<a href="https://kyzylorda-news.kz/">Kyzylorda-news.kz</a>&nbsp; &nbsp;Мемлекет басшысы Қасым-Жомарт Тоқаев Парламент палаталарының бірлескен отырысында цифрландыру және жасанды интеллект салаларындағы жұмыстарға тоқталды, – деп хабарлайды <a href="https://kaz.inform.kz/news/aldimizda-tolikkandi-tsifrlik-memleket-kuru-mndet-tur-tokaev-79beebd1">KAZINFORM</a><blockquote>– Алдымызда толыққанды цифрлық мемлекет құру міндеті тұр. Сіздерді тыңнан түрен салып, цифрлық дәуірге жол ашқан депутаттар деуге болады. Біздің елімізде болсын, әлемде болсын – жалпы еш жерде жасанды интеллектіні заң тұрғысынан реттейтін дайын үлгі немесе тәсіл болған жоқ.</blockquote><blockquote>Соған қарамастан, сіздер еліміздің осы саладағы өсіп-өркендеуіне берік негіз болатын тиімді құқықтық жүйені құруға елеулі үлес қостыңыздар. Мен Мемлекет басшысы ретінде мұны жоғары бағалаймын, – деді Президент.</blockquote>Оның мәлімдеуінше, жаңа Конституция азаматтардың киберкеңістіктегі дербес деректерін қорғауға кепілдік береді. Бұл — Цифрлық Қазақстанды құрудың негізгі алғышарты.<blockquote>– Қазақстан мүлдем жаңа сипаттағы Цифрлық кодекс пен «Жасанды интеллект туралы» Заң қабылдаған жаһандағы алғашқы елдердің бірі.Бұл қадам толыққанды Цифрлық ел болу үшін заманауи инфрақұрылымдық негіз қалыптастыруға мүмкіндік берді. Біз қазірдің өзінде осы жұмыстың нақты нәтижесін көріп отырмыз.Бүгінде еліміз «Үкіметтің жасанды интеллектіге дайындық индексіне» сәйкес Орталық Азияда алдыңғы қатарда тұр. Бірақ, бұл — үлкен жолдың басы ғана.Алдағы ауқымды жұмыстың негізгі бағыт-бағдары «Digital Qazaqstan» жалпыұлттық стратегиясында айқындалды. Мен бұл құжатты маусым айының басында бекіттім.Біз жасанды интеллектіні экономиканың барлық негізгі саласына енгізіп, мемлекеттік басқарудың сапасын түбегейлі жақсартуымыз керек. Осы бағытта алғашқы маңызды шаралар қолға алынды, – деді Мемлекет басшысы.</blockquote>Сонымен бірге, ол қаңтар айында банк қызметі саласына қатысты жаңа заңдарға қол қойғанын атап өтті. Сол арқылы цифрлық қаржы активтерін айналымға енгізудің нақты шарттары айқындалды.Сондай-ақ Президент тапсырмаммен еліміздің құқықтық негізін жүйелеп, толыққанды жаңғыртуға мүмкіндік беретін Реттеу жөніндегі интеллект орталығы құрылды. Бұл қадам кәсіпкерлердің жұмысын едәуір жеңілдетпек.<blockquote>– «Бір терезе» қағидаты бойынша қызмет көрсететін «e-Government Business» экожүйесін дамыту арқылы бизнес үшін қолайлы орта қалыптастыруға мүмкіндік туады, – деді Президент.</blockquote>Фото: Ақорда

