БЕС ЖАҢАЛЫҚ: Апталық шолу

<a href="https://kyzylorda-news.kz/">Kyzylorda-news.kz</a> Профилактика жылы аясында Қызылорда облысы полиция департаментінің Сырдария ауданы полиция бөлімі 10-14 жас аралығындағы балалар арасында кіші футболдан жарыс ұйымдастырды.Аталған спорттық іс-шара жасөспірімдер арасында құқықбұзушылықтың алдын алу, салауатты өмір салтын насихаттау және олардың бос уақытын тиімді өткізу мақсатында өткізілді.Тәртіп сақшылары тек қана қоғамдық тәртіпті күзетіп қоймай, өскелең ұрпақтың тәрбиесіне де белсене атсалысып келеді. Осындай игі бастамалардың бірі – спорт арқылы жасөспірімдердің қызығушылығын арттырып, дұрыс бағыт-бағдар беру.Қызмет барысында болашақтан зор үміт күттіретін жас спортшылар анықталып, олардың талантын шыңдауға мүмкіндік жасалды. Полицейлер балаларға үлгі көрсетіп, оларды тәрбиелеуде тек сөзбен емес, іспен дәлелдеп келеді.

Қызылордалық полицей – болашақ чемпионды тәрбиелеуде

<a href="https://kyzylorda-news.kz/">Kyzylorda-news.kz</a> Жалағаш ауданының әкімі Ардақ Ибраимовтың төрағалығымен мәжіліс өтті. Жиында ауданның әлеуметтік-экономикалық даму көрсеткіштері, салық базасын ұлғайту, инвестиция тарту шаралары және басқа да маңызды мәселелер талқыланды.2025 жылдың алғашқы жартысында ауданның экономикалық дамуында оң тенденция қалыптасып, өнеркәсіп өнімінің көлемі – 139,3 пайызға, өңдеу өнеркәсібі – 222,3 пайызға, инвестициялар тарту – 102,1 пайызға, бөлшек сауда – 101,2 пайызға, ауыл шаруашылығының жалпы өнімі – 102,5 пайызға, тұрғын үй көлемі – 105,4 пайызға, құрылыс жұмыстары – 111,5 пайызға орындалды.Көрсеткіштерді одан әрі арттыру мақсатында тоғыз айлық қорытынды бойынша халықтың сұранысына сай жобаларды іске асыру, инвестиция тарту және тұрғындардың әл-ауқатын жақсарту бағытында нақты міндеттер қойылып, жауапты сала басшыларына тапсырмалар жүктелді.

Жалағаш ауданының әлеуметтік-экономикалық даму көрсеткіштері талқыланды

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінің әскери кафедрасында Ұлы Отан соғысының 80 жылдығы қарсаңында салтанатты әскери ант қабылдау рәсімі өтті.Шара барысында университеттің ректор міндетін атқарушы – Академиялық мәселелер жөніндегі проректор Дана Абдрашева курсанттарды құттықтап, бұл қадамның білім мен машықпен қатар, тәртіп пен жауапкершілікті талап ететінін атап өтті.<blockquote>«Сіздер – ел қауіпсіздігіне үлес қосатын, туған жерін қорғай алатын білімді де білікті патриот офицерлерсіздер. Қазіргі заман – қарумен емес, біліммен қорғанатын кезең. Сондықтан қай салада еңбек етсеңіздер де, елге адал қызмет етесіздер деп сенеміз», – деді проректор.</blockquote>Екі жыл бойы әскери дайындықтан өткен курсанттар Қазақстан Республикасының Қарулы Күштерінің қатарына қосылып, Отан алдындағы борышын өтеуге ант берді. Салтанатты шара аясында офицерлер бағдарламасы бойынша 109 студентке запастағы офицер, ал сержанттар бағдарламасы бойынша 33 студентке запастағы кіші сержант әскери атағы берілді.Биылғы рәсім – Ұлы Отан соғысындағы Жеңістің 80 жылдығына арналған мерейтойлық шаралардың бір бөлігі ретінде ұйымдастырылды. Бұл — тарихи оқиғаға деген тағзым ғана емес, жас ұрпақтың отансүйгіштік қасиетін нығайтуға бағытталған маңызды қадам.Айта кетейік, 2000 жылы құрылған университеттің әскери кафедрасы осы уақытқа дейін 3 мыңнан астам жас маманды даярлап, еліміздің Қарулы Күштерінің сапын кәсіби кадрлармен толықтырып келеді.Фото: Қорқыт ата атындағы Қызылорда университетінің медиа орталығы

