Сыр елінде &nbsp;"Таза Қазақстан" республикалық акциясы аясында апта сайын жалпыоблыстық сенбілік ұйымдастырылуда. &nbsp;Осы уақытқа дейін облыстың елді мекендеріне 28 мыңнан астам саялы ағаш көшеті отырғызылды.&nbsp;Бүгін облыс әкімі Нұрлыбек Нәлібаев сенбілікке қатысып, Тұңғыш Президент атындағы саябақ пен Рәміздер алаңы аумағына ағаш екті.&nbsp; Еске салсақ, Мемлекет басшысы Қасым-Жомарт Кемелұлы Тоқаевтың бастамасымен еліміздің бірқатар аймағында «Таза Қазақстан» экологиялық акциясы өтуде. Науқан 5 аптаға созылады. Әр аптаның өзіндік тақырыбы мен нақты мақсаты белгіленген. Мәселен, науқанның бірінші аптасы "Таза өлке" деп аталып, тұрғындар, қоғам белсенділері мен мекемелер өз аула-жайын тазартты. Одан соң "Киелі мекен" апталығы кезінде қала аумағындағы тарихи-мәдени ескерткіштер аумағы абаттандырылады. Ал "Жасыл аймақ" апталығында ағаш егу жұмыстары жүргізіледі. Жас буын "Өнегелі ұрпақ" апталығы кезінде ардагерлер мен Қарттар үйінің ауласын жинап, қолғабыс жасайды. Ал акцияның соңғы аптасы "Мөлдір бұлақ" тақырыбымен өтіп, өзен-көл жағасы тазартылады. Осы ретте, аймақ басшысы Нұрлыбек Нәлібаев Сыр өңірінде «Таза Қазақстан» республикалық акциясы аясында «Таза Қазақстан – таза аймақ» экологиялық науқаны басталғаны туралы үндеу жариялап, тұрғындарды тазалық жұмыстарына ұйытқы, жақсы істерге дәнекер болуға шақырды.Бүгінгі сенбілікте Қызылорда қаласы аумағына 2000-ға жуық &nbsp;түп көшет отырғызылды. Студенттер, мемлекеттік мекемелер қызметкерлері, еріктілер Тұңғыш Президент, Денсаулық және демалыс, Б.Шөкенов атындағы саябақтар мен С.Айтбаев атындағы көркемсурет галереясының, бірқатар мектеп пен балабақша аумағын тазартты. Іс-шараға барлық елді мекен тұрғындары, еңбек ұжымдары мен белсенді жастар қатысуда.&nbsp;Акцияға облыс бойынша 1119 мекемеден 14611 адам үлес қосты, қоқыс жинауға 219 арнайы &nbsp;техника тартылды. Жұмыс аяғында полигондарға 300 тоннаға жуық қоқыс шығарылды. Айта кетейік, өткен жылы абаттандыруға республикалық және облыстық бюджеттерден 6,2 млрд. теңге қаржы бөлінді. Бұған 51 жоба жүзеге асырылды, 77 шақырым болатын 58 көше жарықтандырылды, 39 көшеге жаяу жүргіншілер жолы салынып, 6 көпқабатты тұрғын үйдің қасбеттері жаңартылды. Тағы 17 көпқабатты тұрғын үйдің 5 аулаішілік аумағы абаттандырылды.Демеушілер есебінен қаладағы 26 көпқабатты тұрғын үйдің қасбеттері қапталып, 1 млрд. теңгеге Қызылорда қаласының орталық алаңы көркейтілуде.<img src="https://knadmin.beoblood.kz/uploads/IMG_20240413_WA_0003_5a2d344c21.jpg" alt="IMG-20240413-WA0003.jpg"><img src="https://knadmin.beoblood.kz/uploads/IMG_20240413_WA_0009_d9cd5ab7c3.jpg" alt="IMG-20240413-WA0009.jpg"><img src="https://knadmin.beoblood.kz/uploads/IMG_20240413_WA_0005_b9b61b0b34.jpg" alt="IMG-20240413-WA0005.jpg"><img src="https://knadmin.beoblood.kz/uploads/IMG_20240413_WA_0008_5c254e6df3.jpg" alt="IMG-20240413-WA0008.jpg"><img src="https://knadmin.beoblood.kz/uploads/IMG_20240413_WA_0004_86ac766196.jpg" alt="IMG-20240413-WA0004.jpg"><img src="https://knadmin.beoblood.kz/uploads/IMG_20240413_WA_0006_059e3d8a78.jpg" alt="IMG-20240413-WA0006.jpg">

