<a href="https://kyzylorda-news.kz/">Kyzylorda-news.kz.</a> Биыл жыл соңына дейін Қазақстанда 250-ден астам тұрғыны бар елді мекендер жоғары жылдамдықты мобильді интернетпен қамтамасыз етілетін болады. Бұл туралы Қазақстан Президенті ҚР Цифрлық даму, инновациялар және аэроғарыш өнеркәсібі министрі Асқар Жұмағалиев айтты, деп хабарлайды Ақорданың баспасөз қызметі.
Бүгін мемлекет басшысы Қасым-Жомарт Тоқаев министр Асқар Жұмағалиевті қабылдады.
Кездесу барысында мемлекеттік қызметтерді автоматтандыру, телекоммуникациялық инфрақұрылымды, инновациялық экожүйені және адами капиталды дамыту, экономика салаларын цифрландыру бойынша жүргізіліп жатқан жұмыстар туралы баяндалды.
Асқар Жұмағалиев Мемлекет басшысына 250-ден асатын тұрғыны бар елді мекендердің барлығы осы жылдың соңына дейін жоғары жылдамдықты мобильді интернетпен қамтамасыз етілетінін жеткізді.
Сонымен қатар Қазақстан Президентіне қалаларды цифрландыру және ақпараттық қауіпсіздік саласындағы атқарылып жатқан жұмыстар туралы мәлімет берді.
Кездесу соңында Қасым-Жомарт Тоқаев Асқар Жұмағалиевке бірқатар нақты тапсырма берді.

Биыл 250-ден астам тұрғыны бар ауылдарға интернет тартылады

<a href="https://kyzylorda-news.kz/">Kyzylorda-news.kz.</a> Қызылорда облысына жұмыс сапарымен келген «Nur Otan» партиясы төрағасының бірінші орынбасары Бауыржан Байбек пен Қызылорда облысының әкімі Қуанышбек Ысқақов Ұлы ақын Абай Құнанбайұлының 175 жылдығына арналған «Абай жолымен» атты республикалық ақындар айтысының ашылу салтанатына қатысты.
Аймақ басшысы айтыс – сөздің аламаны, халқымыздың өр рухының нәрі, сонымен қатар, идеологиялық тәрбиенің өткір құралы екенін атап өтті.
Қасиетті Сырдың бойы қазақ өнерінің қара шаңырағы және ортаймас ордасы 
екені – мойындалған шындық. Бұл киелі өлке ұлт өнерін асқақтатқан талай дүлдүлдер мен жүйріктерді дүниеге әкелген.
<blockquote>
 «Мысалы, сырнаймен төгілте жыр төккен Нартай, Сыр әуенін әуелете салған Әбілда Жүргенбаев, Мүтәліп Қыраубаев, сөз өнерін өрістеткен Манап Көкенов, Бибігүл Жаппасбаева, кеше ғана сексеннің сеңгіріне шыққан ақиық ақын Зәмеддин Ибадуллаев, ұстаздық пен айтысты қатар алып жүрген Серік Ыдырысов және айтыстың ақтаңгері, екі мәрте «Алтын домбыра» иегері Мұхтар Ниязовтың сөз сайысында ел намысының туын түсірмеген Кенжебай, Әбілқайыр, Нұрмат, Мейірбек сынды арынды ақындардың шабыттарын шыңдап, аққанат жырларын аспандатқан мекен», – деді облыс әкімі Қуанышбек Ысқақов.
</blockquote>
Қазақ халқының ұлы ақыны, ағартушы Абай Құнанбайұлының 175 жылдығына арналған республикалық «Абай жолымен» атты ақындар айтысына республикадан барлығы 12 ақын келді. Ал, ақындардың өнеріне Халық ақыны, Қазақстан Республикасының мәдениет және білім саласының үздігі Әсия Беркенова, ақын, Қазақстан Жазушылар Одағының мүшесі, республикалық «Жұлдыз» журналының бас редакторы Ғалым Жайлыбай, жырау, Қазақ ұлттық өнер академиясының профессоры, Қазақстанның еңбек сіңірген қайраткері Алмас Алматов пен ақын, журналист, публицист, Қазақстан Жазушылар одағының мүшесі Жанарбек Әшімжан және Қ.Мырзалиев атындағы өнер орталығының директоры Бауыржан Халиолла қазылық етті.
Республикалық ақындар айтысының ашылуынан кейін «Nur Otan» партиясы төрағасының бірінші орынбасары Бауыржан Байбек пен облыс әкімі Қуанышбек Ысқақов партия қатарына жаңа мүшелерді қабылдау салтанатты шарасына қатысты.
Бүгін Сыр елінде өтіп жатқан ақындар айтысының бас жүлдесін екі дүркін алтын домбыраның иесі, айтыстың ақтаңгері Мұхтар Ниязов иеленді. Ал І орынды оралдық Жансая Мусина қанжығасына байласа, ІІ орынды Нұр-Сұлтан қаласынан келген Әсем Ережеқызы иеленді. Қызылордалық Мейірбек Сұлтанхан мен Арқалықтың тумасы Айбек Қалиев ІІІ орынға жайғасты.
Жеңімпаздарды «Nur Otan» партиясы төрағасының бірінші орынбасары Бауыржан Байбек пен «Nur Otan» партиясы Қызылорда облыстық филиалының төрағасы, облыс әкімі Қуанышбек Ысқақов марапаттады.
<img src="https://kyzylorda-news.kz/wp-content/uploads/2020/02/28aitys2.jpg" alt="" />
<img src="https://kyzylorda-news.kz/wp-content/uploads/2020/02/28aitys3.jpg" alt="" />
<img src="https://kyzylorda-news.kz/wp-content/uploads/2020/02/28aitys4.jpg" alt="" />
<img src="https://kyzylorda-news.kz/wp-content/uploads/2020/02/28aitys5.jpg" alt="" />
<img src="https://kyzylorda-news.kz/wp-content/uploads/2020/02/28aitys6.jpg" alt="" />
<img src="https://kyzylorda-news.kz/wp-content/uploads/2020/02/28aitys7.jpg" alt="" />
<img src="https://kyzylorda-news.kz/wp-content/uploads/2020/02/28aitys8.jpg" alt="" />
<img src="https://kyzylorda-news.kz/wp-content/uploads/2020/02/28aitys9.jpg" alt="" />
<img src="https://kyzylorda-news.kz/wp-content/uploads/2020/02/28aitys10.jpg" alt="" />
<img src="https://kyzylorda-news.kz/wp-content/uploads/2020/02/28aitys11.jpg" alt="" />
<img src="https://kyzylorda-news.kz/wp-content/uploads/2020/02/28aitys12.jpg" alt="" />
<img src="https://kyzylorda-news.kz/wp-content/uploads/2020/02/28aitys13.jpg" alt="" />
<img src="https://kyzylorda-news.kz/wp-content/uploads/2020/02/28aitys14.jpg" alt="" />
<img src="https://kyzylorda-news.kz/wp-content/uploads/2020/02/28aitys15.jpg" alt="" />
<img src="https://kyzylorda-news.kz/wp-content/uploads/2020/02/28aitys16.jpg" alt="" />