Әскери ант қабылдау рәсімі өтті

<a href="https://kyzylorda-news.kz/">Kyzylorda-news.kz</a> Облыс әкімінің тапсырмасына сәйкес Қызылорда облысындағы қалалар мен елді мекендердің аумақтарын абаттандыру, жер және құрылыс саласындағы кейбір мәселелерді реттеу үшін арнайы жұмысшы топ құрылды.Аталған тапсырмаға сәйкес, облыс аумағында жалпы 555құрылысы жүріп жатқан (Қызылорда қаласы – 158, Арал ауданы – 72, Қазалы ауданы – 65, Қармақшы ауданы – 35, Жалағаш ауданы – 29, Сырдария ауданы – 36, Шиелі ауданы – 72, Жаңақорған ауданы - 88) кәсіпкерлік нысандар бойынша зерделеу жұмыстар жүргізілуде.Бүгінгі күнімен175нысан заңдастырылды (Қызылорда қаласы– 81, Арал – 13, Қазалы–6, Қармақшы -4, Сырдария – 5,Шиелі – 2, Жаңақорған – 64), &nbsp;ал 81 нысан заңсыз салынғаны анықталып, олардың меншік иелерінежалпы 214 хаттама толтырылып(Қызылорда қаласы – 33/81, Арал ауданы – 9/21, Қазалы ауданы – 10/30, Қармақшы ауданы – 1/3, Жалағаш ауданы – 5/14, Сырдария ауданы – 10/29, Шиелі ауданы – 5/14, Жаңақорған ауданы – 8/22), 86 579 960теңге айыппұл салынды.Бұған қоса, Қызылорда қаласының 4кәсіпкерлік нысаны бұздырылып, қазіргі таңда КБИ мөлтек ауданыңда заңсыз салынған пәтердің қосымша құрылысын бұздыруға соттын шешімі шықты.Сонымен қатар, Қызылорда облысының мемлекеттік сәулет-құрылыс бақылауы басқармасының қызметкерлерімен құрылыс процесстеріне қойылатын негізгі талаптар бойынша күнделікті түсіндірме жұмыстарын жүргізіп түсіндірме парақшаларын таратуда.Әліп Мәди Раманқұлұлы,Қызылорда облысының мемлекеттік&nbsp;сәулет-құрылыс бақылауы басқармасының&nbsp;басқарма басшысының орынбасары&nbsp;&nbsp;

Қызылордада заңсыз кәсіпкерлік нысандарға қарсы шаралар күшейтілді

<a href="https://kyzylorda-news.kz/">Kyzylorda-news.kz</a> Жыл басынан бері Қызылорда облысының тұрғындарына 3,5 мыңнан астам ресми құжаттар салтанатты рәсіммен табысталды. Осындай рәсімдердің бірінде екі буын өкілдері кездесті: жас жұбайлар Абзал мен Тансулу Еріковтер және отасқандарына 50 жыл толған Тарзан мен Балиға Шашақовтар.Жуырда өткен салтанатта екі буынның әсерлі кездесуі орын алды: жас жұбайлар Абзал мен Тансулу Еріковтер махаббат пен адалдыққа ант беріп жатқан сәтте, Тарзан мен Балиға Шашақовтар алтын тойларын атап өтті. Шашақовтар әулеті – мықты отбасының жарқын үлгісі: олар үш баланы тәрбиелеп өсіріп, тоғыз немере мен екі шөбере сүйіп отыр.Буындар сабақтастығын көрсеткен бұл әсерлі кездесу шараның шын мәнінде көркіне айналып, қонақтар мен қатысушылардың жүрегіне жылы әсер қалдырды. Мұндай сәттер отбасы құндылықтарының маңызын және ұрпақтар арасындағы байланыстарды айқын көрсетеді.Бұл тәжірибе зейнеткерлер мен жас отбасылар тарапынан үлкен қолдау тапты. Олар маңызды құжаттарды осындай салтанатты жағдайда алу мүмкіндігіне ризашылық білдіруде.2025 жылдың алғашқы алты айында облыста 1714 неке тіркелді — бұл өткен жылдың осы кезеңімен салыстырғанда 14% азайғае. Некелердің шамамен 60% облыс орталығында тіркелген, бұл қала тұрғындарының отбасын құру белсенділігінің жоғары екенін көрсетеді.Сондай-ақ, ажырасулар саны &nbsp;2% төмендеген. Бұл көрсеткіш отбасы институтын және отбасылық құндылықтарды нығайтуға бағытталған шаралардың оң әсерін байқатады.АХАТ өкілдерінің айтуынша, болашақта осындай салтанатты шаралардың ауқымын кеңейту және халыққа көрсетілетін қызмет сапасын арттыру жоспарлануда. Бұл бастама мемлекеттік қызметтердің халыққа жақындауының және әлеуметтік-мәдени байланыстарды нығайтудың жарқын мысалына айналды.

