<a href="https://kyzylorda-news.kz/">Kyzylorda-news.kz</a> Ішкі істер министрлігі Цифрлық даму министрлігімен бірлесе отырып, жүргізуші куәлігін алу үшін емтихан қабылдау қағидаларына өзгерістер енгізу мәселесін пысықтап жатыр, деп хабарлайды <a href="https://t.me/POLICE_of_KZ/16895">Polisia.kz.</a>ІІМ мәліметінше, ұсынылып отырған түзетулер рәсімдердің ашықтығын арттыруға және азаматтарға қолайлы жағдай жасауға бағытталған. Атап айтқанда, емтихан тапсыру әрекеттерінің санына қойылған шектеуді алып тастау көзделіп отыр.Сондай-ақ практикалық емтиханды мерзімінен бұрын әр 10 күн сайын ақылы негізде қайта тапсыру мүмкіндігі енгізіледі. Одан бөлек 30 күнде бір рет тегін қайта тапсыру құқығы сақталады.Сонымен қатар цифрландыру мәселелеріне ерекше назар аударылмақ. Емтихан қабылдау процесін автоматтандыру деңгейін арттыру және адам ықпалын барынша азайту бойынша шешімдер пысықталып жатыр.Ведомство медиа-порталының жазуынша, мұндағы басты міндет — көлік жүргізу дағдыларын объективті бағалауды қамтамасыз ету, баршаға тең жағдай жасау және кез келген заң бұзушылыққа жол бермеу.Иллюстрациялық фото: gov.kz

Қазақстанда жүргізуші куәлігін алу ережелеріне өзгеріс енгізіледі: ІІМ мәлімдеме жасады

<a href="https://kyzylorda-news.kz/">Kyzylorda-news.kz</a> Аймақ басшысының бастамасымен өңірдегі барлық салада серпіліске толы жемісті жұмыстар жүргізілуде. Кәсіпорындар мен зауыттар ашылып, халық сұранысындағы әлеуметтік нысандар бой көтеруде. Жаңадан жұмыс орындары құрылып, түйткілді мәселелердің түйіні тарқатылуда. Осылайша Сырдың бас шаһары алып құрылыс алаңына айналып, сәулеті мен дәулеті тасыды. Қызылорданың қарқынды дамуы өзге аймақтарға &nbsp;үлгі болды. Бүгінде жасампаз жобалар легі жалғасуда. Соның бірі – көпқабатты тұрғын үй аулаларына салынып жатқан балалардың ойын және спорт алаңдары.&nbsp;Игілікті іске қызылордалықтардың алғысы шексіз. Өткен жылдың өзінде облыс әкімінің қолдауымен бөлінген 1,3 млрд. теңгеге көпқабатты 20 тұрғын үйдің ауласына заманауи алаңдар орналастырылып, аумақтары абаттандырылды. Әсіресе, жоба шет аймақтарда жүзеге асырылды. Бұл бағыттағы жұмыстар биыл да күшейтіліп, қаржы көлемі де еселенді. Яғни, бөлінген 1,9 млрд.теңгеге 29 көпқабатты тұрғын үйдің ауласына балалардың ойын және спорт алаңдарын салу жоспарланды. &nbsp;Қазіргі кезде мердігер мекеме құрылыс-монтаж жұмыстарын бастап кетті. &nbsp;Бұдан бөлек, «РеалСтройСнаб» ЖШС-нің демеушілігімен 20 тұрғын үй ауласындағы ойын және спорт алаңдарына орташа жөндеу жұмыстары жүргізілуде.Қала әкімі Нұржан Ахатов құрылыс алаңдарында болып, мердігер мекеме басшыларына жұмысты сапалы және мерзімінде атқаруды тапсырды.<blockquote>– Аймақ басшысы тұрғындардың талап-тілегін ескерусіз қалдырмай, қажетті шараларға қолдау білдіріп келеді. Жаңа ойын және спорт алаңдарын салу да сол игіліктің дәлелі. Сондықтан мердігер мекемелер жауапкершілікті сезініп, құрылыс сапасына ерекше мән беруі қажет. Бұл алаңдар ұзақ жылға қызмет етуі тиіс, – деді Нұржан Сәбитұлы.</blockquote><img src="https://knadmin.beoblood.kz/uploads/Abattandyru_zh_mystary_6_63fa1f302b.jpg" alt="Абаттандыру жұмыстары 6.jpg">

