<a href="https://kyzylorda-news.kz/">Kyzylorda-news.kz</a> Жұмысшы мамандықтарына қызығушылықты арттыру үшін мектептерде бейіндік сыныптар ашылады, деп хабарлайды <a href="https://kaz.inform.kz/news/okushilarga-nakti-mamandik-tandauga-komektesetn-siniptar-payda-boladi-3c5658/">Қазақпарат</a> Оқу-ағарту министрлігінің баспасөз қызметіне сілтеме жасап.Министрліктің мәліметінше, жұмысшы мамандықтары жылында орта білім беру ұйымдарында 1000 бейіндік сынып құрылады. Аталған бастама аясында жалпы саны 31 000-нан астам оқушы кәсіби дағдымен қамтылмақ&nbsp;— деп хабарлайды Оқу-ағарту&nbsp;Мұндағы мақсат&nbsp;— мектеп оқушыларының еңбек нарығында сұранысқа ие&nbsp;жұмысшы мамандықтарына ерте бейімделуін қамтамасыз ету, олардың кәсіби бағдарын жүйелі түрде қалыптастыру және техникалық-кәсіптік білімге қызығушылығын арттыру.Осыған орай, қазақстандық мектептерде 2025-2026 оқу жылында техникалық және инженерлік, ақпараттық-коммуникациялық технологиялар, ауыл шаруашылығы және экология, көлік және логистика, қызмет көрсету саласы, шығармашылық және мәдениет, медицина және әлеуметтік қызмет көрсету бағыттары бойынша бейіндік сыныптар ашылуда.<blockquote>—&nbsp;Бейіндік сыныптар 9, 10, 11-сынып оқушыларына арналып, өңірдегі жұмысшы мамандықтар немесе өзге де&nbsp;салалар бойынша кадр тапшылығын айқындайтын әрі сол мамандықтарға бағыттайтын бейіндік мазмұнда жұмыс істейді. Бұл процеске өңірдегі жоғары оқу орындары, колледждер және жұмыс берушілер де&nbsp;атсалысады. Айта кетейік, бейіндік сыныптардың бағытын оқу жылы ішінде екі рет өзгертуге болады,&nbsp;— деп түсіндірді ведомство.</blockquote>Фото: Нұрболат Нұржаубай

Оқушыларға нақты мамандық таңдауға көмектесетін сыныптар пайда болады

<a href="https://kyzylorda-news.kz/">Kyzylorda-news.kz</a> Ғылым және жоғары білім министрі Саясат Нұрбек Қазақ спорт және туризм академиясының студенті Шерхан Қалмұрзамен Шерхан Қалмұрзаға ректорлық білім беру гранты берілгенін мәлімдеді. Бұл туралы <a href="https://stan.kz/sherhan-kalmyrzaga-rektorlik-bilim-beru-granti-berildi-424346/">Stan.kz </a>ақпарат агенттігі хабарлайды.Министр бұқаралық спортты дамытудың маңызына тоқталып, жоғары білімнің болашақ ұрпақты қалыптастыруда шешуші рөл атқаратынын айтады.<blockquote>"Барлық спортшы халықаралық стандарттарға сай сапалы білім алуы қажет екенін атап өткім келеді. Бұл оларға спорттағы жоғары жетістіктерге ғана емес, сонымен қатар спорттық мансабын аяқтағаннан кейін де түрлі салаларда қалыптасуға мүмкіндік береді", –&nbsp;деді Саясат Нұрбек.</blockquote>Жас қақпашының көрсеткен тарихи нәтижесі бүкіл қазақстандық жастар үшін жарқын үлгі дейді Саясат Нұрбек. Жастарға үлгі көрсету мақсатында ақылы бөлімде білім алып жүрген Шерхан Қалмұрзаға ректордың білім беру гранты табысталды. Сонымен қатар алдағы уақытта да дарынды жастарға айрықша көңіл бөлінетіні жеткізілді.Қазақ спорт және туризм академиясының спорт және тәрбие жұмысы жөніндегі проректоры Мұхтар Есқалиев оқу орны жасөспірімдер мен студенттердің бастамаларын әрдайым қолдайтынын айтты. Өз кезегінде студент-спортшы көрсетілген ілтипат үшін ризашылығын білдіріп, Қазақстандағы футболдың дамуына үлес қосуға ниетті екенін жеткізді.Фото: Ғылым және жоғары білім министрлігі

