Kyzylorda-news.kz. ҚР аумағының басым бөлігі әлі де, ауқымды антициклонның ықпалында болғандықтан, жауын–шашынсыз ауа райы сақталады, деп хабарлайды Қазгидромет. 
Атмосфералық фронталды бөліктердің өтуіне байланысты еліміздің батысында, оңтүстік-шығыс елдің таулы аудандарында найзағайлы жаңбыр жауады. Республика бойынша делдің күшеюі күтіледі.
Қызылорда, Түркістан, Жамбыл облыстарының басым бөлігінде, Ақтөбе облысының оңтүстігінде, шығысында, Абай облысының солтүстік-батысында, солтүстігінде, шығысында, Павлодар облысының орталығында, Қарағанды облысының шығыс жартысында, Ұлытау облысының оңтүстігінде, шығысында төтенше өрт қаупі сақталады.

Сенбіге арналған ауа райы болжамы

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Бүгін облыс әкімі Нұрлыбек Нәлібаев кезектілік тәртібімен жазылған азаматтарды жеке мәселелері бойынша қабылдады.
Қабылдауға 9 азамат келіп, өз мәселесін жеткізді. Басым бөлігі жұмыспен қамту, шағын кәсіпті қолдау және тұрғын үй алу мәселесін көтерді. Мәселен, екі жұмыссыз азамат шағын кәсіп ашуға мемлекет тарапынан қолдау көрсетуді айтса, Қызылорда қаласы мен аудандардан келген 3 азамат тұрғын үй мәселесін алуға ықпал етуді сұрады.
Аймақ басшысы өзін өзі жұмыспен қамтып, кәсібін ашам деген азаматтарға барынша қолдау көрсету қажет екенін баса айтты. Сондай-ақ, мемлекет тарапынан берілетін қайтарымсыз гранттар әділ әрі ашық түрде берілуі керектігін қаперге салды. Бұл ретте салалық орынбасары мен облыстық кәсіпкерлік және өнеркәсіп басқармасының басшысына қабылдауға келген азаматтардың өтініш-тілектерін мұқият зерделеп, заңдылыққа сәйкес тиісті жұмыстар жүргізуді тапсырды.
Ал, тұрғын үй мәселесі тек заң аясында шешілетіні түсіндірілді. Яғни, өтiнiш берiлген кезден бастап тізімде белгіленген кезек ретімен ғана табысталады. Ал, уақытша баспана беру аса мұқтаж тұрғындарға ғана берілетінін еске салды.
Айта кетейік, соңғы уақытта Сыр өңірінде тұрғын үй құрылысы қарқынды жүргізілуде. Биылғы жылы СПМК-70 тұрғын ауданынан 500 пәтерлі 10 тұрғын үйдің, сол жағалаудан жалғыз үйлері апатты деп танылған тұрғындарға 50 пәтерлі 1 тұрғын үй құрылысын аяқтап, 550 отбасы немесе 2 750 адам жаңа қоныстарына ие болады деп жоспарлануда. Бұл жұмыстар аудандар да ұйымдастырылуда. Аймақ басшысының жеке қабылдауына келген 3 азамат жұмыспен қамту мәселесін көтеріп, тұрақты жұмысқа орналастыруды сұрады. Бұл ретте бос жұмыс орындарының тізіміне қарай мәселе қаралатынын жеткізді.
Осы уақытқа дейін аймақ басшысы 19 жеке қабылдау өткізіп, 163 азаматтың мәселесін саралады. Көтерілген әрбір мәселе әртүрлі шешімді қажет етеді. Әкімнің қабылдау барысында айтылған тапсырмалары белгіленген мерзімде орындалады. Мәселелер әкімнің тұрақты бақылауында.
Айта кетейік, облыс әкіміне жазылу үшін азаматтар egov.kz порталы арқылы, е-otinish бірыңғай базасы мен жазбаша нысанда әкімдікке келіп өтініш бере алады.
<div class="wp-block-image"><figure class="aligncenter size-full"><img loading="lazy" width="1600" height="1246" src="https://kyzylorda-news.kz/wp-content/uploads/2022/09/308147715_390097899978127_6697718474593045339_n.jpg" alt="" class="wp-image-167175" srcset="https://kyzylorda-news.kz/wp-content/uploads/2022/09/308147715_390097899978127_6697718474593045339_n.jpg 1600w, https://kyzylorda-news.kz/wp-content/uploads/2022/09/308147715_390097899978127_6697718474593045339_n-768x598.jpg 768w, https://kyzylorda-news.kz/wp-content/uploads/2022/09/308147715_390097899978127_6697718474593045339_n-1536x1196.jpg 1536w" sizes="(max-width: 1600px) 100vw, 1600px" /></figure></div>
<div class="wp-block-image"><figure class="aligncenter size-full"><img loading="lazy" width="1024" height="670" src="https://kyzylorda-news.kz/wp-content/uploads/2022/09/308398472_390097913311459_5462017763459315226_n.jpg" alt="" class="wp-image-167176" srcset="https://kyzylorda-news.kz/wp-content/uploads/2022/09/308398472_390097913311459_5462017763459315226_n.jpg 1024w, https://kyzylorda-news.kz/wp-content/uploads/2022/09/308398472_390097913311459_5462017763459315226_n-768x503.jpg 768w" sizes="(max-width: 1024px) 100vw, 1024px" /></figure></div>

