<a href="https://kyzylorda-news.kz/">Kyzylorda-news.kz.</a> Әлемдегі ең дәулетті адам – Amazon компаниясының иесі Джефф Безос небәрі 15 минутта 13 млрд долларға байыды, деп хабарлайды <a href="https://sn.kz/worldnews/65377-lemdegi-en-d-uletti-adam-15-minutta-13-mlrd-dollar-olzhaga-keneldi">Sn.kz</a>.
Ол қазіргі таңда Forbes тізімінің көшін бастап тұр.
Компания тоқсандық есебін жариялағаннан кейін оның акциясының құны 4,11 доллардан 6,47 долларға дейін қымбаттаған. Өйткені, компания кірісі сарапшылар болжағаннан жоғары болып шықты.
Осылайша, Amazon акцияларының құны 12 пайызға қымбаттап, Джефф Безостың дәулеті 129,5 млрд долларды құрады. Ол қазіргі таңда Forbes тізімінің көшін бастап тұр.

Әлемдегі ең дәулетті адам 15 минутта 13 млрд доллар олжаға кенелді

<a href="https://kyzylorda-news.kz/">Kyzylorda-news.kz.</a> Ереван мемлекеттік университеті (ЕМУ) жанындағы Қазақ тілі, тарихы және мәдениеті орталығына Абайдың аты берілді.
Бұл туралы ҚР Елшілігі ҚР Парламент Сенаты төрайымы Дариға Назарбаеваның атынан Орталыққа компьютерлік техника мен әдеби оқулықтарды тапсыруға арналған шара барысында ЕМУ ректорының міндетін атқарушы Гегам Геворкян мәлімдеді, деп хабарлайды <a href="https://www.inform.kz/kz/erevandagy-kazak-tili-tarihy-zhane-madenieti-ortalygy-abaydyn-esimimen-ataldy_a3609186">ҚазАқпарат</a>.
Еревандағы ЕМУ жанындағы Қазақ тілі, тарихы және мәдениеті орталығына ҚР Сенат төрайымы Дариға Назарбаеваның атынан компьютер, интерактивті тақта, сонымен қатар қазақ тілін үйренуге арналған 120 қазақ сөздігі мен жаңа оқу материалдары тапсырылды. Орталыққа арналған компьютерлік техникалар қазақ бағдарламаларымен жабдықталған, ол қазақ тілін үйретудің заманауи және тиімді тәсілдерін пайдалануға көмектеседі.
Шара барысында Қазақстанның Армениядағы елшісі Тимур Уразаев ЕМУ әкімшілігіне, профессор-оқытушылар құрамы мен басшылыққа қазақ тарихын, мәдениеті мен тілін зерттеуге қосып жүрген үлестері үшін алғыс айтты.
<blockquote>
 «175 жылдық мерейтойы кезінде Абайдың тілін жаңа құрылғылардың көмегімен армян студенттеріне үйрету – қазақ әдебиеті және поэзиясымен танысып, екі ел арасындағы мәдени сабақтастықты нығайтуға көмектеседі. Ал Дариға Назарбаеваның Орталыққа берген сыйжазбасы екі ел арасындағы мәдени-гуманитарлық қарым-қатынасты дамытуға ақ тілек болады», – деп атап өтті шара барысында елші Т.Оразаев.
</blockquote>
ЕМУ ректорының міндетін атқарушы Гегам Геворкян университет басшылығы Орталыққа Абай есімін беру туралы шешім қабылдағанын мәлімдеді.
<blockquote>
 «Былтыр біз ерекше оқиғаның куәсі болдық, «Қазақ әдебиетінің антологиясы» армян тілінде жарық көрді. Бұл екі елдің әдебиетшілері, ғалымдары мен лингвистері серіктестігінің озық үлгісі. Биыл Абайдың 175 жылдығы мерейтойының куәсіболамыз»,- деп атап өтті академик Гегам Геворкян.
</blockquote>
Сонымен қатар, ол шара барысында университет басшылығы Орталыққа кеңірек орын қарастыратынын айтты. ЕМУ жанындағы Қазақ тілі, мәдениеті және тарихы ортылығы Қазақстан Республикасының Армениядағы елшілігінің қолдауымен 2010 жылдың 19 тамызында ашылған болатын.
<img src="https://kyzylorda-news.kz/wp-content/uploads/2020/01/30imenemabaya2.jpg" alt="" />
<img src="https://kyzylorda-news.kz/wp-content/uploads/2020/01/30imenemabaya3.jpg" alt="" />
<img src="https://kyzylorda-news.kz/wp-content/uploads/2020/01/30imenemabaya4.jpg" alt="" />