Қызылордада жалпыоблыстық сенбілік ұйымдастырылды 

Kyzylorda-news.kz. Павлодарда жеті жасар Милана Давыдованы өлтірді деп айыпталған қыздың анасы мен көршісіне қатысты сот отырысы жалғасып жатыр. Бұл туралы Stan.kz ақпарат агенттігі хабарлайды. 11 сәуірде сотта екі айыпталушыдан жауап алынды. Марқұмның анасы өз кінәсін толық мойындап, қызын қолымен, кейін белбеумен ұрғанын, одан кейін көршісінің баланы буындырып өлтіргенін айтты. Күдікті ер адам тергеу барысында өзіне қысым жасалғанын, сондықтан қызды өлтіргенін мойындағанын айтты. Ол өзінің сотта берген айғағын ғана ескеруді сұрады.<blockquote>"Мен мәйітті жасырып, хабар бермегенім үшін өз кінәмді мойындаймын. Т.Д-ның (қыздың анасы) қызымды өлтірді деп айтып отырғанына өзім таңғалып тұрмын", – деді айыпталушы.</blockquote>Прокурор мен судьяның "қызды бәрі іздеп жүргенін біле тұра, неге бірден қыздың көз жұмғанын хабарламадың" деген сұрағына ер адам полицеймен сөйлескеннен кейін ғана бәрін мойындауды ұйғардым деп жауап берді.Сондай-ақ сотталушы қыздың денесін анасының өтініші бойынша жасырғанын айтты.Сотта тергеу барысында айыпталушылардың әртүрлі айғақтар бергені белгілі болды. Тергеуде қыздың анасы алдымен қызын ұрып-соққанын, қыздың есінен танып қалғанын айтқан. Артынша әйел көршісіне телефон соғып, баланың денесін жерлеуге көмек сұраған. Ал сот барысында айыпталушылар кінәні бір-біріне аударып жатыр.Айта кетейік, сотта оқиғаның куәгері, Милананың 9 жасар ағасының түсініктемесі де оқылды.<blockquote>"Мен, Маришка және Милана сабақтан келдік. Үйде анам мен ағай болды. Киім ауыстырып, сыртқа шықтық. Біраз ойнап, Милана үйге кетті. Үйге келсем, анам Милананы ұрысып, оны жұдырығыммен ұрды. Ағай да оны менің белбеуіммен ұрды. Сосын ағай Милананы арт жағынан белдікпен буындырып өлтірді, анам жанында қарап тұрды. Анам мен ағай маған көргенімді ешкімге айтпауымды, әйтпесе олар мені де Милана сияқты ұратындарын айтты", – делінген марқұм Милана Давыдованың ағасының куәлігінде.</blockquote>Еске салсақ, сұмдық оқиға былтыр қараша айында Бесқауға ауылында болды. Із-түссіз жоғалып кеткен жеті жасар Милана Давыдованы іздеуге 500-ге жуық адам жұмылдырылды. Бірнеше күннен кейін безбүйрек ана жасаған қылмысын мойындап, қаршадай қызының денесі жасырылған жерді көрсетіп берді.Фото: Павлодар облыстық ПД

“Белбеумен буындырды”: 7 жасар Милана Давыдованың қалай өлтірілгенін оқиға куәгері айтып берді

Kyzylorda-news.kz. Бұл туралы Мәдениет және ақпарат министрі Аида Балаева өзінің facebook парақшасында айтты.Министрдің айтуынша, су апатынан зардап шеккен азаматтар алдымен өз өңірінің әкімдігіне өтініш беруі қажет.<blockquote>Су апатының Республикамыздың 10 өңіріне тигізген салдары ерекше ауыр болды. Үкімет қаулысына сай, апаттан бүлінген мүлік пен қираған үй, қырылған мал жеңілдетілген тәріппен қысқа уақытта өтеледі. Ол үшін біріншіден зардап шегушілер мүлікке қатысты әкімдікке - жеке немесе сенімхат арқылы материалдық өтемақы туралы өтініш жазып, жеке куәлік көшірмесімен бүлінген немесе жойылған мүліктің тізбесін қоса тапсырады. Өтініш 30 күн ішінде берілуі тиіс. Берілген өтініш 15 жұмыс күнінде қаралып, тиісті мамандар 10 күн ішінде мекенжайға барып, шығындарды есептейді. Бағалаушылардың қортындысынан кейін 3 жұмыс күн ішінде қаражат беру туралы шешім қабылданып, 30 жұмыс күн аралығында өтемақы төленеді. Екіншіден, қырылған малға қатысты өңірлерде жергілікті атқарушы органдардың жанынан шығындарды есептеуші комиссия құрылды, - деді Аида Балаева.</blockquote>Сондай-ақ министр су апаты салдарынан қырылған малға қалай өтемақы төленетінін түсіндірді.Су тасқыны салдарынан өлген төрт түліктің иелері малдары туралы мәліметтерді көрсетіп жергілікті комиссияға өтініш беру керек. Малға меншік құқығы комиссиялардың актілерімен расталады. Мал иелеріне өтемақы мөлшері Ұлттық статистика бюросы жариялаған жануарлардың түрлері бойынша нарықтық құны негізінде айқындалады, - деді ведомство басшысы.

