<a href="https://kyzylorda-news.kz/">Kyzylorda-news.kz</a> &nbsp;Қызылорда облыстық Славяне этномәдени орталығының ұйымдастыруымен Достық үйінде әдеби-танымдық кеш өтті.Шараға арнайы шақырылған қонақтардың қатарында Ресей ынтымақтастығы өкілдігінің Қазақстан Республикасындағы жетекшісі &nbsp;Алматыдағы Орыс үйінің басшысы, консул Мария Симакова, облыстық қоғамдық даму басқармасының ҚХА Хатшылығы этносаралық қатынастар мәселелері жөніндегі бөлімінің басшысы Ерлан Сисенбиев, «Қоғамдық келісім» КММ директоры Бақытжан Камалов және этномәдени бірлестіктер мен мәдениет саласының өкілдері болды.Кеш аясында А.С.Пушкин атындағы кітапхананың көркем әдебиеттер көрмесі ұсынылып, И.А.Крыловтың өмірі мен шығармашылығына арналған бейнематериалдар көрсетілді. Қатысушылар оның басняларындағы адам мінезін әжуалау, тәрбиелік идеялар мен көркемдік ерекшеліктер туралы тың деректер алды.Оқушылар «Ворона и Лисица», «Квартет», «Лебедь, Рак и Щука», «Стрекоза и Муравей» сынды танымал басняларды театрландырылған көрініс ретінде сахналап, әр шығарманың мәнін қазіргі заманмен ұштастыра білді. Викториналар, «Қара жәшік» ойыны, «әдеби мәзір» және музыкалық нөмірлер кештің көркін аша түсті.Шара соңында қонақтар И.А. Крыловтың даналыққа толы мұрасы – адамгершілікке, еңбекқорлыққа, ізгілікке үндейтін нағыз рухани қазына екенін атап өтті.

Әдеби кеш өтті

<a href="https://kyzylorda-news.kz/">Kyzylorda-news.kz</a> &nbsp;Қызылорда облысындағы кәсіпорындарда айлық аудит жұмыстары жүргізілді.Атап айтқанда, «Тағам», «Mimar», «Арафат», «Salam bro», «Buffet city», «Nauat» дәмханалары, «Камшат» кондитерлік цехы, «Guzi» жартылай дайындалған ет өнімдерінің цехы, «Рза» АҚ-ның сүт және нан өнімдерін өңдіру цехтары, күріш ақтау зауыты тексерілді. Түрлі кезеңдегі аудит жұмыстарын «Халал Даму» технологтары Гүлмира Маратқызы мен Перизат Шарапатова орындады.Тексеру барысында өндіріс орындарының тазалық деңгейі, шикізат пен дайын өнімнің сақталу шарттары, сондай-ақ халал стандарттарының сақталуы мұқият қаралды.Әр кәсіпорында тағам дайындау процесі толықтай зерттеліп, қолданылатын қоспалар мен ингредиенттердің шариғат талаптарына сәйкестігі тексерілді.Сонымен қатар, қызметкерлерге халал стандарттары мен гигиеналық талаптар бойынша түсіндірме жұмыстары жүргізілді.Аудит қорытындысы бойынша анықталған кемшіліктер бойынша тиісті ескертпелер беріліп, оларды жоюға уақыт белгіленді. Жалпы алғанда, кәсіпорындардың басым бөлігі халал талаптарын сақтау бағытында жүйелі жұмыс жүргізіп келеді.Фото: ҚМДБ-ның Қызылорда облысы бойынша өкілдігінің баспасөз қызметі

