<a href="https://kyzylorda-news.kz/">Kyzylorda-news.kz</a> Арал ауданының әкімі Аманжол Оңғарбаев қаладағы тыл ардагерлерінің шаңырағына барып, Мемлекет басшысының жарлығы бойынша берілген «Ұлы Отан соғысындағы Жеңіске 80 жыл» мерекелік медалін табыстады. Сондай-ақ аймақ басшысы Нұрлыбек Нәлібаевтың арнайы құттықтауын жеткізіп, аудан әкімінің Алғыс хаты мен мерекелік сый-құрмет көрсетті.Аудан басшысы А.Оңғарбаев алдымен 93 жастың төріне шыққан Балқаш Аймағамбетова әжейдің шаңырағына барып, кейуананы мерекесімен құттықтады.Аудан дамуы жолында түрлі салада қызмет атқарған қазыналы қарттың бүгінде денсаулығы жақсы. Ғасырға жуық ғұмыр иесі әлі күнге еркін жүріп-тұрады. Ақылман қария тылдағы бейнетті жолынан бөлек, неке қию бөлімінде, құжаттармен айналысатын мекемеде және Сбер кассада есепші сынды қызметтер атқарған.Сосын саналы ғұмырын балық шаруашылығына арнаған, жастайынан тылда еңбек етіп, ел басына түскен ауыртпалықты сезініп өскен, мемлекет және қоғам қайраткері, Қазақ Кеңестік Социалистік Республикасының Балық шаруашылығы министрі, Қызылорда облысының және Арал ауданының құрметті азаматы Құдайберген Саржановтың шаңырағында болды.Еңбек жолын «Арал балық шаруашылығы» өндірістік бірлестігінің инженері болып бастаған Қ.Саржанов Қазақ Кеңестік Социалистік Республикасының Балық шаруашылығы министріне дейінгі қызметтердің бәрін де абыроймен атқарды. Қай істе де өзін білімді маман, ел мүддесін басты міндет санайтын азамат ретінде таныта білді. Қазір зейнет жасында болса да еңбекқорлығы арқылы жұртшылықтың шынайы алғысы мен құрметіне бөленіп келеді.Аудан әкімі Аманжол Сақыпұлы абыз ақсақал, жазушы-журналист, Қазақ КСР-нің еңбек сіңірген мәдениет қызметкері Шәкірат Дәрмағамбетовтың шаңырағына барды.Саналы ғұмырын білім және журналистика саласына арнаған қарт қазына бүгінде 97 жасқа аяқ басып тұр. Ауданның әлеуметтік-экономикалық ахуалын жан-жақты саралап, жаңалықтарға құлақ түре жүретін ел жақсы біледі.Қазыналы қарт мерейлі мерекемен құттықтай келген аудан әкімі А.Оңғарбаев бастаған ел азаматтарына шынайы ризашылығын жеткізіп, арнайы батасын берді.<img src="https://knadmin.beoblood.kz/uploads/Tyl_ardageri_2_c95dd5848c.jpg" alt="Тыл ардагері 2.jpg">Фото: Арал ауданы әкімінің баспасөз қызметі

