Kyzylorda-news.kz. Қазақстанның авиациялық әкімшілігі Bek Air авиакомпаниясының пайдаланушы және ұшу жарамдылығы сертификаттарының қолданылуын тоқтатты, деп хабарлайды Азаматтық авиация комитетінің баспасөз қызметі. Әуе апатына ұшыраған әуе кемесінің ұшу жарамдылығы куәлігі 2019 жылдың мамырында берілген болатын. Fokker-100 борты 1996 жылдың сәуір айында шығарылған. Қазақстандық регистрда 2016 жылғы 26 тамызда тіркелді (куәлік нөмірі 940).
Bek Air әуекомпаниясында барлығы 10 ұшақ тіркелген. Қазіргі уақытта Қазақстанның авиациялық әкімшілігі Bek Air әуе компаниясының пайдаланушы және ұшу жарамдылығы сертификаттарының қолданылуын тоқтатты. Bek Air компаниясының пайдаланушы сертификаты ұшу қауіпсіздігі бойынша барлық мәселелер толық шешілгенге дейінгі мерзімге тоқтатылды.

Bek Air авиакомпаниясының пайдаланушы және ұшу жарамдылығы сертификаттары тоқтатылды

Kyzylorda-news.kz. Алматыда «Бек Эйр» ұшағының апатқа ұшырауына байланысты билет бағасының көтерілгендігі туралы ақпарат шындыққа жанаспайды. Бұл туралы бүгін Орталық коммуникациялар қызметіндегі баспасөз мәслихатында ҚР Индустрия және инфрақұрылымдық даму вице-министрі Берік Камалиев мәлімдеді.
Оның дерегінше, 2019 жылғы 27-31 желтоқсан күндері аралығына жоспарланған әуе компаниясының 100-ге жуық рейсі орындалмайды. Бұл бағыттарға барлығы 9157, оның ішінде 8180 ересек, 765 бала, 212 нәресте билеті сатылған.
«Қазіргі уақытта әуе компаниясы 2019 жылдың 31 желтоқсанына дейін жоспарланған барлық рейстердің авиабилеттерінің толық құнын қайтару жұмыстарын жүргізіп жатыр. 2020 жылдың 3-10 қаңтары аралығындағы «Бек Эйр» әуе компаниясы рейстерінің жолаушылар саны 9785 адамды құрайды. 1-2 қаңтарға әуе компаниясы ұшуларды жоспарламаған. Орындалмайтын рейстердің жолаушыларына өзге әуе компаниялармен ұшуды ұсынамыз. Бұл ретте «Бек Эйр» рейстерінің орындалмауына байланысты авиабилеттердің бағасы көтерілген жоқ және көтерілмейді де. Тарифтердің көтерілгендігі туралы ақпарат шындыққа жанаспайды», – деді Берік Камалиев.
Сонымен қатар вице-министр Жаңа жыл мейрамы қарсаңында және демалыс күндері әдетте авиабилеттердің құны жай күндерге қарағанда жоғары болатындығын айтты.

Ұшақ апатына байланысты билет бағасының көтерілгендігі туралы ақпарат жалған

Kyzylorda-news.kz. Қазақстанның индустрия және инфрақұрылымдық даму вице-министрі Берік Қамалиев Алматы маңында құлаған ұшақтың “қара жәшігі” Мәскеу мемлекетаралық авиация комитетіне берілетін айтты, деп хабарлайды&nbsp;<a href="https://sputniknews.kz/"></a><a href="https://sputniknews.kz/incidents/20191228/12405677/ushaq-apaty-tyn-derek.html">Sputnik Қазақстан.</a>
Қазақстан президенті жанындағы орталық коммуникациялар қызметінде Берік Қамалиев Bek Air ұшағының апатқа ұшырауына байланысты министрлік атынан көңіл айтты.
Вице-министр Қазақстан президенті Қасым-Жомарт Тоқаевтың тапсырмасы бойынша ұшақ апатынан қаза тапқан және зардап шеккендердің отбасына қажетті көмек пен қолдау көрсетілетінін жеткізді.
Ұшақ екі рет ұшып-қону жолағына соғылған
Вице-министрдің айтуынша, “Алматы – Нұр-Сұлтан” рейсін орындауға шыққан Bek Air әуе компаниясының Fokker 100 ұшағы ұшу төмендігін жоғалтып алған.
“Салдарынан темір қоршауға соғылып, ұшақ апатқа ұшырады. Бортта 98 адам болған. Оның ішінде 9 бала мен 5 экипаж мүшесі бар. Апаттан қаза тапқандар мен зардап шеккендер бар екенін білесіздер. Комиссия ұшып-қону жолағында ұшақтың артқы бөлігі екі рет жерге тигенін анықтады. Екеуінің арасы 300-400 метр болған”, – деді Берік Қамалиев.
“Кейін ұшақ “ұшу режиміне” байланысты көкке көтеріліп, оңға бұрылған. Салдарынан ұшақ қоршауға және үйге соғылды. Онда ешкім болмаған. Апаттан ұшақ екіге бөлініп кетті”, – деді ол.
Берік Қамалиев ұшақ апатына қатысты тергеу қалай жүргізіліп жатқанына тоқталды. Ол ұшақтың “қара жәшігі” Мәскеуге берілетінін атап өтті.