Абаттанған аула – шаһар шырайы

<a href="https://kyzylorda-news.kz/">Kyzylorda-news.kz</a> Қасым-Жомарт Тоқаев елімізге алғаш рет сапармен келген Джевдет Йылмазға ілтипат білдіре отырып, бауырлас Түркия Қазақстанның стратегиялық серіктесі екеніне назар аударды.<blockquote>– Бауырластығымыз өзара сенім мен құрметке негізделген. Дипломатиялық қатынас орнаған 35 жылға жуық уақыт ішінде біз көптеген биік белесті бағындырдық. Қарым-қатынасымыз жоғары қарқынмен дамып келе жатыр. Арамызда ешқандай түйткіл жоқ. 14 мамырда Президент Режеп Тайип Ердоған елімізге мемлекеттік сапармен келеді. Сапар аясында Стратегиялық ынтымақтастық кеңесінің кезекті отырысын өткіземіз. Жаңа келісімдерге қол қоямыз, – деді Мемлекет басшысы.</blockquote>Сонымен қатар Қасым-Жомарт Тоқаев бүгін Астанада Қазақстан Премьер-министрі және Түркия Вице-президентінің тең төрағалығымен өткен Үкіметаралық комиссия қорытындысы екі елдің сан қырлы әріптестігін одан әрі жандандыра түсетініне сенім білдірді.Джевдет Йылмаз қазақ елінде көрсетілген сый-құрмет үшін Мемлекет басшысына алғыс айтты. Сондай-ақ Президент Режеп Тайип Ердоғанның сәлемі мен ыстық ықыласын жеткізіп, Түркия көшбасшысы Қазақстанға мемлекеттік сапарына және Түркі мемлекеттері ұйымының Түркістандағы бейресми саммитіне ерекше мән беріп отырғанын мәлімдеді.<blockquote>– Жоғары деңгейде қол жеткізілген уағдаластықтарды іске асыру аясында жаңа ғана Премьер-министр Олжас Бектенов мырзамен бірге Үкіметаралық сауда-экономикалық комиссиясының 14-отырысын өткіздік. Оның қорытындысы бойынша түрлі саладағы нақты шараларды іске асыратын бірлескен іс-қимыл жоспарына қол қойылды. Бұл құжат алдағы кезеңге арналған сауда-экономикалық ықпалдастығымыздың жол картасына айналады, – деді Түркия Вице-президенті.</blockquote>Джевдет Йылмаз жаңа Конституцияны қабылдау бойынша жалпыұлттық референдумның табысты өтуімен құттықтап, Қазақстанның өсіп-өркендеуіне тілектестік білдірді.Мемлекет басшысы осы тарихи сәтте бауырлас түрік халқының қолдауын сезінгенін, Түркиядан келген байқаушылар референдумға ерекше атсалысқанын атап өтті.Әңгімелесу барысында екі елдің сауда-экономикалық, мәдени-гуманитарлық ынтымақтастығын нығайту перспективасы талқыланды. Соның ішінде өңдеу өнеркәсібі, инфрақұрылым, энергетика, логистика, агроөнеркәсіп кешені, білім және туризм салаларында бірлескен жобаларды жүзеге асыру мүмкіндіктері қарастырылды.Бұдан бөлек, Қасым-Жомарт Тоқаев пен Джевдет Йылмаз халықаралық күн тәртібіндегі өзекті мәселелер, Таяу Шығыстағы күрделі ахуал жөнінде пікір алмасты.Мемлекет басшысы Түркияның аймақтағы тұрақтылықты қамтамасыз етудегі рөлін жоғары бағалап, алдағы Анталия дипломатиялық форумына қатысатынын растады.

Мемлекет басшысы Түркия Республикасының Вице-президенті Джевдет Йылмазбен кездесті

<a href="https://kyzylorda-news.kz/">Kyzylorda-news.kz</a> «AMANAT» партиясының «Кедергісіз келешек» және «Бақытты отбасы» жобалары нақты нәтижесін көрсетуде. Бастамалар жүздеген отбасының тұрмысын жақсартып, жастарға білім алуға мүмкіндік беріп отыр.Соның бір жарқын дәлелі – Сыр өңіріндегі аз қамтылған отбасылардан шыққан 30 жастың арманға бастар жолына нақты қолдау көрсетілуі. Жаңақорған аудандық филиалының үйлестіруімен және «Байкен-U» серіктестігінің қолдауымен 17 млн теңгеге жуық қаржы бөлініп, бүгінде бұл жастар еліміздің түрлі оқу орындарында алаңсыз білім алып, болашағына нық қадам жасап келеді.Бұл – жай ғана көрсеткіш емес, нақты көмек. Жайылма ауылының тұрғыны, көпбалалы ана Клара Шәйменова қиын сәтте «AMANAT» партиясына жүгініп, өтінішіне қолдау тапқанын айтады. Оның сөзінше, дер кезінде көрсетілген бұл қамқорлық отбасы үшін үлкен үміт сыйлап, баласының білім алуына жол ашқан. Ал студент Нұрдаулет Бижанов үшін бұл – болашаққа нық қадам жасауға жол ашқан маңызды қолдау.Жоба өңірде екінші жыл қатарынан жүзеге асып келеді. Бұл – партия мен бизнестің тиімді әріптестігінің нәтижесі. Партияның Жаңақорған аудандық филиалының төрағасы Арман Мажитовтың айтуынша, бұл бастамалар бір реттік көмекпен шектелмейді, керісінше, азаматтардың өмір сапасын ұзақ мерзімде жақсартуға бағытталған жүйелі жұмыс.<blockquote>«Біздің басты мақсат – халыққа нақты қолдау көрсетіп, әрбір азаматтың ертеңіне сенім ұялату. Осы бағытта «AMANAT» партиясы әлеуметтік жобаларды жүйелі түрде жүзеге асырып келеді. Біз әлеуметтік жауапкершілігі жоғары бизнес өкілдерімен бірлесе отырып, нақты нәтижеге бағытталған жұмыстарды күшейтеміз. Жақында құрылған Кәсіпкерлер қанаты бұл әріптестікті жаңа деңгейге көтереді. Алдағы уақытта да мұндай жобалар жалғасып, ел игілігіне қызмет ете береді. Әрбір азаматтың мәселесі – біздің назарымызда, және ол кезең-кезеңімен шешімін табады», – деді ол.</blockquote>Айта кетейік, өткен жылы Қызылорда облысында осы жобалар аясында 600-ге жуық іс-шара өтіп, 5 мыңнан астам адамға қолдау көрсетілді. Биыл да бұл жұмыстар жалғасуда.