«Абай жолымен» республикалық ақындар айтысының бас жүлдесін Мұхтар Ниязов иеленді (ФОТО)

<a href="https://kyzylorda-news.kz/">Kyzylorda-news.kz.</a> «Nur Otan» партиясы төрағасының бірінші орынбасары Бауыржан Байбек Қызылорда облысына жұмыс сапарымен келді.
«Nur Otan» партиясы төрағасының бірінші орынбасары алдымен Жаңақорған ауданы Бірлік ауылының тұрғындарымен кездесіп, мұнан кейін Шиелі ауданындағы шаруа қожалықтарының жұмысымен танысты.
Жаңақорған ауданы Бірлік ауылының тұрғындары кездесуде балабақша мен газ мәселесін көтерсе ал, Шиелі ауданындағы шаруалар мемлекеттен берілетін жеңілдіктерді алуды оңтайландыруды сұрады.
Аймақ басшысы Қуанышбек Ысқақов Жаңақорған ауданы Бірлік ауылында мемекеттік-жекешелік әріптестік аясында алдағы уақытта балабақша салынады және тұрғындар жақын арада көгілдір отынның шапағатын көретіндігін айтты. Ал, шиелілік шаруалар мәселесіне қатысты «Nur Otan» партиясы төрағасының бірінші орынбасары Бауыржан Байбек тиісті салалық министрлікке субсидиялық жеңілдіктер туралы жеткізетіндігін мәлімдеді.
<img src="https://kyzylorda-news.kz/wp-content/uploads/2020/02/28baibek2.jpg" alt="" />

Қызылорда облысына жұмыс сапарымен Бауыржан Байбек келді

<a href="https://kyzylorda-news.kz/">Kyzylorda-news.kz.</a> Қызылорда облысында ұлы ақын Абай Құнанбайұлының 175 жылдық мерейтойына арналған «Абай жолымен» атты республикалық ақындар айтысы өтіп жатыр. Сөз аламанын «Nur Otan» партиясының қолдауымен Қызылорда облысының әкімдігі ұйымдастырды.
Айтыстың ашылу салтанатына қатысқан «Nur Otan» партиясы Төрағасының бірінші орынбасары Бауыржан Байбек қазақтың төл өнеріне биыл ерекше қолдау болатынын айтты.
<blockquote>
 – Баршаңызға белгілі мен осы аптаның басынан бастап Шымкент қаласы мен Түркістан облысында болып халықпен кездестім. Бүгін Қызылорда облысына табан тіреп, Жаңақорған, Шиелі аудандарының тұрғындарымен пікірлесіп, ұсыныс-тілектері мен мәселелерін тыңдап, оның шешу жолдарын талқыладық. Бүгінгі сапарымның ерекшелігі – сіздермен бірге республикалық айтысқа қатысып, ақындардың өнерін тамашалауға келіп отырмын. Елбасы, «Nur Otan» партиясының көшбасшысы Нұрсұлтан Назарбаевтың тапсырмасы бойынша партия халқымыздың төл өнері – айтысты қолдап, дамытуды қолға алды. Былтыр біздің партияның қолдауымен 9 республикалық айтыс өтті. Биыл елімізде түрлі деңгейдегі 77 айтыс өтеді. «Nur Otan» партиясы барлық өңірдегі халықпен кездесуінде олардың пікіріне құлақ асып, оң шешімін табылуы үшін жұмыс жасап келеді. Сондай кездесулерде айтыстан бөлек, көркем әдебиеттің дамуына қолдау көрсетсе деп жатыр. Осы ұсыныс бойынша мүшәйра өткізуді ақылдасып жатырмыз. Халықтық партия ретінде ұлттық спорт түрлерінің дамуына атсалысып келеміз, – деді Бауыржан Байбек айтыстың ашылу салтанатында.
</blockquote>
Оның айтуынша, халықтың мұң-мұқтажын билікке айтыскерлер жақсы жеткізе біледі. Сондықтан, еліміздің әр өңірінде ақындар додасын жиілету қолға алыныпты.
<blockquote>
 – Әрине, біздің ұлттық мәдениетімізде айтыстың орны қашан да биік. Айтыс арқылы біз көптеген мәселелерді естиміз. Партияның мүшелері, депутаттар айтыс ақындары айтқан көптеген мәселелерге құлақ асып, оларды шешуге тырысамыз. Тәуелсіздік алған жылдардан бері елімізде қандай экономикалық қиын жағдайлар болса да, мәдениетке, оның ішінде, айтысқа қолдау көрсетілмей қалған емес. Елбасымыздың «Мәдени мұра», «Рухани жаңғыру», «Ұлы даланың жеті қыры» бағдарламаларының арқасында көптеген игі жұмыстар атқарылды, – деді «Nur Otan» партиясы Төрағасының бірінші орынбасары.
</blockquote>
Бүгінде ұлы Абайдың 175 жылдығына орай республиканың түкпір-түкпірінде түрлі іс-шаралар легі ұйымдастырылып келеді. Сыр елі де бұл тойдан тыс қалып жатқан жоқ.
<blockquote>
 – Елбасымыз «Алаштың анасы» деп бағалаған Сыр елінде ұлы ақынымыз Абай Құнанбайұлының 175 жылдық мерейтойына арналған шаралар легі жыл басынан басталды. Хакім Абайды ұлықтауға арналған шаралар Н. Бекежанов атындағы қазақ музыкалық академиялық драма театры сахналаған «Абай» қойылымынан бастау алды. Қала мен аудандарда да түрлі деңгейдегі мәдени-танымдық іс-шаралар өткізіліп келеді. Біздің Қызылорда облысы – қазақтың мәдениетінің нағыз қайнаған қара қазаны. Біздің өңірден талай өнер майталмандары шыққан. Сондықтан да, ұлы Абайды дәріптеуге арналған, Нұр-Сұлтан қаласында басталған айтыстың Сыр елінде жалғасуы заңдылық. Айтыс – барлық өнердің ұлысы. Ол тек өнер ғана емес, үлкен идеологиялық құрал. Сондықтан да, бүгін керемет сөз сайысы болады деп сенемін, – деді Қызылорда облысының әкімі Қуанышбек Ысқақов.
</blockquote>
Сыр еліндегі республикалық айтысқа еліміздің түкпір-түкпірінен келген 12 ақын қатысуда. Абайды ұлықтауға арналған сөз аламанына айтыстың үш буын өкілдері шақырылған. Үлкен буыннан Айбек Қалиев (Арқалық), Серік Құсанбаев (Өскемен), Кенжебай Жүсіпов (Қызылорда) айтыстың аламанын қыздырса, орта буыннан Әсем Ережеқызы (Нұр-Сұлтан), Мұхтар Ниязов (Қызылорда), Аспанбек Шұғатаев (Баянауыл), Жансая Мусина (Орал), Мейірбек Сұлтанхан (Қызылорда), Аруна Керімбек (Ақтөбе) сөз барымтасында сынға түспек. Сондай-ақ, жас буыннан Сұлужан Таубалды (Алматы), Бексұлтан Орынбасаров (Қызылорда), Аян Ниязбек (Шымкент) үлкендермен қатар үзеңгі қағыстыруға талпынып отыр.
Ал, айтыста өнер көрсеткен ақындарды белгілі халық ақыны Әсия Беркенова төрағалық еткен әділқазылар алқасы анықтайды. Олардың қатарында дүлдүл жырау Алмас Алматов, белгілі ақындар Ғалымжан Жайлыбай, Жанарбек Әшімжан, Бауыржан Халиолла бар.
Айта кетейік, айтыс ақындары көрермендердің алдында жұпталып отырады. Бұл өз кезегінде ақындардың суырыпсалмалық қасиетін көрсетіп, шаппа-шап айтысты дамыта түспек.
Сөз барымтасын қызылордалық Кенжебай Жүсіпов пен шымкеттік Аян Ниязбек бастады.
<img src="https://kyzylorda-news.kz/wp-content/uploads/2020/02/whatsapp-image-2020-02-27-at-17.24.21.jpeg" alt="" />

