Республикалық “Таза Қазақстан” экологиялық акциясы аясында “Жасыл Аймақ” апталығына орай Шиелі ауданында серпінді сенбіліктер жалғасуда.Мәселен, Шиелі кентінде мекеме қызметкерлері, ардагерлер, жастар мен еріктілерден құралған 300-ден астам адам мен 13 техниканың көмегімен қоқыстан тазартылып, әктеу-сырлау жұмыстары жүргізілді. Әрі апталық аясында арнайы су арықтары жүргізілген аумақтарға ағаш көшеттері егілді. Жалпы аудан бойынша сенбілікке 500-ден астам адам тартылды.

Шиеліде тазалық жұмыстары жалғасуда

Kyzylorda-news.kz. Республикалық «Таза Қазақстан» экологиялық акциясы аясында Аралда сенбіліктер жалғасуда.&nbsp;Осыған орай, Арал қаласы мен кент және ауылдық округтерде тазалық жұмыстары жүргізілді. Атап айтқанда, Арал қаласының кіре беріс аймақтары, автокөлік жолдарының жиектері қоқыс қалдықтарынан тазартылды.Атап өтейік, «Жасыл аймақ» апталығы барысында 3500-ге жуық мемлекеттік мекемелер мен білім беру, денсаулық сақтау қызметкерлері және ерікті тұрғындар мен белсенді жастар атсалысты. Сондай-ақ, 1450 түп жергілікті жерге төзімді ағаш көшеттері отырғызылып, 163 тонна қоқыс қалдықтар тиісті орындарға шығарылды.

Аралда кезекті сенбілік ұйымдастырылды 

Kyzylorda-news.kz. Бүгін Қармақшы ауданының әкімі Жандос Еркінбекұлының және құқық қорғау органдарының басшылары мен қызметкерлерінің қатысуымен «Этно ауыл» саябағына санитарлық-тазалық жұмыстары жүргізіліп, аудан климатына төзімді тал көшеттері отырғызылды.Шара барысында аудан басшысы ел Президентінің тапсырмасымен бастау алған «Таза Қазақстан» экологиялық акциясының маңыздылығына тоқталып, игі бастамаға барлық мекеме, кәсіпорын ұжымдары мен тұрғындарды белсенді атсалысуға шақырды.Экологиялық акция аясындағы тазалық жұмыстары ауданның барлық &nbsp;аумағында жалғасын тауып, саябақтар мен аллеяларды абаттандыру, көркейту-көгалдындыру жұмыстары қарқынды жүргізілді. Оған 1400-ге жуық адам жұмылдырылып, &nbsp;800 түп тал көшеттері отырғызылды.

Қармақшылықтар тазалық жұмыстарын жүргізді

Kyzylorda-news.kz. Облыс прокуроры Ризабек Ожаровтың төрағалығымен алимент өндіру бағытында атқарылған жұмыстарға қатысты ведомствоаралық мәжіліс өтті.Облыс бойынша жыл басынан 13 022 (20 100 балаға қатысты 471 млн теңге) алимент өндірісі болған, оның 886-ы аяқталған. Қалған 18 мың балаға қатысты 12 136 атқарушылық құжат бойынша 353 млн теңге қарыз қалыптасқан.Оның 6510 мерзімдік орындауда, 5626 бойынша үш айдан астам қозғалыссыз қалған, 801 бойынша берешектер қалыптасқан.Жыл басынан берешек 118 млн теңгеге азайған. Талдау нәтижелерімен жеке сот орындаушыларының тарапынан 813 бұзушылықтар анықталды.Прокурорлармен 10 заңдылықтың бұзылуын жою туралы ұсынулар енгізіліп, 21 жеке сот орындаушы тәртіптік, 98 борышкер әкімшілік, 6 қылмыстық жауаптылыққа тартылды, 55 млн теңге алимент берешегі өндірілді. &nbsp; Ведомствоаралық мәжіліс нәтижесімен уәкілетті органдар мен сот орындаушыларға нақты тапсырмалар берілді. Қазіргі таңда бұл бағытта жұмыстар күшейтіліп, өз жалғасын табуда. Алимент өндірілу жағдайы облыс прокуратурасының жіті бақылауында.<img src="https://knadmin.beoblood.kz/uploads/FB_IMG_1714189638919_59cabaa207.jpg" alt="FB_IMG_1714189638919.jpg">