Министр су апатына байланысты өтемақыға өтініш беру жолдарын түсіндірді

Айтбек Амангелді қарындасы Салтанат Нүкенова осы уақыт аралығында бір рет ғана түсіне кірген екен. Түсінде Салтанат аян берген, - деп хабарлайды Sadaqmedia.kz.Қазір қарындасының есімін қараламай, оның өліміне себепкер болған адамдар заң түрінде қатаң жазалануына барын салуда. Еліміздің білікті адвокаттары көмекке келіп, күн сайын сот процесінде мүдделерін қорғап келеді. Одан бөлек, қаншама қазақстандық марқұмның ағасына жан-жақты қолдау білдіріп келеді.Айтбек Амангелді Дана Орманбаеваның «Дай слово» бағдарламасына берген сұхбатында түсінде Салтанатты көргенін айтты. Айтуынша, түсі өте анық, ұзақ және шын өмірдегідей болған.&nbsp; «Түсімде Салтанатты іздеп жүр екенмін. Неге екенін білмеймін, алдымен университетке барып, іздемекші болдым. Бірақ мені ішіне кіргізбеді. Сол кезде жаныма бір адам келді, бірақ оның түрі жоқ, бұлыңғыр көлеңке сияқты. Күзет бізді Салтанаттың оқытушысына жібергісі келмеді. Жанымдағы образ басқа жолмен баруды ұсынды. Біз оқытушының кабинетіне кіріп, сөйлескіміз келсе, ол үндемей отыр. Жанымдағы адамның көлеңкесі оқытушыға алма ұсынды, жемісті алып, жей бастаған соң, бізбен сөйлесе бастады. Сол сәтте күзет бізді тауып алды. Біз қашып барамыз. Университет бір шыңда орналасқандай. Биікке қарай қашып барамыз, күзет бізді қуып келеді. Төменде сай орналасқан, ол жерде бұлақ ағып тұр. Төменге апаратын жол тік орналасқан. Төменге қарай сумен сырғанап түсіп барамыз. Төменде құдық бар сияқты, бұлақтың суы сол жерге құйылады екен. Жанымдағы көлеңке әрі қарай кетіп қалды, ал мені сол құдыққа сорып әкетті. Су өте суық, мұздай. Қолдарым мен денем суық судан қақсап барады. Әрі қарай бір ауылға тап болдық. Ол жерде үйлер өте көп, жан-жағында жануарлардың барлық түрлері жүр. Ауыл балшыққа толы, өте лас. Жанымдағы көлеңке мені белгілі бір үйге апара жатыр. Алдымыздан әдемі той өткізетін ғимарат шықты. Аппақ мәрмәр тастан жасалған. Ішіне кірсек, барлық адамдар мерекелік киім киіп алған, барлығы шетінен әдемі. Алдымыздан тағы бір есік ашылғанда, бір топ әдемі жас қыздар шықты. Арасында Салтанат бар. Қолынан ұстап, қайда жүрсің, мен сені іздеп жүрмін, дедім. Ата-анамызға хабарласып, сені тапқанымды айтайын дедім. Телефонымды алып, суретке түсірмек болдым. Суретке түсіп, телефоныма қарасам, суретте менен басқа ешкім жоқ. Салтанат сол сәтте жанына бір әйелді шақырды. Меніңше, ол да менің жанымдағы көлеңке сияқты. Салтанат мені басқа бір балаларға арналған бөлмеге апарды. Төртеуміз кірдік. Сол кезде мен одан не болып жатқанын түсіндіруді сұрадым. Жанындағы әйел менің білмеу керектігімді айтты. Салтанат ол әйелге менің білу керектігімді, мен түсінбей жүргенімді түсіндіріп жатыр. Кейін өзі түсіндіре бастады. Дауыстар мен әріптер айтылып жатыр, бірақ мен не айтып жатқанын түсінбеймін. Кейін ол қолымен екі санды жазып көрсетті. 11 санын жазды. Мен жазып алдым. Сол сәтте желкемнен біреу қысып ұстап, жұлып шығарды. Мен оянып, төсегімнен атып тұрдым», - деп баяндады түсін.&nbsp; Бұл түсті ағасы қараша айының ортасында көрген. Көргенін жақын адамымен бөліскен. Ол әйел мешітте жұмыс істейді. Айтуынша, ол әйелдің өлген адамдардың рухымен сөйлесе алатын қасиеті бар. Салтанат оған жерлеу рәсіміне қатысып, сөз сөйлеуді сұраған екен.Кеше, яғни 11 сәуір күні Қазақстан парламенті тұрмыстық зорлық-зомбылық туралы заң қабылдады. Аталған заң әйелдер мен балалардың қауіпсіздігін күшейтеді.Осы тұста Айтбек Амангелді түсінде көрген сол екі санды «11» деп өзінше жорамалдады. Ойынша, Салтанат оған аян берген.11 саны:11 қараша – Салтанат жер қойнына тапсырылды;11 наурыз – Бишімбаевтың ісі бойынша алдын ала тыңдалым өтті;11 сәуір #Салтанатзаңы қабылданды.«Енді не болады? Тағы бір айтылмаған дүние бар. Оны сот отырысы аяқталған соң айтамын», - деп жазды Айтбек Амангелді.