Тыл ардагерлеріне құрмет көрсетті

<a href="https://kyzylorda-news.kz/">Kyzylorda-news.kz</a> Сырдария ауданының әкімі Берік Сәрменбаевтың қатысуымен ҚР еңбек сіңірген жаттықтырушысы, КСРО спорт шебері, Сырдария ауданының Құрметті азаматы Қобландин Сұлтанбек Ибрагимұлын еске алуға арналған Республикалық турнирдің ашылу салтанаты өтті. Іс-шараға Сырдария ауданының Құрметті азаматы, «Құрмет» орденінің иегері, Қызылорда облысының қоғамдық кеңес төрағасы Әріп Хожбанов, ардагерлер кеңесінің төрағасы Мұса Келдібаев, аудандық мәслихат төрағасы Ержан Әжікенов, облыстық мәслихат депутаты Жұмабек Ембергенов және ардагерлер мен спортшылар қатысты.Аудан басшысы жарысқа қатысушыларға сәттілік тілеп, республикалық турнирдің маңыздылығына тоқталып өтті.<blockquote>— Спорт саласының дамуына, оның ішінде елімізде көгалдағы хоккейдің өсуіне өзіндік үлес қосқан азаматқа арнап турнир өткізу ауданда дәстүрге айналды. Сұлтанбек Ибрагимұлы көгалдағы хоккей спортымен айналысып, 1982 жылы Алматының «Динамо» командасының сапында Кеңес Одағының чемпионы және Одақтың кубок жеңімпазы атанды. Одан кейін көгалдағы хоккейден шәкірт тәрбиелеймен айналысып, Қызылорда облысының ерлер және әйелдер құрамасының бас жаттықтырушысы болды. Бүгінде КСРО спорт шеберінің тәрбиесін көрген шәкірттері ардақты азаматтың жолын жалғап, көгалдағы хоккейдің дамуына үлес қосып келеді. Халықаралық жарыстарда білікті жаттықтырушы тәрбиелеген спортшылар сан мәрте жарқын жетістіктерге жетті. Сондықтан Сұлтанбек Қобландиннің мемлекетіміздің, оның ішінде Сыр өңірі спортының өркендеуіне өзіндік қолтаңбасын қалдырғанын көпшілік жақсы біледі. Халқымыз ежелден денсаулықтың қадірін жете түсініп, оны басты байлық санаған. Сондықтан спорттың бұқаралық сипатын дамыту – мемлекетіміздің стратегиялық басым бағыттарының бірі. Ауданда спорт саласын дамыту бағытында ғимараттар жаңартылып, барлық жағдай жасалып келеді. Бүгін республикалық турнирде спортшылар өз шеберліктерін ортаға салып, жақсы өнер көрсетеді деп сенемін, - деді Берік Әбдіғаппарұлы.</blockquote>Сонымен қатар Сырдария ауданының Құрметті азаматы, «Құрмет» орденінің иегері, Қызылорда облысының қоғамдық кеңес төрағасы Әріп Хожбанов және Сұлтанбек Қобландин туыстары атынан апасы Бибімария Маханова ұйымдастырушыларға алғысын білдіріп, жарысқа қатысушы спортшыларға сәттілік тіледі.Айта кету керек, жарысқа еліміздің түпкір-түпкірінен 11 команда 150-ге жуық спортшы қатысуда.<img src="https://knadmin.beoblood.kz/uploads/Turnir_eske_alu_2_3a297fa499.jpg" alt="Турнир еске алу 2.jpg">Фото: Сырдария ауданы әкімінің баспасөз қызметі

Республикалық турнирдің ашылу салтанаты өтті

<a href="https://kyzylorda-news.kz/">Kyzylorda-news.kz</a> Қызылорда облысы әкімдігі мен Хынг Йен провинциясы арасында бауырластық қарым-қатынас орнату туралы меморандумға қол қойылды.«Ақорда» резиденциясында елімізге мемлекеттік сапармен келген Вьетнам Коммунистік партиясы Орталық комитетінің Бас хатшысы То Ламды ресми қарсы алу рәсімі өтті.Президент Қасым-Жомарт Тоқаев пен То Лам бір-біріне делегация мүшелерін таныстырды. Бұдан кейін Құрмет қарауылының бастығы рапорт беріп, Қазақстан мен Вьетнамның мемлекеттік әнұрандары шырқалды.Мемлекет басшысы Вьетнам Коммунистік партиясы Орталық комитеті Бас хатшысының Қазақстанға алғашқы сапарына екі ел арасындағы мызғымас достықтың айғағы деп баға берді.&nbsp;То Лам қазақ жерінде көрсетілген сый-құрмет үшін алғыс айтып, бүгінгі келіссөздердің нәтижесі Қазақстан мен Вьетнам арасындағы қарым-қатынастың көкжиегін кеңейте түсетініне сенім білдірді.&nbsp;Жұмыс сапары аясында Қызылорда облысының әкімі Нұрлыбек Нәлібаев пен Хынг Йен провинциясы Халық Комитетінің төрағасы Чан Куок Ван арасында бауырластық қатынас орнату туралы меморандумға қол қойылды.Меморандумда теңдік және өзара тиімділік негізінде сауданы ілгерілету, инвестиция тарту және бірлескен кәсіпорындар құру көрсетілген. Сонымен қатар, ауыл шаруашылығы, өнеркәсіп, кәсіпкерлік және цифраландыру салаларында әріптестік орнатып, бірлескен жобаларды жүзеге асыру жоспарлануда.Тараптар жоғары оқу орындары, зерттеу институттары және білім беру ұйымдары арасында ғылыми-тәжірибелік кооперацияны дамытуға мүдделі.Бірлескен мәдени іс-шаралар өткізу, туризм, қоршаған ортаны қорғау және басқа да салалар бойынша тәжірибе алмасу да қарастырылған.