Қызылордада 55 млн теңге алимент берешегі өндірілді

<a href="https://kyzylorda-news.kz/">Kyzylorda-news.kz</a> Депутат қазір нан тым арзан дейді. Оның сөзінше, ауылшаруашылығы тауарын өндірушілерді қолдаудың басты тетігі – бағаның өсуі болуы тиіс.Жамбыл облыстық мәслихатының депутаты Мейрамбек Дөненбаев ауылшаруашылығы өнімдерінің бағасын өсіруді ұсынды. Халық қалаулысының сөзінше, нан 500 теңге болуы керек. Бұл туралы Stan.kz ақпарат агенттігі хабарлайды.<blockquote>“Шынымды айтсам, нан өте арзан. Нанның құны 500 теңгеден кем болмауы тиіс. Мен өзім ауылшаруашылық тауарын өндірушімін. Менің бидайым қазір 100 теңгеден де өтпей жатыр, – деді Мейрамбек Дөненбаев.</blockquote>Журналист депутатқа “мұны халықтың қалтасы көтереді деп ойлайсыз ба” деген сұрақ қойды.“Көтереді, әбден көтереді. Қазір кез келген тойханада, кез келген қоқыста тек нан жатады. Өзім нанды 110-120 теңгеден алып жүрмін, сүтті 300-350 теңгеге аламын”, – деді ол. &nbsp;Депуататтың сөзінше, сонда ауылдың жағдайы жақсарады.Доненбаевтың әріптестері бұл пікірге мүлдем келіспейді. Мәслихат депутаты Бақытжан Қалымбетовтің айтуынша, дотациялық облыстарда нан 120 теңге тұрады. Ал халық қалаулысы Жұмахан Еркебаев нанның 500 теңге болғанына қарсы.&nbsp;&nbsp;Фото: Нұрболат Нұржаубай

Депутат: Нан бағасы 500 теңгеден кем болмауы тиіс

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың қатысуымен Сырдария ауданындағы «Мағжан және К» ЖШС-нің егіс алқабында «Дала күні» семинар-кеңесі өтті. «Дала күніне» ҚР Парламенті Мәжілісінің депутаттары Мұрат Әбенов, Мархабат Жайымбетов, Мұрат Ергешбаев, ҚР Су ресурстары және ирригация министрлігі Су шаруашылығы комитетінің төрағасы Арсен Жақанбаев арнайы келіп қатысты.Семинар-кеңесте ауыл шаруашылығы саласындағы өзекті мәселелер, шаруа қожалығы иелерінің ұсыныс-пікірлері талқыланды.<blockquote>«Ауыл шаруашылығы – облыс экономикасының негізгі саласының бірі. Күріш – аймақтың табиғи ерекшелігіне, ауа-райы мен топырақ құрамына бейімделген негізгі дақыл. Мемлекет басшысы Қасым-Жомарт Кемелұлы ауыл шаруашылығының жалпы өнім көлемін алдағы 5 жылда екі есе арттыру жөнінде тапсырма берді. Биыл Үкімет мақұлдаған егілетін егіс көлемі – 187 мың гектар. Жыл басында Су ресурстары және ирригация министрлігі күріш көлемін едәуір азайту жөнінде ұсыныс берді. Мұның алдында 2022 жылы 64 мың гектарға дейін қысқарту жөнінде шешім қабылданған. Диқандардың жағдайын ескеріп, Мемлекет басшысына тиісті ұсыныстармен шыққан болатынбыз. Қасым-Жомарт Кемелұлы мен Үкіметтің қолдауының арқасында аймақта су тапшылығының алдын алу шаралары қабылданды. Қиындықтарға қарамастан күріш көлемін 78 мың 600 гектар етіп сақтап қалуға мүмкіндік жасалды», – деді аймақ басшысы.</blockquote><img src="https://knadmin.beoblood.kz/uploads/437592649_733008469020400_8510151706012210136_n_ea1d6cbac3.jpg" alt="437592649_733008469020400_8510151706012210136_n.jpg">Нұрлыбек Машбекұлы биыл егісті сумен қамтамасыз ету күрделі жағдайда өтуі болжанғанын атап өтіп, күрішті белгіленген көлемнен асырмай егу керектігін ескертті. &nbsp;

