мектеп өткен оқу жылының қорытындысымен үздік атанды. Үздік болудың сыры неде? – Жас ұрпаққа сапалы білім мен саналы тәрбие беру – басты ұстаным. Біз үшін білім сапасы ғана емес, жас ұрпақтың тәрбиесі де – басты назарда. Себебі тәрбие мен білім егіз. Мектеп оқушылары 3 жыл қатарынан республика бойынша ғылыми жобалар мен олимпиададан жеңімпаз атанды. Облыс әкімдігі мен облыстық білім басқармасының ұйымдастыруымен өткен «Үздік білім беру» конкурсында білім ордасы жеңімпаз атанып, 34 млн теңге сыйақы алдық. Бұл конкурста мұғалім мен оқушының халықаралық деңгейдегі білім көрсеткішін салыстырғандағы жетістігі сарапталады. – Қаржыны қалай игердіңіздер? – Абсерватория аштық. Қазақстан бойынша мұндай абсерватория ешқандай мектепте жоқ. Облыста алғаш мектеп абсерваториясы мен киностудиясын ашып, жаңашылдық еңгіздік. Онда кәсіби ғалымдар түсіретін телескоп және үш орташа деңгейдегі телескоп бар. Бұл құрылғы арқылы жерге жақын орналасқан жұлдыздарды көре аламыз. Бүгінде оқушылар аспан әлемін тереңдете зерттеуге мүмкіндік алды. Оқушыларымыз телескоптың арқасында физика-астрономия саласы бойынша олимпиада, ғылыми жобаларда бақ сынап жүр. 2023 жылы мектеп оқушысы Салтанат Асқарова физика пәні бойынша халықаралық деңгейде өткен олимпиадада 2-ші орын алып, мамандығы бойынша білім грантын иеленді. «Зерде», «Дарын» ғылыми жобаларынан шәкірттеріміз жүлделі орын иеленуде. Бұл – абсерваторияның алғашқы жемісі деп білеміз. Әрине, абсерваторияға барлық оқушыны қамту мүмкін емес. Сондықтан 5-11 сынып арасында қызығушылығы бар, болашақта ғылыми жобамен айналысқысы келетін 175 оқушыны абсерваторияда дайындап жатырмыз. 5-6 сыныпта физика пәні оқытылмаса да дүниетану, жаратылыстану пәндері де аспан әлемін зерттейді. Осыны негізге ала отырып, оқушыларды ерте жастан дайындауды жөн көрдік. Өткен жылы «Аспан әлемін зерттейміз» атты оқыту курсы ұйымдастырылып, біздің мектептен 6 оқушы мен 1 жетекші қатысты. – Мектепте киностудия бар екенін айттыңыз. Бұл жаңашылдықтың нәтижесі қандай? – &nbsp;Киностудия кәсіби камера, компьютер және жарықпен қамтамасыз етілген. Сонымен қатар оқушылардың жұмысын көрсету мақсатында «264 мектеп» деген арнайы youtube каналымыз бар. Жастардың қызығушылығын ояту үшін қысқа метражды фильм түсіріледі. Оқушылар арасында мектепте кастинг өткізіп, «Анаға апарар жол», «Томирис» фильмдерін түсірді. Жас ұрпаққа өнеге болатын дүниені насихаттаймыз. «Біздің мектептің Қожасы» атты байқау ұйымдастырдық. Жеңімпаз оқушы Грузия мемлекетінде түрік сериалының басты рөлін сомдап келді және түрік тілінде мәнерлеп өлең оқудан бас жүлде иеленді. «Аспан денелерінің адам ағзасына әсері» атты қысқа метражды фильм форматында ғылыми жоба әзірленді. Нәтижесінде қалалық, облыстық олимпиададан І орын алып, республикалық олимпиадаға қатысты. – Балаларды табиғатқа жақындату мақсатында қандай жұмыс атқарылды? – «Biomaster» кабинетін аштық. Үйірмеде оқушылармен бірігіп, тәжірибиелі биологтар жұмыс істейді. Өңірде өсетін гүл, шөптерді атауымен бірге макетін қатырады. Сонымен қатар қырғауылды, қабанды қатырып, макетін қойдық. Тіпті мұғалімдердің ойлап тапқан инкубаторы бар. Нәтижелі жұмыстарды арнайы сұйықтыққа