<a href="https://kyzylorda-news.kz/">Kyzylorda-news.kz</a> &nbsp;Кеше Ауыл шаруашылығы министрлігінің Балық шаруашылығы комитетінің төрағасы Серік Сермағамбетов жұмыс сапарымен Арал ауданына келіп, елдегі балық шаруашылығы саласының жай-күйімен танысты.Алдымен аудан әкімі Аманжол Оңғарбаевпен бірге Балықшылар алеясында аудандағы бір топ балық шаруашылығы саласының өкілдерімен кездесті.Қазіргі таңда мемлекет тарапынан балық шаруашылығына жан-жақты қолдау көрсетіліп келеді. Балық шаруашылығы кәсіпшілік балық аулау, балық өсіру (аквакультура) және балық өнімдерін өңдеу бағыты бойынша дамып келеді.«Балық шаруашылығын дамытудың 2021-2030 жылдарға арналған өңірлік бағдарламасы» бекітілген болатын. Бекітілген бағдарламада ауданға қатысты тауарлық балық өндірісін ұлғайту үшін 7 тауарлы көл тізімге енгізілді. Атап айтатын болсақ «Ақшатау-Сорғақ», «Домалақ», «Тұщы», «Қаракөл», «Алаша», «Ақбілек» және «Шөмішкөл» көлдері.<img src="https://knadmin.beoblood.kz/uploads/Baly_b911c95b72.jpg" alt="Балық.jpg">Бүгінгі күні, ауданда тауарлы балық өсіру дамып келуде. Қазіргі таңда тауарлы балық өсірумен 22 шаруашылық айналысуда. Оның ішінде 7 көл тауарлы балық өсіру шаруашылығы, 8 тоған және 6 тор қоршамада балық өсіру шаруашылығы мен 1 тұйық жүйелі сумен қамтамасыз ету құрылғылары арқылы балық өсіру шаруашылықтары жұмыс жасап келеді.Кездесуде балық аулау мен өңдеу саласын оңтайландыру мәселесіне қатысты да ортақ пікірлер айтылды. Комитет төрағасы балық шаруашылығын дамыту мәселесі бойынша айтылған ұсыныстардың барлығы ескерілетінін жеткізіп, елдегі шаруаларға қолдау көрсету жалғаса беретінін жеткізді.Мұнан әрі қаланың іргесінен салынған «Қарашалаң Балық» балық өңдеу зауытының жұмысымен танысты.Жылына 6 мың тонна балық өңдеуге қауқарлы зауыттың бүгінде жұмыс кестесі қалыпты. Өндіріс ошағында негізі көксерке балығының өміндері өңделеді. Көксерке жон еті, алқым, ұрт, фарш өнімдері аталмыш зауытта терең өңделіп, өнім жергілікті жерлерде және шет елдеріне сатылады.<img src="https://knadmin.beoblood.kz/uploads/balyk_cd7542ec57.jpg" alt="балык.jpg">Келешекте басқа да балық түрлерінен кептірілген және ысталған балықтар өнім қуатын еселей түспек. Қазіргі таңда өндіріс орнында 40-50 дей адам жұмыс істейді. Бұл көрсеткіш балық аулау науқанында еселеп артып, жұмыс күші 70-100 адамға жетеді.Балық шаруашылығы комитетінің төрағасы С.Сермағамбетов зауыт ішін аралап, мұнда өңделетін өнім түрлерінің барлығы талапқа сай әрі сапалы өндірілуі керектігін жеткізді.Фото: Аудан әкімдігінің баспасөз қызметі

