<a href="https://kyzylorda-news.kz/">Kyzylorda-news.kz</a> Қызылорда облысы Полиция департаменті бастығының бірінші орынбасары полиция полковнигі Серік Тоқтыбаев жастармен кездесті.Кездесуге Департаменттің Есірткі қылмысына қарсы іс-қимыл және Киберпол басқармаларының қызметкерлері, Есірткі құқық бұзушылығының профилактикасы жөніндегі кеңестің мүшелері - Қорқыт Ата атындағы Қызылорда мемлекеттік университетінің Әлеуметтік және тәрбие жұмыстары жөніндегі проректоры Жандос Базартай, «Аманат» партиясы жанындағы «Жастар Рухы» ЖҚ ҚОФ төрағасының орынбасары Нұрбол Серікбай және Қызылорда облыстық психикалық денсаулық орталығы директорының орынбасары Аман Турсунов, сондай-ақ университеттің оқытушылары мен студенттері қатысты.Кездесуде студенттер үшін өте өзекті тақырыптар қозғалды: бұл әр азаматтың құқықтары мен міндеттері, құқық бұзушылықтар, бұзақылық, кибербуллинг, лудомания, интернет - алаяқтық, нашақорлық және оның салдары.Бұл кездесу бейресми қарым-қатынас форматында өтті. Әрбір студент өзінің құқықтары мен жауапкершілігіне, қауіпсіздігіне, сондай-ақ полиция қызметіне қатысты кез &nbsp;келген сұрақты қойды.<blockquote>«Нашақорлық пен есірткі бизнесіне қарсы күрес жөніндегі 2023-2025 жылдарға арналған кешенді» жоспары Үкіметпен бекітіліп, іске асырылуда. Аталған жоспарды дайындауға барлық мүдделі мемлекеттік органдар, әкімдіктер, сондай-ақ тәуелсіз халықаралық сарапшылар мен қоғам қайраткерлері қатысты. Жоспардың едәуір көлемі, нашақорлықтың алдын алуға, емдеуге және есірткіге тәуелділерді оңалтуға бағытталғанын атап өткім келеді. Қоғам бір орында тұрған жоқ, есірткінің жаңа түрлері мен жаңаша сипаттары пайда болуда. Үкімет тарапынан олардың заңсыз айналымға түсуіне жол бермеу мақсатында тиісті шаралар мен шектеулер қоюда.Полиция департаменті өз құзыреті шегінде нашақорлықтың алдын алу және есірткі қылмысына қарсы күресте қажетті шаралар қабылдауда.Біздің мақсатымыз - жастар және жасөпірімдер арасындағы қылмыстардың және өзге де құқық бұзушылықтардың алдын-алу. Осы ретте қоғам болып, ата-ана, ұстаздармен бірлесіп, жас ұрпақ тәрбиесіне немқұрайлық танытпауымыз қажет. Тек бірлесіп қана еліміздің болашағының қауіпсіздігін қамтамасыз ете аламыз!»,&nbsp;- деді полиция полковнигі С.Тоқтыбаев.</blockquote>Жиынға қатысушылар өзекті мәселелерді талқылап, өз ойларымен бөлісті.<img src="https://knadmin.beoblood.kz/uploads/studenttermen_kezdesu_9499eada98.jpg" alt="студенттермен кездесу.jpg">

Қызылорда облысы Полиция департаменті бастығының бірінші орынбасары студенттермен кездесті 

<a href="https://kyzylorda-news.kz/">Kyzylorda-news.kz</a> Қазақстанда соңғы қоңырау күнінің өзгеруіне байланысты ҰБТ күндері де ауыстырылды. Бұл туралы <a href="https://stan.kz/kazakstanda-ybt-otkizu-merzimi-ozgerdi-417863/">Stan.kz</a> ақпарат агенттігі хабарлайды.Ұлттық тестілеу орталығы ҰБТ өткізу мерзімінің өзгергенін хабарлады.<blockquote>"Соңғы қоңырау күні өзгертілуіне байланысты 23 және 24 мамырға жоспарланған ҰБТ өткізу мерзімі де өзгертілді", – делінген ҰТО хабарламасында.</blockquote>23 мамырға өтініш берген талапкерлер ҰБТ-ны 25 мамырда тапсырады. 24 мамырға өтініш берген талапкерлер ҰБТ-ны 1 маусымда тапсырады.Жаңа тестілеу күні туралы ақпарат талапкердің app.testcenter.kz сайтындағы жеке кабинеті арқылы автоматты түрде жаңартылады. Тіркелгендерге SMS-хабарлама жіберіледі.Айта кетейік, Қазақстанда биылғы соңғы қоңырау басқа күнге ауыстырылды.&nbsp;Биылғы оқу жылының ресми аяқталуы жексенбіге&nbsp;сәйкес келгендіктен, 11-сынып түлектері үшін салтанатты шара мектеп әкімшілігінің шешімімен 23 немесе 24&nbsp;мамырда өткізіледі.Фото: Нұрболат Нұржаубай

