<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаевтың қатысуымен Мемлекет басшысы Қасым-Жомарт Кемелұлы Тоқаевтың «Жасанды интеллект дәуіріндегі Қазақстан: өзекті мәселелер және оны түбегейлі цифрлық өзгерістер арқылы шешу» атты Қазақстан халқына Жолдауында белгіленген міндеттердің жүзеге асу барысы талқыланған актив отырысы өтті. Оған Қазақстан Республикасы Президентінің кеңесшісі Мәлік Отарбаев, зиялы қауым өкілдері, облыстық мәслихат депутаттары, басқарма, департамент, инспекция басшылары, саяси партиялар, бейнебайланыс арқылы қала, аудан әкімдері активімен бірге қатысты.Облыс әкімі Жолдаудағы тапсырмаларды орындау мақсатында қабылданған нақты шараларды атап өтті.<blockquote>«Мемлекет басшымыз ел экономикасының барлық саласын жаңғырту үшін цифрландыру мен жасанды интеллект технологиясын жеделдетіп енгізу мәселелеріне ерекше тоқталды.Жасанды интеллектінің мүмкіндіктерін қолданып, елімізді одан әрі әлеуметтік-экономикалық, инновациялық дамытудың жаңа бағдары айқындалды. Жаппай цифрландыру арқылы отандық экономиканы әртараптандыру, кешенді түрде жаңғырту көзделген.Алдағы үш жылда Қазақстанды цифрлық елге айналдыру мақсатында нақты стратегиялық межелер белгіленді. Президентіміздің жаңа бастамалары Қазақстанды жаһандық аренада бәсекеге қабілетті ел ретінде танытумен қатар, халқымыздың тұрмыс сапасын арттыруға зор ықпалын тигізеді.Жақында ғана Мемлекет басшымыз Қасым-Жомарт Кемелұлы Сыр өңіріне жасаған сапарында аймақтың даму қарқынына, атқарған жұмысымызға оң бағасын берді. Мемлекет басшысының ерекше қолдауы жаңа жетістіктерге жетелейді, еселенген жауапкершілік жүктейді. Сыр жұртшылығы Президентіміздің тапсырмаларын, Жолдаудан туындайтын міндеттерді орындауда бекем бірліктің үлгісін көрсетіп, межеленген жұмысты жалғастырады.Жолдау жүктеген тапсырмалардың басым бөлігі елді мекендерді дамытуға бағытталған. Әсіресе, инфрақұрылымды жақсарту, тұрғындардың өмір сүру сапасын арттыру, аграрлық сектордың тиімділігін күшейту. Бұл жұмыстар аймағымызда, аудандарда, елді мекендерде қарқынды жүзеге асуда», – деді Н.Нәлібаев.</blockquote>Активте Мәлік Отарбаев Жолдаудағы негізгі жеті бағытқа, одан туындайтын міндеттерге тоқталды.Арал ауданының әкімі Аманжол Оңғарбаев Жолдау жүктеген міндеттердің орындалуы, Жаңақорған ауданы, Қосүйеңкі ауылдық округінің әкімі Әлімхан Ақтаев заң мен тәртіпті мемлекетіміздің мызғымас тұғыры етудің маңызы туралы баяндама жасады.Фото: Қызылорда облысы әкімінің баспасөз қызметі

Жолдау жүктеген міндеттер талқыланды

<a href="https://kyzylorda-news.kz/">Kyzylorda-news.kz</a>&nbsp;​2025 жылдың 20 қарашасында Қызылорда облысы ТЖД-не «Дабыл-1001», «Қарғын-2002» шартты белгісі қабылданып, ол туралы облыстың басқару органдарына жеткізілді.Сол күні сағат 15:00-де Арал ауданы әкімінің аппаратының ғимаратының мәжіліс залында Қызылорда облысы ТЖД бастығының орынбасары полковник Әбдіқадыров Бекболат Қайырбекұлының, Арал ауданы әкімінің орынбасары Бохаев Нұрмұхамет Омарұлының және облыстағы азаматтық қорғау қызметтерінің өкілдерінің қатысуымен жиын өткізілді.Жиынның барысында өңірдегі азаматтық қорғау қызметтерінің «Қыс-2025» командалық-штабтық оқу-жаттығуына дайындықтары сарапқа салынды. Арал ауданының Төтенше жағдайлар бөлімінің бастығы азаматтық қорғау майоры Сыдықов Айдос Мұратұлының жаттығуды өткізуге дайындығы туралы баяндамасы тыңдалды.Жиынды Қызылорда облысының ТЖ департаментінің бастығының орынбасары полковник Әбдіқадыров Бекболат Қайырбекұлы қорытындылады.Қызылорда облысы ТЖД

