<a href="https://kyzylorda-news.kz/">Kyzylorda-news.kz.</a> Биыл облыста реттелетін коммуналдық қызмет тарифтерінің бағасы өзгереді. Яғни, энергиямен, сумен жабдықтау және сарқынды суды бұру қызметтерінің тарифтері.
&nbsp;Бұл туралы Өңірлік коммуникациялар қызметінің ақпарат алаңында өткен баспасөз конференциясында Табиғи монополияларды реттеу комитетінің Қызылорда облысы бойынша департаментінің басшысы Гүлмира Өтегенова мәлімдеді.
<blockquote>
 «Тұрғындар үшін 2020 жылдың 1 наурызынан бастап сумен жабдықтау қызметі 3,6 пайызға төмендейді. Ал сарқынды суды бұру тарифі 9 пайызға азайып, энергиямен жабдықтау қызметінің бағасы да өзгереді. Қазіргі таңда қала және аудандағы электр энергиясын тарататын мекемелерге тарифтің өсетіні туралы хабардар етілді»,- деді Гүлмира Сейтбекқызы.
</blockquote>
Мұнан өзге, департамент 55 реттелетін қызмет түрі бойынша 32 табиғи монополия субьектілерінің қызметін реттейді.
<img src="https://kyzylorda-news.kz/wp-content/uploads/2020/01/31tarifter2.jpg" alt="" />

Қызылордада биыл коммуналдық тарифтер өзгереді

<a href="https://kyzylorda-news.kz/">Kyzylorda-news.kz</a> Қызылорда облысының әкімі Қуанышбек Ысқақов Жаңақорған ауданында болып, жиырмаға жуық елді мекенді аралады. Аймақ басшысы тұрғындармен кездесіп,өтініш-тілектерін тыңдады.
Жаңақорған ауданда 85 мыңнан аса тұрғын бар, өндірілген өнеркәсіп өнімі – 78,3 млрд теңге болса, инвестицияның бағалау көлемі –27,6 млрд теңге және өндірілген ауыл шаруашылығы өнімі – 103,7% жеткен.
Ауданда негізгі капиталға салынған инвестиция көлемі – 27,6 млрд теңге, құрылыс жұмыстарының көлемі – 5,3 млрд теңгеге жетіп, 2000 аса жаңа жұмыс орыны ашылған. 2018-2019 жылдар аралығында ауданда мемлекеттік-жекешелік әріптестік аясында барлығы 6 нысан салынып, пайдалануға берілген. Оның 4 спорттық клуб пен 2 дәрігерлік амбулатория.
Облыс әкімі Қуанышбек Ысқақов алдымен Қожамберді ауылында тұрғындарымен кездесті.
<blockquote>
 «Елді мекендерді аралаудағы басты мақсатым- тұрғындардың тұрмыс-тіршілігімен танысып, Мемлекет басшысы берген тапсырмалардың орындалу барысын өз көзімен көру»,- деді облыс әкімі Қуанышбек Ысқақов.
</blockquote>
5000 аса тұрғыны бар Төменарық ауылдық округіндегі басты мәселенің бірі ауылдық аурухана салу. Өңір басшысы бұл мәселені шешу үшін жоба-сметалық құжаттарды әзірлеп, тиісті жұмыстарды жүргізуді аудан әкіміне тапсырды.
Мұнан соң өңір басшысы Жаңаарық ауылдық округінде болып, тұрғындардың өтініш тілектерін тыңдады. Тұрғындар елді мекендегі ыза суға байланысты дренаж қазу және клуб ғимаратын күрделі жөндеуден өткізу мәселесі туралы айтты. Аймақ басшысы дренажды жүйені қалыпқа келтіруді тиісті сала мамандарына тапсырса, ауылдық клубты жөндеу мәселесін шешуді аудан әкімдігіне міндеттеді.
Мұнан кейін аймақ басшысы Өзгент, Келінтөбе, Қаратөбе, Қандөз ауылдық округтерінде болып, тұрғындарымен кездесті. Өзгент тұрғындары келешекте газ тарту мәселесіне назар аударылса деген ұсынысын жеткізді. Сондай-ақ, ауыл орталығынан белгілі мемлекет және қоғам қайраткері Сейілбек Шаухаманов атындағы аллея ашуға қолдау көрсетілсе деген ойы бар. Бұл орайда облыс әкімі аймақта бүгінгі таңда төрт аудан орталығы толықтай «көгілдір отынмен» қамтамасыз етілгенін, келесі кезекте қалған үш ауданда тиісті жұмыстар жүргізіліп жатқанына тоқталды.
Көктөбеліктермен мен талаптықтар ауылдың көшелеріне орташа жөндеу жұмыстары жүргізіліп, бау-бақша күтімі үшін аяқ су мәселесін шешіп беруді сұрады. Облыстық жолаушылар көлігі және автомобиль жолдары басқармасының басшысы Ержан Әбдіқалықов: «Жолдарды күрделі жөндеу үшін қаржы бөлінді, алдағы наурыз айында жұмыс басталады»,- деді.
Ал, аяқ су мәселесіне қатысты жауапты сала мамандары 2020-2021 жылдарға арналған бағдарламаның жоспарына ауылдардағы аяқ су мәселесін қосымша ретінде жоспарға бекітілетінің айтты.
Манап, Қосүйеңкі, Қыраш, Ақүйік ауылдық округтерімен Шалқия кентінің тұрғындары халықтың тыныс-тіршілігімен танысып жүрген аймақ басшысына ризашылықтарын жеткізіп, ауыл ақсақалдары батасын берді.
Жайылма мен Сунақата ауылдық округінің тұрғындары балабақшаға баратын балалар санының өсуіне байланысты бөбекжай салу мәселесімен ауыл көшелеріндегі электр бағаналарын жаңартуды сұрады. Аймақ басшысы электр желілерін жаңарту мәселесі туралы «КРЭК» АҚ аудандық филиалына тапсырма берді.
<img src="https://kyzylorda-news.kz/wp-content/uploads/2020/01/30akimattan2.jpg" alt="" />
<img src="https://kyzylorda-news.kz/wp-content/uploads/2020/01/30akimattan3.jpg" alt="" />
<img src="https://kyzylorda-news.kz/wp-content/uploads/2020/01/30akimattan4.jpg" alt="" />
<img src="https://kyzylorda-news.kz/wp-content/uploads/2020/01/30akimattan5.jpg" alt="" />

