Жалағаш: Аудан экономикасында өсім бар 

<a href="https://kyzylorda-news.kz/">Kyzylorda-news.kz</a> Әлеуметке әл берген «Ауыл аманаты» жобасы осыдан екі жыл бұрын Мемлекет басшысы Қасым-Жомарт Тоқаевтың Жарлығы негізінде бастау алған болатын. Содан бері жаңа бағдарламаны ауыл тұрғындары арасында кеңінен насихаттау жұмыстары жан-жақты жүргізіліп, ауқымды істер жүйесі бір арнаға түсе бастады. Жобаға сәйкес несиелер барлық тұлғаға 2,5 пайызбен 7 жылға дейін беріледі. Шыны керек, тұрғындардың тұрақты табыс жолына түсуіне бағытталған бастамаға үлкен үміт артылып, дөңгелетіп отырған шаруасы бар, қолынан іс келетін көптеген кәсіпкер барынша мүдделік танытып отыр.«Ауыл аманаты» жобасының басты мақсаты – ауылдағы жұмыссыздықты жойып, ондағы халықтың табысын арттыру және сол бағытта қолдау көрсету. Аталған пилоттық жоба ең шалғай деген ауылдардың тұрғындарын да қамтиды. Бапталған бағдарламаның игілігін бүгінде біздің өңір халқы да көруде. Мәселен, өткен жылы кәсіпкерлік бастамашылыққа жәрдемдесу жөніндегі шараларды ұйымдастыру және қаржыландыру мақсатында ҚР Еңбек және халықты қорғау министрлігімен жеңілдетілген несие түрі бекітіліп, оны аз мөлшердегі үстемақымен беру жоспарланған. Бұл бағытта «Ауыл халқының табысын арттыру жөніндегі жобаны масштабтау бойынша шағын кредиттер беру» бюджеттік бағдарламасы аясында 2023 жылға Қызылорда облысына республикалық бюджеттен 3 млрд теңге көлемінде қаражат бөлінген болатын. Бүгінге дейін сенім білдірген өкіл ретінде «Байқоңыр» ӘКК» АҚ арқылы өткен жылдың қорытындысы бойынша аудандағы 75 жоба мемлекет тарапынан 548 135 000 (бес жүз қырық сегіз миллион жүз отыз бес мың) теңге қолдау тауып, мақұлданған жобаларға қаражат аудару жұмыстары жүргізілді. Оның ішінде асыл тұқымды мал және құс шаруашылығы бойынша 8 жоба – 80,2 млн теңге, балық шаруашылығы және омарта шаруашылығы бойынша 16 жоба – 112,6 млн теңге, егін шаруашылығы бойынша 16 жоба – 102,5 млн теңге, ауыл шаруашылығы өнімдерін өндіру бағытында 4 жоба – 45,9 млн теңге және басқа да бағыттар бойынша 31 жоба – 206,8 млн теңгенің жобалары қаржыландырылды. Айта кетейік, Шиелі ауданы тиісті қаржы көлемін шамадан асыра (перелимит) орындап, барлық жоба толыққанды қаражатпен қамтылған. Олардың қолдау тапқандарының арқасында ауыл тұрғындарының әл-ауқаты жақсарып, іске асқан жобалар негізінде ашылатын жұмыс орындары арқылы халық тұрақты жұмыспен қамтылатын болады.ЖОБАНЫҢ ЖЕМІСІН КӨРГЕН КӘСІПКЕРЖұртшылықтың ауылда еңбек етіп, тиісінше тұрақтауына бағытталған бағдарламаның тиімді тұстары туралы аз айтылған жоқ. Қазіргі таңда ауданда ұтымды ұсыныспен тың жоба жүргізіп отырған жандардың қарасы көп. Солардың бірі Шиелі ауданы, Тартоғай ауылының тұрғыны – Әсел Әділбекқызы. Бағдарлама аясында 7 575 000 жеңілдетілген несие алған жас кәсіпкер 3D форматты панель өндірісімен айналысады. Өзі – декреттегі ана. Сәуір айынан бастап аталған іске құлшына кіріскен ол бүгінде халыққа өз өнімін үздіксіз ұсынып келеді. Бұл үшін кәсіпкерлер арманына қанат бітірген жобаның пайдасы мол болғанын атап өтті.<blockquote>– Қайтарылатын сомманың пайызы аз болғандықтан, бағдарлама маған барлық жағынан тиімді түсті. Әрі жобаның 6 айлық демалысы бар. Бұл – кәсіпті дөңгелетіп алуға жеткілікті уақыт. Бөлінген қаражатқа қажет аппараттың бәрін сатып алдым, өзімнен тек шикізатқа ғана шығын болды.</blockquote>3D панель өндірісі – нарықта сұранысқа ие кәсіптің бірі. Оның үстіне қаланың өзінде кездесе бермейтіндіктен, арнайы іздеп жүріп ілкімді істің осы түріне тоқталдым. Бұл үшін бизнес жоба дайындап, басқа қалалардан аппараттар алдырып, ойланбастан жұмысқа кірістім. Әрине, осы тұста жеңілдетілген несиенің тигізген көмегі өте көп болды, – деді Әсел Наурызбай.Кәсіпкердің тыңғылықты кіріскен бұл тірлігі жаңа мүмкіндіктерге жол ашқаны анық. Сұхбат барысында кейіпкерден әртүрлі пішіндегі панельдердің жасалуы жөнінде сұрап көрдік. Оның айтуынша, бұл үшін дайын дизайнда, түрлі өрнекте жасалған арнайы қалыптар пайдаланылады. Оған қажет 3 қоспаны қосып, дайын сұйықтықты араластыра отырып қалыптарға құйып, 40 минутқа қалдырады. Межелі уақыт өткен соң, оларды қалыптардан ажыратып, 1 аптаға кептіріп қояды. Дайын болған 3D панельдерді мұқият тексеріп, мықтап орап, тапсырыс берушіге жеткізу қызметі арқылы жөнелтеді.Әсел Әділбекқызы бастапқыда аталған өнімге сұраныс көп болмағанын айтады. Десе де, оны жан-жақты көрсетіп, әлеуметтік желілерде жарнамалаудың нәтижесінде тауардың өтімділігі көбейген. Бүгінгі таңда көркем өрнекті панельдерге тапсырыс өте жиі түседі.Кейіпкеріміз бүгінде жанындағы 2 көмекшісімен өрелі істі өрге жүздіріп отыр. Жүкті болуы себепті жұмыстың 80 пайызы сол жандардың еншісінде. Олар өнімді қалыпқа құйып, түрлі панельдерді дап-дайын етіп береді. Ал жас кәсіпкердің ендігі мақсаты – панельдер өндірісін бұдан әрі кеңейтіп, оның өзге түрлерін жасап шығару. Тек өңір ішінде ғана емес, басқа қалаларға да тасымалдау қызметін қосу.Қазірде ауылды дамытудың кепілі ретінде іске қосылған тың жоба ауыл шаруашылығы тауарларын өндірушілерді жан-жақты қолдау, ел тұрғындарын аграрлық бизнеске тарту, азық-түлік қауіпсіздігі және азаматтардың өмір сүру сапасын жақсартуға жағдай жасап келеді. Бұл мемлекеттік бағдарламаның барша бұқараның игілігіне жарап отырғанының бір көрінісі болса керек.&nbsp;Таслима ТЕМІРБЕКҚЫЗЫФото: dingek.kz