Облыс әкімі кезек тәртібімен жазылған азаматтарды қабылдады

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Жылу беру маусымына небәрі санаулы күндер ғана қалды. Аймақ тұрғындары күздің ызғары аяққа сезілетін уақытта, қытымыр қыста да жылудан қиындық көрмеуі тиіс. Сондай-ақ, әлеуметтік нысандарда коммуналдық жүйелердің апаты мен ақауларын болдырмау аса маңызды. Қызылорда облысының әкімі Нұрлыбек Нәлібаев қала, аудан әкімдері және сала басшыларымен бірге жылу беру маусымына дайындық мәселелерін пысықтады.
Облыстық энергетика және тұрғын үй-коммуналдық шаруашылық басқармасының басшысы Руслан Нұрмағанбетов алдағы дайындық барысын баяндады. Оның айтуынша, әлеуметтік нысандардың жылыту маусымына әзірлігі 100 пайызға жетіп қалған. Ал, алдағы жылу беру маусымына жоспар бойынша облысқа жалпы 176,1 мың тонна көмір қажет. Оның ішінде тұрғындарға 142,5 мың тонна, әлеуметтік нысандарға 33,6 мың тонна керек.
Аймақ басшысы алдағы жылу беру маусымы іркіліссіз жүруі керек екендігін қатаң ескертті. Сондай-ақ, әкімдер уақыт оздырмай, көмірдің 3 айлық қорын алдын ала жасап алуы тиіс деді. Ал, жанар-жағармайдың тиісті көлемде жеткізіліп, бекітілген бағада босатылуын бақылауға алу міндеттеді.
<blockquote class="wp-block-quote">«Жыл сайын ауа-райы суытқан кезде облыс орталығындағы көмір қоймаларында қатты отынға сұраныс артып, халық арасында ажиотаж туындап, тұрғындардың шағымы көбейді. Мұны болдырмауымыз керек. Себебі, қалаға жақын орналасқан Сырдария, Жалағаш, Шиелі аудандары өздеріне қажетті көмірді қаладан тасымалдайды. Биыл да осы көрініс қайталануы мүмкін, өйткені аудандарда отын қоры әлі де аз. Осы мәселеге жете көңіл бөліңіздер», &#8212; деді облыс әкімі.</blockquote>
Облыс әкімі көмір қорын жеткізуде Арал, Жалағаш, Сырдария аудандарының көрсеткіші көңіл көншітпейтінін алға тартып, әкімдерге 1 қазанға дейін жұмысты үйлестіруді қатаң тапсырды. Отырыста облыс әкімінің орынбасары Мархабат Жайымбетов қала, аудандардағы көмір қорына деген қажеттілік пен нақты жұмыстарды тізбелеп, қатты отынды тасымалдау мәселесіне тоқталды.
Жиында коммуналдық қызмет көрсететін мекемелердегі қарыз берешегі мәселесі ашық талқыланды. Аймақ басшысы жұмысты тиімді ұйымдастыра алмай отырған сала басшыларын сынға алып, төлем түсіру мәселесіне жеткілікті деңгейде мән беріп, жұмысты жандандыру қажет деді. Сондай-ақ, білім, мәдениет, денсаулық салаларындағы нысандардың жылумен қамту процесінде ақау туындамауы керек екенін ескертті.
<div class="wp-block-image"><figure class="aligncenter size-full"><img loading="lazy" width="2048" height="1232" src="https://kyzylorda-news.kz/wp-content/uploads/2022/09/308587738_389649633356287_1179517505389200278_n.jpg" alt="" class="wp-image-167128" srcset="https://kyzylorda-news.kz/wp-content/uploads/2022/09/308587738_389649633356287_1179517505389200278_n.jpg 2048w, https://kyzylorda-news.kz/wp-content/uploads/2022/09/308587738_389649633356287_1179517505389200278_n-768x462.jpg 768w, https://kyzylorda-news.kz/wp-content/uploads/2022/09/308587738_389649633356287_1179517505389200278_n-1536x924.jpg 1536w" sizes="(max-width: 2048px) 100vw, 2048px" /></figure></div>