Қызылорда облысының әкімі Жаңақорған ауданының тұрғындарымен кездесті

<a href="https://kyzylorda-news.kz/">Kyzylorda-news.kz.</a> Қызылордада коронавирус диагнозымен науқас тіркелген жоқ. Бұл туралы Өңірлік коммуникациялар қызметінің ақпарат алаңында өткен баспасөз конференциясында Қызылорда облысының тауарлар мен көрсетілетін қызметтердің сапасы мен қауіпсіздігін бақылау департаменті басшысының орынбасары Әлия Әбдіқайымова мәлімдеді.
<blockquote>
 «Қытай елінде белең алып жатқан коронавирустық аурушаңдықтың алдын алу мақсатында облыс әкімдігі жанынан 14 тиісті мекемелерден біріккен штаб құрылды. Штаб отырысы өткізіліп, аурудың алдын алу мақсатында тиісті шаралар қабылданып, шұғыл жағдайлардағы алгоритм бекітілді. Күнделікті емдеу алдын алу ұйымдарында қажетті жұмыстарға байланысты үйлестіру жұмыстары жүргізілетін болады”, -деді Әлия Мүтәліпқызы.
 &nbsp; “2020 жылдың 28 қаңтары күні кешкі 20.00-де облыстық жұқпалы аурулар ауруханасына жеткізілген 60 жастағы науқасқа “коронавирусқа күдікті” деген ықтимал диагноз қойылып, жедел хаттамалық шаралар жасалып, науқас оқшауландырылған боксқа жатқызылды. Дегенмен, алдын ала тексерулер және медициналық анализдерге сүйене отырып диагноз нақтыланбады. Қазіргі уақытта науқастың жағдайы тұрақты, дене қызуы түскен”,- деп атап өтті облыстық денсаулық сақтау басқармасы басшысы Жақсылық Әбдусаметов.
</blockquote>
<img src="https://kyzylorda-news.kz/wp-content/uploads/2020/01/30koronavirus2.jpg" alt="" />

