<a href="https://kyzylorda-news.kz/">Kyzylorda-news.kz</a> ҚР Парламенті Мәжілісінің депутаттары, «AMANAT» партиясы фракциясының мүшелері Мархаббат Жайымбетов пен Мұрат Әбенов Сырдария ауданына жасаған жұмыс сапарында «Руханият» орталығында жеке қабылдау өткізді.Жеке және заңды тұлғалар өкілдерін қабылдауға келушілер инфрақұрылымды жетілдіру, құрылыс, кәсіпкерлік, әлеуметтік сала және «Ауыл аманаты» жобасына өзгерістер енгізу бойынша мәселелерді көтерді.Мәселен, білім саласының ардагері Ұ.Жаналиева «Жайлы мектеп» салу мәселесі бойынша сұрақ қойды.<blockquote>«Мен білім саласының ардагерімін. Өздеріңізге белгілі, Президенттің бастамасымен өңірлерде «Жайлы мектептер» салынуда. Алайда, Тереңөзек кенті орталығына салынуы керек «Жайлы мектеп» қаржыландырылмай қалды. Кент орталығына мектеп қажеттілігі күн санап артуда. Осыған байланысты жайлы мектепке теңестірілген типтік жобадағы мектеп салып беруге ықпал етсеңіздер» деді ардагер.</blockquote>Өз кезегінде кент тұрғыны С.Тобағұлов апатты үйлер мәселесін шешу мәселесін айтты.<blockquote>«Мемлекет басшысының қолдауымен жалпы аудандарда тұрғын үйлер көптеп салынуда. Осыған байланыста атқарып жатқан жұмыстарыңызға алғыс білдіреміз. Алайда аудандағы апатты жағдайдағы үйлердің мәселесі өзекті болып отыр. Апатты жағдайдағы үй иелеріне үй салып беру үшін мемлекеттік бағдарлама қарастырылмаған. Осы мәселеге Сізден республикадан қаржы бөлуге ықпал етуіңізді сұраймын» деді ол.</blockquote>Сонымен қатар С.Сейфуллин ауылының тұрғыны Б.Рахметов «Ауыл аманаты» бағдарламасы аясында Қызылорда облысында асыл тұқымды малын сатып алу талабын алып тастау бойынша ұсынысын жеткізді.<blockquote>«Ауыл тұрғындарына үй жағдайында асыл тұқымды малды алып асырауға мүмкіндік болмауда. Яғни бұл уақытқа дейін тек асыл тұқымды мал басына ғана берілуде. Тұрғындардың сұрауы осы бағдарлама аясында несиені жалпы мал басына берсе деген өтінішіміз бар» деді кәсіпкер.</blockquote>Ал Қалжан ахун ауылының тұрғыны Б.Зинабдинов Қалжан ахун ауылының электр желілерін жаңарту жобасы 2024 жылы басталып бүгінгі күні аяқталмай тоқтап тұрғанын айтты.Мәжілісітегі «AMANAT» фракция мүшелері әр мәселенің түйінін тарқатып, шешу жолдарын қарастырды.<img src="https://knadmin.beoblood.kz/uploads/Amanat_t_r_yndardy_abyldau_7891555fff.jpg" alt="Аманат тұрғындарды қабылдау.jpg">

