<a href="https://kyzylorda-news.kz/">Kyzylorda-news.kz</a> Президенттік жастар кадр резерві – жастар үшін ашық және тиімді әлеуметтік лифт құруға бағытталған жоба.1 маусымда Президенттік жастар кадр резервіне кезекті іріктеуге қатысу үшін pkrezerv.gov.kz сайтында құжаттарды қабылдау басталды. Құжаттар 30 маусымға дейін қабылданады.Іріктеуге жасы 35-тен аспаған, жоғары білімі және кемінде 5 жыл еңбек өтілі бар, мемлекеттік тілді В1 деңгейінен төмен емес меңгерген Қазақстан Республикасының азаматы қатыса алады.Іріктеу келесі бағыттар бойынша жүргізіледі:<ul style="list-style-type:disc;"><li style="text-align:justify;">Әлеуметтік саясат және азаматтық қоғам;</li><li style="text-align:justify;">Инфрақұрылымды, өнеркәсіпті дамыту және сауда саясаты;</li><li style="text-align:justify;">Экономикалық және қаржылық саясат;</li><li style="text-align:justify;">Цифрландыру;</li><li style="text-align:justify;">Агроөнеркәсіптік кешен және қоршаған ортаны қорғау;</li><li style="text-align:justify;">Сыртқы саясат және инвестициялар.</li></ul>Тіркеу кезінде кандидат Резервке алынған жағдайда еңбек қызметін жүзеге асырғысы келетін салалық бағытты таңдауы керек. Әрбір салалық бағыт үшін Резервке алу квотасы көзделеді. Бұл ретте, кандидаттардың әр бағыт бойынша біркелкі санын ұстап тұру мақсатында Резервке іріктеудің барлық кезеңдерінде пропорционалды іріктеу қамтамасыз етіледі.Іріктеу 6 кезең бойынша өткізіледі:<ul style="list-style-type:disc;"><li style="text-align:justify;">Кандидаттардың құжаттарын қабылдау;</li><li style="text-align:justify;">Мәтіндік және сандық ақпаратпен жұмыс істеу қабілетін бағалау;</li><li style="text-align:justify;">Ситуациялық тапсырмаларды шешу;</li><li style="text-align:justify;">Құзыреттерді бағалау;</li><li style="text-align:justify;">Сарапшылық комиссияда кандидаттармен әңгімелесу;</li><li style="text-align:justify;">Ұлттық комиссияның отырысы.</li></ul>Іріктеу қорытындысы бойынша 50 адам Резервке қабылданады. Резервке алу туралы шешімді жариялау ағымдағы жылдың 25 қазанынан кейін жоспарлануда.

Президенттік жастар кадр резервіне іріктеу басталды

БЕС ЖАҢАЛЫҚ: Апталық шолу

<a href="https://kyzylorda-news.kz/">Kyzylorda-news.kz</a> 2025 жылдың 29-30 мамыр күндері Қармақшы ауданына арнайы іс-сапармен елімізге белгілі дінтанушы, теолог, РАНТ мүшесі Қуанышбаев Арман Баймаханұлы келіп, бірқатар маңызды кездесулер өткізді. Бұл сапар аудандық қоғамдық даму бөлімінің мемлекеттік әлеуметтік тапсырысы аясында ұйымдастырылды.Кездесу Байқоңыр қаласындағы «Жәрімбет ата» мешіті мен Жосалы кентіндегі «Қармақшы ата» мешітінде өтті. Теолог жамағатпен жүздесіп, қоғам мен руханиятты ұштастырған терең уағыз-насихат жұмыстарын жүргізді.Арман Баймаханұлының насихаттарында исламдағы бауырмалдық, сүйіспеншілік пен қолдаудың маңыздылығы кеңінен баяндалды. Сонымен қатар, мешітке келудің сауаптары, оның жүрекке рухани әсері мен пенденің иманын күшейтудегі рөлі жайында түсіндірілді. Жамағат тарапынан қойылған діни сауалдарға нақты, шариғатқа негізделген жауаптар берілді.Кездесулер барысында табиғатты қорғау, қоршаған ортаға жанашырлықпен қарау, жан-жануарларға мейірім таныту тақырыптары да қамтылды. Құран аяттары мен Пайғамбарымыздың хадистеріне сүйене отырып, табиғатты аялау – мұсылманның борышы екені айтылды.&nbsp;<blockquote>«Қоршаған орта – адам өмірінің ажырамас бөлшегі. Табиғатқа жанашырлықпен қарау – имандылықтың белгісі. Жер-ананы аялау, ағаш отырғызу, жануарларға қамқорлық жасау – сауапты амал. Табиғатпен үйлесімде өмір сүру – болашақ ұрпаққа аманат», – деді теолог.</blockquote>Кездесуге қатысушылар көкейлеріндегі сұрақтарына тұшымды жауаптар алып, рухани серпіліспен тарқасты. Іс-шаралар тұрғындардың дінге деген ынтасын арттырып, имани түсініктерін тереңдете түсті.<img src="https://knadmin.beoblood.kz/uploads/Whats_App_Image_2025_06_02_at_11_54_08_3da7c9ca76.jpeg" alt="Теолог.jpeg">