Қызылордада коронавирус тіркелген жоқ

<a href="https://kyzylorda-news.kz/">Kyzylorda-news.kz.</a> Ереван мемлекеттік университеті (ЕМУ) жанындағы Қазақ тілі, тарихы және мәдениеті орталығына Абайдың аты берілді.
Бұл туралы ҚР Елшілігі ҚР Парламент Сенаты төрайымы Дариға Назарбаеваның атынан Орталыққа компьютерлік техника мен әдеби оқулықтарды тапсыруға арналған шара барысында ЕМУ ректорының міндетін атқарушы Гегам Геворкян мәлімдеді, деп хабарлайды <a href="https://www.inform.kz/kz/erevandagy-kazak-tili-tarihy-zhane-madenieti-ortalygy-abaydyn-esimimen-ataldy_a3609186">ҚазАқпарат</a>.
Еревандағы ЕМУ жанындағы Қазақ тілі, тарихы және мәдениеті орталығына ҚР Сенат төрайымы Дариға Назарбаеваның атынан компьютер, интерактивті тақта, сонымен қатар қазақ тілін үйренуге арналған 120 қазақ сөздігі мен жаңа оқу материалдары тапсырылды. Орталыққа арналған компьютерлік техникалар қазақ бағдарламаларымен жабдықталған, ол қазақ тілін үйретудің заманауи және тиімді тәсілдерін пайдалануға көмектеседі.
Шара барысында Қазақстанның Армениядағы елшісі Тимур Уразаев ЕМУ әкімшілігіне, профессор-оқытушылар құрамы мен басшылыққа қазақ тарихын, мәдениеті мен тілін зерттеуге қосып жүрген үлестері үшін алғыс айтты.
<blockquote>
 «175 жылдық мерейтойы кезінде Абайдың тілін жаңа құрылғылардың көмегімен армян студенттеріне үйрету – қазақ әдебиеті және поэзиясымен танысып, екі ел арасындағы мәдени сабақтастықты нығайтуға көмектеседі. Ал Дариға Назарбаеваның Орталыққа берген сыйжазбасы екі ел арасындағы мәдени-гуманитарлық қарым-қатынасты дамытуға ақ тілек болады», – деп атап өтті шара барысында елші Т.Оразаев.
</blockquote>
ЕМУ ректорының міндетін атқарушы Гегам Геворкян университет басшылығы Орталыққа Абай есімін беру туралы шешім қабылдағанын мәлімдеді.
<blockquote>
 «Былтыр біз ерекше оқиғаның куәсі болдық, «Қазақ әдебиетінің антологиясы» армян тілінде жарық көрді. Бұл екі елдің әдебиетшілері, ғалымдары мен лингвистері серіктестігінің озық үлгісі. Биыл Абайдың 175 жылдығы мерейтойының куәсіболамыз»,- деп атап өтті академик Гегам Геворкян.
</blockquote>
Сонымен қатар, ол шара барысында университет басшылығы Орталыққа кеңірек орын қарастыратынын айтты. ЕМУ жанындағы Қазақ тілі, мәдениеті және тарихы ортылығы Қазақстан Республикасының Армениядағы елшілігінің қолдауымен 2010 жылдың 19 тамызында ашылған болатын.
<img src="https://kyzylorda-news.kz/wp-content/uploads/2020/01/30imenemabaya2.jpg" alt="" />
<img src="https://kyzylorda-news.kz/wp-content/uploads/2020/01/30imenemabaya3.jpg" alt="" />
<img src="https://kyzylorda-news.kz/wp-content/uploads/2020/01/30imenemabaya4.jpg" alt="" />

