<a href="https://kyzylorda-news.kz/">Kyzylorda-news.kz</a> Қызылордадағы «Өнер орталығында» көрнекті ақын, Қазақстанның еңбек сіңірген қайраткері Ұлықбек Есдәулеттің «Сыр мен жыр» атты шығармашылық кеші өтті. Кешті облыс әкімі Нұрлыбек Нәлібаев, мемлекет және қоғам қайраткерлері, зиялы қауым өкілдері, өнерсүйер қауым тамашалады.Аймақ басшысы қазақ поэзиясында өзіндік қолтаңбасы бар ақынның шығармашылығына, бүгінгі кештің рухани маңыздылығына тоқталды.<blockquote>«Биыл наурыз айында Бурабайда өткен Ұлттық құрылтайда Мемлекет басшымыз Қасым-Жомарт Кемелұлы құрылтайдың келесі 5-ші отырысын Сыр бойында, бір ғасыр бұрын Қазақ елінің астанасы болған Қызылорда қаласында өткізуді ұсынды. Алқалы жиында қабылданған тарихи шешім аймақ жұртшылығының мерейін асқақтатты. Президентіміз халқымыздың «қазақ» деген байырғы атауы қайтарылған, тарихи әділдік орнаған Қызылордадағы маңызды оқиғалар ел жадында сақталуға тиіс екенін атап өтті. Бұл – біз үшін зор мәртебе, Президентіміздің өңірімізде атқарылып жатқан жұмыстарға берген оң бағасы деп білеміз. Бүгінгі шығармашылық кеш – осы атаулы датаға арналған шаралардың бірегейі. Ойлы да сыршыл, қиялы ұшқыр, лирик ақын Ұлықбек Есдәулет – тарих тереңіне бойлап, тамырын қаламмен аршып, ұлт мұрасын биік көтерген ерекше дарын иесі. Сізді Сыр төріндегі шығармашылық кешіңізбен шын жүректен құттықтаймыз! Қаламыңыздан қуат кетпесін! Шабытыңыз шарықтай бергей! Деніңізге саулық, отбасыңызға құт-береке, амандық тілеймін!», – деді Нұрлыбек Машбекұлы.</blockquote>&nbsp;<img src="https://knadmin.beoblood.kz/uploads/ly_bek_Esd_ulet_b35d56c41b.jpg" alt="Ұлықбек Есдәулет.jpg">Кеште ақынның сөзіне жазылған танымал әндер орындалды. Олардың арасында Т.Мұхамеджановтың «Ақ желкен», «Беу, балалық» және И.Крутойдың «Ақ бесік» туындылары өнерсүйер қауымның көңілінен шықты.Қызылорда облысының құрметті азаматы, ақын Шәкизада Әбдікәрімов және «Дарын» мемлекеттік жастар сыйлығының лауреаты, республикалық «Ана тілі» газетінің бас редакторы Ерлан Жүніс ақынға жылы лебіздерін білдірді.Фото: Қызылорда облысы әкімінің баспасөз қызметі

Сыр өңірінде ақын Ұлықбек Есдәулеттің шығармашылық кеші өтті

<a href="https://kyzylorda-news.kz/">Kyzylorda-news.kz</a> Шымкентте тегін балмұздақ таратқан&nbsp;кәсіпкер заң бұзғаны үшін жауапқа тартылды.&nbsp;Бұл туралы&nbsp;<a href="http://stan.kz/">Stan.kz</a>&nbsp;ақпарат агенттігі <a href="https://t.me/otyrarkz/15398">Otyrar.kz</a> сайтына сілтеме жасап хабарлады.&nbsp;&nbsp;Шара 1 маусым – Балаларды қорғау күніне орай өтті. Тегін балмұздақ "Тұран-2" ықшамауданындағы "Жаңалық" сауда үйінің жанында таратылған.Бұл акцияның соңы балмұздақ лақтырып, шуға ұласты.Ұйымдастырушыға 50 АЕК яғни 196 600 теңге&nbsp;көлемінде айыппұл салынды. Сонымен қатар ол ұсақ бұзақылық жасағаны үшін 5 тәулікке қамауға алынды.Фото: Pixabay.com