Алдымызда толыққанды цифрлық мемлекет құру міндеті тұр — Тоқаев

<a href="https://kyzylorda-news.kz/">Kyzylorda-news.kz</a> Бүгін облыс әкімі Мұрат Ергешбаев сол жағалаудағы шағын өнеркәсіп нысандарын аралап, олардың жұмысымен танысты.Алдымен өткен жылы ашылған «Тұмар» шағын өнеркәсіптік аймағына барды. Мұнда ет, сүт, кондитерлік өнімдер мен жартылай фабрикаттар өндіретін 7 өндірістік цех жұмыс істейді. Шығарылатын өнімдер жергілікті тұрғындардың сұранысына, азық-түлік қауіпсіздігі талаптарына сай.<img src="https://knadmin.beoblood.kz/uploads/Sha_yn_nerk_sipti_damytu_ajma_ekonomikasyny_ma_yzdy_ba_yty1_0429149678.jpg" alt="Шағын өнеркәсіпті дамыту – аймақ экономикасының маңызды бағыты1.jpg">«Syr Darya» коммуналдық базары қаладағы сауда инфрақұрылымын дамыту мақсатында ашылған. Базарда сапалы азық-түлік өнімдерін сатуға, жергілікті ауыл шаруашылығы тауарөндірушілеріне қолайлы жағдай жасалған. Аумағында азық-түлік, киім-кешек дүкендері мен тұрмыстық техника сататын сауда орындары бар. Қазіргі уақытта көтерме сауда орындарын орналастыру үшін ғимарат қайта жаңғыртылып бейімделуде.<img src="https://knadmin.beoblood.kz/uploads/Sha_yn_nerk_sipti_damytu_ajma_ekonomikasyny_ma_yzdy_ba_yty2_2994ff9221.jpg" alt="Шағын өнеркәсіпті дамыту – аймақ экономикасының маңызды бағыты2.jpg">Келесі нысан – өткен жылы іске қосылған «Техоснастка-Ремсервис» ЖШС-нің шағын өнеркәсіп аймағы. Мұнда тәулігіне 15 сантехникалық бұйым өндіретін, темір тор шығаратын өндірістік цехтар бар.Аймақ басшысы жауапты сала жетекшілеріне шағын өнеркәсіпті, ондағы өндіріс ауқымын кеңейтуді тапсырды.Фото: Қызылорда облысы әкімінің баспасөз қызметі&nbsp;