Қызылордада «Дала күні» семинар-кеңесі өтті

«Таза Қазақстан» республикалық акциясы аясында Сыр өңірінде «Киелі мекен» апталығы бастау алған болатын.&nbsp;Сыр өңірі ежелден тарихи-мәдени кескерткіштер &nbsp;мен қасиетті кесенелерге бай өлке. Жалпы облыста мемлекет қорғауына алынған 567 тарихи-мәдени ескерткіш бар.Осы ретте, 14-20 сәуір аралығына жоспарланған «Киелі мекен» апталығында облыс аумағындағы барлық тарихи-мәдени ескерткіштер, облыстық тарихи-өлкетану музейлерінің аумақтары абаттандырылады.Акцияның алғашқы күні Қызылорда қаласындағы Қорқыт ата кітабының 1300 жылдығына арналған ескерткіші, Ұлы Отан соғысында қаза тапқандарға қойылған белгі, Амангелді Иманов, Жанқожа Нұрмұхамедұлы ескерткіштерінің маңайы тазартылды.Бір аптаға созылған тазалық акциясы аясында облыс көлеміндегі бірқатар ескерткіштер мен киелі орындар, халық шоғырланатын нысандар аумағы тазартылды.&nbsp; Бүгін де облыстың белсенді жастары, әр сала өкілдері қала тазалығы үшін санитарлық тазалау, әктеу, сырлау жұмыстарын жүргізді.<img src="https://knadmin.beoblood.kz/uploads/IMG_20240420_WA_0046_cca96d157c.jpg" alt="IMG-20240420-WA0046.jpg"><img src="https://knadmin.beoblood.kz/uploads/IMG_20240420_WA_0045_5115bf8987.jpg" alt="IMG-20240420-WA0045.jpg"><img src="https://knadmin.beoblood.kz/uploads/IMG_20240420_WA_0044_9287aa888c.jpg" alt="IMG-20240420-WA0044.jpg"><img src="https://knadmin.beoblood.kz/uploads/FB_IMG_1713615469394_7b74f104fd.jpg" alt="FB_IMG_1713615469394.jpg">

Қызылордада «Таза Қазақстан» республикалық экологиялық акциясы аясында сенбіліктер ұйымдастырылуда

