<a href="https://kyzylorda-news.kz/">Kyzylorda-news.kz.</a> Қазақстан Республикасының Ұлттық Банкі 28 қаңтарда 2020 жылғы үлгідегі 200 теңгелік монеталарды айналымға шығарады, деп хабарлайды <a href="https://www.inform.kz/kz/ulttyk-bank-200-tengelik-monetany-aynalymga-shygardy_a3608318">ҚазАқпарат</a>.
<blockquote>
 «Монеталардың дизайны Қазақстан Республикасы Президентінің 2018 жылғы 12 желтоқсандағы № 804 Жарлығымен бекітілген Ұлттық валюта – Қазақстан теңгесі банкноттары мен монеталары дизайнының тұжырымдамасына сәйкес орындалды. Биколорлы айналыстағы монеталар дизайнының стилистикасында шығыс және батыс мәдениеттерінің көркемдік элементтерінің үйлесімі көрініс береді»,- деп хабарлайды Ұлттық банк.
</blockquote>
Биколорлы айналыстағы монеталардың сипаты: Монеталардың сыртқы сақинасы нейзильберден жасалған, ішкі дискі никельді жезден дайындалған. Қыры тегіс және бедерлі секторлармен кезектесіп отыратын 16 ойықпен бедерленген.
Монеталардың сырт жағында орталық бөлігінде ҚР Мемлекеттік Елтаңбасы, айналдыра эмитент елді білдіретін «QAZAQSTAN RESPÝBLIKASY» деген жазба бейнеленген. Монетаның төменгі жағында соғылған жылын білдіретін «2020» деген жазу бар.
Монеталардың бет жағында (аверсінде) орталық бөлігінде номиналын білдіретін және номинал цифрының кескінін қайталайтын көлденең сызықтар бедері аясында орындалған «200» деген жазу бар. Монетаның жоғарғы және төменгі бөліктерінде – тік сызықтар түрінде орындалған ою-өрнек кескіндері. Монетаның төменгі бөлігінде – тарамдалған сызықтар аясында орындалған, ұлттық валютаның мәтіндік атауын білдіретін «TEŃGE» деген жазу. Монетаның сол жақ бөлігінде QAZAQSTAN ULTTYQ BANKI эмитент банкті білдіретін «QUB» аббревиатурасы бар. Монетаның оң жақ бөлігінде – Қазақстан теңге сарайының тауар белгісі (логотип) көрсетілген.
Техникалық сипаттамалары:
Металл құрамы: нейзильбер/нибрасс
Массасы: 7,5 грамм
Диаметрі: сыртқы сақинасы – 26 мм, ішкі дискі – 18,3 мм
Қалыңдығы – 1,90 мм
Қыры: 16 ойықтар.
Айта кету керек, номиналы 200 (екі жүз) теңгелік банкноттар заңды төлем құралы болып қалады және айналыстан табиғи тозу бойынша алынады.

Ұлттық банк 200 теңгелік монетаны айналымға шығарды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Кітап оқу мектеп оқушыларының тұлғалық құзіреттілігін қалай дамыта алады? Бұл сұрақ бойынша бүгін аймақтағы орта білім беретін мектептердің кітапханашылары өзара талқылау жүргізіп, шешу жолдарын қарастырды.
Назарбаев Зияткерлік мектебінің кітапхана қызметі мен мектеп жатақханасының оқытушылары бірлесіп ұйымдастырған кезекті облыстық семинарда көптеген жобалар арқылы оқушылардың ақпараттық және танымдық дағдыларын дамытуға бағытталған&nbsp;жұмыс тәжірибелерімен бөлісті.
Сондай-ақ, ұйымдастырушылар көрнекі оқулықтар балалардың шығармашылығын қалай дамыта алатыны туралы сөз қозғап, білім алушылардың көшбасшылық қасиеттерін қалыптастыруға бағытталған ойын тформатындағы тың әдістерімен таныстырды. Сонымен қатар, семинарға қатысушылар ZipGrade онлайн қосымшасы арқылы оқырмандарға тест тапсырмаларын дайындау тәсілдерін меңгерді.
Айта кету керек, бұл семинарға Жалағаш, Арал, Қазалы, Жаңақорған және Шиелі аудандарынан барлығы 30-дан астам мектеп кітапханашылары қатысып, заманауи кітапхананың жаңаша қызметі аясында білімдерін толықтырды.
<img src="https://kyzylorda-news.kz/wp-content/uploads/2020/01/27kitapkhana2.jpg" alt="" />
<img src="https://kyzylorda-news.kz/wp-content/uploads/2020/01/27kitapkhana3.jpg" alt="" />

