<a href="https://kyzylorda-news.kz/">Kyzylorda-news.kz</a> 28 наурыз күні халықаралық «Жер сағаты» экологиялық акциясы өтеді. Қазақстан да бұл бастамаға қосылады.Акция сенбі күні 20:30-дан 21:30-ға дейін жалғасады. Осы уақытта қатысушылар жарық пен электр құрылғыларын бір сағатқа өшіреді.Фото: &nbsp;freepik.com

«Жер сағаты»: Елде жарық бір сағатқа сөндіріледі

<a href="https://kyzylorda-news.kz/">Kyzylorda-news.kz</a> «AMANAT» партиясы алаңында Қызылорда облысы полиция департаменті бастығының орынбасары, полиция полковнигі Оралбек Омаров азаматтарды жеке қабылдап, тұрғындардың өтініш-тілектерін тыңдады.Қабылдау барысында тұрғындар тарапынан құқық қорғау саласына қатысты түрлі мәселелер көтерілді. Азаматтар өздерін толғандырған сұрақтарын қойып, ұсыныс-пікірлерін білдірді.&nbsp;Атап айтқанда, қала тұрғыны көпқабатты тұрғын үй ауласындағы көлік қозғалысына байланысты туындаған кедергілерге шағымданды. Оның айтуынша, полиция және күзет қызметкерлерінің автокөліктері аулаға ретсіз қойылып, тұрғындарға қолайсыздық тудырып отыр. Бұл мәселе назарға алынып, жауапты сала мамандарына тексеру жұмыстарын жүргізу тапсырылды. Алдағы уақытта тиісті рейдтік іс-шаралар өткізіліп, заң аясында шаралар қабылданатын болды.Қабылдау барысында көтерілген барлық өтініштер назарға алынып, әрбір мәселе бойынша тиісті түсіндірмелер берілді. Сонымен қатар, жауапты мекемелерге нақты тапсырмалар жүктеліп, олардың орындалуы бақылауға алынатыны айтылды.

Полиция департаментінің өкілі тұрғындарды қабылдады

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев кезектілік тәртібімен жазылған азаматтарды жеке қабылдады. Бүгінгі қабылдауға 20 адам жазылған, оның біреуі онлайн режимде қосылды.Келушілердің басым бөлігі әлеуметтік бағытта қолдау сұрап, тұрғын үй, коммуналдық шаруашылық, көше асфальттау, жұмысқа орналастыруға қатысты мәселелер көтерді.Аймақ басшысы баспана заң аясында, кезектілік тәртібімен берілетінін баса айтты.Бүгінде халық сұранысы ескеріліп, өңірде көпқабатты тұрғын үй құрылысы қарқын алған. Тұрғындарды үймен уақытша қамту жұмыстары да жүйелі жүргізіледі. Бүгінгі қабылдауда төрт балалы жалғызбасты анаға осындай уақытша баспана ұсынылды.Шиелі ауданы Сұлутөбе ауылының ақсақалдары Құмжарған каналын қазу қолға алынғанына, жұмыстың жолға қойылғанына алғысын жеткізді. Канал егістік алқаптарын сумен қамтуға, ауыл шаруашылығын дамытуға оң ықпал етпек.Қазалы ауданының тұрғыны өз мамандығы бойынша жұмысқа орналасуға қатысты мәселе көтерді. Облыс әкімі еңбекпен қамту назардан тыс қалмайтынын, заң аясында қарастырылатынын жеткізді.Негізі қабылдауда көтерілген мәселелер заң тәртібімен және кезең-кезеңімен шешіліп келеді. Осы жолы да әрбір келушіні толғандырған түйткілге қатысты жауапты сала басшыларына тапсырмалар жүктелді.Айта кетейік, тұрғындар облыс әкімінің қабылдауына egov порталы арқылы, е-otinish бірыңғай базасы немесе әкімдікке келіп жазбаша өтініш тастау арқылы жазыла алады.<img src="https://knadmin.beoblood.kz/uploads/Oblys_kimi_t_r_yndardy_abyldau_2_e99a292fb7.jpg" alt="Облыс әкімі тұрғындарды қабылдау 2.jpg">