Шағын өнеркәсіпті дамыту – аймақ экономикасының маңызды бағыты

<a href="https://kyzylorda-news.kz/">Kyzylorda-news.kz</a>&nbsp; Президент Қасым-Жомарт Тоқаевтың атқорасындағы Ақжан есімді келісті байталды Астананың символына балап жүргендер бар. Қылаңбоз Ақжандай аяулы қылқұйрық жоқ болып тұр қазір елорда төңірегінде. Солай болмай қайтсін, Президенттің сүйікті жануары жер бетінде сирек кездесетін түгінің түсімен-ақ, әлеуметтік желінің көзайымына айналып отыр. Бұл туралы <a href="https://kaz.inform.kz/news/akzhan-astananin-zhana-simvoli-fb3a8283">kaz.inform.kz </a>хабарлады.&nbsp;Қазақ даласында аты аңызға айналған жылқы баласы жетерлік. Елордадан Көкшетауға шыға берісте мен мұндалап тұрған Құлагердің мүсіні соған дәлел. Солардың ізін жалғап Ақжанның арқа төсінде тууы заңдылық деуге де&nbsp;болады.Ақжандай қылаңбоз түкті жылқы Ақалтеке тұқымының өз ішінде 3 пайызға жетпейді. 2025 жылдың 30 наурызында туған жылқының сұлу төлі түгінің түсімен ертегі тұлпарларын еске салады. Өмірде болмаған, қияли суретшінің шебер қолынан шыққан кескін сияқты көрінеді. Қылаңбоз түкті жылқыны қазақ ежелден ақжолтай хабар таситын тәңірдің сыйы деп білген.<figure class="image"><img src="https://knadmin.beoblood.kz/uploads/Akzhan_be01f12942.jpg" alt="Акжан Фото: Kazinform"><figcaption>Фото: Kazinform</figcaption></figure>Ақжан да&nbsp;кез келген ерекше көрікті жылқы баласы сияқты ақсүйектердің тақымына ғана жарасатын, сән мен салтанаттың символы болып көрінуі мүмкін. Бірақ оның Президент атқорасындағы миссиясы шаруашылық мақсаттан әлдеқайда ауқымды, өзгеше мұратпен үндесіп жатыр. Ақжан бейнесі Қазақстанның заманауи эстетикасына, «Жанды таза ұстау» идеясына жаңаша мән беріп, жауапкершілік әдебін үлгі етеді. Ақжанды Астананың символына айналдырып тұрған осындай астарлы идеялар. Өйткені көрікті жылқының бойында дүбірлі дала тарихы мен бүгінгі қала бейнесі қатар үйлесім тапқан.<blockquote>–&nbsp;Астана халқын тынымсыз тіршілік мүдделері ғана емес, тарих, дәстүр сияқты эмоциялық байланыстар да&nbsp;біріктіре алу керек. Мұндай байланыс қалаға бауыр басып үлгерген адамдардың ықыласын баянды ете түседі,&nbsp;–дейді урбанист Әдия Қарсыбек.</blockquote>Сарапшының пайымдауынша, алпауыт қалалардың көбінде бейресми символдары&nbsp;бар. Ондай символдардың қолдан жасалмауы, жоғарыдан таңылмауы маңызды. Түптеп келгенде халық өз мекенінің символын өз айқындап алады.<figure class="image"><img src="https://knadmin.beoblood.kz/uploads/tokaev_866197402f.jpg" alt="токаев Фото: Akorda"><figcaption>Фото: Ақорда</figcaption></figure>Таныс та&nbsp;таңсық бейнеАқжан сирек кездесетін мәдени феномен болғанымен, халыққа бейнесі түсінікті.Ақжан Ұлы далаға Көктен келген жылқы ғана емес, азаматтық жауапкершілік пен парасат негізгі ұстын болып бекітілген заманауи Қазақстанның метафорасы. Қазақстандықтар аңсайтын өмір стилін бейнелейтін заманауи атауға кіршіксіз «Ақжан» дөп келіп тұр.&nbsp; Ақжанның әлеуметтік желі арқылы өздігінен қалыптасқан бейнесі Астананың Көк пен Жер үйлесім нүктесіне айналған таңғажайып сәулетіне табиғи түрде кірігіп тұр.Жаны кіршіксіз тұрғын да, қонақ та&nbsp;айналасын былғамай, көкті жұлмай, гүлді баспай, немқұрайды пейілден ада тіршілік етеді. Мұндай тазалықтың рухын бір сезінген адам ескі әдеттерге қайта аяқ баспайды да.<blockquote>–&nbsp;Адамға өзі мекен еткен кеңістіктің құндылықтарын түсіну, сезіну маңызды. Символдардың мәні осында. Ұжымдық жады мәдениеттің бастауында тұр. Қаланы сүйікті қылатын зәулім де&nbsp;сәнді ғимараттар ғана емес, жарқын естеліктер мен әдемі бейнелер, ақиқатқа бергісіз аңыздар,&nbsp;– дейді Әдия Қарсыбек.</blockquote>Қазақ жылқыны еркінен айырған заманда өзіне еркіндік сыйлаған болатын. Бірақ еркіндік ешқашан «білгеніңді істеу» деген түсінікпен шектелмеген. Атының бабын табу үшін қас-қабағына қарап үйренген қазақ танымы еркіндіктің басты қайнары жауапкершілік екенін білген. Жылқының бабын тапқан атбегінің бәрі тізгінді қай кезде бос тастап, қай кезде қалай бұру керектігін түйсік деңгейінде меңгерген.&nbsp; Сондықтан қазақ жылқыға ауыздық салғанда оны еркінен толық айырмай, дала төсіндегі серігі ретінде көрген. Әділетті қаланың тұрғындары мен билігі де, мемлекеті мен азаматтары да&nbsp;осындай үйлесім тапқанда шынайы сенім пайда болады.<figure class="image"><img src="https://knadmin.beoblood.kz/uploads/Akzhan_1b09878598.jpg" alt="Акжан Фото: Akorda .jpg"><figcaption>Фото: Ақорда</figcaption></figure>Қазақстан өзіні атауын жаңаша бренд ретінде танытқысы келсе, соның бір бөлшегі Ақжан болары даусыз. Өйткені Ақжанға деген ықыластың астарында өткенге құрмет, келешекке үміт жатыр. Тазалықты әуелі жан дүниеңнен, одан кейін өз айналаңнан бастау ұраны да&nbsp;жатыр.<figure class="image"><img src="https://knadmin.beoblood.kz/uploads/Akzhan_37164ccb8e.jpg" alt="Акжан Фото: Akorda jpg"><figcaption>Фото: Ақорда</figcaption></figure>Түйіндесек, Ақжанның қылаңбоз бейнесі өткеннің дақты дүбірі мен келешек табыстардың арасын жалайтын жанды көпір. Қазақтың кеудесінде атқұмарлық барда еркіндік пен ерлікке деген ықыласы жоғалмайды.Фото: Ақорда