Еревандағы Қазақ тілі, тарихы және мәдениеті орталығы Абайдың есімімен аталды

<a href="https://kyzylorda-news.kz/">Kyzylorda-news.kz.</a> Індет ошағында дәрігерлер жетіспей жатыр.&nbsp;Ухань қаласындағы коронавирус індетінің ошағында жұмыс істеп жатқан қытай дәрігерлері әжетханаға баратын уақыттың жоқтығынан ересектерге арналған жаялықша киюге мәжбүр. Бұл туралы&nbsp;<a href="https://www.washingtonpost.com/world/asia_pacific/in-wuhans-virus-wards-plenty-of-stress-but-shortages-of-everything-else/2020/01/24/ba1c70f0-3ebb-11ea-afe2-090eb37b60b1_story.html">Washington Post</a>&nbsp;хабарлады.
Басылымның жазуынша, науқастардың көптігінен дәрігерлер күндіз-түні кірпік қақпай жұмыс істеуге көшіпті. Дәрігерлерден бөлек&nbsp;барлық ауруханада дәрі-дәрмек, медициналық бетперде мен қорғаныш киімдері жетіспей жатыр.
<blockquote>
 Ухань ауруханасында істейтін бір хирург жергілікті Weibo әлеуметтік желісіне: «Үстімізге киіп жүрген қорғаныш киім ең соңғы болуы мүмкін екенін білеміз, сол себепті оларды жоғалтып алудан қорқамыз», – деп жазған.
</blockquote>
Коронавирус адамдарды осы індеттен емдеп жатқан дәрігерлердің де&nbsp;өмірін жалмауға көшті. Бұған дейін Ухань қаласында 62 жастағы Лян Удун есімді дәрігердің ауру жұқтырып өлгені белгілі болса, енді дамыл таппай жұмыс істегеннің кесірінен жүрек талмасынан дәрігер Цзян Цзицзюнь көз жұмған. Адам нөпіріне және жұмыстағы жағдайға шыдамаған дәрігерлер жүйкесінің тозғанын, тіпті психологиялық көмекке зәру екендерін де айтып жатыр. &nbsp;&nbsp;
1 жарым миллиардқа жуық тұрғыны бар Қытайда жалпы тәжірибелік рұқсатқа ие &nbsp;небәрі 60 мың дәрігер жұмыс істейді екен. Бұл елдегі медицина қызметкерлерінің жалпы санының 3,5% ғана.

Уханьда дәрігерлер жаялықша киюге мәжбүр. Індет ошағында дәрігерлер өле бастады (видео)

<a href="https://kyzylorda-news.kz/">Kyzylorda-news.kz.</a> Раджастхан тұрғындары мутантты ешкіні көріп таңғалды. Жануардың бет-әлпеті адамға ұқсайды, деп жазады <a href="https://stan.kz/adam-betimen-tugan-lak-tyrgindardi-tangaldirdi-326550/">Stan.kz</a>.
Лақтың қожайыны үй жануарының екі көзі болса да, жануар циклопиядан зардап шегуі мүмкін деп мәлімдеді, деп хабарлайды The Mirror.
Иесі Мукшжи Праяптың&nbsp;айтуынша, жануар бірнеше күн бұрын дүниеге келген.
Бұл оқиға болған Нимодия ауылының кейбір тұрғындары лаққа тағзым етуге келеді. Көптеген тұрғындар бұл жануар&nbsp;құдайдың бейнесі деп санайды.
Басылымның мәліметінше, әртүрлі патологиясы бар жануарлар реинкарнацияға сенетін үндістерді жиі қызықтырады.
Иелері өздерінің мутанттық ешкілерін видеоға түсірді.