 Балық шаруашылығы комитетінің төрағасы Арал ауданында болды

<a href="https://kyzylorda-news.kz/">Kyzylorda-news.kz</a> «Өнер орталығында» облыс әкімі Нұрлыбек Нәлібаевтың қатысуымен су, балық шаруашылығы, ветеринария қызметкерлері күніне орай салтанатты шара өтті. Оған ҚР Парламенті Мәжілісінің депутаттары Мұрат Ергешбаев, Мұрат Әбенов, құқық қорғау органдарының басшылары, зиялы қауым өкілдері мен сала қызметкерлері қатысты.Аймақ басшысы су, балық, мал шаруашылығы және ветеринария салаларында атқарылған жұмыстарды саралап, жиналған жұртшылықты кәсіби мерекемен құттықтады.<blockquote>«Президентіміз Қасым-Жомарт Кемелұлы 2025 жылды «Жұмысшы мамандықтары жылы» деп жариялап, «Біз жұмысшы мамандықтарын дәріптеу арқылы қоғамда еңбекқор және нағыз маман болу идеясын насихаттаймыз!Адал әрі табанды еңбегімен табысқа жеткен адамдар қашанда құрметті, сыйлы болуы керек» деді. Бұл - экономикалық тұрақтылық пен әлеуметтік прогрестің басты факторы ретінде жұмысшы кәсіптерінің рөлін күшейтудегі стратегиялық қадам.Күні кеше Президентіміз Қасым-Жомарт Кемелұлысу шаруашылығы қызметкерлерін Ақордада қабылдап, мемлекеттік наградалар табыстады. Салтанатты қабылдауда жерлестеріміз, сала ардагері Сұлтанбек Тәуіпбаев «Парасат» орденімен, «Шиелісушар» өндірістік учаскесінің басшысы Дихан Әубәкіров, «Қызылорда су торабы» өндірістік учаскесінің аға инженер-гидротехнигі Мақсұт Өтеулиев «Құрмет» орденімен наградталды. Бұл - аймағымыздағы су шаруашылығы саласында атқарылған жұмыстарға берілген жоғары баға.Алаштың анасы атанған Сыр елі еңбегімен елге сыйлы, өмір жолы жас ұрпаққа өнеге болған абзал да адал жандарға, еңбек адамдарына кенде емес. Біз еңбеккерлерге лайықты құрмет көрсетіп, ғибратты ғұмырын жастарға үлгі-өнеге етуді дәстүрге айналдырып келеміз. Бұл - біздің басты парызымыз», - деді Нұрлыбек Машбекұлы.</blockquote>Салтанатты шарада «Құрмет» орденімен су шаруашылығы саласының ардагері Бегеш Жақып, «Ерен еңбегі үшін» медалімен «Қазалы су торабы» өндірістік учаскесінің басшысы Болат Асербаев , «Су шаруашылығы саласының еңбек сіңірген қайраткері» құрметті атағымен ардагер Әділхан Қарлыханов марапатталды.Саланың дамуына елеулі үлес қосқан бірқатар қызметкерге ҚР Премьер-министрінің Алғыс хаты, «Балық шаруашылығы саласына еңбек сіңірген қызметкер» құрметті атағы, «Ауыл шаруашылығы саласының үздігі» төсбелгісі, «Еңбек ардагері» медалі, «Су шаруашылығының ардагері» және «Қазақстан Республикасы су шаруашылығының үздігі» төсбелгісі табысталды.Сонымен қатар, Ауыл шаруашылығы, Су ресурстары және ирригация министрлерінің Құрмет грамотасы мен Алғыс хаты, облыс әкімінің Алғыс хаты табыс етілді.Іс-шарада 42 қызметтік автокөлік пен 65 арнайы техниканың кілті аталған салалардың мекемелеріне берілді.<img src="https://knadmin.beoblood.kz/uploads/2_Su_baly_sharuashyly_y_veterinariya_mekemelerine_yzmettik_zh_ne_arnajy_k_likter_tapsyryldy_5e17c41d23.jpg" alt="2 Су, балық шаруашылығы, ветеринария мекемелеріне қызметтік және арнайы көліктер тапсырылды.jpg"><img src="https://knadmin.beoblood.kz/uploads/1_Su_baly_sharuashyly_y_veterinariya_mekemelerine_yzmettik_zh_ne_arnajy_k_likter_tapsyryldy_729453419d.jpg" alt="1 Су, балық шаруашылығы, ветеринария мекемелеріне қызметтік және арнайы көліктер тапсырылды.jpg">Фото: Қызылорда облысы әкімінің баспасөз қызметі

Су, балық шаруашылығы, ветеринария мекемелеріне қызметтік және арнайы көліктер тапсырылды

<a href="https://kyzylorda-news.kz/">Kyzylorda-news.kz</a> &nbsp;Жақында Экология және табиғи ресурстар министрі Е.Н. Нысанбаев Қызылорда облысына жұмыс сапарымен барды. Сапар барысында министр Арал теңізінің құрғаған табанында жүргізіліп жатқан орман – мелиорация жұмыстарының барысымен <a href="https://kaz.inform.kz/news/kizilordada-3-million-koshet-bolatin-orman-pitomnignn-kurilisi-ayaktaldi-71f474/">танысты</a>. Бұл туралы ведомствоның баспасөз қызметі мәлім етті.<blockquote>– Министр Қазалы қаласында орналасқан, 2024 жылғы қарашада пайдалануға берілген орман тұқымбағын аралады. Тұқымбақтың жалпы ауданы 33 гектарды құрайды, оның ішінде өндірістік алаңы 10 гектар. Бұл жерде сексеуіл тұқымдары себіліп, нәтижесінде Арал теңізінің құрғаған табанына отырғызу үшін 3 миллион стандартты көшет алу жоспарланған.&nbsp; 2023 жылы отырғызылған, жалпы көлемі 4 мың гектарды құрайтын екпелер қаралды. Екпелер ғылыми ұсынымдарға сәйкес жасалынып, келесі отырғызу сызбасы қолданылды: қатар аралығының ені 4 метр, қатар ішіндегі аралық 2 метр, жолақ арасындағы қашықтық 30 – 35 метр. Отырғызу жұмыстары стандартты қара сексеуілдің көшеттерімен жүргізілді. Қазіргі уақытта екпелердің жай күйі қанағаттанарлық деп бағаланады, – делінген хабарламада.</blockquote>2025 жылы 9 шілдеде отырғызылған, жалпы ауданы 11,8 мың гектарды құрайтын екпелер қаралды. Аталған жұмыстар 2025 жылғы наурыз айында Қазақ-француз бірлескен кәсіпорны «Катко» қаражаты есебінен жүргізіліп, мұнда да ұқсас отырғызу сызбасы қолданылған, ал екпелердің жай күйі жақсы деп бағаланып отыр.Сондай-ақ, Министр Арал теңізінің құрғаған табанында орналасқан тұқымбақ құрылысының барысымен танысты. Қазіргі уақытта тұқымбақ суғару мақсатында ұңғымада бұрғылау жұмыстары жүргізілуде, қызметкерлерге арналған модульдік контейнерлер жеткізілді. Жұмыстар белгіленген мерзімге сай орындалады.Аталған тұқымбақ аридтік (құрғақ) жағдайларға жақсы бейімделген көшет материалын өсіруге және тасымалдау шығындарын азайтуға мүмкіндік береді. Тұқымбақтың жалпы ауданы 15 гектарды құрайды, ал өндірістік қуаттылығы жылына 1,5 миллион дана көшет өсіруге жетеді.Сапар барысында Министр ғылыми мамандардың өкілдерімен кездесті. Ғалымдармен бірге Арал теңізінің құрғаған табанында орман өсіру агротехникасын жетілдіру және отырғызылған екпелердің жерсіну деңгейін арттыру мәселелері талқыланды.Айта кету керек, Министрдің бастамасымен орман-мелиорация жұмыстарына тұрақты ғылыми сүйемелдеу жүргізу мақсатында Қызылорда қаласында ҚазОШҒЗИ филиалы құрылған. Қазіргі уақытта онда 2 ғылыми қызметкер тұрақты негізде жұмыс істеп жатыр.Сонымен қатар, атқарылған жұмыстардың тұрақтылығын қамтамасыз ету, сондай-ақ құрылған екпелерді қорғау және сақтау мақсатында Арал орман шаруашылығы мекемесі базасында «Арал орманы» мемлекеттік орман табиғи резерватын құру арқылы оларға ерекше қорғалатын аумақ мәртебесін беру жоспарланған.&nbsp;Еске сала кетейік, бұған дейін ғалымдар Аралға сексеуіл отырғызу жұмысына жоғары баға берген болатын.Фото: Экология және табиғи ресурстар министрлігі