Мәжіліс депутаттары азаматтарды жеке мәселесі бойынша қабылдады

<a href="https://kyzylorda-news.kz/">Kyzylorda-news.kz</a> Парламент Мәжілісіндегі «AMANAT» партиясы фракциясының мүшелері Мархаббат Жайымбетов пен Мұрат Әбеновтің Сырдария ауданына жасаған сапары тұрмыстық қатты қалдықтарға арналған полигонда жалғасты. Мұнда мәжілісмендер «Қызылорда-Жалағаш» автожолының бойынан көлемі 4 гектар жерге салынған полигон құрылысымен танысты.<blockquote>«Бұл полигонның аудан тұрғындары үшін маңызы зор. Полигон құрылысына облыстық бюджеттен 475,5 млн теңге бөлінген. Полигонда тұрмыстық қалдықтарды сұрыпталады. Құрылыс жұмыстарын «Техоснастка-Ремсервис» ЖШС атқарған. Айта кету керек, полигон шаруашылық және өндірістік аймақтардан тұрады. Өндірістік аймақта тұрмыстық қатты қалдықтарды сұрыптап жинайтын арнайы алаң, сүзгіш құдығы орналасқан. Мұнда жылына 3500 тонна тұрмыстық қатты қалдықтар сұрыпталмақ», – деп ақпарат берді аудан әкімі Берік Сәрменбаев.</blockquote>Мәжіліс депутаттары тұрғындарға жайлы орта қалыптастыру үшін тұрмыстық қатты қалдықтарға арналған полигонның жұмысын жүйелі ұйымдастыру қажеттігін айтты.<blockquote>«Біз ең алдымен халыққа берген сайлауалды уәдемізді орындауымыз керек. Жол картаға түскен әрбір іс-шараның уақытылы, сапалы жүзеге асуы қатаң бақылауда. Біз келіп отырған бүгінгі нысан да біздің халыққа берген уәделеріміздің нақты іске асуының нәтижесі», – деді Мұрат Әбенов.</blockquote>

Тұрмыстық қатты қалдықтарды сұрыптауда полигонның маңызы зор

<a href="https://kyzylorda-news.kz/">Kyzylorda-news.kz</a> ҚР Парламенті Мәжілісінің депутаттары, «AMANAT» партиясы фракциясының мүшелері Мархаббат Жайымбетов пен Мұрат Әбенов Сырдария ауданына жасаған жұмыс сапары барысында А.Тоқмағанбетов ауылдық округінде болып, ауыл тұрғындарымен кездесті.Кездесу барысында Мәжіліс депутаттары сегізінші шақырылымның үшінші сессияында атқарылған жұмыстар туралы айтты.<blockquote>«Бірер күн бұрын біз «AMANAT» партиясы фракциясының жиынында Мәжілістегі сегізінші шақырылымының үшінші сессиясында атқарылған жұмысты қорытындыладық. Қабылданған заңдардың саны мен шешілген мәселелердің ауқымы жағынан алып қарайтын болсақ, бұл саяси тұрғыда мазмұнды кезең болды. Парламент Әділетті Қазақстанды құру жолындағы реформаларды жүйелі жүзеге асыруда. Жалпы, біздің партияластар 62 заңға бастамашылық етті. Бұл құжаттар барлық парламенттік фракциялардағы әріптестерімізбен бірлесе жүргізген үйлесімді жұмыстың, Үкіметпен, сарапшылармен және азаматтық қоғаммен өзара сындарлы іс-қимылдың нәтижесіне айналды. Сөйтіп, VIII шақырылымда заң жобаларына барлығы 5300-ден астам өзгертулер мен түзетулер енгізілді және 626 депутаттық сауал жолданды, – деді Мархаббат Жайымбетов.</blockquote>&nbsp;<blockquote>«Парламент Мәжілісіндегі «AMANAT» фракциясы атқарған жұмыс қорытындысы жөнінде айтар болсақ, азаматтардың мүддесі мен мемлекеттің дамуы – басты назарда. «AMANAT» партиясы фракциясы VIII шақырылымның үш сессиясы аясында Президент Жолдаулары мен партияның сайлауалды бағдарламасын жүзеге асыру бойынша жүйелі және нәтижелі жұмыс жүргізуді жалғастырды. Қабылданған бастамалар негізгі салаларды қамтыды: экономика, денсаулық сақтау, білім беру, әлеуметтік қорғау, цифрлық инфрақұрылым және азаматтардың құқықтары. Фракция барлық заң жобаның 82,6%-на бастамашылық етті, тұрғындармен 4 мыңнан астам кездесу өткізді және азаматтардың өмірінде орын алған нақты өзгерістерге қол жеткізді. Біз сайлаушылардың ұсыныс-пікірін алдағы уақытта да ескеріп, нақты жұмыстар атқаратын боламыз. 1 шілде күні Сыр еліне депутаттық қызмет сапарымен келдік. Саяси тілде «каникул» деп аталып кеткен, шын мәнінде парламенттік жұмыстың өңірлік деңгейде жалғасуы. Кесте бойынша іс-шаралар, күніне бірнеше кездесулер, жеке қабылдау жоспарланған. Әріптесім Мархабат Жайымбетов бірге өңірді аралап, өндірістік жобалармен танысып, экономикалық әлеуметтік саладағы қалыптасқан жағдайды өз көзімізбен көріп, сайлаушылармен кездесеміз», – деді Мұрат Әбенов.</blockquote>Кездесуде ауыл тұрғындары өздерін толғандырған сауалдарын қойып, нақты жауаптар алды.<img src="https://knadmin.beoblood.kz/uploads/Frakcziya_m_sheleri_t_r_yndarmen_kezdesu_Syrdariya_2_845425750f.jpg" alt="Фракция мүшелері тұрғындармен кездесу Сырдария 2.jpg">