Шиеліде «Ауыл аманаты» жобасы қарқынды жүзеге асуда

<a href="https://kyzylorda-news.kz/">Kyzylorda-news.kz</a> Сыр жұртының негізгі тіршілік көзінің бірі – аграрлық сала екені белгілі. Алажаздай маңдайы күнге күйген диқандардың еңбегі ауыл шаруашылығы өнімдерінің бітік шығуымен қайтады. Жыл сайын егіні бітік шығып қамбас астыққа толатын Сыр халқы үшін биылда жемісті өнім болды.Қыстың қамын жаз ойлап, күні бұрын қамданатын әдет күні бүгінге дейін маңызын жойған жоқ. Бұл ретте биыл 8257 гектарға ауыл шаруашылығы дақылдары егілді. Оның ішінде негізгі дақыл күріш – 3856 гектар, бидай – 368 гектар, қант құмайы – 40 гектар, жаздық арпа – 2 гектар, жаңа жоңышқа – 224 гектар, ескі жоңышқа – 1317 гектар, картоп – 130 гектар, көкөніс – 1330 гектар, бақша – 990 гектарды құрады. Биылғы егіске 903,5 тонна күріш тұқымы құйылған. Құйылған тұқымының 4,4 пайызын отандық сорттар құраса, 95,6 пайызын ресейлік сорттар құраған. Атап айтқанда, отандық сорттар бойынша 20 тон­на «Сыр сұлуы» және 20 тонна «Маржан», ресейлік сорттар бойынша 730 тонна «Лидер», 133,5 тонна «Янтарь» сорттары бар.&nbsp;Қажетті минералдық тыңайтқыштың көлемі 3010 тоннаны құ­рап, толығымен сатып алынды. Сонымен қатар арамшөптерге қарсы қолданатын гербицидтердің қажетті көлемі 2863 литр толығымен сатып алынған. Қашыртқылар, каналдарды тазалау, гидротехни­калық құрылыстарды жөндеу жұмыстары бойынша ішкі су жолдарының &nbsp;54300 текшеметр (100%) топырақ шығарылып, 4 дана гидробекеттер (100,0%), 2 дана су құрылыстары (100%) жөндеуден өткізілді.&nbsp;Егіннің бітік шығуына барлық жағдай жасалды.Бүгінде жаз бойы еткен еңбек жемісін берді. Диқандар егілген 368 гектар бидайдан 379 тонна өнім жинап, орта өнім 10,3 центнерден келді. Өткен жылы бұл көрсеткіш гектарына 10 центнер болған.&nbsp;Ал 2 гектар арпа дақылынан 3 тон­на өнім жиналып, орта өнім 15 центнерден келген. Шаруашылық құрылымдар бойынша мал азықтық жоңышқа шөбінен 7603 тонна жоңышқа шөп дайындалған. Орташа көрсеткіш 20 центнерге жеткен.&nbsp;Сонымен қатар көкөніс, бақша дақылдарын жинау да қарқынды жүруде. Көкөністің 1230 гектарынан (92,5%) 135 центнер, бақшаның 880 гектарынан (88,9%) 136 центнерден өнім жиналуда. Күріш дақылын күтіп-баптау бойынша 1600 гектар үстеп қоректендірілсе, 1850 гектар гербицидпен өңделді. Биылғы егілген 3856 гектар күріш егістігінің шығымдылығын сала мамандарының зерделеу барысында 2892 гектары (75,0 %) «жақсы», 771 гектары (20,0%) «орташа», 193 гектары (5,0%)&nbsp;«қанағаттанарлық» деп бағаланған.Аграрлық салада аймақ көрсеткіші жылдағыдан төмендеген жоқ. Аймақтағы ірі шаруашылықтар күріштің әр гектарынан орташа есеппен 90 центнерге жуық өнім алды. Мәселен, Жалағаш ауданындағы «Ер-Әлі» шаруа қожалығы 3500 гектарға ауыл шаруашылығы дақылдарын еккен. Оның ішінде 1300 гектарға күріш егіп, оның әр гектарынан орташа есеппен 89 центнерден өнім алынды. Сондай-ақ, салада ұзақ жылдық тәжірибесі бар «Таң ЛТД» ЖШС биыл 3000 гектар жерге егін егіп, оның ішінде 1500 гектарға күріш дақылы орналастырса, оның әр гектарынан орташа есеппен 85 центнерден өнім алды. Басым бөлігі шетелдік жаңа каурис сорты және лидер, альянс сорттары жерсіндірілген. Бұдан бөлек, 80 гектарға қант құмайы, 800 гектарға жоңышқа, 150 гектарға түйежоңышқа дақылдары егілді. Жалпы облыс бойынша 189 мың гектар жерге ауыл шаруашылығы дақылдары егілген. Оның ішінде негізгі дақыл күріш 85,6 мың гектарды құраған. Мемлекет тарапынан көрсетілген қолдаудың арқасында биылғы жылы су қажетті деңгейде жеткізілді. Шаруашылық құрылымдары егілген ауылшаруашылығы дақылдарына күтіп-баптау жұмыстарын агротехникалық талаптарға сай жүргізе алды. Сонымен қатар, егін жинау жұмыстарына қажетті ауыл шаруашылығы техникалармен, жанар-жағармаймен, минералды тыңайтқыштармен толық қамтамасыз етілген. Аймақтағы ауыл шаруашылығы саласы мамандарының айтуынша, «Таң ЛТД» ЖШС Қытайлық компаниямен бірлесіп тамшылатып суару әдісімен 3000 гектар жерге жүгері егу жобасын іске асырған. Нәтижесінде 800 гектарға &nbsp;тамшылатып суару әдісімен жүгері дақылы егілген. Бұдан бөлек, «Ер-Әлі» шаруа қожалығында тамшылатып суару әдісімен 6 гектар жерге қарқынды алма бағын орналастырған. Бүгінде 5000 түп «Голден Делишес», 5000 түп «Джонатан», 2650 түп «Ренет Семиренко» ағаш сорттары отырғызылып, күтімге алынған.Ал қаладағы ахуалды туралы қала әкімінің орынбасары Пахуатдин Шамұратов айтты.