Алматы маңындағы ұшақ апатына қатысты тың деректер шықты

Kyzylorda-news.kz. 28 желтоқсан жалпыұлттық қаралы күн болып жарияланды. Бұл Тәуелсіз Қазақстан тарихындағы сегізінші жағдай, деп жазады <a href="https://kaz.tengrinews.kz/kazakhstan_news/28-jeltoksan-jalpyiulttyik-karalyi-kun-kazakstanda-osyimen-303775/">Tengrinews.kz</a>.
2006 жыл 22 қыркүйек. Ленин (Шахтинск) атындағы шахтадағы қайғылы жағдай
2006 жылдың 20 қыркүйегінде Қарағанды облысының Шахтинск қаласындағы Ленин атындағы шахтада болған техногендік апат. Метанның жарылуынан 41 кенші қаза тапты, жеті жұмысшы зардап шекті.
8:56-да шахтада 368 адам болған кезде жарылыс болды. Жарылыс толқыны төрт жарым шақырымды қамтыды. Бір тәулік ішінде қаза тапқандар мен зардап шеккендердің денелерін жер бетіне көтерді. Кейінірек аза тұту жарияланды.
Шахтаның сегіз қызметкеріне айып тағылды. Үшеу бір жыл сынақ мерзімімен шартты түрде бір жыл алған. Қалғандары бір жылдан үш жарым жылға дейін қоныс колониясына тоғытылды.
2008 жылы 14-16 қаңтар. “Абай” шахтасында метан жарылысы
Метан жарылысы 400 метрлік тереңдікте болды. Осы уақытта шахтада 191 адам болған. Жарылыстан кейін Лавада өрт шықты. Қайғылы оқиға 30 адамның өмірін қиды. 161 шахтер жер бетіне шығарылды, оның ішінде 14 адам түрлі дәрежедегі күйік пен жарақаттармен ауруханаға жатқызылды.
Кінәлілердің қатарында үш инженер-техникалық қызметкер болған. Үш күндік аза тұту жарияланды.
2010 жылы 16 наурыз. Қызылағашта су тасқыны
Қазіргі Қазақстан тарихындағы ең жойқын су тасқынының бірі. Алматы облысының Қызылағаш ауылынан наурыздың 11-нен 12-не қараған түні болған оқиға.
Қайғылы оқиғадан 43 адам қаза тапты, оның ішінде сегіз бала бар. 300 адам түрлі дәрежедегі жарақат алып, 1000-ға жуық адам қауіпсіз жерге көшірілді. 146 үй толығымен бұзылды, 251 үй қирап, 42 үй зақымдалды. Аза тұту 16 наурызда жарияланды.
2012 жыл 5 маусым. Арқанкергендегі қанды оқиға
28 мамырда “Арқанкерген” шекара қызметінде 14 шекарашы мен қорықшы қаза тапты. Қылмыстың жасалуына жалғыз тірі қалған солдат – Владислав Челах кінәлі деп танылды. Қайғылы оқиғадан кейін Нұрсұлтан Назарбаев 2012 жылдың 5 маусымында жалпыұлттық аза тұту жариялады.
2012 жылдың желтоқсанында Челах өмір бойына бас бостандығынан айырылды. Ол Қостанай облысы Жітіқара қаласының маңындағы “Қара бүркіт” ерекше режимдегі колонияда жазасын өтеп жатыр.
2012 жылы 27 желтоқсан. Шымкентте ұшақтың құлауы
2012 жылы 25 желтоқсанда Шымкент маңында Ан-72 әскери ұшағы апатқа ұшырады. Оның бортында 27 адам болған, барлығы қаза тапты. Қаза болғандардың ішінде ҰҚК Шекара қызметінің басшысы Тұрғанбек Стамбеков болды.
Әуе апатына Шымкент әуежайының диспетчері кінәлі деп танылды. Ол төрт жылға бас бостандығынан айырылды.
2013 жыл 31 қаңтар. SCAT компаниясының ұшағы апатқа ұшырауы
Авиациялық апат салдарынан бортта отырған барлығы – 21 адам қаза тапты. 16 жолаушы және бес экипаж мүшесі. 2013 жылы 29 қаңтарда SCAT компаниясының Canadair CL-600-2B19 әуелайнері Көкшетау – Алматы бағытымен DV760 жоспарлы ішкі рейсін орындаған. Алайда Алматы әуежайына жақындаған тұста, ол жерге құлады.
Апатқа ұшқыштардың қателігі себепші деп атады.
2016 жыл 9 маусым. Ақтөбедегі лаңкестік
Террорлық акт салдарынан лаңкестердің қолынан 8 адам қаза тапты. Антитеррорлық операция кезінде 18 қылмыскердің көзі жойылды.
25 адамнан тұратын содырлар тобы “Паллада” және “Пантера” қару-жарақ дүкендеріне шабуыл жасап, одан әрі ҚР Ұлттық гвардиясының №6655 әскери бөліміне шабуыл жасады.
Құқық қорғау органдары лаңкестікке тікелей қатысы бар тоғыз адамды, дайындалып жатқан қылмыс туралы хабарламағаны үшін тағы 18 адамды, сондай+ақ екі адамды – жасырғаны үшін ұстады.
Террорлық актіге қатысушы жеті адам өмір бойына бас бостандығынан айырылды. Екі адам 25 жыл және 22 жылға бас бостандығынан айырылды. Сот үкімімен 29 сотталушының барлығы ауыр, аса ауыр құқық бұзушылық жасағаны үшін, жеке адамға, меншікке қарсы, сондай-ақ қоғамдық қауіпсіздікке, қоғамдық тәртіпке қарсы кінәлі деп танылып, бас бостандығынан айырудың әр түрлі мерзіміне сотталды.
2019 жылы 28 желтоқсан. BekAir ұшағының апатқа ұшырауы
2019 жылы 27 желтоқсанда таңғы уақытта Bek Air әуекомпаниясының ұшағы Алматы маңына құлады. ІІМ 12 адамның қаза тапқаны туралы айтты.
Әуе апатынан қаза тапқандардың отбасына төрт миллион теңге беріледі. Басқада зардап шеккендерге көмек берілетіні де айтылды.
Бас прокуратура мен ІІМ әуе апатының себептерін анықтап, кінәлілерді жауапқа тартуға тиіс. Қазақстан тарихында сегізінші Жалпыұлттық аза тұту жарияланды.

