<a href="https://kyzylorda-news.kz/">Kyzylorda-news.kz</a>&nbsp; Мемлекет басшысы Қасым-Жомарт Тоқаев озық агроэкономикаға көшу үшін Үкіметтің нақты жоспарын әзірлеуді <a href="https://kaz.inform.kz/news/auil-sharuashiligin-aukimdi-koldau-elmzde-burin-sondi-bolmagan-tokaev-46b64f/">тапсырды</a>.<blockquote>- Ауыл шаруашылығын жаңа деңгейге көтеру қажет. Бұл салаға тың серпін беру үшін мемлекет соңғы жылдары реформа жүргізіп жатыр. Қомақты қаражат бөлініп жатыр, биыл шаруаларды қолдауға бір триллион теңге жұмсалды. Қажетті несиелер уақытында берілді. Мұндай ауқымды қолдау елімізде бұрын-соңды болмаған. Бірақ, агроөнеркәсіптің орасан зор әлеуетін толық ашуға бұл шаралардың әзірге жеткіліксіз екені анық. Мәселе – қаражаттың көлемінде емес, ең бастысы, оны тиімді пайдалану қажет. Озық агроэкономикаға көшу үшін Үкіметтің нақты жоспары болуы керек, - деді Қасым-Жомарт Тоқаев Қазақстан халқына Жолдауында.</blockquote>Мемлекет басшысы мәлімдегендей, қазір ауыл шаруашылығы өнімдерін терең өңдейтін бірқатар ірі жоба жүзеге асырылып жатыр.<blockquote>- Оған отандық және шетелдік инвесторлар қатысып жатыр. Инвестицияның жалпы көлемі 2 миллиард доллардан асады. Үш мыңнан астам жұмыс орны ашылады. Өнімдер әлемнің көптеген еліне тасымалданады. Мұндай жобалардың ауқымын кеңейту қажет. Әр аймақта дайын өнімді өндірістен дүкен сөресіне дейін жеткізетін әрбір өңірдің ерекшелігіне қарай біртұтас желі қалыптасуы керек. Көптеген аймақта өндірістің барлық сатысын қамтитын үздік агрокәсіпорындар бар. Оларды жұртшылық жақсы біледі. Бұл кәсіпорындар цифрландыру тәсілдерін жаппай енгізу арқылы өндірістің тиімділігін әлдеқайда арттырып жатыр. Үздік агрокәсіпорындар ауыл шаруашылығы өнімін шығарудан бастап оны терең өңдеуге дейін тұтас өндірісті толығымен жолға қойып, зор табысқа жетіп отыр. Сондықтан осындай агрохолдингтердің тәжірибесін тарату үшін барынша жағдай жасаған жөн, - деп нақтылады Президент.</blockquote>Сондай-ақ Қасым-Жомарт Тоқаев бұл тапсырма құзырлы министрліктің және қоғамдық ұйымдардың міндеті екенін еске салды.Президенттің айтуынша, аталған қадам инновация мен ғылыми жаңалықтарды ауыл шаруашылығында кеңінен қолдануға мүмкіндік береді.Фото: freepik.com

Ауыл шаруашылығын ауқымды қолдау елімізде бұрын-соңды болмаған – Тоқаев 

<a href="https://kyzylorda-news.kz/">Kyzylorda-news.kz</a> «Ауыл шаруашылығын жаңа деңгейге көтеру қажет. Бұл салаға тың серпін беру үшін мемлекет соңғы жылдары реформа жүргізіп жатыр. Қомақты қаражат бөлінуде, биыл шаруаларды қолдауға бір триллион теңге жұмсалды. Қажетті несиелер уақытында берілді. Мұндай ауқымды қолдау елімізде бұрын-соңды болмаған.Бірақ, агроөнеркәсіптің орасан зор әлеуетін толық ашуға бұл шаралардың әзірге жеткіліксіз екені анық. Мәселе – қаражаттың көлемінде емес, ең бастысы, оны тиімді пайдалану қажет. Озық агроэкономикаға көшу үшін Үкіметтің нақты жоспары болуы керек.Қазір ауыл шаруашылығы өнімдерін терең өңдейтін бірқатар ірі жоба жүзеге асырылып жатыр. Оған отандық және шетелдік инвесторлар қатысуда. Инвестицияның жалпы көлемі 2 миллиард доллардан асады. Үш мыңнан астам жұмыс орны ашылады. Өнімдер әлемнің көптеген еліне тасымалданады. Мұндай жобалардың ауқымын кеңейту қажет. Әр аймақта дайын өнімді өндірістен дүкен сөресіне дейін жеткізетін әрбір өңірдің ерекшелігіне қарай біртұтас желі қалыптасуы керек.Көптеген аймақта өндірістің барлық сатысын қамтитын үздік агрокәсіпорындар бар. Оларды жұртшылық жақсы біледі. Бұл кәсіпорындар цифрландыру тәсілдерін жаппай енгізу арқылы өндірістің тиімділігін әлдеқайда арттыруда.Үздік агрокәсіпорындар ауыл шаруашылығы өнімін шығарудан бастап оны терең өңдеуге дейін тұтас өндірісті толығымен жолға қойып, зор табысқа жетіп отыр. Сондықтан осындай агрохолдингтердің тәжірибесін тарату үшін барынша жағдай жасаған жөн.Бұл – құзырлы министрліктің және қоғамдық ұйымдардың міндеті. Мұндай қадам инновациялар мен ғылыми жаңалықтарды ауыл шаруашылығында кеңінен қолдануға мүмкіндік береді».Фото: Ақорда