<blockquote>– Облыс әкімінің су тапшылығын ескере оты­рып күріш көлемін азайту бойынша хаттамалық тапсырмасына сәйкес, күріш дақылы 3856 гектарға егілді. Осыған байланысты, қалаға қарасты ауыл шаруашылығы құрылымдарына инженерлік жүйеге келтірілмеген деңгейі биік жерлерге күріш дақылын екпеу, ауыспалы егіс көлемін сақтау, суды аз қажет ететін дақылдарды егу туралы ескертпе хаттары таратылып, түсіндірме жұмыстары жүргізілді. Нәти­жесінде былтырғы жылмен салыстырғанда күріштің көлемі 280 гектарға кем егілді. Өткен жылы бұл дақыл 4136 гектарға егілген болатын. Биыл күріштің орнына суды аз қажет ететін би­дай 368 гектарға, арпа 2 гектарға, қант құмайы 40 гектарға, 224 гектарға мал азықтық жоңышқа, 990 гектарға бақша дақылдары егілді. Әрине, мұның барлығы ауыспалы егістіктің ережесін сақтай отырып, орындалған жұмыс.Ауыл шаруашылығы өнімдерін ұлғайту мақса­тында су үнемдеу технологияларымен 6 гектарға тамшылатып суару әдісі арқылы ауыл шаруашылығы дақылдары егілді. Атап айтқанда, Ыбырай Жақаев атындағы Қазақ күріш ғылыми-зерттеу институты осы әдіспен 0,5 гектарға көкөніс, 3 гектарға бақша өнімдерін екті. Ал «Іскер М» &nbsp;ЖШС бастамасымен 2,5 гектарға жүгері егілді. Су жетіспеушілігі мәселесін жоюға арналған бас­тамалар жетерлік. Өйткені егіс алқабын күтіп-баптап, реттеп отырмаса, жердің де тозып кету қаупі болады. Сондықтан осындай мәселелердің алдын алуда біз жоспарлы әрекет еттік Биыл 350 гектарға лазерлік тегістеу жұмыстарын жүргізу жоспарланып, 650 гектар тегістелді. Яғни, жоспардан 186 пайызға артық орындадық. Осылай реттеле берсе, көп жердегі егіннің өнімділігін артыруға мүмкіндік бар. Мәселен, тегіс жерге егілген күріштің өнімділігі жоғары болады. Себебі су егінді тегіс басады.&nbsp;Дер кезінде күріш те бас алады. Бұл – тәжірибеде бар нәрсе, – дейді әкім орынбасары.</blockquote>Сыр диқандары суды үнемдеу мақсатында соңғы 10 жыл көлемінде күріш егістігінің 55 мың гектарын лазерлік тегістеген. Алдағы 5 жылда бұл 72 мың гектарға жеткізіледі деп жоспарлануда. Биыл су үнемдеу технологиясын пайдалану 4,4 мың гектарға жетсе, алдағы 5 жылда оны 24,2 мың гектарға арттыру жоспарлануда. Биыл «Таң ЛТД» серіктестігі қытайлық компаниямен бірлесіп, Шиелі ауданында 800 гектарға тамшылатып суару әдісімен дән жүгері еккен. 2025-2026 жылдары тамшылатып суарылатын егістік көлемі 3 мың гектарға дейін ұлғайтылады. Сол сияқты Қазалы және Арал аудандарында ауқымды жобалар бастау алды. Арал ауданындағы «Кэмел Про» шаруа қожалығында 830 гектар жоңышқаны, Қазалы ауданындағы «РЗА Агро» серіктестігінде 184 гектар мал азықтық дақылдарды жаңбырлатып суару жобалары бар.Аймақтағы аграрлық саласын қарқынды дамытуда мемлекеттік бағдарламалар игілігнін де айта кеткен жөн. Соның нәтижесінде өңірде бірқатар ауыл шаруашылық жобалары жүзеге асуда. Мәселен, мемлекеттік бағдарламалар аясында есік алдына жылыжай кешенін дамытуға өткен жылы 33 млн теңгені құрайтын 5 жоба мақұл­данған. Атап айтқанда, «Ауыл аманаты» бағдар­ламасы бойынша 23,5 миллион теңгеге 920 шаршы метрді құрайтын 3 дана жылыжайдың құрылысы аяқталып, егін егу жұмыстары жұмыстары жүргізілген. Оның екеуі Ақсуат ауылдық округінде болса, біреуі Қарауылтөбеде жүзеге асуда. Сонымен қатар «Қызылорда өңірлік инвестиция орталығы» арқылы Талсуат ауылдық округінен 9,5 миллион теңгеге 457 шаршы метрді құрайтын 2 дана жылы­жайдың құрылысы аяқталып, іске қосылған. Бұл жылыжайларда қияр егілді.Егін егу, оны күтіп баптаудан бөлек бітік шыққан өнімді суыққа қалдырмай дер уақытында жинап алуда шаруалар үшін маңызды іс. Бұл ретте ауыл шаруашылығы техникаларының сақадай сай болғаны дұрыс-ақ. Биылғы күзгі егін жинау науқанына 20 дана жатка, 29 дана комбайн, 83 дана трактор, 21 дана трактор тіркемесі мен 5 дана жүк көлігі қатысқан. Қажетті дизель отынынын жеткізуші оператор ретінде «РК Мұнай» және «Жибек Жолы ЛТД» ЖШС мекемелері белгіленіп, ауыл шаруашылығы құрылымдарының қажеттіліктеріне сәйкес босатылған. Нарық бағасынан әлдеқайда төмен бағада, бір литрі 250 теңгеден беріліп қарапайым шаруа үшін көп жеңілдік жасалған. Күзгі егін жинау жұмыстарына 188 тонна дизель отыны жұмсалған. Алдағы уақытта күріштің көлемін тұрақтандыра отырып, әртараптандыру бағытында мал азықтық, майлы және әлеуметтік маңызға ие көкөніс, картоп, бақша дақылдарының көлемін арттыру, су үнемдеу технологиясын өндіріске енгізуді жандандыру, ауыл шаруашылығы техникаларының машина-трактор паркінің жаңаруын 5 пайызға дейін жеткізу, жылыжай шаруашылығын және қарқынды алма бақтарын дамыту, өңдеу кәсіпорындарын, оның ішінде майлы дақылдарды өңдеу,мал шаруашылығы өнімін өндіру мақсатында жұмыс жасап тұрған кәсіпорындардың қуаттылықтарын арттыру және дамыту мен жақсарту бағытындағы жұмыстар жүргізілмек.&nbsp;Әрине, мұнан бөлек те байыпты бастамалар қолға алына береді. Бастысы, қандай бастама болса да, өнімді арттыруға негізделеді.Фото: smartnews.kzД.Қырдан