Шерхан Қалмұрзаға Алматыдағы университеттердің бірінен білім гранты берілді

<a href="https://kyzylorda-news.kz/">Kyzylorda-news.kz</a> Қазалы ауданының әкімі Алмасбек Есмаханов Әйтеке би кентіндегі бірқатар әлеуметтік нысандарды аралап, мекеме-кәсіпорындардың жұмысымен танысты.&nbsp;Аудан басшысы алдымен аудандық жұмыспен қамту және әлеуметтік бағдарламалар бөлімі мен Мансап, Отбасын қолдау орталықтарына барды. Мекемелердің жай-күйімен танысқан Алмасбек Әбілқасымұлы бөлім басшысы мен орталықтардың директорларына ғимараттардың ішкі және сыртқы санитарлық тазалық жұмыстарын қолға алып, халыққа сапалы қызмет көрсету бағытында бірқатар нақты тапсырмалар берді.&nbsp;Мұнан кейін Әйтеке би кенттік Мәдениет үйіне барып, &nbsp;мәдени нысанды аралады. Алдағы уақытта ғимараттың бірқатар аумақтарына жөндеу жұмыстарын жүргізіп, ондағы бос тұрған кабинеттерді тиімді жағынан пайдалану жөнінде салаға жауапты орынбасары мен мәдениет үйінің директорына тапсырмалар жүктеді.Аудан әкімі Әйтеке би кентіндегі әлеуметтік нысандарды аралау барысында Жалаңтөс Баһадүр атындағы орталық стадион мен аудандық дене тәрбиесі,спорт және туризм бөлімі ғимаратында көрді. Бөлім басшысы Орысбек Жәмшейітовке орталық стадионға күрделі жөндеу жұмыстарын жүргізу мақсатында жоба-сметалық құжаттарын әзірлеу керектігін тапсырды.Сонымен қатар спорт бөлімі ғимараты мен стадион аумағының санитарлық тазалығына қатысты бірқатар кемшіліктерді айтып, тезірек қалпына келтіруді тапсырды.

Әлеуметтік нысандардың жай-күйіне байланысты тапсырма берді

<a href="https://kyzylorda-news.kz/">Kyzylorda-news.kz</a> Әлемге әйгілі актер, режиссер, продюсер Джеки Чан қатысатын «Құдіретті сауыт» фильмінің түсірілімі Қазақстанда өтеді, – деп хабарлайды <a href="https://kaz.inform.kz/news/dzheki-chan-kudrett-sauit-filmnn-franshizasin-kazakstanda-zhalgastiradi-8791d0/">Қазақпарат</a>.Бұл аңызға айналған франшизаның төртінші бөлімі болмақ.Жобаны ұйымдастырушылардың хабарлауынша, фильмнің кезекті бөлімінің түсірілім алаңы ретінде Қазақстан таңдалған. Бұл шешім Бейжіңдегі келіссөздерден кейін қабылданған.&nbsp;Айта кетейік, «Құдіретті сауыт» франшизасы алғаш рет 1986 жылы жарық көрді. Экшн мен шығыс комедиясын үйлестірген туынды актерді әлемдік жұлдызға айналдырды.Фото: sports.kz