Қызылорда өңірінде «Қыс-2025» командалық-штабтық оқу-жаттығуы басталды

<a href="https://kyzylorda-news.kz/">Kyzylorda-news.kz</a>&nbsp;​ 2025 жылғы 21 қараша күні сағат 10:00-де «Қыс-2025» командалық-штабтық оқу-жаттығуын өткізу шеңберінде Арал ауданы аумағында «Баршаның назарына!» дабылы бойынша аудандық азаматтық қорғаныс құлақтандыру жүйесі тексеріледі. Сонымен қатар оқу-жаттығудың практикалық кезеңі жүргізіледі.Іс-шараның мақсаты — қыс мезгіліндегі төтенше жағдайлардың алдын алу және оларды жою бойынша азаматтық қорғау қызметтерінің дайындығын тексеру.​Оқу-жаттығу барысында шартты дабылдар беріліп, арнайы техникалар мен мамандар қатысатын жаттығулар жүзеге асырылады. ​Тұрғындардан сабырлық сақтауды және үрейге бой алдырмауды сұраймыз.Қызылорда облысының Төтенше жағдайлар департаменті

Арал ауданының тұрғындарының назарына!

<a href="https://kyzylorda-news.kz/">Kyzylorda-news.kz</a>&nbsp; Елімізде жол саласында кәсіби маман тапшы. Жұмысшы мамандыққа деген жастардың қызығушылығын арттыру үшін «Жол активтетірі сапасының ұлттық орталығы» РМК республика көлемінде «2000 мектеп» жобасын жүзеге асырып келеді.Осы бастамаға қызылордалық жолшылар да ерекше үлес қосуда. Мәселен, биыл жыл басынан бері филиал мамандары қала мектептеріне барып, жоғары сынып оқушыларына кәсіби бағыт-бағдар беріп, жол мамандығы бойынша оқуға шақырды. Себебі, кәсіби жолшылар еңбек нарығында үлкен сұранысқа ие.&nbsp;Жыл сайын елімізде 3 мыңға жуық жол жөндеуден өтіп, қайта жаңғыртылады. Ал үлкен жобаларды жүзеге асыратын жол салушы компанияларға кадр тапшылығынан шет елден мамандар жалдауына тура келеді. Оның үстіне қазір жол саласында жалақы мөлшері жоғары. Сондықтан жастарға бұл да үлкен мотивация.<blockquote>- Бүгінде Жол активтері сапасының ұлттық орталығы мамандары мектеп аралап, оқушыларға жол құрылысы мамандығы бойынша қандай жоғары оқу орындарында білім алуға болатынын айтып, түсіндірме жұмыстарын жүргізіп жатырмыз. Сондай-ақ, қазір жол саласында заманауи технологиялар өндіріске еніп, көп жұмыс автоматтандырылған. Сондай-ақ, орта буын колледж студенттеріне де ашық есік күндерін өткізіп, жастардың қызығушылығын арттыруға жан-жақты тағылымды шаралар ұйымдастырып жатырмыз,- дейді филиал директоры Нұрбол Абызбаев.</blockquote>