Ауыл шаруашылығы жері енді электронды конкурс арқылы беріледі

<a href="https://kyzylorda-news.kz/">Kyzylorda-news.kz</a> «AMANAT» партиясы мал шаруашылығын дамыту, оның ішінде мал басын көбейту мен асылдандыру мәселесін тұрақты назарда ұстап келеді. Жыл басынан бері асыл тұқымды мал бағумен айналысып жатқан бірқатар шаруа қожалықтарға мониторинг жүргізіліп, малшылардың ұсыныс-пікірі тыңдалды. Жүйелі жұмыс бүгін жалғасын тауып, Партиялық бақылау комиссиясының мүшелері мал басын көбейту мен асылдандыру бойынша «Қарақоныс» шаруа қожалығында болды.«AMANAT» партиясы Сырдария аудандық филиалының Атқарушы хатшысы, аудандық мәслихаттағы депутаттық фракция жетекшісі Ақтөре Ибрагимұлы «Қарақоныс» шаруа қожалығында болып, шаруа қожалық иелерімен, малшылармен және сауыншылармен кездесті. Партиялық бақылау іс-шарасына аудандық мәслихат депутаты, фракция мүшесі Болатбек Ұлтанбекұлы, аудандық ауылшаруашылығы және жер қатынастары бөлімінің маманы Айбек Қозыбаев қатысты.<blockquote>– Биыл «Кеңдала», «Агробизнес», бағдарламалары бойынша «Аграрлық несие корпорациясы» АҚ-ы, «Сырдария-1» кредиттік серіктестіктері арқылы 15 шаруашылық құрылымдары егін және мал шаруашылығын дамытуға 3,5 млрд. теңге несие алғанын білеміз. Солтүстік Қазақстан облысының агроөнеркәсіптік кешен саласындағы тәжірибесін алмасу бағдарламасы бойынша ауданда қуаттылығы 400 бастан бастап тауарлы сүт фермасын ашу жұмыстары қолға алынды. Жобаның бастапқы құны шамамен – 3,7 млрд теңге. Бұл жұмыстарға облыс әкімі Нұрлыбек Машбекұлы ерекше қолдау білдіруде. Бұл қолдау – шаруаларға үлкен көмек. Сонымен қатар аудан әкімі Берік Әбдіғаппарұлының тапсырмасымен мал шаруашылығы саласын дамытуда кешенді жұмыстар атқарылуда. Әр бастамаға «AMANAT» партиясы қолдау білдіріп, атсалысуда. Біздің сайлауалды бағдарламадағы басым бағыттардың бірі – мал шаруашылығын дамыту, оның ішінде мал басын көбейту мен асылдандыру мәселесін тұрақты назарда ұстау, – деді Ақтөре Ибрагимұлы.</blockquote>«Қарақоныс» шаруа қожалығында бүгінде 200-ге жуық асыл тұқымды мүйізді ірі қара бар. Шаруа қожалығының жұмысшылары сиыр сүтін қала орталығы мен аудандағы дүкендерге сатуда. Сонымен қатар мал бордақылау жұмыстары да атқарылуда. Ата кәсіпті берекенің көзі деп тапқан «Қарақоныс» шаруа қожалығының басшысы Ерсін Қарақонысов мемлекеттік қолдаудың шарапаты жөнінде айтты. Сонымен қатар «AMANAT» партиясы осынған кәсіпкерлікті дамыту жобаларының тиімділігін жоғары бағалады.Өз кезегінде ауылшаруашылығы және жер қатынастары бөлімінің маманы Айбек Қозыбаев былтырғы жылдың тиісті айымен салыстырғанда мүйізді ірі қара 28,2 пайызға (38819 бас), жылқы 100,0 пайызға (28662 басқа), құс 3,6 пайызға (13419 басқа) өсіп, түйе 100,0 пайызға (1716 басқа) артқанын айтып өтті. Сондай-ақ ет өндірісі 3,3 % (1575,3 тонна), сүт өндірісі 1,5 % (1293,0 тонна) көбейген. Ауданда жалпы 128 шаруашылық құрылымдары мал шаруашылығымен айналысып келеді. Оның ішінде 11 шаруашылық асыл тұқымды мал шаруашылығымен айналысуда. Асыл тұқымды 1000 бас мүйізді ірі қара, 4749 бас қой малы бар.Фото: «AMANAT» партиясы