Шымкенттік кәсіпкер тегін балмұздақ таратқаны үшін қамауға алынды

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың төрағалығымен кадрлық өзгерістерге орай мәжіліс өтті. Онда «Қазпошта» акционерлік қоғамы төрағасының бұйрығымен Қызылорда облыстық филиалы директоры қызметіне тағайындалған Ізтілеуова Айзат Өмірзаққызы таныстырылды.&nbsp;Осыған дейін «Қазпошта» акционерлік қоғамы Қызылорда облыстық филиалының директоры лауазымын атқарып келген Кенжебаев Ғалымжан Арыстанбекұлы Ұлытау облыстық филиалының директоры қызметіне &nbsp;ауысты.Облыс әкімі жаңа басшының қызметіне &nbsp;сәттілік тілеп, халыққа қызмет көрсету сапасын одан әрі арттыруды, аудандар мен ауылдарда пошталық, қаржылық және логистикалық қызметтерді тиімді іске асыруды тапсырды.Ізтілеуова Айзат Өмірзаққызы 1972 жылы Қызылорда қаласында дүниеге келген. Қазақ мемлекеттік басқару академиясында «Экономист» мамандығы бойынша білім алған. Еңбек жолын 1995 жылы жылу-электр орталығында бухгалтер ретінде бастаған.&nbsp;Әр жылдары жеке серіктестіктерде, «Қазпошта», «Тұрғын үй құрылыс жинақ банкі» акционерлік қоғамдарында жауапты қызметтер атқарған. 2018 жылдан осы күнге дейін «Қазпошта» АҚ Қызылорда облыстық филиалы директорының орынбасары қызметінде болған.

"Қазпошта" АҚ облыстық филиалында жаңа басшы

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың төрағалығымен өткен кадрлық өзгерістерге қатысты мәжілісте Медициналық және фармацевтикалық бақылау комитеті Қызылорда облысы бойынша департаментінің басшысы лауазымына тағайындалған Айтымбетова Ләззат Қанибайқызы таныстырылды.&nbsp;Осыған дейін аталған департамент басшысы болған Байменова Ғалия Абсадыққызы зейнет жасына жетіп, құрметті еңбек демалысына шықты.Облыс әкімі Ләззат Қанибайқызының жаңа қызметіне &nbsp;сәттілік тілеп, бірқатар міндет жүктеді.<blockquote>«Жаңа басшыға медициналық қызмет көрсету саласындағы мемлекеттік бақылау мен қадағалау функцияларын атқаруды, дәрілік заттар мен медициналық бұйымдар айналысын қатаң бақылауды тапсырамын», – деді Нұрлыбек Нәлібаев.</blockquote>Айтымбетова Ләззат Қанибайқызы 1974 жылы Қармақшы ауданында дүниеге келген.Шымкент мемлекеттік фармацевтикалық институтында «Провизор», Орталық Азия университетінде «Қаржы және несие» мамандықтары бойынша білім алған. Еңбек жолын 1996 жылы Қызылорда қалалық перзентханасында дәріхана провизоры ретінде бастаған.Әр жылдары Медициналық және фармацевтикалық бақылау комитеті Қызылорда облысы бойынша департаментінде, облыстық денсаулық сақтау басқармасында, Әлеуметтік медициналық сақтандыру қорында жауапты қызметтер атқарған. 2024 жылдан осы күнге дейін Денсаулық сақтау министрлігінің Медициналық және фармацевтикалық бақылау комитетінде басшылық лауазымдарда абыройлы еңбек етті.

Архив

Сыр өңірінде ақын Ұлықбек Есдәулеттің шығармашылық кеші өтті

Шымкенттік кәсіпкер тегін балмұздақ таратқаны үшін қамауға алынды

"Қазпошта" АҚ облыстық филиалында жаңа басшы

Медициналық және фармацевтикалық бақылау комитеті департаментінің басшысы тағайындалды