<a href="https://kyzylorda-news.kz/">Kyzylorda-news.kz</a> А.Тоқмағамбетов атындағы мәдениет үйінде Қызылорда қалалық ардагерлер ұйымының кезекті ХІV конференциясы өтті.Конференция жұмысына қала әкімі Нұржан Ахатов, қалалық мәслихаттың төрағасы Ибадулла Құттықожаев, облыстық &nbsp;ардагерлер кеңесінің төрағасы Серік Дүйсенбаев, қалалық ардагерлер ұйымының төрағасы Шакизат Төребаев, қалалық мекемелер мен кәсіпорындар және қоғамдық ұйымдардың басшылары қатысты.Конференцияда сөз сөйлеген шаһар басшысы Нұржан Сәбитұлы ардагерлер ұйымының қала өміріндегі орнын ерекше атап өтті. Сондай-ақ, қаланың жан-жақты дамуы жолында атқарылып жатқан жұмыстарға тоқталып, ардагерлерге алғысын білдірді.Күн тәртібіне екі мәселе шығарылды. Алдымен қалалық ардагерлер кеңесінің төрағасы Шахизат Төребаев 2024–2025 жылдары атқарылған жұмыстар туралы баяндама жасады. Ол өз баяндамасында ардагерлер ұйымының қоғамдық-саяси өмірге белсенді араласуы, жастарға өнеге көрсетуі, бірлік пен тұрақтылықты нығайту бағытындағы жұмыстарды кеңінен жеткізді.Күн тәртібіндегі екінші мәселе бойынша ұйымның Пленум және Алқа құрамдары сайланды. Алқа мүшелерінің дауыс беруі нәтижесінде қалалық ардагерлер ұйымының төрағалығына Өмірбек Шәменов, &nbsp;оның орынбасарлығына Серікбек Жүсіпов бірауыздан сайланды.Шаһар басшысы ардагерлер ұйымына жетекшілік жасап, өзінің сүбелі үлесін қосқан Шакизат Төребаевқа алғысын білдіріп, қаланың ең жоғары марапаты «Құрмет грамотасын» табыстап, сый-сияпат көрсетті. Ал, жаңадан сайланған ұйым басшыларына сәттілік тіледі.Конференцияны қорытындылаған Қызылорда облыстық ардагерлер кеңесінің төрағасы Серік Әбішұлы қала ардагерлерінің белсенділігіне жоғары баға беріп өтті.Сондай-ақ, қаланың қоғамдық-саяси өмірінде белсенділік танытып жүрген бірқатар ардагерге алғыс хаттар мен «Құрмет грамоталар» тапсырылды.<img src="https://knadmin.beoblood.kz/uploads/alaly_ardagerler_ke_esini_konferencziyasy_2_9b0f0ea7be.jpg" alt="Қалалық ардагерлер кеңесінің конференциясы 2.jpg">

Қалалық  ардагерлер кеңесінің кезекті конференциясы өтті

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев Gepetto Energy Technology (Hainan) Co., Ltd компаниясының директоры Цзэн Биньмен кездесті. Кездесуде өңірдегі кен орындарында мұнай өндіру көлемін арттыруға бағытталған жаңа технологиялар талқыланды.Gepetto – мұнай-газ өндіруді ұлғайтуға арналған технологияларды әзірлейтін Қытайдың жетекші жоғары технологиялық компанияларының бірі. Жаңа ұңғымаларда гидравликалық жару, қышқылмен өңдеу, жетілген кен орындарында мұнай алу коэффициентін арттыру бағытында қызмет атқарады.Компания наноэмульсиялық қоспалар, инновациялық гидравликалық жару сұйықтықтары, толық еритін көпірлік тығындар және химиялық трассерлер сияқты тиімді әрі экологиялық қауіпсіз шешімдерді ұсынады. Аталған технологиялар Қытайдың ірі мұнай кен орындарында кеңінен қолданылып, жоғары нәтиже көрсеткен.Орталық Азия нарығында жұмыс істеу мақсатында 2021 жылы Қызылорда облысында компанияның еншілес кәсіпорны құрылды. Негізгі мақсаты – қытайлық озық технологияларды Қазақстанның геологиялық ерекшеліктеріне бейімдеп енгізу.Сондай-ақ, компания Қазақстанда ұлттық мұнай-газ компанияларымен бірлесіп сервистік компания құруды, ғылыми-зерттеу институттарымен бірлесіп зертхана ашуды және қазақстандық мамандарды Қытайдағы ғылыми орталықтар мен өндіріс орындарына жіберіп, технологиялардың іс жүзіндегі тиімділігімен таныстыруды ұсынды.Gepetto технологиялары жаңа және жұмыс істеп тұрған ұңғымаларда өндірісті ұлғайтуға, мұнай алу коэффициентін арттыруға, елдің мұнай-газ саласының тұрақты және тиімді дамуын қамтамасыз етуге септігін тигізеді.

