<a href="https://kyzylorda-news.kz/">Kyzylorda-news.kz</a> Заманауи тәсілдерді мал шаруашылығында жан-жақты пайдалану керек. Бұл туралы Қазақстан халқына Жолдауын жариялау кезінде Президент Қасым-Жомарт мәлім етті, – деп хабарлайды <a href="https://kaz.inform.kz/news/auil-sharuashiligi-onmdern-teren-ondeuge-basa-man-bergen-zhon-prezident-4c56bce1">Қазақпарат.</a><blockquote>- Бұдан бөлек, ауыл шаруашылығы өнімдерін терең өңдеу ісін дамытуға баса мән берген жөн. Қазірдің өзінде бұл бағытта табысты жобалар бар. Мәселен, Қызылорда облысының шаруалары қатаң климатқа қарамастан жүгері мен соя өсіріп, оны өңдеумен айналысады. Ал Түркістан облысында қытай компаниясы суды тиімді пайдаланатын заманауи мақта-тоқыма кластерін құрып жатыр. Үкімет осындай озық тәжірибелердің ел аумағында кең тарауына жағдай жасап, инвесторларға уақтылы қолдау көрсетуі керек, - деді Қасым-Жомарт Тоқаев.</blockquote>Сонымен қатар Президент мұндай заманауи тәсілдерді мал шаруашылығында да жан-жақты пайдаланған дұрыс екенін атап өтті.<blockquote>- Бүгінде Солтүстік Қазақстан облысының тәжірибесін басшылыққа ала отырып, елімізде 71 тауар-сүт фермасы іске қосылды. Бұл фермаларда жыл сайын 462 мың тоннадан астам сүт өндіріледі. Ақмола облысында шетелдің озық тәжірибесіне сай ет кластері құрылып жатыр. Осындай жобаларды қолдауға болады, қажетті жағдайда қаражат та бөлу керек, - деді Мемлекет басшысы.</blockquote>Сурет: gov.kz

Ауыл шаруашылығы өнімдерін терең өңдеуге баса мән берген жөн – Президент 

<a href="https://kyzylorda-news.kz/">Kyzylorda-news.kz</a> 24 қазанда облыс орталығында "Дала дәмі" ауқымды ауыл шаруашылығы жәрмеңкесі өтеді. Мақсаты – отандық өнім өндірушілерді қолдау және халықты сапалы табиғи өнімдермен қамтамасыз ету.&nbsp;Жәрмеңкеде қала тұрғындары күріш, Арал теңізінің балығы, қауын мен қарбыз, ас тұзы, табиғи сүт өнімдері, ұлттық сусындар және басқа да жергілікті өндірілген тауарларды сатып ала алады. &nbsp;Тауар өндірушілер екі мың тоннаға жуық өнім ұсынады.&nbsp;Жәрмеңке өтетін орындар:&nbsp;<ul><li style="text-align:justify;">Қызылорда қаласы - "Қайсар Арена" стадионының автотұрағы (Сол жағалау);&nbsp;</li><li style="text-align:justify;">Сырдария ауданы - "Тағзым алаңы" (С. Толыбеков және Д. Қонаев көшелерінің қиылысы);&nbsp;</li><li style="text-align:justify;">Қармақшы ауданы-и. Журба көшесі (С. Романов және М. Саламатов көшелерінің қиылысында);&nbsp;</li><li style="text-align:justify;">Жалағаш ауданы - А. Қашаубаев және Жетікөл көшелерінің қиылысы ("Титов" кенті);&nbsp;</li><li style="text-align:justify;">Арал ауданы-С. Торайғыров және Қорқыт ата көшелерінің қиылысы;&nbsp;</li><li style="text-align:justify;">Қазалы ауданы-Ғ. Мұратбаев және Қ. Яссауи көшелерінің қиылысы ("Шұғыла" шағынауданы);&nbsp;</li><li style="text-align:justify;">Жаңақорған ауданы-Астана даңғылы бойында (Е. Көшербаев пен А. Иманов көшелерінің арасында);&nbsp;</li><li style="text-align:justify;">Шиелі ауданы-Тасбөгет кентінің орталық алаңы.</li></ul>Сурет: Нұрболат Нұржаубай