салып, қатырып қоямыз. Сонымен қатар «Bioflowers» үйірмесі бар. Яғни инклюзивті ресурстық орталықта оқушыларды еңбекке баулу үшін гүлдер зертханасын аштық. Ерекше білім беруді қажет ететін балаларға гүл егуді, бақша көшеттерін о т ы р ғ ы з у д ы үйретеміз және сол арқылы бұлшықеттерін дамыту мақсатында ілгіштер тоқытамыз. Мұндағы мақсат – балаларды еңбекке баулу. – Ерекше балаларға ерекше күтім қажет екені белгілі. Бұл орайда инклюзивті орталық жұмысына тоқтала кетсеңіз… – Білім ордасына басшы болып келген жылы небәрі 36 ерекше күтімді қажет ететін бала болды. Түрлі диагнозы бар балалардың психологиясына бұл орта кері әсер беретін. Таңертең мектепке кіргісі келмей, аулада жылап, көнбей жатқан баланың дауысын жиі еститін едік. Осы мәселені шешу мақсатында ерекше балалардың қызығушылығын зерттей бастадық. Үйірмелерге тарту арқылы баурап алдық. Мәселен, ерекше күтімді қажет ететін оқушы бар. Ол робот құрастырып, қалалық деңгейдегі ғылыми жобадан 1-ші орын иеленді. Былтыр да ерекше оқушылардың бірі қияр өсіру тақырыбында ғылыми жоба қорғап, республикалық олимпиададан 3-ші орын алды. Инклюзивті орталыққа ауданауылдан балалар келіп, бүгінде оқушылар саны 100-ге жетті. Облыстық білім беру орталығының мақұлдауымен «Облыстық ресурстық орталық» деп аталды. Логопед, дефектолог мамандар оқушылармен нәтижелі жұмыс істеуде. – Өңірдегі өзге мектептерден тағы қандай ерекшеліктерді атап айтар едіңіз? – Басты ерекшелігі мектепте бассейннің болуы. Ұзындығы 25 метр, ені 12,5 метрлік бассейінде балалар аптасына 1 сағат суға түседі. Балалар тасымалы да қамтылған. «Жапон елінің шөп тамыры» атты әлеуметтік көмек беру байқауына қатысып, 28 млн теңге сыйақы ұтып алдық. 2023 жылы тағы да сол байқаудан жеңімпаз атанып, 50 млн теңгеге балалар тасымалдайтын автобус алдық. Демеуші тарта отырып, ерекше күтімді қажет ететін балаларға денешынықтыру және емдік кабинет, сенсорлық жүйе кабинетін аштық. Бұл кабинеттің мақсаты балалардың мінез-құлқында жайсыздық туындағанда жарықпен, әуенмен қалыпты жағдайға түсіру.&nbsp; – Сұхбатыңызға рақмет.&nbsp;

Бек Сұлтанбекұлы: Тәрбие мен білім егіз

&nbsp;<a href="https://kyzylorda-news.kz/">Kyzylorda-news.kz.</a> Сыр өңірінде болашақ журналист болу үшін арнайы білім ордасы сабақ береді. Төл арнамыздың экс-журналисі Шолпан Исабекованың жетекшілігімен жұмысын бастаған бұл жоба жастарға көп көмегін тигізуде. Көпшілігі Шерхан Мұртаза айтпақшы, «Жегені ― жантақ, арқалағаны – алтын» мамандықтың маңыздылығын ұқпай, телеарнаға телмірген жас буынымыз жұлдыз болу үшін келеді. Содан кейін хайп дәуірі жаңғырып, журналисттің мәртебесі төмендейді. Қырағы көзді, бір сөзді, тілі үйірімді, ойы иірімді жандар ғана мұндағы ауыртпашылықтың, жауапкершіліктің жүгін көтере алатыны даусыз.Мектеп-лицейдің талапты да, талантты оқушылары үшін «Медиасауаттылық», «Мультимедиалық журналистика», «Радиожурналистика» мен «Фотожурналистика» үйірмелері жұмысын жандандыра түсуде. Заманауи үйірмелер – баланың ой-таным, қиял-қабілетін ұштап, кәсіби бағдар беретін жаңа мүмкіндіктер алаңы. Ақпарат айдынында жұмыс істеу жоспарында болмаса да, өз ойын ашық, нақты жеткізуге, сондай-ақ сөйлеу этикасына, өзін-өзі ұстауға дағдыланады. «Ұрпақ – өмір жалғасы» демекші болашақ ұрпақтың қалауын ескере отырып, соған қарай жұмыс істеп жатқан С.