Аймақ басшысы GEPETTO компаниясының директорымен кездесті

<a href="https://kyzylorda-news.kz/">Kyzylorda-news.kz</a> Жыл бойы атқарылған жұмыс жайында есеп беріп, өткенді екшеу – есіл уақыттың текке кетпегенін білдіреді. Осы тұста, ҚАЖ департаментіне қарасты №68 мекемесінде жедел кеңес өтіп, 12 айдың қорытындысы талданды.Жиын барысында мекеме бастығы орынбасарының жалпы сұрақтар жөніндегі орынбасары әділет подполковнигі Махашев Айбол Тимурұлы қызметтік бағыттар бойынша атқарылған істерді жіпке тізгендей айтып, баяндама жасады. Өз кезегінде Қызылорда облысы бойынша ҚАЖ департаменті бастығының орынбасары әділет полковнигі Бекжанов Мейрам Гарипулаұлы қызмет сапасын арттыру бойынша сөз қозғап, кемшіліктерді жоюға баса мән беру керектігін жеткізді.Басқосуға келген Қызылорда облысы прокуратурасының үкімдердің қадағалау басқармасы бастығы Азамат Баянбайұлы да қызметке қатысты ой-пікірін шегелей айтып, нақты шешімдер ұсынды. Ал, кадрлық мәселе жөнінде сөз сөйлеген мекеме бастығының тәрбие ісі жөніндегі орынбасары әділет майоры Тұрымбетов Мирамбек Ұзақұлы кәсіби жауапкершілікке кеңінен тоқталды.Бөлім бастықтары да өз құзыреттері аясында сұрақтарға жауап беріп, түйткілді тұсқа тоқталып, оларды шешудің оңтайлы жолын ортаға салынды. Бұл талқы – жиынды жинақы етіп, тәжірибелік мәнмен толықты. Сондай-ақ, тәртіпті сақтау, жазасын өтеушілердің құқықтарын қамтамасыз ету, қауіпсіздік талаптарын орындау мәселелері де кеңінен қаралды.Жиын соңында мекеме бастығы әділет майоры Әмірбек Азамат Темірбекұлы қызмет сапасын жаңа деңгейге көтеру, кемшіліктерге жол бермеу және оң нәтижелерді тұрақты түрде арттыру қажеттігін атап өтті.

Байыпты талдау: өткен кезеңнен келешекке байлам

<a href="https://kyzylorda-news.kz/">Kyzylorda-news.kz</a> ҚР Қорғаныс министрлігі Армия орталық спорт клубының спортшысы қатардағы жауынгер Қадырбек Шынбаев 70 келіден аса салмақ дәрежесінде ересектер арасында аралас жекпе-жектен өткен Азия чемпионатының алтын медалін жеңіп алды.Қытай Халық Республикасының Сычуань провинциясы, Лучжоу қаласында өткен дүбірлі додаға 19 елден 200-ге жуық спортшы қатысты.Қадырбек бұл сында Моңғолия, Қытай, Қырғызстан және Тәжікстан спортшыларын сенімді түрде жеңді.<blockquote>– Қарсыластарым мықты болды. Тәжірибелері де жеткілкті. Әр жекпе-жек ерік-жігер мен күш-қуатты талап етті. Әйтсе де, жеңіс тұғырынан көрініп, көк байрағымызды желбірету үлкен абырой болды, – деді чемпион.</blockquote>Қадырбек Шынбаевтың халықаралық арендағы бұл жетістігі әскери спорттың жоғары әлеуетін тағы бір дәлелдеді. Турнир алдағы Азия ойындарына іріктеу кезеңі болып саналатынын да айта кету керек. Ал жарыстар бағдарламасына ММА алғаш рет енгізіліп отыр.