Джеки Чан «Құдіретті сауыт» фильмінің франшизасын Қазақстанда жалғастырады

<a href="https://kyzylorda-news.kz/">Kyzylorda-news.kz</a> Күмәнді сілтемеге өтіп, төрт таңбалы кодты елемей хабарлап немесе банк карточкасын жоғалтқан жағдайда кез келген адам алаяқтардың құрығына ілігіп, атына несие рәсімделгенін кеш біліп жатады. Қаржы нарығын реттеу және дамыту агенттігі бұндай жағдайда жедел әрекет ету керектігін ескертеді.Бұл туралы&nbsp;<a href="https://stan.kz/alayaktar-rasimdegen-nesie-kanday-zhagdayda-esepten-shi-424334/">Stan.kz</a>&nbsp;ақпарат агенттігі хабарлайды.Алаяқтық кредитке тап болсаңыз, кредиторға дереу хабарласыңыз. Қоңырау шалыңыз немесе жазбаша түрде хабарлаңыз.Картаны, шотты және мобильді қосымшаны бұғаттауды талап етіңіз. &nbsp;Жүгіну фактісін тіркеуді сұраңыз.Полицияға арыз беріңіз. eGov, eOtinish порталы арқылы немесе бөлімшеге барып шағымдануға болады. Кредиттің күні, сомасы және ұйым атауын көрсетіңіз. Дәлелдерді SMS, скриншоттар, үзінді көшірмелер тіркеңіз.Полициядан мына құжаттардың бірін алыңыз:<ul><li style="text-align:justify;">– Сізді жәбірленуші деп тану туралы қаулы (ҚПК 71-бап)</li><li style="text-align:justify;">– Алаяқтық мән-жайларды жою жөніндегі ұсыныс (ҚПК 200-бап).</li></ul>Құжаттарды кредиторға жіберіңіз. &nbsp;Кредитор 3 күн ішінде пайыз, айыппұл есептеуді және берешек өндіріп алуды тоқтатуға міндетті.Кредитор талаптарды орындамаса, ҚР Қаржы нарығын реттеу және дамыту агенттігіне eOtinish арқылы шағым түсіріңіз. Полиция құжаты мен банктің бас тартуын тіркеңіз.Қай кезде кредит есептен шығарылады?Егер банк/МҚҰ тарапынан заңбұзушылықтар болса және полиция фактілерді растаған жағдайда несие сотсыз есептен шығарылады.Маңызды бұзушылық мысалдарына биометриялық сәйкестендірудің болмауы, жас шектеулердің бұзылуы, клиенттің келісімінсіз кредит рәсімделуі жатады.Ақшаның ерте берілуін (шешім қабылдау уақыты сақталмауы) сот арқылы полиция тергеп, сотқа материал тапсырады. Сот алаяқтық пен банк тарапынан бұзушылықтарды растайды.Полиция құжатынсыз немесе сот шешімінсіз кредит есептен шығарылмайды. Есептен шығару банк және микроқаржы ұйымы&nbsp;тарапынан заңбұзушылық болғанда ғана мүмкін болады.Фото: freepik.com

Алаяқтар рәсімдеген несие қандай жағдайда есептен шығарылады?

<a href="https://kyzylorda-news.kz/">Kyzylorda-news.kz</a> Алматы қаласында 1-4 қазан күндері Қазақстан мәнерлеп сырғанау одағы және “Денис Тен” қорының ұйымдастыруымен мәнерлеп сырғанаудан жасөспірімдер арасында халықаралық турнир өтті.&nbsp;Биыл алтыншы мәрте ұйымдастырылған &nbsp;“Denis Ten Memorial Challenge” бәсекесінде қызылордалық талантты спортшы Артур Смағұлов үздік өнер көрсетіп, бас жүлдені жеңіп алды.Жалпы дәстүрге жалғасқан биылғы додаға 18 елдің үздік спортшылары бақ сынады. &nbsp;Олардың қатарында Қазақстан, Армения, Әзербайжан, Канада, Қытай, Финляндия, Грузия, Италия, Оңтүстік Корея, Швеция, АҚШ, Эстония, Испания және Германиядан келген мәнерлеп сырғанаушылар бар.

