<a href="https://kyzylorda-news.kz/">Kyzylorda-news.kz</a> Бүгін Қазалы ауданының орталығы - Әйтеке би кентінің орталық алаңында 1 мамыр – Қазақстан халқының бірлігі күні мерекесіне арналған мерекелік шара өтті.Бірлігі берекелі, татулығы тұғырлы болған мерейлі мерекеде аудан әкімі Алмасбек Есмаханов құттықтау сөз сөйлеп, аудан жұртшылығына жылы лебізін білдірді.<img src="https://knadmin.beoblood.kz/uploads/FB_IMG_1777637483340_bcabb896b1.jpg" alt="FB_IMG_1777637483340.jpg"><blockquote>- Татулық пен тыныштықтың, тұрақтылық пен бейбітшіліктің символына айналаған бұл мерекенің еліміз үшін орны ерекше. Мемлекет басшымыз Қасым-Жомарт Кемелұлы «Біз өз жерінде тыныштық пен келісімде өмір сүруге болатынын дәлелдеген, өз тағдырын өзі шеше алатынына көптің көзін жеткізген, болашаққа нық қадам басқан біртұтас ұлтпыз. Осынау тар жол, тайғақ кешуде еліміздің тәуелсіздігі мен дербестігін нығайтып, барлық қиындықты еңсеріп, мақсатымыздан айнымаймыз» деген болатын. Аймақ басшысы Нұрлыбек Машбекұлының қолдауымен, қазыналы Қазалы жұртшылығының бірлігінің нәтижесінде ауданымыз әрдайым жаңа жетістіктермен, толайым табыстарға қол жеткізіп келеді. Бүгінде ауданымызда орыс, корей, татар, өзбек, украин, башқұрт, грек, қырғыз, түрікмен, неміс сынды 10-нан аса түрлі этнос өкілдері әлеуметтік, шаруашылық пен өндіріс салаларында татулықпен еңбек етіп, аудан экономикасының өркендеуіне зор үлес қосуда. Олар өздерінің ана тілдерін, салт-дәстүрлерін дамытумен қатар, «Тамыр терең, тарихы кенен - Қазалы» жерінде достықтың үлгісін көрсетіп келеді. Ұрпақтан-ұрпаққа жалғасқан осындай ынтымақ пен бірлігіміз барша қазалылықтарды мол табысқа жеткізуде. Баршаңызды бүгінгідей айтулы мерекемен тағы да шын жүректен құттықтай отырып, отбасыларыңызға бақ-береке, мол бақыт тілеймін! Тыныштық пен бейбітшіліктің тал бесігінде тербелген халқымыздың татулығы мен бірлігі нығая берсін, еліміздің болашағы баянды, іргесі берік болсын, - деді аудан әкімі Алмасбек Әбілқасымұлы.</blockquote>Мерекелік шарада бейбітшілік пен достықты нығайтуға, ауданның әлеуметтік-экономикалық дамуына елеулі үлес қосқан бірқатар азаматтарға Президентіміз Қасым-Жомарт Тоқаевтың, ҚР Парламенті мәжілісінің төрағасы Ерлан Қошановтың, облыс әкімі Нұрлыбек Нәлібаевтың және аудан әкімі Алмасбек Есмахановтың «Алғыс хаты» табысталды. Сондай-ақ Қазалы ауданының Құрметті азаматы, Қазақстан Республикасы мұңай өндеу саласында Департамент директоры Ахантай Бауыржан Ахантайұлы мен құрылыс және энергетика саласының ардагері Сералы Құлсейітов ауданның әлеуметтік-экономикалық дамуына қосқан үлесі үшін ауданның ең жоғары наградасы «Құрмет грамотасымен» марапатталды.Бірлік пен татулық, тыныштық пен бейбітшілік күнінде дүйім жұрт әр ұлттың әні мен биіне, тағам түрлерінен дайындалған «Этно ауыл» атты көрмеге, салт-дәстүрі мен өнеріне қанық болып, концерттік бағдарламаның куәгері болды.Орталық алаңға ағылған көпшілік еліміздің амандығын, жұртымыздың тыныштығын, халықтың ауызбіршілігін тілеп, бір-біріне ізгі тілектерін жеткізді.Айта кетейік, шара соңында татулық пен бірліктің символы болған ақ көгершіндер ұшырылды.<img src="https://knadmin.beoblood.kz/uploads/FB_IMG_1777637497856_ef1ded0e92.jpg" alt="FB_IMG_1777637497856.jpg">