Қызылорда облысында ресми құжаттарды табыстау жаңа форматта өтуде

<a href="https://kyzylorda-news.kz/">Kyzylorda-news.kz</a> 2026 жылдың 1 қаңтарынан бастап жаңа Салық кодексі күшіне енеді. Қосылған құн салығының мөлшерлемесі 12%-дан 16%-ға дейін өседі, бірақ әлеуметтік маңызы бар азық-түлік, кітаптар мен археология саласына қатысты қызметтер бұл салықтан босатылады. Дәрі-дәрмек пен ақылы медициналық қызметтерге ҚҚС кезең-кезеңімен енгізіледі. Арнайы салық режимдерінің саны жетіден үшке дейін қысқарады. Бұл туралы бүгін Өңірлік коммуникациялар қызметінің алаңында Қызылорда облысы бойынша Мемлекеттік кірістер департаменті басшысының орынбасары Асқар Елеманов мәлімдеді.<blockquote>- Жаңа Салық кодексі - салық жүйесін әділетті, ашық және заманауи талаптарға сай қалыптастыруға бағытталған маңызды құжат. Мемлекет басшысы салық саясаты тұрақты, ашық әрі қарапайым болуы қажет екенін нақты атап өтті. Осы талаптарға сәйкес, 2026 жылдың 1 қаңтарынан бастап күшіне енетін жаңа кодексте бірқатар маңызды өзгерістер қарастырылған. Ең алдымен, қосылған құн салығы 12 пайыздан 16 пайызға дейін ұлғаяды. Бұл - салық әкімшілендіруді күшейтіп, бюджет кірісін арттыруға бағытталған қадам. Алайда әлеуметтік маңызы бар азық-түлік, кітаптар мен археология саласына қатысты қызметтер бұл салықтан босатылады. Сонымен бірге дәрі-дәрмек пен ақылы медициналық қызметтерге ҚҚС 2026 жылдан бастап 5 пайыз, 2027 жылдан бастап 10 пайыз көлемінде кезең-кезеңімен енгізіледі. Бұл денсаулық сақтау саласына жүктемені бірден арттырмау үшін жасалып отыр. Табысы жоғары азаматтар үшін прогрессивті жеке табыс салығы енгізіледі. Жылдық табысы 8500 АЕК-тен асатын азаматтар 15 пайыз мөлшерлемемен салық төлейтін болады. Бұл әділеттілік қағидатын енгізуге бағытталған. Сонымен қатар бұрынғы 7 арнайы салық режимі үшке дейін қысқартылады. Енді өзін-өзі жұмыспен қамтығандар, оңайлатылған декларация қолданушылар және шаруа қожалықтарына арналған нақты әрі түсінікті режимдер қолданылады. Бұл - кәсіпкерлерге қолайлы орта қалыптастыруға жасалған қадам. Жалпы, жаңа салық кодексі салық төлеушілердің құқығын қорғауға, салық жүйесін ашық етуге және мемлекет пен кәсіпкерлер арасындағы сенімді серіктестік орнатуға бағытталған. Біз бұл өзгерістерді тек қабылдап қана қоймай, әрбір азаматқа түсіндіру жұмыстарын жүйелі түрде жүргіземіз, - деді Асқар Сейдекәрімұлы.</blockquote><img src="https://knadmin.beoblood.kz/uploads/2026_zhyldan_bastap_zha_a_saly_kodeksi_oldanys_a_engiziledi_27b0062b49.jpg" alt="2026 жылдан бастап жаңа салық кодексі қолданысқа енгізіледі.jpg">Фото: Нұрболат Нұржаубай

