<a href="https://kyzylorda-news.kz/">Kyzylorda-news.kz.</a> Иорданияның Амман қаласында өтіп жатқан Олимпиадаға іріктеу турнирінің жартылай финалдық бәсекесіне Қамшыбек Қоңқабаев қатысқан жоқ, деп хабарлайды <a href="https://lenta.inform.kz/kz/boksshy-kamshybek-konkabaev-sharshy-alanga-shykpay-kaldy_a3623385">ҚазАқпарат.</a>
Ол ширек финалда алған жарақатына байланысты кездесуге шығудан бас тартты. Осылайша Қоңқабаев кезекті жарысқа шықпаса да, Олимпиадаға іріктеу турнирінің қола жүлдегері болды. Ол ширек финалда қытайлық Маймаийти Аемайитиді айқын басымдылықпен ұтып, жартылай финал мен Олимпиада жолдамасын қанжығасына байлаған болатын.
Осылайша, Ғалымбек Кенжебаев баптайтын боксшылар Олимпиада ойындарына 7 жолдама жеңіп алса, бүгін төрт боксшы финалға шықты. Үш боксшымыз қола медальді қанағат тұтты.
Қола медальдарды ерлер арасынан Абылайхан Жүсіпов (69 келі) және Серік Теміржанов (57) және +91 келі салмақта қамшыбек Қоңқабаев жеңіп алса, әйелдер боксынан 75 келі салмақта Надежда Рябец ұтып алды.
Ал ертең, яғни олимпиадалық іріктеу турнирінің соңғы күні төрт қазақстандық боксшы алтын медальға таласады. Олар – Зәкір Сафиуллин (63 келі), Василий Левит (91 келі), Әбілхан Аманқұл (75 келі) және 81 келі салмақтағы Бекзат Нұрдәулетов.

Боксшы Қамшыбек Қоңқабаев шаршы алаңға шықпай қалды

&nbsp;<a href="https://kyzylorda-news.kz/">Kyzylorda-news.kz</a>. Қызылордалық полицейлер 4 киік атып алған браконьерлерді ұстады.
Кезекті рейд кезінде ҚР ІІМ Байқоңыр қаласындағы өкілдігінің қызметкерлері 6 наурыз күні Төретам кентінде күдік тудырған “Ланд Крузер 80” маркалы көлікті тоқтатқан еді. Машинада жүргізушімен бірге 3 жолаушы болған. Олар Байқоңыр қаласы мен Төретам кентінің тұрғындары екен. Көлікті тінту кезінде жүк салғышынан 4 киіктің тушасы мен 2 дана асхана пышағы, 12-калибрлі мылтықтың 9 дана оғы тәркіленді. Ұсталғандардың бірі уақытша ұстау изоляторына қамауға алынып, қалғандарына бұлтартпау шарасын қолдану мәселесі қаралып жатыр.
«Осы дерек бойынша ҚР Қылмыстық кодексінің 339-бабы 2-бөлігінің 2-тармағы – “Өсiмдiктердің немесе жануарлардың сирек кездесетiн және құрып кету қаупi төнген, сондай-ақ пайдалануға тыйым салынған түрлерімен, олардың бөліктерімен немесе дериваттарымен заңсыз айналысу” бойынша сотқа дейінгі тергеп-тексеру жұмыстары жүріп жатыр», – делінген полиция департаменті баспасөз қызметінің хабарламасында.
<img src="https://kyzylorda-news.kz/wp-content/uploads/2020/03/qyzylordada-kiik-atyp-alghan-4-zhigit-tutqyndaldy-1-1.jpg" alt="" />

