Ораза Айт мейрамы барша мұсылман қауымы үшін айтулы мереке. Сол себепті айт күндерін көтеріңкі күйде, қуаныш пен шаттыққа толы өткізу – Алла разы болатын және мол сауапқа кенелтетін іс.ҚМДБ-ның Қызылорда облысы бойынша өкілдігіне қарасты «Мүсірәлі ата», «Ыбырайым молда», «Хазіреті Әли», «Ақмолда», «Әлі Арыстан, «Қалмұхаммед ишан», «Мақтұм Сейіт», «Әл-Уәли» мешіттерінің имамдары Ораза Айт күні өңірдегі “Оңалту орталығы” коммуналдық мемлекеттік мекемесіне арнайы барды. Ауруханада ем алып жатқан жандарға шипа тілеп, оларға айттық сыйлықтарын табыстады.Аталмыш мекеме ұжымы барша дін қызметкерлерінің игі ісіне алғысын білдірсе, ем алушы ақсақал өзінің ақ батасын жаудырды.

СЫР ИМАМДАРЫ ОҢАЛТУ ОРТАЛЫҒЫНДА ЕМ АЛУШЫЛАРДЫ ОРАЗА АЙТПЕН ҚҰТТЫҚТАДЫ

Қасиетті Ораза айт мерекесінің шуағы биыл да қызылордалықтарға жылу сыйлап, мейірім мен қамқорлықтың көрінісіне айналды. Осы игі күні қала мешіттерінің имамдары «Атамекен» балалар ауылына арнайы барып, бүлдіршіндерді айт мерекесімен құттықтап, шаттыққа бөледі.Атап айтқанда, Қызылорда қалалық «Айтбай», «Төлен ата», «Рахматулла», «Сауранбай ата», «Құддыс ишан», «Сұлтан» және «Хазірет Әбу Бәкір»мешіттерінің имамдары бірлесе отырып, балалар ауылына арнайы сыйлықтар апарып, олардың жүздеріне күлкі, көңілдеріне қуаныш сыйлады.Кездесу барысында балаларға айттың мән-маңызы түсіндіріліп, ізгі тілектер айтылды. Имамдар тарапынан жылы сөздер мен ақ баталар беріліп, әрбір балаға ерекше көңіл бөлінді. Бала көңілі – пәк айна. Сол айнада қуаныштың сәулесі ойнаса, ол – қоғамның шынайы байлығы.Бұл шара – тек сыйлық беру ғана емес, жүректен жүрекке жеткен жан жылуы, қамқорлық пен жанашырлықтың белгісі болды. Осындай игі амалдар арқылы қоғамда мейірім мен бірлік нығая түсетіні анық.

Қызылорда: АТАМЕКЕН БАЛАЛАР АУЫЛЫНДА АЙТ ҚУАНЫШЫ

<a href="https://kyzylorda-news.kz/">Kyzylorda-news.kz</a>&nbsp; Қызылорда қаласында Ұлыстың ұлы күні – Әз-Наурыз мерекесі Сырдың сол жағалауындағы «Қайсар Арена» стадионы маңында кең көлемде аталып өтті. Мерекелік шара өңір тұрғындары мен қала қонақтарын бір алаңға жинап, ұлттық құндылықтарды ұлықтауға және қоғамдық келісімді нығайтуға бағытталды.<img src="https://knadmin.beoblood.kz/uploads/653869015_4363943950591418_5602370073035589125_n_3781c64b7f.jpg" alt="653869015_4363943950591418_5602370073035589125_n.jpg">Қызылорда облыстық қоғамдық даму басқармасының Достық ауылына түрлі этнос өкілдері келіп, белсене қатысып, татулық пен бірліктің жарқын үлгісін көрсетті. Сонымен қатар, “Қоғамдық келісім” КММ қызметкерлері мен Ассамблея жастарының белсенділері де мерекенің мазмұнды өтуіне үлес қосты.<img src="https://knadmin.beoblood.kz/uploads/655202079_4363943913924755_31490170290474971_n_13f149d781.jpg" alt="655202079_4363943913924755_31490170290474971_n.jpg">Салтанатты жиында Славяне этномәдени орталығының мүшесі Ирина Ащеулова және Достық үйіндегі домбыра үйірмесінің өнерпаздары өнер көрсетіп, көпшілікке мерекелік көңіл күй сыйлады.<img src="https://knadmin.beoblood.kz/uploads/654416162_4363944060591407_6035800865644944227_n_426e1fcfb1.jpg" alt="654416162_4363944060591407_6035800865644944227_n.jpg">