Аграрлық салада ауқымды жұмыс атқарылды 

<a href="https://kyzylorda-news.kz/">Kyzylorda-news.kz</a> Мемлекет басшысы Қасым-Жомарт Токаев Жолдауда ветеринария саласын реформалау жөнінде маңызды міндеттерді тайға таңба басқандай атап көрсетті. Расында сала жұмысын жүйелеуде процестерді цифрландыру, ветеринарлық мамандарды даярлау, жалақыны арттыру ерекше маңызға ие. Саяси құжатта көзделген міндеттердің ауданда жүзеге асырылу барысы қалай, жалпы төрт түлікті аурулардан аман алып қалуда сала мамандары нендей шаралар қабылдауда? БАҚ өкілдерімен өткен брифингте Жалағаш аудандық ветстанцияның бас маманы Бағдат Әлібаев осы және өзге де бірқатар сауалдың түйінін тарқатты.&nbsp;Спикер биыл 9 айда бекітілген жоспарға сәйкес ветеринариялық іс-шаралар толық атқарылғанын айтады.&nbsp; Аса қауіпті 14 түрлі жұқпалы аурудың алдын алуға ел тайқазанынан қаралған қаржыға биопрепараттар жеткізіліп, ауылдық округтердегі ветеринариялық пункттерге таратылған. Нәтижесінде ауданда эпизоотиялық ахуал тұрақты. Бағдат Әлібаев мұны ветеринариялық егу жұмыстарының жүйелі жүруімен байланыстырды.&nbsp;Айта кетейік, бүгінге дейін ауданда құтыруға қарсы 3 мың ірі қара, 5 мың уақ мал, 300 итке екпе жасалған. Сондай-ақ аусылдың алдын алу мақсатында нұсқаулыққа сәйкес екі мәрте егілді. 56 мың ірі қара, 43 мың уақ мал, пастереллез індетіне қарсы 20 мың сиыр, сібір жарасына қарсы 17 мың ірі қара, 11 мың жылқы мен 20 мың уақ малға екпе салынған. Ал Лептоспироз ауруына қарсы 29 мың сиыр, Листериозға қарсы 10 мың ірі қара, мың уақ малға екпе салынған. Нодулярды дерматитке қарсы 10 мың сиыр, эхинококкозге қарсы 1800 ит-мысыққа емдік шаралар жүрген. Күл ауруына 20 мың уақ мал, қарасанға қарсы көктемде және күзде 30 мың ірі қара, оба ауруына 10 мың уақ мал, 800 түйе егілген. Мұнан бөлек туберкуллезге қарсы мың ірі қара, вирустық диареяға қарсы 4 мың сиыр және құс тұмауына қарсы 3 250 тауыққа екі мәрте екпе салынған.&nbsp;<blockquote>– 9 айда энзоотиялық ауруларға байланысты іс-шаралар жүргізілді. Атап айтар болсақ, бауыр құртына қарсы 10 мың уақ мал, сақауға қарсы 7 300 жылқы, қатпа ауруын жұқтыруы мүмкін 450 түйе,&nbsp; гастофилез індетіне қарсы 5 400 жылқыға және пироплазмозға қарсы 11 500 ірі қара&nbsp;егілді, – дейді Бағдат Әлібаев.</blockquote>Спикер аса қауіпті жұқпалы ауруларды анықтауда да нақты шаралар қа-былданғанын айтады. Мәселен, адам мен жануарларға аса қауіпті жұқпалы бруцеллез ауруын анықтау мақсатында 44 267 МІҚ, 40 370 уақ малдан, 600 түйеден, 60 ит, 2 шошқадан бірінші және екінші жарты жылдыкта қан&nbsp; сары&nbsp; суы&nbsp;алынған. Қорытындысында ешқандай ауру анықталмаған.&nbsp;<blockquote>– ҚР-ның заңнамасында белгілеген тәртіппен мемлекеттік ветеринариялық-санитариялық бақылау және қадағалау объектілері иелерінің есебінен уәкілетті орган бекiтетiн тiзбеге енгiзiлген жануарлардың аса қауiптi ауруларын және жануарлардың энзоотиялық ауруларын қоспағанда, инвазиялық ауруларды қоса алғанда, жануарлар ауруларын емдеу, олардың профилактикасы, диагностикасы және оларды жою орын-далады. Атап айтканда, ауыл шаруашылық малды чиптау, ауру малдарды емдеу, сауықтыру, қора аулаларды залалсыздандыру ақылы түрде жүргізіледі. Ас қорыту, тыныс алу жүйелерімен зат алмасу, құлақ, көз, тері, улану, буын аурулары жұқпалы емес. Мал кестіру, ен салу, мүйіз, тұяқ кесу, буын, шығу, сынықтар, грыжа, түрлі жа-рақаттар мен ашық жаралар хирургиялық ауруларға жатады. Қотыр, оқыра, телязиоз, ценуроз, эстроз, монезиоз, ішек таспа құрттары паразитті ауруларға жатады. Жоғарыда көрсетілген жұмыстарды атқару кезіндегі қызметіне және қолданылған дәріге, таңу, байлау заттарының ақысы мал&nbsp;иесі есебінен жүргізіледі. Емдеу дәрілеріне мемлекеттен қаржы бөлінбеген. Бұл ауруларға қарсы жануарларды емдету үшін кент және ауылдық округ ветеринариялық пункт менгерушісіне хабарласып, өз қалаған ветеринариялық дәрігерінізді шақыртыға болады.</blockquote>Айта кетейік, ауданда 9 айда iszh.kz дерекқор базасы туралы мәліметіне сәйкес, веб-порталдық базада 34 731 МІҚ, 31 884 уақ мал, 31 300 жылқы, 833 түйе, 80 шошқа тіркелген. Жоспарға сәйкес 6 338 МІҚ, 8 839 уақ мал, 6 105 жылқы, 46 шошқа, 29 түйе сырғаланып, бірдейлендірілген. Аса қауіпті ауруларды дер кезінде анықтауда, алдын алуда бірдейлендірудің маңызы зо екен.&nbsp;<blockquote>– Бірдейлендірудің тиімділігі жануарлардың аса қауіпті ауруларын бақылау, санитариялық іс-шаралар жүргізу&nbsp; үшін маңызды іс-шара болып табылады, аз уақыт ішінде жануарлардың шығу тегін, орналасқан жерін және қозғалыс бағытын және жануарлардан алынатын өнімдерді анықтай аламыз, – дейді ол.</blockquote>Биыл «Ауыл шаруашылығы жануарларын бірдейлендіру» деректер базасында «Жасыл дәліз» функциясын ашу мақсатында ауданда түрлі себептермен бұрын тіркелмеген, есепке алынбаған ересек ауыл шаруашылық жануарлардың есебі жинақталуда. Ауданда бұрын тіркелмеген мал ұстаушылар тарапынан берілген өтініштерге сәйкес&nbsp; 596 МІҚ, 97 уақ мал, 2196 жылқы бірдейлендіріліп, есепке алынған. Бұл жұмыстар негізінде бұрын тіркелмеген, есепке алынбаған ересек ауыл шаруашылық жануарлардың иелеріне өз атына тіркеп алу мүмкіндігі беріледі.Айта кетейік, 2021 жылы «Жануарларға жауапкершілікпен қарау туралы» Қазақстан Республикасының Заңы қабылданған. Заң аясында үй жануарларын есепке алу чиптерді, сырғаларды, білезік немесе жағалар сияқты есепке алу бұйымдарын пайдалана отырып, ақылы негізде жүргізіледі. Тек халықтың әлеуметтік осал топтарына жататын отбасылардың үй жануарларын есепке алу тегін жүргізіледі. Тіркеу рәсімдерін мемлекеттік және жеке ветеринариялық қызметті атқаратын ұйымдар жүзеге асырады. Үй жануарларын тіркеу міндетті. Спикер қазіргі таңда, ауданда 600 ит «Таңба.KZ» платформасына тіркелгенін айтады.<blockquote>– Ауданда 15 мал көміндісі бар. Оның ішінде типтік жобадағы 5-еуі Ақсу, Бұқарбай батыр, Аламесек, Мәдениет ауылдық округтерінде&nbsp; және Жалағаш кентінде орналасқан. Қалғаны басқа да ауылдық округтерде.&nbsp;</blockquote>Сала маманы мемлекеттік қызмет көрсетуде де нәтижелі жұмыс барын айтады. Мәселен, 9 айда 3 147 ветеринариялық анықтама берілген. Бұл жөнінде арыз-шағым түспеген, себебі барлығы заңдылыққа сәйкес жүргізілген.&nbsp;<blockquote>– Ауыл шаруашылығы жануарларының иелеріне арналған «TortTulik» мобильді қосымшасы іске қосылды. Мобильді қосымша ауыл шаруашылығы жануарларының базасын кеңейтуге ықпалын тигізеді. Әрбір жануар иесі өз жануарларына түгендеу жүргізе алады және соның арқасында ветеринар дәрігерлер ветеринарлық-профилактикалық іс-шараларды уақытылы және толық көлемде жүргізу мүмкіндік береді. Бұл жайында түсіндірме жұмыстарын да ұдайы жүргізіп келеміз. Нәтиже де жоқ емес, жоспарланған 4119 жануарлар иесінің, 3235-і «TortTulik» мобильді қосымшасына тіркелді, – дейді бас маман.</blockquote>Қазіргі таңда мемлекеттік ветеринариялық ұйымдарды материалдық-техникалық жабдықтау барысында жануарлар өлексесін және биологиялық материалдарды өртейтін құрылғы бар. Бес ауылдық округте стационарлық инисинератор пеші орнатылса, мекеме ғимараты жанында автокөлікте орналасқан жылжымалы инисинератор пеші жұмыс жасайды. Барлығына тұтынушылар құқығын қорғау және экология органдарының рұқсаты алынған. Бүгінгі таңда осы құрылғылар аудан бойынша толық жұмыс жасап тұр.&nbsp;Бағдат Әлібаев соңғы жылдары мемлекет тарапынан әлеуметтiк қолдау, оның iшiнде «Дипломмен – ауылға» бағдарламасы шеңберiнде ауылдық жерлердегi ветеринарлық ұйымдар жоғары және орта кәсiптiк бiлiктi мамандармен толыққанын айтады. Қазіргі уақытта бұл салада кадр тапшылығы байқалмайды. Биылдың өзінде 5 жас маман қызметке қабылданған. Бірыңғай вертикаль қызметін құру мақсатында ауылдар мен Жалағаш кентінде 14 ветеринарлық пункт қайта құрылған. Онда 74&nbsp;адам жұмыс істейді. Аудандық ветеринарлық қызметінің автопаркінде 18 қызметтік автомобиль бар. Биыл облыстық ветеринария басқармасы арқылы өтеусіз негізде 3 жаңа автокөлік алынған. Бірақ автопарк айтарлықтай жаңартуды талап етеді, оны басшылық кезең-кезеңмен&nbsp;жүзеге асыруды жоспарлап отыр екен.&nbsp;<blockquote>– Ауданда 2 мал сою алаңы бар, ветеринарлар мамандарымен бірлесіп, аумақтық ветеринариялық инспекция мамандары сатуға шығатын малдың ілеспе құжаттарына мониторинг жүргізеді. Бұл жұмыстар да нәтижесін беруде, себебі дәл осындай тексерулер бірқатар мәселенің алдын алуғасеп болып отыр. Халқымыз «Мал-жан аман ба?» деп аман-саулық сұрасады. Өйткені төрт түлік елдің негізгі күнкөріс көзі болып табылады. Келешекте мемлекет қамқорлығын пайдаланып, ветеринария жұмысын жақсарту жолында аянбай еңбек ете береміз, – дейді ол.</blockquote>&nbsp;К.БАЛҒАБАЙҰЛЫ