Нұрлыбек Нәлібаев: Қыстан қысылмай шығу үшін қазірден бастап қамдану керек

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> ҚР аумағының басым бөлігі әлі де ауқымды антициклонның ықпалында болғандықтан, жауын-шашынсыз ауа райы сақталады, деп хабарлайды Қазгидромет.
Атмосфералық&nbsp;фронтталды бөліктердің өтуіне байланысты еліміздің батысында, оңтүстік-шығысында найзағайлы жаңбыр жауады. Республика бойынша желдің күшеюі, оңтүстік және оңтүстік-батыста шаңды дауыл күтіледі.
Қызылорда, Түркістан, Жамбыл облыстарының басым бөлігінде, Ақтөбе облысының оңтүстігінде, шығысында, Абай облысының солтүстік-батысында, солтүстігінде, шығысында, Павлодар облысының орталығында, Қарағанды облысының шығыс жартысында, Ұлытау облысының оңтүстігінде, шығысында төтенше өрт қаупі сақталады.

23 қыркүйекке арналған ауа райы болжамы

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Парламент Сенатының жалпы отырысында палата депутаттары Тұңғыш Президент күнін мемлекеттік мерекелер қатарынан алып тастауға бағытталған заңды қабылдады.
Бұл норма «Қазақстан Республикасының кейбір заңнамалық актілеріне кинематография, мәдениет және мерекелер мәселелері бойынша өзгерістер мен толықтырулар енгізу туралы» заң жобасында қамтылған.
Осы орайда «Қазақстан Республикасындағы мерекелер туралы» Заңға 25 қазан – Республика күні ұлттық мереке және 16 желтоқсан – Тәуелсіздік күні мемлекеттік мереке болып белгіленетін өзгерістер енгізу қарастырылған. Сондай-ақ 1 желтоқсан – Тұңғыш Президент күнін мемлекеттік мерекелер тізімінен алып тастау ұсынысына қолдау жасалды.
Бұл құжатта «Кинематография туралы» және «Мәдениет туралы» Қазақстан Республикасының заңдарына мынадай тұжырымдамалық түзетулер мен жаңашылдықты көздейтін өзгерістер мен толықтырулар енгізу ұсынылған:
&#8212; кинематография саласын мемлекеттік қаржылық қолдау;
&#8212; кинематография саласының материалдық-техникалық базасын сақтау мен дамытуды жүйелендіру және заңнамалық регламенттеу;
&#8212; балалар анимациялық фильмдері мен отбасымен көруге арналған фильмдерді қазақ тілінде дубляждауды мемлекеттік қолдау;
&#8212; кинематография саласында мемлекеттік қаржылық қолдауды алу үшін кинематографиялық қызмет субъектілерінің шеңберін кеңейту;
&#8212; Ұлттық киноны қолдау мемлекеттік орталығының жанынан Ұлттық кинокомиссия құру механизмін және оның қызмет етуін заңнамалық реттеу;
&#8212; халықаралық ареналарда ұлттық фильмдерді ілгерілетуді мемлекеттік қолдау;
&#8212; ұлттық фильмдерді шығаруға бөлінетін қаржыны: тарихи, патриоттық және имидждік фильмдерге – 70 пайыз, ал жеке киножобаларды, оның ішінде дебюттік фильмдерді қоса қаржыландыруға – 30 пайыз бөлудің жаңа тәсілдерін айқындау;
&#8212; «Кинематография туралы» Қазақстан Республикасы Заңының нормаларын іске асыру кезінде бірыңғай құқық қолдану тәжірибесін қамтамасыз ету үшін жаңа түсініктер енгізу.