28 желтоқсан жалпыұлттық қаралы күн &#8211; Қазақстанда осымен сегізінші

Kyzylorda-news.kz. Алматы маңындағы ұшақ апатынан 4-5, 8 және 9 айлық үш сәби зардап шеккен, деп хабарлайды <a href="https://www.inform.kz/kz/ushak-apatynan-kutkarylgan-sabidin-ata-anasy-tiri-bolyp-shykty_a3599150">ҚазАқпарат</a>.
Әлеуметтік желіде құтқарушылардың 4-5 айлық нәрестені қираған салоннан алып шыққаны туралы видео тарады. Видео көпшіліктің көңілін босатты.
Көрер жарығы бар баланың ата-анасы аман ба? Осы сауал көпшіліктің көкейінде тұр.
Қалалық қоғамдық денсаулық сақтау басқармасының таратқан мәліметіне сәйкес, ауруханаға бір жасқа дейінгі 3 бала түскен. Дәрігерлер үшеуінің де ата-анасы тірі екенін айтты.
Бірақ олардың әрқайсысы әр ауруханаға жеткізілген.
Мамандардың айтуынша, видеода полиция қызметкері көтеріп бара жатқан 9 айлық ұл бала – Ғатиат Әділжан Мақсұтұлы.
Бұл бала ми жарақатымен түскен. Іші, ішкі органдары соққы алған. Жағдайы бірқалыпты. Ал оның әкесі 27 жастағы Ғатиат Мақсұт Болатқанұлы бас жарақатымен шұғыл медициналық қызмет көрсету ауруханасына жатқызылды.
Ал анасы 27 жастағы Ғатиат Айсұлу Ерқанатқызы кіші жамбастағы ұршық буынының соққысы, бел омыртқасының жарақаты диагнозымен түсті.
Одан бөлек бұл апатта 5 айлық және 8 айлық тағы екі нәресте жарақат алған.
Шамамен 4-5 айлық нәрестенің аты – Асылым Ақболатқызы.
Қыз баланың миы жарақаттанып, соққы алған. Баланың еңбегі ұрылып, сырылған. Дәрігерлер баланың жағдайын бірқалыпты ауыр деп бағалап отыр.
Сәбидің ата-анасы Алматы облыстық көпсалалы ауруханасында жатыр.
Анасы 28 жастағы Сәттігүл Үсенге жарақаттан кейінгі пневмоторакс диагнозы қойылған. Оң жақ сан сүйегі, жамбас сүйегі және оң жақтағы 9-шы қабырғасы сынған. Қазір жағдайы бірқалыпты.
&nbsp;Асылымның әкесі 32 жастағы Даваа Ақболат ми жарақатымен ауруханаға түсті. Оның да жағдайын дәрігерлер бірқалыпты деп бағалап отыр.
Ұшақ апатынан 8 айлық Құралбай Дәмелі де зардап шекті.
Бала қосарлы жарақатпен түскен, миы жарақат алған, миы шайқалған. Іші, ішкі органдары соққы алған. Жағдайы ауыр.
Оның әкесі – 39 жастағы Нұрлан Төлебаев №4 ауруханада жатыр. Жабық ми жарақатымен түскен. Миы шайқалып, кеуде тұсы соғылған. Жағдайы өте ауыр.

Ұшақ апатынан құтқарылған сәбидің ата-анасы да аман-есен

Синоптиктердің болжауынша сенбіде ел аумағының кей жерлерінде жел күшейіп, тұман түседі, деп хабарлайды Қазгидромет.
Бұрынғыша Қазақстан аумағының батыс бөлігіне Қара теңіз аймақтарынан ауысатын циклон ықпал етеді, соған байланысты батыс пен солтүстік-батыстың кей жерлеріңде қар, жаңбыр жауады. Қалған өңірлерде атмосфералық қысым жоғары болмақ, соның әсерінен ауа райы жауын-шашынсыз. Кей жерлерде тұман түсіп, көктайғақ, бұрқасын, жел күшейеді, солтүстікте – бұрқасын.
Алматы облысының түнде кей жерлерінде тұман күтіледі, Жалаңашкөл ауданында жел 15-20 м/с күшейеді.
Солтүстік Қазақстан облысының кей жерлерінде тұман, жаяу бұрқасын болады, желдің жылдамдығы 15-20 м/с жетеді.
Шығыс Қазақстан облысының кей жерлерінде, жаяу бұрқасын, тұман, желдің жылдамдығы 15-20 м/с.
Жамбыл облысының кей жерлерінде тұман түседі, көктайғақ, түнде және күндіз жел күшейеді – 15-20 м/с.
Қызылорда облысында кей жерлерде тұман түсуі ықтимал, таңертең және күндіз жел күшейіп, көктайғақ болады.
Қостанай облысында кей жерлерде тұман, көктайғақ, түнде жел күшейіп, жылдамдығы 18 м/с жетеді.
Ақмола облысының кей жерлерінде күшті жел тұрады – 15-20 м/с.
Батыс Қазақстан, Ақтөбе облыстарында кей жерлерде тұман түсуі мүмкін, көктайғақ.
Маңғыстау, Павлодар облыстарында кей жерлерде тұман күтіледі, көктайғақ.
Қарағанды облысында күндіз көктайғақ болады.
Солтүстік Қазақстан облысының кей жерлерінде жаяу бұрқасын, жел тұрып, жылдамдығы 15-20 м/с жетеді.
Ақтөбе облысының кей жерлерінде тұман, көктайғақ күтіледі, Муғалжар ауданында желдің екпіні 18 м/с.
Қостанай облысының кей жерлерінде тұман, күндіз бұрқасын, көктайғақ, жел тұрады, жылдамдығы 18 м/с.
Атырау, Маңғыстау, Батыс Қазақстан облыстарының кей жерлерінде тұман түседі. Атырау облысында көктайғақ болады.