Су тасқыны салдарын жою, сондай-ақ су тасқынына қарсы іс-шаралар мен авариялық-құтқару жұмыстары жалғасуда. Назарларыңызға ҚР ТЖМ баспасөз қызметінің ақпаратын ұсынамыз.Бүгінгі күні 16 мың адам өз үйлеріне оралды. 6 950 адам, оның ішінде 3 113 бала эвакуациялау пункттерінде.Жедел шаралардың арқасында ТЖ аймақтарынан тұрғындар мен үй жануарларын эвакуациялау алдын ала жүргізілді. Су тасқыны басталғалы бері барлығы 116 949 адам, оның ішінде 40 781 бала, оның ішінде &nbsp;тартылған әуе кемелерімен 3 878 &nbsp;адам, оның ішінде 1 501 &nbsp;бала құтқарылып, эвакуацияланды. 112 539 ауыл шаруашылық жануарлары қауіпсіз жерге айдалды.Аэровизуалды тексеру және дрондарды пайдалану арқылы өзендер мен су қоймаларындағы су тасқыны жағдайына мониторинг жүргізілуде.Ақмола, Ақтөбе, Қостанай, Атырау, Солтүстік Қазақстан облыстарында&nbsp;3 709&nbsp;тұрғын үй мен&nbsp;2 475&nbsp;аула аумағынан су бұрылды. 5 837&nbsp;жеке тұрғын үй,&nbsp;1 353&nbsp;аула аумағы су астында қалуда. 9,8 млн.&nbsp;астам текше метр&nbsp;еріген қар суы сорылды,&nbsp;2,9&nbsp;млн.&nbsp;қапшық және&nbsp;1,4&nbsp;млн. тонна инертті материал төселді.Зардап шеккен өңірлерге теміржол, автомобиль көліктерімен және әуе кемелерімен 3 577 тонна&nbsp;гуманитарлық көмек жеткізілді.Жедел желіге түскен 1 857 қоңырау пысықталды. ТЖМ Апаттар медицинысы орталығының психологтары жергілікті жерлерде және жедел желі телефондары арқылы азаматтарға шұғыл психологиялық көмек көрсетуді жалғастыруда.Су жүрген&nbsp;81&nbsp;автожол, су шайған&nbsp;69&nbsp;автожол, оның ішінде&nbsp;10&nbsp;көпір және&nbsp;59&nbsp;жол төсемі бақылауда қалуда. 72&nbsp;елді мекен көлік қатынасынсыз қалды, оларға қажетті азық-түлік және дәрі-дәрмек қорлары құрылды.Солтүстік Қазақстан облысында Есіл өзені су деңгейінің көтерілуіне байланысты Қызылжар ауданының Кустовое, Вагулина, Красноярка, Соколовка, Долматово ауылдарынан алдын ала эвакуациялау жұмыстары жалғасуда, 27 жеке тұрғын үй су астында қалды. Барлығы 2 465 адам эвакуацияланды, олар эвакуациялау пункттеріне және туыстарының үйлеріне орналастырылды. Сонымен қатар Петропавл қаласының Подгора шағын ауданында 211 жеке тұрғын үй мен бір ғимарат су астында қалды. Тұрғындар алдын ала эвакуацияланды. Есіл өзенінің деңгейіне мониторинг жалғасуда.Ақтөбе облысында Ырғыз ауданының Құйлыс ауылынан әуе кемесі арқылы алдын ала Ырғыз ауылының уақытша орналастыру пунктіне 96 адам эвакуацияланды және 2 тонна гуманитарлық көмек жеткізілді. Құйлыс ауылында Торғай өзенінің жағалауын нығайту жұмыстары жалғасуда. Нұра ауылында 24 жеке тұрғын үй су астында қалды.Батыс Қазақстан облысында Орал қаласының саяжай алаптарынан алдын ала 40 адам эвакуацияланды, олар туыстарының үйлеріне орналастырылды. Қаратөбе және Казталов аудандарының Қаратөбе және Жалпақтал елді мекендерінен Қалдығайты және Қараөзен өзендері арқылы жүзу құралдарының көмегімен 223 адам тасымалданды. Орал өзенінде қорғаныс бөгеттерін салу, нығайту және су деңгейін бақылау жұмыстары жалғасуда.Ақмола облысында Жақсы ауданының Есіл ауылында 6 жеке тұрғын үй су астында қалды. Тұрғындар алдын ала эвакуацияланды.Қостанай облысында Жангелдин ауданының Тәуіш ауылынан Торғай ауылына жүзу құралдары мен тікұшақ көмегімен тұрғындар тасымалданды, 2 тонна гуманитарлық көмек жеткізілді.Түркістан облысында таулы аудандарда жауын-шашынның мол түсуіне және таудың баурайындағы су ағынына байланысты Бәйдібек ауданының Ақбастау ауылында 17 аула аумағы су астында қалды. Қапшықтарды төсеу, арық жүйесін тазарту және суды бұру жұмыстары жүргізілді. Елді мекенге қауіп жоқ.Жамбыл облысында жауын-шашынның көп түсуіне байланысты Жамбыл ауданының Жасөркен ауылында 30 аула аумағы мен ғимарат су астында қалды. Су басқан аумақтардан су толық көлемде сорылды, барлығы 7138 текше метр.Тәулік бойы авариялық-құтқару жұмыстарына ТЖМ, ҚМ, ІІМ, ҰҚК, МКҚ, жергілікті атқарушы органдардың, ұйымдардың&nbsp;46 417 адам, &nbsp;4 351&nbsp;бірлік техника,&nbsp;873&nbsp;су сору және&nbsp;308&nbsp;жүзу құралы,&nbsp;16&nbsp;әуе кемесі жұмылдырылды.&nbsp;&nbsp;&nbsp;

Су тасқыны: қазіргі жағдай қалай? 