Қызылордада "Дала дәмі" ауқымды ауыл шаруашылығы жәрмеңкесі өтеді

<a href="https://kyzylorda-news.kz/">Kyzylorda-news.kz</a> Шиелі ауданында ауыл шаруашылығы өндірісін әртараптандыру және су ресурстарын тиімді пайдалану бағытында бірқатар тәжірибелік жұмыстар жүргізілуде.Атап айтқанда, «Бала би-2004» өндірістік кооперативінің егіс алқабында 2 гектар жерге сорго (құмай) дақылы тамшылатып суару технологиясын қолдану арқылы егілді.Тәжірибелік алқапта дақылдың жергілікті климаттық жағдайға бейімделуі, суару технологиясының тиімділігі, өсіп-даму ерекшеліктері мен өнімділік көрсеткіштері бақылауға алынды.Қант құмайы – қуаңшылыққа салыстырмалы түрде төзімді, су қажеттілігі төмен және жемшөптік маңызы жоғары дақылдардың бірі.&nbsp;Осыған байланысты оны су тапшылығы жағдайында ауыл шаруашылығы дақылдарын әртараптандырудың перспективалы бағыттарының бірі ретінде қарастыруға болады.Жүргізілген тәжірибенің нәтижесі оң болған жағдайда, келесі жылы қант құмайы егісінің көлемін ұлғайту жоспарланып, тұқым қорын қалыптастыру жұмыстары жүргізілуде.Бұл бағыттағы жұмыстар ауданның егіс құрылымын әртараптандыруға, су ресурстарын ұтымды пайдалануға және жаңа агротехнологияларды өндіріске енгізуге мүмкіндік береді.<img src="https://knadmin.beoblood.kz/uploads/Shieli_audany_ant_majy_2_7708139fe2.jpg" alt="Шиелі ауданы қант құмайы 2.jpg">

Қант құмайы дақылын өсіру бойынша тәжірибелік жұмыстар жүргізілуде

<a href="https://kyzylorda-news.kz/">Kyzylorda-news.kz</a> Облыс әкімі Мұрат Ергешбаевтың төрағалығымен өткен мәжілісте егін шаруашылығының қазіргі жағдайы талқыланды.Биыл облыста 185,8 мың гектарға ауыл шаруашылығы дақылдары егілгені белгілі. Оның ішінде дәндi дақылдар 89,7 мың гектар, майлы дақылдар 6,1 мың гектар, мал азықтық дақылдар 73,2 мың гектар, картоп, көкөнiс, бақша 16,8 мың гектар. Мемлекет басшысының тапсырмасына сәйкес, &nbsp;өткен жылмен салыстырғанда күріш көлемі 10,9 мың гектарға қысқарды, бүгінде 70 мың гектар күріш суға толық бастырылған.Жалпы 7 541 гектар мақсары, 415 гектар жаздық арпа, 4 338 гектар жаздық бидай, 21 394 гектар жаңа жоңышқа, 428 гектар қант құмайы, 873 гектар судан шөбі, 409 гектар сүрлемдік жүгері, 373 гектар соя, 30 гектар күнбағыс, 120 гектар жемдік асқабақ, 326 гектар тары, 1 366 гектар картоп, 6 743 гектар көкөніс, 8 735 гектар бақша егілді. Күріштің 53,4 мың гектары үстеп қоректендіріліп, 61,2 мың гектары арамшөптерге қарсы өңделді.Осыған сәйкес, 16,7 мың гектары (23,9%) түтікке шығу, 44,8 мың гектары (64%) масақтану, ал 8,5 мың гектары (12,1%) гүлдену кезеңіне өтті.<figure class="image"><img src="https://knadmin.beoblood.kz/uploads/akimat_736e247ee5.jpg" alt="акимат.jpg"></figure>Күздік бидай, сұлы толық &nbsp;жиналып бітті. Шаруашылықтар күтімге алған 49 мың гектар ескі жоңышқаның 2380 гектарын тұқымға қалдырып, 46,6 мың гектардан екі орымнан жалпы 142,7 мың тонна жоңышқа дайындады. Мал азығын дайындау жұмыстары жалғасуда.Шілденің 23-індегі мәліметке қарағанда, &nbsp;Шардара су қоймасына жоғарыдан секундына 113,4 текше метр су түсуде. Қоймадағы су көлемі 3,3 млрд. текше метр. Сырдария өзенінің төменгі ағысына 550 текше метрі &nbsp;жіберілуде.Көксарай су реттегішінде жинақталған су көлемі 23 млн. текше метр, былтырғыдан 2,76 млн. текше метр артық.Биыл гидротехникалық құрылыстарға, ішкі шаруашылық каналдарына жөндеу жүргізілді.Мәжіліс қорытындысында аймақ басшысы жауапты сала жетекшілеріне бірқатар тапсырма берді.<figure class="image"><img src="https://knadmin.beoblood.kz/uploads/akimat_208b01cd49.jpg" alt="акимат.jpg"></figure>