2026 жылдан бастап жаңа салық кодексі қолданысқа енгізіледі

<a href="https://kyzylorda-news.kz/">Kyzylorda-news.kz</a> &nbsp;Бюджет те ағза секілді «тазаруды» қажет етеді. Осы орайда көмекке қаржылық детокс келеді — яғни шығыстарды қайта бағалау және шығыс пен кірісті ретке келтіру. Fingramota.kz сайтындағы жаңа материалымызда қаржылық жүктемені жеңілдетуді неден бастау керектігін және оны қалайша барынша тиімді жасауға болатынын айтамыз.Ақшаңызды нақты неге жұмсап жүргеніңізді анықтап алыңызОл үшін барлық шығыстарыңызды жазуды бастаңыз, бірақ әзірге оларды талдаудың қажеті жоқ – тек тіркеп отырыңыз. Бұл үшін сізге Excel кестелері, блокнот (қағаздан жасалған немесе телефондағы электрондық), сондай-ақ CoinKeeper және Monefy секілді арнайы қосымшалар көмектесе алады.Шығыстарды тіркеп отырған маңызды, себебі ақша көп жағдайда байқаусыз жұмсалады, ал шын мәніне келгенде ол нақты нәрселерге жұмсалады. Мысалы, сіз бір аптада төрт рет 850 теңгеге кофе сатып алғаныңызды (барлығы 3 400 теңге), бес рет 1 500 теңгеге такси шақырғаныңызды (7 500 теңге), үш рет 2 000 теңгеге тағамға жеткізумен тапсырыс бергеніңізді (6 000 теңге) жазып алдыңыз. Нәтижесінде, бір аптада сіз 16 900 теңге жұмсадыңыз, ақшаның қайда жұмсалып жатқанын шығыстарды белгілеуді бастағанда ғана байқадыңыз. &nbsp; &nbsp;«Қаржылық қоқыстан» арылыңызШығыстарыңызды тіркеуді және талдауды бастаған соң, еш қиындықсыз бас тартуға болатын қажетсіз шығыстардың бар екенін түсінесіз. Бұл – сіз фильмдерін қарамайтын дерлік түрлі онлайн-кинотеатрларға жазылымдар, ақылы ойындар және сіз пайдаланбайтын әрі қызбалықпен сатып алған, жазылымнан бас тартуды ұмытып кеткен өзін-өзі дамытуға арналған қосымшалар болуы мүмкін. Мұндай жазылымдардың құны аса қымбат болмайды, 2 000 теңге шамасында болуы мүмкін, &nbsp;алайда барлығы бірге маңызды соманы құрайды.Мысалы, сіз үш түрлі онлайн-кинотеатрға жазылып алдыңыз, бірақ барлық фильмдерді біреуімен ғана көресіз. Әрқайсысының жазылым құны 1 500 теңгені құрайды. Яғни, жалғыз кинотеатрды қалдырсаңыз, 4 500 теңгенің 3 000 теңгесін үнемдеуге болады.Әрі қарай, сіз өзін-өзі дамытуға арналған платформаға жазылдыңыз, бірақ сабақтарды тыңдайтын бос уақытыңыз жоқ және оған ай сайын босқа 1 800 теңге төлейсіз. Сонымен қатар, сіз онлайн-ойынның жаңартылуына жазылғансыз, бірақ оны да қолдануға уақытыңыз тапшы, ал картаңыздан ай сайын 1 900 теңге есептен шығарылады. Осылайша, артық шығыстардан бас тарту арқылы сіз ай сайын елеулі қаражат болып табылатын 6 700 теңгеңізді үнемдейсіз.