<a href="https://kyzylorda-news.kz/">Kyzylorda-news.kz</a> Жыл бойы тіршілік ететін, көктем келісімен белсенділігі артатын кене далалық аймақта жұмыс істейтін, мал, егін шаруашылығымен айналысатын адамдарға қауіп тудырады.Аймақта Конго-Қырым геморрагиялық қызбасының алдын алудың санитариялық-профилактикалық іс-шараларын ұйымдастыру туралы облыс әкімінің қаулысы ақпан айында қабылданып, дайындық шаралары наурыз айынан бері жүргізіліп келеді.Аурудың алдын алудағы тиімді шаралардың бірі – кенеге қарсы залалсыздандыру. Былтыр облыстағы 115 елді мекен қолайсыз деп танылған, биыл олардың саны азайып, 111 болды. Қажетті қаржы бөлініп, қолайсыз елді мекендерде кенеге қарсы өңдеу шаралары екі кезеңде жүзеге асырылуда.Облыстық ветеринария басқармасының мәліметіне сәйкес, қолайсыз елді мекендерде 622 016 бас мал және 2 567 257 шаршы метр 33 926 қора, аумағы 557 217 шаршы метр 1 329 суат пен шаңлақ бар.Көктемгі заласыздандыру жұмыстарының І және ІІ кезеңі 9 сәуір мен 14 маусым аралығында жүргізіледі.Конго-Қырым геморрагиялық қызбасында тұмау, жедел ішек, тағамнан улану ауруларына тән белгілер болады, яғни дене қызуының күрт көтерілуі, әлсіздік, тамаққа тәбеттің жоғалуы, құсу, жүрек айну, бұлшық еттің ауырсынуы, бүйрек тұсының, бас пен іштің ауруы байқалады. Осы белгілер пайда болған жағдайда адам шұғыл түрде медициналық көмекке жүгінбесе, асқынып кетуі мүмкін. Дер кезінде ем қабылдаса аса қауіпті аурудан толық сауығуға болады.Кенеге қарсы өңдеу шараларының тиімділігін арттыру үшін тұрғындар қора-қопсының, ауланың тазалығын қатаң сақтауы қажет.<img src="https://knadmin.beoblood.kz/uploads/Zalalsyndandyru_2_63ff1cfe13.jpg" alt="Залалсындандыру 2.jpg">Фото: Қызылорда облысы әкімінің баспасөз қызметі