Егін шаруашылығының мәселелері талқыланды

<a href="https://kyzylorda-news.kz/">Kyzylorda-news.kz</a>&nbsp; Биыл өңірде 185 мың 800 гектарға ауыл шаруашылығы дақылдары егіліп жатыр. Мемлекет басшысының суды көп қажет ететін дақылдарды азайту жөніндегі тапсырмасына сәйкес, күріш көлемі өткен жылмен салыстырғанда 10 мың 900 гектарға қысқартылып, 70 мың гектарға дейін төмендетілді. Бұл туралы Өңірлік коммуникациялар қызметінің ақпарат алаңында көктемгі Облыстық ауыл шаруашылығы және жер қатынастары басқармасы басшысының орынбасары Даулетбек Абдирасулов баяндады.Жиында егіс науқанының қазіргі ахуалы, су тапшылығының алдын алу шаралары мен су шаруашылығы жағдайы кеңінен сөз болды.<blockquote>«Қысқартылған күріш алқаптарының орнына суды аз қажет ететін жүгері, майлы және малазықтық дақылдар көлемі ұлғайтылуда. Бұл су үнемдеу мен егісті әртараптандыру бағытындағы маңызды қадам. Қазіргі таңда ерте егілетін дақылдарды егу толық аяқталды. Бүгінде картоптың 230 гектары, көкөністің 3,8 мың гектары және бақшаның 4,9 мың гектары егілді. Ал негізгі дақыл күріштің 49 мың 502 гектары себіліп, оның 41 мың 360 гектары суға бастырылған. Егіс жұмыстарын 1 маусымға дейін толық аяқтау жоспарланып отыр. Көктемгі дала жұмыстарына қажетті тұқым қоры толық дайындалды. Сонымен қатар, 2026 жылға қажетті 65 мың 600 тонна тыңайтқыштың 97,6 пайызы, гербицидтердің 64,1 пайызы сатып алынды. Егін науқанына қатысатын ауыл шаруашылығы техникалары да толық жөндеуден өткізіліп, жұмысқа кірісті», – деді спикер.</blockquote>Өңірде су үнемдеу бағытындағы жұмыстар да қарқын алған. Биыл күріш алқаптарын лазерлік тегістеу көлемі 65 мың гектарға жеткізілмек. Ал су үнемдеу технологияларын қолдану көлемі өткен жылмен салыстырғанда екі есеге артып, 16 мың 700 гектарға дейін ұлғайтылған. Қазіргі таңда жоспарланған меженің 82,2 пайызы орындалған.<blockquote>«Су тапшылығының алдын алу және агротехнологиялық талаптарды сақтау мақсатында барлық аудандарда арнайы жұмыс топтары құрылды. Олар су лимитінің сақталуын, каналдар арқылы судың тиімді бөлінуін және күріш көлемінің белгіленген межеден аспауын бақылауда ұстап отыр», - деді Даулетбек Жәнібекұлы.</blockquote>Сондай-ақ, өңірде егін шаруашылығын әртараптандыру және су үнемдеу мақсатында 4 ірі жоба жүзеге асырылуда. Соның бірі швейцариялық Харвест Груп компаниясының техникалық қарасора, жүгері және соя дақылдарын өсіру мен өңдеу жобасы. Бұл жоба аясында егіс көлемі 2028 жылға дейін 32 мың гектарға дейін ұлғайтылмақ.<img src="https://knadmin.beoblood.kz/uploads/Usileny_mery_po_vodosberezheniyu_v_Kyzylordinskoj_oblasti_371b6f3419.jpg" alt="Усилены меры по водосбережению в Кызылординской области.jpg">Бұдан бөлек, «Кең дала-2» бағдарламасы арқылы 59 шаруашылыққа 8 млрд 800 млн теңге көлемінде жеңілдетілген несие берілген.Брифингте «Арал-Сырдария» бассейндік инспекциясының басшысы Зейнулла Қазтоғанов Сырдария өзеніндегі қазіргі су шаруашылығы жағдайына тоқталды. Оның мәліметінше, бүгінгі күні Шардара су қоймасындағы су көлемі 5 млрд текше метрден асқан. Ал Көксарай су реттегішінде 813,63 млн текше метр су жиналған.<blockquote>«Қазіргі таңда Шардара мен Көксарайдан төменгі ағысқа секундына 550 текше метр су жіберілуде. Қызылорда облысы аумағына Көктөбе су бекеті арқылы 538 текше метр су келіп жатыр. Жалпы су шаруашылығы жағдайы тұрақты бақылауда», - деді инспекция басшысы.</blockquote>Сонымен қатар, Арал теңізіне секундына 48 текше метр су түсіп жатқаны айтылды. Жыл басынан бері теңізге 780 млн текше метр су жеткен. Мамандардың айтуынша, Сырдария бойындағы су жағдайына күнделікті мониторинг жүргізіліп, барлық су шаруашылығы нысандарының жұмысы бақылауға алынған.Фото: Нұрболат Нұржаубай