Мәнерлеп сырғанау: Жерлесіміз жеңімпаз атанды

<a href="https://kyzylorda-news.kz/">Kyzylorda-news.kz</a> &nbsp;Облыс әкімі Нұрлыбек Нәлібаев Ұлттық статистика бюросының басшысы Мақсат Тұрлыбаевпен кездесті. Кездесуде Ұлттық ауыл шаруашылығы санағы мәселелері талқыланды.Санақты талапқа сай өткізу үшін ұйымдастыру комиссиясы құрылып, іс-шаралар жоспары мен ақпараттық қолдауға арналған медиа-жоспар бекітілді. Оның қорытындысы елдегі аграрлық саланың қазіргі ахуалын нақтылап, агроөнеркәсіп кешеніндегі тиімді мемлекеттік саясат пен бағдарламаларды қалыптастыруда маңызды рөл атқарады.Мемлекет тарапынан аграрлық салаға жасалған қолдаудың арқасында өсім қалыптасқан. Биыл 31 млрд. 300 млн. теңге, оның ішінде субсидиялауға 14 млрд. 200 млн. теңге қаржы бөлінді.Өткен 8 айдың қорытындысымен 66 млрд. 900 млн. теңгенің өнімі өндіріліп, өсім былтырғы сәйкес кезеңмен салыстырғанда 2,5 пайыз, тамақ өнімдерін өңдеу көлемі 16 пайызға артты. Ауыл шаруашылығына 9 млрд. 900 млн. теңге инвестиция тартылып, көрсеткіш өткен жылмен салыстырғанда 1,4 есе өсті.Мал басы мен оның негізгі түрлерін өндіруде тұрақты өсу үрдісі қалыптасты. Ет өндіру 3,8 пайыз, сүт өндірісі 3,3 пайыз, жұмыртқа өндірісі 7,9 пайызға артты.Аймақтың жер қоры 24 млн. гектар, оның 12 пайызы – ауыл шаруашылығы мақсатындағы жер. Биыл 189 600 гектарға дақылдар, оның ішінде 80 900 гектарға күріш егілді. Қазіргі таңда егін жинау жұмыстары қарқынды жүргізілуде. Егілген күріштің 73 мың гектары орылып, 64 мың гектары бастырылды, 340 мың тонна өнім алынып, әр гектардан орташа 52,9 центнерден айналуда. Өңірде алдағы үш жылда 37 инвестициялық жоба іске асырылады.Биыл 8 млрд. 800 млн. теңгенің 16 инвестициялық жобасы жоспарланса, оның 3 млрд. 400 млн. теңгеге бағаланған 8-і іске қосылды. Өткен екі жылда «Ауыл аманаты» жобасымен 5 млрд. 500 млн. теңгеге 782 жоба қаржыландырылды. Биылға 5 млрд. 500 млн. теңгенің 559 жобасы межеленген.