Ақжан – Астананың жаңа символы  

<a href="https://kyzylorda-news.kz/">Kyzylorda-news.kz</a>&nbsp; Қызылорда облысының қоғамдық даму басқармасының ұйымдастыруымен ағымдағы жылдың жылдың наурыз–маусым айлары аралығында өңірде сыбайлас жемқорлықтың алдын алу, құқықтық мәдениетті қалыптастыру және қоғамда заң үстемдігі қағидаттарын насихаттауға бағытталған ауқымды ақпараттық-түсіндіру іс-шаралары өткізілді.Жоба аясында 2026 жылдың наурыз–сәуір айларында Қызылорда облысының Жалағаш, Қармақшы, Қазалы, Арал, Сырдария, Шиелі және Жаңақорған аудандарында бірқатар маңызды іс-шаралар ұйымдастырылды.Атап айтқанда, аудандық «Азаматтарға арналған үкімет» мемлекеттік корпорацияларының бөлімдерінде тұрғындарға тегін құқықтық кеңес беру мақсатында «Заң және әділет: сыбайлас жемқорлықтың алдын алу бойынша ашық құқықтық кеңес» тақырыбында 7 қоғамдық қабылдау өткізілді.Сонымен қатар, жастардың құқықтық сауаттылығын арттыру, олардың бойында адалдық пен жауапкершілік қағидаттарын қалыптастыру мақсатында «Жастар және адалдық қағидаты: заң, тәртіп, жауапкершілік» тақырыбында 7 кездесу ұйымдастырылды.Мемлекеттік қызметшілер мен оларға теңестірілген азаматтардың қатысуымен «Адал қоғам: сыбайлас жемқорлыққа қарсы мәдениет және заң үстемдігі» тақырыбында 7 семинар өткізіліп, қатысушылар арасында заң талаптарын сақтау, адалдық қағидаттарын нығайту және сыбайлас жемқорлыққа қарсы мәдениетті қалыптастыру мәселелері кеңінен талқыланды.2026 жылғы сәуір айында жастардың азаматтық белсенділігін арттыру және сыбайлас жемқорлыққа қарсы көзқарасын қалыптастыру мақсатында «Өзіңнен баста» тақырыбында облыстық дебат турнирі ұйымдастырылды. Турнир барысында қатысушылар қоғамдағы әділдік, заң үстемдігі және адалдық құндылықтары жөнінде өз пікірлерін ортаға салып, өзара пікірталас жүргізді.2026 жылғы мамыр айында Қызылорда қаласындағы Президент саябағында «Заң және әділет: сыбайлас жемқорлықтың алдын алу бойынша ашық құқықтық кеңес» тақырыбында қоғамдық қабылдау өткізіліп, тұрғындарға құқықтық кеңестер берілді.Сонымен бірге жоба аясында халықтың құқықтық сауаттылығын арттыру мақсатында 1000 дана А5 форматындағы ақпараттық брошюра және 500 дана А4 форматындағы өздігінен жабыстырылатын ақпараттық материал дайындалып, басып шығарылды. Ақпараттық өнімдер Президент саябағында қала тұрғындарына таратылып, сыбайлас жемқорлықтың алдын алу бойынша кең көлемді ақпараттық акция ұйымдастырылды.2026 жылғы маусым айында Қызылорда қаласындағы «Азаматтарға арналған үкімет» мемлекеттік корпорациясының бөлімінде тұрғындарға құқықтық көмек көрсету мақсатында 2 қоғамдық қабылдау өткізілді.Қызылорда қаласының орталық алаңында «Пайда ойлама, ар ойла!» атты кең ауқымды ақпараттық акция ұйымдастырылды. Акция барысында қала тұрғындарына және автотұрақтардағы көлік жүргізушілеріне сыбайлас жемқорлықтың алдын алу, заң талаптарын сақтау, адалдық қағидаттарын ұстану және азаматтық жауапкершілікті арттыру бағытында ақпараттық-түсіндіру жұмыстары жүргізіліп, арнайы ақпараттық материалдар таратылды.Жоба аясында өткізілген барлық іс-шаралар қоғамда сыбайлас жемқорлыққа қарсы мәдениетті қалыптастыруға, құқықтық сауаттылық деңгейін арттыруға, азаматтардың заңға деген құрметін нығайтуға және адалдық қағидаттарын кеңінен дәріптеуге бағытталды.