Қызылордада киік атқан 4 жігіт тұтқындалды

<a href="https://kyzylorda-news.kz/">Kyzylorda-news.kz.</a> Қызылорда облысында «Өнер барысы» өтеді.
Ағымдағы жылдың 13 наурызында Қызылорда облысында «Өнер барысы» өтеді. Қызылорда облыстық жастар ресурстық орталығының ұйымдастыруымен өтетін сайыста кәсіби спортшылар өнер көрсетпейді. Бозкілемде тұңғыш рет аймақтағы білім, мәдениет, өнер саласында жүрген жастар белдесіп, бағы мен бабын қатар сынап көреді. Сайыстан бір күн бұрын салмақ өлшеу рәсімі өтеді.
Жарыс қаланың сол жағалауында орналасқан Жастар орталығында 13 наурыз күні сағат 10-00-де басталады.
Айта кетейік, Сыр өңірінде өтетін додаға қызылордалық жайдарманшы Ақылбек Скендіров қатысады.
<img src="https://kyzylorda-news.kz/wp-content/uploads/2020/03/02-20.jpg" alt="" />

Қызылордада «Өнер барысы» өтеді

<a href="https://kyzylorda-news.kz/">Kyzylorda-news.kz.</a> Футболдан Ел бірінішілігінің алғашқы турында қызылордалық «Қайсар» өз алаңында “Ертісті” қабылдады.
Биыл Еуропа лигасында өнер көрсететін қасқырлар құрамын бірнеше ойыншымен жаңартқан еді. Стойчо бапкердің шәкірттері кездесу басталысымен ойынды өз қолдарына алып, қонақ қақпаны нысанаға ала бастады.&nbsp;Ә дегеннен шабуылға шыққан қасқырлар 11 минутта есеп ашты. Асхат Тағыбергеннің айып алаңына асырған добына Иван Граф алғаш жетіп, әріптесі Элгуджаның гол соғуына мүмкіндік жасады. Гүржі елінің шабуылшысы мүмкіндікті мүлт жібермей командасын алға шығарды.
Кездесудің екінші жартысында қонақтар 11 метрлік айып добын сәтті пайдалана алмады. Қақпаны күзеткен Марсель Исламқұлов пенальтиды қайтарып, “Қайсарға” жеңіс сыйлады.

«Қайсар» маусымды жеңіспен бастады

<a href="https://kyzylorda-news.kz/">Kyzylorda-news.kz.</a> Қызылорда қаласының әкімдігі дәстүрлі түрде ұйымдастырылатын байқаулардың көктемгі науқанын ашық деп жариялайды.&nbsp;
Қызылорда қаласының әкімдігі Ұлыстың ұлы күні – Наурыз мерекесін орай 5-27 наурыз аралығында түрлі байқаулар жариялайды.
«Әр тұрғын – 5 талдан» ұранымен қала тұрғындары аулаларға тал егуі қажет. Оны суретке және видеоға түсіріп, оны «Instagram», «Facebook», «Вконтакте» әлеуметтік желілері арқылы қала тұрғындарына жылы лебізін арнап, көгалдандыру жұмыстарына белсенділік көрсетуге үндеуі қажет. Байқауға қатысушылар #Наурыз&nbsp;#Qyzylorda&nbsp;#ЖасылҚала&nbsp;#Volonter хэштегтерін пайдалануы керек.&nbsp;
Сонымен қатар қала әкімдігі «Шашбаулы қыз» байқауын да жариялады. Шарт бойынша бұл байқауға бұрымды арулар қатыса алады. Арулар бұрымды шашқа сән беріп, оюланған шашбау, шолпы тағып суретке түсіп, оны әлеуметтік желілерде #Наурыз&nbsp;#Qyzylorda&nbsp;#ЖасылҚала&nbsp;#Volonter хэштегімен жариялауы қажет.
Байқауға қатысушылардың материалдары Қызылорда қаласы әкімідігінің парақшасында жарияланып отырады. Жеңімпаздарды әлеуметтік желінің пайдаланушылары лүпіл (лайк) басу арқылы анықтайды.