Қазалы жұртшылығы мерекені кең көлемде тойлатты 

<a href="https://kyzylorda-news.kz/">Kyzylorda-news.kz</a> Бүгін дене шынықтыру-сауықтыру кешенінде ел спортына серпін беріп, жас буынды жігерлендіретін маңызды дода – Сүлейменов Әсет Жәнібекұлын еске алуға арналған дзюдодан 2011–2012 жылы туған жасөспірімдер арасындағы республикалық турнирдің ашылу салтанаты өтті.Ашылу рәсімінде аудан әкімі Жандос Еркінбек: «Осындай тағылымды шаралар арқылы жастарымыздың бойында өткенге құрмет секілді тәрбиелік мәні зор ұғымдар қалыптасатыны сөзсіз. Биылғы додаға республикамыздың әр өңірінен 300-ге жуық жас спортшы қатысуда. Осы ретте жарыстың жоғары деңгейде ұйымдастырылуына атсалысып жүрген барша азаматтарға шынайы алғысымды білдіремін»,- деп шараның маңыздылығын атап өтті.<img src="https://knadmin.beoblood.kz/uploads/FB_IMG_1777637204736_f4726c9253.jpg" alt="FB_IMG_1777637204736.jpg">Сондай-ақ облыстық жоғары спорт шеберлігі мектебінің директоры, облыстық дзюдо федерациясының вице-президенті Бағдат Каленов және Әсет Сүлейменовтің інісі Бауыржан Сүлейменов қатысып, ізгі тілектерін білдірді.Әсет Сүлейменов – дзюдо күресінен жоғары жетістіктерге жетіп, Қазақстан Республикасының «Спорт шебері» атағына ие болған, қайсар мінезді, өз ісіне адал азамат. Ол спортта талай жастардың үлкен өмірге нық қадам басуына жол көрсетті. Оның есімі елге қызмет етудің, еңбексүйгіштіктің жарқын үлгісін көрсете білген тұлға ретінде халық жадында мәңгі сақталады.Айта кетсек, биыл дәстүрлі түрде бесінші рет ұйымдастырылып отырған бұл турнир 30 сәуір мен 2 мамыр аралығында жалғасатын болады.<img src="https://knadmin.beoblood.kz/uploads/FB_IMG_1777637217853_b79f79c2fd.jpg" alt="FB_IMG_1777637217853.jpg">

Дзюдодан республикалық турнирдің ашылу салтанаты өтті 

<a href="https://kyzylorda-news.kz/">Kyzylorda-news.kz</a>&nbsp; Бүгін &nbsp;Президент саябағында 1 мамыр - Қазақстан халқының бірлігі күніне арналған «БІРЛІК. ДОСТЫҚ. БЕРЕКЕ» атты мерекелік шара өтті.Саябақта қолөнер шеберлерінің ұлттық нақыштағы бұйымдары мен жас суретшілердің шығармашылық туындылары қойылған көрме көпшілік назарына ұсынылды. Гүлдер және құстар фестивалі келушілерге ерекше әсер мен көтеріңкі көңіл-күй сыйлады.Қызылорда қаласының әкімі Нұржан Ахатов &nbsp;жиналған жұртшылықты бейбітшіліктің, келісімнің мерейлі мейрамымен құттықтады.<blockquote>«Мемлекет басшысының бастамасымен қолға алынған «Таза Қазақстан» жалпыұлттық бағдарламасы аясында &nbsp;тұрғындардың өмір сүру сапасын арттыруға бағытталған жобалар жемісін беруде.&nbsp;Соның бір айғағы – &nbsp;Президент саябағы. Бұл орын қызылордалықтардың жиі келіп, жан сергітетін жайлы мекеніне айналды. Алдағы күндері осы аумақта жылдың төрт мезгілінде жұмыс істейтін балалар тынығу лагері мен Ботаникалық бақ пайдалануға беріледі. Білім мен тәрбие, таным мен тағылым ұштастырылып, өскелең ұрпаққа мол мүмкіндік ұсынылады.&nbsp;Бүгін, міне, жаңа саябақтың саясында халқымыздың рухани және жасампаз құндылықтары дәріптеліп, Бірлік күні айрықша аталуда.Бұл – ынтымақ пен достықты нығайтатын мейрам.&nbsp;Бір мақсат, жарқын болашақ жолында біріккен халқымыз үшін айтулы күннің бәсі биік. Ұлт даналығында «Ырыс алды ынтымақ» - деген тағылымды сөз бар.Расында, ынтымаққа ұйысқан жерде ырыс жүреді. Ырысымыз тасыса, ел еңсесін тіктейді, мемлекеттің мерейі үстем болады. Біздің қастерлі Қазақстанымызда бірлік ұғымы әркез бірінші орында.&nbsp;Барлық этнос өкілдері еліміздегі игіліктерге тілекші.Бүгінде Сыр бойындағы 30 - дан астам этнос өкілдері өңірімізді өркендету жолында түрлі салаларда еселі еңбек етіп, аймақ дамуына айрықша атсалысып келеді.&nbsp;Облысымызда 11 этномәдени бірлестік пен 9 қоғамдық құрылым табысты жұмыс жүргізуде. Қазақстан халқының бірлігі күні мерекесімен баршаңызды тағы да құттықтап, дендеріңізге саулық, отбасыларыңызға амандық тілеймін!Егемен еліміздің еңсесі биік, Тәуелсіздігіміздің тұғыры берік болсын!»,- деді қала әкімі.</blockquote><img src="https://knadmin.beoblood.kz/uploads/FB_IMG_1777632140253_4be38a2df5.jpg" alt="FB_IMG_1777632140253.jpg">Мерекелік бағдарлама аясында этнос өкілдері өнер көрсетіп, көрермен қауымға ән-жырдан тарту ұсынды. &nbsp;Орындалған патриоттық шығармалар қоғамдағы бірлік пен татулық құндылықтарын кеңінен насихаттап, маңызын айқындай түсті.Айта кету керек, өткен жылы Қазақстан халқы Ассамблеясының 30 жылдығы аясында Қызылорда қаласында «Қазатомөнеркәсіп» ұлттық атом компаниясының демеушілігімен«Достық үйінің» жаңа ғимаратының іргетасы қаланған болатын.Аймақ басшысының қолдауымен нысан биыл пайдалануға беріліп, онда &nbsp;V Ұлттық құрылтай өтті. Бүгінде «Достық үйі» қоғамдық келісім мен этносаралық татулықты нығайтуға бағытталған бастамаларды жүзеге асыратын маңызды рухани-мәдени орталыққа айналды.