«AMANAT»: Ауыл тұрғындарымен кездесіп, атқарылған жұмыстарды баяндады

<a href="https://kyzylorda-news.kz/">Kyzylorda-news.kz</a> Қызылорда облысында этносаралық татулық пен қоғамдық келісімді нығайтуға бағытталған іс-шаралар өз жалғасын табуда. 2025 жылғы 3 шілдеде Қармақшы ауданына қарасты ІІІ Интернационал ауылында «Сыр елі – бейбітшілік пен келісім мекені» жобасы аясында «Бірлік пен келісімнің 30 жылы» атты көш керуені ұйымдастырылды.Іс-шараға облыстық ақпараттық-түсіндіру тобының мүшелері, Қазақстан халқы Ассамблеясы жанындағы Ақсақалдар, Аналар кеңесі мен Этномедиация кеңесінің өкілдері, Журналистер клубының мүшелері, этномәдени бірлестік өкілдері және «Ассамблея жастары» ұйымының белсенділері қатысты.Көш керуен бағдарламасы ауылдың тарихи нысандарымен танысудан басталды. Қатысушылар Социалистік Еңбек Ері Цай Ден Хак атындағы музейге барып, ауылдың өткені мен еңбек жолына үңілді. Бұл – ұрпаққа үлгі болатын тағылымды тарихтың көрінісі болды.Содан кейін облыстық және ауылдық деңгейдегі Ақсақалдар кеңесінің бірлескен отырысы өтті. Басқосуда ел ішіндегі ынтымақты сақтау, ұлттық тәрбие, жастар мәселесі секілді өзекті тақырыптар талқыланды.«Ассамблея жастары» ұйымының өкілдері аудандық жастармен кездесу өткізіп, ашық пікір алмасып, ынтымақтастықты арттыру мақсатында «Aiqas» квиз-ойынын ұйымдастырды.Сол күні ауылдық мәдениет үйінде «Әділетті Қазақстан – Адал азамат» тақырыбында ақпараттық-түсіндіру тобының кездесуі өтті. Онда әділет, теңдік және қоғамдағы азаматтардың рөлі жөнінде маңызды ойлар айтылды. Сонымен қатар, осы сәтте тұрғындармен арнайы қабылдау сағаты өтіп, олар өз ұсыныс-пікірлерін жеткізу мүмкіндігіне ие болды.Кешкісін ауыл тұрғындары мен керуен қатысушылары үшін ұлттық құндылықтарды дәріптеген мерекелік концерт ұйымдастырылды. «Бірлік пен келісімнің 30 жылы» атты концерттік бағдарламада түрлі этнос өкілдерінің өнері мен «Ассамблея жастары» ұйымының 50-ден аса белсендісі қатысып, достық пен бірлікті насихаттады. Сондай-ақ, БАҚ өкілдері арасында өткен «TWO STARS» ән-шоу байқауының бас жүлдегерлері Талант Айымбетов пен Аружан Саруарбек өнер көрсетіп, көрерменнің қошеметіне бөленді.Шара соңында көш керуенінің қорытындысы шығарылып, қатысушылар Қызылорда қаласына аттанды. Бұл көш керуені – Тәуелсіз Қазақстанның басты құндылығы – бірлік пен татулықтың жарқын үлгісі. Игі бастама алдағы уақытта облыстың өзге аудандары мен шалғай ауылдарында жалғасын табады деп күтілуде.<img src="https://knadmin.beoblood.kz/uploads/Birlik_pen_kelisimni_30_zhyly_7e920bf9f9.jpg" alt="Бірлік пен келісімнің 30 жылы.jpg">