Қызылордада Ұлыстың ұлы күні – Әз-Наурыз кең көлемде тойланды

Мемлекет басшысы Түркістан облысына жұмыс сапарымен барды.Қасым-Жомарт Тоқаевтың өңірге сапары түркі дүниесінің рухани әрі тарихи-мәдени ескерткіштерінің бірі, ЮНЕСКО-ның Бүкіләлемдік мұралар тізіміне енген Қожа Ахмет Ясауи кесенесіне зиярат етуден басталды.<img src="https://knadmin.beoblood.kz/uploads/IMG_20260321_WA_0003_274c3a00fa.jpg" alt="IMG-20260321-WA0003.jpg">Мемлекет басшысы кесене аумағында жерленген ғұлама Қожа Ахмет Ясауи мен басқа да әйгілі тарихи тұлғалардың рухына тағзым етті.<img src="https://knadmin.beoblood.kz/uploads/IMG_20260321_WA_0006_df113ed0f9.jpg" alt="IMG-20260321-WA0006.jpg">

Президент Қасым-Жомарт Тоқаев Қожа Ахмет Ясауи кесенесіне зиярат етті

Премьер-министр Олжас Бектеновтің төрағалығымен Үкімет отырысы өтті. Күн тәртібінде орман дақылдарын отырғызуға, өңірлік экологиялық саммитке дайындық, «Таза Қазақстан» тұжырымдамасын іске асыру мәселелері талқыланды.Оған облыс әкімі Нұрлыбек Нәлібаев селекторлық режим арқылы қатысып, «Таза Қазақстан» тұжырымдамасын іске асыруда атқарылған жұмыстар жайында баяндама жасады.&nbsp;«Президентіміздің бастамасымен қолға алынған «Таза Қазақстан» республикалық экологиялық бағдарламасы аясында өңірімізде санитарлық тазалық, абаттандыру, тұрғындардың өмір сүруіне қолайлы жағдай жасау бағытында кешенді жұмыстар атқарылуда. ​Бюджет қаражатынан бөлек, кәсіпкерлердің демеушілігімен демалыс орындары, ойын, спорт және орталық алаңдар қайта жаңғыртылып, тұрғын үйлер мен әлеуметтік нысандар заманауи үлгіде жөндеуден өткізілуде. Соңғы жылдары демеушілер және бюджет қаражаты есебінен Қызылорда қаласындағы орталық алаң, қалалық мәдени-демалыс паркі, Қорқыт ата сквері қайта жаңғыртылып, ел игілігіне берілді. Күні кеше 14 млрд. 900 млн. теңгеге қайта салынған Президент саябағы ашылды», – деді Нұрлыбек Машбекұлы.Еске салсақ, 2024 жылы «Қазақстан-Корея» бизнес форумы аясында облыс әкімдігі мен кореялық With you E&amp;C компаниясы арасында Қызылорда қаласында жылына 300 мың тонна қатты тұрмыстық қалдықтарды сұрыптау, қайта өңдеу және кәдеге жарату зауытын салу бойынша меморандумға қол қойылды.Жоба With you E&amp;C компаниясының 37 млрд. 800 млн. теңге инвестициясы арқылы қаржыландырылады, үш кезеңде іске асырылады.Бірінші кезеңде қолданыстағы полигон 7 млрд 500 млн. теңгеге жаңғыртылып, қалдықтарды сұрыптайтын заманауи кешен салынады. Бұл полигонның қабылдау қуаттылығын жылына 60 мың тоннадан 300 мың тоннаға дейін арттыруға мүмкіндік береді.Сұрыпталған қалдықтар басқа өндірістерді шикізатпен қамтамасыз етеді. Атап айтқанда, пластикалық тұрмыстық, &nbsp;алюминий бұйымдары, қағаз және картон.Екінші кезеңде 10 МВт-тан астам электр энергиясын өндіретін қоқыс өртеу зауыты салынады. Үшінші кезеңде жыл бойы өнім беретін жылыжай салу жоспарлануда.Мемлекеттік қолдау шарасы ретінде «Белкөл» кенті аумағынан 4 гектар жер учаскесі берілді. Қаржыландыру «Өнеркәсіпті дамыту қоры» арқылы жүргізілуде. Зауыт құрылысы 2026 жылдың сәуір айында басталады, іске қосылғаннан кейін 160 жаңа жұмыс орны құрылады.Тұрмыстық қатты қалдықтарды басқару, сұрыптау және өңдеу бағытында «Жасыл даму» АҚ 98 млрд 700 млн теңгеге &nbsp;қаржыландырған 9 жоба бар. Жаңақорған ауданындағы сұрыптау кешенін іске қосу жұмыстары жүргізілуде. Сонымен қатар, облыстық бюджет есебінен 475 млн теңгеге Сырдария ауданында сұрыптау кешені бар қатты тұрмыстық қалдықтар полигоны салынды. Тағы екі полигон жобасы әзірленіп, мемлекеттік сараптамадан өтіп, қаржыландыруға ұсынылды.Айта кетейік, ауылдарда қолайлы орта қалыптастыру және тұрғындарды тазалыққа ынталандыру үшін жыл сайын «Үлгілі елді мекен» конкурсы өткізіледі. Соңғы үш жылда жобаға 2 млрд 64 млн теңге бөлініп, үздік елді мекендерге 67 арнайы техника табысталды.