Қызылордадағы кәсіпорындарда аудит

<a href="https://kyzylorda-news.kz/">Kyzylorda-news.kz</a> Жиынның күн тәртібінде екі елдің сауда-экономика, көлік-транзит, су-энергетика және мәдени-гуманитарлық салалардағы ынтымақтастық мәселелері қарастырылды.Мемлекет басшысы қонақжайлығы үшін Президент Шавкат Мирзиёевке ризашылығын білдіріп, сапарының басты мақсаты – қос халықтың достығын нығайтып, тату көршілік байланыстарын күшейту, сондай-ақ түрлі саладағы өзара тиімді ықпалдастықты дамыту екеніне назар аударды.<blockquote>– Құрметті Шавкат Миромонович, Өзіңіздің қажырлы еңбегіңіздің арқасында еліңізде көптеген оң өзгеріс болып жатыр. Халықтың әл-ауқатын жақсартуды көздейтін маңызды бастамалар қолға алынды. Өзбекстан – біз үшін туыстас, ағайын ел, тату көрші әрі сенімді серіктес. Қос ел арасындағы достықтың тамыры терең, халықтарымыздың рухани құндылықтары ортақ деуге болады. Қазақ-өзбек қарым-қатынасы стратегиялық серіктестік және одақтастық рухында қарқынды дамып келе жатыр, – деді Мемлекет басшысы.</blockquote>Қасым-Жомарт Тоқаев халықаралық ахуал аумалы-төкпелі кезеңде сан қырлы ықпалдастықтың даму қарқынын арттыру қажет екенін атап өтті.<a href="http://t.me/aqorda_resmi?fbclid=IwZXh0bgNhZW0CMTAAYnJpZBExRm5yZDlzVGFwb3RpRWNObnNydGMGYXBwX2lkEDIyMjAzOTE3ODgyMDA4OTIIY2FsbHNpdGUBMgABHsEQ3SAHbbfpEpHRl9suYfTfqzJiXAiO3A4HMe7z1ftWCboP1a7fEzIyVkEA_aem_hznb2cyPW3vWPgwsFqN3Sg">t.me/aqorda_resmi</a>

Қазақстан мен Өзбекстан президенттері Жоғары мемлекетаралық кеңестің екінші отырысына қатысты

<a href="https://kyzylorda-news.kz/">Kyzylorda-news.kz</a> Қазақстан Республикасы Президентінің "Әкімдердің халықпен кездесулерін өткізу туралы" №826 жарлығына сәйкес аудан әкімі Берік Сәрменбаевтың ІІ жартыжылдықтағы есепті кездесулері Бесарық, Қоғалыкөл, Шіркейлі ауылдарында өтті.Кездесулерге "AMANAT" партиясы аудандық филиалының Атқарушы хатшысы Ақтөре Ибрагимұлы, аудандық мәслихат депутаттары, дербес бөлім мен коммуналдық сала басшылары қатысты.Жиын барысында аудан әкімі аймақ бойынша жаңалықтармен бөлісіп, аудан бойынша атқарылған жұмыстарға тоқталды.<blockquote>– 2022 жылдан бастап Мемлекет басшысы Қасым-Жомарт Кемелұлы Тоқаевтың тапсырмасымен, Үкіметтің және аймақ басшысы Нұрлыбек Машбекұлы Нәлібаевтың қолдауымен аймағымызда халыққа қажетті 200-ге жуық әлеуметтік нысандар салынып, тұрғындарымыздың игілігіне берілді. 1 600 шақырым автомобиль жолдары мен 30 көпір өткелін салуға, күрделі жөндеуден өткізуге 144 млрд. 775 млн. теңге бөлінді. Биыл облыста жақсы жағдайдағы жолдардың үлесі 95 пайызға жетті. Қызылорда қаласында 270 көше қайта жаңғыртылды. Қызылорда-Жезқазған жолының бізге тиесілі 191 шақырымы бүгінде толық асфальттанды, енді жол белгілері мен инфрақұрылымы реттелу үстінде. Келер жылы толығымен пайдалануға берілмек. Биыл барлық елді мекендер 100 пайыз орталықтандырылған сапалы ауыз сумен қамтамасыз етілді. 2021 жылдың соңында газдандыру деңгейі 67 пайызды құраса, бүгінде бұл көрсеткіш өңірде 83 пайызға жетті. Биыл газдандыру жобаларына 6 млрд. 100 млн. теңге қаржы бөлінген. 2022-2024 жылдары тұрғын үй кезегінде тұрған азаматтарға 5 мыңнан аса пәтер табысталды. Биыл 3 600 пәтерлі тұрғын үй салуға бюджеттен 58 млрд. 785 млн. теңге бөлінді. Айтулы инвестжоба санатында «Акса Энерджи» түрік инвесторымен 215 млрд. теңгеге қуаттылығы 240 мегаватты құрайтын жаңа жылу электр орталығы салынды. Қызылорданы ыстық сумен қамтамасыз ету мәселесі оң шешімін тапты. Жыл соңына дейін облыс орталығындағы көпқабатты үйлер ыстық сумен қамтамасыз етіледі, – деді Берік Әбдіғаппарұлы.</blockquote>Биыл Бесарық ауылында кіреберіс 2 шақырым жол түнгі жарықпен қамтылса, Қоғалыкөл ауылында Ә.Тілеулиев, М.Шоқай, С.Майқанова, Ы.Алтынсарин көшелері күрделі жөндеуден өтті. Сондай-ақ, Шіркейлі елді мекенінде Ж.Нұрсейітов, Б.Жақыпов көшелері күрделі жөнделіп, шағын футбол алаңы пайдалануға берілді.Аудан басшысы аталған елді мекен тұрғындарының ұсыныс-пікірлерін тыңдап, тұрғындарға жеке мәселелері бойынша қабылдау жүргізді. Тиісті сала басшыларына тапсырмалар берді.Фото: Сырдария ауданы әкімінің баспасөз қызметі