"Бірлік пен келісімнің 30 жылы" атты көш керуені өтті

<a href="https://kyzylorda-news.kz/">Kyzylorda-news.kz</a> Астана күніне орай Қызылорда облысы бойынша Қылмыстық-атқару жүйесі департаментінің 37-мекеме қызметкерлері Әбділда Тәжібаев атындағы әмбебап-ғылыми кітапханаға арнайы экскурсия жасады. Шараны ҚАЖ департаментінің &nbsp;37 мекемесінің тәрбие және кадр жұмысы тобы ұйымдастырды.Іс-шараның мақсаты – қызметкерлердің мәдени таным көкжиегін кеңейту, тарихи-рухани білімдерін арттыру және елорданың даму кезеңдеріне тереңірек үңілу болды.Кітапхана ұжымы Астана күніне орай ұйымдастырылған арнайы «Астана- бас қала » атты кітап көрмесімен таныстырды. Қызметкерлер көрме барысында елорданың қалыптасуы, даму жолы мен тарихи кезеңдері жайлы мол мағлұмат алды.Сонымен қатар, кітапхана қызметкері қазақ және кеңестік драматург, жазушы, публицист, сценарийші, Қазақстанның халық жазушысы Қалтай Мұхамеджанов пен ақын және драматург, филология ғылымдарының докторы, профессор, Қазақстанның халық жазушысы Әбділда Тәжібаевтың жеке кітапханалары мен тұтынған заттарына арнайы шолу жасап, олардың шығармашылық мұрасы мен өмір жолдары туралы қызықты деректермен бөлісті. Қызметкерлерге көрнекті қаламгерлердің жеке тұтынған дүниелері көрсетіліп, әдеби жәдігерлермен танысуға мүмкіндік туды.Іс-шара соңында ҚАЖ қызметкерлері өз ризашылықтарын білдіріп, кітапхана ұжымына алғыс айтты. Мұндай танымдық шаралар қызметкерлердің рухани дүниесін байытып, тарихи-мәдени құндылықтарға деген құрметті арттыра түсетіні сөзсіз.

ҚАЖ қызметкерлері кітапханаға экскурсия жасады

<a href="https://kyzylorda-news.kz/">Kyzylorda-news.kz</a> Мәдениет адам қолымен жасалатын материалдық құндылық болса, тіл – ұлттық болмысымен қалыптасқан төл мәдениетіміз сақталған негізгі көздердің бірі. Яғни, тіл – мәдениеттің өмір сүру формасы болса, мәдениет – оның ішкі мазмұны. Сондықтан мәдениет мәселесін маздатып, тілдерді дамыту – еліміздегі мемлекеттік саясаттың аса маңызды бағыттарының бірі саналады.&nbsp;Бүгін &nbsp;қала әкімдігінің баспасөз орталығында өткен брифингте қалалық мәдениет және тілдерді дамыту бөлімінің басшысы Жағыпар Тәжмаханов биылғы жылдың бірінші жартыжылдығында атқарған жұмыстар бойынша егжей-тегжейлі айтып берді.<blockquote>– Қала әкімдігіне қарасты мемлекеттік мекемелерде құжат айналымы 100% мемлекеттік тілде жүргізіліп келеді. Бүгінде тарихи-мәдени мұра бойынша 85 нысан мемлекет қорғауында, биыл &nbsp;8 ескерткіштің қорғау аймағы анықталды. Ономастика саласына келсек, қала аумағындағы 1279 көше атауы &nbsp;нақтыланған. &nbsp;Үстіміздегі жылы Ұлы Отан соғысы Жеңісінің 80 жылдығына орай 31 ұсыныс пен 7 тарихи тұлға атауы республикалық ономастика комиссиясына ұсынылды. Қазіргі таңда QR-кодпен жабдықталған жаңа көше аншлагтарын орнату жұмыстары жүргізілуде. Мәдениет үйлері мен клубтар, кітапхана, музей жүйесінде тиісті міндеттер толық орындалуда. Солардың ішінде Жастар театры репертуары 13 қойылымға жетті, оның 4-еуі жаңа премьера. Жалпы, &nbsp;мәдениет пен тіл – ұлтты ұйыстыратын ұлы күш десек, бұл бағытта бөлім тарапынан жарты жыл ішінде 525 іс-шара өткізіліп, оған 130 391 көрермен қамтылды, – деді Жағыпар Айтбайұлы.</blockquote>Айта кету керек, қалалық мәдени-демалыс паркінде қайта жаңғыртуя жұмыстары жүргізіліп, скейтпарк, аттракциондар, амфитеатр, воркаут алаңы, су бұрқақтар, түрлі бақтар және т.б. нысандар іске қосылды.