Қызылорда облысының кітапханашылары бас қосты

<a href="https://kyzylorda-news.kz/">Kyzylorda-news.kz.</a> Бүгін облыс әкімі Қуанышбек Ысқақовтың төрағалығымен актив отырысы өтті. Аймақ басшысы 24 қаңтарда Нұр-Сұлтан қаласында Президент Қасым-Жомарт Кемелұлы Тоқаевтың төрағалығымен Үкіметтің кеңейтілген отырысында берілген тапсырмалар туралы айтты.
Нұр-Сұлтан қаласында өткен Үкіметтің кеңейтілген отырысында Премьер-Министрі Асқар Мамин экономикалық дамудың 7 көрсеткіші бойынша Қызылорда облысы үздік 8 облыстың қатарында екендігін мәлімдеді.
Аймақ экономикасына тартылған инвестиция көлемі (117,4%), құрылыс көлемі (154,3%), үй беру (108,8%) бойынша өсім қамтамасыз етілген. Ал, өңдеу өнеркәсібіндегі өндіріс көлемі (101,3%), ауыл шаруашылығында (104,3%) өскен.
2012 жылдан бастап, қолданыстағы кен орындарының сарқылуына байланысты мұнай өндіру көлемі (2019 жылы 830 мың тоннаға – 13 %) қысқарған. Бұл жағдай өнеркәсіп өніміндегі көрсеткішке (2018 жылға қарағанда 89,3%) кері әсерін тигізуде. Алайда, статистикалық мәлімет бойынша мұнай өндірудің жыл сайынғы төмендеуіне қарамастан, 2019 жылдың 9 айында, 2018 жылдың осы кезеңіне қарағанда облыстағы жалпы өңірлік өнім – 102,4% құраған.
Актив отырысында облыс әкімі Қ.Ысқақов мұнай өндірудегі шығын салдарын жою мақсатында шикізаттық емес секторды дамытуға, әсіресе, экспортқа бағытталған өндірістерді дамытуға жұмыстар жүргізіліп жатқандығын жеткізді.
<blockquote>
 “Жалпы, жүйелі шаралардың нәтижесінде, соңғы 4 жылда өңдеу өнеркәсібінде еңбек өнімділігі 2,8%, жалпы қосылған құн – 15%, ал, шикізаттық емес экспорт көлемі – 19% артты”,- деді облыс әкімі.
</blockquote>
<img src="https://kyzylorda-news.kz/wp-content/uploads/2020/01/27uzdikonir2.jpg" alt="" />

Қызылорда облысы үздік өңірлер қатарында

<a href="https://kyzylorda-news.kz/">Kyzylorda-news.kz.</a> ҚР еңбек және халықты әлеуметтік қорғау вице-министрі Нариман мұқышев мемлекеттің көпбалалы аналарға арналған төлемді жақсартуға ниеттеніп отырғаны туралы айтты, деп хабарлайды&nbsp;<a href="https://stan.kz/kazakstanda-kopbalali-analarga-beriletin-tolem-kobeytil-326628/">Stan.kz</a>.&nbsp;
<blockquote>
 «Бүгінгі таңда 4 баладан асатын, 7 балаға дейін және одан көп баласы бар отбасыларға әлеуметтік төлем тағайындалады. Яғни 4 бала үшін – 16 АЕК, Кейін 7-ші балаға дейін 4 АЕК-тен тағайындалады. 8, 9, 10 балаға – 28 АЕК-тен. Бұл қазіргі заңнама бойынша жүзеге асады. Мәжіліс депуттары ұсынған өзгеріске сәйкес, 8-баладан бастап қосымша 4 АЕК тағайындалады», – деді Нариман Мұқышев.&nbsp;
</blockquote>
Оның айтуынша, өзгеріс мақұлданған жағдайда төленетін төлем балалар санына қарай шектелмейді.&nbsp;
<blockquote>
 «Бүгінгі таңда базада отбасыдағы ең көп бала саны – 15. Яғни осы баланың әрқайсысына 4 АЕК-тен тағайындалатын болады», – деп түсіндірді вице-министр.
</blockquote>