Адамға ұқсап туған лақ тұрғындарды таңғалдырды

<a href="https://kyzylorda-news.kz/">Kyzylorda-news.kz.</a> Мәскеу облысының Ступино қаласында 9 жасар қыз артынан аңдып жүрген ер адамды алдап кетті. Бұл оқиға тұрғын үйдің бейнекамерасына жазылып қалды, деп хабарлайды&nbsp;<a href="https://sputniknews.kz/Russia/20200122/12600156/qyz-er-adamdy-aldady-video.html">SputnikҚазақстан</a>.
Видео әлеуметтік желілер арқылы жылдам тарап кетті. Кадрде оқушы қыздың кіреберіс есікке қарай жүріп келе жатқаны көрінеді. Ал ер адам артынан аңдып жүрді. Кішкентай қыз кіреберіске кіріп, біршама жүргеннен кейін қуысқа бұрылып кетеді. Мұны артында келе жатқан ер адам байқамай қалған. Сөйтіп, лифтке қарай өтіп кетеді.
Ер адам кіреберіс есіктің ашылғанын естігеннен кейін артқа қарай жүреді. Осы уақыттың ішінде 9 жасар қыз далаға шығып үлгереді. Ал бірнеше секундтан кейін таныс біреумен үйге кіреді.
Желі қолданушылары айла тауып құтылып кеткен қызды жарыса мақтап жатыр. Бірақ видеоны әдейі солай түсірген дейтіндер де бар. Ал кішкентай қызды аңдыған ер адамның кім екені анықталды. Ол психоневрологиялық диспансердің тіркеуінде болған.

9 жасар қыз соңынан аңдыған ер адамды алдап кетті (ВИДЕО)

<a href="https://kyzylorda-news.kz/">Kyzylorda-news.kz.</a> Гарри ханзада мен Меган Маркл ресми түрде таңғаларлық хабарлама жасады. Олар инстаграмдағы парақшасында корольдік өкілеттіктен бас тартып, екі елде өмір сүретінін растады. Гарри мен Меган қаржы тәуелсіздігін алып, қарапайым отбасы өмір салтын ұстану үшін жұмыс істегісі келеді. Осы жағдайға байланысты өз титулдарынан бас тартқан король отбасы мүшелерін еске алуды жөн көрдік.
Эдуард VIII Ұлыбритания, 1938 жыл
<img src="https://kyzylorda-news.kz/wp-content/uploads/2020/01/korol1.png" alt="" />
Романтиканы жақсы көретін адамдарға әдемі болып көрінетін оқиға өз уақытында Ұлыбритания басшылығын қатты таңғалдырды. Елизавета II ханшайымның ағасы Эдуард VIII тақтың заңды мұрагері бола тұра өз өкілеттігінен бас тартты. Бұл – британ монархиясында орын алған тұңғыш жағдай. Ол мұндай әрекетке махаббат үшін барды. 1936 жылы Эдуардтың әкесі қайтыс болған кезде Уоллис Симпсонмен 6 жыл бойы кездесіп жүрген. Ал Симпсон Эдуардқа дейін некеде болған. Бұл тақ мұрагеріне қайшы ситуация еді. Ханзадаға таңдау жасау керек болды: таққа отыру немесе Уоллис Симпсонмен бірге болу. “Король міндеттерін өзім сүйетін әйелдің қолдауынсыз және көмегінсіз атқара алмаймын деп шештім”, – деді Эдуард VIII.
Фризо Оранско-Нассауский ханзада Нидерланды, 2003 жыл
<img src="https://kyzylorda-news.kz/wp-content/uploads/2020/01/korol2.png" alt="" />
Нидерланды ханшайымы Беатрикстің ұлы бақытты отбасы болуды таңдап, өз өкілеттігінен бас тартты. Фризо ханзада консалтингпен (ақыл-кеңес беру) айналысты және ұзақ уақыт Лондонның ірі банкінің вице-президенті болды. Оның сүйіктісі Мейбл Виссе-Смитті бұрын жергілікті атақты қылмыскермен байланысы болғаны үшін король отбасының мүшесі болуға лайықсыз деп санады. Тақ мұрагері сүйіктісі үшін өз өкілеттігінен бас тартуға шешім қабылдады.
Ханзада&nbsp;Луи Люксембург&nbsp; Люксембург, 2006 жыл
<img src="https://kyzylorda-news.kz/wp-content/uploads/2020/01/korol3.png" alt="" />
2006 жылы Луи ханзада Косовоға ресми сапарға барғанда өз махаббатын жолықтырады. Ол Люксембург армиясындағы жалғыз сержант әйел Тесси Антони болды. Бірақ Тесси қарапайым отбасыда дүниеге келген, протокол бойынша бұл неке мүмкін емес еді. Луи көп ойланбастан өзінің корольдік міндеттерінен бас тартты.
Мако ханшайым Япония, 2017 жыл
<img src="https://kyzylorda-news.kz/wp-content/uploads/2020/01/korol4.jpg" alt="" />
Жапония императорының немересі Мако ханшайым 2017 жылы өзінің топтасының күйеуге шығу туралы ұсынысын қабылдады. Олар Токиодағы Халықаралық христиан университетінде бірге оқыған. Жоғарыда айтылған Луи ханзада отбасымен жақсы қарым-қатынаста қалса, Мако туғандарымен байланысын үзіп, император сарайынан кетуге мәжбүр болды.
Швеция королі Карл XVI Густавтың немерелері Швеция, 2019 жыл
<img src="https://kyzylorda-news.kz/wp-content/uploads/2020/01/korol5.jpg" alt="" />
2019 жылдың қазанында Швеция король отбасы басшылықпен келісе отырып, қазіргі король Карл XVI Густавтың бес немересін тақтан алып тастау жайлы шешім қабылдады. Әйтпесе, таққа кезекке 10 адам тұратын еді. Енді бұрынғы мұрагерлерге еркіндік берілді. Мысалы, олар кез келген білім ала алады немесе бизнеспен айналыса алады.
<a href="https://massaget.kz/layfstayl/alemtanu/60433/">Massaget.kz</a>