Меморандумға қол қойды

<a href="https://kyzylorda-news.kz/">Kyzylorda-news.kz</a> Президент Қасым-Жомарт Тоқаев Вьетнам Коммунистік партиясы Орталық комитетінің Бас хатшысы То Ламмен кеңейтілген құрамда келіссөз жүргізді.Мемлекет басшысы Вьетнам делегациясына ілтипат білдіре отырып, бұл сапар екі ел арасындағы байланыстарды нығайтуға ықпал ететінін атап өтті. Сондай-ақ Вьетнамның 2040 жылға дейін әлемдегі ең ірі 25 экономиканың қатарына кіруді көздейтін стратегиялық мақсатын қолдап, Қазақстан тарапы осы өршіл міндетті орындау ісіне жан-жақты атсалысуға дайын екенін жеткізді.<blockquote>– Қазір Қазақстан мен Вьетнам арасындағы сауда-экономикалық және инвестициялық ынтымақтастық қарқынды дамып келеді. Біз аз уақыт ішінде бірқатар ірі жобаны жүзеге асырдық. Алдағы уақытта да өзара тиімді байланыстарымызды кеңейтуге толық негіз бар. Сіздің осы тарихи сапарыңыз және соның аясында қол қойылатын құжаттар қазақ-вьетнам қатынастарын одан әрі күшейтуге тың серпін береді, – деді Қасым-Жомарт Тоқаев.</blockquote>Келіссөз барысында өзара сауда-саттық көлемін ұлғайту мәселесіне айрықша мән берілді. Былтыр екі ел арасындағы тауар айналымы 860 миллион долларға жеткен. Тараптар таяу жылдары бұл көрсеткішті 2 миллиард долларға жеткізуге ниетті.Бұдан бөлек, Қасым-Жомарт Тоқаев пен То Лам туризм саласындағы бірлескен жұмыстың перспективасы туралы пікір алмасты. Қазір Қазақстан мен Вьетнам арасында визасыз режим орнады, ал әуе қатынастарының саны 40-тан асты. Осы ретте Мемлекет басшысы Вьетнам азаматтарының қызығушылығын тудыруы мүмкін Қазақстандағы туристік аймақтарды зерделеп көруді ұсынды.Өз кезегінде То Лам Мемлекет басшысы Қасым-Жомарт Тоқаев пен Қазақстан халқына қонақжайлық танытқаны үшін ризашылығын білдіріп, Вьетнам Президенті Лыонг Кыонгтың ыстық ықыласын жеткізді.<blockquote>– Вьетнам мен Қазақстанның ортасында ондаған жылдар бойына тығыз қарым-қатынас орнаған. 1959 жылдың тамыз айында біздің Президентіміз Хо Ши Мин Қазақстанға ресми сапармен келген болатын. Бұл сапар қос халық арасында дәстүрлі достық пен ұзақмерзімді серіктестіктің берік негізін қалады. Содан бері екі елдің байланысы көшбасшылар мен азаматтардың күш-жігері арқасында ұдайы дамып келеді. Қазақстан ертеректе еліміздегі ұлт-азаттық күреске көмек көрсетті, қазіргі кезде де бізді жан-жақты қолдап келеді. Сол үшін Вьетнам халқы мен партиясы сіздерге дән риза, – деді Вьетнам Компартиясы ОК Бас хатшысы.</blockquote>Қасым-Жомарт Тоқаев елімізде Вьетнам мәдениетінің күндерін өткізудің маңызына тоқталып, оның мәдени диалог пен халықтар бірлігін нығайтуға септігін тигізетінін айтты.Президент мәртебелі мейманға Отан қорғаушы күні қарсаңында әскери парад өтетінін айта келіп, Қазақстан мен Вьетнамның әскери-техникалық серіктестігін нығайтуға отандасымыз, генерал-лейтенант Жансен Кереевтің елеулі үлес қосқанын атап өтті.Жансен Кереев 1982 жылы Вьетнам халық армиясы штабының аға кеңесшісі ретінде іссапарға жіберілген. Ол Вьетнам Қарулы күштерін бірге құрысып, елдің қорғаныс қабілетін нығайтуға атсалысты. Хо Ши Миннің шешімімен Жансен Кереев Вьетнамның ең жоғары әскери наградасы – Қызыл ту орденімен марапатталды.Кездесу соңында Президент Бас хатшы То Ламның елімізге сапары қазақ-вьетнам достық байланыстары тарихындағы жаңа кезеңге жол ашатынына сенім білдірді.Фото: Ақорда