Қызылордада 3 миллион көшет болатын орман питомнигінің құрылысы аяқталды

<a href="https://kyzylorda-news.kz/">Kyzylorda-news.kz</a> Бүгін ҚР Премьер-министрі Олжас Бектеновтің төрағалығымен мал шаруашылығының дамуы, ветеринариялық бақылау және саланы цифрландыру мәселелері талқыланған Үкімет отырысы өтті. Оған ҚР Экология және табиғи ресурстар министрі Ерлан Нысанбаев, облыс әкімі Нұрлыбек Нәлібаев селекторлық режим арқылы қатысты.Мемлекеттік қолдаудың арқасында өңірде мал басы өсіп, өнім көлемі артуда. Өткен жылы Қызылорда қаласында 800 басқа арналған тауарлы-сүт фермасын құруға 3,2 млрд. теңге бөлінді. Биыл 11 млрд. теңгеге екі сүт-тауарлы ферма салу жоспарланған. Өңірде мал азығы дақылдары 73 600 гектарға егілді, бұл өткен жылмен салыстырғанда 3 400 гектарға артық. Ерте көктемде көлдер жүйесін толтыру арқылы76 200 гектар жайылымдық, шабындық жер суғарылды.2025-2026 жылдарға 958 мың тонна табиғи шөп, 192 мың тонна жем және 157 мың тонна сабан дайындау жоспарлануда. Жоңышқаның бірінші орымынан 111 300 тонна жиналды. Жаппай шөп дайындау жұмыстары шілде айының екінші жартысынан басталады.Аса қауіпті 13 жұқпалы мал ауруының алдын алу үшін 6,3 млн. доза ветеринариялық препараттың 4,5 млн. дозасы жеткізілді. Облыс аумағындағы Сібір жарасы көмінділері бақылауда. Ветеринариялық нысандарға қатысты ұсыныстар енгізіліп, биыл 6 жаңа ветпункт салынады. Өткен жылы 7 ветпункт іске қосылды.Фото:&nbsp;Қызылорда облысы әкімінің баспасөз қызметі