25 қазанды Республика күні ұлттық мерекесі ретінде белгілейтін заң қабылданды

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Аймақ басшысы Нұрлыбек Нәлібаев ірі мұнай компанияларының бірі «Саутс ойл» мекемесінің басшысы Серікжан Сейітжановты қабылдады. Кездесуде өңірдегі мұнай-газ саласының бүгінгі жағдайы мен негізгі мәселелері талқыланды.
Облыс әкімі аймақта жылдан-жылға мұнай өндіру көлемі кеміп жатқанын алға тартып, геологиялық зерделеу жұмыстарын жүргізудің маңыздылығын атап өтті. Сондай-ақ, газ өндіру ісіне басымдық беру арқылы табыс көлемін түсірмеу қажеттігін қаперге салды.
Республикалық бюджет есебінен Шу-Сарысу мен Арал шөгінді бассейндерін геологиялық зерделеу жұмыстары жүргізілуде.
Сондай-ақ, «ҚазМұнайГаз» ҰҚ» АҚ тереңдігі 5.5 мың метр ұңғыманы бұрғылау жұмыстарын бастады. Ал, «Кенқияқ – Атырау» реверсінің өткізу қуатын жылына 6 млн. тоннадан 12 млн. тоннаға дейін арттыру бойынша жұмыстар жүргізілуде. Бұл өз кезегінде мұнай көлемінің орнын толтыруға, әрі қарай оның көлемін ұлғайтуға және жұмыс орындарын сақтауға мүмкіндік береді.
Кездесуде Серікжан Сейітжанов компанияның негізгі қызмет бағыттарына тоқталып, биылғы жылдың 9 айында 257,3 мың тонна мұнай өндірілгенін тілге тиек етті.
Басқосу соңында облыс әкімі жұмыс орнын қысқартпау, жұмысшылардың жалақысын кезең-кезеңімен көтеру және салық базасын ұлғайтуға баса мән беру керектігін назарға салды.
<div class="wp-block-image"><figure class="aligncenter size-full"><img loading="lazy" width="715" height="477" src="https://kyzylorda-news.kz/wp-content/uploads/2022/09/sawts-ojl.jpg" alt="" class="wp-image-166951"/></figure></div>

Нұрлыбек Нәлібаев ірі мұнай компанияның басшысын қабылдады

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Апта басында Қызылорда облысы әкімінің бірінші орынбасары Серік Қожаниязов Түркия еліне барып, бір топ түрік инвесторларымен кездесті.
Ыстамбул қаласында Серік Қожаниязов «Tat Gida» компаниясының басшылығымен Қызылорда облысында «Қызанақ пастасын шығаратын зауыт салу» мәселесін талқылады.
Кездесу нәтижесінде түрік компаниясының өкілдері жақын арада Сыр еліне келіп, жобаны жүзеге асыру бойынша нақты жұмыстарға кіріспек. Нақтырақ айтсақ, қызанақ егетін және зауыт салынатын жерлермен танысып, бірлескен жұмыстарды атқармақ.
Сонымен қатар, аймақ басшысының орынбасары «Акса энерджи» компаниясы басшылығымен кездесіп, облыс орталығында жылу-электр орталығын салу жобасының кейбір мәселелерін пысықтады. Екі ел арасында әрі қарай ынтымақтастықты дамыту үшін өзге де маңызды жобаларды іске асыру перспективалары қаралды.
Нәтижесінде, Сыр өңірінде өндірісте және сауда орындарында пайдаланатын қағаз қапшықтары мен қағаздан жасалатын ыдыстарды шығару, қамысты өңделмеген күйде Еуропа елдеріне экспорттау жобалары талқыланды.
Сондай-ақ, С.Қожаниязов Түркиядағы сапары барысында Қазақстан Республикасының Ыстамбұл қаласындағы Бас консулы және «Kazakh Invest» АҚ-ның Түркиядағы өкілімен кездесіп, өңірге инвестиция тарту мәселелерін пысықтады.
Айта кетейік, биыл түрік инвесторларының қолдауымен республиканың тек екі аймағында ТМД елдерінде теңдесі жоқ заманауи жылу электр орталығының құрылысы салынбақ. Алғашқысы Сыр елінде бастау алып, аймақ жұрты жылу электр орталығының капсула салу рәсіміне куә болды.
<div class="wp-block-image"><figure class="aligncenter size-full"><img loading="lazy" width="1024" height="768" src="https://kyzylorda-news.kz/wp-content/uploads/2022/09/308204241_388948130093104_2771251975934737534_n.jpg" alt="" class="wp-image-166944" srcset="https://kyzylorda-news.kz/wp-content/uploads/2022/09/308204241_388948130093104_2771251975934737534_n.jpg 1024w, https://kyzylorda-news.kz/wp-content/uploads/2022/09/308204241_388948130093104_2771251975934737534_n-768x576.jpg 768w" sizes="(max-width: 1024px) 100vw, 1024px" /></figure></div>