Сыбайлас жемқорлықтың алдын алу бағытындағы кешенді іс-шаралар жүзеге асырылуда

ҚР Президентінің Парламент палаталарының бірлескен отырысында сөйлеген сөзінің толық мәтіні  

<a href="https://kyzylorda-news.kz/">Kyzylorda-news.kz</a>&nbsp; Бүгін облыс әкімі Мұрат Ергешбаев Сырдария ауданына жұмыс сапары барысында Бесарық ауылындағы №12 аудандық балалар-жасөспірімдер спорт мектебінің жұмысымен танысты. Спорт кешенінде &nbsp;дзюдо, бокс және таэквондо үйірмелері жұмыс істейді. Қазір мұнда 180 адам спортпен тұрақты шұғылданады. Мекемеде 18 қызметкер еңбек етеді.Одан кейін аймақ басшысы ауылдың орталық алаңында тұрғындармен кездесіп, шағын өндірістік орталық пен ауылдық мәдениет үйінің жұмысын көрді.Жұртшылықтың ұсыныс-пікірлерін тыңдап, Бесарық ауылын одан әрі дамытуда атқарылатын жұмыстар мен алдағы жоспарларға тоқталды.Мемлекет басшысы Қасым-Жомарт Кемелұлының бастамасымен ауыл тұрғындарының тұрмыс сапасы мен әл-ауқатын арттыруға бағытталған «Ауыл аманаты» бағдарламасы Бесарық ауылында сәтімен жүзеге асуда.Мұнда «Абай-Дәулет» серіктестігінің демеушілігімен фри картобын өндіретін зауыт жұмыс істейді. Сонымен қатар наубайхана, кондитерлік және жартылай дайын өнімдер цехтары, жұмыс қолғаптарын, пластик ыдыстарды, сабын мен ағаш бұйымдарын өндіретін кәсіпорындар іске қосылған.«Қызылорда» супермаркеті мен дәмхана тұрғындарға сапалы қызмет көрсетіп келеді.&nbsp; Еске салсақ, 2024 жылы ауылда жалпы аумағы 1 мың шаршы метр болатын шағын өндірістік орталық пайдалануға беріліп, 13 кәсіпкерге өз кәсібін бастауға мүмкіндік жасалды.Оның 4-еуі «Ауыл аманаты» бағдарламасы арқылы, 5 жоба «Өңірлік инвестициялық орталықтың» қолдауымен, ал 4 жоба шаруашылықтың өз қаражаты есебінен жүзеге асты. Нәтижесінде 25 жаңа жұмыс орны ашылып, жобаларға 960 млн теңге инвестиция тартылды. Бүгінде кәсіпкерлер шағын өндірістік орталықта өз өнімдерін шығаруда.Айта кету керек, «Абай-Дәулет» серіктестігі 2018 жылдан бері ауылдың әлеуметтік-экономикалық дамуына 1,5 млрд теңгеден астам қаражат бағыттады. Бұл қаржы 360 орындық мектеп, 120 орындық балабақша, дәрігерлік амбулатория, мәдениет үйі секілді әлеуметтік нысандарды салуға, жөндеуге, абаттандыруға және көгалдандыру жұмыстарына жұмсалды. Фото: Қызылорда облысы әкімінің баспасөз қызметі