Жалағаш ауданы: Эпизоотиялық ахуал тұрақты

<a href="https://kyzylorda-news.kz/">Kyzylorda-news.kz</a> Аграрлық саланы дамытудағы «Ауыл аманаты» жобасы ауыл халқының әл-ауқатын жақсартуға және әлеуметтік мәселелерін шешуге бағытталған. Жлба аясында жылдық 2,5 пайызбен берілетін жеңілдетілген несие азаматтарға идеяларын жүзеге асыруға, өз ісін ашуға және жұмыссыздықты азайтуға мүмкіндік береді.Өткен жылы республикалық бюджеттен 3 миллиард теңге қаралып, 406 жоба несиелендірілген. Соның нәтижесінде 713 жұмыс орны ашылды. Биыл 4 миллиард 600 миллион теңге қаржы бөлінуде. Осы орайда&nbsp; қала және аудан әкімдеріне жауапкершілік артылған. Олар бағдарламаның артықшылықтарын тиімді пайдаланып, ауыл халқының табысын өсіруге ұмтылуы тиіс.Аталған жобаны тиімді пайдаланған ауылдың бірі – Сырдария ауданына қарасты Бесарық ауылы. Бесарық ауылыныңда бағдарлама асында атқарылған жұмыстарды өзге ауылдар үлгі етуі керек. Мұны облыс әкімі Нұрлыбек Нәлібаев ауыл әкімдеріне &nbsp;нықтап тапсырған болатын.«Ауыл аманаты» бағдарламасы өнім &nbsp;өндірумен қатар оны өткізу мәселесін де шешуге мүмкіндік береді. &nbsp;Сондай-ақ басымдық өңірдің ерекшелігіне қарай өндірістік жобаларға беріледі. Ал мал шаруашылығына қатысты жобаларға асылтұқымды мал сатып алу талабы қойылады. Бұл төрт түліктің тұқымын түрлендіруге жол ашады,&nbsp;сонымен бірге&nbsp;жақындарының малын тіркеп қоюшыларға кедергі болмақ. Осылайша қаржы нақты мақсатына жұмсалады. «Ауыл аманаты» жобасы бойынша аймақта 1 томат пастасы цехы, 34 жылыжай ашылып, 671 асылтұқымды төрт түлік алынған. Сонымен бірге, 21 сүт және ет өнімдері өндірісі іске қосылып, 66 ауыл шаруашылығы техникасы әкелінген.&nbsp;Оған қоса 14 балық, 18 құс шаруашылығы өркен жайды. Жоба қатысушыларының арасынан 38 адам кондитер және нан өнімдерін пісірумен айналысады. Бұдан бөлек 3 гидропоника, 7 жиhаз, 34 пластикалық өнімдер мен құрылыс материалдары өндірісі, 98 қызмет көрсету орны ашылған.Мемлекеттік бағдарламаның игілігін көрген 106 елді мекенде 51 ауыл шаруашылығы өндірістік кооперативі құрылып, оның 33-і 716 миллион теңгеге қаржыландырылған. Ал биыл 575 жобаны іске асыру, 610 жұмыс орнын ашу көзделуде.&nbsp;А.Әлім

