<a href="https://kyzylorda-news.kz/">Kyzylorda-news.kz</a> Бүгін - дүниежүзілік су ресурстары күні. Бұл Біріккен Ұлттар Ұйымының жыл сайын 22 наурызда аталып өтетін су үнемдеудің маңызы жөніндегі іс-шарасы, – деп хабарлайды <a href="https://kaz.inform.kz/news/bugn-duniezhuzlk-su-resurstari-kun-ecde75/">Қазақпарат.</a>Су ресурстарын сақтау және оған ұқыпты қарау – әр қазақстандықтың борышы.Су - бұл ел экономикасының қозғаушы күші ғана емес, сонымен қатар экожүйенің маңызды элементі, адамзат денсаулығы мен тіршілігінің негізгі көзі.Су ресурстары және ирригация министрлігі құрылғаннан бері су ресурстарын тиімді пайдалану және қоғамда су үнемдеу мәдениетін дамыту үшін су саласын трансформациялау бойынша жұмыс істеп келеді.&nbsp;Былтыр Су ресурстарын басқару жүйесін дамытудың 2024-2030 жылдарға арналған тұжырымдамасын іске асыру басталды. Түркістан облысында жаңадан 2 су қоймасы салынып жатыр. Ал жыл соңына дейін тағы 4 су қоймасының құрылысы және қолданыстағы 2 қойманы реконструкциялау басталады.<blockquote>Биыл біздің министрлік топтық су құбырларын салу бойынша 8 жобаны аяқтауға ниетті. Бұл 423 мың тұрғыны бар 153 елді мекенді сапалы ауызсумен қамтамасыз етуге мүмкіндік береді. 52 елді мекен орталықтандырылған сумен жабдықтау жүйесіне қосылады. Сондай-ақ, биыл 256 мың гектар жерді сумен қамтамасыз ету үшін 1953 шақырым суару каналын пайдалануға беруді жоспарлап отырмыз, - деді Су ресурстары және ирригация министрі Нұржан Нұржігітов.&nbsp;</blockquote>Бұл іс-шаралар су шығынын азайтуға және қосымша су көлемін жинауға мүмкіндік береді.Қазақстанның су ресурстарын қорғау мен үнемдеуге басымдық берілген жаңа Су кодексінің жобасы Парламентке енгізілді. Құжатта су объектілерін қорғауды күшейту және өнеркәсіпте суды қайта пайдалану және айналымды сумен жабдықтауды белсенді енгізу жөніндегі іс-шаралар көзделген.Былтыр еліміздің 158 мың гектар ауылшаруашылық алқабында жаңбырлатып және тамшылатып суару жүйелері, сондай-ақ лазерлік жоспарлау пайдаланылды, бұл 20-30%-ға дейін су үнемдеуге мүмкіндік берді. Су үнемдеу технологияларын енгізуді ынталандыру үшін мұндай жүйелерді пайдаланатын шаруалар үшін суармалы суға субсидия тарифке байланысты 85%-ға дейін өсті, - деді Нұржан Нұржігітов. Жерасты суларын зерттеу, игеру және қорғау үшін «Қазгидрогеология» ұлттық гидрогеологиялық қызметі құрылды.Ірі су айдындарын сақтау бойынша да іс-шаралар қабылдануда. Мысалы, Франциямен Балқаш көлі бассейніне зерттеу жүргізу туралы келісімге қол жеткізілді. Ал Дүниежүзілік банкпен бірлесіп Солтүстік Аралды сақтау жөніндегі жобаның екінші кезеңі әзірленіп жатыр.<blockquote>Цифрландыру және автоматтандыру есебінен су есебін жақсарту жоспарланып отыр. Қызылорда облысында су бекеттерін реконструкциялау және жалпы ұзындығы 232 шақырым бес арнада суды есепке алудың автоматтандырылған жүйесін орнату бойынша жоба іске асырылуда. Қызылорда облысының 16 магистральдық және шаруашылықаралық каналдарын автоматтандыру үшін жобалау-сметалық құжаттама әзірленуде. Түркістан облысында Қызылқұм магистральдық каналын автоматтандыру жоспарланып отыр, - Су ресурстары және ирригация министрі.</blockquote>Еліміздің бірқатар өңірінде жеке тұлғалар үшін ауызсуды тарифтеу қағидаттары қайта қаралды. Айына 3 текше метрден артық су тұтынған жағдайда қосымша су көлемі үшін тариф жоғарылайды. Бұл шара айына орта есеппен 1,65 млн текше метр су үнемдеуге мүмкіндік берді.Сонымен қатар, министрлік 2024-2026 жылдарға арналған су үнемдеудің жол картасын әзірледі. Құжат су заңнамасын жетілдіру, су саласын цифрландыру, суды есепке алу және оны үнемдеудің заманауи технологияларын енгізу жөніндегі іс-шараларды көздейді. Сондай-ақ, тұрмыстық жағдайда су үнемдеу бойынша әдістемелік нұсқаулық әзірленді.<blockquote>Әрине, мұндай іс-шаралар қоғамда су тұтыну мәдениетін дамыту процесінің бөлігі болып табылады. Көп нәрсе сіз бен бізге байланысты. Күнделікті өмірде дұрыс және пайдалы әдет қалыптастыру, еліміздің су ресурстары үшін жауапкершілікті сезіну - болашақта су тапшылығын сезінбеуге септігін тигізетін маңызды қадам,&nbsp;- деді Су ресурстары және ирригация министрі Нұржан Нұржігітов.</blockquote>Фото: Су ресурстары және ирригация министрлігі