Мал шаруашылығының дамуы мен ветеринариялық бақылау мәселелері талқыланды

<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаевтың қатысуымен Арал ауданына қарасты Ақбасты елді мекеніне ауыз су қосу рәсімі өтті. Басқосуға Су ресурстары және ирригация министрі Нұржан Нұржігітов, Ұлттық музей директоры Берік Әбдіғалиұлы, облыстық мәслихат төрағасы Мұрат Тілеуімбетов, жауапты сала басшылары, зиялы қауым өкілдері мен ауыл тұрғындары қатысты.Аймақ басшысы тұрғындардың өмір сапасын арттыруда атқарылған жұмыстарға тоқталып, құттықтауын жеткізді.<blockquote>«Бүгін - аралдық ағайын үшін айтулы күн. Ақбасты ауылына таза ауыз су қосамыз.Президентіміз Қасым-Жомарт Кемелұлы Үкімет пен облыс әкімдеріне мемлекет тарапынан жасалған барлық қолдауды тиімді пайдаланып, ауыл халқының табысын арттыру, тұрмыс-тіршілігін жақсарту жөнінде нақты тапсырма берген болатын. Өткен жылдың қорытындысымен облыс халқының 98,6 пайызына орталықтандырылған ауыз су қосылды. Биыл 9 елді мекенге ауыз су тартып, облыс тұрғындарын орталықтандырылған ауыз сумен 100 пайыз қамтамасыз етеміз. Оның ішінде, Арал ауданындағы Ақбасты, Абай, Тоқабай, Ерімбетжаға, Тастүбек елді мекендеріне 12 млрд 700 млн. теңге бөлінді.Бүгін өздеріңізбен бірге Ақбасты ауылының тұрғындарына ауыз су қосу рәсімінде бас қостық. Жоба құны 3 млрд. 100 млн. теңге. Бұған дейін тұрғындар ауыз суды жерасты құдығынан тасымалдап, тұтынып келді. Енді сол қиыншылықтардың барлығы артта қалды. Президентіміздің қолдауымен ауыз су әрбір тұрғын үйге жеткізілді.Ауыл тұрғындарын орталықтандырылған ауыз судың қосылуымен құттықтаймын!», - деді Н. Нәлібаев.</blockquote>Рәсімде Нұржан Нұржігітов пен Берік Әбдіғалиұлы көптен күткен игіліктің іске асуымен құттықтап, қоғам қайраткері, Имамадин Оңғарбаев батасын берді. Ауданның дамуына елеулі үлес қосқан азаматтар мен ауыз су тарту ұмыстарын сапалы әрі мерзімінде жүргізген мердігер мекеме қызметкерлері облыс әкімінің Алғыс хатымен марапатталды.Айта кетейік, Арал ауданында барлық саланың даму қарқыны жыл сайын артып келеді. Екі жыл бұрын аудан бюджеті 10,1 млрд теңге болса, бүгінде 22 млрд теңгеден асты. Соңғы үш жылда 80 млрд теңгеге жуық инвестиция тартылды.Аудан халқының 71 пайызы "көгілдір отынның" игілігін көруде. Аралдың Сыр беткейіндегі елді мекендерді газдандыру үшін Қамыстыбас елді мекенінен автоматтандырылған газ тарату станциясының құрылысы басталды. «Жайлы мектеп» ұлттық жобасы аясындағы 10 мектептің 2-уі Арал ауданында салынды. Жаңа оқу жылында Сексеуіл кентіндегі «Жайлы мектеп» пайдалануға беріледі.«Ауылда денсаулық сақтауды жаңғырту» ұлттық жобасы аясында 3 амбулатория іске қосылды. Аталған жоба аясында Арал көпбейінді аудандық ауруханасының қосымша ғимараты мен жұқпалы аурулар бөлімшесінің құрылысы басталды. Облыстық бюджет қаржысына Сексеуіл кентінен 40 төсектік аурухана салынып, емделушілерге қызмет көрсетуде.Өткен айда аралдықтар көптен күткен аспалы көпір ел игілігіне табысталды.Елді мекенді ауыз суға қосу рәсімінен кейін аймақ басшысы тұрғындармен кездесті. Әлеуметтік-экономикалық дамудың бағыт-бағдары, инфрақұрылымдық жобалардың жүзеге асу барысы туралы айтып, ой-пікірлерді тыңдады.<img src="https://knadmin.beoblood.kz/uploads/A_basty_eldi_mekenine_auyz_su_zhetkizildi_1_de50a0d4f0.jpg" alt="Ақбасты елді мекеніне ауыз су жеткізілді 1.jpg">Фото: Қызылорда облысы әкімінің баспасөз қызметі