«Ауыл аманаты» ауыл халқын қолдайтын жоба 

<a href="https://kyzylorda-news.kz/">Kyzylorda-news.kz</a> &nbsp;Мемлекеттен берілетін қолдаудың арқасында өңірдегі ауыл шаруашылығы саласының дамуында оң динамика қалыптасып отыр. Жыл басынан бері ауыл шаруашылығы өнімдерінің көлемі 3,8 пайызға артса, қайта өңдеу өнімдерінің көлемі мен ауыл шаруашылығының негізгі қорына салынған инвестицияда да өсім бар. Бұл туралы Өңірлік коммуникациялар қызметінің ақпарат алаңында облыстық ауыл шаруашылығы және жер қатынастары басқармасының басшысы Талғат Дүйсебаев айтты.<blockquote>– Биыл облыс бойынша 189,4 мың гектар ауыл шаруашылығы дақылдары егіліп, агротехникалық талаптарға сай толық жинап алынды. Мұндағы негізгі дақыл күріштің көлемі 85,6 мың гектарды құрап, әр гектарынан 58 центнерден өнім алып, жарты миллион тоннаға жуық күріш жиналды. Сонымен қатар, күріштен басқа дәнді дақылдардан 18,5 мың тонна, майлы дақылдар 4,9 мың тонна, картоп, көкөніс, бақша өнімдерінен 352,7 мың тонна, мал азықтық дақылдары 367 мың тонна өнім өндірілді. Өңірдегі су тапшылығы жағдайын ескере келе күріштің көлемі 3,4 мың гектарға қысқартылып, есесіне мал азықтық және майлы, дәнді дақылдарды ұлғайттық. Өндірісте суды үнемдейтін технологияларды қолдануды қарқынды дамытудамыз. Су үнемдеу технологияларын пайдалану көлемі өткен жылмен салыстырғанда бірнеше есеге артып, 4 400 гектарға жеткізілді,- деді Талғат Тұрсынұлы.</blockquote>Ел қамбасын мол астыққа кенелтіп, саланың өсіп-өркендеуіне аталған сала еңбеккерлерінің қосқан үлесі зор. Олар өздерінің қажырлы еңбегімен ел қоржынын сары алтынға толтырып, үнемі үздік нәтижеге қол жеткізіп келеді. Мәселен, биыл жиналған 189,4 мың гектар ауыл шаруашылығы дақылдары дәл осы қызметкерлердің дамылсыз еңбегінің арқасы. Бүгін Өңірлік коммуникациялар қызметінің ақпарат алаңында облыстық ауыл шаруашылығы және жер қатынастары басқармасының басшысы Талғат Дүйсебаев сала қызметкерлерін мерекемен құттықтап, атқарылып жатқан жұмыстарға тоқталды.<blockquote>– Агроөнеркәсіптік кешен – қоғам үшін өмірлік маңызы бар өнімдер өндірілетін және орасан зор экономикалық әлеует шоғырланған кез келген ел экономикасының құрамдас бөлігі. Биыл өңірде 3 инвестициялық жобаны іске асыру жұмыстары басталды. Тамшылатып суару әдісімен 800 гектарға жүгері, жаңбырлатып суару әдісімен 184 гектарға сүрлемдік жүгері мен жоңышқа егілді. Су шығынын азайту мақсатында егістік жерлерді лазерлік тегістеудің маңызы зор. Соңғы жылдары диқандар күріш егістіктерінің 55 мың гектарын лазерлік тегістеуден өткізді. Нәтижесінде, суды үнемдей отырып, өнімділікті 30 пайызға арттырдық. Ауыл шаруашылығы саласының өндірісі аймағымыздың әлеуметтік экономикалық дамуында маңызы зор екенін ескере отырып, алдағы уақытта саладағы мақсат-міндеттерге қол жеткізу жолында қарқынды шаралар ұйымдастырылып, тиісті жұмыстар атқарылатын болады, - деді Талғат Тұрсынұлы.</blockquote><img src="https://knadmin.beoblood.kz/uploads/auylsharuashyly_y_3e6cb82507.jpg" alt="ауылшаруашылығы.jpg">Фото: aikyn.kz

Биыл облыстағы ауыл шаруашылығы өнімдерінің көлемі артты

<a href="https://kyzylorda-news.kz/">Kyzylorda-news.kz</a> Президент тапсырмасына сәйкес ветеринария саласын реформалауға байланысты сала мамандарының айлық жалақылары соңғы 2 жылда 40 пайызға көтерілді. Бұл туралы Өңірлік коммуникациялар қызметінің баспасөз алаңында облыстық ветеринария басқармасының басшысы Шахмардан Қойшыбаев айтты.Өңірдің эпизотиялық ахуалын тұрақты ұстап тұру мен белгіленген іс-шараларды мерзімінде орындауда, облыстың әкімшілік аумағында 8 ветеринариялық станция мен 139 ветеринариялық пунктте 780 маман қызмет көрсетуде.<blockquote>«Ветеринариялық іс-шараларды уақытылы ұйымдастыру үшін ветеринариялық ұйымдардың материалдық-техникалық базасы мықты болуы қажет. Өңірімізде ветеринария саласына аса мән беріліп, жұмыстарын ілгерілету, материалдық-техникалық базасын жабдықтау мақсатында арнайы «Жол картасы» бекітілген. Облыстық бюджеттен соңғы 3 жылда 682,3 млн. теңге бөлініп, 71 арнайы автокөлік, 163 дана компьютер, 163 дана термочемоданмен қамтамасыз етілді», - деді Шахмардан Сұлтанбекұлы.</blockquote>Өңірімізде сапалы жүргізілген жұмыстардың нәтижесінде Дүниежүзілік жануарлар денсаулығы ұйымы арқылы облысымызға аусыл ауруынан таза аймақ мәртебесі берілді. Бұл өңіріміздің экспорттық әлеуетін арттыруға мол септігін тигізеді.<blockquote>«Аса қауіпті жұқпалы аурулардың алдын алу және эпизоотиялық тұрақтылықты сақтау мақсатында 14 түрлі жұқпалы ауруға республикалық бюджет есебінен 7468,5 мың доза ветеринариялық препарат қаралған. Облысқа бөлінген 7279,2 мың доза (97,5%) ветеринариялық препараттар аудандарға таратылды. Тиісті жұмыстар 10 айлық жоспарға сәйкес 6303,6 мың доза алдын ала егіліп, толық орындалды», - деді облыстық ветеринария басқармасының басшысы Шахмардан Қойшыбаев.</blockquote><img src="https://knadmin.beoblood.kz/uploads/Veterinarly_auipsizdik_haly_sauly_yny_kepili_9d683d35e3.jpg" alt="Ветеринарлық қауіпсіздік - халық саулығының кепілі.jpg">Фото:&nbsp;aptamedia.kz

Ветеринарлық қауіпсіздік - халық саулығының кепілі

<a href="https://kyzylorda-news.kz/">Kyzylorda-news.kz</a> &nbsp;Қызылорда облысының кәсіпкерлік және өнеркәсіп басқармасының ұйымдастыруымен 25 қазан – Республика күні ұлттық мерекесіне орай, елшілік құндылықты арттыру және жергілікті тауарөндірушілерді қолдау мақсатында ағымдағы жылдың қазан айының &nbsp;21-27 күндер аралығында «Байұзақ Плаза» сауда үйінің екінші қабатында өтетін жергілікті өнімдердің жәрмеңкесіне шақырамыз.