Қызылордада «Абай жолымен» атты республикалық ақындар айтысы өтіп жатыр

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Қ.Ысқақов 25-26 ақпанда Хорезм облысы &nbsp;Үргеніш қаласында “Агроөнеркәсіптік кооперация, өнеркәсіп және туризм саласындағы аймақтық бизнестің ынтымақтастығы” тақырыбындағы Қазақстан мен Өзбекстан арасындағы ІІ халықаралық аймақаралық ынтымақтастық форумына қатысты.
Халықаралық форумға екі елдің аймақтарынан делегациялар &nbsp;қатысып, жан-жақты ынтымақтастық мәселелері талқыланды. Сонымен қатар, форум аясында Қазақстан Республикасының Премьер-Министрі А. Мамин, Өзбекстан Республикасының Премьер-Министрі А. Арипов және өңір басшыларының қатысуымен кездесу өтті.
Форум аясында панельдік сессиялар, бизнес өкілдерінің B2B кездесулері, кеңейтілген отырыс және екі мемлекеттің тауар өндірушілерінің көрмесі ұйымдастырылды.
Кездесу барысында сауда-экономикалық, инвестициялық, ауыл шаруашылығы, транзиттік-көлік, су-энергетикалық, тоқыма, машина жасау, туристік, экологиялық салаларда, сондай-ақ, қаржы технологиялары мен аймақаралық ынтымақтастық саласындағы екіжақты ынтымақтастықты әрі қарай дамыту мәселелері туралы айтылды.&nbsp;
Ұлттық және аймақтық бағдарламалар шеңберінде іске асырылатын ірі жобалардың бірі – “Сырдария өзенінің арнасын реттеу және Арал теңізінің солтүстік бөлігін сақтау” &nbsp;жобасы. &nbsp;2005 жылы САРАТС-тың &nbsp;бірінші фазасы шеңберінде (Сырдария өзенінің арнасын реттеу және Арал теңізінің солтүстік бөлігін сақтау”) үлкен және Кіші Аралдың арасында Көк-Арал бөгетінің 13 км салу оң нәтижесін берді. Мәселен 2006 жылдың наурыз айына қарай Кіші Аралдың деңгейі көтеріліп, теңіз деңгейінен 42 м белгіде тұрақтанды.
Кездесу барысында Қызылорда облысының әкімдігі мен Өзбекстан республикасы Хорезм облысының хокиматы арасында өзара ынтымақтастық туралы Меморандумға қол қойылды. Мемарандумның басты мақсаты- екі ел арасындағы қазіргі достық қатынастарды нығайту, шаруашылық қызмет субъектілері арасында тікелей байланыстар орнату және ұзақ мерзімді экономикалық, ғылыми-техникалық, мәдени, іскерлік, сауда қатынастары мен байланыстарды дамытуды көздейді. Мұнан бөлек Қызылорда облысынан арнайы барған индустриялық- инновациялық даму, кәсіпкерлік және туризм басқармалары жергілікті кәсіпкерлермен және мемлекеттік орган өкілдерімен кездесіп, ортақ жобаларды жүзеге асыру мақсатында келіссөздер жүргізді.
25 ақпанда басталған “Агроөнеркәсіптік кооперация, өнеркәсіп және туризм саласындағы аймақтық бизнестің ынтымақтастығы” тақырыбындағы форум аясында өңір өнімдерінен арнайы көрме ұйымдастырлыған болатын. Бұл шараға &nbsp;Қызылорда облысынан 5 тауар өндіруші мекеме: &nbsp;“Абзал и К”, “Аралтұз” АҚ, ” Гежуба Шиелі Цемент Компаниясы ” ЖШС, “Смарт Раббер” ЖШС және &nbsp;“РЗА” АҚ &nbsp;өкілдері қатысты. Көрмеде күріш, азық-түлік, цемент өнімдері, тамшылатып суару құбырлары мен сүт өнімдері келушілер назарына ұсынылды.
Облыс әкімі Қ.Ысқақов Қызылорда өңірімен бірлесіп жұмысістеуге мүдделі &nbsp;жергілікті кәсіпкерлермен кездесті. Олар Шиелі ауданында жеміс ағаштарын егіп, өсіруге ниетті. Сонымен қатар, минералды&nbsp;тыңайтқыштар шығаратын кәсіпорын өкілдері Сыр өңірінің ауыл шаруашылығына қажетті минералды тыңайтқыштармен қамтамасыз етуге қызығушылық танытып отыр.&nbsp;
Аймақ басшысы Қуанышбек Досмайылұлы бірлесіп ортақ жобаларды жүзеге асыру үшін инвесторларға тиісті қолдау көрсетілетінін айтты.&nbsp;
<blockquote>
 “Біздің мақсатымыз —&nbsp;өңірге инвесторларды тарту. Бірлесіп жұмыс істеуге біз дайынбыз. Сонымен қатар, Қызылорда облысына келіп, жаңа кәсіпорындарын ашып, ауыл шаруашылығы саласында да жобаларды жүзеге асырамыз дейтін кәсіпкерлерге біз қолдау көрсетуге әрқашан дайынбыз”, —&nbsp; деді Қ.Ысқақов.
</blockquote>
<img src="https://kyzylorda-news.kz/wp-content/uploads/2020/02/27uzbekiston2-1.jpg" alt="" />
<img src="https://kyzylorda-news.kz/wp-content/uploads/2020/02/27uzbekiston3.jpg" alt="" />
<img src="https://kyzylorda-news.kz/wp-content/uploads/2020/02/27uzbekiston4.jpg" alt="" />
<img src="https://kyzylorda-news.kz/wp-content/uploads/2020/02/27uzbekiston5.jpg" alt="" />
<img src="https://kyzylorda-news.kz/wp-content/uploads/2020/02/27uzbekiston6.jpg" alt="" />