Президент саябағында мерекелік іс-шара өтті 

<a href="https://kyzylorda-news.kz/">Kyzylorda-news.kz</a>&nbsp; Бүгін Жаңақорған ауданында 1 мамыр – Қазақстан халқының бірлігі күніне орай «Бірлік. Достық. Татулық» атты мерекелік іс-шара аталып өтті.Іс шара барысында аудан басшысы ел ағаларымен бірге түрлі этнос өкілдері дайындаған тақырыптық көрмені аралап, әр ұлттың салт-дәстүрі мен мәдени мұрасымен танысты. Спорттық сайыстар мен жас суретшілердің шығармашылық көрмесін тамашалады.Мерекелік шара «Достықтың дархан даласы» атты композициялық прологпен бастау алды. Түрлі ұлт өкілдері бірлік пен татулықты дәріптеген шеруге қатысып, жастар бейбітшілік пен ынтымақтың символы ретінде ақ көгершіндерді көкке ұшырды.<img src="https://knadmin.beoblood.kz/uploads/FB_IMG_1777631817625_aa8a4f4d51.jpg" alt="FB_IMG_1777631817625.jpg">Салтанатты шараны аудан әкімі Мажит Самитов ашып, жиналған жұртшылықты айтулы мерекемен құттықтады.<blockquote>Баршаңызды 1 мамыр – Қазақстан халқының бірлігі күнімен шын жүректен құттықтаймын! Президентіміз Қасым-Жомарт Тоқаев атап өткендей, «Біз – бір елміз, бір халықпыз, бір болашаққа бет алған мемлекетпіз». Сондықтан бірлігіміз бекем болса, алар асуымыз да, бағындырар белесіміз де биік болады. Баршаңызға зор денсаулық, отбасыларыңызға амандық, бақ-береке, бірлік пен ынтымақ тілеймін! – деді аудан басшысы.</blockquote>Мереке аясында ауданның қоғамдық өміріне белсене қатысып жүрген бірқатар азаматтарға аудан әкімінің Алғыс хаты табысталды. Шара әрі қарай аудан өнерпаздары ұсынған ұлттар достығын арқау еткен театрландырылған қойылыммен жалғасты. Әртүрлі этнос өкілдерінің әндері мен билері сахна төрін жандандырып, тұрғындарға ерекше көңіл-күй сыйлады.<img src="https://knadmin.beoblood.kz/uploads/FB_IMG_1777631844704_4ab4c675c7.jpg" alt="FB_IMG_1777631844704.jpg">