Кенеге қарсы өңдеу шаралары жүргізілуде

<a href="https://kyzylorda-news.kz/">Kyzylorda-news.kz</a> Нартай Бекежанов атындағы облыстық қазақ академиялық музыкалық драма театрының 70 жылдық мерейтойына орай, КСРО Халық әртісі Сәбира Майқанова атындағы «Сырдың Сәбирасы – І» халықаралық театрлар фестивалінің салтанатты ашылуы өтті. Оған Қазақстанның Еңбек Ері, Халық әртісі Асанәлі Әшімов, Қазақстанның Халық әртісі, Театр қайраткерлері одағының төрағасы, режиссер, педагог Тұңғышбай Жаманқұлов арнайы келіп қатысты.&nbsp;<img src="https://knadmin.beoblood.kz/uploads/Teatrlar_festivali_3_5e026b056c.jpg" alt="Театрлар фестивалі 3.jpg">Салтанатты рәсімде аймақ басшысы Нұрлыбек Нәлібаев құттықтау сөз сөйлеп, мәдениет және руханият саласында атқарылған жұмыстарға тоқталып өтті.<blockquote>«Президентіміз Қасым-Жомарт Кемелұлы «Еліміздің рухани дамуы ұлттық рухқа тікелей байланысты. Сол себепті азаматтарымыздың рухы әрқашан биік болуы үшін мәдениетімізге, руханиятымызға баса мән беруіміз қажет», – деген болатын. Өткен жылы өңірімізде жарияланған «Руханият жылы» аясында барлық 7 ауданда құны 11 млрд. 500 млн. теңге болатын, ішінде неке қию залы, кітапхана, музей, архив, жастар сарайы, ардагерлер мен аналар үйі бар «Руханият орталықтары» салынып, ел игілігіне қызмет етуде. «Анаға тағзым», «Отбасы орталығы», көпфункционалды 1000 орындық «Өнер орталығы» салынып, пайдалануға берілді. Облыс орталығында «Шығармашылық академиясы», «Саутс Ойл» компаниясының демеушілігімен музыкалық колледждің жаңа ғимараты, тарихи-өлкетану музейі салынуда. Аталған нысандар жақын күндері іске қосылмақ. Тарихтан белгілі, 1925 жылы Қызылорда қаласында тұңғыш кәсіби ұлт театры ұйымдастырылды. 1926 жылы 13 қаңтарда Мұхтар Әуезовтің «Еңлік-Кебек» пьесасы тұңғыш рет сахналанып, халық өнерпаздарының концертімен театр шымылдығы ашылды. Сырбойылықтар ұлт театрының іргетасы Қызылордада қаланғанын әрдайым мақтан етеді. Сыр өнерінің қарашаңырағы – Нартай Бекежанов атындағы облыстық қазақ драма театры 1955 жылы Талдықорған қаласында құрылып, 1960 жылы Қызылорда қаласына көшірілді. Театрға 1997 жылы музыкалық, 2019 жылы академиялық мәртебе берілді. Бүгінгі 70 жылдық мереке мен өнер тойы құтты болсын! Егемен еліміздің еңсесі биік, тұғыры нық болғай!» – деді Нұрлыбек Машбекұлы.</blockquote><img src="https://knadmin.beoblood.kz/uploads/Teatrlar_festivali_5_1e6dee176f.jpg" alt="Театрлар фестивалі 5.jpg">Іс-шарада аймақтың мәдениет саласына елеулі үлес қосқан сала мамандары марапатталды. Асанәлі Әшімов жылы лебізін білдіріп, Тұңғышбай Жаманқұлов Қазақстан театр қайраткерлері одағының «Дара» медалін табыстады. Рәсімде фестиваль қонағы Сәбира Майқанованың кызы Гүлдәр Әбділқызына құрмет көрсетілді. &nbsp;Сондай-ақ, Қазақстанның еңбек сіңірген әртісі, “Құрмет” орденінің иегері, Қызылорда қаласының құрметті азаматы Бақытбек Алпысбаевқа “Парасат” ордені табысталды.<img src="https://knadmin.beoblood.kz/uploads/Teatrlar_festivali_2_8a4f3241f2.jpg" alt="Театрлар фестивалі 2.jpg">Фестиваль 25–30 сәуір аралығында өтеді. Шараға Грузия, Румыния, Қырғызстан мемлекеттерінен келген театр ұжымдарымен қатар, Жезқазған, Семей, Ақтөбе, Атырау, Талдықорған, Қостанай және Алматы облыстарының театрлары қатысады.Бағдарламада Островский, Шекспир, Маркес, Айтматов сынды әлем және түркі әдебиетінің классиктерінің туындылары, сондай-ақ қазіргі қазақ драматургиясының үздік шығармалары көрерменге ұсынылады. Театрсүйер қауым драма, трагедия, комедия, перформанс және эксперименталды қойылымдарды тамашалай алады.<img src="https://knadmin.beoblood.kz/uploads/Teatr_festivali_ff9a2b3406.jpg" alt="Театр фестивалі.jpg"><img src="https://knadmin.beoblood.kz/uploads/Teatrlar_festivali_6_8947dfc148.jpg" alt="Театрлар фестивалі 6.jpg"><img src="https://knadmin.beoblood.kz/uploads/Teatrlar_festivali_e0364152fe.jpg" alt="Театрлар фестивалі.jpg">Фото: Қызылорда облысы әкімінің баспасөз қызметі

Архив

Кенеге қарсы өңдеу шаралары жүргізілуде

Халықаралық театрлар фестивалінің ашылу салтанаты өтті