Толыбеков атындағы №3 IT мектеп-лицейінің мұғалімі, «Мультимедиалық журналистика» үйірмесінің жетекшісі Шолпан Исабекованың креативті идеясының алдағы жоспарларын білу үшін тілдесуді ұйғардық.- Мультимедиялық журналистика үйірмесін ашу кімнің идеясы болды? Ұзақ уақыт бойы жоспарлаған секілдісіз. Себебі тез әрі өте сапалы түрде өз ісін бастап кетті.- Рақмет! Жыл басында телестудия кабинеті жасақталып, мамыр айында өткен облыстық семинар барысында ресми ашылуы болды. Шарада «Qyzylorda» телеарнасынымен екіжақты меморандум бекіді. Жоба оқушылардың тележурналистика, радиожурналистика, фотожурналистикаға деген қызығушылығын арттырып, танымдық қабілеттерін аша түсуде. Болашақта журналист болуды көксейтін балалар үшін телестудия үлкен мүмкіндіктер алаңы болды. Оқушылар мұнда сөз өнері, қызықты ақпараттар жинау, материалдардың құрылымы, ақпарат жазу, өңдеу, журналистика жанрлары туралы мағлұмат алумен қатар, шығармашылық жұмыс түрлеріне машықтанады.- Жалпы мақсаты қандай? Әртүрлі бағыт бойынша жұмыс істейсіз ғой. Сол туралы айта кетсеңіз.- Негізгі мақсат – оқушылардың ақпараттық сауаттылығын арттыру, шығармашылығын шыңдау, журналистика туралы ой-түсінігін қалыптастыру. Мәселен, «Мультимедиалық журналистика» үйірмесінде оқушылар телеөнімнің бастан-аяқ қалай дайындалатынынан хабардар болып, басы-қасында жүріп, өзін жас репортер ретінде сезінсе, «Радиожурналистика» үйірмесінде анық, таза сөйлеуді, ақпаратты жинақы, нақты жеткізуді үйреніп, радиотілшіге қажетті қабілеттерін дамытады. Ал «Фотожурналистика» үйірмесінде сәтті кадрлар түсіріп, ғажайып туындылар жасауға машықтанады.- Бұл жастар үшін қаншалықты маңызды, нендей мағына үстейді?- Меніңше, оқушылар үшін бұл – үлкен мүмкіндік. Шығармашылық тұрғыда шыңдалады, коммуникативтік әлеуеті артады, өздеріне сенімділіктері артып, болашағына бағдар жасай алады. Бұл өскелең ұрпақ үшін маңызды деп ойлаймын.- Дұрыс айтасыз! Егер жастардың рухани тәрбиесін дәнді дақыл себілмеген егістік сияқты өз ырқына қалдыратын болсақ, болашақта ол жерде жеміс орнына тікен өсіп шығары сөзсіз. Сіз мектеп тарапынан қандай қолдауларға ие болдыңыз?- Жазушы Мұхтар Әуезов «Қай істің болсын өнуіне үш шарт бар: ең әуелі – ниет керек, одан соң – күш керек, одан соң – тәртіп керек» деген екен. Міне, мектеп телестудиясындағы жұмыстар осы ниет, күш, тәртіптің нәтижесінде сапалы іске асырылуда деп есептеймін. Мектеп директоры Ляззат Өтегенқызының қолдауымен студия жұмысы алға басуда. Жаңа құрылғылар, үйірме жұмыстарына қажеттінің бәрі бар. Бастысы, оқушылардың ынта-ықыласы, талабы жоғары. Сондықтан осындай қолдау, идея барда, балаларды жан-жақты дамыту үшін аянып қалмай, қызығушылығын арттыра түсеміз деген ойдамын.- Қандай бағдарламалар, айдарлар бар? Әлеуметтік желілерде бөлісесіздер ме?