Қызылорда облысы Өзбекстан Республикасымен ынтымақтастық туралы меморандумға қол қойылды

<a href="https://kyzylorda-news.kz/">kyzylorda-news.kz.</a> «Азаматтарға арналған үкімет» мемлекеттік корпорациясының басқарма төрайымы Әсемгүл Балташева мен С.Сейфуллин атындағы қазақ агротехникалық университетінің ректоры Ақылбек Күрішбаев ғылыми зерттеу жобаларын жүргізу мен ЖОО түлектерін жұмыспен қамту аясында өзара әріптестік туралы меморандумға қол қойды.
Мәміле екі тараптың бірлесіп топырақ және геоботаникалық зерттеу жасауына, өндірістік және ғылыми тәжірибе алмасуына,&nbsp; жерге орналастыру, жер кадастры, геодезия және картография саласындағы бірлескен ғылыми жобаларды іске асыруға ықпал етеді. ЖОО мемлекеттік корпорацияның кәсіби қызмет бағытында жеткілікті практикалық тәжірибесі бар мамандарын оқытуға, білім беру бағдарламаларын әзірлеуге, емтихан комиссиясына тартуға мүдделі. Өз кезегінде Азаматтарға арналған үкімет&nbsp; оқу орын студенттерін өндірістік практикадан өткізіп, әрі қарай жұмысқа қабылдауға дайын.
<blockquote>
 «Алпыс жылдам астам тарихы бар университеттің түлектері біздің корпорациямыздың құнды кадрларына айнала алады. Зейнеткерлікке шығып жатқан мамандарымыздың барын ескерсек, жерге орналастыру, жер кадастры сияқты мамандық иелері бізге өте қажет. Студенттерге тәжірибеден өтуге мүмкіндік беру арқылы, біз олардың қарымы мен білімін бағалап, өзімізге жұмысқа тұруға жағдай жасай аламыз», – дейді меморандумға қол қойған мемлекеттік корпорацияның басқарма төрайымы Әсемгүл Балташева.&nbsp;
</blockquote>
Бүгінде мемлекеттік корпорацияда жерге орналастыру бағытында 3 мыңға жуық қызметкер еңбектенеді. Корпорациядағылардың айтуынша, аталмыш ынтымақтастық білім алушылардың жұмыспен қамту мәселесін шешуге, ал оқу орнының мамандарды нарық талаптарын ескере отырып дайындауға ықпал етеді.
<img src="https://kyzylorda-news.kz/wp-content/uploads/2020/02/26sonzhastulek2.jpg" alt="" />