Жаңақорғандық тұрғындар Қазақстан халқының бірлігі күнін тойлады 

<a href="https://kyzylorda-news.kz/">Kyzylorda-news.kz</a>&nbsp; «AMANAT» партиясының қолдауымен және Бесарық ауылдық округінің ұйымдастыруымен Сырдария ауданының Бесарық ауылында волейболдан ашық біріншілік өтті.Турнирдің ашылу салтанатына «AMANAT» партиясы Қызылорда облыстық филиалының төрағасы Жандос Базартай, Қызылорда қаласының, Сырдария ауданының Құрметті азаматы, «Абай-Дәулет» серіктестігінің директоры Мұрат Сәрсенбаев, «AMANAT» партиясы Сырдария аудандық филиалының атқарушы хатшысы Ақтөре Ибрагимұлы, Сырдария аудандық дене тәрбиесі, спорт және туризм бөлімінің басшысының міндетін атқарушы Әйгерім Мешітбаева және ауыл ардагерлері, спортшылар қатысты.Жарыстың ашылу салтанатында облыстық партия филиалының төрағасы Жандос Базартай құттықтау сөз сөйледі.<blockquote>"Құрметті қауым, ең алдымен баршаңызды Бірлік күні мерекесімен құттықтаймын! Бұл мәні мен маңызы терең жалпыхалықтық мейрам. Мереке аясында сіздермен спорттық іс-шарада бас қосып тұрмыз. Өздеріңізге белгілі, Мемлекет басшысы Қасым-Жомарт Кемелұлы Тоқаевтың тапсырмасымен елімізде бұқаралық спортты дамыту бағытында нақты жұмыстар атқарылуда. Ел Үкіметінің және облыс әкімі Нұрлыбек Машбекұлы Нәлібаевтың қолдауымен аймағымызда да спорт саласы қарқынды түрде дамуда. Бұл жұмыстар «AMANAT» партиясының сайлауалды бағдарламасы мен партиялық жобаларында да көрініс тапқан. Мәселен, Бесарық ауылындағы спорт кешені партияның сайлауалды бағдарламасы аясында пайдалануға беріліп, бүгінде спорт нысанында жүздеген ауыл баласы спортпен шұғылдануда. Бүгінгі турнирге де 12 команда, 150-ге жуық спортшы қатысуда. Жарысқа қатысушыларға жеңіс пен сәттілік тілеймін", – деді Жандос Базартай.</blockquote>Өз кезегінде Қызылорда қаласының, Сырдария ауданының Құрметті азаматы, «Абай-Дәулет» серіктестігінің директоры Мұрат Сәрсенбаев жарысқа қатысушыларды мерекемен құттықтап, тілектестігін білдірді.Жарыстың ашылу салтанатында «AMANAT» партиясының сайлауалды бағдарламасы мен партиялық жобаларын жүзеге асыруға қосқан айрықша үлесі мен Бесарық ауылының әлеуметтік-экономикалық дамуы жолында сіңірген еңбегі үшін бірқатар азамат «AMANAT» партиясы Қызылорда облыстық филиалы төрағасының, «Абай-Дәулет» серіктестігінің Алғыс хатымен марапатталды.

Бірлік күні аясында волейбол турнирі өтті 

<a href="https://kyzylorda-news.kz/">Kyzylorda-news.kz</a>&nbsp; Сырдария ауданының әкімі Берік Сәрменбаевтың қатысуымен 1 мамыр – Қазақстан халқының бірлігі күніне орай «Бірлігіміз жарасқан Қазақстан» тақырыбында Орталық алаңда мерекелік іс-шара өтті.Мерекелік іс-шара барысында этно-мәдени орталықтар ұлттардың салт-дәстүрлері мен ұлттық тамақтарын назарға ұсынды және жас суретшілер көрмесі мен мәдени-спорттық көрмелер ұйымдастырылды. Аудан басшысы зиялы қауым өкілдерімен бірге этно-мәдени бірлестіктер көрмесін тамашалап, көпшілікті айтулы мерекемен құттықтады.<img src="https://knadmin.beoblood.kz/uploads/FB_IMG_1777624784621_8c723b01f9.jpg" alt="FB_IMG_1777624784621.jpg">Салтанатты іс-шарада аудан әкімі Қазақстан халқының бірлігі күні мерекесінің маңызын ерекше атап өтті.<blockquote>– Мемлекет басшымыз Қасым-Жомарт Кемелұлы Тоқаев «Біз өз жерінде тыныштық пен келісімде өмір сүруге болатынын дәлелдеген, өз тағдырын өзі шеше алатынына көптің көзін жеткізген, болашаққа нық қадам басқан біртұтас ұлтпыз. Осынау жолда еліміздің тәуелсіздігі мен дербестігін нығайтып, барлық қиындықты еңсеріп, мақсатымыздан айнымаймыз» деген болатын. Бір мүдде, бір мақсат жолында ынтымағы жарасқан еліміздің бірлігін сақтау – баршамыздың азаматтық парызымыз. Мемлекет басшысының бастамасымен, аймақ басшысы Нұрлыбек Машбекұлы Нәлібаевтың қолдауымен облыс орталығында этносаралық достық пен бірлікті дәріптеу мақсатында «Қазатомөнеркәсіп» Ұлттық атом компаниясының демеушілігімен 3 млрд. 800 млн. теңгеге заманауи, сәулетті жаңа «Достық үйінің» ғимараты ел игілігіне табысталды. Барлық 7 ауданда 11 млрд. 500 млн. теңгеге «Руханият» орталықтары салынды. Орталықтардағы «Қоғамдық келісім» кабинеттері түрлі этнос өкілдерінің мәдени-рухани сабақтастығын сақтауға мүмкіндік беруде. Өңіріміздегі 30-дан астам түрлі этнос өкілдері аймағымыздың экономика, мәдениет, спорт, білім, ғылым салаларының дамуына атсалысып, еліміздің өркендеуіне зор үлес қосуда. Бүгінде облыста 11 этномәдени бірлестік пен 9 қоғамдық құрылым табысты жұмыс жүргізіп келеді. Ауданымызда 450-ден аса өзге ұлт өкілдері тату-тәтті өмір сүруде, – деді Берік Әбдіғаппарұлы.</blockquote><img src="https://knadmin.beoblood.kz/uploads/FB_IMG_1777624775705_3fd658b7eb.jpg" alt="FB_IMG_1777624775705.jpg">Бірлік пен өзара құрметті нығайтуға үлес қосып жүрген бірқатар азаматтар облыс әкімінің және аудан әкімінің "Құрмет грамотасы" және Алғыс хатымен марапатталды.Мерекелік концерт барысында өнерпаздар әннен шашу шашып, халықтардың ұлттық билерін орындады. Сондай-ақ, түрлі этнос өкілдері өз өнерлерін ортаға салып, халқымыздың бірлігін, достығын және мәдени ынтымақтастығын паш етті.<img src="https://knadmin.beoblood.kz/uploads/FB_IMG_1777624777996_720345d852.jpg" alt="FB_IMG_1777624777996.jpg">