Мәдениет пен тіл – ұлтты ұйыстыратын ұлы күш

<a href="https://kyzylorda-news.kz/">Kyzylorda-news.kz</a>&nbsp;ҚР Парламенті Мәжілісінің депутаттары, «AMANAT» партиясы фракциясының мүшелері Мархаббат Жайымбетов пен Мұрат Әбенов Сырдария ауданына жұмыс сапарымен келіп, Шаған ауылдық ауруханасына жүргізіліп жатқан күрделі жөндеу жұмыстарымен танысты.Мәжіліс депутаттарын аудан әкімі Берік Сәрменбаев пен аудандық мәслихат төрағасы Ержан Әжікенов күтіп алып, ең алдымен ауданның әлеуметтік-экономикалық, қоғамдық-саяси дамуы туралы ақпарат берді.Топ құрамында «AMANAT» партиясы Қызылорда облыстық филиалының төрағасы Алмасбек Есмаханов, облыстық мәслихат депутаты Жұмабек Ембергенов, «AMANAT» партиясы Сырдария аудандық филиалының атқарушы хатшысы Ақтөре Ибрагимұлы болды.Мәжіліс депутаттары медициналық нысанның күрделі жөндеу жұмысы сапалы әрі уақытылы жүргізілуі керек екенін айтып, мердігер мекеме өкілдерімен пікірлесті. «РеалСтройСнаб» серіктестігінің өкілдері күрделі жөндеу жұмыстары наурыз айының басында басталғанын айтып, қыркүйек айында толық аяқтау жоспарланғанын жеткізді. Қазіргі таңда жұмыстың 80 пайызы аяқталған, ішкі әрлеу және сырлау жұмыстары жүргізілуде.&nbsp;Жалпы күрделі жөндеу жұмыстарына облыстық бюджеттен 328,9 &nbsp;млн теңге бөлінген. Техникалық қадағалаушы «Жайық СтройИнжиниринг» серіктестігі құрылыстың сапалы, талаптарға сай жүргізілуін қатаң бақылауға алған. Мәжілістегі фракция мүшелері жасалған жұмыстарды көзбен көріп, халықтың талап-тілегінен туындаған құрылыс жұмыстары ұзақ мерзімге қызмет ететіндей сапалы болуын қатаң ескертті.<img src="https://knadmin.beoblood.kz/uploads/Sha_an_auyly_k_rdeli_zh_ndeu_zh_mystary_d811c3e3df.jpg" alt="Шаған ауылы күрделі жөндеу жұмыстары.jpg">

Фракция мүшелері аурухана жұмысымен танысты

<a href="https://kyzylorda-news.kz/">Kyzylorda-news.kz</a> Мемлекет басшысы алдағы Ұлттық домбыра күнімен құттықтады. Бұл туралы Ақорда мәлім етті.&nbsp;<blockquote>– Домбыра – ұлт болмысы, халық қазынасы. «Қазақ – нағыз қазақ емес, нағыз қазақ – домбыра». Әсіресе, өскелең ұрпақтың домбыраға деген ықыласы ерекше. Жастар төл мәдениетімізді терең түсініп, салт-дәстүрімізге құрметпен қарайды. Бұл – өте жақсы үрдіс. Өйткені ата-бабаларымыздың мәдени мұрасын көздің қарашығындай сақтау – нағыз отаншылдықтың көрінісі. Отанға сүйіспеншілік – мемлекеттілігіміздің темірқазығы. Қазақстан жастарының мұны жақсы түсініп, қолдайтынына ризамын. Мемлекет руханият саласын барынша дамыта береді. Дәстүрлі өнердің дүлдүлдері Қайрат Байбосынов «Қазақстанның Еңбек Ері», Айгүл Үлкенбаева, Айгүл Қосанова «Қазақстанның халық әртісі» атағына ие болды. Қасиетті қара домбыраның күмбірін бүкіл әлемге паш етіп жүрген азаматтарға алғыс айтамын, – деп жазды Қасым-Жомарт Тоқаев өзінің X парақшасында.</blockquote>Ұлттық домбыра күні шілде айының алғашқы жексенбісінде аталып өтеді.&nbsp;