Бүгін - дүниежүзілік су ресурстары күні

<a href="https://kyzylorda-news.kz/">Kyzylorda-news.kz</a> <a href="https://happiness-report.s3.us-east-1.amazonaws.com/2025/WHR+25.pdf">World Happiness Report</a> рейтингінде Қазақстан тұрғындарының бақыт деңгейі бойынша үздік 50 елдің қатарына сенімді түрде енді. Бұл туралы <a href="https://stan.kz/kazakstan-alemdegi-50-bakitti-eldin-katarina-kirdi-415443/">Stan.kz </a>ақпарат агенттігі хабарлайды..Рейтингтің бірінші орнын қатарынан сегізінші рет Финляндия иеленді. Сонымен қатар&nbsp;Дания, Исландия, Швеция және Нидерланды үздік бестіктен орын алды.Бақыт деңгейі бойынша алғашқы 20 елдің қатарына Коста-Рика, Норвегия, Израиль, Люксембург, Мексика, Австралия, Жаңа Зеландия, Швейцария, Бельгия, Ирландия, Литва, Аустрия, Канада, Словения және Чехия кірді.Қазақстан 43-орынға жайғасты, осылайша Ресейді, Қырғызстанды, Тәжікстанды, Арменияны, Грузияны және Әзірбайжанды артта қалдырды. Украина 111-орынға ие болды.Ең бақытсыз ел ретінде тағы да Ауғанстан аталды. Одан кейінгі орындарға Сьерра-Леоне мен Ливан жайғасты.Бұл рейтинг алты негізгі көрсеткішке негізделіп жасалды:<ul><li style="text-align:justify;">Жан басына шаққандағы ЖІӨ (ІЖӨ);</li><li style="text-align:justify;">Өмір сүру ұзақтығы;</li><li style="text-align:justify;">Жомарттық деңгейі;</li><li style="text-align:justify;">Әлеуметтік қолдау;</li><li style="text-align:justify;">Еркіндік;</li><li style="text-align:justify;">Маңызды өмірлік шешімдерді қабылдаудағы сыбайлас жемқорлықтың әсері.</li></ul>Сонымен қатар ТМД елдерінен бірде-бір қала әлемнің үздік гастрономиялық қалаларының қатарына енген жоқ.Фото: freepik.com

Қазақстан әлемдегі 50 бақытты елдің қатарына кірді

<a href="https://kyzylorda-news.kz/">Kyzylorda-news.kz</a> Қазақстандық шеберлер небәрі бір сағат ішінде 500 дәстүрлі тақия тігіп, Қазақстанның рекордтар кітабына енді. Бұл туралы <a href="https://stan.kz/1-sagatta-500-takiya-kazakstandik-kolonershiler-zhana-r-415447/">Stan.kz</a> ақпарат агенттігі 24.kz арнасына сілтеме жасап хабарлайды.Мәліметтерге сенсек, әр өңірден келген 100 қолөнер шебері қатысқан бұл перформанста ең жас ісмер небәрі 9 жаста болды.Бұл тігін саласындағы алғашқы рекорд емес. Өткен жылдың қыркүйегінде V Дүниежүзілік көшпенділер ойындары аясында 450 шебер 11 мың шаршы метрден асатын құрақ көрпе тігіп, әлемдік рекорд орнатқан еді.Қазақстан рекордтар кітабының ресми өкілі Қуаныш Құдайбергенов бұл жетістіктің маңыздылығын атап өтті.<blockquote>"500 тақия тігу – үлкен көрсеткіш. Бірақ басты қиындық – шектеулі уақыт. Қолөнершілер тек жылдамдықты ғана емес, тігіннің барлық техникалық талаптарын да сақтауы керек болды. Бұл коммерциялық емес, әлеуметтік жоба. Сондықтан біз мұндай бастамаларды әрдайым қолдаймыз", –&nbsp;деді Қуаныш Құдайбергенов.</blockquote>Рекорд елордадағы "Конгресс-орталықта" орнатылды. Сонымен қатар шара аясында ұлттық сән көрсетілімі, этникалық әшекейлер, киімдер мен суреттер көрмесі ұйымдастырылды.Фото: видеодан скрин