Мектеп оқушыларына кәсіби бағдар берілді

<a href="https://kyzylorda-news.kz/">Kyzylorda-news.kz</a> Бүгін Сыр өңірінде Қазақстан мұсылмандары діни басқармасының төрағасы, Бас мүфти Наурызбай қажы Тағанұлының қатысуымен «Бабалар сөзі – даналық көзі» атты ІІІ республикалық жыршы-термешілер фестивалі өтті. Шараның мақсаты – дін мен дәстүр үндестігін насихаттау, қазақ жырындағы мінәжат дәстүрінің рухани-дини мәнін кеңінен көрсету.Қазақстан мұсылмандары діни басқармасының 35 жылдық мерейтойы аясында ұйымдастырылған фестивальға облыстық мәслихат төрағасы Мұрат Тілеуімбетов пен зиялы қауым өкілдері қатысты. Бас мүфти өз сөзінде жыршылық дәстүрдің халқымыздың рухани өміріндегі орнын атап өтті.Шара барысында еліміздің әр өңірінен келген жыршы-термешілер өз өнерлерін көрсетті. Атап айтқанда, Аманқос Садықов (Алматы облысы), Темірбек Асқамбаев (Маңғыстау облысы), Ербол Қуанбек (Жетісу облысы), Руслан Ахметов, Айдос Рақметов, Нұртілек Ақтаев, Жанболат Өмірзақ, Әділхан Қуаңбаев (Қызылорда облысы), Күнсұлу Түрікпен (Астана қаласы), Ербол Қалмырзаев (Шымкент қаласы) мінәжатқа, ізгілікке арналған жыр-термелерді шебер орындап, көрерменге ерекше рухани әсер сыйлады.Кеш соңында барлық өнерпаздар Бас мүфтидің алғыс хатымен марапатталды.Айта кетейік, көне діни өлеңдер мен мінәжат жырларын жаңғыртуды мақсат еткен бұл фестивальді Қызылорда облысы өкілдігі үшінші рет республикалық деңгейде ұйымдастырып отыр. Бұған дейінгі шаралар 2022 және 2023 жылдары өткізілген болатын.

Қызылордада ІІІ республикалық жыршы-термешілер фестивалі өтті

<a href="https://kyzylorda-news.kz/">Kyzylorda-news.kz</a>&nbsp; Бүгін облыс әкімі Нұрлыбек Нәлібаев Қазақстан Республикасы Президентінің кеңесшісі Мәлік Отарбаевпен кездесті.Онда Мемлекет басшысы Қасым-Жомарт Кемелұлы Тоқаевтың «Жасанды интеллект дәуіріндегі Қазақстан: өзекті мәселелер және оны түбегейлі цифрлық өзгерістер арқылы шешу» атты Қазақстан халқына арнаған Жолдауындағы міндеттер мен Сыр өңірінің әлеуметтік-экономикалық даму барысы сөз болды.Жолдауда еліміздің болашақ даму стратегиясы айқындалып, мақсатқа жетудің жеті бағыты белгіленді.Мәлік Отарбаев берілген тапсырмаларды жүзеге асыру жолында атқарылуы тиіс жұмыстарға тоқталды. Экономикаға қомақты инвестиция тартудың, өңдеу өнеркәсібінің дамуына жаңа серпін берудің маңызын атап өтті. Жолдауда баса мән берілген бағыттар – ауыл шаруашылығын жаңа деңгейге көтеру, көлік-логистиканы одан әрі дамыту. Сондай-ақ, тұрғын үй-коммуналдық шаруашылығы мен су инфрақұрылымын жаңғырту мәселелерін шешу де кезек күттірмейді. Мемлекет басшысы атап өткендей, экономиканы цифрлық дамытуға жан-жақты үлес қосу – жаңа дәуір жүктеген міндеттер.Аймақ басшысы Жолдауда белгіленген жеті бағыт бойынша атқарылған жұмыстар, қолға алынған бастамалар туралы айтты.Фото: Қызылорда облысы әкімінің баспасөз қызметі