Бесарық ауылының тыныс-тіршілігімен танысты

<a href="https://kyzylorda-news.kz/">Kyzylorda-news.kz</a> Шиелі аудандық көпбейінді орталық ауруханасында 2025 жылы госпиталды фармация бөлімі іске қосылып, дәрілік қамтамасыз ету жүйесі жаңа деңгейге көтерілді. Бұл бастама емдеу сапасын арттырып, науқастардың қауіпсіздігін қамтамасыз етуге бағытталған.Денсаулық сақтау саласындағы әрбір жаңашылдықтың басты мақсаты – халыққа сапалы әрі қауіпсіз медициналық көмек көрсету. Осы бағытта Шиелі аудандық көпбейінді орталық ауруханасында қолға алынған маңызды бастамалардың бірі – госпиталды фармация бөлімінің ашылуы.<img src="https://knadmin.beoblood.kz/uploads/farmacziya_2_82c2e10e76.jpg" alt="фармация (2).jpg">Бүгінде медицина тек білікті дәрігерлер мен заманауи құрал-жабдықтарға ғана сүйенбейді. Емнің нәтижелі болуы дәрілік заттардың дұрыс сақталуына, дәл мөлшерде дайындалуына және науқасқа уақытылы жеткізілуіне де тікелей байланысты. Сондықтан госпиталды фармация бөлімінің іске қосылуы аурухана қызметіндегі маңызды әрі стратегиялық қадам болып табылады.Дәрілік қамтамасыз етудің жаңа жүйесіЖаңа бөлімді тәжірибелі маман Қаламқас Кенжеболатова басқарады. Клиникалық дәрігер-фармаколог Мадина Амангелдіқызы, аға мейіргер Мадина Мансурова, кезекші мейіргерлер Ұлжан Еспанова мен Гүлжайна Ермекбаева және өзге де мамандар бөлімнің тиімді жұмыс істеуіне атсалысып келеді.Госпиталды фармацияның басты артықшылығы – дәрілік қамтамасыз ету жүйесінің толық орталықтандырылуы. Бұрын әр бөлімше дәрі-дәрмек қорын өз бетінше реттесе, бүгінде барлық үдеріс бір орталық арқылы жүзеге асырылады. Бұл дәрілік заттардың қозғалысын нақты бақылауға, есепті жүйелеуге және ықтимал қателіктердің алдын алуға мүмкіндік береді.Науқас қауіпсіздігі – басты назардаБөлімде дәрілік заттарды қабылдау, сақтау, сұрыптау және бөлімшелерге жеткізу жұмыстары қатаң бақылауда жүргізіледі. Әсіресе әр науқасқа жеке дайындалатын дәрілік пакеттер қауіпсіздік талаптарына толық сәйкес рәсімделеді. Дәрінің атауы, мөлшері, қабылдау уақыты және науқас туралы мәліметтер нақты көрсетіліп, медициналық көмектің сапасын арттыруға ықпал етеді.Стерильді аймақтағы жұмыстар ерекше жауапкершілікті талап етеді. Ламинарлы шафта дайындалатын дәрілік ерітінділер бірнеше сатылы тексеруден өтеді. Әрбір ампула мен флакон мұқият қаралып, асептика талаптары қатаң сақталады. Нәтижесінде науқастарға жеткізілетін дәрілік заттардың қауіпсіздігі толық қамтамасыз етіледі.Медициналық&nbsp;&nbsp;қызмет сапасын арттыруға үлесЖаңа жүйенің тағы бір маңызды артықшылығы – медицина қызметкерлерінің жұмысын жеңілдетуі. Бұрын дәрі-дәрмекпен байланысты ұйымдастыру жұмыстарына көп уақыт жұмсайтын мейіргерлер енді негізгі міндеттері – науқастарға күтім жасау мен емдеу сапасын арттыруға көбірек көңіл бөле алады.Қазіргі уақытта госпиталды фармация бөлімінің қызметі терапия, хирургия, педиатрия, перзентхана, инсульт және оңалту бөлімдерін қамтып отыр. Алдағы уақытта жансақтау, қабылдау және жұқпалы аурулар бөлімдерін де толық қамту жоспарланған.<img src="https://knadmin.beoblood.kz/uploads/farmacziya_nyus_2_2609ffbe27.jpg" alt="фармация ньюс (2).jpg">213 төсек-орынға арналған ауруханада дәрілік қамтамасыз етуді тиімді ұйымдастыру аса маңызды міндеттердің бірі болып саналады. Оның ішінде 30 төсек жұқпалы аурулар бөліміне тиесілі. Жуырда пайдалануға берілген жаңа инфекциялық бөлімше бұл бағыттағы жұмыстардың сапасын одан әрі арттыруға мүмкіндік беріп отыр.Тиімділік пен үнемділікМамандардың айтуынша, госпиталды фармация дәрі-дәрмек қорын ұтымды жоспарлауға жол ашады. Соның нәтижесінде артық шығындар азайып, қажетті препараттардың үздіксіз жеткізілуі қамтамасыз етіледі. Бұл бюджет қаражатын тиімді пайдалануға және науқастарды сапалы дәрілік қамтамасыз етуге мүмкіндік береді.Шиелі аудандық көпбейінді орталық ауруханасында жүзеге асқан бұл жоба – өңірлік денсаулық сақтау жүйесіндегі маңызды жаңашылдықтардың бірі. Ең бастысы, мұндай өзгерістердің барлығы тұрғындардың денсаулығын қорғауға, емдеу сапасын арттыруға және қауіпсіз медициналық көмек көрсетуге бағытталған.Өйткені адам денсаулығынан асқан құндылық жоқ. Ал қауіпсіз әрі сапалы ем – сол құндылықты сақтаудың сенімді кепілі.Мақсұт Ибрашев