Облыс әкімі тұрғындарды жеке мәселелері бойынша қабылдады

<a href="https://kyzylorda-news.kz/">Kyzylorda-news.kz</a>&nbsp;Қазгидромет 28-30 наурызға арналған ауа райы болжамын жариялады. Алдағы күндері еліміздің басым бөлігінде шуақты ауа райы күтіледі. Бұл туралы <a href="https://stan.kz/news-432183/">Stan.kz</a> ақпарат агенттігі хабарлайды.&nbsp;Синоптиктердің болжамынша, Қазақстан аумағының басым бөлігінде жауын-шашынсыз, нағыз жылы көктемгі ауа райы күтіледі.<blockquote>“Тек батыс өңірлерде және оңтүстік облыстардың таулы аймақтарында кейбір күндері атмосфералық фронттардың өтуіне байланысты найзағаймен бірге жаңбыр жаууы мүмкін. Республика бойынша желдің күшеюі болжанады. Оңтүстікте шаңды дауыл болуы ықтимал. Түнгі және таңғы уақытта солтүстік, шығыс және орталық өңірлерде тұман түсуі күтіледі”, – делінген хабарламада.</blockquote>Күндізгі ауа температурасы:<ul><li style="text-align:justify;">батыста +18, +27°С дейін;</li><li style="text-align:justify;">солтүстікте +10, +17°С дейін;</li><li style="text-align:justify;">орталықта +15, +25°С дейін;</li><li style="text-align:justify;">шығыста +12, +20°С дейін;</li><li style="text-align:justify;">оңтүстікте +23, +30°С дейін жылынады;</li><li style="text-align:justify;">ал оңтүстік-батыста температура сәл төмендеп, +13, +20°С шамасында болады.</li></ul>Фото: Нұрболат Нұржаубай

Синоптиктер еліміз бойынша алдағы күндерге арналған ауа райы болжамын жариялады

<a href="https://kyzylorda-news.kz/">Kyzylorda-news.kz</a>&nbsp;Шымкентте ЕАЭО-ға қатысушы елдердің және бақылаушы мемлекеттердің үкімет басшылары Еуразиялық үкіметаралық кеңестің отырысына орайластырылған Digital Qazaqstan 2026 форумының цифрлық жобалар көрмесіне қатысты.Форум экспозициясы стартаптар мен IT-компаниялардың жобаларын, робототехника және ЖИ-дрондар саласындағы шешімдерді, GameDev-бағыттарды, сондай-ақ білім беру, сараптамалық және қолданбалы өзара іс-қимыл форматтары бар AI Talent Hub алаңдарын біріктірді. Мұндай тәсіл Қазақстанның бірыңғай цифрлық экожүйені дамыту бағытын көрсетеді.Делегация басшылары мемлекеттік басқару, өнеркәсіп және қалалық инфрақұрылымға арналған жасанды интеллект саласындағы әзірлемелермен танысты.ҚР жасанды интеллект және цифрлық даму вице-министрі Дмитрий Мун көпшілік назарына бірқатар инфрақұрылымдық бастаманы ұсынды, олардың ішінде 35 мемлекеттік қызметті қамтитын AlemGPT мультиагенттік платформасы және Ұлттық ЖИ платформасының жобасы бар.Цифрлық инфрақұрылым саласында дата-орталықтар мен энергетиканы дамыту жобалары ұсынылған. «Қазақтелеком» АҚ басқарма төрағасы Бағдат Мусин «ДӨА алқабы» жобасының алдын ала визуализациясын таныстырды. Ол технологиялық кластерді кезең-кезеңімен дамытуды, қуаттылығы әрқайсысы 50 МВт болатын ЖИ ДӨА-ны іске қосуды және энергетикалық инфрақұрылымды кеңейтуді көздейді.Қалалық ортаға арналған цифрлық шешімдер өз алдына бөлек таныстырылды. Атап айтқанда, Шымкент қаласы әкімінің орынбасары Арман Сәбитов ITS интеллектуалды көлік жүйесін, AIQYN мектептерінің цифрлық қауіпсіздік жүйесін және қоғамдық қауіпсіздік, экология және қалалық басқару саласында жедел әрекет ету үшін қажетті дрондардың бірыңғай инфрақұрылымын көпшілік назарына ұсынды.Адами капиталды және финтехті дамыту блогында Freedom Holding Corp компаниясының шешімдері таныстырылды. Компанияның бас атқарушы директоры Тимур Турлов Қазақстан педагогтарының ChatGPT Edu-ға қолжетімділігін қамтамасыз ету бойынша OpenAI-мен бірлескен жобаны іске қосуды қоса алғанда, білім беру мен бизнес-процестерге жасанды интеллектіні енгізу жөніндегі бастамаларды ұсынды. Сондай-ақ Freedom-ның AI-шешімдерін көрсетті, олар – операцияларды автоматтандыруға және пайдаланушылар үшін ыңғайлылықты арттыруға мүмкіндік беретін бизнес пен күнделікті сервистерге арналған SuperApp дербес дауыстық ассистенттер.«Alageum Electric» директорлар кеңесінің төрағасы Еркебұлан Ілиясов жаңа буынның интеллектуалды электр желілерін қалыптастыруға бағытталған Smart Grid шешімдерінің кешенін көрсетті. Ұсынылған архитектура генерация объектілерін, беру және тарату желілерін, энергияны сақтау жүйелерін, ақылды құрылғыларды және соңғы тұтынушыларды біртұтас цифрлық ортаға біріктіреді. Сондай-ақ, трансформаторларды бақылау жүйесі және күн генерациясын болжауға арналған жасанды интеллектіге негізделген шешімдер ұсынылған. Цифрлық қосалқы станса мен ілеспе шешімдерді енгізу техникалық шығынды 30%-ға, коммерциялық шығынды 5-10%-ға төмендетуге, ең жоғары жүктемені 10-15%-ға төмендетуге, ал ЖИ-модельдерді болжау дәлдігін 95%-ға дейін жеткізуге мүмкіндік береді.Интеграциялық процестерге де назар аударылды. ЕЭК-тің Ішкі нарықтар, ақпараттандыру, ақпараттық-коммуникациялық технологиялар жөніндегі алқа мүшесі Варос Симонян B2B форматында электрондық цифрлық қолтаңбаны (ЭЦҚ) тексеру сервисі бар трансшекаралық электрондық құжат айналымын іске қосуды ұсынды, бұл құжаттардың түпнұсқалығын нақты уақытта растауға және мемлекетаралық өзара іс-қимыл кезінде әкімшілік шығындарды қысқартуға мүмкіндік береді.Стартап-аллеяда сондай-ақ AI Startify Incubator, Auezov AI First, Ushqyn AI Operator, AIJan және CortexAI жобалары ұсынылды. Бұл Қазақстанның университеттік әзірлемелерден бастап мемлекет, бизнес, білім беру және денсаулық сақтауға арналған қолданбалы сервистерге дейінгі өзіндік ЖИ-шешімдер экожүйесін қалыптастыру бағыты барын көрсетеді.<img src="https://knadmin.beoblood.kz/uploads/Whats_App_Image_2026_03_27_at_15_51_34_a0ba2f152c.jpeg" alt="WhatsApp Image 2026-03-27 at 15.51.34.jpeg">