Аймақ басшысы Қазақстан Республикасы Президентінің кеңесшісімен кездесті

<a href="https://kyzylorda-news.kz/">Kyzylorda-news.kz</a>&nbsp; 2021 жылдан бастап Қазақстан азаматтары өздерінің зейнетақы жинақтарының бір бөлігін жеке басқарушы компанияларға (ИПБ) сенімгерлік басқаруға беру мүмкіндігіне ие болды. Бұл құрал зейнетақы қаражатын инвестициялау стратегиясын өз бетінше таңдауға, олардың кірістілігін арттыруға және тәуекелдерді әртараптандыруға мүмкіндік береді.Толығырақ Fingramota.kz-пен бірге қарастырайық.Сенімгерлік басқару жүйесі қалай жұмыс істейдіБүгінгі күні Бірыңғай жинақтаушы зейнетақы қоры (БЖЗҚ) салымшыларының зейнетақы активтері Қазақстан Республикасы Ұлттық Банкінің басқаруында. Алайда, салымшының өтініші бойынша қаражаттың бір бөлігі лицензияланған басқарушы компанияның басқаруына берілуі мүмкін.Мұндай басқару БЖЗҚ мен басқарушы компания арасындағы арнайы шарт негізінде, сондай-ақ активтерді сақтауға жауапты кастодиан-банкпен кастодиандық шарт болған кезде жүзеге асырылады.Қаражатты беру бірнеше шарттар сақталған жағдайда мүмкін болады:салымшы басқарушы компанияны таңдау немесе өзгерту туралы жазбаша өтініш береді;зейнетақы активтерін сенімгерлік басқару туралы қолданыстағы шарттың болуы;берілетін жинақтау көлемі жеке зейнетақы шотындағы (ЖЗШ) соманың 50%-нан аспайды;өтініш жылына бір реттен артық берілмейді;басқарушы компания қаржы нарығын реттеушінің барлық талаптарына сай болуға тиіс.Егер салымшыда зейнетақы аннуитеті шарты жасалған болса, ол өзінің барлық зейнетақы жинақтарын сенімгерлік басқаруға бере алады.БЖЗҚ өтінішті қарайды және құжаттардың толық топтамасы болған жағдайда қаражатты күнтізбелік 30 күн ішінде береді. Деректер толық болмаған жағдайда қор 5 жұмыс күні ішінде бас тарту туралы хабарлауға міндетті.Маңызды: басқарушы компанияның алынған зейнетақы активтерін үшінші тұлғаларға басқаруға беруге құқығы жоқ.Зейнетақы активтерін қандай компаниялар басқарады2025 жылғы 1 қыркүйектегі жағдай бойынша Қазақстанда инвестициялық портфельді басқаратын бес компания жұмыс істейді:• &nbsp; &nbsp;«Alatau City Invest» АҚ• &nbsp; &nbsp;«BCC Invest» АҚ (Банка ЦентрКредит еншілес компаниясы)• &nbsp; &nbsp;«Halyk Global Markets» АҚ (Қазақстан Халық Банкінің еншілес қоғамы)• &nbsp; &nbsp;«Halyk Finance» АҚ• &nbsp; &nbsp;«Сентрас Секьюритиз» АҚҚаражатты басқаруға беру тәртібі туралы толық нұсқаулықпен БЖЗҚ-ның сайтындағы жадынамада танысуға болады: https://www.enpf.kz/ru/services/Invest/21669/.2026 жылдан бастап енгізілетін жаңа қағидалар мен өзгерістерҚазақстан Республикасының Қаржы нарығын реттеу және дамыту агенттігі басқарушы компаниялардың жұмысын бағалау жүйесіне маңызды өзгерістер енгізетін 2025 жылғы 16 қазандағы № 67 қаулыны бекітті.2026 жылғы 1 қаңтардан бастап олардың қызметінің тиімділігі қазақстандық қор нарығын да, әлемдік қаржы алаңдарын да ескеретін композиттік индекстер (бенчмаркалар) бойынша бағаланатын болады.Бұл басқару нәтижелерін объективті өлшеуге және жаһандық экономикалық үрдістерді ескеруге мүмкіндік береді.Сонымен қатар, басқарушы компаниялар консервативтіден тәуекелдіге дейін әр түрлі инвестициялық стратегияларды ұсына алады. Бұл салымшыларға мақсаттарына, жасына және тәуекелге дайындық деңгейіне байланысты қолайлы нұсқаны таңдауға мүмкіндік береді.Сондай-ақ инвестициялауға арналған құралдар тізімі кеңейтілді және шетел валютасындағы инвестиция лимиттері ұлғайтылды. Бұл басқарудың икемділігін арттырады және портфельді әртараптандыруға мүмкіндік береді.Қабылданған шаралар зейнетақыны инвестициялау жүйесін айтарлықтай икемді, ашық және табысты етуге бағытталған.Нәтижесінде:• &nbsp; &nbsp;зейнетақы активтерінің ұзақ мерзімді кірістілігінің өсуі;• &nbsp; &nbsp;басқарушы компаниялар арасындағы бәсекелестіктің күшеюі; &nbsp;• &nbsp; &nbsp;азаматтардың қаражатын басқарудағы ашықтықтың артуы;• &nbsp; &nbsp;инвестициялау стратегиялары мен құралдары түрінің көбеюі күтіледі.Салымшылар нені білуі керек1. &nbsp; &nbsp;Жинақтарды бермес бұрын таңдалған басқарушы компанияның рейтингі мен стратегиясын зерделеңіз.2. &nbsp; &nbsp;Қаржы нарығын реттеу және дамыту агенттігінің сайтында лицензиясының бар-жоғын тексеріңіз.3. &nbsp; &nbsp;Компанияның кірістілік тарихымен және оның инвестициялық портфелінің құрамымен танысыңыз.4. &nbsp; &nbsp;Қаражатты аударуға қатысты барлық құжаттарды сақтаңыз.5. &nbsp; &nbsp;Есіңізде болсын, қаражат беру туралы шешімді жылына бір реттен артық қабылдауға болмайды.<img src="https://knadmin.beoblood.kz/uploads/26_05_infografika_kaz_6_4822a79cb3.png" alt="26.05 инфографика каз-6.png">Қолжетімді стратегияларды зерделеңіз және мақсаттарыңызға сәйкес келетін басқаруды таңдаңыз және қаржылық сауаттылығыңызды Fingramota.kz-пен бірге арттырыңыз!Фото: fingramota.kz