Қызылорда қаласының әкімдігі байқау жариялайды

<a href="https://kyzylorda-news.kz/">Kyzylorda-news.kz.</a> 1972 жылдың наурыз айында Азаматтық қорғаныстың Халықаралық Ұйымы құрылып, Қазақстан Республикасы 1997 жылдың қазан айында тәуелсіз мемлекет ретінде Азаматтық Қорғаныстың Халықаралық Ұйымының қатарына қосылды.&nbsp;&nbsp;&nbsp;&nbsp;&nbsp;&nbsp; 
Содан бері елімізде жыл сайын 1 наурыз – Бүкіләлемдік Азаматтық Қорғаныс күні болып аталып, мемлекетіміз азаматтардың өмірін қорғау және қауіпсіздігін қамтамасыз ету саясатын жүргізіп келеді. &nbsp;&nbsp;&nbsp;&nbsp;&nbsp; 
Бүгінде 2020 жылғы 1 наурыздан бастап Департаментте «Азаматтық қорғаныс және алғашқы көмек әр үйге» ұранымен Бүкіләлемдік Азаматтық қорғаныс күніне арналған іс-шаралары жүргізілуде. Бүгінгі волейболдан өткізілген спорттық турнир игі шаралардың жалғасы.&nbsp;&nbsp;&nbsp; 
Сондай-ақ 2008 жылғы ақпан айының соңғы күнінде Сырдария өзеніндегі мұздың жағдайын, қорғаныс бөгеттерін зерттеу, ықтимал табиғи апатқа қарсы тұру шараларын пысықтап, дайындықты қамтамасыз ету үшін әуеге көтерілген МИ – 8 тікұшағының апаты орын алды.&nbsp;&nbsp;&nbsp;&nbsp;&nbsp;&nbsp; 
Сол апатта бірқатар азаматтармен бірге аяулы дос, жоғарғы дәрежелі маман полковник Қазбек Төреманов қаза болған еді. Биыл Қазбек Төреманов арамыздан кеткеніне де 12 жыл уақыт өтті. &nbsp;&nbsp; 
Қазбек Төреманов өз елінің алдында атқарған ерен еңбегі үшін бірқатар жоғарғы мемлекеттік наградалармен марапатталған. Кәсіби шеберлігімен және өжеттілігімен ерекшеленетін еді. Әртүрлі төтенше жағдайларда оң шешім қабылдап, одан шығудан жол таба білген іскер басшы болатын. &nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; 
Бүгінгі Азаматтық қорғаныс күніне және Қазбек Төремановты еске алуға арналған спорттық жарыста 14 команда өз бақтарын сынап, жүйрігін анықтады. 
тартысқа толы бәсекеде облыстық жастар орталығының еріктілері мен №2 мамандандырылған өрт сөндіу бөлімінің командасы ерекше ойын өрнегін көрсетті. 
Ақтық мәреге дейін жетіп жүлделі 1-орынды №2 мамандандырылған өрт сөндіру бөлімі иеленсе, 2- орын еріктілерге бұйырды. Алғашқы үштіктен ойып тұрып орын алған ұйымшыл Төтенше жағдайлар департаментінің құрама командасы 3 орынды қанжығасына бағындырды.
<img src="https://kyzylorda-news.kz/wp-content/uploads/2020/03/oblystyk-zharys-1-scaled.jpg" alt="" />
<img src="https://kyzylorda-news.kz/wp-content/uploads/2020/03/oblystyk-zharys-2-scaled.jpg" alt="" />