Digital Qazaqstan 2026: ЕҮАК қатысушылары Қазақстанның цифрлық индустриясы жетістіктерімен танысты

<a href="https://kyzylorda-news.kz/">Kyzylorda-news.kz</a>&nbsp; Сол жағалаудағы «Теннис» орталығында Корей елінің қаһарманы Хон Бом До-ның құрметіне арналған таеквондодан жасөспірімдер, жастар және ересектер арасындағы республикалық турнир салтанатты түрде ашылды.Бұл жарысқа еліміздің барлық облысынан және қаласынан 700-ге жуық спортшы жарыс алаңында бақ сынауда. Ашылу рәсіміне басқарма басшысы Бахтияр Артаев, «Amanat» партиясының Қызылорда облысы бойынша филиалының төрағасы Жандос Базартай, облыстың құрметті спорт жанашыры, мемлекет және қоғам қайраткері Бақберген Досманбетов, облыстық таеквондо федерациясының президенті Серік Палмағамбетов, спорт саласының құрметті ардагері Ким Юрий Федорович және «Хон Бом До» қоғамдық қорының төрағасы Ким Лев Николаевич қатысты.&nbsp;Өз кезегінде басқарма басшысы Бахтияр Артаев бүгінгі турнирдің маңыздылығына тоқталып, жарыс қатысушыларына сәттілік пен әділ жеңіс тіледі.&nbsp;<blockquote>- Бүгінде аймағымызда таеквондо спорты қарқынды түрде дамып келеді. Соның айқын дәлелі ретінде облысымызда 6 мыңнан астам спортшы дәл осы спорт түрімен жүйелі түрде шұғылдануда. Олардың қатарында Ботагөз Қапанова, Тоғжан Қазнабек, Нұрай Қазнабек, Нұрперзент Саматұлы сынды талантты спортшыларымыз түрлі деңгейдегі халықаралық жарыстарда ел намысын қорғап, Сыр өңірінің абыройын асқақтатып жүр. Бүгін қаламызда бастау алған республикалық турнирге еліміздің түкпір-түкпірінен келген 700-ден астам спортшы бақ сынауда. Бұл өз кезегінде таеквондо спортын одан әрі серпінді дамытуға және болашақ чемпиондардың ізін жалғастыруға үлкен мүмкіндік береді, - &nbsp;деп жастарға сенім артты.&nbsp;</blockquote>Өз кезегінде құрметті спорт жанашыры, мемлекет және қоғам қайраткері Бақберген Досманбетов жас спортшыларға ақ батасын беріп, ізгі тілегін білдірді.&nbsp;Одан кейін құрметті қонақтар да құттықтау сөз сөйлеп, бүгінгі турнирдің тартысты өтетініне сенім білдірді. &nbsp;Айта кетейік, республикалық турнир 28 наурызға дейін жалғасады.&nbsp;<img src="https://knadmin.beoblood.kz/uploads/Taekvando_respublikaly_turnir_2_414c14d3d9.jpg" alt="Таеквондо республикалық турнир 2.jpg">