Облыс әкімі Ұлттық статистика бюросының басшысымен кездесті

<a href="https://kyzylorda-news.kz/">Kyzylorda-news.kz</a> &nbsp;Алматыда өткен “Қайрат” пен “Жетісу” арасында матчынан кейін&nbsp;“Қайраттың” бас бапкері Рафаэль Уразбахтин баспасөз мәслихатында журналистердің бір қатар сұрақтарына жауап берді.&nbsp;Бұл туралы&nbsp;<a href="https://stan.kz/siylik-bergisi-kelse-barlik-oyinshilarga-bersin-kayrat-424315/">Stan.kz&nbsp;</a>ақпарат агенттігі хабарлады.“Қайраттың” бас бапкеріне қойылған сауалдардың көбі&nbsp;18 жастағы қақпашы Шерхан Қалмұрза мен Темірлан Анарбековке сыйға берілген көлік жайында болды.<blockquote>“Әрине, біз кәсіпкерлерге сыйлық беруге тыйым сала алмаймыз. Бірақ мәселенің мәнін дұрыс түсіну керек. Бір ойыншыны бөліп көрсету&nbsp;– бұл дұрыс емес. Футбол&nbsp;–&nbsp;командалық ойын. Егер көмектескісі келсе, жалпы клубқа көмектессін. Ал егер сыйлық бергісі келсе –&nbsp;барлық ойыншыларға берсін. Мен ешкімді үйрете алмаймын, бірақ командалық тұрғыдан алғанда, бір адамды ерекшелеп марапаттау&nbsp;– дұрыс емес шешім. Біздің клубтың ұстанымы да сол –&nbsp;біз бір командамыз. Егер сыйлық берілсе, ол клубқа берілсін. Мысалы, автобус немесе микроавтобус. Менің жеке пікірім –&nbsp;осындай жекелей марапаттау қажет емес”, – деді Рафаэль Уразбахтин.</blockquote>Еске салайық, Чемпиондар лигасында “Қайрат” футбол клубы өз алаңыда Шотландияның Селтигін қабылдаған еді. Негізігі уақытта қос команда да есеп аша алмай, ойынның тағдыры пенальти сериясында шешілді. Бұл ойында Қайраттың қақпасын сенімді түрде қорғап, үш бірдей пенальти қайтарған Темірлан Анарбеков өз командасын чемпиондар лигасына шығарды. Осыдан кейін матчтың қаһарманы атанған Темірлан Анарбековке Astana Motors компаниясының негізін қалаушы Нұрлан Смағұлов Apple Macbook, ал бас бапкер Уразбахтинге Hyundai Palisade көлігінің кілтін табыстаған.Бұған қоса “Реалға” қарсы ойында Қайраттың қақпасын қорғап, желі жұлдызына айналған Шерхан Қалмұрзаға кәсіпкер Ұлықбек Шарипов заманауи Exeed көлігін сыйға тартты.Ал Темірлан Анарбековке Zigi Zagi компаниясы арнайы көлік сыйлады.Фото: “Қайрат” ФК

Сыйлық бергісі келсе барлық ойыншыларға берсін – Қайрат клубының бас бапкері

<a href="https://kyzylorda-news.kz/">Kyzylorda-news.kz</a> &nbsp;Байқоңыр қаласында облыс әкімдігінің бекітілген кестесіне сәйкес, Қармақшы ауданының ауыл шаруашылығы тауар өндірушілері мен қала кәсіпкерлерінің қатысуымен ауыл шаруашылығы жәрмеңкесі өтті.Аталған шараға аудан әкімінің орынбасары Шыңғыс Сыдықов, Байқоңыр қаласы әкімшілігінің басшысы Константин Бусыгин, ҚР Президентінің «Байқоңыр» кешеніндегі арнаулы өкілінің қызметін қамтамасыз ету бөлімінің басшысы Жан Шайхысламов арнайы қатысып, жәрмеңкенің ұйымдастырылу барысын көрді.Жәрмеңкеге жалпы көлемі 76 тоннаға жуық ауыл шаруашылығы өнімдері жеткізілді. Қала тұрғындарына қолжетімді бағамен ет, балық, сүт өнімдері, күріш, көкөністер, жеміс-жидектер және басқа да күнделікті тұтынатын тағам түрлері ұсынылды.Қала тұрғындарын сапалы әрі экологиялық таза өнімдермен қамтамасыз ету мақсатында өткізілген шара Қармақшы ауданы әкімдігі мен «Байқоңыр» әлеуметтік-кәсіпкерлік корпорациясы тарапынан бірлесе ұйымдастырылды.Жәрмеңке барысында өнімдердің бағасы нарықтан төмен ұсынылып, қала тұрғындары тарапынан жоғары сұраныс пен оң пікірлерге ие болды.Фото: Қармақшы ауданы