Елге белгілі дінтанушы Арман Қуанышбаев Сыр өңірінде

<a href="https://kyzylorda-news.kz/">Kyzylorda-news.kz</a>&nbsp;1 маусым – Балаларды қорғау күніне орай Қызылорда облыстық неміс этномәдени бірлестігінің бастамасымен Достық үйінің алаңында сурет байқауы ұйымдастырылды. Іс-шара неміс орталығы жариялаған онкүндік аясында өтті.Аталмыш байқау – балалардың шығармашылық қабілетін дамытып қана қоймай, олардың бойына татулық пен бейбітшілік құндылықтарын сіңіруді мақсат етті. Шараның басты тақырыбы – “Достық. Бірлік. Қазақстан”. Осы идеяны балалар өз қиялымен сурет арқылы жеткізуге тырысты. Әрбір бала өз туындысы арқылы елдегі ынтымақ пен келісімнің маңыздылығын көрсетті.<img src="https://knadmin.beoblood.kz/uploads/MW_6_A4050_36fdede120.png" alt="Сурет байқауы.png">Сайыс шымылдығы “Адажио шоу” орталығының ұйымдастыруымен өткен көңілді ойындармен ашылды. Балалар түрлі интерактивті ойындарға қатысып, шат-шадыман күй кешті. Мерекелік атмосфераны әсем әуен мен жарқын күлкілер толықтырды.Сурет байқауының қорытындысы бойынша барлық қатысушы балалар жеңімпаз деп танылды. Неміс этномәдени бірлестігінің төрағасы Ирина Шек сөз сөйлеп, балаларға шынайы алғысын білдіріп, мерекемен құттықтап, денсаулық пен жарқын болашақ тіледі.Іс-шара Достық үйінің мәжіліс залында жалғасын тапты. Мұнда “Славяне” этномәдени бірлестігінің ұйымдастыруымен балалар назарына “Буратинаның шытырман оқиғалары” атты анимациялық фильм ұсынылды. Бұл көрініс те балаларға ерекше әсер қалдырды.Кеш соңында барлық қатысушы балаларға балмұздақтар таратылып, мереке шынайы қуаныш пен мейірімге толы сәттермен түйінделді.<img src="https://knadmin.beoblood.kz/uploads/MW_6_A4107_1_a34a349776.png" alt="Сурет байқауы.png">