Сырдариялықтар бірлік күнін атап өтті 

<a href="https://kyzylorda-news.kz/">Kyzylorda-news.kz</a> &nbsp; Сырдария ауданы әкімі Берік Сәрменбаев облыстық мәслихат депутаты Жұмабек Ембергенов, аудандық қоғамдық кеңес төрағасы Марат Еспенбетовпен бірге Аманкелді ауылындағы “АКЗ ЛТД” ЖШС-нің кірпіш зауыты жұмысымен танысты.Аталған өндіріс орны Мемлекет басшысының өңірлерде өндірісті ұлғайту және кәсіпкерлікті дамыту жөніндегі тапсырмалары аясында жұмысын жүйелі түрде жүргізіп келеді. Кездесу барысында өндіріс барысы, өнім сапасы мен өткізу нарығы талқыланды.<blockquote>– Мемлекет тарапынан кәсіпкерлікті қолдауға ерекше көңіл бөлінуде. Осындай өндіріс орындары аудан экономикасының дамуына серпін беріп, жаңа жұмыс орындарын ашуға мүмкіндік береді. “АКЗ ЛТД” серіктестігі өңірдегі құрылыс саласын сапалы өніммен қамтамасыз етіп қана қоймай, әлеуметтік-экономикалық тұрақтылыққа да үлес қосып отыр. Алдағы уақытта да кәсіпорынның өндірістік әлеуетін арттыру жұмыстарын жалғастыру керек, – деді Берік Әбдіғаппарұлы.</blockquote>“АКЗ ЛТД” ЖШС-нің директоры, аудандық мәслихат депутаты Руслан Каскиев бүгінде зауыт тәулігіне 30 мың дана кірпіш өндіретінін және жылдық өндірістік қуаты 4,5–5 миллион дана кірпішті құрайтынын атап көрсетті. Кәсіпорында 25 адам тұрақты жұмыспен қамтылған.Кәсіпорынның алдағы даму жоспарлары мен өндіріс көлемін арттыру мүмкіндіктері қарастырылды. Аудан басшысы кәсіпорын ұжымына алдағы жұмыстарына сәттілік тіледі.Фото: Сырдария ауданы әкімінің баспасөз қызметі