Қызылордада волейболдан облыстық турнир өтті

<a href="https://kyzylorda-news.kz/">Kyzylorda-news.kz.</a> Бүгін облыс әкімі Қуанышбек Ысқақовтың төрағалығымен Жаппай кәсіпкерлікті дамытудың үшжылдығының 2019 жылғы қорытындысы бойынша кеңейтілген мәжіліс өтті. Жиында өткен жылы атқарылған жұмыстардың нәтижесі қаралып, 2020 жылға міндеттер айқындалды.
Мәжіліске облыстық басқармалар, қаржы ұйымдары мен осы саладағы мекемелердің басшылары қатысып, қала және аудан, кент, ауылдық округ әкімдері селекторлық байланыс арқылы қосылды.
Аймақ басшысы өткен жылы атқарылған жұмыстар туралы айтты.
<blockquote>
 «Былтыр облыстың кәсіпкерлік саласына әртүрлі қаржы көздерінен 44 млрд теңге қаражат бағыттадық. 6 мыңнан аса азаматты мемлекеттік бағдарламалар аясында оқытып, 5 мыңға жуық жобаны қайтарымсыз гранттармен, шағын несиелермен қаржыландырдық. Жалпы мұндай жүйелі шаралар Мемлекет басшысымен қойылған 2025 жылға шағын және орта кәсіпкерліктің жалпы өңірлік өнімдегі үлесін 35 пайызға жеткізу міндетін орындау мақсатында іске асырылып отыр», – деді облыс әкімі Қуанышбек Ысқақов.
</blockquote>
2019 жылы облыста жұмыс жасап тұрған кәсіпкерлік субъектілерінің саны -9,3 пайызға, кәсіпкерлікте жұмыспен қамтылғандардың саны – 2,5 пайызға, ал, кәсіпкерлік субъектілерімен өндірілген өнім көлемі – 4,7 пайызға ұлғайды.
Сонымен қатар, мәжіліс отырысында Қызылорда қаласы, аудан мен кент әкімдері Жаппай кәсіпкерлікті дамытудың үшжылдығы аясында өткен жылы атқырылған жұмыстары мен алдағы жоспарлары туралы баяндады.
Жиында облыс әкімі Қуанышбек Досмайылұлы өндірілетін өнімге аса мән берілу керек екенін айтып, алдағы уақытта кәсіпкерлікті дамыту үшін атқарылатын жұмыстар бойынша тапсырма берді.
<blockquote>
 «Мемлекет басшысы шағын және орта кәсіпкерліктің экономикадағы үлесін ұлғайтуды, өнім шығарылым көлемін арттыруды тапсырды. Соған сәйкес, біз ірі кәсіпорындар аясында ілеспе кәсіпорындарды ашып, жаңа өндіріс көздерін дамытуымыз қажет. Облыс бойынша былтырғы жылдың 9 айында 285,5 млрд теңгеге өнім шығарылды. Бұл жұмыстар тек облыстық деңгейде емес, барлық деңгейдегі әкімдермен атқарылуы қажет. Сонымен қатар, биылғы жылы облыста кәсіпкерлікке әртүрлі қаржы көздерінен 38 млрд теңге бағыттауды көздеп отырмыз. Оның ішінде, қазірдің өзінде 1,7 млрд теңге «Бизнестің жол картасы 2025» мемлекеттік бағдарламасы, 4,5 млрд теңге «Еңбек» мемлекеттік бағдарламасы аясында қарастырылған. Қосымша 21 млрд теңге өңірлік екінші деңгейлі банктерден тарту көзделуде» – деді аймақ басшысы Қуанышбек Ысқақов. Айта кету керек, өткен айда облыс әкімі Қуанышбек Ысқақов өңірдің бизнес өкілдерімен кездесіп, олардың кәсіпкерлікті дамыту бағытындағы бірқатар ұсыныстарын тыңдап, аталған бағытта бірлесе жұмыс жасауды ұсынынған болатын. 
</blockquote>
<img src="https://kyzylorda-news.kz/wp-content/uploads/2020/03/akimat-grant2.jpg" alt="" />

Қуанышбек Ысқақов: 2019 жылы 5 мыңға жуық жоба қайтарымсыз гранттар және шағын несиелермен қаржыландырылды