Жәрмеңкеге шақырамыз!

<a href="https://kyzylorda-news.kz/">Kyzylorda-news.kz</a>&nbsp; Бүгін облыс әкімі Нұрлыбек Нәлібаев, Парламент Сенаты мен Мәжілісінің депутаттары Қызылорда қаласында ұйымдастырылған «Алтын күз-2024» дәстүрлі мерекесі аясындағы жәрмеңкені аралады. Қала күніне орайластырылған ауқымды іс-шарада Қызылорда қаласы мен барлық ауданнан келген ауыл шаруашылығы тауарөндірушілері белгіленген орындарда өз өнімдерін саудаға шығарды. Тұрғындарға ала жаздай ризық-несібесін жерден терген Сыр диқандарының 1000 тоннадан астам өнімдері ұсынылды.Атап айтқанда, 200 тоннадан астам күріш, 25 тонна ет және 40 тоннадай балық өнімдері, 200 тонна картоп, 70 тонна сәбіз, 120 тонна пияз, 150 тоннадан астам көкөніс пен жеміс-жидек, 250 тонна бақша өнімдері, 10 тоннадай сүт өнімдері, 10 тоннаға жуық кондитер өнімдері, 200 бас тоқты және 40 тонна жем-шөп жеткізілді.Биыл Сыр диқандары 189 400 гектар жерге егін екті, 85 600 гектар күріштен 58 центнерден өнім алып, жарты миллион тоннаға жуық Сыр маржанын жинады.Бүгінгі күні күріштен басқа да дәнді дақылдардан 18,5 мың тонна, майлы дақылдардан 4,9 мың тонна, картоп, көкөніс, бақша өнімдерінен 352,7 мың тонна, мал азықтық дақылдардан 327 мың тонна өнім қамбаға құйылды.Бүгінгі жәрмеңкеде жергілікті өнерпаздар өнер көрсетіп, балаларға арналған ойындар ұйымдастырылып, келушілерге көтеріңкі көңіл-күй сыйлады.<img src="https://knadmin.beoblood.kz/uploads/zharmenke_1_22e51d6f6c.jpg" alt="жарменке 1.jpg"><img src="https://knadmin.beoblood.kz/uploads/zharmenke_62f028d61b.jpg" alt="жарменке.jpg"><img src="https://knadmin.beoblood.kz/uploads/zh_rme_ke_1_9b8be4334a.jpg" alt="жәрмеңке 1.jpg">Фото: Қызылорда облысы әкімінің баспасөз қызметі

Қызылордада «Алтын күз-2024» жәрмеңкесі өтті

<a href="https://kyzylorda-news.kz/">Kyzylorda-news.kz</a> Бүгін Өнер орталығында облыс әкімі Нұрлыбек Нәлібаевтың қатысуымен дала еңбеккерлерінің дәстүрлі «Алтын күз – 2024» мерекесі өтті. Биылғы диқандар тойы аймақтың орман шаруашылығы саласының 90 жылдығымен және Қала күнімен тұспа-тұс келіп, молшылық маусымындағы дүбірлі мерекеге ұласты.Салтанатты іс-шараға мемлекет және қоғам қайраткерлері, Парламент Сенаты Кеңесінің мүшелері Қуаныш Сұлтанов, Өмірзақ Озғанбаев, Рашид Әкімов, Бірғаным Әйтімова, Динара Нөкетаева арнайы қатысты. Сонымен қатар, Парламент Сенаты мен Мәжілісінің депутаттары, басқарма басшылары, қала, аудан әкімдері, сала ардагерлері, еңбек озаттары және шаруашылық өкілдері де келді.Аймақ басшысы жиналған қауымды молшылық маусымының берекелі мерекесімен құттықтап, өңірдегі жетістіктерге тоқталды.<blockquote>«Президентіміздің, Үкіметтің қолдауымен Сыр өңірінде мақсатты бастамалар қолға алынып, ауқымды жобалар жүзеге асуда. Екі жыл бұрын облыс бюджеті 364 млрд. теңге болатын, бүгінде 744 млрд. теңгеден асты. Бұл қаражат аймақтағы ең өзекті мәселелерді шешуге, тұрғындардың өмір сүру сапасын арттыруға және инфрақұрылымдық жобаларды жүзеге асыруға бағытталды.Осы жылы 8 млрд. 800 млн. теңгеге 250 ауыл шаруашылығы техникасы алынып, машина-трактор паркі 5 пайызға жаңаланды. Оған қоса 7 млрд. теңгенің 11 инвестициялық жобасы жоспарланып, бүгінде 7 жоба жүзеге асты. Қалған 4 жоба жыл соңына дейін іске қосылады. Осылайша ауыл шаруашылығының жалпы өнім көлемі артып, осы жылы 229 млрд. теңгеге жетеді.Ерте көктемнен қара күзге дейін еткен еңбектің, төккен тердің нәтижесінде мол өнім алған диқандарымызды, аймақ табиғатының көркеюіне өлшеусіз үлес қосқан орманшыларымызды құрметпен марапат төріне шығару – біз үшін үлкен мәртебе.Ақ күріштің атасы, дала академигі Ыбырай Жақаевтың ізбасарлары биыл да ерен еңбектің үлгісін көрсетті. Сыр диқандары 189 мың 400 гектар жерге егін екті. Негізгі дақыл – күріштің көлемі 85 мың 600 гектарды құрап (өткен жылдан 3,4 мың гектарға кем), әр гектардан 58 центнерден өнім алынып, жарты миллион тоннаға жуық күріш жиналды. «Мағжан және Компания», «Ер-Әлі», «Таң ЛТД» ірі шаруашылықтары күріштің әр гектарынан орташа 80 центнерге жуық өнім алғанын атап өтуге болады.Адал еңбегімен төрден орын алған дала еңбеккерлерін, орман саласының қызметкерлерін марапаттап, сый-құрмет көрсету дәстүрін жалғастырамыз. Қамбамыз дәнге, қорамыз малға толып, халқымыздың құт-берекесі арта бергей», – деді Нұрлыбек Нәлібаев.</blockquote>Мерекелік іс-шарада еңбек жолын механик болып бастап, кеңшар директоры, аудан әкімі, басқарма басшысы қызметтерін атқарған Әбибуллаев Ибрагим Сражадинұлына «Қызылорда облысының құрметті азаматы» атағы берілді. Еңбек озаттарына сый-құрмет көрсетілді.Мемлекет басшысының су үнемдеу туралы тапсырмасына сәйкес аймақта су көп қажет ететін дақылдар көлемі оңтайландырылып, үнемдеу технологиясы енгізілді. Биыл жаңа технологияларды пайдалану көлемі 4 мың 400 гектарға жетті. Бұл өткен жылмен салыстырғанда 5 есе артық. Шиелі, Қазалы, Арал аудандарында су үнемдеу технологияларын қолдану арқылы 3 ірі жоба іске асуда.Су шығынын азайтуда егістік жерді лазерлік тегістеудің маңызы зор. Соңғы жылдары диқандар 55 мың гектар күріш егістігін лазерлік тегістеуден өткізді. Нәтижесінде суды үнемдеп, өнімділікті 30 пайызға арттырды.Мемлекет басшысының қолдауымен бастау алған «Кең дала - 2» бағдарламасы диқан қауымына қолайлы болды. Бағдарлама аясында егін егу және жинау жұмыстарына жеңілдетілген пайызбен 10 млрд. теңге несие алды.Одан бөлек, саланы кешенді қолдау арқасында шаруашылық құрылымдары егіске қажетті минералды тыңайтқыштар, сапалы тұқымдар және арзандатылған дизель отынымен толық қамтамасыз етілді.Мемлекет басшысының бастамасымен өткен жылдан бері «Ауыл аманаты» жобасы бастау алды. Ауыл халқының тұрмыс-тіршілігін, әл-ауқатын жақсартуға бағытталған бұл жоба аясында өткен жылы 3 млрд. теңгеге 406 жоба жүзеге асып, 713 жаңа жұмыс орны ашылды. Биыл 4 млрд. 600 млн. теңгеге 575 жоба қолға алынған.Агробизнес өкілдері ауылдарды дамытуда, халықтың тұрмысын жақсартуда бизнестің әлеуметтік жауапкершілігі аясында ауқымды жұмыстар атқаруда. Соңғы жылдары елді мекендерді абаттандыру, инженерлік инфрақұрылымды дамыту және әлеуметтік нысандарды қайта жаңғыртуға ауыл шаруашылығы құрылымдары 7 млрд. теңгеден астам қаржы бағыттады.<img src="https://knadmin.beoblood.kz/uploads/Altyn_kuz_90400f8d7b.jpg" alt="Алтын куз.jpg"><img src="https://knadmin.beoblood.kz/uploads/Altyn_k_z_1_13e3b729a7.jpg" alt="Алтын күз 1.jpg"><img src="https://knadmin.beoblood.kz/uploads/Altyn_k_z_3_b3b00563f0.jpg" alt="Алтын күз 3.jpg"><img src="https://knadmin.beoblood.kz/uploads/Altyn_kuz_1_3fbe52763b.jpg" alt="Алтын куз 1.jpg"><img src="https://knadmin.beoblood.kz/uploads/Altynk_z_83f8c38bcc.jpg" alt="Алтынкүз.jpg"><img src="https://knadmin.beoblood.kz/uploads/Altyn_k_z_2_bc62e0beeb.jpg" alt="Алтын күз 2.jpg"><img src="https://knadmin.beoblood.kz/uploads/Alttyn_kuz_2_ad1e831b10.jpg" alt="Алттын куз 2.jpg"><figure class="media"><div data-oembed-url="https://www.youtube.com/watch?v=XbSeS9LARpI"><div style="position: relative; padding-bottom: 100%; height: 0; padding-bottom: 56.2493%;"><iframe src="https://www.youtube.com/embed/XbSeS9LARpI" style="position: absolute; width: 100%; height: 100%; top: 0; left: 0;" frameborder="0" allow="autoplay; encrypted-media" allowfullscreen=""></iframe></div></div></figure>Фото: Қызылорда облысы әкімінің баспасөз қызметі