Қазақстанда көпбалалы аналарға берілетін төлем көбейтілмек

<a href="https://kyzylorda-news.kz/">Kyzylorda-news.kz.</a> ҚР Денсаулық сақтау министрлігі Қытайда тараған коронавирусқа қатысты жедел желіні іске қосты. Бұл туралы ҚР Денсаулық сақтау министрлігі «Facebook» парақшасында хабарлады.&nbsp;
<blockquote>
 «Қазақстан Республикасының Денсаулық сақтау министрлігінің жанынан cаll-орталық (1406, +7 717 2 76 80 43) іс қосылды. Азаматтар осы нөмірлерге тәулік бойынша хабарласып, әлемдегі коронавирусқа қатысты ахуал жайлы сұрақтарына жауап ала алады. Сонымен бірге, жедел желі аурудың негізгі белгілері мен алдын алу шараларына байланысты пайдалы кеңес бере алады», – делінген министрліктің facebook парақшасында.
</blockquote>
Министрліктің хабарлауынша, коронавирустың алғашқы белгілері – бастың ауруы, тұмау, кеудедегі ауырлық, өкпенің қабынуы, қызудың көтерілуі, жүрек қағысының жиілеуі, демнің жеделдеуі. «Мұндай жағдайда ем шарасын өздігімен қабылдамай, бірден 103 нөміріне хабарласу керек!» – деп ескертеді министрліктен.
Айта кетейік, ҚР Сыртқы істер министрлігі Қытайдағы коронавирусты 830 адам жұқтырып, 25 адам көз жұмғанын хабарлаған болатын. Сондай-ақ, ҚР Президенті Қасым-Жомарт Тоқаев Қытайдан Қазақстан аумағына коронавирустың таралуына жол бермеу бойынша нақты ұйымдастыру шараларын қабылдауды тапсырған еді.

Елімізде коронавирусқа байланысты жедел желі іске қосылды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Қызылордада тұмау мен ЖРВИ эпидемиологиялық ахуалы және коронавирустық инфекцияның алдын алу бойынша жұмыстар атқарылуда. Бұл туралы Өңірлік коммуникациялар қызметінің ақпарат алаңында өткен баспасөз конференциясында Қызылорда облысының тауарлар мен көрсетілетін қызметтердің сапасы мен қауіпсіздігін бақылау департаментінің бөлім басшысы Әлия Идрисова мәлімдеді.
<blockquote>
 «Облысымызда тұмау ауруының алдын алу мақсатында 2019-2020 жж. эпидмаусымына 80 000 доза вакцина алынып, 78199 адам екпе қабылдады. Сондай-ақ, жұмыс берушілер есебінен де вакцинациялау қарқынды жүзеге асырылды. Жұмыс берушілермен жүргізілген жұмыстың нәтижесінде, 2000-ға жуық қызметкерге тұмауға қарсы екпе егілді»,- деді Әлия Нұрмағанбетқызы.
</blockquote>
Айта кетейік, қазіргі таңда Қытайда короновирустың жаңа түрі пайда болып, эпидемияның таралуына түрткі болып отыр.Осыған байланысты “Қазақстан Республикасының аумағында белгіленбеген этиологияның пневмониясының әкелінуі мен таралуының алдын алу бойынша санитариялық-эпидемияға қарсы және санитариялық-профилактикалық іс-шараларды күшейту туралы” қаулы қабылданды. Соның негізінде, біршама профилактикалық шаралар жүргізілуде.
Мұнан өзге, вирус шыққан Ухань қаласына елімізден тікелей рейстер болмағанымен, Қытайға барып-келген азаматтарға санитар дәрігерлер тексеру жүргізуде. Қазіргі таңда елімізде аталмыш вирусты жұқтырған азаматтар анықталмады.
<blockquote>
 «Облысымызда Қытай елінің азаматтары жұмыс жасайтын компанияларға, көші-қон саласы бойынша облысымыздағы уәкілетті органдарға сақтық шараларын күшейту туралы қызметтік хаттар жолданды»,-деді Әлия Нұрмағанбетқызы.
</blockquote>
Сонымен қатар, департаменттің эпидемолог мамандары короновирустың белгілері тұмауға ұқсайтындығын ескертті. Науқас жөтеліп, тұмауратады, кеуде қуысы ауырып, дене қызуы көтерілетінін айтты. Сондықтан суық тиюдің белгілері байқалған жағдайда өз бетімен емделмей, дереу медициналық көмекке жүгіну керек. Әйтпесе науқастың жағдайы нашарлап, қайғылы жағдайға әкелуі мүмкін.
<img src="https://kyzylorda-news.kz/wp-content/uploads/2020/01/24infeksiyanyn2.jpg" alt="" />