Ақбасты елді мекеніне ауыз су жеткізілді

<a href="https://kyzylorda-news.kz/">Kyzylorda-news.kz</a> «AMANAT» партиясы Қызылорда облыстық филиалы жанындағы Экономика, кәсіпкерлік және аграрлық сектор мәселелері жөніндегі аймақтық кеңес отырысы өтіп, онда еңбек нарығын дамытудың 2024-2029 жылдарға арналған тұжырымдамасының орындалуы мен ауыл шаруашылығы саласында ірі инвестициялық жобалардың іске асырылуы мәселелері талқыланды.Жиынға партияның облыстық филиалының төрағасы Алмасбек Есмаханов, кеңес мүшелері, облыстық, қалалық мәслихаттардағы депутаттық фракция мүшелері мен жауапты басқарма өкілдері қатысты.Еңбек нарығын дамытудың 2024-2029 жылдарға арналған тұжырымдамасы шеңберінде өңірде 19340 адамды қамтуға 19,4 млрд.теңге қаралған. Жұмыспен қамту органдарының қызметімен 43 666 адам қамтылған. Атап өтер болсақ, 3861 адам бос жұмыс орындарына, 9476 адам субсидияланатын жұмыс орындарына жұмысқа орналастырылған. «Бастау Бизнес» жобасы бойынша кәсіпкерлік негіздеріне оқытуға 1359 адам жолданса, «Электронды еңбек биржасы» порталы арқылы жоспарланған 26203 адамның 110,5 пайызы онлайн - оқудан өткен. Жиын барысында хабарлама жасаған облыстық жұмыспен қамтуды үйлестіру және әлеуметтік бағдарламалар басқармасы басшысының орынбасары Жанар Дәулетбаева «Жұмысшы мамандықтар жылы» аясында өңірде ауқымды жұмыстар қолға алынғандығын атап өтті.<blockquote>«Өңірде «Жұмысшы мамандықтар жылы» аясында жұмысшы кадрлардың құқықтарын қорғау механизмдерін нығайтуға, жұмыс берушілердің жұмысшы мамандықтарды даярлау мен қолдауға қатысуын кеңейтуге, колледждердің кәсіпорындармен және халықаралық серіктестермен өзара әрекеттесуін күшейтуге, сондай-ақ жұмысшы мамандықтардың имиджін арттыруға бағытталған кешенді іс - шаралар жоспары бекітілді. Осының аясында жыл басынан ашық есік күндері мен бос жұмыс орындарының жәрмеңкелері ұйымдастырылуда. Мамыр айында өткен осындай жәрмеңкеде Солтүстік Қазақстан, Шығыс Қазақстан, Қостанай Абай, Ұлытау, Павлодар облыстарынан 7 мыңнан астам бос жұмыс орындары ұсынылып, нәтижесінде 466 адам қоныс аударуға ниет білдірді»,- дейді Жанар Дәулетбаева.</blockquote>«Бүгінде агроөнеркәсіп кешеніне көрсетіліп жатқан мемлекеттік қолдаулардың нәтижесінде облыстың ауыл шаруашылығы саласы тұрақты даму қарқынын көрсетуде. Облысқа инвестиция тартуды тұрақты қамтамасыз ету мақсатында аймақтың агроөнеркәсіптік кешен саласындағы 2025-2027 жылдары іске асырылатын инвестициялық жобалардың жол картасы бекітілген. Онда құны 57 млрд. 100 млн. теңгені құрайтын 30 инвестициялық жоба қамтылған. Бұл жобалардың жүзеге асырылуы 295 жаңа жұмыс орнын ашуға мүмкіндік береді»,- деді ауыл шаруашылығы саласында ірі инвестициялық жобалардың жүзеге асуы жөнінде хабарлама жасаған облыстық ауыл шаруашылығы және жер қатынастары басқармасы басшысының орынбасары Рысбек Шайхиев.Сондай-ақ өңірде ағымдағы жылы Солтүстік Қазақстан облысының тәжірибесі негізінде жеңілдетілген несие беру бағдарламасы аясында республикалық бюджеттен 11 млрд.теңге қарастырылып, 6 жобаны қаржыландыру жоспарланған. 1 жоба құжаттары толық дайындалып, комиссия қарауына ұсынылған. 2 жобаның мемлекеттік сараптамадан он қорытындысы алынған. 4 жобаның жобалау сметалық құжаттамалары дайындалуда.Жиын соңында кеңес төрағасы Бақдаулет Махашов кеңестің регламентіне сәйкес, кеңес жұмысына дәлелсіз себептермен 3 рет қатыспаған кеңес мүшелері кеңес құрамынан шығарылғандығын атап өтіп, кеңес құрамына қосылған партия белсендісі, партияның қалалық филиалы жанындағы Партиялық бақылау комиссиясының мүшесі Алдабергенов Абунасыр Сатыбалдыұлын таныстырды.Жалпы күн тәртібіндегі барлық мәселелер толық қаралып, көтерілген ұсыныстар жұмыс барысына алынды.&nbsp;

Еңбек нарығын дамыту, ірі инвестициялық жобаларды іске асыру мәселелері партия алаңында талқыланды