Президент: Домбыра – ұлт болмысы, халық қазынасы 

<a href="https://kyzylorda-news.kz/">Kyzylorda-news.kz</a>&nbsp;«Дарын» мемлекеттік жастар сыйлығы – ғылым, шығармашылық, қоғамдық қызмет салаларында жемiстi еңбегімен көзге түскен, сондай-ақ жоғары спорттық жетістіктері үшін дарынды жастарды мемлекет тарапынан қолдау мақсатында ұсынылады.Байқау «Әдебиет», «Ғылым», «Дизайн және бейнелеу өнері», «Журналистика», «Классикалық музыка», «Қоғамдық қызмет», «Спорт», «Театр және кино», «Эстрада», «Халық шығармашылығы» атты 10 номинация бойынша өтеді.Сыйлық алуға халықаралық және республикалық конкурстардың, фестивальдер мен түрлі шаралардың лауреаттары, республикалық және халықаралық деңгейлердегі спорттық жарыстардың жүлдегерлері мен жеңімпаздары, сондай-ақ қызметі инновациялық және тиісті сала мен тұтастай қоғамды дамытуға ықпал еткен Қазақстан Республикасының 35 жасқа дейінгі азаматтары үміткер бола алады.«Дарын» жастар сыйлығын алуға кандидатураларды орталық, жергiлiктi және өзге де мемлекеттік органдар, қоғамдық бiрлестiктер және Қазақстан Республикасының аумағында тіркелген өзге де заңды тұлғалар жүргізеді және мынадай құжаттарды қағаз және электрондық түрде жібереді:1) кандидаттың жеке басын куәландыратын құжаттың көшірмесі;2) осы Қағидаларға қосымшаға сәйкес нысан бойынша «Дарын» мемлекеттік жастар сыйлығын алуға арналған тіркеу өтінімі;3) өтінішхат пен сыйлық алуға ізденушінің жетістіктері туралы анықтама;4) марапаттау дипломдарының, грамоталардың, алғыс хаттардың көшірмелері (болған жағдайда);5) кандидаттың немесе кандидат туралы мақалалардың, жарияланымдардың көшірмелері (болған жағдайда);6) банктік шоттың болуы туралы анықтаманың көшірмесі;7) кандидаттың жетістіктері туралы растайтын материалдар (болған жағдайда).Жеңімпаздарға «Дарын мемлекеттік жастар сыйлығының лауреаты» атағы беріледі және олар дипломмен, төсбелгімен сондай-ақ қаржылай сыйлықпен марапатталады.«Дарын» жастар сыйлығы 1992 жылы тағайындалған. Әр жылдары аталған сыйлықты түрлі саладағы 360-дан астам азамат иеленген болатын.Конкурсқа қатысуға құжаттар &nbsp;2025 жылғы 26 маусымнан 27 тамыз аралығында (қоса алғанда) Қазақстан Республикасы Мәдениет және ақпарат министрлігі (қағаз нұсқа) &nbsp;мына мекенжай бойынша: Астана қаласы, Мәңгілік ел даңғылы 8, «Министрліктер үйі» ғимаратының 14-кіреберісінде, ал (электрондық нұсқа) &nbsp;premiya.daryn@mki.gov.kz поштасы арқылы қабылданады.Анықтама телефондары: 8 (7172) 74-05-25, 8 (7172) 74-18-43, 8 701 170 46 54 (жұмыс күндері, сағ. 9:00-ден 18:30-ға дейін).«Дарын» мемлекеттік жастар сыйлығының қағидасы: https://www.gov.kz/memleket/entities/mam/documents/details/861853?lang=kkФото: ҚР Мәдениет және ақпарат министрлігінің баспасөз қызметі