Госпиталды фармация: сапалы емге жасалған маңызды қадам

<a href="https://kyzylorda-news.kz/">Kyzylorda-news.kz</a> Жалағаш ауданының әкімі Ардақ Ибраимовтың төрағалығымен мәжіліс өтті. Күн тәртібінде 2026 жылдың І жартыжылдығындағы макроэкономикалық көрсеткіштердің орындалуы және жазғы кезеңде су айдындарындағы қауіпсіздікті қамтамасыз ету мәселелері қаралды. Жиынға ауылдық округ әкімдері селекторлық режимде қатысты.Мәжілісте ауданның әлеуметтік-экономикалық даму көрсеткіштерінің І жартыжылдық қорытындысы бойынша жоспарлы индикаторлардың орындалу деңгейі талқыланды. Сондай-ақ, суға шомылу маусымындағы қауіпсіздік шаралары, рұқсат етілмеген орындарда шомылудың алдын алу, рейдтік және түсіндіру жұмыстары бойынша атқарылып жатқан жұмыстардың есебі тыңдалды.Жиын қорытындысында Жалағаш ауданының әкімі макроэкономикалық көрсеткіштердің орындалуын тұрақты бақылауда ұстап, межелі көрсеткіштерге қол жеткізуді қамтамасыз етуді тапсырды. Сонымен қатар, су айдындарындағы қауіпсіздік шараларын күшейтіп, профилактикалық жұмыстарды жүйелі ұйымдастыруды міндеттеді.

Макроэкономикалық көрсеткіштер және су айдындарындағы қауіпсіздік мәселелері талқыланды

<a href="https://kyzylorda-news.kz/">Kyzylorda-news.kz</a> Бүгін елордада Мемлекет басшысы Қасым-Жомарт Тоқаевтың қатысуымен Парламент палаталарының бірлескен отырысы басталды.&nbsp;Айта кетейік, жақында Мәжіліс төрағасы Ерлан Қошанов Парламент жұмысын 30 маусым күні Қазақстан Президенті қорытындылайтынын мәлім етті.Еске салсақ, Парламент жаңа Конституцияны іске асыру үшін бірқатар конституциялық заңды қарады. «Президент», «Астананың мәртебесі», «Әкімшілік-аумақтық құрылыс» туралы заңдар жаңарып, «Құрылтай және оның депутаттарының мәртебесі», «Халық Кеңесі» туралы мүлдем жаңа заңдар қабылданды. Осылайша, Ата заңның күшіне енуі үшін барлық жұмыс атқарылды. Сонымен қатар депутаттар «Жаңа Конституцияның күшіне енуіне байланысты рақымшылық жасау туралы» заң қабылдады. Елімізде қылмыстық рақымшылықпен бірге, алғаш рет әкімшілік рақымшылық жасалды.26 маусым күні Мәжіліс төрағасы Ерлан Қошанов VIII сайланған ҚР Парламентінің төртінші сессиясындағы палатаның жұмысын қорытындылады.&nbsp;Сонымен қатар 29 маусымда Сенат төрағасы Мәулен Әшімбаев палатаның соңғы жалпы отырысын өткізді.&nbsp;30 жылда Сенаттың 890-нан астам жалпы отырысы өткізілген. Сол отырыстарда үш жарым мыңнан астам заң қабылданған. Олардың ішінде 350-ден астамына немесе әрбір оныншы заңға Парламент депутаттары бастамашылық жасаған.Еске салсақ, биыл 1 қыркүйектен бастап жаңа Парламент&nbsp;— Құрылтай өз жұмысына кіріседі.&nbsp;Ата заңның 94-бабына сәйкес, Республикалық референдумда қабылданған Қазақстан Республикасының Конституциясы 2026 жылғы 1 шілдеден бастап күшіне енеді, бұған дейін қабылданған Қазақстан Республикасы Конституциясының қолданысы сол мезгілден бастап тоқтатылады. Республикалық референдумда Конституция қабылданған күн мемлекеттік мереке&nbsp;— Қазақстан Республикасының Конституциясы күні деп жарияланады.Нақтырақ айтқанда, жаңа Конституцияның 95-бабында 1995 жылғы 30 тамыздағы Қазақстан Республикасының Конституциясына сәйкес қалыптастырылған Қазақстан Республикасының Парламенті өз өкілеттігін 2026 жылғы 1 шілдеден бастап тоқтататыны жазылған.Ал Конституция күшіне енген күннен бастап бір ай ішінде Қазақстан Республикасының Президенті Құрылтай сайлауын жариялайды және ол екі ай ішінде өткізіледі. Бірінші шақырылған Құрылтайдың бірінші сессиясы ашылған күннен бастап екі ай ішінде Қазақстан Республикасының Президенті Құрылтайдың келісімімен Вице-Президентті тағайындауға тиіс.Сурет: parlam.kz