<a href="https://kyzylorda-news.kz/">Kyzylorda-news.kz</a> Бүгін ҚР Премьер-министрі Олжас Бектеновтің төрағалығымен Үкімет отырысы өтті. Күн тәртібінде «Таза Қазақстан» республикалық экологиялық бағдарламасының іске асырылу барысы қаралды. Оған облыс әкімі Нұрлыбек Нәлібаев селекторлық режим арқылы қатысты.Үкімет отырысында Премьер-министр Мемлекет басшысының «Таза Қазақстан» бастамасын жүзеге асыруға қатысты бірқатар тапсырма берді.«Үлкенді сыйлау, мәдени мұра нысандары мен инфрақұрылымға ұқыпты қарау, дәстүрлі отбасылық құндылықтарды дамыту жаңа тәрбие беру парадигмасының құрамдас бөлігіне айналуы керек.Бүгіннің өзінде осы бағытта түрлі акциялар, таза ауада жаппай сауықтыру жаттығулары, дөңгелек үстелдер, флешмобтар мен басқа да іс-шаралар өткізіліп жатыр.Үлгі боларлық мысалдар мен қоғамдық маңызы бар бастамалар арқылы тәртіпке, салауатты өмір салтына, экологиялық мәдениетке, рухани дамуға бағытталған орнықты, позитивті күн тәртібін қалыптастырған жөн», – деп атап өтті Олжас Бектенов.Экология және табиғи ресурстар министрінің мәліметінше, бүгінде мемлекеттік орман қоры аумағына 1,3 млрд, оның ішінде Арал теңізінің құрғаған табанына 48,7 млн сексеуіл көшеті отырғызылған. Қазалы қаласындағы 33 гектар алаңда жылына 3 млн көшет өсіретін орман тәлімбағының құрылысы аяқталды.Айта кетейік, Мемлекет басшысы 2021-2025 жылдар аралығында Арал теңізінің құрғаған ұлтанындағы 1,1 млн. гектарға сексеуіл екпелерін егу жөнінде тапсырма берген болатын. 2021-2024 жылдары 659,1 мың гектар алқапқа екпе егілді. Биыл қалған 440,9 мың гектар аумаққа сексеуіл көшеттері мен галофитті тұқымдар егу жоспарлануда.Бұл жұмыстарды атқаруға бюджеттен тыс қаражат тартылды. Өткен жылы «Қазмұнайгаз» ұлттық компаниясы акционерлік қоғамы 500 млн қаржы бөлсе, Қызылорда, Түркістан облыстары әкімдіктері мен КАТКО және "Республикалық орман селекциялық тұқым өсіру орталығы" орман екпелерін өтемдік отырғызу бойынша міндеттемелерді Арал теңізінің құрғаған табанына қайта бөлу үшін бесжақты келісім жасалды. КАТКО бөлген 2,2 млрд. теңге жоспарланған Арал теңізінің құрғаған табанының жұмыс көлемін қаржыландыруға мүмкіндік береді.Президент бастамасымен қолға алынған «Таза Қазақстан» республикалық бағдарламасы аясында қаламыздағы, аудан орталықтарындағы, ауылдардағы парктер, скверлер мен аллеялар, көпқабатты тұрғын үйлердің аулалары абаттандырылуда.Аталған жұмыстарға қала, аудандар мен барлық ауылдық елді мекендер белсенді қатысып келеді. Аймағымыздың сәулеттік келбеті жаңарды.Демеушілер есебінен Қызылорда қаласының орталық алаңы, Жаңақорғанда заманауи демалыс паркі, Сырдария ауданы Нағи Ілиясов ауылында «Еңбекшілер паркі» пайдалануға берілді. Дәл осындай демалыс орны жақында ғана Қазалы ауданында ел игілігіне табысталды.Қазір қаламыздағы Президент саябағы, Қорқыт Ата мемориалды аллеясы қайта жаңғыртылуда.Фото: Қызылорда облысы әкімінің баспасөз қызметі

«Таза Қазақстан» республикалық экологиялық бағдарламасының іске асырылу барысы қаралды

<a href="https://kyzylorda-news.kz/">Kyzylorda-news.kz</a> Кеше «AMANAT» партиясы облыстық филиалының төрағасы Алмасбек Есмахановтың төрағалығымен «Ауыл аманаты» партиялық жобасын жүзеге асыруға бағытталған жұмысшы топтың отырысы өтті. Онда ауыл тұрғындарына ауыл шаруашылығы кооперациясына қатысты нормативтік-құқықтық актілер мен мемлекеттік қолдау шараларын түсіндіру бойынша ақпараттық жұмыстың тиімділігін арттыру мәселелері талқыланды.Мемлекет басшысының «Әділетті Қазақстан: бәріміз және әрқайсымыз үшін. Қазір және әрдайым» атты бағдарламасына және партияның «Халықпен бірге!» сайлауалды бағдарламасына сәйкес ауыл тұрғындарының табысын арттырудың негізгі шарты ауыл шаруашылығы кооперациясын дамыту болып табылады. Осы орайда ағымдағы жылы партияның «Ауыл аманаты» жобасы аясында жеңілдетілген шағын несиелерді бөлу кезінде басымдық кооперативтерге берілмек. Мұны жиын барысында партия филиалының төрағасы Алмасбек Есмаханов атап өтті.«Бүгінде ауылдық елді мекендер мен шағын қалалар бөлінісінде болжамды инвестициялық жобалар тізбесі де нақтыланған. Атап айтсақ, өңірде 2025 жылға арналған 313 жобаның, 17-і кооперативтік жоба ретінде белгіленген. Қазір оны іске асыру бойынша жергілікті атқарушы органдармен бірлескен жұмыстар қолға алынды»,- дейді ол.Филиал төрағасы ауылдық жерлерде кооперацияны дамытуда жеке қосалқы шаруашылықтардың кооперативтік модель туралы хабарының төмендігі басты проблемалардың бірі екенін атап өтіп, облыс әкімінің бірінші орынбасары Данияр Жаналиновтың бекітуімен арнайы ақпараттық топ құрылғандығын жеткізді. Жұмысшы топ елді мекендерді аралап, бастапқы кезде кооператив құру бойынша түсіндірме және насихаттау шараларын үйлестірмек.Жиын барысында ақпараттық топтың жұмыс кестесі әзірленді. Онда осы аптада Шиелі ауданы бойынша Майлытоғай, Тартоғай, Жиделіарық пен Бестам ауылдарын аралап, онан кейін алдағы аптада жаңа кооперативтік жобалардың құрылтайшыларымен үздік өндірістік алаңдарда кездесу, бастамашыл топтан кейін халықпен тікелей кездесулер ұйымдастыру жоспарланған.