Таеквондодан республикалық турнир салтанатты түрде ашылды

<a href="https://kyzylorda-news.kz/">Kyzylorda-news.kz</a>&nbsp;Қазалы ауданында Мемлекет басшысының бастамасымен жүзеге асырылып жатқан «Таза Қазақстан» республикалық экологиялық акциясы аясында кең көлемді тазалық жұмыстары ұйымдастырылды.Аудан орталығы мен барлық ауылдық округтерде өткен сенбілікке мекеме-кәсіпорын қызметкерлері, еріктілер және аудан тұрғындары белсене қатысып, туған өлкенің тазалығына өз үлестерін қосты.Аудан әкімі Алмасбек Есмаханов Әйтеке би кентінің әкімі Әліби Әбиевпен бірге аудан орталығындағы тазалық жұмыстары жүргізіліп жатқан аумақтарды аралап көріп, атқарылып жатқан жұмыстардың барысымен танысты. Аудан басшысы жауапты тұлғаларға жиналған қоқыс қалдықтарын арнайы орындарға уақытылы шығару, санитарлық тазалықты жүйелі түрде жүргізу, қыс бойы қар астында қалған қалдықтар мен қураған шөптерді толық тазарту бойынша нақты тапсырмалар берді. Сонымен қатар, ортақ іске белсенді қатысқан тұрғындарға алғысын да білдірді.Әйтеке би кентіндегі жүргізілген тазалық жұмыстары барысында кенттегі Т.Бөріқұлақов көшесінің бойындағы жаңадан пайдалануға берілген тұрғын үйлердің аумақтарына, Әйтеке би кентіне кіре берістен бастап Бигбен сағаты мен «Алтын көпірге» дейінгі аралықтағы аумақтарға басымдық берілді.&nbsp;Жалпы, аудан көлемінде жүргізілген тазалық жұмыстары барысында жиналған қалдықтар арнайы техникалардың көмегімен белгіленген орындарға шығарылды.Тазалық – баршамызға ортақ жауапкершілік. Сондықтан барша аудан тұрғындарын қоршаған ортаны ластамауға, қоқысты бей-берекет тастамауға және тазалық шараларына белсенді қатысуға шақырамыз. Туған жердің тазалығы – әрқайсымыздың қолымызда!<img src="https://knadmin.beoblood.kz/uploads/azaly_Taza_aza_stan_2_1c0a649c5e.jpg" alt="Қазалы Таза Қазақстан 2.jpg">