«Дарын» мемлекеттік жастар сыйлығына байқау жарияланды

<a href="https://kyzylorda-news.kz/">Kyzylorda-news.kz</a>&nbsp;Шамамен 1,63 трлн теңге кепілдендірілген медициналық көмек көлеміне кіретін қызметтерге қарастырылған. Мұндай қызметтер тегін көрсетіледі. Сақтандырылмаған пациенттер де тегін ала алады.Тегін медициналық көмектің кепілдендірілген көлемі бюджет қаражаты есебінен Қазақстан азаматтарына, қандастарға, босқындарға, сондай-ақ елде тұрақты тұратын және ықтиярхаты бар шетелдіктер мен азаматтығы жоқ тұлғаларға көрсетіледі. Ал елімізде уақытша тұратын шетелдіктер мен азаматтығы жоқ адамдар және баспана іздегендер қоршаған ортаға қауіп төндіретін жұқпалы аурулар кезінде жүгіне алады.&nbsp;<blockquote>«2025 жылы медициналық қызметтерді қаржыландыруға жалпы 2,96 триллион теңге бөлінді, оның 1,63 триллион теңгесі ТМККК пакетіне кіретін қызметтерге және 1,33 триллион теңге МӘМС &nbsp;пакетіне тиесілі. Көпшілік сақтандырылған мәртебесі болмаса емханада қабылдамайды деп ойлайды. Алайда МӘМС жүйесіндегі мәртебесіне қарамастан көрсетілетін медициналық қызметтердің тізімі бар», - деп атап өтті ӘМСҚ басқарма төрағасының орынбасары Индира Саркенова.</blockquote>ТМККК пакеті қандай қызметтерді қамтиды?1) Жедел медициналық көмек: жедел жәрдем бригадасын шақырудан бөлек, оған санитарлық авиация қызметтері де кіреді. 2) Алғашқы медико-санитариялық көмек: учаскелік дәрігер қабылдауы (жалпы тәжірибе дәрігері, терапевт, педиатр, медбике) диагностика, ең көп таралған ауруларды емдеу және басқару, мақсатты халық топтарын профилактикалық қарау, иммунизация, аурулардың мінез-құлыққа байланысты тәуекел факторларын ерте анықтау және мониторинг, салауатты өмір салтын қалыптастыру және насихаттау, репродуктивті денсаулықты қорғау шаралары, жүкті әйелдер мен босанған әйелдерді босанудан кейінгі кезеңде бақылау. 3) Амбулаториялық жағдайдағы мамандандырылған медициналық көмек: ЖИТС пен туберкулезді алдын алу және диагностикалау, сондай-ақ әлеуметтік маңызы бар және созылмалы ауруларды диагностикалау мен емдеу, жарақаттар, уланулар немесе басқа шұғыл жағдайлар кезінде медициналық қызметтер көрсетіледі. 4) Стационарды алмастыратын жағдайдағы мамандандырылған медициналық көмек: Әлеуметтік мәні бар және созылмалы аурулары бар адамдарға арналған күндізгі стационар қызметтері. 5) Стационар жағдайындағы мамандандырылған медициналық көмек: шұғыл көрсеткіштер бойынша госпитализациялау, шұғыл госпитализация кезінде стационардың қабылдау бөлімінде емдеу және диагностикалау, әлеуметтік мәні бар және сирек (орфандық) аурулар кезінде жоспарлы госпитализация, айналасындағылар үшін қауіпті жұқпалы немесе паразиттік аурумен ауырған науқаспен байланыста болған адамдарды оқшаулау, сондай-ақ жұқпалы немесе паразиттік ауруға күдікті немесе ондай диагнозы қойылған адамдарды госпитализациялау. 6) Медициналық оңалту: ТМККК шеңберінде туберкулезбен ауыратын науқастарға медициналық оңалту жүргізіледі. 7) Уәкілетті орган айқындайтын аурулар тізбесі бойынша паллиативтік медициналық көмек. 8) Қан мен оның құрамдас бөліктерімен қамтамасыз ету; 9) Патологиялық-анатомиялық диагностика; 10) Өлімнен кейінгі донорды органдар мен тіндерді алу үшін дайындау, алу, сақтау, зерттеп қарау, жинау және трансплантация үшін тасымалдау.Бұдан бөлек, пациенттерге ҚР ДСМ бекіткен тізімге кіретін кейбір созылмалы аурулар бойынша дәрі-дәрмекпен және медициналық бұйымдармен жеңілдікті амбулаториялық қамтамасыз ету қызметі қолжетімді.Естеріңізге сала кетейік, бұл медициналық қызметтер азаматтарға МӘМС жүйесіндегі мәртебесіне қарамастан көрсетіледі. Егер сізге медициналық көмек көрсетуден заңсыз бас тартса, әр емхана мен ауруханада жұмыс істейтін Пациенттерді қолдау қызметіне жүгінгеніңіз абзал. Олар мәселені сол жерде шешуге көмектеседі. Егер медициналық ұйымнан мардымды жауап болмаса, өтінішті Әлеуметтік медициналық сақтандыру қорына жолдау керек.