"Достық. Бірлік. Қазақстан": Онкүндік аясында сурет байқауы ұйымдастырылды

Құрметті достар!&nbsp;Қадірлі ғарыш саласының қызметкерлері мен ардагерлері!Баршаңызды «Байқоңыр» ғарыш айлағының құрылғанына 70 жыл толуымен құттықтаймын!1957 жылы дәл осы арадан жасанды Жер серігі ұшырылып, ғарышты игеру дәуірі басталды. Көп ұзамай, 1961 жылы айлақтан тұңғыш ғарышкер Юрий Гагарин көк жүзіне аттанды. Бұл тарихи оқиға жаһан жұртшылығын біріктіріп, адамзаттың ғылым мен өркениет прогресіне деген сенімін нығайтты. Содан бері Байқоңырдан мыңдаған Жер серігі ұшырылып, ондаған миссия орындалды. Мұнда көрнекті ғалымдар, конструкторлар мен инженерлер жұмыс істеді. Ұлы жетістіктердің бастауында тұрған барлық маманға шексіз ризашылығымды білдіремін!Біз әлемдегі ең ірі ғарыш айлағының қазақ жерінде орналасқанын ерекше мақтан тұтамыз. Халқымыздың қаһарман ұлдары Тоқтар Әубәкіров, Талғат Мұсабаев және Айдын Айымбетов осы арадан космосқа аттанды.Еліміз халықаралық ғарышты игеру ісінің белсенді мүшесі саналады. «Байқоңыр» айлағы – Қазақстан мен Ресейдің достыққа, тату көршілікке және өзара түсіністікке негізделген ұзақмерзімді стратегиялық серіктестігінің жарқын көрінісі.Соңғы онжылдықтарда Қазақстан ұлттық экономиканың дамуына ықпал ететін бірқатар ауқымды ғарыш жобаларын іске асырды. Еліміз Байқоңырды халықаралық ынтымақтастықтың, ғылым мен білімнің және туризмнің орталығына айналдыруға ұмтылады. Ғарыш қызметінің жаңа нарықтарына шығу, жас инженерлердің, конструкторлар мен ғалымдардың әлеуетін арттыру жарқын болашаққа жол ашады.Осы орайлы сәтті пайдаланып, Байқоңыр қаласының тұрғындарына айрықша алғыс айтқым келеді. Сіздер табанды еңбек етіп, ғарышты зерттеу ісінің ізашарларынан қалған мол мұраны мұқият сақтап келесіздер. Бұл – зор құрметке лайық. Ғарыш саласы бүкіл адамзатты әрдайым ортақ мақсатқа жұмылдырып, жаңашылдық пен ғылыми-техникалық прогреске бастайды. Байқоңыр алдағы уақытта да ұлы жаңалықтар мен озық инновациялардың қайнар көзі бола береді деп сенемін!Баршаңызға амандық және табыс тілеймін!Фото: Ақорда

Мемлекет басшысы «Байқоңыр» ғарыш айлағының құрылғанына 70 жыл толуына орай видео үндеу жолдады

<a href="https://kyzylorda-news.kz/">Kyzylorda-news.kz</a> Мемлекет болашақ ұрпақтың әл-ауқатын қамтамасыз ету мақсатында «Ұлттық қор – балаларға» атты ұзақмерзімді қаржылық қолдау тетігін іске асыруда. Бүгінде бағдарлама аясында 7 миллионға жуық балаға қаражат аударылды, деп хабарлайды <a href="https://baq.kz/ulttyq-qor-balalarga-7-millionga-zhuyq-balaga-qarazhat-audaryldy-200014665/">BAQ.KZ</a> Оқу-ағарту министрлігінің баспасөз қызметіне сілтеме жасап.Аталған бастама алғаш рет 2022 жылғы 1 қыркүйекте Мемлекет басшысы Қасым-Жомарт Тоқаевтың Қазақстан халқына Жолдауында жарияланған болатын.Бағдарлама 2024 жылдың 1 қаңтарынан бастап ресми түрде іске қосылды. Оны Қаржы министрлігі жүзеге асырады және ол Ұлттық қордың жыл сайынғы инвестициялық табысының 50%-ын 18 жасқа дейінгі балалардың жеке шоттарына мерзімінен бұрын алу құқығынсыз аударуды көздейді. Жиналған қаражатты тек тұрғын үй сатып алуға және білім алуға жұмсауға болады.Қаржы министрлігінің мәліметінше, 2023 жылы бағдарламаға 6 919 131 бала (2006–2023 жылдар аралығында туғандар) қатысты. Олардың әрқайсысына $100,52 мөлшерінде қаражат есептеліп, жалпы сома $695,5 млн-ды құрады. 2024 жылы олардың ішінде 18 жасқа толған 304 815 балаға $30,6 млн аударылды.2025 жылы қатысушылар саны 6 921 035 балаға жетті. Биыл 324 430 бала 18 жасқа толады. Осы жылы бір балаға есептелетін сома $129,38 болды. Бағдарламаға екі жылдан бері қатысып келе жатқан балалардың жинағы $232,94-ке жетті. Жалпы алғанда, Ұлттық қордан балаларға бөлінген қаражат $1,5 млрд-ты құрады.Бүгінге дейін тұрғын үй немесе оқу ақысын төлеуге арналған 118 мыңнан астам өтінім қабылданып, оның 97 мыңы қанағаттандырылды. Жалпы төлем көлемі $11,4 млн болды:<ul><li style="text-align:justify;">тұрғын үйге — 56 591 өтінім орындалып, $6,65 млн төленді;</li><li style="text-align:justify;">білім алуға — 40 466 өтінім бойынша $4,75 млн аударылды.</li></ul>Бұл бастама әрбір қазақстандық баланың болашағы үшін сенімді қаржылық негіз қалыптастыруды мақсат етеді және әлеуметтік әділеттілікті нығайтуға бағытталған мемлекеттік саясаттың маңызды құралы болып отыр.Фото: Нұрболат Нұржаубай