Қазақстандық әскери спортшы Азия чемпионатында топ жарды

<a href="https://kyzylorda-news.kz/">Kyzylorda-news.kz</a> Алматы қаласында Мемлекет басшысының тапсырмасымен салынған стратегиялық маңызды нысан – Инфекциялық аурулардың ұлттық ғылыми орталығының ашылу рәсімі өтті.Іс-шараға Қазақстан Республикасы Премьер-министрінің орынбасары – мәдениет және ақпарат министрі Аида Балаева, Қазақстан Республикасының денсаулық сақтау министрі Ақмарал Әлназарова, сондай-ақ Алматы қаласының әкімі Дархан Сатыбалды қатысты.Орталық COVID-19 пандемиясы кезіндегі мәселелерден сабақ ала отырып, денсаулық сақтау жүйесіндегі дайындық деңгейін арттыру, ғылыми әлеуетті дамыту, цифрлық шешімдерді енгізу және кадрларды дайындау мақсатында тұрғызылды. 350 төсек-орынға есептелген жаңа мекеме еліміздің түкпір-түкпірінен туберкулезбен ауыратын 2,5 &nbsp;мың науқасты жыл сайын емдеуге және диагностикалық көмек көрсетуге ықпал етеді.<blockquote>«Бұл орталық Президент тапсырмасымен ұлт денсаулығын нығайту және биологиялық қауіпсіздікті қамтамасыз ету мақсатында бой көтерді. Бүгінде мұнда ғылыми зерттеулер, озық технология және болашақ мамандарды тәрбиелеу бағыттары өзара сабақтасып, біртұтас жүйеге айналып отыр. Инфекциялық аурулардың ұлттық ғылыми орталығы өскелең ұрпақтың денсаулығын сақтауға, ұлттық қауіпсіздікті нығайтуға және отандық медициналық ғылымды дамытуға зор үлес қосады деп сенемін», — деді Аида Балаева.</blockquote>Премьер-министрдің орынбасары Мемлекет басшысының тапсырмасына сәйкес елімізде денсаулық сақтау нысандарымен қатар әлеуметтік инфрақұрылым да қарқынды дамып жатқанын атап өтті.<blockquote>«Кейінгі екі жылда елде 695 жаңа медициналық нысан, 614 мың орынға арналған 419 жаңа мектеп салынды. Бұл 19 апатты мектепті жоюға, 58 мектептегі үш ауысымды оқыту мәселесін шешуге және 190 мектептегі оқушы орындарының тапшылығын азайтуға мүмкіндік берді. Сонымен қатар, 237 спорт нысаны пайдалануға берілді, оның ішінде 69-ы қалаларда, 168-і ауылдық жерлерде орналасқан. 2025 жылы 61 мәдениет нысанының құрылысы аяқталды. Өңірлерде 251 нысанда жөндеу жұмыстары жүргізіліп жатыр. Бұл өзгерістер, ең алдымен, халықтың өмір сапасын арттыруға, әлеуметтік қорғауды нығайтуға бағытталған», — деп атап өтті А.Балаева.</blockquote>Іс-шара барысында ИАҰҒО-ның бөлімшелеріне экскурсия ұйымдастырылып, мекеменің инфрақұрылымы мен жабдықталуы таныстырылды. Сонымен қатар мекеме ұжымымен де кездесу өтті.Айта кетейік, Инфекциялық аурулардың ұлттық ғылыми орталығы қысқа мерзімде салынған. Мұнда клиникалық көмек көрсету, ғылыми жұмыс жүргізу, білім беру, цифрлық технологияларды пайдалану секілді мүмкіндіктер бар. Орталық балалар мен жүкті әйелдерге де &nbsp;медициналық көмек көрсетеді. Төтенше жағдайлар кезінде жедел түрде 500 төсек-орынға дейін кеңейтілуі мүмкін.ИАҰҒО – диагностика мен емдеуден бастап, инфекциялық және паразиттік ауруларға, оның ішінде дәріге төзімді туберкулез түрлеріне қатысты күрделі зертханалық зерттеулер жүргізе алатын толыққанды мекеме. Орталық инфекциялық қауіп-қатерге ұлттық деңгейде мән беретін, ғылыми жаңалықтар мен инфекциялық аурулармен жұмыс істейтін мамандарды кәсіби даярлайтын базаға айналмақ.<img src="https://knadmin.beoblood.kz/uploads/Whats_App_Image_2026_01_16_at_15_39_33_75dba7b89a.jpeg" alt="Ғылыми орталық.jpeg">