Еревандағы Қазақ тілі, тарихы және мәдениеті орталығы Абайдың есімімен аталды

<a href="https://kyzylorda-news.kz/">Kyzylorda-news.kz</a> ҚР Үкіметі жанындағы ведомствоаралық комиссия Қазақстан аумағында коронавирустың таралуына жол бермеу бойынша бірқатар қосымша қорғану шараларын қабылдады, деп хабарлайды <a href="https://primeminister.kz/kz/news/informacionnoe-soobshchenie-dlya-smi">primeminister.kz</a> сайты.
<ol>
<li>2020 жылғы 29 қаңтардан бастап ҚР мен ҚХР арасында жолаушылар автобусының тасымалы уақытша тоқтатылды;</li>
<li>2020 жылғы 1 ақпаннан бастап ҚР мен ҚХР арасында жүретін жолаушылар пойыздарының бағдары уақытша тоқтатылады;</li>
<li>2020 жылғы 3 ақпаннан бастап ҚР мен ҚХР арасындағы жүйелі әуе қатынасы уақытша тоқтатылады;&nbsp;</li>
<li>ҚХР азаматтарына визалар беру тоқтатылды;</li>
<li>2020 жылғы 4-8 ақпан аралығында Халықаралық теннис федерациясының Федерация кубогының іріктеу матчтарын ҚХР-дың Дунгуан қаласынан Нұр-Сұлтан қаласына ауыстыруы туралы ұсынысы қабылданбады, сондай-ақ 2020 жылғы 12-16 ақпан аралығында су добынан Азия іріктеу чемпионаты өткізілмейтін болды.</li>
</ol>
Ведомствоаралық комиссия жағдайды тәуліктік режимде қадағалауда. Биылғы 29 қаңтардағы жағдай бойынша Қазақстан Республикасында коронавирус инфекциясымен сырқаттану оқиғасы тіркелмеген. Аталған мәселе ел басшылығының ерекше бақылауына алынған.

Үкімет коронавирустың таралуына қарсы бірқатар қосымша шара қабылдады

<a href="https://kyzylorda-news.kz/">Kyzylorda-news.kz.</a> Қармақшы ауданындағы орталық кітапханада қазақтың бас ақыны Абай Құнанбаевтың 175 жылдығына арналған «Абай» залының ашылу салтанаты өтті.
Салтанатты шараға аудан әкімі Мұса Қалдарбеков, аудан әкімінің орынбасары Жарқын Омаров, мәдениет саласының ардагер кітапханашылары мен оқырмандары қатысты.
Шара барысында жас оқырмандар Абай өлеңдерінен үзінді оқып, жыраулар ұлы ақын өлеңдерін сыр мақамдарына салып терме орындады.
Сонымен қатар, оқырмандар назарына «Алтын Орда – Ұлы дала тарихының арқауы», «Әл-Фараби және оның рухани мұрасы», «Еріктілік-риясыз жақсылық жасау» тақырыбында көрмелер ұсынылды.
Абай залында ұлы ақынның өмірі мен шығармашылығы туралы 200 ден астам шығармалары мен Абайды зерттеушілер М.Әуезовтың, З.Ахметовтың, М.Мырзахметовтың, Р.Сыздықованың, Ә.Қоңыратбаевтың, Д.Омаровтың, Д.Досжанның, Ғ.Есімнің басылымдары айрықша орын алды.
Сонымен бірге, құнды жинақтар қатырында 1965 жылы салынған «Абай» портреті, М. Ауезов «Абай» романы (1948 жыл), Абай Құнанбаев «Ғылым таппай мақтанба» өлеңдер жинағы. Қазақстан мемлекеттік көркем әдебиет баспасы(1950 жыл), «Таңдамалы шығармалары» (1952 жыл), «Шығармаларының толық жинағы» 2 том (1954 жыл), «Стихотворения поэмы прозы» Москва (1954 жыл), М.С.Сильченко «Творческая биография Абая» (1957 жыл) жинақталған.
<img src="https://kyzylorda-news.kz/wp-content/uploads/2020/01/29abaizaly2.jpg" alt="" />
<img src="https://kyzylorda-news.kz/wp-content/uploads/2020/01/29abaizaly3.jpg" alt="" />
<img src="https://kyzylorda-news.kz/wp-content/uploads/2020/01/29abaizaly4.jpg" alt="" />
<img src="https://kyzylorda-news.kz/wp-content/uploads/2020/01/29abaizaly5.jpg" alt="" />
<img src="https://kyzylorda-news.kz/wp-content/uploads/2020/01/29abaizaly6.jpg" alt="" />
<img src="https://kyzylorda-news.kz/wp-content/uploads/2020/01/29abaizaly7.jpg" alt="" />

Қармақшыда Абай залы ашылды (ФОТО)