Сырдария: Бесарық, Қоғалыкөл және Шіркейлі ауылдарында есепті кездесулер өтті

<a href="https://kyzylorda-news.kz/">Kyzylorda-news.kz</a> Белгілі әнші Мақпал Жүнісова әлеуметтік желіде үндеу жасап, танымал продюсер Баян Мақсатқызы мен оның жұбайы Тұрсын Алагөзовтен қазақ өнерінде өзіндік із қалдырған, марқұм Арман Дүйсеновтің отбасына көмектесуін өтінді, деп хабарлайды&nbsp;<a href="https://qaz365.kz/show-business/15856-baianzhan-sagan-senemiz-makpal-zhunisova-tanymal-prodiuserden-arman-duisenovtin-otbasyna-baspana-alyp-beruin-surady/">Qaz365.kz.</a><blockquote>“Желіде марқұм Арман Дүйсенов бауырымыздың жары Айсұлу ханымның «баспанам жоқ, далада қалдық» деп жағдайы туралы айтқаны желдей есіп тұр. Мұның бәрі біздің жүрегімізге батады. Мен миллионердің әйелі емеспін. Бай болсам, сол пәтерді өзім-ақ алып берер едім. Менде артық ақша деген болмайды. Әндетіп жүріп, концерт беріп тапқан табысымды өз отбасыма, анама, бауырларыма жұмсаймын”, – дейді әнші.</blockquote>Мақпал Жүнісова Арманның отбасының жағдайын естіген соң, Алматы қаласының әкімдігінде істейтін азаматтармен сөйлескенін айтты.<blockquote>“Қалай көмектесуге болатынын сұрадым. Бұрын әкімдіктің балансында пәтерлер болатын. Зәкең әкім болып тұрған кезінде Шерхан Мұртаза ағамыз келіп, телерадио корпорацияда істейтін, баспанасы болмай, 20-30 жылдап пәтер жалдап жүрген қызметкерлеріне 60 пәтер алып кеткенін естіген едім. Олжас Сұлейменов ағамыз да ақын-жазушыларға 20 пәтер бөлгізген екен. Өкінішке орай, қазір қалалық әкімдіктің қолында мұндай мүмкіндіктер жоқ екен”, – деді Мақпал ханым.</blockquote>Танымал әнші Арман Дүйсеновтің отбасының басына түскен қиындықтан құтқарар бір адамның бар екенін де жасырмады.<blockquote>“Ендігі менің сенетін бір адамым бар, ол – Баян Мақсатқызы. Өйткені Баянның жұбайы Тұрсын мырза миллионер, тіпті миллиардер деп айтар едім. Марқұм Арман бауырымыз, бір жағынан, Баянның жерлесі, Оралдың азаматы, екінші жағынан, көзінің тірі кезінде Баянның бірқатар жобаларына қатысып, мықты-мықты әндерін жазып, оранжировка жасап, тығыз шығармашылық байланыста, жақсы сыйластықта болған еді. Баянжан, өзіңе сенеміз. Жолдасыңмен ақылдасып, Арманның артында қалған отбасының баспана мәселесін шешіп береді деп сенгім келеді”, – деді әнші.</blockquote>Сондай-ақ екі концертімнің ақшасын өзімнің үлесім ретінде қосуға уәде еткен Мақпал Жүнісова басқа әншілер үшін жауап бере алмайтынын жеткізді.&nbsp; &nbsp;Коллаж: Qaz365.kz