Қазақстанда инфекциялық аурулардың ұлттық ғылыми орталығы ашылды

<a href="https://kyzylorda-news.kz/">Kyzylorda-news.kz</a> Күйбең тірліктің күйгелек етіп, қарбалас қызметтің қуатты түгесіп қоятыны жасырын емес. Сондықтан, ми тынықтырып, ой сергіту артық етпейді. ҚАЖ департаментіне қарасты №68 мекемесінің жеке құраммен жұмыс жөніндегі тобының ұйымдастыруымен “Анаға тағзым” орталығында арт-терапиялық сабақ өтті.Шалқар шабыт пен қиялдың қиылысатын тұсында мекеме қызметкерлері қарап қалмады. Алдымен “Анаға тағзым” орталығының “креативті индустрия” бөлімінің әдіскері Айгерім Ізбанова арнайы картинаны көрсетіп, оны салудың техникаларымен бөлісті. Ішкі үннің үзік сыры мен ғаламның ғажап сұлулығын қылқаламның ізіне сыйдыру – өнер. Мұны түсінген қызметкерлер гуашь бояуын қолға алып, бірден бейнелеуге кірісіп, ерекше ынта танытты.<blockquote>– Күнделікті жұмыс жауапкершілікті талап етеді. Бұл – қызмет бабында бір сәт те босаңсуға болмайды деген сөз. Бірақ, қызметкерлердің психологиялық жағдайы мен көңілінің жайлы болуына аса мән береміз. Бүгінгі арт-терапияны алға тартып, сан түрлі бояумен жұмыс істеу арқылы назарын бұрып, санасын сергек етсек дедік. Мақсатымызға жеткен секілдіміз. Қызметкерлер суретті ойдағыдай салып, рухани тұрғыда демалып қалды. Оның үстіне, эмоциялық ширығуды бәсеңдетіп, ішкі тепе-теңдікті қалпына келтіруге ықпал еткені анық, - дейді мекеменің жеке құраммен жұмыс жөніндегі тобының аға инспекторы әділет капитаны Динара Шахи.</blockquote>Иә, шығармашылық үдеріс – ішкі тыныштықтың қайнар көзі. Қылқалам ұстаған қызметкерлер бояу бетіндегі болмыстан осыны аңғарғаны сөзсіз.

Үздіксіз қызметтегі рухани үзіліс

<a href="https://kyzylorda-news.kz/">Kyzylorda-news.kz</a> Сырдария ауданының әкімі Берік Сәрменбаев Сырдария өзенінің бойындағы қорғаныс бөгеттерінің қазіргі жағдайымен танысты.&nbsp;Аудан бойынша Сырдария өзенінің жалпы ұзындығы 77 шақырымды құрайды. Бүгінгі күнде дариямен Тереңөзек кенті тұсынан 107 текше метр өтсе, «Қараөзек» каналына 41 текше метр су жіберілуде.&nbsp;Су тасқынының алдын - алу мақсатында ауданда материалдық - техникалық қор жасақталған, &nbsp;атап айтқанда 5000 дана қап, 500 дана қамыс баулары, 500 пашын және 400 дана қада жинақталған. Қосымша жанар - жағар май, &nbsp;азық – түлік және көлік қызметтері бойынша жергілікті кәсіпкерлермен келісім - шарттар жасалған.&nbsp;Аудан басшысы тиісті сала басшыларына арнайы тапсырмалар беріп, күнделікті қатаң бақылауда ұстап отыруды тапсырды.