Сақтандырылмаған азаматтарға қандай медициналық көмек көрсетіледі

<a href="https://kyzylorda-news.kz/">Kyzylorda-news.kz</a>&nbsp; 2025 жылдың 8 шілдесінде Қызылорда қаласында Қазақстан Ұлттық Урбан Форумы өтеді. Бұл - еліміздің урбанистика саласындағы маңызды шара және Қызылордада алғаш рет ұйымдастырылғалы отыр. Бұл форум - өңірлердің дамуына жаңа серпін беретін, тың идеялар мен нақты бастамалардың тоғысатын алаңы.Форум аясында өңірлік қалалардың ел дамуына қосар үлесі, тұрғын үй мен инфрақұрылымды жақсарту, экология мен климатқа бейімделу, шағын қалалардың әлеуетін арттыру, мәдени мұраны сақтау, жастардың басқаруға араласуы және қалаларды цифрландыру секілді маңызды тақырыптар талқыланады.Іс-шараға мемлекеттік органдар, халықаралық ұйымдар, әлемдік сарапшылар, архитекторлар мен урбанистер қатысады. Олар жаһандық және жергілікті тәжірибелермен бөлісіп, Қазақстан қалаларының болашағына бағыт-бағдар береді.Қызылордада алғаш рет өтетін бұл форум - қаланың ғана емес, бүкіл өңірдің дамуына тың мүмкіндік ашатын ерекше басқосу. Форум қорытындысында өңірлердің тұрақты дамуын қолдайтын нақты жобалар мен ұсыныстар қабылданады.<img src="/uploads/image_bfb1abc6ed.png" alt="📍">Өтетін орны: Қызылорда, Өнер орталығы<img src="/uploads/image_aca81d8feb.png" alt="📅">Күні: 2025 жылғы 8 шілде<img src="/uploads/image_86183a5950.png" alt="📎">ТІРКЕЛУ: <a href="https://nuf2025.com/?fbclid=IwZXh0bgNhZW0CMTAAYnJpZBExekRiUDdqV1VYbmV0NGljbAEe4uWC3n3-dqWWEK_01BACYKOYm9P5P_RpTwaoHBWEQXlwJinVzEYkGnZluMw_aem_0PGoJUbnGroQ7zkf1a9mOQ">https://nuf2025.com/</a>

Қала болашағын айқындайтын форум Қызылордада өтеді

<a href="https://kyzylorda-news.kz/">Kyzylorda-news.kz</a> Елорда күніне байланысты 7 шілде, дүйсенбі күні ХҚКО-лар мен мамандандырылған ХҚКО-лар жұмыс істемейді.Бұл ретте, сенбі, 5 шілде күні кезекші ХҚКО-лар мен МХҚКО-лар үшін жұмыс күні. Бұл күндері халыққа қызмет көрсету орталықтары 9:00-ден 13:00-ге дейін қызмет көрсетеді, мамандандырылған ХҚКО-ларда өтініштерді қабылдау 12:00-ге дейін жүзеге асады, ал дайын құжаттарды 13:00-ге дейін алып кетуге болады.Айта кетейік, Шығыс Қазақстан облысының халыққа қызмет көрсету орталықтарының жұмыс күні бір сағат бұрын басталып, бір сағат бұрын аяқталады.8 шілдеден бастап барлық халыққа қызмет көрсету орталықтары әдеттегі кестеге сай қызмет көрсетеді.Кезекші ХҚКО мен мамандандырылған ХҚКО-лардың тізімін Мемлекеттік корпорацияның ресми Instagram парақшасынан немесе 1414 нөмірі арқылы білуге болады.

Архив