«Ұлттық қор – балаларға»: 7 миллионға жуық балаға қаражат аударылды

<a href="https://kyzylorda-news.kz/">Kyzylorda-news.kz</a> &nbsp;Пойызда қоғамдық тәртіпті бұзған жолаушы жауапқа тартылды, – деп хабарлайды <a href="https://polisia.kz/pojyzda-qoghamdyq-tartipti-buzghan-zholaushy-zhauapqa-tartyldy/">Polisia.kz. </a>Осы жылдың басынан бері көліктегі полиция департаментінің қызметкерлері 38 568 әкімшілік құқық бұзушылықтың жолын кесті, оның ішінде 2791 факт - спирттік ішімдіктерді ішу немесе қоғамдық орындарға масаң күйінде келу, 273 факт - ұсақ бұзақылық және басқа да құқық бұзушылықтар.Осындай жағдайлардың бірі 28 мамырда Қызылорда-Көкшетау бағытындағы жолаушылар пойызында болды. Сарышаған станциясында пойыз бастығының актісі бойынша көлік полицейлері 38 жастағы Сәтбаев қаласының тұрғынын түсіріп тастады. Әйел адамның мас күйінде болғаны, бейәдеп сөздер айтып, өзге жолаушыларға кедергі келтіріп, қоғамдық тәртіпті бұзғаны анықталды.&nbsp;Медициналық куәландыру нәтижесі оның орташа дәрежеде мас болғанын көрсетті. Әйел адам қоғамдық орында мас күйінде жүргені және ұсақ бұзақылық жасағаны үшін әкімшілік жауапкершілікке тартылды. Қосымша тексеріс барысында аталған азаматшаның бұған дейін де осындай құқық бұзушылық жасап, қоғамдық тәртіпті бұзғаны белгілі болды.&nbsp;Көліктегі ПД пойыздағы тәртіпке әрбір жолаушы жауапкершілік артатынын еске салады. Алкогольдік ішімдіктер ішу, дөрекі мінез-құлық көрсету мен жанжал шығару – өзгелердің құқығын бұзу болып саналады әрі құқыбұзушы міндетті түрде тиісті жауапкершілікке тартылатынын ескертеді.Фото: Polisia.kz