- Жақында «Мektep news» жаңалықтар шығарылымы өз жұмысын бастады. Осылайша балалар сюжет әзірлеу, мәтін жазу, стендап жасау, сұхбат алу, камера алдында еркін сөйлеуге дағдылана бастады. Ал мектебіміздің математика пәнінің мұғалімі, ақын Ержеңіс Тастыбайдың «Жұмбақ Times» бағдарламасы балаларды логикалық есептерді сауатты шығаруға баулуда. Әлі іске асыратын идеямыз көп. Оқушылар ойымен санаса отырып, алда талай креативті дүниелер шығарамыз деген ой бар. Жаңа хабарлар, шығарылымдар Instagram, Faсebook әлеуметтік желілерінде жарияланып, Youtube каналына енгізіледі. Бұл ата-аналар үшін де тиімді. Балаларының сабақтан тыс уақытында немен айналысатынан хабардар болып, балаларының қадамын құптап, талабын ұштайды.- Әңгімеңізге рақмет! «Сен неткен бақытты едің, келер ұрпақ…» деп Қасым Аманжолов айтып өткендей, еңбегіңіз табысты болып, талайды тәнті ететін шәкірттеріңіз көп болуды нәсіп етсін.Фото: Нұрболат Нұржаубай

Қызылорда қаласының мектебінде медиа үйірме бар

Мектептің дамуы, оқушының білімінің шыңдалуы мемлекеттің дамуына тікелей ықпал етеді. Ал сол мектептің қандай болмағы ұстазға байланысты. Жалағашта ауданның абыройын асқақтатуда, оқушыларды тәрбиелеп шығаруда Әл-Фараби атындағы №201 мектеп-лицейдің химия пәнінің мұғалімі Марал Ниетқұлованың да үлесі зор.ХХІ ғасыр – ақпараттық технологияның және ғылымның дамыған заманы. Заман кез келген адамның әмбебап болуын талап етеді. Оның ішінде мұғалімдер де заман ағымымен бірге өзгеруі тиіс. Бүгін кейіпкеріміз де 20 жылдық тәжірибесінде тек білім беріп емес, оқушылармен қоса өзі де үздіксіз білім алып жүретіндігін айтады. Ол – бүгінде «Көптілді меңгерген ұстаз» номинациясының иегері. Ағылшын тілінде түрлі зерттеу жұмыстарын жүргізіп, химия пәніне қатысты авторлық бағдарламалар ойлап тапқан. Ұстаз білім бәйгесінде сол &nbsp;арқылы шыңдалып жүргенін айтады.– Ұстаздардың басты міндеті – жеті түрлі ілім білетін ұрпақ тәрбиелеу. Ол заман ағымына ілесуі керек, өз тәжірибесінде әр түрлі әдістерді қолданып, материалды еркін меңгеруі тиіс. Тек сабақ сұраумен шектелмей, оқушылардың сабаққа деген қызығушылығын арттыруы қажет. Мен өзім химия пәнінің мұғалімі болғандықтан тәжірибелік-зертханалық жұмыстар жасату арқылы сабақты қызықты өткізуге тырысамын. Одан бөлек қазіргі оқушыларға кітаптағы мәліметтерден бөлек мультемедиялық көріністер арқылы түсіндірген сабақ өтімді. Сондықтан оқушылардың мәліметтерді жеңіл қабылдауы үшін әртүрлі бағыттар қолданып, олардың әр тақырыпты тереңінен ұғуына жағдай жасауымыз керек. Кейде жоғары сынып &nbsp;оқушылары мамандық таңдауда өз қабілетін білмей басқа салаға қызығып жатады. Ал біз оның қабілетін көріп тұрғасын бағыт-бағдар береміз. Нарқыз деген оқушым ағылшын пәнін таңдаймын деп жүргенде оның химия пәніне деген қабілетін байқадық, бұл пәнді ағылшынша оқуға болатынын да айтып, бірге жарыстарға барғанбыз. Республикалық ауылдар арасында өткен пәндік олипиадада жүлделі І орын иеленіп, алтын медаль иегері атанды. Осылайша пәнге деген қызығушылығы артып, өз қабілетін байқады. Осындай оқушыларға бағыт-бағдар беру үшін де мұғалімдер жан-жақты, білімді болуы тиіс деп ойлаймын, – дейді Марал Қуанышқызы.Иә, мектеп жасындағы оқушының өмірінде ұстаздың орны ерекше. Оның берген тәлім-тәрбиесінен бөлек, тәжірибелілігінің арқасында берген бағыты да дұрыс болып шығады.