Қорғаныс бөгеттерінің қазіргі жағдайымен танысты

<a href="https://kyzylorda-news.kz/">Kyzylorda-news.kz</a> Жалағаш аудандық Руханият орталығында «Қылмыссыз өңір – Кемел келешек кепілі» жобасы аясында &nbsp;кездесу өтті. Шараға ауыл әкімдері, аудан кәсіпкерлері мен тұрғындар қатысып, қоғам қауіпсіздігін қамтамасыз етуге бағытталған өзекті мәселелер талқыланды.Жиында аудан әкімінің орынбасары Ғани Сүлейменов, аудан прокуроры Талғат Бектұрсынов, облыстық мәслихат депутаты Әмірбек Шаймағанбетов, аудандық ардагерлер кеңесінің төрағасы Садық Алиев және аудандық «Иманқұл» мешітінің бас имамы Нұрдәулет Жалғасбекұлы сөз сөйлеп, «заң мен тәртіп» қағидасының маңыздылығы және құқық бұзушылықтың алдын алу бағытында пікір білдірді.Сонымен бірге, ауылдық округтерде жүзеге асырылып жатқан «Алкогольсіз ауыл» бастамасының тиімділігі, «Қылмыссыз өңір – Кемел келешек кепілі» жобасының маңызы кеңінен талқыланды. Қатысушылар бұл жобаның қоғам қауіпсіздігін арттыруға, құқық бұзушылықтың алдын алуға және өскелең ұрпақтың болашағын қорғауға бағытталған маңызды бастама екенін атап өтті.<img src="https://knadmin.beoblood.kz/uploads/ylmyssyz_ir_2_d3962e023c.jpg" alt="Қылмыссыз өңір 2.jpg">

Қоғам қауіпсіздігін қамтамасыз етуге бағытталған өзекті мәселелер талқыланды

<a href="https://kyzylorda-news.kz/">Kyzylorda-news.kz</a> Жалағаш ауданының әкімі Ардақ Ибраимов кезектілік тәртібімен аудан тұрғындарын жеке мәселелері бойынша қабылдады.Аудан әкімі әрбір азаматтың көтерген мәселесін мұқият тыңдап, кейбір сауалдар сол сәтте жауапты сала басшыларының қатысуымен талқыланды. Ал жекелеген өтініштер тиісті мекемелерге жолданып, заң шеңберінде шешу жолдары қаралатыны айтылды.Сондай-ақ, аудан әкімі тұрғындар өтініштерінің назардан тыс қалмайтынын және олардың орындалу барысы өз бақылауында болатынын жеткізді.Айта кетейік, тұрғындар аудан әкімінің қабылдауына egov.порталы, е-otinish бірыңғай базасы немесе әкімдікке келіп жазбаша өтініш білдіру арқылы жазыла алады.