Байқоңырда Қармақшы ауданының ауыл шаруашылығы жәрмеңкесі өтті

<a href="https://kyzylorda-news.kz/">Kyzylorda-news.kz</a> ҚР Парламенті Мәжілісінің депутаттары Мұрат Әбенов, Мархабат Жайымбетов және Жарқынбек Амантай жұмыс сапарымен Шиелі ауданына келді. Сапар барысында халық қалаулыларымен бірге аудан әкімі Айтбай Жандарбеков, аудандық мәслихат төрағасы Мұрат Тұрабаев, сондай-ақ бірқатар бөлім басшылары мен ауылдық округ әкімдері де болды.Мәжіліс депутаттарының сапарының негізгі мақсаты – ауданның әлеуметтік және экономикалық дамуын зерделеу, халықтың тыныс-тіршілігімен танысып, өзекті мәселелерін тыңдау болды.Алдымен халық қалаулылары күрделі жөндеуден өтіп, жаңа кейіпке енген №219 Ы.Алтынсарин атындағы орта мектептін жұмысымен танысты.Жылдар бойы мыңдаған түлекке сапалы білім мен тәрбие берген бұл білім ордасы соңғы уақытта ғимараттың ескіруіне байланысты күрделі жөндеуді қажет етті. Осыған орай биыл мектепті толық жаңғырту үшін 363 миллион теңге көлемінде қаржы бөлініп, құрылыс-монтаж жұмыстары атқарылды.Жөндеу жұмыстарын «СК и Монтаж-Строй» ЖШС компаниясы жүзеге асырды. Нәтижесінде мектептің ішкі және сыртқы келбеті түбегейлі жаңарып, оқу кабинеттері, зертханалар және пәндік сыныптар заманауи құрал-жабдықтармен қамтамасыз етілді.Бүгінде бұл мектеп ауданның үздік білім ордаларының бірі саналады. Депутаттар ұстаздармен кездесіп, білім беру сапасын арттыру мен мұғалім мәртебесін көтеру бағытындағы мемлекеттік саясаттың маңыздылығын атап өтті.Келесі кезекте, мәжіліс депутаттары Ортақшыл ауылдық округіне барып, жергілікті тұрғындармен кездесті.Бұл ауыл еліміздегі тары өндірудің негізгі орталығы ретінде белгілі. Халықтың шамамен 90 пайызы тары өсірумен айналысады. Ортақшылдық диқандардың еңбегімен өндірілген өнім бүгінде еліміздің түкпір-түкпіріне жөнелтіліп, аудан экономикасына елеулі үлес қосып отыр.Кездесуде ауыл шаруашылығын қолдау, өнімді өткізу нарығын кеңейту және ауыл инфрақұрылымын жақсарту мәселелері талқыланды.Сапардың соңында,халық қалаулылары Ақтоған ауылдық округіндегі халық игілігіне берілген дене шынықтыру-сауықтыру кешенінде болды.Аталған нысан «Қазақстан халқына» қорының қолдауымен салынған. Заманауи талаптарға сай салынған кешен ауыл тұрғындарының, әсіресе жастардың салауатты өмір салтын ұстануына үлкен мүмкіндік беріп отыр. Мұнда спорттың әртүрлі түрлерімен айналысуға жағдай жасалған — волейбол, баскетбол, күрес және басқа да спорт секциялары тұрақты түрде жұмыс істейді.Депутаттар ауыл жастарының спортқа деген қызығушылығын жоғары бағалап, бұқаралық спортты дамыту — елдің болашағына салынған инвестиция екенін атап өтті.Осындай жұмыс сапарлары арқылы халық қалаулылары елдің түкпір-түкпіріндегі тұрғындармен тікелей байланыс орнатып, жергілікті проблемаларды Парламент деңгейінде көтеруді мақсат тұтады.Фото: Шиелі ауданы әкімінің баспасөз қызметі