Қазақстандықтар зейнетақы жинақтарын жеке компанияларға басқаруға қалай бере алады?

<a href="https://kyzylorda-news.kz/">Kyzylorda-news.kz</a> Сырдария ауданы әкімдігі және Сырдария аудандық қоғамдық даму бөлімінің әлеуметтік жобасы аясында «Сырдария-Нұрдария» қоғамдық қорының ұйымдастыруымен сыбайлас жемқорлыққа мүлдем төзбеушілік қағидатын қалыптастыру бойынша аудандық форум өткізілді.Форумға, Сырдария ауданы әкімінің орынбасары Т.Нұртазаев, Сырдария ауданы прокуратурасының прокуроры А.Жұмашев, Сырдария ауданы полиция бөлімі бастығының жеке құраммен жұмыс жөніндегі орынбасары А.Толеуов, “АМАНАТ” партиясы аудандық филиалының Атқарушы хатшысы Ақтөре Ибрагимұлы, аудан әкімі аппаратының мемлекеттік-құқықтық жұмыстар бөлімінің басшысы Е.Зұлқарнаев, «Сырдария – Нұрдария» қоғамдық қорының төрағасы М.Омаров, Сырдария аудандық ауылшаруашылығы және жер қатынастары бөлімінің бас маманы Р.Жамит және мемлекеттік мекемелер мен уәкілетті органдардың және құқық қорғау органдарының басшылары мен жауапты қызметкерлері, кент және ауылдық округтердің осы салаға жауапты мамандары (оның ішінде квазимемлекеттік сектор) қатысты.Аудан әкімінің орынбасары Т.Нұртазаев күн тәртібіндегі мәселені кеңінен түсіндіріп, сыбайлас жемқорлыққа қарсы жаппай күресу қажеттігін атап өтті.Қатысушыларға сыбайлас жемқорлық қылмысының салдары және оның жауапкершілігі қатаң екендігі туралы түрлі бейне роликтер көрсетілді.Күн тәртібіндегі мәселе бойынша мемлекеттік-құқықтық жұмыстар бөлімінің басшысы Е.Зұлқарнаев, «Сырдария – Нұрдария» қоғамдық қорының төрағасы М.Омаров, Сырдария аудандық ауылшаруашылығы және жер қатынастары бөлімінің бас маманы Р.Жамит түсіндірме жасады.Форум соңында сыбайлас жемқорлыққа қарсы қоғамдық мәдениетті қалыптастыру мақсатында құзырлы және мемлекеттік органның өкілдері аудан әкімінің алғыс хатымен марапатталса, «Сырдария Нұрдария» қоғамдық қорының алғыс хатымен «Сыбайлас жемқорлықсыз қоғам құру – әр азаматтың басты парызы» тақырыбында өткізілген мақалалар байқау қорытындысының жеңімпаздары марапатталды.Кездесу соңында аудан әкімінің орынбасары Т.Нұртазаев аудан әкімдігіне қарасты мемлекеттік органдарға бірқатар тапсырмалар жүктеп, сыбайлас жемқорлыққа қарсы күресті жалғыз құқық қорғау органдары, мемлекеттік органдар, квазимемлекеттік сектор субъектілері мен ұйымдар ғана емес бұл індетпен күресуді жалпы қоғам болып жүргізу қажет екендігін барша қатысушыларға жеткізді.Сонымен қатар жұмыс барысында қолданыстағы заңнамаларды қатаң сақтап, заңдылықтың бұзылуына жол бермеу мақсатында тиісті шараларды қабылдау қажеттігі тапсырылды.