Жалағаштық тұрғындардың өтініш-тілектерін тыңдады

<a href="https://kyzylorda-news.kz/">Kyzylorda-news.kz</a> Астанада Мемлекеттік кеңесші Ерлан Қариннің төрағалығымен Парламенттік реформа жөніндегі жұмыс тобының бесінші отырысы өтті.Жиында Парламентаризм институтының директоры Наталья Пан азаматтардан, сарапшылардан және қоғам белсенділерінен келіп түскен ұсыныстар жөніндегі аралық ақпаратпен бөлісті. Былтыр қазан айынан бері e-Otinish және eGov платформаларындағы «Парламенттік реформа» арнайы бөлімі арқылы халық арасынан, сарапшылар қауымдастығынан және қоғамдық бірлестіктерден 600-ге жуық ұсыныс жинақталған. Атап айтқанда, «Байтақ» партиясы, «Жаңару» сыбайлас жемқорлыққа қарсы жалпыұлттық қозғалысы, Республикалық адвокаттар алқасы, «Toqtamys» адвокаттық қауымдастығы, Халықаралық арбитраж және медиация палатасы, Парламентаризмді дамыту қоры, Қазақстандық татарлар мен башқұрттар конгресі, Экономикалық саясат институты, «Азаматтық бастама» бастамашылық тобы және басқа да ұйымдар өз ұсыныстарын білдірді. Бұған қоса құқықтанушы ғалымдар сарапшылық ұсынымдарын жолдап, белсенділік танытуда.Сонымен қатар Парламентаризм институтының директоры азаматтар мен қоғамдық бірлестіктерден парламенттік реформадан бөлек, конституциялық реформаға қатысты да бастамалар түсіп жатқанын жеткізді.Жұмыс тобы жетекшісінің орынбасары – Президенттің құқықтық мәселелер жөніндегі көмекшісі Ержан Жиенбаев Парламенттің Үкіметті, Конституциялық Сотты, Жоғары аудиторлық палатаны, Орталық сайлау комиссиясын және басқа да мемлекеттік органдарды жасақтауға қатысуын реттейтін конституциялық рәсімдердің жалпы тәсілдері туралы айтты. Бұл тәсілдер Жұмыс тобы мүшелері мен саяси партиялардың ұсыныстары негізінде әзірленген.Жұмыс тобының мүшелері қатарынан Марат Шибұтов, Азат Перуашев, Елнұр Бейсенбаев, Серік Егізбаев, Магеррам Магеррамов, Айдарбек Қожаназаров, Марат Башимов, Нұрлан Бекназаров, Индира Әубәкірова, Үнзила Шапақ, Алуа Ибраева, Бөріхан Нұрмұхамедов, Лейла Жақаева, Виктор Малиновский, Ерлан Сәрсембаев, Айдос Сарым, Қарлығаш Жаманқұлова өз идеялары мен ұсыныстарын ортаға салды.Жиын соңында Жұмыс тобының жетекшісі – Мемлекеттік кеңесші Ерлан Қарин конституциялық реформа бойынша түпкілікті тәсілдерді әзірлеу үшін келіп түскен ұсыныстардың барлығын жинақтап, жан-жақты зерделеуді тапсырды.Анықтама: Парламенттік реформа жөніндегі жұмыс тобы 2025 жылғы 8 қазанда Мемлекет басшысының өкімімен құрылды. 14 қазанда Жұмыс тобының алғашқы отырысы өтті. Екінші отырыс – 2 желтоқсанда, үшінші отырыс – 29 желтоқсанда, төртінші отырыс 2026 жылғы 9 қаңтарда ұйымдастырылды.Фото: ҚР Парлменті

Жаңа Парламенттің негізгі мемлекеттік институттардың қызметін қамтамасыз етудегі өкілеттіктері талқыланды

