<a href="https://kyzylorda-news.kz/">Kyzylorda-news.kz</a> &nbsp;Астанада танымал сауда желісінің супермаркеттерінде картопты 5 келіден артық сатуға шектеу енгізілді. Бұл туралы <a href="https://stan.kz/news-412791/">Stan.kz</a> ақпарат агенттігі <a href="https://tengrinews.kz/kazakhstan_news/5-kilogramm-odni-ruki-ogranichenie-prodaju-kartofelya-vveli-560532/">Tengrinews.kz</a> порталына сілтеме жасап хабарлады.&nbsp;Елорданың&nbsp;супермаркеттерінің бірінде картопқа байланысты хабарландыру пайда бола бастаған. Онда бір адамға бірінші сортты картопты тек&nbsp;5 келіден артық сатылмайтыны көрсетілген.Астана әкімдігі мен сауда және интеграция министрлігі оқиғаға пікір білдірді.&nbsp;Елорданың инвестициялар және кәсіпкерлікті дамыту басқармасы қалада картоп тапшылығы жоқ екенін жеткізді.Өнім қаланың сауда желілері мен базарларының сөрелерінде жеткілікті көлемде ұсынылған екен.&nbsp;Ал ведомство оның қорлары уақытылы толықтырылып отыратынын жеткізді.<blockquote>"Small және Spar желілерінде&nbsp;өнімді көтерме бағада сатып алуды болдырмау үшін картопты сатуға уақытша шектеу енгізілді. Мұнда бір адамға 5 келіден артық сатылмайды", –&nbsp;деп жауап берді басқарма.</blockquote>Сондай-ақ сауда министрлігі елордада, жалпы Қазақстан бойынша картоп тапшылығы жоқ екенін растады.Фото: Нұрболат Нұржаубай

"5 келіден артық сатылмайды": Картоп сатуға шектеу енгізілді

<a href="https://kyzylorda-news.kz/">Kyzylorda-news.kz</a> Мемлекет тарапынан жыл сайын аграрлық саланы қолдауға лайықты көңіл бөлінуде. Осы мемлекеттік қолдаудың арқасында 2024 жылдың қорытындысымен ауыл шаруашылығы бойынша өсім көрсеткіші 2,3%-ға артса, ауыл шаруашылығының негізгі қорына салынған инвестиция көлемі 32,0%-ға тамақ өнімдерін өндірудегі негізгі капиталға салынған инвестиция 22,2%-ға артты. Салада атқарылған сан жұмыстың тінін облыстық ауыл шаруашылығы және жер қатынастары басқармасының басшысы Талғат Дүйсебаев тарқатып берді.<blockquote>- Егін шаруашылығы бойынша өткен жылы 189,4 мың гектарға ауыл шаруашылығы дақылдары егілді. Негізгі дақыл – күріштің көлемі 85,6 мың гектарды құрады. Мемлекет тарапынан көрсетілген қолдаудың арқасында өткен жылы диханшы қауымға су қажетті деңгейде жеткізілді. Шаруашылықтар егін жинау жұмыстарына қажетті ауыл шаруашылығы техникасы, жанар-жағармай және минералды тыңайтқыштармен толық қамтамасыз етілді.</blockquote>Нәтижесінде Сыр дихандары күріштен 500 мың тоннаға жуық өнім жинап, әр гектарынан 58 центнерден өнім алды.Биыл облыс бойынша барлығы 190,0 мың гектарға ауыл шаруашылығы дақылдарын орналастыру межеленуде. Ауыл шаруашылығы құрылымдары биылғы жылдың егісі үшін өткен жылдың күз айларында 4,3 мың гектар күздік бидай егуді және 50,4 мың гектар сүдігер айдауды қамтамасыз етті.<blockquote>Қазіргі таңда тұқым құю және оны тазалау, минералды тыңайтқыштар мен гербицидтерді сатып алу, ауыл шаруашылығы техникаларын дайындау жұмыстары жүргізілуде. Мемлекеттік қолдаудың нәтижесінде аймақта төрт түлік мал басы өсіп, өнім өндіру тұрақты ұлғаюда. Атап айтқанда, 2025 жылдың 1 қаңтарына 365,1 мың бас, 657,0 мың бас қой мен ешкі, 257,9 мың басжылқы, 60,7 мың бас түйе және 124,3 мың бас құс тіркелген. 2024 жыл қорытындысымен әлеуметтік маңызы бар азық-түлік тауарлары бағаларының өсу индексі 99,6% құрап республика бойынша баға индексі төмен 4 өңірдің қатарына енді,- деді Талғат Тұрсынұлы.</blockquote><img src="https://knadmin.beoblood.kz/uploads/auylsharuashyly_519062ee6e.jpg" alt="ауылшаруашылы.jpg">Фото: Нұрболат Нұржаубай