Сырдарияда аудандық форум өткізілді 

<a href="https://kyzylorda-news.kz/">Kyzylorda-news.kz</a> Жол қозғалысы қауіпсіздігін қамтамасыз ету, жол-көлік оқиғаларын болдырмау, жол қозғалысы ережелерін өрескел бұзу деректерінің алдын алу мақсатында Қызылорда облысы көлемінде «Қауіпсіз жол» жедел-профилактикалық іс-шарасы өтуде.Жедел алдын алу шарасы аясында жол-көлік оқиғаларының артуына септігін тигізетін жол қозғалысы ережелерін өрескел бұзу жағдайларын анықтау, автокөлік жүргізушілерінің жаяу жүргіншілерге жол бермеу деректерінің алдын алу, профилактикалық бағыттағы жұмыстарды барынша жандандыруға және жолын кесуге бағытталған бірқатар рейдтік және алдын алу шаралары өткізілуде.Іс-шара басталғалы облыс көлемінде мыңнан астам &nbsp;әкімшілік құқық бұзушылық анықталды.Көлік құралын басқару құқығынан айырылған 5 жүргізуші, көлік құралын алкогольдік масаң күйде басқарған 7 жүргізуші анықталып, тиісті жауапкершілікке тартылды.Қарама-қарсы бағытқа шығудың 8 дерегі, жаяу жүргіншіге жол бермеудің 115, қауіпсіздік белдіктерін тақпай көлік құралын басқарудың 155, бағдаршамның тыйым салынған түсіне өтудің 15 дерегі анықталды.<blockquote>– Жол қозғалысының барлық қатысушыларынан қауіпсіздік ережелерін мүлтіксіз орындауды, заңды сақтауды сұраймын. Қарапайым ережелерді сақтау жолдардағы төтенше жағдайлардың алдын алуға көмектеседі. Әрдайым естеріңізде болсын, Сіздің және айналаңыздағы адамдардың қауіпсіздігі жолдағы тәртіпке байланысты, – деп атап өтті Қызылорда облысы Полиция департаментінің бастығы полиция полковнигі С.Ергешов.</blockquote><img src="https://knadmin.beoblood.kz/uploads/auipsiz_zhol_c601a9649c.jpeg" alt="Қауіпсіз жол.jpeg">

«Қауіпсіз жол» жедел-профилактикалық іс-шарасы барысында құқық бұзушылық фактілері анықталды