<a href="https://kyzylorda-news.kz/">Kyzylorda-news.kz.</a> Мемлекеттік қызмет істері агенттігі мемлекеттік қызметшілердің мерекедегі демалыс күндерін қысқарту туралы түсініктеме берді.
Мемлекеттік қызмет департаменті директорының орынбасары Думан Әбілевтің айтуынша, қазіргі кезде құзіретті мемлекеттік органдар президенттің тапсырмасын пысықтауға кіріскен.
<blockquote>
 «Бүгінде мерекелер туралы заң барлығына ортақ. Онда мемлекеттік қызметшілер бөлек қарастырылмайды. Сондықтан тиісті жұмыс басталды. Дәл қазір біздің қызметкерлеріміз премьер-министр кеңсесінде жиналып, құзырлы мемлекеттік органдармен осы тапсырманың қалай іске асырылатынын талқылап жатыр», – деді Әбілев елордада өткен баспасөз мәслихатында.
</blockquote>
Оның сөзіне қарағанда, қазақстандықтар 9 наурызда демалады. Себебі оған дейін заңға өзгеріс енгізіп үлгермейді. Сондықтан жексенбіге түсетін 8 наурыздан кейін дүйсенбі күні барлық мемлекеттік қызметшілер демалады. Тапсырмасы аясында нақты қай мемлекеттік қызметшілердің демалыс күндері қысқаратынын да анықтау қажет.
<blockquote>
 «Құқық қорғаушылар бар, арнайы мемлекеттік органдар бар, олардың барлығы – мемлекеттік қызметшілер. Мысалы, біз – әкімшілік қызметкеріміз. Бұдан бөлек, саяси қызметшілер бар. Сонда тапсырма қай қызметкерлерге қатысты? Осыны анықтау қажет. Бұл ретте тек құқық қорғау органдарына ғана қолданыла ма? Себебі қоғамдық тәртіпті сақтау керек. Бұның барлығы пысықталып, алдағы уақытта тиісті шешім қабылданады. Өзгеріс бәріне қатысты бола ма, жоқ па әзірге белгісіз», – деп атап көрсетті Әбілев.
</blockquote>
Айта кетейік, бұған дейін Мемлекет басшысы Қасым-Жомарт Тоқаев <a href="https://kyzylorda-news.kz/kogam/q-toqaev-mereke-kuenderine-qatysty-tapsyrma-berdi-duejsenbi-kuenderi-demalys-bolmawy-muemkin-47877/">мереке күндеріне қатысты</a> <a href="https://kyzylorda-news.kz/kogam/q-toqaev-mereke-kuenderine-qatysty-tapsyrma-berdi-duejsenbi-kuenderi-demalys-bolmawy-muemkin-47877/"></a>қолданыстағы тәртіпті қайта қарауды тапсырған болатын.

Тоқаев тапсырмасы: қазақстандықтар 9 наурыз күні демала ма?

<a href="https://kyzylorda-news.kz/">Kyzylorda-news.kz.</a> Қызылорда облысы полиция департаментінің бастығы полиция полковнигі Бектөре Сұлтан жеке құрамға Қызылорда қалалық Полиция басқармасының жаңа басшысын таныстырды.
Искаков Ермек Бердалиевич 1971 жылы Қызылорда облысы Жаңақорған ауданында дүниеге келген. ҚР МТК Қарағанды жоғары мектебін бітірген. 1993 жылы ішкі істер органдарындағы қызметін Қызылорда ОІІБ-ның Қылмысты іздестіру басқармасының жедел уәкілінен бастаған.
Басшылық лауазымдарда жұмыс тәжірибесі мол. Әр жылдары Ұйымдасқан қылмысқа қарсы күрес басқармасы, Сырдария аудандық полиция бөлімі, Есірткі бизнесіне қарсы күрес басқармаларын басқарды. Ағымдағы жылдың 28 ақпанынан бастап Қызылорда қалалық полиция басқармасының бастығы лауазымына тағайындалуына байланысты Ақсай полиция бөлімінің бастығы қызметінен босатылды