<a href="https://kyzylorda-news.kz/">Kyzylorda-news.kz</a>. Еліміздің төтенше жағдайлар министрлігінің баспасөз қызметінің хабарына сүйенсек, 3 570 тұрғын үй мен 2 225 аула аумағынан судың бағыты бұрылды. Осы сағатта 15 125 адам өз үйлеріне оралды. 6 704 адам, оның ішінде 3 052 бала эвакуациялау пункттерінде. Су тасқыны басталғалы бері барлығы 113 867 адам, оның ішінде 39 943 бала құтқарылып, эвакуацияланды. 112 539 ауыл шаруашылық жануарлары қауіпсіз жерге айдалды.Ақтөбе, Қостанай, Ақмола, Атырау, Солтүстік Қазақстан облыстарында 5 732 жеке тұрғын үй, 1 579 аула аумағы және 2 035 саяжай үйлері су астында қалуда.Су тасқыны салдарын жою, сондай-ақ су тасқынына қарсы іс-шаралар мен авариялық-құтқару жұмыстары жалғасуда. 9,7 млн астам текше метр еріген қар суы сорып шығарылды, 2,4 млн қапшық және 1,2 млн астам тонна инертті материал төселді.Авариялық-құтқару және су тасқынына қарсы жұмыстарға 33 391 адам, &nbsp;4 470 техника, 890 су сору құралы, 392 жүзу құралы, 18 әуе кемесі жұмылдырылды.ТЖМ психологтары жергілікті жерлерде және жедел желі телефондары арқылы азаматтарға шұғыл психологиялық көмек көрсетуді жалғастыруда. Жедел желіге түскен 1 816 қоңырау пысықталды.Мемлекеттік материалдық резервтен Атырау облысына қосымша 81 тонна азық-түлік тауарлары мен 158 тонна мұнай өнімдері, Батыс Қазақстан облысына 10 мың адамға арналған төсек-орын жабдықтары броньнан шығарылды.Жалпы зардап шеккен өңірлерге теміржол, автомобиль көліктерімен және әуе кемелерімен 3 290 тонна гуманитарлық көмек жеткізілді.Ақмола облысында Есіл, Жабай өзендерінде су деңгейінің көтерілуіне байланысты Жарқайың ауданының Гастелло ауылында, Жақсы ауданының Ишимское ауылында, Сандықтау ауданының Каменка ауылында, Солтүстік Қазақстан облысы Қызылжар ауданының Соколовка, Большая малышка, Кустовое, Вагулина, Красноярка, Пресновка ауылдарында 50 жеке тұрғын үй су астында қалды. 600—ден астам адам алдын ала эвакуацияланды, олар эвакуациялау пункттері мен туыстарының үйлеріне орналастырылды. Су басу қаупіне байланысты қазіргі уақытта Ақтөбе облысы Ырғыз ауданының Құйлыс ауылында эвакуациялау жүргізілуде.Еліміздің 8 өңірінде Ақтөбе, Қостанай, Батыс Қазақстан, Ақмола, Қарағанды, Атырау, Солтүстік Қазақстан және Ұлытау облыстарында жергілікті ауқымдағы 38 ТЖ әрекет етеді.ТЖМ азаматтарды су тасқыны кезеңінде қауіпсіздік шараларын сақтауға, үйлерден және эвакуациялау пункттерінен тиісті рұқсатсыз кетпеуге шақырады және балаларды қараусыз қалдырмауды ескертеді.&nbsp;Сурет: ТЖМ

Су тасқыны: бүгінгі ахуал қалай?