Көктемгі дала жұмыстары: Күріш көлемі қысқарып, су үнемдеу күшейтілді

<a href="https://kyzylorda-news.kz/">Kyzylorda-news.kz</a>&nbsp; Шиелі ауданы әкімі Айтбай Жандарбековтың қатысуымен Жөлек ауылдық округіндегі «Шолпан ана» шаруа қожалығының егіс алқабында алғашқы дән себіліп, «ДАЛА КҮНІ – 2026» атты көктемгі дала жұмыстарының басталуына арналған салтанатты шара өтті.Шараға мәслихат депутаттары, аудан ардагерлері, зиялы қауым өкілдері және шаруа қожалықтардың жетекшілері қатысты.Ашық аспан астында өткен шарада сөз сөйлеген аудан әкімі:<blockquote>— “Берекелі «Дала күні» аясында көктемгі егіс науқанына сәтті қадам басып отырмыз. Тіршіліктің тамыры – жер десек, сол жерге дән сеуіп, ел ырысын еселеп жүрген диқан қауымының еңбегі әрдайым құрметке лайық.42 Еңбек Ерінің отаны атанған киелі Шиелі өңірінде дихандар ауыл шаруашылығы саласын әртараптандырып, өнім көлемін арттыру бағытында жүйелі жұмыстар жүргізуде.Мемлекет басшысы Қасым-Жомарт Кемелұлы Тоқаевтың, Үкіметтің және облыс әкімі Нұрлыбек Машбекұлының қолдауының арқасында ауданның аграрлық саласы қарқынды дамып, заманауи технологиялар кеңінен енгізілуде, - деді аудан басшысы.</blockquote>Аудан бойынша бүгінде 1497 шаруа қожалығы тіркелсе, оның 217-сі егін шаруашылығымен айналысады. Ауданымыз бойынша биылғы жылы 31 213 гектарға егін дақылдарын егу межеленіп отыр. Оның ішінде басты дақылымыз Сыр салысы - күріш дақылы 10 600 гектарға, бидай 1623 гектарға, тары 200 гектарға, жүгері 2000 гектарға, мақсары 1000 гектарға, күнбағыс 10 гектарға, соя 70 гектарға, мал азығы дақылдары 10 680 гектарға, картоп, көкөніс, бақша дақылдары 5030 гектарға егу көзделуде.<img src="https://knadmin.beoblood.kz/uploads/Egiske_al_ash_y_d_n_sebildi_f8e8df85a6.jpg" alt="Егіске алғашқы дән себілді.jpg">Ал, егіс алқаптарына қажетті 15 300 тонна минералдық тыңайтқыш пен 13 547 литр гербицид толық қамтамасыз етілген.Сонымен қатар, соңғы жылдары ауыл шаруашылығы техникалары айтарлықтай жаңарып, шаруашылықтар заманауи комбайндар мен тракторлар сатып алуда. Нәтижесінде, соңғы 4 жылда техника паркі 68,5 пайызға жаңарған. Биылғы науқанға 703 дана ауыл шаруашылығы техникасы жұмылдырылған.Су ресурстарын тиімді пайдалану бағытында да ауқымды жұмыстар жүргізілуде. Атап айтқанда, "Таң LTD" ЖШС-і 1000 гектар жерге жүгері дақылын тамшылатып суару әдісімен ексе, "Центр Семеноводства" ЖШС-і тағы 1000 гектар жерге осы жүгері дақылын жаңбырлатып суару тәсілімен егуде. Сондай-ақ, ауданымызда 3100 гектар жерге тамшылатып суару әдісімен бау-бақша дақылдары да егілуде.Су үнемдеу шаралары тек жаңа технологиямен шектелмей, агротехникалық тәсілдермен де толықтырылуда. Биыл 10 мың гектар жер лазерлік тегістеуден өткізіліп, бұл жұмыстарға 45 заманауи техника тартылған.Су жеткізу бағытында «Шиелісушар» өндірістік учаскесі тарапынан каналдарды тазалау және қалпына келтіру жұмыстары жүргізілді. Сондай-ақ, «Базар арығы» каналына темір-бетонды науалар орнатылуда.Шара соңында алқапқа алғашқы дән себіліп, көктемгі егіс науқаны ауданымызда ресми түрде бастау алды. Бұл – берекелі тірліктің бастауы, диқан қауымының маңдай тері мен қажырлы еңбегінің алғашқы қадамы. Ақ дән жерге сіңіп, мол өнімге ұласып, ел ырысын арттырып, қамбамызды астыққа толтырсын деген ақжарма тілектер айтылды.Фото:&nbsp;Шиелі ауданы әкімнің баспасөз қызметі