Мал басын көбейту мен асылдандыру мәселесі – партия назарында

<a href="https://kyzylorda-news.kz/">Kyzylorda-news.kz</a>&nbsp; Бүгін облыс әкімі Нұрлыбек Нәлібаев, ҚР Су ресурстары және ирригация министрі Нұржан Нұржігітовтің қатысуымен Жалағаш ауданы Мақпалкөл ауылында «Дала күні – 2025» күрішке алғашқы орақ салу рәсімі өтті. Оған департамент, басқарма, инспекция басшылары, аудан әкімдері, облыстың зиялы қауымы мен шаруа қожалықтарының жетекшілері қатысты.Облыс әкімі еңбеккерлерді егінге орақ түсуімен құттықтап, атқарылған жұмыстарды атап өтті.<blockquote>«Бұл – диқандардың еккен бір дәні мың дән болатын, халықтың ризық- несібесін қамбасына құятын жауапты да салтанатты шағы.Биыл облыс бойынша 186 600 гектарға ауыл шаруашылығы дақылдары егіліп, оның ішінде күріш көлемі 80 900 гектар болды. Соңғы жылдардағы су тапшылығының кері әсерін Сыр диқандары қатты сезініп келеді. Осы жылы вегетациялық кезең өте күрделі жағдайда өтті.Мемлекет басшысы Қасым-Жомарт Кемелұлы мен Үкімет басшысы Олжас Абайұлының, Үкімет мүшелерінің бастамасымен Сырдария өзенінің жоғарғы ағысындағы мемлекеттермен дер кезінде келіссөздер жүргізіп, үлкен қолдау жасалды.Мемлекет басшысының тапсырмасына сәйкес Үкімет резервінен 53 жылжымалы-дизельді насос алуға 1 млрд. теңге бөлініп, насостардың алғашқы легі жеткізіліп, шаруалар игілігіне пайдаланды.Төтенше жағдайлар министрлігі еліміздің барлық өңірінен 139 қызметкерден құралған жеке құрамды, 25 дизельді қондырғыны көмекке жеткізіп, екі ай бойы су тапшылығы қалыптасқан аумақтарда уақытпен санаспай жұмыс атқарды.Аймағымызда арнайы жұмыс топтары құрылып, суды тиімді пайдалану мақсатында егістікті кезектесіп суару мен қашыртқыдағы суды екінші рет пайдалануды жолға қойдық. Осындай қиындықтарға қарамастан, күріш көлемін барынша шығынсыз сақтауға қол жеткіздік. Дер кезінде қабылданған батыл шешімдер мен жүргізілген келіссөздердің арқасында егіс алқаптары сумен қамтамасыз етілді.Осы сәтте, Президентімізге, Үкімет басшысына, құрметті Нұржан Молдиярұлы, Сізге және Сіз басқаратын ұжымға, Ауыл шаруашылығы, Төтенше жағдайлар министрліктеріне көрсетілген барлық қолдау үшін Сыр жұртшылығының атынан зор алғысымызды, шынайы ризашылығымызды білдіреміз.Құрметті егінші қауым, баршаңыздың еңбектеріңізге сәттілік тілеймін! Алдағы «Алтын дән» мерекесінде зор табыстармен кездесейік!», – деді Н.Нәлібаев.</blockquote>Мерекелік шарада Нұржан Нұржігітов диқандарды құттықтап, вегетациялық кезеңдегі күрделі жағдайға қарамастан жақсы жетістікке жеткеніне ризашылығын білдірді. Қызылорда облысының құрметті азаматы Бекмырза Еламанов бата берді.<img src="https://knadmin.beoblood.kz/uploads/1_Dala_k_ni_2025_k_rishke_al_ash_y_ora_salu_r_simi_tti_cae0daf27b.jpg" alt="1 Дала күні – 2025 күрішке алғашқы орақ салу рәсімі өтті.jpg">Басқосуда ала жаздай маңдайы күнге, табаны құмға күйген мәртебелі еңбек адамдары марапат төрінен көрінді. Атап айтсақ, бірқатар азаматқа Премьер-министрдің Алғыс хаты, Ауыл шаруашылығы министрлігінің «Ауыл шаруашылығы саласының үздігі» төсбелгісі, Құрмет грамотасы, министрдің Алғыс хаты, Су шаруашылығы және ирригация министрлігінің «Су шаруашылығы саласының ардагері» төсбелгісі, Құрмет грамотасы табысталды. Сонымен қатар, салтанатты шарада Қызылорда облысының Құрмет грамотасымен және облыс әкімінің Алғыс хатымен марапатталғандар да құрметке бөленді.<img src="https://knadmin.beoblood.kz/uploads/2_Dala_k_ni_2025_k_rishke_al_ash_y_ora_salu_r_simi_tti_938dfb15af.jpg" alt="2 Дала күні – 2025 күрішке алғашқы орақ салу рәсімі өтті.jpg">Жиында ауыл шаруашылығы техникаларының көрмесі ұйымдастырылып, ауылдың тыныс- тіршілігін бейнелейтін қойылымдар көрсетілді.Айта кетейік, Сырдария өзеніндегі су деңгейінің төмендеуіне байланысты Сыр өңірінің егін шаруашылығында әртараптандыру жұмыстары жанданып, су үнемдеу технологиялары кеңінен енгізілуде.Фото: Қызылорда облысы әкімінің баспасөз қызметі