Биыл 190 мың гектарға егін егу жоспарланған

<a href="https://kyzylorda-news.kz/">Kyzylorda-news.kz</a> Өткен жылы облыс көлемінде эпизоотиялық тұрақтылықты сақтау мақсатында аса қауіпті ауруларға қарсы 7 468,5 мың доза ветеринариялық препарат салынып, алдын алу жұмыстары 100 пайызға орындалған. Ал, сібір жарасы ауруына қарсы 1 692,1 мың басқа алдын ала егу жұмыстары жүргізілген. Бұл туралы кеше Өңірлік коммуникациялар қызметінің ақпарат алаңында облыстық ветеринария басқармасының басшысы Шахмардан Қойшыбаев айтты.<blockquote>– Қазіргі таңда ақпараттық жүйеде 1 336,8 мың бас жануар тіркелген. Өткен жылы бруцеллез ауруына қарсы 1 933,0 мың бас жануар диагностикалық тексеруден өтті. Энзоотиялық аурулардың алдын алу мақсатында облыстық бюджеттен қаржы бөлініп, 758,1 мың басқа екпе егілді. Сонымен қатар, сала тарапынан жануарларды бірдейлендіру жұмыстары да тұрақты түрде жүргізіліп, ақпараттық жүйеге енгізіліп отыр. Өткен жылы жоспарланған 398,1 мың бас ауыл шаруашылығы жануарлары 432,2 мың басқа бірдейлендірілді. Сала мамандарымен бірге жүйелі түрде жүргізілген жұмыстардың нәтижесінде өткен жылы облыста ауыл шаруашылығы жануарлары арасында аса қауіпті аурулар тіркелмей, эпизоотиялық тұрақтылық сақталды,- деді Шахмардан Сұлтанбекұлы.</blockquote>Кейінгі жылдары ветеринариялық ұйымдардың материалдық-техникалық базасын жаңартуға баса назар аударылды. Жұмысты ілгерілету мақсатында облыс әкімінің қолдауымен соңғы 3 жылда облыстық бюджеттен 682,3 млн теңге бөлінген.<blockquote>– Бұл қаржыға ветеринариялық ұйымдар 100 пайыз 163 дана компьютер, 163 дана термочемоданмен қамтылса, 71 арнайы автокөлік алынып, 52 пайызға жаңартылды. Сонымен қатар, Мемлекет басшысының ауыл шаруашылығы өнімін 2 есеге арттыру жөніндегі Жол картасына сәйкес ветеринариялық ұйымдар үнемделген қаржысы есебінен 101,4 млн. теңгеге 6 бірлік блоктық-модульдік ветпункт ғимаратының құрылыс жұмыстары жүргізуде. Қазіргі таңда 2 ғимарат пайдалануға беріліп, 4 ғимараттың жұмыстары жалғасуда. Биыл бұл көрсеткішті 10-ға жеткізуді жоспарлап отырмыз,- деді Шахмардан Қойшыбаев.</blockquote><img src="https://knadmin.beoblood.kz/uploads/brifing_4918e75af0.jpg" alt="брифинг.jpg">Фото: Нұрболат Нұржаубай/Қызылорда облысының өңірлік коммуникациялар қызметі

 Аймақта ветеринарлық пункттердің құрылысы жүргізілуде

<a href="https://kyzylorda-news.kz/">Kyzylorda-news.kz</a> Ертең, яғни 22 қаңтар күні Тасбөгет кентінің орталық алаңында «Байқоңыр» әлеуметтік-кәсіпкерлік корпорациясы» акционерлік қоғамының және оның серіктестерінің ұйымдастыруымен кезекті жәрмеңке өтеді.Жәрмеңкеде өңірлік тұрақтандыру қорынан алынған әлеуметтік маңызы бар азық-түліктер және корпорация серіктестерінің тауарлары төмен бағада сатылатын болады. Сондай-ақ, соңғы уақытта елімізде бағасы күрт өсіп кеткен картоп өнімі нарықтан төмен бағада 177 теңгеден сатылатын болады.Ертеңгі жәрмеңкеде ұсынылатын азық-түлік тауарларының бағасын төмендегі кестеден көре аласыздар.<img src="https://knadmin.beoblood.kz/uploads/Tasb_gette_zh_rme_ke_tti_b642cbd631.jpg" alt="Тасбөгетте жәрмеңке өтті.jpg"><img src="https://knadmin.beoblood.kz/uploads/Tasb_gette_zh_rme_ke_tti_1_1d68bbd055.jpg" alt="Тасбөгетте жәрмеңке өтті 1.jpg">Фото: Нұрболат Нұржаубай

Ертең Тасбөгетте жәрмеңке өтеді

<a href="https://kyzylorda-news.kz/">Kyzylorda-news.kz</a> Қызылорда облысында әлеуметтік маңызы бар азық-түлік тізіміне жататын картоптың бағасы бүгінде тұрақты әрі тұрақтандыру қорында жеткілікті көлемде сақталуда.Қазіргі уақытта тұрақтандыру қорында жалпы көлемі 1000 тонна картоп өнімі сақтаулы. Өнім әлеуметтік дүкендер желісіне 143 теңгеден, ірі сауда үйлеріне 158 теңгеден босатылып жатыр. Ал нарықта 400 теңгеден сатылуда.Әлеуметтік маңызы бар азық-түлік түрлерінің қымбаттауына жол бермеу үшін тұрақты мониторинг жүргізіледі. Сондай-ақ, қаламыздағы 37 әлеуметтік дүкен мен 21 үй жанындағы дүкен және 10-нан аса ірі сауда үйлері арқылы тұрақтандыру қорының өнімдері 10-15%-ға төмен бағада сатылуда.Айта кетейік, бүгінде тұрақтандыру қорында құны 1 млрд 241,6 млн теңге болатын 3 869,3 тонна азық-түлік бар. Бұдан бөлек, келісімшартқа сәйкес әлі де жеткізушіде 518,9 млн теңге сомасын құрайтын 8 665,5 тонна өнім қоры бар.Фото: Ауыл шаруашылығы басқармасы