Түркияда Қызылорда облысының тың жобалары талқыланды

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Қоғамда қауіпсіздікті күшейту үшін Президент полиция қызметін сервистік тәсілге көшіру туралы пәрмен берді. Яғни еліміздің барлық өңірлерінде бұл жоба іске аса бастады.
Қызылорда облысының әкімі Нұрлыбек Нәлібаев құқық бұзушылық профилактикасы жөніндегі ведомствоаралық комиссияның кезекті отырысында полиция қызметіне сервистік тәсілдерді енгізу жобасы аясында атқарылған жұмыстарды саралады. Сондай-ақ, мал ұрлығы қылмысының алдын алу мәселелерін қарады.
Жиында облыстық полиция департаментінің бастығы Мұхтар Қожабаев баяндама жасады. Жоба аясында пилоттық аумақ ретінде Тасбөгет кенті және оған қарасты елді мекендер белгіленіп 2019, 2020, 2021 жылдарда жасалған қылмыстар талдауға алынды. Зерттелген аумақта орын алған деректердің басым бөлігі пәтер, мал ұрлығы, алаяқтық, көше қылмыстары.
Мұхтар Қожабаевтың айтуынша, көше қылмыстары негізінен бейнебақылау камералар жоқ орында жасалған. Тасбөгет кентінің көшелері мен көпқабатты үй ауласында 11 бейнебақылау камералары бар, бірақ бұл жеткіліксіз екендігін жеткізді. Осы орайды цифрландыру бағдарламасы аясында Тасбөгет кентінде жаңа камераның орнату орындары белгіленді.
Облыс әкімі полиция қызметкерлерінің жұмысын жүйелі етуде нақты қолдау шаралары бар екенін және сервистік модельдің тиімділігін халық сезінуі қажет деді.
<blockquote class="wp-block-quote">«Полицияның сервистік моделінің» негізгі қағидаты – «Полиция – бұл халық, ал халық – бұл полиция». Осы орайда, полиция органдары жұмысының ашықтығын қамтамасыз етіп, жеке құрамға халықпен қарым-қатынаста ізеттілік және әдептілікті білдіру, олардың өтініштері мен арыздарын объективті қарау, барынша қажетті көмекті көрсету міндеттілігі бойынша түсіндірме жүргізіп, орындалуын қатаң қадағалауды тапсырамын, &#8212; деді Нұрлыбек Нәлібаев.</blockquote>
Жиында аймақ басшысы пилоттық жоба іске асырылып жатқан аумақтың қылмыстық ахуалын жақсарту мақсатында бірлескен кешенді жоспарын әзірлеуді, Тасбөгет кентінің полиция бөлімшесінің жұмысын қайта қарап, тиімділігін арттыру бойынша нақты шаралар қабылдауды тапсырды.
Сондай-ақ, Сабалақ саяжайындағы тұрақты жұмыс жасайтын учаскелік полиция пунктін ашуды қарастыру тапсырылды.
Жиында көтерілген тағы бір мәселе &#8212; мал ұрлығы. Биылғы жылдың 8 айында облыс көлемінде бөтен мүлік ұрлығының тіркелуі 6,8 пайызға төмендеді. Ұрлық және мал ұрлықтарын жасағаны үшін жалпы 304 тұлға қылмыстық жауапкершілікке тартылды, арасында алдын ала сөз байласып ұрлық жасаған 37 қылмыстық топ құрықталды.
Облыс әкімі мал ұрлығы жиі орын алатын Сырдария, Жалағаш, Жаңақорған аудандарының әкімдеріне жұмысты жандандыру қажет екенін қаперге салды.
Мал ұрлығының алдын алу бағытында атап өтетін бірқатар өзекті мәселелер бар. Талдау нәтижесіне сәйкес, есепті мерзімде тіркелген 104 мал ұрлықтарының 24 дерегі қорадан ұрланса, қалған 80 дерегі немесе 77 пайызы қараусыз, бақташысыз жүріп өрістен ұрланды.
Ал, учаскелік полиция инспекторларымен қараусыз жүрген мал иелеріне қатысты 1439, ветеринария қызметінің тиісті құжатынсыз мал тасымалдаған 53 тұлғаға әкімшілік шара көрілді.
Облыс әкімі Қызылорда қаласы мен аудан әкімдіктеріне құқық қорғау саласындағы қоғамдық құрылымдарының желісін, елді мекендердегі «Сақшы» қызметін дамытып, малдарды сәйкестендіру мен таңбалау бойынша шаралар қабылдауды, ауыл тұрғындарына мал жайылымында аса мұқият болу қажет екенін түсіндіруді тапсырды.
Ал, облыстық полиция департаментіне қылмыстың жолын кесуге бағытталған шараларды күшейтуді, ұрлықтың алдын алуда учаскелік полиция инспекторларының жауапкершілігін арттыруды және ұрлық қылмыстарының ашылуын қамтамасыз етіп, келтірілген залалдың өндірілуіне тиісті шаралар қабылдауды жүктеді.
<div class="wp-block-image"><figure class="aligncenter size-full"><img loading="lazy" width="1600" height="990" src="https://kyzylorda-news.kz/wp-content/uploads/2022/09/308337310_388981106756473_3731018994014120696_n.jpg" alt="" class="wp-image-166938" srcset="https://kyzylorda-news.kz/wp-content/uploads/2022/09/308337310_388981106756473_3731018994014120696_n.jpg 1600w, https://kyzylorda-news.kz/wp-content/uploads/2022/09/308337310_388981106756473_3731018994014120696_n-768x475.jpg 768w, https://kyzylorda-news.kz/wp-content/uploads/2022/09/308337310_388981106756473_3731018994014120696_n-1536x950.jpg 1536w" sizes="(max-width: 1600px) 100vw, 1600px" /></figure></div>