Титулдан бас тартқан 5 король мұрагері

<a href="https://kyzylorda-news.kz/">Kyzylorda-news.kz.</a> Бұл мәлімдемені насихат элементі ретінде қарастыруға болады.
Иранның мемлекеттік телеарнасы АҚШ президенті Дональд Трамптың басы үшін 80 миллион доллар көлемінде сыйақы беретінін жариялады.&nbsp;Бұл туралы&nbsp;The Mirror&nbsp;жазады, деп хабарлайды <a href="https://kaz.zakon.kz/5001632-iran-trampty-basy-sh-n-80-mln-dollar.html">Zakon.kz</a>.
Телеарнадан айтылғандай, Иран халқының саны 80 миллион адам болғандықтан, әрқайсысынан бір доллардан жинап, сол ақшаны американың басшысын өлтіретін адамға аударуға болатынын айтты. Бұл мәлімдеме 3 қаңтарда қаза тапқан Ислам революциясының сақшылары корпусының генералы Касем Сулейманимен қоштасу рәсімі кезінде жасалды.
En24&nbsp;басылымы атап өткендей, бұл мәлімдемені насихат элементі ретінде қарастыруға болады.
3 қаңтарда Бағдад әуежайына зымыранмен соққы беру кезінде Ислам революциясының сақшылары корпусының “Аль-Кудс” арнайы күштерінің қолбасшысы, генерал Сулеймани мерт болды.
Иранның жоғары дәрежелі әскери қолбасшысын жоюға АҚШ президенті Дональд Трамптың өзі бұйрық берген.
Тегеран генералдың өліміне жауап ретінде АҚШ әскери нысандарына шабуыл жасауға уәде берді, ал Трамп бұл жағдайда АҚШ Ирандағы 52 нысанаға соққы береді деп қорқытты.