«Дала күні – 2025»: күрішке алғашқы орақ салу рәсімі өтті

<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаевтың қатысуымен егін жинауға әзірлік, Ұлттық ауыл шаруашылығы санағын жүргізу мәселелері талқыланған жиналыс өтті. Оған облыстық басқарма басшылары, селекторлық режимде аудан әкімдері және жауапты мекеме басшылары қатысты.Облыс әкімі жауапты науқан алдында бірқатар тапсырма жүктеді.<blockquote>«Биыл өңіріміздегі вегетациялық кезең өте күрделі жағдайда өтті. Мемлекет басшымыздың, Үкіметтің қолдауымен көршілес мемлекеттермен нәтижелі келіссөздер жүргізіліп, вегетациялық кезеңді шығынсыз өткеруге бар жағдай жасалды.Президентіміздің тапсырмасына сәйкес Үкімет басшысы бастаған делегация өңірімізге арнайы жұмыс сапармен келіп, шаруалардың жағдайымен, егістің жай-күйімен танысты.Одан бөлек, Су ресурстары, Ауыл шаруашылығы министрлері бірнеше рет арнайы келіп, су тапшылығын болдырмау жолдарын жан-жақты пысықтады.Төтенше жағдайлар министрлігі еліміздің барлық өңірінен 139 қызметкерден құралған жеке құрам мен 25 насос қондырғысын жеткізіп, екі ай бойы шаруалар игілігі үшін қызмет жасады.Қолда бар мүмкіндіктерді тиімді пайдаланып, егінді ысырапсыз, мерзімінде жинауды қатаң бақылауға алыңыздар.Ауыл шаруашылығы – экономикамыздың негізгі салаларының бірі. Санақ жұмыстарының нақтылығы мен сапалы жүргізілуі біз үшін өте маңызды.Қала, аудан әкімдері санақ жүргізушілерге жан-жақты қолдау көрсетіп, статистика департаменті, ветеринария, ауыл шаруашылығы басқармаларымен бірлесіп, тиісті жұмыс жүргізіңіздер», – деді Н.Нәлібаев.</blockquote>Жиында жауапты департамент, басқарма басшылары Ұлттық ауыл шаруашылығы санағының өту барысы туралы баяндама жасады.Биыл облыс бойынша 189 600 гектарға ауыл шаруашылығы дақылдары, Үкімет бекіткен Жол картасына сәйкес 80 900 гектарға күріш егілді. Суды аз қажет ететін мал азықтық, майлы дақылдардың көлемі ұлғайтылуда. Күні ертең егінге алғашқы орақ түседі.Жиналыста тұрғын үйлерді пайдалануға беру, шағын өнеркәсіптік аймақтағы кәсіпорындардың іске қосылуын қамтамасыз ету, коммуналдық базарға кәсіпкерлерді орналастыруды тез арада аяқтау бойынша да тапсырмалар берілді.Фото: Қызылорда облысы әкімінің баспасөз қызметі