Сенбіге арналған ауа райы болжамы

Қызылорда&nbsp; облыстық&nbsp; «Жас ұлан ұйымы»&nbsp; 2011 жылы&nbsp; Елбасының&nbsp; қолдауымен&nbsp;&nbsp; құрылды.Қазіргі&nbsp;&nbsp; таңда&nbsp;&nbsp; Қызылорда&nbsp;&nbsp; облысында&nbsp; 106&nbsp;000 жас ұлан&nbsp; бар. Тәуелсіздік&nbsp; мерекесі қарсаңында&nbsp; ұландары қатары&nbsp; тағы да толыға&nbsp; түсуде. Тәуелсіздік&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; мерекесіне&nbsp;&nbsp;&nbsp;&nbsp;&nbsp;&nbsp; арналған&nbsp;&nbsp;&nbsp;&nbsp; осындай&nbsp; шаралардың&nbsp; &nbsp;&nbsp;бірі&nbsp; кеше&nbsp;&nbsp; &nbsp;ғана&nbsp; А.Тоқмағанбетов&nbsp;&nbsp; атындағы&nbsp; мәдениет&nbsp; Үйінде &nbsp;ұйымдастырылды.
&nbsp;&nbsp;&nbsp;&nbsp; Облыстық жастар&nbsp; саясаты мәселелері&nbsp; басқарамасының&nbsp; қолдауымен облыстық&nbsp; «Жас ұлан» &nbsp;ұйымының&nbsp; ұйымдастыруымен өткен «Ұланымыз ұлы елдің» VІІ&nbsp; облыстық слетіне &nbsp;200&nbsp; делегат қатысып, 50 оқушы&nbsp; жас ұлан қатарына қабылданды.Қабылдау рәсімінде&nbsp; құрметті&nbsp; қонақтар ММА Әлем чемпионатының алтын жүлдегері&nbsp; Әділсерік Ғани, Қызылорда облыстық тарихи-өлкетану музейінің ғылыми хатшысы Сайлау Асхат Қалиұлы,Қызылорда облыстық тарихи-өлкетану музейінің бөлім меңгерушісі Эльзира Нағашыбайқызы, «Самғау» жастар сыйлығының иегері, қоғам белсендісі Сағатбек Қуанышбайұлы және қалалық&nbsp; білім бөлімінің&nbsp;&nbsp; бас маманы Турмурзаев Бек&nbsp; Бексұлтанұлы және білім беру ұйымдары мен жастар ұйымдарының &nbsp;&nbsp;өкілдері, ата-аналар&nbsp; қатысты.
&nbsp;&nbsp; «Ұланымыз ұлы елдің» VІІ&nbsp; облыстық слетін Қызылорда облыстық жастар саясаты мәселелері басқармасының басшысы Қуаныш Жанұзақов&nbsp; ашып, жас ұландарды&nbsp; жобадағы&nbsp;&nbsp; жетістіктерімен құттықтап, сәттілік&nbsp; тіледі.
Слет&nbsp; аясында «Жас ұлан»&nbsp; қатарына қабылдау рәсімі өткізіліп, «Арманың&nbsp; барда, адымда&nbsp; алға!», «Жас ұлан жетістік жолында! » жылдық жобалар үздіктері&nbsp; марапатталды. Жыл бойы шараларға&nbsp; белсене араласып,&nbsp; балалар әлемінде өзіндік қолтаңба&nbsp; қалдырған&nbsp; ұландар «Зерек&nbsp; ұрпақ», тәлімгерлер «Тәлімді&nbsp; тәлімгер» арнайы &nbsp;номинацияларымен марапатталды.Аталған екі жоба бойынша үздік шығып, жыл бойы жас ұландарға хабар таратқан Арал ұландары «Мыңнан тұлпар» номинациясын иеленсе, жастар жылы аясында балаларға&nbsp; арналған елуге жуық мультфильм түсірген Жалалғаш&nbsp; ұландарына «Рухты жастар»&nbsp; ноимнациясы тапсырылады. Облыстық&nbsp; слеттің ең құрметті&nbsp; сәті, ұландардың «Дария жағасындағы қала» акциясы бойынша жасаған жұмыстарының&nbsp; нәтижесінде&nbsp; жарық&nbsp; көрген&nbsp; «Дария жағасындағы қала»&nbsp; кітабының&nbsp; тұсаукесері болды. Слетте&nbsp; Сыр ұландарына жол тартқан&nbsp; бұл кітап, ұландар үшін үлкен құндылық болды.Жас ұландар үшін жылдық қорытынды болып саналатын дәстүрлі слет, биыл өзгеше болды. Жастар жылы асында өткен «Арманың барда, адымда алға» үлкен жоба жеңімпаздарына&nbsp; &nbsp;Ұларбек Нұрғалымұлының&nbsp; «Дайағашшы» кітабы&nbsp; табысталды. Сөйтіп ұландардың кітап қоры екі кітаппен бірден толықты. «Дайағашшы» кітабы&nbsp; біздің жаңа жобаларымыздың бастауы болады.
&nbsp;&nbsp;&nbsp; Слеттің басы, әлеуметтік&nbsp; жобалар&nbsp; аясындағы шаралар бойынша&nbsp;&nbsp;&nbsp;&nbsp;&nbsp;&nbsp;&nbsp;&nbsp; «Ұлттық құндылық &nbsp;Жас ұлан қолымен » қолөнер және сурет&nbsp; жәрмеңкесімен басталды. &nbsp;Жәрмеңкеге&nbsp; жарыса қатысқан ұландар, одан түскен қаржыға үйден оқитын достарына тосын сый жасайтын болады.
Аталған шара барысында «Жас Ұлан» бірыңғай&nbsp;&nbsp;&nbsp;&nbsp; балалар мен жасөспірімдер ұйымдарының қызметін ұйымдастыру»&nbsp; тақырыбында мектеп тәлімгерлеріне&nbsp; арналған&nbsp; семинар-тренинг ұйымдастырылып, тәлімгерлер жобаларды таңдау, оны іске асыру жолдарымен танысып, «Эко-әлем» экологиялық ойынын ұйымдастыру тәсілдерін үйренді.Қатысушы делегат-ұландарға&nbsp; музей сағаты ұйымдастырылып, облыстық тарихи-өлкетану музейіне саяхат жасады.Слет&nbsp; бағдарламасына &nbsp;атқарған жобаларын&nbsp; қосқан Сыр ұландары өздерінің жаңа қырларын аша түсті.
Жетістікке құлшынған ұландар өздеріне&nbsp; ізбасарларын ертіп, халық әндерін шарықтата шырқап, саханда қазақтың үш биі&nbsp; болып сөйледі.Жоба аясында ашылған орталық ұландары Қожа болып ән шырқап, жетістіктерімен бөлісті, ұлттық&nbsp; құндылықтарды&nbsp;&nbsp; насихаттады.
&nbsp;&nbsp;&nbsp; Облыстық слетте жан-жақтан бас қосқан ұландар жаңа&nbsp; жобалары мен тың идеяларымен бөлісті. Бір-бірінің білімі мен өнеріне қол соққан ұландар келер жылғы&nbsp; еріктілер жылында да жас ұландық қолтаңба қалдырып, жетістік жолында&nbsp; қадамдар жасай береді.