Иран Трамптың басы үшін 80 млн доллар сыйақы жариялады

<a href="https://kyzylorda-news.kz/">Kyzylorda-news.kz.</a> Австралияның Антарктика бөлімі 2020-2021 жылдарға арналған Антарктида станциясында жұмысшыларға жұмыс орындарын ашты. Үміткерлерге жылдық жалақысы 85 мың долларды құрайды, деп жазады The Sun.
Ұйым жатар орны мен тамақтану үшін барлық шығындарды өз мойнына алады. Қызметкерге жалақыдан басқа арнайы жәрдемақы төленеді. Мысалы, дәрігердің жалақысы 199000 долларды құрайды, оған қосымша жәрдемақы – 60 974 доллар. АТ қызметкеріне жылдық жалақысы 50 000 АҚШ доллары және жыл сайынғы жәрдемақы 41000 АҚШ доллары көлемінде төленеді. Шамамен бірдей жалақы сантехниктерге, электриктерге және ағаш ұсталарына ұсынылады.
Ғылыми база сонымен қатар аспазшыларды, логист мамандарды, IT мамандары, дәнекерлеушілер, механиктер, бетоншылар және басқаларды іздейді. Ғалымдар «оқшауланған қоғамдастықта» тұрып, жұмыс істейтін адамдарды іздейді.
Басылым жазда Антарктида станциясында 100 адамға дейін, ал қыста – шамамен 20 адамға дейін жұмыс істей алатындығын атап өтті. Кандидат таңдаудың екі кезеңінен өтуі керек екені белгілі: адамның шағын Антарктикалық қоғамдастықта ұзақ уақыт бола алуға бейімдігі. Мұны&nbsp;ұзақ уақытқа созылған сұхбат кезінде&nbsp; анықтайды. 2020 жылдың 23 қаңтарына дейін өтініш қабылданады.
<a href="https://stan.kz/antarktidada-zhildik-tabisi-85-min-dollardi-kyraytin-zh-325569/">Stan.kz</a>

Антарктидада жылдық табысы 85 мың долларды құрайтын жұмыс орындары ашылды

<a href="https://kyzylorda-news.kz/">Kyzylorda-news.kz.</a> Forbes – 2019: Жылды сәтті аяқтаған 5 миллиардер vs жолы болмаған 5 миллиардер 2019 жыл әлемнің байлары үшін сәтті жыл болды.&nbsp;Forbes сайтының хабарлауынша, биыл әлемдегі 5 миллиардердің қалтасы 112 миллиард долларға қалыңдаған. Басылым жылды сәтті аяқтаған бес миллиардер мен жолы болмаған 5 миллиардердің тізімін жасады.
2019 жылы дәулетін арттырған миллиардерлер
<img src="https://kyzylorda-news.kz/wp-content/uploads/2019/12/milliarder1.jpg" alt="" />
Бернар Арно
Бернар Арно 2019 жылдың ең бай адамы атанған. 1 жылдың ішінде оның табысы 40 миллиард долларға артқан. Сөйтіп, жалпы байлығы 107,7 миллиард долларға жеткен. Бернар Арно қазіргі уақытта 40-тан астам брендке ие.
Facebook-тің негізін қалаушы Марк Цукерберг&nbsp;жылды сәтті қорытындылаған қалталылардың қатарында. Оның байлығы 72 миллиард долларға бағаланған.
Айта кету керек, былтырғы тізім бойынша сәтсіздікке ұшыраған миллиардерлер тізіміне енген Цукерберг 2018 жылы шығындалған 18,7 миллиард доллардың орнын биыл 22,1 миллиард доллар етіп толтырған.
“Қазіргі сәт – әлеуметтік тенденциялар кезеңінің басы. Менің компаниям да сөз бостандығы үшін күресте шешуші рөл атқарады”, – деген Цукерберг мақтанышпен.
Zara компаниясының негізін қалаушы Амансио Ортега&nbsp;(жалпы байлығы 74,9 млрд доллар) биыл бизнесі үшін сәтті болған миллиардерлер арасында үшінші&nbsp; орында тұр. Сондай-ақ, Амансио өткен жылы шығындалғаннан соң, сатылымын 34 пайызға арттырып, дәулетін 17,3 миллиард долларға көбейткен.
Бұл тізімге 16,3 миллиард доллар пайда көрген Microsoft корпорациясының бұрынғы директоры Стив Балмер (жалпы байлығы 56,3 млрд доллар) төртінші, ал, 19,1 миллиард долларға қалтасын қалыңдатқан үнді кәсіпкері&nbsp;Джио Мукеш Амбани (жалпы байлығы 61,4 млрд доллар) бесінші болып енген.
2019 жылы жолы болмаған миллиардерлер
Тізімнің басында Үндістандағы екінші бай адам Азим Премжи тұр. Ақпараттық технологиялар компаниясына иелік ететін Азим Премжи 2019 жылы 14,1 миллиард доллар шығынға батып, жалпы байлығы&nbsp; 7,2 миллиард долларға түсіп қалған.&nbsp;&nbsp;
<img src="https://kyzylorda-news.kz/wp-content/uploads/2019/12/milliarder2.jpeg" alt="" />
Джефф Безос пен жұбайы Маккензи
Өткен жылдың ең бай адамы атанған Amazon компаниясының иесі Джефф Безос биыл шығындалған миллиардерлер қатарында. Себебі, 25 жыл бірге тұрған әйелінен ажырасу оған біраз қымбатқа түскен. 13 миллиард долларға шығындалған Безостың байлығы 2019 жылдың қорытындысы бойынша 109,7 миллиард доллар.&nbsp;
Үндістандық Essel Group медиахолдингтің төрағасы Субхаш Чандра үшін 2019 жылы қиын кезең болды. Қаңтарда Essel компаниясын Үндістандағы алаяқтықтарды тергеу басқармасы күмәнді транзакциялар үшін сотталған компаниямен байланысы бар деп мәлімдеді.&nbsp; Essel Group бұл айыптауларды жоққа шығарды. Қаңтардың басынан бастап Essel медиа-компанияларының бірі Zee Entertainment Enterprises акцияларының бағасы 41 пайызға төмендеді. Ал Субхаш Чандра 3,4 миллиард доллар шығындалып, жалпы байлығы 660 миллион долларға түсіп кетті.
Uber компаниясының бұрынғы директоры&nbsp; Тревис Каланик (жалпы байлығы 2,8 млрд долларға төмендеген) 3,1 миллиард доллар жоғалтып аталған тізімде төртінші орынға іліксе, сауда орталықтарын құрумен айналысатын Ян Чжи (жалпы байлығы 2,1 млрд долларға төмендеген) 1 жылда 3 миллиардқа шығындалып бестікті қорытындылаған.&nbsp;
<a href="https://massaget.kz/layfstayl/alemtanu/60220/">Massaget.kz</a>