Жиын-терімге әзірлік және Ұлттық ауыл шаруашылығы санағын өткізу мәселелері талқыланды

2024 жылғы Жолдау: Президенттің ауыл шаруашылығы саласы бойынша тапсырмаларын жүзеге асыру

<a href="https://kyzylorda-news.kz/">Kyzylorda-news.kz</a> Ауыл шаруашылығы кәсіпорындары үшін онлайн-санақ кезеңі 20 қыркүйекке дейін ұзартылды. Барлық заңды тұлғалар, шаруа және фермер қожалықтары, сондай-ақ ауыл шаруашылығымен айналысатын жеке кәсіпкерлер санақтан sanaq.gov.kz сайтында өте алады.Бюроның тіркеліміне сәйкес, санақ 22 мың ірі кәсіпорынды және 271 мың шаруа, фермер қожалықтарын және жеке кәсіпкерлерді қамтуы тиіс. Тамыз айында онлайн-санаққа 574 мың респондент қатысты. Оның ішінде 245,7 мыңнан астамы – ауыл шаруашылығы құрылымдарының өкілдері, шамамен 328 мыңы – үй шаруашылықтары.<blockquote>«Онлайн-санақ кезеңі жақсы нәтиже көрсетті. Жедел деректер бойынша сайт арқылы сауалнамаға ауыл шаруашылығы құрылымдарының 84%-ы қатысты. Айта кету керек, жалпы тізімге ұзақ уақыт бойы белсенділігі жоқ, бірақ тіркеуде тұрған кәсіпорындар мен қожалықтар да енгізілген. Сондай-ақ байланыс деректері өзекті емес субъектілер бар. Бұдан бөлек, кейбір респонденттер жұмысбастылығына байланысты санақтан уақытында өте алмаған. Қосымша берілген 20 күн олардың осындай маңызды мемлекеттік науқаннан тыс қалмауына мүмкіндік береді», – деді Бюро басшысы Мақсат Тұрлыбаев.</blockquote>Еске сала кетейік, онлайн-санақ кезеңі 1 тамызда басталып, 31 тамызда аяқталуы тиіс болған. Интервьюерлердің үй шаруашылықтарын аралайтын екінші кезең 20 қыркүйектен 20 қазанға дейін болады.Ауыл шаруашылығы санағына қатысты барлық сұрақ бойынша 1446 байланыс орталығына сағат 9.00-ден 21.00-ге дейін қоңырау шалуға немесе санақ сайтында орналасқан Sanaq myrza чат-ботына жазуға болады.

Ауыл шаруашылығы кәсіпорындары үшін онлайн-санақ кезеңі ұзартылды

<a href="https://kyzylorda-news.kz/">Kyzylorda-news.kz</a> Өңірде эпизоотиялық тұрақтылықты сақтау мақсатында 2023 жылы 6973,5 мың доза, 2024 жылы 7468,5 мың доза ветеринариялық препарат бөлінді. Ал биыл аса қауіпті 13 түрлі жұқпалы ауруларға республикалық бюджет есебінен 6277,9 мың доза ветеринариялық препарат қаралып отыр. Бүгінгі таңда облысқа бөлінген 72,7 пайызы тасымалданып, аудандарға таратылған. Алдын-ала егу жұмыстары жоспарға сәйкес орындалуда. Бұл туралы облыстық ветеринария басқармасының басшысы Шахмардан Қойшыбаев мәлімдеді.<blockquote>– Облыс бойынша бұрын белгісіз болып келген жануарлар мен адамға ортақ 64 сібір жарасы ауруының 57 көміндісінің орны 2015-2016 жылдары нақтыланған еді. Нақтыланбаған 7 көміндінің орналасқан орны белгісіздігі туралы тиісті мекеме басшыларынан құралған арнайы комиссия «Қазақ ғылыми-зерттеу ветеринария институты» ЖШС-мен бірлесіп акт жасалып, ҚР Ауыл шаруашылығы министрлігіне ұсынылды. Осы көмінділер 2024 жылы облыстық бюджеттен бөлінген қаржы есебінен қайта қалпына келтірілді. Биыл облыстық бюджеттен бөлінген 315,3 млн. теңге 6 түрлі энзоотиялық ауруларға 799,4 мың доза препараттар толық алынды. Бекітілген жоспарға сәйкес толық егілуде. Аса қауіпті жұқпалы ауруларға қарсы зерттеуге алынған қан сынамалары мен патологиялық материалдар ветеринариялық зертханаларда зерттеледі. Оның ішінде жануарлар мен адамға ортақ жұқпалы бруцеллез ауруының алдын алу мақсатында биылғы жылы бекітілген жоспарға сәйкес жануарларға диагностикалық тексеру жұмыстары жүргізілді. Нәтижесінде 42 бас МІҚ, 28 бас уақ мал ауру болып анықталып, ветеринариялық-санитариялық талаптарға сәйкес уақытылы санитарлық сойылды. Қазіргі күні, облыс көлемінде аса қауіпті аурулар тіркелмей эпизоотиялық жағдай тұрақты сақталуда. Ауыл шаруашылығы жануарларын бірдейлендіру жұмыстары тұрақты түрде жүргізіліп, ақпараттық жүйеге енгізіліп отыр. Жыл басынан жоспарға сәйкес 330,0 мың бас бірдейлендіріліп, ақпараттық жүйеге енгізілді. 2025 жылдың 1 тамызына ақпараттық жүйеде 1560,2 мың бас ауыл шаруашылығы жануарлары тіркелді,- деді Шахмардан Сұлтанбекұлы.</blockquote>