&nbsp;Әл-Фараби атындағы №201 мектеп-лицейдегі ұстаздық еңбек жолын 2008 жылы бастаған кейіпкеріміз – қазірде педагог-зерттеуші санатындағы маман. Тоқтаусыз ізденісі мен еңбегінің арқасында көптеген жетістікке жеткен. Сондай-ақ өз пәні бойынша есептер шығару мен таңдау курстары бойынша әдістемелік құралдары мен бағдарламалар авторы. Аудан, облыс әкімдерінің алғыс хаттарымен, «Құрмет» грамотасымен де марапатталған. Ауданның үздік жаңа формация мұғалімі, жыл ұстазы, «Үздік қысқа мерзімді жоспар – 2023» байқауында І орын иеленген.&nbsp;– Әр оқушының пәнді жақсы білуі оны оқытатын ұстазына байланысты екені белгілі. Оқушының сабаққа қызығушылығын оятып, өзінің шеберлігімен шәкіртінің жүрегіне жол таба білетін, өз мамандығын жақсы көретін Марал Қуанышқызы талай шәкірт дайындап, жыл сайын химия пәнін таңдаған оқушылардың &nbsp;грант иегері атанып, жарысқа қатысушы шәкірттерінің аудан, облыс, республика көлемінде шамшырағын жағып, жол көрсете білді. Төккен маңдай тер мен адал еңбектің жемісін көріп, көптеген марапаттарға ие болды. Одан бөлек ол – пән мұғалімі ретінде жаңашыл бағытты ұстанып, әрдайым ізденісте жүретін, әрбір оқушының жүрегіне жол таба білетін білікті маман, – дейді Әл-Фараби атындағы №201 мектеп-лицейінің директоры Жеңіс Райсбекұлы.Бүгінгі таңда мұғалім білім көзі ғана емес, сонымен қатар оқу-тәрбие процесінің белсенді қатысушысы болуы керек. Ол сол арқылы ел болашағын мықты етер ірі тұлғаларды тәрбиелейді. Оның міндеті – әр баланы оқу прцесіне қатыстырып, оны тыңдай білу, оқушының көзімен оның түсінбеген мәселесіне үңілу. Міне, осы жаңашыл мұғалімнің бойынан табылуы қажет қасиеттер бүгінгі кейіпкеріміздің бойында тұнып тұр.&nbsp;Марал Қуанышқызы өзінің еңбекқорлығы, ізденісі мен кішіпейілділігінің арқасында сабақтарында оқушыларды химия пәнін терең түсіндіруде өмірмен байланыстыра отырып, мамандық дұрыс таңдауда, сыни ойлауға үйретуге, отансүйгіштікке тәрбиелеп келеді. Осындай үздік мамандардың арқасында білім алып жатқан шәкірттер үшін мүлде алаңдамауға болады. Себебі мұндай маманның тәрбиесі арқылы болашақ ғалымдар мен ақындар да, мемлекеттік қызмет иелері мен түрлі саланың басшылары да өсіп жетілері анық.&nbsp;

Шәкірттерін білімге жетелеген жалағаштық ұстаз

&nbsp;<a href="https://kyzylorda-news.kz/">Kyzylorda-news.kz</a>.«Оқуға құштар мектеп» жобасы &nbsp;мемлекет басшысы Қасым-Жомарт Тоқаевтың Ұлттық қоғамдық сенім кеңесінде берген тапсырмасына сәйкес бекітілген жоба. &nbsp;Жоба аясында еліміздің үздік классиктерінің кітаптары, ана тіліне аударылған шетелдік әлем әдебиетінің жауһарлары, сонымен бірге қазіргі заманғы ақын-жазушылардың кітаптарын насихатталып жатыр. &nbsp;Білім берудегі кітап оқуға үйрету мәселелері әрдайым маңызды болғанымен, оқу сауаттылығын дамыту тапсырмасы ҚР-ның мемлекеттік білім беру стандартын жүзеге асыратын заманауи мектеп үшін жаңа сала болып табылады. Оқу мәдениеті оқушылардың нақты және жаратылыстану ғылымдарын, еңбекке үйрету және дене шынықтыру, сондай-ақ басқа да пәндерді табысты оқып білу үшін міндетті. Осы тұста облысымызда аталған жоба аясында жыл басынан бері &nbsp;«Білім алушыларды пәндер арқылы көркем әдебиет оқуға тартудың жолдары», &nbsp;«Виртуалды білім беру ресурстары- кітап оқудың қайнар көзі», «Оқуға құштар мектеп жобасы: оқушылардың оқу