Қызылордада полицияның сервистік моделін іске асыру барысы қаралды

&nbsp;<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> «Союз МС-22» пилотты көлік кемесі Байқоңырдан ұшырылғаннан үш сағаттан кейін Халықаралық ғарыш стансасына қонды, деп хабарлайды ҚазАқпарат.
«Роскосмостың» баспасөз қызметі мәлім еткендей, «Союз МС-22» кемесі мен «Рассвет» модулі арасындағы өтпелі есіктер ашылып, 68-ші ұзақ мерзімді экспедиция экаипажы – «Роскосмос» мемлекеттік корпорациясының ғарышкерлері Сергей Прокопьев, Дмитрий Петелин мен NASA астронавты Франциско Рубио бортқа өтеді.
ХҒС-да әріптестерін «Роскосмос» космонавтары Олег Артемьев, Денис Матвеев пен Сергей Корсаков, NASA астронавтары Челл Линдгрен, Роберт Хайнс пен Джессика Уоткинс, сондай-ақ Еуропа ғарыш агенттігінің астронавты Саманта Кристофоретти қарсы алады.
«Циолковский» деген атауға ие болған кемемен ХҒС-ға экипажбен қатар, 120 кг пайдалы жүк жеткізілді. Олардың арасында санитариялық-гигиеналық қамтамасыз ету және медициналық бақылау құралдары, борт құжаттары мен қызметтік аппаратураның шығыс элементтері, космонавтардың киім-кешегі мен жеке заттары, тамақ рационы және азық-түлік, сондай-ақ ғылыми зерттеулер жүргізуге қажетті құрылғылар бар.
188 тәулік ішінде экипаж Ресей бағдарламасы бойынша ашық ғарышқа 5 рет шығып, екі «Прогресс» жүк кемесін қабылдап, ғылыми-қолданбалы зерттеулер циклін атқаруы керек.
Айта кетсек, кеменің Байқоңырдан ғарышқа көтерілгені қазақстандықтар үшін қызықты көрініс болды. Ел тұрғындары оптикалық көріністің фотолары мен видеоларын әлеуметтік желілерге жарыса жүктеді.
<div class="wp-block-image"><figure class="aligncenter size-full"><img loading="lazy" width="858" height="578" src="https://kyzylorda-news.kz/wp-content/uploads/2022/09/2209220732209110f.jpg" alt="" class="wp-image-166930" srcset="https://kyzylorda-news.kz/wp-content/uploads/2022/09/2209220732209110f.jpg 858w, https://kyzylorda-news.kz/wp-content/uploads/2022/09/2209220732209110f-768x517.jpg 768w" sizes="(max-width: 858px) 100vw, 858px" /></figure></div>