Қызылорда  қалалық полиция басқармасына жаңа басшы тағайындалды

<a href="https://kyzylorda-news.kz/">Kyzylorda-news.kz.</a> Президент Қасым-Жомарт Тоқаев&nbsp;мереке күндеріне қатысты қолданыстағы тәртіпті қайта қарауды тапсырды. Бұл туралы ол өзінің&nbsp;<a href="https://twitter.com/tokayevkz">Twitter</a>-дегі парақшасында жазды.&nbsp;
<blockquote>
 «Үкіметке және президент әкімшілігіне мереке күндеріне қатысты қолданыстағы тәртіпті қайта қарауды тапсырдым. Егер мейрам күні жексенбіге сәйкес келсе, келесі күн демалыс болып саналады. Келесі күн (дүйсенбі) барлық мемлекеттік қызметшілер үшін жұмыс күні болуы тиіс», – деп жазды президент.
</blockquote>
Бұған дейін қазақстандықтар наурызда 8 наурызда 3 күн&nbsp; және Ұлыстың ұлы күні мейрамында 5 күн демалатыны айтылған болатын.
1, 14, 15, 28 және 29 наурыздағы барлық демалыс күндерін қоса алғанда қазақстандықтар көктемнің алғашқы айында 13 күн демалуы тиіс еді.

Қ.Тоқаев мереке күндеріне қатысты тапсырма берді: дүйсенбі күндері демалыс болмауы мүмкін

<a href="https://kyzylorda-news.kz/">Kyzylorda-news.kz.</a> Облыс әкімі Қ.Ысқақовтың төрағалығымен құқық бұзушылық профилактикасы жөніндегі ведомствоаралық комиссия отырысы өтті. Күн тәртібінде “Кәмелетке толмағандар арасындағы құқық бұзушылықтың алдын алу мақсатында 2019 жылы қабылданған және 2020 жылы қабылданатын шаралар” мен “Азаматтардың жеке меншіктегі малдарын ұрлау қылмысының профилактикасы” мәселелері қаралды.
Күн тәртібіндегі бірінші мәселе Кәмелетке толмағандар арасындағы құқық бұзушылықтың алдын алу мақсатында 2019 жылы қабылданған және 2020 жылы қабылданатын шаралар” туралы облыстық білім басқармасы басшысының міндетін атқарушы Бағдат Бердаулетов баяндама жасады.
<blockquote>
 “Облыста кәмелетке толмағандар арасындағы құқық бұзушылықтар саны 2019 жылғы 12 айда алдыңғы жылмен салыстырғанда 28,1%, ал, қылмысқа қатысушылар саны 30,4 пайызға азайған. Дегенмен, мектеп оқушыларының қатысуымен жасалған құқық бұзушылықтар саны 20% көбейген. Осындай жағдайлардың алдын алып, болдырмау мақсатында 2019 жылғы 12 айда дәстүрлі “Түнгі қаладағы балалар” жедел-профилактикалық бірлескен іс-шаралар рейді 1193 рет ұйымдастырылды. Оған 4 339 адам қатысты. Сондай-ақ, отбасылық және рухани тәрбие беру бойынша өткен жылы мектептердің 1-11 сынып оқушыларының 140 мың ата-аналарына «психологиялық көмек» беру мақсатында ата-аналар конференциясы ұйымдастырылып, психологтардың кеңестері берілді”,- деді облыстық білім басқармасы басшысының міндетін атқарушы Бағдат Бердаулетов.
</blockquote>
Жыл басында барлық құқық қорғау органдарының орталық аппараттарында кеӊейтілген алқа отырыстары өткізіліп 2019 жылы атқарылған жұмыстар қорытындыланды.
<blockquote>
 “Өткен жылдың қорытындысымен облыс көлеміндегі қылмыстық құқық бұзушылықтар 19 пайызға азайды. Оның ішінде, кәмелет жасына толмағандармен жасалған қылмыстар 28 пайызға төмендеген. Көрсеткіштің жақсаруына қарамастан, кәмелет жасына толмағандардың арасындағы құқық бұзушылық профилактикасы мәселесі әлі де болса өзекті екенін естен шығармауға тиіспіз”,-деді облыс әкімі Қуанышбек Ысқақов.
</blockquote>
Күн тәртібіндегі екінші мәселе “Азаматтардың жеке меншіктегі малдарын ұрлау қылмысының профилактикасы” бойынша облыстық полиция департаменті бастығының орынбасары Серік Шалқаров баяндады.