сауаттылығын қалыптастыру мен жетілдірудегі рөлі» тақырыптарында облыстық семинарлар өткізілді. &nbsp;<blockquote>«Қазір оқу сауаттылығы қоғамдағы өмірге дайындық үшін ең маңызды көрсеткіштердің бірі. &nbsp;Сондықтан оқушылардың оқуға деген құштарлығын арттыру мақсатында өңіріміздің барлық білім беру ұйымдарында «Ең көп оқитын сынып» байқауы, «Мен оқимын және сізге кеңес беремін» библио-кросы , «2023 жылы өзім оқыған ең қызықты кітап» бук-слэм , «Менің өмірімді өзгерткен кітап» видероликтер байқауы, «20 минут оқы да 3 минут эссе жаз» акциясы, «Оқуға құштар мектеп» жобасы аясында қоғамдық- гуманитарлық пән бірлестігінің апталығы, Халықаралық кітап сыйлау күніне арналған «Сүйіспеншілікпен кітап сыйла», жастардың эпостық жырларға құштарлығын арттыру бағытында &nbsp;«Бабалар үні» танымдық акциясы, ата-аналармен жұмысты ұйымдастырып, бірыңғай оқырман қауымдастығын қалыптастыру үшін «Оқырман ана» фестивалі, «Кел балалар оқылық» кітап оқу чемпионаты, отбасылық ертегі оқу күні аясында «Әжем айтқан ертегі», жастардың бос уақытын тиімді пайдалану үшін «Ең оқуға құштар топ» байқаулары өткізіліп келеді. Сонымен қатар, облысымыз республикалық челлендждерге де белсенді қатысады. Атап айтар болсақ, «Қыста кітап оқимыз, жадымызда тоқимыз» &nbsp;тақырыбындағы қысқы каникул кезіндегі челленджіне өңірімізден 18202 оқушы қатысты. Жақында ғана &nbsp;республикалық &nbsp;«Менің сүйікті кітабым» челленджінде оқушыларымыз тағы да өз белсенділіктерін көрсетіп, Ә.Нұрпейісовтің «Қан мен тер» шығармасын оқуды Маңғыстау облысына жолдаса , Қостанай облысынан Ш.Мұртазаның «Ай мен Айша» романын оқуды қабылдап алды. &nbsp;Бұл челлендж білім алушылардың кітап оқу мәдениетін дамытып, белсенді оқуына үлкен септігін тигізді», делінген &nbsp;облыстық оқу орталығы «Кітапхана және қосымша &nbsp;білім» бөлімінің ақпаратында.&nbsp;</blockquote>Кітап оқу - адамның ойын байытып, сауаттылығын арттырып, білім нәрімен сусындатады. Білім мен рухани құндылықтарды &nbsp;меңгертудің бір түрі ретінде, тұлғаны тәрбиелеу және білім берудегі адамның қоғамда табысты болуына, &nbsp;бәсекеге қабілеттілігінің жалпы деңгейінің дамуына «Оқуға құштар мектеп» жобасының әсері мол екені анық . &nbsp; &nbsp; &nbsp;

Өскелең  ұрпақтың  оқу сауаттылығын  арттыратын  жоба

<a href="https://kyzylorda-news.kz/">Kyzylorda-news.kz</a>. Оқу-ағарту министрінің 2024 жылы 21 ақпандағы бұйрығымен Отбасы және балалар саласында мемлекеттік қызметтер көрсету қағидаларына өзгерістер енгізілді. Бұл туралы<a href="https://stan.kz/mektep-okushilarina-karzhilay-komek-korsetiledi-kimderg-396390/">&nbsp;Stan.kz</a>&nbsp;ақпарат агенттігі хабарлайды.Ереженің жаңа редакциясында мемлекеттік білім беру ұйымдарының білім алушылар мен тәрбиеленушілеріне қаржылық және материалдық көмек көрсету тәртібін айқындайтыны көрсетілген:мемлекеттік атаулы әлеуметтік көмек алуға құқығы бар отбасы балалары;жан басына шаққандағы орташа табысы күнкөріс деңгейінен төмен мемлекеттік атаулы әлеуметтік көмек алмайтын отбасы балалары;отбасында тұратын жетім және ата-анасының қамқорлығынсыз қалған балалар;төтенше жағдайлар нәтижесінде шұғыл көмекке мұқтаж отбасылардан шыққан балалар;білім беру ұйымының алқалы органы айқындайтын білім алушылар мен тәрбиеленушілердің басқа санаттары.