Қызылордада вирустық инфекцияның алдын алу шаралары жүргізілуде

<a href="https://kyzylorda-news.kz/">Kyzylorda-news.kz.</a> <a href="https://kyzylorda-news.kz/"></a>Үкіметтің кеңейтілген&nbsp;отырысында&nbsp;ҚР Президенті Қасым-Жомарт Тоқаев Абайдың 175 жылдығына арналған шаралар қандай бағытта өтуі керектігін түсіндірді, деп хабарлайды <a href="https://lenta.inform.kz/kz/prezident-abaydyn-mereytoyy-turaly-ysyrapshyldyk-kerek-emes_a3607077">ҚазАқпарат</a>.
<blockquote>
 «Қажеті болса бөлінген қаржыны қысқарту керек. Ысырапшылдыққа жол бермеу қажет, той деген тойлау үшін емес, бәрімізге толғау үшін керек. Сондықтан бұл шараларда ұқыптылық болу керек, яғни шектен тыс концерттерді ұйымдастырудың қажеті жоқ. Шетелдік әртістерді тарту қажет емес. Яғни, демеушілік қаржы бөлінгеннің өзінде, ысырапшылдық керек емес. Менің ойымша, осы шараларды іскерлік тұрғыда өткізуге болады. Сіз әкімдердің арасында ең тәжірибелі адамсыз. Осы орайда, Абайдың 175 жылдығын атап өту аясында ұйымдастырылатын барлық шараларды мұқият пысықтап шығыңыздар», – деді Президент Шығыс Қазақстан облысының әкімі Даниал Ахметовке қарата айтқан сөзінде.
</blockquote>
Мемлекет басшысы аталған шараларға ағартушылық бастауды енгізуді тапсырды.
<blockquote>
 «Бұл шаралар тәжірибелік маңызды, идеологиялық жүктемін қамтуы керек», – деді Қасым-Жомарт Тоқаев.
</blockquote>

Президент Абайдың мерейтойы туралы: Ысырапшылдық керек емес

<a href="https://kyzylorda-news.kz/">Kyzylorda-news.kz.</a> «Азаматтарға арналған үкімет» мемлекеттік корпорациясы» КЕ АҚ Қызылорда облысы бойынша филиалының Халыққа қызмет көрсету орталығының мамандары азаматтардың цифрлық сауаттылығын арттыру жұмыстарын жүргізуде.
Мамандар 15 қаңтардан бастап Белкөл, Тасбөгет, Қызылжарма, Қосшыңырау, Қарауылтөбе, Ақжарма, Қызылөзек, Талсуат және Ақсуат ауылдық округ тұрғындарына ХҚО бармай-ақ «egov.kz», «egov mobile», «TelegramBot» мобильді қосымшалары арқылы уақытты үнемдеп, онлайн қызмет алу жолдарын түсіндіруде.
Айта кету керек, цифрлық сауаттылықты арттыру мақсатында алдағы уақытта басқа да ауылдық округтер мен қаламыздағы халық көп шоғырланатын орындарда, білім ошақтарында тұрақты түрде іс-шаралар өткізетін болады.