"Салтанат аян берді". Айтбек Амангелді өз жорамалын айтты

Мемлекет басшысы Су тасқынына қарсы іс-шараларды үйлестіру және су тасқыны салдарын жою жөніндегі республикалық штабтың отырысын өткізді.Қасым-Жомарт Тоқаев қазіргі уақытта ахуал әлі де өте күрделі екенін атап өтті.Оның айтуынша, бес аймақта, яғни Атырау, Батыс Қазақстан, Шығыс Қазақстан, Ақмола және Солтүстік Қазақстан облыстарында су тасқынының екінші толқыны болуы мүмкін.Қалған алты облыста, атап айтқанда, Қостанай, Қарағанды, Ақтөбе, Абай, Павлодар, Ұлытауда жағдай тұрақтала бастаған.Мемлекет басшысы адамдарды дер кезінде қауіпсіз жерге көшіру және қарғын судан зардап шеккен азаматтарға қажетті көмек беру қазіргі басты міндет екеніне назар аударды. Президент өзінің тапсырмасы бойынша мемлекеттік материалдық резервтен арнаулы техника және басқа да жабдықтар алуға рұқсат етілгенін айтты.<blockquote>— Мен шығынды өтеу үшін тиімді тәсілдер қарастыру жөнінде нақты тапсырма бердім. Бұл мақсатқа бюджет қаражатымен қатар «Қазақстан халқына» қоры мен ірі бизнес өкілдері бөлген қаржы жұмсалады. Сондай-ақ тағы бір өте маңызды мәселе. Бұл — су басқан аймақтардағы эпидемиологиялық ахуал. Жағдайды қатаң бақылауда ұстау қажет. Көктемгі егіс науқанына да дайындалу керек. Су астында қалған елді мекендерде ешқандай заң бұзушылыққа жол бермеу қажет. Менің тапсырмаммен Үкімет басшысы және оның орынбасарлары қазір аймақтарда жүр. Олар жағдай тұрақталғанша барлық жұмысты үйлестіреді, елмен бірге болады, — деді Қасым-Жомарт Тоқаев.</blockquote>Мемлекет басшысы табиғи апаттан зардап шеккен аймақтардағы азық-түлік қауіпсіздігі мәселесін айрықша бақылауда ұстау және бағаның өсуіне жол бермеу қажет екеніне тағы да назар аударды.&nbsp; Сондай-ақ азаматтар үшін әуе және темір жол көліктеріне билеттің қымбаттауына жол беруге болмайтынын ескертті.<blockquote>— Үкімет пен әкімдіктер зардап шеккен адамдарды орналастыру, оларға қажетті көмек беру мәселелерін тез арада шешуге тиіс. Қазір бұл жұмыстар атқарылып жатыр. Эвакуациялық пункттердегі жағдайды тұрақты бақылауда ұстау керек. Жоғалған құжаттарды қалпына келтіру, құқықтық және психологиялық көмек көрсету пункттерін жедел ұйымдастыру қажет. Айтпақшы, жоғалған құжаттар да проблема болады. Адамдар үйлерін асығыс тастап кетті. Құжаттарын қалпына келтіруге көмектесу керек. Жағдай өте күрделі аудандарда қоғамдық штабтар орналастырылып, түсіндіру жұмыстары жүргізілсін, — деді Президент.</blockquote> Жиын барысында Денсаулық сақтау министрлігіне Ауыл шаруашылығы министрлігімен бірге еліміздегі санитариялық-эпидемиологиялық және эпизоотиялық жағдайға бақылауды күшейтіп, тәулік бойы мониторинг жүргізу, сондай-ақ көппәтерлі үйлерге, әлеуметтік және басқа да нысандарға дезинфекция жасау жөнінде тапсырма берілді.Су тасқынына байланысты жұқпалы аурулардың таралып жатқаны және эпидемиологиялық жағдайдың нашарлағаны туралы әлеуметтік желілерде жарияланған ақпарат расталмады.Өнеркәсіп және құрылыс министрлігіне тұрғын үйлерді, әлеуметтік инфрақұрылымды, коммуналдық шаруашылық нысандарын қайта қалпына келтіру жұмыстарын үйлестіру үшін жедел топ жасақтау жөнінде тапсырма берілді.&nbsp;<blockquote>— Су басқан өңірлердің әкімдері қажетті қаржыландыру туралы есепті жедел штабқа тез арада беруі керек. Сондай-ақ аумақты қоқыстан, қираған үйлер мен құрылыстардың үйінділерінен тазартқан жөн. Зардап шеккен өңірлерге Ауыл шаруашылығы, Көлік, Денсаулық сақтау, Су ресурстары, Төтенше жағдайлар, Экология, Ғылым және жоғары білім вице-министрлерін жіберу қажет. Айтпақшы, су тасқынына ұшырамаған өңірлерде менің тапсырмаммен «Таза Қазақстан» науқаны басталды. Мен әкімдердің бәріне бұл бірреттік науқан емес екенін ескерттім. Басқаша айтқанда, сенбілікке шығып, жұмыс істеген сыңай танытып, көзбояушылық жасауға болмайды. Көршілес елдердегі секілді бізге де Қазақстанды көгалдандыру, өңірлер мен қалалардың аумақтарын тазарту жұмыстарын үнемі жүргізу керек, — деді Қасым-Жомарт Тоқаев.</blockquote>Мемлекет басшысы азаматтар үшін тұрғын үйлерді қалпына келтіру жұмыстарына нақты уақыт режимінде мониторинг жүргізу жөнінде тапсырма берді. Сондай-ақ жыл соңына дейін су тасқынына қарсы шараларды басқарудың ұзақмерзімді стратегиясын анықтап, тиісті бағдарламалық құжаттарды қабылдау міндетін жүктеді.Жиын барысында Премьер-Министр Олжас Бектенов, Төтенше жағдайлар министрі Шыңғыс Әрінов, Өнеркәсіп және құрылыс министрі Қанат Шарлапаев, Денсаулық сақтау министрі Ақмарал Әлназарова, Ауыл шаруашылығы министрі Айдарбек Сапаров, Атырау облысының әкімі Серік Шәпкенов, Ақтөбе облысының әкімі Асхат Шахаров, Батыс Қазақстан облысының әкімі Нариман Төреғалиев, Қостанай облысының әкімі Құмар Ақсақалов, Солтүстік Қазақстан облысының әкімі Ғауез Нұрмұхамбетов, Шығыс Қазақстан облысының әкімі Ермек Көшербаев, Маңғыстау облысының әкімі Нұрлан Ноғаев баяндама жасады.