«Жас ұлан»   жетістік  жолында

<a href="https://kyzylorda-news.kz/">Kyzylorda-news.kz.</a> Рысқұловтың бірінші және үшінші әйелдері (Колосовская Татьяна Владимировна және Дергачева Вера Ивановна тиісінше) өзінен туған балаларын тастап кетті. Олар Тұрар Рысқұловтың қаржылық және әлеуметтік жағдайына байланысты тұрмысқа шыққан болуы да мүмкін.
“Әр ұлы адамның артында әйел тұрады. Олар сонысымен өз халқының тағдырын өзгертеді”, – &nbsp;дейді. Сонымен, қазақ ұлыларының өмірін мәңгі өзгерткен орыс әйелдер кімдер?&nbsp;
<img src="https://kyzylorda-news.kz/wp-content/uploads/2019/11/oezge-ulttan-aejel-alghan-ult-zijalylary-mwstafa-shokaj.jpg" alt="" />
Мұстафа Шоқай. Ол – Алаш қозғалысының төл перзенті.&nbsp;Алаш идеялары мен мұраттары аясында қанаттанған, қазақ, өзбек және басқа да түркі халықтарының ұлттық бостандығы үшін күресінің стратегиясы мен тактикасын айқындаған қайраткер. Орыс актрисасы – Горина Мария Яковлевнаға үйленеді. Мария Шоқай қайраткерге тұрмысқа шыққан соң, мұсылман дінін қабылдайды. Сәйкесінше, Мұстафа Шоқай қайтыс болғаннан кейін христиан дініне қайта өтеді.
<img src="https://kyzylorda-news.kz/wp-content/uploads/2019/11/oezge-ulttan-aejel-alghan-ult-zijalylary-aelihan-boekejhanov.jpg" alt="" />
Әлихан Бөкейханов – «Алаш» партиясының негізін салушы, жетекшісі және бас идеологы. Осы саяси бірлестіктің көптеген мүшелері сияқты ол да орыс қызына үйленеді. Севостьянова Елена Яковлевна- қуғынға ұшыраған популисттің қызы болатын. Бөкейханов алдымен қыздың әкесі Севостьянов Яков Сергеевичпен кездесті, ол «Степной край» газетінде жұмыс істейді. Айта кету керек, Елена Севостянова ешқашан Қазақстанға келген емес. Бөкейхановтың одан екі баласы болған.
<img src="https://kyzylorda-news.kz/wp-content/uploads/2019/11/oezge-ulttan-aejel-alghan-ult-zijalylary-qanysh-satbaev.jpg" alt="" />
Қаныш Сатпаев – қазақтың ұлы геологы. Сатпаевтың бастамасымен елімізде Жезқазған қаласы пайда болғанын да айта кету керек. Томсктегі Техгологиялық университетте оқып жүріп, би кештерінің бірінде Сатпаева (Кошкина) Таиса Алексеевнамен танысады. Ол да геология мамандығында білім алады, екеуі бір уақытта жоғарғы оқу орнын тәмәмдайды. ҚанышТаиса үшін бірінші әйелі Шарипаны тастап кетеді. Әрине бұған Қаныштың да, Шарипаның да кінәсы жоқ еді. Өйткені олардың некесі ата-аналарының қалауы болған. Таиса тек жақсы геолог ғана болып қойған жоқ, ол Жезқазған қаласының дамуы мен ашылуына көп үлес қосты. Қаныш пен Таиса Сатпаевтардың ортақ екі қызы болды. Мейіз бен Шәмшиябану. Таиса Қаныш Сатпаев қайтыс болғаннан кейін де геолог туралы көптеген мәліметтерді жинақтап, оның ғалымдық еңбектерін жариялады.
<img src="https://kyzylorda-news.kz/wp-content/uploads/2019/11/oezge-ulttan-aejel-alghan-ult-zijalylary-mwhtar-awezov.jpg" alt="" />
Мұхтар Әуезов – аты аңызға айналған «Абай жолы» роман-эпопеясының авторы. Ленинград мемлекеттік университетінің филология бөліміне түсіп, Кузьмина Валентина Николаевнамен кездеседі. Нәтижесінде ол Әуезовтың үшінші әйелі болды. &nbsp;Валентина 2 ұл, 1 қыз дүниеге әкелді: Елдос (туғаннан көп ұзамай қайтыс болды), қалғаны Ернар мен Лейла. Мұхтар өмір бойы онымен бірге болды. Алайда бұл оның Ильяс Жансүгіровтің бұрынғы әйелі Фарида Ғабитовамен көңіл жарастыруына кедергі болмады. Әуезовтің өлімінен кейін Валентина Мұхтардың үйіндегі атмосфераны қалпына келтіруге және бұл үйді мұражайға айналдыруға көмектесті.
Жақанша Досмұхамедов – алғашқы қазақ прокуроры, саясаткер, «Алаш Орданың» көрнекті қайраткері. Оның өмірлік серігі – Ольга. Кейбір деректерде тегі Колоссовская, кейбірінде Пушкарева. Егер ол расында Пушкарева болса, онда ол Рысқұловтың әйелі – Надежда Пушкареваның сіңлісі және оның қазақша аты «Зайра» деп айтылады. Бірақ егер Жақан туралы мақалаларда ол Колоссовская деп жазылса, онда оның әкесі Шымкентті Черняев деп атаған кезде Шымкент қаласының әкімі болған деп те айтылады. Ол қазақ тілі мен &nbsp;дәстүрін жетік білетін. Досмұхамедов Ольганы Мәскеуде оқып жүргенде кездестірді, ол сол кезде медициналық қызметті аяқтаған болатын. Ольга исламды қабылдады. Күйеуі қайтыс болғаннан кейін ол оның жақсы жадын жала жабушылардан қорғауға тырысты. Сонымен, ол Сейфулиннің «Торғай жолы» романына ашық қарсылық білдірді, онда күйеуінің &nbsp;айқын болмысы көрінбейтін еді. Колоссовская Лениннің әйелі Надежда Крупскаямен дос болды. Сондықтан көптеген жолдармен ұлы революционер қайтыс болғанға дейін Джаханшаға ешкім қол тигізбеді. Жақанша қайтыс болғаннан кейін Ольга екінші рет тұрмысқа шықпады. Ең өкініштісі олардың балалары болмады.
