“AMANAT” партиясы алаңында облыстық жұмыспен қамтуды үйлестіру және әлеуметтік бағдарламалар басқармасына қарасты Отбасын қолдау орталықтары мамандарымен «Қарызсыз қоғам» жобасы шеңберінде азаматтарға қолдау көрсетуге бағытталған пилоттық жоба механизмдері талқыланды.<blockquote>Атап өту керек, жалпы пилоттық жоба Қарағанды өңірінде бастау алып, өз нәтижесін көрсетті. Бүгінгі күні тағы бірқатар өңірлер бастап жатыр. Бұл әрбір өңір үшін банктер мен микроқаржы ұйымдары алдында 90 күннен астам берешегі бар азаматтарға тікелей нақты қолдау көрсетуге үлкен көмек, - дейді «Қарызсыз қоғам» партиялық жобасының Қызылорда облысы бойынша өкілі Балдырған Мамен. &nbsp;</blockquote>Бүгінгі күні азаматтарды оқыту тек онлайн түрде жүргізілуде. Мәселесі бар азаматтармен сөйлесу, оларға жан-жақты кеңес беру бағытында көптеген қиындар кездесуде. Мысалы қаржы ұйымдары мен отбасын қолдау орталықтары мамандары өз жеке телефондары арқылы қиындыққа тап болған азаматтарға хабарласқанда қоғамда болып жатқан алаяқтық фактілерге орай олар мамандарына нақты сенбейді. Екіншіден, қанша мыңдаған адамға қоңырау шалып отыру ол мамандарға да шығын. &nbsp;Онан қалды WhatsApp мессенджері арқылы күні -түні мазалау, сонымен қатар көрсетілген көмектерді кейбір азаматтардың мойындамауы сынды мәселелер кездесеті. Яғни бір азамат бірнеше көмек түрлерін алып мәселесі шешілсе де, тізімде сақталып тұра беру сынды проблемалар кезігуде. Ал осы пилоттық жоба механизімі БИТРИКС бағдарламасы арқылы жүргізетін болсақ, бұл ең біріншіден тек тікелей өзіміздің өңір азаматтарына қолдау көрсетуге және мәселесі шешілген соң оларды тізімінен айырып отыруға, сонымен қатар азаматтарға көрсетілген көмектердің осы базада сақталуына ықпал етеді.Жиынға облыстық барлық аудандарындағы отбасын қолдау орталықтары мамандары онлайн қатысты. Оларға &nbsp;пилоттық жобаның механизмдері жан-жақты таныстырылып, алдағы міндеттер пысықталды.&nbsp;