Эпизоотиялық тұрақтылықты сақтау: Ветеринариялық шаралар жоспарға сәйкес жүзеге асуда

<a href="https://kyzylorda-news.kz/">Kyzylorda-news.kz</a> &nbsp;Облыс әкімі Нұрлыбек Нәлібаев ҚР Су ресурстары және ирригация министрі Нұржан Нұржігітовпен кездесті. Басқосуда өңірдегі су жағдайы мен алдағы жоспарлар сөз болды.Аймақ басшысы суға қатысты күрделі мәселені шешу жолында тиісті шаралар қабылданғанын айтып, атқарылған жұмыстарға тоқталды.<blockquote>«Өзіңізге белгілі, облысымыздың экономикалық-экологиялық жағдайы, халқының тыныс-тіршілігі Сырдария өзенінің деңгейіне тікелей байланысты.Соңғы жылдардағы су тапшылығының қиындығын Сыр диқандары ерекше сезінуде. Биыл өңірдегі вегетациялық кезең өте күрделі жағдайда өтуде. Егінге қажетті су көлеміне сұраныс ең жоғары деңгейіне жетті.Бүгінде алқаптарды сумен тұрақты қамтамасыз етуге бөлінген 3 млрд. 900 млн. текше метр су лимитінің облысқа 3 млрд. текше метрі каналдармен алынды (лимиттен 0,9 млрд. текше метрге кем).Вегетациялық кезеңді нәтижелі аяқтау үшін алдағы уақытта 0,9 млрд. текше метр су қажет», – деді Н.Нәлібаев.</blockquote>Биыл облыс бойынша 189 600 гектар жерге егін егілді. Ауыл шаруашылығы саласының жалпы өнімін екі есе арттыру жөніндегі Жол картасына сәйкес күрiш 80 900 гектарға себілген.Нұржан Нұржігітов су тапшылығына қатысты мәселені шешуде атқарылған жұмыстарға тоқталды. Суды тиімді пайдалану тәжірибесін қолданып, заманауи әдістерге көшудің маңызы туралы айтты.Су ресурстары және ирригация министрі Сыр өңіріне жұмыс сапары барысында Жаңақорған ауданы Көктөбе ауылындағы жаңадан қазылған каналға су тоспасы салынатын орынға барып, шаруашылықтардың күріш алқаптарының жай-күйімен танысты.Фото: Қызылорда облысы әкімінің баспасөз қызметі