«Таза Қазақстан» акциясы аясында тазалық жұмыстары ұйымдастырылды

<a href="https://kyzylorda-news.kz/">Kyzylorda-news.kz</a> &nbsp;Отандық IT-компаниялар мемлекетке кәсіпорындарда цифрлық жобаларды жүзеге асыруға қолдау көрсетеді, деп хабарлайды ҚР Өнеркәсіп және құрылыс министрлігінің баспасөз қызметі, – деп хабарлайды&nbsp;<a href="https://kaz.inform.kz/news/memleket-tsifrlik-zhobalarga-otandik-it-kompaniyalardi-tartip-zhatir-7621bc/">KAZINFORM</a>«QazIndustry» қазақстандық индустрия және экспорт орталығының мамандары отандық жетекші IT-компаниялардың және индустриялық серіктестердің өкілдерімен бірқатар кездесу өткізді. Бұл кездесулерде бірлескен жобаларды іске асыру және отандық кәсіпорындардың өндірістік үдерістеріндегі жасанды интеллект базасына олардың озық шешімдерін енгізу мәселелері қаралды. Өнеркәсіп саласын цифрландыру арқасында қазақстандық өндірушілер халықаралық нарықта неғұрлым бәсекеге қабілетті болып отыр.Іс-шараларға ARCOBO, Tems.AI, SafeSight AI, AIGINEER компанияларының сарапшылары, сондай-ақ «Цифрлық техника және технологиялар институты» АҚ (IDET.kz) өкілдері қатысты.Кездесулер барысында цифрлық және роботтандырылған шешімдерді енгізудің нақты тәжірибелері, сондай-ақ табысты жобаларды өрістету мүмкіндіктері талқыланды.Мысалы, ARCOBO компаниясы өнеркәсіпке арналған роботтандырылған жүйелерді әзірлеп, оларды қолданысқа енгізумен айналысады. Бұлардың қатарында дәнекерлеу және қаптау кешендері, станоктар мен паллеттеу жүйелеріне арналған ұяшықтар, сондай-ақ стандарттан тыс автоматтандырылған мүмкіндіктер&nbsp;бар. Бұл жүйелер кәсіпорындарға қол еңбегіне тәуелділікті азайтып, өндіріс үдерісін жеделдетуге, өнім сапасын арттыруға және үзіліссіз, тәулік бойы жұмыс істеуге мүмкіндік береді.Сондай-ақ компанияның ең күрделі технологиялық өнімі&nbsp;— WAAM технологиясы бойынша металдан басып шығаруға арналған ARCOBO 3D-принтері таныстырылды. Бұл көпдеңгейлі жүйе өнеркәсіптік роботты, дәнекерлеу көзін, авторлық бағдарламалық қамтамасыз етуді, үдерісті басқаруды және басып шығаруды нақты уақыт режимінде цифрлық басқаруды қатар атқарады, ірі металл бөлшектерді өндіруге немесе жабдықтың тозған элементтерін сағатына бірнеше килограмға дейін қалпына келтіруге мүмкіндік береді, жеткізу мерзімін барынша қысқартып, өндіріс пен жөндеу шығындарын айтарлықтай төмендетеді.Tems.AI компаниясы өнеркәсіптік кәсіпорындарға арналған, операциялық тиімділіктің толық циклін қамтитын жасанды интеллект платформасын таныстырды. Бұл платформа қызметкерлерді оқытудан және үдерістерді стандарттаудан бастап, орындау сапасын бақылау мен есептілікті қалыптастыруға дейінгі барлық кезеңдерді қамтиды. Атап айтқанда, платформа өндірістік үдерістердің бейнежазбаларын кезең-кезеңімен цифрлық нұсқаулықтар мен регламенттерге (SOP) айналдырады, жасанды интеллект ассистенті арқылы корпоративтік білім базасына қолжетімділікті қамтамасыз етеді және тапсырмалардың орындалуын нақты уақыт режимінде бақылауға мүмкіндік береді. Компания қазірдің өзінде Allur және «КеденТрансСервис» сияқты қазақстандық кәсіпорындармен бірге жобаларды жүзеге асыруда. Сонымен қатар халықаралық тәжірибеге ие&nbsp;болып, Web Summit нұсқасы бойынша Еуропаның ТОП-10 стартаптарының қатарына енген.SafeSight AI&nbsp;компаниясы өнеркәсіптік кәсіпорындарға арналған бейнеталдау мүмкіндіктерін ұсынды. Көрсетілген жүйе қауіпсіздік техникасының бұзылуын анықтап, қызметкерлердің еңбек өнімділігін талдап, нақты уақыт режимінде басқарушылық есептілікті қалыптастыра алады.AIGINEER мамандары цифрлық көмекшілерді пайдаланып, өндірістік үдерістерді автоматтандыру және оңтайландыруға арналған өнеркәсіптік ЖИ-агенттер платформасын таныстырды. Жүйе шешім қабылдауды жеделдетіп, процестерді бақылаудың дәлдігін арттырады және ресурстарды тиімді басқаруға көмектеседі.«Цифрлық техника және технологиялар институты» өз кезегінде өнеркәсіпте, мемлекеттік секторда және корпоративтік ортада қолданылатын талдамалық платформалар, ахуалдық орталықтар және интеллектуалды басқару жүйелерін құру бойынша мүмкіндіктерін таныстырды.<blockquote>—&nbsp;Кездесулердің қорытындысы бойынша тараптар өнеркәсіпке озық цифрлық және роботтық шешімдерді енгізуге бағытталған серіктестікті дамытуға және бірлескен бастамаларды жүзеге асыруға өзара мүдделілігін растады. Қазіргі уақытта пилоттық жобаларды іске қосу, тәжірибе алмасу және кәсіпорындарда цифрлық шешімдерді өрістету, ауқымын кеңейту үшін ынтымақтастық туралы меморандумға қол қоюға дайындық жүргізіліп жатыр,&nbsp;— делінген министрлік хабарламасында.</blockquote>Фото: ҚР Өнеркәсіп және құрылыс министрлігі