<a href="https://kyzylorda-news.kz/">Kyzylorda-news.kz</a> Арал ауданына Қызылорда облысы әкімі аппаратының әдеп жөніндегі уәкілі Бағдат Әбдіқадыр және Қазақстан Республикасындағы Адам құқықтары жөніндегі уәкілдің Қызылорда облысы бойынша өкілі Берікбол Байхожаевтар арнайы келіп, мемлекеттік қызметшілермен көшпелі семинар өткізді.&nbsp;Алдымен аудан әкімдігінің мәжіліс залында аудан әкімі аппаратының басшысы С.Раиымбетовтың төрағалығымен кездесу өтіп, мемлекеттік қызметшілердің адамгершілігіне, этикасына және моральдық бейнесіне қойылатын талаптар төңірегінде, әдеп нормаларына байланысты толыққанды түсініктеме берілді.Жиында алдымен ҚР Адам құқықтары жөніндегі уәкілдің Қызылорда облысы бойынша өкілі Б.Байхожаев ел азаматтарыңының құықтары мен бостандығы және қоғамдағы құқықтық негізін айқындайтын маңызды ұғымдар жайында баяндама жасады.&nbsp;Мұнан соң мемлекеттік қызметшінің негізгі әдеп нормалары мен қызметтік тәртібі төңірегінде Қызылорда облысы әкімі аппаратының Әдеп жөніндегі уәкілі Б.Әбдіқадыр хабарлама жасады.Бағдат Нажмедденұлы Қазақстан Республикасының Заңдары мен Әдеп кодексінің талаптарын бұлжытпай орындауды, қызметтік тәртіпті қатаң сақтауды, қызметтен тыс уақытта жалпы қабылданған әдептілік нормаларды ұстануға, барынша қарапайым болуға, қызмет барысында қоғаммен байланыс жасауда кішіпейілдік танытып, әрбір тапсырмаға жауапкершілікпен қараудың маңыздылығына кеңінен тоқталып, мемлекеттік қызметшілерге толыққанды түсініктеме берді.Көшпелі семинар мұнан әрі «Қамбаш» олимпиадалар және қосымша білім беру орталығында жалғасып, мемлекеттік қызметшілердің кәсіби әдеп нормаларын сақтау, сыбайлас жемқорлықтың алдын алу, азаматтармен тиімді қарым-қатынас орнату, сондай-ақ адам құқықтарын қорғау бағытындағы негізгі міндеттер жан-жақты түсіндірілді.Жиынға ауылдық округтердің мемлекеттік қызметшілері қатысып, өздерін қызықтырған сұрақтарын қойып, тәжірибе алмасу мүмкіндігіне ие болды.Іс-шара мемлекеттік қызмет сапасын арттыруға және қызметкерлердің құқықтық мәдениетін нығайтуға бағытталды.