Құқық бұзғаны үшін «Қызылорда-Көкшетау» пойызынан шығарылды

<a href="https://kyzylorda-news.kz/">Kyzylorda-news.kz</a> 1 маусым – Халықаралық балаларды қорғау күні мерекесінде облыстық тарихи-өлкетану музейінің жаңа ғимараты салтанатты түрде ашылып, ел игілігіне табысталды. Басқосуға ҚР Премьер-министрінің орынбасары Ермек Көшербаев, облыс әкімі Нұрлыбек Нәлібаев, Парламент Сенаты мен Мәжілісінің депутаттары Наурызбай Байқадамов, Руслан Рүстемов, Мархабат Жайымбетов, Мұрат Әбенов, Мұрат Ергешбаев, академик, жерлесіміз, Қазақстанның Еңбек Ері Асқар Жұмаділдаев, «Самұрық - Қазына» Ұлттық компаниясының басқарушы директоры Ғибрат Ауғанов, «Статус Ойл» мұнай компаниясының басшысы Серікжан Сейтжанов пен зиялы қауым өкілдері қатысты.<img src="https://knadmin.beoblood.kz/uploads/Muzej_3_72c6cf2622.jpg" alt="Музей 3.jpg">Премьер-министрдің орынбасары Ермек Көшербаев Сыр еліндегі байыпты бастамаларға оң бағасын беріп, тұрғындарды жаңа ғимараттың ашылуымен құттықтады.Аймақ басшысы жаңа ғимараттың ұлт руханиятына қызмет етіп, мәдени мұралардың ордасына айналуына тілегін білдірді.<img src="https://knadmin.beoblood.kz/uploads/Muzej_e56733a645.jpg" alt="Музей.jpg"><blockquote>"Бұл күн аймағымыз үшін тарихи сәттердің бірі. Қасиетті Сыр өңірі – астаналар мекені, ұлт руханияты мен мәдениетінің алтын діңгегі. Президентіміз бірлік пен берекенің, өнер мен мәдениеттің құтты ұясы болған Сыр өңірін алтын бесікке теңеп, айрықша бағасын берді. «Алаштың анасы» атанған қасиетті Сыр өңірінде Президентіміздің, Үкіметтің ерекше қолдауымен байыпты бастамалар қолға алынып, жасампаз жобалар іске асуда. Аймағымыздың сәулеттік келбеті жаңарып келеді. Мәдениет саласында жаңа жобалар жүзеге асуда. Өнер және руханият саласының майталмандарына әлеуметтік қолдау көрсету басты назарымызда. Жыл сайын мәдениет, өнер, әдебиет өкілдерін қолдау мақсатында «Тұран», журналист қаламгерлерге «Жебе» сыйлығын табыстау дәстүрге айналды. Экспонаттарды таныстыру үшін заманауи технологиялар, жасанды интеллектінің жаңа мүмкіндіктері қолданылды. Облыстық тарихи-өлкетану музейінің салынуына «Самұрық - Қазына» Ұлттық компаниясы өз үлесін қосты. Заманауи жаңа ғимарат ұлтымыздың тарихи «Қазақ» атауының қайтарылғанының, Қызылорданың Қазақ елінің астанасы болғанының 100 жылдық мерейтойына, облыстық музейдің 85 жылдығына керемет тарту болды. Киелі «Сыр елі – жыр елінің» мәдени қазынасы арта бергей!", - деді Н.Нәлібаев.</blockquote><img src="https://knadmin.beoblood.kz/uploads/Muzej_4_b45610c4db.jpg" alt="Музей 4.jpg">Салтанатты шарада Наурызбай Байқадамов игі тілегін жеткізді.Еске салайық, өткен жылы өңірімізде жарияланған «Руханият жылы» аясында барлық 7 ауданда 11 млрд. 500 млн. теңгеге «Руханият орталықтары" салынып, ел игілігіне табысталды. Бұл жерде ұлтымыздың құндылықтары дәріптеліп, салт-дәстүрлеріміз кеңінен насихатталуда.Облыс орталығында «Анаға тағзым», «Отбасы орталығы», «Өнер орталығы", балалар мен жасөспірімдерге арналған «Сыр жұлдыздары» шығармашылық-инновациялық академиясы салынып, іске қосылды.<img src="https://knadmin.beoblood.kz/uploads/Muzej_7_279e6c4b07.jpg" alt="Музей 7.jpg">Биыл Ассамблеяның 30 жылдығы аясында Қызылорда қаласында «Қазатомөнеркәсіп» ұлттық атом компаниясының» қолдауымен құны 3 млрд.800 млн.теңгені құрайтын «Достық үйі» бой көтеруде.Өткен жылы алғаш рет мәдениет саласының өкілдеріне жаңадан көпқабатты тұрғын үй салынып, 40 қызметтік пәтер табысталды.Симфониялық оркестр, инклюзивті театр, жастар театры, заманауи би, хор ұжымдары жасақталып, Жыраулар үйі ашылды.<img src="https://knadmin.beoblood.kz/uploads/Muzej_5_71c13ea5f0.jpg" alt="Музей 5.jpg"><img src="https://knadmin.beoblood.kz/uploads/Muzej_6_80e6066609.jpg" alt="Музей 6.jpg">Фото: Қызылорда облысы әкімінің баспасөз қызметі

Облыстық тарихи-өлкетану музейі ел игілігіне берілді

<a href="https://kyzylorda-news.kz/">Kyzylorda-news.kz</a> Ақтауда рұқсатсыз ұйымдастырылған қайырымдылық акциясы қоғамдық тәртіп бұзуға әкеліп, кәсіпкерге айыппұл салынды, деп хабарлайды BAQ.KZ Ақтау қалалық әкімдігіне сілтеме жасап.1 маусым – Халықаралық балаларды қорғау күніне орай Ақтау қаласындағы 29-шағынауданда "Abu Baby" балалар киім дүкені азық-түлік пен сыйлықтарды тегін тарату бойынша іс-шара ұйымдастырды. Алайда бұл акция алдын ала ескертілмеген және жергілікті атқарушы органдармен келіспестен өткізілген.<blockquote>Нәтижесінде көптеген адам жиналып, қоғамдық тәртіп бұзылып, қала тұрғындары арасында шиеленіс туындады, – деп мәлімдеді әкімдік өкілдері.</blockquote>Акция аясында таратылған тегін балмұздақ пен сыйлықтар жұртты жаппай жинауға себеп болды. Куәгерлердің айтуынша, кей жерлерде тәртіпсіздік пен бейберекет кезек орын алған.Іс-шараны заңсыз өткізген кәсіпкерге ҚР Әкімшілік құқық бұзушылық туралы кодексінің 488-1-бабына сәйкес 20 АЕК (78 640 теңге) көлемінде әкімшілік айыппұл салынады. Бұл бап жария іс-шараны хабарламай немесе рұқсатсыз өткізгені үшін жауапкершілікті қарастырады.Ақтау қаласының әкімдігі азаматтардың жаппай қатысуымен өткізілетін барлық іс-шаралар – қайырымдылық акциялары, қоғамдық орындарда тегін өнім тарату және тағы басқалары – міндетті түрде жергілікті әкімдікпен алдын ала келісуі тиіс екенін ескертті.<blockquote>Мұндай іс-шаралар тек заң аясында ұйымдастырылуы тиіс. Әйтпесе, мұның соңы қоғамдық тәртіптің бұзылуына алып келуі мүмкін, – дейді шенеуніктер.</blockquote>Фото: Скриншот/baq.kz