Картоп қоры өңір қажеттілігін толық қамтамасыз етуге жеткілікті

<a href="https://kyzylorda-news.kz/">Kyzylorda-news.kz</a> Қай кезде де еңбек адамына деген құрметтің ерекше екені белгілі. Қайнаған еңбектің ортасында жүріп еңсесін тіктеген жандар қашанда алғыс арқалайды. Әсіресе, туған елдің өркендеуі үшін жұмыс істеп, қамбасын дәнге толтыратын диқандар қауымына ел-жұрт дән риза. Көктемнің ызғарлы желіне қақталып, жаздың ми қайнатар ыстығына апталып еңбек ететін диқандар биыл да күріштен мол өнім жинап, ел ырысын арттырды. Шиелі ауданындағы іргелі шаруашылықтың бірі саналатын «Ақмая» шаруа қожалығында жиын өткізіліп, еңбек озаттары марапатталды. &nbsp;Берекелі бірлік бар жерде, нәтижелі тірлік болары сөзсіз. Әсіресе, тағдырларын жермен байланыстырған еңбек адамдары бірлікболмай, тірлік болмайтынын жақсы біледі. «Әлемнің әміршісі – еңбек» екенін қағида етіп ұстайтын ақмаялық еңбеккерлер талайға үлгі көрсетіп келеді.Ауылдағы жиынға тұрғындар көптеп қатысты. Олардың бал-бұл жайнаған жүздерінен көңіл-күйлерінің көтеріңкі екені сезіліп тұрды.Ақмая ауылындағы мәдениет ошағында өткен шараны Шиелі ауданы әкімінің орынбасары Бағлан Сағындықов ашып, дала еңбеккерлерін жетістіктерімен құттықтады. Салтанатты шараға аудандық мәслихат төрағасы Мұрат Тұрабаев, «Аманат» партиясы Шиелі аудандық филиалының төрағасы Болат Сыздық,«Шарайна-Сейхун» газетінің бас редакторы, жазушы-журналист Нұрмахан Елтай,«Өскен өңір» газетінің бас редакторы Нұрболат Пірімбетов қатысты.Жылды қорытындылаған шаруашылық төрағасы көпшілік алдында жыл бойғы жұмысының да есебін берді. Шаруашылық төрағасының сөзіне сенсек, биыл 1300 гектар жерге негізгі дақыл күріш егіп, нәтижесінде 5609 тонна 680 келі астық жинап, орта есеппен 43 центнерден өнім алған. Атап айтар болсақ, Гүлсім Дәрібаева басқаратын №1 бригада 390 гектар жерден 46 центнерден орташа өнімге қол жеткізген. Ал Қайрат Тастанбеков №2 бригада 390 гектар жерден 40 центнерден өнім алса, Азамат Кемелов жетекшілік ететін №3 бригада 240 гектар жерден 38 центнер астық жинаған. Осынау игі жолды жалғаған Ерлан Сұлтанов басқаратын №4 бригада 397 гектар 42 центнер өнім жинаған.Қазір шаруасы шираған қожалықта ілкімді істі еңбекпен игеріп отырған 120 адам, оның ішінде 50 адам тұрақты, ал 70 адам маусымдық жұмыспен қамтылған. Бірі – егіс даласындағы қызу тірлікке араласса, енді бірі – шаруа қожалықтың фермадағы жұмысын тиянақты атқарып жүр. Еңбектің мәні мен маңызын түсінген ауыл азаматтарының осынау жүйелі ісінің арқасында ауыл іші көркейіп, жұмысы қарқындап тұр.– Барлық жиналған 5609 тонна 608 кг өнімнің, 4827 тонна 580 кг ИП «Байдалиев»-ке келісім-шарт бойынша берілді. Келесі жылға тұқымға №1 қоймада 280 тонна 700 кг, №2 қоймаға тұқымдық күріш 420 тонна 600 кг кіргізілді, 80 тонна 700 кг диірменге ақтауға кетті.<blockquote>2024 жылы шаруашылық 178 гектар жерге бидай егіп, 114 тонна 770 кг астық жинады. Оның ішінде 72 тонна бидай тұқымдыққа тазаланып, 368 гектар жерге күздік бидай егілді. 