Мүмкіндікке жол ашқан бастама

<a href="https://kyzylorda-news.kz/">Kyzylorda-news.kz</a> &nbsp;Тайланд елінің Бангкок қаласында пара пауэрлифтингтен жасөспірімдер, жастар және ересектер арасында Ашық Азия және Мұхит аралық чемпионат өткен болатын.&nbsp;Халықаралық деңгейдегі байрақты бәсекеде қызылордалық спортшылар жоғары нәтиже көрсетіп, жеңіс тұғырынан көрінді.&nbsp;Нақтырақ айтсақ, ересектер арасында 59 кг салмақ дәрежесінде өнер көрсеткен Шакиев Станислав үш тәсілдің қорытындысы бойынша 171 кг еңсеріп, күміс жүлдегер атанса, &nbsp;жасөспірімдер арасында 67 кг салмақ дәрежесінде сынға түскен Айтжан Дилназ жекелей сында екінші орын, ал үш тәсілдің қорытындысы бойынша бірінші орынды жеңіп алып, аймақ абыройын асқақ етті. Сонымен қатар, жарыстың соңғы күнінде ерлер, әйелдер және аралас командалар арасында өткен қорытынды сайыста Шакиев Станислав тағы бір мәрте өз шеберлігін танытып, үздік нәтижемен қола жүлдені жеңіп алды.&nbsp;Осыған орай, әлемдік аренада көк Туымызды көкке көтерген чемпиондарды салтанатты түрде қарсы алу рәсімі өтті. &nbsp;Шараға басқармаға қарасты спорт мектептері және қалалық спорт және туризм бөлімінің қызметкерлері, жаттықтырушылар, спортшылар, БАҚ өкілдері және қала тұрғындары қатысты.Сыр спортының жанкүйерлері жеңімпаз спортшыларға гүл шоқтарын ұсынып, жылы лебіздерін білдіріп, айтулы жеңісімен құттықтады. Өз кезегінде спортшылар және жеке бапкері Бахытбек Рысбаев алда өтетін маңызды бәсекелерде ел намысын лайықты түрде қорғайтындарын айтып, жиналған жұртшылыққа өз алғыстарын білдірді. Шара соңы естелік суретке түсумен аяқталды.&nbsp;

Қызылордалық спортшылар пара пауэрлифтингтен жеңіс тұғырынан көрінді

<a href="https://kyzylorda-news.kz/">Kyzylorda-news.kz</a> Жыл басынан бері өңірде интернет-алаяқтықтың 85 дерегі тіркеліп, бұл көрсеткіш өткен жылмен салыстырғанда 9,6 пайызға төмендеген. Бұл туралы Өңірлік коммуникациялар қызметінің ақпарат алаңында облыстық полиция департаменті бастығының бірінші орынбасары Серік Тоқтыбаев мәлімдеді. &nbsp;Жиында интернет-алаяқтық қылмыстарының өсу себептері мен оның алдын алу бағытындағы кешенді шаралар кеңінен сөз болды.Спикердің айтуынша, цифрлық технологиялардың қарқынды дамуы қоғам өмірін жеңілдеткенімен, қылмыс түрлерінің де жаңаруына жол ашқан. Бүгінде әлеуметтік желілер мен интернет платформалар тек байланыс құралы ғана емес, сауда-саттықтың негізгі алаңына айналып отыр. Осыны пайдаланған алаяқтар түрлі айла-шарғыға көшкен.<blockquote>«Қазіргі уақытта SMS-код арқылы қорқытып несие рәсімдету, жалған инвестициялық ұсыныстармен алдау, мессенджерлер арқылы таныстардың атынан ақша сұрау және онлайн саудада алдын ала төлем жасату секілді алаяқтық түрлері кеңінен таралған. Интернет-алаяқтық ылмысының ашылу деңгейі 70,1 пайызды құрап, өткен жылмен салыстырғанда 31,2 пайызға артқан. Ғаламтор кеңістігіне жүргізілген мониторинг нәтижесінде заңсыз белгілері бар 876 сайт пен сілтеме анықталып, оларды бұғаттау үшін «Кибернадзор» жүйесіне енгізілді. Полиция қызметкерлері интернет-алаяқтықтың алдын алу мақсатында халық арасында түсіндіру жұмыстарын жүйелі түрде жүргізуде. Атап айтқанда, адам көп шоғырланатын орындарда 4 мыңға жуық жадынама таратылып, «SOS» дабыл батырмасы арқылы ескерту хабарламалары берілуде. Сондай-ақ, әлеуметтік желілердегі мыңдаған қатысушысы бар топтар мен чаттарда профилактикалық бейнероликтер тұрақты жарияланып келеді», - деді Серік Әбдімәуленұлы.</blockquote>Айтып өтетін өзекті мәселе интернет-алаяқтық қылмыстарымен байланысты “дроппер” ұғымы. Бұл алаяқтарға көмектесетін, өз есепшоттарын пайдалануға беретін тұлғалар. Қылмыскерлер жәбірленушілердің қаражатын осындай адамдардың банктік карталары арқылы шетелдік шоттарға аударып немесе қолма-қол шешіп алады. Осыған байланысты Қылмыстық кодекске арнайы бап енгізіліп, мұндай әрекеттер үшін 160 айлық есептік көрсеткіштен бастап айыппұл немесе 7 жылға дейін бас бостандығынан айыру жазасы қарастырылған.&nbsp;Сонымен қатар, спикер киберқылмыстың кең таралған тәсілдері жалған қоңыраулар, мессенджерлер және фишингтік сайттар арқылы жасалатын алаяқтық схемалар туралы түсіндірді.&nbsp;<blockquote>«Ең бастысы қарапайым қауіпсіздік ережелерін сақтау қажет. SMS-кодтарды ешкімге беруге болмайды. Белгісіз адамдардың ұсынысымен қосымшалар жүктемеу керек. Күмәнді қоңырау түссе, бірден байланысты үзіп, банктің ресми нөміріне хабарласқан жөн», - деді ол.</blockquote><img src="https://knadmin.beoblood.kz/uploads/Internet_moshennichestvo_c0c7b66df8.jpg" alt="Интернет-мошенничество.jpg">Фото: fingramota.kz