Тегін балмұздақ таратқан кәсіпкер жазаланды

<a href="https://kyzylorda-news.kz/">Kyzylorda-news.kz</a> &nbsp;«26 маусым – Халықаралық нашақорлыққа қарсы күрес күніне» орай ұйымдастырылып жатқан айлықтың шеңберінде және «1 маусым – Халықаралық балаларды қорғау күні» мерекелеріне арналған «Атамекен» балалар ауылы мен «Спорттық туризм және туристік көпсайыс жастар федерациясы» қоғамдық бірлестігінің мүшелері арасында «Мен өмірді қалаймын!» тақырыбында сурет салу байқауы ұйымдастырылды.Жеткіншектер өз суреттерінде, есірткісіз өмір сүру деген сұраққа жауап беруге тырысып, суреттерін салуға өте тиянақты қарады.Қойылған сұраққа көптеген жауаптар алынды, шығармашылық көрме экспозициясы 28 балалар жұмысынан құрылды. Барлық жас суретшілер сыйлықтар мен алғыс хаттар алды.Байқауды өткізуге «Қызылорда еріктілері» және «Спорттық туризм және туристік көпсайыс жастар федерациясы» қоғамдық бірлестіктері тартылды.Фото: Полиция департаменті

Халықаралық балаларды қорғау күніне орай сурет байқауы өткізілді

<a href="https://kyzylorda-news.kz/">Kyzylorda-news.kz</a> 1 маусым – Халықаралық балаларды қорғау күні мерекесінде Қазанғап атындағы Қызылорда музыкалық жоғары колледжінің жаңа ғимараты ел игілігіне табысталды. Салтанатты шараға ҚР Премьер-министрінің орынбасары Ермек Көшербаев, облыс әкімі Нұрлыбек Нәлібаев, Парламент Сенаты мен Мәжілісінің депутаттары Наурызбай Байқадамов, Руслан Рүстемов, Мархабат Жайымбетов, Мұрат Әбенов, Мұрат Ергешбаев, академик, жерлесіміз, Қазақстанның Еңбек Ері Асқар Жұмаділдаев пен «Саутс Ойл» мұнай компаниясының басшысы Серікжан Сейтжанов, зиялы қауым өкілдері қатысты.<img src="https://knadmin.beoblood.kz/uploads/Muzykaly_kolledzh_3_184ad9698b.jpg" alt="Музыкалық колледж 3.jpg">Премьер-министрдің орынбасары Ермек Көшербаев жаңа ғимаратта өнерлі жастар тәрбиелене беруіне тілек білдірді.Аймақ басшысы өнер қайраткерлерінің лайықты ізін жалғайтын өнер ордасының Сыр мәдениетінің қарашаңырағына айналғанын атап өтті.<img src="https://knadmin.beoblood.kz/uploads/Muzykaly_kolledzh_f36f3a8c97.jpg" alt="Музыкалық колледж.jpg"><blockquote>"Елу жылға жуық тарихы бар Қазанғап атындағы Қызылорда музыкалық жоғары колледжі Сыр топырағында ұрпақтан ұрпаққа жалғасқан мәдени мұраның, ұлттық өнердің кемелденуіне зор үлес қосып келеді. Бүгінге дейін оқу орны талапқа сай келмейтін ескі ғимаратта қиындықтарға қарамастан жастарға білім беріп, өнерге баулыды. Жаңа ғимаратта студенттерге барлық жағдай жасалған. Үлкен концерт, би залдары, хор бөлмесі бар. Кең музыкалық пәндік кабинеттер жаңа заманауи құрал-жабдықтармен қамтылған. Материалдық-техникалық базасы заман талабына сай келетін 200 орындық жатақхана шалғай елді мекеннен келген жас өрендерді қабылдауға дайын. Күн сайын жаңарып, жасарған Сыр өңірінің жаңа келбетіне көрік берген музыкалық колледждің ғимаратын салуға демеушілік жасап, қолдау көрсеткені үшін «Саутс-Ойл» компаниясының басшысы, елімізге белгілі меценат Серікжан Сейтжанұлына барша Сыр жұртшылығының, өзімнің атымнан шынайы ризашылығымды білдіремін. Бұл ұлтымыздың тарихи «Қазақ» атауының қайтарылғанының, Қызылорданың Қазақ елінің астанасы болғанының 100 жылдық мерейтойына үлкен тарту болды. Жаңа нысан баршамызға құтты болғай!", - деді Н.