Пилоттық жоба азаматтардың мәселесін шешуге көмектеседі 

Сол жағалаудағы «Қайсар арена» &nbsp;стадионында Қызылорда қаласының астана болғанына 100 жыл толуына және Қала күніне арналған «Мерейлі мерекеңмен,Қызылорда» атты гала-концерт өтті.&nbsp;Оған Абай облысының әкімі Берік Уәли, Парламент Сенаты мен Мәжілісінің депутаттары, мемлекет және қоғам қайраткерлері, Қазақстанның Еңбек Ерлері, ғалымдар, өнер майталмандары, республиканың барлық өңірінен келген облыстық мәслихат төрағалары арнайы қатысты.Мереке бастауындағы астананы Орынбордан Ақмешітке көшіру және Киргиз АКСР-ның Қазақ АКСР деп өзгертілуі, &nbsp;қалаға Қызылорда атауының берілуі, Ақмешітке қарай бағыт алған «Қызыл паравоз», Алаш арыстарының бейнелері, тарих желісінен сабақталған &nbsp;көріністер сол дәуірді көпшіліктің көз алдына әкелгендей әсер қалдырды. Одан кейін &nbsp;экрандағы көріністер жаңарған, жаңғырған Қызылорданың бүгінгі жасампаз &nbsp;келбетіне ауысты. &nbsp;&nbsp;Аймақ басшысы Нұрлыбек Нәлібаев жұртшылықты мерейлі мерекемен құттықтады.<img src="https://knadmin.beoblood.kz/uploads/FB_IMG_1760767859169_a1bcdb1eeb.jpg" alt="FB_IMG_1760767859169.jpg"><blockquote>«Бір ғасыр бұрын Қазақ Республикасының алғашқы астанасы болған Қызылордада мемлекеттігіміздің негізі қаланды. Сол кезеңде қаламыз еліміздің саяси, мәдени-рухани орталығына айналды. Ұлттық өнер мен ғылымның, білім мен баспасөздің алтын қазығы осында қағылды. Шежірелі шаһарымыздың елдік асыл мұраты, жасампаз жолы қалыптасты. Ұлтымызға «қазақ» атауын қайтарып, азат ел болуды аңсаған асқақ арман орындалды. Тілегі мен мақсаты ортақ Алаш арыстары ұлт мүддесі үшін тәуелсіз ел болуға бірікті. «Отан – елдің анасы, Ел – ердің анасы! Сыр – Алаштың анасы!». Жүз жылда бірнеше кезеңді басынан өткерген Қызылорда бүгінгі күні Президентіміздің ерекше қолдауымен сәулетті де әсем қалаға айналып келеді. Сыр өңірі жасарып-жаңарып, өсіп-өркендеуде. Соңғы үш жылда аймақ экономикасына 1 триллион 600 млрд. теңгеге жуық инвестиция тартылды. Облыс бюджеті 851 млрд. 300 млн. теңгеге жетіп, 2022 жылдан бері 233 пайызға өсті. Бұл қаражат аймағымыздың ең өзекті деген мәселелерін шешуге, тұрғындарымыздың тұрмыс сапасын жақсартуға бағытталды. Ең ғажап қала – ол адамның бақытты болған жері. Баршамызды бақыт құшағына алған Қызылорда – біздің мақтанышымыз. Мерейлі мерекеде дендеріңізге саулық, отбасыларыңызға бақ-береке тілеймін! Егемен еліміздің еңсесі биік, Тәуелсіздігі тұғырлы болғай! Мереке құтты болсын, қадірлі жерлестер!», – деді Нұрлыбек Машбекұлы.</blockquote>Гала концертте эстрада әншілері &nbsp;Ж.Ысқақова, Г.Оразымбетова, М.Сәдуақасова, Ж.Төлебай «Біздің Қызылорда» әнін шырқады. Сондай-ақ, &nbsp;К.Әлімжан, Т.Төрәлі, О.Нұралиев, тағы басқа өнерпаздар көрерменге көтеріңкі көңіл-күй сыйлады.Сахна сәні, би қойылымдары мен бейнероликтер, арнайы дайындалған тақырыптық дрон шоу Қала күнінің мазмұнын байыта түсті. Салтанатты шараның шарықтау шегінде мереке аспанын мың бояулы отшашулар жарқыратты.<img src="https://knadmin.beoblood.kz/uploads/FB_IMG_1760767830939_d53bbcac6e.jpg" alt="FB_IMG_1760767830939.jpg">