Киберқылмысқа қарсы күрес күшейтілуде

<a href="https://kyzylorda-news.kz/">Kyzylorda-news.kz</a> Қармақшы ауданы әкімдігінің мәжіліс залында аудан әкімінің міндетін атқарушы Шыңғыс Сыдықовтың төрағалығымен кезекті жиналыс өтті.Жиында 2026 жылғы қаңтар-наурыз айындағы әлеуметтік-экономикалық даму және республикалық бюджеттің атқарылу қорытындылары талқыланды.Осыған байланысты жауапты бөлімдерге бірқатар шаралар қабылдап, макроэкономикалық көрсеткіштерді жақсарту тапсырылды.Сонымен қатар аудан бюджетінің игерілу деңгейі де қаралып, қаржының толық әрі уақытылы игерілуі қатаң бақылауға алынатыны ескертілді. Бюджет қаражатын тиімді пайдалану – басты міндеттердің бірі екені айтылып, жауапты тұлғаларға тиісті тапсырмалар берілді.Жиын қорытындысында Шыңғыс Әбділәмитұлы барлық көтерілген мәселелер тұрақты бақылауда болатынын айтып, бірқатар міндеттер жүктеді.<img src="https://knadmin.beoblood.kz/uploads/Shy_ys_Sydy_ov_2_0762d73890.jpg" alt="Шыңғыс Сыдықов 2.jpg">

Жүктелген міндеттер уақытылы әрі сапалы орындалуы керек

<a href="https://kyzylorda-news.kz/">Kyzylorda-news.kz</a> Облыс әкімінің орынбасары Ардақ Зебешев қытайлық China Huadian Overseas Investment Co., Ltd. компаниясының Орталық Азия бойынша басшысы Фэн Янаньмен кездесті.China Huadian Overseas Investment Co., Ltd. – энергетика саласындағы халықаралық инвестициялық компания және China Huadian Corporation құрамына кіреді. Компанияның негізгі бағыттарына электр энергетикасы нысандарын салу және пайдалану, жаңартылатын энергия көздерін дамыту, сондай-ақ заманауи технологияларды енгізу жатады. 2030 жылға қарай еліміз энергия теңгеріміндегі жаңартылатын энергия көздерінің үлесін ағымдағы 4,5%-дан 15%-ға дейін арттыруды жоспарлап отыр.Облыс аумағында жалпы қуаттылығы 130 мегаватты құрайтын 11 күн электр станциясы жұмыс істейді. Оның ішінде 4 ірі станция шетелдік инвесторлардың қатысуымен салынған. Соның бірі – &nbsp;«Хуадиан» компаниясымен бірлесіп жүзеге асырылған, қуаттылығы 40 МВт болатын «Тесис» серіктестігінің күн электр станциясы. Жобаның жалпы құны – 11,5 млрд теңге.Мемлекеттік қолдау шарасы ретінде 80 гектар жер телімі беріліп, станция жергілікті тұрғындар үшін 10 жаңа жұмыс орнын ашты.Алдағы уақытта қуаттылығы 260,5 мегаваттан астам 6 күн және 2 жел электр станциясы іске қосылады. Өңірдегі жасыл энергетиканың әлеуеті әлі де толық игерілмеген. Қазіргі таңда 500 мегаваттқа дейін электр энергиясын қабылдауға қабілетті дайын энергетикалық инфрақұрылым бар.Атап өту керек, облыстың энергияға қажеттілігі күніне 203 мегаватты құраса, аталған жобалар іске қосылғанда өңір толықтай жасыл энергиямен қамтамасыз етіледі.Кездесу барысында Қызылорда облысында жаңартылатын энергия көздері бойынша жаңа жобаны іске асыру мәселесі талқыланды.Аталған бастама өңірдің энергетикалық әлеуетін одан әрі арттыруға, жаңартылатын энергия көздерін дамытуға және әлеуметтік-экономикалық дамуына оң әсер етеді деп күтілуде.