Мемлекет цифрлық жобаларға отандық IT-компанияларды тартып жатыр

<a href="https://kyzylorda-news.kz/">Kyzylorda-news.kz</a> Әділет министрлігі аппарат басшысының бұйрығына сәйкес Баукен Әлмеш Қызылорда облыстық әділет департаментінің басшысы лауазымына <a href="https://kaz.inform.kz/news/kizilorda-oblistik-adlet-departamentnn-basshisi-tagayindaldi-de862b/">тағайындалды</a>.&nbsp;Баукен Серікұлы 1991 жылы Оңтүстік Қазақстан облысында дүниеге келген. 2009 жылы Оңтүстік Қазақстан құқық және салалық технологиялар колледжін, 2012 жылы Қарағанды экономикалық университетін құқықтану мамандығы бойынша бітірген.&nbsp;Еңбек жолын 2009 жылы Оңтүстік Қазақстан облыстық әділет департаментінде іс жүргізуші қызметінен бастаған. Әр жылдары Оңтүстік Қазақстан облыстық әділет департаментінде, Шымкент қалалық және аудандық әділет басқармаларында түрлі лауазымдарда жұмыс істеген.Тіркеу, зияткерлік меншік құқығы, құқықтық түсіндіру және заң көмегін көрсету салаларында тәжірибе жинаған. 2017-2019 жылдары Алматы облыстық әділет департаментіне қарасты Ескелді аудандық әділет басқармасын басқарды. 2019-2023 жылдары Қызылорда облыстық әділет департаменті басшысының орынбасары болды.&nbsp;<img src="https://knadmin.beoblood.kz/uploads/yzylorda_oblysty_dilet_departamentini_basshysy_ta_ajyndaldy_5b559d660b.webp" alt="Қызылорда облыстық әділет департаментінің басшысы тағайындалды.webp">2023 жылдан бастап бүгінге дейін Ақмола облыстық әділет департаментінің басшысы лауазымын атқарды.&nbsp;Отбасылы, 3 бала тәрбиелеп отыр.Бұған дейін Қызылорда облысының әкімі Нұрлыбек Нәлібаев облыс активіне жаңадан құрылған облыстық цифрлық технологиялар басқармасының басшысы Сабит Ибадулланы таныстырды.Фото: Нұрболат Нұржаубай

Қызылорда облыстық әділет департаментінің басшысы тағайындалды

<a href="https://kyzylorda-news.kz/">Kyzylorda-news.kz</a> Театр адам жанының айнасы, руханияттың алтын діңгегі саналатын киелі өнер ордасы. Ғасырлар қойнауынан бастау алатын бұл мәдениет ошағы бүгінгі күні ұлттық құндылықтарды сақтап, оны ұрпақ санасына сіңіруде айрықша маңызға ие. Театр тек сахна мен көрермен арасындағы байланыс қана емес, ол қоғамның тыныс-тіршілігін, адамның ішкі әлемін, замана болмысын тереңнен толғайтын көркем кеңістік.27 наурыз - Халықаралық театр күніне орай Өңірлік коммуникациялар қызметінің ақпарат алаңында баспасөз конференциясы өтті. Онда Н.Бекежанов атындағы Қызылорда облыстық қазақ академиялық музыкалық драма театры директорының орынбасары Серік Жақсығұлов пен қалалық Жастар театрының директоры Нұрмат Мансұров мерекенің мән-маңызына тоқталып, театр саласының бүгінгі тынысын кеңінен баяндады.Серік Орынбекұлының айтуынша, бұл күн &nbsp;театр ұжымы үшін ерекше маңызға ие, дәстүрлі түрде атап өтілетін мереке.<blockquote>«Театр - шығармашылықтың шоғырланған ордасы. Бұл мереке ұжымның бірлігін бекемдеп, жаңа идеяларға жол ашып, болашаққа нық қадам басуға серпін береді. Осы атаулы күн қарсаңында театр ұжымы көрерменге мазмұнды әрі тағылымы мол бағдарлама ұсынды. 16-20 наурыз аралығында «Nartai Theatre Fest - 2026» театрішілік фестивалі өтті. Бес күнге созылған өнер мерекесінде мистикалық триллерден бастап трагедия, буффонада ертегі, психологиялық және деректі драмалар, моноспектакль, қуыршақ және музыкалық қойылымдар сахналанды. Бұл фестиваль театр өнерінің жанрлық байлығын айшықтап, көрерменге ерекше әсер сыйлады. Сонымен қатар, халықаралық театр күні аясында арнайы шығармашылық кеш ұйымдастырылып, өнерсүйер қауымға рухани тарту жасалды», – деді Серік Жақсығұлов.</blockquote>Атаулы күнге орай Нартай Бекежанов атындағы қазақ академиялық музыкалық драма театры көрермендеріне мазмұнды әрі тағылымы мол мерекелік бағдарлама ұсынды.Ал қалалық Жастар театрының директоры Нұрмат Абдоллаұлы өз сөзінде театрдың бүгінгі жетістіктері мен жоспарларына тоқталды.<blockquote>«Қазіргі таңда театр репертуарында әртүрлі жанрдағы 15 қойылым бар. Оның ішінде балаларға арналған үш спектакль болса, қалғаны жастар мен ересек көрерменге бағытталған. Жыл бойы қойылымдар 65 мәрте сахналанып, 10 мыңнан астам көрерменді қамтыды. Бұдан бөлек, театр ұжымы түрлі деңгейдегі мәдени-көпшілік іс-шараларға белсене қатысып, жыл сайын 40-қа жуық театрландырылған пролог ұсынады. Жыл басынан бері көрермен назарына 6 премьера ұсынылды. Алдағы уақытта да сапалы қойылымдармен қуантуды жалғастырамыз», – деді ол.</blockquote>