«Азаматтарға арналған үкімет» жас түлектерді жұмыспен қамтымақ

<a href="https://kyzylorda-news.kz/">Kyzylorda-news.kz.</a> Қызылорда облысы «Азаматтық қорғау мемлекеттік жүйесінің басқару органдары мен күштерін көктем кезеңіндегі төтенше жағдайлардың алдын алу және оларды жою жөніндегі іс-қимылдарға дайындау» тақырыбындағы «Көктем-2020» Республикалық командалық-штабтық оқу-жаттығуы өткізілді. Бұл туралы облыстық ТЖД баспасөз қызметі хабарлады.
Қызылорда облысы ТЖД Дағдарыс орталығында оқу-жаттығу штабы құрылып, лауазымды тұлғалардың кезекшілігі ұйымдастырылды.
Облыстық, қалалық және аудандық Төтенше жағдайлардың алдын алу және жою комиссиясының жедел тобының жеке құрамы жағдайдың шиеленісуіне және төтенше жағдайлардың туындауына байланысты жағдайды бағалау және жергілікті жерлерде тиісті басқару органдарының жұмысын ұйымдастыру үшін төтенше жағдай орын алған ауданға жедел жетуге&nbsp; дайын болды. Азаматтық қорғаудың мемлекеттік жүйесі аясындағы аумақтық кіші жүйенің күштері мен құралдары дайындыққа келтірілді. Әрбір құрылымдар бойынша нақты мүмкіндіктер мен есептер нақтыланды.
2020 жылдың 25 ақпан күні жергілікті уақытпен&nbsp; сағат 14:00 Талсуат елді мекенінің тұрғынынан 112 Біріңғай диспетчерлік қызметіне Қызылорда қаласы, Талсуат елді мекенінде Сырдария өзені бөгетінің бұзылғандығы туралы ақпарат түсті.
Қызылорда қаласынан төмен қарай 20 шақырым жерде орналасқан Талсуат елді мекенінің тұсында Сырдария өзенінен сең жүру кезінде мұзды кептеліс орын алып, салдарынан Сырдария өзенінің оң жаға қорғаныс бөгетінің 5 м бөгеті бұзылды.
Талсуат елді мекенінің мінездемесі: Қызылорда қаласының батыс беткейінде&nbsp;&nbsp; Сырдария өзеніне жақын орналасқан.&nbsp; Талсуат елді мекенінде&nbsp;&nbsp; 365 тұрғын үйде 1697 халық, оның ішінде 530 бала.&nbsp; Мал саны 710. аймақтың су басу қаупі бар аймағында&nbsp; 68 тұрғын үйде&nbsp; 588 тұрғын, 66 ірі мал, 120 уақ мал және 4 жылқы бар екені анықталды.
14:02 – Дағдарыс жағдайында басқару басқармасының жедел кезекшісі жедел әрекет ететін қызметтерді құлақтандырып, оқиға орнына жібереді.
14:20 – Өрт&nbsp; сөндіру және&nbsp; авариялық-құтқару қызметтінің жедел- құтару жасағы оқиға орнына келіп, &nbsp;дарияның арғы бетінде қалып қойған екі зардап шегушіге құтқару жұмыстарын жүргізу үшін Құтқарушылар&nbsp;&nbsp; арнайы&nbsp; гидро комбинизон киіп&nbsp; құтқару құралдары арқылы зардап шегушілерді&nbsp; судан&nbsp; қауіпсіз орынға шығарып, апаттар медициналық орталығына және&nbsp; жедел жәрдем қызметіне&nbsp; тапсырады.
Оқиға орны қоғамдық тәртіпті сақтау тобы күштерімен қоршауға алынып&nbsp; тұрғындардың қауіпсіздігі мен бағала заттардың қолды болмауы мақсатында&nbsp; қоғамдық тәртіп күзетіледі.
Сонымен қатар, төтенше жағдай аймағында &nbsp;Жергілікті полиция қызметінің бағыттауымен&nbsp; жол қозғалысы қауіпсіздігін қамтамасыз ету және тұрғындарды эвакациялау кезінде автобустарды сүйемелдеу жүргізіледі.
Өртке қарсы қызметінен 6 техника 20 қызметкер Талсуат елді мекеніндегі тұрғындар &nbsp;мен материалдық құндылықтарды эвакуациялау жұмыстарын жедел жүргізуге кірісіп, су сору мотопампаларының көмегімен&nbsp; тұрғын үйлер ауласын судан тазарту әрекеттеріне көшеді.&nbsp;&nbsp; сонымен қатар әкелінген құмды қамтап бұзылған қорғаныс бөгетін қалпына келтіру &nbsp;жұмыстарын жүргізеді. және&nbsp; № 5547 әскери бөлімінен 2 техника 50 адам&nbsp; оның ішінде 30 адам&nbsp; төтенше жағдай аумағын қоршап қауіпсіздікті қамтамасыз етеді. &nbsp;қалған 20 адам Өртке қарсы қызметімен бірлесіп &nbsp;елді мекеніндегі тұрғындарды және материалдық құндылықтарды эвакуациялау жұмыстарын жүргізу және&nbsp; қаптау жұмыстарына кіріседі. &nbsp;
Құрылыс басқармасы (Инженерлік қызмет) Талсуат елді мекеніндегі қорғаныс бекеттерін нығайту жұмыстарын жүргізу үшін&nbsp; 10 қызметкер және&nbsp; 5 бірлік техника көмегімен құм арқылы бөгетті қалпына келтіру жұмыстарын жүргізеді.&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;
&nbsp; – жолаушылар көлігі және автомобиль жолдары басқармасы Талсуат елді мекенінің тұрғындарын Эвакуациялық қабылдау пунктіне&nbsp; жеткізу үшін көлікпен қамтамасыз етеді;
– Құрамында 3 үлкен сыйымдылықтағы&nbsp; автобус 3 жүргізушісімен&nbsp;
Жергілікті атқарушы органдар Қызылорда қаласы Талсуат ауылы №178 мектеп ғимаратынан &nbsp;эвакуциялық жинақтау пунктін дайындыққа келтіріп, &nbsp;зардап шеккен адамдарды түгендеп,&nbsp; Қызылорда қаласы №212 мектеп ғимараты базасында орналасқан &nbsp;эвакуациялық қабылдау пунктіне жөнелтеді.&nbsp; Эвакуациялық қабылдау пунктінде&nbsp; ана мен бала және алғашқы медициналық көмек көрсету, психологиялық көмек көрсету бөлімдері қарастырылған.
Қызылорда облысының кәсіпкерлік қызметімен эвакуацияланған тұрығындарды азық-түлікпен, ыстық тамақ және өмір тіршілік көздерімен,&nbsp; жеке гигиеналық заттармен.қамтамасыз етеді;
Қызылорда облысының ауыл шаруашылық басқармасы Талсуат елді мекеніндегі су басуға қауіп бар елді мекендегі үй жануарлары мен малдардың есебін жүргізіп, қосымша жем шөп қорын нақтылап &nbsp;Үй жануарларын қауіпсіз аймаққа көшіру жұмыстарын жүргізу мақсатында Төтенше жағдайлар аумағынан үй жануарларын қауіпсіз аймаққа айдайды.
Төтенше жағдай аумағынан 588 адам және 190 үй жануары оның ішіндде 66 ірі мал, 120 уақ мал, 4 жылқы көшіріліп,&nbsp; бұзылған бөгет азаматтық қорғау қызметтерінің күштерімен қалпына келтіріліп, зақымданған үйлер мен келген шығындар жергілікті атқарушы органдармен есептеліп шығындары анықталуда.
Нәтижесінде Талсуат елді мекенінде бұзылған бөгетті қалпына келтіруге &nbsp;барлығы 15 құрылым, 183 адам, 42 техника жұмылдырылды.
<img src="https://kyzylorda-news.kz/wp-content/uploads/2020/02/26okuzhattygu2.jpg" alt="" />
<img src="https://kyzylorda-news.kz/wp-content/uploads/2020/02/26okuzhattygu3.jpg" alt="" />
<img src="https://kyzylorda-news.kz/wp-content/uploads/2020/02/26okuzhattygu4.jpg" alt="" />
<img src="https://kyzylorda-news.kz/wp-content/uploads/2020/02/26okuzhattygu5.jpg" alt="" />
<img src="https://kyzylorda-news.kz/wp-content/uploads/2020/02/26okuzhattygu6.jpg" alt="" />