Жаңартылатын энергия көздері жобаларын кеңейту мәселесі қаралды

<a href="https://kyzylorda-news.kz/">Kyzylorda-news.kz</a> Қазалы ауданының әкімі Алмасбек Есмаханов Әйтеке би кентіндегі «Ауыл аманаты» бағдарламасы аясында жеңілдетілген несие алып, кәсібін бастаған азаматтардың жұмыстарымен танысты.&nbsp;Аудан басшысы алдымен 2024 жылы бағдарлама аясында несие алып, кәсібін бастаған жеке кәсіпкер Абзал Сағидуллаевтың темір жону цехымен танысты. Жеке кәсіпкер «Ауыл аманаты» бағдарламасы аясында 9,2 млн. теңге несие алып, бүгінде арнайы тапсырыс арқылы техникаларға қажетті темір бөлшектерді жөндеу, темірді кесу, жону, тозығы жеткен темір бұйымдарын қайта қалпына келтіру сынды жұмыстармен айналысуда. Қазіргі таңда кәсіпкердің бұл жұмысының сұранысы жоғары болғандықтан ауданымыздан бөлек көршілес аудандардан да техникалардың бөлшектерін жөндетуге келушілерде бар дейді жеке кәсіпкер.Мұнан кейін Мейрамбек Кеулімжаевтың жылыжай кәсібімен танысты. 2025 жылы бағдарлама аясында 9,3 млн. теңге несие алып кәсіп бастаған азамат жылыжайда қияр өсірумен айналысуда. Кәсіпкердің айтуынша жылыжай мамыр айының алғашқы онкүндігінде өнім бермек. Мұнда қазір 1000-нан астам қияр егілген. Алдағы уақытта кәсіпкер өнім көлемін көбейтіп, кәсібін әрі қарай жандандыруды жоспарлап отыр.Жеке кәсіпкер Асқар Қожаназаровта аудан орталығынан «Автокөліктерге қызмет көрсету орталығы» ашу мақсатында бағдарлама аясында 8,1 млн теңге несие алып, биылдан бастап өз кәсібін бастап отыр. Әзірге 1 адамды жұмыспен қамтып отырған кәсіпкер, аудан басшысына орталықтың жұмысы жайында түсіндіріп өтті. Мұнда көлік жөндеу, май ауыстыру және автокөліктің барлық электр және электрондық жүйелерін жөндеу қызметтері көрсетілуде.&nbsp;Әйтеке би кентіндегі Ауыл аманаты бағдарламасы аясында кәсібін дөңгелетіп отырған азаматтардың бірі – Нұрқанат Әбілдаев. Кәсіпкер 2024 жылы 7,0 млн теңге несие алып, &nbsp;қаңылтыр бұйымдарын жасау цехын ашқан. Қазіргі таңда кәсіп иесі қаңылтырдан түрлі бұйымдар, оның ішінде бүгінде көп сұранысқа ие газ мұржасын жасаумен айналысып келеді. Кәсіпкер 1 адамды тұрақты жұмыспен қамтып отыр.Аудан әкімі кәсіпкерлермен кездесу барысында атқарылып жатқан жұмыстарға оң бағасын беріп, тұрғындардың өз кәсібін ашуға деген белсенділігін ерекше атап өтті. Сондай-ақ елімізде Президентіміз Қасым-Жомарт Тоқаевтың бастамасымен жүзеге асқан «Ауыл аманаты» бағдарламасының басты мақсаты – тұрғындардың табысын арттырып, кәсіпкерлікке бейімді азаматтарға нақты қолдау көрсету екенін айтты. Өңірімізде аймақ басшысы Нұрлыбек Машбекұлының қолдауымен аталған бағдарлама аясында кәсібін бастап, әрі қарайда кәсібін кеңейтуге ниетті азаматтарға қажетті қолдау көрсетіліп жатқандығын жеткізді.Кәсіп иелеріне өнім сапасын арттырып, кәсібін одан әрі кеңейту қажеттігін айтып, жергілікті жерден өнім шығарып, жаңа жұмыс орындарын ашуға шақырды. Өз кезегінде кәсіпкерлер мемлекет тарапынан көрсетіліп жатқан қолдауларға ризашылықтарын білдіріп, алдағы уақытта кәсібін кеңейту бойынша жоспарларымен бөлісті.Айта кету керек, 2023 жылдан бастап Мемлекет басшысының бастамасымен жүзеге асқан «Ауыл аманаты» бағдарламасын қаржыландыру басталғалы бері аудан бойынша 170-тен астам азамат өз ісін бастап, аудан экономикасының дамуына өзіндік үлесін қосып келеді.Аудан әкімі Әйтеке би кентіндегі «Ауыл аманаты» бағдарламасы аясында жүзеге асқан жобалардан кейін Қазалы қаласындағы жеке кәсіпкер Нұрбек Кешубаевтың жылыжай жұмысымен танысты. Бұған дейін мемлекеттік бағдарламалар аясында бірнеше рет несиелер алған кәсіпкер 2011 жылдан бері жылыжай кәсібімен айналысып келеді. Қазіргі таңда жеке кәсіпкердің жылыжайында гүл көшеттерінің 8 түрі &nbsp;және қияр, қызанақ, қызыл бұрыш, орамжапырақ және басқа да көкөністердің көшеттері отырғызылған. Мұндағы өсірілетін гүлдер мен көкөністердің көшеттері аудан тұрғындарымен қатар көршілес аудандардың да тұрғындардың сұранысына ие.