2024 жылғы ескі жоңышқа 631 га, жаңа жоңышқа 178 га, барлығы 809 га жоңышқа шөбінен 20 мың 014 рулон шөп жиналды. Оның ішінде фермаға 11 мың 770 рулон, жер үлес есебінен 7 мың 609 рулон, сатылғаны 635 рулон. Табиғи шөптен 3 мың 228 рулон, сабан шөптен 1 мың 785 рулон шөп жиналды, – деді шаруа қожалық төрағасы Дәулет Жұмбеков.</blockquote>Шаруашылық төрағасы Дәулет Жұмбеков халыққа берген есебінен соң, жыл бойына еңбек еткен, күріште мол өнім жинаған азаматтарды ақшалай сыйақымен марапаттады. Темір тұлпарды тізгіндеп, шаруашылықта механизатор болып жұмыс істейтін 27 азаматқа 100-150 мың теңге аралығында ақшалай сыйлық берілді. Негізгі дақыл күрішті өсіруде елеулі үлес қосқан 12 звено жетекшілері мен сушыларға 100-450 мың аралығында және үздік өнім жинаған еңбек озаты Бейсенбек Култупановқа 1 000 000 теңге, еңбек майталманы Нұрбол Байжановқа 1 300 000 мың теңге қаржылай сертификат табыс етілді.Сондай-ақ үздік механизатор Ермекбай ­Ибрагимов, Төрехан Алтаев, Әділхан Қасымбекке ақшалай сыйақымен қоса, дәстүрге сай Жаңақорған шипажайына жолдама берілді.Шаруашылық ұжымы биыл зейнет жасына жеткен қызметкерлерді де қалыс қалдырмады. Шаруашылық жұмысының ширақ болып, өнімді жұмыс істеуіне сүбелі үлес қосқан Асқарбай Абдраманов, Берікбай Ибрагимов, Әбдібек Тілеубаевқа арнайы сый-құрмет көрсетіп, үстеріне шапан жапты.Одан соң шаруашылықта үздік қызмет еткен азаматтарға, еңбек ардагерлеріне «Ерен еңбегі үшін», «Еңбек даңқы» «Ардақты ардагер» аталымдарымен орден-медальдар тағылды.Тағы бір атап өтерлігі, «Озат майталман – 2024» номинациясы звено жетекшісі Сәулебек Әлтайға, механизаторлар Бейсенбай Қасымұлына, Досбол Хайырбекұлына автокөлік кілті табысталды. Сондай-ақ шаруашылық тірлігін түлетіп отырған облыстық мәслихат депутаты, «Ақмая» шаруа қожалығының төрағасы Дәулет Жұмбековке шаруашылық инвесторы Қанат Байдалиев темір тұлпар мінгізді.Кезінде бұл ауылдан 16 Социалистік Еңбек Ері шығып, күллі кеңес одағына үлгі болған. Омыраулары орден-медальдармен жарқырап жалт-жұлт етіп келе жатқан еңбек майталмандарын көргенде бейнебір аспан түгілі жердің бетінде жұлдыздар жүргендей әсер қалдырады екен. Мұның барлығы сол кезеңдегі еңбек адамдарына деген жасалған құрмет. Бұл үрдіс арада қанша уақыт өтсе де тоқтаған емес. Сол игілікті тірліктің айғағындай болып, ауданымызда жыл сайын «Алтын күз» мерекесі өтіп, еңбекте озат болған жандар марапатталып келеді. Биыл «Ақмая» шаруа қожалығы аудан бойынша озаттардың көшін бастады. Осының өзі бұл ауылдағы адамдардың барынша еңбекке жақын екенін аңғартады.Шара барысында ауыл ақсақалдары шаруашылық төрағасы Дәулет Жұмбековтің атқарған жұмысына оң баға беріп, алдағы уақытта бұдан да биік белестерді бағындыруына тілектестігін білдірді.&nbsp;<img src="https://knadmin.beoblood.kz/uploads/2_d7f2049577.jpg" alt="2.jpg"><img src="https://knadmin.beoblood.kz/uploads/3_872cf94ab3.jpg" alt="3.jpg"><img src="https://knadmin.beoblood.kz/uploads/9e9b9c04_f8cb_4585_8025_3dc9137b984f_8b0f72a38f.jpg" alt="9e9b9c04-f8cb-4585-8025-3dc9137b984f.jpg">