Мәжіліс депутаттары Шиелі ауданында бірқатар нысандарды аралады

<a href="https://kyzylorda-news.kz/">Kyzylorda-news.kz</a> &nbsp;«Taza Qazaqstan» Road-эстафетасымен Шиелі ауданында болған ҚР Парламенті Мәжілісіндегі «AMANAT» партиясы фракциясының мүшелері Мұрат Әбенов, Мархабат Жайымбетов және Жарқынбек Амантай, аудан әкімі Айтбай Жандарбековпен Руханият орталығында қоғамдық қабылдау өткізіп, тұрғындар өтінішін тыңдады.Қабылдау барысында тұрғындар инфрақұрылым, әлеуметтік қолдау, білім беру, денсаулық сақтау, ауыл шаруашылығы және жер қатынастарына байланысты өзекті мәселелерін көтерді. Халық қалаулылары әрбір сұраққа мұқият назар аударып, тиісті сала мамандарымен бірлесіп шешу жолдарын қарастыруға уәде берді.Мәселен, Мұрат Әбенов ауыл жастары үшін тұрғын алу мәселесіндегі алғашқы жарна мөлшерін төмендетуге қатысты жастар тарапынан айтылған ұсынысты Парламент қабырғасында қарап, тиісті министрліктермен талықлайтынын жеткізді.Қабылдауға облыстық, аудандық мәслихаттардағы депутаттық фракция мүшелері де қатысты.&nbsp;

Taza Qazaqstan» Road-эстафета аясында шиеліде қоғамдық қабылдау өтті 

<a href="https://kyzylorda-news.kz/">Kyzylorda-news.kz</a> &nbsp;Танымал актриса Дариға Бадықова күйеуінің мәлімдемесінен кейін желіде жазба жариялады. Ол өзін қаралап жатқан халыққа жауап берді. Бұл туралы <a href="https://stan.kz/azhirasip-ketsem-de-aksha-berip-tyrdim-dariga-badikova-424312/">Stan.kz</a> ақпарат агенттігі хабарлады.Кино жұлдызын бұрынғы күйеуінің сұхбаты қатты ашуландырған.<blockquote>“Еркектің бәрі ер емес. Кей адам киіммен, кей адам үнсіздігімен шешінеді. Мен – үнсізбін. Себебі, менің үнім шықпағаны — әлсіздігім емес, тәрбием еді. Жалғыз әйелдің үнсіздігі – айқайдан да қатты&nbsp;естіледі кейде. Бірақ үндемеген сайын, біреулер арзан тірлік жасап жатыр. Бір жақты пікірмен шешім шығарғандарға айтарым: Мен – сценарий емес, тірі адаммын! Киномның алдында, сонша төккен еңбегімнің, адал терімнің алдында, өмірімді күлге айналдырмақ болған әрекет – тек мені емес, өнердің өзін де қорлау деп білем”, – деп жазды актриса.</blockquote>Одан кейін экс жолдасымен ажырасып кетсе де, ақша беріп тұрғанын жасырмады.<blockquote>"Менің де өз шындығым бар. Өтірік бақытты адамның рөлін ойнағанмын. Елдің адамы болған соң көп нәрсені ашық айтпадым — бекер екен. Ол өтірік күйеуім болғандай кейіп танытпасын. Өтірік әңгімелерінен шаршадым. Еркек басымен “жертво” болып отыр. Біз біраз уақыт бұрын ажырасқанбыз, бірақ біразға дейін бір шаңырақ астында өмір сүрдік. Енді бәрін ашып айтамын. Киноға жасаған қастандығын, қызғаныштарын... Өнерімді тартып ала алмайды. Біз бақытты өмір сүрмедік. Кеткен әйел қашан да жаман көрінеді. Өзім еркек те, әйел де болудан шаршадым. Ол істейтін ісі жоқ, тамағы мен киімін кім алып жүргенін де білмейді. Кетіп қалсам да ақша сұрап, маза бермейтін. Сау адамға ақша беріп жүрдім, құрбыларым тоқтат деді. Беруді қойған соң, енді осындай әңгіме шығарып отыр", – деп жазды Бадықова.</blockquote>Фото: Сұхбаттан скриншот

Архив