Басымдықтарыңызды нақты айқындаңызМақсаттарыңызды нақты тұжырымдаңыз: алдағы үш айда сіз үшін не маңызды? Мысалы, демалысқа ақша жинау, қаржылық қауіпсіздік жастығын қалыптастыру немесе білімге инвестиция жасау. Егер ай сайын 30 000 теңгеден жинап отырсаңыз, үш айдың ішінде-ақ өзіңізге шағын саяхат жасауға мүмкіндік бере аласыз – шетелге бармасаңыз да, Бурабайға барып, жайлы демалып келуге әбден болады. Немесе кәсіби біліктілігіңізді арттыруға қажетті маңызды курстардың ақысын төлеуге болады. Әсіресе, егер бұған дейін «қаржылық қоқыстан» арылған болсаңыз, ақша жинау сіз үшін қиынға соқпайды.50/30/20 қағидасын қолданыңызБұл табысты бөлудің базалық схемасы міндетті шығыстар, жинақтар мен ойын-сауық арасындағы тепе-теңдікті сақтауға көмектеседі. Табысыңызды келесі үш бөлікке бөліңіз:50% – өмірлік маңызы бар шығындар (тұрғын үйді жалға алу немесе ипотека, коммуналдық қызметтер, көлік, дәрі-дәрмек, азық-түлік және т.б.); 30% – жинақтар мен қаржылық қауіпсіздік (депозитті толықтыру, жинақ қорын қалыптастыру, қарыздарды мерзімінен бұрын өтеу және т.б.). Басқаша айтқанда, бұл – сіздің қаржылық қауіпсіздік жастығыңыз; 20% – жеке шығыстар (хобби үшін ақы төлеу, кино және кафе, ойын-сауық және т.б.). Қарапайым тілмен айтқанда, бұл соманы өміріңізге жағымды әсер беретін нәрселерге жұмсайсыз. &nbsp; Мысалы, сіздің табысыңыз 300 000 теңгені құрайды. Оның ішінде 150 000 теңге міндетті шығыстарға, 90 000 теңге жинақтарға, ал 60 000 теңге ойын-сауыққа жұмсалады. 50/30/20 сияқты схемаларды қолдану арқылы сіз артық шығыстарға жол бермейсіз және ақшаңыздың нақты қайда жұмсалып жатқанын білетін боласыз.Саналы тұтынуды дағдыға айналдырыңызӘрбір сатып алу алдында өзіңізге мына үш сұрақты қойыңыз:Мен бұл затты шынымен пайдаланамын ба? Мен оны жалға алу немесе сұрау арқылы алмастыра аламын ба?Бұл сатып алу қажеттілік үшін болды ма, әлде эмоция алу үшін бе?Осылайша, сіз өзіңізді қызулықпен шығынға кіруден қорғайсыз. Мынадай жағдайды елестетіңізші: сіз дүкенге барып, 30 000 теңге тұратын сөмкені көресіз, оны қатты ұнатасыз. Енді бірінші сұрақты өзіңізге қойып, гардеробыңызда дәл осыған ұқсас модель бар екенін есіңізге түсіресіз. Осылайша, жаңа сөмкеге деген қажеттілік өздігінен жойылып, сіз оны сатып алудан мүлде бас тартасыз немесе өзіңізге өмірдің әртүрлі жағдайларына мысалы, күнделікті немесе жиындарға ұстайтын фасоны немесе сәні басқа сөмке керек екенін түсінесіз.Нәтижені бекітіңізҚаржылық детоксты бастау жеткіліксіз, оны сақтау қажет, сондықтан айына бір рет шығыстарыңызды қайта қарап, мақсаттарыңызды жаңартып, әрі қарай ынталану үшін жақындарыңызбен жеткен нәтижелеріңізбен бөлісіп отырыңыз.<img src="https://knadmin.beoblood.kz/uploads/fingramota_kz_ec9b06d1b2.png" alt="fingramota.kz.png">Fingramota.kz-пен бірге қаржылық сауаттылығыңызды арттырыңыз!Фото: fingramota.kz