27 наурыз – Халықаралық театр күні

<a href="https://kyzylorda-news.kz/">Kyzylorda-news.kz</a> &nbsp;Бүгін — Дүниежүзілік театр күні. Сахна саңлақтары үшін айрықша мәнге ие айтулы дата. Бұл туралы ҚР Премьер-министрінің орынбасары — Мәдениет және ақпарат министрі Аида Балаева <a href="https://kaz.inform.kz/news/balaeva-kazakstanda-teatr-onerne-degen-kizigushilik-artip-keled-a250a1/">айтты.</a>Оның сөзінше, театр — тәрбие алаңы, талғамды қалыптастыратын, ой мен сезімді тербететін, қоғамға өзін және өз дәуірін тереңірек тануға мүмкіндік беретін бірегей өнер кеңістігі.<blockquote>— Мемлекет басшысы Қасым-Жомарт Тоқаев атап өткендей, театрлардың дамуы — кез келген елдің мәдени деңгейінің маңызды көрсеткіші. Бүгінде Қазақстанда театр өнеріне деген қызығушылықтың артып келе жатқаны анық байқалады. Көрермен сұранысы да барған сайын мазмұнды әрі талапшыл сипатқа ие болуда. Әсіресе, сахна өнеріне құштар жандардың арасында жастардың көп болуы көңілге ерекше қуаныш ұялатады, — деді Балаева.</blockquote>Министр атап өткендей, бүгінде елімізде 70-тен астам театр жұмыс істейді, олардың 57-сі — мемлекеттік.<blockquote>— Тек 2025 жылдың өзінде мемлекеттік театрларда 410 премьера сахналанып, 539 гастрольдік сапар ұйымдастырылды. Былтыр көрермендер саны 2,8 миллионнан асты. Ал, 2026 жылдың алғашқы тоқсанында республикалық театрлар 170 мыңнан астам көрерменге қызмет көрсетті. Бұл көрсеткіштер театрдың елімізде сұранысқа ие, өміршең әрі халыққа жақын өнер екенінің айқын дәлелі, — дейді ол.</blockquote>Аида Балаева осы ретте мәдениет пен тарих мәселелерінің елдің Ата Заңында берік құндылық ретінде бекітілуі де ерекше маңызға ие екенін алға тартты.<blockquote>— Жаңа Халықтық Конституцияда мемлекеттің қызметінің іргелі қағидаттарының қатарында ұлттық мәдениетті қолдау және тарихи-мәдени мұраны сақтау міндеттері айқын көрініс тапқан. Бұл Қазақстан үшін мәдениет қосалқы сала емес, қоғамдық дамудың және ұлттық бірегейліктің негізгі тіректерінің бірі екенін көрсететін маңызды бағдар. Сонымен қатар Конституцияда тарихи-мәдени мұраға ұқыпты қарау, тарих пен мәдениет ескерткіштерін сақтау әр азаматтың міндеті ретінде бекітілген. Бүгінде қазақстандық театрлар жаңа қойылымдарымен көрерменді қуанта отырып, халықаралық сахналарда ел абыройын асқақтатып келеді. Олар түрлі фестивальдерге қатысып, жоғары бағаларға ие болып, мәдени байланыстарды кеңейтуге өз үлесін қосуда. Осы айтулы күні театр өнерінің барлық өкілдерін Дүниежүзілік театр күнімен шын жүректен құттықтаймын! Сіздерге шалқар шабыт, шығармашылық табыс, өнер жолында жаңа жетістіктер тілеймін! — деп түйіндеді ведомство басшысы.</blockquote>Фото: Мәдениет және ақпарат министрлігі