<a href="https://kyzylorda-news.kz/">Kyzylorda-news.kz.</a> Қазақстанның бас санитар дәрігері Жандарбек Бекшин Қызылорда мен Жамбыл облыстарындағы науқастардың жай-күйі туралы айтып берді, деп хабарлайды <a href="https://www.inform.kz/kz/kyzylorda-men-zhambyl-oblysyndagy-naukastardan-koronavirus-tabylgan-zhok-bekshin_a3608964">ҚазАқпарат</a>.
<blockquote>
 «Қызылордада науқас дене қызуымен және бас аурымен ауруханаға түсті. Сұрау барысында анықталғандай, сырқат жуынған соң вагонда ашық терезе астында ұйықтап қалған. Ол таяуда Қытайдың Хайнань аралынан оралғандықтан бөлек боксқа оқшауландырылды. Қазіргі уақытта пациент жүрек-қантамыр жүйесі ауруларына шағымданбайды, қызуы жоқ, барлық қажетті диагностика жүргізілуде», – деді Ж. Бекшин Орталық коммуникациялар қызметінде өткен брифингте.
</blockquote>
Жамбыл облысында екі науқасқа ЖРВИ диагнозы қойылды. Жағдайлары қанағаттанарлық, температура қалыпты.
Алматы облысындағы азаматтардың жағдайы да қалыпты. Олар Панфилов аудандық ауруханасында тексеруден өтті. Қазір оларды шығару мәселесі шешілуде.

Қызылорда облысындағы науқастардан коронавирус табылған жоқ &#8211; Бекшин

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Қуанышбек Ысқақовтың Жаңақорған ауданына жұмыс сапары басталды. Бүгін аймақ басшысы Жаңақорған ауданына қарасты жиырмаға жуық елді мекенді аралап, тұрғындармен кездеседі деп жоспарлануда.