<img src="https://kyzylorda-news.kz/wp-content/uploads/2019/11/oezge-ulttan-aejel-alghan-ult-zijalylary-ahmet-bajtwrsynov-1.jpg" alt="" />
Ахмет Байтұрсынов – түркітанушы, лингвист, араб графикасына негізделген қазақ жазуының реформаторы, «Қазақ» газетінің редакторы жәнеАлаш партиясының мүшесі. Екінші жартысы – Александра Ивановна, ислам дінін қабылдағаннан және некеден кейін – Байтұрсынова Бадрисафа Мұхамедсадыққызы. Бұл адамның айналасында көптеген әңгіме бар. Мәселен, Байтұрсынов Александраның әкесінен бір бөлме жалға алып тұрған. Екінші деректерде ол жетім және фамилиясы да болмаған. Бадрисафа Ахметтің үшінші әйелі болды. Оның алғашқы махаббатының аты Іңкәр болды. Біраз уақыттан кейін Байтұрсынов татар көпесі Мұхамедсадықтың қызымен де қарым-қатынаста болды. Бірақ әйел аурудың салдарынан кенеттен қайтыс болады. Содан кейін Байтұрсынов саудагердің үйінде жұмыс істейтін қызға үйленді. Неге екені белгісіз, Ахмет неке қиюды ресми тіркеу кезінде қайғылы жағдайда қайтыс болған татар қыздың құжаттарын пайдаланды.Осылайша Александра Бадрисафаға айналды. Кейіннен Байтұрсынов Бадрисафтан бірнеше айға кетіп, башқұрт сопысы шейх Зейнулла-ишанның ислам негіздерін түсінді. Бір қызықты факт: Байтұрсынов басқа ұлт өкілін Мұхаммедизмге айналдыра білді. Бірде оның досы мұсылман дінді қабылдаған адамның сұлулығына сүйсініп, Ахметтен қандай қыз екенін сұрайды. Содан кейін Байтұрсынов поэтикалық түрде былай жауап береді:Сұрасаңыз есімі Александра Ивановна,Ризамын құдайдың оны маған қиғанына.Бір кәпірді мұсылман қылып сауап тапсам,Татымай ма он молданың иманына.Ахмет пен Бардисафаның асырап алған үш баласы болды.Соған қарағанда ерлі-зайыптылардың бірі бедеу болды деген болжам бар.Тұрар Рысқұлов – қазақтың көрнекті саясаткері, көрнекті кеңес қайраткері. Оның төрт әйелі болды, оның үшеуі – орыс, ал төртіншісі жартылай ғана қазақтан. Ол осы әйелді орыс оперетта актрисасы Регина Лазарева үшін тастап кеткісі келді. Рысқұловтың бірінші және үшінші әйелдері (Колосовская Татьяна Владимировна және Дергачева Вера Ивановна тиісінше) өзінен туған балаларын тастап кетті. Олар Тұрар Рысқұловтың қаржылық және әлеуметтік жағдайына байланысты тұрмысқа шыққан болуы да мүмкін.
<img src="https://kyzylorda-news.kz/wp-content/uploads/2019/11/oezge-ulttan-aejel-alghan-ult-zijalylary-olzhas-swlejmenov.jpg" alt="" />
Олжас Сүлейменов – «Невада-Семей» қозғалысының жетекшісі, ақын, «Аз и Я» кітабының авторы. Әйелінің аты – Маргарита Владимировна. Өкінішке орай, интернетте оның әйелі туралы көп ақпарат жоқ. Ерлі-зайыптылардың мұсылмандық және христиандық мерекелерді атап өтетіні белгілі, бұл таңқаларлық емес – ұлтаралық неке екі жаққа бірдей. Олардың үш қызы бар – Мадина, Динара, Лейла.
<img src="https://kyzylorda-news.kz/wp-content/uploads/2019/11/oezge-ulttan-aejel-alghan-ult-zijalylary-toktar-awbakirov.jpg" alt="" />
Тоқтар Әубәкіров – Қазақстан Республикасының алғашқы ғарышкері және КСРО-ның соңғы ғарышкері. Ол әйелімен Мәскеуде кездесті. Әйелі – Малышева Татьяна Михайловна, 1951 жылы туған, мамандығы бойынша инженер. Бір қызығы, Татьяна мен Тоқтар өз өмірлерін байланыстыруды шешкен кезде, екеуі жас емес еді, тіпті бүгінгі стандартқа сай сол кезде не айтуға болады. Тоқтар отыз тоғыз, әйелі отыз төрт шамасында. Рас, балалар ресми некеге дейін өмірге келді. Олар Тимур мен Михаил.
<a href="https://newsroom.kz/">Newsroom</a>

Өзге ұлттан әйел алған ұлт зиялылары жайлы не білесіз?