«Алтын күз – 2024» салтанатты шарасы өтті

<a href="https://kyzylorda-news.kz/">Kyzylorda-news.kz</a> &nbsp;Қызылорда облысының елордада өткен ауыл шаруашылығы жәрмеңкесіне 600 тоннадан астам өнім жеткізілді. Екі күнге жалғасқан тоқшылық мерекесінде сырдық ақ күріші мен айдынды Аралдың балығынан бөлек, ұлттық сусындар, көкөніс пен жеміс-жидек те халықтың сұранысына ие болды. Бұл туралы Өңірлік коммуникациялар қызметінің ақпарат алаңында облыстық ауыл шаруашылығы жіне жер қатынастары басқармасының басшысы Талғат Дүйсебаев мәлімдеді.<blockquote>– Арқа төрінде ұйымдастырылған бұл шараға астаналық тұрғындарға арнап 50-ден астам өнімнің түрі жеткізілді. Жәрмеңкеде 100-ге жуық Сыр дихандары мен тауар өндірушілері 80 жүк көлігіне тиелген құны 270 млн теңге болатын өнімдерді елорда тұрғындары мен қонақтарына ұсынды. Атап айтқанда, 300 тоннадан астам күріш, 10 тонна ет өнімдері, 30 тоннаға жуық балық, 80 тонна көкөніс пен жеміс-жидектер, 180 тонна бақша өнімдері, 3 тонна ас тұзы мен 15 тоннаға жуық сүт және кондитерлік өнімдер жеткізілді. Айта кету керек, біз апарған өнімдер Астана нарығындағы бағадан 15-20 пайызға төмен бағада сатылды. Ауыл шаруашылығы жәрмеңкесіне жиналған жұрт арзандатылған отандық және табиғи өнімге қызығушылық танытып, зор ықыласын білдіріп, дән риза болды. Сонымен қатар, елордалықтарға ерекше көңіл-күй сыйлау үшін Сыр елінің өнерпаздарының қатысуымен концерттік бағдарлама да қойылды, – деді Талғат Тұрсынұлы.</blockquote>Фото:&nbsp;Қызылорда облысының Өңірлік коммуникациялар қызметі

 Қызылордалықтар жәрмеңкеге 600 тонна өнім апарды

<a href="https://kyzylorda-news.kz/">Kyzylorda-news.kz</a> Астаналықтарға Қызылорда облысының төлқұжатына айналған ақ күріші, балығы мен ас тұзы, қауын мен қарбызы, ұлттық сусындары жалпы 70 жүк көлікке тиелген 80-ге жуық Сыр дихандары мен тауарөндірушілері құны 270 млн. теңгені құрайтын 600 тоннадан астам түрлі өнімдер жеткізілді.Атап айтқанда, 300 тоннадан астам күріш, 6 тонна ет өнімі, 30 тоннадай балық өнімі, 80 тоннадан астам көкөніс пен жеміс-жидек, 180 тонна бақша өнімі, 3 тонна ас тұзы, 15 тоннаға жуық сүт және кондитер өнімі бар.Сонымен қатар, елордалықтарға ерекше көңіл-күй сыйлау үшін Сыр Елінің өнерпаздарының қатысуымен концерттік бағдарлама қойылмақ.<img src="https://knadmin.beoblood.kz/uploads/Elordada_Syr_elini_zh_rme_kesi_tude_1_41bcc09403.jpg" alt="Елордада Сыр елінің жәрмеңкесі өтуде 1.jpg"><img src="https://knadmin.beoblood.kz/uploads/Elordada_Syr_elini_zh_rme_kesi_tude_4_13516e86ee.jpg" alt="Елордада Сыр елінің жәрмеңкесі өтуде 4.jpg">

Қазақстан және Қызылорда облысының жаңалықтары: Ауыл шаруашылығы