Қаржылық детокс: шығыcтарды қалай ретке келтіруге болады?

<a href="https://kyzylorda-news.kz/">Kyzylorda-news.kz</a> Арал ауданында теміржолшылар құрметке бөленді. Кәсіби мереке және Сексеуіл темір жолы мекемелерінің құрылғанына 120 жылдығы мерекесі қарсаңында түрлі деңгейде шаралар өтті.Экономиканың күретамырына айналған теміржол саласы – еліміздің әлеуметтік-экономикалық дамуында, өндіріс пен халық арасындағы байланысты нығайтуда аса маңызды рөл атқарып келе жатқаны ілгеріден белгілі.Кент орталығы кешкілік ақшаңқан киіз үйлермен әрленіп, сауық-сайранның салтанат құрар құтты мекеніне айналғандай. Алыстан менмұндалайтын арайлы алаң үлкен-кішінің той-думанға көңілін қоштап, жан сарайын жадыратқандай тәрізді.Жалпы темір жол саласы соның ішінде азулы саланың қос қанатындай Сексеуіл локоматив жөндеу және пайдалану депосының басқалардан орны бөлек іспетті.Сонау 1905 жылға дейін шеберхана атанып келген орталық Орынбор-Ташкент теміржолы пайдалануға берілген тұста ол Сексеуіл паравоздар жөндеу депосы болып қайта құрылған еді. Кейіннен Сексеуіл локомотив айналым депосы болды. Сол уақыттарда локомотив бригадаларына арналған демалыс үйі салынып, осы салаға жан-жақты көңіл бөліне бастады. 1980 жылы деподағы жалпы жұмысшылар саны 1500-ге жетті. Сондай-ақ, 2000 жылы Сексеуіл локомотив депосы пайдалану және жөндеу депосы болып екіге бөлінді. Бұдан бөлек осы темір жол саласында 12 мекеме түрлі бағытта жұмыс жасайды.Мемлекет басшысы қоғамда еңбек адамына деген көзқарасты түбегейлі өзгертіп, жұмысшы мамандықтарды дәріптеу керектігін баса айтқаны белгілі. Бұл еліміздің өндірістік және логистикалық әлеуетін нығайту жолында айтарлықтай септігін тигізетін маңызды бастама. Бұл кеште қарапайым жұмысшы мамандар мен қарапайым еңбең адамдарына деген деген құрмет ерекше сезілді.<img src="https://knadmin.beoblood.kz/uploads/1_Temirzholshylar_rmetke_b_lendi_c7fb652e64.jpg" alt="1 Теміржолшылар құрметке бөленді.jpg">Салтанатты шараның бел ортасынан табылып, жоғары деңгейде өтуіне атсалысқан азаматтар бұл кеште ескерусіз қалмады. Кешкілік шымылдық түрген гала концертте аудан әкімінің орынбсары Н.Бохаев барша теміржолшыларды кәсіби мерекелерімен құттықтап, өзінің ізгі лебізін білдірді.<blockquote>– Сіздерді кәсіби мерекелеріңіз – Теміржолшылар күнімен және Сексеуіл локоматив жөндеу және пайдалану депосының құрылғанына 120 жыл толуымен құттықтаймын! Бұл мереке еліміздің даму жолындағы теміржолшылардың өлшеусіз еңбегін, тынбай төгілген терін, елге деген адал қызметін тағы бір мәрте айшықтайды. Бұл әр рельске сіңген маңдай тер, әр сапарға ұласқан сенім мен тұрақтылықтың шежіресі. Болат жол бойындағы барыс-келісті бір сәт көзден таса қылмай, локомативтің кідріссіз әрі сенімді жұмыс жасауына жағдай жасап келе жатқан Сіздердің осы жылдар ішіндегі еңбектеріңізді ел біледі. Қызметтеріңіз әрқашан табысты болсын! Кәсіби мереке күні сіздерге зор денсаулық, отбасы амандығы, еңбекте толағай табыс тілеймін, – деді аудан әкімінің орынбасары.</blockquote>Шара барысында Арал аудандық мәслихатының төрағасы, «AMANAT» партиясының Арал аудандық филиалы төрағасы Б.Төрахметов құттықтау сөз сөйлеп, теміржолшыларға деген игі лебізін жеткізді.Маңызды логистиканың тамырына қан жүгіртіп, уақытпен санаспай жұмыс жасап жүрген бір топ теміржолшылар мерекелік кеште Қазақстан Республикасы көлік министрлігінің «Құрметті темір жолшы» төс белгісімен және облыс, аудан әкімінің Алғыс хатымен, «AMANAT» партиясының Қызылорда облыстық филиалы төрағасының алғыс хатымен марапатталды. Сонымен қатар Қазақстан темір жол ұлттық компаниясы акционерлік қоғамының құрмет грамотасымен, Қазақстан темір жолы жүк тасымалы жауапкершілігі шектеулі серіктестігінің құрмет грамотасымен және Қазақстан темір жолы жүк тасымалы жауапкершілігі шектеулі серіктестігі Қызылорда бөлімшесінің құрмет грамотасымен, Қазақстан темір жолы ұлттық компаниясы акционерлік қоғамының алғыс хатымен бір топ теміржолжылар марапатталды.Көпшілікті шаттандырған мерекелік кеште қазақ өнеріндегі танымал есем, жерлесеміз Өмірқұл Айниязов бастаған жергілікті мәдениет саласының өнерпаздары ән-жырдан шашу шашып, мерекенің мәнін айшықтай түсті. Кеш соңында мерекелік отшашулар шашылды.Фото: Арал ауданы әкімдігінің баспасөз қызметі