Kyzylorda-news.kz. Бүгін ҚР Тұңғыш Президенті күніне орай және Елбасы «Nur Otan» Партиясы Төрағасы Н.Ә.Назарбаевтың төрағалығымен өңірлік партия филиалдары өкілдерімен өткізген кездесудің қорытындысы бойынша облыстық партия активі өтті.
Облыстық партия активінің мақсаты жергілікті жерлерде партия органдарының жұмысын күшейтіп, партияның ел өңірлеріндегі біріктіруші рөлін арттыру бойынша жұмыстардың негізгі бағыттарын талқылауға арналды. Елбасының 25 қараша күні облыстық партия филиалдары өкілдерімен кездесуінде өңірлерді дамыту бағдарламаларын жетілдірумен қатар, партияның жергілікті жерлердегі жұмыс тиімділігін одан әрі арттырудың негізгі бағыттарын да айқындады. Бүгінде облыстағы 47374 партия мүшелерінің басын біріктіріп отырған 252 бастауыш ұйымдары бар.
“Партия мүшелерін топтастыру мен қатарымызға басқа да белсенді азаматтарды тарту, партияның өз ішіндегі демократияны дамыту, жергілікті жерлерде халықтың өмір сүру сапасына тікелей әсер ететін жобалардың іске асырылуына қоғамдық және партиялық бақылауды ұйымдастыру жұмыстары қолға алынуда. Облысымызда алғаш рет пилоттық режимде Партияның кадрлық резервін іріктеу жұмыстары жүргізілді. Сондай-ақ еліміздің ақпараттық – саяси күн тәртібінде алдағы уақытта атқаратын бірнеше міндеттер тұр”, – деді облыс әкімі Қ. Ысқақов.
Сонымен қатар, партияның жергілікті жерлердегі жұмыс тиімділігін одан әрі арттырудың негізгі бағыттары туралы «Nur Otan» партияcы облыстық филиалы төрағасының бірінші орынбасары Ақмарал Шәріпбайқызы баяндама жасады.
“Партияны жаңарту, партия органдары мен оның тетіктерінің тиімділігін күшейту өз кезегінде біздің жоғары жауапкершілігіміз бен жұмыстарымыздың белсенділігін арттыруды білдіреді. Былтырғы жылмен салыстырғанда республика бойынша партияның қоғамдық қабылдауларына өтінішпен келетін азаматтардың саны 29 пайызғы артса, бұл көрсеткіш біздің облыста 21 пайызды көрсетіп отыр. Ал, аудандар бойынша Шиеліде 486 өтініштің тек 88-і оң шешім тапқан, пайыздық көрсеткіші- 18,1. Жаңақорған ауданында барлық түскен 453 өтініштің тек 119-ы оң шешім тапқан,пайыздық көрсеткіші- 26,2. Бұл бір жағынан азаматтардың партияға сенімінің артқанын көрсетсе, екінші жағынан бізге үлкен жауапкершілік жүктейді”,- деп атап өтті А. Әлназарова.
Сонымен қатар, активте партия қатарына салтанатты қабылдау мен партия белсенділерін марапаттау шарасы ұйымдастырды.

«Nur Otan» партиясының облыстық филиалы партия жұмысын жетілдіруді қолға алды

Kyzylorda-news.kz. А.Тоқмағамбетов атындағы мәдениет үйінде облыстық «Сыр бойы» және «Кызылординские вести» газеттерінің 90 жылдығы аясында “Заманауи медиа кеңістіктегі аймақтық баспасөздің маңызы мен рөлі” атты облыстық ғылыми-тәжірибелік конференция өтуде. Салтанатты шарада қос басылымның 90 жылдық мерейтойына орай серіктестік қызметкерлері марапатталды.
Облыстың Құрмет грамотасы:
1. Ақсақалов Жолдасбек Әленұлы –облыстық «Сыр бойы» газетінде 36 жылдан бері табан аудармастан еңбек етіп келеді. Еңбек жолын корректорлықтан бастаған ол газет жұмысының барлық сатыларынан өткен. 2010-2012 жылдары «Сыр бойы» газетінің бас редакторы болған. Қазіргі таңда газеттің экономика бөлімінің меңгерушісі. Қазақстан Журналистер одағының мүшесі. Бірнеше публицистикалық кітаптардың авторы.
<ol start="2">
<li>Жакибаева Гүлмира Ақтілекқызы – облыстық «Кызылординские вести» газетінде 2000 жылдан бері қызмет атқарып келеді. Еңбек жолын облыстық газеттің кіші тілшілігінен бастаған ол бүгінде «Экономика» бөлімінің аға тілшісі. 2017 жылы «Ауыл шаруашылығы саласындағы жылдың үздік журналисі» атанған.</li>
<li>Шегенбаева Айгүл Жолайқызы –еңбек жолын 2009 жылы «Сыр бойы» газетінің есепші-кассирі қызметінен бастаған. Кейін, 2010 жылы «Сыр медиа» серіктестігі құрылғанда медиахолдингтің есепшісі қызметіне ауысқан. Қазіргі таңда «Сыр медиа» жауапкершілігі шектеулі серіктестігінің аға есепшісі.</li>
</ol>
Облыс әкімінің Алғыс хаты:
<ol>
<li>Өтешова Гүлмира Төлебайқызы – облыстық «Сыр бойы» газетінде 30 жылдан бері еңбек етіп келеді. Осы жылдар аралығында басылымның көркемдік жағынан сапалы шығуына зор еңбек сіңіріп келе жатқан ол бүгінде аталған облыстық басылымның компьютер орталығының дизайнері.</li>
<li>Алдамжарова София Үрістембекқызы – «Кызылординские вести» газетіндегі еңбек жолын 2000 жылы дизайнерліктен бастаған. Кейін осы басылымда жауапты хатшы, түрлі бөлімдерде тілші қызметін атқарған. Бүгінде аталған облыстық газеттің аға тілшісі. 2010, 2012 жылдары «Қанатты қалам» фестивалінің жеңімпазы атанған.</li>
</ol>
3. Көшербаев Сәбит Сәйпенұлы – «Сыр медиа» жауапкершілігі шектеулі серіктестігінде 2011 жылдан бастап еңбек етіп келеді. «Сыр медиа» ЖШС-да Ақпараттық талдау орталығының, Жарнама бөлімдерінің басшысы қызметтерін атқарған ол бүгінде медиахолдингтің Әкімшілік бөлімінің шаруашылық жөніндегі бас маманы болып жұмыс жасайды. Сондай-ақ, ол әр жылдары мемлекеттік қызмет саласында түрлі лауазымдарды атқарған.
<ol start="4">
<li>Қарапаева Айсауле Сағатбекқызы – «Сыр бойы» газетінде 2010 жылдан бері тілшілік қызмет атқарады. Осынау 10 жылдың ішінде оның есімі оқырмандарына экономика тақырыбына төселген журналист ретінде танылды. Қазақстан Журналистер одағының мүшесі.</li>
<li>Скорняков Виталий Владимирович – облыстық «Кызылординские вести» газетінде 2006 жылдан бері еңбек етіп келеді. Еңбек жолын дизайнерліктен бастаған ол 2018 жылдан бастап аталған облыстық газеттің компьютер орталығының меңгерушісі.</li>
</ol>
Қазақстан Республикасының Журналистер одағының төрағасы Сейітқазы Бейсенғазыұлы Матаевтың марапаты:
«Қазақстанның құрметті журналисі» атағы:
1. Мырзахметұлы Қайырбек – ардагер-журналист. Облыстың бас басылымы «Сыр бойы» газетінде 50 жылға жуық қызмет еткен. Еңбек жолын қарапайым хат тіркеушіден бастап, бөлім меңгерушісі қызметіне дейін көтерілген. 85 жастағы ардагер ағамыз бүгінгі таңда өзінің сүйікті басылымынан қол үзбей, оқырмандарын ескірмейтін естелік, ойлы очетерімен қуантып келеді.
2. Қасымов Тимур Равильұлы – облыстық «Кызылординские вести» газетінде 40 жыл бойы еңбек етіп, биылғы жылы зейнеткерлікке шыққан. Еңбек жолын тілшіліктен бастаған ол соңғы 11 жылда облыстық «Кызылординские вести» басылымының бас редакторы қызметін атқарған. Қазақстан Республикасы Құрмет Грамотасымен марапатталған.