<blockquote>
 “2019 жылдың 12 айының қорытындысы бойынша, Қызылорда облысының аумағында барлығы 1165 мал басы ұрланып 401 бас табылды. Көбінесе жайылымдардағы күзетілмеген қораларда қараусыз қалған мал ұрланады. Мал ұрлығының негізгі себептерінің бірі оның бақылаусыз жайылуы, яғни өз малын бірнеше күнге, тіпті айларға қараусыз қалдырған азаматтар тарапынан оның сақталуына жауапсыз қарау салдарынан орын алып отыр. Сонымен қатар, малының жоғалғанын байқаған азаматтар полицияға жүгінбей өз бетінше іздейді, бұл ретте ұрланған мал мен оған қатысты тұлғаларды іздестіруді жеңілдететін маңызды айғақтар мен іздер жоғалып кетеді. 2019 жылдың 12 айында мал ұрлығымен тіркеліп, ұрланып кетті деген малдар далалық жерде табылып, иелеріне қайтаралу жие кездеседі. Бұндай дерек бойынша 131 қылмыстық іс тоқтатылды, бұл ретте ұрланған малды іздеуге жеке құрамның басым күштері мен автомобиль көлігі тартылады. Мал иелірінің жауапсыздығынан өкіметтен қаражатар шығындалуда”,- деді облыстық полиция департаменті бастығының орынбасары Серік Шалқаров.
</blockquote>
Аймақ басшысы облыс бойынша арнайы мал союға арналған 38 пункт бар, дегенмен, бейресми деректерге сәйкес малды үйден сойып, оның етін сату арқылы кәсіп қылып отырған жеке тұлғалардың саны өте көп екені жасырын емес екендігін айтты.
<blockquote>
 “Ұрланған малдарды сою деректері орын алуы әбден мүмкін. 
Себебі, ол-бақылаусыз. Бұнымен қоса, олар өз қызметін санитарлық -эпидемиологиялық талаптарды сақтамай, кәсіпкерлік субъекті ретінде тіркелмей атқаруда. Сонымен қатар, Мемлекет басшысының мал ұрлаған адамдардың қылмыстық жауапкершілігін күшейту, сондай-ақ, осындай қылмыстардың алдын алу және профилактикалық жұмыстарды кешенді түрде жүргізу жөніндегі тапсырмасын орындауымыз үшін кешенді жоспар қажет”,- деді облыс әкімі Қуанышбек Ысқақов.
</blockquote>
Сондай-ақ, аймақ басшысы полиция органдары мал ұрлығына байланысты қылмыстылықпен күресуде ұдайы түрде түнгі мезгілде рейдтік жұмыстарын жүргізіп, жиі қылмыс орын алатын аумақтарға полиция бекеттерін орнату жолдарын қарастырып, мүдделі органдармен бірлесіп, ет өнімдерін сату, сатып алумен және өңдеумен айналысатын орындарды заңнамаларға сәйкес ретке келтіру бойынша ұсыныстар беруді тапсырды.

Қ.Ысқақов: Құқық бұзушылық профилактикасы өзекті мәселе екенін естен шығармауға тиіспіз

<a href="https://kyzylorda-news.kz/">Kyzylorda-news.kz.</a> ҚР Президент Қасым-Жомарт Тоқаев 8-наурыз Халықаралық әйелдер күніне арналған мерекелік іс-шаралардың өтпейтінін айтты. Бұл туралы мемлекет басшысы өзінің «Twetter»-дегі парақшасында хабарлады.
<blockquote>
 «Халықаралық әйелдер күніне орай Нұр-Сұлтан қаласында жоспарланған салтанатты жиын мен мерекелік концертті өткізбеу жөнінде шешім қабылдадым. Бұл әлемде коронавирустың таралуына байланысты қауіпсіздік шарасы үшін жасалып отыр. Ардақты аналар мен аруларға зор денсаулық, бақ-береке тілеймін», – деді Мемлекет басшысы өз жазбасында.
</blockquote>
<img src="https://kyzylorda-news.kz/wp-content/uploads/2020/03/tokaev-otmenil-zasedanie-2-1.jpg" alt="" />

Қазақстан және Қызылорда облысының жаңалықтары: Басты жаңалықтар old