"Таза Қазақстан" тұжырымдамасын іске асыру мәселесі талқыланды 

Наурызнама онкүндігі аясындағы Ұлттық спорт күні. Осыған орай облыстық дене шынықтыру, спорт және туризм басқармасының ұйымдастыруымен Қызылорда қаласындағы ипподромда кең көлемді мерекелік іс-шара өтті.<img src="https://knadmin.beoblood.kz/uploads/FB_IMG_1774069315902_e75f9fdd6f.jpg" alt="FB_IMG_1774069315902.jpg">Қазіргі таңда 30 мыңнан астам қызылордалық ұлттық спорттың 10 түрімен тұрақты айналысады. Сыр спортшылары халықаралық және республикалық жарыстарда жоғары нәтиже көрсетіп келеді. Олардың қатарында қазақ күресінен Мақсат Исағабылов, Нұрым Сәлімгереев, Еңбек Сақтағанов, Руслан Теміржан, тоғызқұмалақтан Бексұлтан Бостандықов, алыш күресінен Назерке Әбілтаева, көкпардан Әлем чемпионатына қатысқан Медетбек Балғынбек бар. Іс-шарада спорт ардагерлері мен қала тұрғындары концерттік бағдарламаны тамашалап, ұлттық ойындарға белсенді қатысты. Атап айтқанда, арқан тартыс, қазақ күресі, садақ ату, қол күресі, асық ату, ләңгі тебу, теңге ілу, тоғызқұмалақ және аударыспақ жарыстары ұйымдастырылып, 400-ге жуық спортшы бақ сынады.<img src="https://knadmin.beoblood.kz/uploads/FB_IMG_1774069319540_f664696141.jpg" alt="FB_IMG_1774069319540.jpg">

Сыр өңірінде ұлттық спорт күні аталып өтті

<a href="https://kyzylorda-news.kz/">Kyzylorda-news.kz</a> Қазақстан Үкіметінің 2026 жылғы 11 наурыздағы қаулысымен денсаулық сақтауды дамыту тұжырымдамасына өзгерістер енгізілді. Құжатқа сәйкес, тұжырымдаманы іске асыру мерзімі 2029 жылдың соңына дейін <a href="https://kaz.inform.kz/news/kazakstanda-densaulik-saktaudi-damitu-tuzhirimdamasi-2029-zhilga-deyn-uzartildi-b1d6fc/">ұзартылды.</a>Жаңартылған тұжырымдама денсаулық сақтау жүйесінде анықталған мәселелер мен халықаралық тәжірибені ескере отырып әзірленген. Құжатта саланы одан әрі дамытудың бағыты айқындалып, тиімді әрі орнықты денсаулық сақтау жүйесін қалыптастыру көзделген.Негізгі бағыттар ретінде медициналық көмектің қолжетімділігі мен сапасы арасындағы теңгерімді сақтау, халық денсаулығын кешенді басқаруды дамыту, емделушіге бағытталған қызмет көрсету үлгісін енгізу және саланы цифрландыруды кеңейту белгіленген.Сондай-ақ медициналық ғылымды дамыту, кадр әлеуетін арттыру, инфрақұрылымды жаңғырту және фармацевтика өндірісін күшейтуге бағытталған шаралар қарастырылған.Негізгі қағидаттар қатарында медициналық көмекке тең қолжетімділікті қамтамасыз ету, аурудың алдын алу мен денсаулықты сақтауға басымдық беру, басқарудың ашықтығы, шешім қабылдауда деректерді тиімді пайдалану, сондай-ақ қоғамдық денсаулық саласындағы дағдарыстарға жүйенің дайын болуы көзделген.Сонымен қатар тұжырымдаманы іске асыруға арналған іс-қимыл жоспары бекітілді. Күтілетін нәтижеге сәйкес, 2029 жылға қарай Қазақстанда халықтың орташа өмір сүру ұзақтығы 77 жасқа дейін ұлғайып, негізгі жұқпалы емес аурулардан болатын мерзімінен бұрын өлім-жітім деңгейі төмендеуі тиіс.Фото: Pexels