Балаева: Қазақстанда театр өнеріне деген қызығушылық артып келеді

<a href="https://kyzylorda-news.kz/">Kyzylorda-news.kz</a> Алаяқтық пен жалған ақпарат таратты деп күдікке ілінген 23 жастағы астаналық тұрғын ұсталды, – деп хабарлайды <a href="https://polisia.kz/threads-tegi-alayaq-azamattar-askerdegi-seksualdyq-zorlyq-zombylyq-turaly-zhalghan-oqighagha-senip-qaldy/">Polisia.kz.</a>23 ақпанда Threads әлеуметтік желісінде белгісіз аккаунт арқылы бір желі қолданушысы әскерде жүргенінде жыныстық зорлық-зомбылыққа ұшырағанын және қазіргі уақытта қудалаудан қорқатынын мәлімдеген. Ол бір жыл бұрын әскерден оралғанын, бірақ болған сұмдық оқиғаны әлі де ұмыта алмай жүргенін жазған. Пост авторының сөзінше, командирі оны қорқытып, жыныстық сипаттағы әрекеттерге мәжбүрлеген.Жазбада желі қолданушыларының назарын аударатындай егжей-тегжейлі мәліметтер келтірілген. Оқиғаның «қорқынышты» тұстарын баяндай отырып, ол өзіне қаржылай көмек сұраған, қауіп барын алға тартып, шетелге кету қажеттігін жеткізген. Жарияланымда банк реквизиттері қоса көрсетілген. Жиналған қаражатты шетелге шығу үшін жұмсайтынын мәлімдеген. Сонымен қатар ол осы жағдайдан кейін депрессияға түскенін және бұрынғыдай қызымен қарым-қатынасын жалғастыра алмайтынын жазған.Алайда шотты тексеру үшін полицияға жүгінген бір желі қолданушысының қырағылығының арқасында жазба авторының жалған әрекеттері әшкереленді.Жедел қызметкерлерге тек реквизиттер ғана емес, оқиғаның өзі де күмәнді көрінген. Барлық күдік есепшот иесі – 17 жастағы жасөспірім екені анықталғаннан кейін расталды. Оның айтуынша, хостелде танысқан бұрынғы танысы оған қарызын аудару үшін реквизиттерін сұраған. Сондай-ақ өз есепшоттары бұғатталғанын айтып, басқа аударымдарды қабылдауын өтінген. Бұл заңсыз әрекетке сенген жасөспірім жеке деректерін беруге келіскен. Екі күннің ішінде оның есепшотына 100-ден астам аударым түскен.Жүргізілген жедел-іздестіру шаралары барысында пост авторы ұсталды. Жарияланған ақпарат шындыққа сәйкес келмейді. Сонымен қатар оның әскери қызметке еш қатысы жоқ екендігі және әскерде ешқашан болмағаны белгілі болды. Өзінің осы әрекетімен ол әскери қызметтің беделіне нұқсан келтірді.23 жастағы күдіктінің айтуынша, жалған ақпаратты ол ақша жинау мақсатында жариялаған.Көрінеу жалған ақпаратты тарату және алаяқтық фактілері бойынша қылмыстық істер қозғалды. Сотқа дейінгі тергеп-тексеру жүргізілуде, күдікті ұсталып, уақытша ұстау изоляторына қамалды. Сот санкциясымен ол қамауға алынды. Осындай айласы үшін жігітке бірнеше жылға дейін бас бостандығынан айыру жазасы қарастырылады.Полиция азаматтарға жалған ақпарат таратқаны үшін жауапкершілік барын еске салып, тек ресми дереккөздерге ғана сенуге шақырады. Кейде мұндай оқиғалардың артында жай ғана есеп жатуы мүмкін. Әрдайым тексерген абзал. Бейтаныс адамдарға ақша аудармаңыздар!Фото: Polisia.kz.

Архив