Қамқоршылық кеңес білім беру ұйымының алқалы басқару органы."Мемлекеттік білім беру ұйымдарының оқушылары мен тәрбиеленушілеріне қаржылық және материалдық көмек көрсету" мемлекеттік қызметін алу үшін білім беру ұйымына келесі құжаттарды қосып, өтініш беру қажет:жеке басын куәландыратын құжат (жеке басын сәйкестендіру үшін қажет);баланың (балалардың) электрондық нысандағы туу туралы куәлігі немесе оның қағаз жеткізгіштегі көшірмесі, "АХАЖ тіркеу пункті" ақпараттық жүйесінде (АХАТ АЖ) немесе Қазақстаннан тыс жерде туған жағдайда;некеге тұру немесе некені бұзу туралы куәліктің көшірмесі (АХАЖ бөлімінде ақпарат болмаған жағдайда);уәкілетті органның қорғаншылықты (қамқоршылықты) белгілеу туралы, патронаттық тәрбиеге және патронаттық отбасына беру туралы шешімінің көшірмесі;табиғи және техногендік сипаттағы төтенше жағдайларға әкеп соқтырған жағдайлардың, апаттардың себептерін зерттеу актісі.Білім беру ұйымында өтініштерді қарау үшін білім беру ұйымының бірінші басшысының шешімімен жауапты тұлға бекітіледі. Көрсетілетін қызметті беруші құжаттарды алған күннен бастап бір жұмыс күні ішінде ұсынылған құжаттардың толықтығын тексереді. Көрсетілетін қызметті алушы құжаттардың толық емес топтамасын немесе қолданылу мерзімі өтіп кеткен құжаттарды ұсынған жағдайда, көрсетілетін қызметті беруші құжаттарды алған күннен бастап бір жұмыс күні ішінде өтінішті қабылдаудан бас тартады.Бұл ретте көрсетілетін қызметті алушының жеке басын, баланың тууын, некені немесе некені бұзуды растайтын құжаттар туралы, жұмыссыз ретінде тіркеу туралы, көрсетілетін қызметті алушының (отбасының) мемлекеттік атаулы әлеуметтік көмек алушыларға тиесілігі туралы, мемлекеттік әлеуметтік көмек алмайтын адамдардың табыстары, жан басына шаққандағы орташа табысы ең төменгі күнкөріс деңгейінен төмен болса, көрсетілетін қызметті беруші қорғаншылыққа немесе қамқоршылыққа алынған жетім балалар мен ата-анасының қамқорлығынсыз қалған балалар, патронаттық тәрбиешілер және патронаттық отбасылар туралы ақпаратты тиісті мемлекеттік ақпараттық жүйелерден алады.Көрсетілетін қызметті берушілер бір реттік парольді жіберу немесе портал хабарламасына жауап ретінде қысқа мәтіндік хабарламаны жіберу арқылы порталда тіркелген пайдаланушының ұялы телефон нөмірі арқылы берілген құжат иесінің келісімі бойынша цифрлық құжаттама қызметінен цифрлық құжаттарды алады. Құжаттарды тексеру нәтижелері бойынша көрсетілетін қызметті беруші үш жұмыс күні ішінде мемлекеттік білім беру ұйымдарының білім алушылар мен тәрбиеленушілеріне қаржылық және материалдық көмек бөлу туралы хабарлама дайындайды.Патронаттық тәрбиеге алынған балаларға қатысты, қамқоршылық кеңес отбасының материалдық жағдайын зерттеудің қорытындысы бойынша материалдық көмекке мұқтаждықты анықтайды.Қорытындыға қамқоршылық кеңестің мүшелері қол қояды және қарау үшін өтініш берушіге, ол болмаған жағдайда – куәландыру жүргізілген отбасының кәмелетке толған әрекетке қабілетті мүшесіне ұсынылады.