Облыс әкімінің Жаңақорған ауданына жұмыс сапары басталды

<a href="https://kyzylorda-news.kz/">Kyzylorda-news.kz</a> Қызылорда облыс әкімі Қуанышбек Ысқақов Шиелі ауданына қарасты бірқатар елді мекендерді аралап, тұрғындармен кездесті. Сонымен қатар, аудан әкімінің есебіне қатысты. Естеріңізге сала кетейік бұдан бұрын аймақ басшысы Арал, Қазалы, Қармақшы, Жалағаш,Сырдария аудандарында болып 90 жуық елді мекенді аралаған болатын.
90 мың тұрғыны бар Шиелі ауданында өткен жылы өндірілген өнеркәсіп өнімі – 31,4 млрд.теңге болса, ауыл шаруашылығы өнімдерінің көлемі – 25,8 млрд.теңгеге жеткен.
Аудан әкімі Әшім Оразбекұлының халыққа есеп беру кездесуінде облыс әкімі Қуанышбек Ысқақов өңірдегі атқарылған жұмыстар мен алдағы жоспарлар туралы бірқатар ойларын айтты. Шиелі ауданына былтыр 55,2 млрд. теңге инвестиция тартылып, соңғы 7 жыл ішінде аудан инвестициясы 191 млрд теңгеге жеткен.
<blockquote>
 “Өңірлерді дамыту” бағдарламасы аясында 2019 жылы 790 млн. теңгеге 5 елді мекенде ауыз су құбырлары жүргізіліп, Бірінші Май, Бірлестік, Ботабай елді мекендерінің тұрғындары ауыз сумен қамтылды.Сонымен қатар, құрылыс саласында да жағымды жаңалықтар жетерлік.Мәселен өткен жылы 228 млн. теңгеге облыстық бюджет есебінен ауданда 18 пәтерлі көпқабатты тұрғын үй құрылысының жұмыстары басталды, биыл аяқталмақ. Одан бөлек, аудан орталығынан жалпы құны 1 млрд. теңгеге тағы да 3 бөлмелі 59 тұрғын үйдің құрылыс жобасы әзірленіп отыр”, – деді облыс әкімі Қуанышбек Ысқақов.
</blockquote>
Шиелі ауданында 2018-2019 жылдар аралығында мемлекеттік-жекешелік әріптестік аясында барлығы 11 нысан пайдалануға берілген. Олардың 4 спорттық нысан, 2 дәрігерлік амбулатория және 1 арнаулы әлеуметтік қызметтер көрсету орталығы.
Биылғы жылы білім саласында маңызды құжаттар: “Педагог мәртебесі” туралы Заң мен Білім және ғылымды дамытудың 2020-2025 жылдарға арналған мемлекеттік бағдарламасы қабылданды. Аймақ басшысы осы бастамалар облыста сапалы жүзеге асырылуы қажет екендігін айтты.
<blockquote>
 “Осы жаңа бағдарлама аясында облыста 30 мыңнан аса педагогтың жалақысы 25% көтерілді. Бұдан бөлек, функционалдық міндеттеріне және санаттарына қарай қосымша 30-50% үстемақы төленуде”,- деді облыс әкімі Қуанышбек Ысқақов.
</blockquote>
Өңір басшысы тұрғындармен кездесуін Гигант ауылдық округінен бастады.Кездесуге келгендер ауылдық жерлерді аралап, халықтың тыныс-тіршілігімен танысып жүрген облыс әкіміне ризашылықтарын жеткізді.
Ал, ақмаялықтармен кездесуде тұрғындар көгілдір отын мәселесін көтерді. Жеке кәсіпкер Дәулет Жұмабеков мемлекеттік-жекешелік әріптестік аясында газ мәселесін шешетінін айтты. Аймақ басшысы жауапты сала мамандарына бірігіп ауылға газ кіргізуді тапсырды.
Облыс әкімі Қуанышек Ысқақов Төңкеріс, Ш.Қодаманов, Еңбекші, Керделі, Н.Бекежанов ауылдарын да аралап көрді. Төңкеріс ауылының тұрғыны Әбітқан Мизамбаев ақсақал “Ауылымызда көтеретін мәселе жоқ. Спорттық клуб салынған, мұнда түрлі үйірмелерге қара домалақтарымызды баулып келеді. Аудандық әкімдік алдағы уақытта әуез мектебін қайта жаңғыртудан өткізетіндігін айтты”, -деп батасын берді.
4000 мыңнан аса тұрғыны бар Жуантөбе ауылдық округінде тұрғындар табиғи газ кіргізу мен көшені жарықтандыру мәселесін көтерді. Аймақ басшысы Сырдария,Жалағаш, Шиелі ауданы мен Жосалы кентіне көгілдір отын тарту шаралары жүргізіліп жатқанын айтты.
Мұнан кейін Қуанышбек Досмайылұлы Телікөл мен Ә.Тәжібаев ауылдарында болып тұрғындармен кездесті.
Аймақ басшысының оңтүстік аудандарға жұмыс сапары ертең Жаңақорған ауданында жалғасады деп жоспарлануда.
<img src="https://kyzylorda-news.kz/wp-content/uploads/2020/01/akimat2-1.jpg" alt="" />
<img src="https://kyzylorda-news.kz/wp-content/uploads/2020/01/akimat1-1.jpg" alt="" />
<img src="https://kyzylorda-news.kz/wp-content/uploads/2020/01/akimat4-1.jpg" alt="" />
<img src="https://kyzylorda-news.kz/wp-content/uploads/2020/01/akimat3-1.jpg" alt="" />
<img src="https://kyzylorda-news.kz/wp-content/uploads/2020/01/akimat6-1.jpg" alt="" />
<img src="https://kyzylorda-news.kz/wp-content/uploads/2020/01/akimat7-1.jpg" alt="" />
<img src="https://kyzylorda-news.kz/wp-content/uploads/2020/01/akimat8.jpg" alt="" />
<img src="https://kyzylorda-news.kz/wp-content/uploads/2020/01/akimat9.jpg" alt="" />
<img src="https://kyzylorda-news.kz/wp-content/uploads/2020/01/akimat10.jpg" alt="" />

Қызылорда облысының әкімі Шиелі ауданында болды

<a href="https://kyzylorda-news.kz/">Kyzylorda-news.kz.</a> Қызылордада 24 қаңтар күні А.Тоқмағамбетов атындағы мәдениет үйінде Сыр елінен шыққан&nbsp;жас вокалистеріміз Халықаралық конкурстардың лауреаттары Назым Сағынтай, Алмат Избамбетов, Азат Мәлік және Тұрмағамбет атындағы халық аспаптар оркестрінің «Дархан дала» атты концерті өтті.
<img src="https://kyzylorda-news.kz/wp-content/uploads/2020/01/28darkhandala2.jpg" alt="" />

Қызылордада &#8220;Дархан дала&#8221; концерті өтті  (ВИДЕО)