Forbes – 2019: Жылды сәтті аяқтаған 5 миллиардер vs жолы болмаған 5 миллиардер

<a href="https://kyzylorda-news.kz/">Kyzylorda-news.kz</a>. Қытайда түрлі дін өкілдеріне жасалатын қысым артуда. Әсіресе, Ислам дінін ұстанушылар қудалауға ұшырап жатыр.
“Қытай билігі түрлі дін басшыларын қасиетті кітаптарды тексеріп, оларды заманауи талапқа сай өзгертіп жазып шығуға шақырды” дейді Бейжіңдегі Le Figaro басылымының тілшісі Себастьян Фалетти.
“Қытай билігі 6 қарашада 4 діни ағымның негізіне байланысты жиын өткізген. Ол жиында діни кітаптардың қоғамға әсері, халықты алға бағыттау күші туралы айтылған. Дін өкілдеріне кітаптарды өзгерту бойынша ұсыныс тасталған. Енді міне, Құран кітабы мен Інжілді заман талабына сай жазып шығу ұсынысы көтерілді. Демек, жақын арада партия бұл жоспарды толық іске асырмақ”, – дейді аталмыш басылым.
Айта кетсек, Қытайда түрлі дін өкілдеріне жасалатын қысым артуда. Әсіресе, Ислам дінін ұстанушылар қудалауға ұшырап жатыр.&nbsp;
<a href="https://bugin.kz/">Bugin</a>