Аудан әкімі кірпіш зауытының жұмысымен танысты

Құрметті жерлестер! Баршаңызды 1 мамыр – Қазақстан халқының бірлігі күнімен құттықтаймын! Бұл – ел бірлігін ұлықтайтын, тұрақтылық пен келісімді дәріптейтін айрықша мейрам. Бірлік – халқымыздың тұтастығы мен ырыс-ынтымағының, үйлесімді қарым-қатынас пен татулықтың көрінісі. Ел болудың бірден-бір алғышарты. Түсіністік пен бауырмалдықты, бір-біріне деген құрметті бәрінен биік қойған түрлі этнос өкілдері кең байтақ жерімізде тату-тәтті өмір сүріп келеді. Мемлекет басшымыз Қасым-Жомарт Кемелұлы: «Бұл – мемлекетіміз үшін айрықша мәні бар мейрам. Біз жұрт болып жұмыла білсек, кез келген сынақты еңсеріп, биік белестерді бағындырамыз. Ұлтымыздың арман-мұраты – Әділетті әрі Қуатты Қазақстанды бірге құрамыз» деген болатын. Өткен жылы 1 мамырда Президентіміздің қоғамдық келісім инфрақұрылымын кеңейту тапсырмасына және Қазақстан халқы Ассамблеясының 30 жылдығына орай «Достық үйінің» жаңа ғимаратының іргетасын қалаған едік. Жыл басында жаңа ғимарат салтанатты түрде ашылды. «ҚазАтомӨнеркәсіп» ұлттық атом компаниясының демеушілігімен салынған «Достық үйі» халқымыздың тұтастығы мен ырыс-ынтымағының үйлесімін сақтауға қызмет ететін қоғамдық келісімнің құтты мекеніне айналды. Бүгінде Сыр өңірі – 30-дан астам этнос өкілдерінің киелі шаңырағы, 11 этномәдени бірлестік мүшелері аймақтағы қоғамдық, саяси іс-шараларға белсенді қатысады. Қызылорданы мекен еткен сан алуан этностың мәдениеті, діні мен дәстүрі өзара үндесіп, бірегей өркениетке айналды. Бірлік мерекесінде баршаңызға мықты денсаулық, отбасыларыңызға құт-береке, бақыт тілеймін! Егемен еліміздің іргесі берік, шаңырағы биік болғай!

Қызылорда облысының әкімі Нұрлыбек Нәлібаев Қазақстан халқының бірлігі күні мерекесімен құттықтады

<a href="https://kyzylorda-news.kz/">Kyzylorda-news.kz</a>&nbsp; Қазақстан Республикасы Бас прокуратурасының Құқықтық статистика және арнайы есепке алу жөніндегі комитетінің Қызылорда облысы бойынша департаменті және облыстық қоғамдық даму басқармасының ұйымдастыруымен «Заң мен тәртіп» қағидатын кеңінен дәріптеу және жастардың құқықтық мәдениетін арттыру мақсатында «Өзіңнен баста» тақырыбында мемлекеттік жас қызметшілер мен жастар арасында облыстық дебаттық турнир өтті.Ауқымды шара облыстық жастар ресурстық орталығында бастау алып, мазмұнды пікірсайыстар мен тартысты ой додасынан кейін Достық үйі ғимаратында өз мәресіне жетті. Турнирге «Republic», «Алаш Prime», «Әділдік альянсы», «Әділет Легионы», «Азат», «АМАНАТ», «Нысана», «Әділетті Қазақстан» командалары қатысып, заң үстемдігі, тәртіп мәдениеті және азаматтық жауапкершілік тақырыптарын кеңінен қозғап, өзара білім мен шешендік шеберлікте бақ сынады.Финалдық кезеңде Қазақстан Республикасы Бас прокуратурасының Құқықтық статистика және арнайы есепке алу жөніндегі комитетінің Қызылорда облысы бойынша департаменті бастығының орынбасары Фархат Иманғалиев және Қазақстан Республикасы Мемлекеттік қызмет істері агенттігінің Қызылорда облысы бойынша департаменті басшысының орынбасары Мирамкүл Бибітова сөз сөйлеп, іріктеу кезеңдерінде үздік нәтиже көрсетіп, финалға жолдама алған екі командаға сәттілік тіледі.Сонымен қатар, облыстық қоғамдық даму басқармасы басшысының орынбасары Уалихан Ибраев сөз сөйлеп, жастардың қоғамдағы белсенді рөлі мен заңға құрметтің маңыздылығына тоқталды.<blockquote>- Даңқты қолбасшы, Халық қаһарманы Бауыржан Момышұлы өзінің даналығында «Тәртіпсіз ел болмайды, тәртіпке бас иген құл болмайды» деп, тәртіптің қоғам өміріндегі маңызын терең әрі дәл бейнелеп берген. Бұл даналық сөздің астарында үлкен тағылым жатыр. Тәртіпке бағыну – әлсіздіктің емес, керісінше, саналы азаматтың парасаттылығы мен жауапкершілігінің белгісі. Заң мен тәртіпті құрметтеген ел ғана еңселі, бірлігі бекем, болашағы баянды мемлекетке айналады. Әрқайсыңыз өз ортаңызда заң мен тәртіптің жаршысы болып, өзгелерге үлгі көрсете білсеңіздер, еліміздің болашағы баянды болары анық, - деді Уалихан Серікұлы.</blockquote>Турнирдің әділ өтуіне Қазақстан Республикасы Бас прокуратурасының Құқықтық статистика және арнайы есепке алу жөніндегі комитетінің Қызылорда облысы бойынша департаменті бастығының орынбасары Фархат Иманғалиев, Қазақстан Республикасы Мемлекеттік қызмет істері агенттігінің Қызылорда облысы бойынша департаменті басшысының орынбасары Мирамкүл Бибітова және «Бедел» ораторлықты дамыту орталығының директоры Айжан Орынбасар қазылық етті.Тартысты өткен финал қорытындысы бойынша І орынды «АМАНАТ» командасы иеленді, &nbsp;ІІ орын «Нысана» командасы ІІІ орын «Алаш Prime» командасына бұйырса, IV орынды «Republic» командасы еншіледі.Аталған дебаттық турнир жастардың сыни ойлау қабілеті мен шешендік өнерін дамытуға серпін беріп, олардың қоғамдағы белсенді азаматтық ұстанымын қалыптастыруға және заң мен тәртіпке деген құрметін арттыруға ықпал етті.