«Союз МС-22» кемесінің экипажы халықаралық ғарыш стансасына жетті

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Қазгидромет 22 қыркүйекке арналған ауа райы болжамын жариялады.
ҚР аумағының басым бөлігі әлі де, ауқымды антициклонның ықпалында болғандықтан, жауын-шашынсыз ауа райы сақталады.
Атмосфералық фронтталды бөліктердің өтуіне байланысты еліміздің батысында, оңтүстік-шығысында найзағайлы жаңбыр жауады, екпінді жел күтіледі. Түнде және таңертең еліміздің солтүстігінде тұман күтіледі.
Қызылорда, Түркістан, Жамбыл облыстарының басым бөлігінде, Ақтөбе облысының оңтүстігінде, шығысында, Абай облысының солтүстік-батысында, солтүстігінде, шығысында, Павлодар облысының орталығында төтенше өрт қаупі сақталады. Қостанай облысының басым бөлігінде, Қарағанды облысының шығыс бөлігінде, Ұлытау облысының оңтүстігінде, шығысында жоғары өрт қаупі сақталады.
Түнде Шығыс Қазақстан облысының солтүстік-шығысында топырақ бетінде 1 градус үсік сақталады.

22 қыркүйекке арналған ауа райы болжамы

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Аудан әкімі Серік Сермағамбетов бірқатар елді мекендерде болып, ондағы құрылыс жұмыстарының барысын бағамдады.
Ең алдымен Аманөткел ауылдық округінде орналасқан Хан елді мекені тұсындағы қалқымалы көпірді қайта жаңғырту жұмыстарын көрді. 2020 жылы аудандық бюджеттен бөлінген қаржыға көпірді қайта жаңғырту үшін жоба-сметалық құжаттамасы әзірленіп, мемлекеттік сараптамадан өткізілген болатын. Қазіргі таңда облыстық бюджеттен қаржы қаралып, тиісті жұмыстар басталуда. Атап айтар болсақ, аталған орынға пантомның темір-жабдықтары мен қайықтары жеткізілуде. Көпірге қайта жаңғырту жұмыстарын &#171;Жылу-ХХI&#187; ЖШС-і жүргізуде.
Мұнан соң, іссапар кезінде Серік Сағитжанұлы аудандық маңызы бар Бөген-Ақлақ бағытындағы жолдың жағдайымен танысты. Орташа жөндеу жұмыстарын жүргізіп жатқан мекеме &#171;СтройМодуль-Астана&#187; компаниясы. Жұмыс барысын толық бақылап шыққан аудан басшысы мердігерге сапалы әрі уақытылы аяқтау жөнінде тапсырма берді.
Қызылжар елдімекенінің кіре-беріс автомобиль жолы да биылғы бюджеттен жаңғыртылады. Ұзындығы 15 шақырымнан асатын жолды &#171;Аван құрылыс&#187; мекемесі жөндеуден өткізеді. Қазіргі таңда мердігерлер жол құрылысына қажетті материалдарды тасымалдау жұмыстарын жүргізуде.
<div class="wp-block-image"><figure class="aligncenter size-full"><img loading="lazy" width="2048" height="1365" src="https://kyzylorda-news.kz/wp-content/uploads/2022/09/308114235_3367103490284680_6050241701877757107_n.jpg" alt="" class="wp-image-166920" srcset="https://kyzylorda-news.kz/wp-content/uploads/2022/09/308114235_3367103490284680_6050241701877757107_n.jpg 2048w, https://kyzylorda-news.kz/wp-content/uploads/2022/09/308114235_3367103490284680_6050241701877757107_n-768x512.jpg 768w, https://kyzylorda-news.kz/wp-content/uploads/2022/09/308114235_3367103490284680_6050241701877757107_n-1536x1024.jpg 1536w" sizes="(max-width: 2048px) 100vw, 2048px" /></figure></div>
<div class="wp-block-image"><figure class="aligncenter size-full"><img loading="lazy" width="2048" height="1365" src="https://kyzylorda-news.kz/wp-content/uploads/2022/09/308059671_3367103393618023_9048576013864413595_n.jpg" alt="" class="wp-image-166921" srcset="https://kyzylorda-news.kz/wp-content/uploads/2022/09/308059671_3367103393618023_9048576013864413595_n.jpg 2048w, https://kyzylorda-news.kz/wp-content/uploads/2022/09/308059671_3367103393618023_9048576013864413595_n-768x512.jpg 768w, https://kyzylorda-news.kz/wp-content/uploads/2022/09/308059671_3367103393618023_9048576013864413595_n-1536x1024.jpg 1536w" sizes="(max-width: 2048px) 100vw, 2048px" /></figure></div>