Өңірдегі су жағдайы мен алдағы жоспарлар талқыланды

<a href="https://kyzylorda-news.kz/">Kyzylorda-news.kz</a> &nbsp;Бүгін Премьер-министрдің орынбасары Қанат Бозымбаев Қазалы ауданына жұмыс сапарымен барды. Облыс әкімі Нұрлыбек Нәлібаевпен бірге Қарашеңгел ауылындағы «РЗА» акционерлік қоғамының жұмысымен танысты.«РЗА» АҚ – 2000 жылы құрылған және су үнемдеу технологияларын енгізген алдыңғы қатарлы ауыл шаруашылығы кәсіпорыны. Негізгі бағыты – ауыл шаруашылығы өнімдерін өндіру және өңдеу. Биыл 4706 гектар жерге егін еккен. Оның 2238 гектары күріш, 419 гектары жүгері, 702 гектары жаңа жоңышқа және 1347 гектары ескі жоңышқа. Шаруашылықта 210 адам тұрақты жұмыспен қамтылған.Ауыл шаруашылығы техникалары да жеткілікті, паркінде 25 трактор, 15 комбайн, 2 шөп шапқыш, 3 тіркеме және 11 экскаватор-погрузчик бар. Климаттың өзгеруі мен су тапшылығына байланысты кәсіпорын 2021 жылдан бері су үнемдеу технологияларын енгізе бастады. Бұл мақсатта 600 миллион теңгеге арнайы жобаны жүзеге асырды. Германиядан дренажды құбырлар мен арнайы соқа сатып алып, Испаниядан әкелінген жаңбырлатып суару жабдығы орнатылды. Жаңа технологиялар суды тиімді пайдалануға, өнімділікті арттыруға, экологиялық тұрақтылыққа айтарлықтай оң ықпал етті.Аудандағы суармалы жер көлемі 31 024,3 гектар, оның 17 445 гектарына ауыл шаруашылығы дақылдары, атап айтқанда дәнді дақылдар 5 881 гектарға, майлы дақылдар 500 гектарға, малазықтық дақылдар 8 900 гектарға, картоп, көкөніс, бақша дақылдары 2 164 гектарға егілді. Күріш көлемі 5 636 гектар. Егін шаруашылығымен 9 шаруашылық айналысады, барлығы күріш егеді.Вегетациялық кезең басталғалы бері жоспардағы 295,03 млн текше метр судың 259,6 млн текше метрі, яғни 88 пайызы жеткізілген.Сапар барысында Қанат Бозымбаев «Басықара» гидроторабының жұмысын тексеріп, шаруашылық жетекшілерімен кездесуде халықаралық келісімдер туралы айтты.Вице-премьердің айтуынша, көрші мемлекеттермен жүргізілген келіссөздердің нәтижесінде вегетациялық кезеңді аяқтауға жеткілікті су көлемін алу жоспарланып отыр. Осы келісімдер аясында 15 тамызға дейін Өзбекстаннан секундына 200 текше метр, ал Қырғызстаннан 150 текше метр су жеткізіледі деп күтілуде.<img src="https://knadmin.beoblood.kz/uploads/Premer_ministrdi_orynbasary_azaly_audanynda_y_agrosektordy_zhaj_k_jimen_tanysty_5c74114a2a.jpg" alt="Премьер-министрдің орынбасары Қазалы ауданындағы агросектордың жай-күйімен танысты.jpg"><img src="https://knadmin.beoblood.kz/uploads/2_Premer_ministrdi_orynbasary_azaly_audanynda_y_agrosektordy_zhaj_k_jimen_tanysty_4e330ebe2c.jpg" alt="2 Премьер-министрдің орынбасары Қазалы ауданындағы агросектордың жай-күйімен танысты.jpg"><img src="https://knadmin.beoblood.kz/uploads/3_Premer_ministrdi_orynbasary_azaly_audanynda_y_agrosektordy_zhaj_k_jimen_tanysty_8f3f108ac1.jpg" alt="3 Премьер-министрдің орынбасары Қазалы ауданындағы агросектордың жай-күйімен танысты.jpg">Фото: Қызылорда облысы әкімінің баспасөз қызметі

Премьер-министрдің орынбасары Қазалы ауданындағы агросектордың жай-күйімен танысты