Kyzylorda-news.kz. Қызылорда облысы әкімдігінің ұйымдастыруымен су тасқыны болған аймақтарға көмек жіберу жалғасуда.Бүгін Батыс Қазақстан облысына 106 арнайы техника жөнелтілді.Арнайы техникалар бір тәулік ішінде әзірленіп, теміржол &nbsp;арқылы жолға шықты.&nbsp;Еске салсақ, осы уақытқа дейін су апаты болған аймақтарға 296 қызылордалық құтқарушы, 135 техника жіберілді.

Сыр өңірінен Батыс Қазақстан облысына арнайы техникалар жіберілді

Сыр елінде &nbsp;"Таза Қазақстан" республикалық акциясы аясында апта сайын жалпыоблыстық сенбілік ұйымдастырылуда. &nbsp;Осы уақытқа дейін облыстың елді мекендеріне 28 мыңнан астам саялы ағаш көшеті отырғызылды.&nbsp;Бүгін облыс әкімі Нұрлыбек Нәлібаев сенбілікке қатысып, Тұңғыш Президент атындағы саябақ пен Рәміздер алаңы аумағына ағаш екті.&nbsp; Еске салсақ, Мемлекет басшысы Қасым-Жомарт Кемелұлы Тоқаевтың бастамасымен еліміздің бірқатар аймағында «Таза Қазақстан» экологиялық акциясы өтуде. Науқан 5 аптаға созылады. Әр аптаның өзіндік тақырыбы мен нақты мақсаты белгіленген. Мәселен, науқанның бірінші аптасы "Таза өлке" деп аталып, тұрғындар, қоғам белсенділері мен мекемелер өз аула-жайын тазартты. Одан соң "Киелі мекен" апталығы кезінде қала аумағындағы тарихи-мәдени ескерткіштер аумағы абаттандырылады. Ал "Жасыл аймақ" апталығында ағаш егу жұмыстары жүргізіледі. Жас буын "Өнегелі ұрпақ" апталығы кезінде ардагерлер мен Қарттар үйінің ауласын жинап, қолғабыс жасайды. Ал акцияның соңғы аптасы "Мөлдір бұлақ" тақырыбымен өтіп, өзен-көл жағасы тазартылады. Осы ретте, аймақ басшысы Нұрлыбек Нәлібаев Сыр өңірінде «Таза Қазақстан» республикалық акциясы аясында «Таза Қазақстан – таза аймақ» экологиялық науқаны басталғаны туралы үндеу жариялап, тұрғындарды тазалық жұмыстарына ұйытқы, жақсы істерге дәнекер болуға шақырды.Бүгінгі сенбілікте Қызылорда қаласы аумағына 2000-ға жуық &nbsp;түп көшет отырғызылды. Студенттер, мемлекеттік мекемелер қызметкерлері, еріктілер Тұңғыш Президент, Денсаулық және демалыс, Б.Шөкенов атындағы саябақтар мен С.Айтбаев атындағы көркемсурет галереясының, бірқатар мектеп пен балабақша аумағын тазартты. Іс-шараға барлық елді мекен тұрғындары, еңбек ұжымдары мен белсенді жастар қатысуда.&nbsp;Акцияға облыс бойынша 1119 мекемеден 14611 адам үлес қосты, қоқыс жинауға 219 арнайы &nbsp;техника тартылды. Жұмыс аяғында полигондарға 300 тоннаға жуық қоқыс шығарылды. Айта кетейік, өткен жылы абаттандыруға республикалық және облыстық бюджеттерден 6,2 млрд. теңге қаржы бөлінді. Бұған 51 жоба жүзеге асырылды, 77 шақырым болатын 58 көше жарықтандырылды, 39 көшеге жаяу жүргіншілер жолы салынып, 6 көпқабатты тұрғын үйдің қасбеттері жаңартылды. Тағы 17 көпқабатты тұрғын үйдің 5 аулаішілік аумағы абаттандырылды.Демеушілер есебінен қаладағы 26 көпқабатты тұрғын үйдің қасбеттері қапталып, 1 млрд. теңгеге Қызылорда қаласының орталық алаңы көркейтілуде.<img src="https://knadmin.beoblood.kz/uploads/IMG_20240413_WA_0003_5a2d344c21.jpg" alt="IMG-20240413-WA0003.jpg"><img src="https://knadmin.beoblood.kz/uploads/IMG_20240413_WA_0009_d9cd5ab7c3.jpg" alt="IMG-20240413-WA0009.jpg"><img src="https://knadmin.beoblood.kz/uploads/IMG_20240413_WA_0005_b9b61b0b34.jpg" alt="IMG-20240413-WA0005.jpg"><img src="https://knadmin.beoblood.kz/uploads/IMG_20240413_WA_0008_5c254e6df3.jpg" alt="IMG-20240413-WA0008.jpg"><img src="https://knadmin.beoblood.kz/uploads/IMG_20240413_WA_0004_86ac766196.jpg" alt="IMG-20240413-WA0004.jpg"><img src="https://knadmin.beoblood.kz/uploads/IMG_20240413_WA_0006_059e3d8a78.jpg" alt="IMG-20240413-WA0006.jpg">