«Дала күні – 2026»: Егіске алғашқы дән себілді

<a href="https://kyzylorda-news.kz/">Kyzylorda-news.kz</a> &nbsp;Облыс әкімі Нұрлыбек Нәлібаев Жалағаш ауданына жұмыс сапарымен барып, Harvest Agro компаниясының агроиндустриалды кластерін құру жобасының бірінші кезеңін іске қосу және алғашқы дән себу рәсіміне қатысты.Оған Harvest Kazakhstan серіктестігінің бас директоры Дәулет Увашев, Су ресурстары және ирригация министрлігі Су ресурстарын реттеу, қорғау және пайдалану комитетінің төрағасы Сейілбек Нұрымбетов, Жамбыл, Түркістан облыстарынан арнайы делегация, аудан әкімдері мен өңірлік қаржы және даму институттарының, шаруашылық құрылымдарының басшылары, зиялы қауым өкілдері мен ел ағалары келді.<blockquote>«Президентіміздің қолдауымен облыстың егін шаруашылығын әртараптандыруға, су ресурстарын үнемдеу технологиясын кеңінен енгізуге алдағы үш жылға 34 млрд. теңгеден астам қаржы бөлінді. Биыл осы мақсатқа 10 млрд. теңге қарастырылды.Бұл – Мемлекет басшымыздың Сыр диқандарын ерекше қолдауы. Су ресурстарының азаюы бұрынғы дағдыларды қайта қарауды, табиғатпен үндес, үнемшіл әрі тиімді жолдарды таңдауды талап етті. Бастама – жаңа мүмкіндіктерге жол ашатын, өңіріміздің экономикалық әлеуетін, халықтың әл-ауқатын арттыратын стратегиялық маңызды қадам.Жобаны жүзеге асыруға бастамашы болып, зор үлес қосқан инвесторларға тағы да шынайы алғысымызды, зор ризашылығымызды білдіреміз. Зауыт құрылысының сәтті аяқталуына, жаңа нысанның ел игілігіне қызмет етуіне тілектеспін», – деді Нұрлыбек Машбекұлы.</blockquote>Рәсімде облыс прокуроры Ризабек Кәрімұлы, Harvest Agro серіктестігінің басшысы Дәулет Нұрланұлы сөз сөйлеп, ел ағасы Биғали Әбдікерұлы батасын берді.Агроиндустриалдық кластер құру жұмыстарын сапалы жүргізіп, жобаның жүзеге асуына үлес қосқан азаматтар облыс әкімінің Алғыс хатымен марапатталды.<img src="https://knadmin.beoblood.kz/uploads/Whats_App_Image_2026_04_22_at_20_00_23_1_bb918d023a.jpeg" alt="акимат жалагаш">Айта кету керек, жобаның бірінші кезеңінде 8,7 мың гектар суармалы жерге жүгері, екінші кезеңінде 32 мың гектарға жүгері, соя, техникалық қарасора егіліп, 68 млрд.теңгеден астам қаржыға дақылдарды терең өңдейтін жаңа өндіріс орны ашылады. Зауыт заманауи жоғары сапалы технологиялармен жабдықталып, 140 адамды тұрақты жұмыспен қамтамасыз етеді.<img src="https://knadmin.beoblood.kz/uploads/Whats_App_Image_2026_04_22_at_20_00_27_3ff031b620.jpeg" alt="акимат Жалагаш ">Жоба ауыл шаруашылығын дамытуға, суармалы жер көлемін ұлғайтуға және өңделген өнім экспортын арттыруға бағытталған. Қазір 30 мың гектар жер игерілуде, ал алдағы уақытта бұл көрсеткішті 300 мың гектарға дейін жеткізу жоспарланған. Егін өсірумен қатар, өнімді өңдеу, сақтау, тасымалдау және өткізу біртұтас жүйе ретінде дамытылады.Бүгінде негізгі инфрақұрылым жұмыстары қарқын алған. Қараөзек өзенінен суару арналары тартылып, 142 жаңбырлатқыш қондырғы орнатылуда. Бұл су ресурстарын 30 пайызға дейін үнемдеуге мүмкіндік береді.<img src="https://knadmin.beoblood.kz/uploads/Whats_App_Image_2026_04_22_at_20_00_23_e96e21b945.jpeg" alt="акимат жалагаш ">Егіс алқаптарын бақылау және басқару үшін цифрлық жүйелер, жасанды интеллект элементтері енгізілуде. Алғашқы кезеңде 80 мың тоннаға дейін жүгері өнімін алу жоспарланған. Бұл – елімізде ірі агроөнеркәсіптік кластер қалыптастыруға бағытталған маңызды жобалардың бірі.Фото: Қызылорда облысы әкімінің баспасөз қызметі