 «Ауыл аманаты» жобасы аясында кәсіп бастаған азаматтардың жұмысымен танысты

<a href="https://kyzylorda-news.kz/">Kyzylorda-news.kz</a>&nbsp; Үкімет отырысынан кейін облыс әкімінің бірінші орынбасарының төрағалығымен мәжіліс өтіп, онда 2026 жылдың қаңтар-наурыз айларының әлеуметтік-экономикалық дамуы мен бюджеттің атқарылу қорытындылары қаралды.Алғашқы тоқсандағы макроэкономикалық көрсеткіштерді талқылау бойынша қала әкімдігіндегі жиында шаһар басшысы Нұржан Ахатов бұл бағыттағы жұмыстарды ширату қажеттігін алға тартып, &nbsp;тиісті сала жетекшілеріне тапсырмалар жүктеді.3 айда негізгі макроэкономикалық көрсеткіштер бойынша оң динамика қалыптасты. Бюджет кірістерінің жоспары 2026 жылдың 1-ші сәуіріне 102,1 пайызға орындалып отыр.<blockquote>- Аймақ басшысы салық базасын ұлғайту бойынша нақты тапсырмалар жүктеді. Бүгінгі күні қала аумағында тұрғындардың мүлік және көлік құралдары бойынша берешек қалыптасқан. Бұл – жергілікті бюджет кірістерінің орындалуына тікелей қатысты. Бюджет түсімінің өсімі бірінші кезекте жеке бизнес қызметін заңдастыру, инвестиция тарту, нақты салықтық базаны анықтау арқылы қамтамасыз етіледі. Осыған байланысты жұмысты жедел үйлестіруді тапсырамын, - деді Нұржан Сәбитұлы.</blockquote>Конго-Қырым геморрагиялық қызбасы вирустық инфекциясының алдын алу жайы да қаралды. Қазіргі таңда қала көлеміндегі санитариялық-қорғаныш аймақтарында және буферлік зоналарда кенеге қарсы өңдеу жұмыстары жүргізілуде. Әсіресе, саяжайлар мен ауылдық округтерде мал қора-жайларды механикалық тазалау атқарылуда. Жиында шаһар басшысы бұл бағыттағы шараларды күшейтуді міндеттеді.<img src="https://knadmin.beoblood.kz/uploads/N_rzhan_Ahatov_zhiyn_2_639fefa873.jpg" alt="Нұржан Ахатов жиын 2.jpg">