Нәлібаев.</blockquote><img src="https://knadmin.beoblood.kz/uploads/Muzykaly_kolledzh_6_70c2073929.jpg" alt="Музыкалық колледж 6.jpg">Салтанатты шарада Серікжан Сейтжанов пен Руслан Рүстемов жаңа ғимараттың ашылуымен құттықтап, ізгі тілектерін жеткізді.Айта кетейік, Президентіміздің «Туған жерді бірге түлетейік!» үндеуі аясында кәсіпкер-меценаттар, қоғамдық қорлар бұл бастаманы қолдап, Сыр өңірін көркейтуге өз үлестерін қосуда. Бүгінде аймағымызда демеушілікпен 55 млрд. теңгеден астам қаржыға жаңа жобалар жүзеге асып келеді. Мемлекет басшысының тікелей тапсырмасына сәйкес "Қорқыт Ата әуежайының" жаңа терминалы ашылды. Жобаны іске асыруға "Болат Өтемұратов қоры" 16 млрд.600 млн. теңге инвестиция салды.Жергілікті бюджеттен инженерлік-коммуникациялық инфрақұрылымға 4 млрд. 300 млн теңге қаржы бөлінді. «Самұрық Қазына Траст» қорымен бірге "Үстел теннисі орталығы", «ҚазМұнайГаз» компаниясының демеушілігімен 350 орындық заманауи үлгідегі "Оқушылар сарайы" салынып, ел игілігіне қызмет етуде. Жеке инвесторлардың, «Қазақстан темір жолы» Ұлттық компаниясының қолдауымен теміржол вокзалына күрделі жөндеу жүргізілді.<img src="https://knadmin.beoblood.kz/uploads/Muzykaly_kolledzh_5_392ab0089e.jpg" alt="Музыкалық колледж 5.jpg">Биыл "Қазақстан Темір Жолы" компаниясының қолдауымен барлық аудандағы теміржол вокзалдары күрделі жөндеуден өтуде. Белгілі кәсіпкер Марат Дүйсенбаевтың демеушілігімен «Анаға тағзым» орталығы салынып пайдалануға берілді.Президентіміз жариялаған «Балалар жылы» аясында жергілікті кәсіпкерлердің демеушілігімен облысымызда 80 спорт-ойын алаңы салынды. Демеушілердің қолдауымен 50-ден астам үйдің қасбеттері заманауи панельмен қапталды, аулалар абаттандырылып, заманауи спорт алаңдары, тротуарлар, жарық бағаналары жаңартылды.Қала тұрғындары мен қонақтарының сүйікті демалыс орнына айналған Орталық алаң жерлесіміз Асқар Әубәкіровтің демеушілігімен жаңғыртудан өтті. Демеушілікпен Жаңақорған ауданында заманауи демалыс паркі, Сырдария ауданы Нағи Ілиясов ауылында «Еңбекшілер паркі» бой көтерді.Осындай абаттандыру жұмыстары барлық аудан орталықтарында, ауылдарда да жергілікті кәсіпкерлердің қолдауымен жүргізілуде. Демеушілер есебінен Арал ауданы, Тоқабай ауылындағы апаттық мектептің орнына құны 500 млн. теңге болатын мектеп салынды.Қызылорданың Түркістан облысымен шекарасында кіреберіс қақпа ашылды. Жақында «Қазақстан халқына» қоғамдық қоры қолдауымен денешынықтыру- сауықтыру кешенінің құрылысы басталды. Биылғы Ассамблеяның 30 жылдығы аясында «Қазатомөнеркәсіп» ұлттық атом компаниясының» қолдауымен жаңадан «Достық үйі» бой көтеруде.<img src="https://knadmin.beoblood.kz/uploads/Muzykaly_kolledzh_4_10a8c0eb6a.jpg" alt="Музыкалық колледж 4.jpg">Фото: Қызылорда облысы әкімінің баспасөз қызметі