Мемлекет басшысы Вьетнам Коммунистік партиясы Орталық комитетінің Бас хатшысымен келіссөз өткізді

<a href="https://kyzylorda-news.kz/">Kyzylorda-news.kz</a> &nbsp;Қармақшы аудандық Шәмшат Төлепова атындағы мәдениет үйінде Ұлы Жеңістің 80 жылдығына арналған «Жеңістің 80 жылдығы: Ерлік, бірлік және тағылым» атты танымдық конференция өтті.Конференция жұмысына Қызылорда облысы әкімінің орынбасары, Қазақстан Республикасы Президентінің «Байқоңыр» кешеніндегі арнаулы өкілі Қайрат Ырзақұлұлы, Қармақшы ауданының әкімі Жандос Еркінбек, аудандық мәслихат төрағасы Әділ Үсенұлы, тыл ардагерлері, мемлекеттік мекеме және кәсіпорын басшылары, кент және ауылдық округ әкімдері, зиялы қауым өкілдері, үкіметтік емес ұйымдар мен бұқаралық ақпарат құралдарының өкілдері және белсенді жастар қатысты.Облыс әкімінің орынбасары конференцияны алғысөзбен ашып, жиналған жұртшылықты Ұлы Жеңістің 80 жылдық мерейтойымен құттықтап, соғыстағы ерлік пен бірліктің тарихи маңызына ерекше тоқталды. Іс-шара барысында ел тарихындағы маңызды кезеңдер мен ерлік оқиғалары кеңінен қамтылған мазмұнды баяндамалар жасалды.Тарих ғылымдарының кандидаты, доцент, Ә.Тәжібаев атындағы облыстық әмбебап ғылыми кітапханасының директоры Мыңжас Нұрлыбек Кәрібозұлы «Ұлы Отан соғысы: Тарихи тағылым және ұрпақ жадындағы мәңгілік ерлік» тақырыбында тарихи шолуын ұсынды. Қоғам қайраткері Сәпен Аңсатов «Тыл еңбеккерлері – Жеңіс үшін жұмылған жандар. Механикалық зауыттың майданға қосқан үлесі» туралы деректермен бөлісті.Сонымен қатар, ҚР мәдениет қайраткері, жырау Берік Саймағанбетов «Батырлықтың биік шыңы – Тәйімбет Көмекбаевтың ерлік жолы» атты баяндамасында жерлес батырдың тағдырлы жолын баяндады. Филология ғылымдарының кандидаты, доцент Ерхан Кәрібозов «Мәңгілік ерлік, мәңгілік жыр: Ұлы Жеңісті жырлаған ақындар мұрасы» атты баяндамасында соғыс тақырыбындағы поэзияның идеологиялық мәніне тоқталды. Қызылорда қоғамдық телерадио компаниясының төрағасы, ақын Шаһизада Әбдікәрімов «Жауынгерлік рух – мәңгілік мұра» тақырыбында рухты көтеретін әсерлі ойларымен бөлісті.Конференция соңында модератор мазмұнды баяндамалар үшін конференция қонақтарына алғысын білдіріп, іс-шараны қорытындылады. Шара ІІ Дүниежүзілік соғысқа қатысқан жауынгерлердің рухына және тыл ардагерлеріне арналған аспен жалғасты.<img src="https://knadmin.beoblood.kz/uploads/arma_shy_tanymdy_konferencziya_2_344b5cdd00.jpg" alt="Қармақшы танымдық конференция 2.jpg">