"Мерейлі мерекеңмен, Қызылорда!" атты гала-концерт өтті

Облыс әкімі Нұрлыбек Нәлібаевтың қатысуымен Өнер орталығында «Алтын күз-2025» салтанатты шарасы өтті. Оған Абай облысының әкімі Берік Уәли, Парламент Сенаты мен Мәжілісінің депутаттары, мемлекет және қоғам қайраткерлері, Қазақстанның Еңбек Ерлері, ғалымдар, өнер майталмандары, республиканың барлық өңірінен келген облыстық мәслихат төрағалары арнайы қатысты.Аймақ басшысы ауыл шаруашылығында атқарылған жұмыстарға, агросаланың алдағы бағыт-бағдарына тоқталып, қамбаны толтырып, береке мен бірліктің үлгісін көрсеткен диқандарды құттықтады.<img src="https://knadmin.beoblood.kz/uploads/FB_IMG_1760731077186_dc873c19e6.jpg" alt="FB_IMG_1760731077186.jpg">«Президентіміз Қасым-Жомарт Кемелұлы 2025 жылды «Жұмысшы мамандықтары жылы» деп жариялап, «Біз жұмысшы мамандықтарын дәріптеу арқылы қоғамда еңбекқор және нағыз маман болу идеясын насихаттаймыз! Адал әрі табанды еңбегімен табысқа жеткен адамдар қашанда құрметті, сыйлы болуы керек» деген болатын. «Адал адам – Адал еңбек – Адал табыс» қағидатын ұрпақ санасына сіңіру, насихаттау, қарапайым еңбек адамдарын дәріптеу – біздің басты мақсатымыздың бірі! Сыр елінің даңқын асқақтатқан дала академигі Ыбырай Жақаев бастаған 102 Социалистік Еңбек Ерінің және тәуелсіздік жылдарындағы Қазақстанның Еңбек Ерлерінің жетістіктері аңызға айналды. Саналы ғұмырында туған жеріміз үшін аянбай еңбек еткен ардақты ардагер ағаларымыз бүгін ортамызда. Облысымыздың дамуына қосқан орасан зор үлестеріңіз үшін Сіздерге барша Сыр жұртшылығының атынан шынайы алғысымды білдіремін. Ел үшін жасаған ерен еңбектеріңіздің жемісін, бейнеттеріңіздің зейнетін көріңіздер!», – деді Нұрлыбек Машбекұлы.Абай облысының әкімі Берік Уәли Сыр елінің еңбекқор жұртына ризашылығын білдіріп, екі өңір арасындағы байланыстың одан әрі нығая түсетініне сенім білдірді.«Қазақ халқы тағдырының тайғақ кешулі кезеңдерінде жағасына келіп тыныс тапқан, суына бетін жуып, үмітін ертеңге жалғаған қасиетті Сырдарияның бойында, ежелгі Ақмешіт, бүгінгі Қызылорда төрінде өздеріңізбен жүздесіп отырғаныма бек қуаныштымын! Біз бүгін аймақтарыңызға үлкен делегациямен өнер жұлдыздарын, зиялы қауым өкілдерін және жақында ғана республикалық байқауда бас жүлде алған театрымыздың арнайы қойылымымен келіп отырмыз. Бұл өңіраралық рухани-мәдени байланыстарды нығайтып, бізді бауырластыра түседі деп сенеміз», – деді Берік Уәлиұлы.Мерекелік шарада Қызылорда облысының әлеуметтік-экономикалық дамуына елеулі үлес қосқан азаматтар марапатталды. «Жан Арай» жауапкершілігі шектеулі серіктестігінің директоры Бақдәулет Махашовқа «Қызылорда облысының құрметті азаматы» атағы берілді. Ол басқаратын серіктестік тәулігіне 80 тонна құрама жем өндіру, күріш өңдеу зауыттарын іске қосқан, өнімдерін экспортқа шығарады. Өткен жылы 4 мың тонналық көкөніс сақтау қоймасын ашып, 100-ден астам адамды тұрақты жұмыспен қамтыды.Еңбек адамдары мен сала үздіктеріне «Қызылорда облысының дамуына қосқан үлесі үшін», Ауыл шаруашылығы министрлігінің «Еңбек ардагері» медальдары, «Ауыл шаруашылығы саласының үздігі» төсбелгісі, Қызылорда облысының Құрмет грамотасы мен облыс әкімінің Алғыс хаттары берілді.Салтанатты шарада ауыл шаруашылығы саласында үздік жетістіктерге жеткен озат аудандар анықталып, «Балық шаруашылығы саласы бойынша озат аудан» номинациясымен Арал ауданы, «Су үнемдеу технологиясын қолдану бойынша озат аудан» номинациясымен Жаңақорған ауданы, «Ауыл шаруашылығы саласына инвестиция тарту бойынша озат аудан» номинациясымен Жалағаш ауданы, «Мал шаруашылығы саласы бойынша озат аудан» номинациясымен Қармақшы ауданы, «Ауыл шаруашылығы өнімдерін өңдеу саласы бойынша озат аудан» номинациясымен Қазалы ауданы, «Егін шаруашылығы саласы бойынша озат аудан» номинациясымен Сырдария ауданы марапатталады.Ал «Агроөнеркәсіп кешенін дамытуда биылғы жылы ең жоғарғы көрсеткіштерге қол жеткізген үздік аудан» номинациясын Шиелі ауданы жеңіп алды. &nbsp;Жылдағы дәстүр бойынша жоғары көрсеткіштерге қол жеткізген «Абзал және К» ТС, «Мағжан және К», «Абай-Дәулет» ЖШС &nbsp;еңбек озаттарына автокөлік кілттері сыйға берілді.