Қызылордада «Көктем-2020» арнайы-тактикалық оқу-жаттығуы өтті

<a href="https://kyzylorda-news.kz/">Kyzylorda-news.kz.</a> 2020 жылдың 1 қаңтарынан бастап Қазақстанда міндетті әлеуметтік медициналық сақтандыру жүйесі күшіне енді.&nbsp; Бұл бағыттағы ағымдағы және маңызды мәселелер өңірлерде МӘМС-ды енгізуге дайындығын қамтамасыз ету бойынша жедел өзара іс-қимыл жөніндегі өңірлік штабтың көшпелі отырысында талқыланды.
Жиынға ҚР Денсаулық сақтау министрлігінің қоғаммен байланыс департаментінің директоры Ильяс Бакиров, “Әлеуметтік медициналық сақтандыру қоры” КЕАҚ басқарма төрағасының орынбасары Эрик Байжүнісов, “Қоғамдық денсаулық сақтау Жоғары мектебі” Қазақстандық медицина университетінің даму жөніндегі проректоры Құралбай Құрақбаев, Қызылорда облысы әкімінің орынбасары Науырызбай Байқадамов, “Әлеуметтік медициналық сақтандыру қоры” КЕАҚ облысы бойынша филиалының директоры Бақыт Исмаханбетов, «Республикалық электрондық денсаулық сақтау орталығы» облыстық филиалының директоры Сәуле Нәлібаева, Қызылорда облыстық денсаулық сақтау басқармасының өкілдері, өңірлік штабтың мүшелері, аймақтың медицина қызметкерлері қатысты.
Қазіргі уақытта Қазақстан халқының 90% астамы (17 млн адам) МӘМС&nbsp; қатысушылары болды. Оның ішінде 11 млн-ға жуық адам – бұл 15 жеңілдігі бар санаттағы азаматтар, ал олар үшін жарналарды мемлекет жүзеге асырады.
Облыс халқының жалпы санынан 802,3 мың адам, 471 мыңнан астам тұрғын (58,8%) азаматтардың 15 жеңілдік санатына жатады. МӘМС-тің қалған қатысушылары – жалдамалы жұмысшылар&nbsp; (231 694 адам), жеке кәсіпкерлер (26&nbsp;993 адам), Бірыңғай жиынтық төлем (БЖТ) төлеушілер (1&nbsp;186 адам).
Облыс тұрғындарының 21 520 өзектендіруді қажет етеді. Бұл бағыттағы жұмыстарды жақын күндері шешу тапсырылды.
&nbsp;&nbsp; Жүйе іске қосылған 2017 жылдың 1 шілдесінен 2020 жылдың 31 қантарға дейінгі аралықта Қызылорда облысының тұрғындары әлеуметтік медициналық сақтандыру қорына 7,6 млрд. теңге аударды. Республикада осы кезеңде 251,2 млрд.теңге түсті.
2020 жылға Әлеуметтік медициналық сақтандыру қорының филиалымен 56 медициналық қызмет көрсетушілермен келісім – шарт жасалды, оның ішінде – 28 мемлекеттік медициналық ұйым (50%), 28 жеке меншік (50%).
Дәрігерлердің жалақысын 30% – ға дейін, орта буын қызметкерлерінің 20% – ға көтеру мәселесі ерекше бақылауда. 2019 жылдың желтоқсан айына облыс көлемінде дәрігерлердің орташа айлық еңбекақысы – 159&nbsp;187,77 теңге болса, қаңтар айында бұл көрсеткіш 29% – ға артып 205&nbsp;800,52 теңгені құрап отыр. Орта буын қызметкерлерінің айлық еңбекақысы 2019 жылдың желтоқсан айында 112&nbsp;872,35 теңге болса, ол қаңтар айында 138&nbsp;731,14 теңгеге дейін өсіп, 23% артқандығын көреміз.&nbsp;&nbsp;&nbsp;&nbsp;
Әлеуметтік медициналық сақтандыруды енгізумен сәйкес, медициналық көмек ауқымының 25% ұлғаюына орай, 2020 ж. Қызылорда облысы денсаулық сақтау жүйесінің бюджеті&nbsp; 57&nbsp;124 851,8 мың тенгені құрап отыр.
Атап айтқанда, кеңес беру диагностикалық көмек түрі – 555%-ға, яғни 6 есеге, стационарды алмастыратын көмек – 85%-ға, қалпына келтіру емі және медициналық оңалту – 3554%-ға, яғни 13 есеге, паллиативтік көмек және мейірбике күтімі – 162%-ға, яғни 2,6 есеге, онкогематология – 144%-ға, яғни 2,4 есеге&nbsp; қаражаттарының артқандары анық байқалып тұр.
2020 жыл бюджетінің 40&nbsp;879&nbsp;408,4 мың теңгесін немесе 71,4 %-ын ТМККК көлемі құраса, 16&nbsp;246&nbsp;443,4 мың теңгесін немесе 28,4% – ын МӘМС қаржысы құрайды.
Барлық азаматтар медициналық сақтандыру жүйесінде өз жарналарын төлеу арқылы, оның ішінде медициналық ұйымдардағы төлем терминалдары арқылы медициналық көмек ала алады. Бастапқы медициналық-санитариялық көмек көрсету бойынша барлық 21 медициналық ұйымда (56 МҰ-дан) төлем терминалдары орнатылды.
Халықпен байланысты қамтасыз ету мақсатында Қордың 1406 нөмірі бойынша Бірыңғай байланыс орталығы жұмыс істейді. Ал 2020 жылдың 1 қаңтарынан бастап ол 24/7/365 тәртібіне ауыстырылды.
Қазіргі таңда облыс бойынша 1406 арқылы 29 арыз-шағым&nbsp; түсіп уақытында жұмыстар атқарылып, жауаптар берілді.&nbsp;&nbsp;&nbsp;&nbsp;
Одан бөлек, филиалда азаматтарды қабылдау кабинеті ашылды. Сондай-ақ, медициналық қызмет сапасына мониторинг және сараптама жүргізу бойынша Филиалдың сарапшылары тұрақты негізде жұмыс істейді.
МӘМС жүйесіне қатысу мәртебесін электрондық үкімет порталынан (<a href="https://egov.kz/?fbclid=IwAR0Zr8vwiLvYiGbB7OBdOd8Hnj_LJvKlDvywyOMRcBHI8ktMPmlHpFJ8URo">https://egov.kz/</a>), ҚР Денсаулық сақтау министрлігінің (<a href="https://l.facebook.com/l.php?u=http%3A%2F%2Fdsm.gov.kz%2F%3Ffbclid%3DIwAR1x5ZlHsiLmflJZO9UYJX9l_O7C77eYmpbLZE336DIXPvYGsVO_suI3SVA&h=AT1k9UE5fRD6LN2NrCxHd0WzcKS6cXhN_AFARMUy4OIDwPs2EnY7UG2uBWNa6we722E8slg-X--ieI1UW8zBco7y32N6SF5w8mrbpdrBAN4cUlUnurFMB8HKotiLENvhwrLLrFYvRdvvK-xJcnNoExrzWN8Pm13uzA">http://dsm.gov.kz/</a>) және Қордың сайтынан (<a href="https://fms.kz/?fbclid=IwAR28Xlwl3E4ElmSuwF4XmlBpAQgUIiQIcOLTqcN85qIw-i3YeH-qEaV_0Zc">https://fms.kz/</a>), Telegram-бот (<a href="https://t.me/SaqtandyryBot?fbclid=IwAR356Y-TgRZTsvYUJ07VfbfdvJTN2sT6Ykj55xmfSvV_MrP3xXJaQqIT0jU">https://t.me/SaqtandyryBot</a>) және WhatsApp-тағы чат-бот (+7 700 103 1406) арқылы анықтауға болады.
Оған қоса мобильді қосымша MVOTER (Play Market-те қолжетімді) арқылы халықтың медициналық мекемелердің қызметтеріне қанағаттану деңгейін бағалау жұмыстары жолға қойылған.
Азаматтарды қабылдау кабинеті ашылды. Сондай-ақ тұрақты негізде Қор филиалының мамандары медициналық қызметтің сапасына мониторинг жүргізеді.
Ағымдағы жылдың 1 сәуіріне дейін елдің барлық тұрғындары шартты түрде сақтандырылған болып саналады және олар ТМККК және МӘМС пакеттері аясында медициналық қызметтерді тегін ала алады.
Осы кезеңде азаматтар өздерінің сақтандыру мәртебесін анықтап, міндетті медициналық сақтандыру жүйесіне тіркелуі керек. Жеңілдік кезеңі аяқталғаннан кейін, сақтандырылмаған пациенттер медициналық көмек алуды жалғастыра береді,&nbsp; ол тек медициналық көмектің кепілдендірілген көлемі аясында ғана, қалған қызметтерге ақылы болады. Сондықтан 31 наурызға дейін МӘМС жүйесінде сақтанушының мәртебесін алу маңызды.
<img src="https://kyzylorda-news.kz/wp-content/uploads/2020/02/25mamsshtab2.jpg" alt="" />
<img src="https://kyzylorda-news.kz/wp-content/uploads/2020/02/25mamsshtab3.jpg" alt="" />