«Заң мен тәртіп» қағидаты аясында «өзіңнен баста» тақырыбында дебат турнирі өтті

<a href="https://kyzylorda-news.kz/">Kyzylorda-news.kz</a>&nbsp; Қызылорда облысының мамандандырылған күзет қызметі басқармасында 1 мамыр – Қазақстан халқының бірлігі күніне орай «Татулық – достық тірегі» атты взводаралық этнофестиваль өтті.Іс-шараның ашылуында басқарма бастығы, полиция подполковнигі Дастан &nbsp;Кенбай құттықтау сөз сөйлеп, халық арасындағы достық пен татулықтың маңызын атап өтті. Ол ел бірлігі мен қоғамдық келісім – Қазақстанның басты құндылықтарының бірі екенін ерекше жеткізді.Фестивальге әділқазылық еткен қазылар алқасының құрамында басқарма бастығы полиция подполковнигі Дастан &nbsp;Кенбай, басқарма бастығының орынбасары полиция подполковнигі Мұратбек Пазлиев, ішкі істер органдары ардагерлер кеңесінің төрағасы Талғат &nbsp;Шаханов, ішкі істер органдарының ардагері Әли Әлменов және Қызылорда облыстық қоғамдық даму басқармасы «Қоғамдық келісім және тіл орталығы» КММ-нің бөлім басшысы Руслан Құрманов болды.Фестивальге қатысушылар қазақ, өзбек, орыс, шешен және түрік этностарының ұлттық мәдениетін насихаттап, бес кезең бойынша бақ сынады. Атап айтқанда, олар түрлі этнос өкілдерінің салт-дәстүрлерінен көрініс көрсетті, мақал-мәтел сайысында білімдерін саралады. Сондай-ақ ұлттық тағамдарын ұсынып, ән, би және қолөнер арқылы өз өнерлерін паш етті.Байқау қорытындысы бойынша қатысушылардың өнері мен дайындығы жоғары бағаланып, үздік командалар марапатталды. Мерекелік шара бірлік пен ынтымақты ұлықтаған тағылымды басқосуға айналды.