<a href="https://kyzylorda-news.kz/">Kyzylorda-news.kz</a> Өңірде өткен жылы аса қауіпті 13 түрлі жұқпалы аурудың алдын алу мақсатында республикалық бюджет есебінен 6 277,9 мың доза ветеринариялық препарат облысқа уақытылы жеткізіліп, жоспарлы алдын ала егу жұмыстары жүргізілді. Аталған жұмыстар мал мен адамға ортақ аурулардың таралу қаупін төмендетуге және эпизоотиялық қауіпсіздікті қамтамасыз етуге бағытталды. Бұл туралы бүгін Өңірлік коммуникациялар қызметінің ақпарат алаңында облыстық ветеринария басқармасының басшысы Шахмардан Қойшыбаев мәлімдеді.<blockquote>– Эпизоотиялық тұрақтылықты сақтау бағытындағы жұмыстар жүйелі түрде жүргізілуде. Энзоотиялық, яғни жұқпалы емес аурулардың алдын алу үшін 6 түрлі ауруға қарсы 799,4 мың доза препарат алынып, толық көлемде алдын ала егу жұмыстары атқарылды. Сонымен қатар, бруцеллез ауруына қарсы ауыл шаруашылығы жануарларынан алынған 1 654,0 мың қан үлгісі зертханалық тексеруден өткізілді. Ал, ауыл шаруашылығы жануарларын бірдейлендіру жұмыстары бойынша өткен жылға жоспарланған 379,2 мың бастың орнына 428,1 мың бас мал тіркеліп, жоспар 112,9 пайызға орындалды. 2026 жылдың 1 қаңтарына ақпараттық жүйеде барлығы 1 334,0 мың бас ауыл шаруашылығы жануары есепке алынған. Сондай-ақ, ветеринариялық ұйымдардың материалдық-техникалық базасын нығайтуға соңғы үш жылда арнайы техника мен жабдықтар алынды. Ауыл шаруашылығы өнімінің көлемін арттыру жөніндегі Жол картасы аясында өңірде блоктық-модульдік ветеринариялық ғимараттар пайдалануға берілуде. Мал сою инфрақұрылымын жетілдіру мақсатында өткен жылы 14 мал сою пункті іске қосылды. Ал аса қауіпті аурулардың алдын алу үшін 2026–2027 жылдары типтік жобадағы 145 мал қорымын салуға 3,5 млрд теңге қаржы бөлінді, – деді Шахмардан Сұлтанбекұлы.</blockquote><img src="https://knadmin.beoblood.kz/uploads/Veterinariya_67b67a16e9.jpg" alt="Ветеринария.jpg">Фото: Нұрболат Нұржаубай

Өңірде аса қауіпті жұқпалы аурулардың алдын алу шаралары жүйелі жүргізілуде

<a href="https://kyzylorda-news.kz/">Kyzylorda-news.kz</a> Өткен жылы техникалық реттеу және метрология комитетінің Қызылорда облысы бойынша департаменті тарапынан мемлекеттік қадағалау және бақылау шеңберінде барлығы 141 тексеру жүргізілді. Аталған тексерулер өнім қауіпсіздігі, техникалық регламенттер талаптарының сақталуы және өлшем бірлігін қамтамасыз ету бағытында жүзеге асырылды. Бұл туралы бүгін Өңірлік коммуникациялар қызметінің ақпарат алаңында департамент басшысы Бауыржан Қарсақбаев мәлімдеді.<blockquote>– Тексеру жұмыстары жоспардан тыс, құқық қорғау органдарының тапсырмасы негізінде және профилактикалық бақылау форматында жүргізілді. Нәтижесінде бұзушылықтарды жою жөнінде нұсқамалар беріліп, 3 әкімшілік іс қаралды. Сонымен қатар, ақпараттық жүйелерге жүргізілген мониторинг барысында 272 өлшем құралдары салыстырылып тексеру сертификаттары заң талаптарына сәйкес келмегендіктен, олардың күші жойылды. Облыс аумағындағы жеке меншік медициналық орталықтар мен зертханаларға қатысты бармай профилактикалық бақылау жүргізіліп, өлшем бірлігін қамтамасыз ету туралы заң талаптарының бұзылуына байланысты 39 субъектіге ұсынымдар берілді. Сондай-ақ, зергерлік бұйымдар өткізетін кәсіпкерлерге қатысты 42 профилактикалық бақылау шарасы ұйымдастырылды. Бұзушылық анықталған субъектілер алдағы уақытта бару арқылы профилактикалық бақылау жүргізілетін тізімге енгізілді. Бақылау сатып алу бағдарламасы аясында тұрмыстық электр тауарлары мен жанармай өнімдері сынақтан өткізілді. Сынақ нәтижесінде бірқатар тұрмыстық электр тауарлары техникалық регламент талаптарына сай келмейтіні анықталып, оларды айналымнан алу туралы шешім қабылданды, - деді Бауыржан Бақытбекұлы.</blockquote><img src="https://knadmin.beoblood.kz/uploads/Bauyrzhan_Ba_ytbek_ly_583727b2d7.jpg" alt="Бауыржан Бақытбекұлы.jpg">Фото: freepik.com

Архив

Қалалық ардагерлер кеңесінің кезекті конференциясы өтті