Президенттің қатысуымен Парламент палаталарының бірлескен отырысы басталды

<a href="https://kyzylorda-news.kz/">Kyzylorda-news.kz</a> Шиелі ауданының әкімі Айтбай Жандарбеков аудан тұрғындарын жеке мәселелері бойынша кезектілік тәртібімен қабылдады.Қабылдау барысында тұрғындар тұрғын үй, жер алу, тұрақты жұмысқа орналасу және өзге де әлеуметтік мәселелерін көтерді. Аудан басшысы әрбір азаматтың өтінішін мұқият тыңдап, заң аясында түсіндірулер беріп, шешу жолдарын қарастырды.Жұмыс сұраған азаматтарға аудандағы мекемелер мен кәсіпкерлік нысандардағы бос жұмыс орындары ұсынылды. Қоғамдық жұмыстар мен қайта даярлау курстарына қатысу мүмкіндіктері қарастырылды.Тұрғын үй мәселесі бойынша тиісті санаттарға сәйкес кезекпен қамту жұмыстары жүйелі түрде жүргізіліп жатқаны түсіндірілді. Қабылдауда көтерілген мәселелердің шешілуі үшін сараптамалық зерттеулер жүргізіліп, заң талаптарына сәйкес нақты шешімдер қабылданатын болады.Айта кетейік, Шиелі ауданы әкімінің жеке қабылдауына egov.kz порталы, e-otinish базасы арқылы немесе әкімдікке келіп, жазбаша түрде өтініш беру арқылы жазылуға болады.

Тұрғындарды жеке қабылдап, мәселелерін тыңдады

<a href="https://kyzylorda-news.kz/">Kyzylorda-news.kz</a> 28 маусым – Журналистер күні қарсаңында Арал ауданының әкімі Аманжол Оңғарбаев Қазақстан Республикасының еңбек сіңірген мәдениет қызметкері, ардагер журналист, Арал ауданының Құрметті азаматы Шәкірат Дәрмағанбетовтің шаңырағына арнайы барып, кәсіби мерекесімен құттықтады.Аудан басшысы абыз ақсақалға ізгі тілегін, аймақ басшысының құттықтауын жеткізіп, мерекеге орай сый-құрмет көрсетті. Ғұмырын білім беру мен журналистика саласының дамуына арнаған қарт қаламгер бүгінде 98 жастың төріне шықты.Саналы ғұмырында ел өмірінің өзекті мәселелерін қаламына арқау етіп, өңірдің қоғамдық-саяси және әлеуметтік-экономикалық дамуына өзіндік үлесін қосқан ардагер журналист бүгін де ауданның тыныс-тіршілігін бір сәт назардан тыс қалдырған емес.Өз кезегінде Шәкірат Дәрмағанбетов мереке қарсаңында арнайы келіп, құрмет көрсеткен аудан әкімі Аманжол Сақыпұлына және ел азаматтарына шынайы ризашылығын білдіріп, ақ батасын берді.

Ардагер журналиске құрмет көрсетті

Қармақшы ауданы әкімінің тапсырмасымен «Руханият» орталығында бұқаралық ақпарат құралдары өкілдерінің қатысуымен баспасөз брифингі өтті.Брифинг барысында Қармақшы аудандық полиция бөлімі бастығының орынбасары, полиция подполковнигі Оспан Ешжанов 2026 жылдың алғашқы жартыжылдығында аудандық полиция бөлімі тарапынан атқарылған жұмыстардың қорытындысы бойынша баяндама жасады.Жиында Мемлекет басшысының «Заң мен тәртіп» қағидаты аясында жүзеге асырылған профилактикалық іс-шаралар мен қоғамдық қауіпсіздікті қамтамасыз ету, құқықбұзушылықтар және қылмыстың алдын алу бағытында атқарылған жұмыстар туралы ақпарат берілді.Сонымен қатар өткен жылдан салыстырғанда тіркелген қылмыстар санының төмендегені айтылды. Сондай-ақ Жедел басқару орталығының бейнебақылау камераларының көмегімен әкімшілік құқықбұзушылықтарды анықтау және олардың алдын алу бағытындағы жұмыстардың оң нәтиже бергені атап өтілді.Брифингке қатысқан БАҚ өкілдері құқықтық тәртіпті қамтамасыз ету, қоғамдық қауіпсіздік және өзге де өзекті мәселелер бойынша сұрақтарын қойды. Полиция өкілдері сауалдарға жауап беріп, құқықтық түсіндіру жұмыстарын жүргізді.<img src="https://knadmin.beoblood.kz/uploads/FB_IMG_1782799319081_deed7f9725.jpg" alt="FB_IMG_1782799319081.jpg">

Архив