Аймақта Harvest Agro агроиндустриалды кластерін құру жобасының бірінші кезеңі басталды

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев Сырдария ауданы Нағи Ілиясов атындағы ауылға жұмыс сапарымен барып, егін алқабына алғашқы дән себу рәсіміне қатысты.Аймақ басшысы Қазақстанның Еңбек Ері Абзал Ералиев және ардагерлермен бірге алғашқы дәнді сеуіп, қамбаның астыққа толуына, мол өнім жиналып, шаруалареңбегінің ақталуына тілектестігін білдірді.<img src="https://knadmin.beoblood.kz/uploads/whatsapp_image_2026_04_22_at_18_45_49_07f06782b1.webp" alt="акимат ">Әрі қарай ауыл шаруашылығы техникалары, тыңайтқыштар,өсімдік қорғау құралдары және озық техникалар көрмесімен танысты.Биыл вегетация кезеңінде облыстың егіс алқаптарын суаруға 3,2 млрд текше метр су лимиті бөлінді. Жалпы 185,8 мың гектарға дақылдар егужоспарланған. Оның ішінде дәнді дақылдар 89,7 мың гектар, майлы дақылдар 6,1 мың гектар, мал азықтық дақылдар 73,2 мың гектар, ал картоп, көкөніс және бақша дақылдары 16,8 мың гектар.Мемлекет басшысының тапсырмасына сәйкес,суды көп қажет ететін дақылдар көлемін оңтайландыру көзделген. Осыған байланысты биыл күріш көлемін 70 мың гектарға дейін қысқарту жоспарлануда. Оның орнына суды аз қажет ететін, өнімділігі жоғары жүгері алқаптарын ұлғайту қарастырылған.<img src="https://knadmin.beoblood.kz/uploads/akimat_50425a9328.webp" alt="акимат ...webp">Бүгінде ерте егілетін дақылдар себіліп бітуге жақын, қажетті тұқым, тыңайтқыш, техника және жанар-жағармай жеткілікті, 3975 техника көктемгі науқанға жұмылдырылды. Ауыл шаруашылығы тауарөндірушілері 21,7 мың тонна арзандатылған дизель отынына өтінім берді. Оның 10,1 мың тоннасы көктемгі дала жұмыстарына, 11,6 мың тоннасы күзгі егін жинауға пайдаланылады.<img src="https://knadmin.beoblood.kz/uploads/whatsapp_image_2026_04_22_at_18_45_46_1_daae0d7e4e.webp" alt="акимат ">Егін шаруашылығын әртараптандырып, су үнемдеу технологиясын кеңінен енгізген шаруашылықтарды қолдау үшін алдағы үш жылға 34 млрд. теңгеден астам қаржы бөлінсе, 10 млрд. теңгеге жуығы биылға қарастырылған.<img src="https://knadmin.beoblood.kz/uploads/akimat_a28ec7ddfd.webp" alt="акимат.webp">Соңғы жылдары су үнемдеу технологияларын қолдану 4 есе артып, 16,7 мың гектарға дейін жеткізіледі, аймақта бірқатар ірі инвестициялық жоба бар. Атап айтқанда, «Харвест Агро» серіктестігі Жалағаш ауданында жүгері, соя, техникалық қарасора егіп, 21 мың гектар жерге агрокластер құруда. «Центр семеноводства» серіктестігі Шиелі ауданында 10,0 мың гектарға жүгеріні жаңбырлатып суару әдісімен егу, «Таң ЛТД» серіктестігі 3,0 мың гектарға жүгерінітамшылатып суару әдісімен егу жобаларын қолға алған.Фото: Қызылорда облысы әкімінің баспасөз қызметі