«Баянжан, саған сенеміз»: Мақпал Жүнісова танымал продюсерден Арман Дүйсеновтің отбасына көмектесуін өтінді

<a href="https://kyzylorda-news.kz/">Kyzylorda-news.kz</a> Салтанатты сәтке куә болу және сарбаздарды қолдау үшін Құрлық әскерлерінің басшылығы, құрметті қонақтар, Қарулы күштердің ардагерлері, астаналық қорғаныс істері жөніндегі департаментінің өкілдері және жас сарбаздардың туған-туыстары келді, деп хабарлады <a href="https://kaz.inform.kz/news/astanada-200-den-asa-sarbaz-otanga-adal-boluga-ant-berd-53ac88/">kaz.inform.kz</a>Дәстүр бойынша «Отан Ана» монументіне гүл шоқтары қойылып, қатысушылар қазақ сарбаздарының ерлігін бір минут үнсіздікпен еске алды.Салтанатты шарада әскер қатарына енді қосылған жас өрендерді Құрлық әскерлері бас штабының бастығы — бас қолбасшының бірінші орынбасары генерал-майор Қуанышбек Үштаев құттықтады.<blockquote>–&nbsp;Бүгінгі күн сендер үшін де, бүкіл мемлекет үшін ерекше күн. Сендер Отан алдында ант беріп, халқымыздың тыныштығы мен қауіпсіздігін қорғауға үлкен қадам жасадыңдар. Ант&nbsp;– жай сөз емес, бұл әрбір ер&nbsp;азаматтың өмірлік принципі, абыройы мен қадір-қасиеті. Қызмет сендерге берік тәрбие және болашақ жетістіктердің бастауы болады деп сенемін,&nbsp;– деді ол.</blockquote>Айта кетейік, жас сарбаздар астаналық бригадаға еліміздің әртүрлі өңірінен келген. Солардың бірі – Түркістан облысынан келген Ернұр Досымхан – әскерге өз еркімен шақырылғанын айтты.<blockquote>–&nbsp;Мен көпбалалы отбасында өскенмін. Он&nbsp;үш бауырым бар. Әрине, оларды сағындым, дегенмен әскери тәжірибе менің болашақ өмірімде қажет болады деп білемін. Мен үлкен отбасыма тірек болуым керек. Біз ант қабылдауға барынша дайындалдық. Жас жауынгер курсында көп нәрсе үйрендім және әскердің тыныс-тіршілігіне етім үйреніп қалды,&nbsp;– деді ол.</blockquote>Сонымен қатар салтанатты шарада 68665 әскери бөлімнің екі офицеріне&nbsp;– капитан Сұңғат Қабдыровқа және аға лейтенант Ернар Кенжебайға Қарулы күштердің ардагері генерал-майор Әлихан Жарболов мерейтойлы медалін тапсырды.Ант қабылдағаннан кейін сарбаздар алаң арқылы салтанатты марш жасап өтті. Содан кейін олар әскери-патриоттық әндерді орындады. Іс-шара қоян-қолтық ұрыс элементтерінің көрсетілімі және құрмет қарауыл ротасының әскери дефиле көрсетуімен аяқталды.Фото: Қорғаныс министрлігі

Архив

Әдеби кеш өтті

Қызылордадағы кәсіпорындарда аудит

Қазақстан мен Өзбекстан президенттері Жоғары мемлекетаралық кеңестің екінші отырысына қатысты

Сырдария: Бесарық, Қоғалыкөл және Шіркейлі ауылдарында есепті кездесулер өтті

«Баянжан, саған сенеміз»: Мақпал Жүнісова танымал продюсерден Арман Дүйсеновтің отбасына көмектесуін өтінді

Астанада 200-ден аса сарбаз Отанға адал болуға ант берді