Қос басылымның 90 жылдық мерейтойына орай серіктестік қызметкерлері марапатталды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Бокстан жастар арасындағы Азия чемпионатында Қазақстанның ерлер құрамасының алты боксшысы алтын медаль алды.
Моңғолия астанасы Ұланбатырда бокстан жастар арасындағы Азия чемпионаты аяқталды.
Қазақстанның ерлер құрамасы алты бірдей алтын медаль алды. Мухаммедсабыр Базарбай уулу, Махмуд Сабырхан, Бейбарыс Жексен, Дархан Дүйсебай, Тоғамбай Сағындық пен Аманат Сабырғали чемпион атанды, деп хабарлайды&nbsp;<a href="https://www.sports.kz/news/tri-pobedyi-nad-uzbekami-v-finale-kazahstanskie-bokseryi-sovershili-furor-na-mchm-2019">Sports.kz</a>.
Қазақстандық боксшылардың нәтижелері
49 кг. Мухаммедсабыр Базарбай уулу — Селай Сой (Үндістан) — 4:1 
52 кг. Махмуд Сабырхан — Суктет Суравут (Таиланд) — 5:0 
56 кг. Бейбарыс Жексен — Хуршидбек Расулжонов (Өзбекстан) — 5:0 
64 кг. Дархан Дуйсебай — Жавлонбек Юлдошев (Өзбекстан) — 5:0
**75 кг. Азамат Бектас — Сухробжон Каимов (Өзбекстан) — 1:4 
**91 кг. Тогамбай Сагындык — Амиршох Самадов (Өзбекстан) — 5:0 
+91 кг. Аманат Сабыргали — Ю Донг Жин (Оңтүстік Корея) — 5:0.

Қазақстан және Қызылорда облысының жаңалықтары: Рубрикасыз

Bek Air авиакомпаниясының пайдаланушы және ұшу жарамдылығы сертификаттары тоқтатылды

Ұшақ апатына байланысты билет бағасының көтерілгендігі туралы ақпарат жалған

Алматы маңындағы ұшақ апатына қатысты тың деректер шықты

28 желтоқсан жалпыұлттық қаралы күн – Қазақстанда осымен сегізінші

Ұшақ апатынан құтқарылған сәбидің ата-анасы да аман-есен

Сенбіге арналған ауа райы болжамы

«Жас ұлан» жетістік жолында

Өзге ұлттан әйел алған ұлт зиялылары жайлы не білесіз?

«Nur Otan» партиясының облыстық филиалы партия жұмысын жетілдіруді қолға алды

Қос басылымның 90 жылдық мерейтойына орай серіктестік қызметкерлері марапатталды

Қазақстандық боксшылар Азия чемпионатында қанша медаль алды?

Қазақстан және Қызылорда облысының жаңалықтары: Рубрикасыз

Bek Air авиакомпаниясының пайдаланушы және ұшу жарамдылығы сертификаттары тоқтатылды

Ұшақ апатына байланысты билет бағасының көтерілгендігі туралы ақпарат жалған

Алматы маңындағы ұшақ апатына қатысты тың деректер шықты

28 желтоқсан жалпыұлттық қаралы күн &#8211; Қазақстанда осымен сегізінші

Ұшақ апатынан құтқарылған сәбидің ата-анасы да аман-есен

Сенбіге арналған ауа райы болжамы

«Жас ұлан» жетістік жолында

Өзге ұлттан әйел алған ұлт зиялылары жайлы не білесіз?

«Nur Otan» партиясының облыстық филиалы партия жұмысын жетілдіруді қолға алды

Қос басылымның 90 жылдық мерейтойына орай серіктестік қызметкерлері марапатталды

Қазақстандық боксшылар Азия чемпионатында қанша медаль алды?

28 желтоқсан жалпыұлттық қаралы күн – Қазақстанда осымен сегізінші