Қызылордалықтар цифрлық сауаттылығын арттырды

<a href="https://kyzylorda-news.kz/">Kyzylorda-news.kz.</a> Бүгін Президент Қасым-Жомарт Тоқаевтың төрағалығымен Қазақстан Республикасы Үкіметінің кеңейтілген отырысы өтеді.
Кеңейтілген отырыста Үкімет еліміздің 2019 жылғы әлеуметтік-экономикалық даму қорытындыларының есебін береді.
Сондай-ақ Мемлекет басшысының Үкіметке ел дамуының негізгі бағыттары бойынша берген тапсырмаларының орындалу барысы талқыланады.

Бүгін Президенттің төрағалығымен Үкіметтің кеңейтілген отырысы өтеді

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Парламент Сенатының жалпы отырысында «2004 жылғы 22 желтоқсандағы ҚР Үкіметі мен РФ Үкіметі арасындағы «Байқоңыр» ғарыш айлағында «Бәйтерек» ғарыш зымыран кешенін құру туралы келісімге өзгерістер мен толықтырулар енгізу туралы хаттаманы ратификациялау туралы» Заңы қабылданды, деп хабарлайды <a href="https://www.inform.kz/kz/bayterek-keshenin-iske-kosu-baykonyrdyn-zhumysyn-belsendi-etedi-ministr_a3606564">ҚазАқпарат</a>.
Заң жобасы «Бәйтерек» жобасын іске асырудың негізгі шарттарын өзектендіруді көздейді.
<blockquote>
 «Алғашында жобаны «Ангара» ресейлік зымыранның негізінде іске асыру жоспарланған болатын. Бірақ, «Ангара» зымыраны уақытында дайын болмағандықтан, Тараптар жобаны іске асырудың көптеген әртүрлі нұсқаларын қарастырып, талдау жасады. Мәселені қосымша пысықтаудың нәтижесінде Тараптар жобаны «Союз-5» зымыраны негізінде іске асыруды шешті», – деп тоқталды ҚР Цифрлық даму, инновациялар және аэроғарыш өнеркәсібі министрі Асқар Жұмағалиев.
</blockquote>
Жалпы алғанда, Ресей Федерациясы зымыранды жасау үшін жауап береді, ал Қазақстан жерүсті инфрақұрылымы үшін жауап береді. Осы жобада Ресей тарапы «Союз-5» зымыранды, техникалық және старттық кешендерінде бақылау-тексеру жабдықтарын құруды, сондай-ақ үдемелі блоктың техникалық кешенін, ғарыш аппаратын және ғарыштық бастиек бөлігін жаңғыртуды қамтамасыз етеді. Осы жұмыстар 916 млн АҚШ доллары сомасында бағаланды.
<blockquote>
 «Жаңғырту мақсатында 2018 жылы «Байқоңыр» айлағының 42,43 және 45-алаңдарында орналасқан «Зенит-М» кешенінің 243 нысаны Қазақстан тарапына берілді. «Қазақстан тарапы «Зенит-М» кешенінің жерүсті инфрақұрылымы нысандарын қайта жаңарту мен жаңғыртуды жасайды. Старттық және техникалық кешендерді жаңғырту, жұмыс істеп тұрғандарын күрделі жөндеу және қайта жаңарту, сондай-ақ жерүсті ғарыш инфрақұрылымының жаңа объектілерін салу жұмыстары жүргізілетін болады. Осы жұмыстар 233 млн АҚШ долларымен бағаланады. Жерүсті кешенін жаңғырту және құрылыс жұмыстары кезінде қазақстандық компанияларды барынша тарту жоспарланады, ол қосымша жұмыс орындарын береді. «Бәйтерек» ғарыш зымыран кешенін іске қосу – «Байқоңырды» ең белсеңді ғарыш айлағы ретінде сақтауға мүмкіндік береді», – деді министр.
</blockquote>
Оның атап өтуінше, аталған құжатты қабылдау Қазақстан Республикасының қолданыстағы заңнамасына қайшы келмейді, сондай-ақ Қазақстан Республикасы мен Ресей Федерациясы арасындағы «Байқоңыр» кешені бойынша стратегиялық әріптестік пен екіжақты ынтымақтастықты одан әрі нығайтуға ықпал етеді.