Маңызды мәселелер қаралды

<a href="https://kyzylorda-news.kz/">Kyzylorda-news.kz</a> Мемлекет басшысы Қасым-Жомарт Тоқаев ғылымды дамыту және жас зерттеушілерді қолдау жөніндегі мемлекеттік саясат аясында Ғылым қызметкерлері күніне орай 10 жас ғалымға пәтер кілтін табыстады. Тұрғын үйлер Алматы және Астана қалаларынан өтеусіз негізде берілді.Бүгінде Алматы қаласында баспана алған жас ғалымдар толық жабдықталған пәтерлерге қоныстанып үлгерді. Қоныс иелері жасалған қолайлы жағдайлардың ғылыми және кәсіби қызметке алаңсыз көңіл бөлуге мүмкіндік беретінін атап өтті. Жас зерттеушілер өздерінің шынайы қуаныштары мен мемлекетке деген ризашылықтарын білдірді.Ғалымдарды марапаттау рәсімінде Мемлекет басшысы ғылымның әлеуеті елдің бәсекеге қабілеттілігін арттырудың және халықаралық аренадағы беделін нығайтудың негізгі факторына айналып отырғанын атап өтті. Оның айтуынша, ғылым мен білімге инвестиция салған мемлекеттер әлемде алдыңғы қатардан көрінеді. Сонымен қатар Президент отандық ғылымның болашағы жаңа идеялар ұсынып, ел дамуына серпін беретін дарынды, мақсатшыл әрі зияткер жас буынның қолында екеніне тоқталды.Қазіргі таңда 600-ден астам жас ғалым баспанамен қамтылды. Бұдан бөлек, олар үшін арнайы гранттар қарастырылған, сондай-ақ біліктілікті арттыру және тәжірибе алмасу мақсатында әлемнің жетекші ғылыми орталықтарында тағылымдамадан өту мүмкіндіктері бар.Жаңа пәтер иелерінің қатарында еліміздің жетекші ғылыми ұйымдарының өкілдері бар.Ғ.Дәукеев атындағы Алматы энергетика және байланыс университеті Жылуэнергетика және физика кафедрасының аға оқытушысы, PhD Мадина Құмарғазина Scopus халықаралық базасында жарияланған ғылыми еңбектердің авторы, сондай-ақ Қазақстанның 10-нан астам және бір Еуразиялық патенттің тең авторы. Оның зерттеулері энергия тиімділігі технологияларын дамытуға және жаңартылатын энергия көздерін пайдалануға бағытталған.«Мемлекет басшысының ғылымға және жас ғалымдарға көрсетіп отырған мұндай ерекше көңілі үшін шынайы алғысымды білдіремін. Бұл мен үшін күтпеген сыйлық болды. Әлі күнге дейін сене алар емеспін. Мен ұзақ уақыт бойы пәтерге өз күшіммен қаражат жинауға тырыстым, сондықтан бұл мен үшін орасан зор қолдау әрі алға қарай еңбек етіп, мемлекетке пайда келтіруге мотивация береді. Тағы бір айта кететіні, енді менің толықтай жабдықталған пәтерім бар. Бұл маған бар күш-жігерімді ғылымға арнауға мүмкіндік береді. Осындай бастамалар болашаққа деген сенімді арттырып, ғылыми қызметке, жаңа технологияларды әзірлеуге және білікті мамандар даярлауға толықтай назар аударуға жол ашады», – деп бөлісті Мадина Бақытжанқызы көрсетіліп отырған қолдаудың маңыздылығын атап өтіп.Қ.И.Сәтбаев атындағы Қазақ ұлттық техникалық зерттеу университеті Физика-техникалық институтының ғылыми қызметкері, Электрохимия және ванадийлі ағынды батареялар зертханасы меңгерушісінің міндетін атқарушы Арман Өмірзақовтың ғылыми еңбек өтілі 15 жылды құрайды.<blockquote>«Ақордада мен Президенттің қолынан өтеусіз негізде берілген пәтердің сертификатын алдым. Ал бүгін Алматы қаласында сол пәтерге қоныс аударып отырмын. Мемлекет ғылымды дамытуға және гранттық жобаларды қолдауға үлкен көңіл бөліп отыр, бұл ғылыми қызметкерлер мен жас ғалымдарға алдағы жұмысқа және кәсіби өсуге қуатты серпін береді», – деп бөлісті ғалым.</blockquote><img src="https://knadmin.beoblood.kz/uploads/Molodye_uchenye_zaselilis_v_kvartiry_vruchennye_Prezidentom_1_ef58131267.jpg" alt="Молодые ученые заселились в квартиры, врученные Президентом 1.jpg">Ол халықаралық рецензияланатын журналдарда жарияланған 20-дан астам ғылыми еңбектің авторы, сондай-ақ Қазақстанның 8 патентінің тең авторы. Ғалымның зерттеулері энергетика саласындағы перспективалы бағыттарды, соның ішінде отын элементтері, микробатареялар және фотокаталитикалық материалдарды қамтиды.Негізгі ғылыми бағыттардың қатарында жұқа қабықшалы қатты оксидті отын элементтерін зерттеу, сондай-ақ Nazarbayev University базасында литий-күкіртті микробатареяларды әзірлеу бар. Сонымен қатар ғалым ванадийлі ағынды батареялардың электролиттерін және суды тазарту мен сутегі өндіруге арналған фотокаталитикалық материалдарды зерттеумен айналысады.Зерттеуші Erasmus+ бағдарламасы аясында Португалиядағы Авейру университетінде тағылымдамадан өтіп, халықаралық ғылыми жобаларды іске асыруға белсенді қатысады.Философия, саясаттану және дінтану институтының Әлеуметтану орталығының жетекшісі, аға ғылыми қызметкері, PhD Шырын Тіленшиева мемлекеттік қолдау ғылыми қызметке жаңа мүмкіндіктер ашатынын атап өтті.<blockquote>«Жеке баспанаға қол жеткізу бұл тек маңызды әлеуметтік қолдау ғана емес, сонымен қатар ғылыми зерттеулерді жалғастырып, отандық ғылымның дамуына үлес қосуға үлкен мотивация береді. Әсіресе пәтерде барлығы дайын екені ерекше қуантады. Пәтер толық жабдықталған, барлық қажетті заттар бар, қосымша ештеңе сатып алудың қажеті жоқ. Бұл бірден жұмысқа және ғылыми қызметке толық көңіл бөлуге мүмкіндік береді», – деді ол.</blockquote>Шырын Мұратқызының ғылыми еңбек өтілі 13 жыл, ол Scopus және Web of Science базаларына енген жарияланымдарды қоса алғанда 9 ғылыми мақаланың авторы, оқу құралының тең авторы және авторлық құқық иегері. Ғалым халықаралық және ұлттық ғылыми жобаларға, соның ішінде «Жас ғалым» бағдарламасы аясында қатысқан. Сонымен қатар ол International Society for Quality-of-Life Studies ұйымының білім беру грантының иегері және 2021-2025 жылдары осы ұйымның мүшесі болды.Президент бастамасымен жүргізіліп отырған жас ғалымдарды қолдау мемлекеттік саясаттың басым бағыттарының бірі болып қала береді және елдің ғылыми әлеуетін тұрақты дамытудың маңызды факторы саналады.