Қызылордада "Алтын күз" салтанатты шарасы өтті 

Облыс әкімі Нұрлыбек Нәлібаев Сыр еліне жұмыс сапарымен келген Абай облысының әкімі Берік Уәли бастаған делегацияға облыс орталығындағы жаңа нысандарды таныстырды. Оған Парламент Сенаты мен Мәжілісінің депутаттары қатысты.Алдымен қонақтар «Сыр жұлдызы» шығармашылық-инновациялық академиясына барды. Балалар мен жасөспірімдерге арналған орталық мамыр айында пайдалануға берілді. Академия бір мезетте 500 оқушы, тәулігіне 3 мың оқушыға дейін қабылдайды.<img src="https://knadmin.beoblood.kz/uploads/FB_IMG_1760730660849_4becad475a.jpg" alt="FB_IMG_1760730660849.jpg">Мұнда бассейн, топтық жаттығу бөлмесі, көркем гимнастика және фитнес залы орналасқан. Сондай-ақ үстел ойындарына арналған кабинет, жекпе-жек, үстел теннисі залдары бар. Барлық залда ұлдар мен қыздарға арналған жеке-жеке киім ауыстыру бөлмелері қарастырылған. Көркем-эстетикалық бағытта кескіндеме, сурет салу, резин арт бөлмесі, балалар шығармашылығы шеберханасы, сәндік-қолданбалы өнер, FabLab, дыбыс жазу студиясы, робототехника және жасанды интеллект, биотехнология, 3D модельдеу, КИП және автоматтандыру, киберспорт және математика кабинеттері жұмыс істейді.Сонымен қатар, Абай облысынан келген делегация «Анаға тағзым» орталығындағы ұлттық құндылықтарды дәріптейтін және ананы құрметтеуге үндейтін жобаларға қызығушылық танытты. Абай облысының әкімі орталыққа ана мен бала бейнеленген картинаны сыйға тартты.<img src="https://knadmin.beoblood.kz/uploads/FB_IMG_1760730641370_908e2c31fb.jpg" alt="FB_IMG_1760730641370.jpg">Одан кейін облыстық тарихи-өлкетану музейінің жаңа ғимаратына барды. Нысан құрылысы өткен жылдың мамыр айында басталып, биылғы маусымда пайдалануға берілді. Аумағы 3 мың шаршы метрден асатын &nbsp;ғимаратта 12 экспозициялық зал бар. Қорда 70 мыңға жуық тарихи &nbsp;экспонат сақталған, оның &nbsp; 25 120-сы түпнұсқа.Музейдің бірінші қабатында «Киелі мұра» экспозициясы, «Табиғат және палеонтология», «Археология», «Орта ғасырлар өркениеті», екінші қабатта «Қазақ хандығы», «Этнография», «Өлке тарихы», «Алаш зиялылары», «Ерлік және даңқ», «Мәдениет және өнер», «Қызылорда облысының әлеуметтік-экономикалық дамуы», «Ғарышты игеру», «Тәуелсіз Қазақстан» залдары орналасқан.<img src="https://knadmin.beoblood.kz/uploads/FB_IMG_1760730618301_e21c5cae1b.jpg" alt="FB_IMG_1760730618301.jpg">Археологиялық қазба жұмыстарының ғылыми негіздемелеріне сүйеніп жасалған &nbsp;алтын киімді «Шірік Рабат сақ жауынгері», алтын әшекейлі «Сығанақ ханшайымы», алтын қылышты «Түгіскен көсемі» және «Жетіасар ақсүйек әйелі» тарихи реконструкциялары ғылыми айналымға енгізілді. Залдардың құрылымы, жабдықтары мен безендірілуі жасанды интеллект элементтерін қолданып, 3D модельде жасалған.Әрі қарай аймақ басшысы мен қонақтар Н.Бекежанов атындағы облыстық қазақ академиялық музыкалық драма театрында Абай облысының Абай атындағы қазақ музыкалық драма театры артистері сахналаған, халықаралық театр фестивалінде бас жүлде иеленген «Абай айтқан «Еңлік-Кебек» қойылымын тамашалады. Қызылорда облысы әкімінің баспасөз қызметі

Архив

Пилоттық жоба азаматтардың мәселесін шешуге көмектеседі

"Мерейлі мерекеңмен, Қызылорда!" атты гала-концерт өтті

Қызылордада "Алтын күз" салтанатты шарасы өтті

Абай облысынан келген делегация жаңа нысандармен танысты