Көрсетілетін қызметті алушының, ал ол болмаған жағдайда отбасының кәмелетке толған әрекетке қабілетті мүшелерінің бірінің материалдық жағдайына сауалнама жүргізуден бас тартуы қорғаншылық кеңес мүшелері қол қоятын қорытындымен ресімделеді.Қамқоршылық кеңес отырысының нәтижелері бойынша көрсетілетін қызметті беруші үш жұмыс күні ішінде мемлекеттік білім беру ұйымдарының білім алушылар мен тәрбиеленушілеріне қаржылық және материалдық көмек бөлу туралы хабарлама дайындайды.Қаржылық көмек көрсетуден бас тарту негіздері:ұсынылған құжаттардың немесе олардағы деректердің сенімсіздігін анықтау;көрсетілетін қызметті алушының немесе мемлекеттік қызметті көрсету үшін қажетті ұсынылған материалдардың, объектілердің, деректер мен мәліметтердің белгіленген талаптарға сәйкес келмеуі;отбасының материалдық-тұрмыстық жағдайын зерттеу нәтижелері бойынша дайындалған қамқоршылық кеңестің қорытындысы бойынша материалдық және материалдық көмекке мұқтаж емес;өтініш берушінің мемлекеттік қызметті көрсету үшін қажетті шектеулі дербес деректерге қол жеткізуге келісімінің болмауы.Мемлекеттік қызметті көрсетуден бас тартылған жағдайда, көрсетілетін қызметті беруші мерзім аяқталғанға дейін үш жұмыс күнінен кешіктірмей өтініш берушіге бас тарту туралы алдын ала шешім, сондай-ақ істі қарау уақыты мен орны туралы хабарлама жібереді.Мемлекеттік қызметті көрсету нәтижелерімен келіспеген жағдайларда көрсетілетін қызметті алушы сотқа жүгіне алады.Бұйрық 2024 жылғы 10 наурыздан бастап күшіне енеді.Фото: Нұрболат Нұржаубай

Мектеп оқушыларына қаржылай көмек көрсетіледі

<a href="https://kyzylorda-news.kz/">Kyzylorda-news.kz</a>. Қызылорда облысының Арал, Қармақшы және Жаңақорған аудандарының мұғалімдері өңірдегі Зияткерлік мектепте әдістемелік тәжірибе жинақтады.«Ауылдық жерлерде тірек мектептердің әлеуетін дамыту» жобасы аясында NIS базасында өткізілген біркүндік тағылымдамаға Аралдың Ж.Әбдірашов атындағы №62 мектеп-лицейі, Қармақшыдағы Т.Көмекбаев атындағы №250 мектеп-лицейі және Жаңақорғаннан №286 жалпы білім беретін мектеп педагогтері қатысты. Ауыл ұстаздары жаратылыстану-математикалық, гуманитарлық-қоғамдық, өнер және дене шынықтыру пәндері бойынша NIS ұстаздарының ашық сабақтарына қатысып, педагогикалық қоржындарын жаңа әдістемелермен толықтырды. Сонымен қатар сабақты жоспарлау мен зерттеу әдістері, оқыту үдерісіне сандық технологияларды кіріктіру жолдары, бағалауға арналған тапсырмаларды әзірлеу және оқу мақсатына сәйкес тапсырмалар мен бағалау құралдарын тиімді құрастыру тәсілдерін меңгерді.NIS тәжірибесін жалпы білім беретін мектептерге тарату аясында 22 пилоттық және инновациялық мектептің кітапхана қызметкерлері де біліктіліктерін арттырды. «Мектеп кітапханасындағы функционалдық сауаттылықтың өзекті нысандары» тақырыбында өткен практикалық жұмыстарға қатысып, оқушыларды кітап оқуға баулу бойынша мектеп жобаларымен танысты.<img src="https://knadmin.beoblood.kz/uploads/431163438_3570100596653182_7198342500038399466_n_7844b7de37.jpg" alt="431163438_3570100596653182_7198342500038399466_n.jpg"><img src="https://knadmin.beoblood.kz/uploads/431158868_3570100243319884_533592701536224711_n_4bc6ac923b.jpg" alt="431158868_3570100243319884_533592701536224711_n.jpg">

Қазақстан және Қызылорда облысының жаңалықтары: Білім