Президент табыстаған пәтерлерге жас ғалымдар қоныстанды

<a href="https://kyzylorda-news.kz/">Kyzylorda-news.kz</a> 2026 жылғы 31 қаңтардан бастап ипотеканы өтеу үшін зейнетақы жинақтарын пайдаланудың жаңа ережелері күшіне енді. <a href="https://fingramota.kz/kk/news/post/ipotekany-zejnetay-zhinatarynan-tejmiz-zhaa-trtip-zhne-sizdi-mmkindikteriiz">Fingramota.kz</a>-пен бірге не өзгергенін, оның кімге қатысты екенін және бұл қарыз алушыларға қаншалықты пайдалы екендігін анықтайық.Зейнетақы жинақтарымен әлі де не істеуге болады?Бірыңғай жинақтаушы зейнетақы қорынан (БЖЗҚ) қаражат тұрғын үй сатып алуға, ипотеканы ішінара немесе толық өтеуге (оның ішінде Отбасы банкінде және басқа да банктерде), жалға берілетін тұрғын үйді сатып алуға, Отбасы банкіндегі депозитті толықтыруға жұмсалуы мүмкін. Бұл жерде бәрі өзгеріссіз қалды.2026 жылдың басты жаңалығыБұрын Отбасы банкіндегі ипотекалық қарызды зейнетақы жинақтарындағы артық ақшаның есебінен ішінара мерзімінен бұрын өтеу кезінде пайыздарды қоса алғанда, ай сайынғы төлемді толығымен жабуға болатын. Егер БЖТ сомасы төлем мөлшерінен асып кетсе, қалған қаражат негізгі қарызды өтеуге жұмсалды.Ендігі жерде Отбасы банкіндегі кредитті зейнетақы жинақтары есебінен өтеу тәртібі өзгерді. Зейнетақы қаражатын тек негізгі қарызды өтеуге &nbsp;бағыттауға болады. Төлем мерзімін өткізіп алудан туындаған пайыздарды, айыппұлдарды, өсімпұлдарды немесе қарыздарды төлеу үшін зейнетақы төлемдерін пайдалануға бұдан бұлай рұқсат етілмейді, бұл сомаларды қарыз алушылар өзі төлеуге мәжбүр болады. Төлем мынадай ретпен жасалады: қарыз алушы алдымен өз ақшасынан пайыздар мен басқа да міндетті төлемдерді төлейді, содан кейін зейнетақы жинақтары тек негізгі қарызды өтеуге жіберіледі.Бұл өзгеріс Отбасы банкінде ресімделген ипотекалық қарызды өтеуге қатысты. Басқа банктердегі ипотекалық қарыздарды өтеу кезінде процесс өзгеріссіз қалды.Бұл іс жүзінде нені білдіреді?Мысал. Тұрғын үй қарызы&nbsp;Зейнетақы қалдықтары — 100 000 теңге. Ай сайынғы төлем — 74 825 теңге, оның ішінде пайыздар — 6 175 теңге, негізгі борыш - 65 699 теңге.Жаңа ережелер күшіне енгенге дейін барлық төлемді зейнетақы жинақтары есебінен өтеуге болады. 2026 жылғы 31 қаңтардан бастап 6 175 теңге пайызды қарыз алушы өз қаражатымен төлейді, 65 699 теңге БЖТ есебінен негізгі борышты өтеуге жіберіледі. Қалған 34 301 теңге қосымша негізгі қарызды азайтады.Кредит мерзімін қысқартқыңыз келе ме?Қысқартуға болады. Банкке өтініш беріп, төлем қабілеттілігін растау қажет. Мынаны түсініңіз: мерзім қысқарған кезде ай сайынғы төлем артады. Банк жаңа сома бюджетіңізге шамадан тыс салмақ салмауын тексереді.Емдеу және салықты жою туралы не білесіз?Зейнетақы қаражатын емдеуге пайдалану мүмкіндігі уақытша тоқтатылды. Бұл алаяқтық схемалардың, қаражатты заңсыз алудың алдын алып үшін жасалды. Қағидаларға өзгерістер енгізілгеннен кейін норма қайта қаралуы мүмкін.Салықтың күшін жою. Зейнетақы жинақтарын тұрғын үйге алған &nbsp;кезде табыс салығын алып тастау қазақстандықтар үшін жақсы жаңалық болып отыр. Енді төлем сомасына 10% салық салынбайды, бұл қарыз алушының шотында көбірек қаражатты сақтайды.Есте сақтаңыз!&nbsp;Зейнетақы жинақтарын пайдалануға өтінім берген кезде өтінімді қарау мерзімдерін ескеру маңызды – бұл қаражаттың нақты қашан келіп түсетініне және өтелуіне байланысты.Егер қаражат ипотекалық қарызды ішінара немесе толық мерзімінен бұрын өтеуге жұмсалса, рәсім екі кезеңнен тұрады:<ul><li style="text-align:justify;">Отбасы банк 2 жұмыс күні ішінде өтінішті тексеріп, оны БЖЗҚ-ға жібереді;</li><li style="text-align:justify;">БЖЗҚ 5 жұмыс күні ішінде өтінішті қарап, қаражатты банкке аударады.</li></ul>Осылайша, жалпы мерзім 7 жұмыс күніне дейін болуы мүмкін.Егер мақсат зейнетақы жинақтарын жақын туыстарға беру болса, өтінімді қарау мерзімі 3 жұмыс күніне дейінгі мерзімді құрайды.Тұрғын үй жағдайларын жақсартуға мақсатты пайдалануды растайтын құжаттарды бекіту – 20 жұмыс күні. Бұл ретте өтінімді қарауға бөлінген мерзім – 10 жұмыс күні.Кешіктірулер мен қаржылық тәуекелдерді болдырмау үшін мәмілені жоспарлау немесе кредитті мерзімінен бұрын өтеу кезінде көрсетілген мерзімдерді алдын ала ескеру қажет. Сонымен бірге өтінімнің аяқталуын және тиісті СМС-хабарламаның түсуін мұқият қадағалаңыз, сондай-ақ өтінімге сіздің ЭЦҚ қойылғанын және құжаттардың дұрыс салынғанын тексеріңіз.<img src="https://knadmin.beoblood.kz/uploads/Ipotekany_r_simdegende_neni_eskeru_kerek_7e4d0cf345.png" alt="Ипотеканы рәсімдегенде нені ескеру керек.png">Фото: fingramota.kz

Архив