Президент: Таза Қазақстан — көзбояушылық жасайтын сенбілік емес

Танымал продюсер, актриса Баян Алагөзова отбасындағы зорлық-зомбылыққа ұшыраған әйелдерге арнап оңалту орталығын ашты. Бұл туралы Stan.kz ақпарат агенттігі хабарлайды.Продюсердің айтуынша, бүгінде орталық жұмысын бастап, ана мен баланы қабылдап жатқан көрінеді.<blockquote>“Сонымен, көптен күткен дағдарыс орталығымыз жұмысын бастады. Бұл жерге тұрмыста түрлі қиындық көрген әйелдер мен балалар келеді. Жұбайым екеуіміз ұзақ жылдан бері осындай орталық ашуды ойлап жүрген едік. Осы жоба бойынша түрлі сұрақтар келіп жатыр. Бәріне жауап беруге тырысамын. “Мама Клара” орталығы тікелей жолдасымның демеушілігімен ашылды. Жылына орталыққа 200 миллион теңге аударып тұрады. Оның ішіне, салықтан бастап, коммуналдық шығынға дейін кіреді. Орталыққа келетін әйелдерге тегін қызмет көрсетіледі. “Әйелдер қанша төлейді?” деген күлкілі сұрақ қоймаңыздар. Ғимарат 1000 шаршы метрді алып жатыр. Қазақстандағы ең үлкен орталық деп ойлаймын. Келушілердің жайлылығын ойлап, бәрін ойдағыдай жасадық. Әр бөлме жарық әрі жылы. Болашақта тағы екі қаладан ашуды жоспарлап қойдым. Шымкент пен Астанадан ашқым келеді. Ендеше, орталықтың көрсетілген нөмеріне хабарласып, кез келген уақытта келе беріңіздер!”, – деп жазды продюсер.</blockquote>Фото: Видеодан кадр

"Жылына 200 миллион теңге береді": Баян Мақсатқызы оңалту орталығын кім қаржыландыратынын жариялады

