<a href="https://kyzylorda-news.kz/">Kyzylorda-news.kz</a> Мемлекет басшысы Қасым-Жомарт Тоқаев 8 қыркүйекте жасаған Жолдауында еліміз үшін еңбек адамының орны айрықша екенін атап өтті. Президент өткен жылы жариялаған «Жұмысшы мамандықтар жылы» бастамасына қайта оралып, оның мән-маңызын нақтылай түсті. Осы мақсатта өңірдегі оқу орындарында жасалып жатқан жұмыстар оң нәтижесін беруде. Аймақтың басты ақпарат алаңында И.Әбдікәрімов атындағы Қызылорда политехникалық жоғары колледжі директорының оқу-өндірістік жұмыстары жөніндегі орынбасары Мағрипа Айтенова мен Халықаралық "Orda" жоғары колледжі директорының кәсіптік оқыту жөніндегі орынбасары Айнұр Бекенова жұмысшы мамандар дайындау бағытындағы бірқатар жұмыстарды баяндап берді.<blockquote>– «Жұмысшы мамандықтар жылы» аясында біршама жұмыстар атқарылды. Ұлттық статистика бюросының мәлімдемесі бойынша елімізде белгілі 10 сала бойынша еңбекке қабілетті 9,6 млн адам жұмыс жасаса сол салалардың 8-не И.Әбдікәрімов атындағы Қызылорда политехникалық жоғары колледжінде мамандар даярланады. Атап айтқанда: Көлік және байланыс, Құрылыс, Ауыл шаруашылығы және орман, Тау кен саласы, Энергетика және коммуналдық қызметтер, Өндіріс және механика, Аграрлық сала. «Жұмысшы мамандықтары жылы» бастамасы жастарды осы салаларға тартуға бағытталған. Бүгінгі таңда жастар техникалық және өндірістік мамандықтарға қызығушылық танытпай, кеңсе жұмысын жиі таңдайды. Жастарды осы салаға тарту үшін оларға жұмысшы мамандықтарының маңыздылығы мен артықшылықтарын түсіндіру, сондай-ақ осы мамандықтарға бағытталған білім беру бағдарламаларын жаңарту қажет. Бұл бағытта ен алдымен колледжде кәсіптік бағдар жақсы орынға қойылған, – деді Мағрипа Махмудқызы.</blockquote>Биыл “Орда” колледжі халықаралық статусқа ие болып, алыс-жақын шет елдердегі жоғары оқу орындарымен ынтымақтастықты нығайтты.<blockquote>– Халықаралық конференциялар өткізілді, ал жуырда ғана колледж басшысы Сеул қаласында болып, жұмысшы мамандықтарын ілгерілетуге бағытталған бірқатар жобаларға қол қойып келді. Алдағы жоспарлар ауқымды. Жаңа оқу жылында колледж қабырғасында жұмысшы мамандықтарын дамытуға арналған түрлі шаралар ұйымдастырылмақ. Оның ішінде тәжірибелік сабақтарды күшейту, шетелдік серіктестермен бірлескен жобаларды жүзеге асыру және студенттердің кәсіби шеберлігін шыңдайтын байқаулар өткізу көзделіп отыр. Биылғы оқу жылында студенттерге берілетін мүмкіндіктер көбейеді. Біз тек теориямен шектелмей, өндірістік тәжірибеге ерекше мән береміз. Жұмысшы мамандықтарының беделін арттыруға бағытталған бастамаларымыз жүйелі түрде жалғаса береді, -–деді Айнұр Ерталапқызы.</blockquote>