Мемлекеттік қызметшілердің кәсіби әдеп нормаларын сақтау жөнінде кездесу өтті

<a href="https://kyzylorda-news.kz/">Kyzylorda-news.kz</a> «AMANAT» партиясы Жалағаш аудандық филиалының «Дарын» бастауыш партия ұйымының ұйымдастыруымен, партияның «Ұлттық мұра» жобасы аясында «Әке көрген оқ жонар, ана көрген тон пішер» атты қолөнер туындылары байқауы өтті.Шараның негізгі мақсаты — ұлттық өнерді насихаттап, жас буынды ата-бабамыздан қалған мұраға құрметпен қарауға баулу, шығармашылыққа баулу, өнерге деген ынтасын арттыру.<img src="https://knadmin.beoblood.kz/uploads/Amanat_ol_ner_baj_auy_2_ffbadf0578.jpg" alt="Аманат қолөнер байқауы 2.jpg">Байқау басталар алдында қатысушылардың қолынан шыққан туындылардан арнайы көрме ұйымдастырылып, келген қонақтар мен қазылар алқасы туындылармен танысты. Қатысушылар өз қолөнер жұмыстарын түрлі материалдар — мата, киіз, жүн, ағаш, жіп, қағаз, сазбалшық т.б. арқылы жасап, көпшіліктің назарына ұсынды.Байқау 5 кезең бойынша өтті. Әр кезеңде қатысушылардың шығармашылық шеберлігі, қолданған материалы, ұлттық нақышты жеткізе білуі және жұмысқа деген жауапкершілігі сарапқа салынды.<img src="https://knadmin.beoblood.kz/uploads/Amanat_ol_ner_baj_auy_3_bd30ef90ea.jpg" alt="Аманат қолөнер байқауы 3.jpg">Нәтижесінде №246 мектептің мұғалімі Ғалымжан Абатұлы 1-орынды, №123 мектеп мұғалімі Гүлжайна Ақтау 2-орын, №202 мектептің мұғалімі Ботагөз Есенова 3-орынды иеленді.Сондай-ақ, «Баба мұрасын жалғастырушы» және «Ұлт рухын ұлықтаған ұстаз» номинациялары бойынша &nbsp;№201 мектеп Жомартов Алтынбай мен №201 мектеп Сейтқасымова Гүлдана арнайы марапаттарға ие болды.<img src="https://knadmin.beoblood.kz/uploads/Amanat_ol_ner_baj_auy_5_325100be6c.jpg" alt="Аманат қолөнер байқауы 5.jpg">Іс-шара соңында жеңімпаздар мен шараның өтуіне атсалысқан қатысушыларға партияның облыстық және аудандық филиалдары алғыс хаттары табысталып, естелік сыйлықтар берілді.Бұл байқау — жастарды ұлттық өнерге баулып, мәдени мұрамызды ұлықтауға бағытталған тәрбиелік мәні зор бастама болды.<img src="https://knadmin.beoblood.kz/uploads/Amanat_ol_ner_baj_auy_4_8031d52e69.jpg" alt="Аманат қолөнер байқауы 4.jpg">

Ұлтық мұра: Қолөнер шеберлері сынға түсті

<a href="https://kyzylorda-news.kz/">Kyzylorda-news.kz</a> Тасбөгет кентіндегі Еркін Әуелбеков атындағы мамандандырылған мектеп-лицей-интернатының алаңында мемлекет және қоғам қайраткері, Социалистік Еңбек Ері Еркін Әуелбековтің туғанына 95 жыл толуына орай еске алу жиыны өтті. Ел есінде өшпес өнегесімен қалған біртуар тұлғаның рухына жасалған бұл тағзым төрінен Сыр жұртшылығының құрметі мен ыстық ықыласы айқын сезілді.2015 жылы мектеп ауласында еңсесі биік ескерткіші бой көтеріп, 2017 жылы білім ордасына қайраткердің есімі берілген еді. Бұл шаңырақ ұлт жанашырының өмір жолын ұрпақ санасына сіңіріп келе жатқан рухани орталыққа айналды.Жиынға еліміздің бірнеше өңірінен арнайы келген ардагерлер кеңесінің төрағалары, қоғам қайраткерлері, замандастары мен әріптестері қатысты.&nbsp;<img src="https://knadmin.beoblood.kz/uploads/Erkin_uelbekov_eske_alu_zhiyny_4d47390158.jpg" alt="Еркін Әуелбеков еске алу жиыны.jpg">Салтанатты жиын барысында Еркін Әуелбековтің еңселі ескерткішіне Қызылорда облысы әкімі және Сыр жұртшылығы атынан гүл шоқтары қойылды.&nbsp;Еркін Нұржанұлы Әуелбеков - ел басқарудың ең биік мінберлерінде жүрсе де, қарапайым халқына қамқор бола білген, әділдігімен, еңбекқорлығымен дараланған ерекше болмыс иесі. Оның өмір жолы - бүгінгі ұрпаққа үлгі, ертеңгі күнге өнеге боларлық тағылымды мектеп.<img src="https://knadmin.beoblood.kz/uploads/Erkin_uelbekov_eske_alu_zhiyny_3_6e2dc9a0fe.jpg" alt="Еркін Әуелбеков еске алу жиыны 3.jpg">

Архив