Kyzylorda-news.kz. Жексенбі күні ҚР Премьер-министрі Олжас Бектеновтің төрағалығымен Су тасқынына қарсы шараларды үйлестіру және қарғын су жүру кезеңінің салдарын жою жөніндегі республикалық штабтың отырысы өтті.Үкімет басшысы құзырлы мемлекеттік органдарға және облыс әкімдеріне су тасқынынан зардап шеккендерге барлық тиісті көмек көрсету қажеттігін ескертті.Штаб отырысынан кейінгі мәжілісте облыс әкімі Нұрлыбек Нәлібаев су тасқынының алдын алу шараларын қатаң бақылауда ұстап, еліміздің зардап шеккен өңірлеріне көмек көрсету жұмыстарын ұйымдастыруды тапсырды. «Су тасқыны еліміздегі ең өзекті мәселеге айналды. Республиканың бірқатар өңірлерінде табиғи апат болып, өзге де облыстарды су алу қаупі туындауда. Қазір аймақта алдын алу шаралары қабылданған. Өңірлік штаб құрылып, су басу қаупі бар 29 аймаққа 364 арнайы техника мен 1 102 адам күші бар 116 жауапты мекеме бекітілді. Қазір 7 су қоймасының 6-уы қарғын су алуда, 100 пайыз толғандықтан, транзиттік режимде жұмыс жасауда. Облыстық табиғи ресурстар және табиғат пайдалануды реттеу басқармасы, су қоймаларындағы су деңгейін қадағалау үшін тұрақты түрде кезекшілік ұйымдастырып, жағдайды бақылауда ұстаңыздар», – деді аймақ басшысы.Айта кетейік, қазір Қостанай, Ақтөбе облыстарында Қызылорда облысынан барған 66 құтқарушы және 9 арнайы техника, 4 қайық, 20 мотопомпа жұмыс жасауда. Еріктілер барлық аудандар мен Қызылорда қаласынан 112 тонна гуманитарлық көмек (азық-түлік, көрпе-төсек, гигиеналық құралдар, дәрі-дәрмек, құрылыс заттары) жинап, Ақтөбе қаласы мен Қобда ауданына 25 жүк көлігімен жөнелтті. Оған қоса 2,5 млн.теңге қаржы Ақтөбе облысында ашылған есепшоттарға аударылды. Тасқыннан зардап шеккен басқа өңірлерге де гуманитарлық көмек көрсету үшін «Жастар орталықтары» жанынан, сауда үйлері мен базарлардан пункттер ашылған. Бұл бастаманы Сыр өңірінің жанашыр азаматтары мен еріктілер қолдап, өз үлестерін қосуда. Мұнан бөлек, мәжілісте 6 сәуір – 11 мамыр аралығында көгалдандыру және санитарлық тазалыққа бағытталған «Таза Қазақстан» акциясын жоғары деңгейде өткізу туралы жауапты тұлғаларға тапсырма берілді. Акцияның әр аптасына белгілі бір тақырыптық атау қойылған. Мәселен, 6 –13 сәуір аралығындағы «Таза өлке» аптасында тұрғындар, қоғам белсенділері, мекемелер мен кәсіпорындар өз аумақтарына тазалық жұмыстарын жүргізеді. «Киелі мекен» деп аталатын екінші аптада тарихи-мәдени ескерткіштер аумағын абаттандыру, тазалығын қамтамасыз ету жұмыстары ұйымдастырылады. Ал, «Жасыл аймақ» аптасында тал егіліп, ағаштар әктелмек. «Өнегелі ұрпақ» аптасындағы шаралар қала және аудандардағы ардагерлердің ауласын, «Қарттар үйлерінің» аумағын тазалауға, абаттандыруға бағытталады. &nbsp;«Мөлдір бұлақ» аптасында өзен-сулардың аумағы қоқыстан тазартылады.Жиында халықты су басқан аймақтарда атқарылған жұмыстар туралы кеңінен ақпараттандыру және апат болған өңір тұрғындарына көмек көрсету мәселелері талқыланды. Облыстық ауыл шаруашылығы және жер қатынастары басқармасына Қызылорда қаласы және аудан әкімдіктерімен бірлесіп, әлеуметтік маңызы бар азық-түлік тауарлары бағасының тұрақтылығын ұдайы бақылауда ұстау тапсырылды.Еске салсақ, күні кеше су тасқыны салдарынан қалыптасқан ауыр жағдайға байланысты Мемлекет басшысы Қасым-Жомарт Кемелұлы Үндеу жариялады. Үндеуде айтылған тапсырмалардың орындалуын қамтамасыз ету үшін Президент Әкімшілігі Басшысының бұйрығы бекітілді.<img src="https://knadmin.beoblood.kz/uploads/FB_IMG_1712486754119_eb8f394923.jpg" alt="FB_IMG_1712486754119.jpg"><img src="https://knadmin.beoblood.kz/uploads/FB_IMG_1712486751709_56647bf20f.jpg" alt="FB_IMG_1712486751709.jpg">

Аймақ басшысы су тасқынынан зардап  шеккен өңірлерге көмек көрсету жұмыстарын ұйымдастыруды тапсырды