Сыр өңірінде егін алқабына алғашқы дән себілді

<a href="https://kyzylorda-news.kz/">Kyzylorda-news.kz</a> Географиялық нұсқама дегеніміз – географиялық объектінің аумағынан шығарылатын, белгілі бір сапасы, репутациясы немесе басқа да сипаттамалары едәуір дәрежеде оның географиялық шығу тегімен байланысты тауарды сәйкестендіретін белгілеме. Белгі тек белгілі бір аумаққа қатысты өнімнің шыққан жерін көрсететін болса ғана географиялық нұсқаманың қызметін атқара алады.Географиялық нұсқама ауылшаруашылық өнімдеріне, тамақ өнімдеріне, шараптар мен спирттік ішімдіктерге, қолөнер мен өнеркәсіп өнімдеріне қолданылады. Бұған дейін географиялық нұсқама статусы Алматының әйгілі апортына берілген болатын.Қызылорда облысының Әділет департаменті облыс әкімдігімен бірлесе Қызылорда облысының аумағында өндірілетін танымал өнімдерді сараптап, оларды «ұлттық бренд» ретінде тіркеу жұмыстарын жүргізді. Нәтижесінде бүгінгі күні 13 өнім географиялық нұсқама ретінде тіркеліп, «ұлттық бренд» статусына ие болды.Олар:<ol><li>Қызылорданың күріші;</li><li>Қызылорданың тұзы;</li><li>Жайылманың қарбызы;</li><li>Қазалының конфеті;</li><li>Жаңақорғанның жүгері сусыны;</li><li>Арал теңізінің көксерке сүбесі;</li><li>Аралдың түйе сүтінен жасалған сабыны;</li><li>Аралдың жантақ өсімдігі қосылған емдік сабыны;</li><li>Қазалының сабыны;</li><li>Шиелінің құрты;</li><li>Шиелінің түйе сүтінен жасалған балмұздағы;</li><li>Жаңақорғанның бал арасы;</li><li>Жаңақорғанның тарысы.</li></ol>Ендігі жерде осы өнімдердің танымалдылығын одан әрі арттыру және коммерцияландыру аясын кеңейту кезек күттірмес қадамдардың қатарында.Қызылорда өңірінің «ұлттық бренд» өнімдерін нарықта ілгерілету, жергілікті өндірушілердің сауда желілеріне қолжетімділігін кеңейту және әріптестік орнату, шетелдік нарыққа шығару арқылы әлемге таныту – отандық кәсіпкерлердің «еншісінде». Патриот кәсіпкерлер отандық өнімдерді дамыту арқылы экономикалық патриотизмді нығайтып, еліміздің өндірістік әлеуетін арттырады. Біздер отандық кәсіпкерлерді отандық өндірушілерді қолдауға шақырамыз.Қызылорда облысы Әділет департаментінің баспасөз қызметі