Қытай билігі Құран мен Інжілді заман талабына сай өзгертуді ұсынды

<a href="https://kyzylorda-news.kz/">Kyzylorda-news.kz.</a> Жаңа жыл көпшілік тағатсыздана күтетін сиқырлы мереке. Оны діні мен ұлты әртүрлі әлемнің барша халқы атап өтеді. Десе де кейбір елдер үшін 31 желтоқсаннан 1 қаңтарға қараған түн Жаңа жыл болып есептелмейді. Олардың өз Жаңа жылы бар деп хабарлайды&nbsp;<a href="https://massaget.kz/layfstayl/alemtanu/60261/">Массагет</a>&nbsp;сайты.
Израиль
Израильдықтар 31 желтоқсан мен 1 қаңтарды мерекелік күндерге айналдыру үшін, тіпті, арнайы флешмоб ұйымдастырады. Десе де, күнтізбелік жылдың басталуын мерекеге балайтын 2 миллион жергілікті тұрғын жаңажылдық түннен кейін жұмысқа шығуға мәжбүр. Израильде аталған мерекені негізінен ТМД елдерінен келгендер тойлайды.
Сауд Арабиясы
Бұл мемлекет Жаңа жылды мүлде тойламайды. Күндердің өзгеруін атап өту исламға жат нәрсе боп саналады. Бұл елде мемлекет көлемінде аталып өтетін тәуелсіздік күні, Рамазан айы және Құрбан айт мейрамы секілді үш мереке бар. Әйтсе де, мұсылмандар Жаңа жылды тойлау үшін басқа дін ұстанатын достары кешкі асқа шақыратын болса, тартынбай барады.
Иран
1 қаңтар – Иранда қарапайым күндердің бірі. Халық парсы күнтізбесі бойынша өмір сүреді. Иранда Жаңа жыл күн мен түн теңесетін 21 наурыз күні тойланады. Мереке – Наурыз, яғни “жаңа күн” деп аталады. Наурыз тек Иранда ғана емес, көптеген елдерде аталып өтеді.
Үндістан
Үндістанда мерекелердің саны өте көп. 365 күн ішінде ең көп демалатын да үнді халқы. Егер бұл елдегі мейрамдардың барлығын жалпыхалықтық етіп тойлайтын болса, халықтың жұмыс істеуге уақыты қалмайды екен. Сондықтан, олардың кейбіреулерін халық “таңдау мерекесі” деп атайды. Таңдау мерекесінде барлық кеңселер мен мемлекеттік мекемелер жұмыс істейді, бірақ қызметкерлер өздеріне демалыс жариялауына болады.
Мысалы, сондай мерекенің бірі – Жаңа жыл. Бұл елде 1 қаңтар үнділер үшін халықтық мереке емес. Үндістанның әр аймағының өз Жаңа жылы бар. Олар тек, 22 наурызды жалпыұлттық Жаңа жыл санайды.&nbsp;
Оңтүстік Корея
Корей халқы Жаңа жылды әдеттегі Григориан күнтізбесі бойынша және Ай бойынша жылына екі рет атап өтеді. 1 қаңтар – Оңтүстік Кореяда демалыс күні. Мұнда безендірілген шыршалар мен Аяз ата жиі кездеседі. Кореяда жылдың басы мереке ретінде емес, отбасы және достармен бірге өткізетін көптен күткен демалыс ретінде қабылданады. Кәрістер Жаңа жылды ауқымды етіп Ай бойынша атап өтеді. Мұндай Жаңа жылды “Соллал” деп атайды.
Қытай
Әдетте, ҚХР григориан күнтізбесі бойынша Жаңа жылды 31 желтоқсан күні қарсы алады. Алайда, қытайлықтар үшін өз күнтізбесі маңыздырақ. Қытай Жаңа жылы “Көктем мерекесі” деп аталады. Бұл атау Еуропа халқының Жаңа жыл мерекесінен ажырату үшін берілген. Тұрмыста бұл мерекені “Нянь” деп атайды.
Вьетнам
Вьетнамдық Жаңа жыл “Тет” деген атаумен белгілі. Бұл елдің ең маңызды және танымал мерекесі. Ол қаңтардың аяғында және ақпанның басындағы күндердің бірінде тойланады. Көбінесе бұл қытайлардың мерекесімен ұқсас келеді. “Тет” отбасылық мереке болып саналады және ол басталған күні вьетнамдықтар сапардан оралып, туыстарымен уақыт өткізуге, қайтыс болған адамды еске алып, бір-біріне сыйлықтар беруге тырысады.
Бангладеш
Бұл мемлекетте 1 қаңтар ресми мереке және демалыс күні болып есептеледі. Бірақ Жаңа жыл емес. Олар Жаңа жылды 14 сәуірде бошак айының бірінші күні атап өтеді. Адамдар ерте тұрып, ең жақсы киімдерін киіп, серуенге шығады. Бұл мереке күні мемлекет ішімдікке қатаң тыйым салады.&nbsp;Мереке күні адамдар бір-бірімен жақсы қарым-қатынас жасайды, ән айтады, сурет салады, билейді, суретке түседі және мерекелік жағдайда жақсы етіп өткізуге тырысады.