Қызылорда: &#8220;Сақтандырылған&#8221; мәртебесі әрбір тұрғында болуы тиіс

<a href="https://kyzylorda-news.kz/">Kyzylorda-news.kz.</a> Ә.Тәжібаев атындағы Қызылорда облыстық әмбебап ғылыми кітапханасында құймақ апталығына арналған «Ескі ғасыр дәстүрлері» фольклорлық мерекесі өтті.
Шараны «Славяне» қоғамдық-мәдени орталығы облыстық кітапханамен бірлесіп ұйымдастырды.
Мерекелік іс-шараға «Қоғамдық келісім» КММ директорының орынбасары А.Жұмабаев, этномәдени бірлестіктердің өкілдері, Ж.Нұрсейтов атындағы №233 орта мектептің оқушылары және кітапхана оқырмандары қатысты.
&nbsp;Орыс халқының мазмұнды мерекесінде халық өнері, тағамдары, киімдері, қолөнері, әндері, салт-дәстүрлері туралы кітап көрмесі ұсынылды.
Кездесуді облыстық кітапхананың директоры Н.Мырзамуратова және «Славяне» қоғамдық-мәдени бірлестігінің төрайымы Г.Щербакова ашып, барлық қатысушыларды осы мерекемен құттықтап, ынтымақтастық пен өзара көмек үшін ризашылықтарын білдірді.
Фольклорлы мереке аясында славян этносының салт-дәстүрлері, «Сударушки» ансамблі, «Надежда» жастар тобы және олардың солистері орындайтын өрнектелген әндер мен билер көрсетіліп, «Шалқан» ертегісіне негізделген көрініс қойылды. Балалар халық ойындарын ойнап, жұмбақтар шешіп, мақал-мәтелдерді жалғастырды.
Айта кету керек, Масленица – бұл апта бойы атап өтілетін қысты шығарып салу және көктеммен кездесуге арналған мереке. Әр күнді мерекелеудің өзіндік ерекшеліктері бар, ал дүйсенбі – Масленицамен кездесу.
<img src="https://kyzylorda-news.kz/wp-content/uploads/2020/02/25maslenisa2.jpg" alt="" />
<img src="https://kyzylorda-news.kz/wp-content/uploads/2020/02/25maslenisa3.jpg" alt="" />
<img src="https://kyzylorda-news.kz/wp-content/uploads/2020/02/25maslenisa4.jpg" alt="" />
<img src="https://kyzylorda-news.kz/wp-content/uploads/2020/02/25maslenisa5.jpg" alt="" />
<img src="https://kyzylorda-news.kz/wp-content/uploads/2020/02/25maslenisa6.jpg" alt="" />
<img src="https://kyzylorda-news.kz/wp-content/uploads/2020/02/25maslenisa7.jpg" alt="" />
<img src="https://kyzylorda-news.kz/wp-content/uploads/2020/02/25maslenisa8.jpg" alt="" />

Қызылорда «Масленица» мерекесі басталды

<a href="https://kyzylorda-news.kz/">Kyzylorda-news.kz.</a> Қызылордадағы И.Панфилов атындағы атақты 8-гвардиялық мотоатқыштар дивизиясы жауынгерлік туының көшірмесі Шымкент қаласынан Қызылордаға жетті.
«Біз – Жеңістің мұрагеріміз» атты республикалық әскери-патриоттық эстафетаның символы болған туды ұлықтау рәсімі “Мәңгілік алау” аллеясында өтті.
Қаладағы әскери бөлімдердің офицерлері мен жауынгерлері салтанатты сап түзеп, ардагерлерге құрмет көрсетіп, Отан үшін күрескен жандардың рухына тағзым жасап, мәңгілік&nbsp;алау жанына гүл шоқтарын қойды.
Қазақ жерінде жасақталған дивизия ұрысты Сталинград түбінен бастап, жеңісті Прагада қарсы алған. Қаншама елдімекенді жау қолынан азат етті. &nbsp;Дивизияның 31 жауынгері Кеңес Одағының Батыры атанды.
Аты аңызға айналған дивизияның жауынгерлік туының көшірмесін қабылдап алған 5547 әскери бөлімінің сарбаздары ұлт рухын асқақтататын эстафетаны Атырау қаласына жолдады.
<img src="https://kyzylorda-news.kz/wp-content/uploads/2020/02/24tuestafeta1.jpg" alt="" />
<img src="https://kyzylorda-news.kz/wp-content/uploads/2020/02/24tuestafeta2.jpg" alt="" />
<img src="https://kyzylorda-news.kz/wp-content/uploads/2020/02/24tuestafeta3.jpg" alt="" />
<img src="https://kyzylorda-news.kz/wp-content/uploads/2020/02/24tuestafeta4.jpg" alt="" />