Қазанғап атындағы Қызылорда музыкалық жоғары колледжінің жаңа ғимараты табысталды

<a href="https://kyzylorda-news.kz/">Kyzylorda-news.kz</a>&nbsp; Қызылордада физика-математика бағытындағы «Білім-инновация» лицей-интернатының ашылу рәсімі өтті. Оған Қазақстан Республикасы Премьер-министрінің орынбасары Ермек Көшербаев, облыс әкімі Нұрлыбек Нәлібаев, Парламент Сенатының депутаттары Наурызбай Байқадамов, Руслан Рүстемов, Мәжіліс депутаттары Мұрат Әбенов, Мархабат Жайымбетов, Мұрат Ергешбаев, академик, Мемлекеттік сыйлықтың иегері, физика-математика ғылымдарының докторы, Қазақстанның Еңбек Ері Асқар Жұмаділдаев, “Білім-инновация” Халықаралық қоғамдық қорының президенті Дархан Өте арнайы қатысты.Рәсімде Премьер-министрдің орынбасары Ермек Беделбайұлы алғысөз сөйледі. Аймақ басшысы жиналған жұртшылықты жаңа білім ошағының ашылуымен құттықтады.<img src="https://knadmin.beoblood.kz/uploads/Fizmat_liczej_6_b05ee13c43.jpg" alt="Физмат лицей 6.jpg"><blockquote>“Мемлекет басшымыз Қасым-Жомарт Кемелұлы: «Сапалы білім – жетістікке жетудің жолы әрі экономиканы дамытудың басты құралы. Жеті түрлі ілім білетін ұрпақ тәрбиелеу – бүгінгі күннің негізгі міндеті», - деген болатын. Еліміздің болашағы жастарымызға сапалы білім, саналы тәрбие беруге бағытталған жүйелі жұмыстар атқарылуда. Аймағымызда соңғы үш жылда білім беру саласына бөлінген қаржы көлемі 304 млрд. 600 млн. теңгені құрап, 32 пайызға артты. Біздің ең бірінші міндетіміз - балаларымыздың білім алуына қолайлы жағдай жасап, жайлы орта қалыптастыру. 2023 жылы Қызылорда қаласындағы 4 мектепке 1 850 орындық қосымша құрылыс салу есебінен үш ауысымдық мектептер мәселесі түбегейлі шешімін тапты. Алаш қайраткері Міржақып Дулатұлы: «Ұрпағы білімді халықтың болашағы бұлыңғыр болмайды», - деп атап өткендей, жаңа білім ғимаратынан алдыңғы буынның ізгі жолын жалғаған білімді, талантты шәкірттер шығатынына сеніміміз мол. Санасы сергек, ойы ұшқыр, бәсекеге қабілетті оқушыларымыз көп болғай.”, - деді Н.Нәлібаев.</blockquote><img src="https://knadmin.beoblood.kz/uploads/Fizmat_liczej_4_bc531fc84f.jpg" alt="Физмат лицей 4.jpg">Іс-шарада академик, Қазақстанның Еңбек Ері Асқар Серқұлұлы, Парламент Мәжілісінің депутаты Мұрат Абдуламитұлы, Мұрат Бақтиярұлы құттықтау сөз сөйледі. Физика-математика лицей- интернатының құрылысын сапалы жүргізген құрылысшылар мен білім саласы қызметкерлері облыс әкімінің Алғыс хатымен марапатталды.Айта кету керек, Президентіміздің бастамасымен қолға алынған «Жайлы мектеп» ұлттық жобасы аясында 3 мың орындық 6 мектеп ел игілігіне берілді. Тағы 4 мектеп биыл жаңа оқу жылында іске қосылады.<img src="https://knadmin.beoblood.kz/uploads/Fizmat_liczej_5_abf55dd2c8.jpg" alt="Физмат лицей 5.jpg"><img src="https://knadmin.beoblood.kz/uploads/Fizmat_liczej_2_26cdf14148.jpg" alt="Физмат лицей 2.jpg">Фото: Қызылорда облысы әкімінің баспасөз қызметі

Архив