Теміржолшылар құрметке бөленді

<a href="https://kyzylorda-news.kz/">Kyzylorda-news.kz</a> Шымкентте жыл басынан бері 17 адам балмұздақтан уланған.&nbsp;Суық десерт, әсіресе, аптап ыстықта&nbsp;қауіпті. Дәрігерлердің айтуынша, балмұздақ қатаң температура режимін сақтауды талап ететін&nbsp;тез бұзылатын өнім саналады. Бұл туралы <a href="http://stan.kz/">Stan.kz</a> ақпарат агенттігі 31-арнаның&nbsp;<a href="https://www.youtube.com/watch?v=1FLRsO3hY5o&amp;list=PLn2OyECVOtB-EU5ZgaxXyKNlKA3d8Oztd&amp;index=9">Информбюро</a>&nbsp;бағдарламасына сілтеме жасап хабарлайды.<blockquote>"Барлық сүт өнімі&nbsp;+2-ден +4 градусқа дейінгі температурада, тоңазытқышта сақталады және дұрыс тасымалданбаса, бұзылып кетуі мүмкін. Бұл жағдайда олар қоршаған ортаға өте сезімтал болуы ықтимал, микробтар көп болуы мүмкін, балмұздақ машинасын жиі&nbsp;тазалап отыру&nbsp;керек", –&nbsp;дейді диетолог-нутрициолог Луиза Алтынбекқызы.</blockquote>Мамандардың айтуынша, көбіне бұл талаптар&nbsp;еленбейді екен. Бұл ретте балмұздақ сататын орындарды санитарлық тексеру тек ресми шағымдар немесе прокуратурадан нұсқау түскеннен кейін ғана жүргізілуі мүмкін. Негізсіз жоспардан тыс тексеруге тыйым салынады.<blockquote>"Прокуратурадан ұйғарым немесе мемлекеттік органдар мен жеке тұлғалардан арыз-шағымдар түссе, жоспарлы тексерулер жүргізіледі. Осындай жағдайлардың алдын алу үшін санитарлық-ағартушылық жұмыстарын да жүргіземіз. Нысан жоғары қауіп тобына жататын болса және санитарлық қорытындысы болмаса, оның қызметі тоқтатылуы мүмкін", –&nbsp;деп атап өтті Шымкент қаласының санитарлық-эпидемиологиялық бақылау департаменті қоғамдық тамақтану нысандарын бақылау бөлімінің бастығы Әсем Дәулетова.</blockquote>Санитарлық дәрігерлердің айтуынша, құйылмалы балмұздақтан улану оқиғалары еліміздің барлық&nbsp;өңірінде тіркеледі. Соған қарамастан, тұрғындар оны сатып алады.Балмұздақтың бұзылғанын қалай анықтауға болады?&nbsp;Өнім консистенциясы өзгергенін байқасаңыз, мұз кристалдары пайда болса, онда ондай балмұздақтан бас тартқан жөн. Кейбір балмұздақтың түсі немесе иісі өзгеріп,&nbsp;қышқыл немесе ащы дәм пайда болады.Мамандар зауытта&nbsp;қапталған өнімдерді таңдауды ұсынады. Мұндай балмұздақ санитарлық бақылаудан өтеді және ауа өткізбейтін контейнерлерде сақталады, бұл бактерия түсу немесе ластану қаупін азайтады. Құйылмалы балмұздақтан айырмашылығы, қаптама өнімді сатушылардың қолмен ұстауынан&nbsp;және сыртқы ортамен жанасудан қорғайды.Фото:&nbsp;pixabay.com

Шымкентте 17 адам балмұздақтан уланған

<a href="https://kyzylorda-news.kz/">Kyzylorda-news.kz</a> Мемлекет басшысы ұшқыш-ғарышкер, Халық қаһарманы Талғат Мұсабаевтың отбасы мен жақын туыстарына көңіл айту жеделхатын жолдады, деп хабарлайды Ақорданың баспасөз қызметі. Қасым-Жомарт Тоқаев әйгілі ұшқыш-ғарышкер, Халық қаһарманы, мемлекет және қоғам қайраткері Талғат Мұсабаевтың дүниеден өтуіне байланысты оның отбасы мен туған-туыстарына көңіл айтты.<blockquote>–&nbsp;Талғат Амангелдіұлы үш мәрте ғарышты бағындырған, ашық космосқа шығып, айтулы ерлігімен еліміздің атын әлемге танытқан батыр тұлға еді. Отандық аэроғарыш саласын дамытуға бар күш-жігерін жұмсап, еселі еңбек етті. Сенат депутаты және қоғам қайраткері ретінде көптеген игі іске бастамашы болды. Кәсіби біліктілігімен, айналасына сыйлы азаматтық қалпымен халықтың құрметіне бөленген Талғат Амангелдіұлының жарқын бейнесі ұмытылмайды. Иманы саламат, жаны жәннатта болсын,&nbsp;– деп жазылған жеделхатта.</blockquote>Фото: Ақорда