«Бәйтерек» кешенін іске қосу «Байқоңырдың» жұмысын белсенді етеді &#8211; министр

Бұл туралы Кәсіпкерлер палатасының директоры Ғалымбек Жақсылықовтың бизнес өкілдерімен кездесуінде айтылды.
Жеке кәсіпкер Құмарбек Төлегеновтің 1 сотық жер ала алмай жүргеніне 8 жылға таяпты. Ол 2012 жылы Қызылорда қаласындағы Жалаңтөс Бахадүр көшесінен аукцион негізінде 100 шаршы метр (1 сотық) жер телімін алады. Тротуармен қабаттасуына байланысты аталмыш жерде құрылыс жүргізу мүмкін болмай, 2016 жылы кәсіпкерге әкімдікпен Байтұрсынов көшесінен 75 шаршы метр (0,75 сотық) жер телімі беріледі. Кәсіпкер аталмыш аумақты қоршап, құрылыс жұмыстарын бастағалы жүргенінде бұл жердің иесі бар екені анықталып, әкімдік 2018 жылы Қонаев көшесінен жер телімін табыстайды.
Алайда кәсіпкердің проблемасы мұнымен бітпейді. Қонаев көшесінен берілген 0,75 сотық жерді прокуратура Қызылорда қаласының Бас жоспарына сай емес, бұл жер жасыл желек аумағы деп, наразылық келтіріп, нәтижесінде кәсіпкер жер телімінсіз қалады.
Кәсіпкердің кездесуге келуіне де осы жағдай себеп болып отыр. Кездесуде Бас жоспарға 2019 жылдың 6 маусымында өзгеріс енгізілгендігі анықталды. Өзгеріске сай, әкімдік&nbsp; алып қойған жер телімі «базар», яғни кәсіпкерлік мақсатқа арналған жер болып белгіленіп тұр екен.
<blockquote>
 «Қызылорда қаласындағы бірқатар кәсіпкерлермен кездестім. Кездесуде көтерілген мәселелердің басым бөлігі жер қатынастары саласына қатысты болды. Шынымды айтсам, кездесуден кейін көңіл-күйім түсіп кетті. «Қазір халық жалқау, тірлік істегісі келмейді», – деп айтып жүрген кейбір шенділердің әңгімесін жоққа шығарғым келеді. Тірлік жасағысы келіп, жер алып, ақша салған, алайда құжаттарын заңдастыра алмай сенделген жандарды көргенде еріксіз ашу қысты. Этикет талап еткендіктен ғана өз-өзімді ұстап отырдым. Бұл мәселені тікелей бақылауыма аламын. Жақын күндері Кәсіпкерлердің құқығын қорғау кеңесіне шығарамыз. 8 жыл сандалған әріптесімізге көмектесе аламыз деп үміттенемін», – деп жазды Кәсіпкерлер палатасының директоры Ғалымбек Жақсылықов әлеуметтік желідегі парақшасында.
</blockquote>