<a href="https://kyzylorda-news.kz/">Kyzylorda-news.kz.</a> Ғылыми кеңестің шешімімен Қорқыт Ата атындағы Қызылорда мемлекеттік университетінің ректоры, филология ғылымдарының кандидаты Бейбіткүл Кәрімова&nbsp;облыстық мәслихаттың хатшысы, техника ғылымдарының докторы, профессор Қылышбай Бисеновке «Құрметті ректор» атағын табыстады.
Қылышбай Алдабергенұлының білім биігіндегі еңбегі ерен. Қызылорда облыстық мәслихатына бес мәрте сайланған депутат. Ы.Жақаев атындағы Қызылорда политехникалық институтының ректоры. Қазақстан Республикасы Парламенті Мәжілісінің депутаты. Қорқыт Ата атындағы Қызылорда мемлекеттік университетінің ректорлығына дейін көтерілді. Танымды тұлға университетті басқарған жылдары білім ордасының халықаралық деңгейдегі қарым-қатынасы күшейіп, бәсекеге қабілетті мамандар даярлау ісінде нәтижелі жұмыстар атқарылды. Ғылым мен білімге ұмтылған жастарды қолдау арқылы Сыр елі жас ғалымдарының жаңа буыны қалыптасты. Университеттің материалдық-техникалық базасы нығайып, жастарға арналған жаңа әлеуметтік нысандар бой көтерді. Білім берудің нәтижесін анықтайтын әлемдік және республикалық рейтингтерде университет жоғары орындардан көрінді.
<img src="https://kyzylorda-news.kz/wp-content/uploads/2020/01/28bisenov2.jpg" alt="" />

Қылышбай Бисеновке «Құрметті ректор» атағы берілді

<a href="https://kyzylorda-news.kz/">Kyzylorda-news.kz.</a> Қазақстан Президенті Абу Даби қаласының ең көрікті жерлерінің бірі – шейх Заид мешітіне барып, Біріккен Араб Әмірліктерінің негізін қалаушы және алғашқы Президенті шейх Заид бен Сұлтан Әл Нахаянның рухына тағзым етті, деп хабарлады Ақорданың баспасөз қызметі.
<blockquote>
 Қасым-Жомарт Тоқаев шейх Заид мешітіндегі Құрметті қонақтар кітабына «Өз халқының ұлы перзенті, Әмірліктердің негізін қалаушы шейх Заид бен Сұлтан Әл Нахаянның рухына тағзым етемін. Бауырлас Әмірліктер халқының ырысы мол, берекесі баянды, мерейі лайым үстем болуына шын жүректен тілектеспін!», – деген қолтаңба қалдырды.
</blockquote>

Қазақстан және Қызылорда облысының жаңалықтары: Басты жаңалықтар old

Қызылордада биыл коммуналдық тарифтер өзгереді

Қызылорда облысының әкімі Жаңақорған ауданының тұрғындарымен кездесті

Қызылордада коронавирус тіркелген жоқ

Еревандағы Қазақ тілі, тарихы және мәдениеті орталығы Абайдың есімімен аталды

Үкімет коронавирустың таралуына қарсы бірқатар қосымша шара қабылдады

Қармақшыда Абай залы ашылды (ФОТО)

Қызылорда облысындағы науқастардан коронавирус табылған жоқ – Бекшин

Облыс әкімінің Жаңақорған ауданына жұмыс сапары басталды

Қызылорда облысының әкімі Шиелі ауданында болды

Қызылордада “Дархан дала” концерті өтті (ВИДЕО)

Қылышбай Бисеновке «Құрметті ректор» атағы берілді

Мемлекет басшысы шейх Заид мешітіне барды

Қазақстан және Қызылорда облысының жаңалықтары: Басты жаңалықтар old

Қызылордада биыл коммуналдық тарифтер өзгереді

Қызылорда облысының әкімі Жаңақорған ауданының тұрғындарымен кездесті

Қызылордада коронавирус тіркелген жоқ

Еревандағы Қазақ тілі, тарихы және мәдениеті орталығы Абайдың есімімен аталды

Үкімет коронавирустың таралуына қарсы бірқатар қосымша шара қабылдады

Қармақшыда Абай залы ашылды (ФОТО)

Қызылорда облысындағы науқастардан коронавирус табылған жоқ &#8211; Бекшин

Облыс әкімінің Жаңақорған ауданына жұмыс сапары басталды

Қызылорда облысының әкімі Шиелі ауданында болды

Қызылордада &#8220;Дархан дала&#8221; концерті өтті (ВИДЕО)

Қылышбай Бисеновке «Құрметті ректор» атағы берілді

Мемлекет басшысы шейх Заид мешітіне барды

Қызылорда облысындағы науқастардан коронавирус табылған жоқ – Бекшин

Қызылордада “Дархан дала” концерті өтті (ВИДЕО)