Қызылордада жалпыоблыстық сенбілік ұйымдастырылды 

Kyzylorda-news.kz. Павлодарда жеті жасар Милана Давыдованы өлтірді деп айыпталған қыздың анасы мен көршісіне қатысты сот отырысы жалғасып жатыр. Бұл туралы Stan.kz ақпарат агенттігі хабарлайды. 11 сәуірде сотта екі айыпталушыдан жауап алынды. Марқұмның анасы өз кінәсін толық мойындап, қызын қолымен, кейін белбеумен ұрғанын, одан кейін көршісінің баланы буындырып өлтіргенін айтты. Күдікті ер адам тергеу барысында өзіне қысым жасалғанын, сондықтан қызды өлтіргенін мойындағанын айтты. Ол өзінің сотта берген айғағын ғана ескеруді сұрады.<blockquote>"Мен мәйітті жасырып, хабар бермегенім үшін өз кінәмді мойындаймын. Т.Д-ның (қыздың анасы) қызымды өлтірді деп айтып отырғанына өзім таңғалып тұрмын", – деді айыпталушы.</blockquote>Прокурор мен судьяның "қызды бәрі іздеп жүргенін біле тұра, неге бірден қыздың көз жұмғанын хабарламадың" деген сұрағына ер адам полицеймен сөйлескеннен кейін ғана бәрін мойындауды ұйғардым деп жауап берді.Сондай-ақ сотталушы қыздың денесін анасының өтініші бойынша жасырғанын айтты.Сотта тергеу барысында айыпталушылардың әртүрлі айғақтар бергені белгілі болды. Тергеуде қыздың анасы алдымен қызын ұрып-соққанын, қыздың есінен танып қалғанын айтқан. Артынша әйел көршісіне телефон соғып, баланың денесін жерлеуге көмек сұраған. Ал сот барысында айыпталушылар кінәні бір-біріне аударып жатыр.Айта кетейік, сотта оқиғаның куәгері, Милананың 9 жасар ағасының түсініктемесі де оқылды.<blockquote>"Мен, Маришка және Милана сабақтан келдік. Үйде анам мен ағай болды. Киім ауыстырып, сыртқа шықтық. Біраз ойнап, Милана үйге кетті. Үйге келсем, анам Милананы ұрысып, оны жұдырығыммен ұрды. Ағай да оны менің белбеуіммен ұрды. Сосын ағай Милананы арт жағынан белдікпен буындырып өлтірді, анам жанында қарап тұрды. Анам мен ағай маған көргенімді ешкімге айтпауымды, әйтпесе олар мені де Милана сияқты ұратындарын айтты", – делінген марқұм Милана Давыдованың ағасының куәлігінде.</blockquote>Еске салсақ, сұмдық оқиға былтыр қараша айында Бесқауға ауылында болды. Із-түссіз жоғалып кеткен жеті жасар Милана Давыдованы іздеуге 500-ге жуық адам жұмылдырылды. Бірнеше күннен кейін безбүйрек ана жасаған қылмысын мойындап, қаршадай қызының денесі жасырылған жерді көрсетіп берді.Фото: Павлодар облыстық ПД

Қазақстан және Қызылорда облысының жаңалықтары: Басты жаңалықтар old