Қазақстанда ҰБТ өткізу мерзімі өзгерді

<a href="https://kyzylorda-news.kz/">Kyzylorda-news.kz</a> &nbsp; 15 мамыр – халықаралық отбасы күні. Бұл Қазақстанда да аталып өтеді.15 мамыр – 1993 жылы Біріккен Ұлттар Ұйымының Бас Ассамблеясының шешіммен Халықаралық отбасы күні ретінде бекітілді. Алғаш рет 1994 жылдан бастап аталып өте бастады, – деп хабарлайды <a href="https://kz.kursiv.media/kk/2025-05-15/sbn-otbasy-kuni/">kz.kursiv.media.</a>Аталмыш датаны отбасы күні ретінде белгілеудің астарында әлем бойынша отбасы құндылықтарына назар аудару болды. Бұл күн отбасы мүшелеріне құрмет көрсетіп, жақын адамарды қадірлеуге баулиды.Бір қызығы, Қазақстанда отбасы күні екі рет аталып өтеді. 15 мамыр халықаралық деңгейде аталып өтсе, Қазақстанда қыркүйек айының екінші жексенбісі отбасы күні ретінде бекітілген. Бұл күннің Қазақстанда аталып өте бастағанына да 10 жылдан асқан. Аталмыш күн елде 2013 жылдан бері аталып өтеді.Екі күн де бір шаңырақ астындағы отбасы мүшелерінің бірлік пен ынтымақтастық күні ретінде аталып өтеді. &nbsp;

Бүгін халықаралық отбасы күні

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев облыстық мәслихаттың төрағасы Мұрат Тілеуімбетовпен бірге Қызылорда қаласындағы «Тәуелсіздікке – 25 жыл» даңғылын, Әбілқайырхан көшесінен Саламатов көшесіне дейін қайта жаңғырту жұмыстарының барысын тексерді.Бейбарыс сұлтан көшесінен Әбілқайыр хан көшесіне дейінгі Сырдария өзенінің қорғаныс бөгеті нығайтылып, аталған даңғылдың 6,7 шақырымын қайта жаңғырту жұмыстары аяқталуға жақын. Мердігер мекеме «УАД» ЖШС кеңейтілетін аумаққа асфальт төседі. Сонымен қатар, Сырдария өзенінің қорғаныс бөгеті тазаланып, 1,4 шақырымға жуық дамба нығайтылды, 1,4 шақырым тіреу қабырғасы тұрғызылды. Нысанды жақын уақытта аяқтау жоспарлануда.Әбілқайырхан көшесінен Саламатов көшесіне дейінгі жол құрылысы да қарқынды жүргізілуде. Ұзындығы 2,9 шақырым, қазіргі таңда 2,4 шақырымының астыңғы қабаты тазалап ашылды, ал 2 шақырым аумаққа тірек қабырғалары құйылуда.Еске салайық, өткен жылы аймақтың жол инфрақұрылымын дамытуға қаржы бөлініп, 300 шақырымнан астам жол жөнделді. Нәтижесінде жақсы жағдайдағы жолдардың үлесі 92 пайыздан асты. Республикалық маңызы бар «Қызылорда-Жезқазған» автомобиль жолын қайта жаңғырту жалғасуда.<img src="https://knadmin.beoblood.kz/uploads/zhol_zh_ndeu_zh_mystary_b9af5846a5.jpg" alt="жол жөндеу жұмыстары.jpg"><img src="https://knadmin.beoblood.kz/uploads/zhol_zh_ndeu_12002bb5ca.jpg" alt="жол жөндеу.jpg"><img src="https://knadmin.beoblood.kz/uploads/zhol_zh_ndeu_1_b998b911eb.jpg" alt="жол жөндеу 1.jpg">

Архив

Қызылорда облысы Полиция департаменті бастығының бірінші орынбасары студенттермен кездесті

Қазақстанда ҰБТ өткізу мерзімі өзгерді

Бүгін халықаралық отбасы күні

Жол жөндеу жұмыстары бақылауда