«Ауыл аманаты»: Кооперативтерге басымдық беріледі

<a href="https://kyzylorda-news.kz/">Kyzylorda-news.kz</a> Премьер-министр Олжас Бектеновтің төрағалығымен вегетациялық кезеңнің барысы туралы Үкімет отырысы өтіп, күн тәртібіндегі мәселеге қатысты бірқатар тапсырма берілді.Үкімет отырысына облыс әкімі Нұрлыбек Нәлібаев селекторлық режимде қатысып, аймақтағы жағдайды баяндады.<blockquote>«Биыл Қызылорда облысында 189 400 гектарға ауыл шаруашылығы дақылдары егілді. Үкімет бекіткен Жол картасына сәйкес, өткен жылмен салыстырғанда күріш алқаптары 4 700 гектарға қысқартылды. Оның орнына суды аз қажет ететін малазықтық және майлы дақылдардың егіс көлемі ұлғайтылды.Егісті сумен қамтамасыз етуге 3 млрд. 900 млн. текше метр су лимиті бекітілген. Облыста егін егу жұмыстары аяқталып, күріш 80 900 гектарға себіліп, суға толық бастырылды. Суармалы суды тиімді пайдалану мақсатында тиісті министрліктермен бірлесіп, бірқатар шара атқарылуда», – деді Н.Нәлібаев.</blockquote>Бүгінде лазерлік тегістелген күріш алқаптарының көлемі 60 мың гектарға, ал су үнемдеу технологияларын пайдалану екі есеге дейін артып, 8 100 гектарға жеткізілді.Барлық ауданда құрылған арнайы жұмыс топтары түсіндіру жұмыстарын жүргізіп, суды тиімді пайдалану қатаң бақылауға алынды. Магистральді және шаруашылықаралық каналдар арқылы суды кезектестіріп беру кестесі бекітілген, су осы кестеге сәйкес жіберілуде. Облыс бойынша 357 насос қондырғысы дайындалып, оның 180-і іске қосылған.Өткен жылы Үкіметтің қолдауының арқасында егіс алқаптарында су тапшылығы болған жоқ. Отырыста облыс әкімі «Шардара» су қоймасынан кемінде 1 млрд. 500 млн. текше метр су жіберуге ықпал жасауды сұрады.Фото: Қызылорда облысы әкімінің баспасөз қызметі

 Вегетациялық кезеңді өткізуге қатысты тапсырмалар берілді

<a href="https://kyzylorda-news.kz/">Kyzylorda-news.kz</a> &nbsp;ҚР Сауда және интеграция министрлігінің Сауда комитетінің төрағасы Әбілдабеков Айдар Ахметбекұлы Қызылорда облысына жұмыс сапарының аясында құрылысы жүріп жатқан «Ырыс» коммуналдық базарының жұмысымен танысты.Сауда алаңы шамамен 2 400 шаршы метрді құрайтын бұл базар сауда-саттық қызметінен бөлек, өнімдерді сату үшін алдын ала дайындау цехын ашу арқылы жергілікті ауыл шаруашылық тауарларды іріктеу, жуу, буып-түю жұмыстарын атқарып, сапалы өнім ұсыну қызметтерін жүргізуге бағытталған.Базар құрылысын салуға «Байқоңыр» ӘКК» АҚ мен «Техностнастка РемСервис» ЖШС бірлесіп 2,4 млрд теңге инвестиция салған. Базар іске қосылғанда 24 жаңа жұмыс орны ашылып, қосымша жергілікті ауылшаруашылық өнім өндірушілеріне 100 орын бөлінеді деп қарастырылуда.Сонымен қатар, Айдар Ахметбекұлы қала орталығындағы бірқатар ірі сауда орындарымен танысып, әлеуметтік маңызы бар азық-түлік бағаларын тұрақтандыру мақсатындағы мәселелерді талқылады.Бұған дейін ҚР Сауда және интеграция министрлігінің Сауда комитетінің төрағасы Айдар Ахметбекұлы облыс орталығындағы әмбебап және мамандандырылған сауда базарларының жай-күйімен танысқан болатын.&nbsp;Фото: «Байқоңыр» әлеуметтік-кәсіпкерлік корпорациясының баспасөз қызметі