Жеңіс күніне орай танымдық конференция өтті

<a href="https://kyzylorda-news.kz/">Kyzylorda-news.kz</a> Көпқабатты тұрғын үйлерде тұратын отбасылар үшін терезеге қауіпсіздік құралын орнату аса маңызды. Себебі кейінгі жылдары елімізде терезеден құлап кету деректері азаймай тұр. Осындай қауіптің алдын алып, оқиғаны азайту мақсатында ТЖД мамандары үздіксіз үгіт-насихат жұмыстарын жүргізіп, рейдтік іс-шараларды күшейткен. Бұл туралы бүгін Өңірлік коммуникациялар қызметінің ақпарат алаңында облыстық ТЖД Төтенше жағдайлардың алдын алу басқармасының бастығы Бейбітхан Спанов мәлімдеді.<blockquote>- Көпқабатты тұрғын үйлердің басым көпшілігі облыс орталығында болғандықтан жазатайым оқиғалар Қызылорда қаласында жиі орын алуда. Өткен жылы ата-аналардың немқұрайлы қарауының себебінен облыс бойынша балалардың терезеден құлауының 16 фактісі тіркелді. Үздіксіз жүргізілген түсіндіру жұмыстарының нәтижесінде жыл басынан бері терезеден құлау оқиғасы тіркелген жоқ. Десе де біз жұмысты әрі қарай жалғастыратын боламыз. Қазіргі таңда біз рейдтік іс-шараларды күшейттік. Жалпы, балалардың терезеден құлау фактісінің бірнеше басты себебі бар. Олардың бастысы - ата-аналардың балаларды бақылаусыз қалдыруы және терезеде уақытша бекіткіш торлардың болмауы. Сонымен қатар, терезенің қорғаныш қабаты болмаса москит торларды пайдаланбауын сұраймыз, өйткені олар баланың қауіпсіздігіне жауап бермейді. Одан бөлек, балалардың қауіпсіздігі үшін терезенің жанына жиһаздарды қоймауларыңызды және балаларға қарапайым қауіпсіздікті үйретулеріңізді сұраймыз,- деді Бейбітхан Оразайұлы.</blockquote>