 Ақмаялық еңбеккерлерге тамаша тарту жасалды

<a href="https://kyzylorda-news.kz/">Kyzylorda-news.kz</a> Елімізде ауыл шаруашылығы жерлерін тұрақты суаруды қамтамасыз ететін су қоймаларын, бөгеттер мен каналдарды қосқанда, 13 мыңнан астам гидротехникалық құрылыстар бар.2024 жылы еліміздің оңтүстік аймақтарындағы егістік алқаптарды суару үшін 10,9 км3 су жіберілді, ол суаруға арналған су қабылдаудың жалпы көлемінің 97%-ын құрайды. Талас және Шу өзендері бойынша көрсеткіштер айтарлықтай жақсарды, бұл сумен жабдықтау және суару бойынша іске асырылып жатқан іс-шаралардың тиімділігінің айғағы. Биыл Шардара су қоймасына 4,8 млрд м3 су келді, яғни, 2023 жылмен салыстырғанда 2 есе көп.&nbsp;Мемлекет басшысы жедел ден қоюды талап ететін бірқатар негізгі бағыттарды атап өтті. Олардың ішінде – су инфрақұрылымын жаңғырту, тарифтік саясатты қайта қарау, су үнемдеу технологияларын енгізу және заңнамалық базаны жетілдіру ісі бар.Су ресурстары және ирригация министрлігі құрылғаннан бері еліміздің су шаруашылығы саласын түбегейлі өзгертуге бағытталған ауқымды реформаларды бастады.Жаңа нормативтік-құқықтық базаны әзірлеу бойынша үлкен жұмыс атқарылды: жаңа Су кодексінің жобасы әзірленді, Мәжілісте алғашқы тыңдаулар өткізілді, 2030 жылға дейін су ресурстарын басқару жүйесін дамыту тұжырымдамасы бекітілді, сондай-ақ 2028 жылға дейін су саласын дамытудың кешенді жоспары және 2026 жылға дейін су үнемдеу жөніндегі Жол картасы әзірленді. &nbsp;Бұл құжаттар су саласын жаңғыртуға, су үнемдеу технологияларын енгізуге және климаттың өзгеруінің салдарына орнықтылықты қамтамасыз етуге бағытталған. 20 жаңа су қоймасын салу, сондай-ақ 14 мың шақырымнан астам суару каналдарын қосқанда, қолданыстағы 15 су қоймасын қайта жаңарту жоспарланған.2024 жылы Қазақстанда 93 гидротехникалық құрылысқа тексеру жүргізілді, жалпы ұзындығы 592,9 км болатын 260 бөгет салынып, нығайтылды. Сондай-ақ ауылдарды және шалғай аудандарды сумен қамтамасыз етуде маңызды қадамдар жасалды. 39 ауыл орталықтандырылған сумен жабдықтау жүйесіне қосылды, ал 166 елді мекенде блок-модульдер орнатылды.<img src="https://knadmin.beoblood.kz/uploads/aza_stanny_su_infra_rylymyn_zha_yrtu_6074ad5b3e.jpg" alt="Қазақстанның су инфрақұрылымын жаңғырту.jpg">@KZgovernmentФото:&nbsp;