Жұмысшы мамандықтары жылы: Қала колледждерінде жаңа бастамалар жүзеге асуда

<a href="https://kyzylorda-news.kz/">Kyzylorda-news.kz</a> Аймақ басшысының қолдауымен аудандар мен қаладағы парктер, сквер-аллеялар жаңғыртудан өткізілуде. Сондай ауқымды жұмыстардың бірі – облыс орталығындағы Президент паркінде жүргізілуде.<img src="https://knadmin.beoblood.kz/uploads/1_Prezident_parkindegi_rylys_ar_yny_f64a7d3843.jpg" alt="1 Президент паркіндегі құрылыс қарқыны.jpg">&nbsp;Саябақты қайта жаңғыртуды қолға алған бас мердігер «Bi Global» ЖШС жоба бойынша 3 аллея, 6 субұрқақ, 5 амфитеатр, 7 балалар ойын алаңы, 4 спорт алаңы, 4 workout аймағы, 7 демалыс аймағы, 4 фудкорт, теннис үстелдері, айналмалы дөңгелек аттракцион, тамақтану ғимараттары, би алаңы, стритбол, вело, жүгіру жолақтары, сахна, саябақ ішіндегі сарқырама каналдары, канал үстінен көпірлер, шахмат, баскетбол, футбол алаңдары, арқан саябағы, модульдік- санитарлық ғимарат орналастыруда.<img src="https://knadmin.beoblood.kz/uploads/2_Prezident_parkindegi_rylys_ar_yny_91e1179db1.jpg" alt="2 Президент паркіндегі құрылыс қарқыны.jpg">Сонымен қатар, саябақ аумағында жылдың төрт мезгілінде үздіксіз жұмыс істейтін 300 орындық заманауи балалар тынығу лагері мен Ботаникалық білім беру орталығы, яғни қысқы бақ салынуда. Бұл жұмысты «Alem Qurylys AQ» ЖШС-гі жүргізуде. Лагерьде спорт блогы, іс-шараларға арналған event-аймақ, 4 тұрғын аумақ, қонақ үй үлгісіндегі шағын ғимарат, 5 дәстүрлі үлгідегі киіз үй, ашық бассейн, стадион, футбол алаңы, сахна және басқа да демалыс орындары болады. Сондай-ақ, Президент саябағы мен "Астана" шағын ауданын байланыстыру үшін Сырдария өзені үстінен жаяу жүргіншілер көпірі түседі.<img src="https://knadmin.beoblood.kz/uploads/3_Prezident_parkindegi_rylys_ar_yny_dc42c5ac59.jpg" alt="3Президент паркіндегі құрылыс қарқыны.jpg">Алдағы уақытта Президент саябағы қаланың ең көрікті орындарының біріне айналады.

Президент паркіндегі құрылыс қарқыны 

<a href="https://kyzylorda-news.kz/">Kyzylorda-news.kz</a> ҚР Төтенше жағдайлар министрлігінің 30 жылдығына орай елімізде «30 жыл – 30 игі іс» атты акция бастау алды. Науқанға қызылордалық төтеншеліктер де өз үлестерін қосып, жалғызбасты аналар мен мүгедектігі бар тұрғындардың жылыту пештеріне жөндеу жұмыстарын жүргізіп, қатты отынмен жылытатын үйлердің түтін мұржаларын тазалау жұмыстарын жүргізді. Бұл туралы Өңірлік коммуникациялар қызметінің ақпарат алаңында облыстық ТЖД Мемлекеттік өрт бақылау басқармасының бастығы Асхат Оразбеков айтты.<blockquote>- Бүгінде облыс бойынша әлеуметтік аз қамтылған, көп балалы, мүгедектігі бар 6 825 тұрғын үй тізімі нақтыланды. Департамент қызметкерлері тізім бойынша тұрғын үйлерге өрт қауіпсіздігі шараларын сақтау туралы түсіндірме жұмыстарын жүргізуде. Одан бөлек, биыл әлеуметтік осал топтағы тұрғындардың үйлеріне жергілікті бюджет есебінен сатып алынған 484 дана табиғи газды анықтайтын датчиктер орнатылуда. Бұл датчиктер тұрғындардың улы газдан улану фактілерінің алдын алуға көмектеседі. Айта кету керек, әр аптаның сенбі күні тиісті мамандармен бірлесіп өрттің пайда болуын, түрлі қауіп-қатердің алдын алып, азайту мақсатында профилактикалық жұмыстары атқарылды. Бүгінге дейін барлығы 6 000-нан аса тұрғын үй секторын аралау арқылы 23 000 тұрғынға үгіт-насихат жұмыстары жүргізілді,- деді Асхат Плалұлы.</blockquote>Фото: Қызылорда облысының Өңірлік коммуникациялар қызметі