Балалар қауіпсіздігі бәрінен маңызды

<a href="https://kyzylorda-news.kz/">Kyzylorda-news.kz</a> Төтенше жағдайлар министрлігінде дағдарыстық жағдайларда басқарудың тиімділігін арттыруға, төтенше жағдайлардың алдын алу және оларды жою бойынша үйлестіруді қамтамасыз етуге бағытталған ауқымды ұйымдастырушылық қайта құру, техникалық жаңғырту мен цифрлық сервистерді енгізу жүргізілді.ТЖМ Стратегиялық жоспарлау және жедел басқару командалық орталығының жаңғыртылған ахуалдық залы іске қосылды, оның негізінде ықтимал техногендік және табиғи апаттарға ден қоюды болжау, модельдеу және талдау, сондай-ақ олардың салдарын бағалау құралдарымен цифрлық сервистерді шоғырландыру жүргізіледі.Төтенше жағдайларды болжау және модельдеу үшін «ТЖ ГАЖ» цифрлық сервисі іске қосылды, ол «Қазақстан Ғарыш Сапары «ҰК» АҚ Геопорталымен бірлесіп су тасқыны жағдайын модельдеу және тұрғын үйлердің су басуына, тіршілік әрекетінің бұзылуына жол бермеу, халықты құтқару және эвакуациялау бойынша жедел ден қою шараларын қабылдау үшін қолданылады. Сонымен қатар бұл жүйеде өрттің таралу аймақтарын есептеу үшін «Пирология» өрттерді мониторингтеу мен болжаудың кіші жүйелері, жоғары, төменгі, шымтезек, қылқан жапырақты және жапырақты параметрлер бойынша есептеулерді қолдануды таңдау жұмыс істейді.ТЖМ-де, оның аумақтық және ведомстволық бағынысты бөлімшелерінде кадрлардың есебі мен қозғалысын автоматтандыру үшін 1C платформасында «Кадрлар» жүйесі енгізілді. Бұл құралдар басшылыққа негізгі көрсеткіштерді жедел бақылауға және өлшенген басқару шешімдерін қабылдауға, министрліктің барлық бөлімшелерінің үйлесімді жұмысын қамтамасыз етуге, жалпы тиімділікті, ашықтықты, жеке ақпаратқа қол жеткізуді және кадр мәселелерін жедел шешу мүмкіндігін арттыруға мүмкіндік береді.Сонымен қатар жасанды интеллект базасында қоңырау шалушы абоненттің және зияткерлік көмекшінің орналасқан жерін анықтау мүмкіндігімен «112» Call-орталығын құру жөніндегі бастаманы іске асыру жалғасуда. Бірыңғай кезекші-диспетчерлік қызметтің «112» жобасын іске асыру шеңберінде облыстардың, республикалық маңызы бар қалалардың және астананың төтенше жағдайлар департаменттерінің жедел басқару орталықтарында қолдану көзделеді. Қазіргі уақытта байланыс қызметтерін жеткізушілермен бірлесіп Астана қаласы ТЖД жоспарлау және жедел басқару орталығы базасында пилоттық жобаны іске асыру бойынша жұмыс жүргізілуде. Күтілетін нәтиже төтенше жағдайға тап болған азаматтардан келіп түскен хабарламаларға ден қою жылдамдығын арттыру, халық тарапынан азаматтық қорғау органдарына деген сенімді нығайту болып табылады.Халықты құлақтандырудың ұлттық жүйесін әзірлеу бойынша жұмыс басталды, бағдарламалық қамтамасыз етудің, республикалық және аумақтық деңгейдегі басқару пультінің толыққанды нұсқасы әзірленді, сирена-сөйлеу құрылғысының техникалық схемасы құрастырылды. Бұл қосымша азаматтардың қауіпсіздігін және төтенше жағдайларда іс-қимылға дайындығын арттыруда маңызды рөл атқаратын болады.Халықты төтенше жағдайлар туралы хабардар ету үшін «112KZ» мобильді қосымшасының демонстрациясы әзірленді, бұл азаматтарды табиғи апаттар, техногендік авариялар немесе әлеуметтік тәртіпсіздіктер сияқты ықтимал қауіптер мен тәуекелдер туралы жедел ақпараттандыруға мүмкіндік береді. Мұндай қосымша азаматтардың қауіпсіздігін және төтенше жағдайларда әрекет етуге дайындығын арттыруда маңызды рөл атқарады.Сонымен қатар ТЖМ бірқатар «Цифрлық бастамаларды» іске асырды. 2GIS және Яндекс операторларының электрондық карталарында эвакуациялық, жинау және жылыту пункттері орналастырылған. Бұл ТЖ кезінде көмек көрсету орындары туралы халықтың хабардарлығын арттырады, халықты жинау пункттеріне, жылыту пункттеріне және т. б. навигациялық маршруттар салуға мүмкіндік береді.Cell Broadcast ұялы байланысының абоненттік құрылғыларына хабарламаларды жедел жеткізу жүйесін пилоттық іске қосу жүргізілді. Бұл бір уақытта көптеген абоненттерге хабарламаларды жедел жеткізуге мүмкіндік береді. Желінің шамадан тыс жүктелуіне қарамастан жұмыс істейді, бұл трафиктің жоғары кезеңінде де хабарламалардың сенімді жеткізілуін қамтамасыз етеді.Төтенше жағдайлардың алдын алу мақсатында орман алқаптарының жай-күйін нақты уақытта бақылауға мүмкіндік беретін жасанды интелекті бар бейнемониторинг камераларын қолданады. Жүйелер ықтимал өрт белгілерін, түтін басуды автоматты түрде тіркейді және сигналдарды жедел жібереді.Сонымен қатар жоғалған адамдарды іздеу үшін жасанды интелекті бар ұшқышсыз ұшу аппараттары (ҰҰА) белсенді қолданылады. Олардың көмегімен жоғалған адамдарды іздеу үшін ашық жердің фотосуреттері жасалады, ал алынған суреттер жасанды интеллект арқылы өңделеді. Мәселен биылғы жылдың тамыз айында бірлескен операция аясында жоғалған азаматтарды іздеу үшін жасанды интелект деректерін өңдеумен жетуі қиын жерлерді түсіру жүргізілді. Бұл технология өзінің тиімділігін дәлелдеді және іздеу-құтқару операцияларында тұрақты негізде қолданылатын болады.ТЖМ төтенше жағдайларда қауіпсіздік пен жеделдікті арттыру үшін технологияларды дамытуды және цифрлық шешімдерді енгізуді жалғастырылатын болады.