Қазақстанның су инфрақұрылымын жаңғырту

<a href="https://kyzylorda-news.kz/">Kyzylorda-news.kz</a> Бүгін облыс әкімдігінде «Ауыл аманаты» бағдарламасын іске асыру барысы талқыланған республикалық семинар өтті.Семинарға Қазақстан Республикасы Премьер-министрінің орынбасары Тамара Дүйсенова, Премьер-министрдің кеңесшісі Ералы Тоғжанов, «AMANAT» партиясының хатшысы Ержан Жылқыбаев, Ауыл шаруашылығы вице-министрі Ербол Тасжүреков, Ұлттық экономика вице-министрі Бауыржан Омарбеков, еліміздің барлық өңірлерінен облыс әкімінің орынбасарлары, ауыл шаруашылығы басқармалары мен әлеуметтік корпорациялар басшылары, ауыл әкімдері, бизнес өкілдері арнайы қатысты.Басты мақсат – Үкімет басшысының тапсырмасына сәйкес «Ауыл аманаты» бағдарламасын Қызылорда облысында іске асыру тәжірибесін республиканың өзге өңірлеріне кеңінен тарату.​Басқосуды аймақ басшысы Нұрлыбек Нәлібаев жүргізіп, өңірде атқарылған жұмыстарды атап өтті.<blockquote>​«Мемлекет басшысы Қасым-Жомарт Кемелұлының қолдауымен бастау алған «Ауыл аманаты» бағдарламасын іске асыру бойынша Қызылорда облысында ұйымдастырылған алғашқы республикалық семинарға қош келдіңіздер!Ауылдарды дамыту – мемлекеттік саясаттың маңызды стратегиялық мақсаттарының бірі.Бүгінде облыстың 447 мың тұрғыны немесе халықтың 53 пайызы ауылда тұрады. Мемлекет басшысының тапсырмасына сәйкес елімізде «Ауылда денсаулық сақтауды жаңғырту» ұлттық жобасы, «Ауыл – ел бесігі», «Ауыл аманаты», «Дипломмен ауылға» мемлекеттік бағдарламалары сәтті жүзеге асуда.«Ауыл аманаты» бойынша өткен жылы өңірімізде 3 млрд. теңгеге 406 жоба жүзеге асып, 713 жаңа жұмыс орны ашылды. Биыл 4 млрд. 600 млн. теңгеге 575 жоба жоспарланған. Бүгінге дейін 2 млрд. 500 млн. теңге бөлініп, 1 млрд. теңгеге 150 жоба қаржыландырылды.Ауылдық аймақтардың жағдайын жақсартуда агробизнес өкілдері ауқымды жұмыс атқаруда. Бұл бағытта «Абай-Дәулет» жауапкершілігі шектеулі серіктестігінің нәтижелі жұмыстарын ерекше атап өту қажет. Қазіргі таңда серіктестіктің оң тәжірибесін кеңінен таратып, облыстың барлық ауылдарында жаңа өндіріс, сауда нысандарын ашу бойынша белсенді жұмыстар жүргізілуде», – деді Н.Нәлібаев.</blockquote>Семинардың алғысөзінде Тамара Дүйсенова ауыл халқының тұрмыс-тіршілігін, әл-ауқатын жақсарту бағытында жүзеге асырылып келетін «Ауыл аманаты» бағдарламасының ел дамуындағы маңызы зор екенін айтып, бірқатар мәселелерге тоқталды.Сонымен қатар, Батыс Қазақстан облысында бағдарламаны іске асыру барысы туралы облыс әкімінің кеңесшісі Алдияр Халелов, «Батыс сүт» ауыл шаруашылығы өндірістік кооперативінің басшысы Сергей Каверин, ауыл шаруашылығы өнімдерін терең өңдеу және өткізу туралы «Дәулет Бекет» серіктестігінің директоры Сыдық Дәулет, Шығыс Қазақстан облысында экотуризмді дамыту туралы жеке кәсіпкер Наталья Свахина баяндама жасады.Қызылорда облысында «Ауыл аманаты» бағдарламасын іске асырудағы оң тәжірибе туралы облыс әкімінің орынбасары Ардақ Зебешев айтты. Ал бизнестің әлеуметтік жауапкершілігі жайында «Абай Дәулет» серіктестігінің директоры Мұрат Сарсенбаев сөз сөйледі.Сонымен қатар, Түркістан облысы әкімінің орынбасары Нұрбол Тұрашбеков, «Алға БАМ» ауыл шаруашылығы өндірістік кооперативінің директоры Сабыржан Досжанов, Түркістан облысының жеке кәсіпкері Амантай Андасов өз ойларын ортаға салды.Республикалық семинар аясында бірқатар тақырыптық-панельдік сессия отырыстары ұйымдастырылуда. Отырыстарда «Ауыл аманаты» жобасы аясында кооперацияны дамыту, өнімдерді қайта өңдеу және өткізу, ауылдарда бизнесті өркендету, ауыл әкімдері мен әлеуметтік-кәсіпкерлік корпорацияның рөлі жан-жақты талқыланып, қатысушылар өзара тәжірибе алмасуда.Айта кетейік, жоба аясында аймақтағы арнайы әлеуметтік көмек алушылар саны 65 адамға қысқарды. Ауыл халқының табысы 20% ұлғайды, шағын кәсіпкерлік саны 275-ке артты, 33 ауыл шаруашылығы өндірістік кооперативі құрылды, өңдеу саласы бойынша 22 кәсіпорын, көлемі 1,2 гектар 34 жылыжай өндірісі ашылды, 1 175 бас асылтұқымды мал сатып алынды.Тұрғындардың 65 түрлі азық-түлік тауарын тұтыну көрсеткіштеріне қарасақ, облыстың 10 түрлі өніммен (күріш, тұз, сиыр сүті, қызанақ, қияр, қауын, қарбыз, асқабақ, жүгері, нан) 100% қамтамасыз етуге, экспортқа шығаруға мүмкіндігі бар. Сондай-ақ, тұтынушылар 10 түрлі өніммен (картоп, сиыр еті, сәбіз, балық, пияз, бұрыш, қызылша, қой еті, қырыққабат, жылқы еті) 73-21% пайыз аралығында, 17 түрлі өніммен ішінара қамтамасыз етілуде (4,2-0,1%). Қалған 28 түрлі өнім, оның ішінде негізгі үш өнім, яғни, қарақұмық, қант, күнбағыс майы облыста өндірілмейді. Дегенмен, «Ауыл аманаты» жобасын іске асыру нәтижесінде азық-түлікпен қамтамасыз ету деңгейінің өсімі байқалуда.Мысалы, құс шаруашылығы бағытында екі кооператив құрылып, 4 500 бас құс бағатын 6 типтік құс фермасы (птичник) жұмыс жасауда. Бүгінгі күнге кооперативтер 90 тоннадан астам құс етін өндірді. Құс етімен қамтамасыз ету көрсеткіші өткен жылмен салыстырғанда 4,9 %-ға өсті. Томат пастасы мен консервіленген өнімдерді шығаратын кооператив құрылып, қамтамасыз ету көрсеткіші 4,7 %-ға, балық шаруашылығы бағытында 20-ға жуық жоба іске асырылып, қамтамасыз ету деңгейі 7,4 %-ға артты, қой және жылқы етімен қамтамасыз ету деңгейі тиісінше 7,7 % және 10,7 % ұлғайды.Сыр еліне жұмыс сапары аясында Премьер-министрдің орынбасары Тамара Дүйсенова мен салалық министрліктер өкілдері ұжымдармен кездесіп, «Бесарық» ауылына барады деп жоспарлануда.<img src="https://knadmin.beoblood.kz/uploads/470010113_882815677373011_5309133252692800229_n_16da999670.jpg" alt="470010113_882815677373011_5309133252692800229_n.jpg"><img src="https://knadmin.beoblood.kz/uploads/1_d386fb0440.jpg" alt="1.jpg">Фото: Қызылорда облысы әкімінің баспасөз қызметі