<a href="https://kyzylorda-news.kz/">Kyzylorda-news.kz</a> Су ресурстары және ирригация министрі Нұржан Нұржігітов Қызылорда облысының Жаңақорған және Шиелі аудандарындағы су шаруашылығы жағдайымен және вегетация кезеңі барысымен танысып, жергілікті диқандармен кездесті.Жаңақорған ауданының Сунақата ауылдық округінде министр күріш алқаптарының жай-күйімен және тамшылатып суару арқылы көкөніс өсіретін шаруа қожалықтарының жұмысымен танысты. Сондай-ақ Нұржан Нұржігітов жергілікті шаруаларға су үнемдеу технологияларын кеңінен енгізудің маңызы туралы айтып берді.<blockquote>«Қазіргі жағдайда су үнемдеу технологияларын енгізу - бұл қажеттілік. Министрлік тамшылатып және жаңбырлатып суару жүйелеріне көшу үшін барлық жағдайды жасап жатыр. Лазерлік тегістеу сияқты технологияларға ерекше назар аударылады, бұл әдіс суармалы суды 30%-ға дейін үнемдеуге мүмкіндік береді. Мысалы, лазерлік тегістеуіш сатып алуға субсидиялар егіс алқабы кемінде 200 га болатын шаруашылықтарға ғана төленетін талапты алып тастадық. Осындай жұмыс арқылы Қазақстанның ауыл шаруашылығында бұл технологияны 100% қолдануға қол жеткізгіміз келеді», – деді Су ресурстары және ирригация министрі Нұржан Нұржігітов.</blockquote>Былтыр 55 мың гектар күріш алқабын лазермен тегістеудің арқасында Қызылорда облысында 200 млн текше метр су үнемделді. Бұл алқаптардағы орташа өнімділік гектарына 40-55 центнерден 70-80 центнерге дейін өсті.Сондай-ақ Нұржан Нұржігітов Жаңақорған және Шиелі аудандарының шаруа қожалықтарын суармалы сумен қамтамасыз ететін каналдардағы су сорғыларының жұмысымен танысты.Қызылорда облысының егіс алқаптарына су беруді жақсарту үшін Су ресурстары және ирригация министрлігі мен Төтенше жағдайлар министрлігі ирригациялық каналдарда тасымалданатын сорғы қондырғыларын орнату жұмыстарын жүргізді. Барлығы 324 агрегат орнатылды.Сонымен бірге өңірде бес магистральдық және үш шаруашылықаралық каналдар бойынша кезектесіп су беру жүргізіліп жатыр. Қазіргі уақытта облыс бойынша барлық егіс алқабының 98%-ы кезекпен суарылуда.Вегетация кезеңі басталғалы бері «Қазсушардың» Қызылорда филиалы диқандармен суармалы су беру бойынша 1 015 келісімшарт жасасты. Бүгінде өңірде 120,2 мың гектар жер суарылды, ал су алу 2,766 млрд текше метрді құрайды.<img src="https://knadmin.beoblood.kz/uploads/selhoz_9121b25b90.jpg" alt="сельхоз.jpg">

Нұржан Нұржігітов Қызылорда облысының Жаңақорған және Шиелі аудандарындағы суару кезеңінің барысымен танысты

<a href="https://kyzylorda-news.kz/">Kyzylorda-news.kz</a> Жалағаш ауданының әкімі Ардақ Ибраимов ауылдық округтердегі егіс алқаптарын аралап, егінді сумен қамтамасыз ету жұмыстарының барысымен танысты.Жауапты сала жетекшілерімен, диқан қауымымен кездескен аудан әкімі өңірдегі су тапшылығын алдын алу мәселесін жан-жақты талқылады.Кездесуде сала басшылары су тапшылығын болдырмау мақсатында атқарылып жатқан жұмыстарды баяндап, алдағы міндеттерді атап өтті.Егіннің жай-күйін бақылаған аудан әкімі суды тиімді пайдалану бағытында нақты тапсырмалар берді.Су тапшылығына байланысты аудан әкімінің өкімімен арнайы штаб құрылды. Қазіргі таңда сумен қамтамасыз ету мәселесі қатаң бақылауға алынып, егінге қажетті су көлемі кезек тәртібімен берілуде.Аудан бойынша биыл 37 149 гектарға ауыл шаруашылығы дақылдары орналастырылды. Оның ішінде негізгі дақыл — күріштің көлемі 19 764 гектарды құрайды.Шаруашылықтар тарапынан егінді күтіп-баптауға қажетті 10 400 тонна минералдық тыңайтқыш пен 22 300 литр гербицид алынып, егінге уақытылы берілуде.Орналастырылған 19 587 гектар күріш дақылының 19 126 гектары «Жалағашсушар» өндірістік учаскесімен су жеткізіп беру қызметіне келісімшартқа отырған. Ал 461 гектар күріш дақылы қашыртқы суын қайта пайдалану арқылы насос қондырғыларымен суландырылуда.Бүгінгі күні аудан шаруашылық құрылымдары 29 дана насос қондырғысын қосып, егінді сумен қамтамасыз етуде.<img src="https://knadmin.beoblood.kz/uploads/Egin_al_aptary_2_6db58a2425.jpg" alt="Егін алқаптары 2.jpg">

Қазақстан және Қызылорда облысының жаңалықтары: Ауыл шаруашылығы