Төтенше жағдайлар министрлігінде цифрлық сервистерді енгізу жұмыстары жүргізілді

<a href="https://kyzylorda-news.kz/">Kyzylorda-news.kz</a> Спорттық гимнастикадан 6 кезеңнен тұратын Әлем кубогы мәресіне жетіп, жерлестеріміз үздік көрсеткіштерін тіркеді,- деп хабарлайды Jambylinfo.kzТек қана Милад Каримидің өзі 6 алтын, 1 күміс, 1 қола иеленіп, мансабындағы ең үздік маусымын өткізе білді.Париж Олимпиадасының күміс жүлдегері Нариман Құрбанов Әлем кубогының ортасынан басып қатысса да, 1 алтын, 2 қола нәтижесімен жанкүйерлерін қуанта білді. Дмитрий Патанин, Зейнолла Ыдырысов, Алтынхан Темірбек те жүлде алып, резервтің мықты екендігін дәлелдей білді.Кейінгі жылдағы көрсеткіштеріміз:2025 жыл– 7 алтын, 4 күміс, 4 қола2024 жыл – 2 алтын, 2 қола2023 жыл - 3 алтын, 1 қола2022 жыл – 2 алтын, 2 күміс2021 жыл – 1 күміс, 1 қола2020 жыл - 1 күміс, 2 қола2018 жыл – 1 алтын2017 жыл – 1 күміс