Сыр өңірінде «Ауыл аманаты» бағдарламасын іске асыру барысы туралы республикалық семинар өтті

<a href="https://kyzylorda-news.kz/">Kyzylorda-news.kz</a> &nbsp;Кеше азық-түлік тауарларына баға белгілеудің бүкіл тізбегі бойынша делдалдық схемаларды тексеру жөніндегі комиссия негізінде құрылған жұмыс тобы мүшелері облыс орталығындағы ірі сауда орындарды аралады.Сауда объектілерін аралау барысында кәсіпкерлік субъектілеріне әлеуметтік маңызы бар азық-түлік тауарларының бағасына сауда үстемесін негізсіз көтермеу, сауда үстемесін 15%-дан асырған жағдайда әкімшілік құқық бұзушылық фактісі бойынша шаралар қолданылатындығы туралы түсіндірме жұмыстары жүргізілді.Сонымен қатар, сауда нысандарын аралау кезінде әлеуметтік маңызы бар азық-түлік тауарларына негізсіз баға өсімі болмағандығы және азық-түлік тауарларының қажетті қоры жасақталғандығы байқалды.<img src="https://knadmin.beoblood.kz/uploads/leumettik_ma_yzy_bar_azy_t_lik_tauarlaryny_ba_asyna_ba_ylau_zh_rgizildi_1_1bf9de3c10.jpg" alt="Әлеуметтік маңызы бар азық-түлік тауарларының бағасына бақылау жүргізілді 1.jpg"><img src="https://knadmin.beoblood.kz/uploads/leumettik_ma_yzy_bar_azy_t_lik_tauarlaryny_ba_asyna_ba_ylau_zh_rgizildi_3_460bc09cc9.jpg" alt="Әлеуметтік маңызы бар азық-түлік тауарларының бағасына бақылау жүргізілді 3.jpg"><img src="https://knadmin.beoblood.kz/uploads/leumettik_ma_yzy_bar_azy_t_lik_tauarlaryny_ba_asyna_ba_ylau_zh_rgizildi_2_7724857f77.jpg" alt="Әлеуметтік маңызы бар азық-түлік тауарларының бағасына бақылау жүргізілді 2.jpg">

Әлеуметтік маңызы бар азық-түлік тауарларының бағасына бақылау жүргізілді

Елімізде 2,7 млн тоннаға жуық астық бастырылды

<a href="https://kyzylorda-news.kz/">Kyzylorda-news.kz</a> Мемлекет басшысы жақында өткен агрофорумда агроөнеркәсіптік кешен экономикалық өсімнің негізгі күштерінің бірі саналатынын <a href="https://kaz.inform.kz/news/kazakstanda-2025-zhilgi-koktemg-egs-zhumistarin-karzhilandiru-bastaldi-494da7/">атап өтті</a>. Үкімет АӨК дамыту жөніндегі міндеттерге қол жеткізу мақсатында кешенді шаралар қабылдауда.Қазақстанда Премьер-министрдің тапсырмасы бойынша фермерлердің өтініш-тілектерін ескере отырып, осы жылдың 29 қарашасынан бастап 2025 жылғы көктемгі егіс және егін жинау жұмыстарын жүргізуді қаржыландыру басталды.<blockquote>—&nbsp;Президенттің тапсырмасын орындау шеңберінде 2025 жылғы көктемгі егіс және егін жинау жұмыстарына 700&nbsp;млрд теңгеге дейін бағытталады, оның 560&nbsp;млрд теңгесі капиталдың нарықтық көздерінен тартылатын болады. Бүгіннен бастап «Аграрлық несие корпорациясы» АҚ жылдық 5% деңгейінде жеңілдікті сыйақы мөлшерлемесімен «Кең дала 2» бағдарламасы бойынша қаржыландыру тетігі іске қосылды,&nbsp;— делінген хабарламада.</blockquote>684 ауыл шаруашылығы тауарын өндірушілерден шамамен 82&nbsp;млрд теңге сомаға өтінімдердің жалпы пулы қалыптастырылды, оның ішінде 176 өтінім жұмысқа қабылданды.Тағы 509 өтініш бойынша 59,9&nbsp;млрд теңгеге құжаттар жиналады.Өтінімдердің басым көпшілігі Солтүстік Қазақстан және Қостанай облыстарының фермерлерінен келіп түсті.Қаржыландыру алғаш рет көктемгі егіс және егін жинау жұмыстарын жүргізуден бұрын басталғанын атап өту маңызды, бұл фермерлерге тұқымды, тыңайтқышты алдын-ала сатып алуға, техниканы дайындауға және барлық қажетті жұмысты сапалы жүргізуге мүмкіндік береді. Үкімет қабылдаған шаралардың арқасында шаруалар өздеріне барынша қолайлы жағдайлар бойынша жедел қаржылық қолдау алады. Бұдан басқа, қарыздарды ресімдеу үшін де, оларды кейіннен өтеу үшін де&nbsp;жүгінуге болатын қаржы институттарының саны ұлғайды. Қаражатқа екінші деңгейлі банктер, несиелік серіктестіктер, әлеуметтік-кәсіпкерлік корпорациялар және Аграрлық несие корпорациясы арқылы қол жеткізуге болады. Сондай-ақ кәсіпкерлер жиі көтеретін кепілмен қамтамасыз етудің жетіспеушілігі мәселелерін шешу үшін «Кең дала 2» бағдарламасы бойынша қарыз сомасының 85%-ын «Даму» кәсіпкерлікті дамыту қоры кепілдік береді.Консультация алу және өтінімдер беру үшін «Аграрлық несие корпорациясы» АҚ-ның жақын маңдағы өңірлік филиалдарына жүгіну қажет.&nbsp; Қосымша ақпаратты Agrocredit.kz сайтынан алуға болады және Kcell, Activ, Beeline абоненттері үшін 5353 Call center нөмірі; Tele 2, Altel үшін 8 701 006 19 91 телефон нөмірі жұмыс істейді.Бұған дейін Сенат ЕАЭО-да ауыл шаруашылығы өнімдерінің саудасына қатысты заңды мақұлдады.Фото: Мақсат Шағырбаев/Kazinform