Қызылордалық кәсіпкер 8 жылдан бері 1 сотық жерді  ала алмай жүр

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Қазақстан Республикасының сыбайлас жемқорлыққа қарсы іс-қимыл агенттігінің Қызылорда облысы бойынша департаменті мен білім басқармасы бірлесіп, облыс бойынша барлық орта білім беру мекемелерінде «Адалдық сағаттары»республикалық акциясын ұйымдастырды.
Аталған акцияға, облыс әкімінің орынбасары Н.Байқадамов, департамент басшысының бірінші орынбасары Б.Ниязов, департамент қызметкерлері мен ақпараттық-ағартушылық штабының өкілдері, «Ақмешіт – адалдық алаңы» жобалық кеңесінің мүшелері, «Nur Otan» партиясының облыстық филиалының, арнайы мониторингтік топтың және үкіметтік емес ұйымдарының, ардагерлер алқасының, әкелер кеңесінің, жастар ұйымдарының өкілдері, сондай-ақ басқа да қоғам белсенділері қатыстырылды.
Адалдық сабақтары облыстағы 276 орта білім беру ұйымдарында өткізіліп, жалпы 18500 оқушы қатысты.
Сабақ барысында оқушыларды өмірде жетістікке жету үшін адал еңбек етудің маңыздылығын түсіндіріп, қоғамда ұмытылып бара жатқан тәрбиелік маңызы бар құндылықтарды сақтауға шақырды.
Сонымен қатар, «Ақмешіт –Адалдық алаңы» жобалық кеңсесінің жанынан жалпы білім беретін мектептер мен жоғары және орта арнаулы оқу орындарында 2019-2020 оқу жылы қарсаңында Парасаттылық мектептері құрылғанын, оның негізгі мақсаттарын түсіндіріп, алдағы уақытта осындай сабақтар әлі де ұйымдастырылатынын жеткізді.
<img src="https://kyzylorda-news.kz/wp-content/uploads/2020/01/20adaldyk2.jpg" alt="" />
<img src="https://kyzylorda-news.kz/wp-content/uploads/2020/01/20adaldyk3.jpg" alt="" />

Қазақстан және Қызылорда облысының жаңалықтары: Басты жаңалықтар old

Ұлттық банк 200 теңгелік монетаны айналымға шығарды

Қызылорда облысының кітапханашылары бас қосты

Қызылорда облысы үздік өңірлер қатарында

Қазақстанда көпбалалы аналарға берілетін төлем көбейтілмек

Елімізде коронавирусқа байланысты жедел желі іске қосылды

Қызылордада вирустық инфекцияның алдын алу шаралары жүргізілуде

Президент Абайдың мерейтойы туралы: Ысырапшылдық керек емес

Қызылордалықтар цифрлық сауаттылығын арттырды

Бүгін Президенттің төрағалығымен Үкіметтің кеңейтілген отырысы өтеді

«Бәйтерек» кешенін іске қосу «Байқоңырдың» жұмысын белсенді етеді – министр

Қызылордалық кәсіпкер 8 жылдан бері 1 сотық жерді ала алмай жүр

Білім беру ұйымдарында адалдық сағаты өтті

Қазақстан және Қызылорда облысының жаңалықтары: Басты жаңалықтар old

Ұлттық банк 200 теңгелік монетаны айналымға шығарды

Қызылорда облысының кітапханашылары бас қосты

Қызылорда облысы үздік өңірлер қатарында

Қазақстанда көпбалалы аналарға берілетін төлем көбейтілмек

Елімізде коронавирусқа байланысты жедел желі іске қосылды

Қызылордада вирустық инфекцияның алдын алу шаралары жүргізілуде

Президент Абайдың мерейтойы туралы: Ысырапшылдық керек емес

Қызылордалықтар цифрлық сауаттылығын арттырды

Бүгін Президенттің төрағалығымен Үкіметтің кеңейтілген отырысы өтеді

«Бәйтерек» кешенін іске қосу «Байқоңырдың» жұмысын белсенді етеді &#8211; министр

Қызылордалық кәсіпкер 8 жылдан бері 1 сотық жерді ала алмай жүр

Білім беру ұйымдарында адалдық сағаты өтті

«Бәйтерек» кешенін іске қосу «Байқоңырдың» жұмысын белсенді етеді – министр