Отандық өнімдерді қолдайық

<a href="https://kyzylorda-news.kz/">Kyzylorda-news.kz</a> Фитосанитариялық қауіпсіздік аграрлық саладағы өзекті мәселелердің бірі болып саналады. Бұл бағыт ауыл шаруашылығы дақылдарының өнімділігін арттыруға, өңделген өнімдердің экспортын ұлғайтуға және еліміз үшін жаңа нарықтардың ашылуына берік негіз қалайды.Аталған мәселе өңірдің әлеуметтік-экономикалық дамуында ерекше маңызға ие. Бұл туралы Өңірлік коммуникациялар қызметінің ақпарат алаңында Қызылорда облысы бойынша аумақтық инспекциясының басшысы Мұхтар Оразбаев мәлімдеді. Оның айтуынша, фитосанитариялық бақылау азық-түлік қауіпсіздігін қамтамасыз етудің және отандық өнімнің бәсекеге қабілеттілігін арттырудың басты тетіктерінің бірі.«Инспекция тарапынан 2025 жылы 2895 фитосанитариялық сертификат беріліп, шет мемлекеттерге жалпы көлемі 126 981 тонна ауыл шаруашылығы өнімі және 921 822 дана картон қораптар мен поддон экспортталған. Бұл көрсеткіштер өңір кәсіпкерлерінің сыртқы нарықтағы белсенділігін айқындайды. Ал биылғы жылдың өзінде 173 фитосанитариялық сертификат және 1 есепке алу нөмірі (ЖК «Жамалова») берілген.2025 жылдың қорытындысымен облыс аумағындағы азық-түлік қауіпсіздігін қамтамасыз ету мақсатында сауда базарларына жүргізілген бақылау және қадағалау жұмыстары барысында 147 заң бұзушылық анықталды. Ал ағымдағы жылы 2 айыппұл салынды. Бұл көрсеткіштер бақылау шараларының жүйелі жүргізіліп, заң талаптарының сақталуына қатаң мән беріліп отырғанын аңғартады. Қазіргі таңда Қызылорда облысы аумағында фитосанитариялық бақылау жүргізетін 3 бекет жұмыс істейді. Олар «Әуежай» фитосанитариялық бақылау бекеті, «Қызылорда ТемірЖолы» фитосанитариялық бақылау бекеті және «Байқоңыр» фитосанитариялық бақылау бекеті. Бұл бекеттер арқылы облысқа кіретін және шығатын жүк тасымалына тиісті тексерулер жүргізіліп, карантиндік нысандардың таралуына жол берілмейді, - деді Мұхтар Әуесұлы.

Фитосанитариялық қауіпсіздік - аграрлық тұрақтылықтың кепілі

<a href="https://kyzylorda-news.kz/">Kyzylorda-news.kz</a> Дунфан қаласында «Бір белдеу-бір жол» бастамасы аясындағы халықаралық ауыл шаруашылығы конференциясы өтті.&nbsp;Аталған конференция Қытай мен Қазақстан арасындағы агроөнеркәсіптік ынтымақтастықты кеңейтуге, озық тәжірибе алмасуға, инвестициялық мүмкіндіктерді таныстыруға және бірлескен жобаларды іске асыруға бағытталды. Іс-шара барысында ауыл шаруашылығын жаңғырту, аграрлық технологиялар, өнім өңдеу бағыттары бойынша өзекті мәселелер талқыланды.Сонымен қатар, конференция аясында Хайнань халықаралық экономикалық даму бюросы, Хайнань-Хэйлунцзян сауда-өнеркәсіп палатасы, Дунфан жүгері өнеркәсібі қауымдастығы, Баян уезінің ауыл шаруашылығын дамыту компаниясы арасында ынтымақтастық жөніндегі үшжақты меморандумға қол қойылды.Аталған келісімдер Қытай-Қазақстан агроөнеркәсіптік серіктестігін тереңдетуге, «Бір белдеу – бір жол» бастамасы аясында өзара тиімді жобаларды ілгерілетуге оң серпін беретін болады.

Қазақстан-Қытай ауыл шаруашылығы ынтымақтастығы жаңа деңгейге көтерілді

<a href="https://kyzylorda-news.kz/">Kyzylorda-news.kz</a> &nbsp;Қызылорда қаласында Жалағаш ауданының ауыл шаруашылығы өнімдері жәрмеңкесі ұйымдастырылды.Жаңа жыл мерекесі қарсаңында өткен жәрмеңкеде қала тұрғындарына аудан еңбеккерлері өндірген табиғи, экологиялық таза әрі сапалы өнімдер базар бағасынан 15-30 пайызға төмен бағамен ұсынылды.Жәрмеңкеге 140 тоннадан астам ауыл шаруашылығы өнімі жеткізілді. Атап айтқанда, жоғары сұрыпты күріш, картоп, сәбіз, пияз, қырыққабат, асқабақ, қызылша, қызанақ, бұрыш, алма, жүзім, сондай-ақ ет және балық өнімдері тұрғындар тарапынан жоғары сұранысқа ие болды.Бұл жәрмеңке ауыл еңбеккерлеріне өз өнімдерін тікелей тұтынушыға ұсынуға, ал қала тұрғындарына сапалы азық-түлікті қолжетімді бағамен сатып алуға мүмкіндік берді.Фото: Жалағаш ауданы әкімінің баспасөз қызметі

Қазақстан және Қызылорда облысының жаңалықтары: Ауыл шаруашылығы