Әншінің пікірінше су тасқынының себебі - халықтың пейілінің тарлығы екен.Эстрада жұлдызы, композитор Жұбаныш Жексенұлы еліміздегі боп жатқан су тасқынына халықты кінәлады, жеп жазады KYN.KZ тілшісі.<blockquote>&nbsp;«Соңғы кездердегі елімізде болып жатқан ауыр жағдайға байланысты менің ойым, мысалы, қаншама елді су алып, қаншама отбасы үйсіз қалды. Одан да басқа жағдайлар болып жатыр, мысалы. Соның бәрі бір-біріміздің көңілімізді қалдырғаннан, ренжіткеннен, пейілдің тарылғанынан, пиғылдың жаман болғанынан деп ойлаймын. Солай деп естігем негізі. Адамның ниет-пейілі бұзылса, осындай табиғи апаттарға әкеп соғады. Сондықтан біз тезірек ниет-пиғылымызды түзеп, мінезімізді өзгертіп, сөзімізді, ойымызды, көзқарасымызды өзгертіп, іс-әрекетімізді дұрыстап, жайбарақат, музыка тыңдап отыратындай, аспанымызда ән қалықтайтындай жағдайға жетсек екен дейміз. Құдай бізге сабыр берсін, аман болайық», – деп жазды әнші İnstagram-парақшасына.</blockquote>

Жұбаныш Жексенұлы су тасқынына халықты кінәлады

Қырғызстандағы Бішкек қаласының іргесінде ер адам 34 жастағы азаматтық некедегі әйелін баласының көзінше өлтірген.Марқұмның жақындарының сөзінше, күдікті полиция өзі берілген. Ал Рахиманың үш баласы жетім қалды дейді. Бұл туралы Stan.kz ақпарат агенттігі "Настоящее время" басылымына сілтеме жасап хабарлайды.Рахиманың анасы қызын өлтірген ер адамның оның екінші күйеуі екенін айтады. Бірінші некесінен Рахиманың екі ұлы бар екен. Ал қызын сал ауруымен дүниеге келген ұлы көз жұмған соң асырап алған. Азаматтық некедегі күйеуі Рахиманы бұған дейін де ұрып келген, дейді марқұмның жақындары.<blockquote>"Ұлдары сал ауруымен дүниеге келіп, кейін көз жұмды. Сол кезде Рахимаға бала күтімі бойынша көмектескен едім. Күйеуі ұрған кезде мен куәгер болдым, есінен танғанша басынан қазанмен ұрды. Содан кейін екеуі татуласты, бірақ барлығына ажырасатынын айтып жүрген. Енді өтпейтін пышақпен 27 рет пышақтады дейді. Сол кезде қызын қолына ұстап тұрған. Балалары көрші бөлмеде отырыпты. Асқан жауыздықпен өлтірген, мұндайларды өлім жазасына кесу керек", – дейді әйелдің туысы Бурмагүл Жамакеева.</blockquote>Көршілерінің айтуынша, ер адам полицияға өзі берілген. Сондай-ақ Рахиманы көзіне шөп салғаны үшін өлтіргенін айтыпты. Ішкі істер министрлігі көп ұзамай күдіктінің ұсталғанын, "Асқан қатігездікпен кісі өлтіру" бабы бойынша іс қозғалғанын мәлімдеді.<blockquote>"Әйелдерді қорғайтын кезде заң жұмыс істемейді. Рахима бірнеше рет милицияға арыз жазды, ұрып-соғатынын айтып, шағым түсірген. Бірақ ол жердегілер отбасылық іске араласпайтынын айтыпты. Өзі де бұл туралы бірнеше рет айтты. Әйелді өлтірген соң ғана полиция шара қабылдайды. Қанішерді қатаң жазалауды талап етеміз", – деді Рахиманың әпкесі Миргүл Былжиева.</blockquote>Марқұмның анасы қызының екі ай бұрын күйеуімен ажырасқысы келгенін айтады. Бірақ ер адам әйелін қайтарып алу үшін барлығын істеген, тіпті жақындарынан көмектесуді сұрапты.<blockquote>"Жарқырап жүретін. Әрі қарай не істейін? Қалай өмір сүремін? Әрі кетсе 10 жыл отырып, бостандыққа шығады. Ал қызымды кім қайтарып береді? Сол күні күйеуі маған келіп өзгергенін, 5 уақыт намаз оқып, ораза ұстайтынын айтты. Жылап кешірім сұрап, қызымен татуластыруды сұрады. Мұнда менің де кінәм бар. Не үшін істедім? Оны аяп едім, енді қызымнан айырылдым. Біздің балаларымызды өлтіруді қашан қояды? Әйелдердің құқығын қашан қорғайды", – деді Салқынай Құрманова.</blockquote>Фото: Настоящее время