1 сағатта 500 тақия: Қазақстандық қолөнершілер жаңа рекорд орнатты

<a href="https://kyzylorda-news.kz/">Kyzylorda-news.kz</a> «Қазгидромет» РМК 23 наурызда еліміздің 15 өңірі мен Астанада жауын-шашын, тұман, көктайғақ болатынын ескертті, – деп хабарлайды<a href="https://kaz.inform.kz/news/kar-zhauin-shashin-elmzdn-15-onr-men-astanada-dauildi-eskertu-zhariyalandi-859474/"> Қазақпарат.</a>Ал, Қызылорда облысының шығысында түнде және таңертең тұман түседі. Солтүстік-шығыстан жел соғады, желдің орташа жылдамдығы – 15-20 м/с.Фото: Нұрболат Нұржаубай

Қазгидромет ескерту жариялады

<a href="https://kyzylorda-news.kz/">Kyzylorda-news.kz</a> Шиелі ауданы М.Шоқай атындағы орталық алаңында Ұлыстың ұлы күні Наурыз мейрамына орай аудан көркемөнерпаздарының концерттік бағдарамасы көрермен назарына ұсынылды.Наурыз мерекесі халқымыздың мәдениеті мен ізгі дәстүрлерінің ұлылығын айшықтайтын айрықша мейрам. Бұл табиғат қана емес, адамзаттың өзі де сергіп, жаңаратын жаңа күннің бастауы!Баршаңызды Ұлыстың Ұлы күні - Наурыз мейрамымен шын жүректен құттықтаймыз! Халқымыздың ежелден тойлап келе жатқан төл мерекесі - жылдың басы, күн мен түннің теңеліп, көктемнің басталуы. Отбасыларыңызға амандық, құт-береке, бақыт тілейміз! Ақ мол, жыл ырысты болсын!<img src="https://knadmin.beoblood.kz/uploads/Shieli_Nauryz_f788d566fc.jpg" alt="Шиелі Наурыз.jpg">Фото: Шиелі ауданы әкімдігінің баспасөз қызметі.

Шиелі жұрты әз-наурыз мерекесін тойлады

<a href="https://kyzylorda-news.kz/">Kyzylorda-news.kz</a> Жаңа бастамаларға жетелейтін бұл күн табиғаттың жаңаруы мен тазаруының нышаны.Бүгін Қазақстанның барлық өңірінде экологиялық акциялар өткізіліп, аумақтар тазартылады, ағаш егіледі. Сонымен қатар, бұл күн табиғат пен адамның біртұтас, туған жеріміздің тазалығы біздің қолымызда екенін еске салады.

Бүгін – Тазару күні

<a href="https://kyzylorda-news.kz/">Kyzylorda-news.kz</a> Елге барса үлкенге сәлем бере кететін қазақтың дәстүрлі жолымен аудан әкімі Аманжол Оңғарбаев Сексеуіл кентіне барған сапарында кент тұрғыны, темір жол саласының ардагері, 86 жастағы Орынбай Оразаев ақсақалдың шаңырағына барып, қазыналы қарияны мерекесімен құттықтады.Аймақ басшысы Нұрлыбек Нәлібаевтың арнайы сәлемін ала келген аудан әкімі Аманжол Сақыпұлы ардагерге облыс әкімінің мерекелік Алғыс хатын табыс етіп, арнайы сый-сияпат жасады.Болат жол бойындағы жұмыстың маңызды бөлігіне айналған желілік электр тарату торабында ұзақ жыл еңбек еткен Орынбай ақсақал бүгінде ауылдың қазына кеуде, шежіре сандық қарияларының қатарында.Ұл-қыз өсіріп, өріс кеңейткен өнегелі әулеттің алып шынарына айналған ақсақал шаңыраққа арнайы келген ел азаматтарына ризашылығын білдіріп, батасын берді.Фото: Арал ауданы әкімінің баспасөз қызметі