Отандық спортшылар әлем кубогында 15 жүлде алды     

<a href="https://kyzylorda-news.kz/">Kyzylorda-news.kz</a> Қазақстанда жүрек-қан тамырлары аурулары әлі де аурушаңдық пен өлім-жітімнің басты себептерінің бірі болып саналады. МӘМС жүйесі аясында емдеудің сапасы мен қолжетімділігін жақсарту мақсатында А.Н.Сызғанов атындағы Ұлттық ғылыми хирургия орталығының кардиолог мамандары Қызылорда облыстық көпсалалы ауруханасында кеңес беру жұмыстарын жүргізіп, шеберлік сабақтарын өткізді.Пациенттердің бірі 21 жастағы Перизат Сматқызы 14 жасынан бері дәрігерлердің бақылауында. Қызды ентігу, жүрек соғысының жиілеуі, әлсіздік және бас айналу мазалайды. Бұған дейін ол Астанада квота бойынша ота жасатқан болатын. Бұл жолы кардиологтар Перизатқа күрделі тахикардия диагнозын қойып, Емдеуге жатқызу бюросы порталы арқылы CARTO атты үшөлшемді электроанатомиялық карта жасау жүйесі арқылы диагностика мен емделуге Алматыға жолдады.<blockquote>«Бұл әдіс жүректің анатомиялық құрылымын үш өлшемде көруге және тахикардия ошақтарын нақты анықтап, оларды жоюға мүмкіндік береді. Мен МӘМС жүйесінде сақтандырылғанмын, жұмыс істеймін. Барлық медициналық қызметтерді тегін аламын. Жалпы, медсақтандырудың арқасында емделуге үлкен көмек алдым», – деді Перизат.</blockquote>Алматылық кардиохирургтар жүрекке катетерлік абляция жасау әдісін қолданды: катетер қан тамыры арқылы жүректегі аритмия көзіне жеткізіледі және бұзылған ырғақ көзі радиожиілік импульсінің көмегімен жойылады.<blockquote>«МӘМС жүйес озық технологияларға қол жеткізу ғана емес, сонымен қатар медициналық ұйымдар арасында бәсекелестіктің артуына ықпал етуде. «Қаражат пациентпен бірге жүреді» қағидаты оң нәтижесін беруде», – деді А.Н. Сызғанов атындағы Ұлттық ғылыми хирургия орталығы бөлімінің меңгерушісі Әділ Баимбетов.</blockquote><img src="https://knadmin.beoblood.kz/uploads/osms_d38e845988.jpg" alt="осмс.jpg">

Медицина мамандары шеберлік сабақтарын өткізді

<a href="https://kyzylorda-news.kz/">Kyzylorda-news.kz</a> Аймақ басшысы Нұрлыбек Машбекұлының тапсырмасына сәйкес, облыс әкімінің орынбасары, аппарат басшысы, қала әкімі Қызылорда қаласындағы құрылыс нысандарын аралады. Мәслихат төрағасы да нысандардағы жұмыс барысын көріп шықты.&nbsp;Алдымен физика-математика мектеп-интернатына барды. Мұнда ішкі әрлеу жұмыстары бітуге жақын. Қазіргі таңда техникамен жабдықталып, аумағы абаттандырылуда. Құрылыс басында 150 жұмысшы және 20 арнайы техника жұмылдырылған.Одан кейін Сырдария өзенінің сол жағалауындағы тарихи-мәдени мұра орталығының құрылысын көрді. Нысанда жер қазу, іргетас құю, кірпіш қалау, шатыр жабыны толық аяқталған. Ішкі және сыртқы әрлеу, инженерлік жүйелерді және техникалық жабдықтарды орнату кестеге сәйкес орындалуда.Әрі қарай музыкалық колледждің құрылыс алаңындағы жұмыс қарқынын бағамдады. Бүгінде жер жұмыстары, іргетас құю, кірпіш қалау бітіп, витраж орнатылған, су, кәріз, газ, электр желілерімен қамтамасыз етілуде.<img src="https://knadmin.beoblood.kz/uploads/rylys_nysandarynda_y_zh_mystar_aya_talu_a_zha_yn_885593d087.jpg" alt="Құрылыс нысандарындағы жұмыстар аяқталуға жақын.jpg">Фото: Қызылорда облысы әкімінің баспасөз қызметі

Архив