1 қаңтарда Жаңа жылды қай елдер тойламайды?

<a href="https://kyzylorda-news.kz/">Kyzylorda-news.kz.</a> Халықаралық қауымдастық қанша күш салғанымен, әр айда байырғы халық өкілдері сөйлейтін екі тіл жойылып жатыр. Олармен бірге білім, салт пен дәстүр қоса кетеді. Бұл туралы БҰҰ Бас ассамблеясы 74-сессиясының Төрағасы Тиджани Мұхаммед-Банде мәлімдеді, деп хабарлайды <a href="http://lenta.inform.kz/kz/ar-ay-sayyn-bayyrgy-halyktardyn-eki-tili-zhoyylady-buu_a3595644">ҚазАқпарат</a>.
2019 жыл БҰҰ ұйғарымымен Халықаралық байырғы тілдер жылы болып жарияланған. Бас ассамблея кеше осы жылдың қорытындысын жасады. Әлемде байырғы халықтардың 4 мыңға жуық тілі бар. Кейбірінде бірнеше адам ғана сөйлейді. Тиджане Мұхаммед-Банде алдағы онжылдықта көптеген тілдердің жойылып кетуі мүмкін екенін айтты.
<blockquote>
 «Әр екі аптада кем дегенде бір байырғы ұлттың тілі жоғалады. Айына – екі өлі тіл», – деді Тиджани Мұхаммед-Банде.
</blockquote>
Төрағаның айтуынша, қазіргі күні байырғы халықтардың төрт мыңдай тілі ғана сақталған, оларда әлем халқының 6%-ы ғана сөйлейді.
Мұхаммед-Банде барлық халықаралық ұйымдарды тілді сақтау шараларын күшейтуге шақырды.

Қазақстан және Қызылорда облысының жаңалықтары: Әлем

Әлемдегі ең дәулетті адам 15 минутта 13 млрд доллар олжаға кенелді

Еревандағы Қазақ тілі, тарихы және мәдениеті орталығы Абайдың есімімен аталды

Уханьда дәрігерлер жаялықша киюге мәжбүр. Індет ошағында дәрігерлер өле бастады (видео)

Адамға ұқсап туған лақ тұрғындарды таңғалдырды

9 жасар қыз соңынан аңдыған ер адамды алдап кетті (ВИДЕО)

Титулдан бас тартқан 5 король мұрагері

Иран Трамптың басы үшін 80 млн доллар сыйақы жариялады

Антарктидада жылдық табысы 85 мың долларды құрайтын жұмыс орындары ашылды

Forbes – 2019: Жылды сәтті аяқтаған 5 миллиардер vs жолы болмаған 5 миллиардер

Қытай билігі Құран мен Інжілді заман талабына сай өзгертуді ұсынды

1 қаңтарда Жаңа жылды қай елдер тойламайды?

Әр ай сайын байырғы халықтардың екі тілі жойылады – БҰҰ

Қазақстан және Қызылорда облысының жаңалықтары: Әлем

Әлемдегі ең дәулетті адам 15 минутта 13 млрд доллар олжаға кенелді

Еревандағы Қазақ тілі, тарихы және мәдениеті орталығы Абайдың есімімен аталды

Уханьда дәрігерлер жаялықша киюге мәжбүр. Індет ошағында дәрігерлер өле бастады (видео)

Адамға ұқсап туған лақ тұрғындарды таңғалдырды

9 жасар қыз соңынан аңдыған ер адамды алдап кетті (ВИДЕО)

Титулдан бас тартқан 5 король мұрагері

Иран Трамптың басы үшін 80 млн доллар сыйақы жариялады

Антарктидада жылдық табысы 85 мың долларды құрайтын жұмыс орындары ашылды

Forbes – 2019: Жылды сәтті аяқтаған 5 миллиардер vs жолы болмаған 5 миллиардер

Қытай билігі Құран мен Інжілді заман талабына сай өзгертуді ұсынды

1 қаңтарда Жаңа жылды қай елдер тойламайды?

Әр ай сайын байырғы халықтардың екі тілі жойылады &#8211; БҰҰ

Әр ай сайын байырғы халықтардың екі тілі жойылады – БҰҰ