«Татулық – достық тірегі» атты этнофестиваль өтті

<a href="https://kyzylorda-news.kz/">Kyzylorda-news.kz</a> Мемлекет Басшысының инвестиция тарту, өндірісті дамыту және халықаралық ынтымақтастықты кеңейту жөніндегі тапсырмасына сәйкес, Қызылорда облысы шетелдік әріптестермен өзара тиімді байланыстарды жүйелі түрде дамытып келеді. Осы бағыттағы маңызды қадамдардың бірі – облыс әкімінің орынбасары А. Зебешев бастаған делегацияның Қытай Халық Республикасына жұмыс сапары болды.2026 жылғы 27–29 сәуір аралығында өткен іссапар аясында делегация Пекин, Далянь және Чанчунь қалаларында жоғары деңгейдегі кездесулер өткізіп, бірқатар стратегиялық инвестициялық жобаларды талқылады.Агроөнеркәсіп және су ресурстары саласындағы серіктестікДалянь қаласында қала әкімінің орынбасары Чжао Дунмен кездесу барысында ауыл шаруашылығы, су үнемдеу технологиялары және ирригациялық инфрақұрылымды жаңғырту мәселелері қаралды. Атап айтқанда, «Юлин» компаниясымен Қызылорда облысында заманауи суару технологияларын енгізу бойынша келіссөздер жүргізілуде.Бұл жоба су ресурстарын тиімді пайдалануға, аграрлық секторды жаңғыртуға және ауыл шаруашылығы өнімділігін арттыруға мүмкіндік береді. Қытай тарапы аталған бастаманың өңір үшін жоғары әлеуетке ие екенін атап өтті.Машина жасау және көлік-логистика саласыЧанчунь қаласында Цзилинь провинциясы басшылығымен өткен кездесуде машина жасау және теміржол индустриясы салаларындағы ынтымақтастық мәселелері талқыланды. «Марал-Нұр» ЖШС вагон &nbsp;жасау зауыты жобасын, қытайлық серіктестермен бірлесіп жүзеге асыру жоспарлануда.Бұл бастама өңірде жаңа өндірістер ашуға, технология трансферін қамтамасыз етуге және экспорттық әлеуетті арттыруға жол ашады.Өнеркәсіп және инвестициялық жобаларПекин қаласында «TICA» компаниясымен желдету және ауаны баптау қондырғыларын өндіру жобасы бойынша келіссөздер жүргізіліп, жергілікті «Тау Групп» компаниясымен меморандумға қол қойылды. Жобаның алғашқы кезеңін іске асыру 2026 жылға жоспарланған.Сондай-ақ, «HongDa» компаниясымен Жаңақорған ауданындағы қорғасын-мырыш кен байыту фабрикасы жобасы талқыланып, құны 120 млн АҚШ долларын құрайтын жоба бойынша ынтымақтастық нығайтылды. Құрылыс жұмыстары 2027–2028 жылдары жүзеге асырылады деп күтілуде.Бұдан бөлек, «XINDA TRANSFORMER CO., LTD» компаниясымен трансформаторлар өндіру және индустриялық парк құру жобасы пысықталды. Жоба аясында бірнеше өнеркәсіптік кәсіпорын ашу жоспарланып отыр.Ауыл шаруашылығындағы жаңа бағыттарҚытайлық “Yunguan Xinjia Supply Chain Management” компаниясымен техникалық қарасора өсіру және оны терең өңдеу арқылы фармацевтикалық өнім өндіру жобасы талқыланды. Бұл ауыл шаруашылығын әртараптандыруға және инновациялық бағытта дамытуға мүмкіндік береді.Іссапар қорытындысы бойынша бірқатар қытайлық компаниялармен өзара ынтымақтастық туралы меморандумдарға қол қойылды. Жобаларды кезең-кезеңімен іске асыру өңірге инвестиция тартуға, жаңа жұмыс орындарын ашуға және экономиканың әртараптануына серпін береді.Қытай Халық Республикасымен дамып келе жатқан стратегиялық әріптестік Қызылорда облысының өнеркәсіптік әлеуетін арттырып, инвестициялық белсенділікті күшейтуге және өңір экономикасын жаңа сапалы деңгейге көтеруге мүмкіндік береді.

Екіжақты ынтымақтастыққа жаңа серпін: Қызылорда облысы мен қытай өңірлері арасындағы байланыс нығаюда

Фото: Ақорда Құрметті отандастар!Сіздерді Қазақстан халқының бірлігі мерекесімен шын жүректен құттықтаймын!Бұл – қоғамымыздың мызғымас құндылықтарын паш ететін қастерлі мейрам. Бірлік күні халқымыздың тілектестігі мен ауызбіршілігі, өзара сыйластығы мен құрметі, отаншылдығы мен перзенттік сүйіспеншілігі кеңінен дәріптеледі.Кезінде тағдырдың жазуымен елімізде тұрақтаған түрлі этнос өкілдері Қазақстан атты киелі Шаңырақтың астында бір үйдің баласындай тату-тәтті өмір сүріп жатыр. Бұл – бәрімізге ортақ игілік.Дана халқымыз «Татулық – таусылмас бақыт» деп бекер айтпаған. Біз – бейбіт заманның қадірін білетін, айналасына жанашырлықпен қарайтын, әрдайым көмек қолын созуға дайын тұратын елміз. Бұл – біртұтас ұлтымыздың болмысына тән қасиет. Біз осы бірегей дәстүрді көздің қарашығындай сақтап қалуымыз керек.Біздің көзқарасымыз әртүрлі болғанымен, тілегіміз – бір. «Бірлігіміз – әралуандықта» формуласы мемлекеттік саясат пен азаматтарымыздың күнделікті өмірінің өзегіне айналды.Сондықтан біз бірлік, ынтымақ, этносаралық және конфессияаралық татулық қағидаттарын жаңа Конституцияның преамбуласында нақты көрсеттік.Бұл – Қазақстан халқының саналы түрде жасаған таңдауы. Себебі азаматтарымыз баршаға бірдей құқықтар мен мүмкіндіктер беретін елде, әділ, тұрақты және бақуатты қоғамда тұруды қалайды.«Заң мен тәртіп» тұжырымдамасы еліміздегі ауқымды жаңғыру үдерісінің арқауы ретінде осы биік мақсатқа жетуімізге кепіл болмақ.Біздің тарихымыз, бүгініміз және болашағымыз – бір. Бұл –Қазақстан халқының сарқылмас күш-қуаты мен отаншылдық рухының айқын көрінісі. Біз бәріміз бір ел болып жұмылып, өсіп-өркендеу жолында биік белестерді бағындыра беретінімізге кәміл сенемін.Қымбатты отандастар, баршаңызға зор денсаулық, амандық және бақ-береке тілеймін!

Архив