ТЖМ 30 жылдығына арналған “30 игі іс” акциясы өтуде

<a href="https://kyzylorda-news.kz/">Kyzylorda-news.kz</a> &nbsp;Оқу жылы басталғалы бері ата-аналар балаларына қандай тегін медициналық қызметтер көрсетілетінін білгісі келеді. Әлеуметтік медициналық сақтандыру қоры бұл туралы түсініктеме дайындады.&nbsp; Оқушылар МӘМС жүйесінде автоматты түрде сақтандырылған, яғни олар үшін &nbsp;жарналарды мемлекет төлейді. Сондықтан олар кепілдендірілген тегін медициналық көмек көлемінде де, міндетті әлеуметтік медициналық сақтандыру пакеті аясында да барлық қажетті медициналық қызметтерді ала алады.Оқушыларға қандай медициналық қызметтер қолжетімді?Мектеп медицинасы; Стоматологиялық&nbsp;қызметтер; Дәрігерлердің консультациялары; Зертханалық талдаулар; Құрал-жабдық диагностикасы (УДЗ, рентген, КТ, МРТ және т.б.); Күндізгі стационар; Тәулік бойғы стационар; Оңалту қызметтері; Дәрі-дәрмекпен қамтамасыз ету (аурулардың тізімі бойынша); Жоғары технологиялық медициналық көмек.«Мектеп медицинасы» деген не?Бұл – білім беру ұйымдарында мектеп және мектепке дейінгі балаларға көрсетілетін медициналық көмек. Оған балалардың денсаулығын қорғау мен нығайту, аурулардың алдын алу және олардың денсаулық жағдайын динамикалық бақылау кіреді.&nbsp; &nbsp; &nbsp; &nbsp; &nbsp;Мектеп медицинасына&nbsp;келесі қызметтер&nbsp;кіреді:Алдын ала медициналық қарауларды жүргізу; Оқу және демалыс уақытындағы сауықтыру іс-шаралары; Аурулардың алдын алу; Денсаулықты нығайту және дұрыс тамақтануды насихаттау; Репродуктивті денсаулықты қорғау; Психикалық денсаулықты қорғау, суицид, темекі шегу, есірткі мен улы заттарға әуестік, ойынға тәуелділіктің алдын алу; Ұлттық екпе күнтізбесіне сәйкес вакцинация жүргізу; Алдын ала қараулар нәтижесі бойынша оқушыларды терең медициналық тексеруге жолдау; Санитарлық ережелерді сақтау.&nbsp; &nbsp; &nbsp;Бұл қызметтер мектеп орналасқан аумаққа тиесілі емхана арқылы көрсетіледі. Мектептердегі медициналық пункттер оқу жылы барысында балаларды медициналық қызметкерлер бақылап, уақытылы медициналық көмек көрсетуге мүмкіндік береді.&nbsp; &nbsp; &nbsp;«Кейде бізге ата-аналардан балаларын рұқсатсыз басқа медициналық ұйымға тіркеп қойғаны туралы шағымдар түседі. Мұндай пікірдің пайда болуына себеп – жүйеде баланың басқа емханадан медициналық қызмет алғаны туралы ақпараттың көрінуі. Алайда іс жүзінде бұл қызметті баланың оқып жатқан мектебіне қызмет көрсететін емхана көрсеткен», – деп түсіндірді Әлеуметтік медициналық сақтандыру қорының басқарма төрағасының орынбасары Индира Саркенова.&nbsp; &nbsp; Сол себепті ата-аналар кейде балаларына қатысты көрсетілген медициналық қызметті білмей, оған жүгінбегенін айтып жатады. Мұндай қызметтер туралы ақпарат скрининг және қосымша диагностикалық шаралар толық аяқталғаннан кейін, кейде баланың жасы жеткеннен кейін ғана базада пайда болуы мүмкін (мысалы, баланың жасы жетіге толмаған болса да, ол бірінші сыныпта оқитын болса, скрининг нәтижелері бала туған күнінен кейін енгізіледі).Әлеуметтік медициналық сақтандыру қорының баспасөз қызметі

Архив

Жұмысшы мамандықтары жылы: Қала колледждерінде жаңа бастамалар жүзеге асуда

Президент паркіндегі құрылыс қарқыны

ТЖМ 30 жылдығына арналған “30 игі іс” акциясы өтуде

Оқушыларға қандай медициналық көмек қарастырылған?