Қазақстанда 2025 жылғы көктемгі егіс жұмыстарын қаржыландыру басталды

<a href="https://kyzylorda-news.kz/">Kyzylorda-news.kz</a> Күз – береке мен мерекенің, ырыс пен несібенің мезгілі. Егіс алқаптары мен қырман басында қарқынды жұмыс жүріп, тау-тау астықтың ел қамбасына құйылар шағы. Бір сөзбен айтқанда, дала дарабоздарының күн-түн демей тіршілік қылатын кезі. Биыл аққырлық Әбілтай Орынбаев бірінші рет күріш егіпті. Ала жаздай атыз басында тер төккен диқан егістігіндегі өнімнің шығымына қарап, оның бұл салада айтарлықтай тәжірибесі бар-ау дерсің.&nbsp;Таңның атысы, кештің батысына қарамай, алқап басындағы бейнетке ат салысып, егін егіп, суарып, баптап, оны төкпей-шашпай жинап алған аққырлық ағайындардың бүгінде қуанышында шек жоқ. Бұған дейін екі қолға бір күрек тауып, тіршілік қылған олар енді өз нәпақаларын егіс алқабынан табуда. «Ер-Әлі» шаруақо-жалығының күрішшісі, кейіпкеріміз Әбілтай Орынбаев бұған дейін түрлі жұмыстың басын біріктіріп, биыл алғаш рет күріш баптаған. Егіс алқабындағы 5 күрішшінің 4-еуі – аққырлық азамат, біреуі – Жаңаталап ауылының тұрғыны.<blockquote>– Бұрын-соңды күріш егіп көрмегесін бастапқыда сәл қиындау болды. Әйтсе де, уақыт өте келе тәжірибелі диқандардан егіннің қыр-сырын меңгердік. Күріш те бала сияқты, қалай баптасаң, солай өнімін береді. Күріштің дұрыс шығуы үшін, егінжайға орақ түскенше оны уақытылы суарып, ыстық күндері күтімін күшейтіп, көзіміздің қарашығындай қарадық. Алғаш рет егіп отырғандықтан «Қалай болар екен?» деген іштей уайым болғаны рас. Дегенмен күндіз-түні жасаған еңбегіміз еш кетпеді. Жер ана ырыс-несібемізді молынан берді, – дейді дала дарабозы.&nbsp;</blockquote>Иә, кейіпкеріміздің сөзінің жаны бар, баптай білгенге, жер жомарт қой. Алғаш рет егіс алқабында еңбек етсе де, өзіне артылған сенімді ақтауға тырысқан күрішші қамбаға мол өнім құйды. Шаруашылықтағы кәнігі диқандармен қатар кетпен асынып, таң бозарғаннан егістікке қарай бет алып, ала жаздай тыным таппаған. Мамырдың аяғында дәнді сеуіп бастаған ол маусым айының басына дейін егістікке күріштің «Маршал» сұрпын еккен. Дала дарабозының айтуынша, күріш сұрпының пісіп-жетілу мерзімі – 120 күн.&nbsp;<blockquote>– Аяқсудан ешқандай кедергі болған жоқ. Арнайы насоспен суарып, уақытылы күтім жасадық. Келер жылы бұдан да жоғары өнім аламыз деген жоспарымыз бар. Биыл бірінші жыл болғасын білмейтініміз әлі де көп. Жұмысымызды әлі де жетілдіреміз. Алғашқы жылы да толайым өнім жидық, – дейді кейіпкеріміз.&nbsp;</blockquote>Әбілтай Орынбаевтың негізгі мамандығы – жүргізуші. Бүгінге дейін ауылдағы құрылыс саласында еңбек еткен, бау-бақша өнімдерін еккен ол, келер жылы да егістік алқабында өзіндік қолтаңбасын қалдыруға бар күш-жігерін салмақ.&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;Ақтоты БҮРКІТБАЙ

Қазақстан және Қызылорда облысының жаңалықтары: Ауыл шаруашылығы