Қазыналы қарияға құрмет көрсетті

<a href="https://kyzylorda-news.kz/">Kyzylorda-news.kz</a> Ұлыстың ұлы күні, әз-Наурыз биыл Арал ауданында да Наурызнама онкүндігіне сәйкес жоғары деңгейде өтіп жатыр.Әр күні шуақты шарамен көмкеріліп, әр түнінде әуелей ән қалықтаған Арал қаласының орталық алаңында бүгін де ауқымды шара ұйымдастырылды.22 наурыз – Жыл басы күніне сәйкес қаз-қатар тігілген ақшаңқан үйлердің алдында ұлттық рухты оятып, мәдени мұраларды жаңғыртқан түрлі танымдық шаралар өтті. Сонымен қатар бұл күнді ауданға қарасты барлық ауылдағы ағайын да айрықша көңіл-күймен қарсы алып, мерекенің мәнін аша түсті.Тоғыз күн бойы тойланған мерекенің бүгінгі күнінде әр өнер ұжымы дәстүрді ерекше дәріптеп, бабадан қалған құнды жәдігерлерді жаңғырта түсті. Бұл күні сонымен қатар кондитерлік және тұрмыстық тұтыну өнімдерінің көрмесі өтсе, халқымыздың ежелгі тұрмыс салтынан сыр шертетін мұражай да келушілерге есігін айқара ашты.Наурыз – бұл тек көктемнің келуі ғана емес, сонымен қатар жаңа өмірдің, жаңа үміттің, ізгілік пен ынтымақтың, береке мен бірліктің символы. Осы күні тілегі бір ағайын жылы шыраймен қауышып, жаңа күннің нұрына бөленді. Халқымыздың ұлттық дәмі саналған наурыз көже дайындалып, кең дастарқан басында жүздескен жұрт бір-біріне жақсылық тілесті. Әсем ән қалықтап, домбыраның қос ішегінен күмбірлеп күй төгілді.Күні бойы өткен шаралар мұнымен толастамай, кешке елімізге белгілі өнер жұлдыздарының қатысуымен гала концерт өтті. Кешкілік шараға қатысқан аудан әкімі Аманжол Оңғарбаев аудан тұрғындарын Наурыз мерекесімен құттықтады.<blockquote>– Құрметті аралдықтар, қадірменді жерлестер! 22 наурыз – Ұлыстың Ұлы күнімен баршаңызды құттықтаймын! Тамыры тереңнен тін тартқан бұл мереке – жаңашылдық пен жасампаздықтың, жылылық пен мөлдір мейірімнің жаршысы. Шуағын шашқан көктемнің нұрлы шапағаты Наурызбен бірге тіршілікке шаттық сыйлайды. Қыстың қаhары қайтып, дүние жаңарып, құлпырады. Бабалар дәстүрі жаңарып, бірлігі мен ынтымағы жарасқан елімізді ерен еңбекке, баянды болашаққа үлкен сеніммен жетелейді. Бұл күні мыңжылдықтардан мұра болып келе жатқан бабалар дәстүрі қайта жаңғырып, ұлттық құндылықтар халықтық деңгейде дәріптеліп жатыр. Қайырымдылық пен имандылықтың, бірлік пен достықтың бастауы – әз-Наурыз мерекесінде баршаңызға зор денсаулық, отбасыларыңызға баянды бақыт, береке-бірлік тілеймін! Әз-Наурыз әр жанұяға жақсылығын сыйлап, лайым бірлігіміз бен берекеміз арта берсін деген тілек білдіремін, – деген аудан әкімі Аманжол Сақыпұлы Наурызнама онкүндігі аясында өткен шараларға тоқталып, елге ән-жыр арнай келген өнер илеріне Алғыс білдірді.</blockquote>Аудан тұрғындарына ерекеше көңіл-күй сыйлаған ерекше кеште Қазақстанға белгілі әнші, сазгер Лена Әбдіхалықова, «Тұран» тобы, Әлішер мен Арай жұлдызды жұбы және аудан өнерпаздары ән-жырдан шашу шашты.Осылайша Науырызнама онкүндігіне сай өткен Жыл басы күні аудан халқы үшін ерекше естеліктермен, жайдары көңілмен түйінделді.<img src="https://knadmin.beoblood.kz/uploads/Aral_audany_nauryz_109e3ec378.jpg" alt="Арал ауданы наурыз.jpg"><img src="https://knadmin.beoblood.kz/uploads/Aral_nauryz_merekesi_c145cc78ff.jpg" alt="Арал наурыз мерекесі.jpg">Фото: Арал аудан әкімінің баспасөз қызметі

Архив