Азаматтық некедегі күйеуі әйелін асқан қатігездікпен өлтірді

Kyzylorda-news.kz. Атырау облысында су басқан үйді тексеруге кеткен екі ер адам өлі табылды, - деп хабарлайды Massaget.kz.<blockquote>"Бүгін, 7 сәуірде түнгі сағат 11 шамасында Атырау облысының ТЖД күштері тыныс алу белгілері жоқ екі ер адамның денесін тапты", - деп хабарлады Төтенше жағдайлар министрлігі. Еске салайық, биылғы 6 сәуірде Жылыой ауданы Құлсары қаласында 1974 жылы туған ер адам және оның досы тиісті рұқсатсыз тракторды өз бетінше жүргізіп, су басқан үйді тексеруге кеткен және олар жол шетіне аударылып қалған. Іздестіру жұмыстарына барлығы үш жеке құрам мен бір қайық жұмылдырылды.</blockquote>ТЖМ азаматтарды су тасқыны кезеңінде аса сақ болуға және қауіпсіздік шараларын қатаң сақтауға, тиісті рұқсатсыз үйлері мен эвакуациялау пункттерінен шықпауға шақырады.

Құлсарыдағы су тасқыны: ТЖМ екі адамның қазасы туралы хабарлады

Kyzylorda-news.kz. Бүгін "Тағзым" алаңында Тәжік-Ауған шекарасында ерлікпен қаза тапқан жауынгерлерді құрметпен еске алу шарасы өтті.Шарада қалалық мәслихат төрағасы Ибадулла Құттықожаев ардагерлерге ізгі лебізін білдіріп, амандық, дендеріне саулық тіледі.<blockquote>- Бүгін біздер ұрыс-соғыс оқиғасында қаза болған ағаларымыздың рухына бас иіп, тағзым етеміз. Қазақ қашанда «Ер – елдің қорғаны» деп, ер-азаматтың қоғам алдында биік бағасын асырып, мерейін тасыта білген халық. Сондықтан, азаматтық пен батырлықтың биік үлгісін көрсеткен сарбаздар ерлігі қашанда ел есінде, - деді Ибадулла Дүйсенбайұлы.</blockquote>Тағылымды шарада Тәжік-Ауған шекарасында қаза болған жауынгерлерді бір минут үнсіздікпен еске алып, гүл шоқтары қойылды. Ерлікпен қаза тапқан жерлестеріміздің рухына құран бағышталды. &nbsp;Шара соңында ардагерлер тал егіп, игі іске жұмыла кірісті.Айта кету керек, жыл сайын елімізде 7 сәуір Тәжік-Ауған жеріндегі бітімгершілік операциясында қаза тапқан жауынгерлерді еске алу күні ретінде аталып өтіледі. 8 жылға созылған әскери қақтығысқа сегіз жарым мың қазақстандық қатысса, оның 46-сы ажал құшты. Майдан даласында 100-ге жуық сарбаз жараланып, бірқатары мүгедек болып елге оралды. Сыр өңірінен 400-ге жуық жерлесіміз аттанып, Отан алдындағы борышын адал атқарды. Отанға қажет кезде жауынгерлік саптан табылған батырларымыздың өмірі бүгінгі өскелең ұрпаққа үлгі-өнеге.<img src="https://knadmin.beoblood.kz/uploads/FB_IMG_1712475459914_b5fad9d852.jpg" alt="FB_IMG_1712475459914.jpg"><img src="https://knadmin.beoblood.kz/uploads/FB_IMG_1712475470945_247e301144.jpg" alt="FB_IMG_1712475470945.jpg">

Тәжік-Ауған шекарасында ерлікпен қаза тапқан жауынгерлерді еске алу іс-шарасы өтті

Ұлы Жем өзені арнасын бұру үшін жасанды бөгеттерді жару жұмыстары қолға алынды. Бұл туралы Атырау облысы әкімдігінің баспасөз қызметі хабарлады.Қазіргі уақытта Ұлы Жем өзені елді мекенге қауіп төндірмес үшін, қарғын судың деңгейін түсіру өте өзекті мәселе болып отыр. Осы ретте Жемнің бойында орналасқан жасанды бөгеттерді жару арқылы судың арнасын бұру жұмыстары басталды, — делінген хабарлады.Атырау облысы әкімінің орынбасары Қайрат Нұртаев жауапты мамандармен бірге жүріп жатқан жұмыстарға аэровизуалды тексеру жүргізді.<blockquote> — Жылыойға төнген қауіпті сейілту мақсатында Жем өзенінің сағаларын ашып жатырмыз. Бұл маңда кезінде көптеген жеке шаруа қожалықтар суды жинап алу мақсатында ағыс көзін бітеп, жасанды бөгеттер тұрғызған. Бұл қалаға келген судың ағыспен ағып кетуіне үлкен кедергі болып отыр. Соған байланысты бітелген арналардың көзін бөгеттерді жару арқылы ашып жатырмыз. Оны тротилмен жарып, өзен кедергісіз ағып жатыр, — деді Қ.Нұртаев.</blockquote>

Қазақстан және Қызылорда облысының жаңалықтары: Басты жаңалықтар old