Шымкент қаласынан Қызылордаға жауынгерлік тудың көшірмесі жетті

<a href="https://kyzylorda-news.kz/">Kyzylorda-news.kz.</a> Шешендер мен ингуштардың жер аударылуының 76 жылдығына арналған еске алу шарасы өтті.
Шараны «Вайнах» шешен облыстық этномәдени бірлестігі ұйымдастырды. Оған облыстық Қазақстан халқы ассамблеясының басшылығы және этномәдени бірлестіктердің өкілдері қатысты.
Шара барысында депортацияның қиын кезеңдері мен сол оқиғалардың куәгерлерін еске алу туралы баяндайтын деректі фильм көрсетілді.
Шешендер мен ингуштардың Қазақстан мен Қырғызстанға жер аударылуы (Жасымық операциясы) 1944 жылдың 23 ақпанынан 9 наурызына дейін өтті. Оның барысында әртүрлі есептеулер бойынша 500-ден 650 мыңға дейін шешендер мен ингуштар шығарылды. Шығару кезінде және одан кейінгі алғашқы жылдары шамамен 100 мың шешен мен 23 мың ингуш өлді, яғни екі халықтың төрттен бірі.
Қазақстанға күнкөріс көзінсіз жер аударылған халықтар тек қазақ халқының бауырластық көмегінің арқасында өмір сүре алды. Олар тек өмір сүріп қана қоймай, өз тілдері мен мәдениетін сақтап қалды, осында өздері үшін және олардың ұрпақтары үшін екінші отанын тапты және қазіргі қазақстандық қоғамда лайықты орын алды.
Жер аудару кезеңін басынан өткерген әр отбасының сол жылдардағы қиыншылықтар мен депрессияларды еңсерудің өзіндік тарихы, жергілікті халықтың өзара көмек және қолдау тарихы бар. Осы орайда, шешен этномәдени бірлестігінің ақсақалдары мен этномәдени бірлестіктердің өкілдері өз естеліктерімен бөлісті, қонақжай қазақ халқына көптеген жылы лебіздері айтылды.
Іс-шараның барлық қатысушыларына еске алу асы ұйымдастырылып, дұға оқылды.

Шешендер мен ингуштардың Қазақстанға жер аударылғанына 76 жыл толды

<a href="https://kyzylorda-news.kz/">Kyzylorda-news.kz.</a> Қызылордада Салихитдин Айтбаев атындағы көркемсурет галереясында «Жидебай-Бөрілі» мемлекеттік тарихи-мәдени және әдеби-мемориалдық қорық-музейінің «Абай – дана, Абай – дара қазақта» атты жылжымалы көрмесі ашылды. Жылжымалы көрме қазақтың ұлы ақыны Абайдың 175 жылдық мерейтойына арналған, деп хабарлайды ҚазАқпарат.
Көрмеге ақын тұтынған заттар, оның өмірі мен шығармашылығын насихаттайтын құнды жәдігерлер қойылды. Көрмеге келушілер ақынның өмірі мен шығармашылығына қатысты тарихи құжаттар мен архивтік деректер, құнды қолжазбалар, тұрмыста қолданған заттары, кітаптары мен фотосуреттері бар.
Көрме екі бөлімнен тұрады. Онда қазақ даласындағы медреселер тарихына қатысты жәдігерлер де жинақталған. Көпшілік Абай оқыған Семейдегі Ахмет Риза медресесі жайлы, ондағы кітаптармен де таныса алады. Этнографиялық бұйымдар да келушілер қызығушылығын туғызып отыр.
«Көрмеге келушілер Абай жайында жазылған дүниелермен де таныса алады. Олардың қатарында Тайыр Жароков пен Мұхтар Әуезовтің еңбегі мен латын әліпбиіндегі Абай жайлы кітап бар. Семейлік суретші Нұрлан Өтебаевтың Абай портреті дк көпшілікті қызықтырады деп ойлаймын», – деді Абайдың «Жидебай-Бөрілі» мемлекеттік тарихи-мәдени және әд­би-мемориалдық қорық-музейінің ғылыми қызметкері Қуат Қиықбаев.
Ұлы тұлғаның өнегелі өмірінен мағлұмат беретін көрме 1 наурызға дейін жалғасады.
<img src="https://kyzylorda-news.kz/wp-content/uploads/2020/02/24abaizattar2.jpg" alt="" />
<img src="https://kyzylorda-news.kz/wp-content/uploads/2020/02/24abaizattar3.jpg" alt="" />
<img src="https://kyzylorda-news.kz/wp-content/uploads/2020/02/24abaizattar4.jpg" alt="" />

Қазақстан және Қызылорда облысының жаңалықтары: Басты жаңалықтар old

Биыл 250-ден астам тұрғыны бар ауылдарға интернет тартылады

«Абай жолымен» республикалық ақындар айтысының бас жүлдесін Мұхтар Ниязов иеленді (ФОТО)

Қызылорда облысына жұмыс сапарымен Бауыржан Байбек келді

Қызылордада «Абай жолымен» атты республикалық ақындар айтысы өтіп жатыр

Қызылорда облысы Өзбекстан Республикасымен ынтымақтастық туралы меморандумға қол қойылды

«Азаматтарға арналған үкімет» жас түлектерді жұмыспен қамтымақ

Қызылордада «Көктем-2020» арнайы-тактикалық оқу-жаттығуы өтті

Қызылорда: “Сақтандырылған” мәртебесі әрбір тұрғында болуы тиіс

Қызылорда «Масленица» мерекесі басталды

Шымкент қаласынан Қызылордаға жауынгерлік тудың көшірмесі жетті

Шешендер мен ингуштардың Қазақстанға жер аударылғанына 76 жыл толды

Қызылордада Абай қолданған заттар қойылған жылжымалы көрме ашылды

Қазақстан және Қызылорда облысының жаңалықтары: Басты жаңалықтар old

Биыл 250-ден астам тұрғыны бар ауылдарға интернет тартылады

«Абай жолымен» республикалық ақындар айтысының бас жүлдесін Мұхтар Ниязов иеленді (ФОТО)

Қызылорда облысына жұмыс сапарымен Бауыржан Байбек келді

Қызылордада «Абай жолымен» атты республикалық ақындар айтысы өтіп жатыр

Қызылорда облысы Өзбекстан Республикасымен ынтымақтастық туралы меморандумға қол қойылды

«Азаматтарға арналған үкімет» жас түлектерді жұмыспен қамтымақ

Қызылордада «Көктем-2020» арнайы-тактикалық оқу-жаттығуы өтті

Қызылорда: &#8220;Сақтандырылған&#8221; мәртебесі әрбір тұрғында болуы тиіс

Қызылорда «Масленица» мерекесі басталды

Шымкент қаласынан Қызылордаға жауынгерлік тудың көшірмесі жетті

Шешендер мен ингуштардың Қазақстанға жер аударылғанына 76 жыл толды

Қызылордада Абай қолданған заттар қойылған жылжымалы көрме ашылды

Қызылорда: “Сақтандырылған” мәртебесі әрбір тұрғында болуы тиіс