Президент ұшқыш-ғарышкер Талғат Мұсабаевтың отбасына көңіл айтты   

<a href="https://kyzylorda-news.kz/">Kyzylorda-news.kz</a> Аймағымызда сұйытылған мұнай газын тұтыну көлемі жыл сайын артып келеді. Сұраныстың өсуіне байланысты облыста газ бағасын тұрақты ұстап тұру, жеткізілімді жүйелі ұйымдастыру бағытында кешенді шаралар қабылдануда. Бұл туралы Өңірлік коммуникациялар қызметінің ақпарат алаңында облыс әкімінің орынбасары Ардақ Зебешев баяндады.<blockquote>– Қазақстан бойынша сұйытылған мұнай газын тұтыну көлемі 2022 жылы 1,8 млн тонна болса, 2024 жылы бұл көрсеткіш 2,4 млн тоннаға жетті. Ал біздің облыста 2022 жылы газбен жүретін 7 290 автокөлік тіркелсе, биыл олардың саны 35 690-ға дейін артып, тұтыну көлемі 5 есеге ұлғайды. Бұл - өңірде газға деген сұраныстың қаншалықты артқанын көрсетеді. Соған қарамастан, біз бағаны тұрақтандыру бағытында нақты жұмыстарды жүзеге асырып келеміз. Қазіргі таңда Қызылорда облысында автогаздың бөлшек саудадағы бағасы 102 теңге шамасында сақталып отыр. Ал облыс орталығынан 200 шақырым қашықтықта орналасқан елді мекендерде 107 теңгені құрайды. Бұл - еліміз бойынша ең төмен баға тіркелген өңірлердің бірі. Мысалы, 12 облыста газ бағасы 117 теңгеге дейін көтерілген. Шілде айында операторлармен бірнеше рет мәжіліс өткізіліп, қолайлы келісімге қол жеткізілді. Атап айтқанда, шілде айында алынған газ қалдығы ескі бағамен - 85-90 теңгеден сатуға мүмкіндік берілді. Қазіргі уақытта облыстағы газ құю бекеттерінде 586 тонна көлемінде қор сақтаулы. Сонымен қатар, Атырау мұнай өңдеу зауытынан 648 тонна газ жолда келе жатыр. Тамыз айына жалпы 7 562 тонна көлемінде газ бөлінді. Бұған қоса, Энергетика министрлігімен келіссөздер нәтижесінде қосымша 1 044 тонна газ бөлінді.&nbsp;Бұл - өңірде газ тапшылығын болдырмауға бағытталған нақты шаралардың бірі. Операторлар шекті бағадан 5 теңгеге төмен бағада сату туралы бастама көтеріп, облыс орталығында автогаз 1 литр үшін 97 теңгеден (бекітілгені 102), ал аудандарда 102 теңгеден (бекітілгені 107) сатылатын болады. Ресми бекітілген шекті баға - 102 теңге екенін ескерсек, бұл халыққа жасалған қолайлы мүмкіндік. Газ тапшылығын болдырмау мақсатында қосымша бірқатар шаралар қабылданды. Атап айтқанда, мемлекеттік мекемелердегі газбен жүретін автокөліктерге бензинге көшу ұсынылды. Газдың ресурстық базасын ұлғайту бағытында да нақты жұмыстар қолға алынған. Энергетика министрлігі мен «Қазгермұнай» компаниясы арасында жасалған үшжақты меморандум аясында өндіріс көлемін жылына 60 мың тоннадан 120 мың тоннаға дейін ұлғайту жоспарланып отыр. Қыркүйек айынан бастап «Казпетрол групп», «Галаз и Компания» және «Тұзколь Мұнай Газ Оперейтинг» компаниялары өз кен орындарынан «Қазгермұнай» зауытына газ жеткізуді бастайды. Нәтижесінде ай сайынғы өндіріс көлемі 200 тоннаға артып, 5 200 тоннадан 5 400 тоннаға дейін жетеді. Газбен қамту тұрақты жүргізілуде. Әкімдік тарапынан күнделікті мониторинг ұйымдастырылып, тұрғындардың қажеттілігін үздіксіз қамтамасыз етуге күш салынуда,-деді Ардақ Темірханұлы.</blockquote>

Архив