Сауда комитетінің төрағасы қаладағы сауда орындарының жұмысымен танысты

<a href="https://kyzylorda-news.kz/">Kyzylorda-news.kz</a> &nbsp; 2025 жылы елімізде қоршаған ортаны қорғауға бағытталған бірқатар шаралар қолға алынды. Соның ішінде ерекше маңызға ие жобалардың бірі - дәстүрлі түрде өтетін «Таза су айдындары» атты экологиялық акция. Бұл шара аясында еліміздегі су айдындарының түбі мен жағалауы иесіз балық аулау құралдары мен тұрмыстық қалдықтардан тазартылды. Аталған акция жайында Өңірлік коммуникациялар қызметінің ақпарат алаңында Арал-Сырдария облысаралық бассейндік балық шаруашылығы инспекциясының өкілі Ғабит Ермағанбетов мәлімдеді.<blockquote>- ҚР Ауыл шаруашылығы министрлігі Балық шаруашылығы комитетінің 2025 жылғы 17 ақпандағы бұйрығына сәйкес, көктем мезгілінде жыл сайын «Таза су айдындары» табиғат қорғау акциясы өткізіледі. Шараның мақсаты - су айдындарын қоқыстан және иесіз қалған балық аулау құралдарынан тазарту арқылы табиғатқа жанашырлықпен қарауға үндеу. Биылғы акция наурыз–мамыр айлары аралығында республиканың барлық өңірлерінде ұйымдастырылды. 25-і сәуірде Қызылорда қаласы маңындағы Сырдария өзенінің жағалауында өткен тазалық жұмыстарына орман және жануарлар дүниесін қорғау мекемелері, ғылыми ұйымдар, еріктілер, студенттер мен БАҚ өкілдері қатысты. Сонымен қатар, Арал ауданындағы Кіші Арал теңізі мен Шардара су қоймасы аумағында да кең көлемде өткізілді. Жалпы, 267 адам, 47 техника және 2 шағын кеме тартылып, 10 дана ескі ау, 4 қармақ және 8,2 тонна тұрмыстық қалдық жиналды. Қызылорда облысы бойынша 203 адам мен 39 автокөлік жұмылдырылып, 4,9 тонна қоқыс шығарылды. Сонымен бірге, «Уылдырық шашу» кезеңінде инспекция 85 заң бұзушылықты анықтап, оның 2-еуі қылмыстық іске тіркелді. 83 азаматқа 1 миллион теңге айыппұл салынып, табиғатқа келтірілген 566 мың теңге көлеміндегі залал өтелуде. 7 ау құралы мен 625 кг-нан астам заңсыз балық тәркіленді. Аталған шаралар табиғи ресурстарды қорғауға бағытталған жүйелі жұмыстың нәтижесі болып табылады. Алдағы уақытта да су айдындарының тазалығын қамтамасыз ету және экологиялық тәртіпті сақтау шаралары жалғасын табады,-деді, Ғабит Құдайбергенұлы.</blockquote><img src="https://knadmin.beoblood.kz/uploads/Su_ajdyndaryn_tazartu_zh_mystary_zh_jeli_t_rde_zhal_asuda_d5f89ae455.jpg" alt="Су айдындарын тазарту жұмыстары жүйелі түрде жалғасуда.jpg"><img src="https://knadmin.beoblood.kz/uploads/Su_ajdyndaryn_tazartu_zh_mystary_zh_jeli_t_rde_zhal_asuda_1_bdef9e04d1.jpg" alt="Су айдындарын тазарту жұмыстары жүйелі түрде жалғасуда 1.jpg">

Су айдындарын тазарту жұмыстары жүйелі түрде жалғасуда

<a href="https://kyzylorda-news.kz/">Kyzylorda-news.kz</a> Қазір елімізде шегіртке шабуылымен күрес шаралары қарқынды жүріп жатыр. Толығырақ Премьер-министрдің орынбасары – Ұлттық экономика министрі Серік Жұманғарин айтып берді. Бұл туралы <a href="https://kaz.inform.kz/news/kizilorda-oblisinda-shegrtke-shabuili-turali-zhalgan-akparat-taratkandar-katan-zhazalanadi-fd73ac/">kaz.inform.kz</a> хабарлады.<blockquote>– Қазір шегірткелер шабуылының соңғы кезеңі өтіп жатыр. Келесі жылы, әрине, мұндай көлемдегі шабуыл болмайды. Таңертең шегірткеге қатысты республикалық жедел штаб отырысын өткіздім. Біріншіден, Қызылорда облысында жалған ақпарат таратқандарға қарсы қатаң шаралар қолданамыз. Өйткені халық арасында дүрбелең туғызады. Бұл өңірде шегірткемен күрес жұмысы аяқталуға жақын. Егістікке ешқандай зиян келмеді. Түркістан және Жамбыл облысында да осы жағдай, - деді Серік Жұманғарин Мәжілісте өткен Үкімет сағатынан кейін.</blockquote>Оның айтуынша, шегірткенің көбеюі 12 жыл сайын қайталанады.&nbsp;Сондай-ақ вице-премьер қазір қауіпті аймақтар ретінде Ақтөбе мен Қостанай облысы және Ресеймен шекараны айтып отыр. Себебі шегіртке Ақмола облысына өтіп кетуі мүмкін.<blockquote>– Ауыл шаруашылығы министрі Ақтөбе облысына ұшып кетті, кейін Қостанай облысына барады. Біз ауқымды жұмысқа кірісіп жатырмыз. Ешқандай кері әсер болмайтынына 100% сенімдімін. Өйткені өткен жылғы тәжірибе бар. Дрондар сатып алдық, 3445 адамды даланы зерттеу жүргізуге шығардық, ресурс жеткілікті, - деп толықтырды Үкімет басшысының орынбасары.</blockquote>Айта кетсек, әлеуметтік желіде Қызылорда облысы Арал ауданының елді мекендерінде шегіртке қаптап кеткені туралы видео тараған еді. Кейін Ауыл шаруашылығы министрлігі түсінік берді.&nbsp;Еске салсақ, биыл Қызылорда облысында шегірткелер жылдағыдан екі апта ерте оянды.&nbsp;Фото: Нұрболат Нұржаубай

Қазақстан және Қызылорда облысының жаңалықтары: Ауыл шаруашылығы