Арал ауданы: Елді мекендерде құрылыс қарқынды

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Парламент Сенаты Төрағасының орынбасары Ольга Перепечина ДДҰ Еуропалық өңірлік бюросының директоры Ханс Клугемен кездесті.
Әңгіме барысында Қазақстан мен Дүниежүзілік денсаулық сақтау ұйымы арасындағы әріптестіктің маңызы атап өтілді, сондай-ақ 30 жыл бойы өзара қарым-қатынастардың қарқынды дамуындағы табыстар мен нәтижелер атап өтілді. Сенат Төрағасының орынбасары Қазақстанда денсаулық сақтау саласын дамытуда атқарылып жатқан жұмыстар туралы жүздесушіні хабардар етті.
<blockquote class="wp-block-quote">«Мемлекет басшысы алдағы кезеңдегі ең маңызды міндеттердің бірі – ұлт денсаулығын қамтамасыз ету. Медициналық инфрақұрылымды кешенді жақсартуға ерекше назар аударылатын болады. Келесі жылдан бастап ауыл тұрғындарының қажетіне арналған ұлттық жобаны іске асыру басталады, оның аясында 32 аудандық аурухана жаңғыртылады, ауданаралық көп салалық мекемелер болып қайта құрылатын болады. Ал екі жыл ішінде 650 ауылда медициналық және фельдшерлік-акушерлік пункттер салынып, толық жабықталады», &#8212; деп атап өтті Төраға орынбасары.</blockquote>
Кездесуге қатысушылар сонымен қатар халықаралық ұйымдардың қатысуымен өңіраралық деңгейде бірлескен күш-жігерді талап ететін Арал теңізінің проблемалық мәселелерін де талқылады.
Төраға орынбасары БҰҰ Бас Ассамблеясының 77-ші сессиясында сөйлеген сөзінде Мемлекет басшысы Қасым-Жомарт Тоқаев қатысушылардың назарын Арал теңізі мәселелеріне аударғанын және барлық мүдделі тараптарды экология және климат проблемаларын шешу жұмыстарын жалғастыруға шақырғанын хабарлады.
ЕҚЫҰ ПА шілде сессиясы барысында Қазақстан мен Өзбекстан Арал теңізін құтқаруға байланысты жобаларды іске асыруда донор болуға шақыра отырып, Ұйымға мүше мемлекеттерге бірлескен үндеу жолдады.
<blockquote class="wp-block-quote">«Келесі жылы ҚР Парламенті Сенатының шақыруымен ЕҚЫҰ ПА депутаттары апат ауқымына көз жеткізу және ынтымақтастықтың бұдан былайғы бағыттарын белгілеу үшін Арал өңіріне барады. Қазақстан Еуропалық аймақтық бюроның көмегімен ДДҰ елдік кеңселерінің Арал өңірі халқының денсаулығына әсер ететін факторларды зерттеуге бірыңғай тәсілді әзірлеу үшін күш-жігер мен ресурстарды біріктіруге көмек көрсетуді сұрайды», &#8212; деді Ольга Перепечина.</blockquote>
ДДҰ Еуропалық өңірлік бюросының директоры Ханс Клуге өз кезегінде Орнықты дамудың салауатты өмір салты және кез келген жастағы барлық адамдардың әл-ауқатына жәрдемдесу жөніндегі жаһандық мақсатына қол жеткізуді қамтамасыз ету жөніндегі ҚР Парламенті Сенатының жұмысты қалыптастыру және үйлестіру бөлігіндегі қызметіне жоғары баға берді.
<div class="wp-block-image"><figure class="aligncenter size-full"><img loading="lazy" width="960" height="651" src="https://kyzylorda-news.kz/wp-content/uploads/2022/09/307914347_3379404872288152_5716134293389529640_n.jpg" alt="" class="wp-image-166923" srcset="https://kyzylorda-news.kz/wp-content/uploads/2022/09/307914347_3379404872288152_5716134293389529640_n.jpg 960w, https://kyzylorda-news.kz/wp-content/uploads/2022/09/307914347_3379404872288152_5716134293389529640_n-768x521.jpg 768w" sizes="(max-width: 960px) 100vw, 960px" /></figure></div>

Қазақстан және Қызылорда облысының жаңалықтары: Басты жаңалықтар old